ដោយៈ សហការី
ភ្នំពេញៈ ក្រុមហ៊ុនអចលនទ្រព្យជាច្រើនបានបង្កើតឡើង និងរីកចម្រើន និងខ្លះទៀតប្រឈមនឹងបញ្ហាជាច្រើន ប៉ុន្តែក្រុមហ៊ុនKey Real Estateបានទទួលនូវភាពរីកចម្រើន ដែលអាចពង្រីកទាំងសេវាកម្ម ធនធានមនុស្ស និងបានក្លាយជាក្រុមហ៊ុនអភិវឌ្ឃន៍អចលនទ្រព្យផងដែរ។
លោកKevin Lim ក្រុមហ៊ុនKey Real Estateបានពង្រីកខ្លួនទាំងសេវាកម្មនិងឥទ្ឋិពលក្នុងទីផ្សារ
ថ្ងៃនេះពីគេហទំព័រPropertyarea.asia បានជួបជជែកតាមបណ្តាញតេឡេក្រាមជាមួយលោកKevin Limប្រធានក្រុមប្រឹក្សាភិបាលនៃក្រុមហ៊ុនKey ពិភាក្សាពីការវិវត្តមួយចំនួនរបស់ក្រុមហ៊ុននេះ។
តើក្រុមហ៊ុនKey Real Estateបានបើកដំណើរការពីឆ្នាំណា?
ក្រុមហ៊ុន Key Real Estate Co.,Ltd (ឃី) ជាក្រុមហ៊ុនផ្តល់នូវ
គ្រប់សេវាកម្មអចលនទ្រព្យ និងទទួលបានអាជ្ញាប័ណ្ណពីក្រសួងពាក់ព័ន្ធតាំងពីឆ្នាំ២០១០។ ក្រុមហ៊ុនបានចាប់ផ្តើមសេវាអាជីវកម្មដំបូង ដែលមានការិយាល័យកណ្តាលនៅរាជធានីភ្នំពេញ។
មានសេវាកម្មអ្វីខ្លះ? ទទួលបានជោគជ័យយ៉ាងដូចម្តេច?
ក្រុមហ៊ុន ឃី មានសេវាកម្មជាចំបង លើផ្នែកវាយតម្លៃអចលនទ្រព្យ ដែលសហការ ជាមួយដៃគូគ្រឹះស្ថានហិរញ្ញវត្ថុជាច្រើន ដូចជាធនាគារ និង គ្រឹះស្ថានមីក្រូហិរញ្ញវត្ថុ ដោយមានការគាំទ្រពីអតិថិជនជាតិ និងអន្តរជាតិ។ ក្រុមហ៊ុនក៏បានបង្កើតសេវាផ្សេងៗទៀតដូចជា
- វាយតម្លៃ ទ្រព្យសកម្ម គ្រឿងចាក់ និងម៉ាស៊ីន ដែលសហការ
ជាមួយក្រុមហ៊ុនក្រៅស្រុក (ប្រទេសសាំងហ្គាពួរ)។
- ទិញ/លក់ ជួល អចលនទ្រព្យ
- ស្រាវជ្រាវ និងប្រឹក្សាយោបល់ (ផ្នែកអចលនទ្រព្យ និងហិរញ្ញប្បទានជាមួយធនាគារដៃគូ)
- គ្រប់គ្រងអចលនទ្រព្យ
- អភិវឌ្ឍន៏គម្រោង និង
- សម្របសម្រួលដល់អតិថិជនលើសេវាផ្ទេរឈ្មោះ និងប្លង់កម្មសិទ្ធិនានា។
តើរហូតមកទល់ពេលនេះ ក្រុមហ៊ុនកំពុងរីកចម្រើនដូចម្តេច?
ក្រុមហ៊ុនចាប់ផ្តើមដំបូងពីទ្រង់ទ្រាយតូចដែលមាន បុគ្គលិកតែ ពីរ បី
នាក់ប៉ុណ្ណោះ ដោយមានការចូលរូមយ៉ាងសំខាន់ ពីស្ថាបនិក ថ្នាក់ដឹកនាំ និងបុគ្គលិកជំនាញ ដែលមានចំនេះដឹងផ្នែកអចលនទ្រព្យ ក្រមសីលធម៌វិជ្ជាជីវៈ និងការគាំទ្រជាពិសេសពីអតិថិជន (ឃី) បានពង្រីកវិសាលភាពប្រតិបត្តិការសេវាកម្មវាយតម្លៃ ទៅកាន់បណ្តាលខេត្តនានាទូទាំងប្រទេស ក្នុងពេលជាមួយគ្នាផងដែរ ក្រុមហ៊ុនក៏បានបន្ថែមសេវាកម្ម និងចំនួនបុគ្គលិកជាបន្តបន្ទាប់ ទៅតាមតំរូវការទីផ្សារ និងផ្តល់ឳកាសការងារដល់សិស្សនិស្សិត បានចូលរូម និងហ្វឹកហាត់ការងារជាមួយយើង ដើម្បីទទួលបានបទពិសោធន៍ថ្មីៗ។
នៅឆ្នាំ២០១៤ ក្រុមហ៊ុនឃី ជាក្រុមហ៊ុនមួយក្នុងចំណោមក្រុមហ៊ុននាំមុខគេក្នុងស្រុក បានទិញធានារ៉ាប់រងជំនាញវិជ្ជាជីវៈ ដែលជាផ្នែកមួយចូលរូមបង្កើនទំនុកចិត្តបន្ថែមដល់អតិថិជន ក៏ដូចជាដៃគូសហការរបស់យើង។ ព្រមទាំងបានបន្ថែមសេវាកម្ម ជាភា្នក់ងារអចលនទ្រព្យ ធ្វើទីផ្សារ គ្រប់គ្រប់អចលនទ្រព្យ សិក្សាស្រាវជ្រាវ និងប្រឹក្សាយោបល់។
ឆ្លងកាត់ប្រតិបត្តិការជាច្រើនឆ្នាំ គុណភាពស្តង់ដាជំនាញ បទពិសោធន៍ការងារ ការជួយជ្រោមជ្រែកពីថ្នាក់ដឹកនាំ និងការខិតខំប្រឹងប្រែងរបស់បុគ្គលិក ព្រមទាំងទំនុកចិត្តពីអតិថិជន បានធ្វើអោយក្រុមហ៊ុនឃី ទទួលនូវពានរង្វាន់ ជាក្រុមហ៊ុនវាយតម្លៃអចលនទ្រព្យឆ្នើម ប្រចាំប្រទេសក្នុងឆ្នាំ២០១៨ ។
ថ្វីតែ ២ឆ្នាំចុងក្រោយនេះ មានការរីករាលដាននៃជំងឺកូវិត១៩ ជាស
កល ដែលធ្វើអោយក្រុមហ៊ុនក្នុងស្រុក ក៏ដូចជា ក្រុមហ៊ុនអន្តរជាតិជាច្រើនជួបវិបត្តិ។ ក្រុមហ៊ុនឃីបានពុះពារ រក្សាបានលំនឹងអាជីវកម្ម និងប្រតិបត្តិរបស់ខ្លួនដើម្បីត្រៀមខ្លូនចាប់យកឳកាសថ្មី។
តើក្រុមហ៊ុនឈរលើមូលដ្ឋានបែបណា ដើម្បីពង្រីកការរីកចម្រើន និងឈរជើងនៅក្នុងទីផ្សារ?
ដោយឈរលើមូលដ្ឋានជំនាញ ចំណេះដឹងទីផ្សារក្នុងស្រុក ក្រមសីលធម៌វិជ្ជាជីវៈ តម្លាភាព បទពិសោធន៍ជាង១០ឆ្នាំ ក្នុងវិស័យអចលនទ្រព្យ ទំនាក់ទំនងល្អជាមួយស្ថាប័ន រដ្ឋ និងឯកជន ក្រុមហ៊ុនឃី បានឈានមុខគេលើសេវាកម្មវាយតម្លៃអចលនទ្រព្យ ដែលអនុវត្តន៍ទ្រឹស្តីវាយតម្លៃស្តង់ដាអន្តរជាតិ តម្លៃសេវាសមរម្យស្រប ទៅតាមលក្ខខណ្ឌក្នុងស្រុក។
កត្តាទាំងនេះបានធ្វើអោយក្រុមហ៊ុន (ឃី) មានកេរិ៍្តឈ្មោះដែលទទួលស្គាល់ពីដៃគូធនាគារ និងអតិថិជនទូទៅ។ ទស្សនៈវិស័យរបស់ក្រុមហ៊ុនឃី គឺផ្តល់នូវសេវាកម្មរហ័ស មានទំនុកចិត្ត និងជាជំរើសដំបូងរបស់អតិថិជន ។
តើការចូលមកកាន់កម្ពុជា នូវក្រុមហ៊ុនអន្តរជាតិកាន់តែច្រើន បានធ្វើឲ្យទីផ្សារប្រកួតប្រជែងទេ?
ជាការពិត ការចូលមកកាន់កម្ពុជា នូវក្រុមហ៊ុនអន្តរជាតិកាន់តែច្រើន នឹងធ្វើអោយទីផ្សារមានការប្រកួតប្រជែងកាន់តែខ្លាំង។ ចំពោះក្រុមហ៊ុនឃី គឺផ្តោតសំខាន់ទៅលើការសហការ ជាជាងការប្រកួតប្រជែង ព្រោះការឈានចូលនៃក្រុមហ៊ុនបរទេស ក៏បាននាំមកនូវគំនិតច្នៃប្រឌិតថ្មី បច្ចេកវិជ្ជា បទពិសោធន៍ថ្មីៗ មកកាន់ប្រទេសយើងផងដែរ។
ក្នុងនាម ឃីជាក្រុមហ៊ុនដែលមានបទពិសោធន៍ច្រើន និងឈរជើងទីផ្សារក្នុងស្រុក មានជំនឿថាវាជាឳកាសល្អ ដែលយើងត្រូវពង្រឹងខ្លួនថែមមួយកំរិតទៀត។ ម្យ៉ាងទៀតច្បាប់វិនិយោគក្នុងកម្ពុជា បានអំណោយផលដល់វិនិយោគិន ក៏ដូចជាក្រុមហ៊ុនអន្តរជាតិចូលមក ដែលជាកត្តាល្អប្រសើរដើម្បីអភិវឌ្ឍន៍វិស័យអចលនទ្រព្យក្នុងប្រទេស៕
