ដោយវុត្ថា
ភ្នំពេញ៖ យោងតាមការចុះផ្សាយពីគេហទំព័រព័ត៌មាន juwai.com ដែលជាគេហទំព័រអចលនទ្រព្យមានមូលដ្ឋាននៅក្នុងសៀងហៃបានចុះផ្សាយថា លំហូវិនិយោគអចលនទ្រព្យរបស់ប្រទេសចិន ទៅកាន់ប្រទេសម៉ាឡេស៊ី កើនឡើងខ្លាំងរហូតដល់២,៣ពាន់លានដុល្លារក្នុងឆ្នាំ២០១៧ ក្នុងនោះអតិថិជនជាជនជាតិចិនបានចំណាយលុយទិញលំនៅដ្ឋានកើនឡើងរហូតដល់២ពាន់លានដុល្លារ និងមួយចំណែកទៀតបានវិនិយោគទៅលើវិស័យអចលនទ្រព្យ។
សារព័ត៌មានដដែលនេះបានបន្តទៀថា ចំនួនដ៏ច្រើនលើសលប់នេះ បានធ្វើអោយប្រទេសម៉ាឡេស៊ី ឈរនៅលំដាប់លេខរៀងទី៤ក្នុងពិភពលោក ដែលមានជនជាតិចិនិវិនិយោគលើលំនៅដ្ឋានច្រើនជាងគេ ហើយប្រទេសដែលឈរលំដាប់រៀងទី១គឺប្រទេសអាមេរិកដែលមានទំហំទឹកប្រាក់ចំនួន៣០,៤ ពាន់លានដុល្លារ លេខរៀងទី២ទីក្រុងហុងកុង មានទំហំទឹកប្រាក់ចំនួន១៦,២ពាន់លានដុល្លារ និងលេងរៀងទី៣ ប្រទេសអូស្រ្តាលី មានទំហំទឹកប្រាក់១៤,១ពាន់លានដុល្លារ។
-->
មិនត្រឹមតែប៉ុណ្ណោះ ប្រទេសដែលទាក់ទាញ ការទិញលំនៅដ្ឋានពីជនជាតិចិនកាលពីឆ្នាំ២០១៧ គឺស្ថិតក្នុងចំណោមបណ្តាប្រទេសនៅតំបន់អាស៊ី និងឈរលេខរៀងបន្ទាប់ពីជនជាតិអាមេរិក អូស្ត្រាលី និងថៃជាដើម។
យោងតាមការប៉ាន់ប្រមាណរបស់គេហទំព័រ Juwai.comបានឱ្យដឹងថា ការវិនិយោគទុនរបស់ចិន ទាំងនៅវិស័យអចលនទ្រព្យ និងពាណិជ្ជកម្មមានចំនួន១១៩,៧ពាន់លានដុល្លារនៅក្នុងឆ្នាំ ២០១៧ កើនឡើង១៦,១ភាគរយ ពី១១០,១ពាន់លានដុល្លារក្នុងឆ្នាំ ២០១៦។
ចំនួននេះមិនរាប់បញ្ចូលបណ្តាប្រទេស ដែលបានបង្ហាញតែនៅក្នុងរបាយការណ៍ខណៈឆ្នាំនេះ ការវិនិយោគអចលនទ្រព្យសកលលោក បានកើនឡើងដល់១០៧,៧ពាន់លានដុល្លារនៅឆ្នាំ២០១៧ពោលគឺកើនឡើង៦,២ ភាគរយធៀបនឹងឆ្នាំមុន។
គេហទំព័រJuwai.com បានព្យាករណ៍ថា ការវិនិយោគអចលនទ្រព្យនៅក្រៅប្រទេសរបស់ចិន នឹងបញ្ចប់នៅឆ្នាំ២០១៨នេះ ក្នុងចន្លោះរវាង១២៣,៣ពាន់លានដុល្លារ រហូតដល់ ១២៩,៩ពាន់លានដុល្លារ ឬកម្រិតពី៣ ទៅ៨ភាគរយលើសឆ្នាំ២០១៧។
វិនិយោគិនចិន បានទិញអចលនទ្រព្យបរទេស ដែលមានតម្លៃច្រើនជាង៤៣០ ពាន់លានដុល្លារចាប់តាំងពីឆ្នាំ២០១០៕
