យោងតាមការចុះផ្សាយ ពីកាសែតបាងកកប៉ុស្ដិ៍ ដោយបានដកស្រង់របាយការណ៍របស់ក្រុមហ៊ុន Grown Property Bureau បានឱ្យដឹងថា តម្រូវការខុនដូរប្រណិតនៅទីក្រុងបាងកក ដែលជាតំបន់មានសេដ្ឋកិច្ចខ្លាំង នៅតែមានទីផ្សារខ្ពស់ ជាមួយនឹងតម្រូវការខ្លាំងដដែល
ដោយសារតែមានការសម្រេចទិញខុនដូរកាន់តែច្រើន ពីប្រជាពលរដ្ឋ បន្ទាប់ពីគម្រោងនៃការសាងសង់បានបញ្ចប់។
លោក Serbpong Kiattvisanchai នាយកអភិវឌ្ឍន៍គម្រោងរបស់ក្រុមហ៊ុន Siam Sindhorn Co បាននិយាយថា អ្នកទិញខុនដូរប្រណិតមិនងាយងាកចេញពីការទិញឡើយ នៅពេលដែលឃើញខុនដូរដែលជាតម្រូវការរបស់ខ្លួន។
លោកបន្តថា “តែយ៉ាងណាក៏ដោយ អ្នកទិញមួយចំនួននៅក្នុងផ្នែកនេះបានផ្លាស់ប្តូរយ៉ាងឆាប់រហ័សដោយសារតែតម្លៃដីឡើងថ្លៃនៅតាមតំបន់ពាណិជ្ជកម្មរីកចម្រើន ដែលជំរុញឱ្យតម្លៃលំនៅឋានកើនឡើង” ។
កាលពីសប្តាហ៍មុននេះ ក្រុមហ៊ុន Siam Sindhorn បានសម្ពោធ គម្រោងខុនដូររបស់ខ្លួន ឈ្មោះថា Sindhorn Tonson ដែលមានកំពស់ ១៧ ស្ថិតនៅទំហំដី ១.៥ រ៉ៃ នៅតាមបណ្តោយផ្លូវ Sarasin និង Ton Son ដែលមាន ៥៩ យូនីត ទំហំចាប់ ៨៥ ទៅ ១៤០ ម៉ែត្រការ៉េ ក្នុងតំលៃ ២២០,០០០ បាត ក្នុងមួយម៉ែត្រការ៉េ ត្រូវបានលក់អស់ប្រមាណជា ៤០ ភាករយ។
