ដោយៈគង់ សូរិយា
ភ្នំពេញៈ មានអតីតភាពជាព្រះសង្ឃ ឧកញ៉ាផន វណ្ណិតអនុប្រធានសមាគមអ្នកអភិវឌ្ឍន៍ដីឡូត៍កម្ពុជា បាននិងកំពុងបោះពុម្ពពសៀវភៅ ដែលលោកបាននិពន្ឋ ដើម្បីចែករំលែកជាចំណេះដឹងដល់សាធារណៈជន។
លោកបានសរសេរលើបណ្តាញ ទំនាក់ទំនងសង្គមរបស់ខ្លូន កាលពីល្ងាចថ្ងៃទី២៧ កុម្ភៈ ដែលចំនឹងថ្ងៃខួបកំណើតរបស់លោកថា ថ្ងៃខួបកំណើតឆ្នាំនេះ ពិសេសជាងសព្វដងត្រង់ថា ថ្ងៃនេះសៀវភៅបានចូលរោងពុម្ព ត្រៀមផ្តល់ជាកាដូឆ្នាំ២០២២នេះ ដល់បងប្អូនអ្នកគាំទ្រខ្ញុំកន្លងមក។
លោកបានបន្តថា “គំនិតជាផ្នែកធំបន្ទាប់ពីយើងមានជីវិត កាលណាមានដង្ហើមចេញ ចូល ត្រូវតែប្រើប្រាស់គំនិតឲ្យត្រូវកាល និងច្នៃបង្កើតគំនិតសាងសុភមង្គល”។ លោកបន្តថា “មហាសេដ្ធី ឬអ្នកមាន ពួកគេមានទ្រព្យសម្បត្តិច្រើនមហាសាល មកពីពួកគេបង្កើតផ្នត់គំនិតរីកចម្រើន”។
លោកឧកញ៉ាផន វណ្ណិតបានបន្តថា “ក្នុងសៀវភៅខ្ញុំពន្យល់ច្រើនពីរបៀបគិត បង្កើតផ្នត់គំនិត សហគ្រិនភាព និងគន្លឹះអប់រំចិត្ត”៕
