ដោយ វុត្ថា
ភ្នំពេញ៖ ប្រទេសកូរ៉េជាប្រទេសដែលមានសេដ្ឋកិច្ចដ៏រីកចម្រើន និងបានសាងសង់អគារខ្ពស់កប់ពពកជាច្រើន មិនចាញ់បណ្តាប្រទេសអារ៉ាប់រួម និងបណ្តាប្រទេសនានានៅក្នុងពិភពលោកនោះ កំពុងសាងសង់អាគារមួយដែលមានឈ្មោះអាគារសុបិន ដើម្បីបង្ហាញពីឧត្តមភាពរបស់ខ្លួន។
គេហទំព័រ Propertyarea.asia នឹងបន្តលើកយកសក្តានុពលពីការីកចម្រើនៃអគារខ្ពស់កប់ពពកមួយទៀត នៅក្នុងប្រទេសកូរ៉េខាងត្បូង គឺអគារ Dream Tower ដែលមានរចនាបទដ៏អស្ចារ្យ។
ប្រទេសដែលមានសេដ្ឋកិច្ចរីកចម្រើនលំដាប់ទី១៣ នៅលើពិភពលោកនេះកំពុងសាងសង់អាគារ Dream Tower អគារជាអគារខ្ពស់កប់ពពក ដែលមានកំពស់៦៦៥ ម៉ែត្រ។ អាគារនេះត្រូវបានសាងសង់ឡើង នៅក្នុងតំបន់ពាណិជ្ជកម្មអន្តរជាតិ Yongsan ក្នុងទីក្រុងសេអ៊ូល ប្រទេសកូរ៉េខាងត្បូង។
Dream Tower ដែលជាមជ្ឈមណ្ឌលពាណិជ្ជកម្មចម្រុះនេះ នឹងត្រូវបានគេជំនួសដោយអគារ Triple One Tower ។ អគារ Trip One Tower ត្រូវបានគេស្នើរសាងសង់ក្នុងកម្រិតកម្ពស់៦២០ម៉ែត្រ ប៉ុន្តែត្រូវបានប្តូរឈ្មោះមកជាអាគារDream Tower និងផ្លាស់ប្តូរប្លង់របស់វាទាំងមូល។
មជ្ឈមណ្ឌលពាណិជ្ជកម្មកប់ពពកនេះ មានកម្ពស់រហូតដល់១៥០ជាន់ ដែលបានសាងសង់ចំកណ្តាល នៃតំបន់ពាណិជ្ជកម្ម Yongsan Dreamhub ដែលគ្រោងចំណាថវិកាសាងសង់ចំនួន២៨ ទ្រីលានវ៉ុន ស្មើរនឹង២២.៦ពាន់លានដុល្លារអាមេរិក ទៅលើគម្រោងនានា ហើយនឹងត្រូវសាងសង់នៅជាប់ច្រាំងទន្លេ Han Riverនៅជិតស្ថានីយ៍ Yongsan។
អាគារដ៏អស្ចារ្យនេះ បានចាប់ផ្តើមឈូសឆាយដីនៅក្នុងឆ្នាំ២០១០ និងចាប់ផ្តើមសាងសង់បុកគ្រឹះផ្លូវការនៅក្នុងឆ្នាំ២០១។
អាគារដ៏អស្ចារ្យនេះ នឹងប្រើប្រាស់សម្រាប់ជាផ្សារទំនើប កន្លែងលេងកម្សាន្ត សណ្ឋាគារ ភោជនីយដ្ឋាន កាស៊ីណូសម្រាប់ជនបរទេស ស្កាយបារ និងកន្លែងទស្សនាទីក្រុង៕
