សហរដ្ឋអាមេរិកនៅតែជាទីផ្សារនាំចេញធំបំផុតទី១របស់កម្ពុជា ខណៈប្រទេសចិន

ដោយ: គង់ លាងហួរ

ភ្នំពេញ: សហរដ្ឋអាមេរិក នៅតែជាទីផ្សារដ៏ធំបំផុតសម្រាប់កម្ពុជា ជាមួយនឹងចំណែក៣៤,៤ភាគរយ ទោះជាការនាំចេញរបស់កម្ពុជាទៅកាន់ប្រទេសនេះ បានធ្លាក់ចុះ២០,២ភាគរយ ដែលមានទំហំទឹកប្រាក់១,១២ពាន់លានដុល្លារ ក្នុងរយៈពេល២ខែដំបូងនៃឆ្នាំនេះធៀបនឹងរយៈពេលដូចគ្នា ក្នុងឆ្នាំ២០២២យ៉ាងណាក្តី។

សម្រាប់រយៈពេល២ខែដំបូង ឆ្នាំ២០២៣នេះ វៀតណាមនៅតែជាទីផ្សារធំទីពីរសម្រាប់កម្ពុជា ខណៈការនាំចេញទៅកាន់ប្រទេសនេះឈានដល់៤៩១លានដុល្លារ កើនឡើង៣៦,១ភាគរយពីមួយឆ្នាំទៅមួយឆ្នាំ។ បច្ចុប្បន្ននេះ វៀតណាមមានចំណែក១៥ភាគរយនៃការនាំចេញសរុបរបស់កម្ពុជា។

ការនាំចេញរបស់កម្ពុជាទៅកាន់ប្រទេសចិន ដែលជាទីផ្សារប្រពៃណីមួយផ្សេងទៀត សម្រាប់ប្រទេសនេះ បានធ្លាក់ចុះ៥,៥ភាគរយសម្រាប់ខែមករា និងខែកុម្ភៈមកនៅត្រឹម១៩៨លានដុល្លារ។

ប្រទេសចិនមានចំណែក៦ភាគរយ ក្នុងការនាំចេញពីកម្ពុជា ហើយបច្ចុប្បន្ននេះ ប្រទេសចិនជាទីផ្សារធំទី៥ សម្រាប់កម្ពុជាបន្ទាប់ពីប្រទេសជប៉ុន និងប្រទេសថៃ។

កម្ពុជាបាននាំចេញទំនិញមានតម្លៃ២០៦លានដុល្លារ ទៅកាន់ប្រទេសជប៉ុន និង២០៤លានដុល្លារ ទៅកាន់ប្រទេសថៃក្នុងអំឡុងខែមករាដល់ខែកុម្ភៈ កើនឡើង១,៧ភាគរយ និង១៣,៤ភាគរយរៀងៗគ្នា បើធៀបនឹងរយៈពេលដូចគ្នានៅក្នុងឆ្នាំ២០២២។

ការនាំចេញរបស់កម្ពុជា ទៅកាន់ប្រទេសឥណ្ឌា សម្រាប់រយៈពេលនេះ បានបង្ហាញពីកំណើន គួរឱ្យកត់សម្គាល់ចំនួន១០៣,៩ភាគរយ ដែលឈានដល់២៧លានដុល្លារ ដោយកម្ពុជានាំចេញផលិតផលវាយនភណ្ឌ លោហធាតុ និងសរសៃទៅកាន់ប្រទេសឥណ្ឌាជាចម្បង។

ទន្ទឹមនឹងនេះ ប្រទេសថៃគ្រោងនឹងរៀបចំ សកម្មភាពជាបន្តបន្ទាប់ ដើម្បីជំរុញការនាំចេញនៅឆ្នាំនេះ ហើយកម្ពុជាគឺជាទីផ្សារគោលដៅមួយ ក្នុងចំណោមទីផ្សារគោលដៅ បន្ថែមលើប្រទេសឡាវ មីយ៉ាន់ម៉ា និងវៀតណាម ហើយប្រទេសនេះ ក៏មានគោលបំណងពង្រីកទីផ្សាររបស់ខ្លួន នៅតំបន់មជ្ឈិមបូព៌ា អាស៊ីខាងត្បូង និងប្រទេសចិនផងដែរ។

លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិតសភាកម្ពុជាបានមានប្រសាសន៍ កាលពីពេលថ្មីៗនេះថា “ការធ្វើពិពិធកម្មរបស់កម្ពុជា ទៅកាន់ទីផ្សារកាន់តែច្រើន ក៏ជាកត្តានយោបាយសម្រាប់កម្ពុជាផងដែរ”៕

កម្ពុជាស្នើប៉ាគីស្ថានភ្ជាប់ជើងហោះហើរត្រង់ ដើម្បីជំរុញភ្ញៀវ ទេសចរ និងការវិនិយោគ

ដោយៈ វឌ្ឍនៈ

ភំ្នពេញៈ រដ្ឋមន្ត្រីក្រសួងពាណិជ្ជកម្មកម្ពុជា លោកប៉ាន សូរស័ក្តិបានស្នើទៅភាគី ប៉ាគីស្ថានតាមរយៈលោក Zaheeruddin Babar Thaheem ឯកអគ្គរដ្ឋទូតនៃសាធារណរដ្ឋអ៊ីស្លាមប៉ាគីស្ថាន ប្រចាំកម្ពុជា ជួយជំរុញវិស័យឯកជនពីប្រទេសប៉ាគីស្ថាន មកស្វែងយល់ពីឱកាសអាជីវកម្មនៅកម្ពុជា។

វិស័យដែលបានលើកឡើងខាងលើរួមមាន វិស័យឧស្សាហកម្មកែច្នៃម្ហូបអាហារ ជាពិសេសអាហារហាឡាល់ ដើម្បីបម្រើទីផ្សារក្នុងស្រុក និង នាំចេញ និងចង់ឱ្យមានជើងហោះហើរត្រង់ ពីប៉ាគីស្ថានមកកម្ពុជា ដើម្បីជំរុញទេសចរណ៍ និងការវិនិយោគនៃប្រទេសទាំងពីរ។

សំណើរនេះ ត្រូវបានធ្វើឡើងក្នុងជំនួប រវាងរដ្ឋមន្ត្រីពាណិជ្ជកម្មកម្ពុជា និងឯកអគ្គរដ្ឋទូតប៉ាគីស្ថានប្រចាំកម្ពុជា នៅថ្ងៃទី១៧ មីនា ២០២៣ នាទីស្ដីការក្រសួងពាណិជ្ជកម្ម ។

លោកប៉ាន សូរស័ក្តិ បានមានប្រសាសន៍ថា ទំហំពាណិជ្ជកម្មទ្វេភាគីមានទំហំតិចតួចនៅឡើយ ប៉ុន្តែប្រទេសទាំងពីរនៅតែមានវិស័យសក្តានុពលជាច្រើន ដើម្បីធ្វើឱ្យរីកចម្រើនទាក់ទង នឹងពាណិជ្ជកម្ម និងការវិនិយោគ ។

លោកក៏បានបង្ហាញពីសក្ដានុពលរបស់កម្ពុជា ទៅកាន់ប៉ាគីស្ថានថា ក្រៅពីកិច្ចព្រមព្រៀងពាណិជ្ជកម្មសេរីអាស៊ាន និងអាស៊ាន+១ បច្ចុប្បន្នកម្ពុជា មានកិច្ចព្រមព្រៀងពាណិជ្ជកម្មសេរី (FTA) ទ្វេភាគីជាមួយប្រទេសចិន និងកូរ៉េខាងត្បូង ហើយក៏ជាភាគីនៃកិច្ចព្រមព្រៀងRCEP ដែលកម្ពុជាមានទីផ្សារដ៏ធំសម្រាប់វិស័យធុរកិច្ច។

កាលពីថ្ងៃទី១៦ ខែមីនា ឆ្នាំ២០២៣ កិច្ចព្រមព្រៀងភាពជាដៃគូសេដ្ឋកិច្ចទូលំទូលាយកម្ពុជា-អារ៉ាប់រួម (CEPA) ទើបតែត្រូវបានប្រកាសពីការបញ្ចប់ការចរចា។ ដូច្នេះ វិនិយោគិនប៉ាគីស្ថានអាចមកបណ្តាក់ទុននៅកម្ពុជា និងទាញយកអត្ថប្រយោជន៍ពី FTA ទាំងនេះ ដើម្បីលើកកម្ពស់ការនាំចេញ។

ជាមួយគ្នានេះ លោកប៉ាន សូរស័ក្តិ បានស្នើឱ្យស្វែងរកពីលទ្ធភាព ក្នុងការពង្រឹងកំណើននៃពាណិជ្ជកម្ម និងការវិនិយោគទ្វេភាគី ដោយលើកទឹកចិត្តសភាពាណិជ្ជកម្ម សមាគមធុរកិច្ច និងក្រុមហ៊ុននៃប្រទេសទាំងពីរ ឱ្យធ្វើការយ៉ាងជិតស្និទ្ធ និងសកម្មជាមួយគ្នា ដើម្បីពង្រីកឱកាសបណ្តាញអាជីវកម្ម តាមរយៈកិច្ចសន្ទនា B2B រួមទាំង ការផ្គូផ្គងពាណិជ្ជកម្ម ការតាំងពិព័រណ៍ពាណិជ្ជកម្ម និងពិព័រណ៍ ដែលមានបំណងស្វែងយល់ឱ្យកាន់តែច្បាស់ ពីតម្រូវការទីផ្សារនាំចេញ និងជំរុញការបណ្តាក់ទុនអាជីវកម្មរួមគ្នា។

ឯកអគ្គរដ្ឋទូតប៉ាគីស្ថានប្រចាំកម្ពុជា បានមានប្រសាសន៍ថា ប៉ាគីស្ថាន មានវិស័យសក្តានុពលមួយចំនួន ដូចជា វាយនភណ្ឌ ថ្មម៉ាប ជាដើម ហើយប៉ាគីស្ថានបាននាំចូលប្រេងដូងយ៉ាងច្រើន ពីប្រទេសម៉ាឡេស៊ី និងឥណ្ឌូនេស៊ី និងនាំចូលគ្រាប់ស្វាយចន្ទីពីប្រទេសវៀតណាម។ បន្ថែមពីលើនេះ ប៉ាគីស្ថាន អាចមានលទ្ធភាណផ្តល់ជំនួយបច្ចេកទេសក្នុងការចិញ្ចឹមសត្វ បើកម្ពុជាមានតម្រូវការ៕

អតីតប្រធានUNTAC កោតសរសើរសមត្ថភាពរបស់នាយ ឧត្តមសេនីយ៍ហ៊ុន ម៉ាណែត

ដោយៈ ជេស៊ីកា

ភ្នំពេញៈ អតីតប្រធានកងកំលាំងសហប្រជាជាតិ មករៀបចំការបោះឆ្នោតនៅកម្ពុជា (UNTAC) នៅដើមទសវត្សរ៍ឆ្នាំ១៩៩០ លោកយ៉ាស៊ូស៊ី អាកាស៊ីបានកោតសរសើរសមត្ថភាព និងភាពឈ្លាសវៃរបស់លោកបណ្ឌិតហ៊ុន ម៉ាណែត។

លោកបានមានប្រសាសន៍ ក្នុងកិច្ចសម្ភាសន៍ពិសេសមួយេរបស់ស្ថានីយ៍ទូរទស្សន៍BTV កាលពីពេលថ្មីៗនេះថា “កាលពីប៉ុន្មានឆ្នាំមុន លោកហ៊ុន ម៉ាណែត បានមកជួបខ្ញុំ និងបាននាំមនុស្សវ័យក្មេង ស្របាលៗលោកជាច្រើនមកជួបខ្ញុំផងដែរ”។

លោកបន្តថា “ខ្ញុំបានជួបលោកហ៊ុន ម៉ាណែត ខ្ញុំបានមើលឃើញថា លោកជាយុវជនដ៏មានសក្តានុពល មានសមត្ថភាពខ្លាំង ដូចលោកឪពុកគាត់នោះដែរ គាត់មានចំណេះដឹងខ្ពស់ ព្រោះគាត់បានរៀននៅបរទេស”។

លោកបន្តថា លោកបណ្ឌិតហ៊ុន ម៉ាណែតបានចេញពីសាលាខ្ពស់បំផុត ហេតុនេះនៅពេលខ្ញុំបានជួបលោក ខ្ញុំគិតថាគាត់នឹងដឹកនាំប្រទេសបានល្អ បានដូចឪពុករបស់លោក”។

លោកបណ្ឌិតនាយឧត្តមសេនីយ៍ហ៊ុន ម៉ាណែតត្រូវបានមហាសន្និបាតគណៈបក្សប្រជាជនកម្ពុជា បោះឆ្នោតជ្រើសរើសជាបេក្ខជននាយករដ្ឋមន្រ្តីនាពេលអនាគត កាលពីពេលថ្មីៗនេះ ដោយសារលោកបណ្ឌិតជាយុវជន ពោរពេញដោយសក្តានុពល មានទាំងចំណេះដឹង ទេពកោសល្យ បទពិសោធន៍ និងកម្រិតប្រជាប្រិយភាពរបស់លោកក្នុងស្រទាប់មហាជន៕

អគ្គនាយកសារព័តមាន Property Area Asia និង Cambodia Financial time លោកយិន លាងគង់ សូមអបអរសាទរ និងគោរពជូនពរ ឯកឧត្តមបណ្ឌិត ហ៊ុន ម៉ាណែត ដែលត្រូវបានព្រះមហាក្សត្រ សព្វព្រះរាជហឫទ័យដំឡើងឋានន្តរស័ក្តិជា «នាយឧត្តមសេនីយ៍»

(ភ្នំពេញ)៖ ក្នុងនាមអគ្គនាយកសារព័តមាន Property Area Asia និង Cambodia Financial time លោកយិន លាងគង់ សូមចូលរួមអបអរសាទរ និងគោរពជូនពរដល់ ឯកឧត្តមបណ្ឌិត ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ដែលត្រូវបាន ព្រះមហាក្សត្រនៃព្រះរាជាណាចក្រកម្ពុជា សព្វព្រះរាជហឫទ័យដំឡើងឋានន្តរស័ក្តិជា «នាយឧត្តមសេនីយ៍»។

ការដំឡើង ឋានន្តរស័ក្តិថ្នាក់ «នាយឧត្តមសេនីយ៍» នេះគឺពិតជាស័ក្តិសមនឹង សមត្ថភាព ស្នាដៃ សមិទ្ធផល និងការលះបង់ដ៏ធំធេងមិនអាចកាត់ថ្លៃបានរបស់ ឯកឧត្តមបណ្ឌិត ក្នុងការចូលរួមអភិវឌ្ឍ និងពង្រឹងសមត្ថភាពកងយោធពលខេមរភូមិន្ទ ក៏ដូចជាចូលរួមថែរក្សាការពារ និងអភិវឌ្ឍជាតិកម្ពុជា ឱ្យកាន់តែខ្លាំងក្លា និងមានកេរ្តិ៍ឈ្មោះល្បីសុះសាយបន្តបន្ទាប់។

ខ្ញុំបាទ សូមសម្តែងការកោតសរសើរ និងអរគុណចំពោះ កិច្ចខិតខំប្រឹងប្រែងរបស់ ឯកឧត្តមបណ្ឌិត ក្នុងការការពារនូវសុខសន្តិភាព ស្ថិរភាព និងការអភិវឌ្ឍរបស់ប្រទេសកម្ពុជា នាពេលកន្លងមក បច្ចុប្បន្ន និងសម្រាប់ថ្ងៃអនាគត និងសូមបង្ហាញជំហរគាំទ្រឯកឧត្តមបណ្ឌិត ជាបេក្ខជននាយករដ្ឋមន្ត្រីសម្រាប់ថ្ងៃអនាគតផងដែរ។

ក្នុងឱកាសដ៏មហានក្ខត្តឫក្សនេះ ខ្ញុំបាទ សូមលើកហត្ថប្រណម្យបួងសួងដល់គុណព្រះរតនត្រ័យ វត្ថុស័ក្ដិសិទ្ធិទាំងអស់ក្នុងលោក និងទេវតារក្សាព្រះរាជាណាចក្រកម្ពុជា សូមប្រសិទ្ធពរជ័យ សិរីមង្គល វិបុលសុខគ្រប់ប្រការ បវរមហាប្រសើរ ជូន ឯកឧត្តមបណ្ឌិត ឱ្យទទួលបាននូវជោគជ័យថ្មីៗថែមទៀតក្នុងការបន្តដឹកនាំមាតុភូមិកម្ពុជា ឆ្ពោះទៅរកសុខសន្តិភាព ស្ថិរភាព វិបុលភាព និងអភិវឌ្ឍន៍លើគ្រប់វិស័យ។ សូម ឯកឧត្តមបណ្ឌិត និងលោកជំទាវ ព្រមទាំងក្រុមគ្រួសារ ប្រកបដោយពុទ្ធពរទាំង៤ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ទីផ្សារអចលនទ្រព្យនៅខេត្តឈៀងម៉ៃ កំពុងហក់ឡើងខ្លាំងនៅដើមឆ្នាំ២០២៣នេះ

ដោយ: គង់ លាងហួរ

អន្តរជាតិ: ទីផ្សារអចលនទ្រព្យនៅខេត្តឈៀងម៉ៃ ត្រូវបានកំណត់ សម្រាប់ការកើនឡើងដ៏សំខាន់ ដែលជំរុញដោយកំណើនទេសចរណ៍ និងការហូរចូលនៃអតិថិជនចិន បន្ទាប់ពីប្រទេសទាំង២បានបើកព្រំដែនរបស់ពួកគេឡើងវិញ។

លោក Predikorn Buranupakorn នាយកប្រតិបត្តិនៃក្រុមហ៊ុន Ornsirin Holding ដែលជាអ្នកអភិវឌ្ឍន៍អចលនទ្រព្យនៅខេត្តឈៀងម៉ៃបានមានប្រសាសន៍ថា “ក្រុមហ៊ុនមានទំនុកចិត្តថា ទីផ្សារអចលនទ្រព្យរបស់ខេត្តនេះ នឹងមើលឃើញពីការកើនឡើងដ៏រ៉ឹងមាំនៅឆ្នាំ២០២៣នេះ”។

លោកបានបន្តថា ភ្នាក់ងារអចលនទ្រព្យជាច្រើន ដែលមានឯកទេសក្នុងទីផ្សារបរទេស និងប្រទេសចិន បានណែនាំយើងឱ្យបន្តអភិវឌ្ឍគម្រោងលំនៅដ្ឋានថ្មីៗ ដោយពួកគេលើកឡើងពីកម្រិតខ្ពស់នៃចំណាប់អារម្មណ៍ និងតម្រូវការរបស់អតិថិជន។

យោងតាមការវិភាគរបស់ក្រុមអ្នកជំនាញ ទាំងអស់នោះបានឱ្យដឹងថា អតិថិជនជាច្រើនកំពុងរង់ចាំទិញលំនៅដ្ឋាន នៅក្នុងទីក្រុងឈៀងម៉ៃ ដែលធ្វើឱ្យនេះក្លាយជាឱកាសមួយ ដើម្បីបើកដំណើរការគម្រោងថ្មីៗ។

គម្រោងខុនដូរបស់ក្រុមហ៊ុន Ornsirin Holding បានស្រូបយក ការបញ្ជាទិញយ៉ាងច្រើន ដែលភាគច្រើនត្រូវបានជំរុញដោយអតិថិជនជនជាតិចិន រហូតដល់គម្រោងទាំងពីររបស់ខ្លួន ឈានដល់កម្រិតកូតាបរទេសអតិបរមា។

លោក Predikorn បានថ្លែងក្នុងសិក្ខាសាលាទីផ្សារអចលនទ្រព្យថា “Ornsirin គឺជាអ្នកអភិវឌ្ឍន៍អចលនទ្រព្យ អស់រយៈពេល១៧ឆ្នាំ ហើយក្រុមហ៊ុនមានសុទិដ្ឋិនិយម នៅឆ្នាំ២០២៣នេះ ជាមួយនឹងផែនការ ចាប់ផ្តើមគម្រោងលំនៅដ្ឋានថ្មីចំនួន៤ ដែលមានតម្លៃសរុប៥ពាន់លានបាតនៅខេត្តឈៀងម៉ៃ”។

លោកបានបន្ថែមថា “ទីផ្សារអចលនទ្រព្យកំពុងត្រៀមខ្លួនសម្រាប់ការស្ទុះងើបឡើងវិញដ៏រ៉ឹងមាំ ដោយផ្អែកលើសូចនាករវិជ្ជមាន រួមទាំងការកើនឡើងនៃចំនួនអតិថិជនចិន និងការងើបឡើងវិញនៃវិស័យទេសចរណ៍ទាំងមូល”។

លោកបានអះអាងថា “សណ្ឋាគាររបស់យើង បានទទួលលំហូរនៃការកក់យ៉ាងលឿន ពីភ្ញៀវទេសចរចិនត្រឹមតែ៣០នាទី បន្ទាប់ពីប្រទេសចិន បានប្រកាសកាលបរិច្ឆេទបើកដំណើរការឡើងវិញ ដែលនាំឱ្យមានការកើនឡើងយ៉ាងខ្លាំង នៃអត្រាស្នាក់នៅពី៤០ភាគរយក្នុងឆ្នាំ២០២២ រហូតដល់ទៅ៧០-៨០ភាគរយ នៅដើមឆ្នាំ២០២៣នេះ”៕

អាល្លឺម៉ង់ជួយរៀបចំយុទ្ឋសាស្រ្ត៦ដំណាក់កាល ដើម្បីប្រែក្លាយខ័ណ្ឌច្បារអំពៅជាលំនៅដ្ឋានបៃតង

ដោយៈ គង់ សូរិយា

ភ្នំពេញៈ អាល្លឺម៉ង់ ជួយរៀបចំយុទ្ធសាស្ត្រជាដំណាក់កាលដំបូង ៦ចំណុចសំខាន់ៗ ដើម្បីប្រែក្លាយខណ្ឌច្បារអំពៅ ជាតំបន់លំនៅឋានបៃតងគំរូក្នុងទីក្រុងភ្នំពេញ។

ព៌តមាននេះ បានលើកឡើងតាមរយៈសិក្ខាសាលាស្តីពី “គម្រោងលំនៅដ្ឋាន ដែលមានចីរភាពសម្រាប់ប្រជាជន (Build4People)» ដែលបានធ្វើ ចាប់ពីថ្ងៃទី២៦ ខែកុម្ភៈ ដល់ថ្ងៃទី០៣ ខែមីនា ឆ្នាំ២០២៣។

គម្រោង Build4People ស្ថិតក្នុងក្របខណ្ឌដៃគូសហប្រតិបត្តិការ រវាងរដ្ឋបាលរាជធានីភ្នំពេញ និងរដ្ឋាភិបាលនៃសាធារណរដ្ឋសហព័ន្ធអាល្លឺម៉ង់ ដោយទទួលបានការគាំទ្របន្ថែមពីបុរីប៉េង ហួត។

គម្រោងនេះ បានរៀបចំបង្កើតជា Ecocity Transition Lab ដែលនឹងចូលរួម ក្នុងការចែករំលែកបទពិសោធន៍ ក្នុងការរចនា ឌីហ្សាញ គំរូផ្តួចផ្តើមថ្មីៗពាក់ព័ន្ធនឹងសុខុមាលភាព បរិស្ថានរស់នៅល្អ ការគិតគូរពីប្រព័ន្ធអេកូឡូស៊ី ដែលជាគំរូដ៏ល្អមួយសម្រាប់ការអភិវឌ្ឍនៅតាមតំបន់ដទៃទៀតនៃរាជធានីភ្នំពេញ។

សិក្ខាសាលាដែលបានរយៈពេល៥ថ្ងៃនេះ ក៏បានរំលេចចេញនូវយុទ្ធសាស្ត្រ៦ចំណុចសំខាន់ៗ សម្រាប់អនុវត្តក្នុងដំណាក់កាលដំបូង ដើម្បីប្រែក្លាយខណ្ឌច្បារអំពៅ ជាតំបន់លំនៅឋានមានចីរភាពរួមមាន

១. ការរៀបចំក្រុងតាមបែបសមាហរណកម្មរួមមាន

ការជ្រើសរើសទីតាំង
ការវិភាគទីតាំង (តំបន់សំបូរខ្យល់ត្រជាក់, សណ្ឋានដី…)។
បំពេញតម្រូវការជាមូលដ្ឋានរបស់ប្រជាពលរដ្ឋ។
ការប្រើប្រាស់ចម្រុះ ប្រកបដោយតុល្យភាព/ ហេដ្ឋារចនាសម្ព័ន្ធសង្គម។
រៀបចំទីធ្លាសាធារណៈសម្រាប់មនុស្សគ្រប់គ្នា។

២. ហេដ្ឋារចនាសម្ព័ន្ធខៀវបៃតងរួមមាន

ការរៀបចំក្រុង ដែលឆ្លើយតបទៅនឹងកត្តាអាកាសធាតុ។
ការប្រើប្រាស់ហេដ្ឋារចនាសម្ព័ន្ធខៀវ និងបៃតងនៅក្នុងទីក្រុងជាឧបករណ៍សម្រាប់រៀបចំក្រុង។

៣. ការផ្លាស់ទីប្រកបដោយចីរភាព

ការអភិវឌ្ឍដែលគិតគូរ ពីការធ្វើដំណើររបស់ប្រជាពលរដ្ឋ។
រួមចំណែក ដល់ការកសាងសហគមន៍លំនៅដ្ឋាន ដែលមានការប្រើប្រាស់រថយន្តតិចជាងមុន។
បរិយាកាសមេត្រីភាពសម្រាប់ថ្មើរជើង និងអ្នកជិះកង់។
គាំទ្រដល់ការប្រើប្រាស់យានជំនិះ ដែលប្រើប្រាស់ឥន្ធនៈពីប្រភពផ្សេងៗ។
ការធ្វើដំណើរដោយប្រើប្រាស់មធ្យោបាយរួមគ្នា

៤. ការការពារអាកាសធាតុ និងរំហូរថាមពល

រៀបចំសហគមន៍លំនៅឋាន និងអគារដែលសន្សំសំចៃថាមពល។
រៀបចំរដ្ឋបាលខណ្ឌផ្តោតលើវដ្ឋជីវិត
ជំរុញឱ្យមានការកសាងសហគមន៍លំនៅឋាន ដែលមានលក្ខណៈវិលជុំ។

៥. បរិយាបន្នសង្គម និងសេដ្ឋកិច្ចមូលដ្ឋាន

ឆ្លើយតបចំពោះតម្រូវការលំនៅឋាន
ជំរុញឱ្យមានការចូលរួម និងភាពចម្រុះនៅក្នុងសង្គម។
ពង្រឹងសេដ្ឋកិច្ចមូលដ្ឋាន
ចំណាយក្នុងវដ្តជីវិតជាឧបករណ៍ សម្រាប់ធ្វើការរៀបចំក្រុង

៦. អភិបាលកិច្ច និងការចូលរួម

បញ្ជូលការគ្រប់គ្រង និងការតាមដានដំណើរការ
ការចូលរួមរបស់សហគមន៍មូលដ្ឋាន
បញ្ជូលគោលនយោបាយ និងលិខិតបទដ្ឋានគតិយុត្តពាក់ព័ន្ធ។

ការកំណត់ចេញជាយុទ្ធសាស្ត្រនេះ បានសម្ភាស៍ជាមួយនឹងអ្នកជំនាញ និងសិក្សាលើបញ្ហាការអភិវឌ្ឍទីក្រុង ប្រកបដោយចីរភាព ដោយបានលើកយក បុរីប៉េង ហួត មកធ្វើគំរូថែមទៀតផង៕

អ្នកជំនាញៈដីស្ថិតនៅតំបន់សម្រាប់សាងសង់រមណីយដ្ឋាននៅតាមបណ្តាខេត្តមានតម្រូវការច្រើន

ដោយៈ ស៊ីវ ម៉េង

ភ្នំពេញៈ អ្នកជំនាញដីធ្លី លោកស្រីតាំង ហួរអគ្គនាយិកាក្រុមហ៊ុនAmatak Property Service Co, Ltdបានមានប្រសាសន៍ឲ្យដឹងថា ដីស្ថិតនៅជាប់មាត់ព្រែក បឹង និងភ្នំ ជាតំបន់ដែលមានចំណាប់អារម្មណ៍ខ្ពស់។

លោកស្រីបានមានប្រសាសន៍ឲ្យដឹង តាមបណ្តាញតេឡេក្រាមនាព្រឹកថ្ងៃទី១៧ មិនានេះថា បច្ចុប្បន្នមានអ្នកវិនិយោគរមណីយដ្ឋានលំហែរកាយច្រើន ដែលធ្វើឲ្យដីដែលមានទីតាំងជិតភ្នំ បឹង ព្រែកជាដើម មានតម្រូវការកើនឡើងពីអ្នកវិនិយោគ។

លោកស្រីបន្តថា “ដីនៅជាប់តំបន់បែបនេះ មានតម្លៃធូរថ្លៃនៅឡើយ ហើយអ្នកេវិនិយោគភាគច្រើនផ្តោតលើដី ដែលមានតម្លៃក្រោមទីផ្សារផងដែរ។ លោកស្រីបន្តថា “ប្រជាជនចាប់ផ្តើមស្វែងរកការលំហែរកាន់តែច្រើន ចាប់តាំងពីមានវិបត្តិកូវីដ១៩ ដោយសារជីវភាពរបស់ពួកគេប្រសើរឡើង”។

ដីដែលមានទីតាំងអំណោយផល មានដូចជា ខេត្តកណ្តាល កំពត កែប ព្រះសីហនុ ខេត្តកោះកុង កំពង់ស្ពឺ និងតំបន់មួយចំនួនទៀត។

ជាមួយគ្នានេះ លោកCooler Tanអគ្គនាយកក្រុមហ៊ុនYoungsia Real Estateបានមានប្រសាសន៍ឲ្យដឹងផងដែរថា តម្រូវការដីលំហែរ នៅមានចំនួនខ្ពស់ ដោយសារជីវភាពប្រជាពលរដ្ឋកាន់តែល្អប្រសើរ និងមានចំណូលចិត្តស្វែងរកការលំហែរ បន្ទាប់ពីពួកគេសំរាកការនឿយហត់ពីការងារ។

លោកបន្តថា “អតិថិជនប្រមាណ១លាននាក់ នៅត្រូវការដីលំហែរ ដែលមានស្តង់ដា និងរៀបចំហេដ្ឋារចនាសម្ព័ន្ឋសមស្របនឹងការលំហែរពិតប្រាកដ”។

ចំណែកលោកឌិន សុមេធារិទ្ឋអ្នកអភិវឌ្ឍន៍គំរោងភូមិផ្កាត្រកួនបានមានប្រសាសន៍ឲ្យដឹងផងដែរថា និន្នាការសាងសង់រមណីយដ្ឋាន លំហែរកាយកំពុងកើនឡើង ប៉ុន្តែបច្ចុប្បន្ននេះ យើងត្រូវការបែបផែននៃការលំហែរពិតប្រាកដ និងស្របតាមស្តង់ដាអន្តរជាតិ។

លោកបន្តថា “ការវិនិយោគរមណីយដ្ឋាន លំហែរកាយរបស់យើង គឺបំពេញនូវអ្វីដែលយើងមិនទាន់បានបំពេញ ខណៈនៅកម្ពុជាមិនទាន់មានរមណីយដ្ឋានលំហែរកាយ តាមស្តង់ដាអន្តរជាតិច្រើននៅឡើយ”៕

China Feb new home prices rise at fastest pace since July 2021

BEIJING : China’s February new home prices rose at the fastest pace since July 2021, official data showed on Thursday, as Beijing’s move to reopen the economy and supportive property sector policies boosted demand.

New home prices in February edged up 0.3 percent month-on-month from a 0.1 percent gain in January, according to Reuters calculations based on National Bureau of Statistics (NBS) data.

In annual terms, prices fell 1.2 percent, marking the slowest pace in seven months. Prices shrank 1.5 percent in January on an annual basis, with the rate of decline unchanged from December.

Since mid-2021, the sector has grappled with a liquidity crisis, with many developers delaying or defaulting on debt payments as they struggle to sell apartments and raise funds.

The outlook in China’s property sector, once a major economic growth driver, has been improving, buoyed by the government’s abrupt U-turn on its zero-COVID policy in December.

In February, 55 among 70 cities surveyed by the NBS saw growth in new home prices month on month, up from 36 the previous month, according to the bureau’s data.

Official data for January-February on Wednesday also showed much narrower declines in home sales, developer investment, and construction starts, suggesting the real estate sector was stabilizing.

Local governments continued to step up efforts to boost demand this year with around 30 cities optimizing policies on provident housing funds, such as allowing smaller down payments and more loans.

By the end of 2022, outstanding mortgages grew by just 1.2 percent to 38.8 trillion yuan ($5.6 trillion), decelerating by 10 percentage points from the end of the previous year, according to central bank data.

Source: Reuters

លោកឧកញ៉ាគីម ហ៊ាងបង្ហើបពីចំណេះដឹងសំខាន់ចំនួន៣ដែលវិនិយោគិនអចលនទ្រព្យគួរដឹងនិងស្វែងយល់

ដោយៈ គង់ សូរិយា

ភ្នំពេញៈ ជាអ្នកមានចំណេះដឹង បទពិសោធន៍ និងក្លាយជាអ្នកអភិវឌ្ឍយ៉ាងលេចធ្លោ លោកឧកញ៉ាបណ្ឌិតគីម ហ៊ាងប្រធានKW Cambodia តែងតែបើកចិត្តទូលាយ ក្នុងការចែករំលែកចំណេះដឹងដល់អ្នកចង់ប្រឡូកក្នុងវិស័យអចលនវត្ថុ។

តើមុននឹងសម្រេចចិត្តវិនិយោគអចលនទ្រព្យ អ្នកចង់ប្រឡូកក្នុងវិស័យនេះ គួរតែមានចំណេះដឹងអ្វីខ្លះ?

លោកឧកញ៉ា គីម ហ៊ាង ប្រធាន KW Cambodia និងជាអ្នកវិនិយោគ អភិវឌ្ឍក្នុងវិស័យអចលនទ្រព្យល្បីឈ្មោះមួយរូប នៅកម្ពុជា បានចែករំលែកនូវបទពិសោធន៍របស់ខ្លួន និងប្រាប់ពីចំណេះដឹងដែលគួរតែមាន មុននឹងសម្រេចចិត្តវិនិយោគ ដែលអាចទទួលបានផលនៅក្នុងវិស័យមួយនេះ។

ចំណេះដឹងសំខាន់ៗ ដែលវិនិយោគិនអចលនទ្រព្យ គួរតែមាន នោះ ចំណេះដឹងផ្នែកសេដ្ឋកិច្ច

ការមានចំណេះដឹងផ្នែកសេដ្ឋកិច្ចនេះ នឹងជួយដល់វិនិយោគិនឱ្យដឹងពីតម្រូវការទីផ្សារ និងការអភិវឌ្ឍឱ្យចំទិសដៅតែម្ដង។ ពាក្យថាចំណេះដឹងផ្នែកសេដ្ឋកិច្ច គឺត្រូវយល់ពីបរិបទ នៃសេដ្ឋកិច្ចប្រទេសយើង សេដ្ឋកិច្ចប្រទេសក្នុងតំបន់អាស៊ាន ក៏ដូចជាចំណេះដឹងពិភពលោក។ ពេលដែលយើងបានដឹងពីចំណេះដឹងទាំងនេះហើយ វាអាចឱ្យយើងបានត្រៀមខ្លួន និងបានដឹងពីតម្រូវការក្នុងតំបន់ ក៏ដូចជាពិភពលោកផងដែរ។

ចំណេះដឹងផ្នែកនយោបាយ

ក្រៅពីចំណេះដឹងផ្នែកសេដ្ឋកិច្ច អ្នកអភិវឌ្ឍន៍អចលនទ្រព្យត្រូវមានចំណេះដឹងមួយទៀត គឺចំណេះដឹងផ្នែកនយោបាយ។ អ្នករកស៊ីក៏ត្រូវតែមានចំណេះដឹងផ្នែកនេះដែរ ហើយបើសិនជាពាណិជ្ជករទាំងឡាយណា មិនយល់ដឹងពីផ្នែកនយោបាយ មិនតាមដាននយោបាយ វានឹងគ្រោះថ្នាក់។

ប្រទេសជាច្រើនក្នុងពិភពលោក គឺនយោបាយដឹកនាំសេដ្ឋកិច្ច ជាពិសេសប្រទេសក្នុងតំបន់អាស៊ាន និងបណ្ដាប្រទេសនៅអាស៊ី ។អ្នករកស៊ីអ្នកជំនួញ គឺត្រូវដើរតាមនយោបាយ និងដឹងថាថាតើនយោបាយបត់ទៅណា ត្រូវចេះបត់ទៅតាមហ្នឹងដែរ។

ចំណេះដឹងផ្នែកប្រជាសាស្រ្ត និងភូមិសាស្រ្ត

លោកឧកញ៉ាបណ្ឌិតគឹម ហ៊ាង បានបន្ថែមថា ក្រៅពីសេដ្ឋកិច្ច និងនយោបាយ អ្នកអភិវឌ្ឍន៍ក៏ត្រូវមានចំណេះដឹងមួយទៀត គឺកត្តាប្រជាសាស្ត្រ និងភូមិសាស្ត្រ ។

លោកបានលើកជាឧទាហរណ៍ថា មុននឹងការធ្វើអភិវឌ្ឍន៍គម្រោងអ្វីមួយ ត្រូវសិក្សាពីកត្តាប្រជាសាស្ត្រជាមុនសិន ទើបគម្រោងនោះអាចទទួលបានជោគជ័យ ជាពិសេស អ្នកអភិវឌ្ឍន៍ក៏ត្រូវតែចេះមើលពីភូមិសាស្ត្រ នៃតំបន់នីមួយៗផងដែរ មុននឹងបណ្ដាក់ទុនវិនិយោគលើគម្រោងអ្វីមួយ៕

Changi Airport regains crown, named world’s best airport for 12th time

Changi Airport has been named the world’s best airport for the 12th time by London-based research firm Skytrax, regaining its crown after losing out in 2021 and 2022 amid the Covid-19 pandemic.

The airport was also named best in Asia, best in the world for leisure amenities, and best in the world for airport dining at the 2023 World Airport Awards ceremony held at the Passenger Terminal Expo in Amsterdam on Wednesday.

Hamad International Airport in Doha, Qatar, came in second overall, followed by Haneda Airport in Tokyo, Japan.

Meanwhile, Crowne Plaza Changi Airport bagged the world’s best airport hotel title for the eighth year in a row at Wednesday’s event.

The awards were given out based on a global survey conducted by Skytrax between August 2022 and February 2023.

Travellers were asked to rate airports according to their experience at different points, including check-in, arrival, shopping, security and immigration, and departure at the gate.

Changi Airport held the top spot for eight consecutive years from 2013 to 2020 – the longest winning streak since the World Airport Awards were first given out in 2000. But it fell behind Hamad International Airport and Haneda Airport in 2021 and 2022.

Source: The Nation

1...1,0041,0051,006...3,258 Page 1,005 of 3,258