តម្លៃផ្ទះថ្មីនៅខែកុម្ភៈរបស់ប្រទេសចិន ហក់ឡើងក្នុងល្បឿន លឿនបំផុតបើគិតចាប់តាំងពីឆ្នាំ២០២១

ដោយ: គង់ លាងហួរ

ប៉េកាំង: តម្លៃផ្ទះថ្មី ក្នុងខែកុម្ភៈរបស់ប្រទេសចិន បានកើនឡើងក្នុងល្បឿនលឿនបំផុត ចាប់តាំងពីខែកក្កដា ឆ្នាំ២០២១។

កំណើននេះ កើតមានឡើងដោយសារចំណាត់ការរបស់ទីក្រុងប៉េកាំង ក្នុងការបើកសេដ្ឋកិច្ចឡើងវិញ និងគោលនយោបាយ លើកកំពស់វិស័យអចលនទ្រព្យ ដែលគាំទ្របានជំរុញតម្រូវការ។

តម្លៃផ្ទះថ្មីនៅក្នុងខែកុម្ភៈបានកើនឡើង០,៣ភាគរយ ពីមួយខែទៅមួយខែ ពីការកើនឡើង០,១ភាគរយ នៅក្នុងខែមករា។ នេះបើយោងតាមការគណនារបស់សារពត៌មាន Reuters ដោយផ្អែកលើទិន្នន័យរបស់ការិយាល័យស្ថិតិជាតិ (NBS) ។

នៅក្នុងលក្ខខណ្ឌប្រចាំឆ្នាំ តម្លៃផ្ទះបានធ្លាក់ចុះ១,២ភាគរយ ដែលនេះ ជាល្បឿនយឺតបំផុតក្នុងរយៈពេល៧ខែ។ ចាប់តាំងពីពាក់កណ្តាលឆ្នាំ២០២១មក វិស័យនេះបានជួបវិបត្តិសាច់ប្រាក់ ដោយអ្នកអភិវឌ្ឍន៍ជាច្រើនបានពន្យារពេល ឬខកខានសងបំណុល ខណៈដែលពួកគេពិបាក ក្នុងការលក់អាផាតម៉ិន និងប្រមូលមូលនិធិ។

ទស្សនវិស័យនៅក្នុងវិស័យអចលនទ្រព្យ របស់ប្រទេសចិន ដែលធ្លាប់ជាកត្តាជំរុញកំណើនដ៏សំខាន់ សម្រាប់សេដ្ឋកិច្ចបាននិងកំពុងមានភាពប្រសើរឡើង។

នៅក្នុងខែកុម្ភៈ ទីក្រុងចំនួន៥៥ ក្នុងចំណោមទីក្រុងចំនួន៧០ ដែលត្រូវបានអង្កេត ដោយការិយាល័យស្ថិតិជាតិ (NBS) បានមើលឃើញពីកំណើនតម្លៃផ្ទះថ្មីប្រចាំខែ ពោលគឺកើនឡើងពីទីក្រុងចំនួន៣៦ កាលពីខែមករា ។

លើសពីនេះ ទិន្នន័យផ្លូវការសម្រាប់ខែមករា ដល់ខែកុម្ភៈ ក៏បានបង្ហាញពីការធ្លាក់ចុះតិចតួច នៃការលក់ផ្ទះ ការវិនិយោគរបស់អ្នកអភិវឌ្ឍន៍ និងការចាប់ផ្តើមសាងសង់ឡើងវិញ ដែលជាសញ្ញាបង្ហាញថាវិស័យអចលនទ្រព្យកំពុងមានស្ថិរភាពផងដែរ៕

កត្តាអំណោយផលបួន បានជម្រុញការលក់បុរីវិមានសំណាង

ដោយៈ ស៊ីវ ម៉េង

ភ្នំពេញៈ ទីតាំងពិតជាមានសារៈសំខាន់ សម្រាប់ផ្តល់ឲ្យការរស់នៅមានផាសុខភាព និងងាយស្រួលក្នុងការធ្វើដំណើរចេញចូល និងផ្សារភ្ជាប់ជាមួយនឹងតំបន់ជុំវិញ។

ការរីកចម្រើននៃសេដ្ឋកិច្ចសង្គម បានធ្វើឲ្យនគរូបនីយកម្មរីកចម្រើនលឿន និងជម្រុញឲ្យអំណាចនៃការទិញកើនឡើង។

ជាមួយនឹងទស្សនវិស័យវែងឆ្ងាយ និងសិក្សាពីទឹកចិត្ត និងរសនិយមរបស់អតិថិជនច្បាស់លាស់ អ្នកអភិវឌ្ឍន៍បុរីវិមានសំណាងបានជ្រើសរើស យកតំបន់ភាគខាងជើងរាជធានីភ្នំពេញ សម្រាប់អភិវឌ្ឍន៍បុរីនេះ លើផ្ទៃដីទំហំ២៥ហិកតា។

បុរីវិមានសំណាង ស្ថិតនៅលើទីតាំងអំណោយផលជាច្រើនដូចជា ទី១ ជាតំបន់ស្ថិតនៅជាប់ផ្ទៃបឹង និងដងព្រែកធម្មជាតិដ៏ស្រស់ស្អាត ដែលផ្តល់ឲ្យបរិយាកាសរស់នៅមានភាពស្រស់ស្រាយ ទី២ ជាតំបន់ដែលប្រមូលផ្តុំ ដោយមជ្ឈមណ្ឌលពាណិជ្ជកម្មធំៗ ដូចជាផ្សារGlobal House, AEON Mall2 , Makro, ទី៣ ជាតំបន់ដែលមានការអភិវឌ្ឍន៍លឿន និងជាប់នឹងរមណីយដ្ឋានធម្មជាតិចំនួន២ គឺរមណីយដ្ឋានភ្នំរាប និងភ្នំប្រសិទ្ឋត្រៃយ៍ត្រឹង ទី៤ ជាទីតាំង ដែលអ្នកអភិវឌ្ឍន៍ជាតិ អន្តរជាតិកំពុងចាប់អារម្មណ៍ ដោយសារវាស្ថិតនៅជិតពហុកីឡដ្ឋានមរតកតេជោ សួនសត្វសាហ្វារីវើលដ៏ជាដើម។

លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ថា និន្នាការរបស់អ្នកមានជីវភាពធូរធារ កាន់តែឆ្ពោះទៅកាន់ភាគខាងជើងរាជធានី ដោយសារតំបន់នេះមានការអភិវឌ្ឍលឿន ជាតំបន់ ដែលក្រសួងស្ថាប័នរដ្ឋកាន់តែច្រើនជ្រើសរើស បោះទីតាំងនៅតំបន់នេះ។

ជាមួយគ្នានេះ លោកជំទាវឧកញ៉ាគង់ សំណាងអគ្គនាយិកាបុរីវិមានសំណាង បានមានប្រសាសន៍ឲ្យដឹងផងដែរថា ដោយសាររសនិយម និងចំនួនអ្នកមាននៅកម្ពុជាកើនឡើង បានធ្វើឲ្យក្រុមហ៊ុនសម្រេចចិត្តវិនិយោគបុរីលំដាប់អភិជននេះឡើង ដើម្បីឆ្លើយតបនឹងតម្រូវការរបស់ប្រជាពលរដ្ឋ។

លោកជំទាវបានបន្តថា “យើងបានគិតគូ ទាំងសោភ័ណភាពសំណង់ រចនាបទម៉ូតផ្ទះ គុណភាពនៃការឌីសាញក្នុងគំរោង ត្រូវបានផ្ចិតផ្ចង់ និងសំរិតសំរាំងបំផុត ដើម្បីបំពេញចិត្ត និងក្តីស្រម័យរបស់អភិជននានា”៕

អាកាសយានដ្ឋានសិង្ហបុរី Changi ជាប់ឈ្មោះជាព្រលានយន្តហោះដ៏ល្អបំផុតលើពិភពលោកលើកទី១២

ដោយ: គង់ លាងហួរ

អន្តរជាតិ: ក្រុមហ៊ុនស្រាវជ្រាវ Skytrax ដែលមានមូលដ្ឋាននៅទីក្រុងឡុងដ៍ បានចាត់ថ្នាក់អាកាសយានដ្ឋាន Changi ជាអាកាសយានដ្ឋាន ដ៏ល្អបំផុតរបស់ពិភពលោកជាលើកទី១២។

អាកាសយានដ្ឋាននេះ ទទួលបានមកុដរបស់ខ្លួនឡើងវិញ បន្ទាប់ពីបាត់បង់នៅឆ្នាំ២០២១ និងឆ្នាំ២០២២។

នៅពិធីប្រគល់ពានរង្វាន់ អាកាសយានដ្ឋានពិភពលោកឆ្នាំ២០២៣ ដែលធ្វើឡើងនៅឯពិព័រណ៌ស្ថានីយ៍ អ្នកដំណើរនៅទីក្រុង Amsterdam អាកាសយានដ្ឋាន Changi ក៏ត្រូវបានគេដាក់ឈ្មោះថា ជាអាកាសយានដ្ឋានដ៏ល្អ បំផុតនៅតំបន់អាស៊ី ល្អបំផុតនៅក្នុងពិភពលោក សម្រាប់កន្លែងកម្សាន្ត និងល្អបំផុតនៅក្នុងពិភពលោក សម្រាប់ការទទួលទានអាហារនៅអាកាសយានដ្ឋាន។

ចំណែកអាកាសយានដ្ឋានអន្តរជាតិ Hamad នៅទីក្រុងដូហា ប្រទេសកាតា ជាប់ចំណាត់ថ្នាក់ទី២ បន្ទាប់មកគឺអាកាសយានដ្ឋាន Haneda នៅទីក្រុងតូក្យូ ប្រទេសជប៉ុន។

ទន្ទឹមនឹងនេះ អាកាសយានដ្ឋាន Crowne Plaza Changi បានជាប់ឈ្មោះជាសណ្ឋាគារ អាកាសយានដ្ឋានល្អបំផុតរបស់ពិភពលោកសម្រាប់ឆ្នាំទី៨ជាប់ៗគ្នា នៅក្នុងព្រឹត្តិការណ៍នោះផងដែរ។

ពានរង្វាន់នេះ ត្រូវបានផ្តល់ជូនដោយផ្អែកលើ ការស្ទង់មតិសកល ដែលរៀបចំធ្វើឡើងដោយក្រុមហ៊ុន Skytrax រវាងខែសីហា ឆ្នាំ២០២២ និងខែកុម្ភៈ ឆ្នាំ២០២៣នេះ។

ក្រុមអ្នកធ្វើដំណើរត្រូវបានស្នើសុំ ឱ្យវាយតម្លៃលើអាកាសយានដ្ឋាននានា ដោយយោងទៅតាមបទពិសោធន៍របស់ពួកគេ នៅចំណុចផ្សេងៗគ្នា រួមទាំងការចុះឈ្មោះ ការមកដល់ ការដើរទិញឥវ៉ាន់ សន្តិសុខ អន្តោប្រវេសន៍ និងការចាកចេញនៅច្រកទ្វារផងដែរ។

អាកាសយានដ្ឋានChangi បានកាន់កាប់តំណែងកំពូលសម្រាប់រយៈពេល៨ឆ្នាំជាប់ៗគ្នា ចាប់ពីឆ្នាំ២០១៣ ដល់ឆ្នាំ២០២០ ដែលជាការឈ្នះពានរង្វាន់ រយៈពេលវែងបំផុតចាប់តាំងពីពានរង្វាន់ World Airport Awards ត្រូវបានផ្តល់ឱ្យជាលើកដំបូងក្នុងឆ្នាំ២០០០។

ទោះបីជាយ៉ាងនេះក្តី អាកាសយានដ្ឋាន Changi ធ្លាប់បានធ្លាក់ចំណាត់ថ្នាក់ នៅពីក្រោយអាកាសយានដ្ឋានអន្តរជាតិ Hamad និងអាកាសយានដ្ឋាន Haneda ក្នុងឆ្នាំ២០២១ និងឆ្នាំ២០២២ ចំពេលមានការផ្ទុះឡើងនៃវិបត្តិកូវីដ-១៩ផងដែរ៕

ថ្នាក់ដឹកនាំក្រសួងសេដ្ឋកិច្ច និងសភាពាណិជ្ជកម្មបានចូលរួមកិច្ចសន្ទនាគោលនយោបាយតាមវិស័យនៅកម្ពុជា

ដោយៈ គង់ ម៉ាលីនណា

ភ្នំពេញៈ មន្រ្តីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ និងថ្នាក់ដឹកនាំសភាពាណិជ្ជកម្មកម្ពុជា បានចូលរួមកិច្ចសន្ទនាគោលនយោបាយតាមវិស័យនៅកម្ពុជា។

កិច្ចសន្ទនានេះ ដឹកនាំដោយលោកវង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ និងលោកឧកញ៉ាលឹម ហេងអនុប្រធានសភាពាណិជ្ជកម្មកម្ពុជា តំណាងអ្នកឧកញ៉ាគិត ម៉េង និងថ្នាក់ដឹកនាំសភា ពាណិជ្ជកម្មជាច្រើនទៀត។

លោកស្រី Jyotsana Varma នាយកតំបន់ប្រចាំកម្ពុជា នៃធនាគារអភិវឌ្ឍន៍កម្ពុជា នឹងថ្នាក់ដឹកនាំតំណាងពីក្រសួង-ស្ថាប័នរដ្ឋ តំណាងទូត ដៃគូអភិវឌ្ឍន៍ក្នុងតំបន់ និងអ្នកជំនាញតាមវិស័យ ក្នុងវិស័យកសិកម្ម រ៉ែថាមពល អប់រំ និងវិស័យអភិវឌ្ឍន៍នានា និងតំណាងសភាពាណិជ្ជកម្មអន្តរជាតិ និងសមាគមតាមវិស័យជាច្រើនបានចូលរួមផងដែរ។

គោលបំណងនៃកិច្ចសន្ទនានេះគឺដើម្បី វាយតម្លៃ និងកំណត់ទិសដៅយុទ្ធសាស្រ្ត និងវិធានការណ៍គោលនយោបាយ សំដៅសម្រេចឱ្យបាននូវចក្ខុវិស័យកម្ពុជា ជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូល កម្រិតខ្ពស់នៅឆ្នាំ២០៥០។

កិច្ចសន្ទនាគោលនយាបាយតាមវិស័យ នៅកម្ពុជានេះ នឹងត្រូវរៀបចំដោយផ្តោតលើវិស័យអាទិភាពចំនួន ៤ រួមមាន ១. ការអភិវឌ្ឍន៍ជំនាញ ២. ការអប់រំ ៣. វិស័យថាមពល ៤. វិស័យកសិកម្ម៕

ក្រុមហ៊ុនថាមពល Keppel Energy ទទួលបានសិទ្ធិនាំចូលអគ្គិសនីទំហំ១ជីហ្គាវ៉ាត់ពីកម្ពុជាទៅកាន់សិង្ហបុរី

ដោយៈ សុខុម

សិង្ហបុរី: អាជ្ញាធរទីផ្សារថាមពល (EMA) របស់សិង្ហបុរី បានប្រកាសកាលពីថ្ងៃព្រហស្បតិ៍ ទី១៦ ខែមីនា ថា ក្រុមហ៊ុនថាមពល Keppel Energy ទទួលការអនុម័តដោយមានលក្ខខណ្ឌ ដើម្បីនាំចូលថាមពលអគ្គិសនីទំហំ១ជីហ្គាវ៉ាត់ (GW) ពីប្រទេសកម្ពុជា ទៅកាន់ប្រទេសសិង្ហបុរី។

អគ្គិសនីនឹងត្រូវបញ្ជូនពីកម្ពុជា ទៅកាន់សិង្ហបុរី តាមរយៈខ្សែកាបក្រោមសមុទ្រថ្មីៗ ដែលមានប្រវែងជាង១.០០០គីឡូម៉ែត្រ។ ឆ្លើយតបទៅនឹងសំណួររបស់សារព័ត៌មាន CNA អ្នកនាំពាក្យក្រុមហ៊ុន Keppel Infrastructure ដែលជាក្រុមហ៊ុនមេរបស់ Keppel Energy បញ្ជាក់ថា គម្រោងនេះ នឹងតម្រូវឱ្យធ្វើការជួសជុលកែលម្អលើហេដ្ឋារចនាសម្ព័ន្ធដែលមានស្រាប់ និងការកសាងហេដ្ឋារចនាសម្ព័ន្ធថ្មី។

អ្នកនាំពាក្យដដែលនិយាយថា “ការធ្វើផែនការ និងការអនុវត្តគឺជាដំណើរការច្រើនជំហាន រួមទាំងការវាយតម្លៃផលប៉ះពាល់បរិស្ថាន និងជាកម្មវត្ថុ នៃការងារអភិវឌ្ឍន៍នាពេលអនាគត ដែលអាចទទួលអនុវត្តន៍ ដោយក្រុមហ៊ុនដាច់ដោយឡែកៗ”។

អ្នកនាំពាក្យអាជ្ញាធរទីផ្សារថាមពល (EMA) បានប្រាប់សារព័ត៌មាន CNA ថា ការអនុម័តដោយមានលក្ខខណ្ឌ សម្រាប់ក្រុមហ៊ុនថាមពលសិង្ហបុរី Keppel Energy គឺជាការអនុម័តដំបូងដោយអាជ្ញាធរ EMA សម្រាប់ការនាំចូលអគ្គិសនីទ្រង់ទ្រង់ធំបែបនេះ។

អាជ្ញាធរ EMA និយាយថា វាជា “ព្រឹត្តិការណ៍ដ៏សំខាន់” សម្រាប់ប្រទេសសិង្ហបុរី ដែលមានមហិច្ឆតានាំចូលអគ្គិសនី ដែលមានកាបូនទាបរហូតដល់៤ជីហ្គាវ៉ាត់ (GW) នៅត្រឹមឆ្នាំ២០២៥។

ជាផ្នែកនៃចំណាត់ការនេះ ក្រុមហ៊ុន Keppel Energy កាលពីថ្ងៃពុធ ទី១៥ ខែមីនា បានចុះកិច្ចព្រមព្រៀងទិញ និងនាំចេញថាមពលរយៈពេលវែងជាមួយក្រុមហ៊ុន Royal Group Power (RGP) ដែលជាបុត្រសម្ព័ន្ធនៃក្រុមហ៊ុន Royal Group របស់អ្នកឧកញ៉ា គិត ម៉េង សម្រាប់ឱ្យក្រុមហ៊ុន RGP ផ្គត់ផ្គង់ និងនាំចេញ ហើយក្រុមហ៊ុន Keppel Energy នាំចូលថាមពលអគ្គិសនីកាបូនទាប ទៅកាន់ប្រទេសសិង្ហបុរី៕ CNA៕

អ្នកវិភាគអន្តរជាតិលើកឡើងពីគោលនយោបាយការបរទេសកម្ពុជា ជាមួយចិន និងអាមេរិក

អន្តរជាតិៈ ទំនាក់ទំនងរវាងកម្ពុជា និងចិន ត្រូវបានប្រទេសទាំង២ហៅថាជា “មិត្តដែកថែប” ខណៈចិនគឺជាដៃគូពាណិជ្ជកម្មធំបំផុតសម្រាប់កម្ពុជា និងចាប់តាំងពីឆ្នាំ២០១២មក ចិនបានវ៉ាដាច់ជប៉ុន ក្លាយជាអ្នកផ្ដល់ជំនួយ និងកម្ចីអភិវឌ្ឍន៍ដ៏ធំបំផុតសម្រាប់កម្ពុជា។

ដោយសារតែទំនាក់ទំនងមិត្តដែកថែបនេះឯង នៅពេលដែលកម្ពុជា ទទួលយកញញួរជាប្រធានអាស៊ាន កាលពីចុងឆ្នាំ២០២១ វាបានធ្វើឱ្យមនុស្សមួយចំនួនគិតថា កិច្ចប្រជុំអាស៊ានដែលកម្ពុជាធ្វើជាម្ចាស់ផ្ទះនឹងទទួលបរាជ័យ។

ប៉ុន្តែផ្ទុយពីការគិតបែបនេះ កម្ពុជាបានធ្វើឱ្យគេភ្ញាក់ផ្អើល តាមរយៈការបង្ហាញការអនុវត្តគោល “នយោបាយបរទេស ប្រកបដោយឯករាជ្យភាព” អំឡុងកាន់តំណែងជាប្រធានអាស៊ានពេញមួយ ឆ្នាំ២០២២ មិនចំណុះឱ្យបរទេស រាប់ទាំងចិនផងដែរ។

កម្ពុជាបានចាប់ផ្ដើមតំណែងជាប្រធានអាស៊ាន ជាមួយការបំពេញទស្សនកិច្ច របស់សម្ដេចតេជោនាយករដ្ឋមន្ត្រី ហ៊ុន សែន ទៅកាន់ប្រទេស មីយ៉ាន់ម៉ា កាលពីខែមករា ឆ្នាំ២០២២ ដើម្បីជួបពិភាក្សាការងារជាមួយមេដឹកនាំរបបសឹក លោក មីន អោងឡាំង។ នេះគឺជាដំណើរទស្សនកិច្ចជាលើកដំបូង ធ្វើឡើងដោយមេដឹកនាំអាស៊ាន ចាប់តាំងពីផ្ទុះរដ្ឋប្រហារ ទម្លាក់រដ្ឋាភិបាលស្របច្បាប់ របស់លោកស្រី អោង សានស៊ូជី កាលពីខែកុម្ភៈ ឆ្នាំ២០២១មក។

ជាការពិតណាស់ ដំណើរទស្សនកិច្ចនេះ មិនអាចជំរុញឱ្យលោក មីន អោងឡាំង អនុវត្តតាមផែនការសន្តិភាព៥ចំណុចរបស់អាស៊ាននោះទេ ហើយនេះក៏ប្រហែលជារឿង ដែលគេដឹងជាមុនផងដែរ ពីព្រោះថាវិបត្តិនៅមីយ៉ាន់ម៉ា មានភាពស្មុគស្មាញខ្លាំង ដែលសូម្បីតែក្រុមប្រឹក្សាសន្តិសុខអង្គការសហប្រជាជាតិ ក៏មិនអាចដោះស្រាយបានផង ដោយសារតែវាមានជាប់ពាក់ព័ន្ធ នឹងជម្លោះផលប្រយោជន៍ របស់ពួកមហាអំណាច។

ថ្លែងប្រាប់អ្នកសារព័ត៌មានក្នុងទីក្រុងភ្នំពេញ កាលពីខែសីហា ឆ្នាំ២០២២ ប្រមុខការទូត កម្ពុជារូបនេះបានគូសបញ្ជាក់ដូច្នេះថា “ខ្ញុំគ្រាន់តែជាបេសកជនម្នាក់ប៉ុណ្ណោះ។ ខ្ញុំមិនមែនជា Superman ទេ ហើយខ្ញុំគិតថាបើទោះជា Superman ក៏មិនអាចដោះស្រាយបញ្ហាមីយ៉ាន់ម៉ា ភ្លាមៗបាននោះដែរ”។

តែទោះជាយ៉ាងណាក៏ដោយ រឿងមួយដែលគេមិនអាចប្រកែកបាន នោះគឺដំណើរទស្សនកិច្ច និងកិច្ចខិតខំប្រឹងប្រែងរបស់ប្រមុខរដ្ឋាភិបាលកម្ពុជា បាននាំឱ្យមានការដោះលែង អតីតឯកអគ្គរដ្ឋទូតអង់គ្លេស អ្នកកាសែតជប៉ុន និងពលរដ្ឋអូស្ត្រាលីម្នាក់ ឈ្មោះSean Turnell ដែលបានជាប់ពន្ធនាគារអស់រយៈពេលជាង៦៥០ថ្ងៃ នៅមីយ៉ាន់ម៉ា។

សូម្បីតែនាយករដ្ឋមន្ត្រីអូស្រ្តាលី លោក Anthony Albanese ក៏បានអរគុណ និងទទួលស្គាល់កិច្ចខិតខំប្រឹងប្រែង របស់កម្ពុជាផងដែរ។ នៅបន្ទាប់ពីរបបសឹកមីយ៉ាន់ម៉ា កាត់ទោសប្រហារជីវិតសកម្មជនប្រជាធិបតេយ្យកាលពីខែកក្កដា ឆ្នាំ២០២២ កម្ពុជាបានផ្លាស់ប្ដូរវិធី ដោះស្រាយបញ្ហា និងយុទ្ធសាស្ត្រការទូតរបស់ខ្លួន ដើម្បីការពារ ក៏ដូចជា រក្សាតុល្យភាពផលប្រយោជន៍ជាតិ ភាពជាមេដឹកនាំនៅក្នុងតំបន់ និងឥទ្ធិពលចិន តាមរយៈការចូលរួមជាមួយសមភាគីអាស៊ាន និងបន្តមិនអញ្ជើញរដ្ឋបាល របបសឹកចូលរួមក្នុងកិច្ចប្រជុំអាស៊ាន។

Photos from the WTO Aid for Trade Global Review 2019 photo gallery may be reproduced provided attribution is given to the WTO and the WTO is informed. Photos: © WTO/Jay Louvion

នយោបាយការទូតឯករាជ្យរបស់កម្ពុជា បានលេចចេញជារូបរាងកាន់តែច្បាស់ នៅពេលត្រូវដោះស្រាយជាមួយសង្រ្គាមឈ្លានពានរបស់រុស្ស៉ី នៅអ៊ុយក្រែន។

ជារឿងដ៏ភ្ញាក់ផ្អើល កម្ពុជាបានប្រកាន់ជំហរ មិនផ្លាស់ប្ដូរ ក្នុងការថ្កោលទោស សង្រ្គាមឈ្លានពានរបស់រុស្ស៉ី ហើយថែមទាំងបានបោះឆ្នោតគាំទ្រ លើដំណោះស្រាយមហាសន្និបាត អង្គការសហប្រជាជាតិស្ដីពីអធិបតេយ្យ និងបូរណភាពទឹកដីអ៊ុយក្រែន នៅខែមីនា និងខែតុលា ឆ្នាំ២០២២ទៀតផង។

នៅពេលនោះ មនុស្សខ្លះប្រហែលជាអាចគិតថា កម្ពុជាអាចនឹងដើរតាមចិនដែលជាមិត្តដែកថែប ដោយបដិសេធថ្កោលទោសទង្វើរបស់រុស្ស៉ី ឬក៏អាចប្រកាន់ យកជំហរអព្យាក្រឹត ក៏ព្រោះតែមានទំនាក់ទំនងល្អជាមួយទីក្រុងមូស្គូ មិនគួរណាឡើយ កម្ពុជាប្រកាន់ជំហរចូលរួមជាមួយលោកខាងលិចសោះ។

មិនត្រឹមតែគាំទ្រខាងការទូតប៉ុណ្ណោះទេ កម្ពុជាបានផ្ដល់ជំនួយមនុស្សធម៌ដល់អ៊ុយក្រែន តាមរយៈការផ្ដល់ការបណ្ដុះបណ្ដាលបច្ចេកទេសដោះគ្រាប់មីន ដល់អ្នកជំនាញអ៊ុយក្រែន។ លើសពីនេះទៅទៀត កម្ពុជាបានជួយសម្រួលឱ្យអ៊ុយក្រែន បានចូលរួមក្នុងសន្ធិសញ្ញាមិត្តភាព និងកិច្ចសហប្រតិបត្តិអាស៊ាន (TAC)។

ទោះជា TAC មើលទៅគ្រាន់តែជានិមិត្តរូបក៏ដោយ ក៏ប៉ុន្តែការចូលរួមរបស់អ៊ុយក្រែន ក្នុងសន្ធិសញ្ញានេះគឺជាសារមួយយ៉ាងរឹងមាំផ្ញើទៅកាន់ទីក្រុងមូស្គូថា អាស៊ានគោរពអធិបតេយ្យ និងបូរណភាពទឹកដីនៃ រដ្ឋជាសមាជិកUNទាំងអស់ ហើយដែលនេះជាគោលការណ៍ស្នូលរបស់TAC។

ដោយធ្វើដូច្នេះ កម្ពុជាអាចផ្ញើសារទៅកាន់សហគមន៍អន្តរជាតិ និងបណ្ដាប្រទេសដទៃ ពីការទទួលស្គាល់អធិបតេយ្យ និងបូរណភាពទឹកកម្ពុជា ជាពិសេសក្នុងករណីមានវិវាទព្រំដែន ជាមួយប្រទេសក្បែរខាង។ នៅក្នុងអាណត្តិជាប្រធានអាស៊ាន នយោបាយការទូតឯករាជ្យរបស់កម្ពុជាបានបង្ហាញថា “ទោះជាមិត្តក៏ដោយ ក៏ផលប្រយោជន៍ត្រូវបែងចែងគ្នាឱ្យច្បាស់” ហើយក៏មិនអាចយកទំនាក់ទំនង មកបង្គាប់ឱ្យកម្ពុជាត្រូវធ្វើបែបនេះ ឬត្រូវធ្វើបែបនោះឡើយ។

នេះជាទិសដៅវិជ្ជមានមួយ សម្រាប់គោលនយោបាយការបរទេសកម្ពុជា និងជាជោគជ័យ ដ៏មានសក្ដានុពលសម្រាប់កម្ពុជា។ បើតាមការស្ទង់មតិមួយក្នុងឆ្នាំ២០២៣នេះ ធ្វើឡើងដោយវិទ្យាស្ថាន ISEAS-Yusof Ishak មានមូលដ្ឋានក្នុងប្រទេសសិង្ហបុរី ប្រជាជនកម្ពុជា ដែលត្រូវបានសម្ភាសន៍ មានច្រើនជាង៩០ភាគរយឯណោះ បានបង្ហាញការគាំទ្រ ដល់ចំណាត់ការរបស់រដ្ឋាភិបាលកម្ពុជា ចំពោះសង្រ្គាមនៅអ៊ុយក្រែន។ នេះគឺជាអត្រាខ្ពស់បំផុតមួយ នៅក្នុងចំណោម ប្រទេសជាសមាជិកអាស៊ានទាំងអស់ និងជាពិសេសខ្ពស់ជាងឥណ្ឌូណេស៊ី ដែលបច្ចុប្បន្នជាប្រធានអាស៊ានជាប្រធាន G20 កាលពីឆ្នាំ២០២២ ទៅទៀត។

ប្រធានាធិបតីឥណ្ឌូណេស៊ី លោក ចូកូ វីដូដូ ថែមទាំងបានដឹកនាំយុទ្ធនាការការទូតដោយផ្ទាល់ បំពេញទស្សនកិច្ចដោយផ្ទាល់នៅរុស្ស៉ី និងអ៊ុយក្រែន ដើម្បីសាកល្បងសម្របសម្រួល រវាងទីក្រុងមូស្គូ និងទីក្រុងកៀវ ប៉ុន្តែទទួលបានអត្រាគាំទ្រត្រឹមតែ ៥១.២ភាគរយប៉ុណ្ណោះ។

ចំណែកឯសិង្ហបុរី ដែលជាសមាជិកអាស៊ានតែមួយគត់ បានដាក់ទណ្ឌកម្មសេដ្ឋកិច្ចលើរុស្ស៉ី ទទួលបានការគាំទ្រពីប្រជាជន៦៨.៣ភាគរយ ខណៈថៃដែលបោះឆ្នោតអនុបវាទ ដំណោះស្រាយថ្កោលទោសការកាត់យកទឹកដីអ៊ុយក្រែន ដោយរុស្ស៉ី ទទួលបានការគាំទ្រ ២៦.៤ភាគរយ។

ចំណាត់ការរបស់កម្ពុជា ចំពោះសង្រ្គាមនៅអ៊ុយក្រែន វាមិនមែនជាការសម្រេចចិត្ត ដោយតក់ក្រហល់នោះទេ ប៉ុន្តែវាត្រូវបានធ្វើឡើងប្រកបដោយការគណនា ខាងយុទ្ធសាស្រ្តដោយប្រុងប្រយ័ត្ន ក្នុងការអនុវត្ត ការទូតឯករាជ្យ និងការពារប្រយោជន៍ជាតិ ហើយនយោបាយការទូតបែបនេះ អាចនឹងត្រូវបន្សល់ទុក ទៅអ្នកដឹកនាំកម្ពុជាជំនាន់ក្រោយ។

ទោះបីជាកម្ពុជា ត្រូវការប្រយោជន៍សេដ្ឋកិច្ចពីចិន តែក៏មិនចាំបាច់អី ត្រូវធ្វើឱ្យខ្លួនឯងពឹងផ្អែកទាំងស្រុងទៅលើចិន ឬត្រូវធ្វើតាមបង្គាប់របស់ចិននោះដែរ។

ក្រៅតែពីចិន កម្ពុជាបានចុះកិច្ចព្រមព្រៀងពាណិជ្ជកម្មសេរី ជាមួយប្រទេសដទៃផងដែរ ដូចជា កិច្ចព្រមព្រៀងពាណិជ្ជកម្ម សេរីឆ្នាំ២០២២ជាមួយកូរ៉េខាងត្បូង ហើយកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (RCEP) ដែលបានចូលជាធរមាន ក៏ត្រូវបានគេរំពឹងដែរថា នឹងជួយបង្កើនការវិនិយោគបរទេសដោយផ្ទាល់ ទៅកាន់កម្ពុជា។

នៅក្នុងបរិបទភូមិសាស្ត្រនយោបាយសព្វថ្ងៃ ដើម្បីអនាគតសេដ្ឋកិច្ច និងសន្តិសុខ ប្រទេសណាក៏ដោយ ក៏មិនអាចពង្រឹងទំនាក់ទំនង ឬផ្ដេកផ្ដួលលើទំនាក់ទំនង ជាមួយមហាអំណាចតែមួយគត់ឡើយ ។ម្លោះហើយ អ្នកដឹកនាំជំនាន់ក្រោយរបស់កម្ពុជាគួរតែបន្ត “ធ្វើពិពិធកម្មនយោបាយការបរទេស” របស់ខ្លួន និងបង្ហាញថា កម្ពុជានឹងមិនយកពងមាន់របស់ខ្លួនទាំងអស់ ទៅដាក់ក្នុងកន្ត្រករបស់ចិននោះទេ៕

ទីក្រុងរណបធំៗចំនួន៥នៅព័ទ្ឋជុំវិញរាជធានីភ្នំពេញកំពុងជម្រុញការរីកចម្រើននគរូបនីយកម្មយ៉ាងឆាប់រហ័ស

ដោយៈ ជេស៊ីកា

ភ្នំពេញៈ គំរោងកសាងទីក្រុងរណបធំៗចំនួន៥ នៅព័ទ្ឋជុំវិញរាជធានីភ្នំពេញ បាននិងកំពុងអភិវឌ្ឍន៍ក្នុងសភាពយឺតៗ ដោយសារកត្តាជាច្រើន។

គំរោងដែលបាន និងកំពុងបោះទុនរាប់ពាន់លានដុល្លារ បាននិងកំពុងសាងសង់ហេដ្ឋារចនាសម្ព័ន្ឋមួយចំនួន ដើម្បីពង្រីកមូលដ្ឋានទាក់ទាញវិនិយោគិនជាតិ អន្តរជាតិ។

ទីក្រុងកោះពេជ្រ

ទីក្រុងកោះពេជ្រ ជាទីក្រុងស្ថិតនៅជាបេះដូងនៃរាជធានី និងបានចាប់ផ្តើមអភិវឌ្ឍន៍មុនគេ។ តំបន់នេះ លេចចេញនូវវត្តមានអគារកប់ពពកជាច្រើន ខណៈក្រុមហ៊ុនOCIC ដែលកំពុងអភិវឌ្ឍគំរោងនេះ បាននិងកំពុងពង្រីកមូលដ្ឋាននៃការវិនិយោគ តាមរយៈការសាងសង់ផ្លូវដើរ និងកសាងផ្សាររាត្រីព័ទ្ឋជុំវិញកោះ ដែលមានទំហំជាង១០០ហិកតានេះ។

ទោះជាយ៉ាងណាវិបត្តិកូវីដ និងសង្រ្គាមរុស្ស៊ី អ៊ុយក្រែន បានធ្វើឲ្យគំរោងធំៗចំនួន២ បានផ្អាកការសាងសង់របស់ពួកគេ គឺគំរោងThe Mesong កំពស់៦៩ជាន់ ដែលវិនិយោគដោយអ្នកធុរកិច្ចហុងកុង បានពន្យាពេលសាងសង់ម្តងហើយម្តងទៀត។

លើសពីនេះ គម្រោងធំមួយទៀត ដែលវិនិយោគដោយក្រុមហ៊ុនចិន ក្នុងទំហំទឹកប្រាក់១៣០០លានដុល្លារ ក៏បានផ្អាកការសាងសង់ផងដែរ។ លើសពីនេះ រណ្តៅគ្រឹះ ដែលក្រុមហ៊ុនបានជីកពីមុន ត្រូវបានចាក់ដីលុបបំពេញឡើងវិញរួចទៅហើយ ដែលធ្វើឲ្យគំរោងនេះពិបាកស្រម៉ៃដល់ ខណៈវិបត្តិសង្រ្គាមរុស្ស៊ី អ៊ុយក្រែនបន្តឆាបឆេះ និងធ្វើឲ្យសេដ្ឋកិច្ចពិភពលោករងភាពរង្គោះរង្គើរ។

គំរោងនេះ គ្រោងសាងសង់មជ្ឈមណ្ឌលពាណិជ្ជកម្មចម្រុះ ដែលអាគារមេក្នុងគំរោងនេះ គ្រោងសាងសង់រហូតដល់កំពស់ជាង៤០០ម៉ែត្រ។ នេះបើតាមការឲ្យដឹងពីលោកទូច សំណាងអគ្គនាយករងក្រុមហ៊ុនOCIC។

ទីក្រុងកោះនរា

ទីក្រុងដែលមានទំហំ១២៥ហិកតានេះ ក៏វិនិយោគដោយក្រុម ហ៊ុនOCICផងដែរ។ ទីក្រុងនេះ គ្រោងចំណាយទឹកប្រាក់វិនិយោគប្រមាណ៥០០០លានដុល្លារអាមេរិក។

ទីក្រុងកោះនរា បាននិងកំពុងក្លាយជាLandmarkមួយ នៅទីក្រុងភ្នំពេញ ប្រសិនជាអគារមេកំពស់ជាង៦០០ម៉ែត្រ ដែលបានរចនាឡើងដោយក្រុមហ៊ុនFoster& Partner សាងសង់ពិតប្រាកដនាពេលខាងមុខ។

ទីក្រុងនេះ មិនទាន់មានសកម្មភាពអភិវឌ្ឍ ជាដុំកំភួននៅឡើយទេ ខណៈក្រុមហ៊ុនOCICកំពុងពន្លឿនការ សាងសង់ស្ពានតភ្ជាប់រវាងទីក្រុងកោះពេជ្រ និងទីក្រុងកោះនរា ដែលស្ពាននេះនឹងដាក់ឲ្យដំនើរការនៅខែតុលាខាងមុខ។ ប្រសិនជាគ្មានការប្រែប្រួលទេនោះ។

ទស្សនទាននៃការអភិវឌ្ឍន៍ទីក្រុងកោះនរា មានសភាពស្រដៀងគ្នានឹងទីក្រុងកោះពេជ្រផងដែរ។

ទីក្រុងរណបជ្រោយចង្វារ ទីក្រុងនៃអនាគត

ទីក្រុងរណប ដែលមានទន្លេព័ទ្ឋជុំវិញនេះ គ្រោងចំណាយប្រាក់វិនិយោគ រហូតដល់ទំហំ៦០០០លានដុល្លារអាមេរិក ដើម្បីកសាងទីនិងពង្រីកសកម្មភាពសេដ្ឋកិច្ច ឲ្យមានសភាពរសរវើក។

ទីក្រុងនេះ បាននិងកំពុងលេចចេញនូវ សកម្មភាពពាណិជ្ជកម្ម អគារខ្ពស់ៗមួយចំនួន ស្របពេលផែនការរបស់ក្រុមហ៊ុនOCIC គ្រោងរើសាលពិព៌ណ និងអាពាហ៍ពិពាហ៍នៅទីក្រុងកោះពេជ្រ យកទៅដាក់នៅទីក្រុងនេះ។

បច្ចុប្បន្នភោជនីយដ្ឋាន ហាងកាហ្វេ កន្លែងកំសាន្តមួយចំនួនបានដំណើរការ និងខ្លះក៏បានបិទទ្វារលែងដំណើរការផងដែរ ដោយសារតំបន់នេះ មិនទាន់មានអ្វីទាក់ចិត្តប្រជាជនទៅរស់នៅ និងចំណាយប្រាក់ច្រើននៅទីនេះនៅឡើយទេ។

ជាក់ស្តែងផ្សារទំនើបមួយ City Walk ដែលវិនិយោគដោយក្រុមហ៊ុនMorgan Group ក៏បានជាប់គាំងដូចអ្នកវិនិយោគទី១ផងដែរ។

បច្ចុប្បន្នអ្វីដែលជាសមិទ្ឋផល ដ៏គួរឲ្យចាប់អារម្មណ៍ជាងគេ គឺស្ពានយោងដោយខ្សែកាប ឆ្លងកាត់ទន្លេសាបទី១ បាននិងកំពុងត្រៀមបើកដំណើរការ នៅមុនពិធីបុណ្យចូលឆ្នាំប្រពៃណីជាតិខ្មែរនាពេលខាងមុខនេះ។

លើសពីនេះ ក្រុមហ៊ុនOCIC ក៏បាននិងកំពុងវិនិយោគគំរោងលំនៅដ្ឋាន ជាលក្ខណៈបុរី និងមជ្ឈមណ្ឌលពាណិជ្ជកម្មនៅក្នុងទីក្រុងរណបនេះ ជាបន្តបន្ទាប់ផងដែរ។

ទីក្រុងេរណបតេជោមរកត

ទីក្រុងរណបនេះ មានផ្ទៃដីទំហំរាប់រយហិកតា បាននិងកំពុងពង្រីកមូលដ្ឋាន សក្តានុពលសេដ្ឋកិច្ចតំបន់ និងជម្រុញភាពទាក់ទាញការអភិវឌ្ឍពីអ្នកវិនិយោគជាតិ អន្តរជាតិផងដែរ។

បច្ចុប្បន្នទីក្រុងរណបនេះ មានគំរោងអភិវឌ្ឍន៍ជាច្រើន ដែលបានបញ្ចប់ និងកំពុងសាងសង់ដូចជា វិមានឈ្នះ ឈ្នះ ពហុកីឡដ្ឋានមរតកតេជោ សួនសត្វសាហ្វារី វើលដ៏ ទីក្រុងមិត្តភាពកម្ពុជា ចិន និងបុរីមួយចំនួនទៀត បាននិងកំពុងសាងសង់នៅក្បែរគំរោងនេះ។

ទីក្រុងរណបនេះ កំពុងអភិវឌ្ឍន៍ដោយក្រុមហ៊ុនLYP Groupរបស់អ្នកឧកញ៉ាលី យ៉ុងផាត់។

ទីក្រុងរណបING CITY

ប្រែក្លាយជាតំបន់លិចទឹក ដ៏ល្វឹងល្វើយទំហំធំជាងគេនៅរាជធានីភ្នំពេញ ING CITYកំពុងផ្លាស់ប្តូរ មុខមាត់រាជធានីភ្នំពេញយ៉ាងឆាប់រហ័ស ដោយសារទីក្រុងនេះ បាននិងកំពុងក្លាយជាតំបន់CBDមួយ នាពេលបច្ចុប្បន្ននេះ តាមរយៈការលេចឡើងនូវវត្តមានមជ្ឈមណ្ឌលពាណិជ្ជកម្ម ដូចជា ផ្សារទំនើបAEON Mall3 ផ្សារទំនើបជីប ម៉ុង បុរីប៉េង ហួត បុរីមានជ័យ គំរោងបុរីR&F គំរោងខុនដូUrban Village ដែលវិនិយោគដោយក្រុមហ៊ុនHurban Hubជាដើម។

ទីក្រុងរណបនេះ បានលេចឡើង និងរីកចម្រើនយ៉ាងឆាប់រហ័ស ដោយសារគំរោងហេដ្ឋារចនាសម្ព័ន្ឋធំៗ របស់រដ្ឋាភិបាល ដូចជា ព្រលានយន្តហោះអន្តរជាតិតេជោ ក្រុងតាខ្មៅ គំរោងសាងសង់ផ្លូវក្រវ៉ាត់ក្រុងទី៣ ការពង្រីកផ្លូវជាតិលេខ២ជាដើម៕

ខេត្តព្រះសីហនុ ត្រៀមសម្រាប់ស៊ីហ្គេមនិងធ្វើម្ចាស់ផ្ទះវេទិកាទេសចរណ៍មេគង្គ

ដោយៈ គង់ សូរិយា

ព្រះសីហនុៈ អភិបាលនៃគណៈអភិបាលខេត្តព្រះសីហនុ លោកគួច ចំរើន អភិបាលនៅព្រឹកថ្ងៃទី១៦ មិនានេះ បានដឹកនាំកិច្ចប្រជុំត្រៀមរៀបចំធ្វើជាម្ចាស់ផ្ទះរៀបចំ ព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេម និងកិច្ចប្រជុំការងារទេសចរណ៍លើកទី៥១ និងវេទិការទេសចរណ៍មេគង្គឆ្នាំ២០២៣។

លោកគួច ចំរើន អភិបាលខេត្តព្រះសីហនុ បានថ្លែងបើកកិច្ចប្រជុំ ដោយផ្តោតសំខាន់លើការពង្រឹង និងការលើកកម្ពស់ភាពជាដៃគូររដ្ឋ និងឯកជន (PPP) ក្នុងវិស័យទេសចរណ៍សំដៅអភិវឌ្ឍផលិតផល និងជំរុញការផ្សព្វផ្សាយទេសចរណ៍ ប្រទេសមហាអនុតំបន់មេគង្គ ឱ្យក្លាយជាគោលដៅទាក់ទាញរួមគ្នា និងផ្តល់នូវបទពិសោធន៍ថ្មីដល់ភ្ញៀវទេសចរ។

យុទ្ឋសាស្រ្តទាំងនោះ មានដូចជា ១.ទេសចរណ៍វ័យឆ្លាត និងគោលដៅទេសចរណ៍វ័យឆ្លាត តាមរយៈបច្ចេកវិទ្យា ២.គិតគូរឡើងវិញពីវិស័យម្ហូបអាហារ ដើម្បីការពារភពផែនដី ៣.ការពង្រឹងមូលធនមនុស្ស ដើម្បីភាពធន់ក្នុងវិស័យទេសចរណ៍។

លោកបន្តថា “យើងត្រូវត្រៀមឱ្យបានរួចរាល់ដូចជា ចែកតួនាទី និងភារកិច្ចឱ្យបានច្បាស់លាស់ សំដៅនាធាដល់សុខសុវត្ថិភាព ផាសុខភាព និងបដិសណ្ឋារកិច្ចល្អដល់ប្រតិភូ វាគ្មិន វិស័យឯកជន និងអ្នកសារព័ត៌មានជាតិ និងអន្តរជាតិ។ ជំរុញការផ្សព្វផ្សាយព្រឹត្តិការណ៍ខាងលើឱ្យបានកាន់តែ ទូលំទូលាយទាំងកម្រិតជាតិ អន្តរជាតិ និងអ្នកសារព័ត៌មានជាតិ និងអន្តរជាតិ ដើម្បីបង្ហាញគោលដៅទាក់ទាញទេសចរណ៍លើគោក មកទស្សនានឹងដកបទពិសោធន៍សកម្មភាពមុជទឹកបាតសមុទ្រ ដើម្បីជំរុញការផ្សព្វផ្សាយផលិតផល ទេសចរណ៍នៅដែនកោះ ក្នុងឋានៈជាម្ចាស់ផ្ទះស៊ីហ្គេមលើកទី៣២ ឆ្នាំ២០២៣ ជាព្រឹត្តិការណ៍ប្រវត្តិសាស្ត្រ សម្រាប់ខេត្តព្រះសីហនុផងដែរ។

ខេត្តព្រះសីហនុ នឹងធ្វើជាម្ចាស់ផ្ទះ ការប្រកួតកីឡាចំនួន៣ប្រភេទ ១.កីឡាទូកក្ដោង ២.កីឡាប៉ូតូទឹក និងទី៣.បាល់ទះឆ្នេរខ្សាច់។ យើងត្រូវធ្វើការទទួលខុសត្រូវបែងចែកតួនាទី ភារកិច្ចការធ្វើជាម្ចាស់ផ្ទះ និងពិនិត្យទីតាំង នៃការប្រកួតឱ្យបានសមស្រប ហើយអ្នកដែលមានការពាក់ព័ន្ធត្រូវធ្វើការផ្សព្វផ្សាយចែករំលែក និងការចូលរួមគាំទ្រឱ្យបានពេញលេញ ឱ្យកាន់តែល្អប្រសើរបន្ថែមទៀត ដើម្បីប្រែក្លាយជាសកម្មភាព ដែលជាមោទនភាពរបស់ខេត្តយើងទាំងអស់គ្នា។

លោកគួច ចំរើនបានបញ្ជាក់ថា ការងារការពារសន្តិសុខ សណ្តាប់ធ្នាប់ក៏ជារឿងមួយសំខាន់ ក្នុងការទទួលខុសត្រូវ ដូច្នេះក្រុង ស្រុក ឃុំ សង្កាត់ត្រូវចូលរួមសកម្មភាពសម្អាតអនាម័យ បរិស្ថាននៅតាមមូលដ្ឋាន ដោយធ្វើការបែងចែកមន្ត្រី និងបំផុសប្រជាពលរដ្ឋឱ្យចូលរួមកែលម្អសោភណ្ឌភាពនៅតាមមុខផ្ទះ យើងត្រូវចាប់យកឱកាស បង្កើតវប្បធម៌ស្នាមញញឹម ជម្រុញឱ្យអ្នកលក់ដូរត្រូវដាក់ស្លាកតម្លៃ ព្រមទាំងលើកទឹកចិត្តអ្នក ដែលបានចូលរួមតាមការណែនាំរបស់អាជ្ញាធរ នេះជាការគាំទ្រសម្រាប់ពិធីបុណ្យចូលឆ្នាំខ្មែរ និងស៊ីហ្គេមនៅខេត្តព្រះសីហនុប្រកបដោយសុវត្ថិភាព៕

Thailand and EU formally relaunch trade talks

Thailand and the European Union have formally announced the relaunch of negotiations for a free trade agreement (FTA), which had been suspended since the military coup in 2014.

Both sides aim to reach agreement on an “ambitious, modern and balanced free trade agreement, with sustainability at its core”, the European Commission said in a statement posted on its website on Wednesday.

The statement said the two sides aimed to address a wide range of issues such as: market access for goods, services, investment and government procurement; swift and effective sanitary and phyto-sanitary procedures; protection of intellectual property rights including geographical indications, and the removal of obstacles to digital trade and trade in energy and raw materials, thereby supporting digital and green transitions.

The 27-country EU is Thailand’s fourth-largest trading partner after China, the US and Japan.

FTA negotiations were originally launched in 2013 but put on hold after the 2014 coup as the EU protested against what it deemed to be the suspension of democracy.

After a new constitution was approved in 2017 and elections held in 2019, engagement improved, culminating in the signing of a partnership and cooperation agreement in December last year.

In 2022, trade between Thailand and the EU was worth US$41 billion, accounting for 7% of Thailand’s total trade.

Exports to the EU totalled $22.7 billion last year, up 5.2% from the year before. Key export products included computers, computer equipment and components, gems and jewellery, air-conditioners and components, rubber products and electronic circuit boards.

The EU is the third-largest investor in Thailand, representing around 10% of total foreign direct investment (FDI) in the country, and the second-largest destination of Thai FDI, accounting for nearly 14% of total Thai FDI.

Source: Online Reporters

ឧបនាយករដ្ឋមន្រ្តីប្រាក់ សុខុនចាប់អារម្មណ៍គំរោងអភិវឌ្ឍន៍ “ភូមិផ្កាត្រកួន”

ដោយៈ ជេស៊ីកា

កណ្តាលៈ លោកឧបនាយករដ្ឋមន្រ្តីប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានបង្ហាញការចាប់អារម្មណ៍គំរោងអភិវឌ្ឍន៍ភូមិ “ផ្កាត្រកួន”។

លោកឌិន សុមេធារិទ្ឋ ជាអ្នកអភិវឌ្ឍន៍គំរោងភូមិផ្កាត្រកួនបានបង្ហោះសារ និងរូបភាពមួយចំនួន ដោយលោកលើកឡើងថា “ឯកឧត្តមឧបនាយករដ្ឋមន្រ្តី ប្រាក់ សុខុន និងលោកជំទាវ និងសហការីបានអញ្ជើញពិសារអាហារថ្ងៃត្រង់ នៅភូមិផ្កាត្រកួន។

ភូមិផ្កាត្រកួន បាននិងកំពុងទាក់ទាញ ចំណាប់អារម្មណ៍កាន់តែខ្លាំងពីប្រជាពលរដ្ឋទូទៅ ក៏ដូចជា ថ្នាក់ដឹកនាំស្ថាប័នជាច្រើន ដែលបានទិញដីក្នុងគំរោងនេះ ដែលបច្ចុប្បន្នភូមិផ្កាត្រកួនបាន ពង្រីកផ្ទៃដីបានប្រមាណ២០០ហិកតា។

ទស្សនទាននៃការអភិវឌ្ឍន៍ភូមិផ្កាត្រកួន ត្រូវបានឌីសាញនិងរៀបចំឡើងដោយលោកឌិន សុមេធារិទ្ឋ ដែលលោកធ្លាប់បានសិក្សាពីផែនការរៀបចំ និងអភិវឌ្ឍន៍ទីក្រុងនៅប្រទេសថៃ។

គំរោងភូមិផ្កាត្រកួន បាននិងកំពុងអភិវឌ្ឍន៍ចម្រុះ ជាមួយផ្ទះលំហែរ ជាប់មាត់បឹង ទីលានកីឡា ផ្សារសហគមន៍ កន្លែងអុំទូកកាយ៉ាក់ ទីតាំងសម្រាប់ស្ទូចត្រីកំសាន្ត ហាងកាហ្វេជាដើម។

ភូមិផ្កាត្រកួន មានដីលំហែរកាយ ដែលមានទំហំចាប់ពី១៥គុណនឹង២៥ម៉ែត្រ និងធំជាងនេះ ជាមួយនឹងតម្លៃប្រែប្រួលអាស្រ័យលើភូមិសាស្រ្តនិមួយៗ៕

1...1,0051,0061,007...3,258 Page 1,006 of 3,258