គំរោងហេដ្ឋារចនាសម្ព័ន្ឋធំៗជាច្រើនទៀតកំពុងសិក្សានិងត្រៀម សាងសង់មួយចំនួន

ដោយៈ ច្រាយ ចំណាន

ភ្នំពេញៈ លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានលើកឡើង ពីគម្រោងសាងសង់ហេដ្ឋារចនសសម្ព័ន្ឋធំៗចំនួន៧ទៀត ដែលរដ្ឋាភិបាលត្រៀមបើកការដ្ឋាន និងក្រុមហ៊ុននានាកំពុងសិក្សា។

លោកបានមានប្រសាសន៍បែបនេះ កាលពីថ្ងៃចុងសប្តាហ៍មុន ក្នុងជំនួបជាមួយ លោកAtsushi Ueno ឯកអគ្គរាជទូតជប៉ុនថ្មីប្រចាំ កម្ពុជា។

គំរោងហេដ្ឋារចនាសម្ព័ន្ឋ ដែលបានលើកឡើងនោះរួមមាន ទី១ គម្រោងផ្លូវល្បឿនលឿន ភ្នំពេញ-បាវិត ដែលគ្រោងនឹងបើកការដ្ឋានសាងសង់ នៅខែមិថុនា ឆ្នាំ២០២៣។ ទី២ គម្រោងសិក្សាសមិទ្ធិលទ្ធភាពផ្លូវល្បឿនលឿន ភ្នំពេញ-សៀមរាប ទី៣ ការសិក្សាសមិទ្ធិលទ្ធភាពគម្រោង លើកកម្រិតផ្លូវរថភ្លើងភាគខាងជើង ភ្នំពេញ-ប៉ោយប៉ែត ។

ទី៤ គម្រោងសិក្សាសមិទ្ធិលទ្ធភាព ដឹកជញ្ជូនតាមផ្លូវទឹកពីទន្លេបាសាក់ ទៅកាន់កំពង់ផែឆ្នេរសមុទ្រខេត្តកែប ជាពិសេសលើវិស័យដឹកជញ្ជូនសាធារណៈក្នុងទីក្រុង ដែលគម្រោងទាំងនោះ ក្រសួងធ្លាប់បានសិក្សា សមិទ្ធិលទ្ធភាពពីមុនរួចមកហើយ រួមមាន ការសិក្សាគម្រោងប្រព័ន្ធប្រតិបត្តិការ រថភ្លើងស្វ័យប្រវត្តិ(AGT) ប្រព័ន្ធរថភ្លើងក្រោមដី (Subway) និងការសិក្សាគម្រោងអភិវឌ្ឍន៍រថភ្លើងMonorail ដើម្បីចូលរួមកាត់បន្ថយការកកស្ទះចរាចរណ៍ នៅក្នុងរាជធានីភ្នំពេញ ដែលបន្តទាមទារនូវកិច្ចសហការ និងការវិនិយោគពីវិស័យឯកជន។

ជាមួយគ្នានេះ លោកAtsushi Ueno ឯកអគ្គរដ្ឋទូតបានថ្លែងនូវការកោតសរសើរ ដល់ថ្នាក់ដឹកនាំរបស់ក្រសួងសាធារណការ និងដឹកជញ្ជូន ដែលបានខិតខំប្រឹងប្រែងអភិវឌ្ឍ និងធ្វើប្រសើរឡើងដល់ហេដ្ឋារចនាសម្ព័ន្ធរូបវន្តរបស់កម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងបានបង្ហាញចំណាប់អារម្មណ៍លើការស្វែងយល់អំពីបច្ចុប្បន្នភាព នៃគម្រោងសាងសង់អភិវឌ្ឍន៍ហេដ្ឋារចនាសម្ព័ន្ធនានានៅកម្ពុជាផងដែរ។

លោកទេសរដ្ឋមន្ត្រី បានជម្រាបជូនអំពីការបំពេញការងារប្រកបដោយការទទួលខុសត្រូវ និងកិច្ចសហប្រតិបត្តិការដ៏ល្អ រវាងរាជរដ្ឋាភិបាលនៃប្រទេសទាំងពីរ ដោយមានគម្រោងអភិវឌ្ឍន៍អាទិភាពសំខាន់ៗដែលសម្រេចបាន និងកំពុងអនុវត្តបន្ត ក្នុងនោះរួមមាន គម្រោងសាងសង់ផែកុងតឺន័រថ្មី ដំណាក់កាលទី១ របស់កំពង់ផែស្វ័យតក្រុងព្រះសីហនុ ការសិក្សាគម្រោងសាងសង់ចំណតផែកុងតឺន័រថ្មីជំហានទី២ និងជំហានទី៣ ដែលកំពង់ផែនេះជាច្រកសេដ្ឋកិច្ចយ៉ាងសំខាន់ សម្រាប់ការនាំទំនិញចេញ-ចូល គម្រោងកែលម្អប្រព័ន្ធភស្តុភារកម្មកម្ពុជា គម្រោងពង្រីក និងលើកកម្រិតគុណភាពផ្លូវជាតិលេខ៥ និងគម្រោងផ្សេងៗជាច្រើនទៀត។

លោកទេសរដ្ឋមន្ត្រីស៊ុន ចាន់ថុល ក៏បានស្នើឱ្យជប៉ុនជួយបន្តអភិវឌ្ឃ កសាងសមត្ថភាពធនធានមនុស្ស តាមរយៈការផ្ដល់សាស្ត្រាចារ្យ វគ្គបណ្តុះបណ្តាលខ្លីៗ ដោយផ្ទាល់ ឬតាមប្រព័ន្ធ online ក៏ដូចជាពិនិត្យលទ្ធភាព ជួយជ្រោមជ្រែងដល់ដំណើរការរបស់វិទ្យាស្ថានតេជោសែន សាធារណការ និងដឹកជញ្ជូន ដើម្បីបណ្តុះបណ្តាលវិស្វករកម្ពុជា ឱ្យមានជំនាញច្បាស់លាស់។

កាលពីពេលថ្មីៗនេះដែរ ជប៉ុនទើបនឹងបានផ្តល់ជាគ្រឿងចក្រ Stabilizer មកកាន់ក្រសួង ដើម្បីបម្រើការងារក្នុងវិស័យផ្លូវថ្នល់ លើសពីនេះជប៉ុន ក៏បានផ្តល់ជំនួយចំពោះការសិក្សា គម្រោងអាងប្រព្រឹត្តិកម្មទឹកកខ្វក់ និងផែនការយុទ្ធសាស្រ្ត ភាពជាដៃគូគ្រប់ជ្រុងជ្រោយផងដែរ៕

ក្រុងថ្មីៗដែលរដ្ឋាភិបាលបង្កើតកំពុងជំរុញចលនាអភិវឌ្ឍន៍ អចលនទ្រព្យ

ដោយៈ វឌ្ឍនៈ

ភ្នំពេញៈ ក្នុងរយៈពេលជាង១ទសវត្សរ៍កន្លងមកនេះ រាជរដ្ឋាភិបាលបានបង្កើតក្រុងថ្មីៗ នៅតាមបណ្ដាខេត្តនានា ដោយខេត្តខ្លះមានខេត្តខ្លះទៀត មានទីក្រុង១ ខេត្តខ្លះ មានក្រុងរហូតដល់ទៅ៣។

ការបង្កើតក្រុងថ្មីៗ នៅតាមបណ្ដាខេត្តនានានេះ ក៏បាននិងកំពុងជំរុញចលនាអភិវឌ្ឍន៍អ ចលនទ្រព្យនៅតាមបណ្ដា ក្រុងទាំងនោះ យ៉ាងសកម្មភាពផងដែរ។

ការបង្កើតក្រុង គឺចាំបាច់ណាស់ ត្រូវការអភិវឌ្ឍន៍ហេដ្ឋារចនាសម្ព័ន្ធផ្លូវ ទឹក និងភ្លើង ដើម្បីទាក់ទាញមនុស្សឱ្យទៅរស់នៅ ក្នុងទីក្រុងថ្មីនោះកាន់តែច្រើន ហើយជាលទ្ធផលក្រោយ ពេលរដ្ឋាភិបាលបង្កើតក្រុងរួចក៏ឃើញថា មានការអភិវឌ្ឍអចលនទ្រព្យ កាន់តែច្រើនផងដែរ ជាពិសេសទៅលើលំនៅឋាន ។

លោកសុខ គែន នាយកប្រតិបត្តិនៃក្រុមហ៊ុនKampot Street Real Estate ប្រចាំខេត្តកំពតបានឱ្យដឹងថា នៅក្នុងខេត្តកំពតមានក្រុងចំនួន២ មកដល់សព្វថ្ងៃនេះ គឺក្រុងកំពត និងក្រុងបូកគោ ដែលក្រុងបូកគោ ទើបតែចេញអនុក្រឹត្យក្នុងការបង្កើតថ្មីៗនេះ។បន្ទាប់ពី រដ្ឋាភិបាល បានចេញអនុក្រឹត្យបង្កើតក្រុងថ្មីនេះ ក៏ឃើញថាមានការទាក់ទាញអ្នកអភិវឌ្ឍន៍ជាច្រើន បានចូលទៅកាន់តំបន់នោះ ដើម្បីស្វែងរកការវិនិយោគផ្សេងៗ។

លោកបន្តថា ការបង្កើតក្រុង គឺត្រូវមានការអភិវឌ្ឍអគាររដ្ឋបាលក្រុង អគារសង្កាត់ហេដ្ឋារចនាសម្ព័ន្ធនានា ដូចជាអភិវឌ្ឍន៍ផ្លូវបន្ថែម តបណ្ដាញភ្លើង និងទឹក ហើយនៅពេលមានហេដ្ឋារចនាសម្ព័ន្ធទាំងនេះ នឹងទាក់ទាញមនុស្សទៅរស់នៅកាន់តែច្រើន ដែលធ្វើឱ្យតម្រូវការលំនៅឋាន ក៏ដូចជា ដីធ្លីសម្រាប់អភិវឌ្ឍន៍លំនៅឋាន ក៏ច្រើនដូចគ្នាដែរ”។

លោកប៉ូ អ៊ាវគង់ អគ្គនាយកក្រុមហ៊ុនអចលនទ្រព្យAdvance ក៏បានឱ្យដឹងថា ការបង្កើតក្រុងថ្មី អ្វីដែលត្រូវអភិវឌ្ឍន៍មុនគេ គឺហេដ្ឋារចនាសម្ព័ន្ធ បន្ទាប់មកគឺលំនៅឋាន ហើយដើម្បីជំរុញឱ្យពលរដ្ឋទៅរស់នៅ ក្នុងក្រុងថ្មីកាន់តែច្រើន គឺត្រូវមានការអភិវឌ្ឍលំនៅឋាន មានហេដ្ឋារចនាសម្ព័ន្ធដែលមានគុណភាព។

លោកបន្តថា ជាការកត់សម្គាល់ នៅពេលមានការបង្កើតក្រុងថ្មី អ្នកវិនិយោគក្នុង និងក្រៅប្រទេស តែងតែសម្លឹងឆ្ពោះទៅកាន់ទីនោះ និងបានស្វែងរកការវិនិយោគនានា។

ជាក់ស្ដែងក្រុងថ្មីៗ ដែលទើបបង្កើត ដូចជាទីក្រុងអរិយក្សត្រ ទីក្រុងឧត្តុងម៉ែជ័យ ទីក្រុងសំពៅពូន ខេត្តកណ្តាល យើងសង្កេតឃើញថា តំបន់ទាំងនោះ ចាប់ផ្ដើមមានអ្នកវិនិយោគ លើអចលនទ្រព្យចូលទៅអភិវឌ្ឍន៍គម្រោងរបស់ពួកគេ ដើម្បីផ្គត់ផ្គង់ជូនពលរដ្ឋទៅតាមតម្រូវការជាក់ស្ដែង ។

បច្ចុប្បន្ននេះខេត្តកណ្ដាល ជាខេត្តដែលមានក្រុងច្រើនជាងគេក្នុងចំណោមខេត្តទូទាំងប្រទេសកម្ពុជា ដោយមានរហូតដល់៣ក្រុង ក្នុងនោះរួមមានក្រុងតាខ្មៅ ទីរួមខេត្តកណ្ដាល ក្រុងអរិយក្សត្រ ទើបបង្កើតថ្មី ក្រុងសំពៅពូន ក៏ទើបបង្កើតថ្មី។

ក្នុងនោះដែរក្រុងអរិយក្សត្រ នៃខេត្តកណ្ដាលកំពុងទទួលបានការចាប់អារម្មណ៍ ពីសំណាក់វិនិយោគិនក្នុង និងក្រៅប្រទេសច្រើនជាងគេ និងកំពុងមានសកម្មភាព ក្នុងការអភិវឌ្ឍអចលនទ្រព្យយ៉ាងមមាញឹកផងដែរ៕

ក្រុមហ៊ុនដ៏ធំរបស់ចិនចាប់អារម្មណ៍វិនិយោគលើហេដ្ឋារចនា សម្ព័ន្ឋធំៗនៅកម្ពុជា

ដោយៈ គង់ សូរិយា

ភ្នំពេញៈ ក្រុមហ៊ុនចិនដ៏ធំមួយ China Metro Groupរបស់ប្រទេសចិន បានបង្ហាញពីបំណងចង់វិនិយោគ លើហេដ្ឋារចនាសម្ព័ន្ឋនៅកម្ពុជា។

ថ្នាក់ដឹកនាំក្រុមហ៊ុននេះ បានជួបសម្តេចតេជោហ៊ុន សែននាយករដ្ឋមន្រ្តីនៃកម្ពុជាម្តងរួចហើយ នៅទីក្រុងប៉េកាំងអំឡុងសម្តេចបានអញ្ជើញបំពេញទស្សនកិច្ចនៅប្រទេសចិន ក្នុងចន្លោះថ្ងៃទី៩ ដល់១១កុម្ភៈកន្លងមកនេះ។

តាមរយៈជំនួបនេះ បានធ្វើឲ្យលោកLi Kuo តំណាងក្រុមហ៊ុនChina Metro Groupមកស្វែងយល់ពីគំរោង អភិវឌ្ឍន៍ហេដ្ឋារចនាសម្ព័ន្ឋធំៗនៅកម្ពុជា។

លោកLi Kuoបានជួបពិភាក្សាការងារ ជាមួយលោកទេសរដ្ឋមន្រ្តីស៊ុន ចាន់ថុល រដ្ឋមន្រ្តីក្រសួងសាធារណៈការ និងដឹកជញ្ជូនកាលពីចុងសប្តាហ៍មុននេះ។

លោក Li Kuo បានប្រាប់លោក ស៊ុន ចាន់ថុល អំពីសកម្មភាពការងារ បទពិសោធន៍របស់ក្រុមហ៊ុន ដែលជាសាជីវកម្មធំមួយនៅប្រទេសចិន ក្នុងការអនុវត្តការងារសាងសង់ ហេដ្ឋារចនាសម្ព័ន្ធទាំងនៅក្នុងតំបន់ និងពិភពលោក។

លោកទេសរដ្ឋមន្ត្រី ជម្រាបជូនអំពីការលើកទឹកចិត្ត របស់រាជរដ្ឋាភិបាលកម្ពុជា ដល់វិនិយោគិនតាមរយៈច្បាប់វិនិយោគ ដែលអនុញ្ញាតឱ្យមានកិច្ចសន្យារយៈពេលវែង ការបើកចំហការវិនិយោគលើគ្រប់វិស័យ ការអនុគ្រោះពន្ធ។ល។ ជាងនេះទៅទៀត ឯកឧត្តមទេសរដ្ឋមន្ត្រី ក៏បានជំរុញឱ្យក្រុមហ៊ុនពិនិត្យលទ្ធភាព ក្នុងការចូលរួមដាក់ទុនវិនិយោគ ក្នុងការកសាង និងអភិវឌ្ឍវិស័យហេដ្ឋារចនាសម្ព័ន្ធនៅកម្ពុជា។

លោក ស៊ុន ចាន់ថុល បានបង្ហាញនូវគម្រោងសិក្សាមួយចំនួន ដែលក្រសួងកំពុងស្ថិតក្នុងការសិក្សា ព្រមទាំងកំពុងលើកទឹកចិត្តឱ្យក្រុមហ៊ុន ឬដៃគូអភិវឌ្ឍន៍នានាចូលរួមក្នុងការវិនិយោគ។ លោកថា គម្រោងទាំងនោះរួមមាន ការសិក្សាគម្រោងតភ្ជាប់ផ្លូវរថភ្លើង ពីព្រលានយន្តហោះភ្នំពេញថ្មី ការសិក្សាគម្រោងតភ្ជាប់ផ្លូវរថភ្លើង តភ្ជាប់ពីព្រលានយន្តហោះថ្មី ខេត្តសៀមរាប ប្រព័ន្ធប្រតិបត្តិការរថភ្លើងស្វ័យប្រវត្តិ(AGT) ប្រព័ន្ធរថភ្លើងក្រោមដី (Subway) និងការសិក្សាគម្រោងអភិវឌ្ឍន៍រថភ្លើង Monorail ដើម្បីឆ្លើយតបទៅនឹងការកកស្ទះចរាចរណ៍ ដោយសារកំណើននៃយានយន្ត និងតម្រូវការនៃការដឹកជញ្ជូន។

លោកលើកឡើងថា វិស័យហេដ្ឋារចនាសម្ព័ន្ធរូបវ័ន្ត នៅកម្ពុជាមានការរីកចម្រើនយ៉ាងឆាប់រហ័ស ជាពិសេសការសាងសង់ផ្លូវថ្នល់ ស្ពាន ផ្លូវដែក ដោយសំដៅជំរុញនូវការតភ្ជាប់ នៅទូទាំងប្រទេស ដែលមានលក្ខណៈពហុមធ្យោបាយ និងបណ្តាគម្រោងសាងសង់ធំៗជាច្រើនទៀត រួមមានគម្រោងអភិវឌ្ឍន៍ហេដ្ឋារចនាសម្ព័ន្ធ ដឹកជញ្ជូននានា ដែលក្រសួងសម្រេចបាន និងកំពុងធ្វើការអភិវឌ្ឍ។

លោកស៊ុន ចាន់ថុលបានបន្តថា គម្រោងទាំងនោះមាន ដូចជាផ្លូវល្បឿនលឿន ភ្នំពេញ-ព្រះសីហនុ គម្រោងផ្លូវល្បឿនលឿន ភ្នំពេញ-បាវិត គម្រោងសិក្សាសមិទ្ធិលទ្ធភាព ផ្លូវល្បឿនលឿន ភ្នំពេញ-សៀមរាប និងការសិក្សាសមិទ្ធិលទ្ធភាព គម្រោងលើកកម្រិតផ្លូវរថភ្លើងភាគខាងជើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿនផងដែរ៕

ភាពមហស្ចារ្យៈ បាតុភូតថ្ងៃឃរះចំកំពូលប្រាង្គប្រាសាទអង្គរនឹងកើតឡើងចន្លោះថ្ងៃទី២០ ដល់២៣មិនានេះ

ដោយៈ គង់ សូរិយា

សៀមរាបៈ ជារឿងអស្ចារ្យបំផុត បើរំលឹកពីចក្រភពខ្មែរ ដែលព្រះបាទសូរិយវរ្ម័នទី២ បានបន្សល់នូវភាពមហស្ចារ្យដល់កូនខ្មែរជំនាន់ក្រោយ តាមរយៈស្ថាបត្យកម្មគ្មានពីរ នៅលើពិភពលោករបស់ព្រះអង្គ។

ព្រះបាទសូរិយវរ្ម័នទី២ គួរជាស្តេចដែលគួរឲ្យគោរពបំផុតក្នុងដែនដីកម្ពុជា បើគិតពីស្នាព្រះហស្តរបស់ព្រះអង្គ។

ក្រសួងទេសចរណ៍បានចេញសេចក្តីជូនដំណឹងស្តីពី “បាតុភូតធម្មជាតិព្រះអាទិត្យរះចំកណ្តាលកំពូលប្រាសាទអង្គរ” ឬ EQUINOX

ដែលកើតឡើងចន្លោះថ្ងៃទី២០ ឬ២១ ឬ២២ ឬ២៣ ខែមីនា ឆ្នាំ២០២៣ ហើយដែលជាទស្សនីយភាពពិសេសមួយ សម្រាប់ភ្ញៀវទេសចរជាតិ អន្តរជាតិគួរអញ្ជើញទៅទស្សនាដោយខានមិនបាន ។

បាតុភូតព្រះអាទិត្យ រះចំកណ្តាលកំពូលប្រាសាទអង្គរ (EQUINOX) កើតឡើងជារៀងរាល់ឆ្នាំចំនួន២លើក នៅខែមីនាម្ដង និងខែកញ្ញាម្ដងទៀត។

ព្រឹត្តិការណ៍ដ៏អស្ចារ្យនេះ ស្តែងឲ្យឃើញពីអច្ឆរិយភាពនៃប្រាសាទអង្គរ ដែលបុព្វបុរសខ្មែរបានកសាងឡើង ដោយមានការគិតគូរអំពីស្ថាបត្យកម្ម និងការផ្សារភ្ជាប់ជាមួយនឹងធម្មជាតិ តាមរយៈខ្សែអក្សនៃភពផែនដី និងព្រះអាទិត្យយ៉ាងច្បាស់លាស់ និងគួរស្ញប់ស្ញែងជាទីបំផុត។

ក្រសួងទេសចរណ៍បានបញ្ជាក់ថា នៅឆ្នាំ២០២៣ បាតុភូតព្រះអាទិត្យរះ “ចំកណ្តាលកំពូលប្រាសាទអង្គរវត្ត អាចនឹងកើតឡើងនៅចន្លោះថ្ងៃទី២០ដល់ថ្ងៃទី២៣ ខែមីនា ចាប់ពីម៉ោង៥៖៣០នាទីព្រឹក ដល់ម៉ោង៧៖០០នាទីព្រឹក ដែលជារៀងរាល់ឆ្នាំតែងមានភ្ញៀវទេសចរជាតិ- អន្តរជាតិ រាប់ម៉ឺននាក់បានចូលរួមទស្សនា និងផ្តិតយករូបភាពព្រឹត្តិការណ៍ដ៏អស្ចារ្យនេះ។

ក្រសួងទេសចរណ៍បានអំពាវនាវ ដល់គ្រប់សមាគមទេសចរណ៍ ស្ថាប័នពាក់ព័ន្ធ អ្នកសារព័ត៌មាន ភ្ញៀវទេសចរជាតិ-អន្តរជាតិ និងសាធារណជនទូទៅ ចូលរួមផ្សព្វផ្សាយឲ្យបានទូលំទូលាយ ដល់ដៃគូពាក់ព័ន្ធ និងទៅទស្សនា ផ្តិតយករូបភាពព្រឹត្តិការណ៍ដ៏អស្ចារ្យនេះ ដែលជាផ្នែកមួយនៃយុទ្ធនាការ “ឆ្នាំទស្សនាកម្ពុជា ២០២៣” ក្រោមពាក្យស្លោក “គ្រប់ថ្ងៃគឺជាអច្ឆរិយភាព”៕

សម្តេចតេជោអញ្ជើញបើកឲ្យអនុវត្តន៍កម្មវិធីគ្រប់គ្រងហិរញ្ញវត្ថុ សាធារណៈដំណាក់កាលទី៤នីថ្ងៃនេះ

ដោយៈ គង់ ម៉ាលីនណា

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី២០ មិនានេះ នឹងអញ្ជើញជាអធិបតីប្រកាសដាក់ឱ្យអនុវត្តកម្មវិធីកែទម្រង់ការគ្រប់គ្រង ហិរញ្ញវត្ថុសាធារណៈដំណាក់កាលទី៤ ឆ្នាំ២០២៣ ដល់ឆ្នាំ២០២៧។

កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ត្រូវបានដាក់ឱ្យអនុវត្តលើកដំបូងពី២០០៤- ២០០៨។ ដំណាក់កាលទី២ ពីឆ្នាំ២០០៩-២០១៥ ដំណាក់កាលទី៣ ចាប់ពីឆ្នាំ២០១៦-២០២២។

កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ជាកម្មវិធីកែទម្រង់ស្នូលមួយ នៃកម្មវិធីកែទម្រង់សំខាន់ៗ របស់រាជរដ្ឋាភិបាលកម្ពុជា ដើម្បីឈានឆ្ពោះទៅពង្រឹងអភិបាលកិច្ច។ ការគ្រប់គ្រងហិរញ្ញវត្ថុសាធារណៈ ប្រកបដោយប្រសិទ្ធភាព និងស័ក្តិសិទ្ធភាព គឺជាមូលដ្ឋានគ្រឹះដ៏ចាំបាច់ សម្រាប់ជំរុញការអភិវឌ្ឍប្រទេសជាតិ និងកែលម្អជីវភាពប្រចាំ ថ្ងៃរបស់ប្រជាជនកម្ពុជា។

កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ មានចក្ខុវិស័យប្រកបដោយមហិច្ឆិតា និងប្រាកដនិយម ពោលគឺកសាងប្រព័ន្ធហិរញ្ញវត្ថុសាធារណៈកម្ពុជា ឱ្យស្របតាមស្តង់ដា និងឧត្តមានុវត្តន៍អន្តរជាតិ ដែលមានគោលដៅផ្លាស់ប្តូរប្រព័ន្ធ ដែលផ្ដោតលើធាតុចូល និងមានលក្ខណៈមជ្ឈការ ឆ្ពោះទៅប្រព័ន្ធដែលផ្ដោតលើធាតុចេញ ឬលទ្ធផល និងវិមជ្ឈការ។

សមិទ្ធផលដ៏ត្រចះត្រចង់ នៃការកែទម្រង់ការគ្រប់គ្រងហិរញ្ញវត្ថុសាធារណៈ ចាប់តាំងពីដំណាក់កាលទី១ (ឆ្នាំ២០០៥) រហូតមកដល់បច្ចុប្បន្ន បានអនុញ្ញាតឱ្យរាជរដ្ឋាភិបាលអាចសន្សំ និងបង្ហូរថវិកាកាន់តែច្រើន ទៅកាន់វិស័យអាទិភាព ក៏ដូចជាអាចបង្កើនយ៉ាងច្រើន នូវធនធានវិនិយោគសាធារណៈក្នុងស្រុក ពិសេសលើការអភិវឌ្ឍហេដ្ឋារចនាសម្ព័ន្ធរូបវ័ន្ត ដោះស្រាយវិបត្តិកូវីដ១៩ ជួយដល់ប្រជាពលរដ្ឋក្រីក្រ ដែលរងផលប៉ះពាល់ដោយសារកូវីដ១៩ រងផលប៉ះពាល់ដោយអតិផរណា គ្រោះទឹកជំនន់ ជូនដល់កម្មករក្នុងវិស័យរងផលប៉ះពាល់ ជាមួយគ្នានេះថវិកាថ្នាក់ក្រោមជាតិ ក៏ត្រូវបានបង្កើនផងដែរ ដែលជាប្រការជួយលើកស្ទួយមួយកម្រិត ដល់ឯករាជ្យភាពផ្នែកថវិការបស់កម្ពុជា៕

China to step up financing support for private small firms

BEIJING: China will step up financing support for private micro and small enterprises, its central bank said on Wednesday (Mar 15), as the country aims to build on a recovery from COVID-19 disruptions while facing weaker demand abroad and a domestic property downturn.

The People’s Bank of China (PBOC) will support reasonable bond financing needs for private companies, the central bank of the world’s second-largest economy said in a statement after a work meeting.

“We will precisely and effectively implement the prudent monetary policy, keep an appropriate pace of loan issuance, and keep the total supply of money and credit at an appropriate amount and grow steadily,” the central bank said.

The private sector provides a third of all jobs in China and creates 90 per cent of new urban jobs.

But in recent years, the
government has sought to tighten its grip on private businesses, by taking stakes in non-state enterprises or installing officials in large firms.

In its statement, the PBOC added it would maintain harsh punishments for corruption and “appropriately cope with suppression from the US and Western countries”.

The central bank will also steadily and orderly promote institutional reform, it said.

China last week announced a sweeping government reform, including the establishment of a new financial regulatory body that would absorb some supervisory functions from the PBOC.

Under the changes, the central bank is expected to focus more on conducting monetary policy and macro-prudential supervision, analysts said.

Source: Reuters/gs

Chinese buyers ready to scoop up ‘better value’ Thailand property for investment, retirement as travel resumes between the 2 countries

As flights resume between China and Thailand, Shanghai resident Eri Chen is planning on visiting Bangkok and Chiang Mai in mid-March to look for homes to invest in and maybe even retire to. Rising home prices and cost of living in Shanghai, China’s commercial hub, have prompted him to think about retiring in Thailand.

Instead of spending at least 4 million yuan (US$574,000) just to live on the outskirts of Shanghai, or double that amount for an average unit in the city’s urban areas, Chen finds a home in downtown Bangkok for around 600,000 yuan a lot more appealing.

Moreover, investment in a property in Thailand might yield attractive results. “The interest offered on deposits in China is low.

I want to make an investment that gets me a higher yield, so that I have more money to spend when I retire,” he says. Chen did not reveal his age, but said he is close to retiring.

“Property investment in Bangkok is definitely better value than other cities,” he adds. “I also want to see if Chiang Mai is as great a place for retirement as people say.”

Thailand has long been a favourite destination of Chinese tourists – flight bookings went up by 67 per cent in February compared with a month earlier, Trip.com data shows. In fact, soon after China lifted its Covid-19 control measures in late December, online searches for flights from China to Thailand soared by 176 per cent.

Thailand too is doing its bit to draw more Chinese tourists. It is granting Chinese passport holders a 30-day visa on arrival until the end of March, making it one of the first countries to expect an influx of returning Chinese tourists.

The country’s tourism authority said it welcomed 161,540 Chinese tourists between January 1 and February 15, and expects the number to reach 300,000 in the first three months of this year, then 5 million for the whole year.

Source: The SCMP

រដ្ឋាភិបាលឡាវ លើកលែងទិដ្ឋាការសម្រាប់ភ្ញៀវទេសចរទៅពី កម្ពុជា និង១៥ប្រទេសផ្សេងទៀត

ដោយៈ សុខុម

វៀងចន្ទន៍: ប្រសិនបើអ្នកមានគម្រោង ធ្វើដំណើរទៅកាន់ប្រទេសឡាវនៅពេលឆាប់ៗនេះ វានឹងជាដំណឹងដ៏ល្អគួរឱ្យរីករាយ ដែលឡាវ ប្រកាសលើកលែងទិដ្ឋាការសម្រាប់ភ្ញៀវទេសចរ ដែលធ្វើដំណើរទៅពីកម្ពុជា និង១៥ប្រទេសផ្សេងទៀត។ នេះបើយោងតាមសារព័ត៌មាន Laotian Times ចុះផ្សាយកាលពីថ្ងៃសុក្រ ទី១៧ ខែមីនា។

ការលើកលែងទិដ្ឋាការ ដ៏គួរកត់សម្គាលបំផុតនេះ គឺសម្រាប់ពលរដ្ឋ ដែលមកពីបណ្ដាប្រទេសជាសមាជិកអាស៊ាន ដែលរួមមានកម្ពុជា ព្រុយណេ ឥណ្ឌូនេស៊ី ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។

ពលរដ្ឋនៃប្រទេសទាំងនេះ ត្រូវបានអនុញ្ញាតឱ្យចូលប្រទេសឡាវ ដោយមិនចាំបាច់មានទិដ្ឋាការរហូតដល់៣០ថ្ងៃ ឱ្យតែពួកគេបំពេញបានតាមលក្ខខណ្ឌ តម្រូវជាក់លាក់មួយចំនួន ដូចជាមានលិខិតឆ្លងដែនត្រឹមត្រូវ និងសំបុត្រត្រលប់មកវិញជាដើម។

ប្រទេសផ្សេងៗទៀត ដែលទទួលបានការលើកលែងទិដ្ឋាការទៅកាន់ប្រទេសឡាវ ដែរនោះរួមមានប្រទេសជប៉ុន កូរ៉េខាងត្បូង ស្វីស លុចសំបួ រុស្ស៊ី និងម៉ុងហ្គោលី ដែលទទួលបានការអនុញ្ញាតឱ្យស្នាក់នៅដោយគ្មានទិដ្ឋាការរហូតដល់១៥ថ្ងៃ ទៅ២១ថ្ងៃអាស្រ័យលើប្រទេសនីមួយៗ។

បន្ថែមពីលើនេះ ប្រទេសបេឡារូស ចិន កូរ៉េខាងជើង និងគុយបា ក៏ទទួលបានការលើកលែងជាក់លាក់ផងដែរ សម្រាប់អ្នកកាន់លិខិតឆ្លងដែនប្រភេទមួយចំនួន ដូចជាលិខិតឆ្លងដែនការទូត ឬលិខិតឆ្លងដែនផ្លូវការជាដើម៕ Laotian Times៕

ប្រធានាធិបតីចិន លោកស៊ី ជីនភីង នឹងធ្វើទស្សនកិច្ចទៅកាន់ប្រទេសរុស្ស៊ីនៅចុងខែនេះដើម្បីអ្វី?

ដោយៈ សុខុម

ប៉េកាំង: អ្នកនាំពាក្យក្រសួងការបរទេសចិន លោក Wang Wenbin ទម្លាយឱ្យដឹងកាលពីថ្ងៃសុក្រ ទី១៧ ខែមីនា ថា ប្រធានាធិបតីចិន លោក ស៊ី ជីនពីង នឹងធ្វើទស្សនកិច្ចទៅកាន់ប្រទេសរុស្ស៊ី នៅចុងខែនេះ ដើម្បីរឹតចំណងមិត្តភាព ពង្រឹងកិច្ចសហប្រតិបត្តិការ និងដើម្បីបុព្វហេតុស្វែងរកសន្តិភាព។

លោក ស៊ី ជីនភីង នឹងទៅបំពេញទស្សនកិច្ចផ្លូវរដ្ឋ ទៅកាន់ប្រទេសរុស្ស៊ី ចាប់ពីថ្ងៃទី២០ ដល់ថ្ងៃទី២២ ខែមីនា តាមការអញ្ជើញរបស់ប្រធានាធិបតីរុស្ស៊ី លោក វ៉្លាឌីមៀ ពូទីន។

ក្នុងរយៈពេលប៉ុន្មានឆ្នាំចុងក្រោយនេះ ប្រធានាធិបតី ស៊ី ជីនភីង បានរក្សាទំនាក់ទំនងល្អ ស្អិតរមួត ជាមួយប្រធានាធិបតី វ៉្លាឌីមៀ ពូទីន។

លោក Wang Wenbin បានថ្លែងក្នុងសន្និសីទសារព័ត៌មានប្រចាំថ្ងៃថា ក្រោមការដឹកនាំ និងការចង្អុលបង្ហាញរបស់មេដឹកនាំទាំងពីរ ភាពជាដៃគូ យុទ្ធសាស្ត្រគ្រប់ជ្រុងជ្រោយ រវាងប្រទេសចិន និងប្រទេសរុស្ស៊ី សម្រាប់យុគសម័យថ្មី សម្រេចបាននូវការអភិវឌ្ឍប្រកបដោយចីរភាព និងស្ថិរភាព។

អ្នកនាំពាក្យដដែលបានបន្ថែមថា ប្រទេសទាំងពីរបានរកឃើញមាគ៌ានៃទំនាក់ទំនងដ៏ល្អ រវាងប្រទេសធំៗ ដែលផ្ដល់ការជឿទុកចិត្តជាយុទ្ធសាស្ត្រ និងភាពជាអ្នកជិតខាងល្អដែលជាគំរូដ៏ល្អ សម្រាប់ទំនាក់ទំនងអន្តរជាតិ។

ក្នុងដំណើរទស្សនកិច្ចរបស់លោក ស៊ី ជីនភីង នឹងមានការផ្លាស់ប្តូរទស្សនៈស៊ីជម្រៅជាមួយលោក វ៉្លាឌីមៀ ពូទីន លើបញ្ហាទំនាក់ទំនងទ្វេភាគីក៏ដូចជាបញ្ហាអន្តរជាតិ និងតំបន់សំខាន់ៗដែលមានការព្រួយបារម្ភរួមគ្នា ជំរុញការសម្របសម្រួលជាយុទ្ធសាស្ត្រទ្វេភាគី និងកិច្ចសហប្រតិបត្តិការជាក់ស្តែង ព្រមទាំងជំរុញជាថ្មី ដើម្បីការអភិវឌ្ឍទំនាក់ទំនងទ្វេភាគី។

អ្នកនាំពាក្យបានបន្ថែមថា ក្រៅពីរឹតចំណងមិត្តភាព បង្កើនកិច្ចសហប្រតិបត្តិ ដែលផ្ដល់ផលប្រយោជន៍ ដល់គ្នាទៅវិញទៅមក ដំណើរទស្សនកិច្ចនេះ ក៏ដើម្បីបុព្វហេតុស្វែងរកសន្តិភាពផងដែរ។

អ្នកនាំពាក្យគូសបញ្ជាក់ថា “ប្រទេសចិន នឹងបន្តរក្សាវត្ថុបំណង និងជំហរដ៏ត្រឹមត្រូវរបស់ខ្លួន ចំពោះវិបត្តិអ៊ុយក្រែន និងដើរតួនាទីស្ថាបនា ក្នុងការលើកកម្ពស់កិច្ចចរចាសន្តិភាព”៕ Xinhua៕

អ្នកធុរកិច្ចចិនជាច្រើនត្រៀមទិញអចលនទ្រព្យនៅប្រទេសថៃ សម្រាប់វិនិយោគ

ដោយ: គង់ លាងហួរ

អន្តរជាតិ: ខណៈមានការបើកជើងហោះហើរឡើងវិញ រវាងប្រទេសចិន និងប្រទេសថៃ លោក Eri Chen អ្នកស្រុកសៀងហៃ គ្រោងនឹងទៅទស្សនាទីក្រុងបាងកក និងឈៀងម៉ៃ នៅពាក់កណ្តាលខែមីនានេះ ដើម្បីស្វែងរកទិញផ្ទះសម្រាប់វិនិយោគ ហើយប្រហែលជាទិញសម្រាប់ពេលចូលនិវត្តន៍ផងដែរ។

ការកើនឡើងនៃតម្លៃផ្ទះ និងថ្លៃរស់នៅសម្រាប់ទីក្រុងសៀងហៃ ដែលជាមជ្ឈមណ្ឌលពាណិជ្ជកម្ម របស់ប្រទេសចិន បានជំរុញឱ្យលោក Eri Chen គិតគូរអំពីការសម្រាកពេលចូលនិវត្តន៍នៅប្រទេសថៃ។

ជំនួសឱ្យការចំណាយ៥៧៤.០០០ដុល្លារអាមេរិក ដើម្បីរស់នៅជាយក្រុងសៀងហៃ ឬបង្កើនទ្វេរដងនៃការចំណាយនោះសម្រាប់ទិញយូនីតមធ្យម នៅក្នុងតំបន់ទីក្រុងសៀងហៃ លោក Chen កំពុងស្វែងរកផ្ទះមួយនៅកណ្តាលទីក្រុងបាងកក ក្នុងតម្លៃប្រហែល៦០០.០០០យ័ន។

ជាងនេះទៅទៀត ការវិនិយោគលើអចលនទ្រព្យ ក្នុងប្រទេសថៃ អាចផ្តល់លទ្ធផលគួរឱ្យទាក់ទាញ។

លោក Chen បានមានប្រសាសន៍ថា “ការប្រាក់ដែលផ្តល់ជូនលើប្រាក់បញ្ញើ ក្នុងប្រទេសចិនមានកម្រិតទាប ហើយខ្ញុំចង់ធ្វើការវិនិយោគ ដែលអាចទទួលបានទិន្នផលខ្ពស់ ដើម្បីឱ្យខ្ញុំមានប្រាក់ច្រើនសម្រាប់ចំណាយនៅពេលដែលខ្ញុំចូលនិវត្តន៍”។

លោកបន្ថែមថា ការវិនិយោគអចលនទ្រព្យ នៅទីក្រុងបាងកកពិតជាមានតម្លៃល្អជាងទីក្រុងផ្សេងទៀត ហើយលោកក៏ចង់ឃើញដែរថា តើឈៀងម៉ៃ ជាកន្លែងដ៏ល្អសម្រាប់ចូលនិវត្តន៍ ដូចមនុស្សនិយាយដែរឬអត់។

យោងតាមទិន្នន័យរបស់ភ្នាក់ងារទេសចរណ៍ អនឡាញអន្តរជាតិTrip.com បានបង្ហាញថា ប្រទេសថៃជាគោលដៅដែលភ្ញៀវទេសចរចិន ពេញចិត្តជាយូរមកហើយ ដោយការកក់សំបុត្រយន្តហោះ បានកើនឡើង៦៧ភាគរយក្នុងខែកុម្ភៈ បើធៀបនឹងខែមករា។

ជាការពិត ភ្លាមៗបន្ទាប់ពីប្រទេសចិន បានដកវិធានការត្រួតពិនិត្យកូវីដ-១៩របស់ខ្លួននៅចុងខែធ្នូ ការស្វែងរកតាមអ៊ីនធឺណិតសម្រាប់ជើងហោះហើរពីប្រទេសចិន ទៅកាន់ប្រទេសថៃ បានកើនឡើង១៧៦ភាគរយ។

ប្រទេសថៃក៏កំពុងធ្វើនុយ ដើម្បីទាក់ទាញភ្ញៀវទេសចរចិនឲ្យបានច្រើនផងដែរ ដោយប្រទេសនេះកំពុងផ្តល់ឱ្យអ្នកកាន់លិខិតឆ្លងដែនចិននូវវីសា ឬទិដ្ឋាការរយៈពេល៣០ថ្ងៃ នៅពេលមកដល់រហូតដល់ចុងខែមីនានេះ៕

1...1,0031,0041,005...3,258 Page 1,004 of 3,258