Chinese cities lower or scrap floor on mortgage rates to boost demand

BEIJING : Many Chinese cities have rushed to lower or even scrap the floor on mortgage rates for first-time home buyers in recent weeks, a research firm report said on Thursday, as authorities eased rules further in their bid to rekindle demand for residential property.

The Chinese central bank on Jan. 6 said it was allowing some cities with home prices falling month-on-month and year-on-year for three consecutive months to cut or abolish the floor on mortgage rates for first-home buyers.

At least 26 cities have taken such measures, including the mega-city of Tianjin and some provincial capitals like Zhengzhou and Fuzhou, according to a report by Shanghai-based firm E-house China Research and Development Institute.

China’s real estate market slumped sharply last year, with home prices and sales falling, property developers defaulting on debts and even stopping construction of new projects amid curbs on excessive borrowing and COVID-19 containment measures.

There are signs of a recovery in the sector, thanks to a flurry of state support measures and the government’s lifting of strict anti-COVID policies in December.

Fragile demand, however, is still a key constraint on a full recovery.

Last month, home sales by floor area fell around 20 per cent from a year earlier, extending declines from December, as many home buyers hugged the sidelines even though visits to view housing projects in several key cities have increased, according to a China Index Academy report released on Wednesday.

A central bank quarterly survey in December showed only 16 per cent of residents polled planned to buy a home in the subsequent three months, the lowest since the third quarter of 2016.

“Still, more support is likely in coming months to stimulate demand, and the recovery trajectory of contracted sales will depend on the timeliness and effectiveness of further new measures,” said Kelly Chen, a Moody’s Vice President and Senior Analyst in a research note.

Source: Reuters

Philippines’ debt reaches 248.73 bln USD in end-2022

The Philippines’ debt eased to 13.42 trillion pesos (248.73 billion U.S. dollars) as of Dec. 31, 2022, partly due to the appreciation of the peso against the U.S. dollar, the Philippine Bureau of Treasury said on Thursday.

The bureau said the Philippines’ debt-to-gross domestic product ratio was 60.9 percent by the end of 2022, improving from 63.7 percent by the end of September 2022 and lower than the 61.8-percent target presented in the medium-term fiscal framework.

“This reflects the consistent drive to bolster debt sustainability through prudent cash and debt management backed by resurgent economic growth,” the bureau said.

For December 2022, the bureau said the Philippines’ total outstanding debt decreased by 1.7 percent from the end-November 2022 level “due to the effects of local currency appreciation and the net redemption of domestic government securities.”

Of the total debt stock, the bureau said 31.38 percent was sourced externally, while 68.62 percent were domestic borrowings.

According to the bureau, the Southeast Asian country’s external debt increased by 18.3 percent since the beginning of 2022.

Source: Xinhua

ទីក្រុងជាច្រើនក្នុងប្រទេសចិនសម្រេចបន្ទាបអត្រាការប្រាក់និងលុបចោលអត្រាកម្ចីទិញផ្ទះ ដើម្បីជំរុញតម្រូវការអចលនទ្រព្យ

ដោយ: គង់ លាងហួរ

ប៉េកាំង: ទីក្រុងជាច្រើនក្នុងប្រទេសចិន បានកាត់បន្ថយ ឬរហូតដល់ថ្នាក់លុបចោលអត្រាការប្រាក់កម្ចីអប្បបរមា សម្រាប់អ្នកទិញផ្ទះលើកដំបូង ក្នុងប៉ុន្មានសប្តាហ៍ថ្មីៗនេះ ខណៈអាជ្ញាធរបានសម្រាលច្បាប់បន្ថែមទៀត ដើម្បីជំរុញតម្រូវការអចលនទ្រព្យលំនៅដ្ឋានឡើងវិញ។

កាលពីថ្ងៃទី៦ ខែមករា ធនាគារកណ្តាលចិន បានប្រកាសថា ខ្លួនអនុញ្ញាតឱ្យទីក្រុងមួយចំនួន ដែលមានតម្លៃផ្ទះធ្លាក់ចុះ ក្នុងអត្រាប្រចាំខែនិងប្រចាំឆ្នាំ សម្រាប់រយៈពេល៣ខែជាប់ៗគ្នា អាចកាត់បន្យ ឬលុបចោលអត្រាការប្រាក់កម្ចី ទិញផ្ទះអប្បបរមាសម្រាប់អ្នកទិញផ្ទះដំបូង។

យោងតាមរបាយការណ៍របស់ក្រុមហ៊ុន E-house China Research and Development Institute ដែលមានមូលដ្ឋាននៅទីក្រុងសៀងហៃ បានឱ្យដឹងថា ទីក្រុងចំនួន២៦ បានចាត់វិធានការបែបនេះ រួមទាំងទីក្រុងTianjin និងរដ្ឋធានីខេត្តមួយចំនួនដូចជា Zhengzhou និង Fuzhou ។

ទីផ្សារអចលនទ្រព្យរបស់ប្រទេសចិន បានដាំក្បាលចុះយ៉ាងខ្លាំង កាលពីឆ្នាំមុន ដោយសារតម្លៃផ្ទះ និងការលក់ធ្លាក់ចុះ ក្រុមហ៊ុនអភិវឌ្ឍន៍អចលនទ្រព្យបានជំពាក់បំណុលគេ និងថែមទាំងផ្អាកការសាងសង់គម្រោងថ្មី ស្របពេលមានការទប់ស្កាត់ការខ្ចីប្រាក់ និងវិធានការទប់ស្កាត់កូវីដ-១៩។

សញ្ញានៃការងើបឡើងវិញ នៅក្នុងវិស័យអចលនទ្រព្យចិន កំពុងលេចឡើង ដោយសារវិធានការគាំទ្ររបស់រដ្ឋ និងការលុបចោលគោលនយោបាយសូន្យកូវីដដ៏តឹងរឹងរបស់រដ្ឋាភិបាល នៅក្នុងខែធ្នូ ឆ្នាំ២០២២។

ទោះជាយ៉ាងណានេះក្តី តម្រូវការដ៏ផុយស្រួយនៅតែជាឧបសគ្គដ៏សំខាន់មួយសម្រាប់ការងើបឡើងវិញ យ៉ាងពេញលេញនៃវិស័យអចលនទ្រព្យចិន៕

ក្រុមហ៊ុនផ្លូវល្បឿនលឿនដាក់បញ្ចួលទីតាំងច្រកចេញ ចូលនិងតំបន់ឈប់សំរាកក្នុងGoogle Mapហើយ

ដោយៈ គង់ សូរិយា

ភ្នំពេញៈ ទីតាំងច្រកចេញចូល និងតំបន់ឈប់សម្រាក (Rest Areas) តាមផ្លូវល្បឿនលឿន ត្រូវបានដាក់បញ្ចូលជាផ្លូវការ ទៅក្នុងផែនទី Google Maps ហើយ។

យោងតាមព៌តមានដែលបានបង្ហាញ លើបណ្តាញទំនាក់ទំនងសង្គមនៃក្រសួងសាធារណៈការ និងដឹកជញ្ជូន ដែលបានបង្ហោះកាលពីថ្ងៃទី២ កុម្ភៈកន្លងមកបានឲ្យដឹងថា លោកអ្នកអាចស្វែងរកទីតាំងច្រកចេញចូល និងទីតាំងទាំង៤ នៃតំបន់ឈប់សម្រាក (Rest Areas) តាមបណ្តោយផ្លូវល្បឿនលឿនភ្នំពេញ-ក្រុងព្រះសីហនុ បានកាន់តែងាយស្រួល និងឆាប់រហ័ស តាមរយៈផែនទី Google Maps។

ទន្ទឹមនឹងនេះ តំបន់ឈប់សម្រាកចំនួន០២ គឺទីតាំងកំពង់ស្ពឺ(K63) និង ទីតាំងកំពង់សិលា(K109) ក៏បានបើកឱ្យដំណើរការនូវស្ថានីយប្រេងឥន្ធនៈផងដែរ។

ជាមួយនឹងសេវាកម្មនានាដែលបានផ្តល់ជូន ធ្វើឱ្យការបើកបរលើចម្ងាយផ្លូវ១៨៧,០៥គីឡូម៉ែត្រនេះ កាន់តែមានភាពងាយស្រួល ឆាប់រហ័ស និងប្រកបដោយផាសុកភាព ប៉ុន្តែការបើកបរដោយសុវត្ថិភាព គឺផ្តើមចេញពីអ្នកបើកបរផ្ទាល់។

សូមចូលរួមគោរពតាមសេចក្តីណែនាំ សម្រាប់ការបើកបរលើផ្លូវល្បឿនលឿន ជាពិសេសគឺគោរពច្បាប់ចរាចរណ៍ផ្លូវគោកឱ្យបានខ្ជាប់ខ្ជួន៕

អ្នកទិញដីឡូត៍ដល់ដំណាក់ពិចារណាខ្ពស់មុនសម្រេចចិត្ត

ដោយៈ វឌ្ឍនៈ

ភ្នំពេញៈ អាជីវកម្មដីឡូត៏កាលពីប៉ុន្មានឆ្នាំមុននេះ បានទាក់ទាញអតិថិជន ប្រជាពលរដ្ឋភ្លូកទឹកភ្លូកដីទិញដើម្បីទុកសង់ផ្ទះ និងខ្លះទៀតថាទិញដើម្បីទុកចំណេញ ហើយកាលនោះដែរ អ្នកអភិវឌ្ឍន៍ដីឡូត៏ជាច្រើនក៏ទទួលបានផលចំណេញពីអាជីកម្មនេះមិនតិចដែរ។

មកដល់បច្ចុប្បន្នទីផ្សារដីឡូត៏ ត្រូវមើលឃើញថាកាន់តែចង្អៀត និងខ្សត់អ្នកទិញ ហើយអ្នកទិញមួយចំនួនទៀត ក៏មានការពិចារណាខ្ពស់មុននឹងសម្រេចចិត្តទិញ។

បើយើងក្រលេក ទៅមើលទំនិញអចលនទ្រព្យមួយនេះ ភាគច្រើនអ្នកទិញជាអ្នកមានចំណូលទាប និងមធ្យមប៉ុណ្ណោះ សម្រាប់អ្នកដែលមានចំណូលខ្ពស់ គេមិនសូវចាប់អារម្មណ៍លើទំនិញ អចលនទ្រព្យមួយនេះឡើយ។ ដូច្នេះ នៅក្នុងអំឡុងពេលកូវីដ១៩ អ្នកដែលមានចំណូលទាប និងមធ្យមគឺជាអ្នកដែលទទួលផលប៉ះពាល់ លើប្រាក់ចំណូលច្រើនជាងគេ។ ហេតុដូច្នេះទើបយើងឃើញថា ទីផ្សារដីឡូត៏ក៏មានការថមថយ ទៅតាមនោះដែរ ប៉ុន្តែមានអ្នកមួយចំនួននៅ តែអះអាងពីកំណើនទីផ្សាររបស់ខ្លួន។

អចលនទ្រព្យមួយប្រភេទនេះដែរ ក៏ចាប់ផ្ដើមផ្លាស់ប្តូររបៀបអភិវឌ្ឍន៍របស់ខ្លួន ដោយកាលពីមុនគេផ្ដោតលើដីឡូត៏ សម្រាប់លំនៅឋានភាគច្រើន ប៉ុន្តែមកដល់បច្ចុប្បន្ននេះ អ្នកអភិវឌ្ឍន៍ដីឡូត៏មួយចំនួនធំ បានផ្ដោតលើដីឡូត៏លំហែដែលមានទំហំធំជាងមុន និងមានទីតាំងនៅឆ្ងាយពីទីប្រជុំជន ហើយអ្នកអភិវឌ្ឍន៍ដីឡូត៏ទាំងនោះ ក៏បានបន្ថែមដំណាំជូនអតិថិជនរបស់ខ្លួនផងដែរដូចជាដើមដូង ដើមស្វាយ និងដំណាំហូបផ្លែជាច្រើនទៀត។

យ៉ាងណាក្ដី ដោយសារតែមួយរយៈចុងក្រោយនេះដែរ អ្នកអភិវឌ្ឍន៍ដីឡូត៏មួយចំនួន បានធ្វើឱ្យអតិថិជនបាត់បង់ទំនុកចិត្ត ទើបធ្វើឱ្យអ្នកទិញដីឡូត៏ត្រូវបង្កើនការប្រុងប្រយ័ត្នខ្ពស់ មុននឹងសម្រេចចិត្តទិញដីឡូត៏ពីអ្នកអភិវឌ្ឍន៍ណាមួយ ។

លោកផូន សុអុនដែន ប្រធានផ្នែកទីផ្សារនៃក្រុមហ៊ុនអភិវឌ្ឍន៍ដីឡូត៏មួយកន្លែងប៉ែកខាងលិចរាជធានីភ្នំពេញបានឱ្យដឹងថា ក្រោយវិបត្តិកូវីដ១៩ អ្នកទិញលក់ដីឡូត៏មួយចំនួន បានបង្កើនការប្រុងប្រយ័ត្នខ្ពស់ ដោយពួកគេមិនចេះតែទិញតាមៗគ្នាដូចពីមុន ឬតាមការឃោសនារបស់អ្នកអភិវឌ្ឍន៍ឡើយ។

មុននឹងពួកគាត់សម្រេចចិត្តទិញដីឡូត៏ ពីគម្រោងណាមួយនោះ ពួកគាត់បានចុះ ទៅដល់ទីតាំងសួររកពីប្លង់កម្មសិទ្ធិ របស់អ្នកអភិវឌ្ឍន៍ច្បាស់លាស់ទើបពួកគាត់សម្រេចចិត្តទិញតាមក្រោយ ។

លោកCooler Tanអគ្គនាយកក្រុមហ៊ុនYoungsia Real Estate ម្ចាស់គម្រោងដីឡូត៏លំហែឋានសួរបូកគោក៏បានលើកឡើងផងដែរថា អាជីវកម្មដីឡូត៏នៅក្នុងប្រទេសកម្ពុជា អាចនឹងថមថយហើយកាន់តែលែងមានជំនឿទុកចិត្តពីសំណាក់អតិថិជន បើសិនជាអ្នកអភិវឌ្ឍន៍គម្រោងដីឡូត៏ផ្ដោតលើប្រាក់ចំណេញខ្លាំងពេក ដោយមិនគិតពីគុណភាពនៃការអភិវឌ្ឍរបស់ខ្លួន ។

គម្រោងខ្លះ ផ្ដល់ជូនអតិថិជននូវប្លង់កម្មសិទ្ធិត្រឹមត្រូវមែន ប៉ុន្តែនៅក្នុងគម្រោងនោះមិនមានប្រព័ន្ធហេដ្ឋារចនាសម្ព័ន្ធ គ្រប់គ្រាន់ និងមិនបានគិតគូរពីការរស់នៅរបស់អតិថិជននៅពេលអនាគត។

លោកបន្តថា “ការអភិវឌ្ឍដែលគ្រាន់តែពុះឡូត៍ បោះបង្គោលចោល ដោយគ្មានវិនិយោគ លើហេដ្ឋារចនាសម្ព័ន្ឋដទៃទៀត មិនជោគជ័យទេ ហើយអ្នកអភិវឌ្ឍបែបនេះ នឹងសម្លាប់ទីផ្សារដីឡូត៍ដោយខ្លួនឯង”៕

បណ្ឌិតគិន ភាៈទំនាក់ទំនងកម្ពុជា-ចិន : មិត្តភាពដែលមិនអាចបំបែកបាន

ភ្នំពេញៈ “មិត្តភក្តិដែលគួរឱ្យទុកចិត្តបំផុត” “មិត្តល្អជួយគ្នាក្នុងគ្រាក្រ” “មិត្តភាពដែក” “ដៃគូយុទ្ធសាស្ត្រគ្រប់ជ្រុងជ្រោយ” និង “សហគមន៍ចិន-កម្ពុជាដែលមានអនាគតរួមគ្នា” ជាឃ្លោងឃ្លាមួយចំនួនក្នុងចំណោមឃ្លោងឃ្លាដទៃទៀត ដែលតែងតែត្រូវបានប្រើដើម្បីបរិយាយអំពីទំនាក់ទំនង និងកិច្ចសហប្រតិបត្តិការកម្ពុជា-ចិន។

ផ្អែកតាមប្រវត្តិសាស្ត្រ ទំនាក់ទំនងចិន-កម្ពុជាមានអាយុកាលតាំងពីសតវត្សរ៍ទី ១៣ មកម្ល៉េះ។ ក្នុងសម័យទំនើប ទំនាក់ទំនងការទូតផ្លូវការរវាងប្រទេសទាំងពីរត្រូវបានបង្កើតឡើងនៅថ្ងៃទី ១៩ ខែកក្កដា ឆ្នាំ ១៩៥៨ ។ ចាប់ពីពេលនោះមក ក្នុងនាមជាប្រទេសជិតខាងនិងដៃគូដ៏ជិតស្និទ្ធ កម្ពុជានិងចិនបានបង្កើត និងបីបាច់ថែរក្សាចំណងមិត្តភាព “ដែកថែប” ដែលមិនអាចបំបែកបាន ដោយបានឆ្លងកាត់ការសាកល្បង និងការលំបាកជាប្រវត្តិសាស្ត្រជាច្រើន។

សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែងបញ្ជាក់ជាសាធារណៈជាបន្តបន្ទាប់ថា ចិនជា “មិត្តភក្តិដែលគួរឱ្យទុកចិត្តបំផុត”របស់ប្រទេសកម្ពុជា។

ចំណងមិត្តភាពរវាងប្រទេសទាំងពីរ ត្រូវបានចាក់ឫសជ្រៅដោយផ្អែកលើគោលការណ៍បច្ចសីលាសន្តិសហវិជ្ជមាន គោលការណ៍ស្មើភាព និងស្មើសិទ្ធិ ការគោរពផលប្រយោជន៍គ្នាទៅវិញទៅមក និងការប្រកាន់ខ្ជាប់នូវគោលការណ៍មិនជ្រៀតជ្រែកកិច្ចការផ្ទៃក្នុង របស់ផងគ្នាទៅវិញទៅមក។ ថ្វីបើមិនមានព្រំដែនជាប់គ្នា តែប្រទេសទាំងពីរត្រូវបានចងភ្ជាប់ ដោយទន្លេមេគង្គ និងទន្លេឡានឆាង – យើងមានទឹករួមគ្នា, យើងមានទន្លេរួមគ្នា

ក្នុងទិដ្ឋភាពនយោបាយ កម្ពុជាគឺជាសម្ព័ន្ធមិត្តដ៏ចំណាស់ និងជិតស្និទ្ធបំផុតរបស់ចិន។ ប្រទេសទាំងពីរផ្លាស់ប្តូរដំណើរទស្សនកិច្ចផ្លូវរដ្ឋ និងផ្លូវការកម្រិតខ្ពស់ជាញឹកញាប់ និងទៀងទាត់។ កម្ពុជាតែងតែជាអ្នកគាំទ្រដ៏មុតមាំបំផុតនៃគោលនយោបាយចិនតែមួយ។ សម្តេចតេជោនាយករដ្ឋមន្ត្រី ហ៊ុន សែន បានបញ្ជាក់យ៉ាងច្បាស់ថា “កម្ពុជានឹងមិនផ្លាស់ប្តូរគោលនយោបាយចិនតែមួយរបស់ខ្លួននោះទេ”។

ក្នុងទិដ្ឋភាពសេដ្ឋកិច្ច ប្រទេសចិនគឺជាអ្នកវិនិយោគបរទេស ដ៏ធំជាងគេរបស់កម្ពុជា ជាម្ចាស់ជំនួយដ៏សំខាន់ និងជាដៃគូពាណិជ្ជកម្មកាន់តែសំខាន់ខ្លាំងឡើងរបស់កម្ពុជា។

ចក្ខុវិស័យរបស់ប្រទេសចិន សម្រាប់ការអភិវឌ្ឍសកល និងទំនាក់ទំនងកាន់តែជិតស្និទ្ធរបស់ខ្លួនជាមួយកម្ពុជា ត្រូវបានគេមើលឃើញតាមរយៈកំណត់ត្រានៃការវិនិយោគរបស់ចិននៅកម្ពុជា។

យោងតាមស្ថិតិដែលចេញផ្សាយ ដោយក្រុមប្រឹក្សាអភិវឌ្ឍន៍កម្ពុជា (CDC) ការវិនិយោគផ្ទាល់ពីបរទេស (FDI) ដែលត្រូវបានអនុម័តក្នុងអំឡុងឆ្នាំ ១៩៩៤-២០១៩ ភាគរយធំបំផុតគឺមកពីប្រទេសចិន (២១,៨១%) ។ នៅបណ្តាឆ្នាំដំបូងៗ ប្រទេសចិនបានធ្វើការវិនិយោគយ៉ាងសម្បើម សម្រាប់ការអភិវឌ្ឍហេដ្ឋារចនាសម្ព័ន្ធ ថាមពល និងធនធានធម្មជាតិ។

ក្នុងឆ្នាំ ២០២១ ការវិនិយោគផ្ទាល់ពីបរទេស ពីប្រទេសចិនបានជាប់ចំណាត់ថ្នាក់កំពូល ជាមួយនឹងការវិនិយោគសរុបចំនួន២៣២៦ លានដុល្លារអាមេរិក កើនឡើង ៦៧% បើធៀបនឹងឆ្នាំ ២០២០ ។ នៅឆ្នាំ ២០១៧ កម្ពុជាទទួលជំនួយអភិវឌ្ឍន៍ផ្លូវការ (ODA) ប្រមាណ៤,២ ពាន់លានដុល្លារអាមេរិក ដែលជាជំនួយឥតសំណង និងកម្ចីសម្បទានពីប្រទេសចិន។

ក្នុងទិដ្ឋភាពវប្បធម៌ គុណតម្លៃរបស់ប្រទេសចិន ត្រូវបានបង្កប់យ៉ាងជ្រៅនៅក្នុងទិដ្ឋភាពជាច្រើននៃសង្គមកម្ពុជា។

ទំនាក់ទំនងរឹងមាំរវាងប្រជាជន និងប្រជាជន និងទំនាក់ទំនងសង្គម បង្កើតបានជាមូលដ្ឋានរឹងមាំ សម្រាប់ការរីកចម្រើនជាបន្តបន្ទាប់ នៃកិច្ចសហប្រតិបត្តិការជាមិត្តភាពរវាងកម្ពុជា និងចិន។ ក្នុងរយៈពេលប៉ុន្មានឆ្នាំចុងក្រោយនេះ កិច្ចសហប្រតិបត្តិការកាន់តែស៊ីជម្រៅលើគ្រប់វិស័យ ជំរុញ ឱ្យទំនាក់ទំនងកម្ពុជា-ចិនកាន់តែអភិវឌ្ឍទៅដល់កម្រិតខ្ពស់បំផុត ដែលមិនធ្លាប់មានក្នុងប្រវត្តិសាស្ត្រ។

ក្នុងឆ្នាំ ២០០៦ ប្រទេសទាំងពីរបានដំឡើង កម្រិតទំនាក់ទំនងទ្វេភាគីទៅជា “ភាពជាដៃគូនៃកិច្ចសហប្រតិបត្តិការគ្រប់ជ្រុងជ្រោយ” ហើយនៅឆ្នាំ ២០១០ បានដំឡើងទៅជា “ភាពជាដៃគូយុទ្ធសាស្ត្រគ្រប់ជ្រុងជ្រោយ”។ ប្រទេសកម្ពុជា គឺជាប្រទេសមួយក្នុងចំណោមប្រទេសដំបូងគេ ដែលគាំទ្រនិងទទួលយកគំនិតផ្តួចផ្តើមខ្សែក្រវាត់ និងផ្លូវ (BRI) ដែលបង្កើតឡើងដោយប្រទេសចិននាឆ្នាំ ២០១៣ ដោយទទួលស្គាល់ថា ឱកាសអភិវឌ្ឍន៍សេដ្ឋកិច្ចសំខាន់ៗនឹងត្រូវបានបង្កើតឡើង។

ក្នុងឆ្នាំ ២០១៦ ប្រទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នាស្តីពី ការបង្កើតផែនការសហប្រតិបត្តិការទ្វេភាគី ដើម្បីរួមគ្នាកសាងខ្សែក្រវាត់សេដ្ឋកិច្ចផ្លូវសូត្រ និងផ្លូវសូត្រសមុទ្រសតវត្សរ៍ទី ២១ ។ មួយឆ្នាំក្រោយមក “គ្រោងនៃផែនការសហប្រតិបត្តិការទ្វេភាគី ដើម្បីរួមគ្នាកសាងខ្សែក្រវាត់សេដ្ឋកិច្ចផ្លូវសូត្រ និងផ្លូវសូត្រសមុទ្រសតវត្សរ៍ទី ២១” ត្រូវបានចុះហត្ថលេខា។

វិស័យចំនួន៧ ត្រូវបានផ្តល់អាទិភាព សម្រាប់កិច្ចសហប្រតិបត្តិការ រួមមាន ហេដ្ឋារចនាសម្ព័ន្ធ កសិកម្ម ការកសាងសមត្ថភាព ឧស្សាហកម្ម វប្បធម៌ និងទេសចរណ៍ ហិរញ្ញវត្ថុ និងការការពារបរិស្ថាន។

នាខែមេសា ឆ្នាំ២០១៩ កម្ពុជា និងចិនបានចុះហត្ថលេខាលើផែនការសកម្មភាព ឆ្នាំ២០១៩- ២០២៣ស្តីពី ការកសាងសហគមន៍ចិន-កម្ពុជាដែលមានអនាគតរួមគ្នា។ នៅក្រោមផែនការសកម្មភាពនេះ ប្រទេសទាំងពីរបានប្តេជ្ញាអនុវត្តវិធានការចំនួន៣១ ក្នុងវិស័យទាំង ៥ រួមមាន នយោបាយ សន្តិសុខ សេដ្ឋកិច្ច ទំនាក់ទំនងប្រជាជន និងប្រជាជន និងកិច្ចសហប្រតិបត្តិការពហុភាគី។

ថ្មីៗបំផុត មេដឹកនាំកម្ពុជា និងចិន បានចុះហត្ថលេខាលើកិច្ចព្រមព្រៀងពាណិជ្ជកម្មសេរី (CCFTA) នាខែតុលា ឆ្នាំ ២០២០ ដែលជាការកត់សម្គាល់ការចាប់ផ្តើមនៃយុគសម័យថ្មី នៃកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ។ តួនាទីដ៏សំខាន់របស់កម្ពុជា នៅក្នុងគំនិតផ្តួចផ្តើមខ្សែក្រវាត់ និងផ្លូវ និងភាពជាដៃគូដ៏រឹងមាំជាមួយប្រទេសចិនលើវិស័យពាណិជ្ជកម្ម និងការវិនិយោគ ត្រូវបានបង្ហាញនៅក្នុងកិច្ចព្រមព្រៀងពាណិជ្ជកម្មសេរីកម្ពុជា-ចិន និងបានបង្ហាញពីការប្តេជ្ញាចិត្តរបស់កម្ពុជាចំពោះគំនិតផ្តួចផ្តើមអភិវឌ្ឍន៍សកល (GDI) គំនិតផ្តួចផ្តើមសន្តិសុខសកល (GSI) និងសហគមន៍ដែលមានអនាគតរួមគ្នា។

ការផ្ទុះឡើងនៃរោគរាតត្បាតកូវីដ១៩ បានសាកល្បងសាមគ្គីភាពសកល និងភាពធន់នៃការឆ្លើយតបរបស់ប្រទេសនានា ចំពោះជំងឺរាតត្បាតនេះ។ នៅពេលដែលកម្ពុជាជួបប្រទះ នឹងបញ្ហាប្រឈមដ៏ធ្ងន់ធ្ងរនៃកូវីដ ១៩ ប្រទេសចិនបានប្រឹងប្រែងអស់ពីសមត្ថភាព ដើម្បីជួយកម្ពុជាក្នុងការប្រយុទ្ធប្រឆាំងនឹងរោគរាតត្បាតនេះ។

ដំណើរទស្សនកិច្ចរបស់សម្តេចតេជោ នាយករដ្ឋមន្ត្រី ហ៊ុន សែន ទៅកាន់ប្រទេសចិន នាខែកុម្ភៈ ឆ្នាំ ២០២០ ខណៈស្ថានភាពរោគរាតត្បាតកូវីដ ១៩ នៅប្រទេសចិននៅតែធ្ងន់ធ្ងរនៅឡើយនោះ បានបង្ហាញពីការគាំទ្រដ៏រឹងមាំរបស់កម្ពុជាចំពោះប្រទេសចិន។

ការគាំទ្ររបស់ប្រទេសចិនចំពោះកម្ពុជា ក្នុងការប្រយុទ្ធប្រឆាំងនឹងជំងឺរាតត្បាត តាមរយៈការផ្តល់ដល់កម្ពុជា នូវវ៉ាក់សាំងរាប់លានដូស បានបង្ហាញឱ្យឃើញថា សម្តេចតេជោនាយករដ្ឋមន្ត្រីហ៊ុន សែន បានធ្វើការសម្រេចចិត្តដ៏ត្រឹមត្រូវ ក្នុងការជ្រើសរើសប្រទេសចិន ជាប្រភពវ៉ាក់សាំងដ៏សំខាន់របស់ប្រទេស និងជាអ្នកផ្គត់ផ្គង់វ៉ាក់សាំងជាយុទ្ធសាស្ត្រ។ ប្រទេសចិន ក៏បានដើរតួនាទីយ៉ាងសំខាន់ ក្នុងការស្តារសេដ្ឋកិច្ចកម្ពុជាឡើងវិញក្រោយកូវីដ១៩។

ពាក់ព័ន្ធនឹងបញ្ហាសមុទ្រចិនខាងត្បូង កម្ពុជាតែងតែអំពាវនាវដល់ភាគីទាំងអស់ឱ្យអនុម័ត ដំណោះស្រាយប្រកបដោយសន្តិវិធី និងបន្តប្រើប្រាស់យន្តការអាស៊ាន-ចិន សម្រាប់ការអនុវត្តដោយពេញលេញនូវសេចក្តីប្រកាសស្តីពី ការប្រតិបត្តិនៃភាគីនានានៅសមុទ្រចិនខាងត្បូង (DOC) និងជំរុញឱ្យអាស៊ាន និងចិនធ្វើការរួមគ្នាបន្ថែមទៀត ដើម្បីសម្រេចបាននូវក្រមប្រតិបត្តិនៅសមុទ្រចិនខាងត្បូង (COC) ។

សំខាន់ជាងនេះទៀត ជំហរអព្យាក្រឹត និងយុត្តិធម៌របស់កម្ពុជាលើបញ្ហាសមុទ្រចិនខាងត្បូងនេះ បានរួមចំណែកដល់ការថែរក្សាសន្តិភាព សន្តិសុខ និងស្ថិរភាពក្នុងតំបន់ ទន្ទឹមនឹងការលើកកម្ពស់ផលប្រយោជន៍ទៅវិញទៅមកដែលកើតចេញពីទំនាក់ទំនង កិច្ចសហប្រតិបត្តិការ និងភាពជាដៃគូយុទ្ធសាស្ត្រគ្រប់ជ្រុងជ្រោយ ដែលមានផលប្រយោជន៍ទៅវិញទៅមករវាងអាស៊ាន និងចិន។

កម្ពុជាក៏រក្សាទំនាក់ទំនងល្អជាមួយប្រទេសចិន ក្នុងកម្រិតពហុភាគីក្នុងក្របខ័ណ្ឌអាស៊ានផងដែរ ដូចជា ក្របខ័ណ្ឌកិច្ចសហប្រតិបត្តិការអាស៊ាន+១ អាស៊ាន+៣ និងក្របខ័ណ្ឌកិច្ចសហប្រតិបត្តិការមេគង្គ-ឡានឆាង ជាដើម។ ប្រទេសទាំងពីរប្រកាន់ខ្ជាប់យ៉ាងពេញលេញ នូវគោលការណ៍ពហុភាគីនិយម ជាពិសេសប្រព័ន្ធពាណិជ្ជកម្មពហុភាគី ដែលមានអង្គការពាណិជ្ជកម្មពិភពលោក (WTO) គឺជាកម្លាំងចលករស្នូល សម្រាប់ជំរុញទំនាក់ទំនងអន្តរជាតិ ដោយផ្អែកលើគោលការណ៍ នៃការគោរពគ្នាទៅវិញទៅមក សមធម៌ និងកិច្ចសហប្រតិបត្តិការឈ្នះ-ឈ្នះ។

ចំណងមិត្តភាពដែកថែបរបស់កម្ពុជាជាមួយចិន បានពង្រឹង និងពង្រីកកិច្ចសហប្រតិបត្តិការរវាងអាស៊ាន និងចិន ព្រមទាំងធានាសិទ្ធិ និងផលប្រយោជន៍នៃប្រទេសកំពុងអភិវឌ្ឍន៍ បង្កើនការយោគយល់គ្នា និងការជឿទុកចិត្តគ្នាទៅវិញទៅមក និងលើកកម្ពស់សន្តិភាព និងស្ថិរភាពក្នុងតំបន់។ ទោះបីជាមានជំងឺរាតត្បាតកូវីដ១៩ក្តី ក៏អាស៊ាន និងចិននៅតែជាដៃគូពាណិជ្ជកម្មធំបំផុតរបស់គ្នាទៅវិញទៅមក និងរក្សាបាននូវសន្ទុះនៃកំណើន។

ទាំងក្របខ័ណ្ឌទ្វេភាគី និងក្របខ័ណ្ឌពហុភាគី ទំនាក់ទំនងកម្ពុជា-ចិន បន្តធ្វើពិពិធកម្ម និងពង្រឹងលើគ្រប់វិស័យ ដែលមានផលប្រយោជន៍រួម។ សាមគ្គីភាព ក្នុងការដោះស្រាយបញ្ហាប្រឈមជាអន្តរជាតិ បទពិសោធរឹងមាំក្នុងកិច្ចសន្ទនាទ្វេភាគី ការពន្លឿនទំនាក់ទំនងគ្រប់កម្រិត លើវេទិកាផ្សេងៗ ការយោគយល់គ្នាទៅវិញទៅមក ដែលចាក់ឫសយ៉ាងស៊ីជម្រៅ និងវិធីសាស្ត្រប្រកបដោយការគោរពគ្នា ពិតជាធានាឱ្យប្រទេសទាំងពីរអាចសម្រេចបាននូវសមិទ្ធផលធំៗថែមទៀត ទាំងកម្រិតជាតិ និងពិភពលោក។

ដូច្នេះទំនាក់ទំនងចិន-អាស៊ាន ក៏បានឈានចូលទំព័រថ្មីនៃភាពជាដៃគូយុទ្ធសាស្ត្រគ្រប់ជ្រុងជ្រោយ ដើម្បីរួមគ្នាកសាងសហគមន៍ ដែលមានអនាគតរួមគ្នាសម្រាប់មនុស្សជាតិ៕

លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា

រាជបណ្ឌិត្យសភាកម្ពុជា៕

ផ្សារបែបសហគមន៍មួយនឹងសាងសង់នៅទីរួមស្រុកស្វាយអន្ទរ ខេត្តព្រៃវែង

ដោយៈ ជេស៊ីកា

ព្រៃវែងៈ អ្នកអភិវឌ្ឍន៍ក្នុងស្រុកមួយក្រុម បាននិងកំពុងត្រៀមរៀបចំសាងសង់ផ្សារសហគមន៍មួយ នៅទីរួមស្រុកស្វាយអន្ទរ ខេត្តព្រៃវែង ដើម្បីពង្រីកសក្តានុពលក្នុងតំបន់។

ផ្សារនេះ នឹងសាងសង់ឡើងក្នុងគំរោងមង្គលវីឡា-ព្រៃវែងបុរី មានទីតាំងនៅចំណុចប្រសព្វគ្នារវាង ផ្លូវជាតិលេខ៨ និងផ្លូវជាតិលេខ១១ ដែលជាទីប្រជុំជន និងជាតំបន់សេដ្ឋកិច្ចពិសេសមួយ នៅក្នុងស្រុកស្វាយអន្ទរ ខេត្តព្រៃវែង។

គម្រោងរបស់យើងបានសម្ពោធជាផ្លូវការ កាលពីថ្ងៃទី ២២ ខែឧសភា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ របស់ឯកឧត្តម អភិបាលនៃគណអភិបាលខេត្តព្រៃវែង ។

មានឈាមជ័រជាអ្នកព្រៃវែង និងជាអ្នកជំនាញផ្នែកអភិវឌ្ឍន៍ទីក្រុង លោកឌិន សុមេធារិទ្ធ ដែលជាស្ថាបនិករបស់គម្រោង បង្កើតគម្រោងនេះឡើងក្នុងគោលបំណង លើកស្ទួយសេដ្ឋកិច្ចក្នុងតំបន់ បង្កើតបរិយាកាសដ៏មនោរម្យដើម្បីអោយប្រជាជនក្នុងតំបន់ និងភ្ញៀវទេសចរណ៍ជិតឆ្ងាយ អាចមករស់នៅ ប្រកបអាជីវកម្ម សម្រាកលម្ហែរ និងស្រូបខ្យល់អាកាសបែបធម្មធាតិដោយរីករាយ។

លោកឌិន សុមេធារិទ្ឋបានមានប្រសាសន៍ឲ្យដឹង កាលពីថ្ងៃទី២ កុម្ភៈថា លោកចង់ចូលរួមចំណែកផ្តល់ការងារ និងឱកាសអាជីវកម្មដល់ប្រជាពលរដ្ឋនៅក្នុងតំបន់ ពិសេសសាងសង់បុរីមានលក្ខណៈ ជាទីក្រុងស៊ីវិល័យមួយ សម្រាប់ប្រជាពលរដ្ឋនៅក្នុងតំបន់។

លោកបន្តថា “គោលដៅរបស់ខ្ញុំ ចង់រួមចំណែកលើកកំពស់សេដ្ឋកិច្ច ស្តង់ដានៃការរស់នៅ ដល់ប្រជាជននៅខេត្តព្រៃវែង និងប្រជាពលរដ្ឋជុំវិញឲ្យស្គាល់ពីស្តង់ដានៃការរស់នៅបែបទីក្រុង”។ លោកបន្តថា “ដោយសារយើងរៀបចំហេដ្ឋារចនាសម្ព័ន្ឋ សួនច្បារ បឹងកំសាន្ត និងដាំដើមឈើឲ្យមានភាពស្រស់បំព្រង ប្រជាពលរដ្ឋក្នុងតំបន់ បានហៅគំរោងរបស់យើងជាប៉េង ហួតនៅក្នុងខេត្តព្រៃវែង”។

អភិវឌ្ឍន៍នៅលើផ្ទៃដីជាង ៥០ហត្ថ មានហេដ្ឋារចនាសម្ព័ន្ធធំទូលាយ សម្រាប់បម្រើប្រយោជន៍សាធារណៈ មានផ្សារសហគមន៍ដែលផ្ដល់ឱកាសអោយអាជីវករ កសិករ អាចយកសិផល និងផលិតផល មកលក់ដូរដោយឥតគិតថ្លៃ និងថែមទាំងផ្ដល់ឱកាសការងារដោយផ្ទាល់និងប្រយោលរាប់រយកន្លែងសម្រាប់ប្រជាពលរដ្ឋក្នុងតំបន់ ។ មានទីធ្លាធំទូលាយ ជាទីកន្លែងមួយសមស្របបំផុតសម្រាប់ប្រជាជនអាចដើរ រត់ និងជិះកង់ហាត់ប្រាណ កំសាន្តជាមួយនឹងខ្យល់អាកាសធម្មជាតិដ៏ល្អបរិសុទ្ធ។

លោកឌិន សុមេធារិទ្ឋបានបន្តថា គំរោងនេះនឹងមានការរៀបចំសួនច្បារ ផ្កា ដើមឈើគ្រប់ទីកន្លែង និងធំទូលាយ ជាពិសេសមានរម្យណីដ្ឋានបឹងស្នេហ៍ថ្មី ដែលមានផ្ទៃបឹងរហូតដល់ជាង១០ហិកតា បង្កើតបានជាផ្ទាំងទស្សនីយភាព និងបរិយាកាសដ៏មនោរម្យ៕

ក្រុមហ៊ុនRoyal Groupបោះទុន៣៥លានដុល្លារសាងសង់ផ្លូវបេតុងប្រវែង៧០គីឡូម៉ែត្រលើកោះរ៉ុង

ដោយៈ គង់ សូរិយា

ព្រះសីហនុៈ គម្រោងអភិវឌ្ឍផ្លូវបេតុងនៅលើកោះរ៉ុង បច្ចុប្បន្នសម្រេចការស្ថាបនាបានជាង៥០គីឡូម៉ែត្រ ខណៈតាមផែនការក្រុមហ៊ុនRoyal Group នឹងសាងសង់ផ្លូវមានប្រវែងសរុប៧០គីឡូម៉ែត្រ។

ក្រុមហ៊ុនRoyal Group Development Company ដែលទទួលបន្ទុកសាងសង់ផ្លូវបេតុងប្រវែង៧០ គីឡូម៉ែត្រនៅលើកោះរ៉ុងបានបង្ហាញវឌ្ឍនភាព ខណៈបច្ចុប្បន្នការស្ថាបនាសម្រេចបាន ប្រវែងជាង៥០គីឡូ ម៉ែត្រ នៅសល់ជាង២០គីឡូម៉ែត្រនឹងបញ្ចប់តាមផែនការ។

តាមព៌តមានបានបង្ហាញថា ផ្លូវបេតុងដែលក្រុមហ៊ុនចាយទុនជាង ៣៥លានដុល្លារអាមេរិកស្ថាបនានេះ មានទទឹង៨ម៉ែត្រ កម្រាស់២៥០ មិល្លីម៉ែត្រ និងអាចសម្រេចបញ្ចប់តាមផែនការ នៅពេលឆាប់ៗខាងមុខនេះ។

កោះរ៉ុងត្រូវបានរដ្ឋាភិបាល ប្រកាសសម្រេចបង្កើតជាក្រុងថ្មីរបស់ខេត្តព្រះសីហនុ ខណៈកោះដ៏ល្បីនេះ បានក្លាយជាគោលដៅទេសចរណ៍ដ៏ទាក់ទាញរបស់ភ្ញៀវទេសចរជាតិនិងអន្តរជាតិ។

គម្រោងអភិវឌ្ឍនៅលើកោះរ៉ុង ក្រុមហ៊ុនរបស់អ្នកឧកញ៉ា គិត ម៉េងកាលពីពេលថ្មីៗនេះ បានប្រកាសគម្រោងសាងសង់ អាកាសយានដ្ឋានអន្តរជាតិលំដាប់4C នៅលើកោះទេសចរណ៍នេះ ដោយគ្រោងបោះទុនប្រមាណ៣០០លានដុល្លារ និងប្រើប្រាស់ពេលសាងសង់ប្រហែល៥ឆ្នាំ។

គម្រោងសាងសង់អាកាសយានដ្ឋានអន្តរជាតិកោះរ៉ុងនេះ ទទួលបានការជំរុញនិងគាំទ្រពីប្រមុខរដ្ឋាភិបាល។

ក្រៅពីបោះទុនរាប់រយលានដុល្លារអភិវឌ្ឍនៅលើកោះរ៉ុង ក្រុមហ៊ុនRoyal Group Development Company បានវិនិយោគជាមួយអគ្គិសនីកម្ពុជា ដើម្បីតខ្សែកាប្លីក្រោមបាតសមុទ្រមកកាន់កោះរ៉ុង ដែលគ្រោងបញ្ចប់នៅក្នុងត្រីមាសទី១ នៃឆ្នាំ២០២៣ ដើម្បីអាចមានអគ្គិសនីចែកចាយប្រកបដោយស្ថេរភាព នៅក្រោយបុណ្យចូលឆ្នាំខ្មែរខាងមុខនេះ៕

តើប្រទេសណាខ្លះក្នុងតំបន់អាស៊ានដែលបានទិញមាសស្តុកទុកច្រើន ជាងគេកាលពីឆ្នាំ២០២២

ដោយៈ សុខុម

បាងកក: លោក Andrew Naylor នាយកប្រតិបត្តិក្រុមប្រឹក្សាមាសពិភពលោក (World Gold Council) ប្រចាំតំបន់អាស៊ី-ប៉ាស៊ីហ្វិក ដែលមិនរាប់បញ្ចូលប្រទេសចិន បានថ្លែងក្នុងសន្និសីទសារព័ត៌មាន តាមអនឡាញមួយកាលពីពេលថ្មីៗនេះថា តម្រូវការមាសក្នុងតំបន់អាស៊ាន គឺមានសន្ទុះកើនឡើងខ្លាំងស្របតាមនិន្នាការពិភពលោក។

ទោះជាយ៉ាងណា ខណៈតម្រូវការមាសទូទាំងពិភពលោក ត្រូវបានជំរុញជាចម្បង ដោយការទិញរបស់បណ្ដាធនាគារកណ្តាល តម្រូវការមានក្នុងតំបន់អាស៊ាន ត្រូវបានជំរុញជាចម្បងដោយបុគ្គល ដែលទិញមាសទុកសន្សំជាទ្រព្យសម្បត្តិផ្ទាល់ខ្លួន ឬក៏ទិញទុកលក់យកចំណេញ ពេលមាសឡើងវិញ។ នេះបើយោងតាមសារព័ត៌មាន The Nation ចុះមផ្សាយកាលពីថ្ងៃព្រហស្បតិ៍ ទី០២ ខែកុម្ភៈ។

តំបន់អាស៊ាន បានសម្រុកទិញមាសច្រើន ក៏ដោយសារតែការបើកប្រទេសចិន ឡើងវិញដែលបានស្តារសកម្មភាពអាជីវកម្ម នៅក្នុងតំបន់យ៉ាងឆាប់រហ័សឱ្យឈានដល់កម្រិត មុនពេលផ្ទុះវិបត្តិកូវីដ-១៩ ផងដែរ។

យោងតាមរបាយការណ៍ទំនោរ តម្រូវការមាសទូទាំងពិភពលោកប្រចាំឆ្នាំ២០២២ (Gold Demand Trend 2022 Report) បង្ហាញថា វៀតណាម គឺជាអ្នកទិញមាសច្រើនជាងគេ បំផុតក្នុងតំបន់អាស៊ាន ដែលមានចំនួនរហូតដល់ទៅ៦៩,១តោន។ ចំណែកឯលេខ២ បានទៅលើប្រទេសឥណ្ឌូនេស៊ី ដែលទិញក្នុងចំនួន៥០តោន ហើយលេខ៣ បានទៅលើប្រទេសថៃ ដែលទិញក្នុងចំនួន៣៧,៩តោន។

លោក Andrew Naylor បានលើកឡើងថា តម្រូវការមាសរបស់វៀតណាម បានកើនឡើង៣៧%ធៀបនឹងឆ្នាំមុន ដោយសារសន្ទុះងើបឡើងវិញខ្លាំង។ មាសដែលវៀតណាម ទិញរួមមានទាំងដុំមាស និងកាក់មាសផងនោះមានប្រមាណ៤១តោន នៃតម្រូវការមាសសរុបក្នុងប្រទេសនេះ ។

ដុំមាស និងកាក់មាសដែលវៀតណាម បានប្រមូលទិញមានប្រមាណ៤១តោននៃតម្រូវការមាសសរុបរបស់ប្រទេសនេះ។ ក្រុមប្រឹក្សាមាសពិភពលោក (World Gold Council) បានឱ្យដឹងថា ប្រទេសឥណ្ឌូនេស៊ី ក៏បានឃើញនិន្នាការស្រដៀងគ្នានេះដែរ៕ The Nation៕

កំណើននៃការចុះបញ្ជីអាជីវកម្មកំពុងបង្ហាញពីការងើបឡើងវិញ នៃសេដ្ឋកិច្ចរបស់កម្ពុជា

ដោយ: គង់ លាងហួរ

ភ្នំពេញ: ក្រសួងពាណិជ្ជកម្មបានចុះបញ្ជីក្រុមហ៊ុន និងសហគ្រាសថ្មីចំនួន ១០.៧០១ ក្នុងឆ្នាំ២០២២ ពោលគឺកើនឡើង៤០ភាគរយ ធៀបនឹងឆ្នាំ ២០២១ ដែលនេះឆ្លុះបញ្ចាំងពីការស្ទុះងើបឡើងវិញ នៃសេដ្ឋកិច្ចកម្ពុជាក្រោយវិបត្តិជំងឺកូវីដ-១៩។

នៅក្នុងពេលជាមួយគ្នានេះ ក្រុមហ៊ុនប្រហែល៨៨៨ ត្រូវបានជំរុះដកចេញ ពោលគឺកើនឡើង៣៨ភាគរយ ពី៦៤៣ក្រុមហ៊ុនក្នុងឆ្នាំ២០២១។

បណ្តាក្រុមហ៊ុនជាង៦.០០០ បានដាក់ពាក្យសុំអាជ្ញាប័ណ្ណតាមប្រព័ន្ធអេឡិចត្រូនិក ដោយក្រុមហ៊ុនជាង១៣.០០០ បានដាក់ពាក្យសុំរក្សាឈ្មោះអាជីវកម្ម។

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា បានមានប្រ សាសន៍ថា ក្រសួងបាននិងកំពុងធ្វើការ និងបន្តធ្វើកំណែទម្រង់ក្នុងការធ្វើបច្ចុប្បន្នភាពប្រព័ន្ធស្វ័យប្រវត្តិកម្ម នៃការចុះបញ្ជីពាណិជ្ជកម្ម ដោយបានបង្កើតអាជ្ញាប័ណ្ណអាជីវកម្មអេឡិចត្រូនិកផងដែរ។

លោកគី សេរីវឌ្ឍន៍ សេដ្ឋវិទូនៃរាជបណ្ឌិត្យសភាកម្ពុជា បានមើលឃើ ញថា “ចំនួនក្រុមហ៊ុនចុះបញ្ជី ជាការឆ្លុះបញ្ចាំងពីប្រសិទ្ធភាពនៃការគ្រប់គ្រ ងលើក្រុមហ៊ុនឯកជន ដែលជាមធ្យោបាយងាយស្រួល ក្នុងការគាំទ្រពួកគេតាមបច្ចេកទេសប្រសិនបើចាំបាច់”។

លោកបានបន្តថា “ការរីកចម្រើននៃសេដ្ឋកិច្ចកម្ពុជា បានចូលរួមចំណែ កមួយផ្នែក ក្នុងការជំរុញចំនួនអាជីវកម្ម ដែលត្រូវបានបិទ ឬផ្អាក ក្នុងអំឡុងពេលនៃជំងឺរាតត្បាត ដើម្បីចាប់ផ្តើមប្រតិបត្តិការរបស់ពួកគេឡើងវិញ”។

ជាមួយគ្នានេះ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមានប្រសាសន៍ថា ការកើនឡើងនៃការចុះបញ្ជីពាណិជ្ជកម្ម ឆ្លុះបញ្ចាំងពីការបើកប្រទេសឡើងវិញ សកម្មភាពសេដ្ឋកិច្ច-សង្គមគ្រប់ប្រភេទ ក្រោមគោលនយោបាយដ៏មានប្រសិទ្ធភាព របស់រាជរដ្ឋាភិបាលកម្ពុជា”៕

លោក គិន ភា ប្រធាន​វិទ្យាស្ថាន​ទំនាក់​ទំនង​អន្តរជាតិ​នៃ​កម្ពុជា

លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា