Audley Travel, a leading UK tour operator that regularly brings in British tourists to Cambodia.

By, MOT

London, On the occasion of leading a delegation from the Ministry of Tourism and the Cambodian Tourism Board (CTB) to attend the World Travel Market in London, H.E. Minister Huot Hak, Minister of Tourism, met with Ms. Rebecca Edwards, Senior Product Manager for Asia Pacific at Audley Travel, a leading UK tour operator that regularly brings in British tourists to Cambodia; pledged to promote Cambodia’s tourism potential and Lonely Planet’s ranking of Siem Reap as a must-visit tourist destination in 2025 to the UK and international tourists.

At the same time, H.E. Minister also invited her and her esteemed colleagues to visit the Kingdom of Cambodia soon to learn more and help promote Cambodia’s tourism potential to the UK citizens.

ក្រុមហ៊ុនធំមួយប្រកាសបន្តពង្រីកការវិនិយោគ និងការចូលរួមជួយគំាទ្រវិស័យទេសចរណ៍កម្ពុជា

ដោយៈ ចំណាន

ក្រុងឡូងដ៏ៈ ជាដំណឹងរីករាយមួយ ក្រុមហ៊ុនដ៏ធំមួយបានប្រកាសបន្ត និងពង្រីកវិនិយោគនៅកម្ពុជា និងចូលរួមផ្សព្វផ្សាយទេសចរណ៍កម្ពុជាកាន់តែទូលំទូលាយបន្ថែមទៀត។

ព័ត៌មាននេះ ត្រូវបានលើកឡើងនៅពេលរដ្ឋមន្រ្តី ក្រសួងទេសចរណ៍ លោកហួត ហាក់បានទទួលជួបពិភាក្សាការងារ ជាមួយលោក Thomas Ellerbeck សមាជិកនៃគណៈកម្មាធិការប្រតិបត្តិ និងជានាយកក្រុមសាជីវកម្ម និងកិច្ចការទំនាក់ទំនងខាងក្រៅនៃក្រុមហ៊ុនTUI Group និងសហការី អំពីកិច្ចសហប្រតិបត្តិការលើវិស័យទេសចរណ៍បន្ថែមទៀតជាមួយក្រុមហ៊ុន។

ជំនួបនេះធ្វើឡើងនាឱកាស លោករដ្ឋមន្រ្តីដឹកនាំគណៈប្រតិភូជាន់ខ្ពស់ក្រសួងទេសចរណ៍ និងក្រុមប្រឹក្សាភិបាលសិក្សាទីផ្សារ និងផ្សព្វផ្សាយកម្ពុជា (CTB)ចូលរួមពិព័រណ៍ទេសចរណ៍អន្តរជាតិ (World Travel Market ) នៅទីក្រុងឡុងដ៏ ចក្រភពអង់គ្លេស។

ឆ្លៀតក្នុងឱកាសនោះដែរ លោករដ្ឋមន្ត្រី បានថ្លែងអំណរគុណដល់ក្រុមហ៊ុន ដែលបានជឿទុកចិត្តលើរាជរដ្ឋាភិបាល តាមរយៈការបោះទុនវិនិយោគ លើការបង្កើតសណ្ឋាគារលំដាប់ផ្កាយ៥ធំៗចំនួនពីររួចទៅហើយនៅកម្ពុជា គឺនៅខេត្តព្រះសីហនុ និងខេត្តសៀមរាប ព្រមទាំងគម្រោងថ្មីៗ បន្ថែមទៀតដូចដែលបានលើកឡើង ក្នុងជំនួបនាពេលនេះ។

លោករដ្ឋមន្ត្រី បានអញ្ជើញក្រុមហ៊ុន លោកThomas Ellerbeck និងសហការី មកទស្សនកិច្ចនៅកម្ពុជា ដើម្បីពិនិត្យកាន់តែច្បាស់ពីសក្តានុពលទេសចរណ៍ ដ៏សំបូរបែបរបស់កម្ពុជា ជាពិសេស គឺសក្តានុពលនៅតំបន់អេកូទេសចរណ៍នាភាគឥសាន៕

កំណែទម្រង់ច្បាប់ចំនួន២ របស់ហ្វីលីពីនរំពឹងជំរុញទីផ្សារអចលនទ្រព្យក្នុងប្រទេសនេះឱ្យស្ទុះងើបឡើងវិញ

ដោយ: សហសេវិក
អន្តរជាតិ: ប្រធានាធិបតីហ្វីលីពីនលោក Ferdinand Marcos Jr. បានចុះហត្ថលេខាលើច្បាប់ថ្មីចំនួន២ ដែលត្រូវបានគេរំពឹងថា នឹងជួយជំរុញសន្ទុះទីផ្សារអចលនទ្រព្យហ្វីលីពីន។ វិធានការទាំងនេះមានគោលបំណងទាក់ទាញការវិនិយោគបរទេស និងពន្លឿនគម្រោងហេដ្ឋារចនាសម្ព័ន្ធ។

ទី១: ការពង្រីករយៈពេលជួលដីបន្ថែមសម្រាប់វិនិយោគិនបរទេស ក្រោមច្បាប់លេខ RA 12252

ច្បាប់ថ្មីនេះអនុញ្ញាតឱ្យវិនិយោគិនបរទេសជួលដីឯកជននៅប្រទេសហ្វីលីពីនចំនួន៩៩ឆ្នាំ បើធៀបនឹងរយៈពេលកំណត់ពីមុនត្រឹម៥០ឆ្នាំ និងអាចបន្តចំនួន២៥ឆ្នាំទៀត។ ច្បាប់នេះត្រូវបានគេរំពឹងថា នឹងទាក់ទាញការវិនិយោគផ្ទាល់ពីបរទេសកាន់តែច្រើនទៅក្នុងគម្រោងឧស្សាហកម្ម ទេសចរណ៍ និងកសិ-ឧស្សាហកម្ម ដោយអាចជំរុញឱ្យបណ្តាអ្នកអភិវឌ្ឍន៍សហការជាមួយក្រុមហ៊ុនម៉ាកយីហោល្បីៗលើពិភពលោក ដើម្បីសាងសង់រមណីយដ្ឋាន រោងចក្រ និងមជ្ឈមណ្ឌលដឹកជញ្ជូន។

ច្បាប់នេះក៏អាចលើកទឹកចិត្តដល់ឧស្សាហកម្មផលិតកម្ម ដូចជាយានយន្តអគ្គិសនី និងឧបករណ៍អេឡិចត្រូនិក ដែលធ្វើឱ្យប្រទេសហ្វីលីពីនកាន់តែមានភាពប្រកួតប្រជែងក្នុងការទាក់ទាញការវិនិយោគផ្ទាល់ពីបរទេស។

ទី២: ការកែទម្រង់ច្បាប់ស្តីពីសិទ្ធិប្រើប្រាស់ដីចំណីផ្លូវសាធារណៈ (ARROW)

ច្បាប់ ARROW ធ្វើឱ្យដំណើរការទិញយកដីធ្លីសម្រាប់សាងសង់គម្រោងហេដ្ឋារចនាសម្ព័ន្ធសាធារណៈមានភាពសាមញ្ញ និងមិនចំណាយពេលយូរ។ ច្បាប់នេះស្របតាមស្តង់ដារវាយតម្លៃអចលនទ្រព្យ និងលើកកម្ពស់ការសម្របសម្រួលរវាងភ្នាក់ងាររដ្ឋាភិបាល នៅពេលអនុវត្តគម្រោងហេដ្ឋារចនាសម្ព័ន្ធទាក់ទងនឹងការដឹកជញ្ជូន ការតភ្ជាប់ និងការគ្រប់គ្រងទឹកជំនន់។

ច្បាប់ទាំងនេះត្រូវបានគេរំពឹងថា នឹងជំរុញតម្រូវការអចលនទ្រព្យ ទាក់ទាញដើមទុនវិនិយោគផ្ទាល់ពីបរទេស និងពន្លឿនការអភិវឌ្ឍហេដ្ឋារចនាសម្ព័ន្ធ ដែលជាកត្តាជំរុញយ៉ាងសំខាន់ដល់វិស័យអចលនទ្រព្យហ្វីលីពីន៕ប្រភព: BusinessWorld៕

តើតម្លៃហាងឆេងមាសមានអ្វីប្រែប្រួលសំខាន់ៗដូចម្តេចនៅព្រឹកថ្ងៃសុក្រនេះ?

ដោយ: សហសេវិក
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ ខណៈក្រុមអ្នកវិនិយោគបានបង្ហាញនូវក្តីសង្ឃឹមថា ធនាគារកណ្តាលអាមេរិក (Fed) នឹងកាត់បន្ថយអត្រាការប្រាក់ចំនួន០,២៥ភាគរយបន្ថែមទៀតនៅកិច្ចប្រជុំគោលនយោបាយក្នុងខែធ្នូខាងមុខ។

តួយ៉ាង តម្លៃមាស Spot Gold បានងើបឡើង០,៣៥ភាគរយដល់៣៩៩១,៣៩ដុល្លារអាមេរិកក្នុងមួយអោន គិតត្រឹមម៉ោង១០:១៧នាទីព្រឹកថ្ងៃសុក្រនេះ បើប្រៀបធៀបនឹងតម្លៃបិទការជួញដូរត្រឹម៣៩៧៧,៦៣ដុល្លារអាមេរិកក្នុងមួយអោនកាលពីថ្ងៃព្រហស្បតិ៍ម្សិលមិញ។

ជាមួយគ្នានេះ តម្លៃមាស U.S. gold futures បានងើបឡើង០,១៨ភាគរយដល់៣៩៩៨,៣០ដុល្លារក្នុងមួយអោនគិតត្រឹមម៉ោង១០:១៧នាទីព្រឹកដូចគ្នា បើប្រៀបធៀបនឹងតម្លៃបិទការជួញដូរត្រឹម៣.៩៩១ដុល្លារអាមេរិកក្នុងមួយអោនកាលពីថ្ងៃព្រហស្បតិ៍ម្សិលមិញ៕

ទន្លេអុំក្នុងក្រុងកំពង់ចាមនឹងផ្លាស់ប្តូរមុខមាត់ថ្មីនាពេលខាងមុខ

ដោយៈ ចំណាន

កំពង់ចាមៈ គំរោងសាងសង់សួនច្បារ និងទីសាធារណៈសម្រាប់ការកំសាន្តរបស់ប្រជាពលរដ្ឋ កាន់តែមានភាពសកម្មនៅតាមរដ្ឋបាល រាជធានី ខេត្តនិមួយៗ។

ជាក់ស្តែងរដ្ឋបាលខេត្តកំពង់ចាម បានបង្ហាញពីគម្រោងស្ថាបនាសាងសង់ សួនច្បារ និងអភិវឌ្ឍន៍ហេដ្ឋារចនាសម្ព័ន្ធមួយចំនួននៅតំបន់ទីតាំងទន្លេអុំ ក្បែរវិមានឯករាជ្យក្នុងក្រុងកំពង់ចាម។

ប្រសិនជាគ្មានការប្រែប្រួលទេនោះ គំរោងនេះនឹងចាប់ផ្ដើមបើកការដ្ឋានសាងសង់ នៅដើមឆ្នាំ២០២៦ខាងមុខនេះ ដោយរំពឹងថានឹងបញ្ចប់រួចរាល់ទាំងស្រុង ១០០% នៅក្នុងឆ្នាំ២០២៧។

ការរៀបចំសកម្មភាពនេះ បានធ្វើឡើងបន្ទាប់ពីការលើកឡើងរបស់សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា បានស្នើឲ្យអាជ្ញាធរ រាជធានី ខេត្តទាំង២៥ រៀបចំទីសាធារណៈសម្រាប់បំរើដល់ការកំសាន្តរបស់ប្រជាពលរដ្ឋ នៅគ្រប់រាជធានី ខេត្តទាំងអស់៕

ប្រជាពលរដ្ឋកម្ពុជា២៦,៥ភាគរយរស់នៅតាមទីក្រុងនានានៅទូទាំងប្រទេស ជម្រុញឲ្យការអភិវឌ្ឍឆ្ពោះទៅកាន់តំបន់រណប

ដោយៈ និស្ស័យ

ភ្នំពេញៈ នគរូបនីយកម្ម និងតម្រូវការកើនឡើងបាននិងកំពុងធ្វើឲ្យតម្រូវការលំនៅដ្ឋាន និងអចលនទ្រព្យដទៃទៀត បានងាកចេញពីកណ្តាលរាជធានី ឆ្ពោះទៅតំបន់ជាយក្រុងនានា។

ការសិក្សាមួយបានបង្ហាញថា ប្រជាជនទីក្រុងរបស់ប្រទេសកម្ពុជាកំពុងកើនឡើងយ៉ាងឆាប់រហ័ស ដោយនៅឆ្នាំ២០២៣ មានប្រជាពលរដ្ឋប្រហែល25.6ភាគរយ នៃប្រជាជនកម្ពុជាសរុបរស់នៅក្នុងទី ក្រុង ប៉ុន្តែចំនួននេះនឹងកើនឡើងដល់ប្រហែល26.5ភាគរយ នៅឆ្នាំ 2025នេះ។

នៅរាជធានីភ្នំពេញ មនុស្សកាន់តែច្រើនកំពុងផ្លាស់ប្តូរពីតំបន់ជនបទ ទៅទីក្រុងសម្រាប់ការងារក្នុងវិស័យសេវាកម្ម ផលិតកម្ម និងទេសចរណ៍។ នេះបង្កើនតម្រូវការសម្រាប់លំនៅដ្ឋាន អចលនទ្រព្យជួល និងហេដ្ឋារចនាសម្ព័ន្ធគាំទ្រ។

ដោយមានអ្នករស់នៅកាន់តែច្រើន សេវាកម្មទីក្រុង និងការវិនិយោគហេដ្ឋារចនាសម្ព័ន្ធកាន់តែមានតម្លៃ ជំរុញតម្លៃអចលនទ្រព្យនៅក្បែរនោះមានភាពប្រសើរឡើង។

ហេដ្ឋារចនាសម្ព័ន្ធ និងការកែលម្អការចូលប្រើប្រាស់

រាជរដ្ឋាភិបាល បាននិងកំពុងអភិវឌ្ឍន៍ហេដ្ឋារចនាសម្ព័ន្ឋតម្លៃរាប់ពាន់លានដុល្លារ ក្នុងរយៈពេល២ទសវត្សរ៍ចុងក្រោយនេះ ដែលធ្វើឲ្យមានតំណភ្ជាប់ដឹកជញ្ជូនថ្មី ផ្លូវថ្នល់ ស្ពាន និងផែនការមេ (ឧទាហរណ៍ ផែនការឆ្នាំ2035 របស់ទីក្រុង) ធ្វើឱ្យស្រុក “ឆ្ងាយ” កាន់តែខិតមកកៀកនឹងរាជធានី ដែលជម្រុញដល់សកម្មភាពវិនិយោគ និងអភិវឌ្ឍន៍អចលនទ្រព្យកាន់តែច្រើន។

ឧទាហរណ៍ ការអភិវឌ្ឍនៅក្នុងស្រុកភាគខាងត្បូង/ ក្រៅទីក្រុងភ្នំពេញ កំពុងទទួលបានអត្ថប្រយោជន៍ពីការតភ្ជាប់កាន់តែប្រសើរ។

សហស្ថាបនិក និងជាអគ្គនាយកគេហទំព័រPropertyarea.asia លោកយិន លាងគង់ ដែលជាអ្នកដឹកនាំសារព័ត៌មាននាំមុខផ្នែកព័ត៌មានអចលនទ្រព្យបានលើកឡើងថា សកម្មភាពអភិវឌ្ឍន៍កាន់តែច្រើន កំណើនប្រជាសាស្រ្ត នឹងជម្រុញឲ្យមានការប្រើប្រាស់កាន់តែប្រសើរឡើង ដែលធ្វើឲ្យទំនោរជំរុញតម្លៃដីធ្លីឱ្យកើនឡើង និងធ្វើឱ្យការអភិវឌ្ឍលំនៅដ្ឋានថ្មីអាចសម្រេចបាន។

ជាមួយគ្នានេះ លោកយិន លាងគង់បានបង្ហាញថា តាមការព្យាករណ៍ និងសិក្សាពីក្រសួងរៀបចំដែនដី ដែលជាសេនាធិការរបស់រាជរដ្ឋាភិបាលបានបង្ហាញថា មានការផ្លាស់ប្តូរជាវិជ្ជមានពីលំនៅដ្ឋានមានលក្ខណៈប្រណីត និងតម្លៃខ្ពស់ទៅជាលំនៅឋានកម្រិតមធ្យម និងលំនៅឋានដែលមានតម្លៃសមរម្យ ដោយកំណត់គោលដៅអ្នកទិញក្នុងស្រុកក្នុងស្រុក ជាជាងវិនិយោគិនបរទេស។

លោកបន្តថា លើសពីនេះផលចំណេញពីការវិនិយោគ ឬការជួល នៅក្នុងតំបន់ ដែលមានទីតាំងនៅកណ្តាលទីក្រុង ត្រូវបានគេរំពឹងថានឹងប្រសើរឡើង ដោយសារតម្រូវការសម្រាប់ការរស់នៅទីក្រុងល្អ។

លើសពីនេះ គោលនយោបាយប្រើប្រាស់ដីធ្លីថ្មី និងការធ្វើផែនការជាប្រព័ន្ធកាន់តែច្រើនមានន័យថា តំបន់ដែលងាយស្រួលសម្រាប់ការអភិវឌ្ឍ។

លោកយិន លាងគង់បានបន្តថា ជាមួយគ្នានេះ ទីផ្សារដែល កំពុងរីកចម្រើន និងកំណើនតម្លៃ ស្ថិតនៅកណ្តាលរាជធានី មានការផ្គត់ផ្គង់ដល់ដំណាក់កាល ដែលឆ្អែតនៅក្នុងទីផ្សារ(ការផ្គត់ផ្គង់លើសតម្រូវការ) ដូចជាតំបន់ជ្រោយចង្វារ តំបន់ទួលគោក និងតំបន់មួយចំនួនទៀត។

លោកបន្តថា “ដីធ្លី និងលំនៅឋាននៅក្នុងតំបន់ទាំងនេះ អាចផ្តល់តម្លៃកាន់តែប្រសើរ និងការកើនឡើងប្រសិនបើ ហេដ្ឋារចនាសម្ព័ន្ធសមស្រប”៕

ក្រសួងចំនួន២ឯកភាពរួមគ្នាលើការរៀបចំប្លង់គោលប្រើប្រាស់ដីក្នុងតំបន់បឹងទន្លេសាប និងបង្កើតខឿនសេដ្ឋកិច្ចក្នុងតំបន់នេះ

ដោយៈ ម៉ាណា

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់ ក្រសួងធនធានទឹកនិងឧតុនិយម និងអាជ្ញាធរទន្លេសាប ព្រមទាំងក្រសួងពាក់ព័ន្ធ ប្រជុំពិភាក្សាស្វែងរកការឯកភាពរួមគ្នាលើការរៀបចំប្លង់គោលប្រើប្រាស់ដីក្នុងតំបន់បឹងទន្លេសាប និងបង្កើតខឿនសេដ្ឋកិច្ចក្នុងតំបន់នេះ។

ក្នុងកិច្ចប្រជុំកាលពីសប្តាហ៍មុន រដ្ឋមន្រ្តីក្រសួងទាំងពីរ និងមន្រ្តីពាក់ព័ន្ឋបានពិភាក្សាគ្នា លើការរៀបចំប្លង់គោលប្រើប្រាស់ដី ក្នុងតំបន់បឹងទន្លេសាប។

លោកឧបនាយករដ្ឋមន្រ្តីសាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់បានលើកឡើងក្នុងកិច្ចប្រជុំថា ការជួបជុំគ្នានាពេលនេះ គឺដើម្បីកសាងការឯកភាពរួមគ្នាសម្រេចចិត្ត និងទទួលខុសត្រូវឱ្យបានច្បាស់លាស់ ក្នុងការកំណត់បែងចែកតំបន់នីមួយៗក្នុងតំបន់បឹងទន្លេសាប រៀបចំប្លង់គោលនៃការប្រើប្រាស់ដីក្នុងតំបន់នេះ ព្រមទាំងកសាងផែនការនៃការអនុវត្តប្លង់គោលផងដែរ។

លោកបានបង្ហាញការយល់ឃើញថា តាមរយៈកិច្ចប្រជុំនាពេលនេះ យើងនឹងមានមូលដ្ឋានដ៏សំខាន់មួយ សម្រាប់យើងបោះជំហានទៅមុខ នោះគឺ ការឯកភាពគ្នាលើផែនការ កសាងខឿនសេដ្ឋកិច្ចតំបន់បឹងទន្លេសាបឱ្យក្លាយជា របៀងសេដ្ឋកិច្ច ដើម្បីសន្តិសុខស្បៀង និងសុវត្ថិភាពម្ហូបអាហារ សម្រាប់កម្ពុជានាពេលអនាគត។

លោកបញ្ជាក់ថា “អ្វីដែលបានឯកភាពគ្នា ក្នុងកិច្ចប្រជុំនាពេលនេះគឺជាជំហានទី១ ដោយឡែកជំហានទី២ ក្រុមការងារនឹងចុះទៅពិនិត្យមើលឱ្យបានច្បាស់លាស់ នៅទីតាំងជាក់ស្តែង ហើយនឹងរៀបចំប្លង់គោលនៃការប្រើប្រាស់ដី ក្នុងតំបន់បឹងទន្លេសាប និងត្រូវធ្វើ សៀវភៅ ស សម្រាប់កំណត់គោលដៅអភិវឌ្ឍន៍ នៅតាមភូមិឃុំក្នុងបណ្ដាខេត្តនីមួយៗជុំវិញបឹងទន្លេសាប”។

ជាមួយនេះ លោកឧបនាយករដ្ឋមន្ត្រី សាយ សំអាល់ បានសន្យានឹងបន្តជជែកពិភាក្សាជាមួយក្រសួងពាក់ព័ន្ធ ព្រមទាំងអាជ្ញាធរទន្លេសាប នាពេលក្រោយជាបន្តបន្ទាប់ទៀត ដើម្បីកំណត់នូវអ្វីដែលជាខឿនសេដ្ឋកិច្ចជាយុទ្ធសាស្ត្រ ដោយបង្កើតឱ្យបាននូវលំហូរចំណូលសេដ្ឋកិច្ចនៅក្នុងតំបន់បឹងទន្លេសាប៕

ក្រុមហ៊ុនអចលនទ្រព្យយក្សជប៉ុនចាប់ផ្តើមដាក់លក់ខុនដូតម្លៃថ្លៃកប់ពពកនៅចំកណ្តាលរដ្ឋធានីហ្សាការតារបស់ឥណ្ឌូនេសុី

ដោយ: សហសេវិក
អន្តរជាតិ: យោងតាមកាសែត Nikkei Asia បានចុះផ្សាយថា ក្រុមហ៊ុនអភិវឌ្ឍន៍អចលនទ្រព្យយក្សជប៉ុន Mitsubishi Estate បានចាប់ផ្តើមដាក់លក់ខុនដូ Pre-sale នៅប្រទេសឥណ្ឌូនេស៊ី ដែលនឹងក្លាយជាលំនៅដ្ឋានថ្លៃជាងគេបំផុតមួយក្នុងប្រទេសនេះ។

តួយ៉ាង ខុនដូដែលមានទំហំ១៧៥ម៉ែត្រការ៉េ មានតម្លៃចាប់ពី១៣ពាន់លានរូពី (ប្រមាណ៧៨៣.០០០ដុល្លារអាមេរិក)ក្នុងមួយយូនីត។

ខុនដូទាំងនេះស្ថិតនៅក្នុងគម្រោង Two Sudirman នៅចំកណ្តាលទីក្រុងហ្សាកាតា ដែលមានអគារខ្ពស់កប់ពពកចំនួន២ ដែលមានកម្ពស់ប្រហែល៣៣០ម៉ែត្រ និងកម្ពស់២៧០ម៉ែត្រ។

យូនីតខុនដូនឹងស្ថិតនៅក្នុងអគារកម្ពស់២៧០ម៉ែត្រ ខណៈការប្រគល់ខុនដូទៅឱ្យអ្នកទិញគ្រោងនឹងចាប់ផ្តើមនៅក្នុងត្រីមាសទីមួយនៃឆ្នាំ ២០២៩ខាងមុខ។

អគារនេះនឹងរួមមានខុនដូទំហំ១៧៥ម៉ែត្រការ៉េដែលមានបន្ទប់គេងចំនួន២ រហូតដល់ផ្ទះ Penthouse ទំហំ១.០០០ម៉ែត្រការ៉េ ព្រមទាំងមានគ្រឿងបរិក្ខារប្រើប្រាស់រួមគ្នាជាង៣០ រួមទាំងកន្លែងហាត់ប្រាណ អាងហែលទឹក ទីលានវាយកូនបាល់ បន្ទប់វាយកូនហ្គោល និងបន្ទប់ស្តុកស្រា។

គម្រោង Two Sudirman មានគោលបំណងទាក់ទាញជនជាតិឥណ្ឌូនេស៊ីដែលមានទ្រព្យសម្បត្តិស្តុកស្តម្ភ ខណៈបណ្តាអ្នកជំនួញនៅប្រទេសឥណ្ឌូនេសុីមានលំនៅដ្ឋានជាច្រើន ដោយក្នុងនោះរួមមានផ្ទះវិស្សមកាល ឬផ្ទះដែលពួកគេទិញក្នុងគោលដៅវិនិយោគ៕ប្រភព: Nikkei Asia៕

ការអភិវឌ្ឍផែនការមេធំៗនៅលើពិភពលោក កំពុងជួយជំរុញការបង្កើតតំបន់លំនៅឋាន និងពាណិជ្ជកម្ម

ដោយ: សហសេវិក
អន្តរជាតិ: ការអភិវឌ្ឍផែនការមេនៅជុំវិញពិភពលោក បានបង្កើតនូវរបៀបរស់នៅកាន់តែមានផាសុកភាព និងភាពទំនើប។ គម្រោងអភិវឌ្ឍជាច្រើនកំពុងជំរុញនគរូបនីយកម្ម ព្រមទាំងលើកកម្ពស់ការតភ្ជាប់ ដែលជួយសម្រួលដល់ការរស់នៅក្នុងទីក្រុង។

ខាងក្រោមនេះជាគម្រោងអភិវឌ្ឍធំៗចំនួន៣ ដែលបានផ្លាស់ប្តូរមុខមាត់ទីក្រុងមួយចំនួនលើពិភពលោក៖

ទី១: គម្រោង Gamuda Cove

គម្រោង Gamuda Cove ជាគម្រោងលេចធ្លោមួយរបស់ក្រុមហ៊ុនអភិវឌ្ឍន៍អចលនទ្រព្យ Gamuda Land។ ចាប់តាំងពីបើកសម្ពោធអចលនទ្រព្យក្នុងឆ្នាំ២០១៨ មក គម្រោងនេះបានក្លាយទៅជាសហគមន៍ដ៏រីកចម្រើនមួយ ដោយអ្នកអភិវឌ្ឍន៍បានប្រគល់ផ្ទះជាង២.០០០យូនីតជូនអតិថិជន។

គម្រោងនេះស្ថិតនៅចំទីតាំងយុទ្ធសាស្ត្រ ដែលមានចម្ងាយ១៥នាទីពីអាកាសយានដ្ឋានអន្តរជាតិគូឡាឡាំពួរ និងផ្តល់នូវភាពងាយស្រួលក្នុងការធ្វើដំណើរទៅកាន់ទីក្រុង Cyberjaya ដែលជាតំបន់សួនបច្ចេកវិទ្យាវិទ្យាសាស្ត្រ «Silicon Valley» របស់ប្រទេសម៉ាឡេស៊ី និងទីក្រុង Putrajaya។

ទី២ : គម្រោង Gading Serpong

គម្រោង Gading Serpong ជាតំបន់ទីក្រុងដ៏ធំមួយ ដែលសាងសង់ឡើងដោយក្រុមហ៊ុនអភិវឌ្ឍន៍អចលនទ្រព្យឥណ្ឌូនេស៊ី Paramount Land។ គម្រោងនេះមានចម្ងាយប្រហែល២១គីឡូម៉ែត្រនៅភាគខាងលិចនៃតំបន់ពាណិជ្ជកម្មកណ្តាល(CBD)របស់ទីក្រុងហ្សាការតា។

គម្រោងលាតសន្ធឹងលើផ្ទៃដីទំហំ១.២០០ហិកតានេះ ជាគម្រោងរៀបចំផែនការទីក្រុងប្រកបដោយមហិច្ឆតាខ្ពស់បំផុតមួយនៅប្រទេសឥណ្ឌូនេស៊ី ដោយរួមបញ្ចូលគ្នានូវតំបន់អចលនទ្រព្យលំនៅដ្ឋាន និងតំបន់ពាណិជ្ជកម្ម ក៏ដូចជាការអភិវឌ្ឍអាជីវកម្មផងដែរ។

ទី៣: គម្រោង Wapping Wharf

គម្រោងអចលនទ្រព្យពហុមុខងារ Wapping Wharf ស្ថិតនៅទីក្រុង Bristol នៃចក្រភពអង់គ្លេស បានដើរតួនាទីជាយូរមកហើយជាតំបន់ហាងលក់រាយ ពាណិជ្ជកម្ម និងជាតំបន់លំនៅដ្ឋានផងដែរ៕ប្រភព: Inquirer.Net៕

ធនាគារ ហត្ថា ចូលរួមការតាំងបង្ហាញពីឱកាសការងារក្នុងកម្មវិធី ពិព័រណ៍ការងារ និងផលិតភាពជាតិ ឆ្នាំ២០២៥

ថ្ងៃទី០១ ខែវិច្ឆិកា ឆ្នាំ២០២៥៖ ធនាគារ ហត្ថា ដែលជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG មានកិត្តិយសបានចូលរួមការតាំងបង្ហាញពីឱកាសការងារ និងជ្រើសរើសកម្លាំងពលកម្ម នៃព្រឹត្តិការណ៍ពិព័រណ៍ការងារ និងផលិតភាពជាតិ ឆ្នាំ២០២៥ ក្រោមប្រធានបទ “ វិថីឆ្ពោះទៅរកផលិតភាព៖ ផ្សារភ្ជាប់ជំនាញ បច្ចេកវិទ្យា និងឱកាសការងារ ” ក្រោមអធិបតីភាពរបស់ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ព្រមទាំងមានការអញ្ញើញចូលរួមពីដៃគូអភិវឌ្ឍន៍ រោងចក្រ សហគ្រាស កម្មករ និយោជិត និងនិយោជក ពីគ្រប់មជ្ឈដ្ឋានប្រមាណជាង ១៨០០នាក់។

ក្នុងព្រឹត្តិការណ៍នេះ ធនាគារ ហត្ថា បានរៀបចំស្តង់ពិព័រណ៍ ដើម្បីបានជួបពិភាក្សាដោយផ្ទាល់ជាមួយបេក្ខជន ទទួលពាក្យ និងអាចសម្ភាសន៍ដោយផ្ទាល់ជាមួយពួកគាត់ ដែលកំពុងស្វែងរកការងារ។ ជាមួយគ្នានោះផងដែរ ធនាគារ ហត្ថា មានកិត្តិយសដ៏ខ្ពង់ខ្ពស់ទទួលលិខិតថ្លែងអំណរគុណពីឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ចំពោះការបរិច្ចាគកង់ចំនួន ១០០ គ្រឿង ដល់ក្រសួងដើម្បីលើកកម្ពស់សកម្មភាពផ្សព្វផ្សាយឱកាសការងារក្នុងស្រុក និងចុះឈ្មោះជ្រើសរើសបុគ្គលិក។

លោក អាំង ប៊ុនសេង អគ្គនាយកធនធានមនុស្ស នៃធនាគារ ហត្ថា បានមានប្រសាសន៍ថា “ តាងនាមអោយគណៈគ្រប់គ្រងរបស់ធនាគារ ហត្ថា យើងសង្ឃឹមយ៉ាងមុតមាំថា ការរួមចំណែកឧបត្ថម្ភកង់នៅថ្ងៃនេះ ជាផ្នែកមួយដ៏សំខាន់បំផុតក្នុងការបង្កើតឱកាសការងារ និងចូលរួមផ្សព្វផ្សាយឱកាសការងារផ្សេងៗនៅក្នុងស្រុក ដើម្បីអោយបេក្ខជននិងប្រជាជនដែលកំពុងស្វែងរកការងារទាំងអស់បានទទួលជ្រាប និងចាប់យកឱកាសការងារដើម្បីបង្កើនផលិតភាពក្នុងស្រុក”។

អំពី ធនាគារ ហត្ថា

ធនាគារ ហត្ថា ជាធនាគារពាណិជ្ជ ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាលជាង ៣០ឆ្នាំមកហើយ ដែលបានផ្ដល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន ដែលរួមមានអតិថិជនជាលក្ខណៈបុគ្គល សហគ្រាសខ្នាតតូច និងមធ្យម (SME) ព្រមទាំងស្ថាប័នសាជីវកម្មធំៗជាច្រើនទៀត ។ ធនាគារ ហត្ថា គឺជាសមាជិករបស់ MUFG ដែលជាសម្ព័ន្ធហិរញ្ញវត្ថុធំមួយ របស់ប្រទេសជប៉ុន ដែលមានសាខាប្រហែល ២000 ទីតាំង ស្ថិតនៅក្នុងទីផ្សារជាង ៤០ ប្រទេសក្នុងពិភពលោក។ សម្ព័ន្ធក្រុមហ៊ុនផ្ដល់សេវាកម្មហិរញ្ញវត្ថុ MUFG បានការចុះបញ្ជីនៅលើផ្សារហ៊ុន (Tokyo Stock Exchange), ណាហ្គូយ៉ា (Nagoya Stock Exchange) និងញូវយ៉ក (New York Stock Exchange) ដោយមានតម្លៃទីផ្សាររហូតដល់ ២៤.២៧ កោដិយ៉េន និងប្រាក់ចំណេញសុទ្ធចំនួន ១.៥៩១,១ ពាន់លានយ៉េន នៅត្រឹមចុងខែមីនា ឆ្នាំ ២០២៥។

1...105106107...3,251 Page 106 of 3,251