EU គ្រោងបើកការចរចាលើកិច្ចព្រមព្រៀងពាណិជ្ជកម្មសេរីឡើងវិញជាមួយប្រទេសថៃ នៅខែមីនាខាងមុខ

ដោយ: គង់ លាងហួរ
បាងកក: ក្រុមមន្ត្រីបានឱ្យដឹងកាលពីថ្ងៃព្រហស្បតិ៍ ទី២៦ ខែមករា ថា ប្រទេសថៃ និងសហភាពអឺរ៉ុប (EU) បានព្រមព្រៀងគ្នា ដើម្បីចាប់ផ្តើមការចរចាឡើងវិញជុំវិញកិច្ចព្រមព្រៀងពាណិជ្ជកម្មសេរី បន្ទាប់ពីកិច្ចពិភាក្សាត្រូវបានជាប់គាំងដោយរដ្ឋប្រហារយោធានៅក្នុងប្រទេសមួយនេះ។

រដ្ឋមន្ត្រីក្រសួងពាណិជ្ជកម្មថៃ លោក Jurin Laksanawisit បានមានប្រសាសន៍ឱ្យដឹង បន្ទាប់ពីមានកិច្ចប្រជុំនៅទីក្រុងប្រ៊ុចសែលជាមួយស្នងការពាណិជ្ជកម្ម EU លោក Valdis Dombrovskis ថា ភាគីទាំងពីរមានបំណងចាប់ផ្តើមកិច្ចចរចាឡើងវិញក្នុងត្រីមាសទី១នៃឆ្នាំ២០២៣នេះ។

លោក Valdis Dombrovskis បានសរសេរនៅលើបណ្តាញសង្គម Twitter ថា“ភាគីទាំង២ចង់បានកិច្ចព្រមព្រៀងដ៏ទូលំទូលាយ និងគុណភាពខ្ពស់ ជាមួយនឹងបទប្បញ្ញត្តិនិរន្តរភាពប្រកបដោយមហិច្ឆតា”។

សហភាពអឺរ៉ុបបានផ្អាកការចរចាពាណិជ្ជកម្មជាមួយប្រទេសថៃនៅក្នុងឆ្នាំ២០១៤ បន្ទាប់ពីមានរដ្ឋប្រហារយោធាដឹកនាំដោយលោកឧត្តមសេនីយ ប្រាយុទ្ធ ចាន់អូចា ដែលបានបណ្តេញរដ្ឋាភិបាលស៊ីវិល ដោយប្រកាសថា ខ្លួននឹងរក្សាទំនាក់ទំនងទ្វេរភាគីឱ្យស្ថិតក្រោមការត្រួតពិនិត្យ។

ប្រទេសមហាអំណាចសេដ្ឋកិច្ចទី២របស់តំបន់អាស៊ីអាគ្នេយ៍មួយនេះបានរៀបចំការបោះឆ្នោតសកល នៅឆ្នាំ២០១៩ បន្ទាប់ពីនោះមក ប្លុកសហភាពអឺរ៉ុបបានពង្រីកការភ្ជាប់ទំនាក់ទំនងម្តងទៀតជាមួយប្រទេសនេះ។

យោងតាមទិន្នន័យរបស់រដ្ឋាភិបាលថៃបានបង្ហាញថា ប្រទេសថៃនាំចេញទំនិញមានតម្លៃ២២,៨ពាន់លានដុល្លារទៅកាន់សហភាពអឺរ៉ុប រួមទាំងគ្រឿងបន្លាស់រថយន្ត ឧបករណ៍អគ្គិសនី និងផលិតផលកសិកម្ម ដែលធ្វើឱ្យប្លុកនេះក្លាយជាដៃគូពាណិជ្ជកម្មធំបំផុតទី៤របស់ប្រទេសថៃ៕

បំណុលរដ្ឋាភិបាលជប៉ុន នឹងកើនដល់៨,៥ទ្រីលានដុល្លារ ជាលើកដំបូង ខណៈការខ្ចីបុលចេះតែកើនឡើង

សុខុម

តូក្យូ: បំណុលរបស់រដ្ឋាភិបាលជប៉ុន នឹងកើនលើស១.១០០ទ្រីលានយ៉េន ឬ ៨,៤៧ទ្រីលានដុល្លារ ជាលើកដំបូងនៅចុងឆ្នាំសារពើពន្ធដែលបញ្ចប់នៅខែមីនា ឆ្នាំ២០២៧ ខណៈប្រទេសនេះនៅតែពឹងផ្អែកខ្លាំងលើការខ្ចីបុល។

សេចក្ដីព្រាងមួយដែលទទួលបានដោយទីភ្នាក់ងារព័ត៌មាន Reuters បានបង្ហាញកាលពីថ្ងៃព្រហស្បតិ៍ ទី២៦ ខែមករា ថា ទោះបីជាសេដ្ឋកិច្ចធំបំផុតទី៣ របស់ពិភពលោកមួយនេះត្រូវបានព្យាករថានឹងសម្រេចបានកំណើនប្រចាំឆ្នាំប្រមាណ៣%យ៉ាងណាក្ដី ក៏បំណុលរបស់ប្រទេសនេះនឹងបន្តកើនឡើងដល់១.២០០ទ្រីលានយ៉េន ឬ ៩,២២ទ្រីលានដុល្លារ នៅត្រឹមដំណាច់ឆ្នាំសារពើពន្ធដែលនឹងបញ្ចប់នៅខែមីនា ឆ្នាំ២០៣៣។

ដោយសារតែបំណុលកើនឡើងខ្លាំង ការទូទាត់ការប្រាក់នឹងកើនឡើងជិតទ្វេដងពី៨,៦ទ្រីលានយ៉េន ឬ ៦៦ពាន់លានដុល្លារ សម្រាប់ឆ្នាំសារពើពន្ធ២០២៣ ឈានដល់១៧,១ទ្រីលានយ៉េន ឬ ១៣៣,៣ពាន់លានដុល្លារ គិតត្រឹមដំណាច់រយៈពេលដែលត្រូវបានព្យាករ។

រដ្ឋាភិបាលជប៉ុន នឹងបង្ហាញសេចក្ដីព្រាងប៉ាន់ប្រមាណថវិកានេះដល់សភាទុកជាឯកសារយោងសម្រាប់សមាជិកសភាជជែកដេញដោលលើថវិកាសម្រាប់ឆ្នាំសារពើពន្ធបន្ទាប់។

នៅក្នុងការព្យាករដាច់ដោយឡែកដែលបានចេញផ្សាយកាលពីដើមខែនេះ ក្រសួងហិរញ្ញវត្ថុជប៉ុន បានលើកឡើងថា ខ្លួនអាចនឹងបន្តបោះផ្សាយមូលបត្របំណុលថ្មីប្រមាណ៣២ទ្រីលានយ៉េន ឬ ២៤៥,៥ពាន់លានដុល្លារ នៅប៉ុន្មានឆ្នាំខាងមុខនេះ។

ការព្យាករដដែលបង្ហាញថា ការចំណាយដើម្បីជំរុញសេដ្ឋកិច្ចវិបត្តិកូវីដ-១៩ បានជំរុញឱ្យការបោះផ្សាយមូលបត្របំណុលឈានដល់១៥០ទ្រីលានយ៉េន ឬ ១,១៥ទ្រីលានដុល្លារ ដែលនឹងធ្លាក់ចុះមកនៅ១៣០ទ្រីលានយ៉េន ឬ ៩៩៧ពាន់លានដុល្លារ ក្នុងឆ្នាំសារពើពន្ធ២០២៤៕ Reuters៕

គណៈកម្មការអន្តរក្រសួងជម្រុញការសម្រួលការដឹកជញ្ជូនភ្ញៀវទេសចរណ៍តាមព្រំដែនអន្តរជាតិទូទាំងប្រទេស

ដោយៈ គង់ សូរិយា

ភ្នំពេញៈ រដ្ឋមន្រ្តីក្រសួងទេសចរណ៍ លោកថោង ខុនបានដឹកនាំកិច្ចប្រជុំពេញអង្គលើកទី០១ របស់គណៈកម្មការអន្តរក្រសួង ដើម្បីសម្រួលការធ្វើដំណើរ និងការដឹកជញ្ជូនទេសចរ និងអ្នកដំណើរនៅតំបន់ច្រកទ្វារព្រំដែនអន្តរជាតិ និងច្រកទ្វារអន្តរជាតិទូទាំងប្រទេស។

កិច្ចប្រជុំពេញអង្គលើកទី០១នេះ បានផ្តោតលើរបៀបវារៈសំខាន់ៗ មានដូចជា -ការអានសេចក្តីសម្រេចថ្មីរបស់រាជរដ្ឋាភិបាលលេខ ០១ សសរ ចុះថ្ងៃទី ០៤ ខែមករា ឆ្នាំ២០២៣ ស្តីពីការតែងតាំងសមាសភាពគណៈកម្មការអន្តរក្រសួង។ -របាយការណ៍បូកសរុបលទ្ធផល នៃការអនុវត្តឆ្នាំ២០២២ និងទិសដៅអនុវត្តបន្តឆ្នាំ២០២៣ របស់គណៈកម្មការអន្តរក្រសួង។

-របាយការណ៍វឌ្ឍនភាពនៃការសាងសង់កំពង់ផែ ទេសចរណ៍អន្តរជាតិខេត្តកំពត។ -ការងារទិដ្ឋាការ (Single Visa) រវាងកម្ពុជា-ម៉ាល់ឌីវ។

លោកថោង ខុន ប្រធានអង្គប្រជុំ បានដាក់ចេញនូវអនុសាសន៍ណែនាំចំនួន៥ចំនុច សម្រាប់គណៈកម្មការអន្តរក្រសួងអនុវត្តបន្ត រួមមាន ១-អនុវត្តតួនាទីភារកិច្ច របស់គណៈកម្មការអន្តរក្រសួងនេះ តាមសេចក្តីសម្រេចដើម្បីសម្រួលការធ្វើដំណើរ និងដឹកជញ្ជូនភ្ញៀវទេសចរ និងអ្នកដំណើរឲ្យកាន់តែប្រសើរ។ គណៈកម្មការអន្តរក្រសួងនេះ គឺជាយន្តការល្អ និងអនុវត្តការងារបានប្រសិទ្ធភាពខ្ពស់ ដែលប្រទេសខ្លះនៅអឺរ៉ុប ក៏បានសិក្សាយកគំរូតាមយន្តការអន្តរក្រសួងដែលកម្ពុជាកំពុងអនុវត្តន៍ផងដែរ។

២-យកចិត្តទុកដាក់ដោះស្រាយ ពាក្យបណ្តឹងរបស់ភ្ញៀវទេសចរ ក៏ដូចជាកាត់បន្ថយរបាំងមិនចាំបាច់ លុបបំបាត់ភាពអសកម្ម ដែលធ្វើឲ្យប៉ះពាល់ និងរំខានដល់ការធ្វើដំណើរ និងដឹកជញ្ជូនភ្ញៀវទេសចរ។

៣-បន្តផ្សព្វផ្សាយនីតិវិធីប្រតិបត្តិស្តង់ដាអប្បបរមាស្តីពី ដំណើរទេសចរណ៍បើកបរដោយខ្លួនឯងតាមផ្លូវគោក ដើម្បីទាក់ទាញភ្ញៀវទេសចរបើកបរដោយខ្លួនឯងពីបណ្តាប្រទេសជិតខាង ជាពិសេសភ្ញៀវទេសចរចិន ដែលធ្វើដំណើរមកតាមព្រំដែនកម្ពុជា-ឡាវ។

៤-ណែនាំឲ្យសមត្ថកិច្ចពាក់ព័ន្ធគ្រប់ស្ថាប័ន ដូចជា អន្តោប្រវេសន៍ គយ និងរដ្ឋាករ និងចត្តាឡីស័ក ដែលត្រូវបម្រើការនៅតាមច្រកទ្វារអន្តរជាតិត្រៀមលក្ខណៈសម្បត្តិ សម្រាប់កំពង់ផែទេសចរណ៍ខេត្តកំពត ដែលនឹងបើកដំណើរឆាប់ៗខាងមុខនេះ។

៥-គណៈកម្មការអន្តរក្រសួង ត្រូវជួបប្រជុំរៀងរាល់ត្រីមាស(៣ខែ) ម្តង ដើម្បីត្រួតពិនិត្យ និងពង្រឹងគុណភាពការងារចំពោះមុខ ក៏ដូចជាដោះស្រាយបន្ទាន់បញ្ហាអវិជ្ជមាននានា៕

មិត្តដែកថែបចិនជាអ្នករួមចំណែកដ៏សំខាន់ដល់ការអភិវឌ្ឍសេដ្ឋកិច្ច សង្គម និងកាត់បន្ថយភាពក្រីក្រនៅកម្ពុជា

ដោយៈ សុខុម

ភ្នំពេញ: រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការនៃក្រសួង សេដ្ឋកិច្ច និងហិរញ្ញវត្ថុ លោកវង្ស៊ី វិស្សុតបានថ្លែងកាលពីថ្ងៃពុធ ទី២៥ ខែមករា ថា ប្រទេសចិន គឺជាអ្នករួមចំណែកដ៏សំខាន់មួយដល់ការអភិវឌ្ឍសេដ្ឋកិច្ច សង្គម និងការកាត់បន្ថយភាពក្រីក្ររបស់កម្ពុជា។

នៅក្នុងវេទិកាមួយស្តីពី ទស្សនវិស័យសេដ្ឋកិច្ចរបស់កម្ពុជា សម្រាប់ឆ្នាំ២០២៣ ឯកឧត្តម វង្សី វិស្សុត គូសបញ្ជាក់ថា “ប្រទេសចិន គឺជាប្រភពដ៏ធំបំផុតនៃការវិនិយោគផ្ទាល់ពីបរទេស (FDI) មកកាន់កម្ពុជា ដែលមានចំណែកគ្របដណ្ដប់ដល់ទៅ៤២%នៃ FDI សរុបមកកាន់កម្ពុជា”។

លោកបន្ថែមទៀតថា “ប្រទេសចិនបានដើរតួនាទីយ៉ាងសំខាន់ នៅក្នុងការវិនិយោគក្នុងវិស័យឧស្សាហកម្ម កសិកម្ម ទេសចរណ៍ សំណង់ និងអចលនវត្ថុរបស់កម្ពុជា និងហេដ្ឋារចនាសម្ព័ន្ធដឹកជញ្ជូន”។

លោកបានមានប្រសាសន៍ថា ប្រទេសចិន ក៏ជាដៃគូពាណិជ្ជកម្មដ៏សំខាន់របស់កម្ពុជា និងជាទីផ្សារសក្តានុពលមួយ សម្រាប់ផលិតផលកម្ពុជាផងដែរ ហើយថាសេដ្ឋកិច្ចធំបំផុតទី២ របស់ពិភពលោកមួយនេះក៏ជាអ្នកផ្តល់ជំនួយអភិវឌ្ឍន៍ផ្លូវការ (ODA) ដ៏ធំបំផុតដល់កម្ពុជាផងដែរ។

ទន្ទឹមនឹងនេះដែរ លោកវង្ស៊ី វិស្សុតបានលើកឡើងថា ការផ្លាស់ប្ដូរយុទ្ធសាស្ត្ររបស់ប្រទេសចិន នៅក្នុងការគ្រប់គ្រងវិបត្តិកូវីដ-៩ របស់ខ្លួនកាលពីដើមខែនេះ នឹងជួយជំរុញកំណើនក្នុងវិស័យទេសចរណ៍ និងសេដ្ឋកិច្ចនៅកម្ពុជា និងនៅទូទាំងពិភពលោក។

លោកបានធ្វើការកត់សម្គាល់ថា “ប្រទេសចិន គឺជាប្រភពដ៏សំខាន់នៃភ្ញៀវទេសចរបរទេសមកកាន់កម្ពុជា នៅមុនសម័យកូវីដ-១៩ ប៉ុន្តែអំឡុងវិបត្តិកូវីដ-១៩ ចំនួនភ្ញៀវទេសចរចិន មកកាន់កម្ពុជា បានធ្លាក់ចុះយ៉ាងខ្លាំ។ ដូចនេះការបើកប្រទេសចិន ឡើងវិញនឹងជាឱកាសដ៏ល្អ សម្រាប់យើងទាក់ទាញភ្ញៀវទេសចរចិន មកកាន់កម្ពុជា ជាម្ដងទៀត”។

អ្នកស្រាវជ្រាវសេដ្ឋកិច្ចកម្ពុជា លោកបណ្ឌិតគី សេរីវឌ្ឍន៍ ប្រធានមជ្ឈមណ្ឌលសិក្សាចិន នៃរាជបណ្ឌិត្យសភាកម្ពុជា និងជាអ្នកជំនាញសេដ្ឋកិច្ចមួយរូបលើកឡើងថា ODA និងការវិនិយោគរបស់ប្រទេសចិន បានដើរតួនាទីយ៉ាងសំខាន់ ក្នុងការជួយដល់ការអភិវឌ្ឍសេដ្ឋកិច្ចសង្គម និងការកាត់បន្ថយភាពក្រីក្ររបស់កម្ពុជា ដែលបង្កើតការងាររាប់សែនកន្លែង សម្រាប់ប្រជាជនកម្ពុជា”។

លោកបានប្រាប់ទីភ្នាក់ងារព័ត៌មាន Xinhuaថា គម្រោងធំៗដែលទទួលបានហិរញ្ញប្បទាន ពីប្រទេសចិន ដូចជាផ្លូវថ្នល់ ស្ពាន អាកាសយានដ្ឋាន រោងចក្រវារីអគ្គិសនី តំបន់សេដ្ឋកិច្ច ពហុកីឡដ្ឋានជាតិ និងផ្លូវល្បឿនលឿនជាដើម បានផ្តល់ ហើយនឹងបន្តផ្តល់អត្ថប្រយោជន៍យ៉ាងច្រើន ដល់កម្ពុជា៕ Xinhua៕

លោកស៊ុន ចាន់ថុលៈប្រសិនជាការជីកព្រែកតភ្ជាប់ទន្លេបាសាក់ទៅកាន់ខេត្តកំពតបានជោគជ័យនឹងផ្លាស់ប្តូរជាប្រវត្តិសាស្រ្តលើវិស័យដឹកជញ្ជូន

ដោយៈ គង់ សូរិយា

ភ្នំពេញៈ លោកទេសរដ្ឋមន្រ្តីស៊ុន ចាន់ថុលបានលើកឡើងពីសក្តានុពល និងផលប្រយោជន៍នៃការជីកព្រែកតភ្ជាប់រវាងទន្លេរបាសាក់ ទៅកាន់ខេត្តកំពត ប្រាប់ឯកអគ្គរដ្ឋទូតថ្មីអង់គ្លេស។

លោកបានមានប្រសាសន៍ក្នុងជំនួបជាមួយលោក Dominic Williams ឯកអគ្គរាជទូតថ្មី នៃចក្រភពអង់គ្លេស ប្រចាំកម្ពុជាកាលពីម្សិលម៉ិញនេះថា ក្រសួងកំពុងសិក្សា គឺការដឹកជញ្ជូនតាមផ្លូវទឹកតាមទន្លេបាសាក់ ភ្ជាប់ទៅកាន់កំពង់ផែសមុទ្រក្នុងខេត្តកំពត ដើម្បីសម្រួលដល់ការដឹកជញ្ជូនតាមផ្លូវទឹក ឱ្យកាន់តែមានភាពឆាប់រហ័ស និងកាត់បន្ថយការចំណាយ។

លោកទេសរដ្ឋមន្ត្រីបានបញ្ជាក់ថា “ប្រសិនបើគម្រោងនេះ សម្រេចបាន វានឹងក្លាយជាគម្រោងប្រវត្តិសាស្រ្ត ដែលផ្លាស់ប្តូរមុខមាត់កម្ពុជាទាំងមូល នៅលើវិស័យដឹកជ្ជូនតាមផ្លូវទឹកផងដែរ”។

ជាមួយគ្នានេះ លោកទេសរដ្ឋមន្ត្រី បានជម្រាបជូនអំពីគម្រោងអភិវឌ្ឍន៍ហេដ្ឋារចនាសម្ព័ន្ធ ដឹកជញ្ជូននានា ដែលក្រសួងបាន និងកំពុងប្រឹងប្រែងធ្វើការអភិវឌ្ឍ ជាពិសេសលើវិស័យដឹកជញ្ជូនសាធារណៈក្នុងទីក្រុង ដែលក្រសួងធ្លាប់បានសិក្សា សមិទ្ធិលទ្ធភាពពីមុនមក រួមមាន ការសិក្សាគម្រោងប្រព័ន្ធប្រតិបត្តិការរថភ្លើងស្វ័យប្រវត្តិ(AGT) ប្រព័ន្ធរថភ្លើងក្រោមដី (Subway) និងការសិក្សាគម្រោងអភិវឌ្ឍន៍រថភ្លើង Monorail ដើម្បីចូលរួមកាត់បន្ថយការកកស្ទះ ចរាចរណ៍នៅក្នុងរាជធានីភ្នំពេញ។

រដ្ឋមន្ត្រីបានបន្ថែមថា ការសិក្សាសមិទ្ធិលទ្ធភាពគម្រោង ដែលបានរៀបរាប់ខាងលើ បានបង្ហាញឱ្យឃើញថា ដើម្បីអភិវឌ្ឍគម្រោងទាំងនេះបាន គឺត្រូវការថវិកាក្នុងទំហំមួយយ៉ាងធំ ដែលពិតជាត្រូវការជំនួយហិរញ្ញប្បទានពីដៃគូអភិវឌ្ឍន៍ និងផ្នែកឯកជន ហើយកម្ពុជាក៏កំពុងតែក្រឡេកមើលលើប្រភពហិរញ្ញប្បទានផ្សេងៗ រួមទាំង EU Global Gateway ផងដែរ។

លោកទេសរដ្ឋមន្ត្រីស៊ុន ចាន់ថុល ក៏បានលើកឡើងអំពីការសិក្សាសមិទ្ធិលទ្ធភាព គម្រោងលើកកម្រិតផ្លូវរថភ្លើងភាគខាងជើង ភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿន ដែលរាជរដ្ឋាភិបាលជំរុញឱ្យ ក្រសួងសាធារណការ និងដឹកជញ្ជូន សហការគ្នាជាមួយក្រសួងសេដ្ឋកិច្ច និងហិរញ្ញវត្ថុ ពន្លឿនការសិក្សាគម្រោងនេះ ដើម្បីបម្រើឱ្យវិស័យដឹកជញ្ជូនកាន់តែសម្បូរបែប ជំរុញកំណើនសេដ្ឋកិច្ច-សង្គមជាតិឱ្យកាន់តែរីកចម្រើន ជាពិសេសគឺតាមបណ្តាខេត្ត និងក្រុងនានាដែលស្ថិតនៅតាមបណ្តោយផ្លូវ។

ទេសរដ្ឋមន្ត្រី បានស្នើឱ្យចក្រភពអង់គ្លេសជួយផ្ដល់សាស្ត្រាចារ្យ វគ្គបណ្តុះបណ្តាលខ្លីៗ ដោយផ្ទាល់ ឬតាមប្រព័ន្ធonline ក៏ដូចជាពិនិត្យលទ្ធភាពជួយជ្រោមជ្រែង ដល់ដំណើរការរបស់វិទ្យាស្ថានតេជោសែន សាធារណការ និងដឹកជញ្ជូន ដើម្បីបណ្តុះបណ្តាលវិស្វករកម្ពុជា ឱ្យមានជំនាញច្បាស់លាស់ និងមានសមត្ថភាពគ្រប់គ្រាន់ក្នុងការចូល រួមចំណែកអភិវឌ្ឍហេដ្ឋារចនាសម្ព័ន្ធកម្ពុជាឱ្យកាន់តែមានការរីកចម្រើនថែមទៀត។

ជាការឆ្លើយតប លោកឯកអគ្គរាជទូតអង់គ្លេស ក៏បានសម្តែងនូវចំណាប់អារម្មណ៍ខ្ពស់ ចំពោះគម្រោងនានា ដែលលោកទេសរដ្ឋមន្ត្រី បានលើកយកមកជម្រាបជូន ហើយលោកបានឆ្លៀតយកឱកាសនេះ ក្នុងការគោរពអញ្ជើញ ថ្នាក់ដឹកនាំក្រសួង ដើម្បីចូលរួមក្នុងកម្មវិធី ពិភាក្សាពិគ្រោះយោបល់អំពីគម្រោងអភិវឌ្ឍន៍មួយចំនួន ជាពិសេសលើគម្រោងសិក្សាប្រព័ន្ធដឹកជញ្ជូនសាធារណៈMRT ក្នុងរាជធានីភ្នំពេញ ព្រមទាំងសិក្ខាសាលាអំពី “ការកៀរគរវិស័យឯកជន សម្រាប់ការអភិវឌ្ឍប្រកបដោយចីរភាពនៅកម្ពុជា” (Mobilizing Private Sector for Sustainable Development in Cambodia) ដែលស្ថានទូតនៃចក្រភពអង់គ្លេស គ្រោងនឹងរៀបចំនាថ្ងៃទី១០ ខែកុម្ភៈឆ្នាំ ២០២៣ខាងមុខ៕

មកដឹងពីចំណុចពិសេសពីគម្រោងឆ្នេរសមុទ្រកោងកាងដែលកំពុងទទួលបានការចាប់អារម្មណ៍ពីអតិថិជន

ដោយៈ គង់ សូរិយា

ភ្នំពេញៈ ការទទួលបានដីលំហែរជាប់មាត់សមុទ្រ ជាការកម្រមួយដែលអ្នកស្វែងរកដីប្រភេទនេះពិបាករក ដោយសារមានតម្លៃថ្លៃ ធៀបជាមួយដីដទៃទៀត។

ជាក់ស្តែងនៅក្រុងព្រះសីហនុ ដីជាប់មាត់សមុទ្រមានតម្លៃចន្លោះពី២០០០ ទៅ៣០០០ដុល្លារក្នុងមួយម៉ែត្រការ៉េ ស្របពេលដីនៅខេត្តកំពត ដែលមានទីតាំងជាប់មាត់ព្រែកកំពង់បាយ ក្នុងខេត្តកំពតមានតម្លៃមិនក្រោមចន្លោះពី៥០០ ទៅ១០០ដុល្លារក្នុងមួយម៉ែត្រការ៉េផងដែរ។

លោកCooler Tanអគ្គនាយកក្រុមហ៊ុនYongsia Real Estate ដែលបាននិងកំពុងអភិវឌ្ឍន៍ដីលំហែរកាយ នៅក្នុងទឹកដីក្រុងកែបបានមានប្រសាសន៍ឲ្យដឹងកាលពីថ្ងៃទី១៣ មករាកន្លងមកថា ដីដីជាប់មាត់សមុទ្រនៅតែជាដីមានតំលៃជាងគេនាពេលអនាគត វាអាចកើនតំលៃដល់ទៅរាប់ពាន់ដុល្លាក្នុងមួយម៉ែត្រការ៉េ នៅពេលតំបន់នោះមានការអភិវឌ្ឈន៏ល្អ។

លោកបន្តថា ប៉ុន្តែបច្ចុប្បន្ននេះ ដីជាប់មាត់សមុទ្រក្នុងក្រុងកែប មានតំលៃធូថ្លៃនៅឡើយ បើអ្នកណាហ៊ានវិនិយោគនៅពេលនេះ អ្នកនោះនឹងទទួលបានផ្លែផ្កាច្រើននាពេលអនាគត”។ លោកបន្តថា “ដីក្នុងខេត្តកែប ដែលបាន និងកំពុងអភិវឌ្ឍន៍គំរោងឆ្នេរលំហែរ និងបានកែច្នៃជាច្រើនដើម្បីបង្កើតក្តីសុបិនរបស់អតិថិជន នឹងឡើងថ្លៃខ្ពស់ ដោយអ្នកទិញនឹងទទួលបានដីលំហែរដ៏ប្រណីត និងមានឱកាសចំណេញខ្ពស់”។

គំរោងឆ្នេរសមុទ្រកោងកាងបាន និងកំពុងអភិវឌ្ឍន៍លើហេដ្ឋារចនាសម្ព័ន្ឋយ៉ាងច្រើន និងប្រកបដោយប្រណីតភាព ដែលបច្ចុប្បន្នក្រុមហ៊ុនYoungsia Real Estateបានអភិវឌ្ឍន៍ ដោយជីកព្រែកសប្បនិម្មិត ពត់ពែនតាមដងព្រែក សាងសង់ស្ពានឈើប្របមាត់សមុទ្រ សម្រាប់ដើរកំសាន្តប្រវែង១០០០ម៉ែត្រ ដាំដើមដូងប្រមាន៥០០ដើម ជាមួយនឹងរូបសំណាក ក្តាមសប្បនិម្មិតជាដើម។

លើសពីនេះ គម្រោងនេះ ក៏ស្ថិតនៅជាប់ឆ្នេរដែលមានខ្សាច់សក្បុរ មានព្រែដើមកោងកាងដ៏ស្រស់បំព្រង ទេសភាពស្រែអំបិល និងជួរភ្នំដ៏វែងអន្លាយផងដែរ ហើយអ្វីកាន់តែពិសេសអ្នកទៅលេងកំសាន្ត និងទិញដីនៅក្នុងគំរោងនេះអាចជិះអូរប័រ ចេញពីគំរោងទៅកាន់សមុទ្រ មើលទិដ្ឋភាពថ្ងៃរះ និងថ្ងៃលិចបានយ៉ាងស្រស់ស្អាតផងដែរ៕

អ្នកអភិវឌ្ឍន៍លំនៅឋានធំមួយនៅកម្ពុជាបានបង្ហាញក្ដីរំពឹងខ្ពស់ចំពោះស្ថានភាពអចលនទ្រព្យក្នុងឆ្នាំ២០២៣

ភ្នំពេញ ៖ លោកឧកញ៉ាបណ្ឌិតគីម ហ៊ាង អ្នកអភិវឌ្ឍន៍លំនៅឋានធំមួយនៅក្នុងប្រទេសកម្ពុជាបានបង្ហាញពីសុទិដ្ឋិនិយមខ្ពស់ចំពោះស្ថានភាពសេដ្ឋកិច្ច អចលនទ្រព្យនិងការវិនិយោគនៅក្នុងប្រទេសកម្ពុជាឆ្នាំ ២០២៣នេះ ដោយបានលើកឡើងពីទឡ្ហីករមួយចំនួនមកបង្ហាញ ។

ថ្លែងក្នុងកិច្ចសម្ភាសន៍មួយជាមួយគេហទំព័រ Property Area លោកឧកញ៉ាបណ្ឌិតគីម ហ៊ាងបានមានប្រសាសន៍ថា ឆ្នាំ២០២៣នេះ ស្ថានភាពសេដ្ឋកិច្ចកម្ពុជា លោករំពឹងនិងជឿជាក់១០០ភាគរយថានឹងមានភាពប្រសើរជាងឆ្នាំ ២០២២ ដោយសារតែកត្តាមួយចំនួនក្នុងនោះ ការបើកប្រទេសវិញរបស់ចិនគឺជាកត្តាចម្បងជំរុញឱ្យសេដ្ឋកិច្ចកម្ពុជានិងការវិនិយោគលើអចលនទ្រព្យនៅកម្ពុជានឹងប្រសើរ ។

លោកឧកញាបន្តថា ប្រជាជនចិនដែលជាប់ក្នុងប្រទេសអស់រយៈពេល៣ឆ្នាំ នឹងមានសេរីភាពក្នុងការដើរហើរចេញក្រៅប្រទេស ហើយពួកគាត់នឹងចាយវាយលុយដែលពួកគាតអាក់ខានអស់រយៈពេល៣ឆ្នាំកន្លង ។ កម្ពុជាក៏ជាគោលដៅមួយរបស់ទេសចរនិងវិនិយោគិនចិនផងដែរ ។យើងសាកស្រម៉ៃមើល នៅពេលចិនចូលមកតើអ្វីនឹងកើតឡើង ពេលនោះសណ្ឋាគារក៏មានដំណើរការឡើងវិញភោជនីយដ្ឋានក៏មានដំណើរការឡើងវិញ ការដឹកជញ្ជូនក៏មានសកម្មភាព មនុស្សជាច្រើននឹងមានការងារធ្វើ ដូច្នេះហើយទើបយើងអាចសន្និដ្ឋានថា២០២៣នេះនឹងល្អសម្រាប់កម្ពុជា ។

លោកឧកញ៉ាបន្ថែម ឆ្នាំ២០២៣នេះ បណ្ដាក្រុមហ៊ុនទាំងឡាយណាដែលបានឆ្លងផុតកាលពីវិបត្តិឆ្នាំមុនៗនោះនឹងមានការរីកចម្រើន តែក៏ត្រូវតែមានការត្រៀមខ្លួនដើម្បីទទួលស្វាគមន៍វិនិយោគិនបរទេសឡើងវិញផងដែរ ។

យោងតាមបណ្ដាញព័ត៌មានក្នុងស្រុកមួយនៅរសៀលថ្ងៃទី២៦ មករា ២០២៣នេះឱ្យដឹងថា នៅថ្ងៃទី២៧ មករា ២០២៣ ជើងហោះហើរផ្ទាល់ពីទីក្រុងគុនមីងប្រទេសចិននឹងចុះចតនៅអាកាសយានដ្ឋានអន្តរជាតិខេត្តព្រះសីហនុដើម្បីឱ្យភ្ញៀវទេសចរទាំងនោះបានដើរកម្សាន្តនៅក្នុងខេត្តមាត់សមុទ្រមួយនេះ ប៉ុន្តែចំនួនភ្ញៀវទេសចរប៉ុន្មាននាក់នោះនៅមិនទាន់បានបង្ហើបឱ្យដឹងនៅឡើយទេ ។

រដ្ឋាភិបាលខេត្តព្រះសីហនុក៏នឹងរៀបចំពិធីទទួលស្វាគមន៍ភ្ញៀវទេសចរចិនទាំងនោះនៅឯអាកាសយានដ្ឋានអន្តរជាតិកងកេង ខេត្តព្រះសីហនុផងដែរ ។តាមរយៈនេះ កម្ពុជារំពឹងថានឹងទទួលបានភ្ញៀវទេសចរនិងវិនិយោគិនចិនជាបន្តបន្ទាប់ទៀតនៅពេលខាងមុខនេះ ៕

Korea to earmark $9.48 bil. in EDCF loans by 2025

Korea plans to set aside 11.7 trillion won ($9.48 billion) in low-interest rate loans for developing countries by 2025 and seek a new partnership in war-torn Ukraine as well, the finance ministry said Thursday.

Under the Economic Development Cooperation Fund (EDCF), Korea plans to approve 3.8 trillion won worth of new projects this year, followed by 3.9 trillion won and 4 trillion won in 2024 and 2025, respectively, according to the Ministry of Economy and Finance.

Asia will take up around 60 to 70 percent of the projects, with African nations taking up some 20 to 30 percent.

Korea will especially focus on supporting the developing nations’ fight against climate change, the ministry added.

Seoul launched the EDCF program in 1987 to help other developing countries with their basic infrastructure.

The latest move comes in line with Korea’s efforts to become one of the world’s top 10 contributors in the global development assistance projects.

The country was the 15th-largest contributor in 2021.

The finance ministry added Korea will seek new partners for its EDCF projects as well, which can potentially include Ukraine.

The envisioned partnership will pave the way for Korea’s participation in rebuilding Ukraine infrastructure, it added.

Source: Yonhap

កំណើនភ្ញៀវទេសចរ នៅសៀមរាបចាប់ផ្ដើមកើនឡើង តែសកម្មភាពទិញលក់និងវិនិយោគអចលនទ្រព្យថ្មីៗរក្សាភាពទ្រឹង

ភ្នំពេញ ៖ ក្នុងឆ្នាំ២០២៣នេះ កំណើនភ្ញៀវទេសចរទាំងជាតិនិងអន្តរជាតិទៅកម្សាន្តនៅខេត្តសៀមរាប ចាប់ផ្ដើមមានចំនួនច្រើនឡើងវិញជាបន្តបន្ទាប់ ដែលធ្វើឱ្យអាជីវកម្មបម្រើទេសចរណ៍មួយចំនួនក៏ចាប់ផ្ដើមមានសកម្មភាពរស់រវើកឡើងវិញផងដែរ ប៉ុន្តែសម្រាប់ការវិនិយោគអចលនទ្រព្យក៏ដូចជាការទិញល់អចលនទ្រព្យនៅក្នុងខេត្តមួយនេះ នៅមិនទាន់មានសកម្មភាពគួរឱ្យកត់សម្គាល់នៅឡើយទេ ។

បើតាមអាជីវករជាច្រើននៅក្នុងក្រុងសៀមរាប ខេត្តសៀមរាបបានឱ្យដឹងថា កាលពីឆ្នាំមុនភ្ញៀវទេសចរមកកម្សាន្តនៅក្នុងខេត្តសៀមរាបមានតែភ្ញៀវទេសចរក្នុងស្រុក ដោយមិនសូវមានភ្ញៀវបរទេសនោះទេ តែមកដល់បច្ចុប្បន្ននេះ យើងឃើញមានភ្ញៀវទេសចរម្រុះជាតិសាសន៍ចាប់ផ្ដើមមកទស្សនានិងសម្រាកនៅក្នុងខេត្តសៀមរាបច្រើនឡើងវិញហើយ តែវាមិនទាន់ដូចនៅមុនស្ថានភាពកូវីដ១៩នោះទេ ។

ម្ចាស់សណ្ឋាគារមួយនៅខេត្តសៀមរាបឈ្មោះថា សុវណ្ណអង្គរ បាននិយាយថា ចាប់តាំងពីចូលឆ្នាំសាកលឆ្នាំ២០២៣នេះ ភ្ញៀវទេសចរមកកាន់ខេត្តសៀមរាបទាំងភ្ញៀវទេសចរក្នុងស្រុក និងបរទេស ឃើញថាចាប់ផ្ដើមមានកំណើនជាងឆ្នាំមុន ហើយអាជីវកម្មនានានៅក្នុងខេត្តនេះ ក៏ឃើញថាចាប់ផ្ដើមមានសកម្មភាពឡើងវិញបន្តិចម្ដងៗ ដោយរំពឹងថានឹងកាន់តែមានសកម្មភាពខ្លាំងឡើងនៅចុងឆ្នាំ២០២៣និងដើមឆ្នាំក្រោយ ជាពិសេសក្រោយមានការបើកប្រទេសឡើងវិញរបស់ចិន ។

លោកសំ សីហាប្រធានសាខានៃក្រុមហ៊ុន Century 21 Zillion Holding ប្រចាំខេត្តសៀមរាប បានឱ្យដឹងផងដែរថា ទោះបីជាស្ថានភាពទេសចរនៅខេត្តសៀមរាប នាពេលនេះ ហាក់មានភាពប្រសើរឡើងវិញក្ដី តែ សម្រាប់ស្ថានភាពអចលនទ្រព្យនៅក្នុងខេត្តមួយវិញ ក៏នៅតែមិនទាន់មានការប្រែប្រួលអ្វីគួរឱ្យកត់សម្គាល់នៅឡើយទេមកដល់បច្ចុប្បន្ននេះ ទាំងគម្រោងវិនិយោគថ្មីៗ និងការទិញលក់អចលនទ្រព្យជាដើម ។

លោកបន្តថា ការវិនិយោគអចលនទ្រព្យ និងសកម្មភាពទិញលក់អចលនទ្រព្យថ្មីៗ នៅក្នុងខេត្តគឺនៅរក្សាសភាពទ្រឹងដដែល គឺមិនខុសពីឆ្នាំមុនប៉ុន្មាននោះទេ ពីព្រោះថាវិស័យអចលនទ្រព្យគឺត្រូវការពេលវេលាបន្តិចដើម្បីជំរុញឱ្យមានការវិនិយោគ ប៉ុន្តែដោយសារតែគម្រោងធំៗនៅក្នុងខេត្តសៀមរាបបានលេចរូបរាងឡើងជាបន្តបន្ទាប់ លោករំពឹងថា ទីផ្សារអចលនទ្រព្យនៅក្នុងខេត្តនេះនឹងមានភាពប្រសើរនៅចុងឆ្នាំនេះឬក៏ដើមឆ្នាំក្រោយ ។

បច្ចុប្បន្ននេះ ខេត្តសៀមរាបមានគម្រោងអភិវឌ្ឍន៍ព្រលានយន្តហោះអន្តរជាតិថ្មី ដែលកំពុងមមាញឹកក្នុងការសាងសង់ នឹងរំពឹងថា បញ្ចប់ទាំងស្រុងនៅរយៈពេលប៉ុន្មានខែខាងមុខនេះ ជាមួយនឹងការដាក់ដំណើរការសាកល្បងផងដែរ ។ ក្រៅពីនេះ ផ្លូវជាច្រើនខ្សែនៅក្នុងក្រុងសៀមរាបក៏កំពុងបង្ហាញភាពទាក់ទាញយ៉ាងខ្លាំងដល់ទេសចរនិងវិនិយោគិនថ្មីៗមកកាន់ខេត្តសៀមរាបផងដែរ ។ អ្វីដែលពិសេសសម្រាប់សៀមរាបគឺ គម្រោងផ្លូវល្បឿនលឿនភ្នំពេញ ខេត្តសៀមរាបក៏កំពុងសិក្សាដោយក្រុមហ៊ុនឯកជនមួយចំនួន ដូច្នេះអនាគតសៀមរាបនឹងកាន់តែមានសក្ដានុពលខ្ពស់មួយកម្រិតទៀតផងដែរ ៕

Indonesia aims to attract more foreign tourists by hosting int’l sport events

JAKARTA, Jan. 25 (Xinhua) — Indonesia is set to host at least four international sport events this year, which is expected to attract more foreign tourists and promote its tourism destinations, the country’s Minister of Tourism and Creative Economy Sandiaga Uno said on Wednesday.

The closest event is the Formula 1 Powerboat World Championship, an international motorboat racing competition for powerboats, which will be held in Toba Lake, Sumatra Island, on Feb.
24-26.

Uno said the event was expected to help promote the Lake Toba tourism site and other tourism destinations in North Sumatra province.
From May 20 to June 11, Indonesia will host the 2023 FIFA U-20 World Cup.

According to reports from Indonesia’s Youth and Sports Ministry, the tournaments would take place in six stadiums located in six different cities, capital city Jakarta, Bandung in West Java, Solo in Central Java, Surabaya in East Java, Palembang in South Sumatra, and Bali resort island.

The 2023 World Beach Games, officially known as the 2023 ANOC World Beach Games, will also be held in Indonesia.

The international beach and water multi-sport event is scheduled to be held in Bali on Aug. 5-12.

Indonesia, along with Japan and the Philippines, will host the 2023 FIBA Basketball World Cup from August 25 to September 10.

This will be the first time in history for the World Cup to be hosted by multiple nations in Asia.

“We hope these events can encourage foreign tourists to stay longer in our tourism destinations, which then can accelerate our economic recovery from the tourism sector.

The events will also become a momentum for us to show the world our capability in hosting global-scale events,” Uno said after a meeting with Indonesian President Joko Widodo at the State Palace in Jakarta.

Indonesia, the largest economy in Southeast Asia, has set an ambitious goal of attracting up to 7.4 million foreign tourists throughout 2023.

Source: Xinhua

1...1,0751,0761,077...3,259 Page 1,076 of 3,259