អចលនទ្រព្យបម្រើឱ្យវិស័យឧស្សាហកម្មបន្តបង្ហាញភាពល្អប្រសើរ នៅក្នុងឆ្នាំ២០២៣នេះ

ដោយៈ សុផារី

ភ្នំពេញៈ ស្របពេលការបើកដំណើរការ និងសាងសង់ប្រព័ន្ធហេដ្ឋារចនាសម្ព័ន្ធ បានធ្វើឲ្យតំបន់សេដ្ឋកិច្ចពិសេសនានាទូទាំងប្រទេស ដំណើរការផលិតកម្មក៏មានភាពល្អប្រសើរ ដែលនេះក៏បានគាំទ្រដល់តម្រូវការនៃអចលនទ្រព្យបម្រើឱ្យវិស័យនេះផងដែរ។

លោកស្រី តាំង ហ៊ួរ អគ្គនាយិកាក្រុមហ៊ុន Amatak Property Service Co, Ltd បានមានប្រសាសន៍ប្រាប់នៅថ្ងៃទី១៦ ខែមករា ឆ្នាំ២០២៣ថា តម្រូវការនៃការប្រើប្រាស់ប្រភេទ អចលនទ្រព្យបម្រើឱ្យវិស័យឧស្សាហកម្ម នៅតែមានតម្រូវការជាធម្មតា គ្រាន់តែចរន្តនៃការដោះដូរមិនមានចំនួនច្រើនដូចកាលពីមុន។

លោកស្រីបានមានប្រសាសន៍ថា “ជាក់ស្តែង ការស្វែងរកជួលឃ្លាំងសម្រាប់ស្តុកអីវ៉ាន់ មានតម្រូវការជាហូរហែរ ទោះបីមានចំនួនមិនច្រើនណាស់ណាក្តី ជាពិសេស នៅក្នុងក្រុងភ្នំពេញ និងនៅក្នុងតំបន់ជាយក្រុង”។

សម្រាប់ឆ្នាំ២០២៣ លោកស្រីបានបញ្ជាក់ថា ស្ថានភាពនៃអចលនទ្រព្យប្រភេទនេះ នៅមានភាពមិនទាន់ច្បាស់លាស់នៅឡើយ ដោយសារគេត្រូវរង់ចាំមើលរហូតដល់ពាក់កណ្តាល ឆ្នាំ២០២៣ ដើម្បីអាចវាយតម្លៃជាថ្មីថា តើស្ថានភាពមានភាពល្អប្រសើរជាងមុនឬទេ?។ លោកស្រីលើកឡើងថា ប្រសិនបើស្ថានភាពកូវីដ១៩ នៅមិនមានការបំប្លែងថ្មី ហើយស្ថានភាពស ង្គ្រាមរុស្សី-អ៊ុយក្រែន មានភាពល្អប្រសើរ នោះស្ថានភាពទីផ្សារក៏នឹងមានភាពល្អប្រសើរផងដែរ។

ជាមួយគ្នានេះ លោកស្រី អាន សុធីតា អគ្គនាយិកាក្រុមហ៊ុនអចលនទ្រព្យ PropNex Cambodia បានមានប្រសាសន៍ថា ការបើកដំណើរការផ្លូវល្បឿនលឿនភ្នំពេញ- ក្រុងព្រះសីហនុ និងការប្រកាសពីគម្រោងផ្លូវល្បឿនលឿនភ្នំពេញ-បាវិត នឹងបម្រើជាផ្លូវដឹកជញ្ជូន ដើម្បីទាក់ទាញដល់ផលិតកម្មយ៉ាងទូលំទូលាយ។

លោកស្រីបានបន្តថា លើសពីនេះ ដំណើរការរបស់តំបន់សេដ្ឋកិច្ចពិសេស ហេដ្ឋារចនាសម្ព័ន្ធ ស្ពាន និងផ្លូវក្រោមគំនិតផ្តួចផ្តើមផ្លូវខ្សែក្រវ៉ាត់ (BRI) នឹងទាក់ទាញការផលិត និងបង្កើតការងារកាន់តែច្រើនបន្ថែមទៀត ដល់ប្រជាពលរដ្ឋកម្ពុជា។ ជាលទ្ធផល ឧស្សាហកម្មកាត់ដេរ ទំនិញធ្វើដំនើរ និងការនាំចេញស្បែកជើងរបស់កម្ពុជា នឹងនៅតែមានភាពរឹងមាំ ទោះជាមានវិបត្តិកូវីដ-១៩ក៏ដោយ។

យោងតាមរបាយការណ៍របស់ក្រុមហ៊ុន CBRE Cambodia ចេញផ្សាយនៅសប្តាហ៍មុនបានឱ្យដឹងថា នៅពេញមួយឆ្នាំ២០២២នេះ តំបន់សេដ្ឋកិច្ចពិសេសនៅក្នុងប្រទេសកម្ពុជា មានកំណើនចំនួន៣០ភាគរយ ដោយមានរហូតដល់ទៅ៥២ កើនឡើងពីចំនួន៤០នៅឆ្នាំ២០១៩ ដែលធ្វើឱ្យឆ្នាំ២០២២កន្លងមក ទំហំតំបន់សេដ្ឋកិច្ចពិសេសសរុបនៅទូទាំងប្រទេសមានទំហំជាង១៦.០០០ហិចតា៕

អ្នកឧកញ៉ាសុខ គង់បោះទុនជិត៧លានដុល្លារដាំបន្លែធម្មជាតិនិងទឹកពិសារលើភ្នំបូកគោ

ដោយៈ គង់ សូរិយា

ភ្នំពេញៈប្រធានក្រុមហ៊ុនសុខាអូតែល អ្នកឧកញ៉ាសុខ គង់បានចំណាយទុនជិត៥លានដុល្លារ ដើម្បីដាំបន្លែធម្មជាតិ សម្រាប់ផ្គត់ផ្គង់សណ្ឋាគារទាំង៧របស់លោក និងលក់ចែកចាយនៅទីក្រុងភ្នំពេញ។

អ្នកស្រីសៀ ចាន់រ៉ាប្រធានផ្នែកទីផ្សារនៃក្រុមហ៊ុនបូកគោហ្វាម បានមានប្រសាសន៍ឲ្យដឹងកាលពីពេលថ្មីៗនេះថា ក្រុមហ៊ុនកំពុងសិក្សាលើលទ្ឋភាពពង្រីកទុនវិនិយោគបន្ថែមទៀត ដោយសារមានតម្រូវការកើនឡើងពីប្រជាពលរដ្ឋ។ អ្នកស្រីបន្តថា សួនបន្លែធម្មជាតិបូកគោ បានចាប់ផ្តើមដាំនៅឆ្នាំ២០១២ និងនៅឆ្នាំ២០១៧បានក្លាយជាHydroponic Farm ដែលមានដាំបន្លែលើដី និងលើទឹក។

អ្នកស្រីបន្តថា “កសិដ្ឋានដ៏ធំនេះ ជាកសិដ្ឋានបន្លែធម្មជាតិធំជាងគេក្នុងប្រទេស ដោយទំហំនៃការផលិត មានបរិមាណ១៥០០គីឡូក្រាមក្នុងមួយថ្ងៃ”។ អ្នកស្រីបន្តថា “បច្ចុប្បន្នបន្លែចំនួន៣៦ប្រភេទ ត្រូវបានដាំនៅលើកំពូលភ្នំបូកគោ ដែលមានកំពស់១០៧៥ម៉ែត្រ”។

អ្នកស្រីសៀ ចាន់រ៉ាបានបន្តថា បន្លែទាំងនេះមានលក់នៅបូកគោម៉ាត ស្ថិតនៅលើវិថីក្រមួនស (ផ្លូវភ្លោះខាងជើងផ្សារធំថ្មី) ផ្សារទំនើបធំៗ និងមានលក់នៅខេត្តកំពត និងខេត្តព្រះសីហនុផងដែរ។

អាកាសធាតុត្រជាក់ពេញមួយឆ្នាំ នៅលើកំពូលភ្នំបូកគោ គឺជាហេតុផលដែលធ្វើឲ្យបន្លែលូតលាស់ល្អ ដោយធ្វើឲ្យបន្លែមានគុណភាព និងមានរសជាតិឆ្ងាញ់។ បន្លែទាំងនេះ មិនត្រូបានដាក់ជីគីមីឡើយ ព្រោះយើងប្រើប្រាស់សម្រាប់សណ្ឋាគារលំដាប់ផ្កាយ៥ និងជាការគិតគូរដល់សុខភាពអ្នកបរិភោគ។ អ្នកស្រីចាន់ រ៉ាបញ្ជាក់ឲ្យដឹង។

លើសនពីក្រុមហ៊ុនបូកគោហ្វាម ដែលជាបុត្រសម្ព័ន្ឋរបស់ក្រុមហ៊ុនសុខាអូតែល ក៏បាននិងកំពុងផលិតទឹកពិសារ “ឋានសួគ៌បូកគោ” ដែលជាទឹកពិសារមានគុណភាពខ្ពស់ មានផ្ទុកសារធាតុPH8 ដែលជំនួយដល់សុខភាព អ្នកពិសារផងដែរ។

ដោយទទួលបានការគាំទ្រពីអតិថិជន ក្រុមហ៊ុនបូកគោហ្វាម ក៏បាននិងកំពុងសិក្សាដើម្បីពង្រីកទុនវិនិយោគ ដើម្បីពង្រីកសង្វាក់ផលិតកម្មឲ្យបានកាន់តែច្រើន ដែលអាចចែកចាយលើទីផ្សារបានទូលំទូលាយផងដែរ៕

រដ្ឋបាលខេត្តកោះកុងបង្ហាញសក្តានុពលតំបន់អារ៉ែង សម្បត្តិធម្មជាតិដ៏គួរឲ្យចាប់អារម្មណ៍

ដោយៈ គង់ សូរិយា

កោះកុងៈ ជាទីឋានបង្កប់ខ្លួនកណ្តាលព្រៃ ជ្រលងដងអូរ ជួរភ្នំខ្ពស់សន្លឹម តំបន់អារ៉ែង ស្ថិតនៅក្នុងស្រុកថ្មបាំង កំពុងក្លាយជាទីពេញនិយមលំហែរកម្សាន្ត សម្រាប់អ្នកទេសចរគ្រប់មជ្ឈដ្ឋាន។

បន្ទាប់ពីញំាញីដោយសារវិបត្តិជំងឺកូវីដ១៩ តំបន់អារ៉ែងត្រូវបានអភិវ ឌ្ឍន៍ ជាទីកន្លែងកម្សាន្តបែបធម្មជាតិជាច្រើន ពីសំណាក់វិស័យឯកជន ដើ ម្បីបំពេញតម្រូវការសេវាកម្មស្នាក់នៅ និងលំហែកាយរបស់ភ្ញៀវទេសចរណ៍ស្ទើរគ្រប់រដូវកាល។

ជាក់ស្តែង អំឡុងពេលរីករាលដាលជំងឺកូវីដ១៩ Areng Camping ស្ថិតនៅក្នុងឃុំថ្មដូនពៅ ស្រុកថ្មបាំង ខេត្តកោះកុង លាក់ខ្លួនសង្ងំកសាងហេដ្ឋារចនាសម្ព័ន្ធ វិស័យទេសចរណ៍យ៉ាងម៉ត់ចត់ រហូតដល់ផ្តើមបើកទ្វារទទួលគ្រប់ភ្ញៀវទេសចរជាតិ និងអន្តរជាតិចូលលេងកម្សាន្តជាង៤ខែមកនេះ។

លោក ភោគ សុខេម តំណាងអ្នកគ្រប់គ្រង Areng Campingបាន ឱ្យដឹងកាលពីសប្តាហ៍មុនថា មូលហេតុដែលលោកកែច្នៃ ជាតំបន់ទេសចរណ៍ដ៏គួរទាក់ទាញនេះឡើង ព្រោះថាតំបន់អារ៉ែងសំបូរ ទៅដោយសក្តានុពលអេកូទេសចរធម្មជាតិ ដោយមានទឹកជ្រោះ ព្រៃភ្នំ ព្រៃឈើខៀវស្រងាត់ បើធៀបខេត្តតំបន់ភ្នំដ៏ទៃទៀតក្នុងប្រទេសកម្ពុជា។

លោក ភោគ សុខេម បង្ហាញបន្ថែមថា Areng Camping បានកំពុងតែក្លាយជាតំបន់ដ៏និយមមួយ សម្រាប់អ្នកទេសចរគ្រប់មជ្ឈដ្ឋាន ដែលមានបំណងមកលំហែកាយកម្សាន្ត ដោយបម្រើសេវាកម្ម ដូចជា កែច្នៃរថយន្តឱ្យក្លាយជាបន្ទប់ស្នាក់នៅ ផ្ទះតង់មានអាងទឹក ជិះខ្សែរ៉ត ជិះទូកតាមដងស្ទឹងអារ៉ែង បោះតង់ ជិះម៉ូតូទៅកាន់តំបន់កម្សាន្តផ្សេងៗ លេងបាញ់ធ្នូ និងទទួលទានអាហារបែបអ្នកតំបន់អារ៉ែងជាដើម។

ទាក់ទិននឹងការបង្កើតទេសចរណ៍មួយនេះដែរ ត្រូវបានអ្នកគ្រប់គ្រងទូទៅរបស់ Areng Camping អះអាងថា លោកបានផ្តល់ឱកាសការងារដល់ពលរដ្ឋ អ្នកភូមិផ្នែកសេវាកម្ម ក្នុងតំបន់អារ៉ែងប្រមាណ៥០នាក់ និងចូលរួមចំណែកលើកកម្ពស់ និងអភិវឌ្ឍន៍វិស័យទេសចរណ៍ជាមួយរាជរដ្ឋាភិបាលកម្ពុជា ក៏ដូចជារដ្ឋបាលខេត្តកោះកុងផងដែរ។

ក្រុមអ្នកទេសចរដែលមកពីរាជធានីភ្នំពេញ និងបណ្តាខេត្តផ្សេងៗ បង្ហាញក្តីចំណាប់អារម្មណ៍របស់ពួកគេម្នាក់ៗថា កាលដែលនាំគ្នាមកលេងកម្សាន្តនៅទីនេះ ក៏ព្រោះបានដឹងពីទេសភាពបៃតង នៃតំបន់អារ៉ែងពិតជាស្រស់ស្រាយ អាចបំបាត់ទុក្ខកង្វល់ ជាអ្វីដែលពួកគេចាត់ទុកជា “ការសាកថ្មជីវិត”។

ជាមួយគ្នានេះ លោក សុខ ចាន់គ្រឹស្នា ប្រធានមន្ទីរទេសចរណ៍ខេត្តកោះកុង បានមើលឃើញថា វិស័យទេសចរណ៍ នៅខេត្តកោះកុងហាក់ងើបឡើងវិញ បន្ទាប់ពីបញ្ហាជំងឺកូវីដ១៩ បានធូរស្រាលដែលការបង្កើតតំបន់ទេសចរណ៍កាន់តែច្រើន គឺផ្តល់ឱកាសការងារ សេដ្ឋកិច្ចចំណូល និងទាក់ទាញភ្ញៀវទេសចរបានមកស្គាល់ទឹកដីអារ៉ែង។

លោកបន្ថែមថា តំបន់អារ៉ែង លែងឯកោដូចពេលមុនៗហើយ ដោយសារតែរាជរដ្ឋាភិបាល ក៏ដូចជារដ្ឋបាលខេត្ត មន្ទីរពាក់ព័ន្ធផ្តោតការយកចិត្តទុកដាក់ខ្ពស់លើការអភិវឌ្ឍផ្លូវថ្នល់ ស្ពាន និងភ្លើងអគ្គិសនី ដើម្បីផ្តល់ប្រយោជន៍ជូនពលរដ្ឋ និងអ្នកទេសចរផងដែរ។លោកជឿជាក់ថា តំបន់ទេសចរណ៍មិនទាន់កែច្នៃដ៏ទៃទៀតនៅក្នុងខេត្ត នឹងត្រូវបានអភិវឌ្ឍន៍បន្ថែម ក្នុងន័យទាក់ទាញភ្ញៀវទេសចរណ៍ មកលេងកម្សាន្តទៅរដូវកាលនីមួយៗ៕

ប្រភព៖ BTV

Thai condo developers hope return of Chinese tourists will help clear outstanding stocks

Major condo developers are delighted that Chinese tourists are finally returning to Thailand after nearly three years, and are hoping they will clear the outstanding stock.

Thansettakij spoke to several developers and learned that they are all happy that Chinese tourists are returning now that China has lifted travel restrictions.

Apa Ataboonwong, president of Richy Place 2002, said Chinese tourists returning boded well for developers, especially when it came to unsold units and projects that are close to completion.

She also believes that the return of Chinese travellers will also bring the property market back to its feet and benefit the country’s economy.

Richy Place has five projects with 50 units in the heart of Bangkok and is hoping they will get snapped up by Chinese buyers.

The developer also has a 32-storey condo project with 800 units on the Thonburi side of Bangkok near the Wutthakat BTS station that Chinese buyers may also find attractive, Apa said.

She said her company expects to sell at least 300 to 400 units to Chinese investors.

Meanwhile, Pruksa Real Estate’s CEO Piya Prayong said his company has completed 10 condominiums with a total of 3,000 units just in time for the return of Chinese tourists.

He reckons the projects will be attractive to Chinese buyers because they are either in the heart of the capital, near public transport or along the Chao Phraya River.

Wongsakorn Prasitvipat, chief business development officer at Property Perfect Plc, however, said his company does not develop property in the heart of Bangkok, so it is not relying on Chinese investors.

Source: The Nation

Japan to test new freight routes amid global supply chain instability

The Japanese government plans to work with domestic firms to test new international supply routes as soon as March, as it aims to diversify freight options in response to recent supply chain instability highlighted by the coronavirus pandemic and the war in Ukraine.

With international events causing delays and a rise in transport costs, the Ministry of Land, Infrastructure, Transport and Tourism intends to ensure a reliable freight system by preparing alternative shipping and train links to reach the United States and Europe.

Delays in international freight can lead to shortages in raw materials and goods, and rising costs of transporting the items can also push up prices on many commonly-used products. Among the areas the transport ministry will be investigating under the scheme are cost, time and customs clearance issues.

Until the end of February, the ministry is recruiting Japanese companies including cargo firms and logistics businesses to participate in testing deliveries with government backing of 1 million yen ($7,800) per consignment. A report on its activities is intended to be made around the fall.

Although disruption to the international freight system is easing, the transport ministry maintains it is “important to secure complementary replacement routes in case of emergencies.”

Source: Kyodo News

បណ្តាក្រុមហ៊ុនអភិវឌ្ឍខុនដូថៃបង្ហាញសុទិដ្ឋិនិយម ខណៈមានការត្រឡប់មកវិញនៃភ្ញៀវទេសចរចិន

ដោយ: គង់ លាងហួរ

បាងកក: បណ្តាក្រុមហ៊ុនអភិវឌ្ឍន៍ខុនដូធំៗ មានសេចក្តីសោមនស្សរីករាយ ដែលទីបំផុតភ្ញៀវទេសចរចិនត្រលប់មកប្រទេសថៃវិញ បន្ទាប់ពីខកខានអស់រយៈពេលជិត៣ឆ្នាំ។

លោកស្រី Apa Ataboonwong ប្រធានក្រុមហ៊ុន Richy Place 2002 បានមានប្រសាសន៍ថា ការត្រឡប់មកវិញនៃភ្ញៀវទេសចរចិន ពិតជាមានផលល្អ សម្រាប់អ្នកអភិវឌ្ឍន៍អចលនទ្រព្យ។

លោកស្រីក៏ជឿជាក់ថា “ការវិលត្រឡប់មកវិញ របស់អ្នកធ្វើដំណើរចិន ក៏នឹងធ្វើឲ្យទីផ្សារអចលនទ្រព្យ វិលមករកដំណើរការល្អឡើងវិញ និងផ្តល់ប្រយោជន៍ដល់សេដ្ឋកិច្ចរបស់ប្រទេសថៃ”។

ក្រុមហ៊ុន Richy Place មានគម្រោងចំនួន៥ ដែលមាន៥០យូនីត នៅកណ្តាលទីក្រុងបាងកក ដោយសង្ឃឹមថា គម្រោងទាំងនោះនឹងទទួលបានការចាប់អារម្មណ៍ពីអតិថិជនចិន។

លោកស្រី Apa Ataboonwong បានបន្តថា ក្រុមហ៊ុនក៏មានគម្រោ ងខុនដូកម្ពស់៣២ជាន់ ដែលមានចំនួន៨០០យូនីត នៅខាងទីក្រុង Thonburi ក្បែរស្ថានីយ៍ Wutthakat BTS ដែលអតិថិជនជនជាតិចិនក៏អាចយល់ថាមានភាពទាក់ទាញផងដែរ។

លោកស្រីបានអះអាងថា ក្រុមហ៊ុនរំពឹងថានឹងអាចលក់ខុនដូ បានយ៉ាងហោចណាស់ពី៣០០ ទៅ៤០០យូនីតដល់វិនិយោគិនចិន។

ទន្ទឹមនឹងនេះ លោក Piya Prayong នាយកប្រតិបត្តិក្រុមហ៊ុន Pruksa Real Estate បានមានប្រសាសន៍ថា ក្រុមហ៊ុនរបស់លោកបានបញ្ចប់គម្រោងខុនដូចំនួន១០ ដែលមានចំនួន៣.០០០យូនីត ស្របពេលមានការត្រលប់មកវិញរបស់ភ្ញៀវទេសចរចិន។

លោកបន្តថា “គម្រោងទាំងនេះ នឹងទាក់ទាញអតិថិជនជនជាតិចិន ព្រោះវាស្ថិតនៅកណ្តាលរាជធានី និងជិតមធ្យោបាយដឹកជញ្ជូនសាធារណៈ ឬតាមដងទន្លេចៅប្រាយ៉ា”។

ប្រធានសមាគមអចលនទ្រព្យនៅប្រទេសថៃ លោក Meesak Chunharakchot ជឿជាក់ថា“ការដកការរឹតបន្តឹងនៅក្នុងប្រទេសចិន នឹងជួយធ្វើឱ្យទីផ្សារអចលនទ្រព្យ របស់ប្រទេសថៃមានភាពរស់រវើកឡើងវិញនាពេលឆាប់ៗនេះ”។

ចំណែកលោក Wichai Wiratkaphan នាយកស្តីទីនៃមជ្ឈមណ្ឌលព័ត៌មាន អចលនទ្រព្យរបស់ធនាគារលំនៅដ្ឋានរដ្ឋ បានមានប្រសាសន៍ថា ជំងឺរាតត្បាត ហាក់ដូចជាមិនមានផលប៉ះពាល់ច្រើន ដល់ចំណាប់អារម្មណ៍របស់វិនិយោគិនចិននៅក្នុងប្រទេសថៃនោះទេ៕

អត្រាពន្ធលើអចលនទ្រព្យរបស់កូរ៉េខាងត្បូងស្ថិតក្នុងកម្រិតខ្ពស់បំផុតក្នុងចំណោមប្រទេសចំនួន៣៨

ដោយ: គង់ លាងហួរ

សេអ៊ូល: សមាជិកសភាបក្សកាន់អំណាចមួយរូប បានមានប្រសាសន៍ឱ្យដឹងថា ពលរដ្ឋកូរ៉េខាងត្បូងប្រឈមមុខ នឹងបន្ទុកពន្ធអចលនទ្រព្យដ៏ធ្ងន់បំផុត ទាក់ទងទៅនឹងផលិតផលក្នុងស្រុកសរុប (GDP) របស់ប្រទេសក្នុងចំណោមសមាជិក OECD ក្នុងឆ្នាំ២០២១។

បញ្ហានេះជាលទ្ធផល ដែលបណ្តាលមកពីគោលនយោបាយអចលនទ្រព្យដែលបានរងបរាជ័យជាច្រើន ក្រោមរដ្ឋបាលគ្រប់គ្រងចាស់របស់អតីតប្រធានាធិបតី លោក Moon Jae-in។

វិធានការគ្រប់គ្រងតម្រូវការជាច្រើនឆ្នាំ ដែលត្រូវបានដាក់ឱ្យអនុវត្តដោយរដ្ឋបាល លោក Moon ក្នុងការដាក់ពន្ធកាន់តែធ្ងន់លើម្ចាស់ផ្ទះ ដែលមានតម្លៃថ្លៃ និងច្រើន គួបផ្សំនឹងបទប្បញ្ញត្តិនៃការខ្ចីប្រាក់ ដែលបានដាក់ចេញ ដើម្បីទប់ស្កាត់ការកើនឡើងតម្លៃផ្ទះ ត្រូវបានគេចងចាំថា ជាកំហុសគោលនយោបាយដ៏បំផ្លិចបំផ្លាញបំផុត របស់រដ្ឋបាលរបស់លោក Moon។

វិធីសាស្រ្តបរាជ័យរបស់កូរ៉េខាងត្បូង នៅលើទីផ្សារអចលនទ្រព្យមានភាពខុសប្លែកគ្នាយ៉ាងខ្លាំង ពីដៃគូរបស់ខ្លួន ដែលស្ទើរតែទាំងអស់នៃគោលនយោបាយពន្ធ ត្រូវបានបន្ធូរបន្ថយចាប់តាំងពីជំងឺកូវីដ-១៩។

យោងតាមទិន្នន័យពីតំណាងរាស្រ្ត លោក Yoo Gyeong-joon នៃគណបក្សអំណាចប្រជាជន ដែលកំពុងកាន់អំណាចបានបង្ហាញពីបន្ទុក ដែលត្រូវបានវាស់វែង ដោយពន្ធលើអចលនទ្រព្យ បានស្ថិតក្នុងរង្វង់៤,៥០២ភាគរយ ក្នុងឆ្នាំ២០២១ ដែលជាចំនួនខ្ពស់បំផុតក្នុងចំណោមប្រទេសសមាជិក OECD ចំនួន៣៨ ហើយតួលេខនេះមិនរាប់បញ្ចូលពន្ធលើប្រាក់ចំណេញមូលធននោះទេ។

សមាជិកសភារូបនេះបញ្ជាក់ថា ការកើនឡើងយ៉ាងឆាប់រហ័សនៃពន្ធលើអចលនទ្រព្យ គួរតែត្រូវបានបន្ទាប់មកត្រឹម កម្រិតស្រដៀងនឹងមុនពេលដែលលោក Moon Jae-in ចូលកាន់តំណែង ហើយនេះជាអាទិភាពមួយ ដែលគួរតែគិតគូរឱ្យបានឆាប់រហ័ស អំពីពន្ធដ៏ច្រើនលើសលប់របស់ប្រទេសកូរ៉េខាងត្បូង៕

កម្ពុជានិងម៉ាល់ឌីវ ព្រមព្រៀងលើកលែងទិដ្ឋាការ ៣០ថ្ងៃ ប្រជាជនប្រទេសទាំងពីរ

ដោយ៖ សុផារី

ភ្នំពេញ៖ ប្រទេសកម្ពុជា និងម៉ាល់ឌីវ បានសម្រេចលើកិច្ចព្រមព្រៀង លើកលែងទិដ្ឋាការទៅវិញទៅមក ដោយប្រជាជនកម្ពុជា និងប្រជាជនម៉ាល់ឌីវ នឹងអាចធ្វើដំណើរដោយសេរី ដោយមិនចាំបាច់មានទិដ្ឋាការ សម្រាប់រយៈពេល ៣០ថ្ងៃ។

នេះបើតាមការប្រកាសរបស់ប្រធានាធិបតី នៃសាធារណរដ្ឋម៉ាល់ឌីវ លោក មហាម៉េត អ៉ីប្រាហ៉ីម សាឡេះ (Ibrahim Mohamed Solih) ពេលអញ្ជើញធ្វើសន្និសីទព័ត៌មានរួមគ្នា ជាមួយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១៦ ខែមករា ឆ្នាំ២០២៣។

កិច្ចព្រមព្រៀងរវាងរាជរដ្ឋាភិបាល នៃព្រះរាជាណាចក្រកម្ពុជា និង រដ្ឋាភិបាលនៃសាធារណរដ្ឋម៉ាល់ឌីវ ស្តីពីការលើកលែងទិដ្ឋាការចំពោះ អ្នកកាន់លិខិតឆ្លងដែនការទូត ផ្លូវការ និងធម្មតា ត្រូវបានចុះហត្ថលេខានៅព្រឹកថ្ងៃទី១៦ ខែមករា ឆ្នាំ២០២៣។

លោក អ៊ីប្រាហ៊ីម ម៉ូហាមេដ សូលី មានប្រសាសន៍ថា “ខ្ញុំមានការរីករាយ ដែលយើងអាចសម្រេចបាននូវកិច្ចព្រមព្រៀងលើកលែងទិដ្ឋាការ រវាងប្រទេសយើងទាំងពីរ ប្រជាជនម៉ាល់ឌីវ និងប្រជាជនកម្ពុជា នឹងអាចធ្វើដំណើរដោយសេរី ដោយមិនចាំបាច់មានទិដ្ឋាការ សម្រាប់រយៈពេល៣០ថ្ងៃ”។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងដែរថា ទិដ្ឋភាពនៅប្រទេសម៉ាល់ឌីវ ពិតជាមានភាពអស្ចារ្យនៅក្នុងមហាសាគររបស់មហាសមុទ្រឥណ្ឌា ដែលមានមជ្ឈមណ្ឌលទេសចរណ៍ដ៏គួរឲ្យទាក់ទាញ។

សម្ដេចតេជោ ហ៊ុន សែន បានថ្លែងបន្តថា សម្ដេច និងប្រធានាធិបតីម៉ាល់ឌីវ បានពិភាក្សាគ្នាដោយផ្ដោតការយកចិត្តទុកដាក់ទៅលើវិស័យទេសចរណ៍ ដោយមិនគ្រាន់តែប្រជាជនកម្ពុជា ធ្វើដំណើរមកកាន់ប្រទេសម៉ាល់ឌីវ និងប្រជាជនម៉ាល់ឌីវ មកកាន់ប្រទេសកម្ពុជាប៉ុណ្ណោះទេ តែក៏ផ្តោតការយកចិត្តទុកដាក់ទៅអ្នកដែលបានទស្សនកិច្ចនៅកម្ពុជា ហើយបន្តមកកាន់ប្រទេសម៉ាល់ឌីវទៀត។

សម្ដេចតេជោ ហ៊ុន សែន បានថ្លែងបែបនេះថា “ក៏ប៉ុន្តែផ្ដោតការយកចិត្តទុកដាក់ ទៅលើអ្នកដែលទស្សនកិច្ចនៅកម្ពុជា ទៅលើប្រាង្គប្រាសាទនានា ក៏ប៉ុន្តែបន្ទាប់ទៅគេអាចមកកាន់ម៉ាល់ឌីវ គឺដើម្បីងូតទឹក និងលំហែរកាយនៅមាត់សមុទ្រ ឬក៏អ្នកដែលមកដល់ម៉ាល់ឌីវ គឺងូតទឹក និងលំហែរកាយនៅទីនេះ ហើយក៏ចង់ទៅមើលប្រាង្គប្រាសាទ គេអាចធ្វើដំណើរទៅទីនោះ ដូច្នេះយើងក្លាយទៅជាកញ្ចប់ទេសចរណ៍រួម ហើយដែលអាចប្រើប្រាស់វីសាៗ វីសាមួយគោលដៅពីរ ពីរប្រទេសដែលអាចប្រើបាន ដែលយើងនឹងសិក្សាអំពីបញ្ហានេះជាបន្តទៀត”៕

ដំណើរទស្សនកិច្ចរបស់សម្តេចតេជោនឹងធ្វើឲ្យទំហំពាណិជ្ជកម្មកម្ពុជា ម៉ាល់ឌីវប្រសើរឡើង

ដោយៈគង់ សូរិយា

ភ្នំពេញៈ កម្ពុជារំពឹងថាទំនាក់ទំនងពាណិជ្ជកម្ម ពិសេសវិស័យទេសចរណ៍ជាមួយម៉ាល់ឌីវ នឹងកាន់តែល្អ ខណៈក្រុមអ្នកជំនួញកម្ពុជានឹងរៀបចំជំនួបជាមួយវិនិយោគិនម៉ាល់ឌីវ ក្នុងអំឡុងដំណើរទស្សនកិច្ចរបស់លោកនាយករដ្ឋមន្ត្រី ហ៊ុន សែន ទៅកាន់ប្រទេសម៉ាល់ឌីវ។

សម្តេចតេជោហ៊ុន សែន នឹងបាននិងកំពុងធ្វើទស្សនកិច្ចនៅប្រទេសម៉ាល់ឌីវ ចាប់ពីថ្ងៃទី ១៥ ដល់ ១៧ ខែមករា ឆ្នាំ ២០២៣។

សេចក្តីប្រកាសព័ត៌មានរបស់សភាពាណិជ្ជកម្មកម្ពុជា (CCC) កាលពីថ្ងៃទី ១៥ ខែមករា ឱ្យដឹងថា ក្នុងបេសកកម្មអមដំណើរថ្នាក់ដឹកនាំរដ្ឋាភិបាលកម្ពុជា សភាពាណិជ្ជកម្មកម្ពុជា ដែលដឹកនាំដោយលោក គិត ម៉េង ប្រធានសភាពាណិជ្ជកម្មកម្ពុជា ក្រោមកិច្ចសហការជាមួយក្រសួងអភិវឌ្ឍន៍សេដ្ឋកិច្ច សាធារណរដ្ឋម៉ាល់ឌីវ នឹងរៀបចំវេទិកាធុរកិច្ច កម្ពុជា-ម៉ាល់ឌីវ ដែលប្រព្រឹត្តទៅនៅថ្ងៃទី១៦ ខែមករា នៅក្រោមអធិបតីភាព លោក Fayyaz Ismail រដ្ឋមន្ត្រីក្រសួងអភិវឌ្ឍន៍សេដ្ឋកិច្ចសាធារណរដ្ឋម៉ាល់ឌីវ។

សេចក្តីប្រកាសព័ត៌មាន បានបន្តថា វេទិកាធុរកិច្ចនេះ នឹងផ្តោតទៅលើការជំរុញទំនាក់ទំនងធុរកិច្ចរវាងប្រទេសទាំង២ និងមានការពិភាក្សាផ្លាស់ប្តូរយោបល់អំពីកាលានុវត្តភាព បរិយាកាសវិនិយោគ និងវិស័យសក្តានុពលផងដែរ ដោយមានការចូលរួមពីមន្ត្រីជាន់ខ្ពស់ នៃក្រសួងអភិវឌ្ឍន៍សេដ្ឋកិច្ចម៉ាល់ឌីវ ធុរជនម៉ាល់ឌីវ និងកម្ពុជា។

តាមរយៈជំនួបនេះ សភាពាណិជ្ជកម្មកម្ពុជា នឹងចុះអនុស្សរណៈយោគយល់ជាមួយសភាពាណិជ្ជកម្ម និងឧស្សាហកម្ម ប្រទេសម៉ាល់ឌីវ។

សេចក្តីប្រកាសព័ត៌មានរបស់ CCC បានបញ្ជាក់ថា “អនុស្សរណៈនេះ គឺមានគោលបំណងជំរុញ និងលើកកម្ពស់កិច្ចសហប្រតិបត្តិការឧស្សាហកម្ម ធុរកិច្ច និងសេដ្ឋកិច្ច រវាងកម្ពុជា និងសាធារណរដ្ឋម៉ាល់ឌីវ”។

អគ្គនាយក CCC លោក ងួន ម៉េងតិច បានមានប្រសាសន៍ឲ្យដឹង ថា វេទិកាធុរកិច្ច កម្ពុជា-ម៉ាល់ឌីវ អំឡុងដំណើរទស្សនកិច្ចរបស់លោកនាយករដ្ឋមន្ត្រី ហ៊ុន សែន នឹងចូលរួមចំណែកយ៉ាងច្រើន ក្នុងការជំរុញកិច្ចសហប្រតិបត្តិការលើគ្រប់វិស័យ រវាងប្រទេសទាំង ២ ពិសេសវិស័យទេសចរណ៍។

លោកបន្តថា “ជារៀងរាល់ឆ្នាំប្រទេសដែនកោះមួយនេះ តែងតែទាក់ទាញអ្នកទេសចរអន្តរជាតិបានជាច្រើន ដូច្នេះកម្ពុជាដែលជាប្រទេសមានសក្តានុពលទេសចរណ៍ ក៏អាចបង្កើនការផ្សព្វផ្សាយ នឹងទាក់ទាញភ្ញៀវទេសចរជាមួយនឹងប្រទេសម៉ាល់ឌីវផងដែរ”។លោកបញ្ជាក់ថា “តាមរយៈទំនាក់ទំនងនេះ យើងក៏អាចទាក់ទាញភ្ញៀវពីម៉ាល់ឌីវ ឱ្យធ្វើដំណើរបន្តមកទស្សនាតំបន់ប្រាសាទ និងធម្មជាតិនៅក្នុងប្រទេសកម្ពុជាផងដែរ”៕

តើទីក្រុងឆ្នេរសមុទ្រព្រះសីហនុនឹងក្លាយទៅជាមជ្ឈមណ្ឌលសេដ្ឋកិច្ច ពហុបំណងមែនឬ?

ដោយ: គង់ លាងហួរ

ភ្នំពេញ: ខណៈរដ្ឋបាលខេត្តព្រះសីហនុបានអះអាងថា ក្រុងព្រះសីហនុ ត្រូវបានបោសសម្អាតគ្រប់ផ្នែកឧក្រិដ្ឋកម្ម តើទីក្រុងឆ្នេរសមុទ្រ និងខេត្តនេះអាចប្រែក្លាយ ទៅជាមជ្ឈមណ្ឌលសេដ្ឋកិច្ចរស់រវើក ដូចការគ្រោងទុកក្នុងផែនការមេដែរឬទេ?។

ជើងហោះហើរ ដែលបានគ្រោងទុកទៅកាន់ក្រុងព្រះសីហនុ ពីបណ្តាទីក្រុងរបស់ប្រទេសចិនបានផ្អាក នៅត្រីមាសទី១ ឆ្នាំ២០២០។

ការចាប់ផ្តើមឡើងវិញនៃសេវាកម្មផ្លូវអាកាស រវាងទីក្រុងគុនមីង និងទីក្រុងព្រះសីហនុ នៅថ្ងៃទី២០ ខែមករា គឺជាសញ្ញាវិជ្ជមាន ដែលបង្ហាញថាជើងហោះហើរកាន់តែច្រើនមកពីប្រទេសចិន អាចនឹងធ្វើដំណើរមកនៅក្នុងប៉ុន្មានខែខាងមុខនេះ។

ដោយយកគំរូតាមទីក្រុង Shenzhen របស់ប្រទេសចិន ទីក្រុងឆ្នេរសមុទ្រព្រះសីហនុ មានការផ្លាស់ប្តូរយ៉ាងឆាប់រហ័ស ជាពិសេសនៅក្នុងប៉ុន្មានទសវត្សរ៍ចុងក្រោយនេះ ហើយបានកំណត់ប្រែក្លាយខ្លួន ជាទិសដៅឈានមុខគេសម្រាប់មិនត្រឹមតែ ភ្ញៀវទេសចរប៉ុណ្ណោះទេ ប៉ុន្តែសម្រាប់វិនិយោគិនផងដែរ។

ប្រតិបត្តិករកាស៊ីណូមួយចំនួនមកពីប្រទេសចិន គឺជាវិនិយោគិនបរទេសដំបូងគេ ដែលទាញយកអត្ថប្រយោជន៍ពីឱកាស វិនិយោគរបស់ទីក្រុងព្រះសីហនុនេះ។

អាជ្ញាប័ណ្ណមានភាពងាយស្រួល ក្នុងការទទួលបាន ដើម្បីចាប់ផ្តើមកាស៊ីណូ ដោយគេអាចមើលឃើញការកើនឡើងយ៉ាងឆាប់រហ័ស នៃការសាងសង់អគារ ហើយភ្ញៀវទេសចរណ៍ ក៏បានសម្រុកមកកាន់ទីក្រុងនេះ ក្នុងចំនួនដ៏ច្រើនសន្ធឹកសន្ធាប់ផងដែរ។

ទោះបីជាយ៉ាងនេះក្តី ការហាមប្រាមលើល្បែងអនឡាញ ដែលចូលជាធរមានកាលពីថ្ងៃទី០១ ខែមករា ឆ្នាំ២០២០ បានផ្លាស់ប្តូរសេណារីយ៉ូយ៉ាងខ្លាំង។

គេប៉ាន់ប្រមាណថា ជនជាតិចិនប្រហែល២០០.០០០នាក់ បានចាកចេញពីទីក្រុងនេះ បន្ទាប់ពីមានការហាមឃាត់ ហើយអគារជាង១.០០០អគារ ដែលកំពុងសាងសង់ត្រូវបានទុកចោល។

ទោះបីជាមានការហាមប្រាមយ៉ាងនេះក្តី ប៉ុន្តែល្បែងស៊ីសងតាមប្រព័ន្ធអុីនធឺណែតដែលគ្មានការអនុញ្ញាត នៅតែបន្តកើតមាន ហើយក្រុមឧក្រិដ្ឋជនក៏មានការកើនឡើងផងដែរ។

ក្រុមក្មេងទំនើងមួយចំនួន ក៏បានប្រើការបោកប្រាស់តាមអ៉ីនធឺណិត ដោយប្រើប្រាស់បុគ្គលិក ដែលនាំមកពីប្រទេសថៃ និងវៀតណាម។

លើសពីនេះ ការបើកសម្ពោធផ្លូវល្បឿនលឿនតម្លៃ២ពាន់លានដុល្លារ តភ្ជាប់ពីភ្នំពេញ និងខេត្តព្រះសីហនុ ក៏បង្កើនល្បឿននៃចលនាទំនិញ និងមនុស្សផងដែរ។

លោកTom O’Sullivan នាយកប្រតិបត្តិនៃrealestate.com.kh បានមានប្រសាសន៍ថា លំហូរវិនិយោគផ្នែកអចលនទ្រព្យក៏កំពុងវិលត្រលប់មកកាន់ទីក្រុងនេះវិញផងដែរ ហើយខេត្តព្រះសីហនុ នឹងក្លាយជាទីផ្សារដ៏គួរឱ្យរំភើបបំផុតមួយនៅក្នុងតំបន់ ក្នុងរយៈពេលប៉ុន្មានឆ្នាំខាងមុខនេះ។

លោក Tom O’Sullivan បញ្ជាក់ថា ខេត្តព្រះសីហនុ នឹងមានការកើនឡើងនៃសកម្មភាព សម្រាប់វិស័យអចលនទ្រព្យនៅឆ្នាំ២០២៣ ដែលជំរុញដោយការកើនឡើងនៃសកម្មភាពផលិតកម្ម និងពាណិជ្ជកម្ម ជាពិសេសកំណើន នៅក្នុងតំបន់សេដ្ឋកិច្ចពិសេសខេត្តព្រះសីហនុ (SSEZ)។

ដំណឹងដ៏គួរឲ្យរីករាយមួយ ក៏បានប្រកាសកាលពីសប្តាហ៍មុនដោយប្រមុខរាជរដ្ឋាភិបាលកម្ពុជា។

សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងក្នុងជំនួបជាមួយអ្នកសារព៌តមានចំនួនជាង៥០០០នាក់ នៅទីក្រុងកោះពេជ្រកាលពីចុងសប្តាហ៍មុនថា ក្នុងដំណើរទស្សនកិច្ចរបស់សម្តេចទៅកាន់ប្រទេចិននាថ្ងៃទី៩ និង១០ កុម្ភៈខាងមុខ នឹងមានការលើកឡើងនូវផែនការអភិវឌ្ឈន៍នៅកម្ពុជាមួយចំនួនផងដែរ ក្នុងនោះគំរោងសាងសង់ខ្សែរថភ្លើង ល្បឿនលឿនភ្នំពេញ ព្រះសីហនុនឹងត្រូវលើកឡើងផងដែរ៕

1...1,0901,0911,092...3,260 Page 1,091 of 3,260