សុខុម

បាងកក: គណៈកម្មការនិយ័តកម្មថាមពល (ERC) នៃប្រទេសថៃ កំពុងលើកទឹកចិត្តឱ្យពលរដ្ឋផលិតអគ្គិសនីពីសូឡាលើដំបូលផ្ទះ តាមរយៈការសម្របសម្រួលដំណើរការរៀបចំដំឡើងប្រព័ន្ធថាមពលសូឡា ដើម្បីឱ្យម្ចាស់ផ្ទះមានលទ្ធភាពលក់អគ្គិសនី ពីបន្ទះសូឡាលើដំបូលផ្ទះ ឱ្យទៅរដ្ឋាភិបាល។

លោក Khomgrich Tantravanich អគ្គលេខាធិការនៃគណៈកម្មការនិយ័តកម្មថាមពល (ERC)  លើកឡើងកាលពីថ្ងៃអង្គារ ទី១១ ខែតុលា ពេលវេលាដែលត្រូវការសម្រាប់តភ្ជាប់បណ្ដាញសូឡា ជាមួយបណ្ដាញអគ្គិសនីរដ្ឋ ដែលដំណើរការ ដោយអាជ្ញាធរអគ្គិសនីក្រុង (MEA) និងអាជ្ញាធរអគ្គិសនីខេត្ត (PEA) ដែលជាបុត្រសម្ព័ន្ធចែកចាយអគ្គិសនីរដ្ឋ នឹងត្រូវកាត់បន្ថយបានច្រើន។

អគ្គលេខាធិការរូបបញ្ជាក់ថា ជាធម្មតា ការតភ្ជាប់នឹងត្រូវការពេលចន្លោះពី៩០ថ្ងៃ ទៅ១៣៥ថ្ងៃ ប៉ុន្តែពេលវេលានេះនឹងត្រូវបានកាត់បន្ថយមកនៅចន្លោះពី៣០ថ្ងៃ ទៅ៦០ថ្ងៃ។

លោកបានបន្ថែមទៀតថា គណៈកម្មការនិយ័តកម្មថាមពល (ERC) នឹងផ្ដល់ការប្រឹក្សាអំពីការដំឡើងបន្ទះសូឡា និងការថែទាំជាដើម ដើម្បីជំរុញលើកទឹកចិត្តឱ្យគ្រួសារពលរដ្ឋ ភ្ជាប់គម្រោងថាមពលសូឡា។

គណៈកម្មការនិយ័តកម្មថាមពល (ERC) ចង់ជំរុញលើកទឹកចិត្តឱ្យគ្រួសារពលរដ្ឋកាន់តែច្រើនឡើងៗជួយផលិតអគ្គិសនីពីសូឡា បន្ទាប់ពីកម្មវិធីនេះទាក់ទាញចំណាប់អារម្មណ៍ ពីសាធារណជនតិចជាងការរំពឹងទុកកាលពីឆ្នាំមុន៕

ដោយ: លាងហួរ

ប៉េកាំង: រដ្ឋលេខាធិការក្រសួងធនធានទឹក នៃប្រទេសចិន លោក Liu Weiping បានមានប្រសាសន៍ឱ្យដឹង នៅថ្ងៃអង្គារនេះថា ប្រទេសចិនបានបណ្តាក់ទុនចំនួន៨២៣,៦ពាន់លានយ័ន (ប្រហែល១១៥,៨៨ពាន់លានដុល្លារអាមេរិក) លើឧបករណ៍អភិរក្សទឹក ចាប់ពីខែមករា ដល់ខែកញ្ញា កើនឡើង៦៤,១ភាគរយ ពីមួយឆ្នាំទៅមួយឆ្នាំ។

លោក Liu បានប្រាប់សន្និសីទសារព័ត៌មានថា ក្នុងរយៈពេល៩ខែដំបូង ប្រទេសចិនបានចាប់ផ្តើមសាងសង់លើគម្រោងអភិរក្សទឹកសំខាន់ៗចំនួន៤២ ជាមួយនឹងការវិនិយោគសរុបជាង១,៩ពាន់ពាន់លានយ័ន។

លោក Liu បានបន្តថា ប្រទេសចិនបានបញ្ចប់គោលដៅប្រចាំឆ្នាំ នៃការវិនិយោគ៨០០ពាន់លានយ័ន់ នៅក្នុងគម្រោងអភិរក្សទឹករយៈពេល៣ខែ មុនការគ្រោងទុក។

លោក Liu បានបន្ថែមថា “នេះគឺដោយសារតែយើងបានប្រើប្រាស់វិធានការរក្សាស្ថិរភាពសេដ្ឋកិច្ចដ៏ល្អបំផុត និងគោលនយោបាយជាបន្តបន្ទាប់គ្នា  ហើយប្រភពហិរញ្ញវត្ថុពីប្រភពផ្សេងទៀត ដូចជា មូលបត្របំណុលពិសេសរបស់រដ្ឋបាលក្នុងស្រុក និងដើមទុនឯកជន ក៏ត្រូវបានប្រើប្រាស់បានយ៉ាងល្អផងដែរ”។

លោកបានបញ្ជាក់ថា ប្រទេសចិននឹងបន្តវិនិយោគលើការសាងសង់កន្លែងអភិរក្សទឹកនៅក្នុងត្រីមាសទី៤ ដើម្បីធានាបាននូវការវិនិយោគប្រចាំឆ្នាំរបស់ខ្លួនលើសពី១ពាន់ពាន់លានយ័ន៕

ដោយ៖ សុផារី

ភ្នំពេញ៖ លោកអគ្គនាយកក្រុមហ៊ុន តូយ៉ូតា បានសុំឱ្យរាជរដ្ឋភិបាលកម្ពុជា ពិនិត្យលទ្ធភាព ក្នុងការបន្ធូរបន្ថយពន្ធនាំចូលរថយន្តប្រភេទ Hybrid សំដៅរួមចំណែកក្នុងការជំរុញលើកទឹកចិត្តឱ្យប្រជាពលរដ្ឋកម្ពុជាងាកមកប្រើប្រាស់រថយន្ត ប្រភេទHybridឱ្យបានច្រើន។

ក្នុងជំនួបជាមួយលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី១១ ខែតុលា ឆ្នាំ២០២២ លោក Ryoji Fujita អគ្គនាយកក្រុមហ៊ុន តូយ៉ូតា ជម្រាបជូនអំពីសំណើរបស់ក្រុមហ៊ុនសុំឱ្យក្រសួងពិនិត្យលទ្ធភាព លើការសហការជាមួយក្រសួងសេដ្ឋកិច្ច និងហិរញ្ញវត្ថុ ក្នុងការបន្ធូរបន្ថយពន្ធនាំចូលរថយន្តប្រភេទ Hybrid សំដៅរួមចំណែកក្នុងការជំរុញលើកទឹកចិត្តឱ្យប្រជាពលរដ្ឋកម្ពុជាងាកមកប្រើប្រាស់រថយន្ត ប្រភេទHybridឱ្យបានច្រើន ដើម្បីកាត់បន្ថយការប្រើប្រាស់ប្រេងឥន្ធនៈ កាត់បន្ថយការបំភាយឧស្ម័នពុល ទៅក្នុងបរិយាកាស ព្រមទាំងរួមចំណែកក្នុងជួយឱ្យកម្ពុជាសម្រេចគោលដៅអព្យាក្រឹត្យកាបូន(Carbon Neutrality)នៅឆ្នាំ២០៥០ ផងដែរ។

ជាមួយគ្នានោះដែរ លោកទេសរដ្ឋមន្ត្រី បានថ្លែងអំណរគុណដល់ក្រុមហ៊ុន ដែលបានរៀបចំរោងចក្រដំឡើង រថយន្តនៅក្នុងប្រទេសកម្ពុជាដែលជាការចូលរួមចំណែកជាមួយរាជរដ្ឋាភិបាលកម្ពុជាក្នុងការបង្កើត ការងារជូនប្រជាពលរដ្ឋ កាត់បន្ថយភាពក្រីក្រ ព្រមទាំងលើកកម្ពស់វិស័យយានយន្តនៅកម្ពុជាឱ្យមានការរីកចម្រើនមួយកម្រិតទៀត។

លោកទេសរដ្ឋមន្ត្រី បានគូសបញ្ជាក់ថា ការគាំទ្រនៅក្នុងការបន្ធូរបន្ថយពន្ធនាំចូល ជាពិសេសករណីរថយន្តប្រភេទ Hybrid ដែលក្រុមហ៊ុនតូយ៉ូតាបានលើកឡើងខាងលើនេះអាចធ្វើទៅបាន លុះត្រាតែមានការស្នើសុំពិភាក្សាជាមួយនឹងក្រសួងសេដ្ឋកិច្ច និងហិរញ្ញវត្ថុ។

លោកក៏បានគូសបញ្ជាក់ពីការខិតខំប្រឹងប្រែងជំរុញការប្រើប្រាស់ យានយន្តអគ្គិសនីឱ្យបានកាន់តែទូលំទូលាយនៅកម្ពុជា ដើម្បីចូលរួមចំណែកកាត់បន្ថយការបំពុលបរិស្ថាន តាមរយៈគម្រោងដំឡើងស្ថានីយបញ្ចូលថាមពលរថយន្តអគ្គិសនីនៅតាមបណ្តារាជធានី-ខេត្ត ក៏ដូចជាជំរុញលើកទឹកចិត្ត និងទាក់ទាញការចាប់អារម្មណ៍ឱ្យមានការប្រើប្រាស់យានយន្តអគ្គិសនីពីសំណាក់សាធារណជនទូទៅ និងស្វែងរកកិច្ចសហការ ជាមួយក្រុមហ៊ុននានា ដើម្បីជំរុញការដំឡើង ស្ថានីយបញ្ចូលថាមពលអគ្គិសនីឱ្យបានច្រើនបន្ថែមទៀតទូទាំងផ្ទៃប្រទេស។

ក្រុមហ៊ុនតូយ៉ូតា (ខេមបូឌា)គឺជាក្រុមហ៊ុននាំចូល និងចែកចាយផ្តាច់មុខ សម្រាប់យានយន្តតូយ៉ូតា  គ្រឿងបន្លាស់ និងសេវាកម្មទាំងអស់នៅក្នុងប្រទេសកម្ពុជា។ ចាប់តាំងពីការឈានជើងចូលមកដំណើរការក្នុងប្រទេសកម្ពុជា កាលពីឆ្នាំ១៩៩៣ មកទល់សព្វថ្ងៃ ក្រុមហ៊ុនបានបើកដំណើរការសាខាចំនួន០៥ នៅទូទាំងប្រទេសព្រមទាំងបន្តការកែលម្អឥតឈប់ឈរ និងផ្តល់នូវផលិតផល ក៏ដូចជាសេវាកម្មដែលមានគុណភាពល្អ ដល់អតិថិជនទាំងអស់ជាបន្តបន្ទាប់ ហើយតាមតថភាពជាក់ស្តែង រថយន្តដែលទទួលបានការនិយមប្រើប្រាស់ច្រើនជាងគេក្នុងសង្គមកម្ពុជាគឺ រថយន្តម៉ាកតូយ៉ូតា៕

ដោយ៖ វឌ្ឍនៈ

ភ្នំពេញ ៖ គម្រោងសាងសង់ផ្លូវក្រវ៉ាត់ក្រុងទី៣ ស្ទើរតែរួចរាល់១០០ភាគរយទៅហើយ ហើយ បានជំរុញឱ្យតម្លៃដីធ្លី និងការអភិវឌ្ឍជុំវិញនោះកើនឡើងមួយកម្រិត។ ប៉ុន្តែរហូតមកដល់ពេលនេះ តម្លៃដីធ្លីនៅតាមបណ្ដោយផ្លូវក្រវ៉ាត់ក្រុងទី៣ មិនមានការប្រែប្រួលឡើយ គឺស្ថិតនៅក្នុងសភាពទ្រឹង ក្នុងឆ្នាំ២០២២នេះ។

អ្នកនាង គឹម គិនកេសា អ្នកគ្រប់គ្រុងជាន់ខ្ពស់នៃក្រុមហ៊ុនCBRE Cambodia បានឱ្យដឹងថា បើតាមការសង្កេតជាក់ស្ដែងតម្លៃ នៅតាមបណ្ដោយផ្លូវក្រវ៉ាត់ក្រុងទី៣ បានឡើងថ្លៃរួចទៅហើយ កាលពីគម្រោងនេះចាប់ផ្ដើមអភិវឌ្ឍន៍ដំបូងៗ ហើយក៏បានបន្តឡើងថ្លៃជាបន្តបន្ទាប់ និងមានការអភិវឌ្ឍដូចជាលំនៅឋាន រោងចក្រឧស្សាហកម្ម។ ប៉ុន្តែមកដល់ពេលនេះ តំបន់តាមបណ្ដោយផ្លូវក្រវ៉ាត់ក្រុងទី៣ស្ថិតនៅក្នុងសភាពទ្រឹង។

អ្នកនាងបន្តថា “តំបន់ទាំងនោះមិនអាចឡើងថ្លៃបន្តទៀតបាននៅឡើយទេ ពីព្រោះក្នុងរយៈពេលជិត៣ឆ្នាំ ដែលពិភពលោកបានជួបនឹងវិបត្តិកូវីដ១៩ ហើយមកដល់ឆ្នាំ២០២២នេះក៏ជួបនឹងវិបត្តិសង្គ្រាមរវាងរុស្ស៊ី និងអ៊ុយក្រែនផង ដូច្នេះហើយតម្លៃដីធ្លីនឹងពិបាកឡើងថ្លៃបន្តទៀតណាស់”។

អ្នកនាងបន្ថែមថា “តំបន់តាមបណ្ដោយផ្លូវនោះ ជាតំបន់អភិវឌ្ឍន៍ទៅលើឧស្សាហកម្ម និងលំនៅឋានតិចតួច។ ដូច្នេះ ដីធ្លីសម្រាប់អភិវឌ្ឍន៍ឧស្សាហកម្មមិនអាចឡើងថ្លៃបានខ្ពស់បន្ថែមទៀតទេ លុះត្រាតែតំបន់នោះមានការអភិវឌ្ឍជាអ្វីបន្ថែមទៀត ទើបតម្លៃដីធ្លីបន្តឡើងថ្លៃ”។

អ្នកស្រី អាន សុធីតា នាយិកាប្រតិបត្តិក្រុមហ៊ុន  PropNex Cambodia ក៏បានលើកឡើងថា តំបន់ប៉ែកខាងត្បូងជាពិសេសនៅតំបន់ផ្លូវក្រវ៉ាត់ក្រុង ក្នុងរយៈពេល៥ឆ្នាំទៅមុខទៀត មិនអាចឡើងថ្លៃខ្ពស់ទៀតនោះទេ គឺតម្លៃឡើងក្នុងកម្រិតតិចតួចប៉ុណ្ណោះ ពីព្រោះថាដីធ្លីនៅតំបន់នេះ វាបានឡើងថ្លៃរួចទៅហើយ កាលពីមានការអភិវឌ្ឍហេដ្ឋារចនាសម្ព័ន្ធដំបូងៗ ហើយតំបន់នោះក៏ជាតំបន់អភិវឌ្ឍជាឧស្សាហកម្ម ដែលដីធ្លីអាចនឹងឡើងថ្លៃក្នុងកម្រិតតិចតួច។

លោក ប៉ូវ អ៊ាវគង់ អគ្គនាយកក្រុមហ៊ុន Advance បានមានប្រសាសន៍ថា តម្លៃដីធ្លីនៅតាមបណ្ដោយផ្លូវក្រវ៉ាត់ក្រុងទី៣ បែងចែកទៅតាមកំណាត់នីមួយៗ។ ក្នុងនោះ ផ្លូវកប់ស្រូវ ឬវិថីឈ្នះៗជាតំបន់ ដែលមានការទាក់ទាញ ហើយតម្លៃដីធ្លីក៏ខ្ពស់ជាងកំណាត់ផ្លូវនៅតំបន់ផ្សេងៗផងដែរ៕

HÀ NỘI — The capital city of Hà Nội is planning to develop satellite urban areas as part of an effort to widen local space and ease the increasing pressure from overcrowding in the inner core.

In its development plan for 2030, with a vision towards 2050, Hà Nội plans to establish five satellite urban areas, namely Sơn Tây, Hoà Lạc, Xuân Mai, Phú Xuyên, and Sóc Sơn, covering a total of 25,000ha.

The move aims to reduce traffic congestion and pollution, and enhance a balanced development between the city centre and the suburbs, while contributing to the promotion of Hà Nội’s industrialisation and linkages with regional provinces.

However, after years of planning, these areas have yet completely taken shape.

Situated across the districts of Thạch Thất, Quốc Oai as well as Sơn Tây Township, Hoà Lạc is the largest and oldest among the five suburbs with 17,274ha and a population of around 600,000. It includes a campus of Việt Nam National University, Hà Nội and the renowned Hoà Lạc Hi-tech Park.

It is home to numerous leading Vietnamese corporations, such as Viettel, VNPT, FPT and TH Group, as well as major foreign investors, particularly those from the Republic of Korea and Japan.

These projects have occupied just a small part of its total area while the majority is yet to be cleared. Additionally, an absence of fully developed infrastructure, especially in terms of transport, has led to a lack of proper connectivity between Hoà Lạc and other regions.

Phú Xuyên satellite area is expected to be the city’s hub for industry and services in the south, and will house ports and logistics centres. It is also being developed as a multi-functional urban area for education, healthcare, entertainment, and trade services to foster the urbanisation of southern Hà Nội, but it looks nothing like the modern urban area of the plan that was released a decade ago.

According to Lã Hồng Sơn, deputy head of the bureau for planning and management of satellite cities and rural development under the Hà Nội Authority for Urban Planning and Architecture, looking at worldwide practices, regional planning and satellite urban models have proved effective in addressing long-term urban problems.

They have encouraged the relocation of inner-city dwellers to satellite cities, reduced overcrowding in the inner districts and resolved many issues of the core city which has been overwhelmed with severe traffic, pollution and a lack of schools, he said.

Source: Vietnam News

ដោយ៖ សុផារី

ភ្នំពេញ៖ កំណើនសេដ្ឋកិច្ចកម្ពុជាគាំទ្រដោយវិស័យជាច្រើន ក្នុងនោះ វិស័យអចលនទ្រព្យបានរួមចំណែកយ៉ាងសំខាន់។ អ្នកជំនាញអចលនទ្រព្យ បានព្យាករណ៍ថា ទោះបីជាកំណើនសេដ្ឋកិច្ចចាប់ផ្តើមមានការងើបឡើងវិញបណ្តើរៗក្តី ក៏វិស័យអចលនទ្រព្យត្រូវរង់ចាំរយៈវេលាមួយរយៈសិន ទើបអាចងើបឡើងពេញលេញ និងត្រលប់មកស្ថានភាពដូចមុនវិបត្តិវិញ។

អ្នកនាង គឹម គិនកេសា ប្រធានផ្នែកស្រាវជ្រាវ និងប្រឹក្សាយោបល់ នៃក្រុមហ៊ុន CBRE Cambodia បានមានប្រសាន៍កាលពីថ្ងៃទី០៦ ខែតុលា ឆ្នាំ២០២២ថា ការងើបឡើងវិញនៃវិស័យ​អចលន​ទ្រព្យ ត្រូវការពេលពីមួយឆ្នាំ ទៅពីរឆ្នាំ ក្រោយពេលដែលសេដ្ឋកិច្ចនៅក្នុងប្រទេសមានកំណើនជាបណ្តើរៗ។

សញ្ញានៃការងើបឡើងវិញ នៃវិស័យសេដ្ឋកិច្ចនេះ អាចរំពឹងថា វិស័យអចលនទ្រព្យ ក៏មានសញ្ញាល្អដូចគ្នា។ ស្របពេល​ដែលវិស័យអចលនទ្រព្យ នៅមានកំណើនទាប អ្នកនាង គិនកេសា បានសង្កត់ធ្ងន់ថា នេះគឺជាឱកាសសម្រាប់អ្នក​វិនិយោគ​ទិញដី ឬគម្រោងធំៗ ដើម្បីអភិវឌ្ឍចំណេញនៅពេលទីផ្សារងើបឡើងខ្លាំងនាពេលខាងមុខ។​

អ្នកជំនាញរូបនេះ ឱ្យដឹងថា តម្លៃនៅក្នុងវិស័យអចលនទ្រព្យ គឺពឹងផ្អែកទៅលើដំណើរការចរន្តសេដ្ឋកិច្ច។ ក្នុងនោះ វិស័យអចលនទ្រព្យកម្ពុជាចាំបាច់ត្រូវការរយៈពេលប្រហែលជា២ឆ្នាំ ក្រោយទីផ្សារសេដ្ឋកិច្ចកម្ពុជាទាំងមូលមានកំណើនឡើងវិញ។

អ្នកនាងគិនកេសា បានគូសបញ្ជាក់ថា “កន្លងមក នៅពេលដែលសេដ្ឋកិច្ចថមថយល្បឿន នៅក្នុងវិស័យអចលនទ្រព្យក៏​មានការ​ថមថយល្បឿនប្រហែល ១ឆ្នាំ ទៅ១ឆ្នាំកន្លះ បន្ទាប់ពីការថមថយនៃវិស័យសេដ្ឋកិច្ចទៅមុខទៀតក៏ដូចគ្នា នៅពេល​ដែលសេដ្ឋកិច្ចចាប់ផ្តើមងើបឡើងវិញ យើងរំពឹងថា វិស័យអចលនទ្រព្យប្រើរយៈពេល ១ឆ្នាំទៅ ២ឆ្នាំ ទម្រាំតែវិស័យនេះ មានកំណើនឡើងវិញ”។

របាយការណ៍ប្រចាំឆមាសទី១ ឆ្នាំ២០២២ របស់ធនាគារជាតិនៃកម្ពុជា បានបង្ហាញថា គិតត្រឹមឆមាសទី១ នៃឆ្នាំ២០២២កន្លងមក ការវិនិយោគក្នុងវិស័យសំណង់អចលនទ្រព្យ​ ទទួលបានកំណើនវិជ្ជមានឡើងវិញ ប៉ុន្តែល្បឿននៃការវិនិយោគហាក់មានភាពយឺតយ៉ាវនៅឡើយ បន្ទាប់ពីទទួលរងផល​ប៉ះពាល់ដោយសារកូវីដ១៩។​

ធនាគារជាតិនៃកម្ពុជា បានបញ្ជាក់ថា វិស័យសំណង់ អចលនទ្រព្យ ទទួលបានកំណើនវិជ្ជមានឡើងវិញនាពេលនេះ គឺដោយសារការងើបឡើង វិញនៃរំហូរវិនិយោគបរទេស កំណើនឥណទានទៅកាន់វិស័យសំណង់ ការកើនឡើងវិញនៃប្រាក់ចំណូលក្នុងស្រុក និងការងើបឡើងវិញជាបណ្តើរៗនៃកំណើនភ្ញៀរទេសចរណ៍អន្តរជាតិ។

យ៉ាងណាក្តី គម្រោងសាងសង់ ដែលទទួលបានការអនុម័ត បានបង្ហាញថា តម្លៃ ផ្ទៃក្រឡា និងចំនួននៃគម្រោងសំណង់ថ្មីបន្តមានកំណើនអវិជ្ជមាន ជាពិសេស ចំនួនគម្រោងពាណិជ្ជកម្ម ឧស្សាហកម្ម និងទេសចរណ៍ ដែលមានថយចុះ ៣៣,៥ភាគរយ ៣២,៦ភាគរយ និង២១,៨ភាគរយរៀងគ្នា៕

ដោយ៖ សុផារី

ក្រចេះ៖ ក្រុមហ៊ុន Xing Yuan Kanng Yeak Co., Ltd ជាក្រុមហ៊ុនថ្មីមួយទៀត បានបើកដំណើរការ​អាជីវកម្មស្ល និងចាក់ចេញជាដុំមាសជាលើកដំបូងរបស់ខ្លួននៅកម្ពុជា ដោយមានផែនការផលិត​ឱ្យបាន​៦០គីឡូក្រាម ​នៅក្នុងជំហាន៣ខែដំបូងនេះ។

លោក ស៊ុយ សែម រដ្ឋមន្រ្តីក្រសួងរ៉ែ ​និងថាមពល នៅថ្ងៃទី ១០ ខែ តុលា ឆ្នាំ ២០២២ បាន​អញ្ជើញ​ចូលរួម​ក្នុងដំណើរការកត់ត្រាទិន្នន័យស្លរ៉ែមាសលើកទី១ ​របស់ក្រុមហ៊ុន Xing Yuan Kanng Yeak Co., Ltd នៅខេត្តក្រចេះ។

​ក្នុងនោះ គឺបើកដំណើរការកត់ត្រាទិន្នន័យស្លរ៉ែមាសរបស់ខ្លួន ដោយ​បាន​កត់ត្រា​ថ្លឹងកំហាប់រ៉ែមាស ​មានទម្ងន់ជាង៧,៨ពាន់ក្រាម និងបានយកកំហាប់រ៉ែមាស​នោះទៅស្ល និងចាក់ចេញជាដុំមាស ​បានចំនួន ៧ដុំ ​ដោយមានទម្ងន់សរុបជាង៨,២ពាន់ក្រាម ដែលមានអត្រាភាពសុទ្ធប្រមាណ៩៩,៩% ។

ជុំវិញការធ្វើអាជីវកម្មស្ល និងចាក់ចេញជាដុំមាស ​សម្រាប់គម្រោងសាកល្បង ៣ខែដំបូងនេះ ក្រុមហ៊ុន Xing Yuan Kanng Yeak គ្រោងផលិតឱ្យបាន​៦០គីឡូក្រាម ​គិតត្រឹមខែធ្នូ ឆ្នាំ២០២២ ខាងមុខ​ ពោលគឺក្នុងមួយខែៗ ក្រុមហ៊ុន នឹងជម្រុញផលិតឲ្យបានក្នុងរង្វង់ប្រមាណ២០គីឡូក្រាម។

ក្រុមហ៊ុន Xing Yuan Kanng Yeak Co., Ltd ទទួលបានអាជ្ញាបណ្ណឧស្សាហកម្មអាជីវកម្មរ៉ែមាស ពីក្រសួងរ៉ែ និងថាមពល កាលពីខែសីហា ឆ្នាំ២០១៨ ​លើទំហំដីចំនួន២៨គីឡូម៉ែត្រក្រឡា ដើម្បី​ប្រតិបត្តិការអាជីវកម្មរ៉ែមាសរបស់ខ្លួនចនៅស្រុកសំបូរ​ ខេត្តក្រចេះ។

ក្រោយពីទទួលបានអាជ្ញាបណ្ណ ក្រុមហ៊ុនបានតម្លើងខ្សែសង្វាក់ផលិតកម្មអាជីវកម្មរបស់ខ្លួន តែ​ដោយ​សារតែបញ្ហាកូវីដ-១៩ ក្រុមហ៊ុនទើបតែបានបញ្ចប់ការសាងសង់ និងរៀបចំខ្សែ​សង្វាក់​ផលិតកម្ម​របស់​ខ្លួននៅក្នុងខែ ​តុលា ឆ្នាំ២០២២ នេះ។

ជុំវិញការធ្វើអាជីវកម្មរ៉ែមាស កម្ពុជាទទួលបានការធ្វើអាជីវកម្មចម្រាញរ៉ែមាស​មាន​ចំនួន ៣ ក្រុមហ៊ុន ក្នុងនោះ ក្រុមហ៊ុន រឺនីសង់ Renaissance Minerals (Cambodia) Ltd ទទួលបាន​អាជ្ញាបណ្ណរុករករ៉ែមាសពីក្រសួងរ៉ែ និងថាមពល ​ស្ថិតនៅក្នុងតំបន់អូរខ្វាវ ក្នុងស្រុកកែវសីមា ខេត្តមណ្ឌលគីរី ក្រុមហ៊ុន ឌែលខម (Delcom Cambodia )​ ជាក្រុមហ៊ុនខ្នាតមធ្យម បានធ្វើអាជីវកម្ម នៅក្នុងស្រុករវៀង​ ខេត្តព្រះវិហារ និងក្រុមហ៊ុន Xing Yuan Kanng Yeak Co., Ltd ដែលជា​ក្រុមហ៊ុនទី៣ បានចាប់ផ្តើមធ្វើអាជីវកម្មស្ល និងចាក់ចេញជាដុំមាស ​នៅក្នុងស្រុកសំបូរ ខេត្តក្រចេះ៕