ដោយៈ ស៊ីវ ម៉េង

       ភ្នំពេញៈ ទីតាំងពិតជាមានសារៈសំខាន់ណាស់ ក្នុងការរស់នៅ ពិសេ​ស ផ្តល់ភាពងាយស្រួលក្នុងជីវភាពប្រចាំថ្ងៃ ក៏ដូចជាការធ្វើដំណើរដែលមិនសូវប្រឈមនឹងបញ្ហាកកស្ទះចរាចរណ៍។

ការរស់នៅជាមួយបរិស្ថាន មានព្រែកធម្មជាតិ មានតំបន់បៃតង ដែលផ្តល់បរិយាកាសរស់នៅ ប្រកបដោយផាសុខភាព ជារសនិយមសម័យថ្មីរបស់អ្នកមានជីវភាពខ្ពស់ ឬអ្នកមានប្រាក់ច្រើន។

ការសាងសង់លំនៅដ្ឋាន ប្រកបដោយភាពយូនីកបែបClassic ដោយមិនផ្តោតការចំណេញតែមួយមុខ បាននិងកំពុងក្លាយជាទស្សនទានអភិវឌ្ឍន៍របស់សហគ្រិនវ័យក្មេង ដែលបានប្រឡូកក្នុងវិស័យនេះ រយៈពេលយូរមកហើយ។

លោកជំទាវឧកញ៉ាគង់ សំណាងអគ្គនាយិកាបុរីវិមានសំណាងបានមានប្រសាសន៍ឲ្យដឹងកាលពីសប្តាហ៍មុនថា ដោយសារភាពជាភ្នាក់ងារអចលនទ្រព្យរយៈពេលជាង១០ឆ្នាំ លោកជំទាវបានយល់ និងដឹងពីចំណង់ចំណូលចិត្តរបស់អតិថិជន ពិសេសអ្នកមានជីវភាពធូរធារថា ពួកគាត់ចង់បានអ្វី និងត្រូវការអ្វី។

លោកជំទាវបន្តថា “ហេតុនេះហើយ ទើបក្រុមហ៊ុនបានវិនិយោគ បុរីវិមានសំណាង ដោយផ្តោតលើអ្នកមានជីវភាពខ្ពស់ ប៉ុន្តែមិនដាក់ប្រាក់ចំណេញជាអាទិភាពទី១ឡើយ”។ លោកជំទាវបន្តថា “ការវិនិយោគបុរីវិមានសំណាង យើងផ្តោតលើគុណភាព សោភ័ណភាព និងបរិស្ថានរស់នៅមនោរម្យក្នុងលំនៅដ្ឋាននិមួយៗ ជាមួយការរចនា ដែលមានតម្លៃខ្ពស់ជាងលំនៅដ្ឋាននៅតាមបុរីដទៃពី២០ ទៅ៣០ភាគរយ”។

ជាមួយនឹងដងព្រែកធម្មជាតិ សួនច្បារលំហែរ ដើរហាត់ប្រាណ និងស្ទូចត្រីកំសាន្ត នៅពេលឈប់សំរាកពីការងារបាន និងកំពុងបំពេញនូវរសនិយម និងការសំរាកចុងសប្តាហ៍ បន្ទាប់ពីនឿយហត់ពីការងារ។

លោកជំទាវគង់ សំណាងបានបន្តថា ជាមួយជម្រើសវីឡាដ៏ស្កឹមស្កៃនៃគម្រោងវីឡាទោលក្នុង​​ បុរី​វិមានសំណាង​ ដែលផ្តល់ជូនលោកអ្នកនូវការរស់នៅជាមួយបរិយាកាសបែបធម្មជាតិ ឯកជនភាព ឧត្តមភាព និងភាពងាយស្រួលក្នុងការរស់នៅ និងបានរចនាឡើងសមស្របទៅដល់ការប្រើប្រាស់ជាប្រចាំ។

លោកជំទាវបន្តថា “បុរីវិមានសំណាង មិនត្រឹមតែជាផ្ទះ តែជាបណ្តុំលំនៅឋាន ដែលផ្តល់អោយលោកអ្នកនូវបែបផែន នៃការរស់នៅជាមួយធម៌ជាតិពណ៌បៃតង”៕

 ដោយៈ ស៊ីវ ម៉េង

       ភ្នំពេញៈ ទីតាំងពិតជាមានសារៈសំខាន់ណាស់ ក្នុងការរស់នៅ ពិសេ​ស ផ្តល់ភាពងាយស្រួលក្នុងជីវភាពប្រចាំថ្ងៃ ក៏ដូចជាការធ្វើដំណើរដែលមិនសូវប្រឈមនឹងបញ្ហាកកស្ទះចរាចរណ៍។

ការរស់នៅជាមួយបរិស្ថាន មានព្រែកធម្មជាតិ មានតំបន់បៃតង ដែលផ្តល់បរិយាកាសរស់នៅ ប្រកបដោយផាសុខភាព ជារសនិយមសម័យថ្មីរបស់អ្នកមានជីវភាពខ្ពស់ ឬអ្នកមានប្រាក់ច្រើន។

ការសាងសង់លំនៅដ្ឋាន ប្រកបដោយភាពយូនីកបែបClassic ដោយមិនផ្តោតការចំណេញតែមួយមុខ បាននិងកំពុងក្លាយជាទស្សនទានអភិវឌ្ឍន៍របស់សហគ្រិនវ័យក្មេង ដែលបានប្រឡូកក្នុងវិស័យនេះ រយៈពេលយូរមកហើយ។

លោកជំទាវឧកញ៉ាគង់ សំណាងអគ្គនាយិកាបុរីវិមានសំណាងបានមានប្រសាសន៍ឲ្យដឹងកាលពីសប្តាហ៍មុនថា ដោយសារភាពជាភ្នាក់ងារអចលនទ្រព្យរយៈពេលជាង១០ឆ្នាំ លោកជំទាវបានយល់ និងដឹងពីចំណង់ចំណូលចិត្តរបស់អតិថិជន ពិសេសអ្នកមានជីវភាពធូរធារថា ពួកគាត់ចង់បានអ្វី និងត្រូវការអ្វី។

លោកជំទាវបន្តថា “ហេតុនេះហើយ ទើបក្រុមហ៊ុនបានវិនិយោគ បុរីវិមានសំណាង ដោយផ្តោតលើអ្នកមានជីវភាពខ្ពស់ ប៉ុន្តែមិនដាក់ប្រាក់ចំណេញជាអាទិភាពទី១ឡើយ”។ លោកជំទាវបន្តថា “ការវិនិយោគបុរីវិមានសំណាង យើងផ្តោតលើគុណភាព សោភ័ណភាព និងបរិស្ថានរស់នៅមនោរម្យក្នុងលំនៅដ្ឋាននិមួយៗ ជាមួយការរចនា ដែលមានតម្លៃខ្ពស់ជាងលំនៅដ្ឋាននៅតាមបុរីដទៃពី២០ ទៅ៣០ភាគរយ”។

ជាមួយនឹងដងព្រែកធម្មជាតិ សួនច្បារលំហែរ ដើរហាត់ប្រាណ និងស្ទូចត្រីកំសាន្ត នៅពេលឈប់សំរាកពីការងារបាន និងកំពុងបំពេញនូវរសនិយម និងការសំរាកចុងសប្តាហ៍ បន្ទាប់ពីនឿយហត់ពីការងារ។

លោកជំទាវគង់ សំណាងបានបន្តថា ជាមួយជម្រើសវីឡាដ៏ស្កឹមស្កៃនៃគម្រោងវីឡាទោលក្នុង​​ បុរី​វិមានសំណាង​ ដែលផ្តល់ជូនលោកអ្នកនូវការរស់នៅជាមួយបរិយាកាសបែបធម្មជាតិ ឯកជនភាព ឧត្តមភាព និងភាពងាយស្រួលក្នុងការរស់នៅ និងបានរចនាឡើងសមស្របទៅដល់ការប្រើប្រាស់ជាប្រចាំ។

លោកជំទាវបន្តថា “បុរីវិមានសំណាង មិនត្រឹមតែជាផ្ទះ តែជាបណ្តុំលំនៅឋាន ដែលផ្តល់អោយលោកអ្នកនូវបែបផែន នៃការរស់នៅជាមួយធម៌ជាតិពណ៌បៃតង”៕

 ដោយៈវឌ្ឍនៈ

ភ្នំពេញៈ ការផ្ដល់កម្ចីទៅក្នុងវិស័យអចលនទ្រព្យ ក្នុងប្រទេសកម្ពុជាពី បណ្ដាធនាគារ និងគ្រឹះស្ថានហិរញ្ញវត្ថុនានាឃើញថា មានកំណើនគួរឱ្យកត់សម្គាល់ ដែលការកើនឡើងនេះ អាចបង្កជាហានិភ័យដល់វិស័យអចលនទ្រព្យផងដែរ បើសិនជាការគ្រប់គ្រងមិនបានត្រឹមត្រូវនោះ។

របាយការណ៍របស់ធនាគារពិភពលោក កន្លងមកបានបង្ហាញពីការព្រួយបារម្ភចំពោះ ការកើនឡើងនៃវិស័យអចលនទ្រព្យ នៅក្នុងប្រទេសកម្ពុជាខ្ពស់ ដែលអាចជាហានិភ័យ ពីព្រោះតែការវិនិយោគលើអចលនទ្រព្យ ក្នុងប្រទេសកម្ពុជាភាគច្រើន គឺលំហូរទុនវិនិយោគពីខាងក្រៅប្រទេស។

របាយការណ៍របស់ធនាគារពិភពលោក បានបន្តក្រើនរំលឹកដល់បណ្ដាធនាគារ ដែលផ្ដល់កម្ចីដល់វិស័យអចលនទ្រព្យ ក្នុងប្រទេសកម្ពុជា ហើយបើសិនជាវិស័យអចលនទ្រព្យ មានបញ្ហាអ្វីមួយនោះ វាក៏នឹងបង្កជាហានិភ័យដល់វិស័យហិរញ្ញវត្ថុផងដែរ ។

លោកង៉ូវ ប៊ុនថន ប្រធានផ្នែកឥណទាននៃធនាគារពាណិជ្ជឈីហ្វ បានលើកឡើងផងដែរថា វិស័យធនាគារនិងហិរញ្ញវត្ថុ និងវិស័យអចលនទ្រព្យ គឺមានទំនាក់ទំនងគ្នាដែលមិនអាចខ្វះបាន ហើយបើសិនជាការផ្ដល់កម្ចីរបស់គ្រឹះស្ថានធនាគារ និងហិរញ្ញវត្ថុទៅវិស័យអចលនទ្រព្យ និងធ្វើឱ្យវិស័យអចលនទ្រព្យរីកចម្រើន នោះវិស័យធនាគារ ក៏នឹងរីកចម្រើនដូចគ្នាដែរហើយបើសិនជាកម្ចី យកទៅប្រើប្រាស់មានបញ្ហា វាក៏នាំមកនូវបញ្ហាដល់វិស័យធនាគារនិងហិរញ្ញវត្ថុទៅជាមួយដែរ។

លោកបន្តថា “រហូតមកដល់ពេលនេះ បណ្ដាធនាគារនិងគ្រឹះស្ថានហិរញ្ញវត្ថុ នៅតែបន្តផ្ដល់កម្ចីដល់វិស័យអចលនទ្រព្យ ក្នុងនោះរួមមានកម្ចីសម្រាប់ទិញលំនៅឋាន ដែលមានចំណែកធំជាងគេ ក្នុងចំណោមអចលនទ្រព្យទាំងមូល”។លោកបន្តថា “ការបន្តផ្ដល់ឥណទានជាបន្តបន្ទាប់នេះដែរ បានជំរុញឱ្យកំណើននៃកម្ចី ក្នុងវិស័យអចលនទ្រព្យ បានកើនឡើងដូចគ្នាផងដែរ”។

ជាមួយគ្នានេះ អ្នកនាងជិន ច័ន្ទដាលុច្ស ប្រធានផ្នែកវាយតម្លៃ នៃក្រុមហ៊ុនអចលនទ្រព្យCBRE Cambodia បានថ្លែងប្រាប់តាមទូរសព្ទនៅរសៀលថ្ងៃទី២៨ កញ្ញា ២០២២ឱ្យដឹងថា ការផ្ដល់កម្ចីច្រើនលើសលប់ទៅលើវិស័យអ្វីមួយនោះ វានឹងប៉ះពាល់ជៀសមិនផុតឡើយ ហើយការផ្ដល់កម្ចីទៅដល់អចលនទ្រព្យ ក៏ត្រូវមើលដែរថាតើការយកកម្ចីនោះ ទៅប្រើប្រាស់ចំគោលដៅដែរឬទេ ។

អ្នកនាងបន្តថា “ធនាគារ និងមីក្រូហិរញ្ញវត្ថុ ក៏គួរតែមានវិធានការនិងធ្វើការវាយតម្លៃ លើអចលនទ្រព្យនោះជាប្រចាំដែរ ពីព្រោះក្នុងស្ថានភាពបែបនេះ អចលនទ្រព្យមានការប្រែប្រួលតម្លៃ ក៏មានការប្រែប្រួលនិងទាម​ទា​រឱ្យមានការវាយតម្លៃ អាចមួយឆ្នាំឬ៣ឆ្នាំឬក៏៥ឆ្នាំម្ដង”។

យ៉ាងណាក្ដីក្នុងឆ្នាំ២០២២នេះ បើទោះបីជាស្ថានភាពនៃវិស័យអចល​នទ្រព្យ មិនទាន់ត្រូវបានងើបឡើងដូចមុនវិបត្តិ តែសកម្មភាពនៃការវិនិយោគ  និងការហូរចូលនៃវិនិយោគិនបរទេស ចូលមកកម្ពុជាក៏ឃើញថាបានចាប់ផ្ដើមឡើងវិញ ជាពិសេសក្នុងរយៈពេលប៉ុន្មានខែ ចុងក្រោយនេះ ទាំងនៅរាជធានីភ្នំពេញ និងតាមបណ្ដាខេត្តសក្ដានុពលមួយចំនួន ។

ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិ លោកបណ្ឌិតម៉ី កល្យាណ បានមានប្រសាសន៍ឲ្យដឹងនាពេលកន្លងមកថា ឥណទានប្រៀបដូចជាខ្លាញ់ក្នុងខ្លួនមនុស្ស ហើយរាងកាយមនុស្សក៏ត្រូវការខ្លាញ់ ដើម្បីទ្រទ្រង់រាងកាយដែរ ប៉ុន្តែកាលណារាងកាយមានខ្លាញ់ច្រើនពេក ក៏មានបញ្ហាផងដែរ។

លោកបន្តថា “ហេតុនេះការផ្តល់ឥណទានក្នុងវិស័យនេះ ក៏គួរមានការប្រុងប្រយ័ត្ន និងថ្លឺងថ្លែងផងដែរ”៕

ដោយៈ សុផារី

ព្រះសីហនុៈ  កាលពីពេលថ្មីៗនេះ មានការលើកឡើងពីការព្រួយបារម្ភលើការធ្វើដំណើរលើផ្លូវល្បឿនលឿន ដោយសារមានប្រជាពលរដ្ឋមួយចំនួនបានព្រលែងសត្វពាហនៈដើរឆ្លងកាត់ និងដឹកសត្វពាហនៈឆ្លងកាត់ ដែលនឹងបង្កជាគ្រោះថ្នាក់ដល់ពលរដ្ឋ និងអ្នកធ្វើដំណើរ និងជាទង្វើខុសច្បាប់ផងដែរ។

មន្ត្រីជំនាញក្រសួងសាធារណការ និងដឹកជញ្ជូន បានចុះណែនាំប្រជាពលរដ្ឋ ដែលរស់នៅអមសងខាងផ្លូវល្បឿនលឿនភ្នំពេញ -ព្រះសីហនុឱ្យបញ្ឈប់សកម្មភាព កាត់របងបន្លាលួសសុវត្ថិភាព ដើម្បីឆ្លងចេញចូល និងដឹកសត្វពាហនៈ លើផ្លូវល្បឿនលឿននេះបន្តទៀត ចាប់ពីពេលនេះ ជៀងវាងបង្កគ្រោះថ្នាក់ និងរងទោសទណ្ឌតាមច្បាប់។

លោក ស៊ឹង សុគង់ អនុរដ្ឋលេខាធិការក្រសួងសាធារណការ និងដឹងជញ្ជូន បានដឹកនាំមន្ដ្រីបច្ចេកទេសក្រសួងសាធារណការ និងដឹងជញ្ជូន ដោយមានការចូលរួមពីតំណាង ក្រុមហ៊ុនសាងសង់ផ្លូវល្បឿនលឿន នៅថ្ងៃទី២៨ ខែកញ្ញានេះ បានចុះត្រួតពិនិត្យ និងអប់រំណែនាំឱ្យប្រជាពលរដ្ឋបញ្ឈប់សកម្មភាពកាត់របងបន្លាលួស សុវត្ថិភាពតាមផ្លូវល្បឿនលឿនភ្នំពេ​ញ -ព្រះសីហនុ ដើម្បីដើរឆ្លងកាត់ និងដឹកសត្វពាហនៈឆ្លងកាត់ ព្រោះកន្លងមកគណៈកម្មការដោះស្រាយផលប៉ះពាល់ បានដោះស្រាយតាមគោលការណ៍រួចរាល់ហើយ ប្រជាពលរដ្ឋទាំងនោះ ក៏បានទទួលយកថវិកាសំណងរួចរាល់ហើយដែរ។

មន្ត្រីជំនាញបានអំពាវនាវដល់ប្រជាពលរដ្ឋ ត្រូវតែបញ្ឈប់សកម្មភាព ល្មើសច្បាប់នេះជាបន្ទាន់ ហើយអាជ្ញាធរមូលដ្ឋាន ក៏ត្រូវសហការចុះធ្វើការអប់រំណែនាំបន្ថែម។

ជាមួយគ្នានេះដែរ មន្ត្រីជំនាញក៏បានជួបពិភាក្សា ជាមួយក្រុមហ៊ុនសាងសង់ ក្នុងការស្វែងរកដំណោះស្រាយ សមស្របមួយរវាងក្រុមហ៊ុន និងប្រជាពលរដ្ឋផងដែរ ខណៈប្រជាពលរដ្ឋមួយចំនួន បន្ទាប់ពីក្រុមហ៊ុនធ្វើរបងលួសបិទ សងខាងផ្លូវល្បឿនលឿនក៏ដោយ  ក៏នៅមានលួចកាត់របង ដើម្បីអាស្រ័យផលពីផ្លូវ ធ្វើជាច្រកចេញចូលផ្ទះ តាមផ្លូវល្បឿនលឿន លែងសត្វគោក្របីឱ្យចូលស៊ីស្មៅ ចូលច្រូតស្មៅ និងចេញចូលតំបន់ហាមឃាត់ ដែលមានព័ទ្ធរបង ដើម្បីជួបជុំហូបអាហារក្បែរផ្លូវល្បឿនលឿន ថែមទៀតផង ដែលអាចបង្កគ្រោះថ្នាក់បានគ្រប់ពេលវេលា។

កន្លងមក លោកទេសរដ្ឋមន្រ្តីស៊ុន ចាន់ថុល រដ្ឋមន្ត្រីក្រសួងសាធា​រណការ និងដឹកជញ្ជូន ក៏ធ្លាប់បានជម្រាបដល់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីអន្តរាគមន៍ទៅអាជ្ញាធរតាមមូលដ្ឋានឱ្យជួយអប់រំប្រជាពលរដ្ឋ ឱ្យបញ្ឈប់សកម្មភាពលួចកាត់របងលួសនៅផ្លូវល្បឿនលឿន ដែលទុកសម្រាប់ទប់ស្កាត់ កុំឱ្យមានសត្វពាហនៈឆ្លងកាត់នេះផងដែរ។

ទោះជាយ៉ាងណារហូតមកទល់ពេលនេះ មិនទាន់មានអន្តរាគមន៍ណាមួយពីអាជ្ញាធរមូលដ្ឋាននៅឡើយទេ។

ផ្លូវល្បឿនលឿនភ្នំពេញ-ក្រុងព្រះសីហនុ នឹងដាក់ឱ្យប្រជាពលរដ្ឋប្រើប្រាស់ដោយឥតគិតថ្លៃរយៈពេល១ខែ គិតចាប់ពីថ្ងៃទី០១ ដល់ថ្ងៃ៣១ ខែតុលា ឆ្នាំ២០២២ ដោយកំណត់ឱ្យបើកបរ ក្នុងល្បឿនចាប់ពី៦០គីឡូម៉ែត្រ ដល់១២០គីឡូម៉ែត្រក្នុងមួយម៉ោង៕

 ដោយៈវឌ្ឍនៈ

ភ្នំពេញៈ តំណាងក្រសួងសេដ្ឋកិច្ច និងហិរញ្ញវត្ថុ តំណាងក្រុមហ៊ុនសាងសង់ ក្រុមការងារបច្ចេកទេសក្រសួង ក្រុមហ៊ុនត្រួតពិនិត្យបច្ចេកទេស មន្ត្រីជំនាញបច្ចេកទេស និងភាគីពាក់ព័ន្ធ ចុះពិនិត្យវឌ្ឍនភាពការងារគម្រោ​ងសាងសង់ផ្លូវជាតិលេខ៤៨។

យោងតាមរបាយការណ៍របស់អង្គភាព គ្រប់គ្រងគម្រោងឱ្យដឹងថា គិតរហូតមកទល់ពេលនេះ គម្រោងសាងសង់លើកកម្រិតគុណភាព ផ្លូវជាតិលេខ៤៨នេះ សម្រេចវឌ្ឍនភាពការងារចំនួន១០,៧៣ភាគរយហើយ គិតចាប់តាំងពីថ្ងៃបើកការដ្ឋានសាងសង់ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីថ្ងៃទី៣ ខែមករា ឆ្នាំ២០២២មក។

នៅក្នុងដំណើរបេសកកម្មនេះ គណៈប្រតិភូ បានចុះពិនិត្យមើលការងា​របច្ចេកទេស នៃទីតាំងការដ្ឋានសំខាន់ៗមួយចំនួន រួមទាំងទីតាំងការដ្ឋានកែសម្រួលតម្រាយផ្លូវចំណោតតាតៃ ឱ្យស្របតាមស្តង់ដារបច្ចេកទេស ដើម្បីធានាឱ្យរថយន្តដឹកជញ្ជូនទំនិញ ក៏ដូចជាការធ្វើដំណើររបស់បងប្អូនប្រជាពលរដ្ឋធានា បាននូវសុវត្ថិភាពក្នុងការបើកបរ និងកាត់បន្ថយគ្រោះថ្នាក់ចរាចរណ៍ ជាពិសេសធានាបានអនុលោមភាព តាមស្តង់ដារបច្ចេកទេសនៃការសាងសង់ផ្លូវបានរឹងមាំ ដែលអាចទទួលយកបានរវាងភាគីពាក់ព័ន្ធទាំងអស់។

កំណត់ផ្លូវនេះមានប្រវែងសរុប១៤៨គីឡូម៉ែត្រ ចាប់ពីចំការហ្លួង ស្រុកស្រែអំបិលដល់ក្រុងខេមរភូមិន្ទ ខេត្តកោះកុង ក្នុងនោះប្រវែង១២២,៩ គីឡូម៉ែត្រមានចំនួនពីរគន្លង ប្រវែង២៥,១គីឡូម៉ែត្រ មានចំនួន០៤ គន្លងលើទីតាំងចំនួនបួនគឺ៖ ១) ប្រវែង១២គីឡូម៉ែត្រ (គ.ម ០+០០០-គ.ម ១២+០០០) ២) ប្រវែង៣,៤ គីឡូម៉ែត្រ(គ.ម ៥៧+៧០០- គ.ម ៦១+១០០) ចំណុចអន្ទង់អាំង និងជាកន្លែងប្តូរខ្សែ ផ្លូវថ្មីទី១(Realignment) ៣) ប្រវែង៤,២គីឡូម៉ែត្រ (គ.ម១២៤+៤០០-គ.ម១២៨+៦០០) ចំណុច ចំណោតតាតៃ និងជាកន្លែងប្តូរខ្សែផ្លូវថ្មីទី២(Realignment) និង៤) ប្រវែង៥,៥  គីឡូម៉ែត្រ(គ.ម ១៤២+៥០០-គ.ម ១៤៨+០៣៨) ទទឹងផ្លូវ១១ម៉ែត្រ(ពីរគន្លង) ១៨,៥ម៉ែត្រដល់ ២១,៥ម៉ែត្រ(បួនគន្លង) ក្រាលបេតុងកៅស៊ូ(AC) (កម្រាស់ ០៧សង់ទីម៉ែត្រ ) បេតុងសរសៃដែក(២៥សង់ទីម៉ែត្រ) ត្រង់ផ្លូវប្រសព្វ។

ផ្លូវជាតិលេខ៤៨ តភ្ជាប់ខេត្តព្រះសីហនុ ទៅកាន់ខេត្តកោះកុង ប្រវែង១៤៨គីឡូម៉ែត្រ។ ផ្លូវជាតិលេខ៤៨នេះ ចាប់ផ្តើមសាងសង់ពីចំណុចប្រស​ព្វជាមួយផ្លូវជាតិលេខ៤ ត្រង់គីឡូម៉ែត្រលេខ ១៤១+៧៥០ ស្ថិត ក្នុងភូមិអូរជ្រៅ ឃុំបឹងព្រាវ ស្រុកស្រែអំបិល រហូតដល់ក្រុងខេមរភូមិន្ទ ខេត្តកោះកុង។ គម្រោងផ្លូវនេះ រួម មាន៖ ផ្លូវ២គន្លង មានប្រវែង ១២២.៩គីឡូម៉ែត្រ ទទឹងផ្លូវ ១១ម៉ែត្រ និង ផ្លូវ៤គន្លង មានប្រវែង២៥.១គីឡូម៉ែត្រ ទទឹងចាប់ពី ១៨.៥ម៉ែត្រ ដល់ ២១.៥ម៉ែត្រ។

គម្រោងនេះ ប្រើប្រាស់រយៈពេលសាងសង់ចំនួន៣២ខែ ហើយគ្រោងនឹងបញ្ចប់នៅអំឡុងខែមិថុនា ឆ្នាំ២០២៤ សាងសង់ដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture និងត្រួតពិនិត្យបច្ចេកទេស ដោយសម្ព័ន្ធក្រុមហ៊ុនទីប្រឹក្សាបច្ចេកទេស KCI & KECC Joint Venture គ្រោងចំណាយ ថវិកាសរុបប្រមាណ៦៥,១៤លានដុល្លារអាមេរិក ក្រោមឥណទានសម្បទាន ពីរដ្ឋាភិបាលសាធារណរដ្ឋកូរ៉េ ដោយមិនរាប់បញ្ចូលថវិកាបដិភាគរបស់រាជរដ្ឋាភិបាល សម្រាប់ការងារដោះស្រាយផលប៉ះពាល់ និងយុទ្ធភ័ណ្ឌមិនទាន់ផ្ទុះ៕

 ដោយៈ គង់ សូរិយា

       ភ្នំពេញៈ ជាដំណឹងរីករាយមួយ ដែលផ្លូវល្បឿនលឿនភ្នំពេញ បាវិតនឹងលេចរូបរាងនាពេលខាងមុខ បន្ទាប់ពីការសិក្សាបញ្ចប់ ហើយសម្តេចតេជោ បានសម្រេចបង្កើតគណៈកម្មការអន្តរក្រសួង ដើម្បីរៀបចំលើផែន​ការ​សាងសង់ផ្លូវជាប្រវត្តិសាស្រ្តមួយនេះ។

កាលពីថ្ងៃទី២៨ កញ្ញាកន្លងមកនេះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានចេញសេចក្ដីសម្រេចស្ដីពី ការបង្កើតគណៈកម្មការអ ន្ដរក្រសួង ដើម្បីជំរុញដំណើរការអនុវត្ដ គម្រោងហេដ្ឋារចនាសម្ព័ន្ធផ្លូវល្បឿនលឿន តភ្ជាប់ពីរាជធានីភ្នំពេញ ទៅក្រុងបាវិត។

សេចក្តីសម្រេចនេះ សម្តេចតេជោបានចាត់់តាំង លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនជាប្រធាន ។​លោកសុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គលេខាធិ​ការក្រុមប្រឹក្សាអភិវឌ្ឍន៍កម្ពុជា ជាអនុប្រធាន លោកវង្ស៊ី វិស្សុតរដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ជាអនុប្រធាន និងមន្រ្តីពាក់ព័ន្ឋជាច្រើនរូបទៀត។

ខាងក្រោមនេះ ជាសេចក្ដីសម្រេចរបស់សម្ដេចតេជោ ហ៊ុន សែន ដែលមានខ្លឹមសារទាំងស្រុង។