ដោយ៖ សុផារី

ព្រះសីហនុ៖ ក្រៅពីផ្លូវល្បឿនលឿនភ្នំពេញ-ព្រះសីហនុ ខេត្តព្រះសីហនុនឹងមានការកសាងគម្រោងដ៏ធំមួយ គឺ ផ្លូវដែកល្បឿនលឿនពីភ្នំពេញទៅក្រុងព្រះសីហនុ ដើម្បីជួយសម្រួលការដឹកជញ្ជូន និងអាចជួយជំរុញកំណើនសេដ្ឋកិច្ចកម្ពុជាបន្ថែមទៀត។

នេះបើយោងតាមការថ្លែងរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងពិធីសម្ពោធដាក់ឱ្យប្រើប្រាស់ផ្លូវលេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ នៅព្រឹកថ្ងៃទី២២ ខែធ្នូ ឆ្នាំ២០២២។

សម្តេចតេជោបានលើកឡើងថា ដោយសារផ្លូវដែកបច្ចុប្បន្ន គឺមិនទាន់អាចបម្រើនូវសេចក្តីត្រូវការផ្នែកសេដ្ឋកិច្ចរបស់កម្ពុជាបានគ្រប់គ្រាន់នៅឡើយទេ ដែលត្រូវការការអភិវឌ្ឍបន្ថែមទៀត នៅថ្ងៃអនាគត ប្រទេសកម្ពុជានឹងរៀបចំឱ្យមានផ្លូវដែកល្បឿនលឿនពីភ្នំពេញមកខេត្តព្រះសីហនុ និងពីក្រុងព្រះសីហនុ ទៅកាន់ព្រំដែនថៃ។

សម្ដេចតេជោបន្ថែមថា ការធ្វើផ្លូវដែកល្បឿនលឿន មិនចំណាយពេលយូរនោះទេ ដោយសារតែកម្ពុជាមានផ្លូវដែកស្រាប់ នៅពេលបច្ចុប្បន្ន។ ប្រទេសកម្ពុជាត្រូវការការតភ្ជាប់ផ្ទៃក្នុង ដើម្បីកាត់បន្ថយការលំបាករបស់ប្រជាជន កាត់បន្ថយភាពក្រីក្រ និងបង្កើនប្រាក់ចំណូលសម្រាប់ប្រជាជនកម្ពុជា។

សម្តេចតេជោក៏លើកឡើងថា ប្រសិនបើកម្ពុជាមិនធ្វើការកសាងគម្រោងនេះ នោះបញ្ហានៅតែមានដដែល ដែលដូច្នេះទាមទារឱ្យមានការកសាងការតភ្ជាប់ផ្ទៃក្នុង ដើម្បីជំរុញកំណើនសេដ្ឋកិច្ចសង្គមជាតិ។

សម្ដេចតេជោថា ក្រៅពីនោះក៏អាចនឹងមានផ្លូវដែកល្បឿនលឿននៅកន្លែងដទៃទៀត ក្នុងប្រទេសផងដែរ៕

ដោយៈ វឌ្ឍនៈ

ភ្នំពេញៈ នៅក្នុងរយៈពេលប្រមាណជិត៣ឆ្នាំមកនេះ ទីផ្សារលំនៅឋានមិនថាផ្ទះជាប់ដី មានលក្ខណៈជាបុរី ឬក៏ខុនដូនោះទេ បានជួបប្រទះនឹងបញ្ហប្រឈម ហើយក្នុងឆ្នាំ២០២២នេះឃើញថា ទីផ្សារនេះក៏ចាប់ផ្ដើមមានការធ្វើពិពិធកម្ម ពីសំណាក់ម្ចាស់គម្រោង ដើម្បីជំរុញការលក់របស់ខ្លួនឡើងវិញ។

កត្តាមួយចំនួន ក៏បានធ្វើឱ្យប្រសិទ្ធភាព ក្នុងការជំរុញការលក់លំនៅឋាននិងខុនដូននៅកម្ពុជាផងដែរ។

លោកខន គង្គា អគ្គនាយកក្រុមហ៊ុន ERA Cambodia បានមានប្រសាសន៍ថា នៅក្នុងពេលបច្ចុប្បន្ននេះ យើងបានឃើញថា ម្ចាស់គម្រោងជាច្រើន បានផ្លាស់ប្តូរយុទ្ធសាស្ត្រទីផ្សារ ដើម្បីជំរុញការលក់របស់ខ្លួននៅក្នុងពេលស្ថានភាពសេដ្ឋកិច្ចពិភពលោក នៅមិនទាន់ប្រាកដប្រជា ជាពិសេសនោះ ក្នុងពេលវិនិយោគិនបរទេស នៅតែមិនទាន់បានចូលមកកម្ពុជាច្រើននៅឡើយ ។

លោកបន្តថា “ក្នុងបរិបទដែលជនបរទេស មិនទាន់បានចូលមកម្ពុជាច្រើនដូចមុនស្ថានភាពកូវីដ១៩ ម្ចាស់គម្រោងអភិវឌ្ឍន៍ខុនដូ នៅកម្ពុជាបានកែប្រែលក្ខខណ្ឌ បង់ប្រាក់និងតម្លៃខុនដូ ដើម្បីទាក់ទាញអ្នកទិញ ដែលជាអ្នកក្នុងស្រុក”។លោកបន្តថា “ដូច្នេះហើយ ទើបមានគម្រោងខុនដូមួយចំនួន នៅតែទទួលបានការលក់ជាបន្តបន្ទាប់ ដោយភាគច្រើនគឺជាអតិថិជនក្នុងប្រទេស”។

លោកខន គង្គាបានបន្ថែមថា អ្នកវិនិយោគខុនដូនាពេលបច្ចុប្បន្ននេះ នឹងទទួលបានផលចំណេញខ្ពស់ នៅពេលអនាគត ជាពិសេសនៅពេលដែលមានការវិនិយោគ ពីបរទេសចូលមកកម្ពុជា និងក្នុងពេលជនបរទេសចូលមកកម្ពុជាច្រើន ដូចកាលស្ថានភាពមុនកូវីដ១៩ ។

ជាមួយគ្នានេះ អ្នកនាងចន្ទី ទិវា នាយិកាក្រុមហ៊ុនអចលនទ្រព្យ Century 21 Advance Property បានឱ្យដឹងថា អតិថិជនខ្លះគាត់មិនទាន់ចង់ទិញគម្រោងលំនៅឋាន ឬក៏ខុនដូនោះទេ ប៉ុន្តែដោយសារតែក្រុមហ៊ុនអភិវឌ្ឍន៍ បានផ្ដល់នូវលក្ខខណ្ឌបង់ប្រាក់ងាយៗ  និងមានការរំលស់ផងនោះ ទើបគាត់សម្រេចចិត្តទិញ ដោយរំលស់ខ្លះ និងទុកលុយសម្រាប់ប្រកបរបរកស៊ីខ្លះ ។

អ្នកនាងបន្តថា “អ្នកវិនិយោគខ្លះ គាត់ចាប់ឱកាសសម្រាប់រកប្រាក់ចំណេញនៅពេលអនាគត ជាក់ស្ដែងអ្នកអភិវឌ្ឍន៍មួយចំនួន បានលក់ផ្ទះ ក្នុងតម្លៃទាបឬក៏បញ្ចុះតម្លៃច្រើន ទើបពួកគាត់ទិញដើម្បីទុកលក់វិញនៅពេលអនាគត ដែលកត្តាទាំងនេះហើយ បានជំរុញឱ្យមានការទិញលក់ជាបន្តបន្ទាប់”៕

 ដោយៈ ជេស៊ីកា

       ភ្នំពេញៈ អគ្គនាយកក្រុមហ៊ុនYoungsia Real Estateបានថ្លែងថា ទីផ្សារដីលំហែរ នៅតែមានតម្រូវការនិងទីផ្សារធំទូលាយនៅឡើយ ដោយមនុស្សប្រមាណ១លាននាក់កំពុងជាអតិថិជនគោលដៅ។

លោកCooler Tan បានមានប្រសាសន៍ឲ្យដឹងកាលពីសប្តាហ៍មុនថា ទីផ្សារដីលំ​ហែ​រនៅតែមានភាពល្អប្រសើរ ព្រោះប្រជាពលរដ្ឋមានជីវភាពប្រសើរឡើងពីមួយឆ្នាំទៅមួយឆ្នាំ ពួកគេត្រូវការដីលំហែរ ដើម្បីលំហែរក្រោ​យពេលសំរាកហត់នឿយពីការងារ។

លោកពន្យល់ថា ប្រជាពលរដ្ឋនៅរាជធានីភ្នំពេញ មានចំនួនប្រមាណ៣លាននាក់ ប្រសិនជាយើងគិតថាក្នុងចំណោមនោះ មានប្រជាជន៣០ភាគរយមានលទ្ឋភាពទិញដីលំហែរ គឺមានន័យថាមានមនុស្ស៩០ម៉ឺននាក់រួចទៅហើយ ត្រូវការដីលំហែរ ដោយចំនួននេះមិនទាន់រាប់បញ្ចូល ប្រជាពលរដ្ឋមានជីវភាពធូរធារ នៅតាមបណ្តាខេត្តនានានៅឡើយ។

លោកCooler Tanបានបន្តថា ប្រជាពលរដ្ឋយើងពីមុន ពួកគេមានជីវភាពចខ្វះខាត ពួកគេត្រូវការតែរបស់ញាំ ប៉ុន្តែពេលនេះពួកគាត់មានជម្រកហើយ អញ្ចឹងពួកគាត់គិតដល់ការលំហែរ ព្រោះការរីកចម្រើននៃប ណ្តាញទំនាក់ទំនងសង្គម បានធ្វើឲ្យពួកគាត់មានចំណេះដឹង និងបត់បែនបែបផែនជីវិតរស់នៅកាន់តែទាន់សម័យ។

លោកបន្តថា ជាក់ស្តែងគំរោងដីឡូត៍បូកគោលែនទី១ ទី២ និងទី៣លក់អស់ និងទទួលបានជោគជ័យ ខណៈគំរោងឆ្នេរសមុទ្រកោងកាងលក់អស់ជាង៥០ភាគរយហើយ។ ចំណែកគំរោងឋានសួគ៌លំហែរ គឺបាននិងកំពុងលក់បានច្រើន និងសម្រេចបានតាមផែនការរបស់ខ្លួន។

លោកCooler Tanបានបន្តថា “ប៉ុន្តែអ្វីសំខាន់នៅត្រង់ថា តើធ្វើម៉េចឲ្យដីលំហែររបស់ខ្លួនលក់បានជោគជ័យ គឺត្រូវការអ្នកអភិវឌ្ឍន៍មានទស្សនវិស័យ និងចក្ខុវិស័យច្បាស់លាស់ មានទុនគ្រប់គ្រាន់សម្រាប់អភិវឌ្ឍន៍គំរោង”។ លោកបន្តថា ជាក់ស្តែងគំរោងនិមួយៗរបស់យើង បានចំណាយទុនច្រើនណាស់ ដើម្បីអភិវឌ្ឍគំ​រោងឲ្យមានភាពស្រស់បំព្រម ទាក់ទាញការចាប់អារម្មណ៍ ជាពិសេសគំរោងឆ្នេរសមុទ្រកោងកាង បានចំណាយទុនរហូតដល់ជាង១លានដុល្លារ សំរាប់អភិវឌ្ឍន៍ហេដ្ឋារចនាសម្ព័ន្ឋនានា។

លោកបន្តថា ជាមួយគ្នានេះ គំរោងឋានសួគ៌លំហែរ ក៏បាននិងកំពុង​សាងសង់ហេដ្ឋារចនាសម្ព័ន្ឋ ចំណាយអស់រាប់ម៉ឺនដុល្លារ ហើយអ្វីពិសេសសំរាប់គំរោងនេះ គឺយើងនឹងដាផ្កាលឿងរាជប្រមាណ២០០០ដើម រៀបចំ​ហេ ​ដ្ឋារចនាសម្ព័ន្ឋនានា សួនច្បារ សួនទឹកជាដើម ដើម្បីជម្រុញឲ្យគំរោងនេះទទួលបានជោគជ័យ និងស័ក្តិសមជាដីលំហែរពិតប្រាកដ៕

 ដោយៈ គង់ សិរីជេស៊ីកា

       ភ្នំពេញៈ ថ្នាក់ដឹកនាំ និងក្រុមមន្រ្តីនៃរដ្ឋបាលខេត្តកំពត បាននិងកំពុងត្រៀមស្វាគមន៍សម្តេចតេជោហ៊ុន សែននាយករដ្ឋមន្រ្តីនៃកម្ពុជា ដែលនឹងអញ្ជើញជាអធិបតី ក្នុងពិធីប្រណាំងទូកកានូ នៅក្នុងឱកាសឆ្លងឆ្នាំសាកល​នាពេលខាងមុខនេះ។

លោកបណ្ឌិត ម៉ៅ ធនិន អភិបាលនៃគណៈអភិបាលខេត្តកំពត បានដឹកនាំកិច្ចប្រជុំគណៈកម្មការ អនុគណៈកម្មការត្រៀមទទួលបដិសណ្ឋារកិច្ចសម្តេចអគ្គមហា សេនាបតីតេជោ ហ៊ុន សែននាយករដ្ឋមន្ត្រីនៃកម្ពុជា និងគណៈកម្មការ អនុគណៈកម្មការខេត្ត រៀបចំការប្រណាំងទូកម៉ាស៊ីននេសាទ អបអរសាទរឆ្លងឆ្នាំសកលឆ្នាំ២០២២ នៅខេត្តកំពតកាលពីដើមសប្តាហ៍នេះ។

កិច្ចប្រជុំនេះ មានការអញ្ជើញចូលរួមពី អភិបាលរងខេត្ត តំណាងសាលាដំបូងខេត្ត តំណាងព្រះរាជអាជ្ញានៃអយ្យការ អមសាលាដំបូងខេត្ត លោក លោកស្រីនាយករងរដ្ឋបាលសាលាខេត្ត លោកស្នងការនគរបាលខេត្ត លោកមេបញ្ជាការកងកម្លាំងទាំងបីប្រភេទ លោក លោកស្រី ប្រធានមន្ទីរ អង្គភាពជុំវិញខេត្ត លោក លោកស្រីអភិបាលក្រុង ស្រុក លោក លោកស្រីនាយកទីចាត់ការ ប្រធានអង្គភាពចំណុះសាលាខេត្តកំពតផងដែរ៕

JAKARTA : Indonesia may allocate 5 trillion rupiah ($320.41 million) from next year’s budget to incentivise electric vehicle (EV) purchases, though details of the scheme were still being finalised, a senior minister said on Wednesday.
Last week, Industry Minister Agus Gumiwang Kartasasmita said buyers could get a discount of 80 million rupiah for EVs made by firms with factories in the country, as well as other incentives for hybrid cars and electric motorcycles. The government plans to offer subsidies to sellers to cover the costs.

Airlangga Hartarto, Indonesia’s chief economics minister, said at a news conference on Wednesday that authorities are detailing how much they could provide per sale based on the budget allocation.
The government is also considering subsidising electric bus sales, he said.
President Joko Widodo told the same news conference: “We hope with these incentives, the electric motorcycle and electric car industry will grow”.
Indonesia targets 20 per cent of overall car sales in 2025 to be EVs, Airlangga said.
Companies that have invested or have announced planned investments in EV manufacturing in Indonesia include Toyota Motor Corp, Mitsubishi Motors Corp and Hyundai Motor Co.
SGMW Motor Indonesia, part of a joint venture of SAIC Motor Corp Ltd, General Motors Co and Wuling Motors Holdings, has an EV assembly facility in the Southeast Asian country.
Japanese brands currently dominate sales in the world’s fourth most populous nation, with Toyota as the market leader. More than 942,000 cars were sold in the country in January to November this year.
($1 = 15,605.0000 rupiah)
Source: Reuters

 ដោយៈ គង់ សូរិយា

       ភ្នំពេញៈ មន្រ្តីជំនាញកូរ៉េបានប្រារព ពិធីប្រគល់-ទទួល ប្រព័ន្ធផតថលព័ត៌មានភស្តុភារកម្មជាតិកម្ពុជា (Cambodia National Logistics Information Portal) ពីរដ្ឋាភិបាលនៃសាធារណរដ្ឋកូរ៉េជូនកម្ពុជា តាមរយៈក្រសួងសាធារណការ និងដឹកជញ្ជូន។

ពិធីនេះមានការចូលរួមជាអធិបតី ពីលោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន និងមានការចូលរួមពីលោកបណ្ឌិតKIM Jong-hak អ្នកស្រាវជ្រាវជាន់ខ្ពស់នៃវិទ្យាស្ថានKRIHS តំណាងក្រសួងដែនដី ហេដ្ឋារចនាសម្ព័ន្ធ និងដឹកជញ្ជូននៃសាធារណរដ្ឋកូរ៉េ សមាគមភស្តុភារកម្មកម្ពុជា សមាគមដឹកជញ្ជូនទំនិញផ្លូវគោកនៃកម្ពុជា និងមន្ត្រីបច្ចេកទេសពាក់ព័ន្ធ មកពីគ្រប់អគ្គនាយកដ្ឋានក្រោមឱវាទក្រសួង។

ពិធីនេះរៀបចំឡើងក្នុងគោលបំណង ដើម្បីប្រគល់ជូនប្រព័ន្ធផតថលព័ត៌មានភស្តុភារកម្មជាតិកម្ពុជា ក្រោមគម្រោងសហប្រតិបត្តិការ “Cambodia Master Plan of Logistics System Modernization and Pilot Project of Logistics Computer System” ដែលជាជំនួយអភិវឌ្ឍន៍ផ្លូវការ នៃក្រសួងដែនដី ហេដ្ឋារចនាសម្ព័ន្ធ និងដឹកជញ្ជូន នៃសាធារណរដ្ឋកូរ៉េ ជូនព្រះរាជាណាចក្រកម្ពុជា តាមរយៈក្រសួងសាធារណការ និងដឹកជញ្ជូន សម្រាប់គ្រប់គ្រង និងថែទាំបន្ត។

ប្រព័ន្ធនេះត្រូវបានដំឡើងរួចរាល់ នៅក្នុងមជ្ឈមណ្ឌលទិន្នន័យ (Data Center) រួមរបស់ក្រសួងក្រសួងសាធារណការ និងដឹកជញ្ជូន ដោយបានឆ្លងកាត់ការត្រួតពិនិត្យ និងប្រជុំពិភាក្សាជាច្រើនលើកច្រើនសារ ជាមួយអគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ដើម្បីធានាឱ្យបាននូវកម្រិតស្តង់ដារ និងនិរន្តរភាពការងារ។

ការប្រគល់ជូននូវប្រព័ន្ធផតថលព័ត៌មាន ភស្តុភារកម្មជាតិកម្ពុជានេះ គឺជាការចូលរួមចំណែកយ៉ាងសំខាន់ ក្នុងការជំរុញឱ្យសម្រេចបាននូវគោលបំណងធ្វើឱ្យប្រសើរឡើង នូវប្រព័ន្ធភស្តុភារកម្មជាតិកម្ពុជា ដែលបានផ្តោតលើគោលដៅសំខាន់ៗចំនួន៣ ដូចជា ទី១ ការបង្កើតផែនការមេប្រព័ន្ធគ្រប់គ្រងព័ត៌មានភស្តុភារកម្មជាតិ ទី២ ការអនុវត្តសាកល្បងនៃប្រព័ន្ធព័ត៌​មានភស្តុភារកម្ម និងទី៣ ការបង្កើនសមត្ថភាពរបស់មន្រ្តីរាជការ តាមរយៈការបណ្តុះបណ្តាលក្នុងប្រទេស និងនៅប្រទេសកូរ៉េផងដែរ៕

ដោយៈ សុផារី

ភ្នំពេញៈ ក្រោយខកខានចំនួន៤ឆ្នាំ ព្រឹត្តិការណ៍អង្គរសង្រ្កាន្តត្រូវបានរាជរដ្ឋាភិបាលប្រកាសឱ្យធ្វើឡើងវិញនៅឆ្នាំ២០២៣។

សហភាពសហព័ត្ឋយុវជនកម្ពុជា បានអះអាងថា ព្រឹត្តិការណ៍អង្គរសង្រ្កាន្តឆ្នាំក្រោ យនេះនឹងធ្វើធំជាងមុន ពោលនឹងមានកម្មវិធីកម្សាន្តសប្បាយៗជាច្រើនចំនួន៤៤កម្មវិធី នៅតាមទីតាំងចំនួន៦។

ព្រឹត្តិការណ៍អង្គរសង្រ្កាន្ត នឹងធ្វើឡើងនៅថ្ងៃទី១៤- ១៦ ខែមេសា ឆ្នាំ២០២៣ ប៉ុន្តែមុនព្រឹត្តិការណ៍អង្គរសង្រា្កន្តមកដល់ គឺនៅថ្ងៃទី០៨-០៩ ខែមេសា កម្ពុជានឹងរៀបចំព្រឹត្តិការណ៍រត់ម៉ារ៉ាតុង កម្មវិធីជិះកង់កម្សាន្ត មានការប្រគំតន្ត្រីនៅតាមឧទ្យាន្តអង្គរ និងមានការអុំទូកនៅតាមដងស្ទឹងសៀមរាប។

លោកហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) បានបញ្ជាក់ថា ព្រឹត្តិការណ៍អង្គរសង្រ្កាន្តឆ្នាំ២០២៣ មិនត្រឹមត្រឹមតែជាព្រឹត្តិការណ៍អបអរសាទរ ពិធីបុណ្យចូលឆ្នាំខ្មែរប្រពៃណីជាតិ ប៉ុណ្ណោះទេ តែក៏ផ្សារភ្ជាប់ព្រឹត្តការណ៍ ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះផងដែរ។

ជាមួយគ្នានេះ លោក សុខ សប្បាយណា រដ្ឋលេខាធិការក្រសួងអប់រំ យុវជន និងកីឡា បានលើកឡើងថា ក្នុងព្រឹត្តិការណ៍អង្គរសង្រ្កាន្តឆ្នាំ២០២៣ កម្ពុជាគ្រោងនឹងបំបែកឯកត្តកម្ម ពិភពលោកចំនួន២បន្ថែមទៀត។ យ៉ាងណាក្តី លោកមិនលម្អិតថា តើនឹងបំបែកឯកត្តកម្មពិភពលោកអ្វីនោះទេ ដោយនឹងព័ត៌មានលម្អិតនៅពេលក្រោយ។

លោកបញ្ជាក់ថា ក្នុងព្រឹតិ្តការណ៍អង្គរសង្រា្កន្តឆ្នាំ២០២៣ នឹងមានអ្វីពិសេសជាងមុន ពោលនឹងមានវត្តមាននំអន្សមយក្ស និងវត្ថុយក្សជាច្រើនទៀត ដែលធ្លាប់មានវត្តមាននៅក្នុងព្រឹត្តិការណ៍អង្គរសង្រា្កន្ត នៅបណ្តាឆ្នាំមុនៗ សាជាថ្មីក្នុងព្រឹតិ្តការណ៍អង្គរសង្រា្កន្តឆ្នាំ២០២៣។

លោកបានគូសបញ្ជាក់ថា ក្នុងព្រឹត្តិការណ៍អង្គរសង្កា្រន្តកាលពីឆ្នាំ២០១៨កន្លងមក ខេត្តសៀមរាបរកចំណូលបានជាង១លានដុល្លារ ពីភ្ញៀវទេសចរចំនួន១,៨លាននាក់ ចូលក្នុងចរន្តសេដ្ឋកិច្ចកម្ពុជា។

កន្លងមក នៅក្នុងព្រឹត្តិការណ៍អង្គរសង្រា្កន្តឆ្នាំ២០១៥ កម្ពុជាបានបំបែកឯកត្តកម្មពិភពលោក Guiness World Records រាំម៉ាឌីហ្សូនដែលមានអ្នករាំសរុបជាង២០១៥នាក់ និងនំអន្សមយក្សដែលមានទម្ងន់៤តោន។ នៅក្នុងឆ្នាំ២០១៧ កម្ពុជាក៏បានបំបែកកំណត់ត្រាពិភពលោក លើចាប៉ីដងវែងយក្សដែលមានប្រវែង៧,៧០ម៉ែត្រ ហើយនៅឆ្នាំ២០១៨ កម្ពុជាក៏បានបំបែកកំណត់ត្រាពិភពលោកចំនួន២ទៀត ក្នុងនោះគឺទូកងវែងជាងគេលើពិភពលោក ដែលមានប្រវែង៨៧,៣ម៉ែត្រ និងក្រមាយក្សវែងជាងគេដែលមានប្រវែង១,៤៤៩ម៉ែត្រ៕