ដោយៈ សុខុម

ហុងកុង: អ្នកទិញអាផាតម៉ិននៅទីក្រុងហុងកុង ក្នុងរយៈពេល៥ឆ្នាំចុងក្រោយនេះ កំពុងប្រឈមការខាតបង់ធ្ងន់ធ្ងរ ប្រសិនបើពួកគេសម្រេចចិត្តលក់ផ្ទះចេញវិញក្នុងពេលនេះ។

ទីផ្សារលំនៅដ្ឋានក្នុងទីក្រុងនេះ កំពុងដាំក្បាលចុះ អត្រាការប្រាក់ហក់ឡើង ស្របពេលសេដ្ឋកិច្ចសំយ៉ុងក្បាលចុះ ហើយពលរដ្ឋសម្រុកចាកចេញពីក្រុងនេះ។

ជាការពិតណាស់ ម្ចាស់ផ្ទះខ្លះដែលបានទិញផ្ទះ ក្នុងតម្លៃខ្ពស់បានបង្ខំចិត្តលក់ផ្ទះចេញវិញ ក្នុងតម្លៃទាបកាលពីពេលថ្មីៗនេះ នោះមានន័យថា ពួកគេលក់ខាតដើម។ នេះបើយោងតាមសារព័ត៌មាន South China Morning Post ចុះផ្សាយនៅថ្ងៃពុធ ទី១៤ ខែកញ្ញា។

លោក Derek Chan ប្រធានផ្នែកស្រាវជ្រាវនៅក្រុមហ៊ុនអចលនទ្រព្យ Ricacorp Properties លើកឡើងថា ម្ចាស់ផ្ទះជាច្រើនដែលបានទិញផ្ទះក្រោយពាក់កណ្ដាលឆ្នាំ២០១៧ ជាពេលដែលតម្លៃផ្ទះហក់ឡើងខ្ពស់ជាងកម្រិតតម្លៃបច្ចុប្បន្ន ប្រឈមការខាតបង់ធ្ងន់ធ្ងរដូចគ្នា ប្រសិនបើពួកគេត្រូវលក់ផ្ទះចេញវិញនៅពេលនេះ។

យោងតាមទិន្នន័យចុះបញ្ជីដីធ្លី ដែលប្រមូលចងក្រងដោយទីភ្នាក់ងារអចលនទ្រព្យ Midland Realty បានបង្ហាញថា ផ្ទះឯកជនសរុបចំនួន៣២៧.៤១៩យូនីត ស្ថិតក្នុងប្រភេទផ្ទះដែលមានតម្លៃ ខ្ទង់៧៥០.០០០ដុល្លារអាមេរិក ហើយសុទ្ធតែប្រឈមនឹងការខាតបង់។

លោក Derek Chan គូសបញ្ជាក់ថា “កត្តាអវិជ្ជមាននានាដូចជាសង្គ្រាមពាណិជ្ជកម្មអាមេរិក-ចិន ចលាចលសង្គម វិបត្តិកូវីដ-១៩ និងការដំឡើងអត្រាការប្រាក់ បានធ្វើឱ្យតម្លៃអចលនទ្រព្យដាំក្បាលចុះ។ ដូចនេះ អ្នកដែលបានទិញផ្ទះក្នុងតម្លៃខ្ពស់ ក្នុងរយៈពេលប៉ុន្មានឆ្នាំចុងក្រោយនេះ គឺមានឱកាសខ្ពស់ក្នុងការខាតបង់”៕ South China Morning Post៕

ដោយ: លាងហួរ

ប្រទេសថៃ: ក្រុមហ៊ុនអចលទ្រព្យ និងលក់រាយរបស់ប្រទេសថៃ Central Pattana (CPN) បានបើកសណ្ឋាគារ Centara Korat កាលពីថ្ងៃអង្គារ ទី១៣ ខែកញ្ញា ដែលនេះជាគម្រោងចម្រុះដំបូងគេ នៅក្នុងតំបន់ភាគឦសាន។

Centara Korat ជាសណ្ឋាគារមួយ ស្ថិតក្នុងចំណោមគម្រោងសណ្ឋាគារចំនួន៣៧ ដែលមានតម្លៃសរុប១០ពាន់លានបាត ដែលត្រូវបានអភិវឌ្ឍដោយក្រុមហ៊ុន ក្នុងកំឡុងឆ្នាំ២០២២-២០២៦ ក្នុងខេត្តចំនួន២៧។

លោក Phoom Chirathivat ប្រធានផ្នែកសណ្ឋាគារនៅក្រុមហ៊ុនCPNបានលើកឡើងថា សណ្ឋាគារចំនួនទាំង៣៧ នឹងត្រូវអភិវឌ្ឍក្រោមម៉ូដែលចំនួន៣ ជាមួយនឹងថវិកាវិនិយោគចាប់ពី២៥០លានបាត ដល់៥០០លាន ឬ១ពាន់លានបាត។

លោក Phoom បានបន្តថា ក្រុមហ៊ុនCPN ក៏គ្រោងនឹងបើកសណ្ឋា​គារនៅ Ubon Ratchathani នៅខែធ្នូឆ្នាំ២០២២នេះផងដែរ។

ក្រុមហ៊ុននេះក៏មានគម្រោង បើកសណ្ឋាគារធំថ្មីចំនួន២នៅ ខេត្តរ៉ាក់យ៉ង និងអយុធ្យានៅឆ្នាំក្រោយ ដែលគម្រោងនីមួយៗទាមទារទុមវិនិយោគ១ពាន់លានបាត។

លោកស្រី Surang Jirattigalachote ប្រធានផ្នែកអភិវឌ្ឍន៍សណ្ឋាគារ CPN បាននិយាយថា សណ្ឋាគារ Centara Korat ផ្តល់ជូននូវបន្ទប់ចំនួន២១៧ ហើយល្អសម្រាប់គ្រួសារពហុជំនាន់ ភ្ញៀវស្នាក់នៅរយៈពេលយូរ និងអ្នកធ្វើដំណើរអាជីវកម្ម។

លោកស្រី Surang បានបន្តថា ខេត្តនគររាជសីមា គឺជាខេត្តដំបូងគេដែល ក្រុមហ៊ុនCPN បានអភិវឌ្ឍន៍គម្រោងចម្រុះចំនួន៣ ក្នុងនោះរួមមាន ផ្សារ Central Korat សណ្ឋាគារ Centara Korat និង ខុនដូ ESCENT Korat៕

ដោយៈ គង់ សូរិយា

       ភ្នំពេញៈ លោកឧកញ៉ាគីម ហ៊ាង ប្រធាន KW Cambodia បានបង្ហើបឲ្យដឹងថា ការវិនិយោគដីធ្លីលើប្រភេទដីមួយចំនួន មានឱកាសចំណេ​ញខ្ពស់ ស្របពេលផលចំណេញពីការវិនិយោគបានធ្លាក់ចុះ។

លោកឧកញ៉ាបានមានប្រសាសន៍ឲ្យដឹងកាលពីពេលថ្មីៗនេះថា ដីសម្រាប់កសិកម្ម ជាប្រភេទដីបម្រើដល់ការដាំដុះ ដោយលោកយល់ថា ប្រសិនបើទិញដីកសិកម្ម ដើម្បីចំណេញ គឺជាគំនិតខុសមួយ ព្រោះតែដីកសិកម្ម មានចំនួនច្រើន និងទំហំធំណាស់។

លោកបន្តថា ដីសម្រាប់អភិវឌ្ឍន៍លើវិស័យទេសចរណ៍ ជាប្រភេទដីដែលអាចបម្រើដល់ វិស័យទេសចរណ៍ ស្ថិតនៅតំបន់ដែលមានមនុស្សទៅកំសាន្តច្រើន ដូចជាភ្នំ ទន្លេ និងសមុទ្រ។ ដីទេសចរណ៍នៅជិតតំបន់ភ្នំ មិនងាយឡើងថ្លៃ ព្រោះជាទូទៅដីនៅតាមតំបន់ភ្នំ មានទំហំធំរាប់ហិចតា។

ប៉ុន្តែបើដីសម្រាប់ទេសចរណ៍ ស្ថិតនៅជិតទន្លេ និងសមុទ្រ អាចឡើងថ្លៃ ព្រោះមានចំនួនតិច។ ចំណែក ដីដែលអាចចំណេញខ្ពស់ គឺដីឧស្សាហកម្ម និងដីសម្រាប់លំនៅដ្ឋាន។

លោកឧកញ៉ាគីម ហ៊ាងបានបង្ហើបថា ដីសម្រាប់ឧស្សាហកម្ម គឺដីដែលអាចធ្វើរោងចក្រ សហគ្រាស។ វាជាប្រភេទដីឡើងថ្លៃលឿន ដោយ​សារការសាងសង់រោងចក្រ នាំមកនូវលំហូរមនុស្ស នោះសកម្មភាពសេដ្ឋកិច្ចក៏មានច្រើន នោះដីប្រាកដជាឡើងថ្លៃ។

ចំណែកដីលំនៅដ្ឋាន ជាប្រភេទដីដែលអាចសាងសង់លំនៅដ្ឋាន បុរី ជាដើម។ ដីប្រភេទនេះឡើងថ្លៃជាប្រចាំ ហើយងាយស្រួលលក់ចេញវិញ ដោយទទួលបានប្រាក់ចំណេញខ្ពស់បំផុត។

លោកបញ្ជាក់ថា “ដីលំនៅដ្ឋាន ជាដីចំណេញ និងងាយលក់។ ចំណែ​កដីឧស្សា​ហកម្ម ក៏ចំណេញដែរ តែនៅចាញ់ប្រភេទដីលំនៅដ្ឋាន។ ដីសំរាប់បំរើសេវាកម្ម ទេសចរណ៍ ទាល់តែជាប់សមុទ្រ ជាប់ទន្លេ។ រីឯដីកសិកម្មទិញហើយ៥ឆ្នាំ លក់មិនដាច់ទេ”។

លោកឧកញ៉ាបណ្ឌិតគីម ហ៊ាងបានបន្តថា បើសិនជាដីស្ថិតនៅជាប់ផ្លូវល្បឿនលឿន មិនត្រឹមតែមិនចំណេញទេ តែនឹងជាប់គាំង ព្រោះផ្លូវល្បឿនលឿន មិនអនុញ្ញាតឱ្យមានការឈប់សម្រាកឡើយ៕

The Federation of Thai Industries (FTI ) sees a new business opportunity for Thai companies under the newly – forged Thai – Saudi trade cooperation that could lead . them to earn revenue in Riyadh’s ambitious plan to build the US $ 500 – billion mega – city of Neom.

The prospect follows the establishment of a Joint Business Council between the two countries to promote their trade under a memorandum of understanding recently signed by the Joint Standing Committee on Commerce, Industry and Banking and the Federation of Saudi Chambers of Commerce.

Laksanawisit said earlier he expected business deals between the two countries to reach 10 billion baht within a year of the council’s establishment .

” We first thought the value was high, but now it seems to me that the target may be too low , ” said Kriengkrai Thiennukul , chairman of the FTI , after taking a closer look at trade benefits , work and investments in Saudi Arabia , especially in its Neom smart city project .

Combining ” neo ” which means new and ” m ” , the first letter of the Arabic word for future , Neom will be located in a 26,500 – square kilometre area near the Red Sea and trade routes that use the Suez Canal , according to media reports .

The new city aims to depend less on oil and promote diverse businesses, which will be a new opportunity for Thai exporters , architects and interior designers . ” We can export construction materials to support this project, ” said Mr Kriengkrai . ” Work on interior design is expected to generate the most revenue.

Thailand has many great interior designers who can add value to Thai businesses. “Air conditioner manufacturers are another group that can benefit from Neom, Mr Kriengkrai said.

Thailand is a major air conditioner production base. In 2021 , the country’s air conditioner exports to Saudi Arabia were valued at $ 95.5 million , a year – on – year increase of 19.9 % , according to the FTI .

Mr Kriengkrai believes the Thai Saudi trade cooperation can pave the way for further opportunities for these businesses and boost exports of Thai food, which is already in high demand in Saudi Arabia.

Source: Bangkok Post

ដោយ៖ សុផារី

សៀមរាប៖ លោក ស៊ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានថ្លែងថា គិតត្រឹមដំណាច់ខែសីហា ឆ្នាំ២០២២នេះ ការសាងសង់ព្រលានយន្តហោះអន្ដរជាតិសៀមរាបអង្គរថ្មី សម្រេចបានជាង៤០%ហើយ តែលោកមានការបារម្ភថា ការសាងសង់អាចនឹងមានការយឺតយ៉ាវបន្តិចបន្តួចជាងផែនការដែលបានរំពឹងទុក។

លោក ស៊ីន ចាន់សិរីវុត្ថា នៅថ្ងៃទី១២ ខែកញ្ញា ឆ្នាំ២០២២នេះ បានបញ្ជាក់ថា “គិតត្រឹមដំណាច់ខែសីហា ឆ្នាំ២០២២នេះ ការសាងសង់ព្រលានយន្តហោះអន្ដរជាតិ សៀមរាបអង្គរថ្មី សម្រេចបាន៤០,៦៧% ហើយ និងរំពឹងទុកថានៅខែធ្នូ ឆ្នាំ២០២២ ខាងមុខនេះ វឌ្ឍនភាពនៃការសាងសង់ព្រលានយន្តហោះនេះ នឹងសម្រេចបាន៧០%”។

យ៉ាងនេះក្តី លោកមានការបារម្ភថា ការសាងសង់ព្រលានយន្តហោះនេះ អាចនឹងមានការយឺតយ៉ាវបន្តិចបន្តួច ជាងផែនការដែលបានរំពឹងទុក ដោយសារតែគោលនយោបាយសូន្យកូវីដរបស់ចិន ដែលជាបច្ច័យអវិជ្ជមាន ដល់ច្រវាក់ផលិតកម្ម ការផ្គត់ផ្គង់សម្ភារៈបរិក្ខារសាងសង់ តម្លៃដឹកជញ្ជូនឡើងខ្ពស់ ការឡើងថ្លៃនៃសម្ភារៈមួយចំនួន និងការធ្វើដំណើរចេញ-ចូល របស់វិស្វករជំនាញ។

លោក ស៊ីន ចាន់សិរីវុត្ថា បន្តថា ក្នុងកិច្ចប្រជុំប្រចាំត្រីមាសទី៣ នៃក្រុមកាងារបច្ចេកទេសតាមដាន ត្រួតពិនិត្យ និងផ្តល់យោបល់ (MOA-WG) សម្រាប់ការសាងសង់អាកាសយានដ្ឋានអន្តរជាតិ សៀមរាប-អង្គរ របស់រដ្ឋលេខាធិការដ្ឋានអាកាសចរស៊ីវិល ដឹកនាំដោយលោកបណ្ឌិត រដ្ឋមន្ត្រី ម៉ៅ ហាវណ្ណាល់ ដែលបានចុះទៅបំពេញបេសកកម្ម កាលពីថ្ងៃទី១១-១២ ខែកញ្ញា ឆ្នាំ២០២២។

លោកបញ្ជាក់ថា ក្នុងពេលចុះទៅបំពេញបេសកកម្មនោះ លោកបណ្ឌិត រដ្ឋមន្ត្រី ម៉ៅ ហាវណ្ណាល់ បានមានមតិផ្តាំផ្ញើ និងណែនាំដល់ក្រុមហ៊ុនសាងសង់ ត្រូវខិតខំព្យាយាម និងពន្លឿនការសាងសង់ ឲ្យបានរួចរាល់តាមផែនការ បើទោះបីជាជួបការលំបាក និងឧបសគ្គយ៉ាងណាក្តី។

អាកាសយានដ្ឋានអន្តរជាតិ សៀមរាប-អង្គរ បានចាប់ផ្តើមដំណើរការសាងសង់ នៅថ្ងៃទី១៥ ខែមីនា ឆ្នាំ២០២០ ហើយគ្រោងប្រើរយៈពេលសាងសង់សរុបចំនួន៣៦ខែ ឬ៣ឆ្នាំ និងគ្រោងចំណាយទុនវិនិយោគប្រមាណ៨៨០លានដុល្លារអាមេរិក។

គម្រោងអាកាសយានដ្ឋានអន្តរជាតិសៀមរាប-អង្គរ គ្រោងនឹងបញ្ចប់ការសាងសង់នៅថ្ងៃទី៣០ ខែមីនា ឆ្នាំ២០២៣ និងគ្រោងដាក់ឲ្យដំណើរការសាកល្បង ជាលើកដំបូងនៅខែតុលា ឆ្នាំ២០២៣ ប្រសិនបើពុំមានផលប៉ះពាល់អ្វីផ្សេងៗ ជាយថាហេតុកើតឡើងទេនោះ៕

  ដោយៈវឌ្ឍនៈ

ភ្នំពេញៈ កាលពីប៉ុន្មានឆ្នាំមុននេះ ការវិនិយោគលើលំនៅឋាន ដែលសំដៅដល់ការទិញទុកចំណេញ គឺជាឱកាសសម្រាប់អ្នកវិនិយោគ ដែលមានទុន ដោយទិញតែមួយឆ្នាំ ឬរយៈពេលតិចជាងនេះ អាចលក់ចេញវិញបានប្រាក់ចំនេញខ្ពស់។

ប៉ុន្តែអ្វីៗបានផ្លាស់ប្តូរហើយ ព្រោះមកដល់ដំណាក់កាលនេះវិញ អ្នកវិនិយោគ គួរបង្កើនការប្រុងប្រយ័ត្នខ្ពស់ ដើម្បិបញ្ជៀសហានិភ័យនៃវិបត្តិហិរញ្ញវត្ថុ។

ការអភិវឌ្ឍលំនៅឋានក្នុងប្រទេសកម្ពុជា ជាពិសេសនៅក្នុងរាជធានីភ្នំពេញ នាពេលបច្ចុប្បន្ននេះ មានច្រើនណាស់ទៅហើយ ក្នុងនោះដែរតំបន់ជាយក្រុង មានការអភិវឌ្ឍលំនៅឋានច្រើនជាងគេ ទាំងគម្រោងវិនិយោគតូចៗ និងគម្រោងវិនិយោគធំៗ ពីសំណាក់អ្នកអភិវឌ្ឍន៍ក្នុងស្រុក ប៉ុន្តែការអភិវឌ្ឍគម្រោងលំនៅឋានទាំងនោះភាគច្រើន បានបង្កលក្ខណៈងាយស្រួលដល់អតិថិជនដោយអាចទិញផ្ទះបង់រំលស់។

គម្រោងខ្លះអាចទិញបង់រំលស់ រហូតដល់២០ឆ្នាំ ខ្លះ១៥ឆ្នាំខ្លះទៀត១០ឆ្នាំ ខណៈគម្រោងខ្លះទៀត បានផ្ដល់ការបង់រំលស់ជាដំណាក់កាលពេលណាផ្ទះនោះសង់រួចរាល់ អ្នកទិញត្រូវស្វះស្វែងរកប្រាក់មកបង្គ្រប់តែម្ដង។

អ្នកជំនាញនៃវិស័យអចលនទ្រព្យជាច្រើនបានមើលឃើញថា ការទិញផ្ទះមានលក្ខណៈវិនិយោគ ដែលសំដៅដល់ទិញដើម្បី ទុកលក់ចំណេញកាលពីមុនវាឱកាស ប៉ុន្តែពេលនេះវាមិនគួរឱ្យធ្វើនោះទេ ជាពិសេសសម្រាប់អ្នកដែលមានចំណូលមធ្យមចុះក្រោម ពីព្រោះការទិញផ្ទះដើម្បី វិនិយោគនាពេលនេះគឺអាចមានហានិភ័យខ្ពស់។

លោកឧកញ៉ានួន រឹទ្ធី អគ្គនាយកនៃក្រុមហ៊ុនអចលនទ្រព្យ KFA បានលើកឡើងផងដែរថា ក្នុងស្ថានភាពនេះ អ្នកមានចំណូលទាប និងមធ្យមមិនគួរវិនិយោគអចលនទ្រព្យនោះទេ ជាពិសេសនោះការវិនិយោគលើលំនៅឋានរឹតតែមិនគួរវិនិយោគទៅទៀត ដោយសារតែស្ថានភាពនៅពេលនេះយើងមើលឃើញថា ស្ថិតនៅក្នុងភាពមិនទាន់ច្បាស់លាស់នៅឡើយទេ ។​

លោកបន្តថា “បើសិនជាអ្នកមានចំណូលមធ្យម គាត់ចង់វិនិយោគលើអចលនទ្រព្យ ខ្ញុំសូមណែនាំឱ្យវិនិយោគលើដីធ្លីវិញ ហើយស្វែងរកដីណាដែលនៅមានតម្លៃទាប ទុករយៈណាមួយនោះសឹមលក់ចេញវិញ គឺអាចរកប្រាក់ចំណេញបាន”។

ជាមួយគ្នានេះ លោកផូន សុអុនដែន ប្រធានផ្នែកទីផ្សារនៃក្រុមហ៊ុន KH Land ក៏បានលើកឡើងថា បច្ចុប្បន្ននេះ អ្នកវិនិយោគលើដីធ្លីនិងលំនៅឋានមានភាពឆ្លាតវៃជាងមុនឆ្ងាយណាស់ ។ កាលពីមុនវិបត្តិ អ្នកទិញដីនិងផ្ទះ គឺមិនសូវគិតគូរយូរនោះទេ គាត់មើលតែគម្រោងណាដែលល្អគម្រោងណាដែលមានគេទិញច្រើន ឬមានគេណែនាំគាប់ជួនជាមួយនឹងគាត់ចង់ទៅកាន់តំបន់នោះផង គាត់ក៏បានដាក់ទុនវិនិយោគទិញតែម្ដង។

លោកបន្តថា “ប៉ុន្តែមកដល់ពេលនេះវិញ  មុននឹងគាត់សម្រេចចិត្តទិញផ្ទះនៅគម្រោងណាមួយនោះ គាត់ត្រូវគិតគូរពិចារណា និងចុះសិក្សាដោយផ្ទាល់ មានទាំងសាកសួរនាំច្រើនផងដែរ”។លោកបន្ថែមថា “ភ្លាមៗក៏គាត់មិនទាន់សម្រេចចិត្តទិញដែរ គាត់ត្រូវសិក្សាលើប្រាក់ចំណូលរបស់គាត់ថាតើអាចមានលទ្ធផលបង់បានដែរឬទេ ពីព្រោះថាគម្រោងមួយចំនួនគាត់បានផ្ដល់លទ្ធភាពបង់តាមធនាគារ ឬរំលស់ក្នុងរយៈពេលណាមួយ”។

បច្ចុប្បន្ននេះ យើងបានមើលឃើញថា មានគម្រោងអភិវឌ្ឍន៍លំនៅឋានខ្លះ ដែលជាគម្រោងឯកជនខ្នាតតូច ចាប់ផ្ដើមមានបញ្ហាហិរញ្ញវត្ថុដោយប្រមូលប្រាក់ពីអតិថិជនរួចហើយ តែមិនបន្តសាងសង់ផ្ដល់ជូនអតិថិជន។ គម្រោងខ្លះទៀតបានសាងសង់រួចរាល់ពិតមែន តែក្នុងគម្រោងមិនមានប្រព័ន្ធទឹកស្អាតសម្រាប់ប្រើប្រាស់ និងប្រើប្រាស់ប្រព័ន្ធអគ្គិសនីរបស់ឯកជន មានតម្លៃខ្ពស់ជាងអគ្គិសនីរបស់រដ្ឋជាដើម។ ទាំងនេះសុទ្ធតែជាចំណុច ដែលអតិថិជនមុននឹងទិញផ្ទះត្រូវគិតពិចារណាផងដែរ ។

សព្វថ្ងៃនេះយើងក៏បានមើលឃើញថា អតិថិជនដែលបានទិញផ្ទះពីគម្រោងអភិវឌ្ឍន៍មួយចំនួន បានប្រកាសលក់ផ្ទះវិញ ដោយសារតែមិនមានលទ្ធភាពក្នុងការបង់បន្តទៅកាន់ម្ចាស់គម្រោង ឬទៅកាន់ធនាគារដែលខ្លួនបានខ្ចីមកទិញផ្ទះនោះ ហើយសកម្មភាពនេះ កើតមានកាន់តែច្រើនឡើងៗដូច្នេះហើយទើបគម្រោងលំនៅឋានខ្លះសង់រួច មិនសូវមានមនុស្សទៅរស់នៅច្រើនអ៊ូរអរដូចការរំពឹងទុក៕