ដោយៈ សុផារី

ភ្នំពេញៈ ក្នុងចំណោមប៉ូលសេដ្ឋកិច្ចទាំងបួន រាជធានីភ្នំពេញជាប៉ូលសេដ្ឋកិច្ចសំខាន់បំផុតរបស់ប្រទេសកម្ពុជា។

នៅក្នុងកំឡុងវិបត្តិជំងឺរយៈពេល២ឆ្នាំកន្លងមក ភ្នំពេញនៅបន្តដំណើរការសកម្មភាពសេដ្ឋកិច្ច ដោយជាប៉ូលដែលមានភាពរឹងមាំបំផុត ដោយសារហេតុផលផ្ទៃក្នុងសំខាន់ៗមួយចំនួន ខណៈកត្តាខាងក្រៅនៅមិនទាន់បង្ហា​ញសញ្ញាវិជ្ជមាននៅឡើយ។

អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ Century21 Advance លោក ឡុង គីមសួគ៌ បានមានប្រសាសន៍នៅថ្ងៃទី២៥ ខែសីហា ឆ្នាំ២០២២ ថា ក្នុងចំណោមប៉ូលសេដ្ឋកិច្ចសំខាន់ទាំងបួន ដោយឆ្លងកាត់ផលប៉ះពាល់ពីវិបត្តិជំងឺកន្លងមក ភ្នំពេញជារាជធានី និងជាប៉ូលសេដ្ឋកិច្ចសំខាន់ និងមានភាពរឹងមាំបំផុត នៅក្នុងវិស័យអចលនទ្រព្យ។

អ្នកជំនាញរូបនេះលើកឡើងថា កត្តាសំខាន់ទី១ ប្រជាសាស្ត្រក្នុងទីក្រុងភ្នំពេញ ដែលជាទីប្រជុំជនប្រមូលផ្តុំមនុស្សគ្រប់ទិសទី ទាំងក្នុងប្រទេស និងក្រៅប្រទេស។

លោកមានប្រសាសន៍ថា “ប៉ូលសេដ្ឋកិច្ចទីក្រុងភ្នំពេញ ជាតំបន់ប្រមូលផ្តុំដោយនយោបាយ សេដ្ឋកិច្ច វប្បធម៌ ទេសចរណ៍ អ្វីៗប្រមូលផ្តុំនៅរាជធានីភ្នំពេញទាំងអស់។ របាយប្រជាជន រស់នៅក្នុងទីក្រុងមួយនេះក៏មានចំនួនច្រើនផងដែរ ដែលធ្វើឱ្យសេដ្ឋកិច្ចភ្នំពេញឈរនៅលំដាប់ទី១”។

កត្តាសំខាន់ទី២ គឺ ដំណើរការសេដ្ឋកិច្ច នៅក្នុងទីក្រុងភ្នំពេញនៅបន្តមានដំណើរការជាធម្មតា និងមានភាពមមាញឹកជានិច្ច។

កត្តាសំខាន់ទី៤ ប្រព័ន្ធហេដ្ឋារចនាសម្ព័ន្ធ​ នៅបន្តមានការសាងសង់ និងអភិវឌ្ឍ។

លោកថា “ការអភិវឌ្ឍលើវិស័យអចលនទ្រព្យ ការកសាងហេដ្ឋារចនាសម្ព័ន្ធ ផ្លូវថ្នល់ ស្ពាន អាគារធំៗ ស្ថិតនៅក្នុងទីក្រុងភ្នំពេញមានចំនួនច្រើនជាងគេ”។

កត្តាសំខាន់ទី៥ ចរន្តទិញលក់ និងការអភិវឌ្ឍនៃអចលនទ្រព្យ មានសកម្មភាពជាហូរហែរ ទោះបីមានការធ្លាក់ចុះបន្ទិចក្តី ដោយសារផលប៉ះពាល់ពីជំងឺកូវីដ១៩។

លោកឡូង គីមសួគ៌បញ្ជាក់បន្ថែមថា “វិស័យអចលនទ្រព្យនៅទីក្រុងភ្នំពេញក្នុងកំឡុងពេលនេះ ភ្នំពេញមានភាពល្អប្រសើរជាងគេ ដោយសារ ស្ថិតិប្រជាជនរស់នៅច្រើន វិស័យសេដ្ឋកិច្ចមានការដោះដូរច្រើន ការកសាងប្រព័ន្ធហេដ្ឋារចនាសម្ព័ន្ធនៅតែបន្តដំណើរការ”។

លោកបន្តថា ទោះបីជាប្រឈមវិបត្តិសេដ្ឋកិច្ចសកល ទាក់ទងនឹងការដោះដូរអចលនទ្រព្យ នៅតែមាន ដោយសាររាជរដ្ឋាភិបាលបានដោះស្រាយបានជោគជ័យ ក្នុងការកាត់បន្ថយការឆ្លងជំងឺបានសឹង១០០ភាគរយ។

យ៉ាងណាក្តីអ្នកជំនាញរូបនេះលើកឡើងថា កត្តាផ្ទៃក្នុងខាងលើបានជំរុញឱ្យវិស័យអចលនទ្រព្យ នៅក្នុងទីក្រុងភ្នំពេញ មានភាពរឹងមាំខ្លាំង ខណៈកត្តាខាងក្រៅ ដូចជា លំហូរនៃវិនិយោគិនពីបរទេស និងទុនវិនិយោគ នៅបន្តត្រូវការពេលវេលា រហូតដល់ពាក់កណ្តាល និងចុងឆ្នាំក្រោយ ដោយសង្ឃឹមថា នឹងបង្ហាញនូវសញ្ញាល្អប្រសើរបន្ថែមទៀត។

ជាមួយគ្នានេះ លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានឱ្យដឹងកាលពីពេលថ្មីៗនេះថា ទីផ្សារអចល​នទ្រព្យកម្ពុជាជារួមត្រូវការរង់ចាំ រហូតដល់ឆ្នាំ២០២៣ ឬដើមឆ្នាំ២០២៤ ទើបអាចបង្ហាញសញ្ញាវិជ្ជមានឡើងវិញ ដោយបច្ចុប្បន្ននេះ វិស័យអចលនទ្រព្យកម្ពុជា ហាក់នៅទ្រឹង ដោយសារភាពមិនច្បាស់លាស់នៃសេដ្ឋកិច្ច ធ្វើឱ្យការទិញ លក់មានចំនួនតិច។

លោកបានបន្តថា បច្ចុប្បន្ន អ្នកវិនិយោគបរទេសពុំទាន់ឃើញមានការហូរចូលមកបន្ថែមនៅឡើយ ដោយមានតែអ្នកវិនិយោគិនធំៗ ក្នុងស្រុកប៉ុណ្ណោះ ដែលដំណើរការគម្រោង៕

ដោយ៖ សហការី

ភ្នំពេញ៖ ក្រុមហ៊ុន Minebea របស់ប្រទេសជប៉ុន គ្រោងបោះទុនវិនិយោគចំនួន៤៥លានដុល្លារអាមេរិក ក្នុងការបង្កើតថាមពលកកើតឡើងវិញ ក្នុងអនុភាព៥០មេហ្គាវ៉ាត់ ដោយប្រើពន្លឺព្រះអាទិត្យ សម្រាប់គាំទ្រដល់ការវិនិយោគ និងគម្រោងអភិវឌ្ឍន៍លើវិស័យផ្សេងៗរបស់ខ្លួននៅកម្ពុជា និងការផ្តល់ជូនទៅអគ្គិសនីកម្ពុជា សម្រាប់ធ្វើការចែកចាយ។

ក្នុងជំនួបពិភាក្សាការងារជាមួយលោក ស៊ុយ សែម រដ្ឋមន្រ្តីក្រសួងរ៉ែ និងថាមពល លោក យ៉ូស៊ីហ៊ីរ៉ូ សាកានុស៊ី នាយកគ្រប់គ្រងក្រុមហ៊ុន Minebea (Cambodia) Co., LTD. បានលើកឡើងថា ក្រុមហ៊ុន Minebea ងាកទៅប្រើប្រាស់ថាមពលកកើតឡើងវិញ ដោយសារក្រុមហ៊ុនដែលជាដៃគូ ដូចជាក្រុមហ៊ុន Apple និងក្រុមហ៊ុនToyota ជាដើម គិតគូរដល់ការអភិវឌ្ឍប្រកបដោយនិរន្តរភាព។

លោក យ៉ូស៊ីហ៊ីរ៉ូ សាកានុស៊ី បានបញ្ជាក់ថា ក្រុមហ៊ុនមានលទ្ធភាព ក្នុងការបង្កើតនូវថាមពលកកើតឡើងវិញ ដោយថាមពលពន្លឺព្រះអាទិត្យ ដែលតម្រូវឲ្យមានទីតាំងមួយសម្រាប់ការដាក់ Sola Panel នេះ និងការបង្កើត Sola Farm មួយ ក្នុងគម្រោងបង្កើតថាមពលកម្រិត៥០មេហ្កាវ៉ាត់ ដែលប្រើប្រាស់ទុនវិនិយោគប្រមាណ៤៥លានដុល្លារអាមេរិក។

ជាការឆ្លើយតបលោក ស៊ុយ សែម បានថ្លែងនូវការកោតសរសើរ និងការអភិវឌ្ឍរីកចម្រើនរបស់ក្រុមហ៊ុន Minebea ដែលសម្តេចតេជោ នាយករដ្ឋមន្រ្តី បានចាត់ទុក ក្រុមហ៊ុន Minebea ជាកូនដែលសម្តេចតេជោ បានបង្កើតឡើង។ ទាក់ទងគម្រោងអភិវឌ្ឍន៍ថាមពលកកើតឡើងវិញ ដោយប្រើពន្លឺព្រះអាទិត្យ លោកប្រកាសនូវការគាំទ្រជានិច្ច ឲ្យតែក្រុមហ៊ុន Minebea អនុវត្តតាមគោលការណ៍ច្បាប់បានត្រឹមត្រូវ៕

Warehouses and modern logistics are becoming rising stars in the property sector amid stagnant residential development in the middle to lower-income segment, according to developer Frasers Property (Thailand) Plc (FPT).

Thanapol Sirithanachai, Country Chief Executive Officer, said residential development business in the middle to lower-income segment was flat because of high household debt, rising interest rates and inflation. The high-end segment is still doing well, said Mr Thanapol. “Commercial property will have an oversupply in the next few years while the hospitality sector is picking up,” he said.

“Commercial property will have an oversupply in the next few years while the hospitality sector is picking up,” he said. “The rising star is warehouse and modern logistics property.”

Mr Thanapol said it may no longer be feasible in the future to develop stand-alone facilities but establish smart communities instead. “With the disruption from the Covid-19 impact and the digital economy, the traditional supply chain may be obsolete as customers buy online and the transaction goes directly to a warehouse,” he said.

Warehouses are no longer only for storage, but also serve as an operational centre. They have become a centre of gravity which requires supporting facilities and infrastructure, said Mr Thanapol on Wednesday during the Thailand Focus 2022 seminar. As a result, traditional warehouses with a single purpose or ready-built facilities will move forward to become built-to-suit or tailor-made facilities.

They will also no longer be located factories but near consumers, and they will be equipped with city logistics and last mile delivery. “We will develop a sustainable smart township to support the new…

Source: Bangkok post

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានគាំទ្រការបើកបើកការិយាល័យពាណិជ្ជកម្មរបស់តួកគីនៅកម្ពុជា ដើម្បីពង្រីកសក្តានុពលពាណិជ្ជកម្ម និងការវិនិយោគរវាងប្រទេសទាំងពីរឱ្យកាន់តែល្អប្រសើរថែមទៀត។

សម្តេចតេជោ ហ៊ុន សែន បានថ្លែងក្នុងជំនួបពិភាក្សាការងារជាមួយលោកស្រី អ៊ូឃូល កូចាអេហ្វេ (Ulku Kocaefe) ឯកអគ្គរដ្ឋទូតតួកគីប្រចាំនៅកម្ពុជា នៅព្រឹកថ្ងៃទី២៥ ខែសីហា ឆ្នាំ២០២២នេះ ថាកម្ពុជា និងតួកគី នៅមានសក្ដានុពលជាច្រើន សម្រាប់ពង្រីក និងពង្រឹងកិច្ចសហប្រតិបត្តិការ។

ក្នុងន័យនេះ សម្ដេចតេជោ ស្វាគមន៍ការិយាល័យពាណិជ្ជកម្មរបស់តួកគី ហើយសង្ឃឹមថា ការិយាល័យពាណិជ្ជកម្ម នឹងធ្វើការសិក្សាស្វែងយល់រាល់កិច្ចសហប្រតិបត្តិការ លើវិស័យសេដ្ឋកិច្ចពាណិជ្ជកម្ម និងវិនិយោគ ដែលជាមូលដ្ឋានគ្រឹះនៃកិច្ចសហប្រតិបត្តិការលើវិស័យដទៃទៀត

លោកស្រី អ៊ូឃូល កូចាអេហ្វេ បានលើកឡើងថា កម្ពុជា និងតួកគី នៅមានសក្ដានុពលច្រើនសម្រាប់ធ្វើកិច្ចសហប្រតិបត្តិការជាមួយគ្នា។ លោកស្រី បានបន្ថែមថា តាមរយៈកិច្ចព្រមព្រៀងមួយចំនួន ដែលបានចុះហត្ថលេខារួចហើនោះ លោកស្រី នឹងប្រឹងប្រែងទាញយកសក្ដានុពលទាំងនោះ ដើម្បីជំរុញកិច្ចសហប្រតិបត្តិការរវាងប្រទេសទាំងពីរ។

លោកស្រីឯកអគ្គរដ្ឋទូត បានលើកឡើងដែរថា តួកគី នឹងបើកបើកការិយាល័យពាណិជ្ជកម្មនៅកម្ពុជា ដើម្បីជំរុញកិច្ចសហប្រតិបត្តិការលើគ្រប់វិស័យទាំងទ្វេភាគី ទាំងក្នុងក្របខណ្ឌតំបន់ និងក្នុងក្របខណ្ឌពិភពលោក៕

ដោយៈ សុខុម

ហុងកុង: ផ្សារហ៊ុនអាស៊ី បានហក់ឡើងយ៉ាងទូលំទូលាយ ខណៈរូបិយប័ណ្ណដុល្លារ ធ្លាក់ថ្លៃបន្តិចនៅថ្ងៃព្រហស្បតិ៍ ទី២៥ ខែសីហា នេះ ខណៈបណ្ដាវិនិយោគិន កំពុងទន្ទឹងយ៉ាងអន្ទះសារង់ចាំអ៊ុតមើល លទ្ធផលនៃកិច្ចប្រជុំប្រចាំឆ្នាំ របស់ធនាគារកណ្តាលអាមេរិកស្ដីពី ការដំឡើងអត្រាការប្រាក់បន្ថែមទៀត។

MSCI ដែលជាសន្ទស្សន៍ផ្សារហ៊ុនធំបំផុតនៅអាស៊ី-ប៉ាស៊ីហ្វិក ក្រៅពីប្រទេសជប៉ុន បានហក់ឡើង០,៣% បន្ទាប់ពីផ្សារហ៊ុនសហរដ្ឋអាមេរិក បានហក់ឡើងតិចតួច។

ផ្សារហ៊ុនអូស្ត្រាលី បានហក់ឡើង០,៧% ខណៈសន្ទស្សន៍ផ្សារហ៊ុនជប៉ុន Nikkei បានហក់ឡើង០,៥២% ចំណែកឯផ្សារហ៊ុនប្រទេសចិន CSI300 បានហក់ឡើង០,២៧%។

កិច្ចប្រជុំស្ដីពីគោលនយោបាយរូបិយវត្ថុ ប្រចាំឆ្នាំរបស់ធនាគារកណ្ដា​លអាមេរិក នៅទីក្រុង Jackson Hole រដ្ឋ Wyoming នឹងចាប់ផ្តើមនៅថ្ងៃសុក្រ ស្អែកនេះ។

លោក Tapas Strickland នាយកផ្នែកសេដ្ឋកិច្ចនៅធនាគារជាតិអូស្ត្រាលី (NAB) លើកឡើងថា ពេលនេះបណ្ដាវិនិយោគិនរំពឹងថា អត្រាអត្រាការប្រា ក់របស់ធនាគារកណ្ដាលអាមេរិក នឹងត្រូវដំឡើងដល់កម្រិតខ្ពស់បំផុតក្នុងរង្វង់៣,៨០%នៅខែមីនា ឆ្នាំ២០២៣ ដោយកើនឡើងពី៣,៦២%កាលពី២សប្ដាហ៍មុន។

អត្រាការប្រាក់មានឱកាស៦០% ដែលអាចដំឡើង៧៥ពិន្ទុបន្ថែមទៀតនៅខែកញ្ញា ខាងមុខនេះ។

បណ្ដាផ្សារហ៊ុនអាមេរិក រួមមានផ្សារហ៊ុន Dow Jones Industrial Average បានហក់ឡើង០,១៨% ផ្សារហ៊ុន S&P 500 បានហក់ឡើង០,២៩% ហើយផ្សារហ៊ុន Nasdaq Composite បានហក់ឡើង០,៤១%។

រូបិយប័ណ្ណដុល្លារ បានធ្លាក់ថ្លៃ០,០១%ទល់នឹងរូបិយប័ណ្ណយ៉េន របស់ជប៉ុន ឈានដល់១៣៧,០៩យ៉េន ក្នុង១ដុល្លារ។

ប្រេងឆៅអាមេរិក បានហក់ឡើងថ្លៃ០,៣៨% ឈានដល់៩៥,២៥ដុល្លារក្នុង១បារ៉ែល ខណៈប្រេងឆៅអង់គ្លេស ហក់ឡើងថ្លៃ០,៥%ឈានដល់១០១,២២ដុល្លារ ក្នុង១បារ៉ែល។  ទន្ទឹមនឹងនេះ មាសបានហក់ឡើងថ្លៃបន្តិច ឈានដល់១.៧៥៣ដុល្លារ ក្នុងមួយអោន៕ Reuters៕

 ដោយៈ សុខុម

បែរឡាំង: ពលរដ្ឋដែលទទួលរងផលប៉ះពាល់ផ្ទាល់ ពីវិបត្តិឧស្ម័ន   ហ្គាសនៅអឺរ៉ុប កំពុងខំប្រវេប្រវាដំឡើងបន្ទះសូឡា សម្រាប់ប្រើប្រាស់ក្នុងផ្ទះ និងអាជីវកម្មរបស់ខ្លួន ខណៈពួកគេប្រឈមមុខនឹងវិបត្តិ ដែលធ្វើឱ្យថាមពលហក់ឡើងថ្លៃខ្ពស់បំផុតមិនធ្លាប់មាន។

តួយ៉ាង ក្នុងរយៈពេល៦ខែដើមឆ្នាំនេះ ការដំឡើងបន្ទះសូឡាក្នុងប្រទេសអាល្លឺម៉ង់ បានកើនឡើង២២% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមទិន្នន័យពីសមាគមសូឡាអាល្លឺម៉ង់ (German Solar Association) ដែលសារព័ត៌មាន CNN Business ទទួលបាន និងចុះផ្សាយកាលពីថ្ងៃពុធ ទី២៤ ខែសីហា។

សមាគមនេះនិយាយថា តួលេខនេះរួមបញ្ចូលទាំងសូឡា ប្រើប្រាស់តាមលំនៅដ្ឋាន និងសម្រាប់គោលបំណងពាណិជ្ជកម្មផងដែរ ដែលរាប់ចាប់ពីការដំឡើងខ្នាតតូចៗ លើដំបូលផ្ទះឯកជនរហូតដល់ស្ថានីយសូឡាធំៗ។

តម្រូវការថាមពលសូឡា កំពុងកើនឡើងខ្លាំងរួចហើយ នៅអាល្លឺម៉ង់ ដែលជាសេដ្ឋកិច្ចធំបំផុតប្រចាំអឺរ៉ុប ខណៈថាមពលហក់ឡើងថ្លៃស្រឺតៗ គោលនយោបាយជំរុញ លើកទឹកចិត្តត្រូវបានដាក់ចេញ ហើយការទទួលយកបច្ចេកវិទ្យាកាន់តែមានសារៈសំខាន់។

ទោះជាយ៉ាងណា កាលពីពេលថ្មីៗនេះ អ្នកប្រើប្រាស់ក៏បានប្រឈមនឹងវិក្កយបត្រទឹកភ្លើងកើនឡើង ការកើនឡើងកម្ដៅព្រះអាទិត្យនិងការព្រួ​យ​បារម្ភជាថ្មីថា តើពួកគេនឹងអាចរកអ្វីមកដុតកម្ដៅខ្លួន ក្នុងរដូវរងានេះបានដែរ ឬយ៉ាងណា។

ចាប់តាំងពីបញ្ឆេះសង្គ្រាម ចូលឈ្លានពានប្រទេសអ៊ុយក្រែន នៅថ្ងៃទី២៤ ខែកុម្ភៈ ពោលគឺកាលពី៦ខែមុន រុស្ស៊ី បានកាត់បន្ថយការផ្គត់ផ្គង់ឧស្ម័នហ្គាសរបស់ខ្លួនយ៉ាងច្រើន ដល់ប្រទេសអាល្លឺម៉ង់ និងបណ្តាប្រទេសផ្សេងទៀតក្នុងសហភាពអឺរ៉ុប។

ទើបតែកាលពីសប្តាហ៍មុន ប្រទេសរុស្ស៊ី បានប្រកាសបិទបំពង់បង្ហូរឧស្ម័ន Nord Stream 1 របស់ខ្លួនដោយគ្មានការគ្រោងទុក នៅចុងខែនេះដើម្បីធ្វើការជួសជុលថែទាំ ជាហេតុធ្វើឱ្យតម្លៃឧស្ម័នធម្មជាតិ ហក់ឡើងថ្លៃខ្ពស់មិនធ្លាប់មាន៕ CNN៕

ដោយ: លាងហួរ

ប៉េកាំង: ប្រទេសចិននឹងអនុម័តគោលនយោបាយ ជាបន្តបន្ថែមពីលើកញ្ចប់គោលនយោបាយស្តារស្ថិរភាពសេដ្ឋកិច្ច ដែលជាផ្នែកនៃកិច្ចខិតខំប្រឹងប្រែងក្នងការស្តារកំណើនសេដ្ឋកិច្ចជាតិឡើងវិញ។

ប្រទេសចិន ក៏នឹងបញ្ជូនក្រុមការងារទៅមូលដ្ឋាន ដើម្បីត្រួតពិនិត្យ និងជួយការងារនេះ ដើម្បីលើកកម្ពស់ការអនុវត្តគោលនយោបាយ ក្នុងល្បឿនកាន់តែលឿន។ នេះបើយោងតាមសេចក្តីសម្រេច ដែលបានធ្វើឡើងនៅក្នុងកិច្ចប្រជុំប្រតិបត្តិរបស់ក្រុមប្រឹក្សារដ្ឋ ដែលដឹកនាំដោយលោកនាយករដ្ឋមន្ត្រីចិនលី ខឺឈាងកាលពីថ្ងៃពុធម្សិលមិញនេះ។

កិច្ចប្រជុំបានកត់សម្គាល់ថា សេដ្ឋកិច្ចចិននៅពេលនេះ បានបន្តសន្ទុះនៃការងើបឡើងវិញ ប៉ុន្តែការប្រែប្រួលតិចតួចនៅតែមាន ហើយមូលដ្ឋានគ្រឹះនៃការងើបឡើងវិញសេដ្ឋកិច្ចមិនរឹងមាំនោះទេ។

វាជាការចាំបាច់ក្នុងការអនុវត្ត យ៉ាងពេញលេញនូវទស្សនវិជ្ជា នៃការអភិវឌ្ឍន៍ថ្មី សម្របសម្រួលការឆ្លើយតបរបស់ជំងឺរាតត្បាត ជាមួយនឹងការអភិវឌ្ឍន៍សេដ្ឋកិច្ច និងសង្គមប្រកបដោយប្រសិទ្ធភាពខ្ពស់ លើកកំពស់ការអភិវឌ្ឍន៍ជាមូលដ្ឋាន និងជាគន្លឹះក្នុងការដោះស្រាយបញ្ហាទាំងអស់ នៅក្នុងប្រទេសចិន និងចាប់យកពេលវេលាដ៏សំខាន់នាពេលបច្ចុប្បន្ន។

បន្ថែមពីលើការផ្តល់នូវកញ្ចប់គោលនយោបាយ សម្រាប់ស្ថិរភាពសេដ្ឋកិច្ច គោលនយោបាយថ្មីចំនួន១៩បន្ថែមទៀត នឹងត្រូវដាក់ឱ្យដំណើរការដើម្បីបង្កើតភាពស៊ីសង្វាក់គ្នាកាន់តែខ្លាំង។

គោលដៅនៃការរួមបញ្ចូលគ្នា នៃគោលនយោបាយនេះ គឺដើម្បីលើកកម្ពស់ស្ថិរភាពសេដ្ឋកិច្ច និងការកើនឡើង រក្សាសូចនាករសេដ្ឋកិច្ចសំខាន់ៗ និងធ្វើការ ដើម្បីទទួលបានលទ្ធផលល្អបំផុតដែលអាចធ្វើទៅបាន។

លោកលី ខឺឈាងបាននិយាយថា ដោយគិតពីកាលៈទេសៈបច្ចុប្បន្ន យើងត្រូវចាប់យកឱកាស និងរក្សាទំហំគោលនយោបាយ ឱ្យបានសមស្របហើយមូលនិធិ ដែលមានគួរត្រូវប្រើប្រាស់ឱ្យល្អបំផុត ដែលនឹងពង្រីកការវិនិ​យោគប្រកបដោយប្រសិទ្ធភាព ជំរុញការប្រើប្រាស់ និងជួយរក្សាសកម្មភាពសេដ្ឋកិច្ចឱ្យដើរទៅមុខប្រកបដោយស្ថិរភាព៕