ប្រទេសអឺរ៉ុបឈ្លោះប្រកែកគ្នាជុំវិញការកំណត់តម្លៃប្រេងរបស់រុស្ស៊ី ខណៈសហរដ្ឋអាមេរិកកំពុងចំណេញពីការនាំចេញប្រេងទៅអឺរ៉ុប

ដោយ: លាងហួរ

អឺរ៉ុប: បណ្តាប្រទេសសមាជិកសហភាពអឺរ៉ុបបានបែកបាក់គ្នា ជុំវិញការកំណត់តម្លៃប្រេងរបស់រុស្ស៊ី ខណៈបណ្តាប្រទេសទាំងនេះមានការប្រុងប្រយ័ត្ន ចំពោះការពិតដែលថា ការបញ្ចុះបញ្ចូលរបស់អាមេរិកឱ្យ EU ដាក់ទណ្ឌកម្មលើរុស្ស៊ី គឺគ្រាន់តែដើម្បីបង្កើនប្រាក់ចំណេញ សម្រាប់ទីក្រុងវ៉ាស៊ីនតោនតែប៉ុណ្ណោះ។

នេះបើយោងតាមការចេញផ្សាយដោយសារពត៌មាន Global Times កាលពីថ្ងៃទី២៥ ខែវិច្ឆិកា ឆ្នាំ២០២២។

ក្រុមអ្នកសង្កេតការណ៍បានលើកឡើងថា ប្រសិនបើតម្លៃប្រេងត្រូវបានកំណត់ពិតមែននោះ ទាំងរុស្ស៊ី និងអឺរ៉ុបនឹងរងទុក្ខ ហើយសហរដ្ឋអាមេរិកនឹងក្លាយជាប្រទេសតែ១គត់ ដែលទទួលបានផលប្រយោជន៍។

ទីភ្នាក់ងារព័ត៌មាន Reuters បានរាយការណ៍ថា រដ្ឋាភិបាលសហភាពអឺរ៉ុបបានជំទាស់លើការកំណត់តម្លៃប្រេងរបស់រុស្ស៊ី ដើម្បីរារាំងលទ្ធភាពរុស្ស៊ី លើការផ្តល់ហិរញ្ញប្បទានដល់ការធ្វើសង្គ្រាម នៅក្នុងប្រទេសអ៊ុយក្រែន។

គណៈកម្មាធិការអឺរ៉ុប ប្រធានាធិបតីឆេក ប្រធានាធិបតីអាមេរិក និងក្រុមប្រទេស G7 ព្រមទាំងប្រទេសអាល្លឺម៉ង់បានជួបពិភាក្សាគ្នា កាលពីថ្ងៃព្រហស្បតិ៍ ក្នុងគោលបំណង ដើម្បីដោះស្រាយភាពខ្វែងគំនិតគ្នា និងដើម្បីឈានដល់កិច្ចព្រមព្រៀងមួយ មុនពេលការកំណត់តម្លៃចូលជាធរមាន នៅថ្ងៃទី០៥ ខែធ្នូខាងមុខ។

ទីភ្នាក់ងារព័ត៌មាន Reuters បានដកស្រង់សម្តីរបស់វិមានក្រឹមឡាំង ដែលបានរាយការណ៍កាលពីថ្ងៃព្រហស្បតិ៍ថា ប្រទេសរុស្ស៊ីមិនមានគម្រោងផ្គត់ផ្គង់ប្រេង និងឧស្ម័នដល់ប្រទេសណា ដែលគាំទ្រលើការកំណត់តម្លៃប្រេងរបស់ខ្លួននោះទេ។

លោក Li Haidong សាស្ត្រាចារ្យមកពីវិទ្យាស្ថានទំនាក់ទំនងអន្តរជាតិ នៃសាកលវិទ្យាល័យកិច្ចការបរទេសចិន ក្នុងទីក្រុងប៉េកាំង បានមានប្រសាសន៍ថា ការបែកបាក់របស់សហភាពអឺរ៉ុប គឺអាចព្យាករណ៍បានទាំងស្រុង ខណៈសង្គ្រាមរុស្ស៊ី-អ៊ុយក្រែនបានឈានចូលដល់ខែទី៩ហើយ។ ចំណែកឯបណ្តាប្រទេសជាសមាជិកសហភាពអឺរ៉ុប កាន់តែយល់ច្បាស់ថា សហរដ្ឋអាមេរិកកំពុងលួងលោមពួកគេ ដើម្បីទទួលបានផលប្រយោជន៍ផ្ទាល់ខ្លួន ដូចជាតាមរយៈការនាំចេញប្រេង ទៅកាន់អឺរ៉ុប ដើម្បីទទួលបានផលចំណេញយ៉ាងច្រើន។

សហរដ្ឋអាមេរិកបាននឹងកំពុងនាំចេញបរិមាណប្រេងឆៅ និងផលិតផលប្រេងដ៏ច្រើនសន្ធឹកសន្ធាប់ នាពេលថ្មីៗនេះ ហើយអឺរ៉ុបបានក្លាយជាគោលដៅសំខាន់ សម្រាប់ការនាំចេញទាំងនេះ៕

អ្នកអភិវឌ្ឍន៍គួរយកចិត្តទុកដាក់លើការសាងសង់សំណង់បៃតង

ដោយ៖ វឌ្ឍនៈ

ភ្នំពេញ ៖ ការអភិវឌ្ឍសំណង់បៃតងនៅកម្ពុជានាពេលបច្ចុប្បន្ននេះ មានកម្រិតតិចតួចនៅឡើយ និងទាមទារឱ្យមានការយកចិត្តទុកដាក់និងចាប់ផ្ដើមគិតគូរពីសំណង់បៃតងឱ្យបានច្រើនដើម្បីសន្សំសំចៃថាមពលនិងការពារបរិស្ថាន ។

លោក ហាក់ទ្រី ទេវាយុធ ប្រធាននាយកដ្ឋានអភិវឌ្ឍន៍ធុរកិច្ចនៃក្រុមហ៊ុន Golden Tree បានមានប្រសាសន៍ថាអ្នកអភិវឌ្ឍន៍សំណង់នៅក្នុងប្រទេសកម្ពុជាគួរតែចាប់ផ្ដើម និងគិតគូរពីការសាងសង់សំណង់បៃតង ខណៈប្រទេសជាច្រើននៅលើពិភពលោកបានគិតគូររួចហើយ និងផ្ដល់តម្លៃដល់ការសាងសង់អគារបៃតងនៅក្នុងប្រទេសរបស់គេ។

លោកបន្តថា អគារបៃតងមិនមែនសំដៅលើអគារដាំដើមឈើឱ្យទៅជាពណ៌បៃតងនោះទេ តែជាអគារដែលគិតគូរដល់បរិស្ថានរាប់ចាប់តាំងពីការសាងសង់រហូតដល់អគារនោះសង់រួចរាល់និងដំណើរការ ។ តាមបទពិសោធន៍ដែលមាន អគារបៃតងនៅក្នុងប្រទេសកម្ពុជាយើងឃើញថាបានជួយកាត់បន្ថយដល់ការប្រើប្រាស់ថាមពល ទឹក  នៅក្នុងអគារទាំងមូលដែលជាការសន្សំសំចៃដ៏ធំមួយនិងជួយដល់បរិស្ថានរបស់យើងផងដែរ ។

លោកបន្ថែមថា តាមរយៈបទពិសោធន៍អគារវីត្រាស់ដែលយើងបានគ្រប់គ្រងនិងជាអគារបៃតងឃើញថាអគារនេះ បានជួយកាត់បន្ថយថាមពលប្រមាណជាង២០ភាគរយនិងសន្សំការប្រើប្រាស់ទឹករហូតដល់ជាង៥០ភាគរយ ដូច្នេះបើសិនជាកម្ពុជាមានការសាងសង់អគារបៃតងកាន់តែច្រើននោះ យើងនឹងអាចសន្សំសំចៃបានច្រើនណាស់ ។

លោក ស៊ីម បូវិសាល ទីប្រឹក្សាសមាគមអ្នកផ្ដល់ប្រឹក្សាសំណង់អគារបៃតងកម្ពុជា ក៏បានលើកឡើងផងដែរ ការសាងសង់អគារបៃតងតាមទៅគឺមានការចំណាយច្រើនជាងការសាងសង់អគារធម្មតា ប៉ុន្តែគុណសម្បត្តិនៃអគារបៃតងគឺមានច្រើនលើសលប់ ហើយម្ចាស់អគារនឹងទទួលបានផលចំណេញខ្ពស់ពីប្រតិបត្តិការនៅក្នុងអគារ។ អ្វីដែលពិសេសនោះ គឺអ្នកធ្វើការនៅក្នុងអគារនោះទទួលបានផាសុខភាព ការរស់នៅប្រកបដោយសុខភាពល្អ។

លោកបានជំរុញឱ្យវិនិយោគិន ឬអ្នកសាងសង់អគារក្រោយៗគួរងាក និងគិតគូរឱ្យបានច្រើនលើសំណង់អគារបៃតង ខណៈប្រទេសជិតខាង ក៏ដូចជាប្រទេសនៅលើពិភពលោកនេះ បានគិតគូរយូរមកហើយពីបញ្ហានេះ ក្នុងពេលកម្ពុជាមានសំណង់អគារបៃតងតិចតួចបំផុត ធៀបនឹងប្រទេសជិតខាង។

របាយការណ៍របស់ UNDP បានឱ្យដឹងថាវិស័យសំណង់នៅកម្ពុជា បានប្រើប្រាស់ថាមពលច្រើនជាងគេធៀបនឹងវិស័យផ្សេងៗ ដែលមានរហូតដល់ជិតពាក់កណ្ដាល នៃការប្រើប្រាស់ថាមពលសរុបក្នុងប្រទេសទៅហើយ។ ការរីកចម្រើននៃវិស័យសំណង់កាលពីមុនកូវីដ១៩ បានធ្វើឱ្យកម្ពុជាជួបវិបត្តិនឹងកង្វះថាមពល និងបានធ្វើឱ្យអាជ្ញាធរអគ្គិសនី ត្រូវកាត់ផ្ដាច់ចរន្តអគ្គិសនីតាមតំបន់មួយចំនួន៕

អ្នកជំនាញ៖ ការធ្វើពិពិធកម្មទំនិញនិងទីផ្សារនាំចេញជំរុញកំណើនសេដ្ឋកិច្ចរក្សាបានស្ថិរភាព

ដោយ៖ សុផារី

ភ្នំពេញ៖ អ្នកជំនាញសេដ្ឋកិច្ច លើកឡើងថា ការធ្វើពិពិធកម្មទំនិញសម្រាប់នាំចេញ និងទីផ្សារ មានសារៈសំខាន់ សម្រាប់រក្សាស្ថិរភាពកំណើនសេដ្ឋកិច្ច និងកាត់បន្ថយហានិភ័យពីកត្តាខាងក្រៅ។

លោក ស៊ាន មនោរិទ្ធ សេដ្ឋកិច្ចវិទូ នៃក្រសួងសេដ្ឋកិច្ច និងហិរញ្ញវត្ថុ បានលើកឡើងក្នុងសន្និសីទម៉ាក្រូសេដ្ឋកិច្ចប្រចាំឆ្នាំលើកទី៩ ស្តីពី “ដំណើរឆ្ពោះទៅកាន់ការស្ដារឡើងវិញនិងភាពធន់ក្រោយកូវីដ-១៩ នៅថ្ងៃទី២៤ ខែវិច្ឆិកាថា ប្រទេសកំពុងអភិវឌ្ឍន៍ និងប្រទេសអភិវឌ្ឍន៍តិចតួច ជាទូទៅមានមូលដ្ឋានសេដ្ឋកិច្ចតូចជាង ជាមួយនឹងផលប៉ះពាល់ម៉ាក្រូសេដ្ឋកិច្ចខ្ពស់ជាងប្រទេសអភិវឌ្ឍន៍ដែលមានពិពិធកម្មសេដ្ឋកិច្ចធំជាង។

លោកបន្តថា ដូច្នេះ ការធ្វើពិពិធកម្មសេដ្ឋកិច្ចដើរតួនាទីយ៉ាងសំខាន់ ក្នុងការពង្រីកមូលដ្ឋានសេដ្ឋកិច្ច ដើម្បីកាត់បន្ថយផលប៉ះពាល់ នៃកត្តាហានិភ័យខាងក្រៅ។

លោកលើកឡើងថា ក្នុងរយៈពេលពីរទសវត្សរ៍ចុងក្រោយនេះ ការនាំចេញរបស់ប្រទេសបានកើនឡើងជាលំដាប់ ដែលឆ្លុះបញ្ចាំងពីនិន្នាការ ដែលកំពុងរីកចម្រើន នៅក្នុងវិស័យផលិតកម្ម។ ផលិតផលវាយនភណ្ឌ បានក្លាយទៅជាកន្លែងឈរជើងដ៏យូរអង្វែង នៃការនាំចេញរបស់ប្រទេស ដែលស្មើនឹងជាង ៧០ភាគរយ នៃការនាំចេញរបស់ប្រទេស។

បើតាមសេដ្ឋកិច្ចវិទូ បញ្ហាប្រឈមសំខាន់ៗមួយចំនួន ដែលនៅសេសសល់ ក្នុងចំណោមបញ្ហាជាច្រើនទៀត គឺការចំណាយខ្ពស់ក្នុងការធ្វើអាជីវកម្ម ពលកម្មជំនាញទាប បរិយាកាសធុរកិច្ចមិនល្អ ដែលរារាំងទំនាក់ទំនង រវាង FDI និងក្រុមហ៊ុនក្នុងស្រុក និងការទទួលយកឌីជីថលទាប។

លោកបន្ថែមថា បញ្ហាទាំងនេះ គួរត្រូវបានលើកឡើង និងដោះស្រាយ ដើម្បីធានាបានពីពីការធ្វើពិពិធកម្មទំនិញ និងទីផ្សាររបស់កម្ពុជា សំដៅដល់កំណើនសេដ្ឋកិច្ច មានចីរភាព និងភាពធន់។ ដើម្បីពន្លឿន និងកសាងមាគ៌ានៃកំណើនមានភាពធន់ ជាពិសេសនៅក្នុងអំឡុងពេលនិងក្រោយកូវីដ-១៩ បញ្ហាប្រឈមរ៉ាំរ៉ៃទាំងនេះគួរត្រូវបានដោះស្រាយតាមពហុវិស័យ៕

ក្រុមហ៊ុន BYD បណ្ដាក់ទុនវិនិយោគការដំឡើងស្ថានីយបញ្ចូលថាមពលយានយន្តអគ្គិសនី២០០ទីតាំងនៅកម្ពុជាត្រឹមឆ្នាំ២០២៣

ដោយ៖ សុផារី

ភ្នំពេញ៖ ក្រុមហ៊ុន BYD Auto Industry បានសម្រេចបណ្ដាក់ទុនវិនិយោគដ៏សន្ធឹកសន្ធាប់លើវិស័យយានយន្តអគ្គិសនី ដោយការដំឡើងស្ថានីយបញ្ចូលថាមពលយានយន្តអគ្គិសនី (EV Charging Station) ប្រមាណ២០០ទីតាំងនៅទូទាំងប្រទេសកម្ពុជា ត្រឹមឆ្នាំ២០២៣ខាងមុខនេះ។

ក្នុងជំនួបជាមួយលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅថ្ងៃទី២៤ ខែវិច្ឆិកា ឆ្នាំ២០២២ តំណាងក្រុមហ៊ុន BYD Auto Industry បានបង្ហាញនូវផែនការក្នុងការដំឡើងស្ថានីយបញ្ចូលថាមពលយានយន្តអគ្គិសនីចំនួន២០០ទីតាំងផ្សេងៗគ្នានៅទូទាំងប្រទេសកម្ពុជា ត្រឹមឆ្នាំ២០២៣។

លោកទេសរដ្ឋមន្ត្រី បានលើកឡើងពីវឌ្ឍនភាពនៃការប្រើប្រាស់យានយន្តអគ្គិសនីនៅកម្ពុជា និងកិច្ចសហការរបស់ក្រសួងសាធារណការ និងដឹកជញ្ជូនជាមួយដៃគូអភិវឌ្ឍន៍នានាដូចមាន កម្មវិធីអភិវឌ្ឍន៍សហប្រជាជាតិ (UNDP) ដែលបានដាក់ចេញរួមគ្នានូវ ផែនទីផ្លូវថ្នល់ (Road Map) និងការផ្ដល់ជូននូវបញ្ចូលថាមពលយានយន្តអគ្គិសនីចំនួន៤ស្ថានីយ ក្នុងគោលដៅកសាងទំនុកចិត្តប្រជាពលរដ្ឋលើការប្រើប្រាស់យានយន្តអគ្គិសនី និងពង្រីកការដំឡើងស្ថានីយបញ្ចូលថាមពលយានយន្តអគ្គិសនីក្នុងប្រទេសកម្ពុជា។

លោកបានលើកទឹកចិត្តដល់ក្រុមហ៊ុនឯកជន ជាពិសេសស្ថានីយប្រេងឥន្ធនៈ ក៏ដូចជាក្រុមហ៊ុន BYD Auto Industry ផងដែរ ក្នុងការចូលរួមលើកទឹកចិត្តប្រជាពលរដ្ឋក្នុងការប្រើប្រាស់យានយន្តអគ្គិសនី តាមរយៈការដំឡើងបញ្ចូលថាមពលយានយន្តអគ្គិសនីនៅតាមស្ថានីយរបស់ខ្លួនឱ្យបានកាន់តែច្រើនឡើងបន្ថែមទៀត។

លោក Henry Yip តំណាងក្រុមហ៊ុន BYD បានលើកឡើងពីគោលដៅក្នុងការចូលរួមពង្រីកការប្រើប្រាស់យានយន្តអគ្គិសនីដោយឈរលើចក្ខុវិស័យឆ្ពោះទៅរកការប្រើប្រាស់ថាមពលថ្មី និងផែនការបៃតង ឆ្នាំ2022 ដល់ឆ្នាំ2023 (Green New Energy and Green Plan of 2022-2023)។ តាមរយៈគម្រោងនេះ ក្រុមហ៊ុនបានស្នើឱ្យក្រសួងសាធារណការ និងដឹកជញ្ជូន សម្របសម្រួលជាមួយស្ថាប័នជំនាញ និងអាជ្ញាធរពាក់ព័ន្ធក្នុងការស្វែងរកទីតាំងដើម្បីដំឡើងស្ថានីយបញ្ជូលថាមពលទាំងនោះ។

លើសពីនេះទៅទៀត ក្រុមហ៊ុនបានសន្យានឹងនាំចូលរថយន្តអគ្គិសនី ព្រមជាមួយនឹងបច្ចេកវិទ្យាទំនើបថ្មីៗមកក្នុងប្រទេសកម្ពុជាបន្ថែមទៀត និងបានផ្ដល់ជាសំណូមពរមកកាន់ក្រសួងក្នុងការរៀបចំជាគោលនយោបាយលើកទឹកចិត្តប្រជាពលរដ្ឋឱ្យងាកទៅប្រើប្រាស់យានយន្តអគ្គិសនី ក៏ដូចជាពង្រីកឱ្យមានក្រុមការងារបច្ចេកទេសជំនាញអាចជុសជុលផ្លាស់ប្ដូរគ្រឿងបន្លាស់យានយន្តអគ្គិសនីបានទាន់តម្រូវការ។

លោកទេសរដ្ឋមន្ត្រី មានប្រសាសន៍ឯកភាពជួយសម្របសម្រួលជាមួយស្ថាប័នពាក់ព័ន្ធក្នុងការស្វែងរកទីតាំងសម្រាប់ដំឡើងស្ថានីយបញ្ចូលថាមពលទាំង២០០ ដោយក្នុងនោះក្រសួងផ្ដល់ការអនុញ្ញាតឱ្យរៀបចំដំឡើងស្ថានីយបញ្ចូលថាមពលយានយន្តអគ្គិសនីនៅតាមមន្ទីរសាធារណការ និងដឹកជញ្ជូនទាំង ២៥រាជធានី-ខេត្ត។ ជាមួយគ្នានេះដែរ ក្រោមកិច្ចសហប្រតិបត្តិការជាមួយក្រសួង-ស្ថាប័នពាក់ព័ន្ធ រាជរដ្ឋាភិបាលបានបង្កើតក្រុមការងារគណៈកម្មការអន្តរក្រសួង ដែលមានក្រសួងសាធារណការ និងដឹកជញ្ជូនជាប្រធាន ដើម្បីបង្កើតបទដ្ឋានគតិយុត្ត និងរៀបចំយុទ្ធសាស្ត្រផ្សេងៗ ដូចមានការបញ្ចុះតម្លៃពន្ធនាំចូលយានយន្តអគ្គសនីជាដើម ដាក់ជូនរាជរដ្ឋាភិបាលកម្ពុជា ដើម្បីជំរុញការប្រើប្រាស់យានយន្តអគ្គិសនី (EV) ឱ្យមានការកើនឡើងកាន់តែច្រើន។

បន្ថែមពីនេះ លោកទេសរដ្ឋមន្ត្រី បានឯកភាពឱ្យមានការចុះ MoU រវាងក្រសួងសាធារណការ និងដឹកជញ្ជូន និងក្រុមហ៊ុន BYD ក្នុងការបណ្ដុះបណ្ដាលមន្ត្រី ក៏ដូចជានិស្សិតកម្ពុជាឱ្យទៅសិក្សាវគ្គសិក្សាខ្លីៗនៅក្រុមហ៊ុន BYD ឬនៅកម្ពុជាផ្ទាល់ ដូចដែលក្រសួងកំពុងអនុវត្តជាមួយក្រុមហ៊ុន Ford ផងដែរ។ តាមរយៈកិច្ចប្រជុំនេះ លោកស្នើឱ្យក្រុមហ៊ុនពិនិត្យពិចារណាលើការបញ្ចុះតម្លៃរថយន្តអគ្គិសនីប្រសិនបើមានការបញ្ជាទិញពីក្រសួង-ស្ថាប័នរដ្ឋពាក់ព័ន្ធផងដែរ៕

វិស័យសំណង់ស្រូបបានឥណទានក្នុងទំហំជាង៤៦០០លានដុល្លារ នៅត្រីមាសទី៣ឆ្នាំ២០២២

ដោយ៖ សហការី

ភ្នំពេញ៖ វិស័យសំណង់ នៅក្នុងប្រទេសកម្ពុជា រំពឹងថានឹងងើបឡើងវិញក្នុងអត្រា៣ភាគរយ ក្នុងឆ្នាំ២០២២ ដោយសារកំណើនការផ្តល់ឥណទាន លើវិស័យសំណង់បានបន្តកើនឡើង។ នៅក្នុងត្រីមាសទី៣ ឆ្នាំ២០២២នេះ ឥណទានក្នុងវិស័យសំណង់មានទឹកប្រាក់ជាង៤៦០០លានដុល្លារ។

គ្រឹះស្ថានធនាគារ និងមីក្រូហិរញ្ញវត្ថុ បានផ្ដល់ឥណទានដល់វិស័យសំណង់មានជាង៤៦០០លានដុល្លារ នៅក្នុងត្រីមាសទី៣ ឆ្នាំ២០២២នេះ។ ក្នុងនោះ ឥណទានដែលត្រូវបានផ្ដល់ដោយធនាគារមានជាង ៤២០០លានដុល្លារ និងគ្រឹះស្ថានមីក្រូហិរញ្ញវត្ថុមានចំនួនជាង ៤០០លានដុល្លារ។

នេះបើយោងតាមរបាយការណ៍របស់ក្រសួងសេដ្ឋកិច្ច និងហិរញ្ញវត្ថុ ដែលចេញផ្សាយនៅរសៀលថ្ងៃទី២៥ ខែវិច្ឆិកា ឆ្នាំ២០២២។

យោងតាមរបាយការណ៍បានបញ្ជាក់ឱ្យដឹងថា “ត្រីមាសទី៣ ឆ្នាំ២០២២នេះ គ្រឹះស្ថានឥណទានផ្ដល់ដោយធនាគារពាណិជ្ជមានចំនួន១៧.៥៤៣,៨៦ពាន់លានរៀល (ប្រហែលជាង៤២០០លានដុល្លារ) កើនឡើង១៩,១ភាគរយ នេះបើធៀបនឹងរយៈពេលដូចគ្នា ឆ្នាំ២០២១ មានចំនួន១៤.៧៣៣,៤៤ពាន់លានរៀល (ប្រហែលជាង៣.៥០០លានដុល្លារ)។

ចំណែក ឥណទានដែលផ្ដល់ដោយគ្រឹះស្ថានមីក្រូហិរញ្ញវត្ថុដល់វិស័យសំណង់វិញ មានទឹកប្រាក់ចំនួន ១.៧០៦,២៣ពាន់លានរៀល (ប្រហែលជាង៤០០លានដុល្លារ) កើនឡើង៣៥,១ភាគរយ នេះបើធៀបនឹងរយៈពេលដូចគ្នាឆ្នាំ២០២១ មានចំនួន១២៦២,៧២ពាន់លានរៀល (ប្រហែល៣០០លានដុល្លារ)។

ក្រសួងសេដ្ឋកិច្ចបញ្ជាក់ថា “វិស័យសំណង់រំពឹងថានឹងងើបឡើងវិញ ក្នុងអត្រា៣ភាគរយ ក្នុងឆ្នាំ២០២២ ដោយសារកំណើនការផ្តល់ឥណទាន លើវិស័យសំណង់បានបន្តកើនឡើង”។

នៅត្រីមាសទី៣ ឆ្នាំ២០២២ ការអនុម័តលើសំណើគម្រោងសាងសង់ សរុបមានចំនួន១.១៧៥គម្រោង កើនឡើង១៤៧គម្រោងស្មើនឹង១៤,៣ភាគរយ បើធៀបនឹងរយៈពេលដូចគ្នាឆ្នាំ២០២១។ ក្នុងនោះ ការកើនឡើង នៃគម្រោងប្រភេទសំណង់លំនៅឋាន ភូមិគ្រឹះ សំណង់ឧស្សាហកម្ម សំណង់សាធារណៈ (ថវិកាពីវិស័យឯកជន) និងសំណង់ផ្សេងៗ លើកលែងតែប្រភេទសំណង់ពាណិជ្ជកម្ម និងទេសចរណ៍៕

 

ក្រុមហ៊ុន VinFast របស់ប្រទេសវៀតណាមនាំចេញរថយន្តអគ្គិសនីជាលើកដំបូងទៅកាន់សហរដ្ឋអាមេរិក

ដោយ: លាងហួរ

ហាណូយ: ក្រុមហ៊ុនផលិតរថយន្តអគ្គិសនីវៀតណាម VinFast បានឱ្យដឹងនៅថ្ងៃសុក្រនេះថា ក្រុមហ៊ុនបានដឹកជញ្ជូនរថយន្តចំនួន៩៩៩គ្រឿងដំបូង ទៅកាន់សហរដ្ឋអាមេរិក ដោយកំណត់ការដេញថ្លៃរយៈពេល៥ឆ្នាំ ដើម្បីអភិវឌ្ឍមជ្ឈមណ្ឌលផលិតរថយន្តនៅក្នុងប្រទេស សម្រាប់នាំចេញទៅកាន់ទីផ្សារនៅអាមេរិកខាងជើង និងអឺរ៉ុប។

ក្រុមហ៊ុន​នេះបាន​បន្ត​ឱ្យដឹងថា រថយន្ត​ដំបូង​គេ​ត្រូវ​បាន​គេ​រំពឹង​ថា ​នឹង​ត្រូវ​ប្រគល់​ជូន​អតិថិជន​នៅ​ដំណាច់ខែ​ធ្នូខាងមុខនេះ។

នាយកប្រតិបត្តិក្រុមហ៊ុន VinFast លោក Le Thi Thu Thuy បានមានប្រសាសន៍ថា រថយន្តអគ្គិសនី SUVs VF 8 មួយចំនួន ដែលត្រូវបានដឹកជញ្ជូននៅថ្ងៃសុក្រនេះ នឹងត្រូវបានបញ្ជូនទៅដល់សេវាកម្មជាវរថយន្តរបស់សហរដ្ឋអាមេរិក Autonomy ប៉ុន្តែភាគច្រើនរថយន្តទាំងនេះនឹងទៅដល់ដៃក្រុមអតិថិជនទិញរាយ ដែលបានបញ្ជាទិញ។

លោក Thuy បានបន្តថា ក្រុមហ៊ុន VinFast រំពឹងថា នឹងអាចដឹកជញ្ជូនរថយន្តក្រុមទី២ ទៅកាន់សហរដ្ឋអាមេរិក ដែលជាទីផ្សារនាំចេញដំបូងរបស់ខ្លួន នៅខែមករាខាងមុខនេះ។

ក្រុមហ៊ុន VinFast កំពុងស្ថិតក្នុងដំណើរការសាងសង់រោងចក្រផលិតរថយន្តអគ្គិសនី នៅរដ្ឋ North Carolina ដែលកំពុងរង់ចាំសេចក្តីអនុម័តបទប្បញ្ញត្តិចុងក្រោយពីមន្ត្រីក្នុងតំបន់។

លោក Thuy បានបន្ថែមថា ក្រុមហ៊ុនគ្រោងចាប់ផ្តើមផលិតកម្មនៅរោងចក្រ ក្នុងរដ្ឋ North Carolina ចាប់ពីខែកក្កដា ឆ្នាំ២០២៤ ហើយរថយន្តអគ្គិសនី ដែលផលិតនៅទីនោះ នឹងមានលក្ខណៈគ្រប់គ្រាន់ សម្រាប់ទទួលបានការលើកទឹកចិត្ត ក្រោមលក្ខខណ្ឌនៃច្បាប់កាត់បន្ថយអតិផរណា ដែលបានចុះហត្ថលេខាដោយប្រធានាធិបតីសហរដ្ឋអាមេរិក លោក ចូ បៃដិន។

ច្បាប់កាត់បន្ថយអតិផរណានេះ តម្រូវឱ្យក្រុមហ៊ុនផលិតរថយន្តនានា ប្រើប្រាស់សារធាតុរ៉ែសំខាន់ៗចំនួន៥០ភាគរយ ក្នុងអាគុយ EV ដែលរ៉ែទាំងនោះត្រូវនាំមកពីអាមេរិកខាងជើង ឬសម្ព័ន្ធមិត្តរបស់សហរដ្ឋអាមេរិកនៅឆ្នាំ២០២៤ ដោយកើនឡើងដល់៨០ភាគរយ នៅដំណាច់ឆ្នាំ២០២៦៕

ក្រុមហ៊ុនចិនមួយបោះទុនវិនិយោគ១៦៨លានដុល្លារអាមេរិកសាងសង់សណ្ឋាគារផ្កាយ៥មួយនៅក្នុងក្រុងព្រះសីហនុ

ដោយ៖ សុផារី

ភ្នំពេញ៖ ក្រុមហ៊ុនចិនមួយបានបោះទុនវិនិយោគជាង១៦៨លានដុល្លារអាមេរិក លើគម្រោងសាងសង់សណ្ឋាគារលំដាប់ថ្នាក់ផ្កាយ៥ នៅក្នុងខេត្តព្រះសីហនុ ក្រោយខេត្តជាប់មាត់សមុទ្រដ៏សំខាន់មួយនេះទទួលបានកំណើនភ្ញៀវទេសចរណ៍ដ៏ច្រើនសន្ធឹកសន្ធាប់ ក្នុងរយៈពេលប៉ុន្មាខែចុងក្រោយនេះ។

ក្រុមហ៊ុនសញ្ជាតិចិន “HUAN HAI BO LAI INTERNATIONAL INVESTMENT CO., LTD” បានទទួលការអនុញ្ញាតិ ពីគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី២៤ ខែវិច្ឆិកា លើគម្រោងវិនិយោគសាងសង់ និងប្រកបអាជីវកម្ម សណ្ឋាគារលំដាប់ថ្នាក់ផ្កាយ៥ ដែលមានទីតាំងវិនិយោគស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

គម្រោងវិនិយោគដ៏ធំសម្បើមនេះ នឹងបន្ថែមការផ្គត់ផ្គង់ដល់ទីផ្សារសណ្ឋាគារចំនួន៩៥៧បន្ទប់ ដោយត្រូវបានបោះទុនវិនិយោគចំនួន១៦៨លានដុល្លារអាមេរិក និងអាចបង្កើតការងារបានចំនួន៩៥៥កន្លែង។

បើយោងតាមទិន្នន័យរបស់រដ្ឋបាលខេត្តព្រះសីហនុ នៅក្នុងខេត្ត​ព្រះសីហនុ ​មាន​ក្រុមហ៊ុន​វិនិយោគ​ចំនួន១៩៩​ក្រុមហ៊ុន។ ក្នុងនោះ ​ក្រុមហ៊ុន​វិនិយោគ​លើ​វិស័យ​ទេសចរណ៍​មាន​ចំនួន៨៤​ក្រុមហ៊ុន និង​វិនិយោគ​ខ្នាត​ធំ (​អភិវឌ្ឍន៍​ទេសចរណ៍​រយៈពេល​វែង​) តាម​បណ្តា​កោះឆ្នេរ មាន៣៣​ក្រុមហ៊ុន គិត​ចាប់ពី​ឆ្នាំ​១៩៩៤ ដល់​ខែតុលា ឆ្នាំ​២០២២។

របាយការណ៍ចក្ខុវិស័យរបស់ក្រុមហ៊ុន Knight Frank ចេញផ្សាយនាពេលថ្មីៗនេះ បានឱ្យដឹងថា ទោះបីជាសេដ្ឋកិច្ចពិភពលោកកំពុងប្រឈមនឹងវិបត្តិក្តី ក្រសួងទេសចរណ៍កម្ពុជា បានព្យាករណ៍ថា ជនជាតិបរទេសប្រមាណ២លាននាក់នឹងមកទស្សនាប្រទេសកម្ពុជា នៅក្នុងឆ្នាំ២០២២នេះ។

របាយកាណ៍នេះបានឱ្យដឹងទៀតថា ចាប់តាំងពីប្រទេសបើកដំណើរការឡើងវិញ ទីផ្សារសណ្ឋាគារ និងបដិសណ្ឋារកិច្ចបានមើលឃើញពីការងើបឡើងវិញយឺត ក្នុងរយៈពេលខ្លី។

របាយការណ៍ដដែលឱ្យដឹងទៀតថា ដើម្បីងើបឡើងវិញពេញលេញនិងដំណើរការ ដូចកម្រិតដូចវិបត្តិ ប្រទេសកម្ពុជាអាចត្រូវចំណាយពេលច្រើនឆ្នាំ ឬយូរជាងនេះ អាស្រ័យលើសកលលោក និងស្ថានភាពសេដ្ឋកិច្ចក្នុងតំបន់៕

គម្រោងផ្លូវជាតិលេខ៧ពីស្គន់ដល់ក្រុងកំពង់ចាមកំពុងត្រៀមបើកការដ្ឋានសាងសង់នាពេលខាងមុខនេះ

ដោយ៖ សុផារី

កំពង់ចាម៖ គម្រោងលើកកម្ពស់គុណភាពផ្លូវជាតិលេខ៧ ពីស្គន់ ដល់ក្រុងកំពង់ចាម ខេត្តកំពង់ចាម ដែលគ្រោងចំណាយថវិកាសរុបជាង១១៤លានដុល្លាសហរដ្ឋអាមេរិក នឹងបើកការដ្ឋានសាងសង់នាពេលឆាប់ៗខាងមុខនេះ។

លោក លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន នៅថ្ងៃតីថ្ងៃទី២៥ ខែវិច្ឆិកា ឆ្នាំ២០២២ បានដឹកនាំកិច្ចប្រជុំពិភាក្សា លើម្រោងលើកកម្ពស់គុណភាពផ្លូវជាតិលេខ៧ ពីស្គន់ ដល់ក្រុងកំពង់ចាម ខេត្តកំពង់ចាម ដោយមានការអញ្ជើញចូលរួមពីក្រុមហ៊ុនសាជីវកម្មស្ពាន និងថ្នល់ចិន (CRBC) និងមន្ត្រីជំនាញពាក់ព័ន្ធជាច្រើនរូបផងដែរ។

កិច្ចប្រជុំនេះរៀបចំឡើងក្នុងគោលបំណង ណែនាំសមាសភាពក្រុមការងារក្រសួងសាធារណការ និង ដឹកជញ្ជូន ទៅកាន់ក្រុមហ៊ុនសាជីវកម្មស្ពាន និងថ្នល់ចិន (CRBC) ដើម្បីឱ្យក្រុមការងារទាំងពីរអាចសហការការងារបានរលូនប្រកបដោយប្រសិទ្ធភាព ព្រមទាំងធ្វើបទបង្ហាញពីលទ្ធផលនៃការសិក្សាគម្រោងលើកកម្ពស់គុណភាពផ្លូវជាតិលេខ៧ ពីស្គន់ ដល់ក្រុងកំពង់ចាម។

រដ្ឋាភិបាលនិងក្រុមហ៊ុនចិនក៏បានបែងចែកក្រុមការងារសម្រាប់ដោះស្រាយការងារបន្ទាន់ ការរៀបចំសណ្ដាប់ធ្នាប់ទីតាំងការដ្ឋាន និងត្រៀមផ្សព្វផ្សាយជូនដំណឹងដល់ប្រជាពលរដ្ឋអំពីការបើកការដ្ឋានសាងសង់ផ្លូវជាតិលេខ៧នេះ នាពេលឆាប់ៗខាងមុខ។ គម្រោងលើកកម្ពស់គុណភាពផ្លូវជាតិលេខ៧ មានប្រវែង៤៥,៥០គីឡូម៉ែត្រ គិតចាប់ពីស្គន់ ដល់ក្រុងកំពង់ចាម ខេត្តកំពង់ចាម ពង្រីកទៅជាផ្លូវ៤គន្លង (ពីរគន្លងទៅពីរគន្លងមក) គ្រោងចំណាយថវិកាសរុបប្រមាណ១១៤,៨៩លានដុល្លាសហរដ្ឋអាមេរិក ជាហិរញ្ញប្បទានពីសាធារណរដ្ឋប្រជាមានិតចិន គ្រោងចំណាយពេលសាងសង់ប្រមាណ៣៦ខែ អនុវត្តការងារសាងសង់ដោយក្រុមហ៊ុនសាជីវកម្មស្ពាន និងថ្នល់ចិន៕

ក្រុមហ៊ុនជីបម៉ុងលែនប្រកាសលក់ វីឡាអភិជនថ្មី “ឃីង ម៉េនន័រ” ជាផ្លូវការ

ដោយ៖ សហការី

ភ្នំពេញ៖ ក្រុមហ៊ុន ជីប ម៉ុង លែន បានប្រកាសបើកលក់ជាផ្លូវការ វីឡាអភិជនថ្មី “ឃីង ម៉េនន័រ”  កាលពីថ្ងៃទី២៥ ខែវិច្ឆិកា ឆ្នាំ២០២២ នៅសណ្ឋាគារ ហៃយ៉ាត់ រីជិនស៊ី ភ្នំពេញ។ វីឡាដ៏ធំស្កឹមស្កៃ និងមានចំនួនកំណត់នេះ គឺជាវិចិត្រកម្មដ៏ប្រណីតចុងក្រោយ និងធំជាងគេបង្អស់ក្នុងបណ្តាវីឡាទោលនានារបស់ ជីប ម៉ុង លែន។

នៅក្នុងពិធីបើកលក់ជាផ្លូវការនេះ លោកឧកញ៉ា លាង  ហេនរី អគ្គនាយក ក្រុមហ៊ុន ជីប ម៉ុង លែន បានមានប្រសាសន៍ថា “វីឡា ឃីង ម៉េនន័រ” គឺជាសមិទ្ធផល ដ៏សំខាន់មួយ ដែលបានឆ្លុះបញ្ចាំងអំពីកិច្ចខិតខំប្រឹងប្រែងរបស់ក្រុមហ៊ុន ក្នុងការសិក្សាយ៉ាងហ្មត់ចត់អំពីតម្រូវការនៃការរស់នៅបែបថ្មីៗរបស់អតិថិជន បូកផ្សំនឹងគំនិតច្នៃប្រឌិតឈរលើបទពិសោធជាង៤០ឆ្នាំរបស់ ជីប ម៉ុង ក្នុងវិស័យសំណង់ ដែលផ្តល់ជូនលំនៅឋាន គុណភាពខ្ពស់កម្រិតស្តង់ដារជាទីទុកចិត្ត។

“វីឡា ឃីង ម៉េនន័រ” គឺជាវីឡាទោលមានចំនួនកំណត់ និងមានតែនៅក្នុងគម្រោង២ធំៗប៉ុណ្ណោះនោះគឺ គម្រោងហ្គ្រេនភ្នំពេញស៊ីធី និងគម្រោងលែនម៉ាក៦០ម៉ែត្រ ដែលសុទ្ធសឹងតែជាសហគមន៍រស់នៅទំនើបមានសក្តានុពល និងជាបណ្ដុំលំនៅឋានប្រណីតបែបអភិជនខ្ពង់ខ្ពស់។

“វីឡា ឃីង ម៉េនន័រ” មានបន្ទប់គេងចំនួន ៨ រួមជាមួយសាលស្វាគមន៍ភ្ញៀវធំទូលាយ សាលទទួលភ្ញៀវបែបផ្លូវការ សាលទទួលទានអាហារ និងសាលជួបជុំគ្រួសារដ៏កក់ក្តៅ។ បន្ថែមពីនេះទៀត វីឡានេះមានបន្ទប់ពហុមុខងារពិសេសៗចំនួន៦ ដូចជា បន្ទប់ធុរកិច្ច បន្ទប់កម្សាន្ត&ភាពយន្ត បន្ទប់បណ្ណាល័យ បន្ទប់ហាត់ប្រាណ បន្ទប់សក្ការ និងបន្ទប់ពិសារតែដែលផ្តល់ជូនបរិយាកាសថ្មី ។

ការផ្តល់ជូនពិសេសពីធនាគា ជីប ម៉ុង ប៊ែង សម្រាប់ឱកាសបើកលក់ជាផ្លូវការនេះ ដោយអតិថិជន និងទទួលបានការអត្រាការប្រាក់ខ្ពស់រហូតដល់៧,៥% មិនធ្លាប់មាន ជាមួយការដាក់ប្រាក់បញ្ញើរជាមួយ ជីប ម៉ុង ប៊ែង៕

     

Ukraine’s debts to Western banks are destroying its social safety net

OPINION: The reconstruction of Ukraine will be crippled by the debts it owes to the IMF and other institutionsterritorial and military gains against invading Russian forces on the eastern front. But how is the country faring on the ‘western front’?

 

Some have suggested that the dangers confronting the Ukrainian state come not only from Russian tanks but also Western banks and, more specifically, from Ukraine’s growing foreign debt.

 

This debt could hinder Ukraine’s spending on the war effort and drastically reduce its social spending. It also means that, once the war is over, Ukraine could face considerable pressure from its creditors on how the county’s reconstruction should happen.

 

According to Ukraine’s economy minister Yulia Svyrydenko, the Russian invasion has already cost Ukraine $564.9bn (£494.5bn) in destroyed infrastructure and lost economic growth. Post-war reconstruction costs so far are estimated at nearly $750bn (£632bn).about the post-Soviet world.

 

At the same time, inflation is soaring and the country’s currency, the hryvnia, is collapsing – partly because, due to a lack of investor interest, the country’s central bank had to buy bonds issued by the government to fund the war effort. Subsequently, the bank more than doubled interest rates – to 25%, the highest in Europe – to fight the inflation it had helped create.Temporary debt freeze.

 

Ukrainians and their global supporters have long campaigned for debt relief. Finally, in August, after months of pressure and with $1bn (£840m) of bond payments due on 1 September, Kyiv was granted a temporary freeze on debt payments. This suspends Ukraine’s need to service significant debts until the end of 2023, and potentially for another year.

 

Campaigners for Ukrainian debt relief rightly noted this as a positive development. However, the debt cancellation that some had hoped for now seems unlikely, and the debt excludes major creditors such as the International Monetary Fund (IMF) and the World Bank. The European Commission, which has loaned Ukraine more than €13bn (£11.4bn), also did not join the deal.

 

Before the freeze, Ukraine had already spent $2.8bn (£2.4bn) this year just on servicing its debt. To put this in perspective, it is a third of what the government has spent on social welfare during the Russian invasion.Some major Ukrainian companies are also facing debt problems. In July, Naftogaz, the part-state-owned energy company, defaulted on payments to some bondholders who had not signed up to deferral plans. Ukrainians can’t afford to pay their utility bills (domestic gas prices have increased 650% since 2014), which contributed to Naftogaz’s default – but it’s vital that the company continues to function as the country enters winter.

Roads agency Ukravtodor and electricity company Ukrenergo – both state-owned – managed to negotiate a two-year freeze on $1.5bn’s worth (£1.26bn) of bond payments due at the end of the year. However, their debts are state-guaranteed, so the Ukrainian government will be responsible if there are problems with future payments.but not from the IMF and World Bank

 

International financial institutions that have loaned huge sums to Ukraine since the start of the war in Donbas in 2014 are insisting that the country continues to pay its debts to them – plus the associated interest, charges and fees. The annual meetings of the IMF and World Bank last month didn’t even discuss suspending, relieving or forgiving Ukraine’s debt.

 

The long list of monetary problems that Ukraine is facing means that, once the war is finally over, the country will have to dance to the tune of the IMF and World Bank