ដោយ៖ សុផារី

ភ្នំពេញ ៖ សហព័ន្ធកីឡាបាញ់កាំភ្លើងកម្ពុជា បានសហការជាមួយក្រុមហ៊ុនចិន Lixin Group ដើម្បីសាងសង់ទីលានបាញ់កាំភ្លើង ក្នុងគោលបំណងបម្រើដល់ការអភិវឌ្ឍន៍កីឡាបាញ់កាំភ្លើង និងការប្រកួតទាំងថ្នាក់ជាតិ និងអន្តរជាតិ ជាពិសេសត្រៀមឆ្ពោះទៅរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣។

លោក មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានសហព័ន្ធកីឡាបាញ់កាំភ្លើងកម្ពុជា បានលើកឡើងថា ការសាងសង់ទីលានប្រកួតបាញ់កាំភ្លើង នឹងធ្វើឱ្យកីឡាបាញ់កាំភ្លើងកម្ពុជាកាន់តែរីកចម្រើន និងដើរទាន់ បណ្តាប្រទេសផ្សេងៗ នឹងត្រៀមឆ្ពោះទៅរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣។

លោកសុផាន់ណា ឱ្យដឹងថា ដើម្បីធានាបានដល់ការអភិវឌ្ឍន៍កីឡាបាញ់កាំភ្លើងការប្រកួតទាំងថ្នាក់ជាតិ និងអន្តរជាតិប្រកបដោយគុណភាព និងស្តង់ដារ សហព័ន្ធកីឡាបាញ់កាំភ្លើងកម្ពុជា បានចាប់ដៃគូជាមួយក្រុមហ៊ុនខាងលើ សម្រាប់ការសាងសង់ទីលានបាញ់កាំភ្លើង។

លោកប្រធានសហព័ន្ធបានបន្តថា ការសាងសង់ទីលានប្រកួតបាញ់កាំភ្លើង គឺជារឿងសំខាន់ និងចាំបាច់បំផុត ដើម្បីអភិវឌ្ឍកីឡាបាញ់កាំភ្លើងកម្ពុជាឲ្យរីកចម្រើន និងដើរទាន់បណ្តាប្រទេសផ្សេងៗ។

ជាពិសេសទៀតនោះ ទីលានបាញ់កាំភ្លើងនេះ ក៏នឹងក្លាយជា ហេដ្ឋារចនាសម្ព័ន្ធមួយក្នុងវិស័យកីឡានៅកម្ពុជា ដែលកំពុងត្រៀមខ្លួនយ៉ាងសកម្មដើម្បីឆ្ពោះទៅរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលជាប្រវត្តិសាស្ត្រដំបូងសម្រាប់កម្ពុជា។ កិច្ចសហប្រតិបត្តិការដ៏ល្អជាមួយគ្នានេះ នឹងបង្កើតអនាគត ដ៏ត្រចះត្រចង់មួយសម្រាប់កីឡាបាញ់កាំភ្លើងនៅកម្ពុជា។

លោក KEVIN HSU នាយកប្រតិបត្តិក្រុមហ៊ុន Lixin Group បានឲ្យដឹងថា ទីលានបាញ់កាំភ្លើងនេះ មានទីតាំងរបស់ក្រុមហ៊ុន លីស៊ីនថ្មី ក្នុងខេត្តព្រះសីហនុ។ ទីលាននេះនឹងបម្រើដល់ការប្រកួត និងបណ្តុះបណ្តាលក្រុមកីឡាបាញ់កាំភ្លើងជម្រើសជាតិកម្ពុជា និងជាកន្លែង ប្រើប្រាស់ផ្លូវការសម្រាប់ការប្រកួតទាំងជាតិ និងអន្តរជាតិដូចជាកីឡាស៊ីហ្គេមជាដើម៕

ដោយ៖ វឌ្ឍនៈ

អន្តរជាតិ ៖ លោក ស៊ិនហ្សូ អាបេ (Shinzo Abe) ដែលជានាយករដ្ឋមន្ត្រីកាន់អំណាចបានយូរជាងគេរបស់ប្រទេសជប៉ុន ត្រូវបានទទួលស្គាល់ពីភាពល្បីល្បាញក្នុងការដាក់ចេញនូវគោលនយោបាយការបរទេសគាត់ និងយុទ្ធសាស្ត្រសេដ្ឋកិច្ចដ៏មុតស្រួច ដែលត្រូវបានគេស្គាល់ជាទូទៅថាជា គោលនយោបាយសេដ្ឋកិច្ច “Abenomics”។

ជាអ្នកដឹកនាំជាតិនិយមបែបអភិរក្សនិយមតាមរយៈការពិពណ៌នាភាគច្រើន លោក Abe វ័យ ៦៧ ឆ្នាំ បានដឹកនាំគណបក្ស Liberal Democratic Party (LDP) ទទួលបានជ័យជម្នះពីរដង អំឡុងពេលការដឹកនាំរបស់លោក។

ជំហរដំបូងរបស់លោកក្នុងនាមជានាយករដ្ឋមន្ត្រីគឺមានរយៈពេលខ្លីជាងមួយឆ្នាំចាប់ពីឆ្នាំ២០០៦ និងមានភាពចម្រូងចម្រាស។

ប៉ុន្តែលោកបានត្រលប់មកវិញដ៏គួរឱ្យភ្ញាក់ផ្អើលលើឆាកនយោបាយក្នុងឆ្នាំ២០១២ ហើយបានបន្តកាន់អំណាចរហូតដល់ឆ្នាំ ២០២០ នៅពេលដែលលោកបានលាលែងពីតំណែងនាយករដ្ឋមន្ត្រី ដោយសារហេតុផលសុខភាព។

ប្រទេសជប៉ុនស្ថិតក្នុងវិបត្តិសេដ្ឋកិច្ច នៅពេលលោក អាបេ ចាប់ផ្តើមចូលកាន់អំណាចនៅអាណត្តិទីពីររបស់លោក ហើយគោលនយោបាយសេដ្ឋកិច្ចរបស់លោក ដែលត្រូវបានបង្កើតឡើងដើម្បីបន្ធូរបន្ថយរូបិយវត្ថុ ការជំរុញសារពើពន្ធ និងកំណែទម្រង់រចនាសម្ព័ន្ធ បានជួយដល់សេដ្ឋកិច្ចឱ្យមានកំណើនឡើងវិញ។

លោក អាបេ ក៏បានជួយដល់សេដ្ឋកិច្ចជប៉ុនងើបឡើងវិញពីការរញ្ជួយដីដ៏ធំ និងរលកយក្សស៊ូណាមិនៅតំបន់ Tohoku កាលពីឆ្នាំ ២០១១ ដែលបានសម្លាប់មនុស្សជិត ២០ ០០០ នាក់ និងនាំឱ្យមានការរលាយនៃរ៉េអាក់ទ័រនុយក្លេអ៊ែរនៅ Fukushima ។

លោកបានលាលែងពីតំណែងនៅឆ្នាំ ២០២០ បន្ទាប់ពីការត្រួតពិនិត្យសុខភាពជាច្រើនសប្តាហ៍ ដោយបង្ហាញថា លោកបានទទួលរងនូវជំងឺរលាកពោះវៀនធំឡើងវិញ។ ជំងឺពោះវៀននេះធ្លាប់ធ្វើនាំឱ្យលោកលាលែងពីតំណែងក្នុងឆ្នាំ ២០០៧ ម្តងរួចទៅហើយ។

តួនាទីនាយករដ្ឋមន្ត្រី អាបេ ត្រូវបានបក្សតែងតាំង លោក Yoshihide Suga កាន់តំណែងជំនួស ប៉ុន្តែលោក អាបេ នៅតែត្រូវបានមើលឃើញថា ជាឥស្សរជនដ៏មានឥទ្ធិពលនៅក្នុងឆាកនយោបាយជប៉ុន។

ភាពលេចធ្លោទៅរកការកាន់អំណាច
ជាកូនប្រុសរបស់អតីតរដ្ឋមន្ត្រីការបរទេស Shintaro Abe និងជាចៅប្រុសរបស់អតីតនាយករដ្ឋមន្ត្រី Nobusuke Kishi លោក អាបេ ត្រូវបានគេលើកមកនិយាយ លោកគឺប្រសូត្រឡើងអ្នកធ្វើនយោបាយ​។

លោក អាបេ ត្រូវបានបោះឆ្នោតជ្រើសរើសជាតំណាងរាស្រ្តជាលើកដំបូងក្នុងឆ្នាំ១៩៩៣ ហើយនៅឆ្នាំ ២០០៥លោកបានក្លាយជាសមាជិកគណៈរដ្ឋមន្ត្រី នៅពេលនោះ នាយករដ្ឋមន្ត្រី Junichiro Koizumi បានតែងតាំង លោក អាបេ ឱ្យឡើងកាន់តួនាទីដ៏ខ្ពង់ខ្ពស់ជាប្រធានគណៈរដ្ឋមន្ត្រី។

ការឡើងដល់តំណែងកំពូលរបស់លោក អាបេ បានកើតឡើងយ៉ាងឆាប់រហ័ស ខណៈដែលលោកបានក្លាយជានាយករដ្ឋមន្ត្រីក្មេងបំផុតក្នុងឆ្នាំ២០០៦ ក្រោយសង្គ្រាមរបស់ប្រទេសជប៉ុន។

ប៉ុន្តែរឿងអាស្រូវកើតឡើងជាបន្តបន្ទាប់ រួមទាំង ការបាត់បង់កំណត់ត្រាសោធននិវត្តន៍របស់រដ្ឋាភិបាល ដែល ប៉ះពាល់ដល់ប្រជាជនប្រហែល៥០លាននាក់ ដែលនេះធ្វើឱ្យការគ្រប់គ្រងរបស់លោកជួបនូវផលលំពិបាក។

ការខាតបង់យ៉ាងធ្ងន់ធ្ងរសម្រាប់បក្ស LDP បានលេចឡើង នៅក្នុងការបោះឆ្នោតសភាជាន់ខ្ពស់ក្នុងខែកក្កដា ឆ្នាំ ២០០៧ ហើយនៅក្នុងខែកញ្ញានៃឆ្នាំនោះ លោកបានលាលែងពីតំណែង ដោយសារតែជំងឺរលាកពោះវៀនធំ។
ប៉ុន្តែបន្ទាប់មក នៅឆ្នាំ ២០១២ លោក អាបេ បានត្រឡប់មកធ្វើជានាយករដ្ឋមន្ត្រីវិញ ដោយនិយាយថា លោកបានជម្នះជំងឺនេះដោយមានជំនួយពីប្រើប្រាស់ថ្នាំពេទ្រ។

ក្រោយមក លោកបានជាប់ឆ្នោតជាថ្មីនៅឆ្នាំ២០១៤ និង២០១៧ ដោយក្លាយជានាយករដ្ឋមន្ត្រីដែលកាន់អំណាចបានយូរបំផុតរបស់ប្រទេសជប៉ុន។

ប្រជាប្រិយភាពរបស់ លោក អាបេ មានការប្រែប្រួល ប៉ុន្តែលោកនៅតែមិនប្រឈមបញ្ហាមុខច្រើននោះទេ ដោយសារឥទ្ធិពលរបស់លោកនៅក្នុងបក្ស LDP ដែលបានធ្វើវិសោធនកម្មច្បាប់របស់ខ្លួន ដើម្បីអនុញ្ញាតឱ្យលោកបម្រើអាណត្តិទីបីជាមេដឹកនាំគណបក្ស។

ជាតិនិយមដ៏ចម្រូងចម្រាស
លោក អាបេ ត្រូវបានស្គាល់ថាសម្រាប់ជំហរដ៏ដាច់ខាតរបស់លោកលើ គោលនយោបាយការពារជាតិ និងគោលនយោបាយការបរទេស ហើយបានខិតខំប្រឹងប្រែង ជាយូរមកហើយដើម្បីកែប្រែរដ្ឋធម្មនុញ្ញសន្តិភាពនិយមរបស់ប្រទេសជប៉ុនក្រោយសង្គ្រាម។

អ្នកអភិរក្សនិយមមើលឃើញថា រដ្ឋធម្មនុញ្ញដែលត្រូវបានព្រាងដោយសហរដ្ឋអាមេរិក – ជាការរំលឹកអំពីការបរាជ័យដ៏អាម៉ាស់របស់កងទ័ពជប៉ុននៅក្នុងសង្គ្រាមលោកលើកទីពីរ។

ទស្សនៈជាតិនិយមរបស់ លោក អាបេ ជារឿយៗ បានបង្កើនភាពតានតឹងជាមួយប្រទេសចិន និងកូរ៉េខាងត្បូង ជាពិសេសបន្ទាប់ពីដំណើរទស្សនកិច្ចឆ្នាំ២០១៣ របស់លោកទៅកាន់ទីសក្ការបូជា Yasukuni របស់ទីក្រុងតូក្យូ ដែលជាកន្លែងចម្រូងចម្រាសមួយទាក់ទងនឹងរបបយោធានិយមរបស់ប្រទេសជប៉ុនមុន និងអំឡុងពេលសង្គ្រាមលោកលើកទីពីរ។

ដំណើរទស្សនកិច្ចម្តងហើយម្តងទៀតរបស់ លោក អាបេ ទៅកាន់ទីសក្ការៈខាងលើក៏បានធ្វើឱ្យក្រុមបក្ខពួកឆ្វេងនិយមនៅក្នុងប្រទេសជប៉ុន ចាត់ទុកវាជាការប៉ុនប៉ងរបស់លោក អាបេ ដើម្បីលាងជម្រះអំពើឃោរឃៅរបស់លោកខាងលិចមកលើជប៉ុន ក្នុងអំឡុងសង្រ្គាម។

នៅឆ្នាំ២០១៥ លោកបានជំរុញឱ្យមានសិទ្ធិស្វ័យការពារជាសមូហភាព ដែលអនុញ្ញាតឱ្យជប៉ុន ប្រមូលផ្តុំ កងទ័ពនៅក្រៅប្រទេស ដើម្បីការពារខ្លួន និងសម្ព័ន្ធមិត្តដែលកំពុងរងការវាយប្រហារ៕

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី៨ ខែកក្កដា ឆ្នាំ២០២២នេះ បានសម្រេចទុករយៈពេល៣ខែ ឲ្យម្ចាស់រថយន្តចង្កូតស្តាំ ដែលមានស្រាប់ក្នុងប្រទេសកម្ពុជា ចូលបង់ពន្ធដោយ មិនចាំបាច់កែចង្កូតពីស្តាំទៅឆ្វេងនោះទេ ចាប់ពីថ្ងៃទី៦ ខែកក្កដា ឆ្នាំ២០២២តទៅ។

យោងតាមលទ្ធផលនៃកិច្ចប្រជុំពេញអង្គគណៈរដ្ឋមន្រ្តី នៅថ្ងៃទី០៨ ខែកក្កដា ឆ្នាំ២០២២ បានបញ្ជាក់ថា រាជរដ្ឋាភិបាល បានឯកភាពឱ្យរថយន្តចង្កូតស្ដាំ ដែលមានស្រាប់នៅកម្ពុជា ចរាចរជាប្រក្រតីដោយពុំចាំបាច់ធ្វើការកែពីចង្កូតស្ដាំទៅចង្កូតឆ្វេង ប៉ុន្តែតម្រូវឱ្យម្ចាស់រថយន្តទាំងនោះ ត្រូវទៅបង់ពន្ធជាដាច់ខាត ចំពោះអ្នកដែលមិនទាន់បានបង់ពន្ធ ហើយអ្នកដែលកក់ប្រាក់ពន្ធ ត្រូវទៅបង់បង្រ្គប់ប្រាក់ពន្ធ ដើម្បីទទួលបានស្លាកលេខប្រើប្រាស់ ដោយទុកឱសានវាទ រយៈពេល៣ខែទៀត គិតចាប់ពីថ្ងៃទី៦ ខែកក្កដា ឆ្នាំ២០២២។

រាជរដ្ឋាភិបាលបានសម្រេច មិនអនុញ្ញាតឱ្យបន្តនាំចូលរថយន្តចង្កូតស្ដាំទៀតជាដាច់ខាត ចាប់ពីថ្ងៃទី៦ ខែកក្កដា ឆ្នាំ២០២២ តទៅ និងបានណែនាំដល់រដ្ឋបាលខេត្ត សមត្ថកិច្ចគយ និងកងកម្លាំងឈរជើងតាមព្រំដែនកម្ពុជា-ថៃ ត្រូវសហការជាមួយភាគីថៃ ដោយអនុវត្តឱ្យបានម៉ឺងម៉ាត់ នូវវិធានការចាប់ឃាត់រថយន្តចង្កូតស្តាំ ដែលនាំចូលមកតាមច្រកព្រំដែននានា និងត្រូវធានាថាមិនឱ្យមានរថយន្តចង្កូតស្តាំបន្តនាំចូលមកក្នុងព្រះរាជាណាចក្រកម្ពុជាទៀតនោះទេ។ ក្នុងករណីបំពាន ត្រូវចាប់រឹបអូសរថយន្ត ដោយមិនអនុញ្ញាតឱ្យបង់ពន្ធឡើយ នឹងត្រូវកម្ទេចចោល។

បន្ថែមលើនេះ ប្រមុខដឹកនាំរាជរដ្ឋាភិបាល បានណែនាំដល់រដ្ឋបាលរាជធានី-ខេត្ត កងកម្លាំងប្រដាប់អាវុធ និងសមត្ថកិច្ចពាក់ព័ន្ធ ត្រូវចាត់វិធានការតាមផ្លូវច្បាប់ឱ្យបានម៉ឺងម៉ាត់បំផុត ចំពោះគ្រប់បុគ្គលឬនីតិបុគ្គល ទាំងឡាយណាដែលបង្កភាពអនាធិបតេយ្យលើដងផ្លូវ ឬប្រមូលផ្តុំតវ៉ាធ្វើបាតុកម្មបិទផ្លូវសាធារណៈដោយខុសច្បាប់។

ចាប់ពីថ្ងៃផ្តើមយុទ្ធនាការប្រមូលពន្ធលើរថយន្តអត់ពន្ធ នៅខែកញ្ញា ឆ្នាំ២០២១ រហូតមកដល់ថ្ងៃទី៦ ខែកក្កដា ឆ្នាំ២០២២ ដែលមានរយៈពេលប្រមាណ១០ខែ រថយន្តដែលបានចូលមកបង់ពន្ធអាករ និងកក់ប្រាក់មានចំនួន៩.៧៥៣គ្រឿង ក្នុងនោះមានរថយន្តចង្កូតឆ្វេងមានចំនួន២.៧១៣គ្រឿង ទទួលបានប្រាក់ពន្ធជិត៣៥លានដុល្លារ និងចង្កូតស្តាំមកកក់ប្រាក់ ចំនួន៧.០៤០គ្រឿង ដែលទទួលបានថវិកា៤១,៥៦លានដុល្លារអាមេរិក៕

ដោយៈ គង់ សូរិយា

       តូក្យូៈ អតីតនាយករដ្ឋមន្ត្រីជប៉ុន លោកសិនហ្សូ អាបេ ត្រូវបានគេបញ្ជូ​បានទទួលមរណៈភាពហើយ ដែលជាដំណឹងដ៏ក្រៀមក្រំមួយ។

លោកត្រូវបានគេរាយការណ៍ថា បេះដូងលែងដើរ និងមិនមានសញ្ញាសង្ឃឹមរស់ទេ។ នេះបើតាមការចេញផ្សាយដោយសារព័ត៌មាន NHK និងបណ្តាញសារព័ត៌មានអន្តរជាតិនានា នៅថ្ងៃសុក្រ ទី៨ ខែកក្កដា ឆ្នាំ២០២២។

យោងតាមសារព៌តមានNHK បានឲ្យដឹងថា មានស្នូរគ្រាប់កាំភ្លើងត្រូវបានគេឮ នៅពេលលោកអាបេ កំពុងថ្លែងសុន្ទរកថា សម្រាប់យុទ្ធនាការឃោសនាបោះឆ្នោតមួយនៃបេក្ខជន មកពីគណបក្សសេរីប្រជាធិបតេយ្យ ខណៈការបោះឆ្នោតសភាជាន់ខ្ពស់ជប៉ុន នឹងធ្វើឡើងនៅថ្ងៃអាទិត្យចុងសប្ដាហ៍នេះ។

ខ

មកទល់នឹងពេលនេះ គេមិនទាន់ដឹងពីស្ថានភាពរបស់ លោក អាបេនោះទេ តែបើតាមសារព័ត៌មាន Jiji លោក អាបេ ហូរឈាមចេញពីក ហើយសន្លប់មិនដឹងខ្លួន និងមានសញ្ញាសង្ឃឹមរស់ឡើយ នៅពេលបញ្ជូនទៅមន្ទីរពេទ្យ។

លោកអាបេ មានអាយុ៦៧ឆ្នាំ បានកាន់តំណែងជានាយករដ្ឋមន្ត្រីជប៉ុន ពីឆ្នាំ២០០៦ ដល់ឆ្នាំ២០០៧ និងពីឆ្នាំ២០១២ ដល់ឆ្នាំ២០២០៕

ដោយៈ សុខុម

មែលប៊ន: ក្រុមហ៊ុនអាមេរិកQuinbrook Infrastructure Partners ប្រកាសថា ពេលនេះខ្លួនបានទទួលការអនុម័ត ឱ្យសាងសង់មជ្ឈមណ្ឌលទិន្នន័យ ដែលមានតម្លៃ១,៧ពាន់លានដុល្លារអាមេរិក នៅក្នុងក្រសួងបរទេសអូស្ត្រាលីហើយ។

ក្រុមហ៊ុនដែលមានមូលដ្ឋាននៅទីក្រុងហ៊ូស្តុន (Houston) សហរដ្ឋអាមេរិក  នេះនិយាយនៅថ្ងៃសុក្រ ទី៨ ខែកក្កដា នេះថា ខ្លួននឹងសាងសង់អគារមួយ ក្នុងគម្រោងហេដ្ឋារចនាសម្ព័ន្ធឌីជីថល ខ្នាតយក្សរបស់ខ្លួននៅរដ្ឋឃ្វីនលែន (Queensland) ប្រទេសអូស្ត្រាលី ដែលអាចផ្ទុកមជ្ឈមណ្ឌលទិន្នន័យធំៗចំនួន៤។

ក្រុមហ៊ុននេះក៏មានគម្រោងសាងសង់ រោងចក្រថាមពលកកើតឡើងវិញ និងប្រព័ន្ធផ្ទុកថាមពលអាគុយ ដែលមានកម្លាំង២.០០០មេហ្គាវ៉ាត់ម៉ោង (BESS) នៅទីតាំងគម្រោងនេះផងដែរ។

ជាធម្មតាមជ្ឈមណ្ឌលទិន្នន័យ គឺត្រូវការប្រើថាមពលអគ្គិសនីច្រើនណាស់ ហើយបណ្ដាក្រុមហ៊ុនអភិវឌ្ឍន៍ កំពុងព្យាយាមកាត់បន្ថយការពឹងផ្អែកលើប្រភពថាមពល ដែលបញ្ចេញកាបូនខ្ពស់ ដោយងាកទៅប្រើប្រាស់ថាមពលខ្យល់ និងសូឡា (ថាលពលពន្លឺព្រះអាទិត្យ) ជំនួសវិញ។

ក្រុមហ៊ុននេះនិយាយថា ខ្លួនបានចាប់ផ្តើមធ្វើយុទ្ធសាស្ត្រទីផ្សារ សម្រា​ប់គម្រោង Supernode ទៅកាន់បណ្ដាប្រតិបត្តិករ មជ្ឈមណ្ឌលទិន្នន័យហើយ ហើយក៏បានដាក់ពាក្យស្នើសុំ ចាប់ផ្តើមសាងសង់កន្លែងផ្ទុកថាមពលអាគុយនៅពាក់កណ្តាលឆ្នាំ២០២៣។

គម្រោងនេះ គឺស្រដៀងនឹងមជ្ឈមណ្ឌលទិន្នន័យបៃតងមួយ មានកម្លាំង៨០០មេហ្គាវ៉ាត់ ដែលក្រុមហ៊ុន Quinbrook បានបើកដំណើរការក្នុងរដ្ឋតិចសាស សហរដ្ឋអាមេរិក៕ Reuters៕

 BALI, Indonesia, July 8 (Xinhua) — Chinese State Councilor and Foreign Minister Wang Yi said Thursday that China and the European Union (EU) are two major forces in the multi-polar world, and they should uphold the basic orientation of their comprehensive strategic partnership.

During a meeting with EU High Representative for Foreign Affairs and Security Policy Josep Borrell on the sidelines of the Group of 20 (G20) foreign ministers’ meeting held in Bali, Indonesia, Wang said the two sides should maintain the positive momentum of dialogue and communication, and seek common grounds while shelving differences when they are faced with complicated challenges.

Wang said China and the EU should adhere to the mutually beneficial and win-win cooperation, uphold true multilateralism and oppose any acts that trumpet decoupling and violate the law of the economy.

Both sides should reject zero-sum games, instigation of bloc confrontation and attempts to stoke a new Cold War, Wang noted.

He stressed that China is willing to work with the EU side to uphold the international system underpinned by the United Nations and basic norms governing international relations anchored upon international law.

For his part, Borrell said the EU believes that the two sides share more common interests than differences, and it is willing to pursue the one-China policy and conduct more strategic coordination and cooperation with China.

The EU is deeply concerned about the adverse impacts of the Russia-Ukraine conflict, and hopes China will play an important role in achieving peace.

On the Ukraine crisis, Wang said parties concerned should seriously reflect on the root causes of the conflict, address the legitimate concerns of every party, and fundamentally eliminate the potential dangers of war.

China’s proposals have clearly expounded its positions on the Ukraine crisis, which would serve as a key guide for securing a lasting peace and security, Wang said.

In April this year, China made four proposals on the Ukraine situation, calling for promoting peace talks, preventing a humanitarian crisis on a bigger scale, fostering lasting peace in Europe and the Eurasian continent, and preventing the regional conflict from magnifying.

All the efforts China has made aimed to promote peace and facilitate talks, Wang said, adding that China will adhere to its objective and impartial position and continue to play a constructive role.

China supports the EU side in sticking to its strategic autonomy and playing a more active role of coordination to work out viable plans, Wang said. ■

ដោយៈ វឌ្ឍនៈ

ភ្នំពេញៈ ខណៈគម្រោងអគារ និងសំណង់មួយចំនួនដែលបានផ្អាកដំណើរការកាលពីឆ្នាំ២០២១កន្លងទៅ បានចាប់ផ្ដើមឡើងវិញនោះ ធ្វើឱ្យសម្ភារៈសំណង់ ក្នុងប្រទេសកម្ពុជាចាប់ផ្ដើម មានតម្រូវការខ្ពស់ឡើងវិញ ដែលជំរុញឱ្យអ្នកផ្គត់ផ្គង់សម្ភារៈសំណង់បង្កើនការផ្គត់ផ្គង់បន្ថែម។

លោកឧកញ៉ាហ៊ួត ជា អគ្គនាយកក្រុមហ៊ុនហ៊ួតជាបានមានប្រសា​សន៍កាលពីថ្ងៃទី៧កក្កដា ២០២២ឱ្យដឹងថា ក្រោយពីស្ថានភាពកូវីដ១៩ បានថមថយទៅ វិស័យអចលនទ្រព្យនៅក្នុងប្រទេសកម្ពុជា មានការអភិវឌ្ឍជាហូហែរ ហើយគ្រប់សំណង់តូចធំក៏ចាប់ផ្ដើមដំណើរការឡើងវិញ។ ជាមួយគ្នានេះការផ្គត់ផ្គង់សម្ភារៈសំណ ង់ក៏នៅតែមានតម្រូវការខ្ពស់ និងចាំបាច់បំផុត សំរាប់ការអភិវឌ្ឍវិស័យសំណង់ក្នុងប្រទេសកម្ពុជា។

មិនតែប៉ុណ្ណោះលោកឧកញ៉ាបានមើលឃើញថា នៅដើមឆ្នាំ២០២២នេះ ក្រុមអ្នកវិនិយោគធំៗបានស្ទុះយ៉ាងគំហុកឡើងវិញ ជាមួយការប្រកួតប្រជែងយ៉ាងខ្លាំងក្លាលើគ្រប់វិស័យ ជាពិសេសវិស័យសំណង់នៅក្នុងប្រទេ​សកម្ពុជាទាំងមូល បាននិងកំពុងវិវត្តន៍យ៉ាងឆាប់រហ័ស និងមានសន្ទុះខ្លាំងឡើងគួរឱ្យកត់សម្គាល់។

លោកហួត ជាបានបន្តថា បច្ចុប្បន្ននេះគេឃើញអាជីវករជាច្រើន បាននិងកំពុងងើបឡើងវិញ និងអភិវឌ្ឍន៍ខ្លួនកាន់តែខ្លាំង ដើម្បីដើរឱ្យទាន់យុគ្គសម័យថ្មី នៃប្រទេសជិតខាងទៅលើមុខរបរប្រេនឆាយ ដូចជា សម្ភារៈសំណង់ជាដើម ដែលកំពុងតែមានការពេញនិយម និងប្រកបដោយការប្រុងប្រយ័ត្នខ្ពស់ ហើយបានធ្វើឱ្យការវិនិយោគ មានពង្រីកវិសាលភាពផ្គត់ផ្គង់ទៅដល់ដៃអតិថិជននៅគ្រប់រាជធានី\ខេត្ត ទូទាំងប្រទេសផងដែរ។

លោកបានអះអាងទៀតថា អ្នកដែលចាប់ដៃគូវិនិយោគ ជាមួយក្រុមហ៊ុនរបស់ខ្លួន នឹងទទួលបានផលចំណេញច្រើន ព្រោះក្រុមហ៊ុនបានឈរជើងយ៉ាងរឹងមាំជាយូឆ្នាំ និងមានទស្សនៈវិស័យវែងឆ្ងាយ ក្នុងការពង្រីកមុខរបបមួយនេះឱ្យកាន់តែរីកចម្រើន។

ជាមួយលោកស្រី ហ៊ួត គាម អគ្គនាយករងក្រុមហ៊ុនហ៊ួតជា ក៏បានបទអះអាងផងដែរថា លោកស្រីនៅតែបន្តស្វាគមន៍ ដៃគូសហការគ្រប់ប្រភេទ និងគ្រប់តំបន់ ដើម្បីវិនិយោគជាមួយគ្នា បង្កើតអាជីវកម្មជាមួយគ្នា ស្វែងរកផលចំណេញដូចគ្នា ដើម្បីបំពេញជីវភាព ក៏ដូចជាបង្កើតមុខរបបជូនប្រជាពលរដ្ឋ នៅតាមបណ្ដាលទីប្រជុំជននិងគ្រប់រាជធានីខេត្ត។

អ្នកនាងគឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុនCBRE Cambodia បានឱ្យដឹងថា ក្នុងរយៈពេល១ឆមាសនៃឆ្នាំ២០២២នេះការដ្ឋានសំណង់ ដូចជាគម្រោងអភិវឌ្ឍន៍ខុនដូ និងអាផាតម៉ិន នៅក្នុងប្រទេសកម្ពុជា បានចាប់ផ្ដើមដំណើរការសាងសង់ឡើងវិញ ដែលធ្វើឱ្យសកម្មភាពនៃការសាងសង់ នៅក្នុងរយៈពេល៦ខែនេះ មានភាពមមាញឹកឡើងវិញផងដែរ។

ប៉ុន្តែសម្រាប់គម្រោងអភិវឌ្ឍន៍ថ្មីៗ នៅក្នុងរយៈពេលនេះយើងមិនទាន់ឃើញមានចំនួនច្រើននៅឡើយទេ៕