៦ខែដើមឆ្នាំ២០២២ ចរន្តទិញលក់ខុនដូក្នុងប្រទេសកម្ពុជាមានភាពល្អប្រសើរជាង២០២១

ដោយវឌ្ឍនា

ភ្នំពេញ៖ ក្នុងរយៈពេល៦ខែនៃឆ្នាំ២០២២នេះ ចរន្តទិញលក់ខុនដូក្នុងទីផ្សារប្រទេសកម្ពុជាឃើញថាចាប់ផ្ដើមមានសន្ទុះឡើងវិញក្រោយពេលរដ្ឋាភិបាលបានបើកប្រទេសឡើងវិញបើកសេដ្ឋកិច្ចឡើងវិញនិងធ្វើឱ្យប្រជាពលរដ្ឋមានប្រាក់ចំណូលជាងមុន គួបផ្សំនឹងការហូរចូលនៃទេសចរបរទេសមកកាន់ព្រះរាជាណាចក្រកម្ពុជាឡើងវិញផងដែរ ។

លោកខន គង្គា អគ្គនាយកក្រុមហ៊ុនអចលនទ្រព្យ ERA Cambodia បានមានប្រសាសន៍ថា ទាក់ទងនឹងទីផ្សារខុនដូក្នុងប្រទេសកម្ពុជារយៈពេល៦ខែកន្លងមកនេះ ឃើញថាមានភាពល្អប្រសើរជាងកាលពី៦ខែដើមឆ្នាំ២០២១ ។

កត្តាសំខាន់ដែលជំរុញឱ្យទីផ្សារនេះមានភាពល្អប្រសើរឡើងវិញនោះ រួមមានស្ថានភាពកូវីដ១៩នៅក្នុងប្រទេសកម្ពុជាបានប្រសើរ ការប្រកបអាជីវកម្មរបស់ពលរដ្ឋក៏ត្រលប់មកធម្មតាវិញ ដែលធ្វើឱ្យចំណូលពលរដ្ឋក៏កើនឡើងវិញក្នុងនោះទេសចរបរទេសក៏បានត្រលប់មកកាន់កម្ពុជា ដែលធ្វើឱ្យតម្រូវការនៃការទិញនិងជួលខុនដូក្នុងប្រទេសកម្ពុជាក៏ចាប់ផ្ដើមមានកំណើនឡើងវិញដែរ ។

លោកបន្តថា ដោយសារតែកំណើននៃប្រជាពលរដ្ឋក្នុងស្រុកទិញខុនដូកាន់តែច្រើន ក្រុមហ៊ុនERA របស់លោកក៏បានផ្ដោតទៅលើអតិថិជនក្នុងស្រុក ដោយក្នុងនោះដែរ៩៥ភាគរយហើយនៃអតិថិជនរបស់ERA គឺជាអតិថិជនក្នុងស្រុកហើយក្រៅពីនោះអាចជាជនជាតិខ្មែររស់នៅក្រៅប្រទេសនិងជនបរទេស ។ ក្នុងចំណោមប្រជាពលរដ្ឋដែលទិញខុនដូក្នុងប្រទេសកម្ពុជា ជាមនុស្សដែលស្ថិតនៅក្នុងចន្លោះពីអាយុ៣៥ឆ្នាំ ទៅ៤៥ឆ្នាំ ដែលពួកគាត់គឺជាអ្នកជំនួញ ដែលមានអាជីវកម្មក្នុងដៃ និងបានយល់ដឹងពីការរស់នៅក្នុងខុនដូ ។

លោកគង្គាបន្ថែមថាខុនដូដែលមានទីតាំងនៅកណ្ដាលក្រុងជាទីតាំងដែលពេញនិយមសម្រាប់ការសាងសង់ខុនដូ ហើយអ្នកខ្លះទិញខុនដូមួយនៅកណ្ដាលរួចហើយស្នាក់នៅនិងធ្វើការនៅថ្ងៃចន្ទដល់ថ្ងៃសុក្រនិងទៅស្នាក់នៅផ្ទះមួយទៀតដែលទិញសម្រាប់ស្នាក់នៅថ្ងៃសៅ អាទិត្យ ។

ទន្ទឹមនឹងការកើនឡើងនៃចរន្តទិញលក់ខុនដូនេះដែរ គម្រោងមួយចំនួនបានការសហការជាមួយនឹងធនាគារ ដែលធ្វើឱ្យទំហំឥណទានសម្រាប់ទិញលគេហដ្ឋានមានកំណើនឡើងខ្ពស់នៅក្នុងរយៈពេល៦ខែដើមឆ្នាំ២០២២ នេះ ។

តាមលោកចាន់ ម៉ាច អគ្គនាយកធនាគារហ្វីលីព បានមានប្រសាសន៍ថាក្នុងរយៈពេល៦ខែកន្លងមកនេះ ទំហំ ឥណទានសម្រាប់ទិញគេហដ្ឋាននៅប្រទេសកម្ពុជាពីបណ្ដាធនាគារនានាទូទាំងប្រទេសមានចំនួនប្រមាណ៥០០លានដុល្លារអាមេរិក និងមានកំណើនប្រមាណ៧ភាគរយ ។សម្រាប់ធនាគារហ្វីលីពវិញក៏ឃើញថាមានទំហំកើនឡើងគួរសមដែររយៈពេល៦ខែមកនេះ ៕

ក្រុមហ៊ុន GC Realty បានចុះកិច្ចព្រមព្រៀងសហការជាដៃគូជាមួយក្រុមហ៊ុន ម៉ាយ សេខិន ហូម ស៊ីអិម២អេច ដែលអនុញ្ញាតឱ្យអ្នកវិនិយោគបរទេសទទួលបាន កញ្ចប់ទិដ្ឋាការមាសរយៈពេល១០ឆ្នាំ

ដោយ៖ សហការី

ភ្នំពេញ៖ នៅថ្ងៃទី៥ ខែកក្កដា ឆ្នាំ២០២២ ក្រុមហ៊ុន GC Realty បានរៀបចំពិធីចុះហត្ថលេខាលើកិច្ចព្រមព្រៀង ភាពជាដៃគូរវាងជាមួយនឹងក្រុមហ៊ុន ម៉ាយ សេខិន ហូម ស៊ីអិម២អេច ក្នុងកម្មវិធី “កម្ពុជាផ្ទះទី២របស់ខ្ញុំ” ដែលកម្មវិធីមួយរបស់សមាគមមូលនិធិគ្រួសារខ្មែរ។

នៅក្នុងកម្មវិធីដ៏ពិសេសនេះ គឺមានការអញ្ជើញ ចូលរួមជាគណៈអធិបតីពីសំណាក់ ប្រធានក្រុមប្រឹក្សាភិបាលសមាគមមូលនិធិគ្រួសារខ្មែរ ឯកឧត្តម នូវ សុខភាព និងជាតំណាងឱ្យក្រុមហ៊ុន ម៉ាយ សខិន ហូម ស៊ីអឹម២អេច និងភ្ញៀវកិត្តិយសជាច្រើនរូបទៀត។

យោងតាមប្រសាសន៍របស់ឯកឧត្តម នូវ សុខភាព បានឲ្យដឹងថា បន្ទាប់ពីឆ្លងកាត់ការពិភាក្សានិងត្រួត ពិនិត្យយ៉ាងលម្អិត រាជរដ្ឋាភិបាលប្រទេសសកម្ពុជាបានយល់ថានេះជាពេលវេលាដ៏សាកសមបំផុតក្នុង ការអនុវត្តន៍ជំហានដំបូងនៃច្បាប់អន្តោប្រវេសន៍ថ្មី។ ក្រសួងមហាផ្ទៃបានសម្រេចប្រកាសគាំទ្រ សមាគមមូលនិធិគ្រួសារខ្មែរ បង្កើតនូវកម្មវិធី “កម្ពុជាផ្ទះទី២របស់ខ្ញុំ” ដែលជាកម្មវិធីតែមួយគត់ ដែល អនុញ្ញាតឱ្យអ្នកវិនិយោគបរទេសចូលជាសមាជិករបស់កម្មវិធី ”កម្ពុជាផ្ទះទី២របស់ខ្ញុំ” អាចទទួលបាន កញ្ចប់ទិដ្ឋាការមាសរយៈពេល១០ឆ្នាំ។

កម្មវិធីទាំងមូលបានផ្ដោតសំខាន់ទៅលើវិស័យជាច្រើន រួមមាន ការលុបបំបាត់ក្រុមហ៊ុនអន្តោប្រវេសន៍ដែលគ្មានការអនុញ្ញាត និងចាប់ផ្តើមសេដ្ឋកិច្ចឡើងវិញព្រមទាំង ជម្រុញការ វិនិយោគបរទេសមកកាន់ ប្រទេសកម្ពុជា។

លោក កាំង នីន នាយក និងដៃគូអាជីវកម្មរបស់ក្រុមហ៊ុនជីស៊ី រៀលធី បានមានប្រសាសន៏ថា កម្មវិធីកម្ពុជាផ្ទះទី២របស់ខ្ញុំ និងជួយដល់អ្នកដែលចូលជាសមាជិកក្នុងការដាក់ពាក្យ ស្នើរសុំលិខិតឆ្លងដែនកម្ពុជា បន្ទាប់ ពីទទួលបានទិដ្ឋាការ រយៈពេល៥ឆ្នាំ ហើយយើងក៏ជួយសមាជិក រៀបចំចុះឈ្មោះក្រុមហ៊ុន បង្កើតគណនីធនាគារ និងសេវាកម្មវិនិយោគ VIPផ្សេងៗជាច្រើនទៀត ពេលដែល ពួគគាត់ចូលមកប្រកបអាជីវកម្ម ឬវិនិយោគនៅប្រទេសកម្ពុជា។

ក្រុមហ៊ុន GC Realty យើងមិនត្រឹមតែជាអ្នកប្រឹក្សាផ្នែកអចលនទ្រព្យ តែយើងក៏មានអ្នកជំនាញទទួល ប្រឹក្សានៅការវិនិយោគផ្សេងៗ នៅប្រទេសកម្ពុជា ដែលកន្លងមកយើងបានទទួលប្រឹក្សាជាមួយអ្នកវិនិ យោគក្រៅប្រទេស ពួកគាត់គឺពេញចិត្តនូវគោលនយោបាយរបស់រដ្ឋាភិបាលកម្ពុជា និងមានជំនឿចិត្ត ក្នុងការវិនិយោគ និងប្រកបអាជីវកម្ម ដោយសុវត្ថិភាពនៅប្រទេសកម្ពុជា។

GC Realty បានត្រៀមរួចរាល់ក្នុងការប្រឹក្សានិងស្វាគមន៏ដល់អ្នក ដែលមានបំណងចូលជាសមាជិក កម្មវិធី “កម្ពុជាផ្ទះទី២របស់ខ្ញុំ” ។

កម្មវិធី “កម្ពុជាផ្ទះទី២របស់ខ្ញុំ” (CM2H) គឺជាកម្មវិធីសម្រាប់ជនបរទេស ដែលមានបំណងចង់ស្នាក់នៅក្នុងព្រះរាជាណាចក្រកម្ពុជា ជាមួយនឹងកញ្ចប់ Golden Visa រយៈពេល១០ឆ្នាំព្រមទាំង អាចស្នើសុំលិខិតឆ្លងដែនព្រះរាជាណាចក្រកម្ពុជា ក្រោយការទទួលបានទិដ្ឋាការរយៈពេល៥ឆ្នាំ។

ចំពោះលក្ខខណ្ឌសម្រាប់ជនបរទេស ដែលមានបំណង ចូលរួមកម្មវិធីនេះ គឺពួកគាត់ត្រូវតែមានអាយុចាប់ពី១៨ឆ្នាំឡើងទៅហើយជាពលរដ្ឋនៃប្រទេស ឬតំបន់ ដែលទទួលស្គាល់ដោយរាជរដ្ឋាភិបាលកម្ពុជា និងមានការទទួលស្គាល់ពីក្រសួងមហាផ្ទៃក្នុងការស្នើសុំទិដ្ឋាការ ហើយនឹងមានដើមទុនវិនិយោគ មិនតិចជាង១០០,០០០ដុល្លារក្នុងប្រទេសកម្ពុជា ។

លើសពីនេះសមាជិកនៃកម្មវិធី កម្ពុជាផ្ទះទី២របស់ខ្ញុំ (CM2H) នឹងមានអ្វីៗគ្រប់យ៉ាងរួចរាល់សម្រាប់ ពួកគាត់នៅពេលមកដល់កម្ពុជា រួមមាន មធ្យោបាយធ្វើដំណើរ កន្លែងស្នាក់នៅ គណនីធនាគារក្នុងស្រុក ការធានារ៉ាប់រងថែទាំសុខភាព ការបើកដំណើរការអាជីវកម្ម ហើយសំខាន់បំផុតពួកគាត់នឹងទទួលបានប័ណ្ណការងារ ទិដ្ឋាការសិស្ស និងជាពិសេស គម្រោងអចលនទ្រព្យ ដែលទទួលស្គាល់ដោយរាជរដ្ឋាភិបាល៕

China’s Powerlong Real Estate seeks delay in 600-million-yuan bond payment

SHANGHAI : Chinese developer Powerlong Real Estate Holdings seeks to delay payment of 600 million yuan ($89 million) of onshore bonds due on July 15 and to repay the principal in batches over one year, two sources with direct knowledge of the matter said.

In a proposal to its bondholders, Hong Kong-listed Powerlong aims to pay 5 per cent of the principal on the due date of the bonds, 15 per cent of the principal after six months, and the remaining 80 per cent after 12 months, the sources told Reuters.

Powerlong is also planning to extend payment of two onshore bonds, worth 1 billion yuan each, due in August, said the sources who declined to be identified.

The company did not respond to a Reuters request for comment.

Cash-flows at indebted Chinese property firms have been squeezed by regulatory curbs on new borrowing and poor sales amid cautious buyer sentiment since last year.

A string of offshore bond defaults by China Evergrande Group and others this year has further deepened concern about the beleaguered sector.

Source: Reuters

ក្រុមហ៊ុនអចលនទ្រព្យ Powerlong របស់ចិនស្នើរពន្យាពេលក្នុងការទូទាត់សងមូលបត្របំណុល

ដោយ៖ លាងហួរ

ចិន៖ ក្រុមហ៊ុនអចលនទ្រព្យ Powerlong របស់ចិនសុំពន្យារពេលទូទាត់សងមូលបត្របំណុល ក្នុងទឹកប្រាក់៨៩លានដុល្លារអាមេរិក ដល់ថ្ងៃទី១៥ខែកក្កដា និងពន្យារសងប្រាក់ដើមក្នុងរយៈពេលមួយឆ្នាំ។

យោងតាមសារពត៌មាន Reuters បានឱ្យដឹងថា នៅក្នុងសំណើទៅកាន់ម្ចាស់មូលបត្ររបស់ខ្លួន ក្រុមហ៊ុន Powerlong ចុះបញ្ជីនៅហុងកុង មានបំណងបង់៥ភាគរយ នៃប្រាក់ដើម នៅថ្ងៃផុតកំណត់នៃសញ្ញាប័ណ្ណ និងបង់១៥ភាគរយនៃប្រាក់ដើម បន្ទាប់ពីប្រាំមួយខែ និងបង់៨០ភាគរយ ដែលនៅសល់បន្ទាប់ពី១២ខែ។

យោងតាមប្រភពមួយ ដែលបានរាយការណ៍តែសុំមិនបង្ហាញអត្តសញ្ញាណ បានឱ្យដឹងថា ក្រុមហ៊ុន Powerlong ក៏គ្រោងនឹងបន្តការទូទាត់សងមូលបត្របំណុលចំនួនពីរដែលមានតម្លៃ១ពាន់លានយ័ន ដែលនឹងដល់កំណត់ក្នុងខែសីហា។

ក្រុមហ៊ុន Powerlong មិនបានឆ្លើយតបនឹងសំណើសុំការអត្ថាធិប្បាយរបស់សារពត៌មាន Reuters ទេ។

ចំណែកលំហូរសាច់ប្រាក់របស់ក្រុមហ៊ុនអចលនទ្រព្យចិន ដែលជំពាក់បំណុល មានការគាំងស្ទះ ដោយសារ ការទប់ស្កាត់បទប្បញ្ញត្តិលើការខ្ចីប្រាក់ថ្មី និងការលក់អចលនវត្ថុរបស់ខ្លួនមិនដាច់។

ការខកខានទូទាត់សងមូលបត្របំណុលនៅក្រៅប្រទេស ដោយក្រុមហ៊ុន China Evergrande Group និងក្រុមហ៊ុនផ្សេងទៀតនៅឆ្នាំ២០២២នេះ បានធ្វើឱ្យមានការព្រួយបារម្ភកាន់តែខ្លាំងឡើងអំពីវិស័យអចលនទ្រព្យ ដែលជាប់គាំង៕

មជ្ឈមណ្ឌលពាណិជ្ជកម្មកប់ពពកថ្មីមួយបានបើកសម្ពោធជាផ្លូវការនៅកណ្តាលទីក្រុងភ្នំពេញ

ដោយ៖ សហការី

ភ្នំពេញ ៖ នៅព្រឹកថ្ងៃទី6 ខែកក្កដា ឆ្នាំ២០២២ ក្រុមហ៊ុន អឺបេន លីវីង សឺលូសិន (Urban Living Solutions ហៅកាត់ថា ULS) ដែលជាក្រុមហ៊ុនអភិវឌ្ឍន៍អចលនទ្រព្យនិងបរិយាបទក្នុងការរស់នៅមួយ និងនៅពីក្រោយគម្រោងច្នៃប្រឌិតដ៏អស្ចារ្យជាច្រើននៅកម្ពុជា បានប្រារព្ធពីធីបើកសម្ពោធជាផ្លូវការនៃការិយាល័យលក់ និងផ្ទះគំរូរបស់គម្រោង Odom ដែលជាគម្រោងដ៏ល្អប្រណិតមួយឈានមុខគេ។

Odom ស្ថិតនៅលើមហាវិថីនរោត្តម ចំកណ្ដាលទីក្រុងភ្នំពេញ ដែលជាអគារខ្ពស់មួយមានមុខងារចម្រុះ ហើយលេចចេញជាអគារពីរជាប់គ្នា ភ្ជាប់ដោយទីធ្លាជួបជុំប្រាំជាន់ និងការរួមបញ្ចូលជាមួយលំនៅឋាន អគារពាណិជ្ជកម្ម និងការិយាល័យសហកម្មសិទ្ធ ដែលត្រូវបានរចនាដោយក្រុមហ៊ុនស្ថាបត្យកម្ម Kite Studio នៅប្រទេសសិង្ហបុរី។ បន្ទាប់ពី ULS បានសម្រេចគម្រោង ហើយបានទទួលពានរង្វាន់ដូចជា Factory Phnom Penh ភូមិបាគង និង Rose Apple Square ដែល ULS បានកំណត់ឡើងវិញនៅស្តង់ដារជីវិតការងារសម្រាប់ប្រជាជនសម័យទំនើប។

ស្ថិតនៅលើទំហំផ្ទៃដីសរុប៥,៨២៥ម៉ែត្រការ៉េ នៃតំបន់អចលនទ្រព្យនៅលើមហាវិថីនរោត្តម ជាអគារបញ្ឈរ៤៥ជាន់ Odom Tower មានទំហំសរុបដល់ទៅ៤៣,០០០ម៉ែត្រការ៉េ នៃការិយាល័យសហកម្មសិទ្ធិដ៏ប្រណិត (Strata-title offices) និងមានប្រជុំទៅដោយការិយាល័យអាជីវកម្ម សម្រាប់ខ្នាតតូចក្នុងស្រុក និងអាជីវកម្មបរទេសថែមទៀតផង។

លើសពីនេះទៀត Odom ក៏មានជណ្តើរយន្តស្តង់ដារចុងក្រោយ និងចុះឈ្មោះជាបេក្ខភាពអាគារបៃតង LEED® ការរចនាដោយផ្តោតលើការសន្សំសំចៃថាមពល ព្រមទាំងមានភូមិអាកាស និងជាន់ដំបូលសម្រាប់តែសមាជិក Odom Club តែប៉ុណ្ណោះ។ Odom Tower នឹងផ្តល់នូវកិត្យានុភាព កេរ្ដិ៍តំណែល ភាពមើលឃើញ និងភ្ជាប់ទំនាក់ទំនងគ្រប់ច្រក។

ជាប់គ្នាជាមួយ Odom Tower និងមានកន្លែងទំហំសរុបដល់ទៅ១៩.០០០ម៉ែត្រការ៉េ ដែលមានរហូតដល់ទៅ២២ជាន់នោះ គឺ Odom Living ដែលមានការរចនាសម្រាប់គ្រួសារសហសម័យ និងអ្នកជំនាញនៅកម្ពុជា។ Odom Living មានលំនៅឋានប្រភេទ ១បន្ទប់គេង រហូតដល់ ៤បន្ទប់គេង ចាប់ពីទំហំ៧២ម៉ែត្រការ៉េ រហូតដល់២៦២ម៉ែត្រការ៉េ។ គ្រប់ខុនដូរទាំងអស់សុទ្ធតែទទួលបាននូវទេសភាពពន្លឺនៃទីក្រុង ដែលក្នុងនោះមាន រានហាល២បង្អួចកញ្ចក់ពីការ៉ូរហូតដល់ពិដាន ពន្លឺធម្មជាតិចេញចូល បន្ទប់ទឹករចនា និងបំពាក់ដោយក្រុមហ៊ុន Kohler និងសម្ភារះផ្ទះបាយដ៏ទំនើបបំពាក់ដោយ Maison De Dietrich ។ លើសពីនេះទៀត សម្ភារៈទំនើបជាច្រើន ដូចជា សោរទ្វារទំនើបពី Samsung សន្តិសុខ ២៤h សួនធម្មជាតិនៅរានហាលដំបូល ក្លិបហាត់ប្រាណ អាងហែលទឹក និងស្ពានអាកាស៦០ម៉ែត្រឆ្លងកាត់ពីអាគារលំនៅឋាន Odom Living ទៅកាន់អាគារពាណិជ្ជកម្ម Odom Tower។

ការភ្ជាប់គ្នាពីជាន់ផ្ទាល់ដីទៅជាន់ទី៥ នៃអាគារទាំងពីរនោះគឺ Odom Square ដែលជាអាគារពាណិជ្ជកម្មដែលហ៊ុមព័ទ្ធ ដោយសួនបៃតង និងអាជីវកម្មផ្សេងៗ។ ក្នុងនោះរួមបញ្ចូល ទាំងហាងទំនិញ ម្ហូបអាហារភេសៈ និងអមជាមួយទីធ្លាបៃតងថែមទៀតផង។ បរិវេណចាប់ពីទំហំ 1,000 ម៉ែត្រការ៉េរបស់ហាងលក់ទំនិញ និងបរិវេណរួមបានឲ្យអាគារទាំង២ មានភាពងាយស្រួលក្នុងការចូលទៅកាន់ហាងទាំងនោះ ដែលនេះជាការគិតគូរយ៉ាងល្អិតល្អន់របស់ការរចនា ដោយមានច្រកចេញចូលធំទូលាយ ហើយបង្កើតបានជាលក្ខណៈថ្មី បរិយាបទថ្មី ក្នុងការចំណាយពេលវេលា សម្រាប់ការទិញទំនិញ និងកំសាន្ត។

Odom បានបង្កើតដោយមានការសន្និដ្ឋានយ៉ាងច្បាស់ អំពីតម្រូវការការិយាល័យ ដែលមានការរចនា បែបបទ និងបរិក្ខារសម្រាប់បុគ្គលិក។ យើងចង់ផ្តល់ឲ្យសហគ្រិនជំនាន់ថ្មីមានឱកាសជាម្ចាស់កម្មសិទ្ធិ និងបង្កើតការិយាល័យមួយ ដែលជាតម្រូវការរបស់គេ។ យើងក៏ចង់សាងសង់លំនៅឋាន ដែលនៅចំកណ្ដាលទីក្រុង សម្រាប់ម្ចាស់អាជីវកម្ម ដែលចង់ជៀសវាងពីការធ្វើដំណើរឆ្ងាយពីកន្លែងធ្វើការរបស់គេផងដែរ។

អំពី ULS

Urban Living Solutions ដែលហៅកាត់ថា ULS គឺជាក្រុមហ៊ុនអភិវឌ្ឍន៏អចលនទ្រព្យ និងបរិយាបទក្នុងការរស់នៅដែលបង្កើតផ្តោតទៅលើសហគមន៍ដើម្បី ផ្សារភ្ជាប់ជាមួយភាពជឿនលឿនរបស់កម្ពុជា។ ULS ត្រូវបានបង្កើតឡើងដោយលោក គាន គឹមលាង នៅឆ្នាំ2016 ដែលគម្រោងមានដូចជា Urban Loft Factory Phnom Penh Urban Village (ដំណាក់កាលទ 1) សួន Odom Rose Apple Square និងភូមិបាគង។ ស្ថិតនៅក្នុងក្រុងភ្នំពេញផ្ទាល់ ULS បង្កើតការរស់នៅបែបថ្មី ដែលតភ្ជាប់ជាមួយទំនាក់ទំនង ការបំផុសគំនិត និងថែរក្សាសហគមន៍ ដើម្បីជាប្រយោជន៏រួមក្នុងការរស់នៅ និងធ្វើការនៅកម្ពុជា។

ទស្សនាការិយាល័យសហកម្មសិទ្ធិ និងខុនដូរប្រណិត 1-3 បន្ទប់គេង សូមធ្វើការណាត់ជួបដោយទាក់ទងមកលេខទូរស័ព្ទ +855 99 231 168 ។

សម្តេចតេជោរំពឹងចលនាជាតិកម្ពុជានឹងចូលរួមបញ្ចប់បញ្ហាមីននៅកម្ពុជាត្រឹមឆ្នាំ២០២៥

ដោយ៖ សហការី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវឱ្យប្រជាពលរដ្ឋនានាចូលរួមវិភាគទាន ដើម្បីបញ្ចប់បញ្ហាមីននៅកម្ពុជា ត្រឹមឆ្នាំ២០២៥ ដោយរំពឹងថា ចលនាជាតិរបស់កម្ពុជា នឹងធ្វើឱ្យបញ្ហាមីននៅកម្ពុជាត្រូវបានបញ្ចប់នៅឆ្នាំ២០២៥។

ការអំពាវនាវនេះ បានធ្វើឡើងនៅព្រឹកថ្ងៃពុធ ទី០៦ ខែកក្កដា ឆ្នាំ២០២២ ក្នុងឱកាសអញ្ជើញជួបសំណេះសំណាល ក៏ដូចជាផ្តល់នូវដំបូន្មានមួយចំនួនជូនដល់ប្រតិភូកីឡាអាស៊ានប៉ារ៉ាហ្គេម មុននឹងពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។

សម្តេចតេជោ ហ៊ុន សែន បានប្រកាសអំពីការបើកកុងមូលនិធិជាមួយធនាគារ ABA ដើម្បីឱ្យពលរដ្ឋងាយស្រួលចូលរួមវិភាគទានតាមលទ្ធភាព។ សម្តេចបានបញ្ជាក់ដូច្នេះថា “ខ្ញុំចង់វ៉ៃផ្ដាច់ ព្រ័ត្រ ដើម្បីឱ្យបញ្ហាមីននៅកម្ពុជាត្រូវបានបញ្ចប់នៅឆ្នាំ២០២៥ ហើយដោយប្រើចលនាជាតិរបស់យើងដើម្បីបញ្ចប់វា”។

សម្តេចបានរំលឹកថា ប្រតិបត្តិការដោះមីន និងគ្រាប់មិនទាន់ផ្ទុះនៅក្នុងប្រទេសកម្ពុជា គិតរហូតដល់ពេលនេះ មានរយៈពេល៣០ឆ្នាំហើយ ដោយការបង្កើតអង្គភាពដោះមីនស៊ីម៉ាក់ កើតឡើងតាំងពីជំនាន់អ៊ុនតាក់ និង FNC ឯនោះ។

ដើម្បីឱ្យការងារដោះមីនសម្រេចបានជោគជ័យតាមផែនការ សម្តេចតេជោ ក៏បានអំពាវនាវឱ្យពលរដ្ឋចូលរួមវិភាគទានបន្ថែមទៀត ដែលជាការបង្ហាញពីចលនាជាតិមួយ ដើម្បីសុវត្ថិភាពប្រជាជន គ្មានអ្នកស្លាប់ និងរបួសដោយសារមីន ហើយប្រជាពលរដ្ឋ នឹងបានទទួលដីធ្លីទៅបង្កបង្កើនផលដោយស្នាមញញឹម ផ្តល់នូវស្នាមញញឹមសម្រាប់ប្រជាជន បំបាត់នូវការភ័យខ្លាចទាំងអស់៕

ខេត្តកណ្ដាលកំពុងក្លាយជាតំបន់ទទួលចំហាយការអភិវឌ្ឍលំនៅដ្ឋានច្រើនពីរាជធានីភ្នំពេញ

ដោយៈ វឌ្ឍនៈ

ភ្នំពេញៈ ភ្នំពេញជាតំបន់ដែលមានការអភិវឌ្ឍខ្លាំងជាងគេ ក្នុងចំណោមតំបន់នានាទូទាំងប្រទេសកម្ពុជា ក្នុងនោះលំនៅឋានក្នុងរាជធានីភ្នំពេញ និងអំណាចទិញលំនៅឋាន ក៏មានឥទ្ធិពលនិងសកម្មភាពខ្លាំងជាងគេផងដែរ។

បន្ទាប់ពីរាជធានីភ្នំពេញ ខេត្តកណ្ដាលក៏ជាតំបន់មួយ ដែលមានអំណាចទិញ និងការអភិវឌ្ឍខ្លាំងមួយផងដែរ ក្នុងចំណោមតំបន់ជាច្រើនទៀត។

លោកឧកញ៉ាបណ្ឌិតគីម ហ៊ាង ប្រធានក្រុមហ៊ុនអចលនទ្រព្យ KW Cambodia បានមានប្រសាសន៍ឱ្យដឹងកាលពីថ្ងៃទី៥ កក្កដាថា ភ្នំពេញគឺជាតំបន់ ដែលមានការអភិវឌ្ឍខ្លាំងជាងគេ ក្នុងចំណោមបណ្ដាខេត្តរាជធានីទាំងអស់ ក្នុងប្រទេសកម្ពុជាហើយតម្រូវការលំនៅឋាននៅភ្នំពេញ ក៏ឃើញថាមានកំណើនឡើង ជាបន្តបន្ទាប់ពីមួយឆ្នាំទៅមួយឆ្នាំ។

លោកបន្តថា “នៅពេលទីក្រុងភ្នំពេញកាន់តែមានការអភិវឌ្ឍន៍ តម្លៃដីធ្លី និងតម្លៃផ្ទះនៅភ្នំពេញ ក៏នឹងកើនឡើងថ្លៃជារៀងរាល់ឆ្នាំដែរ។ ដូច្នេះអ្នកអភិវឌ្ឍន៍នឹងទៅរកតំបន់ណាដែលជាយៗក្រុង ក្នុងនោះដែរមានតែខេត្តកណ្ដាលទេ ដែលមានព្រំប្រទល់ជាប់នឹងទីក្រុងភ្នំពេញ”។

លោកបណ្ឌិតគីម ហ៊ាងបានបន្តថា ខេត្តកណ្ដាលក៏មានអំណាចទិញលំនៅឋានខ្ពស់ដែរបន្ទាប់ពីភ្នំពេញ ដែលធ្វើឱ្យពលរដ្ឋធ្វើការនៅភ្នំពេញ ទិញផ្ទះស្នាក់នៅតំបន់នៃខេត្តកណ្ដាល ហើយត្រលប់មកធ្វើការនៅភ្នំពេញនៅពេលថ្ងៃ ដូច្នេះហើយតំបន់នៅខេត្តកណ្ដាលជាពិសេសតំបន់ ដែលជាប់ព្រំប្រទល់នឹងភ្នំពេញ ឬជិតភ្នំពេញ នឹងមានសក្ដានុពលក្នុងការអភិវឌ្ឍលំនៅឋានសម្រាប់អ្នកធ្វើការនៅក្នុងរាជធានីភ្នំពេញ ។

ជាមួយគ្នានេះលោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ក៏បានលើកឡើងកន្លងមកថា អ្នកអភិវឌ្ឍន៍លំនៅឋានជាប្រភេទផ្ទះជាប់ដី នឹងកាន់តែងាកទៅតំបន់ជាយក្រុង ស្របពេលតម្លៃដីធ្លីនៅកណ្ដាល ឬនៅជិតរាជធានីភ្នំពេញ កាន់តែមានការកើនឡើងខ្ពស់ និងមិនអាចឱ្យអ្នកអភិវឌ្ឍន៍ រកប្រាក់ចំណេញបានច្រើននោះទេ។

លោកបន្តថា “ដើម្បីរកប្រាក់ចំណេញបានច្រើននោះ ជំរើសតែមួយគឺទៅរកដីដែលមានតម្លៃសមរម្យធូរថ្លៃ ដើម្បីអភិវឌ្ឍន៍លំនៅឋានសម្រាប់ផ្គត់ផ្គង់ដល់អ្នកធ្វើការនៅភ្នំពេញ និងត្រលប់ទៅសម្រាកនៅផ្ទះនៅពេលយប់”។

លោកច្រឹក សុខនីមបានបន្តថា បច្ចុប្បន្ននេះ ការអភិវឌ្ឍនៅជាក្រុងក៏ឃើញថាមានសន្ទុះកើនឡើងលឿនផងដែរ ដោយមានសំណង់សំបុរី លំនៅឋានឯកជនជាច្រើនរីកដុះដាល ទន្ទឹងនឹងហេដ្ឋារចនាសម្ព័ន្ធរបស់រដ្ឋក៏មានការអភិវឌ្ឍជាបន្តបន្ទាប់ផងដែរនោះ៕

សម្តេចតេជោផ្តាំទៅនារីៗលេងTik Tokមួយចំនួនកុំនិយាយភាសាអាសអាភាសពេក

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានផ្តែផ្តាំដល់នារីៗ ដែលប្រើប្រាស់បណ្តាញសង្គមTik Tokមួយចំនួន សូមកុំប្រើប្រាស់ភាសាអាសអាភាសពេក ហើយសូមគោរពប្រពៃណីរបស់ខ្លួន។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសំណូមពរអ្នកប្រើប្រាស់បណ្ដាញសង្គម Tik Tok មិនត្រូវយកបណ្ដាញសង្គមនេះធ្វើជាមធ្យោបាយ ដើម្បីនិយាយពាក្យចំអេះចំអាសឱ្យសោះ ដោយត្រូវរក្សាគោរពរក្សាប្រពៃណីខ្មែរ។

សម្ដេចតេជោ ហ៊ុន សែន បានថ្លែងនៅក្នុងពិធីសំណេះសំណាល និងផ្តល់នូវដំបូន្មានមួយចំនួនជូនដល់គណៈប្រតិភូកីឡា អាស៊ានប៉ារ៉ាហ្គេម (ASEAN Para Games) នាព្រឹកថ្ងៃទី ៦ ខែកក្កដានេះ។

សម្ដេចសូមផ្ដាំផ្ញើអ្នកប្រើប្រាស់បណ្ដាញសង្គម Tik Tok ជាពិសេសនារីៗ ឲ្យរក្សាគោរពវប្បធម៌ប្រពៃណីរបស់ខ្មែរ ដោយមិនត្រូវនិយាយពាក្យអាសអាភាសនោះឡើយ។

សម្ដេចតេជោ ហ៊ុន សែន បានថ្លែងថា “ខ្លះចេញមកគឺថា អារឿងចំអេះចំអាសហ្នឹងតែម្ដង ចឹងខ្ញុំសុំអង្វរករឱ្យរក្សាគោរពប្រពៃណីរបស់ខ្លួន”។

សម្ដេចតេជោនាយករដ្ឋមន្ត្រី បានបញ្ជាក់ថា រាជរដ្ឋាភិបាលកម្ពុជា មិនមានផែនការបិទបណ្ដាញសង្គម Tik Tok នោះទេ ក៏ប៉ុន្តែមិនត្រូវយកធ្វើជាមធ្យោបាយ ដើម្បីនិយាយពាក្យចំអេះចំអាសនោះទេ៕

សម្ដេចតេជោប្រកាសអនុញ្ញាតឱ្យរថយន្តចង្កូតស្ដាំអាចបង់ពន្ធដោយមិនចាំបាច់ប្ដូរចង្កូត

ដោយ៖ សុផារី

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសអនុញ្ញាតឱ្យរថយន្តចង្កូតស្ដាំអាចបង់ពន្ធ ដោយមិនចាំបាច់ប្ដូរចង្កូត ហើយចាប់ពីថ្ងៃស្អែកទៅនឹងមិនអនុញ្ញាតិឱ្យមានការនាំចូលឡានចង្កូតស្ដាំបន្តទៀតឡើយ។

សម្តេចក៏បានអំពាវនាវឱ្យ អ្នកមិនបានមកបង់ពន្ធ ត្រូវមកបង់ពន្ធ អ្នកដែលបានកក់ប្រាក់ពន្ធ ត្រូវទៅបង្គ្រប់ប្រាក់បង់ពន្ធ ដើម្បីទទួលបានស្លាកលេខប្រើប្រាស់។

សម្តេចតេជោបានសង្កត់ធ្ងន់ ក្នុងឱកាសជួបសំណេះសំណាលជាមួយគណៈប្រតិភូកីឡា អាស៊ានប៉ារ៉ាហ្គេម (ASEAN Para Games) មុនចេញទៅប្រកួតកីឡាពិការអាស៊ាន ឬ អាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។

សម្ដេចបានបញ្ជាក់ថា ការអនុញ្ញាតខាងលើសម្រាប់តែឡាន ដែលបានចរាចរនៅក្នុងកម្ពុជារួចហើយប៉ុណ្ណោះ ហើយត្រឹមថ្ងៃទី០៦ កក្កដា ២០២២នេះ នឹងមិនមានការអនុញ្ញាតនាំចូលបន្តនូវឡានចង្កូតស្ដាំបន្តជាដាច់ខាត។

សម្ដេចតេជោបានថ្លែងថា “ឥឡូវខ្ញុំ យល់ស្របជាមួយនឹងសំណូមពររបស់បងប្អូន បងប្អូនត្រូវចូលមកបង់ពន្ធ បងប្អូនមិនចាំបាច់ដូរចង្កូតទេ សម្រាប់អ្នកដែលមិនទាន់បានដូរ អ្នកដែលបានដូរហើយ គួរឱ្យវាចប់ទៅ ដើម្បីយើងមានឡានចង្កូតឆ្វេងប្រើនឹងគេ”៕

រដ្ឋាភិបាលចិនគ្រោងផ្តល់មូលនិធិក្រោមទឹកប្រាក់៧៥ពាន់លានដុល្លារលើការវិនិយោគហេដ្ឋារចនាសម្ព័ន្ធដើម្បីជម្រុញសេដ្ឋកិច្ច

ដោយ: លាងហួរ

ប្រទេសចិន: ប្រទេសចិនគ្រោង នឹងបង្កើតមូលនិធិវិនិយោគលើហេ ដ្ឋារចនាសម្ព័ន្ធរដ្ឋ ដែលមានតម្លៃ៥០០ពាន់លានយ័ន(៧៤,៦៩ពាន់លានដុល្លារ) ដើម្បីជំរុញការអភិវឌ្ឍលើហេដ្ឋារចនាសម្ព័ន្ធ និងស្តារសេដ្ឋកិច្ចឡើងវិញ។

សេដ្ឋកិច្ចរបស់ប្រទេសចិន បានចាប់ផ្តើមស្ទុះងើបឡើងវិញជាបណ្តើរៗ ក្រោយវិបត្តិខ្សែសង្វាក់ផ្គត់ផ្គង់ ដែលបណ្តាលមកពីការបិទទីក្រុងធំៗចាប់តាំងពីត្រីមាសទី២ ដែលធ្វើឱ្យទីផ្សារអចលនទ្រព្យ និងការចំណាយអ្នកប្រើប្រាស់បានបន្តធ្លាក់ចុះ និងការភ័យខ្លាចនៃរលក នៃការឆ្លងកើតឡើងម្តងទៀត។

ប្រភពមួយបានទម្លាយឱ្យដឹងថា មូលនិធិក្រោមទឹកប្រាក់៥០០ពាន់លានយ័ន ត្រូវបានគេរំពឹងថានឹងបង្កើតឡើងនៅក្នុងត្រីមាសទី៣។

ប្រទេសចិនបានដាក់ចេញ នូវវិធានការស្តារសេដ្ឋកិច្ចឡើងវិញក្នុងប៉ុន្មានសប្តាហ៍ថ្មីៗនេះ បើទោះបីជាអ្នកវិភាគនិយាយថា គោលដៅជម្រុញកំនើនផលិតផលក្នុងស្រុក សរុបផ្លូវការរបស់ប្រទេសចិន នឹងមានប្រហែលតែ៥,៥%សម្រាប់ឆ្នាំ២០២២នេះក៏ដោយ។

អាជ្ញាធរចិនបានសន្យាផ្តល់ប្រាក់៨០០ពាន់លានយ័ន ក្នុងកូតាឥណទានថ្មី និងផ្តល់៣០០ពាន់លានយ័ន សម្រាប់ចេញមូលបត្របំណុលដល់ធនាគារដើម្បីគាំទ្រដល់គម្រោងធំៗ។

ប្រភពមួយបានប្រាប់សារពត៌មានReutersថា ប្រទេសចិននឹងចេញកូតាមូលបត្របំណុល រដ្ឋាភិបាលមុនឆ្នាំ២០២៣ នៅក្នុងត្រីមាសទី៤ ដោយកូតាថ្មីនេះ ទំនងជាធំជាង១,៤៦ពាន់ពាន់លានយ័ន សម្រាប់ឆ្នាំ២០២២។
ក្រសួងហិរញ្ញវត្ថុ និងគណៈកម្មាធិការកំណែទម្រង់ និងអភិវឌ្ឍន៍ជាតិ មិនបានឆ្លើយតបភ្លាមៗ ចំពោះសំណើសុំការអត្ថាធិប្បាយ របស់សារពត៌មានReuters នោះទេ។

គណៈរដ្ឋមន្ត្រីចិនបានប្រាប់រដ្ឋាភិបាល ក្នុងតំបន់ឱ្យធានាឱ្យបានទឹកប្រាក់៣,៤៥ពាន់ពាន់លានយ័ន ក្នុងការចេញមូលបត្របំណុល សម្រាប់គម្រោងហេដ្ឋារចនាសម្ព័ន្ធ ចំនួន៣,៦៥ពាន់ពាន់លានយ័ន ដែលត្រូវបានបញ្ចប់នៅចុងខែមិថុនា៕

1...1,3531,3541,355...3,264 Page 1,354 of 3,264