Angkor Resources Corp. announces its energy subsidiary, EnerCam Resources Corp. (Cambodia) Co. Ltd. (EnerCam) has received final licensing for exploration, development, and production on Block VIII onshore Cambodia.

Mike Weeks, President of EnerCam, comments, “We are excited about moving oil and gas forward in Cambodia as we believe this is a monumental change for the entire country.  Having its own long-term source of energy for LNG, for fuels, and a whole variety of products currently imported into Cambodia will advance this country to a new level.   It starts with exploration on Block VIII; we see gas shows, oil seeps, and other indications on the license that point us in a potential direction for discovery.”

Initial reconnaissance over the license area by exploration experts indicates a sedimentary foreland basin.  Geologists performing on-the-ground reconnaissance found numerous oil seeps and gas seeps across the targeted areas (see map on following page).

Initial phases of exploration on Block VIII will include the acquisition of available seismic, which will then have comprehensive analysis completed.  Preliminary magnetics on the targeted areas will also be part of the first phase work plan.

The licensed area is on the southwest corner of Cambodia.  The permitting is for an initial three-year exploration term and two further renewal terms of two years each.  Development and production terms are for 25 years with additional renewals.

Exploration will be undertaken outside of park areas, part of EnerCam’s ESG mandate so the Company assists in protecting Cardamon Mountains National Park and Preah Monivong and Kirirom National Parks.

D Weeks, CEO of Angkor, comments, “Until countries have accomplished sourcing sufficient renewable energy to meet global demand, cleaner and greener use of hydrocarbons plays a vital role in every country’s energy balance.  Cambodia needs its own source of energy, and we look forward to actively exploring and producing energy for Cambodia, all the while establishing strong ESG principles in a new sector of the country.

On the impact for people, she continues, “This is also a huge opportunity for human resource development with a significant new industry sector for Cambodia.  Implementing best practices for energy creation with hydrocarbons brings positive development and a template for the entire country.  We can use what we have learned elsewhere to minimize the carbon footprint and maximize the benefits to the economy and the population.”

Source: The Newswire

ដោយ៖ សុផារី

ភ្នំពេញ៖ ព្រះអង្គម្ចាស់ Abdulaziz bin Turki Al Saud រដ្ឋមន្ត្រីក្រសួងកីឡាអារ៉ាប៊ីសាអូឌីត បានថ្លែងថា ដោយទតឃើញការរីកចម្រើនគ្រប់វិស័យរបស់កម្ពុជា រាជរដ្ឋាភិបាលអារ៉ាប៊ីសាអូឌីតបានសម្រេចថានឹងបើកស្ថានទូតប្រចាំនៅកម្ពុជា ដើម្បីពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរ។

ព្រះអង្គម្ចាស់បានលើកឡើងយ៉ាងនេះ ក្នុងកិច្ចប្រជុំពិភាក្សាការងារជាមួយលោក ប៉ាន សូរស័ក្តិ រដ្ឋមន្ត្រីពាណិជ្ជកម្មកម្ពុជា នៅថ្ងៃទី០៤ ខែតុលា ឆ្នាំ២០២២ ក្នុងឱកាសយាងចូលរួម ”មហាសន្និបាតក្រុមប្រឹក្សាអូឡាំពិកអាស៊ី លើកទី៤១” នៅរាជធានីភ្នំពេញ។

ព្រះអង្គម្ចាស់ Abdulaziz bin Turki Al Saud បានសម្តែងព្រះទ័យសប្បាយរីករាយ ដែលបានយាងមកបំពេញទស្សនកិច្ចនៅកម្ពុជា និងបានទតឃើញពីការរីកចម្រើនគ្រប់វិស័យរបស់កម្ពុជា ហើយរាជរដ្ឋាភិបាលអារ៉ាប៊ីសាអូឌីត បានសម្រេចថានឹងបើកស្ថានទូតប្រចាំនៅកម្ពុជា ដើម្បីពង្រឹង និងពង្រីកកិច្ចសហប្រតិបត្តិការលើវិស័យការទូត កីឡា អប់រំ និងសដ្ឋកិច្ច ពាណិជ្ជកម្មជាដើមឲ្យមានការកើនឡើងបន្ថែមទៀត។

ព្រះអង្គម្ចាស់ មានព្រះរាជបន្ទូលថា បន្ថែមថា ព្រះរាជាណាចក្រអារ៉ាប៊ីសាអូឌីត គ្រោងស្នើសុំរៀបចំពិព័រណ៍ពិភពលោកឆ្នាំ២០៣០ ដូច្នេះសង្ឃឹមថា ភាគីកម្ពុជាផ្តល់ការគាំទ្រអារ៉ាប៊ីសាអូឌីត ធ្វើជាម្ចាស់ផ្ទះរៀបចំព្រឹត្តិការណ៍ពិភពលោកនេះ។

លោកពាណិជ្ជកម្មកម្ពុជា បានសម្តែងការស្វាគមន៍ និងសម្តែងការអបអរសាទរ ដែលរាជរដ្ឋាភិបាលអារ៉ាប៊ីសាអូឌីត នឹងបើកស្ថានទូតប្រចាំនៅកម្ពុជា និងបានទូលថ្វាយអំពីទំហំពាណិជ្ជកម្មទ្វេភាគីរវាងកម្ពុជា-អារ៉ាប៊ីសាអូឌីត ដែលសម្រេចបានប្រមាណ២៦លានដុល្លារអាមេរិកក្នុងឆ្នាំ២០២១ ដែលកើនឡើងជិត៤០% បើធៀបនឹងឆ្នាំ២០២០ ដែលមានទំហំត្រឹមតែ១៩លានដុល្លារអាមេរិក)។

ក្នុងន័យនេះ ភាគីកម្ពុជាស្នើភាគីអារ៉ាប៊ីសាអូឌីត ពិនិត្យលទ្ធភាពក្នុងការបង្កើតយន្តការកិច្ចសហប្រតិបត្តិការក្នុងទម្រង់ជាអនុស្សរណៈ ឬកិច្ចព្រមព្រៀងស្តីពីកិច្ចសហប្រតិបត្តិការពាណិជ្ជកម្ម ដើម្បីអាចប្រើជាក្របខ័ណ្ឌគតិយុត្តសម្រាប់ជំរុញកិច្ចសហប្រតិបត្តិការទ្វេភាគីលើវិស័យពាណិជ្ជកម្ម នាពេលអនាគត។

ប្រទេសទាំងពីរសម្រេចបានពាណិជ្ជកម្មទ្វេភាគីក្នុងទំហំទឹកប្រាក់២៦លានដុល្លារ ក្នុងឆ្នាំ២០២១ កើនឡើងជិត៤០% បើធៀបនឹងឆ្នាំ២០២០ (ត្រឹមតែ១៩លានដុល្លារ) ខណៈដែលពាណិជ្ជកម្មទ្វេភាគីមានទំហំ១៥,៦លានដុល្លារ ក្នុងឆ្នាំ២០១៩ និង១៦លានដុល្លារ ក្នុងឆ្នាំ២០១៨។

កម្ពុជានាំចេញមុខទំនិញសំខាន់ៗ ទៅអារ៉ាប៊ីសាអូឌីតមានដូចជា អង្ករ សម្លៀកបំពាក់ ស្បែកជើង ផលិតផលធ្វើពីស្បែក និងផ្លែឈើ។ កម្ពុជានាំចូលមុខទំនិញ សំខាន់ៗពីអារ៉ាប៊ីសាអូឌីត មានដូចជា ផលិតផលធ្វើពីប្លាស្ទិក អាលុយមីញ៉ូម ផ្លែឈើ ជីគីមី សម្ភារៈសំណង់ និងដទៃទៀត៕

ដោយៈ សុផារី

ភ្នំពេញៈ ក្រុមហ៊ុន Angkor Resources Corp. បានប្រកាសថាក្រុមហ៊ុនបុត្រសម្ព័ន្ធថាមពលរបស់ខ្លួនគឺ ក្រុមហ៊ុនEnerCam Resources Corp. (Cambodia) Co. Ltd. បានទទួលអាជ្ញាប័ណ្ណចុងក្រោយសម្រាប់ការរុករក ការអភិវឌ្ឍន៍ និងការផលិតនៅលើប្លុកទី VIII នៅក្នុងដែនសមុទ្រកម្ពុជា។

នេះបើយោងតាមការចុះផ្សាយរបស់សារព័ត៌មាន TheNewswire នៅថ្ងៃទី០៤ ខែតុលា ឆ្នាំ២០២២ ដោយដកស្រង់សម្តីរបស់ លោក Mike Weeks ប្រធានក្រុមហ៊ុន EnerCam ថា “យើងមានការរំភើបចំពោះវឌ្ឍនភាពលើការរុករកប្រេង និងឧស្ម័នរបស់ប្រទេសកម្ពុជា ដោយសារយើងជឿថា នេះគឺជាការផ្លាស់ប្តូរដ៏ធំធេងសម្រាប់ប្រទេសទាំងមូល”។

លោក Mike Weeks បានបន្តថា “ការមានប្រភពថាមពលរយៈពេលវែងផ្ទាល់ខ្លួន រួមមានសម្រាប់LNGឥន្ធនៈ និងផលិតផលជាច្រើនប្រភេទ ដែលនាំចូលមកកម្ពុជា នាពេលបច្ចុប្បន្ន នឹងជំរុញប្រទេសនេះទៅកាន់កម្រិតថ្មីមួយ”។លោកបន្តថា “វាចាប់ផ្តើមជាមួយនឹងការរុករកនៅលើប្លុក VIII ដែលយើងឃើញមានឧស្ម័ន ការជ្រាបប្រេង ដែលបង្ហាញទិសដៅសក្តានុពលសម្រាប់ការរកឃើញ”។

លោក ជៀប សួរ អគ្គនាយកនៃអគ្គនាយកដ្ឋានប្រេងកាត នៃក្រសួងរ៉ែ និងថាមពល បានបញ្ជាក់កាលពីពេលថ្មីៗនេះថា ប្រទេសកម្ពុជា បានអនុញ្ញាតឲ្យ ក្រុមហ៊ុន EnerCam Resources Co. Ltd ដែលជាក្រុមហ៊ុនមកពីកាណាដា សិក្សាពីលទ្ធភាពក្នុងការបន្តប្រតិបត្តិការបូមប្រេងពីប្លុក A បន្តពីក្រុមហ៊ុនសិង្ហបុរី KrisEnergy។

កន្លងមក ក្រុមហ៊ុន៤ផ្សេងទៀត ដែលមកពីប្រទេសថៃ ចិន ម៉ាឡេស៊ី និងកាហ្សាក់ស្តង់ មានបំណងចង់មកវិនិយោគការបូមប្រេង នៅកម្ពុជា ដោយអគ្គនាយកដ្ឋានប្រេងកាត មិនទាន់បញ្ជាក់ឈ្មោះក្រុមហ៊ុននីមួយៗបាននោះទេ ក្រៅពីក្រុមហ៊ុនមកពីប្រទេសកាណាដា។

កាសែតដដែលបានឱ្យដឹងទៀតថា តំបន់ដែលមានអាជ្ញាប័ណ្ណស្ថិតនៅជ្រុងនិរតីនៃប្រទេសកម្ពុជា។ ការអនុញ្ញាតនេះ គឺសម្រាប់រយៈពេលរុករកបីឆ្នាំដំបូង និងរយៈពេលបន្តបន្ទាប់ចំនួនពីរទៀត នៃរយៈពេលពីរឆ្នាំនីមួយ​ៗ។ លក្ខខណ្ឌនៃការអភិវឌ្ឍន៍ និងផលិតកម្មគឺសម្រាប់២៥ឆ្នាំជាមួយនឹងការបន្តបន្ថែម។

លោកស្រី Delayne Weeks នាយកប្រតិបត្តិក្រុមហ៊ុន Angkor មានប្រសាសន៍ថា “កម្ពុជាត្រូវការប្រភពថាមពលផ្ទាល់ខ្លួន ហើយយើងទន្ទឹងរង់ចាំយ៉ាងសកម្មក្នុងការរុករក និងផលិតថាមពលសម្រាប់ប្រទេសកម្ពុជា ខណៈពេលដែលបង្កើតគោលការណ៍ ESG ដ៏រឹងមាំនៅក្នុងវិស័យថ្មីមួយរបស់ប្រទេស”។

លោកស្រីបន្តថា “នេះក៏ជាឱកាសដ៏ធំមួយ សម្រាប់ការអភិវឌ្ឍន៍ធនធានមនុស្ស ជាមួយនឹងវិស័យឧស្សាហកម្មថ្មី ដ៏សំខាន់សម្រាប់កម្ពុជា”។ លោកស្រីបន្តថា ការអនុវត្តឧត្តម្មានុវត្ត សម្រាប់ការបង្កើតថាមពលជាមួយអ៊ីដ្រូកាបូន នាំមកនូវការអភិវឌ្ឍន៍ជាវិជ្ជមាន និងជាគំរូសម្រាប់ប្រទេសទាំងមូល”។

លោកស្រីបន្ថែមថា យើងអាចប្រើអ្វីដែលយើងបានរៀន ពីកន្លែងផ្សេងទៀតដើម្បីកាត់បន្ថយការបញ្ចេញកាបូនិក និងផ្តល់អត្ថប្រយោជន៍ជាអតិបរមាដល់សេដ្ឋកិច្ច និងប្រជាជន៕

ដោយៈសុផារី

ភ្នំពេញៈ ជនជាតិបរទេសដែលបានចូលមកវិនិយោគ នៅក្នុងប្រទេសកម្ពុជាច្រើនជាងគេ រួមមាន ជនជាតិចិន ជប៉ុន និងអឺរ៉ុប។ យ៉ាងណាក្តី ជាការកត់សម្គាល់ ចំនួននៃអ្នកវិនិយោគជនជាតិជប៉ុន មានចំនួនតិចតួចណាស់ បើប្រៀបធៀបនឹងជនជាតិចិន។

អ្នកជំនាញជនជាតិជប៉ុន បានលើកឡើងពីមូលហេតុចម្បង ដែលអ្នកជំនួញ និងវិនិយោគិនជប៉ុន មិនសូវមកវិនិយោគនៅក្នុងប្រទេសកម្ពុជា ខណៈសព្វថ្ងៃនេះ ក្រុមហ៊ុនជប៉ុនជាច្រើន ចាប់ផ្ដើមរកឱកាសវិនិយោគក្នុងវិស័យផ្សេងៗ នៅកម្ពុជា ដែលមានឈ្មោះបោះសំឡេង និងផ្ដល់ទំនុកចិត្តខ្ពស់ដល់ពួកគាត់។

លោកស្រី Marisa Haruta ប្រធានតំណាងអង្គការ JETRO ប្រចាំកម្ពុជា ដែលត្រូវបានបង្កើត ដើម្បីពង្រឹងថែមទៀតនូវកិច្ចសហប្រតិបត្តិការ ក្នុងការបន្ដលើកកម្ពស់ ទំនាក់ទំនងដ៏ល្អប្រសើ ររវាងកម្ពុជា-ជប៉ុនបានលើកឡើងថា កិច្ចសហការលើវិស័យពាណិជ្ជកម្ម ការនាំចេញ នាំចូល រួមទាំងសកម្មភាពវិនិយោគជប៉ុនកម្ពុជា កាន់តែល្អប្រសើរឡើងៗ។ សកម្មភាពពាណិជ្ជកម្មទ្វេភាគរវាងប្រទេសជប៉ុន និងប្រទេសកម្ពុជា មានការកើនឡើងខ្ពស់ បើគិតចាប់តាំងពីឆ្នាំ២០១៥មក ហើយកិច្ចសហការស្ទើរគ្រប់វិស័យនេះ បានបន្តកើនឡើងជាលំដាប់គួរឱ្យកត់សម្គាល់។

យ៉ាងណាក្តី លោកស្រី Marisa Haruta បានបង្ហាញនូវហេតុផលមួយចម្បង ដែលក្រុមហ៊ុនវិនិយោគជប៉ុនជាច្រើនផ្សេងទៀត មិនទាន់បន្តដាក់គោលដៅវិនិយោគមកកម្ពុជានៅឡើយ ក៏ព្រោះតែពួកគាត់ មិនទាន់បានទទួលព័ត៌មាន ពីឱកាសវិនិយោគនៅកម្ពុជាបានគ្រប់ជ្រុងជ្រោយ។

លោកស្រីនិយាយថា តាមរយៈការបង្កើតតំណាងការិយាល័យ នៅភ្នំពេញ និងមានការគាំទ្រពីថ្នាក់ដឹកនាំនៃប្រទេសទាំងពីរ ទើបកម្ពុជានិងជប៉ុនបន្តចាប់ដៃជាមួយគ្នាយ៉ាងពេញទំហឹង និងកាន់តែមានឱកាសបន្តសហការសឹងគ្រប់វិស័យទៅវិញទៅមក។

លោកស្រីបន្តថា ខាងអង្គការបានព្យាយាមផ្សព្វផ្សាយ និងបង្កើតវីដេអូបង្ហាញពីកាលានុវត្តភាព នៃឱកាសវិនិយោគជាច្រើនរបស់កម្ពុជា ឱ្យអ្នកវិនិយោគជប៉ុនបានឃើញកាន់តែទូលំទូលាយ ហើយក៏បាននឹងកំពុងបន្តសកម្មភាពកៀរគរវិនិយោគិនជប៉ុនឱ្យបន្តចាប់អារម្មណ៍ វិនិយោគក្នុងប្រទេ​សកម្ពុជាឱ្យបានកាន់តែច្រើនផងដែរ។

អង្គការ JETRO ក្នុងនាមតំណាងឱ្យរាជរដ្ឋាភិបាលជប៉ុន បានដឹកនាំអ្នកវិនិយោគជប៉ុនមកកម្ពុជា តាមរយៈការជួយដល់ក្រុមហ៊ុនជប៉ុន ដែលចាប់អារម្មណ៍ ក្នុងការចុះមកសិក្សាស្វែងយល់ដោយផ្ទាល់ ដល់ទីតាំងក្រុមហ៊ុន ឬសហគ្រាស ដែលពួកគាត់ចង់សហការនៅកម្ពុជា។

លោកស្រីគូសបញ្ជាក់ថា “មកទល់ពេលនេះ បញ្ហាកូវីដ១៩ នៅកម្ពុជា លែងជាឧបសគ្គទៀតហើយ តាមរយៈកិច្ចសហការជាមួយរាជរដ្ឋាភិបាល និងសមាគមមួយចំនួននៅកម្ពុជា យើងខ្ញុំនឹងជំរុញការផ្សព្វផ្សាយពីឱកាសវិនិយោគនៅកម្ពុជា ទៅដល់ក្រុមហ៊ុនវិនិយោគជប៉ុន ឱ្យបានកាន់តែខ្លាំងថែមទៀត”។

លោកស្រីបន្ថែមទៀតថា មានក្រុមហ៊ុនជប៉ុនជាច្រើន កំពុងចង់ចាប់ផ្ដើមរកឱកាសវិនិយោគក្នុងវិស័យផ្សេងៗ នៅកម្ពុជាកាន់តែច្រើន ជាពិសេ​សខាងជប៉ុនក៏កំពុងសំឡឹងមើលក្រុមហ៊ុន សហគ្រាសជាដៃគូនៅកម្ពុជា ដែលពួកគាត់មានឈ្មោះបោះសំឡេង និងផ្ដល់ទំនុកចិត្តខ្ពស់ដល់ពួកគាត់។

ជាមួយគ្នានេះ លោក គីស៊ីដា ហ្វូមីអូ នាយករដ្ឋមន្ត្រីនៃប្រទេសជប៉ុន កាលពីសប្តាហ៍មុននេះ បានស្នើសុំការគាំទ្រដល់ក្រុមហ៊ុនរបស់ជប៉ុន ដែលធ្វើប្រតិបត្តិការធុរកិច្ចនៅកម្ពុជា និងការបង្កើតរោងចក្រផលិតរថយន្ត Toyota នៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុបភ្នំពេញ របស់អ្នកឧកញ៉ា គិត ម៉េង។

ជាការឆ្លើយតប សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចាក់ទុកសំណើរបស់នាយករដ្ឋមន្ត្រី នៃប្រទេសជប៉ុននេះថា ជាអ្វីដែលកម្ពុជាត្រូវការចាំបាច់។

គិតត្រឹមខែកក្កដា ឆ្នាំ២០២២នេះ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តលើគម្រោងវិនិយោគ របស់ក្រុមហ៊ុនជប៉ុនចំនួន១៤៨គម្រោង ដែលមានទុនវិនិយោគសរុប ប្រមាណ២,៨៥ពាន់លានដុល្លារអាមេរិក៕