ដោយៈ សុផារី

ភ្នំពេញៈ “ជួញជិត ល្អជាជាងជួញឆ្ងាយ” តែងតែត្រូវបានលើកឡើងសម្រាប់ការធ្វើជំនួញ ដោយយល់ថាការវិនិយោគនៅតំបន់ជិតៗ ល្អជាងការវិនិយោគនៅឆ្ងាយ។

ការស្វែងរកទីតាំងវិនិយោគ ដើម្បីផលចំណេញ និងមានហានិភ័យទាប អាស្រ័យនឹងចំណេះដឹង បទពិសោធន៍ និងការក្តាប់ព័ត៌មាននៅក្នុងដៃ។

អ្នកជំនាញមើលឃើញថា រវាងការវិនិយោគនៅក្នុងក្រុងភ្នំពេញ តំបន់ជាយក្រុងភ្នំពេញ និងតំបន់ទីប្រជុំជននៅតាមបណ្តាខេត្តនានា នៅតាមបណ្តោយព្រំដែន មានទាំងគុណសម្បត្តិ និងគុណវិបត្តិ។

លោកង៉ែត ជូ អ្នកជំនាញផ្នែកហិរញ្ញវត្ថុ និងជាអ្នកជំនួញនៅក្នុងវិស័យអចលនទ្រព្យនៅកម្ពុជា បានលើកឡើងនៅថ្ងៃទី៣០ ខែមិថុនា ឆ្នាំ២០២២នេះថា ការវិនិយោគនៅទីតាំងតាមបណ្តា ខេត្តឆ្ងាយៗពីក្រុងភ្នំពេញ និងនៅក្នុងក្រុងភ្នំពេញ មានទាំងគុណសម្បត្តិ និងគុណវិបត្តិ។

លោកបង្ហាញទស្សនៈថា “ការវិនិយោគចំណេញ ល្អ និងគ្រប់គ្រងហានិភ័យល្អ លុះត្រាតែក្តោបក្តាប់បានព័ត៌មាន និងចំណេះដឹង។ ប្រៀបធៀបនឹងការវិនិយោគក្នុងក្រុងភ្នំពេញ ការវិនិយោគនៅតាមបណ្តោយព្រំដែន ដូចជាប៉ោយប៉ែត បាវិតជាដើម”។ លោកបន្ថែមថា “មានគុណវិបត្តិមួយគឺ សេដ្ឋកិច្ចនៃតំបន់ទាំងពីរនេះភាគច្រើន មានការពឹងផ្អែកលើសេដ្ឋកិច្ច និងការវិនិ​យោគពីខាងក្រៅច្រើន ដើម្បីជំរុញឱ្យតម្លៃដីធ្លីមានការកើនឡើង”។

លោកង៉ែត ជូបានបន្តថា ប្រសិនបើយើងវិនិយោគនៅប៉ោយប៉ែត ឬបាវិត វាមាន Disadvantage មួយប្រៀបធៀបនឹងក្រុងភ្នំពេញ គឺប៉ោយប៉ែត បាវិតពឹងខ្លាំងលើសេដ្ឋកិច្ច និងលំហូរទុននៅខាងក្រៅ ដើម្បីជួយរុញដីធ្លីឱ្យកើនឡើង។ ផ្ទុយទៅវិញ សម្រាប់ករណីការវិនិយោគ នៅក្នុងទីក្រុងភ្នំពេញនិងតំបន់ជាយក្រុង មានលទ្ធភាព និងឱកាសចំណេញច្រើន ហើយមានហានិភ័យទាបផងដែរ ក្នុងករណីមានចំណេះដឹង និងព័ត៌មានច្បាស់លាស់។

លោកបានមានប្រសាសន៍ថា “ទោះបីជាលំហូរ ឬវិនិយោគទុនមានចំនួនតិច តម្រូវការមូលដ្ឋានមានកម្លាំងខ្លាំង ដោយសារមនុស្សនៅតែបន្តសម្រុកចូលមកកាន់ក្រុងភ្នំពេញ ប្រមាណ១០ម៉ឺននាក់។ ការវិនិយោគក្នុងក្រុងភ្នំពេញ មានអាទិភាពខ្ពស់ មានលទ្ធភាពផលចំណេញ និងហានិភ័យទាប ប្រសិនបើមានចំណេះដឹង និងព័ត៌មានដែរ”។

ជាមួយគ្នានេះ លោក គុយ ញ៉េន អនុប្រធានសមាគមអ្នកវាយតម្លៃ និងភ្នាក់ងារអចលនវត្ថុបានលើកឡើងថា សម្រាប់បទពិសោធន៍ក្នុងការវិនិ​យោគរបស់លោក លោកផ្តល់ជាយោបល់ ក្នុងការវិនិយោគនៅតំបន់ទាំងឡាយណា ដែលមានទីតាំងជិតៗ ល្អជាងការវិនិយោគឆ្ងាយៗ ជាពិសេ​សនៅក្នុងតំបន់ ដែលអ្នកវិនិយោគមានចំណេះដឹង និងអាចក្តាប់ព័ត៌មានបានច្រើនបំផុត។

លោកបានមានប្រសាសន៍ថា “ជួញជិត ល្អជាជាងជួញឆ្ងាយ”៕

 ដោយៈគង់ សូរិយា

       ភ្នំពេញៈ បុរីបុស្បា នឹងចូលរួមព្រឹត្តិការណ៍តាំងពិព៌ណដ៏ធំមួយ នៅចុងសប្តាហ៍នេះ ដែលពិព៌ណនេះនឹងរៀបចំឡើង នៅសាលសន្និសីទព្រីមៀរសែនសុខ(ទល់មុខផ្សារទំនើបAEON Mall2)។

ព្រឹត្តិការណ៍ពិព៌ណអចលនទ្រព្យដ៏ធំនេះ បាននិងកំពុងរៀបចំដោយRealestate.com.kh ដែលពិធីនេះនឹងបើកសម្ភោធនៅថ្ងៃសៅរ៍ និងថ្ងៃអាទិត្យទី២ និងទី៣ កក្កដានេះ ដោយបើកឲ្យសាធារណៈជនចូលរួមដោយឥតគិតថ្លៃ។

លោកអ៉ី ពិសិដ្ឋក្រុមប្រឹក្សាភិបាល និងជាអគ្គនាយកនៃគណកម្មការទទីផ្សារបុរីបុស្បាបានមានប្រសាសន៍ឲ្យដឹង នាព្រឹក ថ្ងៃទី៣០ មិថុនានេះថា ក្រុមហ៊ុននឹងចូលរួមតាំងពិព៌ណនេះ ដោយសារវាជាព្រឹត្តិការណ៍ធំមួយ ដែលនឹងរួមចំណែកលើកកំពស់ វិស័យអចលនទ្រព្យនៅកម្ពុជា។

បុរីសុប្បា ជាបុរីថ្មីមួយដែលបានផ្តោត ការអភិវឌ្ឍន៍ជាមួយទស្សនវិស័យរយៈពេលវែង តាមរយៈការសាងសង់សំណង់ ប្រកបដោយគុណភាព សោភ័ណភាព និងផ្តោតលើការរស់នៅតាមបែបសហគមន៍ ស៊ីវិល័យសម័យថ្មី ដោយថ្នាក់ដឹកនាំបុរីនេះ បានគិតគូជាចម្បងលើបរិស្ថានបៃតង ហេដ្ឋារចនាសម្ព័ន្ឋធំទូលាយ ជាមួយនឹងការរៀបចំលំនៅដ្ឋាននិមួយៗស្របតាមបរិបទថ្មីនៃការប្រែប្រួលអាកាសធាតុ ដោយធ្វើ់យ៉ាងណាឲ្យលំនៅដ្ឋាន​និមួយៗមានពន្លឺ និងខ្យល់ចេញចូលគ្រប់គ្រាន់ ដើម្បីកាត់បន្ថយការប្រើប្រាស់អគ្គិសនី។

លោកអ៉ី ពិសិដ្ឋបានមានប្រសាសន៍ឲ្យដឹងទៀតថា ជាមួយនឹងទីតាំងត្រូវបានសម្រិតសំរាំង បានធ្វើឲ្យអ្នករស់នៅបុរីនេះ មានភាពងាយស្រួលក្នុងការធ្វើដំណើរទៅកាន់ផ្លូវជាតិនានា ដូចជាផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ២ ពិសេសទីតាំងបុរីនេះមានមជ្ឈមណ្ឌលពាណិជ្ជកម្មនៅជិត ដូចជា ផ្សារទំនើបAEON Mall3 ផ្សារទំនើបជីប ម៉ុង ផ្សារសហគមន៍ដទៃទៀត ពិសេសងាយស្រួលធ្វើដំណើរ ទៅកាន់ព្រលានយន្តហោះអន្តរជាតិតេជោ ក្រុងតាខ្មៅថ្មីផងដែរ។

នាយកប្រតិបត្តិគេហទំព័រ Realestate.com.kh លោកTom Osullivanបានមានប្រសាសន៍ឲ្យដឹងកាលពីចុងសប្តាហ៍មុនថា បន្ទាប់ពីវិបត្តិកូវីដ១៩ រយៈពេល២ឆ្នាំកន្លងមក យើងបាននិងកំពុងនាំយកព្រឹត្តិកា​រណ៍តាំងពិព៌ណដ៏ធំនេះ ដើម្បីលើកកំពស់ការផ្សព្វផ្សាយ ពីឧស្សាហកម្មអចលនទ្រព្យធំជាងគេនៅកម្ពុជាជាថ្មី ដោយយើងមានក្រុមហ៊ុនអភិវឌ្ឍន៍អចលនទ្រព្យធំៗចូលរួមជាង១០០ក្រុមហ៊ុន។

លោកបន្តថា “ការចូលរួមពិពិព៌ណនេះ សាធារណៈជននឹងទទួលបាននូវចំណេះដឹង ពីការចែករំលែករបស់អ្នកជំនាញជាតិ និងអន្តរជាតិ ទទួលបាននូវអចលនទ្រព្យ ដែលមានការបញ្ចុះតម្លៃពិសេស និងអាចបង្កើតប  ណ្តាញជំនួញនានាផងដែរ”៕

ដោយៈ សុខុម

ក្រុងហារ៉ារ៉េ: វិមានរដ្ឋសភាថ្មីរបស់ប្រទេសហ្ស៊ីមបាវ៉េ ដែលត្រូវបានសាងសង់ និងផ្តល់មូលនិធិទាំងស្រុងដោយមហាយក្សចិន ទុកជាអំណោយដល់ប្រទេសនៅអាហ្វ្រិកខាងត្បូងមួយនេះ ត្រូវបានសាងសង់បញ្ចប់ជាស្ថាពរ ហើយត្រៀមរួចរាល់សម្រាប់មន្ត្រីចូលធ្វើការ។

យោងតាមទីភ្នាក់ងារព័ត៌មានចិនXinhua ចុះផ្សាយនៅថ្ងៃព្រហស្បតិ៍ ទី៣០ ខែមិថុនានេះបានឱ្យដឹងថា ដំបូងឡើងវិមានរដ្ឋសភានេះ គ្រោងបញ្ចប់ការសាងសង់ ក្នុងរយៈពេល៣២ខែ ប៉ុន្តែត្រូវបានបន្លាយពេលដល់៤២ខែដោយសារវិបត្តិកូវីដ-១៩។ ដំណើរការសាងសង់បានចាប់ផ្តើមនៅខែវិច្ឆិកា ឆ្នាំ២០១៨។

ដោយមានទីតាំង ស្ថិតនៅលើភ្នំប្រវត្តិសាស្ត្រ Mount Hampden Hill ចម្ងាយប្រមាណ១៨គីឡូម៉ែត្រ ភាគពាយព្យនៃរដ្ឋធានីហារ៉ារ៉េ (Harare) របស់ហ្ស៊ីមបាវ៉េ អគារកម្ពស់៦ជាន់នេះ គឺជាស្នាដៃស្ថាបត្យកម្មដ៏អស្ចារ្យ ដែលច្របាច់បញ្ចូលគ្នានូវស្ថាបត្យកម្ម តាមបែបផែនរបស់ហ្ស៊ីមបាវ៉េ និងប្រទេសចិន។

ក្រុមហ៊ុនម៉ៅការសាងសង់ចិន Shanghai Construction Group Company (SCG) កាលពីថ្ងៃពុធ ទី២៩ ខែមិថុនា បានធ្វើការត្រួតពិនិត្យអគារនេះ ដោយមានការអញ្ជើញចូលរួមពី អ្នកសារព័ត៌មានយ៉ាងកុះករ នៅមុនការប្រគល់អគារនេះ ជាផ្លូវការជូនរដ្ឋាភិបាលហ្ស៊ីមបាវ៉េ ក្នុងពេលដ៏ខ្លីខាងមុខ។

លោក Cai Libo នាយកគ្រប់គ្រងគម្រោងក្រុមហ៊ុន SCG បានលើកឡើងថា ការបញ្ចប់គម្រោងនេះ គឺជាព្រឹត្តិការណ៍ដ៏សំខាន់មួយ សម្រាប់មិត្តភាពចិន-ហ្ស៊ីមបាវ៉េ ដែលបន្តរីកដុះដាលយ៉ាងស្រស់បំព្រង។

លោកបានបន្ថែមថា អគារសភាថ្មីគឺជាគម្រោង ដ៏សំខាន់បំផុតមួយនៅក្នុងកិច្ចសហប្រតិបត្តិការចិន-អាហ្រ្វិក ក្នុងគោលបំណងពង្រឹងមិត្តភាព និងសាមគ្គីភាពរវាងប្រជាជនហ្ស៊ីមបាវ៉េ និងប្រទេសចិន។

លោក Cai Libo បានគូសបញ្ជាក់ថា “គម្រោងនេះ គាំទ្រពេញទំហឹងចំពោះលទ្ធិប្រជាធិបតេយ្យ នៅក្នុងប្រទេសហ្ស៊ីមបាវ៉េ ខណៈជួយលើកមុខមាត់របស់ប្រទេសនេះ”៕ Xinhua៕

ដោយៈ វឌ្ឍនៈ

ភ្នំពេញៈ អ្នកទាំងអស់គ្នាប្រាកដជាបានស្គាល់ហើយថា អ្នកឧកញ៉ាសុខ គង់ជាអ្នកណា ហើយមានជំនួញអ្វីខ្លះ ប៉ុន្តែមានមនុស្សមិនច្រើនទេដែលបានដឹងពីខ្សែជីវិតរបស់អ្នកឧកញ៉ា ក្នុងមុខជំនួញ ដែលអាចឱ្យអ្នកឧកញ៉ាទទួលបានជោគជ័យមកដល់សព្វថ្ងៃនេះ។

នៅថ្ងៃនេះពីគេហទំព័រPropertyarea.asia នឹងលើកយកខ្សែជីវិតនិងដំណើរការមុខជំនួញ ដែលអាចឱ្យអ្នកឧកញ៉ាទទួលបានជោគជ័យ។

អ្នកឧកញ៉ាបានមានប្រសាសន៍ នៅក្នុងកិច្ចសម្ភាសន៍មួយកាលពីពេ​លកន្លងមកនេះឱ្យដឹងថា “ភាពក្លាហាន ការប្រថុយប្រថាន និងឱកាសហុចឱ្យនៅក្នុងដៃ គឺជាអ្វីដែលយើងត្រូវហ៊ានធ្វើ ដើម្បីទទួលបានជោគជ័យ”។

តាមរយៈអ្វីដែលយើងស្ដាប់បាន ពីអ្នកឧកញ៉ារៀបរាប់នោះហើយចាំមិនភ្លេចនោះ គឺការប្រថុយយកជីវិតធ្វើដើមទុន ដោយមិនទាន់មានអ្វីទាល់តែសោះ តែហ៊ានទទួលយកនូវសំណើររបស់ដៃគូខ្លួន ដោយសារតែមើលឃើញឱកាស និងអត្ថប្រយោជន៍នៅខាងមុខ ទើបធ្វើឱ្យជីវិតបានប្រសើរឡើង។

អ្នកឧកញ៉ាបានរំលឹកអតីតកាលរបស់លោកថា ក្រោយបែកពីសម័យប៉ុល ពតក្នុងឆ្នាំ១៩៧៩ លោកមានតែមាស១ជីកន្លះប៉ុណ្ណោះ ដើម្បីធ្វើដើមទុន ហើយបូករួមនឹងជំនួយរបស់អង្គការនានាផង។

អាជីវកម្មកាលនោះ គឺយកវត្ថុដើមសម្រាប់ផលិតសំបកកង់ ទៅកាន់ប្រទេសវៀតណាម ហើយនាំចូលពុម្ពសំបកកង់មកស្រុកខ្មែរ។ ពេលយើងមានលទ្ធភាពកាន់តែច្រើន យើងកុម្មង់ពុម្ពសំបកកង់កាន់តែច្រើន មកស្រុកខ្មែរដើម្បីធ្វើជាដើមទុន។

អ្នកឧកញ៉ាបានបន្តថា “ជំនាន់នោះ តម្រូវការពុម្ពសំបកកង់មានច្រើនណាស់ និងពេញនិយម”។ អ្នកឧកញ៉ាបន្តថា “នៅថ្ងៃមួយមានកងទ័ពមកកុម្មង់ស្បែកជើងសំបកកង់ រហូតដល់៥ម៉ឺនគូ។ ដោយសារតែភាពក្លាហាន និងមិនទាន់មានពុម្ព សម្រាប់ផលិតស្បែកជើងផង ក៏ទទួលយកកុម្មង់របស់គេនិងសុំលុយកក់មុន”។

រយៈពេលប៉ុន្មានគេក៏ទំលាក់លុយ បន្ទាប់មកលោកទៅប្រទេសវៀតណាម ដើម្បីកុម្មង់ពុម្ពស្បែកជើងមកធ្វើស្បែកជើងជូនកងទ័ព ។ តាំងពីនោះមកលោក ក៏មានដើមទុនពង្រីកអាជីវកម្មជាបន្តបន្ទាប់រហូតមក។

ឧកញ៉ាបានបញ្ជាក់ថា “អ្វីដែលសំខាន់ សម្រាប់ម្ចាស់អាជីវកម្ម ត្រូវធ្វើនោះ គឹត្រូវចុះមើលដោយផ្ទាល់និងជាប់ជានិច្ច ដើម្បីរៀនសូត្រផង និងធ្វើដំណើរការទៅមុខផង”។

គិតមកដល់សព្វថ្ងៃនេះ អ្នកឧកញ៉ាសុខគង់ មានអាជីវកម្មសណ្ឋាគារ លំដាប់ផ្កាយ៥ ប្រេងឥន្ធនៈ និងអចលនទ្រព្យជាច្រើនទៀត ពិសេសអ្នកឧកញ៉ាកំពុងអភិវឌ្ឍន៍ទីក្រុងបូកគោ ស្ថិតក្នុងខេត្តកំពត ដែលមានផ្ទៃដីទំហំរហូតដល់៣០,០០០ហិកតា៕

ដោយៈ សុខុម

បាងកក: ដីនៅតំបន់ហាងលក់ទំនិញ និងកម្សាន្ត Siam Square ក្នុងក្រុងបាងកក នៅតែមានតម្លៃខ្ពស់បំផុតក្នុងប្រទេសថៃ ពោលគឺមានតម្លៃរហូតដល់ទៅ៣,៥លានបាត (៩៩.៨៥៧ដុល្លារអាមេរិក) ក្នុង១វ៉ា (Wah) ការ៉េ (៤ម៉ែត្រការ៉េ)។ នេះបើយោងតាមសារព័ត៌មាន The Nation ចុះផ្សាយនៅថ្ងៃអង្គារ ទី២៨ ខែមិថុនា។

នេះបានសេចក្ដីថា ដីក្នុង១ម៉ែត្រការ៉េនៅតំបន់ Siam Square មានតម្លៃរហូតដល់ ទៅប្រមាណ២៥.០០០ដុល្លារអាមេរិក ដែលជាតម្លៃខ្ពស់ស្ទើរមិនគួរឱ្យជឿ។ ហើយការហក់ឡើងថ្លៃនេះ បានរុញឱ្យដីក្នុងតំបន់ចំនួន៣ដូចជាតំបន់ Phloen Chit តំបន់ Chidlom និងតំបន់ Nana ហក់ឡើងថ្លៃ៣,៣លានបាត (៩៤.០៥៤ដុល្លារអាមេរិក) ក្នុង១វ៉ាការ៉េ។

លោកបណ្ឌិតSopon Pornchokchai ប្រធាន Agency for Real Estate Affairs ដែលជាមជ្ឈមណ្ឌលស្រាវជ្រាវអចលនទ្រព្យថៃ បានលើកឡើងថា ទោះបីស្ថិតក្នុងបវិបត្តិកូវីដ-១៩យ៉ាងណាក្ដី ក៏តម្លៃដីនៅតែហក់ឡើងខ្ពស់ ហើយថាការហក់ឡើងថ្លៃនេះ ដោយសារតែការិយាល័យគ្រប់​គ្រងអចលនទ្រព្យ នៃសកលវិទ្យាល័យជូឡាឡុងកន (Property Management of Chulalongkorn University (PMCU)) អភិវឌ្ឍតំបន់ Siam Square ជាប្រចាំ។

លោកគូសបញ្ជាក់ថា PMCU កាលពីពេលថ្មីៗនេះ បានប្រែក្លាយដីទំហំ៦៣រ៉ៃ (១០០.៨០០ម៉ែត្រការ៉េ) នៅតំបន់ Siam Square ទៅជាតំបន់ពាណិជ្ជកម្មទំនើប ព្រមទាំងបើកតំបន់ប្រើប្រាស់ចម្រុះ SiamScape ឱ្យក្លាយជាទីតាំងសម្គាល់ ឬLandmark ថ្មីនៅកណ្តាលទីក្រុងបាងកកផងដែរ។

លោកក៏បានធ្វើការកត់សម្គាល់ផងដែរថា តម្លៃដីនៅតំបន់Siam Square បានហក់ឡើងយ៉ាងខ្លាំង ស្ទើរមិនគួរមិនគួរឱ្យជឿ បើធៀបនឹងតម្លៃ៤០០,០០០បាត (១១.៣៩០ដុល្លារអាមេរិក) ក្នុងមួយ១វ៉ាការ៉េក្នុងឆ្នាំ១៩៩៤។
លោកបន្ថែមថា តម្លៃដីនៅកណ្តាលក្រុងបាងកក នេះទំនងជាកើនឡើងបន្ថែមទៀត ទន្ទឹមនឹងការវិវឌ្ឍបន្តទៅមុខមិនឈប់៕ The Nation៕

ដោយៈ វិវឌ្ឈន៍

កំពង់ស្ពឺៈ នេះជាទស្សនីយភាពខ្លះៗ ក្នុងកម្មវិធីបោះតង់ដែលរៀបចំដោយគម្រោង អភិវឌ្ឍន៍ហ្រ្គីនហ្សូន រេស៊ីដិន។
នៅក្នុងកម្មវិធីនេះដែរ ក៏មានការចូលរួមពីសំណាក់ភ្ញៀវកិត្តិយសយ៉ាងច្រើនកុះករ រួមទាំងបុគ្គលិកគ្រប់ជាន់ថ្នាក់ ជាពិសេសមានការចូលរួមជាអធិបតីភាព របស់ ឧកញ៉ា ម៉ន សុខា ស្ថាបនិកនៃគម្រោងអភិវឌ្ឍន៍ហ្រ្គីនហ្សូន រេស៊ីដិន។

លោកឧកញ៉ាម៉ន សុខា ប្រធានក្រុមប្រឹក្សាភិបាលគំរោងGreen Zone Resident និងជាប្រធានសមាគមអ្នកអភិវឌ្ឍន៍ដីឡូត៍កម្ពុជាបានចែករំលែកអំពីបទពិសោធន៍ ចំណេះដឹងដ៏ឆ្លាតវៃ ក្នុងការទិញអចលទ្រព្យផងដែរ។ ភ្ញៀវដែលចូលរួមទាំងអស់ បានសប្បាយស្រស់ថ្លា ជាមួយធម្មជាតិបៃតងពិតៗ ប្រកបដោយសេចក្ដីសុខ នឹងបានចួលរួមទិញអចលទ្រព្យប្រកបដោយ ទំនុកចិត្ត សុវត្ថិភាពនឹង គុណភាព។

បច្ចុប្បន្នភាពនៃដំណើរការសាងសង់ផ្ទះនៅក្នុង គម្រោងផ្ទះលំហែរជាយក្រុង ហ្គ្រីន ហ្សូន រេស៊ីដិន។

គ្រប់ដំណាក់កាលសាងសង់ មានការត្រួតពិនិត្យច្បាស់លាស់ ស្របទៅតាមស្តង់ដារ ដោយវិស្វករជំនា ញដែលមានបទពិសោធន៍ច្រើនឆ្នាំ ដើម្បីធានាបានគុណភាព រួមទាំង សោភណ្ឌភាព សំណង់ប្រកបទៅតាមស្តង់ដារ និងប្រគល់ផ្ទះជូនអតិថិជនទាន់ពេលវេលា។

គម្រោងអភិវឌ្ឍន៍ ផ្ទះលំហែ ហ្គ្រីនហ្សូន រេស៊ីដិន មាន ការ បន្ថែម ជូន យ៉ាង ច្រើន សន្ធឹកសន្ធាប់ ចំពោះអតិថិជនដែលបានទិញផ្ទះវីឡាទោល វីឡាភ្លោះ នឹងទទួលបាន🎊កាដូពិសេសដូចជា៖

1.ម៉ាស៊ីនត្រជាក់
2.ទូទឹកកក
3.ទូរទស្សន៍

ពិសេសជាងនេះទៅទៀតនោះ ថែមទាំងមានការបញ្ចុះតម្លៃរហូតដល់ 6,000ដុល្លារ។ សំរាប់ពត៌មានបន្ថែម សូមទំនាក់ទំនងមកកាន់លេខ: 098 59 95 97 / 077 59 95 97 / 097 9 599 587 / 012 599 687 / 078 599 787 / 088 959 9587៕