រដ្ឋមន្ត្រីពាណិជ្ជកម្មប្រតិម្មជាលើកដំបូងជាមួយអ្នកវិភាគមួយចំនួន

ដោយៈលក្ខិណា

ភ្នំពេញៈ នៅឆ្នាំ២០២២នេះ កម្ពុជាទទួលបានកិច្ចព្រមព្រៀងពាណិជ្ជកម្មសេរីចំនួន២ ប៉ុន្តែអ្នកវិភាគមួយចំនួនលើកឡើងថា ការនាំចេញរបស់កម្ពុជាមិនឡើងសោះ ខណៈកិច្ចព្រមព្រៀងពាណិជ្ជកម្មសេរីចំនួន២បានចូលធរមាន។

ឆ្លើយតបទៅនឹងវិភាគទាំងនោះដែរ នៅព្រឹកថ្ងៃទី២៩ មិថុនា ២០២២នេះ លោកប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មបានឱ្យថា ធ្វើក៏ដោយគឺត្រូវការពេលវេលា ហើយថាអ្នកវិភាគទាំងនោះ វិភាគមិនបានគិតគ្រប់ជ្រុងជ្រោយ។

លោកបន្តថា អ្នកវិភាគខ្លះដែលសុំមិនបញ្ចេញឈ្មោះ បានវិភាគដោយមិនបានគិតល្អិតល្អន់ ថាហេតុអ្វីបានជាការនាំចេញទំនិញ ពីកម្ពុជាមិនហក់ឡើងខ្លាំង ស្របពេលកិច្ចព្រមព្រៀងពាណិជ្ជកម្មសេរី២ បានចូលធរមាន។

លោកថា នៅក្នុងឆ្នាំ២០២២នេះ ពិភពលោក ក៏ដូចជាកម្ពុជាបានជួបប្រទះនឹងបញ្ហាចំនួនពីរគឺវិបត្តិកូវីដ១៩ផង និងវិបត្តិនៃសង្គ្រាមរវាងរុស្ស៊ី និងអ៊ុយក្រែនផង ដូច្នេះហើយវាមិនអាចបង្កើនការនាំចេញទំនិញ តាមរយៈកិច្ចព្រមព្រៀងពាណិជ្ជកម្មទាំងពីរនោះបានភ្លាមៗនោះលើយ។

លោកប៉ាន សូរស័ក្តិបានបន្តថា “យើងត្រូវការពេលវេលា ដើម្បីបង្កើនការនាំចេញ តាមរយៈកិច្ចព្រមព្រៀងទៅកាន់ប្រទេសជាដៃគូ ហើយត្រូវបញ្ជ្រាបការយល់ដឹងដល់អ្នកនាំចេញ ដើម្បីធ្វើនីតិវិធីយ៉ាងណាដើម្បីជំរុញការនាំចេញទៅកាន់ប្រទេស កិច្ចព្រមព្រៀងបានកាន់តែច្រើនថែមទៀត”។ លោកបន្ថែមថា “នៅពេលអ្នកនាំចេញបានយល់ដឹងកាន់តែច្រើន ពីកិច្ចព្រមព្រៀងពាណិជ្ជកម្មសេរីនេះហើយ នឹងអាចបង្កើនទំហំនៃការនាំចេញបានកាន់តែច្រើនបន្ថែមទៀត”។

ជាមួយគ្នានេះ លោកគី សេរីវឌ្ឍន៍អ្នក ប្រធានមជ្ឈមណ្ឌលសិក្សាភាសាចិន នៃរាជ្យបណ្ឌិត្យសភាកម្ពុជាធ្លាប់បានលើកឡើងថា កម្ពុជាត្រូវត្រៀមខ្លួនឱ្យហើយ នៅមុនពេលកិច្ចព្រមព្រៀងពាណិជ្ជកម្មសេរី ចូលមកដល់ហើយ បើសិនជាមិនបានត្រៀមខ្លួនទេ វានឹងធ្វើឱ្យការប្រកួតប្រជែងចាញ់គេ។

លោកបន្តថា “កម្ពុជាត្រូវដាក់ទំនិញប្រភេទណា សម្រាប់ការចរចាគឺត្រូវតែបម្រុងឱ្យរួចរាល់សម្រាប់ចរចា និងអាចពន្លឿនដល់ការនាំចេញបានកាន់តែឆាប់”។

កម្ពុជាទទួលបានកិច្ចព្រមព្រៀងពាណិជ្ជកម្មពីរហើយ នៅឆ្នាំ២០២២នេះ គឺកិច្ចព្រមព្រៀងអាសិប និងកិច្ចព្រមព្រៀងពាណិជ្ជកម្មសេរិកម្ពុជា ចិន ហើយឆាប់ៗនេះ កិច្ចព្រមព្រៀងពាណិជ្ជកម្មសេរីកម្ពុជា ជាមួយប្រទេសកូរ៉េខាងត្បូងក៏នឹងចូលជាធរមានដែរ ដែលអាចឱ្យកម្ពុជាមានលទ្ធភាពក្នុងការនាំចេញទំនិញរបស់ខ្លួនបានបន្ថែមទៀត៕

កម្ពុជា អាមេរិកស្វែងរកកិច្ចសហប្រតិបត្តិការលើប្រព័ន្ឋដឹកជញ្ជូន

ដោយៈគង់ សូរិយា

ភ្នំពេញៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូនដឹកនាំដោយ លោកជំទាវរដ្ឋលេខាធិការ កុយ សុដានី ជួបពិភាក្សាការងារជាមួយក្រុមជំនាញរបស់ក្រសួងដឹកជញ្ជូន(DOT) សហរដ្ឋអាមេរិក តាមប្រព័ន្ធវីដេអូពីចម្ងាយ។

លោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញជួបពិភាក្សាការងារ ជាមួយក្រសួងដឹកជញ្ជូនសហរដ្ឋអាមេរិក (DOT) តាមប្រព័ន្ធវីដេអូពីចម្ងាយ ជាមួយភាគីសហរដ្ឋអាមេរិក រួមមាន៖ លោក Jiga Phat មន្រ្តីកិច្ចការអាស៊ាននៃស្ថានទូតអាមេរិក មន្រ្តីជំនាញទំនាក់ទំនងអន្តរជាតិ និងមន្រ្តីវិភាគបច្ចេកវិទ្យាគោលនយបាយប្រព័ន្ធដឹកជញ្ជូន នៃការិយាល័យដឹកជញ្ជូនអន្តរជាតិ និងពាណិជ្ជកម្មនៃក្រសួងដឹកជញ្ជូនអាមេរិក មន្រ្តីកិច្ចការអាស៊ាន មន្រ្តីសេដ្ឋកិច្ច និងពាណិជ្ជកម្ម នៃស្ថានទូតអាមេរិកប្រចាំនៅកម្ពុជា។

កិច្ចប្រជុំនេះ ផ្តោតជាសំខាន់លើកិច្ចសហការ និងការសម្របសម្រួលក្នុងការកំណត់ប្រធានបទគន្លឹះជា អាទិភាព (Priority Area)រួមមាន៖ ការកាត់បន្ថយបម្រែប្រួលអាកាសធាតុ កិច្ចសហប្រតិបត្តិការតំបន់ ជាដើម សម្រាប់ជាកាលានុវត្តភាព ក្នុងកិច្ចសហប្រតិបត្តិការខាងបច្ចេកទេស លើវិស័យដឹកជញ្ជូន រវាងក្រសួងសាធារណការ និងដឹកជញ្ជូនកម្ពុជា និងនាយកដ្ឋានដឹកជញ្ជូនសហរដ្ឋអាមេរិក។

លោក Jiga Phat បានបញ្ជាក់ពីការគាំទ្រលើការសម្របសម្រួល និងរៀបចំកិច្ចប្រជុំ របស់ស្ថានទូតអាមេរិកនៅភ្នំពេញនៅពេលនេះ និងនាពេលខាងមុខ។

ជាការឆ្លើយតប លោកជំទាវរដ្ឋលេខាធិការ បានថ្លែងអំណរគុណដល់អ្នកចូលរួមទាំងអស់ ពិសេសដល់ស្ថានទូតអាមេរិកដែលបានគាំទ្រ សម្របសម្រួលរៀបចំឱ្យមានកិច្ចប្រជុំនេះឡើង និងបានអញ្ជើញមន្រ្តី ជំនាញពាក់ព័ន្ធរបស់ក្រសួងសាធារណការ និងដឹកជញ្ជូនបានជួបពិភាក្សាការងារជាមួយមន្រ្តីពីនាយក ដ្ឋានដឹកជញ្ជូនសហរដ្ឋអាមេរិក។

អង្គប្រជុំបានស្តាប់នូវបទបង្ហាញ របស់ក្រសួងដឹកជញ្ជូនអាមេរិក ដែលផ្តោតជាសំខាន់លើការធ្វើផែនការ ការគូសរចនាប្លង់ និងការអភិវឌ្ឍហេដ្ឋារចនាសម្ព័ន្ធ(ផែនការហិរញ្ញវត្ថុ ប្រតិបត្តិការថែរទាំ ការសិក្សាសមិទ្ធិលទ្ធភាពគម្រោង) ហេដ្ឋារចនាសម្ព័ន្ធប្រកបដោយនិរន្តរភាព និងភាពធន់ (យានយន្តបំភាយឧស្ម័នសូន្យ ហេដ្ឋារចនាសម្ព័ន្ធ ដែលមានភាពធន់អាចទទួលបាន និងប៉ះពាល់តិចតួច) សុវត្ថិភាព (ចរាចរណ៍ផ្លូវគោក សុវត្ថិភាពផ្លូវអាកាស បច្ចេកវិទ្យាសុវត្ថិភាពថ្មី) អភិបាលកិច្ច និងតម្លាភាព ការតភ្ជាប់ពហុប្រភេទដឹកជញ្ជូន (មជ្ឈមណ្ឌលភស្តុភារកម្ម ) ស្តង់ដារ និងបទប្បញ្ញត្តិ របៀងតំបន់ ការឆ្លងកាត់ព្រំដែន និងកិច្ចសម្រួលពាណិជ្ជកម្ម យេនឌ័រ បរិយាប័ន្នសង្គម និងសមភាព និងការជំរុញបច្ចេកវិទ្យា។

លោកជំទាវបានស្នើឱ្យDOT និងអង្គប្រជុំពិចារណាលើការកំណត់ប្រធានបទជាអាទិភាពគន្លឹះមួយ ចំនួនដូចជាៈ ការកសាងសមត្ថភាព គ្រឿងឧបករណ៍ត្រួតពិនិត្យគុណភាព ភាពធន់នឹងអាកាសធាតុ ការធ្វើផែនការលើមូលដ្ឋានលទ្ធផលអនុវត្ត អភិបាលកិច្ច ការឆ្លងកាត់ព្រំដែន សុវត្ថិភាព យេនឌ័រ បរិយាប័ន្នសង្គម និងសមភាព ការតភ្ជាប់ពហុប្រភេទដឹកជញ្ជូន និងការដឹកជញ្ជូនដោយនិរន្តរភាព និងបានស្នើឱ្យDOTពិចារណាផងដែរលើកិច្ចសហប្រតិបត្តិការជាមួយវិទ្យាស្ថានតេជោសែន សាធារណការ និងដឹកជញ្ជូន ដែលទើបបង្កើតថ្មី៕

គម្រោង Port EDI តម្លៃ ១២លានដុល្លារ ក្រោមជំនួយបច្ចេកទេសរបស់ជប៉ុននឹងដាក់ដំណើរការនៅខែសីហា

ដោយៈ គង់ សូរិយា

ភ្នំពេញៈ ក្រោមជំនួយរបស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) គម្រោងប្រព័ន្ធផ្លាស់ប្តូរទិន្នន័យអេឡិចត្រូនិកនៅកំពង់ផែ (Port EDI) នឹងដាក់ឲ្យដំណើរការនៅខែសីហាខាងមុខនេះ។

នៅទីស្តីការក្រសួងសាធារណការ និងដឹកជញ្ជូន លោក ហ៊ាង សុទ្ធាយុត្តិ ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ និងជាប្រធានផ្នែកហេដ្ឋារចនាសម្ព័ន្ធព័ត៌មានវិទ្យា នៃគម្រោង Port EDI បានដឹកនាំកិច្ចពិភាក្សាការងារ ជាមួយក្រុមការងាររបស់ទីភ្នាក់ងារ JICA ដែលដឹកនាំដោយលោក Viboon Chaojirapant ប្រធានចាត់ការទូទៅ នៃក្រុមហ៊ុន GUUD ដោយមានការចូលរួមពីថ្នាក់ដឹកនាំក្រុមហ៊ុន Positron ព្រមទាំងមន្ត្រីជំនាញរបស់នាយកដ្ឋានព័ត៌មានវិទ្យា និងទំនាក់ទំនងសាធារណៈ និងអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ។

កិច្ចប្រជុំនេះធ្វើឡើង ដើម្បីពិភាក្សាលើការងារគ្រប់គ្រង ថែទាំ និងការធានាលើសម្ភារ និងប្រព័ន្ធបច្ចេកវិទ្យា នៃគម្រោងប្រព័ន្ធផ្លាស់ប្តូរទិន្នន័យអេឡិចត្រូនិកនៅកំពង់ផែ (Port EDI)។

កិច្ចពិភាក្សានេះ បានផ្តោតជាសំខាន់លើលក្ខខណ្ឌ និងពេលវេលា នៃការធានា ការគ្រប់គ្រង និងការធ្វើបច្ចុប្បន្នភាពទាំងឧបករណ៍ និងប្រព័ន្ធប្រព័ន្ធផ្លាស់ប្តូរទិន្នន័យ អេឡិចត្រូនិកនៅកំពង់ផែ (Port EDI) ដើម្បីធានាបានដំណើរការការប្រើប្រាស់ ប្រកបដោយប្រសិទ្ធភាព និងសុវត្ថិភាព និងដោះស្រាយបញ្ហា ដែលកើតមានឱ្យបានទាន់ពេលវេលា មុននឹងដាក់ដំណើរការនៅអំឡុងខែសីហា ឆ្នាំ២០២២ ខាងមុខនេះ។

គម្រោងផ្លាស់ប្តូរទិន្នន័យអេឡិចត្រូនិក នៅកំពង់ផែ (Port EDI) ស្ថិតនៅក្រោមជំនួយឥតសំណង របស់រដ្ឋាភិបាលជប៉ុន ដល់រាជរដ្ឋាភិបាលកម្ពុជា តាមរយៈទីភ្នាក់ងារសហប្រតិបត្តិការអន្តរជាតិជប៉ុន(JICA) ដែលមានទឹកប្រាក់សរុបប្រមាណ១២លានដុល្លារអាមេរិក។

ប្រព័ន្ធបច្ចេកវិទ្យានេះ នឹងជួយសម្រួលដល់នីតិវិធីចេញ-ចូលកំពង់ផែកម្ពុជា សម្រាប់នាវាដឹកជញ្ជូនទំនិញអន្តរជាតិធំៗ សំដៅគ្រប់គ្រងសេវាដឹកជញ្ជូនតាមផ្លូវទឹក ប្រកបដោយប្រសិទ្ធភាព តម្លាភាព ចំណេញពេលវេលា និងកាត់បន្ថយការចំណាយផ្សេងៗ ជាពិសេសជួយបង្កើនការទាក់ទាញការវិនិយោគផ្ទាល់ពីបរទេស និងបង្កើតការងារធ្វើជូនប្រជាពលរដ្ឋកម្ពុជាផងដែរ៕

China developer Vanke says property market has bottomed

HONG KONG: Major homebuilder China Vanke Co said the property market has bottomed in the short term, with a clear month-on-month rise in sales in June, sparking a property sector rally in Wednesday morning trade.

Yu Liang, chairman of China’s No.2 developer, cautioned the recovery will be slow and mild, but his comments helped drive the mainland’s CSI Real Estate Index up 6 per cent, while Hong Kong’s Hang Seng Mainland Properties Index rose over 1 per cent.

Speaking at China Vanke’s annual general meeting on Tuesday, Yu said he had experienced the most pressure in his career during 2022. However, he saw some recovery in the secondary housing market in June, with 50 per cent of first and second-tier cities recording higher asking prices.

On sales, Yu said: “In June, from the situation so far, I think there would be a relatively obvious rise month-on-month.”

The recovery had been helped by easing measures from the central and local governments, and partly boosted by pent-up demand following months of COVID-related restrictions, he said.

Authorities are scrambling to boost weak demand after a fall in sales in recent months, depressed by tight COVID-19 curbs and a slowdown in the world’s second-biggest economy.

Official data showed property sales by floor area in the first five months fell 23.6 per cent from a year earlier, although the pace of the fall slowed in May for the first time in three months.

“The market in the short term has bottomed. I didn’t use ‘rebounded’, but rather ‘recovered’. A recovery will still take time,” Yu said.

Vanke’s Shenzhen-listed shares rose over 6 per cent, while its Hong Kong-listed shares gained 4 per cent.

Property management shares also firmed, with China Overseas Property Holdings and Sunac Services Holdings both up over 6 per cent.

Source: Reuters

Higher confidence in Biden than Xi, global survey shows; lowest trust in Putin

SINGAPORE – While global confidence in United States President Joe Biden has dipped from a year ago, most countries surveyed still have more confidence in him than in China’s leader Xi Jinping, an international study published in June showed.

A separate study also showed that most people in South-east Asia would prefer Asean to align itself with the United States.

Of the respondents from 18 countries in the West and Asia surveyed by the Washington-based Pew Research Centre, just two – Singapore and Malaysia – expressed more trust in Mr Xi than in Mr Biden.

Asked if they had confidence in the leaders to do the right thing regarding world affairs, a median of 60 per cent said they had some or a lot of confidence in Mr Biden as opposed to just 18 per cent for his Chinese counterpart.

Trust in the US President was highest in Poland (82 per cent) and Sweden (74 per cent), in contrast to a respective 11 per cent and 13 per cent for China’s Mr Xi.

Asian countries surveyed included South Korea and Japan – both traditional US allies that regularly hold combined defence drills with the superpower. Both countries showed overwhelmingly more trust in Mr Biden over Mr Xi.

Around 70 per cent of South Koreans expressed confidence in Mr Biden, as opposed to 12 per cent for Mr Xi, while 62 per cent of Japanese respondents trusted the American Democrat, compared with a paltry 9 per cent for the Communist Party leader.

Ratings for Mr Biden slipped from a year ago, with declines of 20 percentage points or more in Italy, Singapore and France.

The Pew researchers said one issue that affected international views of Mr Biden could have been the US withdrawal from Afghanistan in 2021. A median of 57 per cent across 17 countries polled, excluding the US, said the pullout was not handled well.

The researchers said that confidence in China’s President stayed roughly the same from a year ago. However, not all countries’ respondents trusted Mr Biden more than Mr Xi to do the right thing on the international stage.

Singapore and Malaysia stood out among the 18 nations surveyed for respondents having higher confidence in China’s President than in the US leader.

Around 69 per cent in Singapore and 62 per cent in Malaysia said they had some or a lot of confidence in Mr Xi, as opposed to 48 per cent (Singapore) and 53 per cent (Malaysia) for Mr Biden.

The survey, which was part of a study to analyse global attitudes towards the US, Nato and Russia, also asked people to rate three other major world leaders: Russian President Vladimir Putin, French President Emmanuel Macron and German Chancellor Olaf Scholz.

Globally, a median of 90 per cent of respondents said they had no trust at all in Mr Putin to do the right thing in world affairs.

The nationally representative survey of almost 20,000 adults was conducted from Feb 14 to May 11, coinciding with Russia’s Feb 24 invasion of Ukraine and likely leading to Mr Putin being perceived as the least trusted of the key world leaders included in the survey.

However, Malaysia (59 per cent) and Singapore (36 per cent) stood out for having some or a lot of confidence in the Russian leader, although this was lower than their ratings of Mr Xi.

A median of just 9 per cent across the 18 countries expressed trust in the Russian President.

Similar to ratings of Mr Biden, a median of 62 per cent have confidence in Mr Macron and 59 per cent have confidence in Mr Scholz to do the right thing in world affairs.

The sentiment of favouring the US over China was also captured in a separate ISEAS-Yusof Ishak Institute survey in 10 Asean nations published in February.

As Beijing and Washington compete for influence and leadership in the region, the US continues to enjoy popular support in Asean.

Asked to choose which of the two strategic rivals Asean should align itself with, 57 per cent of respondents across the countries polled chose the US, compared with 43 per cent who chose China.

But significantly, choosing a side remained the least popular option (11 per cent) among those surveyed, with 46 per cent preferring the proactive notion that Asean should “enhance its resilience and unity” amid pressure from the two superpowers.

Source: The Straits Times

គម្រោងអភិវឌ្ឍន៍ផ្លូវថ្មីៗបានលើកតម្លៃ និងសកម្មភាពវិនិយោគលើអចលនទ្រព្យ

ដោយៈ វឌ្ឍនៈ

ភ្នំពេញៈ រាជរដ្ឋាភិបាលកម្ពុជាបានអភិវឌ្ឍន៍ផ្លូវថ្មីៗ ជាបន្តបន្ទាប់តភ្ជាប់ពីរាជធានីភ្នំពេញទៅបណ្ដាខេត្ត និងពីបណ្ដាខេត្តទៅបណ្ដាខេត្តដទៃទៀត ដើម្បីសម្រួលដល់ការដឹកជញ្ជូនទំនិញ និងការធ្វើដំណើររបស់ប្រជាពលរដ្ឋ។

ការអភិវឌ្ឍផ្លូវថ្មីៗនេះដែរ បានជំរុញឱ្យតម្លៃអចលនទ្រព្យ នៅតាមបណ្ដោយផ្លូវនោះ មានសន្ទុះមួយកម្រិតទៀត។ មិនតែប៉ុណ្ណោះវាក៏អាចទទួលបានការវិនិយោគបន្ថែម ពីវិនិយោគិនក្នុងនិងក្រៅប្រទេសផងដែរ។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើកថា ការសាងសង់ផ្លូវថ្មីៗមិនថា នៅបណ្ដាខេត្តឬនៅជុំវិញរាជធានីភ្នំពេញនោះទេ តែងតែទទួលបាននូវការចាប់អារម្ម ណ៍ទៅលើការវិនិយោគអចលនទ្រព្យ ជាពិសេសនោះជំរុញឱ្យតម្លៃដីធ្លី នៅតាមបណ្ដោយផ្លូវនោះ មានសន្ទុះមួយកម្រិតទៀតផងដែរ ។

លោកបន្តថា ជាកត់សម្គាល់យើងបានឃើញថា គម្រោងអភិវឌ្ឍន៍ផ្លូវជាច្រើនរបស់រាជរដ្ឋាភិបាល ពិតជាបានរួមចំណែក ដល់វិស័យអចលនទ្រព្យ ហើយយើងបានឃើញហើយដែរថា នៅពេលមានរដ្ឋាភិបាលមានគម្រោងសាងសង់ផ្លូវណាមួយ វាតែងតែធ្វើឱ្យដីធ្លី និងសកម្មភាពនៃការវិនិយោគ នៅតាមបណ្ដោយផ្លូវនោះ កម្រើកជាងមុនមួយកម្រិតទៀតទោះតិចឬក៏ច្រើនក្ដី ។

ជាមួយគ្នានេះ លោកថា ថេង តំណាងនៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តព្រៃវែងលើកឡើងផងដែរថា ពីមុនព្រៃវែង មិនទាន់មានផ្លូវស្អាតច្រើននោះទេ ហើយក៏មិនទាន់ជាការចាប់អារម្មណ៍ ពីអ្នកអភិវឌ្ឍន៍អចលនទ្រព្យប៉ុន្មានដែរ តែក្រោយពេលរដ្ឋាភិបាលសាងសង់ផ្លូវជាបន្តបន្ទាប់ ក៏បានធ្វើឱ្យព្រៃវែងមានការអភិវឌ្ឍ ជាពិសេសអ្នកមានលុយពីភ្នំពេញ ចូលមកអភិវឌ្ឍន៍ជាកន្លែងកម្សាន្ត សម្រាប់ទទួលទេសចរ មកលំហែរ ហើយជាពិសេសនោះការតភ្ជាប់ផ្លូវ ទៅកាន់ព្រំដែនក៏បានជំរុញឱ្យតម្លៃដីធ្លី នៅតំបន់នោះកាន់តែមានសន្ទុះបន្ថែម ។

រាជរដ្ឋាភិបាលកម្ពុជា នៅតែមានផែនការក្នុងការអភិវឌ្ឍផ្លូវថ្មីៗ និងលើកកម្ពស់ផ្លូវចាស់ៗឱ្យកាន់តែប្រសើរ ធំទូលាយ ដើម្បីសម្រួលដល់ការធ្វើដំណើរបានលឿនរហ័ស សន្សំសំចៃពេលវេលា និងចំណេញថវិកា។ រដ្ឋាភិបាលក៏បាន និងកំពុងសាងសង់ផ្លូវល្បឿនលឿនមួយ ព្រមទាំងគ្រោងដាក់ឱ្យដំណើរការសាកល្បង នៅពេលប៉ុន្មានខែខាងមុខនេះ និងកំពុងសិក្សាសាងសង់ផ្លូវល្បឿនលឿនផ្សេងទៀត ពីភ្នំពេញទៅកាន់បណ្ដាខេត្តនានា៕

ចរន្តទិញលក់អចលនទ្រព្យពីម្ចាស់ដើមក្នុងខេត្តសៀមរាបចាប់ផ្តើម មានសន្ទុះឡើងវិញ

ដោយៈសុផារី

សៀមរាបៈ ដំណើរត្រលប់មកវិញនៃទេសចរជាតិ និងអន្តរជាតិ បាននាំមកនូវក្តីសង្ឃឹម ដល់ការងើបឡើងវិញនៃសេដ្ឋកិច្ច ក៏ដូចជាអចលនទ្រព្យខេត្តសៀមរាប ក្រោយប្រឈមភាពស្ងប់ស្ងាត់អស់រយៈពេលជាង២ឆ្នាំ។

អ្នកជំនាញក្នុងមូលដ្ឋាននៃខេត្តសៀមរាបបានបង្ហើបថា ចរន្តទិញលក់អចលនទ្រព្យពីម្ចាស់ទី១ ទៅអ្នកទី២ មានសញ្ញាវិជ្ជមាន ទោះសកម្មភាពអភិវឌ្ឍន៍ហាក់មានភាពស្ងប់ស្ងាត់បន្តិចក្តី។

លោកកែវ សុធារ៉ា នាយកប្រតិបត្តិ KW សៀមរាប បានមានប្រសាសន៍តាមប្រព័ន្ធតេឡេក្រាម នៅថ្ងៃទី២៩ ខែមិថុនា ឆ្នាំ២០២២នេះថា តាមរយៈការវិលត្រលប់មកវិញ នៃភ្ញៀវទេសចរអន្តរជាតិ ក្នុងកំឡុងរយៈពេលពីរខែចុងក្រោយនេះ នាំឱ្យសកម្មភាពអាជីវកម្មមានសន្ទុះឡើងវិញ ជំរុញឱ្យសកម្មភាពទិញលក់ ជួលអចលនទ្រព្យមានដំណើរការល្អប្រសើរ ជាលំដាប់។

លោកបញ្ជាក់ថា “សម្រាប់សកម្មភាពក្នុងខែឧសភា និងខែមិថុនា ការទិញលក់ ជួល ទ្រព្យពីម្ចាស់ទី១ទៅទី២ (Second property) មានសញ្ញាវិជ្ជមានគួរសម ដោយមានការចាប់អារម្មណ៍ ពីបងប្អូនខាងក្រៅខេត្ត ឬបងប្អូនខ្មែរនៅក្រៅប្រទេស ដែលសម្លឹងមើលឃើញពីផលចំណេញ នាពេលអនាគត”។

យ៉ាងណាក្តី អ្នកជំនាញអចលនទ្រព្យ នៃទឹកដីវប្បធម៌មួយនេះ បានបង្ហើបឱ្យដឹងថា ផ្ទុយពីកំណើននៃចរន្តទិញលក់អចលនទ្រព្យ សកម្មភាពនៃការអភិវឌ្ឍ ហាក់មានសភាពស្ងប់ស្ងាត់ ដោយសារតែតម្រូវការលំហូរសាច់ប្រាក់របស់វិនិយោគិន ក្នុងការប្រើប្រាស់សម្រាប់សកម្មភាពអាជីវកម្ម និងឥទិ្ធពលនៃសង្គ្រាមរុស្ស៊ី- អ៊ុយក្រែន។

លោកបានមានប្រសាសន៍ថា “ក្រលេកមើលដំណើរការគម្រោងនានា ហាក់មានភាពស្ងាត់បន្តិច ដោយសារខេត្តសៀមរាប បានចាប់ផ្តើមទទួលភ្ញៀវទេសចរឡើងវិញ ដែលធ្វើឱ្យអាជីវកម្មតូចធំជាច្រើន បានចាប់ផ្តើមបើកដំណើរការឡើងវិញ ដោយតម្រូវឱ្យអតិថិជនត្រូវការកញ្ចប់ថិវិកា ក្នុងការរៀបចំអាជីវកម្មរបស់ពួកគាត់ ដើម្បីត្រៀមទទួលភ្ញៀវចរណ៍ នៅចន្លោះខែកញ្ញា និងខែតុលាខាងមុខ។

លោកបន្តថា ម្យ៉ាងទៀត បញ្ហាសង្រ្គាមរុស្សី-អ៊ុយក្រែន នៅតែបន្តប៉ះពាល់ដល់សេដ្ឋកិច្ច ដោយវាបង្កើតជាអតិផរណាយ៉ាងខ្លាំង។

ជាមួយគ្នានេះដែរ លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុ ក៏បានមានប្រសាសន៍ថា ទោះបីទីផ្សារអចលនទ្រព្យរបស់ប្រទេសកម្ពុជា ប្រឈមនឹងវិបត្តិជំងឺផង និងវិបត្តិសេដ្ឋកិច្ចផង អ្នកវិនិយោគ នៅតែបន្តសកម្មភាពរបស់ខ្លួនបន្ទិចម្តងៗ។

លោកបន្តថា “សកម្មភាពនៃគម្រោងថ្មី ហាក់មានភាពការកើតឡើងយឺតបន្ទិច តែនេះមិនបានបង្ហាញពីសញ្ញាអវិជ្ជមាន នៃវិស័យអចលនទ្រព្យរបស់កម្ពុជានោះទេ ដោយអ្នកវិនិយោគនៅតែបន្ត ការទិញ លក់ជាហូរហែរ”។

លោកបានបន្តថា ទោះបីជាគម្រោងថ្មីកើតយឺតបន្ទិចក្តី វាមិនបានបង្ហាញពីសញ្ញាអវិជ្ជមានទេ។ អ្នកទិញលក់ដើម្បីផលចំណេញ នៅតែបន្តទិញ គ្រាន់តែកាត់បន្ថយមួយចំនួន ដោយសារតែលទ្ធផល និងអំណាចនៃការទិញ ធនធានមានកម្រិត៕

ការសិក្សាអន្តរជាតិ: ពិភពលោកមានទំនុកចិត្តលើចូ បៃឌិន ខ្លាំងជាងលោកស៊ី ជីនភីង

ដោយៈ សុខុម

សឹង្ហបុរី: ទោះបីជាទំនុកចិត្តរបស់ពិភពលោក លើប្រធានាធិបតីសហរដ្ឋអាមេរិក លោកចូ បៃឌិន បានធ្លាក់ចុះពីមួយឆ្នាំមុនក្ដី ក៏ប្រទេសភាគច្រើនដែលត្រូវបានស្ទង់មតិ នៅតែមានទំនុកចិត្តលើលោកច្រើនជាង មេដឹកនាំចិន លោកស៊ី ជីនភីង។ នេះបើយោងតាមការសិក្សាអន្តរជាតិមួយដែលបានចុះផ្សាយកាលពីខែមិថុនា។

ការសិក្សាដាច់ដោយឡែកមួយក៏បានបង្ហាញដែរថា ពលរដ្ឋភាគច្រើននៅអាស៊ីអាគ្នេយ៍ ចង់ឱ្យអាស៊ានអនុវត្តន៍គោលនយោបាយ ឱ្យស្របទៅនឹងសហរដ្ឋអាមេរិក។ នេះបើយោងតាមសារព័ត៌មាន The Straits Times ចុះផ្សាយកាលពីថ្ងៃអង្គារ ទី២៨ ខែមិថុនា។

ក្នុងចំណោមអ្នកឆ្លើយសំណួរមកពី១៨ប្រទេស នៅលោកខាងលិច និងអាស៊ី ដែលត្រូវបានស្ទង់មតិដោយមជ្ឈមណ្ឌលស្រាវជ្រាវ Pew Research Centre មានមូលដ្ឋាននៅវ៉ាស៊ីនតោន គឺមានតែ២ប៉ុណ្ណោះ ពោលគឺសឹង្ហបុរី និងម៉ាឡេស៊ី ដែលបានបង្ហាញការជឿជាក់ លើមេដឹកនាំចិនលោកស៊ី ជីនភីង ខ្លាំងជាងលោកចូ បៃឌិន។

នៅពេលសួរថា តើពួកគេមានទំនុកចិត្តថា មេដឹកនាំទាំងនេះធ្វើត្រឹមត្រូវដែរ ឬយ៉ាងណាទាក់ទងនឹងកិច្ចការពិភពលោក ជាមធ្យម៦០%បាននិយាយថា ពួកគេមានទំនុកចិត្តខ្លះ ឬច្រើនលើលោកចូ បៃឌិន បើធៀបនឹង១៨% សម្រាប់លោកស៊ី ជីនភីងប្រធានាធិបតីចិន។

ទំនុកចិត្តលើប្រធានាធិបតីអាមេរិក រូបនេះគឺខ្ពស់បំផុតនៅប្រទេសប៉ូឡូញ (៨២%) និងប្រទេសស៊ុយអែត (៧៤%) បើធៀបនឹង១១% (ប៉ូឡូញ) និង១៣% (ស៊ុយអែត) សម្រាប់លោកស៊ី ជីនភីង។

បណ្ដាប្រទេសនៅអាស៊ី ដែលត្រូវបានស្ទង់មតិ រួមមាន កូរ៉េខាងត្បូង និងជប៉ុន ដែលជាសម្ព័ន្ធមិត្តយូរមកហើយរបស់សហរដ្ឋអាមេរិក បានបង្ហាញការជឿទុកចិត្តច្រើន លើសលប់លើលោក ចូ បៃឌិន ច្រើនជាងលោក ស៊ី ជីនភីង។

ប្រហែល៧០%នៃប្រជាជនកូរ៉េខាងត្បូង បានបង្ហាញពីទំនុកចិត្តលើលោកចូ បៃឌិន បើធៀបនឹង១២% សម្រាប់លោក ស៊ី ជីនភីង ខណៈអ្នកឆ្លើយជនជាតិជប៉ុន៦២% មានទំនុកចិត្តលើលោក ចូ បៃឌិន បើធៀបនឹង៩%សម្រាប់មេដឹកនាំចិន។

ទំនុកចិត្តលើលោក ចូ បៃឌិន បានធ្លាក់ចុះធៀបនឹងឆ្នាំមុន ដោយធ្លាក់ចុះ២០% ឬច្រើនជាងនេះនៅ អ៉ីតាលី សឹង្ហបុរី និងបារាំង។

ក្រុមអ្នកស្រាវជ្រាវមកពីមជ្ឈមណ្ឌល Pew Research Centre និយាយថា បញ្ហាមួយដែលប៉ះពាល់ដល់ទស្សនៈអន្តរជាតិ ទៅលើលោក ចូ បៃឌិន អាចមកពីសហរដ្ឋអាមេរិក ដកទ័ពចេញពីប្រទេសអាហ្វហ្គានីស្ថាន ក្នុងឆ្នាំ២០២១។

ជាមធ្យម៥៧% នៅតាមបណ្តាប្រទេសចំនួន១៧ ដែលត្រូវបានស្ទង់មតិ ដោយមិនរាប់បញ្ចូលសហរដ្ឋអាមេរិក បាននិយាយថា ការដកទ័ពចេញនោះធ្វើឡើងដោយគ្មានការដោះស្រាយបានល្អ។

អ្នកស្រាវជ្រាវទាំងនេះនិយាយថា ទំនុកចិត្តលើមេដឹកនាំចិន ស៊ី ជីនភីង នៅដដែលប្រហាក់ប្រហែលនឹងឆ្នាំមុន។

ប្រទេសសិង្ហបុរី និងម៉ាឡេស៊ី លេចធ្លោជាងគេក្នុងចំណោមប្រទេសទាំង១៨ ដែលត្រូវបានស្ទង់មតិសម្រាប់អ្នកឆ្លើយសំណួរ មានទំនុកចិត្តលើប្រធានាធិបតីចិន ខ្ពស់ជាងមេដឹកនាំអាមេរិក។

ប្រហែល៦៩%នៅក្នុងប្រទេសសិង្ហបុរី និង៦២%នៅក្នុងប្រទេសម៉ាឡេស៊ី បាននិយាយថា ពួកគេមានទំនុកចិត្តខ្លះ ឬច្រើនលើលោកស៊ី ជីនភីង បើធៀបនឹង៤៨% (សិង្ហបុរី) និង៥៣% (ម៉ាឡេស៊ី) សម្រាប់លោក ចូ បៃឌិន។

ទន្ទឹមនេះ ការស្ទង់មតិក៏បានរកឃើញដែរថា មានតែ៩%ប៉ុណ្ណោះនៅទាំង១៨ប្រទេស បានបង្ហាញការជឿទុកចិត្ត លើប្រធានាធិបតីរុស្ស៊ី លោក វ៉្លាឌីមៀ ពូទីន ពោលគឺទាបជាគេបំផុត៕ The Straits Times៕

ការសិក្សាថ្មីៈកម្ពុជានឹងសម្រេចបានផលទុនជាតិសរុបចន្លោះពី២ទៅ៣,២ភាគរយពីកិច្ចព្រមព្រៀងRCEP

ដោយៈគង់ សូរិយា

ភ្នំពេញៈ ការសិក្សាថ្មីមួយបានរកឃើញថា កម្ពុជានឹងសម្រេចបានកំនើនផលទុនជាតិសរុប ក្នុងចចន្លោះពី២ ទៅ៣,២ភាគរយ ពីការចូលជាសមាជិកអំពីកិច្ចព្រមព្រៀងភាព ជាដៃគូសេដ្ឋកិច្ចគ្រប់ជ្រុងជ្រោយតំបន់(RCEP)។

តាមការព្យាករពីវិទ្យាស្ថានស្រាវជ្រាវសេដ្ឋកិច្ច សម្រាប់តំបន់អាស៊ាននិងអាស៊ីបូព៌ា (ERIA) បានបង្ហាញថា ដោយឡែកអត្ថប្រយោជន៍ដែលកម្ពុជាទទួលបានពីកិច្ចព្រមព្រៀងនេះ គឺកំណើននាំចេញចន្លោះពី៩,៤% ទៅ ១៨% កំណើនផលិតផលក្នុងស្រុកសរុបចន្លោះពី២% ទៅ៣,៨%, កំនើនការងារពី៣,២% ទៅ៦,២% និងកំណើនចំណូលពន្ធចន្លោះពី២% ទៅ ៣,៩%

នេះបើយោងកិច្ចព្រមព្រៀងនេះ ផ្តល់នូវភាពអនុគ្រោះខ្ពស់លើសមាសធាតុតម្លៃតំបន់ដែលត្រូវអនុវត្តជាទូទៅ(ធំជាងឬស្មើ៤០%—RVC≥40%) និងវិធានបូកបន្ថែមក្នុងតំបន់ ដែលកម្ពុជាអាចប្រើប្រាស់ផលិតផល និងវត្ថុធាតុដើម ដែលមានប្រភពពីប្រទេសសមាជិកអាសិបដទៃទៀត ក្នុងការផលិតនូវផលិតផលរបស់កម្ពុជា ហើយនៅតែរក្សាបាននូវដើមកំណើតទំនិញកម្ពុជាដើម្បីទទួលបានភាពអនុគ្រោះពន្ធ។

ក្រសួងពាណិជ្ជកម្ម នៅព្រឹកថ្ងៃទី២៩ ខែមិថុនានេះ បានរៀបចំសិក្ខាសាលាថ្នាក់ជាតិជាស៊េរីលើកទីមួយ ស្តីពីការយល់ដឹងអំពីកិច្ចព្រមព្រៀងភាពជាដៃគូសេដ្ឋកិច្ច គ្រប់ជ្រុងជ្រោយតំបន់ ហៅកាត់ អាសិប (RCEP) និងនីតិវិធីសម្រាប់ការស្នើសុំវិញ្ញាបនបត្របញ្ជាក់ដើមកំណើតទំនិញតាមរយៈប្រព័ន្ធស្វ័យប្រវត្តិកម្ម ក្រោមវត្តមានរបស់លោករដ្ឋមន្រ្តី ប៉ាន សូរស័ក្តិ និងមានការចូលរួមពីវិស័យឯកជនតាមវិស័យដែលពាក់ព័ន្ធ។

លោកបានលើកឡើងបន្តថា កិច្ចព្រមព្រៀងអាសិបនេះ មានសមាជិកចំនួន១៥ប្រទេសរួមមាន ប្រទេសទាំង១០ដែលជាសមាជិកអាស៊ាន បូករួមជាមួយប្រទេសសេដ្ឋកិច្ចជឿនលឿនចំនួន៥ប្រទេសគឺ អូស្ត្រាលី ចិន ជប៉ុន កូរ៉េខាងត្បូង និង នូវែលហ្សេឡង់ ដែលតំណាងឱ្យ ៣០% នៃផលិតផលក្នុងស្រុកសរុបពិភពលោក និង២៨% នៃពាណិជ្ជកម្មពិភពលោក (គិតត្រឹមឆ្នាំ២០១៩)។

ប្រភពពីក្រសួងពាណិជ្ជកម្ម បានបញ្ជាក់ថា ក្រសួងនឹងបន្តរៀបចំសិក្ខាសាលាជាស៊េរីនេះជាបន្តបន្ទាប់ ដូចជានៅតំបន់សេដ្ឋកិច្ចពិសេសភ្នំពេញ ព្រះសីហនុ និងស្វាយរៀង, ខេត្តបាត់ដំបង និងខេត្តត្បូងឃ្មុំ។ លើសពីនេះ ទិសដៅទៅថ្ងៃអនាគត វិទ្យាស្ថានបណ្តុះបណ្តាលពាណិជ្ជកម្មនិងស្រាវជ្រាវ រួមសហការជាមួយនាយកដ្ឋាននាំចេញ-នាំចូល នឹងបន្តរៀបចំសិក្ខាសាលាជាស៊េរីបែបនេះ លើកិច្ចព្រមព្រៀងពាណិជ្ជកម្មសេរីផ្សេងទៀត តាមការចាំបាច់ ដើម្បីធានាបរិយាប័ន្ន និងនិរន្តរភាពនៃការអនុវត្តវិធាននេះ៕

ការអភិវឌ្ឍន៍ក្នុងវិស័យអចលទ្រព្យនៅប្រទេសចិនមានការកើនឡើង ក្នុងខែមិថុនា

ដោយ: លាងហួរ

ប្រទេសចិន: ក្រុមហ៊ុនអចលទ្រព្យChina Vanke Co បានឱ្យដឹងថា ទីផ្សារអចលនទ្រព្យចិន បានធ្លាក់ចុះក្នុងរយៈពេលខ្លីប៉ុណ្ណោះ ខណៈដែលពេលនេះវិស័យអចលទ្រព្យនៅចិន បានកើនឡើងយ៉ាងច្បាស់ពីមួយខែទៅមួយខែក្នុងការលក់នៅក្នុងខែមិថុនា ដែលនាំឱ្យមានការកើនឡើងនៃវិស័យអចលនទ្រព្យនៅក្នុងពាណិជ្ជកម្មចិន។

លោក Yu Liang ប្រធានក្រុមហ៊ុនអភិវឌ្ឍន៍អចលនទ្រព្យChina Vankeរបស់ប្រទេសចិនបានព្រមានថា ការស្ទុះងើបឡើងវិញនៃវិស័យអចលទ្រព្យ នឹងមានភាពយឺតយ៉ាវ ប៉ុន្តែលោកបានជួយជំរុញឱ្យសន្ទស្សន៍អចលនទ្រព្យCSI របស់ចិនដីគោកកើនឡើង៦ភាគរយ ខណៈដែលសន្ទ ស្សន៍អចលនទ្រព្យHang Seng របស់ហុងកុងបានកើនឡើងជាង១ភាគរយ។

ថ្លែងនៅក្នុងកិច្ចប្រជុំទូទៅប្រចាំឆ្នាំរបស់ ក្រុមហ៊ុនChina Vanke កាលពីថ្ងៃអង្គារ លោក Yu បានមានប្រសាសន៍ថា លោកបានរងនូវសម្ពាធខ្លាំងបំផុតលើអាជីព ក្នុងវិស័យអចលនទ្រព្យរបស់លោក ក្នុងកំឡុងឆ្នាំ២០២២នេះ។

ទោះបីជាយ៉ាងណាក៏ដោយ លោកបានមើលឃើញថាទីផ្សារលំនៅ ដ្ឋានមួយចំនួន មានការស្ទុះងើបឡើងវិញគួរឱ្យកត់សម្គាល់ នៅក្នុងខែមិថុនា។

លោក Yu បានមានប្រសាសន៍ថា “បើគិតពីដើមខែមិថុនារហូតមកដល់ពេលនេះ ខ្ញុំគិតថាការលក់លំនៅដ្ឋាន នឹងមានការកើនឡើងជាក់ស្តែងពីមួយខែទៅមួយខែ”។

លោកបានបន្តថា វិស័យអចលទ្រព្យបានងើបឡើងវិញ ដោយសារមានការបន្ធូរបន្ថយវិធានការ ពីរដ្ឋាភិបាលកណ្តាលចិន និងអាជ្ញាធរមូល ដ្ឋាន ហើយមួយផ្នែកត្រូវបានជំរុញដោយតម្រូវការកើនឡើង បន្ទាប់ពីមានការបិទខ្ទប់អស់ជាច្រើនខែ។

អាជ្ញាធរចិនកំពុងព្យាយាមជំរុញ តម្រូវការអចលទ្រព្យនៅក្នុងប្រទេសឱ្យកាន់តែប្រសើរឡើងវិញ ក្រោយពីវិស័យអចលនទ្រព្យ និងសេដ្ឋកិច្ចរបស់ចិនបានធ្លាក់ចុះយ៉ាងខ្លាំង ដោយសារវិធានការទប់ស្កាត់ជំងឺកូវីដ១៩ របស់ រដ្ឋាភិបាលចិន៕

1...1,3631,3641,365...3,264 Page 1,364 of 3,264