• Home prices may decline by 12 per cent in Canada, 9 per cent in France and 3 per cent in the United States over the next two years, Goldman Sachs said
• Hong Kong home prices will fall by as much as 8 per cent, while transactions are likely to slump by 35 per cent for the whole year, said Cushman & Wakefield
• Farrah Gutierrez, a 45-year-old working mother of two, and her husband Angelo Gutierrez wanted to purchase a home in Vancouver, after moving from Winnipeg.
• The Philippine native and her family settled in Canadain 2018, but initially lived in Winnipeg for three years before deciding that Vancouver was a better fit for the family. Their timing, however, was not ideal.

  

• “In Winnipeg, we could buy a decent home for C$300,000 (US$227,406), but here in Vancouver a similar property would cost us C$1.7 million. With mortgage rates rising plus inflation, we need time to realise our dream of owning a home,” she said.
• Gutierrez is not alone. Across the world, monetary authorities are confronting rising consumer prices by raising interest rates, constricting consumers’ ability to make purchases, including those involving homes, to cool prices.
• While the effects have been uneven so far, that is unlikely to last as monetary policies continue to tighten. It is just a matter of time before more housing markets start to see declining prices, agents and analysts said.
• Lower transaction numbers do not bode well for home prices, as a 10 percentage-point slowdown in sales tends to be followed by a 2 percentage-point decline in home prices in around six months, according to a report released in June by Goldman Sachs.
• In the second half of the year, the investment bank said prime residential capital values across 30 cities it monitors in major markets are likely to grow 2.2 per cent, slower than the 2.4 per cent recorded in the first half. But a peak-to-trough decline of 12 per cent in Canada, 9 per cent in France and 3 per cent in the United States is likely over the next two years, it added.
• Indeed, prices in some countries have started to cool as central banks step up the pace of rate increases.

ដោយៈ សុខុម

ហុងកុង: ស្ត្រីកូនពីរឈ្មោះ Farrah Gutierrez វ័យ៤៥ឆ្នាំ និងស្វាមីរបស់គាត់ឈ្មោះ Angelo Gutierrez មានបំណងទិញផ្ទះនៅក្នុងទីក្រុង Vancouver ប្រទេសកាណាដា បន្ទាប់ពីផ្លាស់ចេញពីទីក្រុង Winnipeg ប្រទេសនេះ។

ស្ត្រីដែលមានដើមកំណើតហ្វីលីពីន រូបនេះ និងគ្រួសាររបស់គាត់បានតាំងទីលំនៅ ក្នុងប្រទេសកាណាដា ក្នុងឆ្នាំ២០១៨។ ដំបូងឡើយគ្រួសារគាត់បានរស់នៅក្នុងទីក្រុងWinnipeg អស់រយៈពេល៣ឆ្នាំ មុនពេលសម្រេចចិត្ត ផ្លាស់មករស់នៅក្នុងទីក្រុង Vancouver ដោយគិតថាវានឹងល្អប្រសើរសម្រាប់គ្រួសាររបស់គាត់។

ទោះជាយ៉ាងណា ពេលវេលាមិនស័ក្ដិសម ហើយបានធ្វើឱ្យពួកគាត់ខកបំណង។

ស្ត្រីរូបនេះនិយាយថា “នៅក្រុង Winnipeg យើងអាចទិញផ្ទះសមរម្យមួយ ក្នុងតម្លៃប្រមាណជាង២២៧.០០០ដុល្លារអាមេរិក ប៉ុន្តែនៅទីនេះក្នុងទីក្រុងVancouver ផ្ទះប្រហាក់ប្រហែលគ្នា មានតម្លៃរហូតដល់ទៅប្រមា​ណ១,២៦លានដុល្លារអាមេរិកឯណោះ។ ដោយសារអត្រាការប្រាក់សម្រាប់កម្ចីទិញផ្ទះកើនឡើង គួបផ្សំជាមួយនឹងអតិផរណាហក់ឡើង យើងត្រូវការពេលវេលាបន្ថែមទៀត ដើម្បីសម្រេចក្តីសុបិនរបស់យើង ក្នុងការមានផ្ទះមួយផ្ទាល់ខ្លួន”។

ស្ថានភាពបែបនេះ មិនមែនកើតឡើងតែទៅលើអ្នកស្រី Farrah Gutierrez និងគ្រួសាររបស់គាត់នោះឡើយ។ នៅទូទាំងពិភពលោក អាជ្ញាធររូបិយវត្ថុ កំពុងប្រឈមមុខដោះស្រាយបញ្ហា ទំនិញប្រើប្រាស់ហក់ឡើងថ្លៃដោយសារការដំឡើងអត្រាការប្រាក់ ដែលធ្វើឱ្យអ្នកប្រើប្រាស់មិនសូវមានលទ្ធភាពទិញដូចមុន រួមទាំងអ្នកទិញផ្ទះផងដែរ។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃពុធ ទី២១ ខែកញ្ញា។

ធនាគារវិនិយោគដ៏ធំ Goldman Sachs និយាយថា នៅក្នុងឆមាសទី២ ចុងឆ្នាំ២០២២ តម្លៃមូលធនអចលនទ្រព្យប្រភេទលំនៅដ្ឋាន ក្នុងទីក្រុងចំនួន៣០ ដែលខ្លួនឃ្លាំមើលនៅក្នុងទីផ្សារសំខាន់ៗ ទំនងជាកើនឡើង២,២% បើធៀបនឹងអត្រា២,៤%ក្នុងឆមាសទី១។

ទោះជាយ៉ាងណា ធនាគារនេះបានព្យាករថា តម្លៃផ្ទះនៅប្រទេសធំៗមួយចំនួននឹងធ្លាក់ចុះខ្លាំង តួយ៉ាងនៅក្នុងប្រទេសកាណាដា នឹងធ្លាក់ចុះរហូតដល់ទៅ១២% នៅក្នុងប្រទេសបារាំង នឹងធ្លាក់ចុះ៩% ហើយនៅសហរដ្ឋអាមេរិក នឹងធ្លាក់៣%នៅរយៈពេល២ឆ្នាំខាងមុខ។

ទន្ទឹមនេះ តម្លៃផ្ទះនៅប្រទេសអូស្ត្រាលី និងប្រទេសនូវែលសេឡង់ ក៏បានធ្លាក់ចុះផងដែរ។

យោងតាមទិន្នន័យរបស់រដ្ឋាភិបាល ដែលបានចេញផ្សាយកាលពីសប្តាហ៍មុនបង្ហាញថា តម្លៃផ្ទះជាមធ្យម នៅក្នុងប្រទេសនូវែលសេឡង់ បានធ្លាក់ចុះ៥,៩%ក្នុងខែសីហា ធៀបនឹងឆ្នាំមុន។

លើសពីនេះ ក្រុមហ៊ុនអចលនទ្រព្យ Cushman & Wakefield បានព្យាករថា តម្លៃផ្ទះនៅហុងកុង នឹងធ្លាក់ចុះរហូតដល់ទៅ៨% ខណៈប្រតិបត្តិការទិញ លក់ ទំនងជាដាំក្បាលចុះខ្លាំង រហូតដល់ទៅ៣៥%សម្រាប់ឆ្នាំ២០២២ ទាំងមូល។

ទន្ទឹមនឹងនេះដែរ ការប៉ាន់ប្រមាណបឋមអំពី តម្លៃសរុបនៃផ្ទះនៅប្រទេសអូស្ត្រាលី ក្នុងត្រីមាសគិតត្រឹមខែមិថុនា បានធ្លាក់ចុះ១,៦% បើធៀបនឹងត្រីមាសមុន។ យោងតាមការិយាល័យស្ថិតិអូស្ត្រាលី បង្ហាញថា នេះគឺជាការធ្លាក់ចុះប្រចាំត្រីមាសដំបូង ក្នុងរយៈពេល២ឆ្នាំមកនេះ។

ការធ្លាក់ចុះតម្លៃផ្ទះនេះកើតមានឡើង បន្ទាប់ពីធនាគារកណ្ដាលដំឡើងអត្រាការប្រាក់។ ធនាគារកណ្ដាលអូស្ត្រាលី បានចាប់ផ្តើមដំឡើងអត្រាការប្រាក់ក្នុងឆមាសទី១ ដើមឆ្នាំ២០២២ ដោយលើកចុងក្រោយបានដំឡើងកន្លះពិន្ទុឈានដល់២,៣៥%ក្នុងខែនេះ។

ទន្ទឹមនេះ ធនាគារកណ្ដាលនៃប្រទេសនូវែលសេឡង់ ក៏បានដំឡើងអត្រាការប្រាក់ចំនួន៥ដងដែរក្នុងឆ្នាំនេះ ដោយធ្វើឱ្យអត្រាការប្រាក់ឡើងដល់៣%៕ South China Morning Post៕

ដោយ៖ សុផារី

សហរដ្ឋអាមេរិក៖ ជាមោទនភាព នៅក្នុងប្រទេសបង់ក្លាដែស មានការសាងសង់ផ្លូវមួយខ្សែ ដោយមានការដាក់ព្រះនាមព្រះករុណា សម្ដេចឪ នរោត្តម សីហនុ ហើយកម្ពុជានឹងសាងសង់ផ្លូវមួយខ្សែ ដោយដាក់ឈ្មោះ អតីតនាយករដ្ឋមន្ត្រីបង់ក្លាដែសផងដែរ។

នេះបើយោងតាមការបញ្ជាក់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសជួបពិភាក្សាទ្វេភាគីជាមួយ លោកស្រី Sheikh HASINA នាយករដ្ឋមន្រ្តីបង់ក្លាដែស នៅទីក្រុងញូវយ៉ក សហរដ្ឋអាមេរិក នៅសៀលថ្ងៃទី២២ ខែកញ្ញា ឆ្នាំ២០២២។

សម្ដេចតេជោ ហ៊ុន សែន ក៏បានថ្លែងអំណរគុណលោកជំទាវ ដែលបានសម្ពោធដាក់ឲ្យប្រើប្រាស់ផ្លូវមួយ ដែលដាក់ព្រះនាមព្រះករុណា សម្ដេចឪ នរោត្តម សីហនុ នៅប្រទេសបង់ក្លាដែស ហើយកម្ពុជា នឹងដាក់ឈ្មោះផ្លូវការផ្ដល់កិត្តិយសដល់ឪពុករបស់លោកជំទាវ ដែលចាត់ទុកជាបិតាស្ថាបនិករបស់ប្រទេសបង់ក្លាដែស ជាប្រធានាធិបតីទី១ និងក្រោយមកក្លាយជានាយករដ្ឋមន្ត្រី។

សម្ដេចតេជោ ហ៊ុន សែនក៏បានអបអរសាទរ ដែលបង់ក្លាដែស ដែសមានការសាងសង់ស្ពានមួយយ៉ាងវែង ក្រោមការដឹកនាំរបស់លោកជំទាវផ្ទាល់ ដែលឈ្មោះស្ពាន ផាត់ម៉ា ដែលមានប្រវែងជាង៦គីឡូម៉ែត្រ អាចប្រើបានទាំងរថយន្ត និងរថភ្លើង ហើយប្រើថវិការបស់ប្រទេសបង់ក្លាដែស ដែសសុទ្ធសាធ។

វិថីឈ្មោះ Park Road ដែលស្ថិតនៅតំបន់ការទូត Baridhara ក្នុងក្រុងដាក្កា ប្រទេសបង់ក្លាដែស ត្រូវបានប្តូរទៅជា “King Norodom Sihanouk Road” ហើយត្រូវបានសម្ពោធជាផ្លូវការ កាលពីថ្ងៃពុធ ទី២៦ ខែកុម្ភៈ ឆ្នាំ២០២០កន្លងមក។

ប្រទេសកម្ពុជា និងបង់ក្លាដេស បានភ្ជាប់ទំនាក់ទំនងគ្នានៅឆ្នាំ១៩៧៣។ ជាទំនាក់ទំនងដែលបង្កើតឡើងដោយ ព្រះករុណា ព្រះបាទ សម្តេចព្រះបរមរតនកោដ្ឋ នរោត្តម សីហនុ អតីតប្រមុខរដ្ឋកម្ពុជា និងអតីតប្រធានាធិបតីបង់ក្លាដេស លោក សេក្ខ មូជីបួរ រ៉ាម៉ាន់។ ចំណែកប្រទេសកម្ពុជា ក៏បានសម្រេចដាក់ឈ្មោះ លោក Bangabandhu SHEIKH MUJIB បិតាជាតិ របស់បង់ក្លាដេស លើវិថីមួយខ្សែ នៅរាជធានីភ្នំពេញផងដែរ៕

 ដោយៈ គង់ សូរិយា

       ភ្នំពេញៈ មន្រ្តីជាន់ខ្ពស់កម្ពុជា ថៃបានជួបពិភាក្សាគ្នា ដើម្បីសិក្សាពីផែនការតភ្ជាប់ប្រព័ន្ឋដឹកជញ្ជូន និងភស្តុភារកម្មនៃប្រទេសទាំងពីរ។

ជំនួបពិភាក្សានេះ ធ្វើឡើងរវាងលោកឈៀង ពេជ្រ អគ្គនាយក នៃអគ្គនាយកដ្ឋានភស្តុភារកម្ម នៃក្រសួងសាធារណការ និងដឹកជញ្ជូន និងលោកជំទាវ Arjaree Sriratanaban អគ្គនាយក នៃអគ្គនាយកដ្ឋានកិច្ចការអាស៊ីបូពា៍ នៃក្រសួងការបរទេសថៃ ដើម្បីសិក្សាអំពីផែនការតភ្ជាប់ប្រព័ន្ធដឹកជញ្ជូន និងភស្តុភារកម្មរវាងប្រទេសទាំងពីរ។

ក្នុងជំនួបទ្វេភាគីនេះ លោកអគ្គនាយក បានធ្វើបទបង្ហាញពីផែនការមេស្តីពី ការតភ្ជាប់ប្រព័ន្ធដឹកជញ្ជូនពហុមធ្យោបាយ និងភស្តុភារកម្ម (Intermodal Transport Connectivity and Logistics System Master Plan) ដែលក្រសួងសាធារណការ និងដឹកជញ្ជូន និងឧត្តមក្រុមប្រឹក្សាសេដ្ឋកិច្ចជាតិ កំពុងសហការរៀបចំ។

លោកអគ្គនាយកក៏បានជម្រាបជូនគណៈប្រតិភូថៃ អំពីវឌ្ឍនភាពនៃការសាងសង់ រចនាសម្ព័ន្ធច្រកទ្វារព្រំដែន CBF (Cross Border Facilities) នៅស្ទឹងបត់-បានណងអៀន ដែលជាប្រាក់កម្ចីរបស់រាជរដ្ឋាភិបាលថៃ និងការអភិវឌ្ឍប្រព័ន្ធហេដ្ឋារចនាសម្ព័ន្ធដឹកជញ្ជូន និងភស្តុភារកម្មនៅក្នុងក្របខ័ណ្ឌទូទាំងប្រទេសកម្ពុជាផងដែរ។

ភាគីទាំងពីរ ក៏បានពិភាក្សាផ្លាស់ប្តូរទស្សនៈយោបល់ ទៅលើនីតិវិធីក្នុងការបើកច្រកបណ្តោះអាសន្ន ស្ទឹងបត់-បានណងអៀន ដើម្បីកាត់បន្ថយការកកស្ទះនៅច្រកទ្វារអន្តរជាតិប៉ោយប៉ែត -អារញ្ញប៉ាថេត និងការបើកច្រកទ្វារអន្តរជាតិថ្មដា-តាសែនផងដែរ ក្នុងគោលបំណងធ្វើឱ្យប្រសើរឡើងនៃការតភ្ជាប់ និងជំរុញលំហូរនៃការដឹកជញ្ជូនទំនិញ និងអ្នកដំណើររវាងប្រទេ​សទាំងពីរឱ្យកាន់តែប្រសើរឡើង៕