ដោយៈវឌ្ឍនៈ

ភ្នំពេញៈ ក្រោយផ្អាកដំណើរការអស់មួយរយៈ ចាប់តាំងពីចុងឆ្នាំ២០១៩ ពោលគឺការចាកចេញរបស់ជនជាតិចិនពីកម្ពុជា ដោយសារតែបិទហ្គេមអនឡាញ គម្រោងមួយចំនួននៅក្រុងបាវិត នៃខេត្តស្វាយរៀងត្រូវបានមើឃើញថា ចាប់ផ្ដើមដំណើរការសាងសង់ឡើងវិញ និងរំពឹងថានឹងធ្វើឱ្យសកម្មភាព នៃវិស័យអចលនទ្រព្យក្នុងតំបន់នេះ ជាពិសេសដីធ្លីកម្រើកឡើងវិញដែរ។

លោកថា ថេង ប្រធានសាខានៃក្រុហ៊ុនអចលនទ្រព្យ Century 21 Zillion Holding ប្រចាំខេត្តស្វាយរៀងបានឱ្យដឹងថា មួយរយៈចុងក្រោយនេះ គម្រោងអភិវឌ្ឍន៍របស់ឯកជនមួយចំនួន ដែលបានផ្អាកដំណើរការកាលពីពេលកន្លងមកនេះ បានចាប់ផ្ដើមដំណើរការសកម្មភាព ឡើងវិញហើយ ដែលជាសញ្ញាវិជ្ជមាន សម្រាប់ការអភិវឌ្ឍនៅក្នុងខេត្តស្វាយរៀងជាពិសេសក្រុងបាវិត ។

លោកបន្តថា “គម្រោងអភិវឌ្ឍន៍ថ្មីៗ ក៏បានលេចចេញជារូបរាងនៅក្នុងទឹកដីនៃខេត្តស្វាយរៀង ទាំងប៉ែកខាងកើតនិងខាងលិចទន្លេវ៉ៃគោ ដែលបានជំរុញឱ្យតម្លៃដីធ្លី នៅក្នុងខេត្តមានសន្ទុះបន្ថែមមួយកម្រិតទៀត”។លោក​បន្តថា “បច្ចុប្បន្នតម្លៃដីធ្លីនៅប៉ែកខាងលិច ទីរួមខេត្តស្វាយរៀង នៅតាមបណ្ដោយផ្លូវជាតិលេខ១ អាចមានតម្លៃចន្លោះពី១០០ដុល្លារ ទៅ២៥០ដុល្លារអាមេរិកក្នុងមួយការ៉េ។ នេះគឺនិយាយតែដីដែលមិនទាន់ចាក់បំពេញឬដីដែលមិនទាន់ស្អាតនៅឡើយទេ ហើយសម្រាប់ដីដែលបានចាក់បំពេញរួចរាល់ គឺតម្លៃរបស់វាមានតម្លៃខ្ពស់ជាងនេះបន្ថែមទៀត”។

លោកថា ថេងបានបន្តទៀតថា បើនិយាយពីដីដែលនៅក្នុងទីរួមខេត្ត ក៏មានតម្លៃចន្លោះជុំវិញ១០០០ដុល្លារអាមេរិក ក្នុងមួយម៉ែត្រការ៉េ ពីព្រោះ បច្ចុប្បន្ននេះទីរួមខេត្ត ក៏មានការអភិវឌ្ឍលឿនរហ័សដែរ ។ ដោយឡែកដីនៅក្រុងបាវិត ជាដីដែលមានតម្លៃខ្ពស់ ក្នុងចំណោមតំបន់នានាក្នុងខេត្តស្វាយរៀង។ ក្នុងនោះវាមានតម្លៃជាង១០០០ដុល្លារអាមេរិក ក្នុងមួយម៉ែត្រការ៉េ ស្របនឹងតំបន់នោះ ជាតំបន់ឧស្សាហកម្ម ពាណិជ្ជកម្ម និងសេវាកម្ម។

លោកបានបន្ថែមថា កត្តាមួយចំនួនបានធ្វើឱ្យតម្លៃដីធ្លី ហក់ឡើងមួយកម្រិតទៀតមែន តែវាមិនហក់ឡើងខ្ពស់ណាស់ណាទេ ក្នុងនោះមានកត្តា ការអភិវឌ្ឍឡើងវិញ នៃគម្រោងដែលទុកចោលមួយរយៈ កន្លងមកនេះ គម្រោងអភិវឌ្ឍន៍របស់ឯកជន បានចូលទៅកាន់ទឹកដី ខេត្តស្វាយរៀង ដូចជាគម្រោងអភិវឌ្ឍន៍លំនៅឋាន ដែលមានលក្ខណៈជាបុរី គម្រោងអភិវឌ្ឍន៍ដីឡូត៏ និងគម្រោងឧស្សាហកម្មធំៗ នៅក្នុងក្រុងបាវិតជាដើម ។

ជាមួយគ្នានេះ លោកឧកញ៉ា នួន រឹទ្ធីប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ KFA ក៏បានលើកឡើងផងដែរថា គម្រោងផ្លូវល្បឿនលឿនភ្នំពេញ បាវិត ក៏បានធ្វើឱ្យវិនិយោគិនចាប់អារម្មណ៍ លើការវិនិយោគក្នុងទឹកដីខេត្តព្រៃវែង និងស្វាយរៀងផងដែរ ហើយគម្រោងនេះក៏បានជំរុញឱ្យមានការស្វែងរកទិញដីទុក ដើម្បីវិនិយោគនិងអភិវឌ្ឍន៍នៅពេលអនាគត ផងដែរ។

ចំណែកលោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានឱ្យដឹងផងដែរថា ការវិនិយោគអចលនទ្រព្យក្នុងស្ថានភាពបែបនេះ មានតែពឹងលើវិនិយោគិនក្នុងស្រុកយើងទេ ដែលអាចជួយរក្សាកំណើននៃវិស័យនេះ ឱ្យមានសន្ទុះទៅមុខបន្តទៀត ស្របនឹងវិនិយោគិ​នបរទេស នៅតែបន្តមានការរារាំងពីកត្តាមួយចំនួន៕

By Amrita Paul

The Lao government has consented to a feasibility study for the construction of a 220 km railway route from Savannakhet province to Lao Bao, which is situated in Quang Tri province, Vietnam, near the Lao border.

Jiangsu Hengtong Construction Engineering Co., Ltd. has been asked to carry out a study on the construction of a railway line linking the two neighboring countries. Deputy Minister of Planning and Investment, Mr Sathabandith Insysiengmai, and company President Mr Dai Kang Fu signed a Memorandum of Understanding (MOU) to go ahead with the study last week.

A similar project attempting to connect Savannakhet province to Lao Bao began in 2013 but failed to come to fruition.

Mr Sonesack N. Nhansana, a former Deputy Director General of the Lao Railway Department, and the coordinator of the Savannakhet-Lao Bao railway project, said the project would cost around USD 5 million, if approved. It will take two years to wrap up the feasibility study and the next three years to complete construction.

The construction company has also requested the government for a concession to build four large and seven small stations on 4,100 hectares of land along the railway line.

A feasibility study is also underway for a railway project connecting Vientiane Capital with Thakhek, in Khammouane Province before reaching Vietnam.

Source: Laotian Times

ដោយ៖ វឌ្ឍនៈ

ភ្នំពេញ ៖ មួយរយៈក្រោយចុងក្រោយនេះ រដ្ឋាភិបាលកម្ពុជាបានអភិវឌ្ឍហេដ្ឋារចនាសម្ព័ន្ធជាច្រើន និងសុទ្ធតែជាសមិទ្ធផលធំៗ សម្រាប់ប្រទេសកម្ពុជា ក្នុងនោះ តំបន់សមុទ្រត្រូវបានរាជរដ្ឋាភិបាលយកចិត្តទុកដាក់អភិវឌ្ឍន៍ជាអាទិភាព។

ជាក់ស្ដែង កំពតនិងកែប ជាតំបន់មានការទាក់ទាញមួយលើការវិនិយោគអចលនទ្រព្យ ក្រោយគម្រោងមួយចំនួនបានចេញ និងកំពុងត្រៀមអភិវឌ្ឍន៍នៅពេលខាងមុខ។

គម្រោងដែលតភ្ជាប់ទៅកាន់ខេត្តកំពតនិងកែប មានផ្លូវជាតិលេខ៣ ត្រូវបានអភិវឌ្ឍនិងលើកកម្ពស់កាន់តែងាយស្រួលធ្វើដំណើរជាងមុន និងផ្លូវជាតិលេខ៤១ តភ្ជាប់ពីផ្លូវជាតិលេខ៤ត្រង់ចំណុចថ្នល់ទទឹងទៅផ្លូវជាតិលេខ៣ ត្រង់ចំណុចចំណោតលោកយាយម៉ៅ ក៏កំពុងមានគម្រោងការជួសជុលលើកកម្ពស់ឡើងវិញ។ ក្រៅពីនេះ ផ្លូវជាតិលេខ៣១និងផ្លូវជាតិលេខ៣៣ ក៏ត្រូវបានដាក់ក្នុងផែនការ ដើម្បីជួសជុលកែលម្អជាថ្មី ដូច្នេះផ្លូវទៅកាន់តំបន់សមុទ្រ ខេត្តកែប និងកំពតកាន់តែមានភាពងាយស្រួល និងទាក់ទាញដល់ការវិនិយោគបន្ថែមទៀតផងដែរ។

លោក ងិន ភារម្យ ភ្នាក់ងារអចលនវត្ថុមួយរូបប្រចាំខេត្តកែប និងកំពតបានលើកឡើងថា បច្ចុប្បន្ននេះ អ្នកពីភ្នំពេញ និងពីបណ្ដាខេត្តនានា ដែលចង់មកលេងខេត្តកំពត កែប កាន់តែមានភាពងាយស្រួលក្នុងការធ្វើដំណើរហើយកត្តាទាំងនេះ នឹងជំរុញឱ្យពលរដ្ឋពីបណ្ដាខេត្តផ្សេងៗ និងពលរដ្ឋនៅភ្នំពេញ ស្វែងរកដីធ្លីក្នុងខេត្តកំពត សម្រាប់ទុកលក់ចំណេញ ឬក៏អ្នកខ្លះទៀតទិញ ដើម្បីទុកសង់ផ្ទះលំហែកាយ សម្រាប់មកលេងម្ដងម្កាល ពេលឈប់សម្រាក ជាពិសេសពលរដ្ឋរស់នៅភ្នំពេញ ។

លោកបន្តថា ការវិនិយោគនៅក្នុងខេត្តកំពតនិងកែប នាពេលបច្ចុប្បន្ននេះ ភាគច្រើន ផ្ដោតទៅលើទេសចរណ៍ ដូចជា ផ្ទះលំហែ ផ្ទះសំណាក់ សណ្ឋាគារ ភោជនីយដ្ឋាន និងតំបន់រមណីយដ្ឋាន ជាដើម ដោយឡែក សំណង់ផ្សេងទៀតមានដែរ ក្នុងកម្រិតតិចតួច។

លោករំពឹងថា ការអភិវឌ្ឍហេដ្ឋារចនាសម្ព័ន្ធបន្ថែម តភ្ជាប់ពីភ្នំពេញទៅកាន់ខេត្តកំពត និងកែបនឹងនាំមកនូវការវិនិយោគដីធ្លី និងសំណង់ នៅក្នុងខេត្តទាំងពីរនេះបន្ថែមទៀត ស្របជាមួយនឹងរដ្ឋបាលខេត្តទាំងពីរក៏កំពុងរៀបចំរចនាសម្ព័ន្ធ និងកន្លែងកម្សាន្តថ្មីៗនៅក្នុងខេត្ត ដើម្បីទាក់ទាញទេសចរណ៍ផងដែរ។

លោក ជិន ណារិន នាយកក្រុមហ៊ុន Sunshine Real Estate   ក៏បានឱ្យដឹងដែរថា ស្របនឹងរដ្ឋាភិបាលក៏ដូចជាក្រសួងបានអភិវឌ្ឍន៍ហេដ្ឋារចនាសម្ព័ន្ធពីភ្នំពេញ និងបណ្ដាខេត្តនានាចូលមកកាន់កំពតនិងកែបហើយ រដ្ឋបាលខេត្តក៏បានខិតខំអភិវឌ្ឍន៍ហេដ្ឋារចនាសម្ព័ន្ធក្នុងខេត្តបន្ថែម។

លោកជឿជាក់ថា នឹងធ្វើឱ្យខេត្តទាំងពីរកាន់តែមានការទាក់ទាញ ជាពិសេសរំពឹងថា តម្លៃដីធ្លីនឹងកើនឡើងជាបន្តបន្ទាប់ ជាមួយនឹងសកម្មភាពទិញលក់ក៏រំពឹងថានឹងកើនឡើងដូចគ្នា។

លោក ប៉ូ អ៊ាវគង់ នាយកប្រតិបត្តិនៃក្រុមមហ៊ុនAdvance ក៏បានលើកឡើងថាការអភិវឌ្ឍផ្លូវពីភ្នំពេញ ទៅកំពតវាមិនត្រឹមតែផ្ដល់សក្ដានុពលនៅក្នុងខេត្តកំពតប៉ុណ្ណោះទេ តែតំបន់នៅតាមបណ្ដោយផ្លូវនោះ ក៏នឹងមានសក្ដានុពលទាក់ទាញការវិនិយោគផងដែរ។

លោកបន្តថា ក្នុងនោះ យើងបានឃើញថាតំបន់នៅតាមបណ្ដោយផ្លូវជាតិលេខ៣មានការទាក់ទាញខ្លាំងជាងមុនទៅលើឧស្សាហកម្ម រោងចក្រសហគ្រាស និងស្ថានីយ៍ប្រេងឥន្ធនៈជាដើម ដែលធ្វើឱ្យតម្រូវការនៃការប្រើប្រាស់ដីធ្លី នៅតាមបណ្ដោយផ្លូវជាតិលេខ៣ កាន់តែមានសន្ទុះបន្ថែម៕

  ដោយៈ គង់ សូរិយា

       ភ្នំពេញៈ មន្រ្តីជាន់ខ្ពស់ក្រសួងសាធារណៈការបានបង្ហើបឲ្យដឹងថា ការសិក្សាលម្អិតនៃគម្រោងបង្កើត ប្រព័ន្ធដឹកជញ្ជូនផ្លូវទឹកថ្មីមួយខ្សែ តាមដងទន្លេបាសាក់ តភ្ជាប់កំពង់ផែភ្នំពេញ ទៅកំពង់ផែកែប កំពត និងព្រះសីហនុ គ្រោងនឹងបញ្ចប់នៅខែវិច្ឆិកា ខាងមុខនេះ។

លោកទេសរដ្ឋមន្រ្តីស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូនបានមានប្រសាសន៍ឲ្យដឹង កាលពីថ្ងៃទី២១ កញ្ញាកន្លងមកថា ក្រោ​យការសិក្សាបញ្ចប់នៅអំឡុងតែតុលា ឬវិច្ឆិកា ក្រសួងនឹងពិភាក្សាជាមួ​យស្ថាប័នពាក់ព័ន្ធថាធ្វើបាន ឬមិនបាន ចំណញឬ មិនចំណេញ ហើយប៉ះពាល់អ្វីខ្លះ មុននឹងដាក់ឆ្លងទៅសម្ដេចនាយករដ្ឋមន្រ្តីហ៊ុន សែនសម្រេចចុងក្រោយ។

លោកបន្តថា ចំងាយពីព្រែកអំបិល(ខេត្តកណ្ដាល) ទៅកាន់ខេត្តកែប មានប្រវែងប្រមាណ១៦៨គម ហើយជាក់ស្ដែង ទន្លេបាសាក់យើងគឺមានទឹកស្ទើរគ្រប់កន្លែង យើងត្រូវស្ដាជីកបន្ថែមចំពោះកន្លែងខ្លះប៉ុណ្ណោះ។ ចំណុ​ចដែលយើងត្រូវធ្វើថ្មី គឺការជីកព្រែក៧គម ដើម្បីភ្ជាប់ទៅកំពង់ផែកែប។

គម្រោងនេះអនុម័តដោយរដ្ឋាភិបាល ការដឹកជញ្ជូននឹងមានភាពងាយស្រួលនឹងរហ័សជាងមុន ដោយមិនចាំបាច់ដឹកជញ្ជូនទំនិញចេញទៅវៀតណាម តាមច្រកក្អមសំណទេ តែដឹកពីភ្នំពេញទៅដល់កែប រួចបន្ដទៅកំពត និងខេត្តព្រះសីហនុតែម្ដង។

ការសិក្សាលើគម្រោងនេះ ជាការសហការរវាងក្រសួងសាធារណការ និងដឹកជញ្ជូន និងក្រុមហ៊ុនជំនាញចិននៃក្រុមហ៊ុនCRBC។

ក្នុងករណីគម្រោងនេះ ធ្វើបានកម្ពុជាក៏នឹងមានផែយុទ្ធសាស្រ្ត នៅស្រុកស្អាង នៅខេត្តតាកែវ និងនៅកែប៕

ដោយៈសុផារី

ភ្នំពេញៈ គម្រោងរថភ្លើងក្រោមដី នៅក្នុងរាជធានីភ្នំពេញ ត្រូវបានបញ្ចប់ការសិក្សា រួចរាល់ស្ទើតែទាំងស្រុងហើយ ខណៈក្រសួងសាធារណការ និងដឹកជញ្ជូនបាន និងកំពុងស្វះស្វែងរកអ្នកវិនិយោគ ដើម្បីមកបណ្តាក់ទុនលើគម្រោងដ៏ធំមួយនេះ។

លោកទេសរដ្ឋមន្រ្តីស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានមានប្រសាសន៍ កាលពីថ្ងៃទី២១ កញ្ញា ឆ្នាំ២០២២ម្សិលមិញថា គម្រោងរថភ្លើងក្រោមដី នៅក្នុងរាជធានីភ្នំពេញ បានបញ្ចប់ការសិក្សារួចរាល់ស្ទើតែទាំងស្រុងហើយ ហើយនាពេលនេះក្រសួងសាធារណការបាន និងកំពុងស្វះស្វែងរកអ្នកវិនិយោគ ដើម្បីមកបណ្តាក់ទុនលើគម្រោងដ៏ធំមួយនេះ។

លោកបានបញ្ជាក់ថា “គម្រោងរទេះភ្លើងក្រោមដី ក្រុមហ៊ុនក៏បានសិក្សាចប់សព្វគ្រប់ដែរ។ ទីក្រុងមួយ ដែលមានប្រជាពលរដ្ឋជាង២លាននាក់ យើងត្រូវការរទេះភ្លើង”។ លោកបន្តថា “សម្តេចតេជោ ហ៊ុន សែន សម្រេចចិត្តជ្រើសរើសយកផ្លូវរថភ្លើងនៅក្រោមដី ដោយសារនៅខាងលើ វាទើសភ្នែក និងមិនដឹងថាកន្លែងណាទេស្ថានីយ”។

លោកបញ្ជាក់ទៀតថា “រហូតមកដល់ពេលនេះ ក្រសួងសាធារណការ និងដឹកជញ្ជូន សហការជាមួយក្រុមហ៊ុនCCCC បានបញ្ចប់ការសិក្សាលើគម្រោងមួយនេះរួចរាល់មួយផ្នែកធំហើយ ហើយក្រសួងបានផ្តល់ជាអនុសាសន៍ដល់ក្រុមហ៊ុន ដើម្បីកែសម្រួល”។

លោករដ្ឋមន្ត្រីបានបន្ថែមថា ស្របពេលជាមួយគ្នានេះ ក្រសួងសាធា​រណការនិងដឹកជញ្ជូន បាននិងកំពុងតែស្វះស្វែងរកអ្នកវិនិយោគ ដើម្បីមកបណ្តាក់ទុន ក្នុងការកសាងរទេះភ្លើងក្រោមដី នៅក្នុងរាជធានីភ្នំពេញ។

ក្រុមហ៊ុនគមនាគមន៍ និងសំណង់នៃប្រទេសចិនCCCC (China Communications Construction Company Limited) គឺជាក្រុមហ៊ុនមេនៃក្រុមហ៊ុន សាជីវកម្មស្ពានថ្នល់ចិន CRBC (China Road and Bridge Corporation) ដែលសាងសង់ផ្លូវល្បឿនលឿនភ្នំពេញ ក្រុងព្រះសីហនុ៕

ដោយ៖ សូរិយា

ភ្នំពេញ៖ ថ្មីៗនេះ ក្រុមហ៊ុន ជីប ម៉ុង បានបង្ហើបពីការបង្ហាញខ្លួននៃសណ្ឋាគារលំដាប់ពិភពលោក ហ្វែរហ្វៀល បាយម៉ារៀត ភ្នំពេញ (Fairfield by Marriott) នៅដើមឆ្នាំ២០២៣នេះ ដោយសណ្ឋាគារលំដាប់ផ្កាយបីនេះ នឹងមានទីតាំងស្ថិតនៅលើអគារ៤៥ជាន់ ជីប ម៉ុង ថៅវើ ដែលកំពុងលេចខ្ពស់ត្រដែតដ៏ស្កឹមស្កៃ នៅតំបន់ទួលគោក រាជធានីភ្នំពេញ។

សណ្ឋាគារដ៏ប្រណីតនេះ គ្របដណ្ដប់១៩ ជាន់ខាងលើនៃអគារ២៣០លានដុល្លារ ជីប ម៉ុង ថៅវើ មានបន្ទប់ស្នាក់នៅស្ដង់ដាអន្តរជាតិរហូតដល់ទៅ៣០០ បន្ទប់ ដែលអាចឲ្យភ្ញៀវគយគន់ទេសភាពដ៏ស្រស់ត្រកាលនៃរាជធានីភ្នំពេញពីលើអាកាសរាប់រយម៉ែត្រ ក៏ដូចជាមានសាលប្រជុំទំនើប ភោជនីយដ្ឋានប្រណីត ស្កាយបារ៍ កន្លែងហាត់ប្រាណ អាងហែលទឹក និងបរិក្ខារផ្សេងៗទៀត។

អ្វីដែលពិសេស គឺសណ្ឋាគារស្ថិតនៅក្នុងអគារពាណិជ្ជកម្មចម្រុះអន្តរជាតិ ដែលនឹងមាន ផ្សារទំនើបប្រណីតរបស់ ជីប ម៉ុង រីថែល ការិយាល័យធ្វើការទំនើប ដែលនឹងជួយពង្រីកសក្ដានុពលរបស់សណ្ឋាគារនេះមួយកម្រិតទៀត។

អ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង បានថ្លែងថា ក្រោមភាពជាដៃគូជាមួយក្រុមហ៊ុន Marriott International ដែលជាក្រុមហ៊ុនវិនិយោគលើវិស័យសណ្ឋាគារធំជាងគេមួយក្នុងពិភពលោក ក្រុមហ៊ុន ជីប ម៉ុង ពិតជារំភើបដែលសណ្ឋាគារ Fairfield by Marriott ដំបូងគេនៅកម្ពុជា នឹងលេចជារូបរាងឡើង ក្នុងពេលឆាប់ៗនេះ។

អ្នកឧកញ៉ាបានបន្ថែមថា វត្តមានរបស់សណ្ឋាការនេះ នឹងជាសក្ខីភាពឆ្លុះបញ្ចាំងពីការអភិវឌ្ឍឥតឈប់ឈរ និងការចូលរួមរបស់ក្រុមហ៊ុន ជីប ម៉ុង ក្នុងវិស័យបដិសណ្ឋារកិច្ច វិស័យទេសចរណ៍ ជាពិសេសនឹងក្លាយជាទីតាំងដ៏ស័ក្តិសមបំផុតសម្រាប់ស្វាគមន៍ភ្ញៀវទេសចរ និងធុរកិច្ច ជាពិសេសសម្រាប់ព្រឹត្តិការណ៍កីឡាស៊ីហ្គេម នៅឆ្នាំ២០២៣ ខាងមុខនេះ។

លោក Jakob HELGEN អនុប្រធានតំបន់នៃក្រុមហ៊ុនអាមេរិក Marriott International ប្រចាំនៅប្រទេស ថៃ វៀតណាម កម្ពុជា និងប្រទេសមីយ៉ាន់ម៉ា ក៏បានបង្ហាញទំនុកចិត្តខ្ពស់ក្នុងការ ពង្រីកវត្តមានរបស់សណ្ឋាគារយីហោ Fairfield by Marriott នៅកម្ពុជាដែលមានចរន្តសេដ្ឋកិច្ចដ៏រឹងមាំ។

ក្រុមហ៊ុន ជីប ម៉ុង បានចុះហត្ថលេខាលើកិច្ចព្រមព្រៀងជាមួយក្រុមហ៊ុន Marriott International កាលពីឆ្នាំ២០១៧ និងបានចាប់ផ្ដើមការដ្ឋានសាងសង់នៅឆ្នាំ២០១៩ ។ សណ្ឋាគារនេះ ស្ថិតនៅតាមបណ្ដោយមហាវិថីសហព័ន្ធរុស្សី ក្បែរស្ពានអាកាសប្រាំមករា។ Fairfield by Marriott នឹងត្រៀមបើកទ្វារស្វាគមន៍អតិថិជននៅដើមឆ្នាំ ២០២៣ តាមការគ្រោងទុក៕