ដោយ វឌ្ឍនា

ភ្នំពេញ ៖ ផ្លូវជាតិលេខ៧១C ដែលតភ្ជាប់ពីផ្លូវជាតិលេខ៧ ស្រុកត្បូងឃ្មុំ ខេត្តត្បូងឃ្មុំ ដល់ផ្លូវជាតិលេខ៧១ ស្រុកចំការលើខេត្តកំពង់ចាម ប្រវែង១១៥គីឡូម៉ែត្រ ត្រូវបានប្រើប្រាស់ថវិកាសាងសង់ប្រមាណ១៣០លានដុល្លារអាមេរិក នឹងគ្រោងបញ្ចប់នៅខែតុលាឆ្នាំ២០២៤ខាងមុខ ។

យ៉ាងណាក្ដីរដ្ឋមន្ត្រីក្រសួងសាធារណការនិងដឹកជញ្ជូនលោកស៊ុន ចាន់ថុល រំពឹងផ្លូវនេះនឹងសាងសង់រួចមុនកាលកំណត់ ។

មានប្រសាសន៍នៅក្នុងឱកាសចុះពិនិត្យសកម្មភាពសាងសង់នៅថ្ងៃទី២០ មិថុនា ២០២២ លោកស៊ុនចាន់ថុលបានឱ្យដឹងថា តាមរយៈសកម្មភាពសាងសង់របស់ក្រុមហ៊ុនចិន លើគម្រោងផ្លូវជាតិលេខ៧១C លោកជឿជាក់ថាក្រុមហ៊ុននេះ នឹងធ្វើឱ្យចប់មុនកាលកំណត់គឺខែតុលា២០២៤ ដោយបច្ចុប្បន្ននេះ ក្រុមហ៊ុនសាងសង់សម្រេចបានប្រមាណ៣៧ភាគរយហើយ ខណៈការប្រើប្រាស់ពេលវេលាក្នុងការសាងសង់ប្រមាណ៣៥ភាគរយផងដែរ ដូច្នេះទាំងពេលវេលានិងការងារដែលបានធ្វើគឺប្រហាក់ប្រហែលគ្នា ។

លោកបន្តថា ស្របពេលនឹងការងារសាងសង់នេះដែរ យើងក៏បានតាមដានលើការងារនេះជាប្រចាំ តាំងពីការបុកគ្រឹះ រហូតដល់ចាក់កៅស៊ូ មិនមែនទាល់តែចាក់កៅស៊ូហើយ ទើបយើងទៅតាមដាននិងពិនិត្យ ហើយបើសិនជាមិនពេញចិត្តតម្រូវឱ្យបុកគ្រឹះជាថ្មីនឹងខាតពេលវេលាកាន់តែច្រើន ។

លោកបន្ថែមថា កំណាត់ផ្លូវជាតិ៧១Cនេះដែរក៏មានកន្លែងដែលត្រូវរងគ្រោះដោយសារទឹកជំនន់ដែរ ដូច្នេះ យើងក៏បានគិតគូរធ្វើឱ្យយ៉ាងណាលើកកម្ពស់ផ្លូវឱ្យរួចផុតពីទឹក និងបានសង់ស្ពានដើម្បីបង្ហូរទឹក ពីព្រោះនៅតំបន់ខ្លះទឹកបុកមកខ្លាំងបើមិនធ្វើឱ្យបានត្រឹមត្រូវទេនោះ វានឹងឆាប់ខូចខាតហើយត្រូវជួសជុលនិងធ្វើជាថ្មី ។

សម្ដេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ក៏បានថ្លែងប្រាប់ឱ្យរដ្ឋមន្ត្រីក្រសួងសាធារណការនិងដឹកជញ្ជូនឱ្យសិក្សាលើការសងនិងពង្រីកផ្លូវធំៗតភ្ជាប់ពីបណ្ដាខេត្តនានាទៅកាន់តំបន់ច្រកព្រំដែនអន្តរជាតិកម្ពុជា វៀតណាម ដើម្បីសម្រួលដល់ការដឹកជញ្ជូនទំនិញចេញចូលប្រទេស ជម្រុញដល់ការធ្វើពាណិជ្ជកម្មរវាងប្រទេសកម្ពុជានិងវៀតណាម ៕

Bangkok: Many massage parlors in Bangkok have been turned into residences, offices or hotels as the Covid-19 pandemic has either resulted in properties being seized or operators selling off.

Share this article

Bangkok’s massage parlors repurposed as squeaky-clean condos, offices

Even though entertainment venues, including massage parlors, have been allowed to operate, not many have been commercially viable due to a drop in customers and insufficient funds.

Many real-estate developers have purchased massage parlors to turn them into residential units, office buildings or hotels as they are in the center of town with easy access to transport. Closed down massage parlors are also attractive to developers because land in downtown Bangkok is running low and is very expensive.

For instance, the Chaophya 2 Bath and Massage in Phya Thai district has been turned into an office complex after the business shut down at the beginning of the year, a Bangkok Metropolitan Administration source said.

The source added that only some 100 of more than 500 massage parlors in the capital are still surviving.

Meanwhile, the Agency for Real Estate Affairs managing director Wasan Kongchan said more than 80 per cent of massage parlor operators have sold off their venues because their business came to a standstill due to the Covid-19 pandemic.

By : THE NATION

ដោយ៖ សុខុម

បាងកក: ហាងម៉ាស្សាជាច្រើនក្នុងក្រុងបាងកក ប្រទេសថៃ បានរលាយបាត់ខ្លួនម្ដងមួយៗស្ទើរតែអស់ ដោយសារវាត្រូវបានប្រែក្លាយទៅជាលំនៅដ្ឋាន ការិយាល័យ ឬសណ្ឋាគារជាដើម នៅពេលវិបត្តិកូវីដ-១៩ បានបង្ខំឱ្យហាងម៉ាស្សាខ្លះបិទទ្វារ ឬម្ចាស់ហាងលក់ទីតាំងតែម្ដង។

ទោះបីជាកន្លែងកម្សាន្តនានា រួមទាំងហាងម៉ាស្សាផង ត្រូវបានអនុញ្ញាតឱ្យដំណើរការក្ដី ក៏ហាងតិចតួចណាស់នៅក្រុងបាងកក ដែលអាចទប់ការខាតរួច ដោយសារការធ្លាក់ចុះភ្ញៀវ និងថវិកាមិនគ្រប់គ្រាន់សម្រាប់បើកបន្ត។ នេះបើយោងតាមសារព័ត៌មាន The Nation ចុះផ្សាយនៅថ្ងៃច័ន្ទ ទី២០ ខែមិថុនា នេះ។

ដោយសម្លឹងឃើញឱកាសអំណោយផល ក្រុមហ៊ុនអភិវឌ្ឍន៍អចលនទ្រព្យជាច្រើនបានសម្រុកទិញយកហាងម៉ាស្សា ដើម្បីប្រែក្លាយវាទៅជាអគារលំនៅដ្ឋាន អគារការិយាល័យ ឬសណ្ឋាគារ ព្រោះហាងទាំងនោះមានទីតាំងនៅកណ្តាលក្រុង ដែលងាយស្រួលធ្វើដំណើរចេញចូល។

ហាងម៉ាស្សាដែលបិទចោលក៏មានភាពទាក់ទាញ សម្រាប់បណ្ដាក្រុមហ៊ុនអភិវឌ្ឍន៍ផងដែរ ខណៈដីធ្លីនៅកណ្តាលទីក្រុងបាងកក កាន់តែរួចតិចទៅៗ និងមានតម្លៃថ្លៃខ្លាំង។

ប្រភពមួយចេញពីរដ្ឋបាលក្រុងបាងកក បានទម្លាយឱ្យដឹងថា ក្នុងចំណោមហាងម៉ាស្សាជាង៥០០ទីតាំងនៅក្រុងបាងកក មានតែប្រមាណ១០០ទីតាំងប៉ុណ្ណោះ ដែលនៅតស៊ូបើកដំណើរការទាំងត្រដាបត្រដួស។

ទន្ទឹមនេះ លោក Wasan Kongchan នាយកគ្រប់គ្រងទីភ្នាក់ងារអចលនទ្រព្យថៃ Real Estate Affairs បានគូសបញ្ជាក់ថា ជាង៨០%នៃហាងម៉ាស្សាបានបង្ខំចិត្តបិទទ្វារ ឬលក់ទីតាំងរបស់ខ្លួនដោយសារការរកស៊ីមិនអាចដំណើរការទៅមុខ ដោយសារក៏ព្រោះតែវិបត្តិកូវីដ-១៩៕

ដោយ៖ សហការី

ភ្នំពេញ ថ្ងៃទី១៩ ខែមិថុនា ឆ្នាំ២០២២៖ បុរី ណាឌីបានបើកសម្ពោធវីឡាព្រីនសេសថ្មីដែលជាវីឡាទោលដ៏ប្រណីតថ្មីមួយនៅក្នុងប្រទេសកម្ពុជា ដែលមានដីទូលាយនៅជុំវិញគេហដ្ឋាននៅថ្ងៃអាទិត្យ ទី១៩ ខែមិថុនា ឆ្នាំ២០២២ នៅការិយាល័យលក់បុរី ណាឌី។

នៅក្នុងកម្មវិធីនេះផងដែរ លោកលូ អ៊ីឆាង ដែលជាប្រធានផ្នែកលក់ និងអភិវឌ្ឍអាជីវកម្មនៃបុរី ណាឌីបានធ្វើបទបង្ហាញអំពីវីឡា ព្រីនសេសថ្មីរបស់បុរី ណាឌី និងជម្រាបអំពីអត្ថប្រយោជន៍ ដែលមិនធ្លាប់បានឃើញពីមុនមក សម្រាប់ម្ចាស់វីឡាព្រីនសេសបុរី ណាឌី។

បុរី ណាឌី គឺជាសហគមន៍ដ៏ប្រណិត ដែលមានទីតាំងស្ថិតនៅក្នុងខណ្ឌជ្រោយចង្វារ នៃរាជធានីភ្នំពេញ និងជាគម្រោង ដែលមានការទទួលស្គាល់យ៉ាងទូលំទូលាយ ថាជាគម្រោង ដែលត្រូវបានបង្កើតឡើងដោយក្រុមហ៊ុនអភិវឌ្ឍន៍ ដែលប្រកបដោយការយកចិត្តទុកដាក់ខ្ពស់បំផុត នៅក្នុងប្រទេសកម្ពុជា គឺ ជីស៊ីស៊ីគ្រុប។

បុរី ណាឌី គឺជាសហគមន៍តែមួយគត់ នៅក្នុងប្រទេសកម្ពុជា ដែលបានបង្កើតនូវសេវាកម្មដ៏ល្អ សម្រាប់បម្រើដល់ម្ចាស់លំនៅឋានទាំងអស់ហៅថា “ណាឌីឃែរ” ដែលរួមមានសេវាកម្មមូលដ្ឋានចំនួន៣ និងសេវាកម្មពិសេសបន្ថែមចំនួន៩ផ្សេងទៀត។

បុរី ណាឌី​ មានភាពលេចធ្លោក្នុងការអភិវឌ្ឍទីធ្លាព្រមជាមួយនឹងការរចនាទេសភាពប្រកបដោយភាពច្នៃប្រឌិត ដែលរៀបចំឡើងដោយក្រុមស្ថាបត្យករអន្តរជាតិ ដែលដើរតួយ៉ាងសំខាន់ ក្នុងការធ្វើឲ្យគម្រោងទាំងមូលមានភាពខុសប្លែកពីគម្រោងដទៃ។

លោក លូ អ៊ីឆាង ប្រធានផ្នែកលក់ និងអភិវឌ្ឍអាជីវកម្មនៃបុរី ណាឌីបានមានប្រសាសន៍ថា “ហេតុផល និងគោលបំណងដែលជម្រុញឲ្យពួកយើងធ្វើការរចនាវីឡាទោលប្រភេទនេះ ដោយសារតែពួកយើងចង់ផ្ដល់ជូននូវគេហដ្ឋាន ដែលមាននូវមុខងារសម្បូរបែបគ្រប់ប្រភេទ នៅក្នុងគេហដ្ឋានសម្រាប់ឲ្យលោកអ្នកធ្វើការប្រើប្រាស់ទីធ្លាទាំងអស់ នៅក្នុងគេហដ្ឋានប្រកបដោយប្រសិទ្ធិភាព។ យើងជឿជាក់ថាគេហដ្ឋានទាំងអស់មានសារៈសំខាន់ណាស់ នៅក្នុងការរស់នៅប្រចាំថ្ងៃរបស់អ្នក ដូច្នេះហើយទើបពួកយើងស្វះស្វែងរកវិធី ដែលអាចផ្ដល់ជូននូវបទពិសោធន៍ នៃការរស់នៅដ៏ល្អឥតខ្ចោះ សម្រាប់ម្ចាស់គេហដ្ឋាន ដែលរួមបញ្ចូលនូវម្លប់ និងពន្លឺគ្រប់គ្រាន់ លំហូរខ្យល់ធម្មជាតិ និងការផ្សារភ្ជាប់ជាមួយនឹងធម្មជាតិ”។

តាមការកំណត់ជាទូទៅ ប្រភេទវីឡាទោលនៅកម្ពុជា គួរតែមាននូវទីធ្លាដីទំនេរនៅជុំវិញផ្ទះ ហើយវីឡាព្រីនសេស គឺជាប្រភេទគេហដ្ឋានដែលសាកសមជាវីឡាទោលដ៏ពេញលេញមួយដែលផ្ដល់ជូននូវទីធ្លាដ៏ធំទូលាយនៅជុំវិញគេហដ្ឋាន ដូច្នេះហើយលោកអ្នកអាចស្នាក់នៅក្នុងគេហដ្ឋានដែលមានឯកជនភាព និងពោរពេញដោយធនធានសម្បូរបែបសម្រាប់ក្រុម គ្រួសាររបស់អ្នក” លោកលូ បានបន្ថែម។

លោក លូ អ៊ីឆាង ក៏បានចែករំលែកអំពីតម្លៃពិសេស ការបង់ប្រាក់ដ៏សម្បូរបែប និងប្រូម៉ូសិនដែលនឹងផ្ដល់ជូនទៅកាន់អតិថិជនដែលបានកក់ក្នុងពេលបិទទីតាំងមុនដែលបន្តរហូលដល់ចុងខែកក្កដា។ បុរី ណាឌីក៏ផ្ដល់ជូននូវប្រព័ន្ធវៃឆ្លាត និងមានសុវត្ថិភាពសម្រាប់គ្រប់យូនីតនៃវីឡាព្រីនសេសទាំងអស់ដើម្បីធានានូការរស់នៅដែល មិនមានការរំខានផ្សេងៗសម្រាប់អតិថិជនទាំងអស់។

បន្ថែមពីលើនេះ បុរី ណាឌីក៏ផ្ដល់ជូននូវសម្ភារៈអេឡិចត្រូនិកសម្រាប់ ប្រើប្រាស់ក្នុងគេហដ្ឋានជាង 12 ប្រភេទទៅកាន់ម្ចាស់គេហដ្ឋានទាំងអស់ ដូច្នេះនៅពេលដែលលោកអ្នកទទួលបានគេហដ្ឋាន លោកអ្នកមានសម្ភារៈខ្លះៗនៅក្នុងផ្ទះសម្រាប់ប្រើប្រាស់រួចជាស្រេច។

សម្រាប់ព័ត៌មានលម្អិតអំពីបុរី ណាឌី សូមទំនាក់ទំនងតាមរយៈ លេខទូរស័ព្ទ 085 887 885 ឬតាមដាន៖

Facebook: https://www.facebook.com/NADIBYGCC or https://www.facebook.com/GOLDENCAMBODIACENTURY.GCC

Instagram: https://www.instagram.com/borey_nadi_by_gc_city/

Tiktok: https://www.tiktok.com/@gc_city_cambodia

LinkedIn: https://www.linkedin.com/company/gc-city/

អំពីក្រុមហ៊ុន ជីស៊ីស៊ី

ក្រុមហ៊ុន GCC គ្រុបមានប្រភពដើមមកពីប្រទេសហុងកុង ក្នុងរយៈពេលជាច្រើនឆ្នាំកន្លងមកនេះ GCC មានការលូតលាស់យ៉ាងឆាប់រហ័ស ហើយបច្ចុប្បន្នយើងគឺជាក្រុមហ៊ុនពាណិជ្ជកម្មពហុជាតិដែលមានកេរ្ដ៍ឈ្មោះ ល្បីល្បាញ និងមានមូលដ្ឋានដ៏រឹងមាំនៅក្នុងប្រទេសកម្ពុជា។ បច្ចុប្បន្ន​នេះ GCC មាន​ក្រុមហ៊ុន​បុត្រ​សម្ព័ន្ធ​ចំនួន 7រួមមាន ៖ GC City, GC Land,​ GC Realty, GC Design, GC Management, GC Credit, GC Propertyជាដើម។ គម្រោង​បច្ចុប្បន្ន​របស់ GCC រួម​មាន​៖ បុរី ណា​ឌី ដោយ​ជី​ស៊ី ស៊ី​ធី​ CEO Wyndham Residence ផ្សារ​ជី​ស៊ី អូរ​ឫស្សី ផ្សារយើង GC Residence ជ្រោយចង្វារ Lixin Century Innovation Park និង Thames Park City។ ក្រុមហ៊ុនGCCក៏មាន ការិយាល័យ នៅប្រទេសហុងកុង ចិន និងជប៉ុនផងដែរ។

នាពេលបច្ចុប្បន្ន ក្រុមហ៊ុនមានទ្រព្យសកម្មរហូតដល់ លើស៣ពាន់លានដុល្លាអាមេរិក និងមានដីសម្រាប់ វិនិយោគ រហូតដល់៣០០០ហិកតា។ យើងប្ដេជ្ញាកសាងក្រុមហ៊ុនសាជីវកម្មដែលមានមូលដ្ឋាននៅប្រទេសកម្ពុជា ទន្ទឹមនឹងនេះ យើងនឹងព្យាយាមនាំយកនូវ អ្វីដែលពិសេស និងប្លែកសម្រាប់ប្រជាពលរដ្ឋខ្មែរហើយយើងនឹងធ្វើការបរិច្ចាគត្រឡប់ទៅកាន់ សហគមន៍វិញតាមរយៈសកម្មភាពសប្បុរសធម៍៕

ដោយ៖ សុផារី

ភ្នំពេញ៖ បន្ទាប់ពីស្ថានភាពកូវីដ-១៩បានធូរស្បើយ ទីផ្សារអចលនទ្រព្យដាក់ជួលនៅក្នុងប្រទេសកម្ពុជាចាប់ផ្តើមបង្ហាញសញ្ញាវិជ្ជមានឡើងវិញ ដែលជំរុញដោយកំណើនតម្រូវការជួលទីតាំងធ្វើអាជីវកម្ម តម្រូវការស្នាក់នៅប្រជាជនក្នុងស្រុក និងការវិលត្រលប់មកវិញបណ្តើរៗនៃអ្នកវិនិយោគិនបរទេស។

អ្នកជំនាញបង្ហាញសុទិដ្ឋិនិយមថា ទីផ្សារជួលនឹងមានភាពល្អប្រសើរ នៅចុងឆ្នាំ២០២២ ឬដើមឆ្នាំ២០២៣តទៅ ដែលជំរុញដោយការងើបឡើងវិញនៃសេដ្ឋកិច្ចកម្ពុជា។

លោក ស៊ីម សាមឺឌី ប្រធានផ្នែកលក់ក្រុមហ៊ុន RENT KH បានមានប្រសាសន៍ថា តម្រូវការជួលនៅក្នុងឆ្នាំ២០២១កន្លងមកមានផលប៉ះពាល់ ដោយចំនួនការជួលមានចំនួនតិចតួច តែចំនួនការដាក់ជួលមានចំនួនច្រើន។

យោងតាមអ្នកជំនាញរូបនេះឱ្យដឹងថា ឈានជើងចូលមកកាន់ឆ្នាំ២០២២នេះ អត្រាការជួលនៅក្នុងទីផ្សារកម្ពុជាមានការកើនឡើងវិញបណ្តើរៗ ដោយសារការចាក់វ៉ាក់សាំងភាគច្រើនរបស់ប្រជាពលរដ្ឋកម្ពុជា ការត្រលប់មកវិញនៃបណ្តាអ្នកវិនិយោគិនក្រៅប្រទេស ការបើកដំណើការឡើងវិញនៃអាជីវកម្មនានា ដែលជំរុញឱ្យសេដ្ឋកិច្ចមានកំណើនឡើង ហើយតម្រូវការជួលអចលនទ្រព្យក៏មានការកើនឡើងផងដែរ។

លោកសាមឺឌីឱ្យដឹងទៀតថា រហូតមកដល់ពេលនេះ ការផ្គត់ផ្គង់មិនទាន់គ្រប់គ្រាន់ជាមួយនឹងតម្រូវការនៅឡើយទេ ដោយសារតែតម្រូវការមានម្រិតខ្ពស់ ដោយសារប្រជាជនកម្ពុជា ដែលទើបតែរៀបការថ្មីថ្មោងត្រូវការជួលអចលនទ្រព្យសម្រាប់ការស្នាក់នៅ។

លោកថា “ពីមួយឆ្នាំទៅមួយឆ្នាំ ការរៀបការហើយត្រូវបែកគ្រួសារ ដោយគាត់រៀបការហើយថ្មីថ្មោង នៅមិនទាន់មានលទ្ធភាពទិញផ្ទះនៅឡើយទេ។ ចឹងគាត់ត្រូវសម្រេចចិត្តជួលហើយ”។

លោកបញ្ជាក់ថា “តម្រូវការទាប ផ្ទះដាក់ជួលមានច្រើន អតិថិជនមានជម្រើសច្រើនមានសិទ្ធិច្រើន មានឱកាសតថ្លៃជាមួយម្ចាស់ ហើយចរចារបានលក្ខខណ្ឌល្អ។ ប៉ុន្តែនៅក្នុងឆ្នាំ២០២២នេះ ការដាក់ជួលមានតិចជាងមុន គាត់មិនមានសិទ្ធិសម្រេចច្រើនក្នុងការជ្រើសរើសទេ”។

អ្នកជំនាញរូបនេះបញ្ជាក់ថា តម្រូវការជួលនាពេលបច្ចុប្បន្ននេះ អតិថិជនមានភ្ញៀវជាតិ៥០ភាគរយ និងភ្ញៀវបរទេសមានចំនួន៥០ភាគរយ ក្នុងនោះ ប្រភេទខុនដូ ពេញនិយមសម្រាប់អ្នកជំនួញ វិនិយោគិនបរទេស ប៉ុន្តែក្នុងមួយរយៈចុងក្រោយនេះ អតិចិជនជាជនជាតិខ្មែរក៏មានច្រើនផងដែរ។ ចំណែក អាផាតមិនជាទីផ្សារពេញនិយមសម្រាប់ជនជាតិបរទេស ដែលចូលមកកាន់ប្រទេសកម្ពុជាជាលក្ខណៈគ្រួសារ។

យ៉ាងណាក្តី លោកមានសុទិដ្ឋិនិយមថា ទីផ្សារមួយនេះនឹងមានភាពល្អប្រសើរ នៅចុងឆ្នាំ២០២២ ឬដើមឆ្នាំ២០២៣តទៅ ដែលជាពេលវេលាមួយសេដ្ឋកិច្ចងើបឡើងវិញជាធម្មតា និងការគ្រប់គ្រងបាននូវវិបត្តិជំងឺឆ្លង ដែលជះជាផលវិជ្ជមានដល់អាជីវកម្មឡើងវិញ៕