ផ្លូវជាតិសំខាន់ៗពីរលើកកម្ពស់សក្តានុពលសេដ្ឋកិច្ចអចលនទ្រព្យខេត្តជាប់ព្រំដែនកម្ពុជាថៃមួយ

ដោយ៖ សុផារី

ប៉ៃលិន៖ ហេដ្ឋារចនាសម្ព័ន្ធរូបវន្តតាមច្រកទ្វារព្រំដែនអន្តរជាតិ មិនត្រឹមតែជំរុញការដឹកជញ្ជូន និងការធ្វើចរាចរណ៍ឆ្លងកាត់ តែក៏បានបង្កើនឧត្តមភាពប្រកួតប្រជែងរបស់កម្ពុជា ជាពិសេសទាក់ទាញវិនិយោគជាមួយប្រទេសជិតខាងផងដែរ។

ហេដ្ឋារចនាសម្ព័ន្ធផ្លូវជាតិពីរ បាននិងកំពុងបង្កើនសក្តានុពលសេដ្ឋកិច្ចនិងអចលនទ្រព្យនៅក្នុងខេត្តប៉ៃលិន ដែលធ្លាប់ត្រូវបានមើលឃើញថា ជាខេត្តឆ្ងាយដាច់ពីប៉ូលសេដ្ឋកិច្ចសំខាន់ៗរបស់ប្រទេស។

លោក ហេង តុងហៃ ប្រធានសាខាក្រុមហ៊ុន Century 21 Zillion Holding ប្រចាំខេត្តប៉ៃលិន បានមានប្រសាសន៍ប្រាប់គេហទំព័រ Property Area Asia តាមប្រព័ន្ធទូរស័ព្ទកាលពីថ្ងៃទី១៥ ខែមិថុនាថា ផ្លូវជាតិសំខាន់ចំនួនពីរ រួមមានផ្លូវជាតិលេខ៥ និងផ្លូវជាតិលេខ១០ បានដើរតួនាទីយ៉ាងសំខាន់ក្នុងការតភ្ជាប់អភិវឌ្ឍមកកាន់ខេត្តប៉ៃលិន។

លោកថា “ប្រសិនបើផ្លូវជាតិលេខ៥ បញ្ចប់ការសាងសង់រួចរាល់ ចម្ងាយពីរាជធានីភ្នំពេញ និងបណ្ដាខេត្តនានា មកកាន់ខេត្តប៉ៃលិន នឹងមានចម្ងាយជិតជាងមុន”។

ចំណែកផ្លូវជាតិមួយទៀត គឺផ្លូវជាតិលេខ១០ ប្រវែងជាង១៩៨គីឡូម៉ែត្រ លាតសន្ធឹងពីស្រុកសំឡូត ខេត្តបាត់ដំបង ខេត្តពោធិ៍សាត់ រហូតដល់ខេត្តកោះកុង គឺជាសរសៃឈាមសេដ្ឋកិច្ចជាតិដ៏មានសក្តានុពលរបស់កម្ពុជា។

ផ្លូវជាតិនេះក៏អាចជួយសម្រួលដល់ការតភ្ជាប់ ទំនាក់ទំនងគមនាគមន៍ ធ្វើសមាហរណកម្មតភ្ជាប់ផ្ទៃក្នុងប្រទេស និងជាតំបន់មួយ រួមចំណែកក្នុងការលើកកម្ពស់ប្រសិទ្ធភាព នៃការដោះដូរពាណិជ្ជកម្ម វិនិយោគ ដំណាំកសិផល កសិ-ឧស្សាហកម្ម និងទេសចរណ៍បានឆាប់រហ័ស និងចំណាយតិច ជាពិសេសជាមួយប្រទេសជិតខាង។

លោកតុងហៃ មានប្រសាសន៍ថា “ផ្លូវជាតិលេខ១០ ដែលតភ្ជាប់ខេត្តកោះកុង ឆ្លងកាត់ខេត្តពោធិ៍សាត់ ឆ្លងមកស្រុកសំឡូត ដែលមានព្រំប្រទល់ជាប់ខេត្តប៉ៃលិនផងនោះ ស្ថានភាពនឹងល្អប្រសើរ ព្រោះផ្លូវនេះភ្ជាប់ខេត្តទិសនិរតី មួយចំហៀងប្រទេស មកកាន់ទិសពាយ័ព្យ នៃប្រទេស។ ដូច្នេះ ផ្លូវជាតិមួយនេះមានសារៈសំខាន់ណាស់ ក្នុងការជំរុញសេដ្ឋកិច្ច ទេសចរណ៍ កសិកម្ម និងអភិវឌ្ឍន៍ក្នុងខេត្តប៉ៃលិន”។

លោកថា “មិនដល់ដប់ឆ្នាំទៀតទេ ដោយមានការវិនិយោគរបស់អ្នកវិនិយោគបរទេស និងក្នុងស្រុក បូកផ្សំនឹងផែនការមេអភិវឌ្ឍន៍របស់រាជរដ្ឋាភិបាលកម្ពុជា នឹងមានការផ្លាស់ប្តូរច្រើន សម្រាប់ខេត្តនៅទិសពាយ័ព្យនៃប្រទេសកម្ពុជា”។

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍នៅថ្ងៃទី១៥ ខែមិថុនា ថា រាជរដ្ឋាភិបាលបានលើកកម្រិតគុណភាពផ្លូវជាតិលេខ៥ ដោយសារតែផ្លូវនេះជាគម្រោងផ្លូវតភ្ជាប់ជាយុទ្ធសាស្ត្រទៅកាន់ប្រទេសជិតខាងរហូតដល់ទៅពីរ រួមមាន ប្រទេសថៃ និងវៀតណាម។

លោក ស៊ុន ចាន់ថុល លើកឡើងថា រាជរដ្ឋាភិបាលកម្ពុជាកំពុងរៀបចំផែនការមេលើការកែសម្រួលផ្លូវថ្នល់ ការពង្រីកនិងលើកកម្រិតគុណភាពផ្លូវពីរគន្លងទៅបួនគន្លង ការបង្កើនការតភ្ជាប់ទៅគ្រប់ច្រកល្ហកសម្រួលដល់ការធ្វើដំណើរ និងការដឹកជញ្ជូនទំនិញបានឆាប់រហ័ស។

លោកទេសរដ្ឋមន្ត្រីបានបន្ថែមថា ជាពិសេស ការរៀបចំផែនការមេភស្តុភារកម្ម ដែលមានគម្រោងប្រមាណ៣៣០ ត្រូវការទឹកប្រាក់ប្រមាណ៥០ពាន់លានដុល្លារ រួមទាំងការរៀបចំហេដ្ឋារចនាសម្ព័ន្ធរូបវន្ត តាមច្រកទ្វាព្រំដែនអន្តរជាតិជាមួយប្រទេសជិតខាង សំដៅជំរុញការដឹកជញ្ជូន និងការធ្វើចរាចរណ៍ឆ្លងកាត់មានភាពងាយស្រួល ក្នុងគោលបំណងធ្វើយ៉ាងណាបង្កើនឧត្តមភាពប្រកួតប្រជែងរបស់កម្ពុជា ជាពិសេស កាត់បន្ថយចំណាយភស្តុភារកម្ម និងដឹកជញ្ជូន និងទាក់ទាញវិនិយោគផងដែរ៕

ប្រទេសឥណ្ឌូនេស៊ីប្តូររដ្ឋធានីថ្មីទៅជា Nusantara ហើយគ្រោងបញ្ចប់ការសាងសង់ក្នុងឆ្នាំ២០៤៥

ដោយ៖ លាងហួរ

ឥណ្ឌូនេស៊ី៖ គម្រោងសាងសង់រដ្ឋធានីថ្មីក្នុងទីក្រុង Nusantara របស់ប្រទេសឥណ្ឌូនេស៊ី នឹងចាប់ផ្តើម នៅក្នុងឆមាសទីពីរនៃឆ្នាំ២០២២នេះ ជាមួយនឹងគោលដៅនឹងបញ្ចប់ដំណាក់កាលទីមួយនៅឆ្នាំ២០២៤ និងត្រូវបញ្ចប់ជាស្ថាពរក្នុងឆ្នាំ២០៤៥។

លោកសាស្រ្តាចារ្យ Mohammed Ali Berawi ប្រធានអាជ្ញាធរសម្រាប់ការសម្របសម្រួលនៃការផ្លាស់ប្តូរបច្ចេកវិទ្យា និងការច្នៃប្រឌិត បានប្រាប់សារពត៌មាន CNA នៅក្នុងបទសម្ភាសន៍មួយថា គម្រោងរដ្ឋធានីថ្មីនេះត្រូវបានអនុម័តដោយច្បាប់នៃប្រទេសឥណ្ឌូណេស៊ី ដែលនឹងក្លាយជាអាទិភាពដ៏ចម្បងមួយ។

សេចក្តីព្រាងច្បាប់ស្តីពីការផ្លាស់ប្តូរទីតាំងរដ្ឋធានីត្រូវបានចុះហត្ថលេខា កាលពីថ្ងៃទី ១៥ខែកុម្ភៈឆ្នាំ២០២២នេះ។ Nusantara ដែលជារាជធានីថ្មី នឹងត្រូវបានសាងសង់នៅក្នុងស្រុកចំនួនពីរនៅ Kalimantan ខាងកើត លើផ្ទៃដីប្រហែល២៥៦.០០០ហិចតា។ ដំណាក់កាលចុងក្រោយ នៃការសាងសង់របស់ទីក្រុង Nusantara ត្រូវបានកំណត់ថានឹងត្រូវបញ្ចប់ក្នុងឆ្នាំ២០៤៥ ដែលនឹងធ្វើឱ្យប្រទេសឥណ្ឌូនេស៊ីក្លាយជាប្រទេសជឿនលឿន។

លោកសាស្ត្រាចារ្យ Berawi បានបន្តថា មន្ត្រីរាជការប្រហែល៦០.០០០នាក់នឹងត្រូវផ្លាស់ទីលំនៅពីទីក្រុងហ្សាកាតាទៅកាន់ទីក្រុង Nusantara ហើយកម្មករចំនួន២០០.០០០នាក់ នឹងត្រូវចូលរួមក្នុងការសាងសង់នេះរដ្ឋធានីថ្មីនេះ។

លោកបានបន្ថែមថា ការសាងសង់នឹងចាប់ផ្តើមនៅក្នុងឆមាសទីពីរនៃឆ្នាំ២០២២នេះ ជាមួយនឹងគោលដៅនឹងបញ្ចប់ដំណាក់កាលទីមួយនៅឆ្នាំ២០២៤។

ឆ្លើយតបនឹងសំណួរថា តើលទ្ធផលនៃការបោះឆ្នោតឆ្នាំ២០២៤អាចប៉ះពាល់ដល់ការអភិវឌ្ឍគម្រោងរដ្ឋធានីថ្មី Nusantara ឬទេ លោកសាស្រ្តាចារ្យ Berawi បានបញ្ជាក់ថា ដំណើរការសាងសង់ត្រូវបានគ្រោងទុករហូតដល់ឆ្នាំ២០៤៥ ដែលគម្រោងនេះមិនមែនជាគោលដៅតែមួយ រយៈពេលខ្លីនោះទេ តែជាគោលដៅរយៈពេលវែង។

លោកបានបន្តថា ដោយសារតែភាពចាំបាច់នៃរដ្ឋធានីថ្មីនេះ គម្រាងនេះនឹងត្រូវបន្តរហូតដល់យើងសម្រេចបាននូវគោលដៅ ដែលបានជ្រើសរើស ដែលជាគោលដៅចុងក្រោយ គឺការកសាងទីក្រុងប្រកបដោយនិរន្តរភាព និងការរួមបញ្ចូលគ្នា មិនមែនសម្រាប់តែប្រទេសឥណ្ឌូនេស៊ីប៉ុណ្ណោះទេ ប៉ុន្តែសម្រាប់តំបន់ទាំងមូល និងពិភពលោកផងដែរ។ នោះហើយជាមូលហេតុដែលយើងជឿជាក់ថា គម្រោងរដ្ឋធានីថ្មី Nusantara នឹងក្លាយជាទីក្រុងសកលសម្រាប់ទាំងអស់គ្នា ។

ក្នុងឆ្នាំ២០១៩ លោកប្រធានាធិបតី Joko Widodo បានប្រកាសថា រដ្ឋធានីរបស់ប្រទេសនេះនឹងផ្លាស់ប្តូរពីទីក្រុងហ្សាកាតាទៅកាន់កោះ Borneo។ ការផ្លាស់ប្តូរនេះត្រូវបានចាត់ទុកថាភាពចាំបាច់ ដើម្បីជួយសង្គ្រោះការលិចលង់ និងការកកស្ទះនៅទីក្រុងហ្សាកាតា និងដើម្បីអភិវឌ្ឍកោះ Kalimantan ក៏ដូចជាផ្នែកខាងកើតនៃប្រទេសឥណ្ឌូនេស៊ី៕

ប្រទេសG20បន្តប្រឈមកំណើនGDPយឺតក្នុងត្រីមាសទី១ឆ្នាំ២០២២

ដោយ៖ លាងហួរ

ពិភពលោក៖ នៅក្នុងត្រីមាសទីមួយនៃឆ្នាំ២០២២ ផលិតផលក្នុងស្រុកសរុប (GDP)នៅក្នុងតំបន់ប្រទេស G20 បានកើនឡើងត្រឹមតែ០,៧% ប្រៀបធៀបនឹងត្រីមាសមុន ដែលធ្លាក់ចុះពីកំណើន១,៣% នៅក្នុងត្រីមាសទី៤នៃឆ្នាំ២០២១។

ការធ្លាក់ចុះនៃផលិតផលក្នុងស្រុកសរុប នៅក្នុងតំបន់G20 នៅក្នុងត្រីមាសទី១ឆ្នាំ២០២២ ឆ្លុះបញ្ចាំងពីដំណើរការទន់ខ្សោយនៃGDP នៅក្នុងសហរដ្ឋអាមេរិក ដែលបានធ្លាក់ចុះ០,៤%ពីប្រៀបធៀបនឹងត្រីមាសមុន ដែលធ្លាក់ចុះពីកំណើន១,៧% នៅក្នុងត្រីមាសទី៤នៃឆ្នាំ២០២១។ ការធ្លាក់ចុះនេះបណ្តាលមកពីការផ្លាស់ប្តូរពាណិជ្ជកម្មសុទ្ធ និងការថយចុះនៃការវិនិយោគសារពើភ័ណ្ឌ និងការចំណាយរបស់រដ្ឋាភិបាលលើជំងឺកូវីដ១៩។

នៅក្នុងប្រទេសអូស្ត្រាលី និងប្រទេសឥណ្ឌូនេស៊ី កំណើនGDPបានថយចុះច្រើនជាង២ភាគរយនៅចន្លោះត្រីមាសទី៤ឆ្នាំ២០២១ និងត្រីមាសទី១ឆ្នាំ២០២២ ដែលកំណើននេះបានថយចុះតិចជាងនៅក្នុងប្រទេសកាណាដា ប្រទេសចិន ឥណ្ឌា អ៊ីតាលី កូរ៉េ ទួរគី និងចក្រភពអង់គ្លេស ក្នុងត្រីមាសទី១ឆ្នាំ២០២២ ខណៈGDPរបស់ប្រទេសបារាំងមានការធ្លាក់ចុះ០,២% និងជប៉ុន០,១%រៀងគ្នា។

យ៉ាងណាក្តី ប្រទេសរ៉ាប៊ីសាអូឌីត អាហ្វ្រិកខាងត្បូង និងសហភាពអឺរ៉ុបទាំងមូលបានកត់ត្រាកំណើនGDPដ៏រឹងមាំ នៅក្នុងត្រីមាសទី១ឆ្នាំ២០២២ ល្អប្រសើរជាងត្រីមាសទី៤ឆ្នាំ២០២១។ ប្រទេសអារ៉ាប៊ីសាអូឌីត មានការកើនឡើង២,៦% បំផុតក្នុងចំណោមប្រទេស G20 ដែលជំរុញដោយការកើនឡើងគួរឱ្យកត់សម្គាល់នៃការលក់ប្រេងរបស់ប្រទេសនេះ។

កំណើន GDP របស់ចក្រភពអង់គ្លេស និងអាហ្វ្រិកខាងត្បូង បានកើនឡើងលើសពីកម្រិតមុនជំងឺរាតត្បាត ជាលើកដំបូង នៅក្នុងត្រីមាសទី១ ឆ្នាំ២០២២ ក្នុងអត្រា០,៧%និង០,៥% រៀងគ្នា ខណៈប្រទេសអ៊ីតាលីឈានដល់កម្រិតមុនការរាតត្បាតជាលើកដំបូងផងដែរ។

ក្នុងចំណោមសេដ្ឋកិច្ចប្រទេសG20 ប្រទេសអាឡឺម៉ង់ ជប៉ុន និងម៉ិកស៊ិក នៅតែទាបជាងកម្រិតមុនការរាតត្បា ដោយស្ថិតក្នុងអត្រា០,៩% ០,៦% និង២,១%រៀងគ្នា នៅក្នុងត្រីមាសទី១ឆ្នាំ២០២២៕

No more time for delays to Long Thành Airport

An artist’s impression of the proposed Long Thành International Airport in the southern province of Đồng Nai. Photo courtesy of Airports Corporation of Việt Nam (ACV)

HÀ NỘI — To keep the Long Thành International Airport project on schedule, the Government has established an inter-disciplinary working team of officials from the transport and construction ministries and a deputy minister of transport will visit the construction site weekly to push the pace of the project.

These new measures were announced at a meeting held on Tuesday chaired by Deputy Prime Minister Lê Văn Thành, who is also head of the project’s steering committee.

Thành said the steering committee will convene every month to review the progress of the project.

Minister of Transport Nguyễn Văn Thể said the project was on the right track and must not be delayed any further so that it can go into trial operation in early 2025.

The deputy prime minister also ordered Đồng Nai’s People’s Committee to complete land clearance and asked the authorities to build road and railway systems connecting the airport with localities.

At the next meeting, the transport ministry must report the results of a survey on the road from the airport to HCM City.

He also asked members of the Steering Committee to visit the site regularly and push the progress of the project, to make sure it is implemented in accordance with the report.

Despite having some positive progress since the site check on April 27 this year, ground levelling work hasn’t been up to expectations, the deputy prime minister said.

Transport minister Thể said ground levelling is an important task of the project and will affect other tasks if it is not completed, noting that it must be finished by July next year.

He added that a deputy minister has been assigned to the construction site to examine and accelerate the progress.

Covering more than 5,580 hectares, the Long Thành International Airport will spread across six communes in Long Thành District. Its construction has been divided into three phases.

In the first phase, a runway and one passenger terminal, along with other supporting facilities, will be built to serve 25 million passengers and 1.2 million tonnes of cargo each year. This phase is scheduled to be completed in 2025.

The project started in 2021. Once fully completed in 2050, the airport will be able to handle 100 million passengers and 5 million tonnes of cargo annually.

Located 40km to the east of HCM City, the airport is expected to relieve overloading at the southern metropolis’s Tân Sơn Nhất International Airport, which is currently the largest in Việt Nam. VNS

NATO ត្រៀមខ្លួន និងពង្រឹងសមត្ថភាពសព្វាវុធបន្ថែមទៀតដើម្បី ទប់ជាមួយរុស្ស៊ី

ដោយៈ សុខុម

ក្រុងឡាអេ: ប្រមុខអង្គការបក្សសម្ព័ន្ធមិត្តយោធា NATO បាននិយាយកាលពីថ្ងៃអង្គារ ទី១៤ ខែមិថុនាកន្លងមកថា អង្គការNATO ត្រូវបង្កើន “ការត្រៀមខ្លួនកាន់តែខ្ពស់” និងពង្រឹងសមត្ថភាពរបស់ខ្លួន ផ្នែកសព្វាវុធនៅតាមព្រំដែនភាគខាងកើតរបស់ខ្លួន បន្ទាប់ពីរុស្ស៊ី បញ្ឆេះសង្គ្រាមចូលឈ្លានពានអ៊ុយក្រែន។

អគ្គលេខាធិការអង្គការ NATO លោក Jens Stoltenberg បានថ្លែងបែបនេះ បន្ទាប់ពីកិច្ចពិភាក្សាក្រៅផ្លូវការនៅក្នុងប្រទេសហូឡង់ ជាមួយនាយករដ្ឋមន្ត្រីហូឡង់ Mark Rutte និងមេដឹកនាំនៃប្រទេសដាណឺម៉ាក ប៉ូឡូញ ឡាតវី រូម៉ានី ព័រទុយហ្គាល់ និងបែលហ្ស៊ិក នៅមុនកិច្ចប្រជុំកំពូលរបស់អង្គការ NATO នៅទីក្រុង Madrid ប្រទេសអេស្ប៉ាញ នៅចុងខែនេះ។ នេះបើយោងតាមសារព័ត៌មាន Reuters ចុះផ្សាយនៅថ្ងៃពុធ ទី១៥ ខែមិថុនា នេះ។

Press briefing by NATO Secretary General Jens Stoltenberg following an extraordinary meeting of the North Atlantic Council

ឆ្លើយតបទៅនឹងការអំពាវនាវ របស់ប្រធានាធិបតីអ៊ុយក្រែន លោក Volodymyr Zelenskiy កាលពីថ្ងៃអង្គារ សប្ដាហ៍នេះស្នើសុំអាវុធបាញ់រយៈចម្ងាយឆ្ងាយបន្ថែមទៀត លោកJens Stoltenberg និយាយថា លោកបានយល់ស្របថា ទីក្រុងគៀវ (អ៊ុយក្រែន) គួរតែទទួលបានការផ្គត់ផ្គង់អាវុធធុនធ្ងន់បន្ថែមទៀត ប៉ុន្តែមិនបានផ្តល់ព័ត៌មានលម្អិតនោះទេ។

នៅពេលសួរអំពីសំណើរបស់ប្រទេសស៊ុយអែត និងហ្វាំងឡង់ ដែលសុំចូលជាសមាជិកអង្គការ NATO លោក Jens Stoltenberg បានឆ្លើយថា លោកកំពុងស្វែងរក “ផ្លូវបោះជំហានឆ្ពោះទៅមុខ ដែលមានការរួបរួមសាមគ្គី” ដើម្បីដោះស្រាយការប្រឆាំងជំទាស់ពីប្រទេសតួកគី ដែលមានកំហឹងចំពោះស៊ុយអែត ដែលបានគាំទ្រពួកសកម្មប្រយុទ្ធឃឺដ។

ទន្ទឹមនេះ លោក Jens Stoltenberg បានគូសបញ្ជាក់ថា អង្គការ NATO នឹងពង្រឹងសម្ព័ន្ធមិត្តបន្ថែមទៀតផងដែរ នៅពេលប្រទេសជាសមាជិកទាំង៣០ នឹងត្រូវកោះប្រជុំនៅក្នុងទីក្រុង Madrid ប្រទេសអេស្ប៉ាញ នៅថ្ងៃទី២៩-៣០ ខែមិថុនា៕ Reuters៕

វៀតណាមពន្លឿនការសាងសង់អាកាសយានដ្ឋានអន្តរជាតិ Long Thành តម្លៃ១៦ពាន់លានដុល្លារ

ដោយៈ សុខុម

ហាណូយ: ដើម្បីឱ្យគម្រោងសាងសង់ អាកាសយានដ្ឋានអន្តរជាតិឡុងថាញ់ (Long Thành International Airport) បញ្ចប់តាមការគ្រោងទុក រដ្ឋាភិបាលវៀតណាម បានបង្កើតក្រុមការងារអន្តរវិន័យ ដែលមានសមាសភាពមន្ត្រីក្រសួងដឹកជញ្ជូន និងក្រសួងសំណង់ ហើយអនុរដ្ឋមន្ត្រីក្រសួងដឹកជញ្ជូន នឹងចុះពិនិត្យមើលការដ្ឋានសំណង់ រៀងរាល់សប្តាហ៍ ដើម្បីជំរុញការងារគម្រោងនេះឱ្យដំណើរការទៅមុខ។

វិធានការថ្មីទាំងនេះ ត្រូវបានប្រកាសក្នុងកិច្ចប្រជុំ ដែលបានធ្វើឡើងកាលពីថ្ងៃអង្គារ ទី១៤ ខែមិថុនា ក្រោមអធិបតីភាពឧបនាយករដ្ឋមន្ត្រី Lê Văn Thành ដែលជាប្រធានគណៈកម្មការដឹកនាំគម្រោងនេះផងដែរ។ នេះបើយោងតាមសារព័ត៌មាន Vietnam News ចុះផ្សាយកាលពីថ្ងៃពុធ ទី១៥ ខែមិថុនា។

លោក Lê Văn Thành បានលើកឡើងថា គណៈកម្មការនេះនឹងធ្វើការកោះប្រជុំជារៀងរាល់ខែ ដើម្បីពិនិត្យមើលវឌ្ឍនភាពនៃគម្រោងនេះ។

រដ្ឋមន្ត្រីក្រសួងដឹកជញ្ជូនលោក Nguyễn Văn Thể បានគូសបញ្ជាក់ថា គម្រោងនេះ កំពុងស្ថិតក្នុងស្ថានភាពវឌ្ឍនភាពដ៏ត្រឹមត្រូវ ហើយមិនត្រូវពន្យារពេលបន្ថែមទៀតឡើយ ពោលគឺធ្វើយ៉ាងណាឱ្យគម្រោងនេះ អាចដំណើរការសាកល្បងនៅដើមឆ្នាំ២០២៥។

យោងតាមការចុះផ្សាយរបស់គេហទំព័រ Centre For Aviation ឱ្យដឹងថា ដំណាក់កាលទី១ នៃគម្រោងអាកាសយានដ្ឋាន ដែលគ្របដណ្ដប់លើផ្ទៃដីជាង៥.៥៨០ហិកតានេះ នឹងចំណាយអស់៤,៦ពាន់លានដុល្លារអាមេរិក ហើយគ្រោងនឹងបញ្ចប់នៅក្នុងឆ្នាំ២០២៥។

នៅក្នុងដំណាក់កាលទី១ អាកាសយានដ្ឋាននេះត្រូវបានរំពឹងថា នឹងមានសមត្ថភាពទទួលអ្នកដំណើរ លើសពី២៥លាននាក់ និងទំនិញ១,២លានតោនក្នុងមួយឆ្នាំៗនៅត្រឹមឆ្នាំ២០២៥។

នៅក្នុងដំណាក់កាលទី២ ក្រុមហ៊ុនអាកាសយានដ្ឋានវៀតណាម (Airports Corporation of Vietnam) នឹងអភិវឌ្ឍផ្លូវយន្តហោះរត់ទី២ ហើយនឹងបន្ថែមចំណតអ្នកដំណើរ ដើម្បីបង្កើនសមត្ថភាពទទួលអ្នកដំណើរឱ្យបាន៥០លាននាក់ និងទំនិញ១,៥លានតោនក្នុងមួយឆ្នាំៗ។

បន្ទាប់មក នៅក្នុងដំណាក់កាលផ្ដាច់ព្រ័ត្រ គម្រោងដែលចំណាយអស់សរុបរហូតដល់ទៅ១៦ពាន់លានដុល្លារអាមេរិក នេះនឹងមានសមត្ថភាពទទួលអ្នកដំណើរ១០០លាននាក់ និងទំនិញ៥លានតោនក្នុងមួយឆ្នាំៗនៅត្រឹមឆ្នាំ២០៥០។ គម្រោងអាកាសយានដ្ឋាននេះ មានចម្ងាយប្រមាណ៤០គីឡូម៉ែត្រនាភាគឦសាន នៃអាកាសយានដ្ឋាន Tan Son Nhat Airport ក្នុងក្រុងហូជីមិញ៕ Vietnam News៕

ធនាគារហត្ថាទទួលចំណាត់ថ្នាក់ឥណទាន BBB+ ជាមួយនឹងទស្សន វិស័យស្ថិរភាព

ដោយៈ សុផារី

ភ្នំពេញៈ ភ្នាក់ងារវាយតម្លៃ Tris Rating បានប្រកាសថា ក្រុមហ៊ុនបុត្រសម្ព័ន្ធរបស់ធនាគារ Ayudhya Plc (Krungsri) គឺធនាគារហត្ថា ភីអិលស៊ី (Cambodia Hattha Bank Plc) បានទទួលចំណាត់ថ្នាក់ឥណទាន BBB+ ជាមួយនឹងទស្សនវិស័យស្ថិរភាព។

ក្រុមហ៊ុនបានឱ្យដឹងថា ទម្រង់ឥណទានបានបង្ហាញពីជំហរទីផ្សារ ដ៏រឹងមាំរបស់ធនាគារហត្ថា នៅក្នុងទីផ្សារឥណទានលក់រាយ របស់ប្រទេសកម្ពុជា ជាមួយនឹងទីតាំងដើមទុនគ្រប់គ្រាន់ និងការគ្រប់គ្រងហានិភ័យប្រកបដោយការប្រុងប្រយ័ត្ន។

Tris Rating បាននិយាយថា ទម្រង់ឥណទានរបស់ធនាគារហត្ថា (មិនរាប់បញ្ចូលហានិភ័យអធិបតេយ្យភាពរបស់កម្ពុជា sovereign risk) រួមបញ្ចូលការបង្កើនចំណាត់ថ្នាក់ A- ដែលផ្អែកលើភាពខ្លាំងរបស់ធនាគារ និងទីតាំងរបស់ខ្លួន ជាក្រុមហ៊ុនបុត្រសម្ព័ន្ធដ៏សំខាន់ ជាយុទ្ធសាស្រ្តរបស់ធនាគារ Krungsri ។

លោក Pairote Cheunkrut ប្រធានផ្នែកយុទ្ធសាស្ត្ររបស់ Krungsri បាននិយាយថា ការវាយតម្លៃដែលមិនផ្លាស់ប្តូរ បានឆ្លុះបញ្ចាំងពីការអនុវត្តដ៏រឹងមាំ និងការគ្រប់គ្រងប្រកបដោយគុណភាពខ្ពស់។

លោកបានមានប្រសាសន៍ថា “Krungsri មានការប្តេជ្ញាចិត្តរយៈពេលវែង ក្នុងការបន្តផ្តល់ការគាំទ្រ និងចែករំលែកជំនាញ និងបទពិសោធន៍របស់យើង ជាពិសេសនៅក្នុងផលិតផលហិរញ្ញវត្ថុ អ្នកប្រើប្រាស់ និងស្តង់ដារគ្រប់គ្រងហានិភ័យ”។

លោកបន្តថា “ផ្អែកលើការគ្រប់គ្រងហានិភ័យ ដោយប្រយ័ត្នប្រយែង អនុបាតប្រាក់កម្ចី មិនដំណើរការរបស់ធនាគារហត្ថា ស្ថិតនៅត្រឹម១,៥% ដែលទាបជាងមធ្យមភាគ នៃឧស្សាហកម្មធនាគារ២,៤%”។

លោក Pairote បាននិយាយថា ធនាគារបានរក្សាប្រាក់បម្រុងទុក ដើម្បីកាត់បន្ថយហានិភ័យ នៃការផ្តល់កម្ចីនាពេលអនាគត។ អនុបាតភាពនៃមូលធនដ៏រឹងមាំរបស់ធនាគារហត្ថា នាពេលបច្ចុប្បន្នស្ថិតនៅក្នុងអត្រា១៨,៧% ។

បើតាមលោក Pairote នៅឆ្នាំ២០២២ លោកជឿជាក់យ៉ាងមុតមាំថា ធនាគារហត្ថា នឹងបន្តផ្តល់នូវលទ្ធផលល្អប្រសើរ ផ្តល់ជូននូវដំណោះស្រាយហិរញ្ញវត្ថុពេញលេញ និងធ្វើឱ្យអ្នកប្រើប្រាស់ឌីជីថលរបស់ខ្លួន កើនឡើងបាន៧០% ពីអ្នកប្រើប្រាស់ ៧៨.០០០នាក់កាលពីឆ្នាំមុន។

លោកមានប្រសាសន៍ថា “លើសពីនេះ កិច្ចសហការរវាង Krungsri និងធនាគារហត្ថា នឹងលើកកម្ពស់ឱកាសកាន់តែ ទូលំទូលាយសម្រាប់ប្រជាជនថៃ ក្នុងការពង្រីកអាជីវកម្មរបស់ពួកគេ មកកាន់ប្រទេសកម្ពុជានិងបង្កើនមូលដ្ឋានអតិថិជនរបស់ពួកគេ”៕

គម្រោងខ្នាតយក្សNEOM តម្លៃ៥០០ពាន់លានដុល្លារអាមេរិកចាប់ផ្ដើមលេចចេញជារូបរាងបណ្ដើរៗហើយ

ដោយៈ សុខុម

ក្រុងរីយ៉ាដ: គម្រោងខ្នាតយក្ស NEOM ដែលមានតម្លៃរហូតដល់ទៅ៥០០ពាន់លានដុល្លារអាមេរិក របស់ប្រទេសអារ៉ាប៊ីសាអូឌីត បានផ្តល់កិច្ចសន្យាចំនួន២ដល់ក្រុមហ៊ុនមួយក្រុម ដើម្បីស្ថាបនាផ្លូវរូងក្រោមដី២ខ្សែដែលមានប្រវែងសរុប២៨គីឡូម៉ែត្រ។

យោងតាមសារព័ត៌មាន Arab News ចុះផ្សាយកាលពីថ្ងៃច័ន្ទ ទី១៣ ខែមិថុនា ឱ្យដឹងថា ផ្លូវរូងក្រោមដីទាំងនេះ សម្រាប់សេវាដឹកជញ្ជូនល្បឿនលឿនដែលជាផ្នែកមួយនៃគម្រោង NEOM។

កិច្ចសន្យាទី១ បានទៅលើសម្ព័ន្ធក្រុមហ៊ុនរួមមាន FCC Construction SA, China State Construction Engineering Corporation, Shibh Al-Jazira Contracting Company (FCC/CSCEC/SAJCO JV) ហើយកិច្ចសន្យាទី២ បានទៅលើសម្ព័ន្ធក្រុមហ៊ុនរួមមាន Samsung C&T Corporation, Hyundai Engineering and Construction Co. Ltd, Saudi Archirodon Company Ltd (SHAJV)។

នៅពេលស្ថាបនារួចរាល់ ផ្លូវរូងក្រោមដីទាំងនេះ នឹងជួយសម្រួលដល់ការដឹកជញ្ជូនមនុស្ស និងទំនិញកាន់តែងាយស្រួល កាន់តែឆាប់រហ័ស និងកាន់តែមានសុវត្ថិភាពជាងមុន។

គម្រោង NEOM គឺជាគម្រោងទីក្រុងថ្ងៃអនាគត គ្មានឧស្ម័នកាបូនធំបំផុតក្នុងលោកមានឈ្មោះថា “The Line” ដែលនឹងមានព្រំប្រទល់ជាប់ប្រទេសចំនួន៣ គឺអារ៉ាប៊ីសាអូឌីត ប្រទេសអេហ្ស៊ីប និងប្រទេសហ្ស៊កដានី នៅលើផ្ទៃដីរហូតដល់ទៅ២៦.៥០០គីឡូម៉ែត្រការ៉េ។

លោក Joseph Bradley អតីតនាយកប្រតិបត្តិក្រុមហ៊ុនបច្ចេកវិទ្យាអាមេរិក CISCO Systems ធ្លាប់បានលើកឡើងថា គម្រោងកសាងទីក្រុងដ៏មហិមានេះ នឹងចាប់ផ្ដើមដំណើរការសាងសង់នៅឆ្នាំ២០២១ ហើយដំណាក់កាលទី១ នឹងត្រូវបញ្ចប់ជាស្ថាពរត្រឹមឆ្នាំ២០២៥។

ព្រះអង្គម្ចាស់រាជទាយាទ Mohammed bin Salman មានបន្ទូលថា នេះគឺជាគម្រោងសាងសង់ដ៏ធំដំបូងបង្អស់ ដើម្បីធ្វើពិពិធកម្ម (ធ្វើឱ្យសម្បូរបែប) សេដ្ឋកិច្ចរបស់អារ៉ាប៊ីសាអូឌីត ដែលជាប្រទេសនាំចេញប្រេងធំបំផុតរបស់ពិភពលោក។

គម្រោង NEOM ក៏មានគម្រោងសាងសង់ប្រព័ន្ធ ដំណើរការទូទាំងក្រុង ដែលផ្អែកលើបច្ចេកវិទ្យាបញ្ញាសិប្បនិមិត្ត (AI) នៅក្នុងតំបន់ពាណិជ្ជកម្មរបស់ខ្លួនផងដែរ ដើម្បីធ្វើឱ្យការប្រើប្រាស់ទិន្នន័យកាន់តែល្អប្រសើរឡើងសម្រាប់អ្នករស់នៅទីនោះ៕ Arab News៕

ដំណឹងល្អៈរោងចក្ររថយន្តFordតម្លៃ២១លានដុល្លារក្នុងខេត្តពោធិ៍សាត់ចាប់ផ្តើមដំណើរការផលិតហើយ

ដោយៈ សុផារី

ពោធិ៍សាត់ៈ រោងចក្របង្គុំ និងតម្លើងរថយន្ត Ford របស់ក្រុមហ៊ុន RMA AUTOMOTIVE (CAMBODIA) CO.,LTD. នៅខេត្តពោធិ៍សាត់ ដែលមានតម្លៃប្រមាណ២១លានដុល្លារ នឹងត្រូវធ្វើពិធីសម្ពោធដាក់ឱ្យដំណើរការខ្សែចង្វាក់ផលិតកម្ម នៅព្រឹកថ្ងៃទី១៦ ខែមិថុនា ឆ្នាំ២០២២។

ពិធីសម្ពោធដាក់ឱ្យដំណើរការជាផ្លូវការ រោងចក្របង្គុំ និងតម្លើងរថយន្តនេះ ធ្វើឡើងក្រោមអធិបតីភាព លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

រោងចក្របង្គុំ និងតម្លើងរថយន្ត Ford នេះសម្រាប់ប្រភេទFord Renger និង Ford Everest ដោយបច្ចុប្បន្នរោងចក្រនេះ បានស្ថាបនារួចរាល់ជាស្ថាបពរ នៅលើផ្ទៃដីប្រមាណជាង៤ហិកតា ស្ថិតក្នុងភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ ហើយនឹងអាចមានលទ្ធភាពស្រូបយកកម្លាំងពលកម្ម ប្រមាណ៥០០នាក់ សម្រាប់ខ្សែចង្វាក់ផលិតកម្ម ឆ្លើយតបទៅនឹងតម្រូវការទីផ្សារក្នុងស្រុក។

ក្រៅតែពីរោងចក្រផ្គុំ និងតម្លើងរថយន្ត Ford ក៏នៅមានការបោះទុនវិនិយោគ នៅក្នុងតំបន់នេះរួចជាស្រេច ដូចជា រោងចក្រកាត់ដេរ រោងចក្រផលិតថាមពលអគ្គិសនី ដើរដោយពន្លឺព្រះអាទិត្យ រោងចក្រផលិតត្រង់ហ្វូរ និងរោងចក្រផលិតខ្សែកាបិ៍ល។ល។

វត្តមានក្រុមហ៊ុនលំដាប់អន្តរជាតិមួយនេះ ត្រូវបានមើលឃើញថា បាននិងកំពុងជំរុញសក្តានុពលសេដ្ឋកិច្ច និងអចលនទ្រព្យនៅក្នុងមូលដ្ឋានស្រុកក្រគរ ខេត្តពោធិ៍សាត់ ជាពិសេសលើកមុខមាត់ប្រទេសកម្ពុជាទាំងមូល និងផ្តល់ឱកាសការងារជាច្រើនកន្លែង ដល់ប្រជាពលរដ្ឋកម្ពុជាផងដែរ៕

កម្ពុជាគួរមានច្បាប់ផ្ដល់សញ្ជាតិដល់ជនបរទេសដែលវិនិយោគអចលនទ្រព្យជាក់លាក់ដើម្បីទាក់ទាញការវិនិយោគបន្ថែម

ដោយៈវឌ្ឍនៈ

ភ្នំពេញៈ នៅបណ្ដាប្រទេសមួយចំនួននៅលើពិភពលោក មានចែងពីច្បាប់ផ្ដល់សញ្ជាតិដល់ជនបរទេស ដែលបានវិនិយោគក្នុងប្រទេសគេ ក្នុងទំហំទឹកប្រាក់ច្រើន ជាក់ស្ដែងដូចជាប្រទេស Cyprus អូស្ត្រាលីនិងបណ្ដាប្រទេសមួយចំនួនទៀត បានកំណត់ពីចំនួនទឹកប្រាក់វិនិយោគរបស់ជនបរទេស ដែលអាចទទួលបានសញ្ជាតិដោយស្វ័យប្រវត្តិ។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើងកាលពីសប្តាហ៍មុនថា កម្ពុជាគួរតែមានច្បាប់នេះដើម្បីលើកទឹកចិត្ត និងទាក់ទាញវិនិយោគិនបរទេស ឲ្យមកបណ្ដាក់ទុនវិនិយោគនៅក្នុងប្រទេសកម្ពុជាកាន់តែច្រើន ។

លោកបន្តថា “ការវិនិយោគរបស់ជនបរទេស នៅក្នុងប្រទេសកម្ពុជា បានធ្វើឱ្យកម្រិត GDP មានការកើនឡើងជួយផ្ដល់ឱកាសការងារ ជួយរកប្រាក់ចំណូលដល់ប្រទេសកម្ពុជាយើង”។លោកបន្តថា “នៅបណ្ដាប្រទេសមួយចំនួនគេ នៅតែបន្តផ្ដល់សញ្ជាតិដល់ជនបរទេស ដែលមានការវិនិយោគក្នុងទំហំទឹកប្រាក់ច្រើន និងជាពិសេសគឺតាមរយៈយន្តការនៃការទិញអចលនទ្រព្យ ក្នុងទំហំទឹកប្រាក់កំណត់ណាមួយ អាចទទួលបានសញ្ជាតិនៃប្រទេសនោះជាផ្លូវការ”។

លោកច្រឹក សុខនីមបានលើកឡើងនូវព៌តមានជាក់លាក់មួយចំនួនថា បើតាមខ្ញុំចាំមិនភ្លេចទេ នៅប្រទេសអូស្ត្រាលី បើជនបរទេសវិនិយោគអចលនទ្រព្យអស់៧៥ម៉ឺនដុល្លារអាមេរិក នឹងអាចទទួលបានសញ្ជាតិអូស្ត្រាលី ហើយប្រទេសសាយប្រឹស ក៏បានដំឡើងទឹកប្រាក់ពី៣៥ម៉ឺនដុល្លារទៅ៤៥ម៉ឺនដុល្លារអាមេរិក ក្នុងការទិញអចលនទ្រព្យ នឹងទទួលបានសញ្ជាតិរបស់គេ”។

លោកបានបន្ថែមថា បើកម្ពុជាមានច្បាប់ ឬយន្តការនេះយើងនឹងទទួលបានប្រាក់ចំណូល និងការវិនិយោគច្រើនពីបរទេស ហើយនៅបណ្ដាប្រទេសមួយចំនួនទៀត គេមានរបៀបនេះការទាក់ទាញវិនិយោគិន ក្នុងការបណ្ដាក់ទុនវិនិយោគ ក្នុងវិស័យអចលនទ្រព្យ ដូចជា ការកំណត់តំបន់ឱ្យជនបរទេសអាចទិញដី និងអភិវឌ្ឍន៍ដោយខ្លួនឯងបាន ដែលអាចធ្វើឱ្យសន្ទុះនៃការវិនិយោគអចលនទ្រព្យ នៅក្នុងប្រទេសនោះមានកំណើនខ្ពស់បន្ថែមទៀត។

លោកព្រាប កុល ប្រធានក្រុមប្រឹក្សាភិបាលនៃក្រុមហ៊ុន Century 21 Zillion Holding បានលើកឡើងផងដែរថា វិស័យអចលនទ្រព្យនិងដីធ្លី នៅក្នុងប្រទេសកម្ពុ ជានៅមានសក្ដានុពលធំទូលាយណាស់ ដោយយើងមើលឃើញថា ដីធ្លីយើងនៅទូលាយសម្រាប់អភិវឌ្ឍន៍ជាអគារ ជាបុរីលំនៅឋាន រោងចក្រឧស្សាហកម្មជាដើម ។

លោកបន្តថា “អ្វីដែលបញ្ហាប្រឈមនោះ គឺអ្នកវិនិយោគមិនទាន់ទទួលបានព័ត៌មានដីធ្លីច្បាស់លាស់ និងត្រឹមត្រូវនៅឡើយ”។លោកបន្តថា “ក្នុងនាមជាក្រុមហ៊ុនអចលនទ្រព្យ យើងចង់ឱ្យវិនិយោគទទួលបានព័ត៌មានពីការវិនិយោគដីធ្លីច្បាស់លាស់ ដើម្បីជំរុញការអភិវឌ្ឍវិស័យនេះឱ្យកាន់តែមានសន្ទុះមួយកម្រិតបន្ថែមទៀត”៕

1...1,4051,4061,407...3,287 Page 1,406 of 3,287