BANGKOK, Aug 24 (Reuters) – Thailand’s Constitutional Court on Wednesday suspended Prime Minister Prayuth Chan-ocha from official duties after it decided to hear a petition to review his legally mandated eight-year term limit.

The court announced its decision in a statement sent to media. It was not clear when it would deliver a final ruling on the petition brought by the main opposition party arguing that Prayuth’s time spent as head of a military junta should count towards his constitutionally stipulated eight-year term.

BANGKOK, Aug 24 (Reuters) – Thailand’s Constitutional Court on Wednesday suspended Prime Minister Prayuth Chan-ocha from official duties after it decided to hear a petition to review his legally mandated eight-year term limit.

The court announced its decision in a statement sent to media. It was not clear when it would deliver a final ruling on the petition brought by the main opposition party arguing that Prayuth’s time spent as head of a military junta should count towards his constitutionally stipulated eight-year term.

The controversy is the latest in a country that has seen intermittent political turmoil for nearly two decades, including two coups and violent protests, broadly because of opposition to the military’s involvement in politics and demands by increasingly politically aware sections of society for greater representation.

A general election is due by May next year.

Reporting by Panu Wongcha-um

ដោយ៖ សុខុម

ញូវយ៉ក: ការលក់ផ្ទះថ្មី ដែលមានទំហំសម្រាប់មួយគ្រួសាររស់នៅ ក្នុងសហរដ្ឋអាមេរិក កាលពីខែកក្កដា បានដាំក្បាលចុះខ្លាំង មិនធ្លាប់មានក្នុងរយៈពេល៦ឆ្នាំកន្លះមកនេះ ខណៈអត្រាប្រាក់លើកម្ចីទិញផ្ទះនៅតែខ្ពស់ ហើយតម្លៃផ្ទះកាន់តែធ្វើឱ្យពលរដ្ឋគ្មានលទ្ធភាពទិញ។

របាយការណ៍ពីក្រសួងពាណិជ្ជកម្ម កាលពីថ្ងៃអង្គារ ទី២៣ ខែសីហា បានបង្ហាញថា យុទ្ធនាការរឹតបន្តឹងគោលនយោបាយរូបិយវត្ថុ របស់ធនាគារកណ្តាលអាមេរិក (Federal Reserve) ដើម្បីធ្វើឱ្យសេដ្ឋកិច្ចបង្អង់ល្បឿន ក្នុងគោលបំណងទប់អតិផរណា កំពុងសម្រេចបានលទ្ធផលដដែលចង់បានខ្លះៗហើយនៅក្នុងទីផ្សារលំនៅដ្ឋាន។

ទោះជាយ៉ាងណា ទីផ្សារលំនៅដ្ឋានក្នុងប្រទេសនេះជារួមមិនទំនងជាដួលរលំនោះឡើយ។ នេះបើយោងតាមក្រុមអ្នកជំនាញ។

លោក Matthew Walsh អ្នកជំនាញសេដ្ឋនៅក្រុមហ៊ុនវិភាគទិន្នន័យ Moody’s Analytics ដែលមានមូលដ្ឋាននៅ West Chester រដ្ឋ Pennsylvania សហរដ្ឋអាមេរិក បានលើកឡើងថា “ធនាគារកណ្តាលអាមេរិក កំពុងទទួលបានអ្វីដែលខ្លួនចង់បានហើយ។ ទីផ្សារលំនៅដ្ឋានចាំបាច់ត្រូវតែស្ងប់ មិនជ្រួលច្របល់ ហើយអត្រាការប្រាក់ខ្ពស់ គឺជាមធ្យោបាយតែមួយគត់ ដែលនឹងជួយសម្រេចគោលនៅនោះ”។

ការលក់ផ្ទះថ្មីបានធ្លាក់ចុះ១២,៦%មកនៅត្រឹម៥១១.០០០យូនីត កាលពីខែមុន ដែលជាកម្រិតទាបបំផុត ចាប់តាំងពីខែមករា ឆ្នាំ២០១៦។ ល្បឿននៃការលក់ក្នុងខែមិថុនា បានបង្អង់ល្បឿនមកនៅត្រឹម៥៨៥.០០០យូនីត បើធៀបនឹង៥៩០.០០០យូនីត ដែលត្រូវបានរាយការណ៍មុននេះ។

ក្រុមអ្នកជំនាញសេដ្ឋកិច្ច ដែលត្រូវបានស្ទង់មតិ ដោយទីភ្នាក់ងារព័ត៌មាន Reuters បានព្យាករថា ការលក់ផ្ទះថ្មី ដែលមានចំនួន៩,៦% នៃការលក់ផ្ទះនៅសហរដ្ឋអាមេរិក នឹងធ្លាក់ចុះដល់អត្រា៥៧៥.០០០យូនីត។

ការលក់ផ្ទះបានធ្លាក់ចុះ២៩,៦%ក្នុងខែកក្កដា។ ការលក់បានកើនឡើងខ្ពស់បំផុត ក្នុងអត្រា៩៩៣.០០០យូនីត ក្នុងខែមករា ឆ្នាំ២០២១ ដែលជាកម្រិតខ្ពស់បំផុតចាប់តាំងពីចុងឆ្នាំ២០០៦៕

បាងកក៖ នៅថ្ងៃពុធនេះ តុលាការធម្មនុញ្ញនៃប្រទេសថៃ បានបង្គាប់ឱ្យនាយករដ្ឋមន្រ្តី លោក ប្រាយុទ្ធ ចាន់អូចា ត្រូវផ្អាកពីមុខតំណែងជាបណ្តោះអាសន្ន បន្ទាប់ពីតុលាការបានទទួលយក ញត្តិរបស់បក្សប្រឆាំងដែលទាមទារ ឱ្យមានការសម្រេចទៅលើ រយៈពេលកាន់អំណាចរបស់លោក។

នេះបើតាមការចេញផ្សាយដោយ សារព័ត៌មាន Bangkok Post នៅថ្ងៃពុធ ទី២៤ ខែសីហា ឆ្នាំ២០២២។

លោក ប្រាយុទ្ធ គឺជាអគ្គមេបញ្ជាការយោធា នៅពេលដែលលោកបានដឹកនាំ ការធ្វើរដ្ឋប្រហារទម្លាក់រដ្ឋាភិបាលស៊ីវិល របស់លោកស្រី យីងឡាក់ ស៊ីណាវ៉ាត់ កាលពីឆ្នាំ២០១៤។ ចាប់តាំងពីពេលនោះ លោកបានដឹកនាំប្រទេស ក្នុងនាមជាប្រមុខរបបយោធា ហើយបន្ទាប់មក លោកក៏បានក្លាយជា នាយករដ្ឋមន្រ្តីនៃរដ្ឋាភិបាលស៉ីវិល នៅឆ្នាំ២០១៩ ក្រោយការបោះឆ្នោតសកល។ ការបោះឆ្នោតសកលបន្ទាប់ទៀត ត្រូវគេរំពឹងថា នឹងប្រព្រឹត្តទៅនៅខែឧសភា ឆ្នាំ២០២៣។

ប៉ុន្តែនាពេលថ្មីៗនេះ គណបក្សប្រឆាំងភឿថៃ (Pheu Thai) បានដាក់ញត្តិទាមទារឱ្យតុលាការធម្មនុញ្ញ ធ្វើការសម្រេចថាតើលោក ប្រាយុទ្ធ អាចកាន់អំណាចបានយូរប៉ុនណាឱ្យប្រាកដ។ ខាងក្រុមប្រឆាំងបានលើកឡើងថា អាណត្តិនាយករដ្ឋមន្រ្តីរបស់លោក ប្រាយុទ្ធ បានចាប់ផ្តើមតាំងពីខែសីហា ឆ្នាំ២០១៤ គឺប៉ុន្មានខែក្រោយរដ្ឋប្រហារយោធា ដូច្នេះហើយវាគួរតែបញ្ចប់ទៅវិញ នៅមុនដំណាច់ខែនេះ ក្រោយគ្រប់៨ឆ្នាំ។ យោងតាមរដ្ឋធម្មនុញ្ញថៃ នាយករដ្ឋមន្រ្តី អាចកាន់អំណាចបានយូរបំផុតសរុបត្រឹម៨ឆ្នាំ។

ដោយឡែក ក្រុមអ្នកគាំទ្រមួយចំនួនបានប្រកែកថា អាណត្តិនាយករដ្ឋមន្រ្តីរបស់លោក គឺទើបតែបានចាប់ផ្តើមនៅឆ្នាំ២០១៧ ជាពេលរដ្ឋធម្មនុញ្ញថ្មីចូលជាធរមាន ឬក៏ក្រោយការបោះឆ្នោតសកលឆ្នាំ២០១៩ ដែលមានន័យថា លោក ប្រាយុទ្ធ គួរតែត្រូវបានអនុញ្ញាតឱ្យបន្តកាន់អំណាច រហូតដល់ឆ្នាំ២០២៥ ឬឆ្នាំ២០២៧ ប្រសិនបើលោកនៅទទួលបាន សំឡេងគាំទ្រគ្រប់គ្រាន់ក្នុងសភា។

លោក ប្រាយុទ្ធ ចាន់អូចា វ័យ៦៨ឆ្នាំ នឹងត្រូវផ្អាកពីតួនាទីរហូតទាល់តែដល់ពេល តុលាការធម្មនុញ្ញចេញសេចក្តីសម្រេចពាក់ព័ន្ធ រយៈពេលកាន់អំណាចរបស់លោក។ ដូច្នេះហើយ កំលុងចន្លោះពេលនេះ ឧបនាយករដ្ឋមន្រ្តី លោក ប្រាវីត វុងស៊ូវ៉ាន់ (Prawit Wongsuwan) វ័យ៧៧ឆ្នាំ ទំនងនឹងត្រូវឡើងជា នាយករដ្ឋមន្រ្តីថៃបណ្តោះអាសន្ន៕

ដោយៈ លាងហួរ

ថៃៈ ទីក្រុងកំពង់ផែធំបំផុតក្នុងប្រទេសថៃ គឺ កំពង់ផែឡែមចាបាំង (Laem Chabang) ស្ថិតក្នុងខេត្តឈុនបុរី បានបង្ហាញផែនការ ក្នុងគោលបំណងបញ្ចប់ការកកស្ទះជាច្រើនឆ្នាំ ដោយសាររថយន្តដឹកទំនិញ កាលពីថ្ងៃអង្គារម្សិលមិញនេះ។

នេះបើយោងតាមការចុះផ្សាយរបស់សារព័ត៌មាន The Nations នៅថ្ងៃទី២៤​ ខែសីហា ឆ្នាំ២០២២។

ប្រធានអាជ្ញាធរកំពង់ផែថៃ (PAT) លោក Kriengkrai Chaisiriwongsuk បាននិយាយថា ខ្លួនកំពុងសិក្សាលើការសាងសង់តំបន់ពាណិជ្ជកម្មទំហំ៩០រ៉ៃ (ប្រហែល១៤៤០០០ម៉ែត្រការ៉េ) មានទីតាំងក្នុងកំពង់ផែ សម្រាប់ចំណតរថយន្តដឹកទំនិញ  សណ្ឋាគារ និងកន្លែងផ្សេងៗទៀត។

លោករំពឹងថា ការសិក្សានេះនឹងបញ្ចប់នៅឆ្នាំ២០២២នេះ ជាមួយនឹងក្រុមហ៊ុនឯកជន ដែលបានចូលរួមដេញថ្លៃ សម្រាប់កិច្ចសន្យាសាងសង់នៅឆ្នាំ២០២៣។

លោក Kriengkrai បានឱ្យដឹងទៀតថា គម្រោងសាងសង់នេះមានគោលបំណងកាត់បន្ថយការកកស្ទះ និងសម្រួលដល់ការដឹកជញ្ជូនទំនិញចូល និងចេញពីកំពង់ផែសមុទ្រតាមផ្លូវថ្នល់ ហើយកំពង់ផែនេះ នឹងផ្តល់សេវាកម្មដល់រថយន្តដឹកទំនិញជាង៣សែនគ្រឿងក្នុងមួយខែ។

អាជ្ញាធរកំពង់ផែថៃ (PAT) គ្រោងបែងចែកតំបន់មួយ ដើម្បីឱ្យអ្នកបើកបររថយន្តបានសម្រាក ខណៈពួកគេរង់ចាំការដឹកជញ្ជូន ដោយលោកបានបន្ថែមថា អ្នកបើកបរខ្លះត្រូវរង់ចាំរហូតដល់១០ម៉ោង សម្រាប់ការត្រួតពិនិត្យរបស់គយ។

បើយោងតាមមន្ត្រីរូបនេះ បានបញ្ជាក់ថា គម្រោង PAT នេះ ត្រូវបានបំផុសគំនិតដោយតំបន់ពាណិជ្ជកម្ម នៅកំពង់ផែសមុទ្រធំៗ ក្នុងប្រទេសហូឡង់ ចិន ហុងកុង និងសិង្ហបុរី។

លោកបន្ថែមថា ថវិកាសាងសង់នឹងត្រូវពិនិត្យឡើងវិញ នៅពេលក្រុមហ៊ុនឯកជនបង្ហាញការចាប់អារម្មណ៍ក្នុងការដេញថ្លៃ។ ការអភិវឌ្ឍកំពង់ផែឡែមចាបាំង ដំណាក់កាលទី៣ ជាផ្នែកមួយនៃគម្រោងតម្លៃ៦៥៥ពាន់លានបាត ដើម្បីធ្វើឱ្យប្រសើរឡើងនូវហេដ្ឋារចនាសម្ព័ន្ធនៅក្នុងច្រករបៀងសេដ្ឋកិច្ចខាងកើត (EEC)។

ការធ្វើឱ្យប្រសើរឡើងរបស់ EEC ក៏រួមបញ្ចូលផងដែរ នូវផ្លូវរថភ្លើងល្បឿនលឿនរវាងអាកាសយានដ្ឋានចំនួនបី ការអភិវឌ្ឍន៍ព្រលានយន្តហោះ U-tapao និងដំណាក់កាលទី៣នៃកំពង់ផែឧស្សាហកម្ម Map Ta Phut៕

ដោយៈ លាងហួរ

សេអ៊ូលៈ ប្រទេសចិនបានក្លាយជាប្រភពចំណូលដ៏ធំ សម្រាប់សេដ្ឋកិច្ចកូរ៉េខាងត្បូង អស់រយៈពេលប្រហែល៣០ឆ្នាំ ចាប់តាំងពីប្រទេសទាំងពីរបានបង្កើតទំនាក់ទំនងការទូតក្នុងឆ្នាំ១៩៩២។

យ៉ាងណាក្តី ប្រទេសកូរ៉េខាងត្បូងចាំបាច់ត្រូវធ្វើពិពិធកម្មដៃគូពាណិជ្ជកម្មរបស់ខ្លួន និងកាត់បន្ថយការពឹងផ្អែកលើប្រទេសជិតខាង ពីព្រោះសេដ្ឋកិច្ចកូរ៉េខាងត្បូងនឹងមានប៉ះពាល់យ៉ាងធ្ងន់ធ្ងរ ប្រសិនបើឱនភាពពាណិជ្ជកម្មជាមួយប្រទេសចិននៅតែបន្តកើនឡើង។ នេះបើយោងតាមអ្នកជំនាញឧស្សាហកម្ម។

ប្រទេសកូរ៉េខាងត្បូងអាចរក្សាអតិរេក ក្នុងពាណិជ្ជកម្មជាមួយចិន ដោយការនាំចេញអេក្រង់ ទូរស័ព្ទទំនើបឧបករណ៍ពាក់កណ្តាល និងគ្រឿងសម្អាង។

ក្រុមហ៊ុនកូរ៉េខាងត្បូងកំពុងបាត់បង់ការប្រកួតប្រជែងរបស់ខ្លួន នៅក្នុងទីផ្សារប្រទេសចិន  ដោយសារប្រទេសចិនបានបង្កើនបច្ចេកវិទ្យា និងសមត្ថភាពផលិតរបស់ខ្លួន នៅក្នុងវិស័យទាំងនេះ។

មិនតែប៉ុណ្ណោះ ប្រទេសកូរ៉េខាងត្បូងបាន និងកំពុងនាំចូលវត្ថុធាតុដើមពីប្រទេសចិន ដើម្បីកែច្នៃ  និងផលិតផលិតផលសម្រេច សម្រាប់នាំចេញទៅកាន់ប្រទេសផ្សេងៗ។ ប៉ុន្តែ កូរ៉េបានរងសម្ពាធ ក្នុងការ ធ្វើពិពិធកម្មដៃគូនាំចូលរបស់ខ្លួន ខណៈការកាត់បន្ថយសេដ្ឋកិច្ច រវាងសហរដ្ឋអាមេរិក និងចិនបានកើន ឡើង។

យោងតាមទិន្នន័យរបស់សេវាគយកូរ៉េ កូរ៉េត្រូវបានគេរំពឹងថា នឹងប្រកាសឱនភាពពាណិជ្ជកម្មជាមួយប្រទេសចិន សម្រាប់រយៈពេលបួនខែជាប់គ្នា ក្នុងខែសីហាឆ្នាំនេះ។  ប្រទេសកូរ៉េបានជួបឱនភាពពាណិជ្ជកម្មចំនួន៦៦៧លានដុល្លារ ជាមួយប្រទេសចិន ក្នុងរយៈពេល២០ថ្ងៃដំបូង នៃខែសីហានេះ។

នៅក្នុងខែឧសភា ប្រទេសកូរ៉េបានប្រកាសឱនភាពពាណិជ្ជកម្មជាលើកដំបូងរបស់ខ្លួន ជាមួយប្រទេសចិន ចាប់តាំងពីខែសីហា ឆ្នាំ១៩៩៤ ដែលមានចំនួនសរុប១,០៩៩ពាន់លានដុល្លារ។  ចាប់តាំងពីពេលនោះមក សមតុល្យពាណិជ្ជកម្មរបស់កូរ៉េ ជាមួយប្រទេសចិនបានបណ្តាលឱ្យមានឱនភាពចំនួន១,២១៤ពាន់លានដុល្លារ ក្នុងខែមិថុនា និង៥៧៥លានដុល្លារ ក្នុងខែកក្កដារៀងគ្នា។

លោក Hong Ji-sang អ្នកស្រាវជ្រាវជាន់ខ្ពស់ នៅសមាគមពាណិជ្ជកម្មអន្តរជាតិកូរ៉េ បាននិយាយថា “ការធ្វើពិពិធកម្មដៃគូពាណិជ្ជកម្ម និងបច្ចេកវិទ្យា ដែលកំពុងអភិវឌ្ឍបន្ថែមទៀត គឺជាដំណោះស្រាយចំពោះបញ្ហាលំបាកនេះ”។

អ្នកស្រាវជ្រាវជាន់ខ្ពស់រូបនេះ បាននិយាយថា ដើម្បីកែលម្អសមតុល្យពាណិជ្ជកម្ម ជាមួយប្រទេសចិន កូរ៉េត្រូវការធានានូវប្រព័ន្ធសង្វាក់ផ្គត់ផ្គង់ការនាំចូល ប្រកបដោយស្ថិរភាព សម្រាប់សម្ភារៈសំខាន់ៗ ដែលទាក់ទងនឹងឧស្សាហកម្ម និងដែលមានសក្តានុពលកំណើនខ្ពស់៕

ដោយ: លាងហួរ

អាស៊ីៈ ផែនការការងារពហុឆ្នាំសម្រាប់ពាណិជ្ជកម្មសេរី និងបើកចំហ ការវិនិយោគ នឹងត្រូវពិភាក្សានៅឯកិច្ចប្រជុំ មន្ត្រីជាន់ខ្ពស់ APEC លើកទីបីនៅទីក្រុងឈៀងម៉ៃ។

ការផ្តោតជាពិសេស គឺលើការជំរុញការស្តារសេដ្ឋកិច្ច ប្រកបដោយនិរន្តរភាព ពីជំងឺរាតត្បាត Covid-19 ដែលជាអាទិភាពសំខាន់មួយសម្រាប់កិច្ចប្រជុំAPEC 2022 ក្រោមប្រធានបទ” Open.Connect.Balance.”ជាមួយនឹងគំរូសេដ្ឋកិច្ច Bio-Circular-Green (BCG)។

របៀបវារៈដ៏សំខាន់បំផុតមួយ សម្រាប់កិច្ចប្រជុំផ្នែកពាណិជ្ជកម្ម និងការវិនិយោគ គឺបន្តការសន្ទនាថ្មីលើតំបន់ពាណិជ្ជកម្មសេរី នៃអាស៊ីប៉ាស៊ីហ្វិក (FTAAP)នៅក្នុងបរិបទក្រោយជំងឺកូវីដ១៩។

ផ្អែកលើលទ្ធផលជោគជ័យ នៃកិច្ចប្រជុំរដ្ឋមន្ត្រីទទួលបន្ទុកពាណិជ្ជកម្មរបស់ APEC (MRT) នៅខែឧសភា ឆ្នាំ ២០២២ គណៈកម្មាធិការពាណិជ្ជកម្ម និងវិនិយោគ (CTI) នឹងកោះប្រជុំនៅថ្ងៃទី ២៦-២៧ ខែសីហា ដើម្បីពិភាក្សា អំពីការបង្កើតផែនការការងារពហុឆ្នាំ FTAAP ដោយមានគោលបំណងបញ្ជូនវា ទៅអនុម័តនៅកិច្ចប្រជុំថ្នាក់រដ្ឋមន្ត្រី APEC ក្នុងខែវិច្ឆិកា។ ផែនការការងារពហុឆ្នាំរបស់ FTAAP នឹងក្លាយជាសមិទ្ធិផលដ៏សំខាន់។

វានឹងបង្កើតក្របខ័ណ្ឌរយៈពេលវែងសម្រាប់ APEC ដើម្បីបន្តជំរុញរបៀបវារៈ FTAAP ដោយមានគោលបំណង លើកកម្ពស់សេដ្ឋកិច្ចអាស៊ីប៉ាស៊ីហ្វិកសេរី និងបើកចំហ ដែលផ្តល់ឱកាសពាណិជ្ជកម្ម និងការវិនិយោគ។

CTI ក៏នឹងពិភាក្សាអំពីកម្មវិធីកសាងសមត្ថភាព FTAAP សំដៅកាត់បន្ថយគម្លាតរវាងសេដ្ឋកិច្ចសមាជិក APEC ក្នុងដំណាក់កាលអភិវឌ្ឍន៍ផ្សេង​ៗគ្នា។

អ្នកជំនាញCTI នឹងរៀបចំផែនការកម្មវិធីការងារជាបន្តបន្ទាប់ ដើម្បីផ្លាស់ប្តូរចំណេះដឹង ការអនុវត្តល្អបំផុត និងបទពិសោធន៍ក្នុងចំណោមសមា​ជិក APEC លើប្រធានបទសំខាន់ៗ ទាក់ទងនឹងការជំរុញសមាហរណកម្មសេដ្ឋកិច្ចក្នុងតំបន់៕