ដោយៈ សុផារី

បាងកកៈ ការស្ទង់មតិថ្មីមួយ ដោយមជ្ឈមណ្ឌលព័ត៌មានអចលនទ្រព្យរបស់ធនាគារលំនៅដ្ឋានរដ្ឋាភិបាល (REIC) បានរកឃើញថា ទោះបីជាអចលនទ្រព្យ នៅក្នុងប្រទេសថៃត្រូវបានទិញ ដោយជនបរទេសតិចតួចជាងកាលពីឆ្នាំមុនក៏ដោយ តម្លៃនៃយូនីតដែលពួកគេទិញ គឺនៅមានកំណើនខ្ពស់ជាងគួរឱ្យកត់សម្គាល់។

យោងតាមការស្ទង់មតិបានបង្ហាញថា ខុនដូសរុបចំនួន៨.១៩៨យូនីតត្រូវបានលក់ទៅឱ្យជនបរទេសក្នុងឆ្នាំ២០២១ ពោលគឺធ្លាក់ចុះ១១ភាគរយពីចំនួន៨២៨៧ យូនីតដែលបានលក់កាលពីឆ្នាំមុន។ ទោះជាយ៉ាងណាក៏ដោយ តម្លៃនៃយូនីតដែលបានទិញ ដោយជនបរទេសបានកើនឡើង៥ភាគរយពីមួយឆ្នាំទៅមួយឆ្នាំ ដោយមានតម្លៃប្រហែល ៣៩,៦១ពាន់លានបាត។ ទំហំនៃយូនីតក៏បានកើនឡើង ៤,១ភាគរយផងដែរ ក្នុងចំនួនសរុប៣៥៥.៣១៥ ម៉ែត្រការ៉េ។

ការស្ទង់មតិក៏បានរកឃើញថា អ្នកទិញបរទេសភាគច្រើនទិញយូនីតដែលមានតម្លៃ៣លានបាតឬតិចជាងនេះ មានចំនួន៤.០៤៦យូនីត បន្ទាប់មកក្នុងជួរតម្លៃពី៣លាន ទៅ៥លានបាតចំនួន១.៨៥៨ យូនីតក្នុងចន្លោះពី៥លានទៅ៧លានបាតមានចំនួន១.២១៩ និងក្នុងចន្លោះពី៧លានទៅ១០លានបាតចំនួន៥១០យូនីត ហើយមានតម្លៃជាង១០លានបាតមានចំនួន៥៦៥យូនីត ។

ជនជាតិចិនគឺជាអ្នកទិញដ៏ធំបំផុត ដោយបានទិញ៤.៨៦៧យូនីត ឬ ៥៩,៤ភាគរយនៃអចលនទ្រព្យទាំងអស់ ដែលបានលក់ទៅឱ្យជនបរទេសកាលពីឆ្នាំមុន។ ជនជាតិរុស្សីឈរនៅលេខរៀងទី២ ទិញ៣០៦យូនីត ស្មើនឹង៣,៧ភាគរយ តាមពីក្រោយដោយជនជាតិអង់គ្លេស ទិញ២៨០យូនីត និងជនជាតិអាមេរិក២៧៩យូនីត។

អ្នកទិញចិនក៏បានចំណាយច្រើនជាងគេ ស្មើនឹង២២,៨៧ពាន់លានបាត ខណៈជនជាតិអាមេរិកឈរ នៅលំដាប់ទីពីរចំនួន១,២៩ពាន់លានបាត បន្ទាប់មកជនជាតិអង់គ្លេសចំនួន១,២៥ពាន់លានបាត។

យោងតាមការស្ទង់មតិ ខេត្តចំនួនប្រាំដែលទាក់ទាញ អ្នកទិញអចលនទ្រព្យបរទេសច្រើនជាងគេ ក្នុងឆ្នាំ២០២១ គឺទីក្រុងបាងកក ឈុនបុរី ភូកេត សាមុតប្រាកាន និងឈៀងម៉ៃ៕

ដោយៈជេស៊ីកា

ភ្នំពេញៈ ផ្លូវល្បឿនលឿនភ្នំពេញ ព្រះសីហនុបាននិងកំពុងសាងសង់យ៉ាងសកម្ម និងខិតទៅរកការបញ្ចប់ការស្ថាបនា១០០ភាគរយហើយ។

យោងតាមផេកផ្លូវការរបស់គំរោងសាងសង់ផ្លូវល្បឿនលឿនទី១ នៅកម្ពុជានេះបានបង្្ហាញឲ្យដឹងកាលពីពេលថ្មីៗនេះថា ក្រុមហ៊ុនផ្លូវល្បឿនលឿនភ្នំពេញ ទៅក្រុងព្រះសីហនុជាផ្លូវល្បឿនលឿន ដំបូងគេក្នុងប្រទេសកម្ពុជា គម្រោងនេះត្រូវបានគេរំពឹងថា នឹងបើកដំណើរការនៅខែមិថុនាឆ្នាំ២០២២នេះ។

ផេកដដែលនេះបានសរសេរបន្តថា “50 ឆ្នាំនៃប្រតិបត្តិការ 50ឆ្នាំនៃភាពដៃគូ! ធ្វើការរួមគ្នាដើម្បីកសាងកំពង់ផែមាសដ៏ស្រស់ស្អាត”។

ជាមួយគ្នានេះ ក្រុមហ៊ុនក៏បានប្រកាសជ្រើសរើស បុគ្គលិកសំរាប់បំពេញ​ការងារនៅពេលគំរោងនេះបើកដំណើរការផងដែរ។ យើងនឹងផ្តល់ឱ្យអ្នកនូវប្រាក់បៀវត្សរ៍ និងអត្ថប្រយោជន៍ដ៏ច្រើនសន្ធឹកសន្ធាប់ យើងមានរៀបចំការបណ្តុះបណ្តាលការងារមុន រួមជាមួយរយៈពេលសាកល្បងការងារ 3 ខែ។ បន្ទាប់ពីឆ្លងកាត់រយៈពេលសាកល្បងរួច អ្នកនឹងក្លាយជាបុគ្គលិកផ្លូវការ។

ផ្លូវល្បឿនលឿនភ្នំពេញ ព្រះសីហនុ ជាផ្លូួវប្រវត្តិសាស្រ្ត ដែលបញ្ជាក់ពីចំណងមិត្តភាពកម្ពុជា ចិន ដែលផ្លូវនេះស្ថិតក្រោមគំនិតផ្តួចផ្តើម ខ្សែក្រវ៉ាត់១ ផ្លូវ១របស់ប្រទេសចិន។

ផ្លូវប្រវែងជាង១៩០គីឡូម៉ែត្រនេះ សាងសង់ឡើងដោយចំណាយទឹកប្រាក់រហូតដល់២០០០លានដុល្លារអាមេរិក ដែលទំហំចំណាយនេះធំមែនទែន បើធៀបនឹងការសាងសង់ផ្លួវដទៃទៀតនៅកម្ពុជា៕

ដោយៈ វឌ្ឍនៈ

ភ្នំពេញៈ ការអភិវឌ្ឍអចលនទ្រព្យ នៅក្នុងប្រទេសកម្ពុជានៅតែបន្តទៅមុខដោយរលូន ទោះបីជាមានការរំខាន ដោយសារតែកូវីដ១៩ក្ដី ក្នុងការអភិវឌ្ឍលំនៅឋានឃើញថា រីកសាយទៅជាយៗរាជធានីភ្នំពេញ ដោយគម្រោងខ្លះទទួលបានការគាំទ្រពីពលរដ្ឋ និងគម្រោងខ្លះទៀតក៏មិនសូវមានការគាំទ្រ។

យោងតាមការសិក្សាពីក្រុមហ៊ុន Century 21 Zillion Holding ប្រចាំកម្ពុជាបានបង្ហាញថា ក្នុងឆ្នាំ២០២១កន្លងទៅ គម្រោងអភិវឌ្ឍន៍លំនៅឋានមានចំនួន៦២គម្រោង និងមានចំនួនផ្ទះសរុបជាង២ម៉ឺនខ្នង សម្រាប់បំពេញតម្រូវការអតិថិជន ដែលមានតម្រូវការជាក់ស្ដែង ។

លោកឡុង គឹមសួគ៌ អគ្គនាយកនៃក្រុមហ៊ុនអចលនទ្រព្យ Century 21 Advance បានឱ្យដឹងកាលពីរសៀលថ្ងៃទី៣១ មិនាថា គម្រោងលំនៅឋាន ដែលមានការកែច្នៃទៅតាមទីផ្សារជាក់ស្ដែង នៅតែបន្តទទួលបានការគាំទ្រ ជាពិសេសទៅលើទីតាំងសក្ដានុពល ដូចជា មានប្រព័ន្ធហេដ្ឋារចនាសម្ព័ន្ធ ទឹក ភ្លើងត្រឹមត្រូវ ។

អ្នកទិញលំនៅឋាន នៅក្នុងប្រទេសកម្ពុជាបច្ចុប្បន្ននេះ គឺទទួលបានលក្ខខណ្ឌបង់ប្រាក់កាន់តែងាយស្រួល ដូច្នេះទើបធ្វើឱ្យការទិញលក់លំនៅឋាន នៅតែបន្តហើយការអភិវឌ្ឍន៍ នៅតែចាប់ផ្ដើមថ្មីៗ។

លោកបន្តថា អ្នកអភិវឌ្ឍន៍ខ្លះ ដែលបានចាប់ផ្ដើមគម្រោងរបស់ខ្លួន ទោះបីជាមិនទាន់លក់ដាច់នៅពេលនេះ ក៏អាចបន្តការងារសំណង់របស់ខ្លួន និងទុកសម្រាប់ផ្គត់ផ្គង់នៅពេលអនាគត ដោយរក្សាទុកការអភិវឌ្ឍ ដើម្បីជួយដល់បុគ្គលិក និងក្រុមហ៊ុនបន្តដំណើរការទៅមុខទោះស្ថិតនៅក្នុងវិបត្តិ ។

នៅក្នុងរបាយការណ៍របស់ក្រុមហ៊ុនអចលនទ្រព្យ CBRE Cambodia ក៏បានបង្ហាញ ថាក្នុងចំណោមគម្រោងសំណង់ដែលបានអនុម័តក្នុងឆ្នាំ២០២១កន្លងទៅ មានគម្រោងអភិវឌ្ឍន៍លំនៅឋាន ស្ទើរតែពាក់កណ្ដាលទៅហើយ កម្ចីសម្រាប់ទិញលំនៅឋានគិតត្រឹមចុងឆ្នាំ២០២១។

ទំហំទុនវិនិយោគក្នុងវិស័យនេះ មានទឹកប្រាក់រហូតដល់ជាង៥ពាន់លានដុល្លារអាមេរិក ដែលបង្ហាញពីតម្រូវការលំនៅឋានក្នុងឆ្នាំកន្លងទៅនៅតែមានខ្ពស់ ៕

ដោយ៖ សុខុម

បាងកក: វិស័យអចលនទ្រព្យទូទាំងពិភពលោក ជាពិសេសនៅតំបន់អាស៊ី បានទទួលរងការវាយប្រហារយ៉ាងខ្លាំង នៅពេលការផ្ទុះវិបត្តិកូវីដ-១៩ បានធ្វើឱ្យអ្វីៗស្ទើរតែជាប់គាំង និងបង្កផលប៉ះពាល់ធ្ងន់ធ្ងររហូតមកទល់ពេលនេះ។

ទោះជាយ៉ាងណា ពេលនេះវិស័យអចលនទ្រព្យក្នុងប្រទេសថៃ ដែលជាប់ភូមិផងរបងជាមួយកម្ពុជា កំពុងចាប់ផ្ដើមងើបឡើងវិញជាបណ្ដើរៗហើយ ក្រោយធ្លាក់ចុះអស់រយៈពេល២ឆ្នាំដោយសារវិបត្តិរីករាលដាលវីរុសកូវីដ-១៩។

នេះបើយោងតាមរដ្ឋមន្ត្រីក្រសួងហិរញ្ញវត្ថុថៃ លោក Arkhom Termpittayapaisith បានបញ្ជាក់នៅថ្ងៃព្រហស្បតិ៍ ទី៣១ ខែមីនា។

លោក Arkhom Termpittayapaisith បានថ្លែងក្នុងសិក្ខាសាលាស្ដីពីធុរកិច្ចថា ធនាគារលំនៅដ្ឋានរដ្ឋ Government Housing Bank (GH Bank) របស់ប្រទេសនេះនឹងបន្តរក្សាអត្រាការប្រាក់ទាបដើម្បីជួយជំរុញតម្រូវការ។

ហើយទន្ទឹមនឹងនេះ រដ្ឋាភិបាលថៃ ក៏នឹងគ្រប់គ្រងអតិផរណាដែលជំរុញដោយតម្លៃទំនិញហក់ឡើងផងដែរ។ ជាការកត់សម្គាល់ ការហក់ឡើងតម្លៃប្រេងនាំមុខគេដែលជំរុញឱ្យអតិផរណាកើនឡើងខ្ពស់៕

Reporting by Clare Jim

HONG KONG : Goldman Sachs said Hong Kong residential property prices could drop as much as 20per cent through 2025, hurt by a drag on household income and homebuyer demand caused by the latest wave of the COVID-19 outbreak and a rise in interbank rates.

The investment bank lowered the price forecasts for 2022 and 2025 to a drop of 5per cent each year, from previous forecasts of flat for both years. For 2023 and 2024, it maintained its prediction of a 5per cent drop.

Hong Kong, ranked by survey company Demographia as the world’s most unaffordable housing market for the 12th consecutive year, posted a 2.9per cent decline in home prices so far this year, with prices dropping at a faster pace in February to their lowest since January 2021.

Home prices more than doubled over the last decade and reached an all-time high in September. They were largely resilient during the mass protests that convulsed the city in 2019 and through the pandemic over the last two years, supported by robust demand and lower interest rates.

Goldman Sachs said in a report dated on Monday it expected HIBOR, on which most mortgages in Hong Kong are based, to rise around 270 basis points through 2024, sending mortgage rates higher to around 3.8per cent from a low of around 1.46per cent in the fourth quarter of 2021, and property prices could decline as a result.

“Every 25bp rate hike would need c.5per cent rise in income or 5per cent decline to property price to maintain affordability at the pre-rate hike state,” it said in the report

Source: Reuters