ដោយៈ គង់ ម៉ាលីនណា

ភ្នំពេញៈ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានអញ្ជើញចូលរួមថ្លែងសុន្ទរកថាក្នុងពិធីបើក វេទិកាធុរកិច្ចឡាងឆាងមេគង្គលើកទី៣ ដែលសហការរៀបចំឡើងដោយសភាពាណិជ្ជកម្មកម្ពុជា និងវិទ្យាស្ថានមេគង្គ ក្រោមមូលបទ “ការជំរុញកសិពាណិជ្ជកម្មនិងការវិនិយោគក្នុងវិស័យកៃច្នៃម្ហូបអាហារ”។

វេទិកាដែលបានធ្វើឡើងកាលពីថ្ងៃម្សិលម៉ិញ បានប្រព្រឹត្តទៅក្រោមអធិបតីភាពលោកឈួន ដារ៉ា រដ្ឋលេខាធិការក្រសួងពាណិជ្ជកម្ម តំណាង លោកប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ព្រមទាំងមានការចូលរួមពីតំណាងវិស័័យសាធារណៈនិងវិស័យឯកជន របស់ប្រទេសឡាងឆាងមេគង្គ ចំនួនជាង១៥០នាក់នៅរាជធានីភ្នំពេញ និងជាង២០០នាក់ នៅតាមប្រព័ន្ធអនឡាញ។

អ្នកឧកញ៉ាគិត ម៉េងបានលើកឡើងអំពីសារៈសំខាន់ នៃការជំរុញកិច្ចសហប្រតិបត្តិការល្អរវាងបណ្តាប្រទេសឡាងឆាង មេគង្គ ឆ្ពោះទៅកាន់វិបុលភាពរួម។ ជាតួយ៉ាង កិច្ចព្រមព្រៀងសេរីកម្ពុជា-ចិន បានចូលជាធរមាននៅខែមករាឆ្នាំ២០២២ នេះ ដែលបានជួយជំរុញទំនាក់ទំនងសេដ្ឋកិច្ច និងពាណិជ្ជកម្មទ្វេភាគីកម្ពុជា-ចិន ដល់កម្រិតខ្ពស់ ក៏ដូចជា ជួយអភិវឌ្ឍវិស័យកសិកម្មកម្ពុជាផងដែរ ព្រោះចិនជាប្រទេសនាំចូលផលិតផលកសិកម្មពីកម្ពុជា ដ៏ចម្បងជាងគេមួយ ដែល រួមមានផលិតផល៖ អង្ករ ស្វាយ និងចេកជាដើម។

ក្នុងន័យនេះ អ្នកឧកញ៉ាប្រធាន បានអញ្ជើញគណៈប្រតិភូធុរកិច្ចប្រទេសមេគង្គឡាងឆាង និងធុរជនទាំងអស់ មកបំពេញទស្សនកិច្ចនិងសិក្សាលទ្ធភាព វិនិយោគនៅកម្ពុជា ដែលមានសេដ្ឋកិច្ចរឹងមាំ មានទីផ្សារទូលំទូលាយ និងមានកាលានុវត្តភាពសម្បូរបែប៕

ដោយៈ ជេស៊ីកា

ភ្នំពេញៈ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទលោកវេង សាខុនបានលើកអនុសាសន៍ចំនួន៥ ដើម្បីរួមចំណែកជាធាតុចូល ក្នុងគោលដៅប្រែក្លាយនិងអភិវឌ្ឈន៍ខេត្តព្រះសីហនុ ជាតំបន់សេដ្ឋកិច្ចពហុបំណង។

កិច្ចប្រជុំពិភាក្សាលើរបាយការណ៍ស្តីពី “ការវាយតម្លៃបឋម លើផែនការមេដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង” ជាមួយក្រសួងសេដ្ឋកិច្ច និងហិរញ្ញវត្ថុ (តាមរយ: Zoom) ដែលកិច្ចប្រជុំនេះ ដឹកនាំលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដកិច្ច និងហិរញ្ញវត្ថុ និងជាប្រធានគណកម្មការគោលនយោបាយសេដ្ឋកិច្ច និងហិរញ្ញវត្ថុ។

ទាក់ទងនឹងផែនការមេអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណងនេះ លោករដ្ឋមន្ត្រីវេង សាខុន បានវាយតម្លៃខ្ពស់លើការខិតខំប្រឹងប្រែង របស់ក្រុមការងារជំនាញមកពីវិទ្យាស្ថាននររូបនីយកម្ម និងឌីសាញស៊ីនចិន (ប្រទសចិន) ដែលបានរៀបចំរបាយការណ៍បឋមផែនការមេនេះបានល្អ ដែលយើងកំពុងធ្វើការពិនិត្យ និងផ្តល់មតិបន្ថែម ពីគ្រប់ក្រសួង ស្ថាប័នពាក់ព័ន្ធ។ ក្នុងនាមក្រសួងស្បៀង ដែលជាស្ថាប័នផលិតម្ហូបអាហារផ្គត់ផ្គង់ឲ្យទីក្រុងអភិវឌ្ឍន៍មួយ មានលក្ខណ:ជាទីក្រុងទំនើប បៃតង ទេសចរណ៍ វប្បធម៌ អប់រំ សេដ្ឋកិច្ច ហិរញ្ញវត្ថុ ឧស្សាហកម្ម និងពាណិជ្ជកម្ម។

លោកវេង សាខុន រដ្ឋមន្ត្រីបានជូនយោបល់ ៥ ចំណុចសំខាន់ៗដល់អង្គប្រជុំដើម្បី យកទៅពិនិត្យ និងពិចារណាដាក់បញ្ជូលក្នុងផែនការមេ មានដូចជា ទី១- គួររៀបចំតំបន់កសិកម្មមួយដែលមានសក្តានុពលទាំង និងប្រភពទឹកគ្រប់គ្រាន់ ឬប្រើប្រាស់ទឹកកខ្វក់ដែលបានធ្វើពពិធកម្មរួចហើយ ដើម្បីធានាបាននូវផលិតភាព និងនិរន្តរភាពផលិតកម្មដំណាំបន្លែ និងសត្វ សម្រាប់ផ្គត់ផ្គង់ឲ្យទីក្រុង។ ទី២- គួរកំណត់ឲ្យបានច្បាស់តំបន់ ដែលមានសក្តានុពលសម្រាប់អភិវឌ្ឍន៍វិស័យវារីវប្បកម្មសមុទ្រ ក្នុងទិសដៅពីរសំខាន់គឺទី១- ធានាបរិមាណផ្គត់ផ្គង់អាហារសមុទ្រ និងធ្វើការនាំចេញ និងទី២- អភិរក្សព្រៃកោងកាងនៅទូទាំងខេត្តព្រះសីហនុ។

ទី៣- គួរបញ្ចូលផងដែរនូវផែនការរៀបចំសួនសាធារណបៃតង ក្រសួងកសិកម្ម រុក្ខាប្រមាញ់ និងនេសាទ ដែលមានរដ្ឋបាលព្រៃឈើជាសេនាធិការ នឹងសហការដាំឈើប្រណិត និងឈើលម្អ ដែលវានឹងភ្ជាប់ទៅនឹងគម្រោងទីក្រុងបៃតងនាពេលអនាគត។ ទី៤- គួររៀបចំកំពង់កំពង់ផែ ដែលមានទុកច្រកនាំចេញកសិផល និងផលនេសាទ ដោយមានបំពាក់ឧបករណ៍ត្រជាក់សម្រាប់ស្តុករយៈពេលខ្លី។

ទី៥- គួររៀបចំសួនកសិ-ឧស្សាហកម្ម ដែលមានលក្ខណពហុបំណង និងបច្ចេកទេស (ស្តុក ប្រមូលផ្តុំ កែច្នៃ វេចខ្ចប់ បណ្តុះបណ្តាល ទីផ្សារ និងតាំងបង្ហាញផលិតផល)៕

      ដោយៈវឌ្ឍនៈ

ភ្នំពេញៈ កូរ៉េជាប្រទេសដែលមានវិនិយោគិន បណ្ដាក់ទុននៅកកម្ពុជាច្រើនមួយ ដោយក្នុងនោះឃើញគម្រោងរបស់កូរ៉េជាច្រើន បានលេចរូបរាងឡើងនៅក្នុងប្រទេសកម្ពុជាជាបន្តបន្ទាប់។ បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ចេញផ្សាយនៅថ្ងៃទី៣០ មីនា ២០២២នេះ។

គិតត្រឹមខែកុម្ភៈ ឆ្នាំ២០២២នេះ កម្ពុជាទទួលបានគម្រោងវិនិយោគ ពីប្រទេសកូរ៉េចំនួន២១៩គម្រោង គិតជាទឹកប្រាក់វិនិយៅកមានចំនួនសរុបជាង៥ពាន់លានដុល្លារអាមេរិក។

ក្នុងជំនួបរវាងលោក Koo Yun Cheol រដ្ឋមន្ត្រីទទួលបន្ទុកសម្របសម្រួលគោលនយោបាយរដ្ឋាភិបាល នៃសាធារណរដ្ឋកូរ៉េកាលពីថ្ងៃទី២៩ មីនា ២០២២ លោកសុខ ចិន្ដាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កកម្ពុជា បានជម្រាបពីការចូលជាធរមាននៃច្បាប់វិនិយោគថ្មី របស់ព្រះរាជាណាចក្រកម្ពុជាកាលពីចុងឆ្នាំ២០២១កន្លងទៅ ស្របពេលដែលកម្ពុជាបានបើកដំណើរការសកម្មភាព សេដ្ឋកិច្ចពេញលេញឡើងវិញកាលពីថ្ងៃទី១ វិច្ឆិកា ២០២១ បន្ទាប់ពីមានការរំខានយ៉ាងធ្ងន់ធ្ងរដែលបណ្ដាលមកពីជំងឺកូវីដ១៩។

លោកសង្ឃឹមថា ច្បាប់វិនិយោគថ្មីនេះនឹងចូលរួមទាក់ទាញ ការវិនិយោគពីកូរ៉េមកកម្ពុជាបន្ថែមទៀត ជាពិសេសក្នុងវិស័យឌីជីថល ដែលសាធារណរដ្ឋកូរ៉េបានបោះជំហាននាំមុខគេ លើសកលលោក និងក្នុងវិស័យកែច្នៃចំណីអាហារដែលជាវិស័យមានសក្ដានុពលខ្ពស់នៅកម្ពុជា។

លោកបានបង្ហាញជំនឿថា កិច្ចព្រមព្រៀងពាណិជ្ជកម្មសេរីរវាងកម្ពុជា និងសាធារណរដ្ឋកូរ៉េដែលបានចុះហត្ថលេខាកាលពីចុងខែតុលា ឆ្នាំ២០២១ នឹងចូលជាធរមាននៅពេលឆាប់ៗខាងមុខនេះ ដែលនឹងជួយត្រួសត្រាយផ្លូវ ក្នុងការបង្កើនសកម្មភាពពាណិជ្ជកម្មនិងវិនិយោគរវាងប្រទេសទាំងពីរ ។

ជាមួយគ្នានេះ លោកKOO Yun Cheol ក៏បានឱ្យដឹងថា កិច្ចគាំទ្ររបស់កម្ពុជា គួបផ្សំជាមួយនឹងច្បាប់វិនិយោគថ្មី និងការចូលជាធរមាន នៃកិច្ចព្រមព្រៀងពាណិជ្ជកម្មសេរីកម្ពុជា កូរ៉េ នឹងជំរុញឱ្យមានការវិនិយោគពីកូរ៉េមកកម្ពុជាបន្ថែមផងដែរ៕

   HONG KONG: China Evergrande Group said on Wednesday (Mar 30) it will sell its Crystal City Project in the eastern city of Hangzhou for 3.66 billion yuan (US$575 million) to two state-owned firms as the group’s liquidity issues dampen the progress of its projects.

The firm is selling the land-use and building ownership rights for the project, which is under construction, to Zhejiang Zhejian Real Estate Group and Zhejiang Construction Engineering Group, Evergrande said in a filing.

It will use the proceeds to repay construction fees of 920.7 million yuan owed to Zhejiang Construction Engineering and the rest for its own general working capital. The deal is expected to post a gain of about 216 million yuan.

Saddled with over US$300 billion in liabilities, Evergrande has been struggling to repay suppliers, creditors and complete projects. State-owned enterprises have stepped in to help with the debt restructuring process and taken over some of its assets to quell market concerns about a disorderly collapse.

In a separate filing late on Tuesday, Evergrande said it had set up an independent committee to investigate how banks seized 13.4 billion yuan in deposits of its property services arm, Evergrande Property Services Group, that had been pledged as security for third party guarantees.

Preliminary investigation has found the pledge of the relevant deposits and the enforcement by banks took place in 2021, Evergrande said.

Shares of its unit China Evergrande New Energy Vehicle Group resumed trading on Wednesday and plunged up to 14.5 per cent.

They have been suspended since last Monday pending news of the enforcement. But trading will be halted again on Friday per listing rules as the firm will not be able to publish its 2021 financial results by Mar 31.

Shares of Evergrande and Evergrande Property Services have both been suspended since last Monday.
Source: Reuters