ដោយ៖ ស្រីលិះ

វៀតណាម៖ វៀតណាមនៅតែជាគោលដៅទាក់ទាញសម្រាប់វិនិយោគិនបរទេស រួមទាំងវិនិយោគិនមកពីប្រទេសសិង្ហបុរី ដោយសារកិច្ចខិតខំប្រឹងប្រែង និងវិធានការរួមរបស់រដ្ឋាភិបាលក្នុងការកែលម្អបរិយាកាសធុរកិច្ច និងការពង្រីកកិច្ចព្រមព្រៀងពាណិជ្ជកម្មសេរី។ នេះបើតាមការលើកឡើងរបស់ឯកអគ្គរដ្ឋទូតសិង្ហបុរីប្រចាំនៅវៀតណាម លោក Jaya Ratnam ក្នុងបទសម្ភាសន៍ក្នុងស្រុកមួយ។

តាមការចុះផ្សាយរបស់កាសែត Viet Nam Plus នៅក្នុងថ្ងៃទី២៦ ខែមករានេះ លោកឯកអគ្គរដ្ឋទូតបានគូសបញ្ជាក់ថា សិង្ហបុរីគឺជាប្រភពវិនិយោគនាំមុខគេនៃការវិនិយោគផ្ទាល់ពីបរទេស (FDI) ទៅកាន់ប្រទេសវៀតណាមរយៈពេលពីរឆ្នាំជាប់ៗគ្នា ដោយប្រាក់បានចាក់ចូលទៅក្នុងវិស័យជាច្រើនដូចជា សេវាកម្មហិរញ្ញវត្ថុ និងធានារ៉ាប់រង ការផលិត អចលនទ្រព្យនិងការលក់ និងការលក់រាយទាំងមូល។

សួនឧស្សាហកម្មវៀតណាម-សិង្ហបុរី (VSIP) គឺជាមូលដ្ឋានគ្រឹះនៃទំនាក់ទំនងសេដ្ឋកិច្ចរបស់សិង្ហបុរីជាមួយវៀតណាម ដោយបានទាក់ទាញប្រាក់ប្រមាណ១៤ពាន់លានដុល្លារអាមេរិក ហើយបានបង្កើតការងារជាង២៧០០០០កន្លែងនៅក្នុងប្រទេសវៀតណាមក្នុងរយៈពេល២៥ឆ្នាំចុងក្រោយនេះ។

លោកឯកអគ្គរដ្ឋទូតបានបន្តថា ការអភិវឌ្ឍន៍សេដ្ឋកិច្ចឌីជីថលនឹងក្លាយជាអាទិភាពសំខាន់សម្រាប់ប្រទេសទាំងពីរក្នុងទសវត្សរ៍ខាងមុខ។

ឯកអគ្គរដ្ឋទូតសិង្ហបុរីក៏បានសង្កត់ធ្ងន់ផងដែរអំពីសារៈសំខាន់នៃការចាប់ផ្តើមជើងហោះហើរពាណិជ្ជកម្មរវាងប្រទេសទាំងពីរឡើងវិញ ដោយពិពណ៌នាថាវាជាជំហានដ៏សំខាន់មួយដើម្បីស្តារការធ្វើដំណើរប្រកបដោយសុវត្ថិភាព គាំទ្រដល់កំណើនសេដ្ឋកិច្ច និងទំនាក់ទំនងរវាងប្រជាជននិងប្រជាជន។

ចំពោះទំនាក់ទំនងទ្វេភាគី អ្នកការទូតបាននិយាយថា ប្រទេសត្រូវបានបង្កើតឡើងនៅលើមូលដ្ឋានដ៏រឹងមាំនៃការជឿទុកចិត្ត និងការគាំទ្រទៅវិញទៅមក ត្រូវបានពង្រឹងបន្ថែមទៀតក្នុងរយៈពេលពីរឆ្នាំចុងក្រោយនេះ បើទោះបីជាមានការលំបាកជាច្រើនដែលបណ្តាលមកពីការរីករាលដាលនៃជំងឺកូវីដ-១៩ក៏ដោយ។

ការចូលរួមទ្វេភាគីកម្រិតខ្ពស់ត្រូវបានរក្សាដោយនិរន្តរភាព រួមទាំងជំនួបផ្ទាល់រវាងនាយករដ្ឋមន្ត្រី Pham Minh Chinh និងនាយករដ្ឋមន្ត្រីសិង្ហបុរី Lee Hsien Loong នៅទីក្រុង Jakarta ក្នុងខែមេសា ឆ្នាំ២០២១និងដំណើរទស្សនកិច្ចជាផ្លូវការទៅកាន់ប្រទេសវៀតណាមរបស់រដ្ឋមន្ត្រីការបរទេសសិង្ហបុរីលោក Vivian Balakrishnan ក្នុងខែមិថុនា ឆ្នាំមុនផងដែរ។

នៅទីក្រុងហាណូយ និងទីក្រុងហូជីមិញ សហគមន៍សិង្ហបូរីបានប្រមូលផ្តុំគ្នាដើម្បីប្រមូលថវិកាទិញ និងចែកចាយសម្ភារៈសំខាន់ៗសម្រាប់ជនខ្វះខាត ដោយគិតពីការជួយឧបត្ថម្ភទាន់ពេលរបស់វៀតណាមដល់សិង្ហបុរីនៅពេលស្ថានភាពលំបាកត្រឡប់ទៅប្រទេសរបស់ពួកគេ៕

JAKARTA (Jan 26): Indonesia has conducted early tests to produce gasoline made from palm oil, its Energy Ministry said on Tuesday (Jan 25), as it seeks to expand use of the vegetable oil in its energy sector.

To absorb more of its palm oil output and slash fuel imports, the world’s biggest producer of the oil in 2020 launched a mandatory B30 biodiesel, which is 30% palm oil, one of the highest palm oil concentrations used in a biofuel globally.

Indonesia aims to increase the palm oil content in the biodiesel and use it to produce other fuels.

It conducted a test flight using jet fuel mixed with palm oil last year and plans to do road tests for biodiesel containing 40% palm fuel next month.

“We must work to become independent in areas that are important for our nation, such as the energy sector. We have various energy sources that have not been fully utilised,” Energy Minister Arifin Tasrif said in a statement.

Biodiesel makes up around 38% of Indonesia’s domestic palm oil consumption last year, the Indonesia Palm Oil Association estimated.

Arifin urged the Bandung Institute of Technology, which has been leading the fuel development, to scale up and speed up the testing, so the results can be a parameter in a feasibility study and engineering design for a planned production facility on Sumatra island.

Source: The Edge Market

ដោយ៖ សុខុម

ហ្សាការតា៖ ក្រសួងថាមពលឥណ្ឌូនេស៊ី បានទម្លាយឱ្យដឹងកាលពីថ្ងៃអង្គារ ទី២៥ មករា ថា ប្រទេសនេះបានធ្វើការសាកល្បងដំណាក់កាលដំបូងហើយដើម្បីផលិតសាំងចេញពីប្រេងដូង ខណៈប្រទេសនេះព្យាយាមពង្រីកវិសាលភាពនៃការប្រើប្រាស់ប្រេងបន្លែនៅក្នុងវិស័យថាមពលរបស់ខ្លួន។

ដើម្បីស្រូបយកទិន្នផលប្រេងដូងបន្ថែមទៀត និងកាត់បន្ថយការនាំចូលប្រេងឥន្ធនៈ ឥណ្ឌូនេស៊ី ដែលក្នុងឆ្នាំ២០២០ បានជាប់ឈ្មោះជាប្រទេសផលិតប្រេងដូងដ៏ធំបំផុតរបស់ពិភពលោកបានដាក់ឱ្យប្រើប្រាស់ជីវៈម៉ាសូត (Biodiesel) B30 ផ្ទុកទៅដោយប្រេងដូងដល់ទៅ៣០% ជាកំហាប់ប្រេងដូងខ្ពស់បំផុតមួយដែលត្រូវបានប្រើប្រាស់ក្នុងជីវៈឥន្ធនៈទូទាំងពិភពលោក។

ប្រទេសឥណ្ឌូនេស៊ី មានបំណងបង្កើនបរិមាណកំហាប់ប្រេងដូងនៅក្នុងជីវៈម៉ាស៊ូត ហើយប្រើប្រាស់វាដើម្បីផលិតចេញជាប្រេងឥន្ធនៈផ្សេងៗទៀត។

ប្រទេសនេះបានធ្វើតេស្តសាកល្បងដោយប្រើឥន្ធនៈយន្តហោះ ឬ ដែលយើងនិយមហៅថាសាំងយន្តហោះលាយជាមួយប្រេងដូងកាលពីឆ្នាំមុន ហើយគ្រោងនឹងធ្វើតេស្តសាកល្បងចាក់ឱ្យរថយន្តរត់លើផ្លូវសម្រាប់ជីវៈម៉ាស៊ូតដែលមានផ្ទុកកំហាប់ប្រេងដូង៤០%នៅខែក្រោយ។

រដ្ឋមន្ត្រីថាមពលឥណ្ឌូនេស៊ី លោក Arifin Tasrif បានចេញសេចក្តីថ្លែងការណ៍ថា “យើងត្រូវតែខិតខំធ្វើយ៉ាងណាឱ្យខ្លួនឯងមានឯករាជម្ចាស់ការក្នុងវិស័យនានា ដែលមានសារៈសំខាន់សម្រាប់ជាតិរបស់យើង ដូចជាវិស័យថាមពលជាដើម។ យើងមានប្រភពថាមពលផ្សេងៗដ៏សម្បូរវបែបដែលមិនទាន់ត្រូវបានប្រើប្រាស់ឱ្យពេញលទ្ធភាពនៅឡើយ”។

សមាគមប្រេងដូងឥណ្ឌូណេស៊ី (Indonesia Palm Oil Association) បានប៉ាន់ប្រមាណថា ជីវៈម៉ាស៊ូតគ្របដណ្ដប់ប្រមាណ៣៨%នៃការប្រើប្រាស់ប្រេងដូងក្នុងស្រុករបស់ឥណ្ឌូនេស៊ី កាលពីឆ្នាំមុន។

លោក Arifin Tasrif បានជំរុញឱ្យវិទ្យាស្ថានបច្ចេកវិទ្យាបានឌុង (Bandung Institute of Technology) ដែលនាំមុខការអភិវឌ្ឍឥន្ធនៈនេះជួយបង្កើន និងពន្លឿនការធ្វើតេស្តសាកល្បងដើម្បីឱ្យលទ្ធផលដែលទទួលបានអាចក្លាយជាខ្នាតក្រិតនៅក្នុងការសិក្សាសមិទ្ធលទ្ធភាព ដើម្បីឆ្ពោះទៅរកការឌីហ្សាញ និងសាងសង់រោងចក្រផលិតសាំងចេញពីប្រេងដូងនៅលើកោះស៊ូម៉ាត្រា នាថ្ងៃអនាគតដ៏ខ្លីខាងមុខ៕

ដោយៈវឌ្ឍនៈ

ភ្នំពេញៈ គម្រោងផ្លូវ២ខ្សែ ភ្ជាប់ពីផ្លូវជាតិលេខឆ្ពោះទៅខេត្តកំពតដោយត្រង់ នឹងជំរុញឱ្យខេត្តមាត់សមុទ្រមួយនេះ កាន់តែមានសក្ដានុពលទាក់ទាញបន្ថែមទៀត ទៅលើការអភិវឌ្ឍអចលនទ្រព្យ និងស្របទៅតាមផែនការយុទ្ធសាស្ត្ររបស់រាជរដ្ឋាភិបាល ក្នុងការជ្រើសរើសយកតំបន់សមុទ្រជាគោលដៅអភិវឌ្ឍន៍។

គម្រោងផ្លូវ២ខ្សែ ដែលតភ្ជាប់ពីផ្លូវជាតិលេខ៤ ទៅកាន់ខេត្តកំពតនោះទី១ ផ្លូវជាតិលេខ៤៣ ដែលភ្ជាប់ពីចំណុចត្រែងត្រយឹង ទៅកាន់ផ្លូវជាតិលេខ៣ជិតទីរួមខេត្តកំពត និងផ្លូវមួយខ្សែទៀតកំពត ត្រៀមរៀបសិក្សាផលប៉ះពាល់ដែលផ្លូវនេះ នឹងភ្ជាប់ពីផ្លូវជាតិលេខ៤ ត្រង់ចំណុចគីឡូម៉ែត្រលេខPK 158-200 ឆ្ពោះទៅកាន់រមណីយដ្ឋានបូកគោផ្ទាល់តែម្ដង។

តាមរយៈផ្លូវទាំងពីរខ្សែនេះ នឹងធ្វើឱ្យខេត្តកំពត ខេត្តព្រះសីហនុ ខេត្តកំពង់ស្ពឺ និងខេត្តកោះកុងកាន់តែខិតជិតគ្នា តាមរយៈការធ្វើដំណើរកាន់តែជិតនិងប្រើប្រាស់ពេលវេលាខ្លី សម្រួលដល់ការធ្វើដំណើររបស់ទេសចរជាតិនិងអន្តរជាតិផងដែរ ។

លោកកែវ សុជាតិ ប្រធានសាខាក្រុមហ៊ុនអចលនទ្រព្យ KW Cambodiaបានមានប្រសាសន៍ឱ្យដឹងនាព្រឹកថ្ងៃទី២៦ មករានេះថា វាជាសញ្ញាល្អខ្លាំងណាស់ ដែលខេត្តកំពតនឹងទទួលបានគម្រោងផ្លូវ២ខ្សែ នៅពេលខាងមុខនេះ ហើយវានឹងទាក់ទាញវិនិយោគិន ក្នុងការបណ្ដាក់ទុនវិនិយោគនៅក្នុងវិស័យអចលនទ្រព្យ ជាពិសេសគម្រោងដែលគាំទ្រដល់វិស័យទេសចរណ៍។ មិនតែប៉ុណ្ណោះ តម្លៃដីធ្លីនៅក្នុងខេត្តនេះ នឹងកាន់តែងើបឡើងបន្ថែមទៀតផងដែរ ។

លោកបន្តថា “នៅពេលមានផ្លូវស្រួលធ្វើដំណើរ ទេសចរជាតិនិងអន្តរជាតិ កាន់តែច្រើនចូលមកលេងកំពត ហើយនៅពេលមានទេសចរកាន់តែច្រើន តម្រូវការសេវាកម្មបម្រើដល់ភ្ញៀវទេសចរ ក៏កាន់តែច្រើនឡើងផងដែរ”។ លោកបន្តថា “ដូច្នេះការវិនិយោគសណ្ឋាគារ ភោជនីយដ្ឋាន ផ្ទះសំណាក់និងសេវាកម្មផ្សេងទៀតនៅក្នុងខេត្តនេះ នឹងកាន់តែមានសន្ទុះងើបឡើងបន្ថែមទៀតផងដែរ”។

លោកសុជាតិបានបញ្ជាក់ថា ក្នុងឆ្នាំ២០២២នេះ ខេត្តកំពតរំពឹងទទួលបានការវិនិយោគបន្ថែម លើគម្រោងអភិវឌ្ឍន៍រីសត ផ្ទះលំហែរ ដែលធ្វើឱ្យតម្រូវការដីធ្លី សម្រាប់អភិវឌ្ឍន៍លើគម្រោងទាំងនេះ នឹងកាន់តែមានកំណើនឡើងផងដែរ ។ តែយ៉ាងណាក្ដី មេរោគកូវីដ១៩ប្រភេទ អូមីក្រុងក៏ជាបញ្ហាមួយ ដែលរារាំងដល់វិនិយោគិនបរទេស ចូលមកកម្ពុជាក្នុងឆ្នាំ ២០២២​នេះផងដែរ​៕

ដោយៈ សុផារី

ភ្នំពេញៈ ក្រុមហ៊ុនជប៉ុន IKEE Group Japan ដឹកនាំដោយលោក Shu NISHIYAMA នាយកប្រតិបត្តិក្រុមហ៊ុន គ្រោងនាំចូលនូវគ្រឿងចក្រប្រភេទថ្មី ដែលមានសមត្ថភាពអាចកែច្នៃសំរាមប្លាស្ទិក ឱ្យទៅជាបេតុងកៅស៊ូ (AC) សម្រាប់ការសាងសង់ផ្លូវនៅកម្ពុជា និងបានស្នើសុំឱ្យរដ្ឋាភិបាលពិចារណាលើការប្រើប្រាស់បច្ចេកវិទ្យាថ្មីនេះ។

កាលពីថ្ងៃទី២៥ ខែមករា ឆ្នាំ២០២២ ក្នុងជំនួបជាមួយលោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន លោក Shu NISHIYAMA បានណែនាំគ្រឿងចក្រប្រភេទថ្មី ដែលមានសមត្ថភាពអាចកែច្នៃសំរាមប្លាស្ទិកឱ្យទៅជាបេតុងកៅស៊ូ (AC) សម្រាប់ការសាងសង់ផ្លូវនៅកម្ពុជា និងបានស្នើសុំឱ្យក្រសួងពិចារណា លើការប្រើប្រាស់បច្ចេកវិទ្យាថ្មីនេះ។

លោកថា “គ្រឿងចក្រនេះ មានលក្ខណៈសមស្របអាចប្រើប្រាស់បាននៅក្នុងស្ថានភាពប្រទេសកម្ពុជា ដែលសំបូរទៅដោយភ្លៀងធ្លាក់រយៈពេលយូរ អាចធានាបាននូវការជ្រាបទឹក និងធ្វើឱ្យផ្លូវជាប់រឹងមាំបានយូរអង្វែងផងដែរ”។

លោកទេសរដ្ឋមន្ត្រី បង្ហាញនូវការគាំទ្រលើគំនិតផ្ដួចផ្ដើម នៃការនាំយកមកប្រើប្រាស់ នូវបច្ចេកវិទ្យាថ្មីនេះផងដែរ ដើម្បីចូលរួមថែរក្សាបរិស្ថានស្អាត។ ទោះយ៉ាងណាក៏ដោយ លោកបានណែនាំឱ្យក្រុមហ៊ុនពិនិត្យស្ថានភាពនៅកម្ពុជាឱ្យបានល្អិតល្អន់ មុននឹងសម្រេចលើការនាំចូលបច្ចេកវិទ្យាថ្មីនេះ ជាពិសេសពិនិត្យទៅលើសំរាមនៅកម្ពុជា ដែលមិនមានការបែងចែកប្រភេទសំរាម អាចបង្កជាបញ្ហាស្មុគស្មាញ ក្នុងការផ្គត់ផ្គង់សម្រាប់ដំណើរការកែច្នៃ និងការប្រមូលសំរាមផងដែរ។

ម្យ៉ាងទៀត លោកទេសរដ្ឋមន្ត្រីក៏បាន ណែនាំឱ្យសិក្សាបរិមាណប្លាស្ទិកនៅកម្ពុជាថា តើអាចផ្គត់ផ្គង់សម្រាប់ការកែច្នៃបានកម្រិតណា និងបានបញ្ជាក់ថា តម្លៃផលិតផលនោះមិនត្រូវឱ្យលើសថ្លៃបេតុងកៅស៊ូ (AC) ដែលកំពុងប្រើប្រាស់នាពេលបច្ចុប្បន្នទេ និងត្រូវសិក្សាអំពីបញ្ហាផលប៉ះពាល់បរិស្ថានដោយប្រៀបធៀប នឹងការប្រើប្រាស់បេតុងកៅស៊ូផងដែរ៕