ដោយៈ សុផារី

ភ្នំពេញៈ រដ្ឋបាលរាជធានីភ្នំពេញ នឹងបើកឲ្យចរាចរស្ពានអាកាសថ្មីបន្ថែម១ខ្សែទៀត ជាបណ្តោះអាសន្ន ចាប់ពីថ្ងៃទី៣១ ខែធ្នូ ឆ្នាំ២០២១ វេលាម៉ោង៨នាទីព្រឹក ដើម្បីចូលរួមអបអរសាទរឆ្នាំថ្មី ឆ្នាំសកល ២០២២ និងដើម្បីសម្រួលលំហូរចរាចរ នៅតំបន់ការដ្ឋានសាងសង់ស្ពានអាកាស និងផ្លូវក្រោមដីចោមចៅឱ្យបានល្អប្រសើរ។

ស្ពានកំណោងថ្មីនេះ មានប្រវែង២០០ម៉ែត្រ ទទឹង៥,២៥ម៉ែត្រ ជាស្ពានឯកទិស ធ្វើចរាចរពីមហាវិថីចោមចៅ (ផ្លូវវេងស្រេង) ឡើងលើស្ពានអាកាសកំណោង រួចបត់ឆ្វេងទៅភ្ជាប់ចរាចរឆ្ពោះទៅផ្លូវជាតិលេខ៣ ក្នុងភូមិសាស្ត្រខណ្ឌពោធិ៍សែនជ័យ។

រដ្ឋបាលរាជធានីភ្នំពេញ បានអះអាងថា គិតត្រឹមថ្ងៃទី៣០ ខែធ្នូ ឆ្នាំ២០២១នេះ ការដ្ឋានសាសង់សម្រេចបានលទ្ធផល៩២% គ្រោងនឹងបញ្ច​ប់ការសាងសង់នៅខែមីនា ឆ្នាំ២០២២ ខាងមុខ ហើយមកដល់ពេលនេះ បានដាក់ឱ្យប្រើប្រាស់ជាបណ្តោះអាសន្នស្ពានអាកាស និងផ្លូវក្រោមដីបានចំនួន៥ខ្សែ ក្នុងចំណោម៨ខ្សែនៃគម្រោង៕

Construction of Latsavong Plaza, the tallest building in Vientiane, is to resume after the project was stalled for five years.

According to Director-General of the Department of Economy, Ministry of National Defence, Colonel Siphonexay Khamthongveun, the Latsavong Plaza project is a joint venture deal between the Ministry of National Defence and Chongqing Fund Real Estate Co. Ltd, under an agreement signed in 2013.

The project was to construct the tallest building in Laos, valued at over USD 99 million, including retail shops, a shopping mall, a hotel, and apartments and commercial space for lease.

In 2016, after construction had begun, the contractor ran into financial difficulty and was unable to continue work on the building.

Construction of Latsavong Plaza, the tallest building in Vientiane, is to resume after the project was stalled for five years.

According to Director-General of the Department of Economy, Ministry of National Defence, Colonel Siphonexay Khamthongveun, the Latsavong Plaza project is a joint venture deal between the Ministry of National Defence and Chongqing Fund Real Estate Co. Ltd, under an agreement signed in 2013.

The project was to construct the tallest building in Laos, valued at over USD 99 million, including retail shops, a shopping mall, a hotel, and apartments and commercial space for lease.

In 2016, after construction had begun, the contractor ran into financial difficulty and was unable to continue work on the building.

Source: Laotian Times

ដោយ៖ សុខុម

វៀងចន្ទន៍: គម្រោង Latsavong Plaza ដែលជាអគារខ្ពស់បំផុតនៅរដ្ឋធានីវៀងចន្ទន៍ ប្រទេសឡាវ ចាប់ផ្តើមដំណើរការសាងសង់ឡើងវិញហើយ បន្ទាប់ពីគម្រោងនេះបានផ្អាកអស់រយៈពេល៥ឆ្នាំ។ នេះបើយោងតាមការចុះផ្សាយកាលរបស់សារព័ត៌មាន Laotian Times នៅថ្ងៃទី២៨ ធ្នូ។

យោងតាមវរសេនីយ៍ឯក Siphonexay Khamthongveun អគ្គនាយកនៃអគ្គនាយកដ្ឋានសេដ្ឋកិច្ច នៃក្រសួងការពារជាតិឡាវ ឱ្យដឹងថា គម្រោង Latsavong Plaza គឺជាកិច្ចព្រមព្រៀងបណ្តាក់ទុនរួមគ្នាមួយរវាងក្រសួងការពារជាតិឡាវ និងក្រុមហ៊ុនចិន Chongqing Fund Real Estate Co. Ltd ក្រោមកិច្ចព្រមព្រៀងមួយ ដែលបានចុះហត្ថលេខាកាលពីឆ្នាំ២០១៣។

គម្រោងអគារខ្ពស់បំផុតក្នុងប្រទេសឡាវ ជាមួយទំហំទុនវិនិយោគជាង៩៩លានដុល្លារអាមេរិក នេះរួមមានទាំងហាងលក់រាយ ផ្សារទំនើប សណ្ឋាគារ អាផាតម៉ិន និងកន្លែងជួលធ្វើជាអាជីវកម្មផងដែរ។

ក្នុងឆ្នាំ២០១៦ ក្រោយគម្រោងនេះបានចាប់ផ្ដើមដំណើរការសាងសង់ ក្រុមហ៊ុនម៉ៅការសាងសង់គម្រោងនេះបានជួបការលំបាកផ្នែកហិរញ្ញវត្ថុ ហើយមិនអាចបន្តការងារសាងសង់អគារនេះទៀតបាន។

ក្រសួងការពារជាតិឡាវ បានចាត់តាំងក្រុមការងារមួយដើម្បីដោះស្រាយបញ្ហានានាដែលមិនទាន់ដោះស្រាយ និងបានកៀរគរក្រុមវិនិយោគិនឱ្យជួយគាំទ្រគម្រោងនេះដើម្បីឱ្យការងារសាងសង់អាចបន្តដំណើរការឡើងវិញ។

ពិធីចាប់ផ្ដើមដំណើរការសាងសង់ឡើងវិញនេះត្រូវបានរៀបចំឡើងកាលពីថ្ងៃទី២៣ ខែធ្នូ ដោយមានការអញ្ជើញចូលរួមពីអនុរដ្ឋមន្ត្រីក្រសួងការពារជាតិ អនុប្រធានគណៈកម្មាធិការសហប្រតិបត្តិការឡាវ-ចិន លេខាសមាគមមិត្តភាពឡាវ-ចិន និងនាយកគ្រប់គ្រងទូទៅនៃក្រុមហ៊ុនផ្លូវដែកឡាវ-ចិន Laos-China Railway Company៕

ដោយ៖ វឌ្ឍនៈ

ភ្នំពេញ ៖ ក្នុងឆ្នាំ២០២១នេះ ក្រសួងរៀបចំដែនដី នគរូបនីយកម្ម និងសំណង់ ប្រមូលបានចំណូលចូលថវិកាជាតិមានចំនួន ៤៧២ ០៦៩ លានរៀល (ប្រមាណ១១៨លានដុល្លារអាមេរិក) ដែលចំណូលនេះនឹងចូលរួមចំណែកដល់ការចំណាយរបស់រាជរដ្ឋាភិបាល ក្នុងកំឡុងវិបត្តិកូវីដ១៩។ នេះបើតាមរបាយការណ៍បូកសរុបការងាររបស់ក្រសួងរៀបចំដែនដីនគរូបនីយកម្មនិងសំណង់សម្រាប់ឆ្នាំ២០២១។

ក្នុងរបាយការណ៍បង្ហាញថា ចំណូលដែលក្រសួងរៀបចំដែនដី នគរូបនីយកម្ម និងសំណង់ ទទួលបានក្នុងឆ្នាំ២០២១នេះ មានការថយចុះប្រមាណ១,៦២ភាគរយបើធៀបនឹងឆ្នាំ២០២០កន្លងទៅ។ ក្នុងនោះដែរ ចំណូលពីរដ្ឋបាលកណ្ដាលមាន១៣ ៦០៣ ២២៩ ៨០១លានរៀល (ប្រមាណ៣,៤លានដុល្លាអាមេរិក) ក្នុងនោះមានចំណូលពីសេវាសំណង់ទូទៅមានចំនួន១១ ៥២២លានរៀល ចំណូលបានមកពីសេវាសំណង់លើសសន្ទស្សន៍មានចំនួន២០៥០លានរៀល ចំណូលបានមកពីសេវាព័ត៌មានសុរិយោដីតាមប្រព័ន្ធអេឡិចត្រូនិកមានជិត៨លានរៀល ចំណូលពីការជួសជុលអចលនវត្ថុមានចំនួន២២,៥លានរៀល។

ចំណែកចំណូលរបស់មន្ទីររៀបចំដែនដីនគរូបនីយកម្មនិងសំណង់រាជធានី ខេត្ត មាន៤៥៨.៤៦៦លានរៀល (ប្រមាណ១១៤លានដុល្លារអាមេរិក) ក្នុងនោះសេវាសុរិយោដី មាន៦០ពាន់លានរៀល ប្រមាណ១៥លានដុល្លារអាមេរិក សេវាសំណង់ទូទៅមាន៣២ពាន់លានរៀល ប្រមាណ៨លានដុល្លារអាមេរិក និងពន្ធប្រថាប់ត្រាពីអគ្គនាយកដ្ឋានពន្ធដារមានចំនួន៣៦៥,៥៩ពាន់លានរៀល ឬប្រមាណ៩១លានដុល្លារអាមេរិក។

លោក ជា សុផារ៉ា ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់ឱ្យដឹងថា នៅក្នុងឆ្នាំ២០២១នេះ ទោះបីកម្ពុជាស្ថិតនៅក្នុងបរិការណ៍នៃការរាតត្បាតរបស់ជំងឺកូវីដ១៩ ក្រសួងរៀបចំដែនដី នគរូបនីយកម្ម និងសំណង់ នៅតែបានបន្តចូលរួមចំណែកយ៉ាងសកម្ម ក្នុងការអនុវត្តយុទ្ធសាស្ត្រចតុកោណដំណាក់ទី៤ ដែលជារបៀបវារៈអភិវឌ្ឍសង្គម សេដ្ឋកិច្ចកម្ពុជារបស់រាជរដ្ឋាភិបាល និងផែនការយុទ្ធសាស្ត្រអភិវឌ្ឍន៍ជាតិឆ្នាំ២០១៩-២០២៣ ដោយបានសម្រេចនូវសមិទ្ធផលសំខាន់ៗថ្មីៗជាច្រើនលើការងារកសាងផែនការរូបវ័ន្តក្នុងចក្ខុវិស័យនៃការរៀបចំដែនដីនិងនគរូបនីយកម្មគ្រប់កម្រិត ការងារគ្រប់គ្រងនិងអភិវឌ្ឍន៍ឆ្នេរសមុទ្រជាដើម។

លោកបន្តថា ការចូលរួមបង្កើតបាននូវចលករនិងបរិយាកាសល្អប្រសើរសម្រាប់ធុរកិច្ចនិងការវិនិយោគ ពង្រឹងភាពសុខដុមរមនាក្នុងសង្គម និងជំរុញបង្កើនចំណូលរបស់រដ្ឋ ដែលជាគ្រឹះនៃការអភិវឌ្ឍសេដ្ឋកិច្ច និងកាត់បន្ថយភាពក្រីក្របានផងដែរ៕

ដោយ៖ វឌ្ឍនៈ

ភ្នំពេញ ៖ ការអភិវឌ្ឍអចលនទ្រព្យនៅក្នុងប្រទេសកម្ពុជាក្នុងរយៈពេលប៉ុន្មានឆ្នាំចុងក្រោយនេះ ឃើញមានការរីករាលដាលទៅតាមបណ្ដាខេត្តនានា ខណៈកាលពីមុនការអភិវឌ្ឍអចលនទ្រព្យគឺផ្ដោតលើតែតំបន់រាជធានីភ្នំពេញ។ អ្នកជំនាញនៃវិស័យអចលនទ្រព្យបានបង្ហាញពីតំបន់ ដែលមានសក្ដានុពលក្នុងការអភិវឌ្ឍអចលនទ្រព្យនៅពេលអនាគត។

លោកសន សៀប នាយកប្រតិបត្តិកក្រុមហ៊ុនអចលនទ្រព្យ ឃី រៀលអ៊ីស្ទេត បានមានប្រសាសន៍ថា ប៉ូលសំខាន់ៗ៣ ដែលវិនិយោគិនគួរសម្លឹងមើលពីឱកាសនៃការវិនិយោគអចលនទ្រព្យ។ ក្នុងចំណោមតំបន់ទាំង៣ ដែលជាប៉ូលអភិវឌ្ឍន៍អចលនទ្រព្យក្នុងប្រទេសកម្ពុជា រាជធានីភ្នំពេញនៅតែជាប៉ូលសំខាន់ ហើយតំបន់ពីរទៀតមានខេត្តព្រះសីហនុ និងខេត្តសៀមរាប។

លោកបន្តថា តំបន់ទាំង៣នេះ យើងបានមើលឃើញថាមានការអភិវឌ្ឍហេដ្ឋារចនាសម្ព័ន្ធច្រើន ជាក់ស្ដែងភ្នំពេញ បានបន្តអភិវឌ្ឍន៍ផ្លូវក្រវ៉ាត់ក្រុង នៅជុំវិញរាជធានីភ្នំពេញជាបន្តបន្ទាប់ ហើយតំបន់ទាំងនោះក៏ទទួលបានការវិនិយោគពីវិនិយោគិនជាតិនិងអន្តរជាតិជាច្រើនផងដែរ។

ក្រៅពីភ្នំពេញ រាជរដ្ឋាភិបាលក៏បានអភិវឌ្ឍន៍ផ្លូវជាច្រើនខ្សែនៅក្នុងខេត្តព្រះសីហនុ ដែលជាសក្ដានុពលដ៏ទាក់ទាញ ។ ក្រៅពីផ្លូវនៅក្នុងក្រុងព្រះសីហនុ រដ្ឋាភិបាលក៏បាននិងកំពុងសាងសង់ផ្លូវល្បឿនលឿនភ្ជាប់ពីភ្នំពេញ ឆ្ពោះទៅក្រុងព្រះសីហនុនេះផ្ទាល់តែម្ដង ដែលវានឹងសម្រួលដល់ការដឹកជញ្ជូន ការធ្វើដំណើររបស់វិនិយោគិន លោកថា ”ក្រៅពីនេះដែរ ក្រុងព្រះសីហនុក៏មានកំពង់ផែទឹកជ្រៅ មានព្រលានយន្តហោះអន្តរជាតិ និងមានតំបន់សេដ្ឋកិច្ចពិសេសជាច្រើនផងដែរ”។

លោកបន្ថែមថា សម្រាប់ខេត្តសៀមរាបក៏ជាប៉ូលមួយសំខាន់ផងដែរ ខណៈផ្លូវ៣៨ខ្សែនៅក្នុងក្រុងសៀមរាបក៏នឹងបង្ហាញភាពទាក់ទាញដល់ទេសចរនិងវិនិយោគិន នៅដើមឆ្នាំ២០២២ខាងមុខនេះដែរ។ សៀមរាបនឹងក្លាយជាទីតាំងវិនិយោគដ៏សំខាន់មួយសម្រាប់វិនិយោគិនក្នុងនិងក្រៅប្រទេស។ លោកនិយាយថា ”ក្រៅពីប៉ូលសំខាន់ៗទាំង៣នេះ កម្ពុជាក៏មានប៉ូលផ្សេងទៀតដែលអាចទាក់ទាញការវិនិយោគលើវិស័យអចលនទ្រព្យ ក្នុងនោះយើងមើលឃើញថា ក្រុងបាវិត ខេត្តមណ្ឌលគីរី កំពតក៏ជាទីតាំងសក្ដានុពលក្នុងការអភិវឌ្ឍអចលនទ្រព្យដែរ”។

លោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យ CPL ក៏បានឱ្យដឹងផងដែរថា ទីណាមានការអភិវឌ្ឍលើហេដ្ឋារចនាសម្ព័ន្ធ ទីនោះនឹងទទួលបានការវិនិយោគលើអចលនទ្រព្យ ដូច្នេះហើយយើងឃើញថារាជរដ្ឋាភិបាលលោកបានវិនិយោគលើហេដ្ឋារចនាសម្ព័ន្ធយ៉ាងច្រើន ដើម្បីសម្រួលដល់ការធ្វើដំណើរផង និងដើម្បីទាក់ទាញការវិនិយោគផង។
លោក ចេង ខេង បានផ្ដល់ជាទស្សនៈដល់វិនិយោគិនអចលនទ្រព្យទាំងអស់ឱ្យបានដឹងផងដែរថា នៅគ្រប់ទិសនៃរាជធានីភ្នំពេញគឺសុទ្ធតែមានសក្ដានុពលនិងអាចរកប្រាក់ចំណេញពីការវិនិយោគអចលនទ្រព្យបានហើយ សំខាន់ឱ្យតែទីនោះមានហេដ្ឋារចនាសម្ព័ន្ធគ្រប់គ្រាន់ ដូចជាប្រព័ន្ធទឹក ភ្លើង និងផ្លូវ៕