ទីភ្នាក់ងារថាមពលអន្តរជាតិព្រមានពីសន្តិសុខថាមពល ខណៈតម្លៃប្រេងឆៅហក់ឡើងលើស១១០ដុល្លារក្នុង១បារ៉ែល

ដោយៈសុខុម

អន្តរជាតិ: ពេលនេះតម្លៃប្រេងឆៅ លើទីផ្សារអន្តរជាតិបានបន្តហក់ឡើងរហូតលើស១១០ដុល្លារអាមេរិកទៅហើយ នៅមុនកិច្ចប្រជុំរបស់អង្គការប្រេង OPEC+ ស្របពេលទីភ្នាក់ងារថាមពលអន្តរជាតិ (IEA) ព្រមានថា សន្តិសុខថាមពលពិភពលោក កំពុងស្ថិតក្រោមការគំរាមកំហែង បន្ទាប់ពីរុស្ស៊ី បញ្ឆេះសង្គ្រាមចូលឈ្លានពានប្រទេសអ៊ុយក្រែន។

យោងតាមការចុះផ្សាយរបស់សារព័ត៌មាន The Edge Markets នៅថ្ងៃពុធ ទី០២ មីនា នេះឱ្យដឹងថា ការជួញដូរប្រេង ទាំងនៅទីក្រុងឡុងដ៍ នៃប្រទេសអង់គ្លេស និងក្រុងញូវយ៉ក ក្នុងសហរដ្ឋអាមេរិក សុទ្ធតែបានហក់ឡើងជាង៥%។

នាយកប្រតិបត្តិ IEA លោក Fatih Birol បានប្រកាសកាលពីថ្ងៃអង្គារ ទី០១ មីនា ថា ស្ថានភាពនៅក្នុងទីផ្សារថាមពលនានា គឺធ្ងន់ធ្ងរណាស់ពេលនេះ បន្ទាប់ពីសហរដ្ឋអាមេរិក និងសេដ្ឋកិច្ចធំៗផ្សេងទៀតបានព្រមព្រៀងបញ្ចេញស្តុកប្រេង។

លោកបានលើកឡើងបន្ថែមទៀតថា បណ្ដាវិនិយោគិននឹងរង់ចាំមើលការឆ្លើយតបពីអង្គការប្រេង OPEC+ នៅពេលក្រុមនេះ ជួបប្រជុំនៅថ្ងៃពុធទី០២ មីនា នេះដើម្បីពិភាក្សាអំពីការផ្គត់ផ្គង់សម្រាប់ខែមេសា។

ទីផ្សារប្រេងពិភពលោក បានធ្វើការរឹតបន្តឹងរួចទៅហើយនៅមុនពេលប្រទេសរុស្ស៊ី ចូលឈ្លានពានប្រទេសអ៊ុយក្រែន បន្ទាប់ពីសេដ្ឋកិច្ចនានាបានស្ទុះងើបឡើងវិញយ៉ាងរឹងមាំពីវិបត្តិកូវីដ-១៩ ហើយការរាំងស្ទះដល់ការនាំចេញរបស់ប្រទេសរុស្ស៊ី ក៏អាចជំរុញឱ្យតម្លៃប្រេងឆៅ កាន់តែហក់ឡើងខ្ពស់ផងដែរ។

រដ្ឋាភិបាលនានានៅទូទាំងពិភពលោក កំពុងប្រឈមនឹងការកើនឡើងនូវសម្ពាធអតិផរណា ខណៈការដាក់ទណ្ឌកម្មលើប្រទេសរុស្ស៊ី បានជំរុញឱ្យតម្លៃថាមពល លោហៈ និងធញ្ញជាតិហក់ឡើងថ្លៃកាន់តែខ្ពស់។

កត្តានោះបានជំរុញឱ្យសហរដ្ឋអាមេរិក និងបណ្ដាសម្ព័ន្ធមិត្តបញ្ចេញស្តុកប្រេងជាយុទ្ធសាស្ត្រ រហូតដល់ទៅ៦០លានបារ៉ែល ដើម្បីទប់ការឡើងថ្លៃ ទោះបីជាវិធានការស្រដៀងគ្នា កាលពីចុងឆ្នាំ២០២១ មានប្រសិទ្ធភាពតិចតួចយ៉ាងណាក្ដី៕  The Edge Markets៕

សកម្មភាពវិនិយោគដីធ្លី ក្រោយវិបត្តិកូវីដ១៩មិនទាន់ប្រសើរ ឡើងនៅឡើយ

 ដោយៈវឌ្ឍនៈ

ភ្នំពេញៈ បន្ទាប់ពីប្រមុខរាជរដ្ឋាភិបាលកម្ពុជា បានប្រកាសបើកប្រទេ​សបើកសេដ្ឋកិច្ចឡើងវិញកាលពីចុងឆ្នាំមុន សកម្មភាព នៃការធ្វើអាជីវកម្ម ការវិនិយោគដីធ្លី និងអភិវឌ្ឍន៍វិស័យផ្សេងទៀត ហាក់មានកំណើនបន្តិចឡើងវិញ តែបើធៀបនឹងអំឡុងពេលនៃមុនវិបត្តិកូវិដ១៩ គឺទើបតែបានតិចតួចប៉ុណ្ណោះ។

លោក វ៉ែន ឈុនហ៊ាត អ្នកអភិវឌ្ឍន៍និងភ្នាក់ងារដីធ្លីមួយរូបនៅកម្ពុជាបានឱ្យដឹងតាមទូរស័ព្ទនាព្រឹកថ្ងៃទី២ មិនានេះថា រហូតមកដល់ពេលនេះស្ថានភាពនៃការវិនិយោគដីធ្លីនៅកម្ពុជា មិនទាន់ប្រសើរឡើងនៅឡើយទេ តែយើងក៏មិនអាចនិយាយថា វាគាំងរហូតដល់អត់មានដំណើរការសោះនោះទេ។

លោកបន្តថា បើធៀបនឹងមុនកូវីដ១៩ សកម្មភាពនៃការវិនិយោគដីធ្លីនៅកម្ពុជាគឺទើបតែទទួលបាន១០ ទៅ១៥ភាគរយប៉ុណ្ណោះ វាមិនមែនងើបខ្លាំងៗ ដូចអ្វីដែលអ្នកជំនាញ និងអ្នកធ្វើការនៅក្នុងវិស័យនេះ មួយចំនួននិយាយនោះទេ ។ សម្រាប់រូបលោក រហូតមកដល់ពេលនេះ គម្រោងដីមួយចំនួន ដែលលោកទទួលលក់គឺនៅគាំងនៅឡើយ មិនទាន់មានការសួរនាំពីវិនិយោគិនដីធ្លីនៅឡើយ ។

លោកឈុនហ៊ាតបានបន្តថា មិនយូរទេ សកម្មភាពដីធ្លីនៅកម្ពុជានឹងអាចប្រសើរឡើងវិញ ជាពិសេសនៅអំឡុងពាក់កណ្ដាលឆ្នាំ២០២២នេះ ឬចុងឆ្នាំនេះ ដោយរំពឹងពីការវិនិយោគមកពីក្រៅប្រទេស និងតម្រូវការនៃការប្រើប្រាស់ដីធ្លីនៅក្នុងវិស័យអចលនទ្រព្យ ។

ដោយឡែកលោកសុខ គែន អគ្គនាយកនៃក្រុមហ៊ុនអចលនទ្រព្យ Kampot street Real Estate បានឱ្យដឹងផងដែរ សកម្មភាពអភិវឌ្ឍន៍ដីធ្លី នៅក្នុងខេត្តកំពត យើងមើលឃើញថាមានការកម្រើកច្រើនមែន ប៉ុន្តែបើយើងក្រលេកទៅមើល គម្រោងវិនិយោគដីធ្លីមួយចំនួន នៅក្នុងខេត្តនេះ ហាក់មិនដំណើរការទេ ។

លោកបន្តថា គម្រោងអភិវឌ្ឍន៍ដីធ្លី ដែលយើងមើលឃើញថាហាក់មិនសូវមានដំណើរការ គឺគម្រោងដីឡូត៏មិនថាដីឡូត៏លំហែ ឬដីឡូត៏លំនៅឋានឡើយ តែសម្រាប់ដីមិនទាន់អភិវឌ្ឍន៍ដូចជាដីអ្នកភូមិ អ្នកស្រុក និងលក់ក្រោមទីផ្សារ ឃើញថាមានការទិញលក់ជាហូរ និងមានតម្រូវការច្រើន តែសម្រាប់អ្នកដែលអភិវឌ្ឍន៍ហើយគឺនៅបន្តលូតលាស់យឺតៗ ។

យ៉ាងណាក្ដីអ្នកជំនាញ នៃវិស័យអចលនទ្រព្យជាច្រើនទៀត បានផ្ដល់ជាមតិថា ក្នុងវិស័យអចលនទ្រព្យ ការវិនិយោគដីធ្លីនៅតែទទួលបានឱកាសខ្ពស់ក្នុងាករទទួលបានប្រាក់ចំណេញ ជាពិសេសដីដែលនៅឆ្ងាយពីទីក្រុង ទីប្រជុំជន  ។ ដីនៅឆ្ងាយពីក្រុង ជាដីដែលមានតម្លៃទាប ដូច្នេះវិនិយោគិនអាចទិញដីទាំងនោះ ទុកសម្រាប់យកចំណេញនៅក្នុងរយៈ២ឆ្នាំ ៣ឆ្នាំឬយូរជាងនេះ អាស្រ័យលើម្ចាស់ដី។

ទោះជាយ៉ាងណាអ្នកស្រីតាំាំង ហួរអគ្គនាយិកាក្រុមហ៊ុនAmatak Property Service Co, Ltdបានមានប្រសាសន៍ឲ្យដឹងថា សកម្មភាពទិញ​លក់ដិធ្លីមានសកម្មភាពខ្លះៗ នៅក្នុងក្រុង និងតំបន់ជាយក្រុង ប៉ុន្តែសកម្ម​ភាពទិញលក់ មិនមានសភាពពុះកញ្រ្ជោលដូចមុនវិបត្តិនៅឡើយទេ៕

រដ្ឋាករទឹកស្វ័យតភ្នំពេញ: ដើមឆ្នាំ២០២៤ រាជធានីភ្នំពេញលែងមានបញ្ហាខ្វះទឹកប្រើប្រាស់ហើយ

ដោយៈ សុផារី

ភ្នំពេញៈ ស្របពេលការសាងសង់រោងចក្រ ផលិតទឹកស្អាតបាក់ខែង សម្រេចបាន60% នឹងគ្រោងបញ្ចប់ក្នុងឆ្នាំ២០២​៣ខាងមុខ ដូចនេះប្រជាពលរដ្ឋក្នុងរាជធានីភ្នំពេញ នឹងអាចមានទឹកប្រើបា្រស់គ្រប់គ្រាន់តាមតម្រូវការ។

នេះបើតាមលោកឡុង ណារ៉ូ អគ្គនាយករដ្ឋាករទឹកស្វ័យតភ្នំពេញ ថ្លែងក្នុងសន្និសីទសារព័ត៌មាន ស្តីពី”វឌ្ឍនភាពមូលដ្ឋានឃុំសង្កាត់ និងទិសដៅការងារបន្តរបស់រដ្ឋបាលរាជធានីភ្នំពេញ នៅទី០១ខែមីនាឆ្នាំ២០២២នៅទីស្តីការគណ:រដ្ឋមន្ត្រី។

លោកបានមានប្រសាសន៍ឱ្យដឹងថា រដ្ឋាករទឹកស្វយ័តក្រុងភ្នំពេញ បាននិងកំពុងជំរុញពន្លឿន ការសាងសង់រោងចក្រប្រព្រឹត្តិកម្ម ទឹកស្អាតបាក់ខែង ដែលមានសមត្ថភាពផលិត បាន៣៩០,០០០ម៉ែត្រគូប ក្នុងមួយថ្ងៃ(ជំហានទី១ ១៩៥,០០០ម៉ែត្រគូបក្នុងមួយថ្ងៃ និងជំហានទី២ ១៩៥ម៉ឺន​​​ម៉ែត្រគូបក្នុងមួយថ្ងៃ) សម្រេចបានប្រមាណជា៦០% នៃគម្រោងសាងសង់ជំហានទី១ ដែលគ្រោងនឹងបញ្ចប់នៅក្នុងឆ្នាំ២០២៣ខាងមុខនេះ ដើម្បីបំពេញសេចក្តីត្រូវការនិងការប្រើប្រាស់ របស់ប្រជាពលរដ្ឋក្នុងរាជធានីភ្នំពេញទំាងមូល ឱ្យបានគ្រប់គ្រាន់។

តាមប្រភពដដែលដដែលបានឲ្យដឹងថា រោងចក្រប្រព្រឹត្តិកម្មទឹកស្អាតបាក់ខែងនេះ នឹងជួយបង្កើនសមត្ថភាពផលិតទឹកបាន៧០% នៅទូទាំងរាជធានីភ្នំពេញ និងក្រុងតាខ្មៅ ពោលគឺបន្ថែមលើសមត្ថភាពផលិតទឹកស្អាត បច្ចុប្បន្នពី៦០ម៉ឺនម៉ែត្រគូបក្នុងមួយថ្ងៃ ឲ្យឡើងរហូតដល់១លានម៉ែត្រគូបក្នុងមួយថ្ងៃ នៅឆ្នាំ២០២៥ និងនៅឆ្នាំ២០៣០ អាចមានរហូតទៅដល់១លាន៨សែនម៉ែត្រគូបក្នុងមួយថ្ងៃ ។

លោកមានប្រសាសន៍ថា ក្នុងនោះដែរគឺរោងចក្របាក់ខែង ដែលទទួ​លបានការសម្ពោធ បើកការដ្ឋានពីសម្តេចតេជោ កាលពីខែ០១ឆ្នាំ២០២០កន្លងមកនោះ គឺយើងបានសំណង់ជំហានទី១ រហូតមកទល់ពេលនេះ បាន៦០%ហើយ អ៊ីចឹងសំណង់នេះតាមផែនការ បើទោះជាជួបប្រទះកូវីដ-១៩បែបណាក៏ដោយ ក៏យើងទាន់តាមការគ្រោងទុករបស់យើង គឺជាចុងឆ្នាំ២០២៣។

លោកឡុង ណារ៉ូបានបន្តថា “យើងនឹងមានទឹកប្រើប្រាស់គ្រប់គ្រាន់ ដើមឆ្នាំ២០២៤ គឺធានាថាទឹកនៅក្នុងរាជធានីភ្នំពេញ លែងមានបញ្ហាគឺគ្រប់គ្រាន់ទាំងអស់ហើយ”។លោកបន្ថែមថា “សព្វថ្ងៃនេះ ក្រុមការងារសាងសង់រោងចក្រផលិតទឹក ក្រុមសាងសង់ពង្រីកបំពង់មេនាំទឹក ដែលយើងដាក់បំពង់រហូតទៅដល់២ម៉ែត្រ យើងដាក់ឆ្លងទៅបាតទន្លេសាប ហើយបាតទន្លេសាបនេះ គឺជាសំណង់ប្រវត្តិសាស្ត្រ ដែលយើងមិនដែលមានទេ គឺដាក់បំពង់ក្រោមបាតទន្លេសាប ដោយចាប់ផ្ដើមការសាងសង់ នៅក្នុងខែ៤ខែ៥ឆ្នាំ២០២២នេះ នេះជាសំណង់មួយ ដែលជាសមិទ្ធផលរបស់សម្តេចតេជោ”។

រោងចក្រប្រព្រឹត្តិកម្មទឹកស្អាតបាក់ខែង មានស្ថានីយបូមទឹក ស្ថិតនៅទន្លេមេគង្គ និងការដំឡើងបំពង់មេនាំទឹក ដែលមានអង្កត់ផ្ចិតទំហំពីរម៉ែត្រ តាមបណ្ដោយមហាវិថីឈ្នះ-ឈ្នះ និងខួងដាក់បំពង់កាត់តាមបាតទន្លេសាប ដែលមានប្រវែង៨០០ម៉ែត្រ។ គម្រោងខ្នងដាក់បំពង់នៅបាតទន្លេសាបនេះ គឺជាគម្រោងធំបំផុតដែលនឹងត្រូវអនុវត្ត នៅកម្ពុជា៕

ផ្លូវជាតិលេខ៣តម្លៃ២៥២លានដុល្លារប្រវែង១៣៤គីឡូម៉ែត្រត្រូវបានសម្ភោធបើកឲ្យប្រើប្រាស់ដោយសម្តេចតេជោ

ដោយៈ គង់ សូរិយា

       ភ្នំពេញៈ កំណាត់ផ្លូវជាតិលេខ៣ភ្នំពេញ-កំពត ប្រវែងជាង១៣៤គីឡូ​ម៉ែត្រ សម្ពោធដាក់ឱ្យប្រើប្រាស់ជាផ្លូវការនៅថ្ងៃទី២ ខែមីនា ឆ្នាំ២០២២នេះក្រោមអធិបតីភាពសម្តេចតេជោហ៊ុន សែននាយករដ្ឋមន្រ្តីនៃកម្ពុជា។

សម្តេចតេជោ ហ៊ុន សែនបានថ្លែងថា វត្តមានកំណាត់ផ្លូវជាតិលេខ៣ គឺជាសមិទ្ធផលថ្មីមួយទៀត បង្ហាញឱ្យឃើញនូវកិច្ចសហប្រតិបត្តិការ និងទំនាក់ទំនងដៃគូយុទ្ធសាស្ត្រគ្រប់ជ្រោងជ្រោយ និងជោគវាសនារួមគ្នា។ ស ម្តេចបន្តថា នៅសប្តាហ៍ក្រោយសម្តេច និងលោក វ៉ាង វិនធៀន នឹងអញ្ជើញសម្ពោធដាក់ឲ្យប្រើប្រាស់ មន្ទីរពេទ្យមិត្តភាពកម្ពុជា-ចិន ខេត្តត្បូងឃ្មុំ ដែលជាសមិទ្ធផលដ៏ធំនៃកិច្ចសហប្រតិបត្តិការកម្ពុជា-ចិន។

សម្តេចតេជោ ហ៊ុន សែន បានរំលឹកថា កំណាត់ផ្លូវជាតិលេខ៣ ត្រូវបានកូរ៉េខាងត្បូង ជួយសាងសង់រួចម្តងមកហើយ កាលពីពេលនោះសម្តេចបានប្រាប់អតីតប្រធានាធិបតីកូរ៉េខាងត្បូងថា កំណាត់ផ្លូវជាតិលេខ៣ សំខា​ន់ណាស់ ព្រោះជាផ្លូវតភ្ជាប់ទៅកាន់ខេត្តផលិតអំបិល តែមួយគត់របស់កម្ពុជា។

សម្តេចតេជោ ហ៊ុន សែន បានថ្លែងថា “ដោយសារកំណើនចរាចរណ៍កើកំណាត់ផ្លូវជាតិលេខ៣ មានការកើនឡើងខ្លាំង ទើបសម្តេចសម្រេចស្នើចិនជួយសាងសង់ជាថ្មី។ កំណាត់ផ្លូវជាតិលេខ៣ អាចរាប់ជាប្រភេទផ្លូវល្បឿនលឿន ព្រោះមានទទឹងផ្លូវធំ។

ក្រុងភ្នំពេញរីកមុខមាត់ដោយមានអគារកម្ពស់ខ្ពស់ជាង៥ជាន់ឡើងជាង១៦០០អគារនិងសំណង់បុរី ផ្ទះល្វែងជាច្រើន

ដោយៈសុផារី

ភ្នំពេញៈ ក្រុងភ្នំពេញបាននិងកំពុងរីកមុខមាត់ ដោយសង្គេតឃើញមានការរីកដុះដាលនៃអគារ អគារការិយាល័យ ខុនដូ សំណង់បុរី ផ្ទះល្វែង ជាច្រើន។

លោកឃួង ស្រេង អភិបាលរាជធានីភ្នំពេញបានឱ្យដឹងថា គិតត្រឹមដំណាច់ឆ្នាំ២០២១ នៅរាជធានីភ្នំពេញ មានសំណង់បុរី ផ្ទះល្វែងចំនួន៣១០កន្លែង អគារខ្ពស់ៗ ចាប់ពីប្រាំជាន់ឡើងទៅមានចំនួន១៦០៣ អគារ។ លោកលើកឡើងបែបនេះ ក្នុងសន្និបាតបូកសរុបការងារឆ្នាំ២០២១ និងលើកទិសដៅការងារឆ្នាំ២០២២ របស់រដ្ឋបាលរាជធានីភ្នំពេញ នៅព្រឹកថ្ងៃទី០២ ខែមីនា ឆ្នាំ២០២២នេះ។

បើតាមលោកឃួង ស្រេង រដ្ឋបាលរាជធានីបានពិនិត្យផ្តល់យោបល់លើប្លង់ ស្នើសុំលិខិតអនុញ្ញាតសាងសង់ចំនួន១០៥០គម្រោង លើផ្ទៃក្រឡាសំណង់សរុបជាង៤,៦៣លានម៉ែត្រក្រឡា ដែលមានទំហំទុនវិនិយោគប៉ាន់ស្មានជាង២ពាន់លានដុល្លារអាមេរិក។

លោកបានមានប្រសាសន៍ថា បច្ចុប្បន្នទោះបីសេដ្ឋកិច្ចជាតិត្រូវបានរាំងស្ទះដោយវិបត្តិបង្កឡើងដោយជំងឺកូវីដ-១៩ ក៏គម្រោងអភិវឌ្ឍន៍ជាច្រើន កំពុងដំណើរការសាងសង់ ក្នុងរាជធានីភ្នំពេញ គិតត្រឹមដំណាច់ឆ្នាំ ២០២១ នៅរាជធានីភ្នំពេញ យើងមានសំណង់បុរី បណ្ដុំផ្ទះល្វែងចំនួន៣១០កន្លែង អគារខ្ពស់ៗ ចាប់ពីប្រាំជាន់ឡើងទៅមានចំនួន១៦០៣អគារ។

លោកបន្ថែមថា រដ្ឋាភិបាលបានពិនិត្យផ្តល់យោបល់ លើប្លង់ស្នើសុំលិខិតអនុញ្ញាតសាងសង់ចំនួន១០៥០គម្រោង លើផ្ទៃក្រឡាសំណង់សរុបជាង៤,៦៣ លានម៉ែត្រក្រឡា ដែលមានទំហំទុនវិនិយោគប៉ាន់ស្មានជាង ២,២៦ពាន់លានដុល្លាអាមេរិក។

ចំណែកចំនួនអាជីវកម្មដ្ឋាន ក៏មិនមានការថយចុះឡើយ ក្នុងនោះ រោងចក្រវិនិយោគមានចំនួន៧៥៤ និងឧស្សាហកម្មធុនតូច និងសិប្បកម្មមានចំនួន៥១៧៤មូលដ្ឋាន មានតម្លៃប៉ាន់ស្មានផលិតផលសរុប២០៥០ ពាន់លានដុល្លាអាមេរិក បានផ្តល់ការងារជូនកម្មករ- កម្មការិនីជាង៦សែន (៦៣១ ៥៦៧) កំពុងដំណើរការយ៉ាងសកម្ម៕

បុរី វិមានភ្នំពេញគម្រោងទី១៦ បង្ហាញវត្តមាននៅតំបន់ប៉ែកឦសានជាលើកដំបូងក្នុងស្រុកស្នួល ខេត្តក្រចេះ

ដោយៈ សហការី

ក្រចេះ ៖ ក្រុមហ៊ុន លី ហូរ ឌីវឡុបម៉ិន វិមានភ្នំពេញ ឯក (បុរី វិមានភ្នំពេញ) បានបើកការដ្ឋានសាងសង់ផ្ទះពាណិជ្ជកម្ម និងអគារពាណិជ្ជកម្មលើទំហំផ្ទៃដីជំហានដំបូង លើទំហំដីប្រមាណ៧ហិចតា ដែលរួមមានផ្ទះអាជីវកម្មប្រមាណ៥០៧ខ្នងផ្ទះ និងអគារពាណិជ្ជកម្មចំនួន៧ ដែលជាកម្លាំងចលករមួយ ក្នុងការចូលរួមចំណែកអភិវឌ្ឍន៍ទីរួមស្រុកស្នួល ខេត្តក្រចេះ។

អ្នកឧកញ៉ា លី ហួរអគ្គនាយកបុរីវិមានភ្នំពេញបានមានប្រសាសន៍ក្នុងពិធីបើកសម្ភោធគំរោងនៅព្រឹកថ្ងៃទី២ មិនានេះថា “ថ្ងៃនេះ ក្នុងនាមខ្ញុំជា ប្រធានក្រុមប្រឹក្សាភិបាលក្រុមហ៊ុន លី ហូរ ឌីវេឡុបម៉ិន វិមានភ្នំពេញ ឯ.ក (បុរី វិមានភ្នំពេញ) មានសេចក្តីសោមនស្សរីករាយយ៉ាងក្រៃលែង និងថ្លែងអំណរគុណជាអនេកចំពោះ វត្តមានរបស់ឯកឧត្តម លោកជំទាវ លោកឧកញ៉ា លោក-លោកស្រី អ្នកនាង កញ្ញា ថ្នាក់ដឹកនាំ និងបុគ្គលិក ដែលបានចូលរួម ក្នុងពិធីបញ្ចុះបឋមសិលាបើកការដ្ឋានសាងសង់ បុរី វិមានភ្នំពេញ គម្រោងទី១៦នៅថ្ងៃនេះ។

អ្នកឧកញ៉ាបានបញ្ជាក់ថា ក្រុមហ៊ុន លី ហួរ ឌីវឡុបម៉ិន វិមានភ្នំពេញ ឯ.ក (បុរី វិមានភ្នំពេញ) ធ្លាប់តែចូលរួមអភិវឌ្ឍន៍ និងកែប្រែតំបន់មួយចំនួននៅរាជធានីភ្នំពេញ ខេត្តកណ្តាល ឱ្យមានសភាពអ៊ូអរ និងក្លាយជាតំបន់ពោរពេញទៅដោយការធ្វើអាជីវកម្ម និងពាណិជ្ជកម្ម។ ដោយឡែកថ្ងៃនេះ បើទោះបីជាមានការរាតត្បាគជម្ងឺកូវីដ-១៩ ជាសកលប្រមាណជាងពីរឆ្នាំកន្ល​ងមកក៏ដោយ ក្រុមហ៊ុននៅតែមានសន្ទុះនៃការរីកចម្រើនទៅមុខ ដែលអនុ​ញ្ញាតឱ្យក្រុមហ៊ុន បន្តបោះជំហានវិនិយោគមក អភិវឌ្ឍន៍នៅភូមិភាគឦ​សា​ន ទីរួមស្រុកស្នួល ខេត្តក្រចេះ ដើម្បីប្រែក្លាយតំបន់នេះ ជាទីប្រជុំជនពោរពេញទៅដោយផ្ទះពាណិជ្ជកម្ម និងអគារពាណិជ្ជកម្ម ជាតំបន់ដែលមានសក្តានុពល។

ក្រុមហ៊ុន លី ហូរ ឌី វឡុបម៉ិន វិមានភ្នំពេញ ឯ.ក (បុរី វិមានភ្នំពេញ) ដែលជាក្រុមហ៊ុនអភិវឌ្ឍន៍សាងសង់ អគារលំនៅឋាន បានចាប់ផ្តើមដំណើរការតាំងពីឆ្នាំ២០១១ រហូតមកដល់បច្ចុប្បន្នមានរយៈពេល ១១ ឆ្នាំហើយ បង្កើតបានចំនួន១៦គម្រោង ដែលបានសាងសង់នូវប្រភេទផ្ទះ និងអគារជាច្រើន មាន ដូចជា៖ អគារពាណិជ្ជកម្ម ផ្ទះពាណិជ្ជកម្ម ភូមិគ្រឹះ ផ្ទះវិឡាទោល ផ្ទះវីឡាភ្លោះ ផ្ទះវីឡាកូនកាត់ និងផ្ទះ ល្វែង សម្រាប់លក់ជូនប្រជាពលរដ្ឋគ្រប់កម្រិតជីវភាព។

កត្តាដែលធ្វើឱ្យក្រុមហ៊ុន អាចបោះទុនវិនិយោគអភិវឌ្ឍន៍សាងសង់អគារលំនៅឋាន បានរហូតមកដល់បច្ចុប្បន្ននេះ គឺដោយសារតែក្រុមហ៊ុន បានយកចិត្តទុកដាក់លើគុណភាពសេវាកម្ម គុណភាពសំណង់ ទីតាំងអភិវឌ្ឍន៍ និងលក្ខខណ្ឌបង់ប្រាក់ ងាយស្រួលស្របទៅតាមស្ថានភាពកម្រិតជីវភាពរបស់អតិថិជន និងទៅតាមប្រភេទម៉ូតផ្ទះ ហើយអ្វីដែលមិនអាចខ្វះបាន គឺប្រទេសមានសុខសន្តិភាព និងការគាំទ្រពីសំណាក់អតិថិជនជាច្រើន ដូច្នេះ ឆ្លៀតក្នុងឱកាសនេះ ខ្ញុំក៏សូមថ្លែងអំណរគុណដល់អតិថិជន បុរីវិមានភ្នំពេញ ដែលតែងតែគាំទ្រលើ គុណភាពសំណង់របស់ក្រុមហ៊ុនមួយនេះ តាំងពីដើមរៀងមក៕

បុរីប៉េង ហួត និងធនាគារចិនសហការគ្នាផ្តល់ជូនអត្រាប្រាក់ពិសេសជូនដល់អតិថិជន

 ដោយៈសហសេវិក

ភ្នំពេញៈ ដើម្បីផ្តល់ជូនជម្រើសដ៏សម្បូរបែប ជូនដល់អតិថិជន កាលពីថ្ងៃទី22 ខែកុម្ភៈ ឆ្នាំ2022 កន្លងទៅថ្មីៗនេះ នាការិយាល័យលក់បុរី​ ប៉េង ហួត ហ្គ្រេនស្តាផ្លាទីនីម (បឹងស្នោ) បានរៀបចំកម្មវិធីចុះហត្ថលេខារវាងបុរី ប៉េង ហួត និងធនាគារចិនលើកិច្ចសហការ ក្នុងការផ្តល់ឥណទានគេហដ្ឋានកំពុងសាងសង់។

កម្មវិធីចុះហត្ថលេខានេះផងដែរ ទទួលបា​នការអញ្ជើញចូលរួមពីសំ​ណាក់លោកស្រី ភី សុវឌ្ឍនា ប្រធានផ្នែកទីផ្សារជាន់ខ្ពស់ តំណាងបុរី ប៉េង ហួត និងអ្នកនាង LIU XIAOWEI នាយករងឥណទានបុគ្គល តំណាងធនាគារចិន ព្រមទាំងភ្ញៀវកិត្តិយសជាច្រើនរូបទៀត។ ពិធីចុះហត្ថលេខានៅថ្ងៃនេះ គឺជាការឆ្លុះបញ្ចាំងអំពីទំនាក់ទំនងដ៏ជិតស្និទ្ធ និងមានប្រសិទ្ធភាពរវាងបុរី ប៉េង ហួត និង ធនាគារចិន ក្នុងការផ្តល់ជូនដល់ជូនភាពសម្បូរបែប និងងាយស្រួល ក្នុងការទទួលបានការអនុម័តឥណទានឆាប់រហ័ស និងផលចំណេញខ្ពស់ សម្រាប់អតិថិជនបុរី ប៉េង ហួត។

កិច្ចសហការដ៏ស្អិតរមួតនេះ ធនាគារចិន​ បានសម្រេចផ្តល់ជូននូវអត្រាការប្រាក់ពិសេសចាប់ពី4.39% ក្នុងឆ្នាំទី1 និងអត្រាការប្រាក់6.99% ចាប់ពីឆ្នាំទី2 ឡើងទៅ ជាមួយនឹងទំហំកម្ចី70% នៃតម្លៃគេហដ្ឋាន រហូតដល់20ឆ្នាំ គ្រប់គម្រោងទាំងអស់របស់បុរី ប៉េង ហួត ដោយមិនត្រូវការទ្រព្យបញ្ចាំ ទាំងគម្រោងដែលបញ្ចប់ការសាងសង់រួចរាល់ និងគម្រោងដែលកំពុងសាងសង់ ដោយមានត្រឹមតែឯកសារ នៃកិច្ចសន្យាទិញលក់តែប៉ុណ្ណោះ ជាមួយការអនុម័តយ៉ាងឆាប់រហ័សពីធនាគារចិនផងដែរ។

សម្រាប់ព័ត៌មានបន្ថែម សូមទាក់ទងទូរសព្ទលេខ 015 90 6789 , Telegram: Borey Peng Huoth ឬ ចូលទៅកាន់ទំព័រហ្វេសប៊ុក www.facebook.com/boreypenghuoth ឬអាចអញ្ជើញមកសាកសួរព័ត៌មានពីគ្រប់ការិយាល័យលក់ ដែលមានទីតាំងក្បែរលោកអ្នក រៀងរាល់ម៉ោងធ្វើការ៕

[youtube https://www.youtube.com/watch?v=XJmyoVVAhGA&w=560&h=315]

 

 

សម្តេចតេជោៈរដ្ឋាភិបាលចិនបានគាំទ្រការសាងសង់ផ្លូវនិងស្ពានធំៗ ជាង៣៨រួចមកហើយ

ដោយៈ សុផារី

ភ្នំពេញៈ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ថា គិតមកត្រឹមពេលនេះ ផ្លូវដែលគាំទ្រដោយចិនមានចំនួន២៩ខ្សែ និងស្ពានធំៗចំនួន៩ហើយ។

សម្តេចបានមានប្រសាសន៍ នៅក្នុងពិធីបើកសម្ពោធដាក់ឱ្យប្រើប្រាស់ជាផ្លូវការ កំណាត់ផ្លូវជាតិលេខ៣ ប្រវែងជិត១៣៥គីឡូម៉ែត្រ ចាប់ពីរាជធានីភ្នំពេញ-កំពត នៅថ្ងៃទី២ ខែមីនា ឆ្នាំ២០២២។

សម្ដេចតេជោបានបន្តថា រហូតមកដល់ពេលនេះ សាធារណរដ្ឋចិនបានផ្ដល់នូវការគាំទ្រ សម្រាប់ការអភិវឌ្ឍនៅកម្ពុជាយ៉ាងច្រើនក្នុងនោះ មានស្ពានថ្នល់ និងហេដ្ឋារចនាសម្ព័ន្ធផ្សេងៗ។

បើតាមសម្ដេចតេជោ ហ៊ុន សែន មកដល់ពេលនេះ ផ្លូវដែលបានសាងសង់រួចហើយ និងបានដាក់ឱ្យប្រើប្រាស់មានចំនួន២៩ខ្សែ មានប្រវែងជាង៣ពាន់គីឡូម៉ែត្រ ហើយគម្រោងដែលកំពុងសាងសង់ មានចំនួន៣ខ្សែ ប្រវែង៣៦៣គីឡូម៉ែត្រ។

ចំណែកស្ពានធំៗ ដែលបានសាងសង់រួច មានចំនួន៩ស្ពាន ប្រវែង៨៥៦៥ម៉ែត្រ ហើយស្ពានដែលកំពុងសាងសង់ នៅសល់មួយទៀត គឺស្ពានឆ្លងកាត់ទន្លេបាសាក់ ដែលតភ្ជាប់ផ្លូវខ្សែក្រវ៉ាត់ក្រុងទី៣ ចំនួន៩៩៦ម៉ែត្រ មានតម្លៃ៥៦លានដុល្លា ហើយថវិកាដែលរដ្ឋាភិបាលចិន ផ្តល់សម្រា​ប់សាងសង់ផ្លូវ និងស្ពាន មានចំនួនជិត៣ពាន់លានដុល្លារអាមេរិក។

សម្ដេចតេជោ ហ៊ុន សែន បានបញ្ជាក់ថា សមិទ្ធផល ដែលបាននិងកំពុងកើតឡើង នៅលើទឹកដីនៃព្រះរាជាណាចក្រកម្ពុជា បានកើតចេញមកពីកិច្ចសហប្រតិបត្តិការរបស់យើង ជាមួយដៃគូអភិវឌ្ឍន៍ទាំងអស់ ជាពិសេ​សជាមួយសាធារណរដ្ឋប្រជាមានិតចិន៕

រដ្ឋាភិបាលបញ្ចេញថវិកាជាង៥លានដុល្លារបន្ថែមទៀតលើការដោះស្រាយបញ្ហាផ្លូវក្រវ៉ាត់ក្រុងទី៣ ខណៈសម្តេចព្រមានប្រើច្បាប់អស្សាមីករណ៍

ដោយៈ សុផារី

ភ្នំពេញៈសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា សម្តេចទើបនឹងអនុម័តបញ្ចេញថវិកា ចំនួនជាង៥លានដុល្លារអាមេរិកបន្ថែមទៀត ដើម្បីដោះស្រាយផលប៉ះពាល់ លើការសាងសង់ផ្លូវក្រវ៉ាត់ក្រុងទី៣។

សម្តេចបានថ្លែងបែបនេះ ក្នុងឱកាសអញ្ជើញសម្ពោធដាក់ឱ្យប្រើប្រា​ស់ផ្លូវជាតិលេខ៣ ភ្នំពេញ-កំពត នាព្រឹកថ្ងៃទី២ ខែមីនា ឆ្នាំ២០២២នេះ។

សម្តេចថ្លែងថា សម្តេចទើបនឹងចុះហត្ថលេខា បញ្ចេញប្រាក់ជាង៥លានដុល្លារបន្ថែមទៀត ដែលនេះជាជំហានទី៣២ ហើយ ដែលរាជរដ្ឋាភិបាលកម្ពុជាបានបញ្ចេញថវិកា ទាក់ទងនឹងការដោះស្រាយផលប៉ះពាល់ពីការសាងសង់ផ្លូវក្រវ៉ាត់ក្រុងទី៣។

សម្តេចបានថ្លែងថា “ផ្លូវខ្សែក្រវ៉ាត់ក្រុង ប្រហែលជាស្រូបលុយបដិភាគច្រើនជាងលុយនៃការអភិវឌ្ឍពិតប្រាកដ”។ សម្តេចបន្តថា“ចំនួនប្រាក់ដែលហិរញ្ញប្បទានដោយសាធារណរដ្ឋចិន ជាមួយនឹងប្រាក់ដែលរាជរដ្ឋាភិបាល បានបញ្ចេញ ក្នុងការដោះស្រាយផលប៉ះពាល់ចំនួន៣២លើក យ៉ាងហោចណាស់ប្រហែលជា៦០លានដុល្លារួចទៅហើយ”។

ផ្លូវក្រវ៉ាត់ក្រុងទី៣ មានប្រវែងសរុប៥២,៩៨៣គីឡូម៉ែត្រ ចាប់ផ្តើមពីចំណុចផ្លូវជាតិលេខ៤ ក្នុងខណ្ឌពោធិ៍សែនជ័យ រាជធានីភ្នំពេញ ឆ្លងកាត់ផ្លូវជាតិលេខ៣ ផ្លូវជាតិលេខ២ ឆ្ពោះទៅផ្លូវជាតិលេខ១ ក្នុងស្រុកកៀនស្វាយ ខេត្តកណ្ដាល តភ្ជាប់ទៅកាន់ចំណតផែកុងតឺន័រថ្មី របស់កំពង់ផែស្វ័យតភ្នំពេញ។ ផ្លូវក្រវ៉ាត់ក្រុងទី៣ នឹងជួយសម្រួលដល់ការកកស្ទះចរាចរណ៍នៅក្នុងក្រុងភ្នំពេញ កាត់បន្ថយបាននូវគ្រោះថ្នាក់ចរាចរណ៍ និងភាពយឺតយ៉ាវនៃការធ្វើដំណើរ។

សម្តេចតេជោបានបញ្ជាក់ថា “ខ្ញុំតែងតែប្រាប់ឲ្យមានការសន្សំសំចៃ។ គម្រោងណាក៏ដោយ ទោះបីជាគម្រោងជំនួយឥតសំណងក៏ដោយ គម្រោងហិរញ្ញប្បទានពីដៃគូអភិវឌ្ឍន៍ក៏ដោយ ត្រូវតែមានថវិកាបដិភាគ បើគ្មានថវិកាបដិភាគទេគឺយើងមិនអាចធ្វើបាន”។

ទាក់ទងនឹងផលលំបាក ក្នុងការដោះស្រាយផលប៉ះពាល់លើគំរោងហេដ្ឋារចនាសម្ព័ន្ឋនានា សម្តេចតេជោបានថ្លែងថា ប្រសិនបើគំរោងនោះផ្តល់ផលប្រយោជន៍ធំដល់ជាតិ និងប្រជាពលរដ្ឋ ហើយប្រជាពលរដ្ឋមួយចំនួនមិនព្រមសម្របសម្រួលដោះស្រាយ រដ្ឋាភិបាលនឹងប្រើប្រាស់ច្បាប់អ​ស្សាមីករណ៍ ដែលអាចដកហូតនិងផ្តល់សំណងជូនប្រជាពលរដ្ឋ ដោយយកច្បាប់នេះមកប្រើប្រាស់។

សម្តេចបានលើកឧទាហរណ៍ជាក់ស្តែងមកបញ្ជាក់ថា “ជាក់ស្តែងការ​ដោះស្រាយលើគំរោងសាងសង់ស្ពានអ្នកលឿន ប្រជាពលរដ្ឋតែពីរគ្រួសារមិនព្រមចាកចេញ និងទទួលយកសំណង ប៉ុន្តែនៅពេលគ្រឿងចក្រសំរាប់់ឈូសឆាយទៅដល់ ទើបពួកគេព្រមទទួលយក”៕

ផ្លូវជាតិលេខ៣តម្លៃ២៥២លានដុល្លារប្រវែង១៣៤គីឡូម៉ែត្រត្រូវបានសម្ភោធបើកឲ្យប្រើប្រាស់ដោយសម្តេចតេជោ

 ដោយៈ គង់ សូរិយា

       ភ្នំពេញៈ កំណាត់ផ្លូវជាតិលេខ៣ភ្នំពេញ-កំពត ប្រវែងជាង១៣៤គីឡូ​ម៉ែត្រ សម្ពោធដាក់ឱ្យប្រើប្រាស់ជាផ្លូវការនៅថ្ងៃទី២ ខែមីនា ឆ្នាំ២០២២នេះក្រោមអធិបតីភាពសម្តេចតេជោហ៊ុន សែននាយករដ្ឋមន្រ្តីនៃកម្ពុជា។

សម្តេចតេជោ ហ៊ុន សែនបានថ្លែងថា វត្តមានកំណាត់ផ្លូវជាតិលេខ៣ គឺជាសមិទ្ធផលថ្មីមួយទៀត បង្ហាញឱ្យឃើញនូវកិច្ចសហប្រតិបត្តិការ និងទំនាក់ទំនងដៃគូយុទ្ធសាស្ត្រគ្រប់ជ្រោងជ្រោយ និងជោគវាសនារួមគ្នា។ ស ម្តេចបន្តថា នៅសប្តាហ៍ក្រោយសម្តេច និងលោក វ៉ាង វិនធៀន នឹងអញ្ជើញសម្ពោធដាក់ឲ្យប្រើប្រាស់ មន្ទីរពេទ្យមិត្តភាពកម្ពុជា-ចិន ខេត្តត្បូងឃ្មុំ ដែលជាសមិទ្ធផលដ៏ធំនៃកិច្ចសហប្រតិបត្តិការកម្ពុជា-ចិន។

សម្តេចតេជោ ហ៊ុន សែន បានរំលឹកថា កំណាត់ផ្លូវជាតិលេខ៣ ត្រូវបានកូរ៉េខាងត្បូង ជួយសាងសង់រួចម្តងមកហើយ កាលពីពេលនោះសម្តេចបានប្រាប់អតីតប្រធានាធិបតីកូរ៉េខាងត្បូងថា កំណាត់ផ្លូវជាតិលេខ៣ សំខា​ន់ណាស់ ព្រោះជាផ្លូវតភ្ជាប់ទៅកាន់ខេត្តផលិតអំបិល តែមួយគត់របស់កម្ពុជា។

សម្តេចតេជោ ហ៊ុន សែន បានថ្លែងថា “ដោយសារកំណើនចរាចរណ៍កើកំណាត់ផ្លូវជាតិលេខ៣ មានការកើនឡើងខ្លាំង ទើបសម្តេចសម្រេចស្នើចិនជួយសាងសង់ជាថ្មី។ កំណាត់ផ្លូវជាតិលេខ៣ អាចរាប់ជាប្រភេទផ្លូវល្បឿនលឿន ព្រោះមានទទឹងផ្លូវធំ។

សម្តេចតេជោ ហ៊ុន សែន បានថ្លែងកោតសរសើរចំពោះការរៀបចំសួន និងដាំផ្កាចំទ្រូងផ្លូវ ព្រោះលើកសោភ័ណភាព និងភាពបៃតងលើដងផ្លូវ។ សម្តេចតេជោ ហ៊ុន សែន ថ្លែងរំពឹងថា ប្រជាពលរដ្ឋនឹងមិនយកសួនទ្រូងផ្លូវធ្វើជាកន្លែងបន្ទោបង់។

សម្តេចតេជោ ហ៊ុន សែន បានថ្លែងរំលឹកថា ក្នុងដំណាក់កាលសាងសង់កំណាត់ផ្លូវជាតិលេខ៣ បានផ្តល់ផលប៉ះពាល់ជាខ្លាំង ដល់ប្រជាពលរដ្ឋនៅសងខាងផ្លូវ តែក្រោយសាងសង់រួចប្រជាពលរដ្ឋ នៅសងខាងផ្លូវនេះ ជាអ្នកទទួលបានប្រយោជន៍មុនគេ។

សម្តេចតេជោ ហ៊ុន សែន បានថ្លែងរំលឹកថា មានម្ចាស់ផ្សារមួយកន្លែងនៅជាប់ផ្លូវជាតិលេខ៣ ធ្លាប់បានជំទាស់ការធ្វើស្ពាន ធ្វើដំណើរឆ្លងកាត់ផ្លូវ សម្តេចថ្លែងថាត្រូវតែធ្វើ។សម្តេចថ្លែងថា កំណាត់ផ្លូវជាតិលេខ៣ ចំណាយថវិកាជាង២៥២លានដុល្លារ។ ក្នុងនោះប្រមាណ៤០លានដុល្លារ ជាថវិកាបដិភាគរបស់រាជរដ្ឋាភិបាល។

សម្តេចតេជោ ហ៊ុន សែន បានថ្លែងថា “ប្រជាពលរដ្ឋនឹងទទួលបានប្រយោជន៍ពីកំណាត់ផ្លូវជាតិលេខ៣នេះ ស្របពេលកម្ពុជាពង្រីកការវិនិយោគភាគនិរតីប្រទេស”៕