សណ្ឋាគារថ្មីមួយនឹងបើកដំណើរការនៅចំកណ្តាលបេះដូងរាជធានីភ្នំពេញនៅខែមិនាខាងមុខ

ដោយៈគង់ សូរិយា

ភ្នំពេញៈ បើទោះជាវិស័យទេសចរណ៍ នៅតែជួបភាពមិនប្រាកដប្រជាក្តី ប៉ុន្តែសណ្ឋាគារថ្មីៗបាននិងកំពុងត្រៀមខ្លួន បើកដំណើរការនៅរាជធានីភ្នំពេញក្នុងខែមិនាពេលខាងមុខនេះ។

ជាក់ស្តែងក្រុមហ៊ុនសណ្ឋាគារល្បីឈ្មោះ Ascott នឹងបើកដំណើរការបណ្តាញសណ្ឋាគាររបស់ខ្លួន Citadines Flatiron Phnom Penh នៅរាជធានីភ្នំពេញនៅថ្ងៃទី១៥ ខែមីនា ឆ្នាំ ២០២២ ផ្តល់ជូននូវសេវាកម្មទាំងបន្ទប់អាផាតមិនជួល និងសណ្ឋាគារ។

អគារ Citadines Flatiron មាន៣១៥យូនីត ហើយមានទីតាំងនៅក្នុងអគារ Flatiron by Meridian ដែលជាគម្រោងអភិវឌ្ឍចម្រុះកម្ពស់៤១ជាន់ នៅនៅក្នុងមជ្ឈមណ្ឌលភ្នំពេញ ឬ Phnom Penh City Center ឬតំបន់បឹងកក់។

មជ្ឈមណ្ឌល Citadines Flatiron ផ្តល់ជូននូវជម្រើសបន្ទប់ និងអាផាតមិនជាច្រើនពីយូនីតសណ្ឋាគារ បន្ទប់ប្រភេទស្ទូឌីយ៉ូ១បន្ទប់គេង ២បន្ទប់គេង និង៣បន្ទប់គេងជាដើម។

ការបើកសម្ពោធ Citadines Flatiron Phnom Penh គឺជាការបោះជំហានទី៣របស់ The Ascott Limited មកកាន់ប្រទេសកម្ពុជា បន្ទាប់ពី CASA Meridian Residences និង Somerset Norodom Phnom Penh៕

អ្នកជំនាញៈតម្លៃដីលើផ្លូវក្រវ៉ាត់ក្រុងទី៣មានការកើនឡើងខ្ពស់ក្រោយបញ្ចប់ការសាងសង់

ដោយៈ សុផារី

ភ្នំពេញៈ ស្របពេលដែលការសាងសង់ផ្លូវក្រវាត់ក្រុងទី៣ សម្រេចបានជាង៦៦ភាគរយ អ្នកជំនាញនៃវិស័យអចលនទ្រព្យបានឱ្យដឹងថា តម្លៃដីធ្លីនៅតាមបណ្តោយផ្លូវនេះ មានការកើនឡើងច្រើន បើប្រៀបធៀបនឹងមុនពេលសាងសង់ ហើយនឹងកាន់តែមានកំណើនខ្ពស់ ក្រោយបញ្ចប់ការសាងសង់នាពេលខាងមុខ។

លោកឧកញ៉ា នួន រឹទ្ធី អគ្គនាយកក្រុមហ៊ុនអចលនទ្រព្យ Khmer Foundation Appraisals (KFA) បានមានប្រសាសន៍កាលពីថ្ងៃទី១៥ ខែកុម្ភៈនេះថា បើប្រៀបធៀបនឹងមុនពេលសាងសង់ តម្លៃដីនៃតំបន់នេះ ទីតាំងខ្លះលើផ្លូវក្រវ៉ាត់ក្រុងទី៣ មានការកើនឡើង៤ទៅ៥ដង។

លោកបានបញ្ជាក់ថា ”តម្លៃដីទាបបំផុតលើផ្លូវក្រវ៉ាត់ក្រុងទី៣ ចាប់ផ្តើមពី៦០ ទៅ៨០ដុល្លាអាមេរិកក្នុងមួយម៉ែត្រការ៉េ ហើយមានតំបន់ទីប្រជុំជនឬតំបន់ក្បែររាជធានីភ្នំពេញខ្លះ តម្លៃបានឡើងខ្ពស់រហូតដល់ ៣០០ទៅ ៤០០ដុល្លាអាមេរិកក្នុងមួយម៉ែត្រការ៉េ”។

បើតាមលោកឧកញ៉ា កំណើនខ្ពស់នៃតម្លៃដីធ្លីនៅតាមបណ្តោយផ្លូវនេះ ជំរុញដោយកត្តាសំខាន់ៗមួយចំនួន ដូចជា កត្តា GDP របស់សេដ្ឋកិច្ចរបស់ប្រទេសមួយកើនឡើង នាំឱ្យតម្លៃដីធ្លីមានការកើនឡើង ទៅតាមនិន្នាការនេះផងដែរ។

កត្តាមួយទៀតគឺ Block Market Price ផ្អែកលើគម្រោងយុទ្ធសាស្រ្តរបស់រាជរដ្ឋាភិបាលកម្ពុជា ដោយកាលណាគម្រោងចាប់ផ្តើម អនុវត្តន៍បានបន្ទិច តម្លៃដីធ្លីនឹងគុណនឹង២ ក្រោយគម្រោងបានអនុវត្ត នោះតម្លៃនឹងកើនឡើងគុណនឹង៣ ហើយក្រោយគម្រោងបានអនុវត្តន៍រួចរាល់ហើយ នោះតម្លៃដីធ្លីអាចនឹងកើនឡើងរហូតដល់១០ដងក៏មានដែរ។

លោកឧកញ៉ាបានបញ្ជាក់ថា “នៅចុងឆ្នាំ២០២១ និងដើមឆ្នាំ២០២២នេះ មានគម្រោងអភិវឌ្ឍន៍លំនៅឋានមួយចំនួន នៅក្នុងស្រុកកៀនស្វាយ ខេត្តកណ្តាល បានចាប់ផ្តើមប្រកាសហើយ តែគម្រោងផ្សេងទៀតនៅមិនទាន់មានការប្រកាសនៅឡើយទេ”។

លោកឧកញ៉ានួន រិទ្ឋីបានព្យាករណ៍ថា ក្រោយពីផ្លូវនេះមានបញ្ចប់ការកសាងរួចរាល់ហើយ តម្លៃដីធ្លីនៅក្នុងតំបន់ផ្លូវក្រវាត់ក្រុងទី៣ នេះអាចមានការកើនឡើងរហូតដល់២០ ទៅ៣០ភាគរយធៀបនឹងពេលបច្ចុប្បន្ន។ លោកបន្តថា យ៉ាងណាក្តី វាអាស្រ័យនឹងគោលនយោបាយ លើកទឹកចិត្តរបស់រាជរដ្ឋាភិបាលកម្ពុជា។

ឧទាហរណ៍ គោលនយោបាយឃ្លាំង ដែលត្រូវលើកចេញពីក្រុងនឹងធ្វើឱ្យផ្លូវក្រវាត់ក្រុងទី៣ មានតួនាទីសំខាន់ខ្លាំងណាស់ ក្នុងការផ្តល់ចរាចរណ៍កាត់និងវាងក្រុងភ្នំពេញ ដែលអាចកាត់បន្ថយរយៈពេលការដឹកជញ្ជូន។

ផ្លូវក្រវាត់ក្រុង ដែលចំណាយទំហំទឹកប្រាក់ ចំនួន៣០០លានដុល្លារមានប្រវែងសរុប៥២,៩៨៣គីឡូម៉ែត្រ ចាប់ផ្តើមពីចំណុចផ្លូវជាតិលេខ៤ ក្នុង ខណ្ឌពោធិ៍សែនជ័យ រាជធានីភ្នំពេញ ឆ្លងកាត់ផ្លូវជាតិលេខ៣ ផ្លូវជាតិលេខ២ ឆ្ពោះទៅផ្លូវជាតិលេខ១ ក្នុងស្រុកកៀនស្វាយ ខេត្តកណ្ដាល តភ្ជាប់ទៅកាន់ចំណតផែកុងតឺន័រថ្មី របស់កំពង់ផែស្វ័យតភ្នំពេញ។

លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន កាលពីចុងខែមករា ឆ្នាំ២០២២កន្លងមកថា គម្រោងផ្លូវក្រវ៉ាត់ក្រុងទី៣ ធ្វើឡើងតាមផែនការមេ និងចក្ខុវិស័យរបស់ក្រសួងសាធារណការ និងដឹកជញ្ជូន តាមការចង្អុលបង្ហាញ ពីរាជរដ្ឋាភិបាលកម្ពុជា ដើម្បីសម្រួលដល់ការធ្វើដំណើរ ការដឹកជញ្ជូនផលិតផលនានា រួមចំណែកកាត់បន្ថយបញ្ហាកកស្ទះដោយយានយន្ដធំៗ ដែលដឹកជញ្ជូនទំនិញចេញ-ចូលរាជធានីភ្នំពេញ។

ផ្លូវក្រវ៉ាត់ក្រុងទី៣ ក៏ជាផ្លូវតភ្ជាប់ផ្ទៃក្នុង និងសមាហរណកម្មតំបន់ រួមមានផ្លូវអាស៊ានហាយវ៉េ និងផ្លូវរបៀងសេដ្ឋកិច្ច របស់មហាអនុតំបន់ទន្លេមេគង្គ ដែលរួមចំណែកសម្រួល ការដឹកជញ្ជូនឆ្លងកាត់ព្រំដែន ជំរុញពាណិជ្ជកម្មអន្តរជាតិ និងភស្ដុភារកម្មតំបន់៕

ទីក្រុងប៉ោយប៉ែតចាប់ផ្តើមជួបវិបត្តិខ្វះកំលាំងពលកម្មជាថ្មី

ដោយៈ វណ្ណៈ

ភ្នំពេញៈ ទីក្រុងប៉ោយប៉ែត នៃខេត្តបន្ទាយមានជ័យ បានជួបវិបត្តិខ្វះកំលាំងពលកម្មលើទីផ្សារការងារជាថ្មី បន្ទាប់ពីកាស៊ីណូ អាជីវកម្មនានាបានបើកដំណើរការឡើងវិញ។

លោកសួង សុខហ៊ាង ប្រធានក្រុមប្រឹក្សាភិបាលក្រុមហ៊ុន HTL Bright ដែលមានមុខជំនួញជាច្រើន នៅទីក្រុងជាប់ព្រំប្រទល់ប្រទេសថៃ បានមានប្រសាសន៍ឲ្យដឹងកាលពីសប្តាហ៍មុនថា ទីក្រុងនេះ ពិបាករកមនុស្សធ្វើការណាស់ ពិសេសការងារមួយចំនួនទាក់ទងនឹងរដ្ឋបាល និងការងារមួយចំនួនទៀត ដែលជាការងារចាំបាច់របស់ក្រុមហ៊ុន។

លោកបន្តថា “អ្នកចេះបន្តិចបន្តួច គ្រាន់តែកាន់កុំព្យួទ័រអាចធ្វើការលើ​បណ្តាញទំនាក់ទំនងសង្គម ឬការងាររដ្ឋបាលផ្សេងៗ ក៏ពួកគេទាមទារប្រាក់ខែ ៥០០ដុល្លារផងដែរ ពិសេសពួកគេត្រូវការបាយពីរពេលផងដែរ”។ លោក​បន្តថា “បច្ចុប្បន្នសូម្បីក្រុមហ៊ុនរបស់លោក ក៏ពិបាករកបុគ្គលិកធ្វើការ​ផងដែរ បើមានគឺពួកគេទាមទារប្រាក់ខែខ្ពស់ ធៀបជាមួយការងារនៅរាជធានីភ្នំពេញ”។

លោកសួង សុខហ៊ាង បានបន្តថា ក្រុងប៉ោយប៉ែត ចាប់ផ្តើមមានសកម្ម ភាពសាងសង់សំណង់ធំៗកាន់តែច្រើន និងមានភាពសកម្មឡើងវិញច្រើន ដោយសារការរីកចម្រើនសេដ្ឋកិច្ចរបស់ក្រុង ព្រោះកាស៊ីណូ តំបន់សេដ្ឋកិច្ចពិសេសនានាបានបើកដំណើរការឡើងវិញហើយ។

លោកបន្តថា “ការរីកចម្រើននេះ បានធ្វើឲ្យការវិនិយោគលំនៅដ្ឋាន កើនោះឡើងខ្ពស់ ពិសេសផ្ទះមានតម្លៃថ្លៃៗ ដោយសារទីផ្សារ និងតម្រូវការជួលបានកើនឡើងខ្ពស់ជាថ្មី ព្រោះបច្ចុប្បន្នផ្ទះវីឡាមួយ អាចជួលបានរហូតដល់ ១០,០០០ឬច្រើនជាងនេះក្នុងមួយខែ៕

សម្តេចតេជោនឹងអញ្ជើញជាអធិបតីក្នុងពិធីសម្ភោធស្ពាន៧កន្លែង តម្លៃ៣៥លានដុល្លារនៅព្រឹកថ្ងៃនេះ

ដោយៈ វិវត្តន៍

ក្រចេះ៖ សម្តេចតេជោហ៊ុន សែន នាយករដ្ឋមន្ត្រីកម្ពុជា នឹងជាអធិបតី ជាមួយលោក មិកាមិ ម៉ាសាហ៉ីរុ ឯកអគ្គរដ្ឋទូតជប៉ុនប្រចាំនៅកម្ពុជា សម្ពោធដាក់ឱ្យប្រើប្រាស់ស្ពាន៧កន្លែង ស្ថិតនៅក្នុងខេត្តក្រចេះ និងព្រៃវែង ជាជំនួយរបស់រដ្ឋាភិបាលជប៉ុន តម្លៃប្រមាណ៣៥លានដុល្លារអាមេរិក។

លោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានឱ្យដឹងថា ស្ពានទាំង៧កន្លែងនេះ គឺជាគម្រោងសាងសង់ស្ពានឡើងវិញបន្ទាន់ នៅតំបន់ប្រឈមនឹងទឹកជំនន់ ស្ថិតនៅទីតាំងភូមិសា​ស្រ្តខេត្តក្រចេះ និងខេត្តព្រៃវែង ដែលស្ពានមានប្រវែងសរុប៦៧០ម៉ែត្រ និងផ្លូវតភ្ជាប់ស្ពានមានប្រវែងសរុប៣,៤២៤ម៉ែត្រ។

ស្ពានសំខាន់ៗទាំង៧ទីតាំងនេះ រួមមានដូចជា​ ស្ពានចំនួន៥កន្លែង ស្ថិតនៅក្នុងខេត្តក្រចេះ តាមបណ្តោយផ្លូវជាតិលេខ៧៣ រួមមាន៖ ស្ពានព្រែកសណ្តាន់ ប្រវែង៣៥ម៉ែត្រ ស្ពានព្រែកឬស្ស ប្រវែង៦២ម៉ែត្រ ស្ពានអន្លង់ឃ្លេ ប្រវែង៤៨ម៉ែត្រ ស្ពានព្រែកឆ្លូង ប្រវែង១៤០ម៉ែត្រ និងស្ពានពាមទេរប្រវែង១៧៥ម៉ែត្រ។

ស្ពានចំនួន២កន្លែងទៀត ស្ថិតនៅក្នុងខេត្តព្រៃវែង តាមបណ្តោយផ្លូវជាតិលេខ១១ រួមមាន ស្ពានបាបោងលេខ១ ប្រវែង១០៥ម៉ែត្រ និងស្ពានបាបោងលេខ២ ប្រវែង១០៥ម៉ែត្រ។

លោកទេសរដ្ឋមន្ត្រី បានឱ្យដឹងថា គម្រោងខាងលើនេះ បានស្ថាបនាច្រាំងការពារការហូរច្រោះទឹកជំនន់ និងត្រូវបានស្ថាបនាជាប្រភេទស្ពានបេតុងក្រាលកៅស៊ូ AC កម្រាស់១០សង់ទីម៉ែត្រ។ គម្រោងសាងសង់ស្ពានទាំង ៧កន្លែងនេះ គឺជាហិរញ្ញប្បទានឥតសំណង ពីរដ្ឋាភិបាលនៃប្រទេសជប៉ុន ជូនដល់រាជរដ្ឋាភិបាលកម្ពុជា។

លោកទេសរដ្ឋមន្ត្រី ស៊ុន ចាន់ថុល បានឱ្យដឹងថា “សមិទ្ធផលថ្មីនេះ គឺជាចំណងដៃដ៏ថ្លៃថ្លា មិនអាចកាត់ថ្លៃបាន ដែលកើតចេញពីចំណងមិត្តភាព និងកិច្ចសហប្រតិបត្តិការរវាង រាជរដ្ឋាភិបាលកម្ពុជា និងរាជរដ្ឋាភិបាលនៃប្រទេសជប៉ុន ជូនដល់បងប្អូនប្រជាពលរដ្ឋខេត្តក្រចេះ ខេត្តព្រៃវែង ព្រមទាំងបងប្អូន ប្រជាពលរដ្ឋនៅទូទាំងប្រទេស ដើម្បីប្រើប្រាស់ជាប្រយោជន៍ទូទៅ និងយូរអង្វែង”។

លោកបន្តថា ការសម្រេចបាននូវការអភិវឌ្ឍ និងតភ្ជាប់ហេដ្ឋារចនាសម្ព័ន្ធខ្វាត់ខ្វែង ប្រទាក់ក្រឡាពាសពេញផ្ទៃប្រទេស ដូចនាពេលបច្ចុប្បន្ននេះ គឺកើតឡើងដោយសារសុខសន្តិភាព និងស្ថិរភាពនយោបាយ ដែលជាកត្តាសារវន្តមិនអាចខ្វះបាន ក្រោមការដឹកនាំដ៏ឈ្លាសវៃ និងប៉ិនប្រសព្វរបស់ សម្តេចតេជោនាយករដ្ឋមន្រ្តី ដែលបានចាត់ទុកការស្ដារ និងអភិវឌ្ឍន៍ហេដ្ឋារចនាសម្ព័ន្ធដឹកជញ្ជូន ជាវិស័យអាទិភាពរបស់ជាតិ ហើយសម្ដេចតេជោ តែងតែពុះពារស្វះ ស្វែងរកប្រភពធនធានពីគ្រប់មជ្ឈដ្ឋាន ដើម្បីអនុវត្តគម្រោ​ងសាងសង់ហេដ្ឋារចនាសម្ព័ន្ធដឹកជញ្ជូន នៅទូទាំងប្រទេសឱ្យកាន់តែមានភាពល្អប្រសើរឡើង។

លោកបន្តថា​ “កត្តាសុខសន្តិភាព ដ៏ពេញលេញនេះហើយ បានបង្កភាពងាយស្រួលឱ្យប្រជាជនកម្ពុជា អាចធ្វើដំណើរទៅទីជិតឆ្ងាយនៅទូទាំងប្រទេស តាមរយៈហេដ្ឋារចនាសម្ព័ន្ធ ដែលបានសាងសង់រួចរាល់ពាសពេញផ្ទៃប្រទេស”។

លោកបន្តថា​ “សុខសន្តិភាព ពិតជាបានប្រែក្លាយកម្ពុជាទៅជាសង្គមជឿនលឿន និងមានការរីកចម្រើនលើគ្រប់វិស័យ ដែលបានផ្តល់ឱកាសឱ្យបងប្អូន ប្រជាពលរដ្ឋទាំងអស់មានមុខរបរ មានការងារធ្វើ មានប្រាក់ចំណូល មានជីវភាពរស់នៅប្រសើរជាងមុន រស់នៅក្នុងភាពសុខដុមរមនាគ្រប់ជាតិសាសន៍ ដោយគ្មានការរើសអើង រួមទាំងការទទួលបាននូវការសិក្សាអប់រំ អាហារូបត្ថម្ភ ការប្រើប្រាស់ទឹកស្អាត និងអនាម័យ បរិស្ថានរស់នៅល្អ សេវាថែទាំសុខភាពផ្សេងៗ ទាំងនៅតាមទីប្រជុំជន និងជនបទ និងមានបណ្តាញអគ្គិសនី បណ្តាញទូរគមនាគមន៍ ទូរស័ព្ទ អ៊ីនធឺណែត និងប្រព័ន្ធបច្ចេកវិទ្យាទំនើបប្រើប្រាស់យ៉ាងទូលំទូលាយ”៕

$95 Million ADB Loan to Help Cambodia Purchase Safe and Effective COVID-19 Vaccines

 

The Asian Development Bank (ADB) has approved a $95 million loan to help the Cambodian government vaccinate Cambodians against the coronavirus disease (COVID-19) from 2022 to 2023, including annual booster shots for those already vaccinated and primary doses for children under 5.

“The project will help Cambodia save lives by reducing the number of severe coronavirus cases and accelerate the country’s economic recovery from the pandemic,” said ADB Senior Social Sector Specialist Rikard Elfving. “ADB will also provide $1 million in technical assistance to help Cambodia boost the effectiveness of logistics and supply-management systems and reduce access barriers among women, girls, children, and hard-to-reach populations.”

Cambodia was largely successful in controlling the spread of the coronavirus in 2020. But an outbreak in 2021 severely stressed the health care system and resulted in widespread closures of schools and businesses for most of the year.

Cambodia has fully vaccinated 80% of its population of 16.7 million since launching a national vaccination campaign on 10 February 2021. More than one in five people, or 21.8%, have received booster shots. Still, the country’s health system remains vulnerable to a surge in new infections linked to variants such as Delta and Omicron.

In addition to the Asia Pacific Vaccine Access Facility loan, the Asian Infrastructure Investment Bank is expected to provide cofinancing of $50 million subject to approval of their Board of Directors.

The project builds on ADB’s earlier COVID-19-related assistance to Cambodia. On 8 July 2020, ADB provided a $250 million loan to help the government mitigate the severe health, social, and economic impacts of the pandemic. In addition, ADB provided about 1.7 million units of personal protective equipment to Cambodia in 2021.

Since 2005, ADB has supported the Cambodian Ministry of Health’s regional communicable disease control projects. In October 2021, ADB approved $30 million in additional financing for the Greater Mekong Subregion Health Security Project to strengthen Cambodia’s health system amid a surge in COVID-19 cases.

ADB is committed to achieving a prosperous, inclusive, resilient, and sustainable Asia and the Pacific, while sustaining its efforts to eradicate extreme poverty. Established in 1966, it is owned by 68members—49 from the region.

China’s property developers are seen having a hard time accessing U.S. bond markets

 

China’s property troubles will make it harder for developers in the country to gain access to U.S. debt markets, according to Moody’s Investors Service.

“We are seeing the trend of China property turmoil continuing to dampen enthusiasm for some high-yield issuance,” Annalisa Di Chiara, a senior vice president at Moody’s, told CNBC “Squawk Box Asia” on Monday.

China’s property developers have about $35 billion worth of U.S. dollar-denominated debt that will come due this year, she added.

“If we were to carve out the refinancing needs for those issuers that have already defaulted, that probably carves out about $15 billion out of that $35 billion,” said Di Chiara. That leaves around $20 billion in refinancing need for China’s property developers.

Given the tight funding conditions, “it’s going to continue to remain a challenge for some of those issuers to access the U.S. dollar bond market,” she added.

Problems in China’s property sector were in part worsened by the debt crisis at Evergrande — once China’s second-largest property developer by sales. It racked up debts of more than $300 billion and is struggling to repay creditors.

As debt worries within China’s real estate sector have mounted, developers like Evergrande have tried to sell off their assets in recent months to ease the cash crunch.

Evergrande shares took a hit in recent days after its restructuring roadmap disappointed investors.

“We need to have some of these companies be able to access the U.S. dollar bond market, restore some of their liquidity and again see some stabilization in that property sector,” Di Chiara said.

“I do think that as we go through this restructuring of Evergrande, some of the transparency will start to provide a little bit of a confidence for the investor base,” she said.

ទីផ្សារការិយាល័យក្រុងបាងកក កំពុងប្រឈមនឹងការផ្គត់ផ្គង់លើសតម្រូវការ

ដោយ៖សុខុម

បាងកក: នៅពេលទីផ្សារការិយាល័យក្រុងបាងកក ប្រឈមនឹងអត្រាជួលធ្លាក់ចុះទាបបំផុតមិនធ្លាប់មាន ម្ចាស់អគារការិយាល័យក្នុងក្រុងនេះគួរតែជួសជួលកែលម្អអគារការិយាល័យរបស់ខ្លួនឱ្យថ្មី និងមានលក្ខណៈទំនើប ហើយផ្ដល់កិច្ចសន្យាមានភាពបត់បែនជាងមុនដើម្បីទាក់ទាញអ្នកជួលឱ្យបានមុនពេលការផ្គត់ផ្គង់ថ្មីៗជោរជន់លើទីផ្សារ។

លោកស្រី Roongrat Veeraparkkaroon នាយកគ្រប់គ្រងក្រុមហ៊ុនប្រឹក្សាអចលនទ្រព្យ CBRE Thailand បានលើកឡើងថា ទីផ្សារការិយាល័យក្រុងបាងកក បានទទួលរងផលប៉ះពាល់យ៉ាងខ្លាំងពីវិបត្តិកូវីដ-១៩។ អត្រាជួលការិលាយ័យប្រចាំឆ្នាំបានដាំក្បាលចុះខ្លាំងកាលពីឆ្នាំ២០២១ ដែលជាលើកទី១ ចាប់តាំងពីវិបត្តិហិរញ្ញវត្ថុពិភពលោកក្នុងឆ្នាំ១៩៩៧ មក។

ទោះបីជាការព្យាករបង្ហាញថា សេដ្ឋកិច្ចពិភពលោក និងការគ្រប់គ្រងវិបត្តិកូវីដ-១៩ នឹងប្រសើរឡើងក្ដី ក៏ក្រុមហ៊ុនធំដែលជាអ្នកជួល បានពិចារណាកាត់បន្ថយការចំណាយ និងចាប់យកបែបបទធ្វើការថ្មីក្នុងបរិបទកូវីដ-១៩ ដោយធ្វើការឆ្លាស់វេនគ្នាពីផ្ទះខ្លះ និងនៅការិយាល័យខ្លះ។

លោកស្រី Roongrat Veeraparkkaroon ថ្លែងថា “យើងមើលឃើញសញ្ញាវិជ្ជមានក្នុងសកម្មភាពជួលនៅឆ្នាំនេះ ប៉ុន្តែការជួលថ្មីៗ និងការបន្តជួលទៀតគួរតែមានលក្ខណៈបត់បែនជាងមុន ព្រោះម្ចាស់អគារការិយាល័យភាគច្រើនប្ដេជ្ញាត្រៀមខ្លួនប្រឈាមមុខនឹងហានិភ័យនាពេលអនាគត រួមទាំងការរីករាលដាលវីរុសកូវីដ-១៩ រលកថ្មីៗដែលអាចកើតមានផងដែរ”។

អ្នកជំនាញរូបនេះបានគូសបញ្ជាក់ថា យុទ្ធសាស្ត្រដែលមានភាពបត់បែននេះនឹងរួមបញ្ចូលទាំងលក្ខខណ្ឌបន្តកិច្ចសន្យាជួល រយៈពេលជួលដោយមិនគិតថ្លៃ កញ្ចប់បំពាក់គ្រឿងសង្ហារិម និងអត្ថប្រយោជន៍ផ្សេងៗទៀត។

ទន្ទឹមនេះ ម្ចាស់អគារការិយាល័យក៏គួរតែត្រៀមលក្ខណៈទុកជាមុនផងដែរពាក់ព័ន្ធនឹងនិន្នាការទីផ្សារ និងនិន្នាការការិយាល័យ។

លោកស្រី Roongrat Veeraparkkaroon បានបន្ថែមថា “ម្ចាស់អគារការិយាល័យថ្មីៗគួរពិចារណាឡើងវិញអំពីការព្យាករអំពីតម្លៃ ឱ្យមានលក្ខណៈប្រាកដនិយម”។

យោងតាមទិន្នន័យបង្ហាញថា នៅរយៈពេលពីរបីឆ្នាំខាងមុខ ការផ្គង់អគារការិយាល័យនឹងមានច្រើនជោរជន់ក្នុងទីផ្សារក្រុងបាងកក៕

ឆ្នាំ២០២២ម្ចាស់គម្រោងផ្ទះនិងដីឡូត៍លំហែកាយក្នុងខេត្តកំពតកំពុងសម្រុកការអភិវឌ្ឍ

ដោយៈ ម៉ាលីស

កំពតៈ កំពតជាខេត្តមានសក្តានុពលទេសចរណ៍សំបូរបែប ដែលរួមមានភ្នំ សមុទ្រនិងព្រែកជាច្រើន ដោយស្ថិតជាប់នឹងរាជធានីភ្នំពេញញាំងអោយតំបន់នេះ ក្លាយជាតំបន់មានវឌ្ឍនភាព នៃការអភិវឌ្ឍផ្ទះនិងដីឡូតិ៍លំហែរកាយ។

លោកឧកញ៉ា តេង ឫទ្ធី អគ្គនាយកក្រុមហ៊ុន R Investment Group មានប្រសាសន៍ឲ្យដឹងតាមទូរស័ព្ទរសៀល ថ្ងៃ១៥ កុម្ភៈ អោយដឹងថា ដោយសក្តានុពលខេត្ត ដែលអំណោយផលពីធម្មជាតិ ជាមួយទេសភាពស្រស់ស្អាត នៃជួរភ្នំ និងព្រែក ទីនេះជាតំបន់ទាក់ទាញផ្ទះ និងដីឡូតិ៍លំហែរច្រើនជាងគេ។

លោកបន្តថា “ដោយសារបរិបទនៃជំងឺរាតត្បាតជាសកល ប្រជាពលរដ្ឋមានតំរូវការ និងងាកមករកការលំហែរសំរាកចុងសប្តាហ៍ ជាមួយការទិញ ដីឡូតិ៍ សង់ជាផ្ទះលំហែរ រឺទិញជាគម្រោងផ្ទះលំហែ ដែលមានស្រាប់​តែម្តង”។

ម្ចាស់គម្រោងអភិវឌ្ឍន៍ដីឡូត៏ និងផ្ទះលំហែ លោកឧកញ៉ាតេង រិទ្ធីបានបន្តថា ចូលឆ្នាំ២០២២ គឺជាឆ្នាំកំពុងមមាញឹក ក្នុងការអភិវឌ្ឍគម្រោងដីឡូត៍និងផ្ទះលំហែររបស់ខ្លួនផងដែរ ដោយគំរោងនីមួយៗរបស់លោកលក់ដាច់ជាបន្តបន្ទាប់ និងទទួលការគាំទ្រច្រើនពីសំណាក់អតិថិជន។

ដោយសារតំបន់នេះ មានទេសភាពស្រស់ស្អាតស្រាប់ ធ្វើអោយគម្រោងដីឡូត៍និងផ្ទះលំហែរ គឺមានការទាក់ទាញខ្លាំងដូចគ្នា គ្រាន់តែផ្ទះលំហែរត្រូវចំណាយពេលវេលា ដើម្បីតប្រព័ន្ធទឹកនិងភ្លើងគ្រប់គ្រាន់ ដើម្បីអាចសង់ជាផ្ទះបាន។

លោកបន្ថែមថា បច្ចុប្បន្ននេះ វិនិយោគិនជាច្រើនបាន និងកំពុងសាងសង់នូវគម្រោងដីឡូត៏ និងផ្ទះលំហែកាយកាន់តែច្រើនឡើង ដើម្បីបំពេញតម្រូវការអតិថិជន ព្រោះវានឹងមានតម្រូវការ ខ្ពស់ផងដែរនៅពេលអនាគតខាងមុខ។

ជាមួយគ្នានេះ លោកCooler Tanអគ្គនាយកក្រុមហ៊ុនYoungsia Real Estate ដែលបាននិងកំពុងវិនិយោគដីឡូត៍លំហែ បូកគោលែនបានមានប្រសាសន៍ឲ្យដឹងផងដែរថា ខេត្តកំពតពិតជាស័ក្តិសមសម្រាប់ទីផ្សារដីឡូត៍ ​និងផ្ទះលំហែរ ដោយសារចខេត្តនេះ សម្បូរទៅដោយធនធានធម្មជាតិមានទីតាំងកៀកនឹងរាជធានីភ្នំពេញ និងជាខេត្តមានប្រជាប្រិយភាពខ្ពស់ក្នុងចំណោមភ្ញៀវទេសចរណ៍ក្នុងស្រុក។

លោកបន្តថា “ការទិញដីឡូត៍លំហែរ និងអាចសាងសង់ផ្ទះខ្លួនឯងបាន ជាផលចំណេញខ្ពស់ ដោយប្រជាពលរដ្ឋមកកំសាន្តនៅខេត្តកំពត មិនចាំបាច់សំរាកនៅសណ្ឋាគារ ឬផ្ទះសំណាក់ទេ”។ លោកបន្តថា “ពួកគេអាចរីករាយនឹងផ្ទះលំហែររបស់ខ្លួន ជាមួយសហគមន៍ដែលផ្សារភ្ជាប់ជាមួយធម្មជាតិ និងហេដ្ឋារចនាសម្ព័ន្ឋដ៏សម្បូរដ៏ប្រណីត”៕

អ្នកអភិវឌ្ឍន៍អចលនទ្រព្យចិនប្រឈមបញ្ហាក្នុងការចូលទីផ្សារមូលបត្របំណុលរបស់សហរដ្ឋអាមេរិក

 ដោយៈស្រីលិះ

អន្តរជាតិៈ បញ្ហាអចលនទ្រព្យរបស់ប្រទេសចិន នឹងធ្វើឱ្យមានការពិបាក សម្រាប់អ្នកអភិវឌ្ឍន៍ក្នុងប្រទេស ក្នុងការចូលទៅកាន់ទីផ្សារបំណុលរបស់សហរដ្ឋអាមេរិក នេះបើយោងតាមក្រុមហ៊ុន Moody’s Investors Service។

អ្នកស្រីAnnalisa Di Chiara អនុប្រធានជាន់ខ្ពស់នៅ Moody’s បានប្រាប់ស្ថានីយទូរទស្សន៍ CNBC “Squawk Box Asia” កាលពីថ្ងៃចន្ទថា “យើងកំពុងមើលឃើញនិន្នាការ នៃភាពចលាចលអចលនទ្រព្យ របស់ប្រទេសចិន ដែលបន្តធ្វើឱ្យមានភាពសាទរ ចំពោះការចេញប័ណ្ណផ្តល់ទិន្នផលខ្ពស់មួយចំនួន”។

អ្នកស្រីបន្ថែមថា “អ្នកអភិវឌ្ឍន៍អចលនទ្រព្យរបស់ប្រទេសចិន មានទឹកប្រាក់ប្រហែល៣៥ពាន់លានដុល្លារនៃបំណុល ដែលកំណត់ជាដុល្លារអាមេរិកដែលនឹងមកដល់នៅឆ្នាំនេះ”។

អ្នកស្រីDi Chiara បាននិយាយថា “ប្រសិនបើយើងស្វែងយល់ពីតម្រូវការ ក្នុងការផ្តល់ប្រាក់កម្ចីឡើងវិញ សម្រាប់អ្នកចេញប័ណ្ណទាំងនោះដែលបានខកខានរួចហើយនោះ ប្រហែលនឹងដកប្រាក់ប្រហែល១៥ពាន់លានដុល្លារ ក្នុងចំណោម៣៥ពាន់លានដុល្លារនោះ” ។

ដោយទុកប្រហែល២០ពាន់លានដុល្លារ ក្នុងតម្រូវការក្នុងការផ្តល់ហិរញ្ញប្បទានឡើងវិញ សម្រាប់អ្នកអភិវឌ្ឍន៍អចលនទ្រព្យ របស់ប្រទេសចិន។

អ្នកស្រីបានបន្ថែមថា ដោយសារលក្ខខណ្ឌផ្តល់មូលនិធិដ៏តឹងតែង “វានឹងបន្តនៅតែជាបញ្ហាប្រឈម សម្រាប់អ្នកចេញប័ណ្ណទាំងនោះ ក្នុងការចូលទៅកាន់ទីផ្សារមូលបត្របំណុលដុល្លារអាមេរិក”។

បញ្ហានៅក្នុងវិស័យអចលនទ្រព្យរបស់ប្រទេសចិន គឺមួយផ្នែកកាន់តែអាក្រក់ទៅៗ ដោយវិបត្តិបំណុលនៅ Evergrande ដែលជាពេលដែលក្រុមហ៊ុនអភិវឌ្ឍន៍អចលនទ្រព្យ ធំទីពីររបស់ប្រទេសចិនដោយសារការលក់បាន​ជាប់គាំង។ វិបត្តិបំណុលជាង៣០០ពាន់លានដុល្លារនេះ បានធ្វើឲ្យរង្គោះរង្គើរដល់ទីផ្សារអចលនទ្រព្យ និងសេដ្ឋកិច្ចចិន ខណៈបច្ចុប្បន្នក្រុមហ៊ុននេះ កំពុងតស៊ូដើម្បីសងម្ចាស់បំណុល។

នៅពេលដែលការព្រួយបារម្ភអំពីបំណុល នៅក្នុងវិស័យអចលនទ្រព្យរបប្រទេសចិនបានកើនឡើង អ្នកអភិវឌ្ឍន៍ ដូចជា Evergrande បានព្យាយាមលក់ទ្រព្យសម្បត្តិរបស់ពួកគេ ក្នុងរយៈពេលប៉ុន្មានខែថ្មីៗនេះ ដើម្បីបន្ធូរបន្ថយវិបត្តិសាច់ប្រាក់។

ភាគហ៊ុនរបស់ Evergrande បានទទួលការចាប់អារម្មណ៍ ក្នុងរយៈពេលប៉ុន្មានថ្ងៃថ្មីៗនេះ បន្ទាប់ពីការរៀបចំរចនាសម្ព័ន្ធឡើងវិញរបស់ខ្លួនបានធ្វើឱ្យអ្នកវិនិយោគខកចិត្ត។

អ្នកស្រីDi Chiara បាននិយាយថា “យើងចាំបាច់ត្រូវមានក្រុមហ៊ុនទាំងនេះមួយចំនួន អាចចូលទៅកាន់ទីផ្សារមូលបត្រ បំណុលដុល្លារអាមេរិក ស្ដារឡើងវិញ នូវសាច់ប្រាក់ងាយស្រួលរបស់ពួកគេ ហើយម្តងទៀតឃើញស្ថិរភាពមួយចំនួននៅក្នុងវិស័យអចលនទ្រព្យនោះ”។

អ្នកស្រីបាននិយាយថា “ខ្ញុំគិតថានៅពេលដែលយើងឆ្លងកាត់ការរៀ​បចំរចនាសម្ព័ន្ធឡើងវិញនៃEvergrandeនេះ តម្លាភាពមួយចំនួននឹងចាប់ផ្តើមផ្តល់ទំនុកចិត្តបន្តិចបន្តួច សម្រាប់មូលដ្ឋានគិតពិចារណារបស់វិនិយោគិន​នានា”៕

ដំណឹងល្អៈកុមារអាយុក្រោម៥ឆ្នាំនឹងទទួលបានវ៉ាក់សាំងបង្ការជំងឺកូវីដពីជំនួយADB ៩៥លានដុល្លារនាពេលខាងមុខ

ដោយៈវឌ្ឈនៈ

ភ្នំពេញៈ ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន ៩៥លានដុល្លារ ដើម្បីជួយរាជរដ្ឋាភិបាលកម្ពុជា ក្នុងដំណើរការចាក់វ៉ាក់សាំងប្រឆាំងនឹងជំងឺកូវីដ១៩ ជូនប្រជាពលរដ្ឋ ចាប់ពីឆ្នាំ ២០២២ ដល់ឆ្នាំ ២០២៣ រួមមានការចាក់វ៉ាក់សាំងជំរុញប្រចាំ ឆ្នាំសម្រាប់អ្នកដែលបានចាក់វ៉ាក់សាំងរួច និងការចាក់វ៉ាក់សាំងមូលដ្ឋាន សម្រាប់កុមារអាយុក្រោម៥ ឆ្នាំ។

លោក Rikard Elfving អ្នកឯកទេសជាន់ខ្ពស់ផ្នែកសង្គមរបស់ADB មានប្រសាសន៍ថា “គម្រោងនេះនឹងជួយកម្ពុជា ដើម្បីសង្គ្រោះជីវិតដោយកាត់បន្ថយចំនួនករណីឆ្លងមេរោគធ្ងន់ធ្ងរ និងបង្កើនល្បឿននៃ ការស្តារសេដ្ឋកិច្ចរបស់ប្រទេសពីជំងឺរាតត្បាត”។ លោកបន្តថា “ADB ក៏នឹងផ្តល់ជំនួយបច្ចេកទេសចំនួន១លានដុល្លារផងដែរ ដើម្បីជួយកម្ពុជាបង្កើនប្រសិទ្ធភាពនៃប្រព័ន្ធដឹកជញ្ជូន និងផ្គត់ផ្គង់វ៉ាក់សំាង ព្រមទាំងកាត់បន្ថយបញ្ហាប្រឈមក្នុងការទទួលបានវ៉ាក់សំាង ក្នុងចំណោមស្ត្រី កុមារី កុមារតូច និង ក្រុមពលរដ្ឋដែលនៅឆ្ងាយ”។

ប្រទេសកម្ពុជាទទួលបានជោគជ័យយ៉ាងធំធេង ក្នុងការគ្រប់គ្រងការរីករាលដាលនៃកូវីដ១៩ក្នុងឆ្នាំ២០២០ ប៉ុន្តែការផ្ទុះការឆ្លងនៅឆ្នាំ ២០២១ បានបង្កជាសម្ពោធយ៉ាងធ្ងន់ធ្ងរ ដល់ប្រព័ន្ធថែរទាំសុខភាព ហើយបណ្តាលឱ្យមានការបិទសាលារៀន និងអាជីវកម្មជាច្រើន មួយរយៈពេលធំក្នុងឆ្នាំនោះ។

ប្រទេសកម្ពុជាបានផ្តល់ចាក់វ៉ាក់សាំង យ៉ាងពេញលេញដល់ប្រជាពលរដ្ឋប្រមាណ៨០% នៃប្រជាពលរដ្ឋសរុប១៦,៧ លាននាក់ចាប់តាំងពីការចាប់ផ្តើមយុទ្ធនាការ ចាក់វ៉ាក់សាំងថ្នាក់ជាតិនៅថ្ងៃទី ១0 ខែ កុម្ភៈ ឆ្នាំ២០២១មក។ ជាមធ្យម ពលរដ្ឋកម្ពុជាច្រើនជាងម្នាក់ ក្នុងចំណោមពលរដ្ឋប្រាំនាក់ ឬ២១,៨% បានទទួលការចាក់វ៉ាក់សាំងដូសជំរុញ។

ទោះបីជាយ៉ាងនេះក្តី ប្រព័ន្ធសុខាភិបាលរបស់ប្រទេស នៅតែងាយរងគ្រោះ ចំពោះការកើនឡើងនៃការឆ្លងថ្មី នៃមេរោគបំប្លែងខ្លួន ដូចជា Delta និង Omicron ជាដើម។

បន្ថែមពីលើប្រាក់កម្ចីដែលបានមកពីមូលនិធិ APVAX (Asia Pacific Vaccine Access Facility) ធនាគារអភិវឌ្ឍន៍អាស៊ីក៏នឹងជួយសម្របសម្រួល ប្រាក់កម្ចីចំនួន៥0លានដុល្លារ ពីធនាគារវិនិយោគហេដ្ឋារចនាសម្ព័ន្ធអាស៊ី (Asian Infrastructure Investment Bank ឬហៅកាត់ថា AIIB) សម្រាប់កម្ពុជាផងដែរ។

ប្រាក់កម្ចីទាំងនេះ នឹងជាថវិការួមសម្រាប់ការទិញ វ៉ាក់សាំងរហូតដល់ ១៤,៥ លានដូស ព្រមទាំងជួយគាំទ្រដល់ការដឹកជញ្ជូនចាំបាច់នានា។

គម្រោងខាងលើ ជាការគាំទ្របន្ថែមទៅលើជំនួយ ទាក់ទងនឹងកូវីដ១៩កន្លងទៅរបស់ADBដល់កម្ពុជា។

កាលពីថ្ងៃទី ៨ ខែកក្កដា ឆ្នាំ២០២០ ADB បានផ្តល់ប្រាក់កម្ចីចំនួន ២៥០លានដុល្លារ ដើម្បីជួយរាជរដ្ឋាភិបាល ក្នុងការកាត់បន្ថយផលប៉ះពាល់ធ្ងន់ធ្ងរដល់សុខភាពសង្គម និងសេដ្ឋកិច្ចនៃ ជំងឺរាតត្បាតនេះ។ លើសពីនេះADB ក៏បានផ្តល់ឧបករណ៍ការពារខ្លួន ប្រមាណ១,៧ លានគ្រឿងដល់កម្ពុជាក្នុងឆ្នាំ២០២១ផងដែរ៕