រដ្ឋាភិបាលផ្ទេរការងារមួយចំនួននៃអាជីវកម្មអភិវឌ្ឍន៍អចលនវត្ថុទៅស្ថាប័នថ្នាក់ក្រោមជាតិ

ដោយៈគង់ សូរិយា

ភ្នំពេញៈ រដ្ឋាភិបាលតាមរយៈក្រសួងសេដ្ឋកិច្ច និងហិរញ្ញវត្ថុបានសម្រេចកែសម្រួលភារកិច្ច លើការធ្វើអាជីវកម្មអភិវឌ្ឍអចលនវត្ថុ មួយចំនួនទៅថ្នាក់ក្រោមជាតិ ដើម្បីសម្រួលដល់អ្នកវិនិយោគនានា។

លោកជូ វណ្ណៈអគ្គនាយកនិយ័តករអាជីវកម្មអចលនវត្ថុ និងបញ្ចាំបានមានប្រសាសន៍ក្នុងសិក្ខាសាលា ដែលរៀបចំដោយស្ថាប័ននេះ សហការជាមួយសមាគមអ្នក អភិវឌ្ឍន៍ដីឡូត៍កម្ពុជាកាលពីសសប្តាហ៍មុនថា បច្ចុ​ប្បន្ន ក្រៅពីការអភិវឌ្ឍអចលនវត្ថុបែបលំនៅដ្ឋាន យើងពិនិត្យឃើញថាអាជីវកម្មពុះដីឡូត៍លក់ ក៏មានសកម្មភាពរីកចម្រើនហួសការស្មានផងដែរ។

លោកបន្តថា “ការរីកលូតលាស់យ៉ាងឆាប់រហ័សបែបនេះ ជាមួយនឹងការគ្រប់គ្រងមិនបានល្អ អាចនឹងបង្កហានិភ័យ នៅក្នុងការគ្រប់គ្រងលើអាជីវកម្មអភិវឌ្ឍន៍ដីឡូត៍”។

លោកជូ វណ្ណៈបានបន្តថា ដោយហេតុនេះទើបក្រសួងសេដ្ឋកិច្ច និងហិរញ្ញវត្ថុ បាន​សម្រេចធ្វើការកែសម្រួលបទបញ្ញត្តិ នៃការគ្រប់គ្រងអចលនវត្ថុជាបន្តបន្ទាប់ សំដៅពង្រឹងនូវការគ្រប់គ្រង តាមរយៈការធ្វើប្រតិភូកម្មនូវយន្តការគ្រប់គ្រងមួយចំនួន ជូនដល់មន្ទីរសេដ្ឋកិច្ច និងហិរញ្ញវត្ថុខេត្ត ដែលជាសេនាធិការបស់ក្រសួង ដើម្បីពិនិត្យមើលបណ្តាអាជីវកម្ម អភិវឌ្ឍន៍អចលនវត្ថុបែបលំនៅដ្ឋាន និងអាឃីវកម្មអភិវឌ្ឍន៍ដីឡូត៍ខ្នាតតូចមួយចំនួន ហើយការអនុវត្តន៍យន្តការបែបនេះ គឺដើម្បីពង្រឹងការគ្រប់គ្រងឲ្យដល់មូល ដ្ឋានថ្នាក់ក្រោមជាតិ និងដើម្បីផ្តល់ឱកាសឲ្យអ្នកប្រកបអាជីវកម្ម ខ្នាតតូចទទួលបានសេវានៅជិតខ្លួន ដោយមិនចាំបាច់ចំណាយពេលវេលាធ្វើដំណើរវែងឆ្ងាយទៅនិយ័តករ ឬក្រសួង៕

 

ខេត្តសៀមរាបកំពុងរៀបចំតំបន់ចុងឃ្នាសមាត់បឹងទន្លេសាបជាផលិតផល ទេសចរណ៍ថ្មីមួយ

ដោយៈគង់ សូរិយា

 សៀមរាបៈ រដ្ឋបាលខេត្តសៀមរាបបាននិងកំពុងរៀចំតំបន់ចុងឃ្នាស មាត់បឹងទន្លេសាប ខេត្តសៀមរាប ជាផលិតផលទេសចរណ៍៍ថ្មី ស្របតាមផែនការអភិវឌ្ឍន៍វិស័យទេសចរណ៍ រយៈពេលវែងរបស់រដ្ឋាភិបាល។

អភិបាលខេត្តសៀមរាប លោកទៀ សីហា កាលពីសប្តាហ៍មុនបាន​ដឹកនាំក្រុមការងារ ចុះពិនិត្យស្ថានភាពទីតាំងកំពង់ផែចុងឃ្នៀស ដើម្បីត្រៀ​មរៀបចំ និងអភិវឌ្ឍន៍កំពង់ផែមួយនេះ ឱ្យប្រែក្លាយទៅជាតំបន់ទេសចរណ៍​វប្បធម៍ដែលមានភាព​ទាក់ទាញបំផុត។

រាជរដ្ឋាភិបាលកាលពីពេលកន្លងមក បានសម្រេចលុបចោលនូវគម្រោ​ងអភិវឌ្ឍន៍កំពង់ផែទេសចរណ៍ ចុងឃ្នៀសរបស់ក្រុមហ៊ុនស៊ូ ជីង និងដកហូតទីតាំងវិនិយោគទាំងស្រុង របស់ក្រុមហ៊ុនមួយនេះ កាលពីដំណាច់ខែពីដំណាច់ខែកក្កដា ឆ្នាំមុន។

លោកទៀ សីហា បានណែនាំដល់កម្លាំង គណៈបញ្ជាការឯកភាពរដ្ឋបាលខេត្ត គណៈបញ្ជាការ​ឯកភាព​រដ្ឋបាលក្រុងសៀមរាប និងក្រុមការងារប្រចាំការនៅទីតាំងកំពង់ផែ ដែលបាន​ដកហូតកន្លងមកនោះ ត្រូវយកចិត្តទុកដាក់ និងពង្រឹងលើការរៀបចំសន្តិសុខ សុវត្ថិភាព សណ្ដាប់ធ្នាប់ របៀបរៀបរយទូទៅ និងដោះស្រាយបញ្ហានានា ដើម្បីសម្រួលដល់​ដំណើរការជាប្រក្រតី ជូនប្រជាពលរដ្ឋដែលកំពុងប្រកបរបរនៅក្នុងទីតាំង និងសមាគមកាណូតដឹកភ្ញៀវឱ្យដំណើរការជាធម្មតា រហូតដល់មានការសម្រេចសារជាថ្មី ពីគណៈកម្មការអន្តរក្រសួង។

លោកទៀ សីហា ក៏បានណែនាំដល់ក្រុមការងារចម្រុះ យើងត្រូវធ្វើយ៉ាងណា ដើម្បីឲ្យទីនេះប្រែក្លាយ​ទៅជាតំ​បន់ទេសចរណ៍​វប្បធ៌ម ដែលមានភាពទាក់ទាញបំផុត។

យន្តការក្នុងការគ្រប់គ្រងបណ្តោះអាសន្ន កំពង់ផែចុងឃ្នៀសនេះ គឺគ្រប់គ្រងការងារសន្តិសុខ សណ្តាប់ធ្នាប់សាធារណៈ ការងារគ្រប់គ្រងអនាម័យបរិស្ថាន ការគ្រប់គ្រងបញ្ជីសារ​ពើភ័ណ្ឌ និងអតីតបុគ្គលិកក្រុមហ៊ុន ការផ្គត់ផ្គង់អគ្គីសនីនិងទឹក គ្រោងការចំណាយផ្សេងៗ និងការបង្កើតលេខាធិកាដ្ឋាន ដើម្បីជាសេនាធិការរបស់គណៈកម្មការចម្រុះ ដែលមានឯកឧត្ដមអភិបា​លខេត្តជាប្រធាន៕

 

មន្រ្តីជាន់ខ្ពស់រដ្ឋាភិបាលបើកសម្ភោធនិងសាងសង់សមិទ្ធផលហេដ្ឋារចនាសម្ព័ន្ធជាច្រើននៅជាយក្រុងភ្នំពេញ

ដោយៈម៉ាលីស

ខេត្តកណ្តាលៈ លោកអូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួ​ងសេដ្ឋកិច្ច និងហិរញ្ញវត្ថុ បានកសាងហេដ្ឋារចនាសម្ព័ន្ឋជាច្រើន នៅស្រុកខ្សាច់កណ្តាល ជាយរាជធានីភ្នំពេញ។

ហេដ្ឋារចនាសម្ព័ន្ឋដែលបានដាក់ដាក់ឱ្យប្រើប្រាស់ជាផ្លូវការរួមមាន សួនច្បារ និងផ្លូវបេតុងអាមេ ប្រវែង២៤០០ម៉ែត្រ ព្រមទាំងពិធីបើកការ ដ្ឋានសាងសង់កំណាត់ផ្លូវជាតិលេខ៨ កំណាត់ផ្លូវជាតិលេខ៧០B, ផ្លូវខេត្តលេខ ៣៨១A ភ្ជាប់ពីផ្លូវជាតិលេខ៧០B ទៅផ្លូវជាតិលេខ៨ ដាក់លូដោះទឹក ដាក់រ៉ឺហ្គា រៀបខឿនចិញ្ចើមផ្លូវ និងដំឡើងបង្គោលភ្លើងបំភ្លឺផ្លូវ នៅភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល កាលពីម្សិលមិញនេះ។

ក្នុងពិធីនេះបាន សម្ពោធដាក់ឱ្យដំណើការជាផ្លូវការ នូវសួនច្បារទំហំ ២២០ម៉ែត្រ គុណនឹង៤៥ម៉ែត្រ ផ្លូវបេតុងអាមេប្រវែង២៤០០ម៉ែត្រ ទទឹង៨ម៉ែត្រ និងពិធីបើកការដ្ឋានសាងសង់កំណាត់ផ្លូវលេខ៨ ប្រវែង៣៨៦០ម៉ែត្រ ដោយមានអ៊ុតកៅស៊ូ AC កំណាត់ផ្លូវជាតិលេខ ៧០B ប្រវែង ២ ០០០ម៉ែត្រ ផ្លូវខេត្តលេខ៣៨១A ភ្ជាប់ពីផ្លូវជាតិលេខ៧០B ទៅផ្លូវជាតិលេខ៨ ប្រវែង ១ ០៩៦ម៉ែត្រ ដាក់លូដោះទឹក ៣ ៨២២ម៉ែត្រ ដាក់រ៉ឺហ្គា១៦២កន្លែង រៀបខឿនបេតុងចិញ្ចើមផ្លូវប្រវែង៤០០០ម៉ែត្រ និងដំឡើងបង្គោលភ្លើងបំភ្លឺផ្លូវតាមផ្លូវប្រវែង២៤៨០ម៉ែត្រ នៅភូមិព្រែកតាមាក់ ភូមិស្វាយអាត់លើ ភូមិស្វាយអាត់កណ្ដាល ភូមិស្វាយអាត់ក្រោម ភូមិបឹងក្រចាប់ ក្នុងឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។

សមិទ្ធផលនេះ គឺជាសមិទ្ធផលដ៏ធំធេងបន្ថែមទៀត របស់ខេត្តកណ្ដាល ក្នុងវិស័យបរិស្ថាន និងវិស័យសេដ្ឋកិច្ច-សង្គម ប្រកបដោយ សមធម៌ និងបរិយាប័ន្ន ស្របតាមគោលនយោបាយយុទ្ធសាស្រ្ត ចតុកោណ របស់រាជរដ្ឋាភិបាល ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា ដែលបានកំណត់យកធនធានមនុស្ស ទឹក ផ្លូវ ភ្លើង ជាអាទិភាព ក្នុងការលើកកម្ពស់ផាសុកភាព និងជីវភាពរស់នៅជូនប្រជាពលរដ្ឋ៕

Construction permits last year hit 26-year high

By Crystal Hsu

The high number of construction permits and building use licenses issued by the government last year reflects not only a robust property market, but also an abundant supply, which could translate into selling pressure in a correction period, analysts said.

Construction permits across the nation increased 6.5 percent to 169,651, the highest in 26 years, while building use licenses rose by 6,600 to a 12-year high of 104,000, data released on Wednesday by the Ministry of the Interior showed.

Construction permits reflect confidence on the supply side, Great Home Realty Co (大家房屋) head researcher Mandy Lang (郎美囡) said, adding that a robust economy and monetary easing motivated developers to launch projects in first and second-tier locations.

Of the six special municipalities, Tainan reported the biggest increase in construction permits at 34.5 percent, followed by 28 percent in Kaohsiung, 16.3 percent in Taipei and 4.9 percent in Taoyuan, ministry data showed.

Urban renewal projects were the growth driver in Taipei, Lang said.

Bucking the trend, construction permits fell 11.1 percent in New Taipei City and 4.1 percent in Taichung, ministry data showed.

Building fever spread to other parts of Taiwan, with the number of construction permits rising 76.1 percent in Pingtung County, and nearly 50 percent in Yilan and Miaoli counties, the data showed.

However, soaring building material costs and several waves of credit controls have prompted some developers and contractors to postpone the construction of presale projects, H&B Realty Co (住商不動產) senior research manager Jessica Hsu (徐佳馨) said.

The rise in costs and credit controls could hurt projects with slack sales and weak financials, Hsu said, advising people to evaluate developer capital before buying.

Building use licenses last year shot up in New Taipei City, Taoyuan and Tainan, as presale projects were completed, the ministry said, adding that the increase was most evident in Tainan, where licenses rose 70 percent.

Building use licenses more than doubled in Hualien County, while rising 82 percent in Yilan County and 35 percent in Nantou County.

The sharp rise had much to do with low bases of comparison, while the COVID-19 pandemic boosted the popularity of residences in scenic eastern Taiwan, Hsu said.

Global Living Intelligence (全球居不動產) said the government has pushed developers to start construction on acquired land lots to curb land hoarding, which is likely to drive up the number of permits and the housing supply, a twist that could signal selling pressure.

Source: Taipei Times

មហាយក្សចិន ពង្រីកឥទ្ធិពលនៅអាមេរិកឡាទីនដោយជួយសាងសង់រោងចក្រថាមពលដើរដោយនុយក្លេអ៊ែរ

ដោយៈសុខុម

ប៉េកាំង: មហាយក្សចិន កាលពីពេលថ្មីៗនេះ បានចុះកិច្ចព្រមព្រៀងមួយ ដើម្បីសាងសង់រោងចក្រថាមពល ដើរដោយនុយក្លេអ៊ែរនៅប្រទេសអាហ្សង់ទីន ដែលជាផ្នែកមួយនៃមហិច្ឆតា ពង្រីកឥទ្ធិពលរបស់ខ្លួននៅអាមេរិកឡាទីន។

យោងតាមសារព័ត៌មាន South China Morning Post ចុះផ្សាយកាលពីថ្ងៃអាទិត្យ ទី១៣ កុម្ភៈបានឱ្យដឹងថា រោងចក្រថាមពល Atucha III មានតម្លៃរហូត ដល់ទៅ៨ពាន់លានដុល្លារអាមេរិកនេះ នឹងប្រើប្រាស់បច្ចេកវិទ្យាថាមពលស្អាត ជឿនលឿនដែលប្រទេសចិន បានបង្កើតឡើង នោះគឺការឌីហ្សាញរ៉េអាក់ទ័រ Hualong One។

គម្រោងរោងចក្រនេះ នឹងត្រូវសាងសង់នៅចម្ងាយប្រមាណ១០០គីឡូម៉ែត្រនាភាគពាយព្យ នៃរដ្ឋធានីប៊ូណូស៊ែ។ រោងចក្រនេះ គឺជារោងចក្រថាមពលដើរដោយនុយក្លេអ៊ែរទី៤ នៅប្រទេសអាហ្សង់ទីន ហើយវាមានសមត្ថភាព ផលិតថាមពលអគ្គិសីបាន១,២ជីហ្គាវ៉ាត់ (GW) និងមានអាយុកាលដំបូង៦០ឆ្នាំ។

រដ្ឋាភិបាលក្រុងប៉េកាំង និងរដ្ឋាភិបាលក្រុងប៊ូណេស៊ែ បានព្រមព្រៀងធ្វើកិច្ចសហប្រតិបត្តិការលើគម្រោងនេះ តាំងពីឆ្នាំ២០១៥ ប៉ុន្តែបានជាប់គាំង មកទល់នឹងពេលកិច្ចព្រមព្រៀងនេះ ត្រូវបានចុះរវាងក្រុមហ៊ុនរដ្ឋចិន China National Nuclear Corporation និងក្រុមហ៊ុន Nucleoelectrica Argentina នៅថ្ងៃទី៣១ មករា។

ប៉ុន្មានថ្ងៃក្រោយមក អាហ្សង់ទីន បានក្លាយជាប្រទេសទី១ នៅមេរិកឡាទីន ដែលបានព្រមព្រៀងចូលរួមក្នុងគំនិតផ្តួចផ្ដើម “ខ្សែក្រវាត់ និងផ្លូវ” ទូទាំងពិភពលោករបស់មហាយក្សចិន ដោយប្រធានាធិបតី Alberto Fernandez បានចុះអនុស្សរណៈនៃការយោគយល់ (MoU) មួយអំឡុងដំណើរទស្សនកិច្ចទៅកាន់ក្រុងប៉េកាំង។

ទីភ្នាក់ងារសារព័ត៌មានរដ្ឋចិន Xinhua បានចុះផ្សាយថា ក្នុងជំនួបជាមួយប្រធានាធិបតី Alberto Fernandez កាលពីថ្ងៃអាទិត្យ ទី១៣ កុម្ភៈ ប្រធានាធិបតីចិន លោក ស៊ី ជីនភីង បានលើកឡើងថា ប្រទេសទាំង២គួរតែជំរុញ គម្រោងទំនប់វារីអគ្គិសនី និងគម្រោងផ្លូវដែកដែលមានស្រាប់ ដោយបង្កើនកិច្ចសប្រតិបត្តិការ កាន់តែស៊ីជម្រៅផ្នែកពាណិជ្ជកម្ម ឧស្សាហកម្ម ហេដ្ឋារចនាសម្ព័ន្ធ និងការវិនិយោគ។

ទោះជាយ៉ាងណា គម្រោងមួយចំនួនរបស់ប្រទេសចិន ត្រូវបានប្រឆាំ​ងជំទាស់ ដោយសារបង្កផលប៉ះពាល់ដល់បរិស្ថាន ហើយទន្ទឹមនេះសហរដ្ឋអាមេរិក ក៏ដាក់សម្ពាធកុំឱ្យពង្រឹងទំនាក់ទំនង កាន់តែស៊ីជម្រៅជាមួយរដ្ឋាភិបាលក្រុងប៉េកាំងផងដែរ៕ South China Morning Post៕

ក្រុមហ៊ុនអភិវឌ្ឍន៍ចិន Agile Group ដែលមានគម្រោងនៅកម្ពុជាសម្រុកលក់ភាគហ៊ុនដើម្បីដោះបំណុល

ដោយៈសុខុម

ប៉េកាំង: ក្រុមហ៊ុនអភិវឌ្ឍន៍ចិន Agile Group កំពុងសម្រុកលក់ទ្រព្យសកម្មរបស់ខ្លួនបន្ថែមទៀត ក្នុងតម្លៃប្រមាណ២៨០លានដុល្លារអាមេរិក ដើម្បីដោះបំណុល។ នេះបើយោងតាមសារព័ត៌មាន Mingtiandi ចុះផ្សាយនៅដើមខែកុម្ភៈ នេះ។

តាមរយៈឯកសារ នៅលើផ្សារភាគហ៊ុនហ៊ុនក្រុងហុងកុង បានបង្ហាញថា ក្រុមហ៊ុនអភិវឌ្ឍន៍អចលនទ្រព្យមានមូលដ្ឋាន នៅក្រុងគ័ងចូវ (Guangzhou) ខេត្តគ័ងតុង (Guangdong) ប្រទេសចិន ដែលមានវិបត្តិសាច់ប្រាក់នេះ កំពុងប្រកាសលក់ភាគហ៊ុនរបសខ្លួន នៅក្នុងគម្រោងលំនៅដ្ឋាន២ ដែលកំពុងសាងសង់នៅក្រុងស៊ូចូវ (Xuzhou) ខេត្តជាងស៊ូ (Jiangsu) និងគម្រោងទី៣ នៅក្រុងអ៊ីវូ (Yiwu) ខេត្តចឺជាំង (Zhejiang) ឱ្យទៅក្រុមហ៊ុន China Overseas Land & Investment (COLI) ដែលជាដៃគូសហការ ក្នុងគម្រោងក្នុងតម្លៃសរុបជាង១៥៧លានដុល្លារអាមេរិក។

ដាច់ដោយឡែកពីនេះក្រុមហ៊ុន Agile Group បានព្រមព្រៀងលក់ភាគហ៊ុនរបស់ខ្លួន ក្នុងក្រុមហ៊ុនគ្រប់គ្រងសំរាម និងក្រុមហ៊ុនផលិតថាម​ពល​ចំនួន៥មានមូលដ្ឋាននៅខេត្តះហឺប៉ី (Hebei) និងខេត្តសានតុង (Shandong) ឱ្យទៅក្រុមហ៊ុនផ្គត់ផ្គង់សម្ភារៈសំណង់ China Conch Venture Holdings ក្នុងតម្លៃ១២៦លានដុល្លារអាមេរិក។

ក្រុមហ៊ុន Agile Group ដែលជាក្រុមហ៊ុនអភិវឌ្ឍន៍កំពូលទី២០ នៅប្រទេសចិន បាននិយាយកាលពីចុងខែមករា ការលក់ទ្រព្យទ្រព្យសកម្មទាំងនេះ នឹងធ្វើឱ្យខ្លួនមានរំហូរសាច់ប្រាក់ភ្លាមៗ ហើយនឹងជួយឱ្យខ្លួនបំពេញបានតាមលក្ខខណ្ឌតម្រូវផ្នែកដើមទុន សម្រាប់គម្រោងអភិវឌ្ឍន៍អចលនទ្រព្យផ្សេងៗទៀតរបស់ខ្លួន។

ការប្រកាសចុងក្រោយនេះធ្វើឡើង បន្ទាប់ពីក្រុមហ៊ុន COLI កាលពីសប្តាហ៍នៃចុងខែមករា បានបង្ហាញកិច្ចព្រមព្រៀងទិញភាគហ៊ុន២៦,៦៦ភាគរយរបស់ក្រុមហ៊ុន Agile Group និង២៦,៦៧%របស់ក្រុមហ៊ុន Shimao Group នៅក្នុងគម្រោងបណ្ដាក់ទុនរួមគ្នា របស់ពួកគេនៅក្រុងគ័ងចូវ ក្នុងតម្លៃ៥៨០លានដុល្លារអាមេរិក។ Mingtiandi៕

ក្រុងសំខាន់ៗចំនួនបី ស្ថិតក្នុងផែនការអភិវឌ្ឍន៍របស់ ADB ស្របតាមផែនការរបស់រដ្ឋាភិបាល

ដោយៈជេស៊ីកា

ភ្នំពេញៈ ការផ្តល់ជំនួយ ដើម្បីសម្រេចបាននូវគោលដៅអភិវឌ្ឍន៍ប្រក​បដោយចីរភាព របស់់ធនាគារអភិវឌ្ឍន៍អាស៊ី (ADB) បាននិងកំពុងដើរស្របគ្នា នឹងផែនការអភិវឌ្ឈន៍រយៈពេលវែងរបស់រដ្ឋាភិបាល។

នៅក្នុងផែនការយុទ្ធសាស្ត្រ នៃភាពជាដៃគូប្រចាំប្រទេសរបស់ ADB សម្រាប់កម្ពុជា ADB បានផ្តោតលើតំបន់ ស្ថិតនៅតាមច្រករបៀងភាគខាងត្បូង ដើម្បីគាំទ្រដល់កំណើនសេដ្ឋកិច្ច នៃមហាអនុតំបន់មេគង្គ (Greater Mekong Sub region) ដែលរួមមានក្រុងបាវិត កំពត និង ប៉ោយប៉ែត។ ក្រុងបាវិត និងប៉ោយប៉ែត គឺជាច្រកចូលទៅកាន់ប្រទេសវៀតណាម និងប្រទេសថៃ ហើយទីក្រុងកំពង់ផែកំពត បានក្លាយជាគោលដៅទេសចរណ៍។

នៅក្រុងបាវិត និងប៉ោយប៉ែត គម្រោងជំនួយ ADB នឹងគាំទ្រដល់ការស្តារប្រឡាយ ដែលមានស្រាប់ និង ការសាងសង់រោងចក្រប្រព្រឹត្តកម្មទឹកសំណល់ បណ្តាញលូបង្ហូរទឹកភ្លៀងថ្មី និងកន្លែងចាក់សំរាម។

នៅក្រុង កំពតគម្រោងជំនួយនេះ នឹងពង្រីកបណ្តាញលូទឹកស្អុយ និង គាំទ្រផែនការសម្រាប់រដ្ឋបាលខេត្ត ដើម្បីពង្រឹងការ ផ្តល់សេវាកម្មគ្រប់គ្រាន់។

គម្រោងនេះក៏នឹងបង្កើតផែនទីបង្ហាញផ្លូវ ដើម្បីបង្កើនការប្រមូលចំណូ​លដោយរដ្ឋបាលក្រុង ដែលកំពុងពឹងផ្អែកយ៉ាងខ្លាំង លើប្រាក់ឧបត្ថម្ភធនពីរដ្ឋបាលថ្នាក់ជាតិ ដើម្បីផ្តល់សេវាកម្ម។ ផែនទីបង្ហាញផ្លូវនឹង រួមបញ្ចូលកំណែទម្រង់ពន្ធគយ ដើម្បីចំណាយលើប្រតិបត្តិការ និងការថែទាំទីក្រុង និងផែនការដើម្បីធានា បាននូវការផ្តល់សេវាប្រកប​ដោ​យប្រសិទ្ធភាព រួមទាំងការវាយតម្លៃអំពីឱកាសសម្រាប់ការចូលរួមពីវិស័យឯកជន។

គម្រោងថ្មីរបស់ ADB នេះ នឹងត្រូវបានគាំទ្រ ដោយជំនួយបច្ចេកទេស ចំនួន២លានដុល្លារ ពីមូលនិធិជប៉ុនសម្រា ប់ការកាត់បន្ថយភាពក្រីក្រ (Japan Fund for Poverty Reduction)។ ជំនួយបច្ចេក ទេសនេះនឹងផ្តោតលើការអភិវឌ្ឍ ទីក្រុងប្រកបដោយនិរន្តរភាព និងភាពធន់នឹងអាកាសធាតុ រួមទាំងការធ្វើ ឱ្យប្រសើរឡើងនូវផែនការប្រើប្រាស់ដីក៏ដូចជាសមត្ថភាពស្ថាប័ន និង អភិបាលកិច្ច។

ធនាគារអភិវឌ្ឍន៍អាស៊ី នឹងធ្វើការជាមួយក្រសួងរៀបចំដែនដី នគរូបនីយកម្ម និង សំណង់ ក្នុងការសម្របសម្រួលជាមួយទីក្រុង ក៏ដូចជាក្រសួងដែលពាក់ព័ន្ធ ដើម្បីធ្វើកំណែទម្រង់ច្បាប់និងគោលនយោបាយជាតិ។

ក្នុងគោលដៅជម្រុញការអភិវឌ្ឍន៍ដោយចីរភាព កាលពីពេលថ្មីៗនេះ ADB បានអនុម័តប្រាក់កម្ចីចំនួន១៨០លានដុល្លារ ដើម្បីជួយដល់ក្រុងចំនួន៣នៅកម្ពុជា ធ្វើឱ្យប្រសើរនូវហេដ្ឋា រចនាសម្ព័ន្ធទីក្រុង និង បង្កើនលទ្ធភាពប្រកួតប្រជែងផ្នែកសេដ្ឋកិច្ច។នេះបើតាមសេចក្តីប្រកាសព័ត៌មានរបស់ធនាគារអភិវឌ្ឍន៍អាស៊ី កាលពីពេលថ្មីៗនេះ។

គម្រោងនេះនឹងជួយរាជរដ្ឋាភិបាល ធ្វើឱ្យប្រសើរឡើងនូវការគ្រប់គ្រងទឹកស្អាត អនាម័យ និងកាកសំណល់ និងលើកកម្ពស់កម្រិតជីវភាពជាពិសេស ក្នុងចំណោមគ្រួសារ ដែលមានប្រាក់ចំណូលទាប ដែលងាយរងគ្រោះផ្នែកសុខភាព សេដ្ឋកិច្ច និងផលប៉ះពាល់បរិស្ថាន ដោ​យសារអនាម័យមិនល្អ។ វាក៏នឹងជួយអជ្ញាធរក្រុង ទាក់ទាញការវិនិយោគវិស័យឯកជន និងបង្កើតការងារផងដែរ។

ជាមួយនឹងផែនការអភិវឌ្ឈន៍កញ្ចប់ជំនួយនេះ រដ្ឋាភិបាលកម្ពុជាបាននិងកំពុងដាក់ចេញ នូវផែនការអភិវឌ្ឈន៍រយៈពេលវែង សម្រាប់ទីក្រុងទាំងបីនេះផងដែរ ដោយរដ្ឋាភិបាលបានដាក់បញ្ចូលក្រុងប៉ោយប៉ែត ខេត្តបន្ទាយមានជ័យ ក្រុងបាវិត ខេត្តស្វាយរៀង ទៅក្នុងគោល​​នយោបាយអភិវឌ្ឍន៍វិស័យឧស្សាហកម្មឆ្នាំ២០១៥ ២០២៥ ដើម្បីអភិវឌ្ឈន៍ទីក្រុងនេះ ជាទីក្រុងសេដ្ឋកិច្ច និងអភិវឌ្ឍន៍វិស័យឧស្សាហកម្ម តាមរយៈការរៀបចំហេដ្ឋារចនាសម្ព័ន្ឋនានា ដើម្បីសម្រូលការដឹកជញ្ជូន។

លើសពីនេះ ប្រមុខរាជរដ្ឋាភិបាលកម្ពុជា សម្តេចតេជោហ៊ុន សែននាយករដ្ឋមន្រ្តីនៃកម្ពុជា ​តែងតែចាត់ទុកតំបន់ឆ្នេរ “ជាក្បាលនាគ” សម្រាប់ជំរុញសេដ្ឋកិច្ច តាមរយៈសក្តានុពលមានស្រាប់នៅតំបន់នេះ ដោយសម្តេចបានចាត់ទុកតំបន់ឆ្នេរ “ជាតារារះនាទិសនារតី”ផងដែរ។

សម្តេចតេជោ ក៏បានបង្ហើបកាលពីពេលថ្មីៗនេះផងដែរ ពីផែនការរៀបចំប្រព័ន្ឋចម្រោះទឹកស្អាត នៅខេត្តកំពតនាពេលខាងមុខផងដែរ ដើម្បីកុំឲ្យមានផលប៉ះពាល់បរិស្ថាននាពេលអនាគត ពិសេសទប់ស្កាត់ការបង្ហូរទឹក​កខ្វក់ចូលក្នុងសមុទ្រ៕

តើអ្នកគួរវិភាគលើការទិញ ឬលក់អចលនទ្រព្យេរបស់អ្នកផ្អែកលើកត្តាអ្វីខ្លះ?

ដោយៈគង់ សូរិយា

ភ្នំពេញៈ ការសម្រេចចិត្តដើម្បីចាប់ផ្តើមវិនិយោគ ឬលក់អចលនទ្រព្យរបស់ខ្លួនមានសារៈសំខាន់ណាស់់ ដែលអ្នកវិនិយោគគួរដឹងពីចំណុចគន្លឹះមួយចំនួន។

ទីប្រឹក្សាសមាគមអ្នកអភិវឌ្ឈន៍ដីឡួត៍កម្ពុជា និងជាសហស្ថាបនិក និងជាអគ្គនាយកគេហទំព័រ Propertyarea.asia លោក​យិន លាង​គង់​ បាន​ដែលបានតាមដានការវិវត្តនៃសេដ្ឋកិច្ច សង្គម និងអចលនទ្រព្យជាច្រើនឆ្នាំបានមានប្រសាសន៍ថា ការវិនិយោគ​លើ​អចលនទ្រព្យ ទាំង​ដីធ្លី ផ្ទះសម្បែង តែងតែមាន​ផលចំណេញ​នាពេល​អនាគត ប្រសិនជា​អ្នកទិញ​បាន​ក្នុងតម្លៃ​សមរម្យ ទីតាំង​ត្រឹមត្រូវ ជា​តំបន់​ដែល​ស្ថិត ក្នុង​ផែនការ​អភិវឌ្ឍ​របស់​រដ្ឋាភិបាល​ជាដើម។

លោក​បន្តថា ប៉ុន្តែ​ដើម្បី​ទិញ​ដីធ្លី ឬ​ផ្ទះ​ត្រូវ និង​ឡើងថ្លៃ​ខ្ពស់​នាពេល​អនាគត អ្នកវិនិយោគ​ត្រូវ​សម្លឹង​លើក​ត្តា​មួយចំនួន ដូចជា ពេលវេលា​សមស្រប កត្តាសេដ្ឋកិច្ច ផែនការអភិវឌ្ឍន៍ គោលនយោបាយ​របស់រ​ដ្ឋា​ភិ​បាល​ជាដើម។

ពេលវេលា​សមស្រប
ពេលវេលា​សមស្រប គឺ​សំដៅ​ដល់​ការទិញ​ដី​ឬ​ផ្ទះ នៅក្នុងពេល​មាន​វិបត្តិ​សេដ្ឋកិច្ច ដែល​តម្លៃ​ដីធ្លី ឬ​ផ្ទះសម្បែង​តែងតែ​ចុះថ្លៃ ឬ​ស្ថិត​ក្នុងតម្លៃ​ទ្រឹង។ ហេតុនេះ​ការវិនិយោគ​ដីធ្លី ​ក្នុងកំឡុងពេល​បែបនេះ នឹងមាន​ឳ​កាស​ចំណេញ​ខ្ពស់ ពិសេស​នៅពេល​សេដ្ឋកិច្ច​ងើបឡើង​វិញ​ឆាប់រហ័ស។

ការវិនិយោគ​ដីធ្លី ឬ​អចលនទ្រព្យ​ដទៃទៀត សម្រាប់​អ្នកវិនិយោគ​ឆ្លាត​វៃ ពួកគេ​មិនសូវ​ទុក​យូរពេក​នោះទេ នៅពេល​ចំណេញ​បាន៥០ភាគរយ ឬមួយ​គុណ​នឹង​ពីរ គេ​លក់​ចេញ ដើម្បី​ទៅ​វិនិយោគ​នៅ​កន្លែង​ដទៃទៀត​ហើយ។ លើកលែងតែ​អ្នកវិនិយោគ​ប្រើ​យុ​ទ្ឋ​សាស្ត្រ Land Banking ឬ House Banking។

កត្តាសេដ្ឋកិច្ច
នៅពេល​សេដ្ឋកិច្ច​មាន​ភាពរសរវើក និង​កំណើន​ល្អប្រសើរ វា​តែងតែមាន​រយៈពេល​កំណ​ត់រប​ស់វា។ ហេតុនេះ​អ្នកវិនិយោគ ​ត្រូវតែ​តាមដាន​ព៌​ត​មាន និង​វដ្ត​នៃ​វិបត្តិ​សេដ្ឋកិច្ចពិភពលោក ដែល​តែងតែ​កើតមាន​ស្ទើរតែ​រៀងរាល់១០ឆ្នាំ​ម្តង។ ហេតុនេះ បើសិនជា​ស្ថានភាព​សេដ្ឋកិច្ច​មាន​កំណើន​ល្អប្រសើររយៈពេល៣ទី៥ឆ្នាំ តម្លៃ​ដី​របស់​អ្នក​បាន​ហក់​ឡើង​ខ្ពស់​រួចទៅហើយ។ វា​ជា​ពេលវេលា​សមស្រប ដែល​អ្នក​គួរ​បញ្ចេញ ដើម្បី​កុំ​ឲ្យ​មាន​ភាព​ស្តាយក្រោយ ដូច​ករណី​អ្នក​នៅ​ក្រុងព្រះសីហនុ​ជាដើម។

ហេតុនេះ សេដ្ឋកិច្ច​គឺជា​ប់​ពាក់​ព័​ន្ឋ​នឹង​តម្លៃ​ដីធ្លី ឬ​អចលនទ្រព្យ​ដទៃទៀត ដូច្នេះ​អ្នកវិនិយោគ​ឆ្លាត​វៃ ត្រូវតែ​តាមដាន​ស្ថានភាព​សេដ្ឋកិច្ចពិភពលោក ដើម្បី​មាន​មូលដ្ឋាន​ក្នុងការ​សម្រេចចិត្ត​ត្រឹមត្រូវ។

ផែនការអភិវឌ្ឍន៍​និង​គោលនយោបាយ​រដ្ឋាភិបាល
រដ្ឋាភិបាល​កម្ពុជា តែងតែ​ដាក់ចេញ​ផែនការអភិវឌ្ឍន៍​ជាតិ រយៈពេល​មធ្យម(5ឆ្នាំ) ផែនការអភិវឌ្ឍន៍​ជាតិ​ រយៈពេល​វែង​មាន​ចំនួន១០ឆ្នាំ ដែល​ផែនការ​នេះ​ ជាការ​ធ្វើ​ពិពិធ​កម្ម​នូវ​មូលដ្ឋាន​ នៃ​ការអភិវឌ្ឍ​សេដ្ឋកិច្ច សង្គម និង​រៀបចំ​ប៉ូល​សេដ្ឋកិច្ច​របស់​ជាតិ។

ឧទាហរណ៍ នៅ​ឆ្នាំ២០២០កន្លងមក រដ្ឋាភិបាល​បានប្រកាស ​ពី​ការវិនិយោគ​ព្រលានយន្តហោះ​ខេត្តមណ្ឌលគិរី ពី​ផែនការអភិវឌ្ឍន៍​សាងសង់់​ ផ្លូវ​ល្បឿន​លឿន​ភ្នំពេញ ក្រុង​បាវិត​ជាដើម។

ដូច្នេះ ប្រសិនជា​អ្នកទិញ​ដី​នៅ​តំបន់​ស្ថិត នៅក្នុង​ផែនការ​អភិវឌ្ឍ​របស់​រដ្ឋាភិបាល តម្លៃ​ដី​របស់​អ្នក នឹង​ឡើងថ្លៃ​នៅក្នុង​រយៈពេល​កំណត់​មួយ។ ហេតុនេះ​ការវិនិយោគ​ដីធ្លី ​ឬ​អចលនទ្រព្យ​ដទៃទៀត អ្នកវិនិយោគ​ដែល​តែងតែ​ទុក​ដី​បានយូរ ចំណេញ​ច្រើនតែងតែ​ជា​អ្នក​ស​ក្តាប់បាន ​នូវ​ទិសដៅផែនកា​រអភិវឌ្ឍន៍រ​បស់​ជាតិ៕

គំរោងពង្រីកការសាងសង់ផ្លួវជាតិលេខ៧ ពីស្គន់ទៅកំពង់ចាម បានចចារបញ្ចប់ហើយ ខណៈផ្លួវជាតិលេខ៨ កំពុងជួសជុស

ដោយៈគង់ សូរិយា

ភ្នំពេញៈ លោកទេសរដ្ឋមន្រ្តីស៊ុន ចាន់ថុល រដ្ឋមន្រ្តីក្រសួងសាធារណៈការ និងដឹកជញ្ជូនបានថ្លែងឲ្យដឹងពីវឌ្ឈនភាព នូវគំរោងពង្រីកផ្លូវវជាតិលេខ៧ និងការជួសជុលផ្លួវជាតិលេខ៨។

លោកបានមានប្រសាសន៍កាលពីសប្តាហ៍មុន ក្នុងកិច្ចប្រជុំទាក់ទងនឹងបញ្ហាចរាចរណ៍ ក្រោមអធិបតីសម្តេចក្រឡាហោមស ខេងឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃថា គំរោងពង្រីកផ្លូវជាតិលេខ៧ ពីទីប្រជុំជនស្គន់ ក្នុងស្រុកជើងព្រៃ ខេត្តកំពង់ចាម ទៅកាន់ក្រុងកំពង់ចាម ដែលគ្រោងពង្រីកជាបួនគន្លង គឺក្រសួងបានចចារបញ្ចប់ ជាមួយក្រុមហ៊ុនចិនរួចហើយ ដោយលោកបានស្នើសុំឲ្យក្រុមហ៊ុនចិន បំពាក់កាម៉េរ៉ាបីកន្លែងនៅលើផ្លូវនេះ។

លោកបន្តថា ជាមួយគ្នានេះ តាមរយៈក្រសួងសេដ្ឋកិច្ច និងហិរញ្ញវត្ថុបានផ្តល់ថវិកា ជួសជុលផ្លូវនេះពីរង្វង់មូលព្រែកតាមាក់ ទៅរង្វង់មូលស្វាយអន្ទរប្រវែង៥៥គីឡូម៉ែត្រ និងផ្លូវនេះនឹងត្រូវពង្រីកពីរ២ ទៅបួនគន្លងប្រវែង២,៥គីឡូម៉ែត្រ និងរៀបចំជួសជុសបែប DBST ជាបណ្តោះអាសន្នសិន ដោ​យរង់ចាំថវិកាពីមហាមិត្តចិន ដើម្បីធ្វើការរៀបចំសាងសង់ឡើងវិញតែម្តង។

ជាមួយគ្នានេះ លោកទេសរដ្ឋមន្រ្តីស៊ុន ចាន់ថុលបានបង្ហើបឲ្យដឹងផងដែរថា ផ្លួវជាតិលេខ៣បានបញ្ចប់ ការស្ថាបនាទាំងស្រុងហើយ ដោយស ម្តេច​តេជោហ៊ុន សែននាយករដ្ឋមន្រ្តីនៃកម្ពុជា នឹងអញ្ជើញចូលរួមជាអធិបតី ក្នុងពិធី ក្នុងសម្ភោធបើកឲ្យប្រើប្រាស់ផ្លួវនេះជាផ្លូវការ នៅថ្ងៃទី២ មិនាខាងមុខនេះ៕

អ្នកជំនាញៈទីផ្សារជួលអចលនទ្រព្យងើបឡើងវិញបណ្តើរៗហើយនៅដើមឆ្នាំ២០២២នេះ

ដោយ: សុផារី

ភ្នំពេញ: ការរឹតត្បិតការធ្វើដំណើររបស់ជនជាតិបរទេស និងទោះបីជាមានការបើកប្រទេសឡើងវិញពីរដ្ឋាភិបាល កាលពីដើមខែវិច្ឆិកាក្តី ទីផ្សារជួលអចលនទ្រព្យ នៅក្នុងប្រទេសកម្ពុជាកាលពីឆ្នាំមុន បានទទួលរងផលប៉ះពាល់។

យ៉ាងណាក្តី អ្នកជំនាញមើលឃើញថា ក្នុងឆ្នាំ២០២២នេះទីផ្សារជួលចាប់ផ្ដើមមានពន្លឺឡើងវិញដោយផ្នែកៗហើយ។

លោកស្រី តាំង ហួរ អគ្គនាយិកា ក្រុមហ៊ុនអចលទ្រព្យ Amatak បានមានប្រសាសន៍កាលពីចុងសប្តាហ៍មុនថា នៅឆ្នាំ២០២១កន្លងមក សម្រាប់ការជួលអចលនទ្រព្យប្រភេទឃ្លាំង លំនៅឋាន និងដីនៅកណ្ដាលក្រុង មានការផ្អាក មិនសូវមានការជួលច្រើននោះឡើយ ប៉ុន្តែចូលក្នុងឆ្នាំ២០២២ លោកស្រីមើលឃើញថា ការជួលមានកំណើនឡើងវិញ ទោះបីមិនមានកំណើនច្រើន ប៉ុន្តែទីផ្សារនេះបានត្រឡប់មកវិញហើយ។

លោកស្រីបន្តថា “សម្រាប់ការជួលធ្វើអាជីវកម្ម បើកភោជនីយដ្ឋាន ឬអាជីវកម្មនានា ចាប់ផ្ដើមមានកំណើនឡើងវិញ។ ចំណែកប្រភេទ office space មិនសូវមានអ្នកសួររកជួលទេ។ អតិថិជនភាគច្រើនតែងតែសួររកជួលប្រភេទផ្ទះ ឃ្លាំង ឬដីក្នុងក្រុង សម្រាប់ជួលធ្វើអាជីវកម្ម”។

លោកស្រីបានបង្ហាញសុទិដ្ឋិនិយម ចំពោះទីផ្សារជួលអចលនទ្រព្យក្នុងប្រទេសកម្ពុជាក្នុងឆ្នាំ២០២២ ដោយអះអាងថា អ្វីៗបាននិងកំពុងប្រសើរជាងឆ្នាំ២០២១។

រីឯលោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍នាពេលថ្មីៗនេះថា សម្រាប់រយៈពេល១ខែដើមឆ្នាំ២០២២ កន្លងមក លោកមើលឃើញថាមានកម្លាំងចលករ ដែលជំរុញឲ្យទីផ្សារជួល ចលនទ្រព្យនៅក្នុងប្រទេសកម្ពុជា មានកំណើនល្អប្រសើរជាងឆ្នាំ២០២១បន្តិច។

បើតាមការអះអាងរបស់អ្នកជំនាញអចលនទ្រព្យរូបនេះ កន្លងមកក្នុងឆ្នាំ២០២១ ទីផ្សារនេះមានការធ្លាក់ចុះប្រមាណ៥ភាគរយ ធៀបនឹងឆ្នាំ២០២០។

លោកបន្តថា យ៉ាងណាក្តី ក្នុងឆ្នាំ២០២២ សម្រាប់ការជួលអាផាតមិន ទោះបីមានកំណើន តែនៅមិនទាន់ខ្ពស់ណាស់ណាទេ ដោយសារទីផ្សារនេះពាក់ព័ន្ធជាមួយនឹងជនជាតិបរទេស ដែលពាក់ព័ន្ធនឹងការធ្វើដំណើរចូលមកកាន់ប្រទេសកម្ពុជា។

ចំណែកទីផ្សារជួលសម្រាប់ផ្ទះល្វែង Shop House ផ្ទះបានអាជីវកម្មនានា ដែលភាគច្រើនពាក់ព័ន្ធនឹងអាជីវកម្ម ក្នុងស្រុកបានចាប់ផ្ដើមពង្រឹងឡើងវិញហើយ ហើយលោកមើលឃើញកំណើនល្អ ប្រសើរបណ្ដើរៗឡើងវិញផងដែរ៕