រដ្ឋាភិបាលនឹងរៀបចំជំរឿនសេដ្ឋកិច្ចសម្រាប់ឆ្នាំ២០២២នៅខែមិនាខាងមុខ

ដោយៈជេស៊ីកា

ភ្នំពេញៈ រដ្ឋាភិបាលនឹងរៀបចំដំណើរការ ជំរឿនសេដ្ឋកិច្ចនៅឆ្នាំ២០២២ នឹងត្រូវធ្វើឡើងចាប់ពីថ្ងៃទី១ ដល់ថ្ងៃទី៣១ ខែមីនា ឆ្នាំ២០២២ នៅទូទាំងប្រទេស ដោយត្រូវប្រើប្រាស់មន្ត្រីសម្ភាសន៍ សរុបចំនួនប្រមាណ៥ពាន់នាក់។

លោកឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានមានប្រសាសន៍ឲ្យដឹងក្នុងកិច្ចប្រជុំនៅថ្ងៃទី៨ កុម្ភៈថា ទិន្នន័យជំរឿនសេដ្ឋកិច្ច គឺពិតជាមានសារៈសំខាន់បំផុត ដែលត្រូវធ្វើមិនអាចខ្វះបាន ដើម្បីឆ្លើយតបសេចក្តីត្រូវការប្រើប្រាស់ទិន្នន័យ សម្រាប់ជាធាតុចូលដ៏សំខាន់ ក្នុងការរៀបចំគោលនយោបាយអភិវឌ្ឍន៍សេដ្ឋកិច្ច បរិស្ថាន សង្គម វប្បធម៌ និងសុខុមាលភាពរបស់ប្រជាជនកម្ពុជា និងផ្តល់សូចនាករសម្រាប់ចំណុចដៅនៃគោលដៅអភិវឌ្ឍន៍ប្រកបដោយចីរភាពឆ្នាំ២០១៦-២០៣០។

លោកបានបន្តថា ការធ្វើជំរឿនសេដ្ឋកិច្ច ត្រូវបានធ្វើជាលើកទី២ បន្ទាប់ពីបានធ្វើជាលើដំបូងនៅឆ្នាំ២០១១ ហៅថា “ជំរឿនសហគ្រាសនៅព្រះរាជាណាចក្រកម្ពុជាឆ្នាំ២០១១” និងបានធ្វើ “អង្កេតចន្លោះជំរឿនសហគ្រាសនៅកម្ពុជាឆ្នាំ២០១៤” ដែលឧបត្ថម្ភគាំទ្រផ្នែកហិរញ្ញវត្ថុ និងបច្ចេក​ទេ​សពីអង្គការ JICA រដ្ឋាភិបាលជប៉ុន និងថវិកាបដិភាគរបស់រាជរដ្ឋាភិបាលកម្ពុជា។

លោកឆាយ ថនបានពន្យល់ថា ដើម្បីគណនាវាយតម្លៃអំពីកំណើនសេដ្ឋកិច្ច តាមវិស័យនៅរាជធានីខេត្តនីមួយៗ យើងត្រូវតែមានទិន្នន័យតួលេខឱ្យបានច្បាស់ត្រឹមត្រូវ ជឿជាក់ខ្ពស់ និងទាន់ពេលវេលា សម្រាប់ឆ្លើយតបតម្រូវការប្រើប្រាស់ទិន្នន័យ ដោយផ្អែកតាមបរិបទសេដ្ឋកិច្ច នៅក្នុងរាជធានីខេត្ត ថ្នាក់តំបន់ និងសកលលោក ដែលមានការរីកចម្រើនយ៉ាងឆាប់រហ័សជាមួយ នឹងបដិវត្តន៍ឧស្សាហកម្មជំនាន់ទី៤ ដែលនឹងនាំមកនូវបច្ចេកវិទ្យាដ៏ទំនើបសម្រាប់ការអភិវឌ្ឍសេដ្ឋកិច្ចឌីជីថល ស្របតាមយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលកម្ពុជា៕

ក្រុមហ៊ុនលំដាប់យក្សចិន R&F Properties បានជាប់គាំងគំរោងនៅអង់គ្លេស និងកម្ពុជា

ដោយៈសុខុម

ក្រុងឡុងដ៍: ការងារសាងសង់អគារកប់ពពក One Nine Elms តម្លៃ១,២២ពាន់លានដុល្លារអាមេរិក នៅទីក្រុងឡុងដ៍ បានជាប់គាំងកាលពីសប្ដាហ៍កន្លងទៅ ដោយសារបញ្ហាទូទាត់ប្រាក់ ជាមួយក្រុមហ៊ុនអភិវឌ្ឍន៍ដ៏ធំ R&F Properties ដែលមានមូលដ្ឋាននៅប្រទេសចិន។

យោងតាមសារព័ត៌មានបរទេស Construction News ចុះផ្សាយកាលពីថ្ងៃអង្គារ ទី៨ កុម្ភៈ ឱ្យដឹងថា ក្រុមហ៊ុន R&F Properties បានឈានចូលទីផ្សារអង់គ្លេស ក្នុងឆ្នាំ២០១៧ ហើយបច្ចុប្បន្នមានគម្រោងធំៗចំនួន៤ដែលមានតម្លៃសរុប មិនតិចជាង៣ពាន់លានដុល្លារអាមេរិកឡើយ។ ប៉ុន្តែពេលនេះក្រុមហ៊ុននេះ កំពុងតែជួបការលំបាកផ្នែកហិរញ្ញវត្ថុ។

កាលពីដើមខែមករា ឆ្នាំ២០២២ បុត្រសម្ព័ន្ធនៅក្រុងហុងកុង របស់ក្រុមហ៊ុន R&F Properties បានខកខានសងបំណុល តាមពេលវេលាកំណត់ ក្រោយពីបុត្រសម្ព័ន្ធនោះ បានព្រមព្រៀងជាមួយម្ចាស់បំណុលរបស់ខ្លួន ដើម្បីពន្យារពេលទូទាត់សងបំណុល៧២៥លានដុល្លារអាមេរិក។

គំរោងរបស់ក្រុមហ៊ុន R&F Property ស្ថិតនៅលើមហាវិថីព្រះមុនីវង្ស ទល់មុខក្រសួងធនធានទឹក និងឧត្តុកនិយមក៏បានជាប់គាំង អស់រយៈពេលជាង២ឆ្នាំកន្លងមកផងដែរ។

ជុំវិញករណីនេះ ទីភ្នាក់ងារដាក់កម្រិតគុណភាពឥណទានអាមេរិក S&P Global មិនបានផ្លាស់ប្ដូរកម្រិតគុណភាព ឥណទានរបស់ក្រុមហ៊ុនមេ R&F Properties នោះទេ ប៉ុន្តែនិយាយថា ខ្លួនអាចនឹងកាត់។

ទោះជាយ៉ាងណា ទីភ្នាក់ងារដាក់កម្រិតគុណភាពឥណទានអាមេរិក S&P Global ក៏បានព្រមានដែរថា ក្រុមហ៊ុន R&F Properties នៅតែបន្តប្រឈមនឹងបញ្ហាសាច់ប្រាក់ នៅក្នុងរយៈពេល១២ខែខាងមុខ។

ទន្ទឹមនេះទីភ្នាក់ងារដាក់កម្រិត គុណភាពឥណទានអាមេរិក មួយទៀតឈ្មោះ Fitch ជឿថា ក្រុមហ៊ុន R&F Properties នៅតែបន្តប្រឈមមុខនឹងបញ្ហាសាច់ប្រាក់ ដោយសារបំណុលរយៈពេលខ្លី មួយចំនួនធំរបស់ខ្លួន ដល់ពេលត្រូវទូទាត់សងនៅក្នុងឆ្នាំ២០២២នេះ ខណៈក្រុមហ៊ុននេះនៅតែពិបាកទទួលបានហិរញ្ញប្បទាន។

ក្រុមហ៊ុននេះ កំពុងរៀបចំផែនការលក់ទ្រព្យសកម្ម ដើម្បីទូទាត់សងបំណុល ដែលដល់ពេលត្រូវសងក្នុងពេលដ៏ខ្លីខាងមុខនេះ ប៉ុន្តែអ្នកជំនាញជឿថា មានហានិភ័យខ្ពស់នៅក្នុងលក់ទ្រព្យសកម្មនេះ ដោយសារបរិយា​កាសម៉ាក្រូសេដ្ឋកិច្ចកំពុងប្រឈមការលំបាក។

ខាងក្រោមនេះ ជាស្ថានភាពគម្រោងបច្ចុប្បន្នរបស់ក្រុមហ៊ុន R&F Properties នៅប្រទេសអង់គ្លេស៖

ទី១/ គម្រោងអគារកប់ពពក One Nine Elms
– ក្រុមហ៊ុនទទួលម៉ៅការ: Multiplex
– តម្លៃគម្រោង: ១,២២ពាន់លានដុល្លារអាមេរិក
– គម្រោងបញ្ចប់: ចុងឆ្នាំ២០២២
– ស្ថានភាពបច្ចុប្បន្ន: ការងារភាគច្រើនផ្អាក

ទី២/ គម្រោងអគារកប់ពពក Thames City
– ក្រុមហ៊ុនទទួលម៉ៅការ: ក្រុមហ៊ុន Mace (ដំណាក់កាលទី១) / ក្រុមហ៊ុន Midgard (ដំណាក់កាលទី២)
– តម្លៃគម្រោង: ជាង៦៥០លានដុល្លារអាមេរិក
– គម្រោងបញ្ចប់: ចុងឆ្នាំ២០២២
– ស្ថានភាពបច្ចុប្បន្ន: ដំណើរការតាមផែនការគ្រោងទុក

ទី៣/ គម្រោងអគារកប់ពពក Vauxhall Square
– ក្រុមហ៊ុនទទួលម៉ៅការ: មិនទាន់ប្រគល់ក្រុមហ៊ុនណាមួយទេ
– តម្លៃគម្រោង: ៥៤២លានដុល្លារអាមេរិក
– គម្រោងបញ្ចប់: មិនទាន់មានការបញ្ជាក់
– ស្ថានភាពបច្ចុប្បន្ន: ការងារសំខាន់ៗមិនទាន់បានចាប់ផ្ដើម

ទី៤/ គម្រោងអគារកប់ពពក Queen’s Square
– ក្រុមហ៊ុនទទួលម៉ៅការ: ក្រុមហ៊ុន Ardmore សម្រាប់ដំណាក់កាលទី១ ហើយដំណាក់កាលៗ ក្រោយមិនទាន់ប្រគល់ ទៅឱ្យក្រុមហ៊ុនណានៅឡើយទេ។
– តម្លៃគម្រោង: ជាង៦៧៧លានដុល្លារអាមេរិក
– គម្រោងបញ្ចប់: មិនទាន់ច្បាស់
– ស្ថានភាពបច្ចុប្បន្ន: ការងារផ្អាក ៕ Construction News៕

ដំណឹងល្អៈរដ្ឋាភិបាលបន្តលើកលែងការបង់ពន្ធប្រចាំខែចំពោះអាជីវកម្មក្នុងវិស័យទេសចរណ៍

ដោយ: សុផារី

ភ្នំពេញៈ រដ្ឋាភិបាលបានសម្រេចលើកទឹកចិត្តជាបន្តទៀតចំពោះម្ចាស់អាជីវកម្មទេសចរណ៍នានា តាមរយៈការលើកលែងពន្ឋប្រចាំខែ ដើម្បីជួយសម្រាលបន្ទុកដល់អ្នកពាក់ព័ន្ឋក្នុងវិស័យនេះ ដែលបានរងគ្រោះធ្ងន់ធ្ងរដោយសារវិបត្តិកូវីដ។

ក្រសួងសេដ្ឋកិច្ច និងហិរញ្ញវត្ថុ និងក្រសួងទេសចរណ៍ បានចេញប្រកា​សអន្តរក្រសួងស្តីពី ការអនុវត្តវិធានការគោលនយោបាយគន្លឹះ សម្រាប់វិស័យទេសចរណ៍ ដោយបន្តលើកលែងការបង់ពន្ធប្រចាំខែ គ្រប់ប្រភេទចំពោះសណ្ឋាគារ ផ្ទះសំណាក់ ភោជនីយដ្ឋាន និងក្រុមហ៊ុនភ្នាក់ងារទេសចរណ៍ បន្តលើកលែងការបង់ពន្ធប៉ាតង់ ចំពោះក្រុមហ៊ុនភ្នាក់ងារទេសចរណ៍ និងប្រតិបត្តិករ ក្នុងវិស័យទេសចរណ៍ដទៃទៀត និងលើកលែងការបង់កម្រៃបន្តអាជ្ញាបណ្ណ ទេសចរណ៍គ្រប់ប្រភេទសម្រាប់ឆ្នាំ២០២២។

យោងតាមប្រកាសនេះ បានអនុញ្ញាតឱ្យអនុវត្តនូវគោលនយោបាយគន្លឹះ សម្រាប់វិស័យទេសចរណ៍ឆ្នាំ២០២២ រដ្ឋាភិបាលបន្តលើកលែងការបង់ពន្ធប្រចាំខែគ្រប់ប្រភេទ ចំពោះសណ្ឋាគារ ផ្ទះសំណាក់ ភោជនីយដ្ឋាន និងក្រុមហ៊ុនភ្នាក់ងារទេសចរណ៍ ដែលបានចុះបញ្ជីជាមួយអគ្គនាយកដ្ឋានពន្ធដារ និងមានសកម្មភាពអាជីវកម្ម នៅក្នុងរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកែប ខេត្តកំពត ក្រុងបាវិតនៃខេត្តស្វាយរៀង និងក្រុងប៉ោយប៉ែត នៃខេត្តបន្ទាយមានជ័យ សម្រាប់ឆមាសទី១ ឆ្នាំ២០២២។

ករណីមានបំណុលសល់ មុនវិបត្តិនៃជំងឺកូវីដ-១៩ ចំពោះប្រតិបត្តិករក្នុងវិស័យទេសចរណ៍សម្រាប់ខេត្តដទៃទៀត ត្រូវពន្យារពេលការចុះធ្វើសវនកម្មនៅក្នុងឆ្នាំ២០២១។ អាជីវកម្មទាំងនេះ នៅតែមានកាតព្វកិច្ចដាក់លិខិតប្រកាសពន្ធអាករ និងប្រើប្រាស់ប្រព័ន្ធអនទ្បាញ សម្រាប់គ្រប់គ្រងអាករលើតម្លៃបន្ថែម (E-VAT) ជារៀងរាល់ខែ ក្នុងអំទ្បុងពេលនៃការលើកលែងនេះ។

បន្ថែមលើសនេះ បន្តលើកលែងការបង់ពន្ធប៉ាតង់ ចំពោះក្រុមហ៊ុនភ្នាក់ងារទេសចរណ៍ និងប្រតិបត្តិករក្នុងវិស័យទេសចរណ៍ដទៃទៀត សម្រាប់ឆ្នាំ២០២២។ អ្នកជាប់ពន្ធទំាំងនេះ មានកាតព្វកិច្ចត្រូវធ្វើបច្ចុប្បន្នភាពប៉ាតង់។

ក្រៅពីនេះ រដ្ឋាភិបាលក៏លើកលែងការបង់កម្រៃ បន្តអាជ្ញាបណ្ណទេស​ចរណ៍គ្រប់ប្រភេទសម្រាប់ឆ្នាំ២០២២ ចំពោះអាជ្ញាបណ្ណទេសចរណ៍ ដែលស្ថិតក្នុងសុពលភាព។ អាជីវកម្មទេសចរណ៍គ្រប់ប្រភេទ នៅតែមានកាត​ព្វកិច្ច ដាក់ពាក្យស្នើសុំបន្តអាជ្ញាបណ្ណ ទេសចរណ៍ពីក្រសួងទេសចរណ៍ ឬរដ្ឋបាលរាជធានី-ខេត្ត ឬរដ្ឋបាលក្រុង-ស្រុក-ខណ្ឌ (ទៅតាមប្រភេទ និងទំហំអាជីវកម្មទេសចរណ៍ ដែលក្រសួងទេសចរណ៍ បានធ្វើប្រតិភូកម្មកន្លងមក) ក្នុងអំទ្បុងពេលនៃការលើកលែងនេះ។

ប្រកាសអន្តរក្រសួងខាងលើនេះ ក៏បានអនុញ្ញាតឱ្យបន្តសុពលភាពនៃការអនុវត្តសេចក្តីជូនដំណឹងស្តីពី ការអនុវត្តគោលនយោបាយលើកទឹកចិត្តនៃការលក់បណ្ណ ចូលទស្សនារមណីយដ្ឋានអង្គរ រហូតដល់ថ្ងៃទី៣១ ខែធ្នូ ឆ្នាំ២០២២៕

The Federal Reserve Bank of New York: Americans are increasingly in debted

 

A big year for car and home shopping helped push Americans to take on a lot more debt last year.

Household debt increased by $1 trillion in 2021, the biggest annual increase since 2007, according to data from the Federal Reserve Bank of New York.

In the fourth quarter alone, household debt grew by $333 billion to $15.58 trillion, the largest quarterly rate of increase since 2007 as well.

Mortgage debt and auto loans were the big drivers of the increase, according to the report, which is based on data from the New York Fed’s nationally representative Consumer Credit Panel.

“The aggregate balances of newly opened mortgage and auto loans sharply increased in 2021,” said Wilbert Van Der Klaauw, senior vice president at the New York Fed, “corresponding to increases in home and car prices.”

Source: CNN

ធនាគារកណ្តាលក្រុងញូវយ៉ក: ជនជាតិអាមេរិកកំពុងជំពាក់បំណុលកាន់តែច្រើនឡើងហើយ

ដោយៈ ម៉ាលីស

អន្តរជាតិៈ កាលពីឆ្នាំមុនគឺជាឆ្នាំដ៏ធំមួយ សំរាប់ការដើរទិញ ផ្ទះនិងរថយន្ត ដែលជំរុញឱ្យជនជាតិអាមេរិក ជំពាក់បំណុលកាន់តែច្រើនឡើង។

បំណុលគ្រួសារបានកើនឡើងដល់ ចំនួន១០០០ពាន់លានដុល្លារ ក្នុងឆ្នាំ២០២១ ដែលជាការកើនឡើងប្រចាំឆ្នាំដ៏ធំបំផុត ចាប់តាំងពីឆ្នាំ២០០៧ នេះបើយោងតាមទិន្នន័យពីធនាគារកណ្តាលនៃទីក្រុងញូវយ៉ក។

នៅក្នុងត្រីមាសទីបួន បំណុលគ្រួសារបានកើនឡើងទំហំ៣៣៣ពាន់លានដុល្លារ ដល់១៥,៥៨ពាន់ពាន់លានដុល្លារ ដែលជាអត្រាកំណើនប្រចាំត្រីមាសដ៏ធំបំផុតចាប់តាំងពីឆ្នាំ២០០៧ផងដែរ។

បំណុលកម្ចីទិញផ្ទះ និងប្រាក់កម្ចីទិញរថយន្ត ជាកត្តាជំរុញដ៏ធំនៃការកើនឡើងនេះ បើយោងតាមរបាយការណ៍ ដែលផ្អែកលើទិន្នន័យពីអ្នកតំណាងនៃ New York Fed Consumer Credit Panel ។

លោក Wilbert Van Der Klaauw អនុប្រធានជាន់ខ្ពស់នៅ New York Fed បាននិយាយថា “សមតុល្យសរុបនៃកម្ចីទិញផ្ទះ ដែលទើបនឹងបើកថ្មី និងប្រាក់កម្ចីទិញរថយន្ត បានកើនឡើងយ៉ាងខ្លាំងនៅឆ្នាំ២០២១” ដែលស្របគ្នាទៅនឹងការកើនឡើងនៃតម្លៃផ្ទះ និងរថយន្តផងដែរ៕

ប្រភព: CNN៕

រដ្ឋមន្រ្តីបង្ហើបពីគំរោងសម្ភោធនិងសាងសង់ហេដ្ឋារចនាសម្ព័ន្ឋជាច្រើននៅឆ្នាំនេះ

ដោយៈ គង់ សូរិយា

 ភ្នំពេញៈ រដ្ឋមន្រ្តីក្រសួងសាធារណៈការ និងដឹកជញ្ជូនបានថ្លែងថា ផ្លូវជាតិលេខ៣ស្ថាបនារួច១០០ភាគរយហើយ និងដាក់សម្ភោធឲ្យប្រើប្រាស់ដោយសម្តេចតេជោហ៊ុន សែននាយករដ្ឋមន្រ្តីនៅថ្ងៃទី២ មិនាខាងមុខនេះ។

លោកទេសរដ្ឋមន្រ្តីបានបន្តថា ផ្លូវជាតិលេខ៣នេះ ចេញពីក្រុងកំពតទៅកាន់ខេត្តព្រះសីហនុ ត្រូវការចំណាយច្រើន ដោយសារត្រូវកាយនិងបុគគ្រឹះជម្រៅ១៨ម៉ែត្រ ទើបអាចជាប់ធនបានយូរ សម្រាប់ចំងាយផ្លូវ១៨គីឡូម៉ែត្រ។ លោកបន្តថា ជាមួយគ្នានេះ ក្រុមហ៊ុនស្ថាបនាផ្លូវជាតិលេខ២បានស្នើសុំពន្យាពេល៤ខែ ដើម្បីបញ្ចប់ដោយសារបញ្ហាខ្វះគ្រឿងចក្រ ប៉ុន្តែមន្រ្តីក្រសួងកំពុងសិក្សាលើបញ្ហានេះ។

ជាមួយគ្នានេះ ការស្ថាបនាផ្លូវជាតិលេខ៨ នឹងពង្រីកជាបួនគន្លងមួយកំណាត់ខ្លី ខណៈផ្លូវនេះនឹងត្រូវស្ថាបនាឡើងវិញ ទាំងស្រុងនៅពេលខាងមុខ។

លោកទេសរដ្ឋមន្រ្តីស៊ុន ចាន់ថុលក៏បានលើកឡើងពីគំរោងសាងសង់ស្ពានឆ្លងកាត់ទន្លេបាសាក់នៅតំបន់ព្រែកប្រា ឆ្ពោះទៅចក្រអង្រែក្រោម លោកបានជួបប្រជុំជាមួយ អភិបាលរាជធានីភ្នំពេញរួចហើយ ដោយស្នើសុំ​ថវិកាពីប្រទេសចិន ដែលនឹងត្រូវសាងសង់នៅឆ្នាំ២០២២នេះជាដើម៕

 

តើរលកនៃទីផ្សារអចលនទ្រព្យនៅឆ្នាំនេះនឹងមានភាពឡើងចុះដូចម្តេច?

ដោយៈវឌ្ឍនៈ

ភ្នំពេញៈ នៅដើមឆ្នាំនេះអ្នកជំនាញនិងអ្នកវិនិយោគ ក្នុងវិស័យអច​លនទ្រព្យកម្ពុជាជាច្រើនបានរំពឹងថា វិស័យនេះ នឹងមានកំណើនឡើងវិញបន្ទាប់ពីរាជរដ្ឋាភិបាល បានប្រកាសបើកប្រទេស និងបើកសង្គមសេដ្ឋកិច្ចឡើងវិញ។

ប៉ុន្តែទោះជាយ៉ាងណា រហូតដល់ដើមឆ្នាំ២០២២នេះ ស្ថានភាពវិស័យនេះនៅតែបន្តជាប់ទ្រឹង ដែលអ្នកជំនាញក៏អះអាងថា នឹងអាចជាប់ទ្រឹងបន្តទៀត ស្របពេលមេរោគរាតត្បាតនៅតែចោទជាបញ្ហា។

អ្នកនាងគឹម គិនកេសាអ្នកគ្រប់គ្រងជាន់ខ្ពស់ នៃក្រុមហ៊ុនអចលនទ្រព្យCBRE Cambodia បានឱ្យដឹងនាព្រឹកថ្ងៃទី៩ កុម្ភៈនេះថា កាលពីចុងឆ្នាំយើងរំពឹងថា វិស័យអចលនទ្រព្យនឹងទទួលបាន ការវិនិយោគពីបរទេសឡើងវិញ  តែដោយសារវត្តមានមេរោគកូវីដ១៩ ប្រភេទបំប្លែងថ្មីអូមីក្រុងបានរាលដាលក្នុងប្រទេសជាច្រើន ក៏ធ្វើឱ្យប្រទេសទាំងនោះ ចាត់វិធានការរឹតបន្តឹងការចេញចូលជាថ្មី ហើយវិនិយោគិនបរទេស ដែលចង់ចូលមកកម្ពុជាក៏មានការរារែកជាថ្មីម្ដងទៀត ។

អ្នកនាងបន្តថា “រហូតមកដល់ពេលនេះ យើងមិនទាន់ឃើញមានវិនិយោគិនចិន ត្រលប់មកវិញច្រើននៅឡើយទេ តែវិនិយោគិនក្នងស្រុកចាប់ផ្ដើមមានសកម្មភាពច្រើន ទាំងផ្នែកខុនដូ និងផ្នែកផ្សារទំនើប”។

យ៉ាងណាក្ដី យើងនៅរង់ចាំមើលបន្តទៀតថា នឹងមានវិនិយោគិនបរទេសចូលមកកម្ពុជាឡើងវិញ ច្រើនដែរឬក៏អត់នៅក្នុងឆ្នាំ ២០២២នេះ។

យ៉ាងណាក្ដីវិនិយោគិននិងអ្នកជំនាញ នៃវិស័យអចលនទ្រព្យមួយចំនួនទៀតក៏នៅតែមានសុទិដ្ឋិនិយម ចំពោះការវិនិយោគអចលនទ្រព្យក្នុងប្រទេសកម្ពុជាឡើងវិញ  ដោយជឿជាក់លើរាជរដ្ឋាភិបាល ក្នុងការទប់ស្កាត់នូវជំងឺនេះ ពីព្រោះតាមរយៈបទពិសោធន៍កន្លងទៅ រដ្ឋាភិបាលបានគ្រប់គ្រ​ងបានយ៉ាងល្អ ក្នុងការគ្រប់គ្រងនិងឈានដល់ ការបើកប្រទេសបើកសេដ្ឋកិច្ចឡើងវិញកាលពីចុងឆ្នាំមុននេះ។

ទោះជាយ៉ាងណា លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអអចលនវត្ថុកម្ពុបានមានប្រសាសន៍ថា សកម្មភាពទិញលក់ភាគច្រើនជាប្រជាពលរដ្ឋក្នុងស្រុក ប៉ុន្តែទំហំទុនវិនិយោគមិនទាន់មានចំនួនច្រើននៅឡើយទេ ប៉ុន្តែសកម្មភាពទិញលក់នៅតែបន្តកើតមាន។

លោកបន្តថា “ប្រសិនជាស្ថាប័នហិរញ្ញវត្ថុនានា នៅតែបន្តផ្តល់ឥណទាន វិស័យនេះនឹងមានភាពរីកចម្រើនឡើងវិញ ស្របពេលដែលអ្នកវិនិយោ គចិនបានមកកាន់កម្ពុជាបណ្តើរៗផងដែរ ប៉ុន្តែភាគច្រើនសុទ្ឋតែជាអ្នកវិនិយោគ ដែលមានគំរោងនៅទីនេះរួចហើយ”៕

ទីផ្សារអចលនទ្រព្យម៉ាឡេស៊ីនៅតែទទួលបានការចាប់អារម្មណ៍ខ្លាំងពីអ្នកទិញអន្តរជាតិក្នុងឆ្នាំនេះ

ដោយៈសុខុម

គូឡាឡាំពួ: ក្រុមហ៊ុនអភិវឌ្ឍន៍អចលនទ្រព្យលំដាប់ខ្ពស់IBN Corp Ltd (IBN Corp) និយាយថា ទីផ្សារអចលនទ្រព្យម៉ាឡេស៊ី នៅតែទទួលបានការចាប់អារម្មណ៍ខ្លាំង ពីអ្នកទិញអន្តរជាតិ ជាពិសេសអចលនទ្រព្យនៅក្រុងគូឡាឡាំពួ ក្រុង Genting Highlands និងរដ្ឋ Sabah។

លោក Megat Khalil Izzuddin Shah នាយកក្រុមហ៊ុន IBN Corp បានចេញសេចក្តីថ្លែងការណ៍ កាលពីថ្ងៃច័ន្ទ ទី៧ កុម្ភៈ ថា ម៉ាឡេស៊ី នៅតែស្ថិតក្នុងចំណោមប្រទេសល្អបំផុត សម្រាប់ការចូលនិវត្តដោយសារប្រទេសនេះ មានអាកាសធាតុ និងបរិយាកាសរស់នៅដ៏ល្អឥតខ្ចោះ។

លោកបន្ថែមទៀតថា “ប្រព័ន្ធដឹកជញ្ជូនសាធារណៈដ៏សម្បូរបែប ថ្លៃព្យាបាលសមរម្យ និងថ្លៃសិក្សាដ៏សែនធូរថ្លៃ ក៏ជាចំណុចដ៏ទាក់ទាញផងដែរ”។ លោកបន្តថា “លើសពីនេះ អ្នកវិនិយោគចូលចិត្តជម្រើសកម្មសិទ្ធិផ្ដាច់មុខ (ទិញផ្ដាច់) និងតម្លៃដែលជាថ្នូរ នឹងបែបបទរស់នៅដ៏ល្អ បើធៀបនឹងអ្វីដែលពួកគេអាចទទួលបាន នៅក្នុងប្រទេសកំណើតរបស់ខ្លួនដូចជាប្រទេសចិន ហុងកុង សិង្ហបុរី និងជប៉ុន ជាដើម”។

ផ្អែកតាមការព្យាករ ទីផ្សារនេះនឹងទទួលបានកំណើនបន្ថែមទៀតនៅពេលបើកព្រំដែនឡើងវិញ។ ទោះជាយ៉ាងណា ដោយសារតែការរឹតបន្តឹងការធ្វើដំណើរនាពេលបច្ចុប្បន្ន អតិថិជននៅក្រៅប្រទេសមិនអាចចូលទស្សនាទីតាំងគម្រោង និងShowroom លក់នៅក្នុងប្រទេសម៉ាឡេស៊ី បានទេនៅពេលនេះ។

លោក Megat Khalil Izzuddin Shah បានធ្វើការកត់សម្គាល់ថា “ហេតុដូច្នេះហើយ ក្រុមហ៊ុនIBN Corp បានកែសម្រួលយុទ្ធសាស្រ្តលក់ និងទីផ្សាររបស់ខ្លួន ដើម្បីផ្តោតលើទីផ្សារក្នុងស្រុកច្រើនជាងមុន តាមរយៈការចូលរួមជាមួយ បណ្ដាទីភ្នាក់ងារអចលនទ្រព្យ ក្នុងស្រុកឈានមុខគេ ហើយមានបំណងបង្កើន ចំនួនអតិថិជនក្នុងស្រុករបស់ខ្លួន ឱ្យឈានដល់៥០%”។

គម្រោងអភិវឌ្ឍន៍សំខាន់ៗរបស់ក្រុមហ៊ុន IBN Corp រួមមានទាំង IBN Bukit Bintang ដែលជាគម្រោងអគារខ្ពស់ប្រណីតមួយ ក្នុងទីក្រុងគូឡាឡាំពួ ជាមួយនឹងទុនវិនិយោគ៣១០,៦លានដុល្លារអាមេរិក និងIBN Highlands City ដែលជាគម្រោងអភិវឌ្ឍន៍ចម្រុះនៅក្រុង Genting Highlands ជាមួយនឹងទុនវិនិយោគ១,៤៨ពាន់លានដុល្លារអាមេរិក ផងដែរ។

លោក Megat Khalil Izzuddin Shah បញ្ជាក់ថា “ដំណាក់កាលទី១ នៃគម្រោងIBN Highlands City គ្រោងនឹងបញ្ចប់នៅខែធ្នូ ឆ្នាំ២០២៣ ខណៈគម្រោង IBN Bukit Bintang គ្រោងនឹងបញ្ចប់នៅត្រីមាសទី២ ឆ្នាំ២០២៤”។

លោកបានបន្ថែមទៀតថា “យើងក៏មានគម្រោងថ្មីៗគួរឱ្យទាក់ទាញមួយចំនួនផ្សេងទៀត ដែលបានគ្រោងទុកសម្រាប់ឆ្នាំនេះ រួមទាំងសួនកម្សាន្តមួយលើផ្ទៃដីជាង១៦ហិកតា នៅជិតគម្រោង IBN Highlands City ផងដែរ”៕ The Edge Markets៕

PropNex Cambodia – Professional Start-Up Training Program

 

In addition to operational offices in Phnom Penh, Siem Reap and Sihanoukville, PropNex has expanded to regional operations in Asia with a total salesforce of over 12,000 – Singapore, Indonesia, Malaysia, Vietnam, Cambodia.

The belief in adding value and providing the best service has propelled them to nurture a group of world-class realty professionals that is led by a management team of visionaries. This winning combination has resulted in phenomenal business growth and regional expansion. PropNex Cambodia offers residential project marketing, residential brokerage, commercial brokerage, land and investment, property consultation, and property management.

Their training program held on the 20-25th Januaury 2022 consisted of 7 powerful sessions by experienced trainers, for PropNexians who want to gain insight on Cambodia’s real estate market, laws, negotiation and closing techniques, and many more topics that are beneficial to kickstart their careers.

Yong Hock, KEO of PropNex Singapore came to Cambodia to host the training program. His huge support has been a burst of motivation and encouragement to PropNexians. His educational lessons and knowledge on real estate, team-building exercises, finding your inner self exercises along many others have been very useful, beneficial, and insightful. PropNex greatly appreciates his enthusiasm and sense of humour making the training program educational at the same time enjoyable. Also special thanks to Alan Neo, Chairman of PropNex Cambodia for organizing this training program, the internal staff team, and to Thida Ann, Managing Director of PropNex Cambodia, Manith Khiev, Sothea Hem, Sandy Chua, and Leang Khim for such outstanding presentations.

PropNex is a family orientated company, everyone looks out for one another. Join the family and stay tuned for their upcoming training program this year.

PropNex Cambodia, the service you can trust.

សហភាពអឺរ៉ុបបោះទុនជាង៤៩ពាន់លានដុល្លារផលិតបន្ទះឈីបដើម្បីដណ្ដើមទីផ្សារអាស៊ី

ដោយៈសុខុម

អន្តរជាតិ: សហភាពអឺរ៉ុប កាលពីថ្ងៃអង្គារទី៨ កុម្ភៈ បានបង្ហាញផែនការបង្កើន ការផ្គត់ផ្គង់បន្ទះឈីបដល់ទៅ៤ដងនៅអឺរ៉ុប ត្រឹមឆ្នាំ២០៣០ ដោយសង្ឃឹមថា នឹងអាចកាត់បន្ថយការពឹងផ្អែករបស់ប្លុកនេះ លើតំបន់អាស៊ី សម្រាប់បន្ទះឈីបដែលជាធាតុផ្សំដ៏សំខាន់ ប្រើប្រាស់ក្នុងរថយន្តអគ្គិសនី និងស្មាតហ្វូន។

ការផលិតបន្ទះឈីបនេះ បានក្លាយជាគោលនយោបាយអាទិភាពជាយុទ្ធសាស្ត្រនៅអឺរ៉ុប ព្រមទាំងសហរដ្ឋអាមេរិកផងដែរ បន្ទាប់ពីវិបត្តិកូវីដ-១៩ បានធ្វើឱ្យរាំងស្ទះការផ្គត់ផ្គង់ ដែលជាហេតុនាំឱ្យដំណើរការផលិតកម្មនៅតាមរោងចក្រនានាជាប់គាំង និងធ្វើឱ្យផលិតផលលក់ដាច់ស្តុកគ្មានសល់។

ការផលិតបន្ទះឈីបពិតជាកាក់កបយ៉ាងខ្លាំង ហើយការផលិតមានច្រើនលើសលប់នៅកោះតៃវ៉ាន់ ប្រទេសចិន និងកូរ៉េខាងត្បូង ហើយប្រទេសជាសមាជិកទាំង២៧របស់សហភាពអឺរ៉ុប ចង់ឱ្យរោងចក្រ និងក្រុមហ៊ុននា​នា​នៅក្នុងប្លុកអឺរ៉ុប បង្កើនការផលិតបន្ទះឈីបដើម្បីដណ្ដើមចំណែកទីផ្សារ។

គណៈកម្មការអឺរ៉ុបលើកឡើងថា ច្បាប់ស្ដីពីបន្ទះឈីប (Chips Act) របស់សហភាពអឺរ៉ុប ដែលគេទន្ទឹងរង់ចាំយ៉ាងអន្ទះសានឹង “ប្រមូលកៀរគរការវិនិយោគសាធារណៈ និងឯកជនឱ្យបាន៤៩,១ពាន់លានដុល្លារអាមេរិក” ហើយនឹង”ធ្វើឱ្យសហភាពអឺរ៉ុប សម្រេចមហិច្ឆតាបង្កើនទ្វេដងនូវចំណែ​កទីផ្សារបច្ចុប្បន្នរបស់ខ្លួន ឱ្យឈានដល់២០%នៅឆ្នាំ២០៣០”។

ប្រធានគណៈកម្មការអឺរ៉ុប លោកស្រី Ursula von der Leyen លើកឡើងថា “យើងបានកំណត់គោលដៅដោយខ្លួនឯង ដើម្បីដណ្ដើមចំណែកទីផ្សារពិភពលោកឱ្យបាន២០% នៃការផលិតបន្ទះឈីបនៅទីនេះ ក្នុងទ្វីបអឺរ៉ុប”។

លោកស្រីបានបន្ថែមថា ដើម្បីឈានដល់កម្រិតនោះ “យើងត្រូវបង្កើនការប្រឹងប្រែងផលិតឱ្យបានគុណនឹង៤” ដោយសារមានតម្រូវការកើនឡើងខ្លាំងទូទាំងពិភពលោក។

លោក Thierry Breton ឧត្ដមស្នងការទទួលបន្ទុកឧស្សាហកម្មរបស់សហភាពអឺរ៉ុបបានជំរុញឱ្យពលរដ្ឋអឺរ៉ុប មានមហិច្ឆតាធំដែលស្របនឹងផែនការស្រដៀងគ្នា នៅក្នុងសហរដ្ឋអាមេរិក ដែលរដ្ឋការប្រធានាធិបតីចូ បៃឌិន កំពុងស្នើឱ្យសភាអាមេរិក អនុម័តផែនការមួយ ដែលមានទំហំទឹកប្រាក់៥២ពាន់លានដុល្លារ៕  Arab News៕