ដោយៈគង់ សូរិយា

       ភ្នំពេញៈ មជ្ឈមណ្ឌលពាណិជ្ជកម្មចម្រុះ រួមមានលំនៅដ្ឋានសហកម្មសិទ្ឋ ការិយាល័យ ផ្សារទំនើប សណ្ឋាគារផ្កាយ៥ SUNWAH PEALកំពស់៥២ជាន់ នឹងចាប់ផ្តើមសាងសង់នាពេលឆាប់ៗនេះ។

ប្រភពពីថ្នាក់ដឹកនាំក្រុមហ៊ុនសាងសង់ លំដាប់ពិភពលោកនៅកម្ពុជាបានឲ្យដឹងថា បច្ចុប្បន្នក្រុមហ៊ុននេះ កំពុងធ្វើការជាមួយក្រុមហ៊ុនសាងសង់ ដែលនឹងបញ្ចប់ នៅអំឡុងខែមករាខាងមុខនេះ ហេតុនេះក្រុមហ៊ុននេះនឹង​ចាប់ផ្តើមគំរោងរបស់ខ្លួន នៅក្រោយពិធីបុណ្យចូលឆ្នាំចិនខាងមុខនេះ បើសិន​ជាគ្មានការប្រែប្រួលទេនោះ។

លោកបន្តថា “sunwah Peal នឹងចំណាយថវិកាប្រមាណ១៥០លាន​ដុល្លារ ដើម្បីសាងសង់មជ្ឈមណ្ឌលពាណិជ្ជកម្មកំពស់ជាង២០០ម៉ែត្ររបស់ខ្លួន”។

Sunwah Peal មានទីតាំងនៅជាប់គ្នានឹងគំរោងThe PeAK និងស្ថិតនៅទល់មុខមជ្ឈមណ្ឌលកំសាន្ត និងកាស៊ីណូNaga World1។

ក្រុមហ៊ុនSUNWAH បានផ្អាកសកម្មភាពវិនិយោគគំរោងនេះជាយូរ​មកហើយ ដោយសារស្ថានភាពផ្ទៃក្នុង ក្រុមហ៊ុនមានបញ្ហា និងបញ្ហាជាច្រើនទៀត។

គម្រោង The Sunwah Pearl Phnom Penh មានទីតាំងស្ថិតនៅលើផ្លូវសួនច្បារសម្តេចហ៊ុនសែន និងនៅចំណុចប្រសព្វនៃទន្លេចំនួន ៣ គឺទន្លេមេគង្គ ទន្លេសាប និងទន្លេបាសាក់។

ទីតាំងគម្រោងនៅក្បែរព្រះបរមរាជវាំង នេះជាតំបន់ដែលដីមានហាងឆេងខ្ពស់ព្រោះស្ថិតក្នុងខណ្ឌដូនពេញ ជាខណ្ឌដែលប្រមូលផ្ដុំទៅដោយស្ថានទូតប្រទេសនានា ជាចំណុចបេះដូងនៃពាណិជ្ជកម្ម និងនយោបាយ ព្រមទាំងសារមន្ទីរជាតិផងដែរ។

គម្រោងដ៏ធំនេះ មានអាផាតម៉ិនប្រណីត រហូតដល់ទៅ២.៤០០យូនីត មានអគារការិយាល័យលំដាប់ខ្ពស់កម្ពស់១៨ជាន់ចំនួន១ សណ្ឋាគារលំដាប់ផ្កាយ៥ចំនួន១ មជ្ឈមណ្ឌលលក់ទំនិញខ្នាតធំ១ ក្លឹបឯកជន កន្លែងគយគន់ទេសភាព អាងហែលទឹក ក្លឹបហាត់ប្រាណ និងចំណតរថយន្ត។

ទីតាំងដ៏ល្អនេះ ធ្វើឱ្យអ្នកអាចស្រូបយកខ្យល់អាកាសដ៏បរិសុទ្ធ និងគយគន់ទេសភាពដ៏ស្រស់ត្រកាល នៃទន្លេប្រសព្វទាំង៣៕

ដោយៈវឌ្ឍនៈ

ភ្នំពេញៈ សកម្មភាព វិនិយោគនៅតាមតំបន់នានា ក្នុងប្រទេសកម្ពុជា ត្រូវបានរំពឺងថា នឹងងើបឡើងវិញនៅពេលឆាប់ៗនេះ បន្ទាប់ពីរាជរដ្ឋាភិបាលបានប្រកាសបើកប្រទេសបើកសេដ្ឋកិច្ច និងបើកឱ្យអ្នកដំណើរបរទេសចូលមកកម្ពុជាឡើងវិញ។

ក្នុងនោះដែរការវិនិយោគ នៅតាមច្រកព្រំដែនកម្ពុជា និងប្រទេសជិតខាងក៏ត្រូវបានរំពឹងថា នឹងមានសកម្មភាពកាន់តែខ្លាំង នៅដើមឆ្នាំ២០២២ ហើយក្រុងបាវិត ដែលជាច្រកព្រំដែនកម្ពុជា វៀតណាមក៏រំពឹងថា មានសន្ទុះងើបឡើងវិញឆាប់ៗនេះដែរផងដែរ។

លោកសំ សុខនឿនប្រធានសមាគមអចលនទ្រព្យសកលបានមានប្រសាសន៍នៅព្រឹកថ្ងៃទី៩ ធ្នូ២០២១នេះឱ្យដឹងថា បញ្ហាសំខាន់ៗពីរបានកើតឡើង ក្នុងរយៈប្រមាណ២ឆ្នាំកន្លងមកនេះ គឺការបិទហ្គេមអនឡាញ ដែលធ្វើឱ្យជនជាតិចិនជាច្រើន ចាកចេញពីកម្ពុជា និងពីក្រុងបាវិត និងបញ្ហាមួយទៀតគឺកូវីដ១៩ បានធ្វើឱ្យវិស័យអចលនទ្រព្យ នៅតាមបណ្ដាខេត្ត ក៏ដូចជា ព្រំដែនកម្ពុជា និងតំបន់ដែលធ្លាប់តែមានចលនាខ្លាំង នៃការទិញលក់ ក៏ដូចជា តម្លៃដីធ្លីនៅតាមតំបន់សំខាន់ៗមួយចំនួន រួមទាំងក្រុងបាវិតបានរងផលប៉ះពាល់ផងដែរ។

លោកបន្តថា ក្រុងបាវិតត្រូវបានចាត់ទុកថាតំបន់ ដែលមានសក្ដានុពលមួយ ក្នុងចំណោមតំបន់ ដែលមានសក្ដានុពលជាច្រើនទៀតក្នុងប្រទេសកម្ពុជា ហើយមកដល់ពេនេះសន្ទុះ នៃការទិញលក់អចលនទ្រព្យនៅក្នុងក្រុងបាវិត មិនទាន់ងើបឡើងនៅឡើយទេ ចាប់តាំងពីការចាកចេញរបស់ចិន ដោយសារតែបិទហ្គេមអនឡាញនិងបញ្ហាកូវីដ១៩”។

ប៉ុន្តែលោកជឿជាក់ និងសង្ឃឹមថា សន្ទុះនៃការទិញលក់អចលនទ្រព្យនៅក្រុងបាវិត ច្រកព្រំដែនកម្ពុជា វៀតណាមនឹងកើនឡើងវិញនៅដើមឆ្នាំក្រោយឆ្នាំ២០២២ ជាពិសេសបន្ទាប់ពីពិធីបុណ្យចូលឆ្នាំចិនរួច ដោយរំពឹងថាវិនិយោគិនចិននឹងត្រលប់មកកម្ពុជាវិញ ស្វែងរកការវិនិយោគនៅច្រកព្រំដែនកម្ពុជាវៀតណាមមួយនេះ ។

លោកបន្តថា “បាវិតគឺជាក្រុងមួយដែលមានសក្ដានុពលខ្លាំង ដែលអាចទាក់ទាញវិនិយោគិនបរទេស ចូលមកបណ្ដាក់ទុនវិនិយោគ និងធ្វើឱ្យក្រុងមួយនេះ ក្លាយជាទីក្រុងធំមួយនៅក្នុងប្រទេសកម្ពុជា”។

លោកឧកញ៉ានួន រឹទ្ធីក៏បានបញ្ជាក់ថា បាវិតនឹងក្លាយជាតំបន់ដែលមានសក្ដានុពលកាន់តែខ្លាំង នៅពេលគម្រោងសាងសង់ផ្លូវល្បឿនលឿនរបស់រាជរដ្ឋាភិបាល ចាប់ផ្ដើមដំណើរការ ខណៈបច្បុប្បន្ននេះ គម្រោងនេះ ស្ថិតនៅក្នុងដំណាក់កាលពីកំពុងសិក្សាផងដែរ។

លោកបន្តថ “នៅពេលផ្លូវល្បឿនលឿន ចេញជារូបរាងនិងឧទាហរណ៍ថាវាបានសង់រួចរាល់ ភ្នំពេញ និងបាវិតកាន់តែខិតជិតគ្នា ដោយសារតែការ​បំព្រួញចំងាយផ្លូវ ហើយពន្លឿនល្បឿនបើកបរ ជាក់ស្ដែងផ្លូវល្បឿនលឿនភ្នំពេញ ក្រុងព្រះសីហនុ បានពង្រួមពីចំងាយជាង២៥០គីឡូ មកត្រឹមក្រោម២០០គីឡូម៉ែត្រប៉ុណ្ណោះ ហើយការបើកបរក៏មិនស្ទះ អាចបើកបរបានថេរ ដោយប្រើពេលកាន់តែខ្លាំង ដូច្នេះអ្នកវិនិយោគនិងទេសចរក៏អាចវិលត្រលប់មកភ្នំពេញបានក្នុងថ្ងៃតែមួយផងដែរ”។

ជាការកត់សម្គាល់ក្រោយពីរាជរដ្ឋាភិបាល សម្រេចបើកប្រទេសឡើងវិញ ក្រោយស្ថានភាពកូវីដ១៩ធូរស្រាលឃើញថា សកម្មភាពវិនិយោគរបស់វិនិយោគិនក្នុងស្រុក និងអន្តរជាតិ ដែលមានវត្តមានក្នុងប្រទេសកម្ពុជាស្រាប់ក៏បញ្ចេញសកម្មភាពជាបន្តបន្ទាប់ ដើម្បីបំពេញតម្រូវការក្នុងប្រទេសកម្ពុជា ហើយនឹងត្រៀមទទួលស្វាគមន៍វិនិយោគិនបរទេសថ្មីៗ ដែលនឹងមកដល់នៅពេលឆាប់ៗនេះដែរ។

ធនាគារអភិវឌ្ឍន៍អាស៊ីកាលពីម្សិលម៉ិញនេះ បានចុះហត្ថលេខាផ្តល់ជំនួយដល់កម្ពុជាប្រមាណ៣៣០លានដុល្លារអាមេរិក ក្នុងនោះជំនួយជាង​១៨០លានដុល្លារ នឹងជួយលើការរៀបចំហេដ្ឋារចនាសម្ព័ន្ឋ ការតភ្ជាប់លើទីក្រុងសំខាន់ៗចំនួនបីផងដែរ ក្នុងនោះក្រុងបាវិតជាទីក្រុងមួយ ដែលទទួល​បានជំនួយអភិវឌ្ឍន៍នេះ៕

ដោយៈវឌ្ឍនៈ

ភ្នំពេញៈ សកម្មភាព វិនិយោគនៅតាមតំបន់នានា ក្នុងប្រទេសកម្ពុជា ត្រូវបានរំពឺងថា នឹងងើបឡើងវិញនៅពេលឆាប់ៗនេះ បន្ទាប់ពីរាជរដ្ឋាភិបាលបានប្រកាសបើកប្រទេសបើកសេដ្ឋកិច្ច និងបើកឱ្យអ្នកដំណើរបរទេសចូលមកកម្ពុជាឡើងវិញ។

ក្នុងនោះដែរការវិនិយោគ នៅតាមច្រកព្រំដែនកម្ពុជា និងប្រទេសជិតខាងក៏ត្រូវបានរំពឹងថា នឹងមានសកម្មភាពកាន់តែខ្លាំង នៅដើមឆ្នាំ២០២២ ហើយក្រុងបាវិត ដែលជាច្រកព្រំដែនកម្ពុជា វៀតណាមក៏រំពឹងថា មានសន្ទុះងើបឡើងវិញឆាប់ៗនេះដែរផងដែរ។

លោកសំ សុខនឿនប្រធានសមាគមអចលនទ្រព្យសកលបានមានប្រសាសន៍នៅព្រឹកថ្ងៃទី៩ ធ្នូ២០២១នេះឱ្យដឹងថា បញ្ហាសំខាន់ៗពីរបានកើតឡើង ក្នុងរយៈប្រមាណ២ឆ្នាំកន្លងមកនេះ គឺការបិទហ្គេមអនឡាញ ដែលធ្វើឱ្យជនជាតិចិនជាច្រើន ចាកចេញពីកម្ពុជា និងពីក្រុងបាវិត និងបញ្ហាមួយទៀតគឺកូវីដ១៩ បានធ្វើឱ្យវិស័យអចលនទ្រព្យ នៅតាមបណ្ដាខេត្ត ក៏ដូចជា ព្រំដែនកម្ពុជា និងតំបន់ដែលធ្លាប់តែមានចលនាខ្លាំង នៃការទិញលក់ ក៏ដូចជា តម្លៃដីធ្លីនៅតាមតំបន់សំខាន់ៗមួយចំនួន រួមទាំងក្រុងបាវិតបានរងផលប៉ះពាល់ផងដែរ។

លោកបន្តថា ក្រុងបាវិតត្រូវបានចាត់ទុកថាតំបន់ ដែលមានសក្ដានុពលមួយ ក្នុងចំណោមតំបន់ ដែលមានសក្ដានុពលជាច្រើនទៀតក្នុងប្រទេសកម្ពុជា ហើយមកដល់ពេនេះសន្ទុះ នៃការទិញលក់អចលនទ្រព្យនៅក្នុងក្រុងបាវិត មិនទាន់ងើបឡើងនៅឡើយទេ ចាប់តាំងពីការចាកចេញរបស់ចិន ដោយសារតែបិទហ្គេមអនឡាញនិងបញ្ហាកូវីដ១៩”។

ប៉ុន្តែលោកជឿជាក់ និងសង្ឃឹមថា សន្ទុះនៃការទិញលក់អចលនទ្រព្យនៅក្រុងបាវិត ច្រកព្រំដែនកម្ពុជា វៀតណាមនឹងកើនឡើងវិញនៅដើមឆ្នាំក្រោយឆ្នាំ២០២២ ជាពិសេសបន្ទាប់ពីពិធីបុណ្យចូលឆ្នាំចិនរួច ដោយរំពឹងថាវិនិយោគិនចិននឹងត្រលប់មកកម្ពុជាវិញ ស្វែងរកការវិនិយោគនៅច្រកព្រំដែនកម្ពុជាវៀតណាមមួយនេះ ។

លោកបន្តថា “បាវិតគឺជាក្រុងមួយដែលមានសក្ដានុពលខ្លាំង ដែលអាចទាក់ទាញវិនិយោគិនបរទេស ចូលមកបណ្ដាក់ទុនវិនិយោគ និងធ្វើឱ្យក្រុងមួយនេះ ក្លាយជាទីក្រុងធំមួយនៅក្នុងប្រទេសកម្ពុជា”។

លោកឧកញ៉ានួន រឹទ្ធីក៏បានបញ្ជាក់ថា បាវិតនឹងក្លាយជាតំបន់ដែលមានសក្ដានុពលកាន់តែខ្លាំង នៅពេលគម្រោងសាងសង់ផ្លូវល្បឿនលឿនរបស់រាជរដ្ឋាភិបាល ចាប់ផ្ដើមដំណើរការ ខណៈបច្បុប្បន្ននេះ គម្រោងនេះ ស្ថិតនៅក្នុងដំណាក់កាលពីកំពុងសិក្សាផងដែរ។

លោកបន្តថ “នៅពេលផ្លូវល្បឿនលឿន ចេញជារូបរាងនិងឧទាហរណ៍ថាវាបានសង់រួចរាល់ ភ្នំពេញ និងបាវិតកាន់តែខិតជិតគ្នា ដោយសារតែការ​បំព្រួញចំងាយផ្លូវ ហើយពន្លឿនល្បឿនបើកបរ ជាក់ស្ដែងផ្លូវល្បឿនលឿនភ្នំពេញ ក្រុងព្រះសីហនុ បានពង្រួមពីចំងាយជាង២៥០គីឡូ មកត្រឹមក្រោម២០០គីឡូម៉ែត្រប៉ុណ្ណោះ ហើយការបើកបរក៏មិនស្ទះ អាចបើកបរបានថេរ ដោយប្រើពេលកាន់តែខ្លាំង ដូច្នេះអ្នកវិនិយោគនិងទេសចរក៏អាចវិលត្រលប់មកភ្នំពេញបានក្នុងថ្ងៃតែមួយផងដែរ”។

ជាការកត់សម្គាល់ក្រោយពីរាជរដ្ឋាភិបាល សម្រេចបើកប្រទេសឡើងវិញ ក្រោយស្ថានភាពកូវីដ១៩ធូរស្រាលឃើញថា សកម្មភាពវិនិយោគរបស់វិនិយោគិនក្នុងស្រុក និងអន្តរជាតិ ដែលមានវត្តមានក្នុងប្រទេសកម្ពុជាស្រាប់ក៏បញ្ចេញសកម្មភាពជាបន្តបន្ទាប់ ដើម្បីបំពេញតម្រូវការក្នុងប្រទេសកម្ពុជា ហើយនឹងត្រៀមទទួលស្វាគមន៍វិនិយោគិនបរទេសថ្មីៗ ដែលនឹងមកដល់នៅពេលឆាប់ៗនេះដែរ។

ធនាគារអភិវឌ្ឍន៍អាស៊ីកាលពីម្សិលម៉ិញនេះ បានចុះហត្ថលេខាផ្តល់ជំនួយដល់កម្ពុជាប្រមាណ៣៣០លានដុល្លារអាមេរិក ក្នុងនោះជំនួយជាង​១៨០លានដុល្លារ នឹងជួយលើការរៀបចំហេដ្ឋារចនាសម្ព័ន្ឋ ការតភ្ជាប់លើទីក្រុងសំខាន់ៗចំនួនបីផងដែរ ក្នុងនោះក្រុងបាវិតជាទីក្រុងមួយ ដែលទទួល​បានជំនួយអភិវឌ្ឍន៍នេះ៕

ដោយៈ សុភ័ណ្ឌ

បន្ទាយមានជ័យៈ សមាគមសហគ្រិនឆ្នើមកម្ពុជា(CBE) បានផ្ដល់នូវវគ្គបណ្ដុះបណ្ដាលពិសេសមួយគឺ “យុទ្ធសាស្ត្រ៤៤៤៤ ត្រៀមខ្លួនសម្រាប់ការងើបឡើងវិញសេដ្ឋកិច្ច-សង្គម” ក្រោមការឧបត្ថម្ភរៀបចំកម្មវិធីទាំងមូលដោយក្រុមហ៊ុនអភិវឌ្ឍន៍លំនៅឋានលី ហេង គ្រុប។

កម្មវិធីនេះ ធ្វើឡើងក្រោមអធិបតីលោក គាត ហ៊ុល អភិបាលក្រុងប៉ោយប៉ែត និងបានធ្វើឡើងនៅឯភោជនីយដ្ឋានមាតុភូមិ ក្រុងប៉ោយប៉ែត។

វគ្គសិក្សាពិសេសនេះ ត្រូវបានសហការរៀបចំឡើង ដោយសមាគមសហគ្រិនឆ្នើមកម្ពុជា(CBE) ដែលមាន លោកជំទាវ ចុង ជីងម៉ី ជាប្រធានសមាគម ព្រមទាំងជាអគ្គនាយិកា ក្រុមហ៊ុនអភិវឌ្ឍន៍លំនៅឋាន លីហេង គ្រុប បានធ្វើការសហការជាមួយ នឹងក្រុមហ៊ុនថ្នាំពណ៌ជាតិ Cam-paint ដែលមានលោកសោម សម្បត្តិ ជានាយកប្រតិបត្តិ។

បន្ថែមពីនោះ វគ្គបណ្ដុះបណ្ដាលនេះ ក៏ទទួលបាននូវការឧបត្ថម្ភផ្ដាច់មុខ ស្មើនឹងទឹកប្រាក់ប្រមាណ៩០០០ដុល្លា​ ពីលោកឧកញ៉ា លី ហេង ប្រធានក្រុមប្រឹក្សាភិបាល ក្រុមហ៊ុនអភិវឌ្ឍន៍លំនៅដ្ឋានលី ហេងគ្រុបផងដែរ។ ក្រៅពីនេះ ក៏មានវត្តមានបុគ្គលសំខាន់ៗមួយចំនួនទៀត រួមមាន លោក ឈុំ ឆេងហេង តំណាងឱ្យមន្ទីរពេទ្យកុមារអង្គរ លោកប៉ុន បញ្ញា លោកស សំពិសិដ្ឋ លោកភួង សុភ័ណ្ឌ ផងដែរ ដែលសុទ្ធសឹងតែជាបុគ្គលសំខាន់ជួយ   ឲ្យវគ្គបណ្ដុះបណ្ដាល ដ៏មានអត្ថន័យជ្រាលជ្រៅ ប្រកបដោយស្មារតីចែករំលែកក្ដីស្រលាញ់ ចំពោះកុមារកម្ពុជានេះ អាចដំណើរការបានយ៉ាងជោគជ័យ។

លោកជំទាវ ចុង ជីងម៉ី ប្រធានសមាគមសហគ្រិនឆ្នើមកម្ពុជា(CBE) ព្រមទាំងជាអគ្គនាយិកា ក្រុមហ៊ុនអភិវឌ្ឍន៍លំនៅឋានលី ហេងគ្រុប បានបង្ហាញចំណាប់អារម្មណ៍ថា “ខ្ញុំពិតជាមានអារម្មណ៍ សប្បាយរីករាយឥតឧបមា សម្រាប់ការផ្ដល់នូវវគ្គបណ្ដុះបណ្ដាលជួយដល់ បងប្អូនម្ចាស់អាជីវកម្មដែលកំពុងមានបញ្ហាជាប់គាំង ដោយសារតែកូវីដ១៩ផង ព្រមទាំងអាចប្រមូលថវិកាជួយដល់មន្ទីរពេទ្យកុមារអង្គរ ដែលបានជួយសង្គ្រោះកុមារកម្ពុជាជាច្រើនរយនាក់”។ ​

លោកជំទាវបានបន្ថែមថា “ចាប់តាំងពីបើកប្រទេសឡើងវិញ កាលពីថ្ងៃទី១ វិច្ឆិកា ឆ្នាំ២០២១កន្លងមក ខ្ញុំសង្កេតឃើញថា ក្រុងប៉ោយប៉ែត ចាប់ផ្ដើមអ៊ូអរ និងមានចរន្តសេដ្ឋកិច្ចដើរឡើងវិញបណ្ដើរៗ ជាពិសេសបងប្អូនដែលជាសមាជិក សហគ្រិន របស់យើងចាប់ផ្ដើមដំណើរការអាជីវកម្មឡើងវិញក្រោយពីបិទខ្ទប់មួយរយៈ”។

លោកជំទាវក៏បានបញ្ជាក់អំពី សហគ្រិនឆ្នើមកម្ពុជា គឺជាសមាគមមួយដែលបង្កើតឡើងក្នុងចក្ខុវិស័យ ចងក្រងបណ្ដាញសហគ្រិន ដើម្បីសហការគ្នា រីកចម្រើន ជួយជំរុញសេដ្ឋកិច្ចជាតិ។ ចំពោះបេសកកម្មរបស់យើងគឺចង់ចងបណ្ដាញពាណិជ្ជករទាំងអស់ ឱ្យចេះចែករំលែកបទពិសោធន៍ ក៏ដូចជាចំណេះដឹង ទោះបីជាមានអាជីវកម្មតូចឬធំ ដូចគ្នា ឬមិនដូចគ្នា ក៏យើងនៅតែចែករំលែកចំណុចល្អៗ និងជួយកែសម្រួលចំណុចខ្វះខាតឱ្យគ្នាទៅវិញទៅមក។

សហគ្រិនឆ្នើមកម្ពុជា ចាប់ផ្ដើមឡើងនៅក្នុងខែមករា ឆ្នាំ២០២០ ពោ​លគឺក្នុងសម័យកាលកូវីដ១៩ ចាប់ផ្ដើមផ្ទុះឡើងដូចគ្នា ប៉ុន្តែពួកយើងនៅតែបន្តសកម្មភាពជួបជុំ ចែករំលែក និងសួរសុខទុក្ខគ្នា តាមប្រព័ន្ធអនឡាញជាប់ជានិច្ចផងដែរ។​ នាពេលបច្ចុប្បន្ននេះ សមាជិកសហគ្រិនឆ្នើមកម្ពុជាមានជាង២០នាក់ ជាមួយនឹងអាជីវកម្មប្រហែល៧០មុខផ្សេងៗពីគ្នា។

លោកគាត ហ៊ុលអភិបាលក្រុងប៉ោយប៉ែត បានសម្ដែងអារម្មណ៍រំភើបជាមួយនឹងវគ្គបណ្ដុះបណ្ដាល ដែលរៀបចំឡើងដោយសមាគមសហគ្រិនឆ្នើមកម្ពុជា ដែលបានបង្កើតឡើង ក្នុងគោលបំណងដើម្បីកសាង ពង្រឹងសមត្ថភាពសហគ្រិន សម្រាប់ការបើកសេដ្ឋកិច្ចឡើងវិញ ក្រោយពីវិបត្តិកូវីដ១៩ និងការប្រមូលថវិកាចូលរួមឧបត្ថម្ភ ដល់មន្ទីរពេទ្យកុមារអង្គរ ដើម្បីបន្តនិរន្តរភាពការងារឱ្យកាន់តែប្រសើរឡើង។

លោកគាត ហ៊ុលក៏បានលើកឡើងពីកំណើនសេដ្ឋកិច្ច នៅក្នុងក្រុងប៉ោយប៉ែត នារយៈពេលប៉ុន្មានឆ្នាំចុងក្រោយនេះ ដែលមានភាពរីកចម្រើនខ្លាំងទៅលើវិស័យដីធ្លី សណ្ឋាគារ កាស៊ីណូ សំណង់ផ្ទះល្វែង និងវិស័យឧស្សាហកម្ម ដែលធ្វើឱ្យសេដ្ឋកិច្ចប្រជាពលរដ្ឋ មានការរីកចម្រើនខ្លាំងមុនពេលផ្ទុះជំងឺកូវីដ១៩។

បន្ថែមពីនោះ លោកក៏បានលើកទឹកចិត្ត ឱ្យសមាជិកសហគ្រិនឆ្នើមកម្ពុជាទាំងអស់ ជួយទាក់ទាញអ្នកវិនិយោគិនគ្រប់ប្រភេទ ឱ្យចូលមកធ្វើការវិនិយោគក្នុងក្រុងប៉ោយប៉ែត ឱ្យបានកាន់តែច្រើនឡើងផងដែរ។

លោកក៏បានលើកឡើងពីអ្វី ដែលរដ្ឋបាលក្រុងប៉ោយប៉ែត ធ្លាប់បានធ្វើនាពេលកន្លងមកផងដែរ រួមមានការជួយដោះស្រាយបញ្ហាខ្វះខាតរបស់ប្រជាពលរដ្ឋ ការផ្ដល់នូវការចាក់វ៉ាក់សាំង ជូនប្រជាពលរដ្ឋជាង១សែននាក់ ព្រមទាំងការចូលរួមប្រណាំងប្រជែង ទីក្រុងស្អាតទូទាំងប្រទេសចំនួន២លើក ដោយលើកទី១ទទួលបានជ័យលាភី ផ្ការំដួលមួយទង និងលើកទី២ទទួលបានផ្ការំដួលចំនួន២ទង ហើយក្នុងនាមជាថ្នាក់ដឹកនាំក្រុង លោកក៏ប្ដេជ្ញាខិតខំធ្វើអ្វីៗគ្រប់យ៉ាង ដើម្បីអាចដណ្ដើមជ័យលាភីផ្ការំដួល៣ទងឱ្យបាននាឆ្នាំ ២០២២ ព្រោះរដ្ឋបាលក្រុងមានគម្រោង កសាងសួនច្បារតេជោឈ្នះ ឈ្នះ នៅតាមបណ្ដោយផ្លូវជាតិលេខ៥ និងកសាងរង្វង់មូលដែលជាអត្តសញ្ញាណក្រុងប៉ោយប៉ែត នៅច្រកទ្វារអន្តរជាតិបន្ថែមទៀត។

នៅក្រោយពេលបញ្ចប់វគ្គបណ្ដុះបណ្ដាល ជាមួយម្ចាស់អាជីវកម្ម៧០នាក់ មកពីវិស័យផ្សេងៗគ្នាយ៉ាងជោគជ័យ សមាគមសហគ្រិនឆ្នើមកម្ពុជា ប្រមូលថវិកាសរុបបាន៥ពាន់ដុល្លារសហរដ្ឋអាមេរិក ជូនទៅដល់មន្ទីរពេទ្យកុមារអង្គរ ជាក្ដីសង្ឃឹមរបស់កុមារជាមធ្យម៣៥០នាក់ក្នុងមួយថ្ងៃ ដែលបានមកទទួលការព្យាបាល នៅមន្ទីរពេទ្យនេះជារៀងរាល់ថ្ងៃ នៅខណៈពេលដែលមូលនិធិជំនួយពីក្រៅប្រទេស ជួយមកកាន់មន្ទីរពេទ្យកុមារអង្គរមានកាន់តែតិចទៅៗ។

លោក ឈុំ ឆេងហេង ប្រធានផ្នែករៃអង្គាសមូលនិធិ នៃមន្ទីរពេទ្យកុមារអង្គរបានឱ្យដឹងថា មន្ទីរពេទ្យកុមារអង្គរ បានចាប់ផ្ដើមឡើងក្នុងឆ្នាំ ១៩៩៩ ដោយជាងថតរូបជនជាតិជប៉ុនម្នាក់ឈ្មោះ ខិនរ៉ូ អ៊ីហ្ស៊ុក។ អស់រយៈកាល ២០ឆ្នាំមកនេះ មន្ទីរពេទ្យនេះបានផ្ដល់សេវាកម្ម ពិនិត្យ ព្យាបាលជូនកុមារកម្ពុជាប្រមាណ២.៥លានករណីនៅទូទាំងប្រទេស។

បន្ថែមពីនោះ មន្ទីរពេទ្យកំពុងប្រតិបត្តិការកិច្ចការងារសំខាន់ៗ ៣យ៉ាងគឺ៖ ផ្ដល់ការព្យាបាល ផ្ដល់ការអប់រំបណ្ដុះបណ្ដាលអ្នកថែទាំវេជ្ជសាស្ត្រ និងកម្មវិធីអប់រំបង្ការនៅតាមសហគមន៍។

លោកឈុំ ឆេងហេងបានបន្តថា ជាមធ្យម មន្ទីរពេទ្យនេះត្រូវការថវិកាប្រមាណ៦លានដុល្លារក្នុង១ឆ្នាំ សម្រាប់ទ្រទ្រង់ការចំណាយលើប្រតិបត្តិការទាំងមូលរបស់មន្ទីរពេទ្យ ហើយក្នុងអំឡុងឆ្នាំ២០២០ និង២០២១ នៃការផ្ទុះជំងឺកូវីដ១៩នេះ ក៏បានធ្វើឱ្យប៉ះពាល់ដល់ជំនួយមូលនិធិ សម្រាប់មន្ទីរពេទ្យកុមារអង្គរផងដែរ។ អាស្រ័យហេតុនេះហើយ ទើបបានជាលោកសុំធ្វើការអំពាវនាវឱ្យប្រជាពលរដ្ឋកម្ពុជា មកពីគ្រប់មជ្ឈដ្ឋាន ចូលរួមក្នុងការបរិច្ចាគថវិកាផ្ទាល់ខ្លួនតាមលទ្ធភាព ដើម្បីចូលរួមក្នុងការធានានិរន្តភាពមន្ទីរពេទ្យកុមារអង្គរ ឱ្យបានយូរអង្វែងបន្តទៀត៕

ដោយៈ សុផារី

កណ្តាលៈ ក្នុងពិធីអញ្ជើញចុះពិនិត្យការសាងសង់ អាកាសយានដ្ឋានអន្តរជាតិភ្នំពេញថ្មី ដែលត្រូវបានប្រសិទ្ធនាមថា “អាកាសយានដ្ឋានអន្តរជាតិតេជោ” ជាលើកទី២ នាព្រឹកថ្ងៃទី៩ ខែធ្នូ នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានពន្យល់ មូលហេតុសាងសង់អាកាសយានដ្ឋានថ្មីនេះ ដោយកម្ពុជាមានគោលដៅទទួលទេសចរណ៍រហូតដល់១៥ ទៅ២០លាននាក់នាពេលខាងមុខ។

សម្ដេចតេជោ បានមានប្រសាសន៍លើកជាសំណួរថា ហេតុអ្វីនៅរាជធានីភ្នំពេញ និងនៅសៀមរាបមានព្រលានយន្តហោះហើយ ចាំបាច់ត្រូវធ្វើព្រលានយន្តហោះថ្មីថែមទៀត?

សម្ដេចប្រមុខរាជរដ្ឋាភិបាលបានអះអាងថា “ពិតមែនហើយថា ព្រលានយន្តហោះទាំងនោះ អាចផ្គត់ផ្គង់តម្រូវការបា នកាលពីសម័យទសវត្ស​រ៍ឆ្នាំ៨០ និង៩០ ប៉ុន្តែមកដល់ឥឡូវនេះ គឺមិនអាចទទួលបានទេ នៅពេលដែលប្រទេសមានការរីកចម្រើន និងទេសចរណ៍កាន់តែច្រើន”។

សម្តេចតេជោ ហ៊ុន សែន មានប្រសាសន៍បន្តថា យើងទទួលបានទេស​ចរត្រឹមតែ៦,៦លាននាក់នៅ ឆ្នាំ២០១៦ តែយើងមិនត្រឹមតែចង់បានអ្នកទេសចរ ៦,៦លាននាក់នោះទេ។ គោលដៅរបស់យើង នឹងទទួលទេសចររហូតដល់ ១៥ លាននាក់ទៅ ២០ លាននាក់ឯណោះ ដូច្នេះហើយទើបមានតម្រូវការនៃការពង្រីកព្រលានយន្តហោះថ្មីនេះ។

សម្ដេចតេជោ ហ៊ុន សែន មានប្រសាសន៍ថា នេះគឺជាសេចក្តីត្រូវការ នៃការពង្រីកសមត្ថភាព ក្នុងការទទួលជើងហោះហើរ ទាំងក្រៅប្រទេសនិងក្នុងប្រទេស។ សម្ដេចតេជោ ហ៊ុន សែនបញ្ជាក់ថា ព្រលានយន្តហោះដែលមានបច្ចុប្បន្ន មិនអាចទាញយកផលប្រយោជន៍ ពីការបើកចំហជើងមេឃសម្រាប់បម្រើដល់វិស័យទេសចរណ៍ ដែលនឹងកើនឡើងកាន់តែច្រើនបានទេ។

សម្តេចតេជោហ៊ុន សែន មានប្រសាសន៍បន្ថែមទៀតថា សមត្ថភាពរបស់អាកាសយានដ្ឋានបច្ចុប្បន្ន ក្នុងមួយពេលអាចទទួលបានត្រឹមតែយន្តហោះប៉ុន្មានគ្រឿងប៉ុណ្ណោះ សម្រាប់នៅភ្នំពេញ ហើយកាន់តែតិចទៅ ទៀត សម្រាប់នៅសៀមរាប ដែលអាចចុះចតបានត្រឹមតែយន្តហោះធុនតូចៗប៉ុណ្ណោះ។ សម្រាប់នៅភ្នំពេញ អាចចុះចតយន្តហោះធុនធំៗបាន ប៉ុន្តែពាក់ព័ន្ធទៅនឹងចំណត ដែលនៅភ្នំពេញ មានក្បាលប្រមោយតែមួយប៉ុណ្ណោះ ដូច្នេះបើមានយន្តហោះចុះចតច្រើន មិនមានអាចមានក្បាលប្រមោយនេះគ្រប់គ្រាន់ទេ។

អាកាសយានដ្ឋានអន្តរជាតិថ្មីនេះ ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល គឺជាគម្រោងអភិវឌ្ឍន៍ លើផ្ទៃដីទំហំ២៦០០ ហិកតា និងជាការវិនិយោគ ដោយក្រុមហ៊ុនវិនិយោគទុនអាណិកជនកម្ពុជា ឬ ហៅ កាត់ថាOCIC ដោយដំណាក់កាលទីមួយ នឹងត្រូវបញ្ចប់ការសាងសង់ក្នុងឆ្នាំ២០២៣ ចំណាយដើមទុនសរុបជាង១,៥ពាន់លានដុល្លារអាមេរិក៕

ដោយៈ ជេស៊ីកា

តាខ្មៅៈសម្តេចតេជោហ៊ុន សែន នាយករដ្ឋមន្រ្តីនៃកម្ពុជាបានថ្លែងថា នៅថ្ងៃទី២៤ ខែធ្នូ ឆ្នាំ២០២១ ខាងមុខនេះ សមាជិក សមាជិកាគណៈកម្មាធិការកណ្តាលគណបក្សប្រជាជនកម្ពុជា ចូលរួមសន្និបាត ដើម្បីសម្រេចទៅលើបេក្ខភាពបន្តវេនរបស់បក្ស និងក្បាលម៉ាស៊ីនគណៈរដ្ឋមន្រ្ត។

ថ្លែងក្នុងឱកាសអញ្ជើញចុះត្រួតពិនិត្យការដ្ឋានសាងសង់ ព្រលានយន្តហោះអន្តរជាតិភ្នំពេញថ្មី ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល នៅព្រឹកថ្ងៃព្រហស្បតិ៍ ទី៩ ខែធ្នូ ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ថា “ថ្ងៃទី២៤(ខែធ្នូ)នេះប្រកាសឱ្យហើយ ថ្ងៃទី២៤នេះ សមាជិក សមាជិកាគណៈកម្មាធិការកណ្តាល ត្រៀមចូលរួមសន្និបាតគណៈកម្មាធិការកណ្តាល ដែលថ្ងៃទី២៤ ខាងមុខនេះចំថ្ងៃសុក្រ ដើម្បីសម្រេចលើបេក្ខភាពទាំងបេក្ខភាពបន្តវេនទាំងស្អីៗ”។

សម្តេចបានបន្ថែមថា ក្នុងសន្និបាតនោះ នឹងមានការងារមួយចំនួនដែលគណៈកម្មាធិការកណ្តាលមានការចាំបាច់ដែលត្រូវធ្វើ។

កាលពីថ្ងៃទី២ ខែធ្នូ ឆ្នាំ២០២១ នៅក្នុងពិធីសម្ពោធផ្លូវ និងប្រព័ន្ធប្រព្រឹត្តកម្មទឹកកខ្វក់នៅខេត្តព្រះសីហនុ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា ប្រកាសគាំទ្រឱ្យ លោកហ៊ុន ម៉ាណែត ធ្វើជាបេក្ខភាពនាយករដ្ឋមន្រ្តីនាពេលអនាគត។ ក្រោ​យការប្រកាសនេះតំណាងក្រសួងស្ថាប័ន អង្គភាពនានា មន្រ្តីរាជការខ្ពង់ខ្ព​ស់ ក៏ដូចជាក្រុមការងារគណបក្សប្រជាជនកម្ពុជា សមាគមន៍ និងវិស័យឯកជន បានចេញញត្តិគាំទ្រដល់ប្រសាសន៍ សម្តេចតេជោ និងកោតសរសើរពីភាពស័ក្តិសមនៃបេក្ខភាព លោក ហ៊ុន ម៉ាណែត។

សម្តេចបានបញ្ជាក់ថា “យើងនឹងដំណើរការសន្និបាត ខ្ញុំអត់បង្ហាញទេក្រៅពីមនុស្សប៉ុន្មាននាក់ គឺគណៈរដ្ឋមន្រ្តីថ្មីមួយ ត្រូវបានត្រៀមរៀបចំរួចហើយ សម្រាប់ពួកក្មេងជំនាន់ក្រោយ ផ្តាំទៅអ្នកឯងទៅ គណៈរដ្ឋមន្រ្តីនេះមានបណ្ឌិតជិតពាក់កណ្តាល ក្រៅពីនោះ អនុបណ្ឌិត”។

សម្តេចបានលើកឡើងថា គណៈរដ្ឋមន្រ្តីថ្មីនេះជាធនធានល្អរបស់គណ​បក្សប្រជាជន ដែលមានអាយុក្រោម៦០ឆ្នាំ ហើយសម្តេចបានបញ្ជាក់ទៀតថា ផ្ទៃក្នុងរបស់គណបក្សបានឯកភាពគ្នាថា អ្នកដែលមានអាយុលើពី៦០ឆ្នាំនឹងដើរចេញ។

សម្តេចបញ្ជាក់ទៀតថា “ម្សិលមិញប្រជុំផ្ទះខ្ញុំរួចស្រេចបាត់ទៅហើយ ខ្ញុំ ខេង (សម្តេច ស ខេង) ឈុំ (សម្តេចសាយឈុំ) បាញ់ (សម្តេចទៀ បាញ់) ម៉ែន សំអន សម្រេចបញ្ជីគណៈរដ្ឋមន្រ្តីរួចបាត់ គណៈរដ្ឋមន្រ្តីបម្រុង ប៉ុន្តែមិនមែនឆ្នាំ២០២៣ ឆ្នាំ២០២៣ ខ្ញុំនៅតែជាបេក្ខជន ប៉ុន្តែពេលណាមួយគឺជាក់ស្តែង ហើយមាននិរន្តរភាព ក្រុមហ៊ុននានាកុំបារម្ភ អ្នកធ្វើព្រលានយន្តហោះបន្តធ្វើទៅ វាច្បាស់ណាស់ហើយថា បន្ទាប់ពីឪវា គឺកូនវា”៕

ដោយ: សុផារី

កណ្តាល: ថ្លែងនៅក្នុងដំណើរពិនិត្យមើលការដ្ឋានសាងសង់ព្រលានយន្តហោះភ្នំពេញថ្មី នៅស្រុកកណ្តាលស្ទឹង ខេត្តកណ្តាល សម្តេចតេជោហ៊ុនសែន ប្រសិទ្ធិនាមព្រលានយន្តហោះថ្មី ថា “អាកាសយានដ្ឋានអន្តរជាតិតេជោ”។

សម្តេចបានមានប្រសាសន៍ថា ទាក់ទងនឹងដំណើរដើមទងនៃការជ្រើសរើសឈ្មោះនេះថា “នៅប្រទេសរបស់យើងនៅក្នុងតំបន់ស្អាងទៀតសោត បើយើងពិនិត្យលើភូមិសាស្ត្រ អត់ឆ្ងាញ់ប៉ុន្មានទេ។ ព្រះស្រីសុរិយោពណ៌ ជំនាន់តេជោមាស នៅសំរោងទង មកប្រគល់ភារកិច្ចឱ្យតេជោមាស នៅក្នុងស្រុកស្អាងនេះ។”

សម្តេចបានបន្តថា “ប្រវត្តិតំបន់នេះ ប្រវត្តិតេជោធ្វើសកម្មភាព តេជោជំនាន់មុន និងតេជោជំនាន់ក្រោយធ្វើសកម្មភាព។”

សម្តេចបានបញ្ជាក់ថា ការដាក់ឈ្មោះតេជោមិនបានសំដៅលើឈ្មោះរបស់សម្តេចនោះទេ តែសំដៅលើតេជោមាស តេជោយ៉ត។

សម្តេចបានបញ្ជាក់ថា “សូមកុំភាន់ច្រឡំថា តេជោមានតែតេជោសែន ព្រោះខ្ញុំមិនបានដាក់តេជោសែនទេ។ ខ្ញុំក៏ចង់បង្ហាញថា ប្រទេសនេះជាប្រភេទរាជានិយម ព្រោះមានតែព្រះមហាក្សត្រទេ ដែលមានគោរម្យងារ “តេជោ” ។ ហើយមានតែព្រះមហាក្សត្រទេដែលមានសិទ្ធិព្រះរាជទានគោរមងារ “តេជោ” បាន។”

អាកាសយានដ្ឋានអន្តរជាតិតេជោនេះសាងសង់ឡើងលើផ្ទៃដីទំហំប្រមាណ ២៦០០ហិកតា ស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងដីខ្លះស្ថិតនៅក្នុងស្រុកបាទី ខេត្តតាកែវ។ អាកាសយានដ្ឋានអន្តរជាតិតេជោ ជាគម្រោងដ៏ធំនៅក្នុងប្រទេសកម្ពុជាដែលបានវិនិយោគក្នុងទឹកប្រាក់ប្រមាណ ១៥០០លានដុល្លារ ដែលជាគម្រោងវិនិយោគ រវាងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) របស់អ្នកឧកញ៉ា ពុង ឃាវសែ និងក្រុមហ៊ុននៃប្រទេសចិនផងដែរ៕