ក្រសួងដែនដីចេញអាជ្ញាបណ្ណសាងសង់គម្រោងលំនៅឋានជាង ៣.៧២០គម្រោង

ដោយៈវឌ្ឈនៈ

ភ្នំពេញៈ ឆ្នាំ២០២១កន្លងទៅនេះ គម្រោងសាងសង់លំនៅឋាននៅក្នុងប្រទេសកម្ពុជា នៅតែមានកម្រិតមួយខ្ពស់ ដែលសបញ្ជាក់ពីតម្រូវការលំនៅឋានក្នុងបរិបទកូវីដ១៩។

ជាក់ស្ដែងតាមរបាយការណ៍ របស់ក្រសួងរៀបចំដែនដី នគរូនីយកម្មនិងសំណង់ បានបង្ហាញក្នុងឆ្នាំ២០២១ កន្លងទៅកក្រសួងអនុញ្ញាតឱ្យ​សាង​សង់គម្រោងលំនៅឋានចំនួន៣.៧២០គម្រោង។

របាយការណ៍ដដែលបានបន្តថា ក្នុងចំណោមគម្រោងទាំង៣.៧២០គម្រោងនោះ មានគម្រោងបុរីលំនៅឋាន មានលក្ខណៈបុរីចំនួន៨១គម្រោង ស្មនឹងចំនួនផ្ទះ២៧,២៧១ខ្នង គម្រោងផ្ទះល្វែងមានចំនួន៣១.៩៨៥​ល្វែង/ខ្នង និងគម្រោងលំនៅឋានជាអគារសហកម្មសិទិ្ធ មានចំនួន៨៤គម្រោង។

បើតាមអ្នកជំនាញនៃវិស័យអចលនទ្រព្យ ប្រចាំប្រទេសកម្ពុជាបានឱ្យដឹងថា ការសាងសង់គម្រោងលំនៅឋានក្នុងឆ្នាំ២០២១ មិនសុទ្ធតែផ្គត់ផ្គង់ក្នុងឆ្នាំនោះទាំងអស់ទេ តែគម្រោងខ្លួននឹងត្រូវផ្គត់ផ្គង់នៅឆ្នាំក្រោយៗ តែគម្រោងខ្លះ ក៏ត្រូវបានលក់នៅក្នុងឆ្នាំ២០២១នោះដែរ ។

លោកឧកញ៉ាចេង ខេងអគ្គនាយកក្រុមហ៊ុនអចលនទ្រព្យ ស៊ីភីអិល បានឱ្យដឹងថា គម្រោងលំនៅឋាន ដែលបានសាងសង់ដោយបានសិក្សាពីទីផ្សារ និងទីតាងភូមិសាស្ត្រច្បាស់លាស់ នៅតែទទួលបានការគាំទ្រពីអតិថិជន និងប្រជាជនក្នុងប្រទេសកម្ពុជា តែគម្រោងខ្លះទៀត ដែលចេះតែសង់ដោយមិនបានសិក្សាច្បាស់លាស់ឃើញថា មានតែផ្ទះនិងមិនមានមនុស្សរស់នៅ ។

របាយការណ៍របស់ក្រសួងដែនដី នគរូបនីយកម្ម និងសំណង់បានបានបង្ហាញថា ចាប់តាំងពីឆ្នាំ២០០០ដល់ឆ្នាំ២០២១ កម្ពុជាបានចេញអាជ្ញាបណ្ណសាងសង់គម្រោងបុរី លំនៅឋាននិងបណ្ដុំលំនៅឋាន មានលក្ខណៈជាបុរីចំនួន៤៧៤គម្រោង សំណង់សណ្ឋាគារមានចំនួន១.០៥៣ គម្រោង សំ​ណង់អគាពាណិជ្ជកម្ម មានចំនួន ២.៩៥១គម្រោង សំណង់អគាររោងចក្រមានចំនួនច្រើនជាង រហូតដល់១០.៥១២គម្រោង និងសំណង់អគារពហុមុខងារមានចំនួន៣២៣គម្រោង។

ក្នុងឆ្នាំ២០២២នេះ កម្ពុជារំពឹងថា នឹងទទួលបានគម្រោងសាងសង់បន្ថែមទៀត នឹងកើនឡើងវិញក្រោយកម្ពុជា និងពិភពលោកបានរងផលប៉ះពាល់ដោយសារតែកូវីដ១៩ អស់រយៈពេលជិត២ឆ្នាំកន្លងទៅនេះ៕

Megaproject Long Thành Int’l Airport could finish six months earlier than approved date: ACV

Vietnam News Agency spoke to Lại Xuân Thanh, chairman of the board of the State-owned Airports Corporation of Việt Nam, the main investor of the Long Thành International Airport, on the progress of the megaproject in southern Việt Nam.

Can you tell us about the current progress of the project?

2,600ha out of the 5,300ha meant for phase 1 has been handed over to the project. Realistically, construction could start right away even when the land has not been fully cleared, and the most important areas have been handed over, so land issues are not much of a concern.

Some components like bomb clearance and erecting barriers surrounding the airport are ongoing.

After the Tết (traditional Lunar New Year) holiday, or in February, ACV will start the main components like ground levelling, pile foundation, as well as work on the runways.

In line with the Government, ACV is striving to finish the project by June 2025 and maybe even earlier, compared to the National Assembly-approved deadline of December 2025.

The Long Thành international airport is a national key project and the largest scale project in the history of the country’s aviation industry. There are many difficulties, but mostly technical ones, as obstacles regarding administrative procedures have been resolved promptly by relevant authorities.

In addition, Deputy Prime Minister Lê Văn Thành has requested a monthly briefing of this project, with meetings held at different concerned agencies and at the construction sites, in a bid to bring the project to the finish line soon.

In the past two years, given the pandemic, ACV’s revenues were hit quite badly. Will this mean the amount of investment capital the group pours into the project will decrease?

The capital in the project does not change even though our revenues suffered heavily from the COVID-19 fallout. The few hundred billions of đồng in profits are only enough to go into the fund for the development of air infrastructure.

Still, we could manage the financial resources for the airport, and maintained the pledged VNĐ99.019 trillion (US$4.37 billion) in capital and no differences compared to the amount in the pre-feasibility reports that were approved by both the Government and the National Assembly.

We currently have VNĐ36 trillion from the development fund, and the remainder from commercial loans. The Government and the Commission for the Management of State Capital at Enterprises have agreed on the policy of borrowing from domestic banks in US dollar and paying in US dollar to save on interest. ACV is in close coordination with the State Bank, the Commission and domestic commercial banks to develop a detailed plan for submission for the approval of the borrowing plan.

So will this affect the progress of investment into other airports as well?

The capital for upgrading and expanding of other airports was indeed affected, and recently, under the instruction of the Commission, ACV has adjusted the investment plan and the progress, but we are committed to fulfilling the tasks assigned by the State.

ACV also strongly supports the Government’s policy of calling for all economic sectors to invest in airport infrastructure development.

Overall, there is not much disturbance to the development investment plan according to the approved plan of airports, given that there is not just State capital or ACV, but also capital from other investors in the form of Public-Private Partnership (PPP).

How do you assess the engagement of local administrations in handing over land for the airport projects?

ACV is tasked with building, upgrading, and expanding several airport projects across Việt Nam, and we are glad to have received the full support from local administrations, especially with regards to land clearance issues.

គំរោងសាងសង់ផ្លូវជាតិលេខ៤នឹងដេញថ្លៃនឹងបញ្ចប់នៅអំឡុងចុងត្រីមាសទី១ឆ្នាំនេះ

ដោយៈជេស៊ីកា

ភ្នំពេញៈ ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូន លោកវ៉ាស៊ីម សូរិយាបានបង្ហើបឲ្យដឹងថា នីតិវិធីដេញថ្លៃសម្រាប់គម្រោងជួសជុល ពង្រីក និងកែលម្អផ្លូវជាតិលេខ៤ គ្រោងនឹងបញ្ចប់នៅខែមីនាខាងមុន ខណៈការដ្ឋានសាងសង់រំពឹងថានឹងចាប់ផ្តើមនៅឆ្នាំនេះ។

លោកបានមានប្រសាសន៍ឱ្យដឹងដូច្នេះ ក្នុងសន្និបាតបូកសរុបលទ្ធផលការងារឆ្នាំ២០២១ និងលើកទិសដៅការងារឆ្នាំ២០២២ កាលពីថ្ងៃទី ២៧ មករា កន្លងមកនេះ។

ជាក់ស្ដែង គម្រោងលើកកម្ពស់ផ្លូវជាតិលេខ៤នេះ ត្រូវបានចុះកិច្ចសន្យាជាមួយធនាគារពិភពលោក៣ឆ្នាំមកហើយ។

លោកបន្តថា “បច្ចុប្បន្នស្ថិតក្នុងដំណាក់កាលដេញថ្លៃ ដោយបានដេញថ្លៃរួចបាន៣កញ្ចប់ហើយ នៅសល់២កញ្ចប់ទៀត ដែលគ្រោងនឹងបញ្ចប់នៅខែមីនា”។

លោកស៊ុន ចាន់ថុលបានបន្តថា បើតាមផែនការកំណាត់ដែលដេញថ្លៃរួច អាចនឹងចាប់ផ្ដើមបើកការដ្ឋានមុនបណ្ដើរៗ ដើម្បីឱ្យចំណេញពេលវេលា ហើយកំណាត់មិនទាន់ដេញថ្លៃ បាននឹងចាប់ផ្ដើមតាមក្រោយ។

ផ្លូវជាតិលេខ៤ តភ្ជាប់ពីរាជធានីភ្នំពេញ ទៅខេត្តព្រះសីហនុ ដែលមានរយៈចម្ងាយ២៣២គីឡូម៉ែត្រ។ ផ្លូវនេះគឺផ្លូវអាស៊ានមួយខ្សែ តភ្ជាប់មហាតំបន់ពាណិជ្ជកម្មរាជធានីភ្នំពេញ ទៅកំពង់ផែអន្តរជាតិក្រុងព្រះសីហនុ ដែលជាកំពង់ផែទឹកជ្រៅតែមួយគត់នៅកម្ពុជា៕

គំរោងលំនៅដ្ឋាន Green Zone Residence បានចាប់ផ្តើមបើកសម្ភោធនិងលក់ជាផ្លូវការហើយ

ដោយៈគង់ សូរិយា

ភ្នំពេញៈ គំរោងលំនៅដ្ឋានលំហែកាយថ្មីមួយ ដែលមានទទីតាំងនៅជាយរាជធានីភ្នំពេញ បានបើកសម្ភោធ និងលក់ជាផ្លួវការហើយ ស្របពេលនិន្នាការ តម្រូវការទីផ្សារលំនៅដ្ឋានផ្ទះលំហែរកាយកំពុងកើនឡើង។

លោកឧកញ៉ាម៉ន សុខា ស្ថាបនិកគំរោង Green Zone Residence នៅព្រឹកថ្ងៃទី៣០ ខែមករា ឆ្នាំ២០២២កន្លងមកនេះ បានអញ្ជើញជាអធិបតីក្នុង ការបើកគម្រោងនេះជាផ្លូវការ និងបើកលក់ផ្ទះលំហែបែបធម្មជាតិ។

ក្នុងពិធីនេះដែរ ក៏មានការអញ្ជើញចូលរួម ពីសំណាក់អ្នកជំនួញល្បីៗនៅកម្ពុជាជាច្រើនរូប។

លោកឧកញ៉ាម៉ន សុខាដែលជាប្រធានសមាគមអ្នកអភិវឌ្ឍន៍ដីឡូត៍កម្ពុជាផងដែរ បានមានប្រសាសន៍ដា លំនៅឋាននៅក្នុង គម្រោងអភិវឌ្ឍន៍របស់យើង គឺជាជម្រើសមួយដ៏ល្អ ដោយសារផ្ទះថ្មីរបស់ លោកអ្នក ស្ថិតនៅក្នុងតំបន់ កំពុងអភិវឌ្ឍន៍ និងមានហេដ្ឋារចនាសម្ព័ន្ធត្រឹមត្រូវ ដែលមានលក្ខណៈជាសហគមន៍ ធានាបាននូវស្តង់ដារខ្ពស់ប្រកបដោយភាព ទាន់សម័យ ថ្លៃថ្នូរ និងសុវត្ថិភាព។

គម្រោង Green Zone Residence មានទីតាំងស្ថិតនៅភូមិក្រាំងទំនប់ ឃុំចាន់សែន ស្រុកឧដុង្គ ខេត្តកំពង់ស្ពឺ មានចម្ងាយប្រហែល៣៧គីឡូម៉ែត្រ ពីរាជធានីភ្នំពេញ ដែលជាតំបន់មានសក្តានុពលខ្លាំង ជាមួយនឹងផែនការអភិវឌ្ឍន៍ក្នុងគម្រោងសំបូរបែប ដូចជា ប្រព័ន្ធផ្លូវធំទូលាយ (១០,១៥,២០ម៉ែត្រ) សួនកំសាន្តកែច្នៃសំបូរដោយដើមរុក្ខជាតិៗ ផ្កាចំរុះពណ៌ ស្រះទឹកធំអាចជិះទូកលេងកំសាន្ត ភោជនីយដ្ឋាន អាងហែលទឹក កន្លែងក្មេងលេង (Playkround) ស្ថានីយចាក់ប្រេង ហាង កាហ្វេ ផ្សារ សាលារៀន សាលបណ្ដុះបណ្ដាលជាដើម។

គម្រោងnV សាងសង់ធ្វើឡើងលើផ្ទៃដី មានទំហំធំទូលាយ ហើយមានផ្ទះចំនួន៧៧ (ទោល) ៦២ (ភ្លោះ) ដែលង្កើតបានការរស់នៅបែបជាសហគមន៍ ជាមួយបរិយាការស្រស់ស្រាយ ដោយផ្សារភ្ជាប់ជាមួយដើមឈើបៃតង សួនទឹកកំសាន្ត ហាងកាហ្វេ ភោជនីយដ្ឋានជាដើម។

កម្មវិធីថ្ងៃនេះនឹងតាំងបង្ហាញ ពីគម្រោង Green Zone Residence ដែលជាគម្រោងលំនៅឋានផ្តោតលើ សោភណ្ឌភាព គុណភាព និងធម្មជាតិ អាចនិយាយបានថាជាផ្ទះទីពីរ សម្រាប់សម្រាកនៅចុងសប្តាហ៍របស់ប្រជាពលរដ្ឋទូទៅ ឬអាចរស់នៅប្រកប អាជីវកម្មបានផងដែរ ដែលនឹងផ្ដល់នូវបទពិសោធន៍ថ្មីមួយសម្រាប់ ការរស់នៅប្រកបដោយផាសុខភាព ស្រស់ ស្រាយ សប្បាយរីករាយ សុភមង្គល។

នៅក្នុងគម្រោង អ្នកអភិវឌ្ឍន៍បានគិតដិត ពីគុណភាពសំណង់ សោភ័ណភាព ការរស់នៅបែបសម័យថ្មី ផ្សារភ្ជាប់នឹងការលំហែរ ជាមួយគ្នានេះ ក៏មានការធានាពីបញ្ហាសត្វល្អិត កណ្ដៀរបានទៀតផង៕

វៀតណាមកំពុងដំណើរការគម្រោងសាងសង់អាកាសយានដ្ឋានអន្តរជាតិធំបំផុតលើផ្ទៃដីជាង 5000ហិកតា

ដោយៈសុខុម

ហូជីមិញ: ក្រុមហ៊ុនសាជីវកម្ម អាកាសយាដ្ឋានវៀតណាម (Airports Corporation of Việt Nam (ACV)) ដែលគ្រប់គ្រងដោយរដ្ឋ កំពុងតែដំណើរការគម្រោងសាងសង់ អាកាសយានដ្ឋានអន្តរជាតិខ្នាតយក្ស Long Thành នៅប្រទេសវៀតណាម ភាគខាងត្បូង។ នេះបើយោងតាមសារព័ត៌មាន Vietnam News ចុះផ្សាយកាលពីថ្ងៃអាទិត្យ ទី៣០ មករា។

លោក Lại Xuân Thanh ប្រធានក្រុមប្រឹក្សាភិបាលនៃក្រុមហ៊ុនសាជីវកម្ម ACV បានបញ្ជាក់ប្រាប់ទីភ្នាក់ងារព័ត៌មានវៀតណាម (VNA) ថា គម្រោងខ្នាតយក្សនេះ នឹងត្រូវសាងសង់លើផ្ទៃដី រហូតដល់ទៅ៥.៣០០ហិកតា ហើយថាគម្រោងនេះ ទទួលបានដីទំហំ២.៦០០ហិកតារួចហើយសម្រាប់ការអភិវឌ្ឍដំណាក់កាលទី១។

លោកបានបញ្ជាក់ថា “ដំណើរការសាងសង់ អាចនឹងចាប់ផ្ដើមភ្លាមៗ ទោះបីជាដីមិនទាន់ ត្រូវបានឈូសឆាយស្អាតទាំងស្រុងក្ដី ហើយគម្រោងទទួលបានផ្ទៃដីមួយចំនួនធំរួចហើយ ដូចនេះបញ្ហាដីមិនចោទជាបញ្ហាខ្លាំងនោះទេ”។

លោកបន្ថែមទៀតថា ការងារមួយចំនួន ដូចជាការបោសសម្អាតគ្រាប់មីន និងយុទ្ធភ័ណ្ឌមិនទាន់ផ្ទុះ និងការសាងសង់របងការពារ កំពុងតែដំណើរការនៅពេលនេះ។

ក្រោយចូលឆ្នាំថ្មី ប្រពៃណីជនជាតិចិន និងវៀតណាម បញ្ចប់នៅខែកុម្ភៈ ដ៏ខ្លីខាងមុខ ក្រុមហ៊ុនសាជីវកម្ម ACV នឹងចាប់ផ្ដើមការងារសំខាន់ៗដូចជា ការឈូសឆាយពង្រាបដីឱ្យស្មើ ការបុកគ្រឹះ ព្រមទាំងការងារស្ថាបនាផ្លូវយន្តហោះរត់ផងដែរ។

ក្រុមហ៊ុនសាជីវកម្ម ACV គ្រោងសាងសង់គម្រោងខ្នាតយក្សនេះ ឱ្យចប់ជាស្ថាពរនៅត្រឹមខែមិថុនា ឆ្នាំ២០២៥ ស្របតាមអ្វីដែលរដ្ឋាភិបាលបានអនុម័ត ហើយថែមទាំងអាចចប់លឿនជាងនេះទៀតផងក៏ថាបាន បើធៀបនឹងពេលវេលាកំណត់ខែធ្នូ ឆ្នាំ២០២៥ ដែលរដ្ឋសភាបានអនុម័ត។

អាកាសយានដ្ឋានអន្តរជាតិ Long Thành គឺជាគម្រោងជាតិដ៏សំខាន់មួយ និងជាគម្រោងដ៏ធំបំផុតក្នុងប្រវត្តិសាស្ត្រ នៃឧស្សាហកម្មអាកា​សចរណ៍របស់ប្រទេសនេះ។ គម្រោងនេះជួបប្រទះការលំបាកច្រើន ប៉ុន្តែភាគច្រើនជាបញ្ហាបច្ចេកទេស ព្រោះឧបសគ្គនានាទាក់ទិននីតិវិធី រដ្ឋបាលត្រូវបានអាជ្ញាធរដុតដៃដុតជើងដោះស្រាយភ្លាមៗ។

គម្រោងខ្នាតយក្សនេះ មានតម្លៃរហូតដល់ទៅ៤,៣៧ពាន់លានដុល្លារអាមេរិក ហើយត្រូវបានរដ្ឋាភិបាល និងរដ្ឋសភាអនុម័តរួចហើយ។ ដូចនេះ ថ្វីដ្បិតតែក្នុងរយៈពេល២ឆ្នាំមកនេះ ប្រាក់ចំណូលរបស់ក្រុមហ៊ុនសាជីវកម្ម ACV បានធ្លាក់ចុះយ៉ាងខ្លាំង ដោយសារវិបត្តិកូវីដ-១៩ យ៉ាងណាក្ដី ក៏ទំហំចំណាយសម្រាប់គម្រោងខ្នាតយក្សនេះ នៅតែរក្សាទុកឱ្យនៅដដែល៕ Vietnam News៕

ស្រុករតនៈមណ្ឌលខេត្តបាត់ដំបងនឹងទាក់ទាញលំហូរទុនវិនិយោគច្រើននាពេលខាងមុខ

ដោយៈសូរិយាវង្ស

ភ្នំពេញៈ មានចម្ងាយជាង៣០គីឡូម៉ែត្រ ពីទីក្រុងបាត់ដំបង និងស្ថិតនៅលើផ្លូវជាតិ តភ្ជាប់ទៅកាន់ខេត្តប៉ៃលិន ព្រំដែនកម្ពុជា ថៃ ស្រុករតនៈមណ្ឌលខេត្តបាត់ដំបង កំពុងទាក់ទាញការចាប់អារម្មណ៍ ពីវិនិយោគិនក្នុងស្រុក និងបរទេស។

អភិបាលស្រុករតនៈមណ្ឌលខេត្តបាត់ដំំបង លោកគុយ វណ្ណូបានមានប្រសាសន៍ឲ្យដឹងតាមទូរស័ព្ទកាលពីសប្តាហ៍មុនថា មូលដ្ឋាននេះនឹងទាក់ទាញការវិនិយោគបន្ថែមនាពេលអនាគត ខណៈរោងចក្រ សហគ្រាសមួយចំនួនបានបោះទីតាំងនៅមូលដ្ឋាននេះរួចហើយ ពិសេសនាពេលឆាប់ៗខាងមុខ ក្រុមហ៊ុនចិនធំមួយនឹងសាងសង់ រោងចក្រផលិតស៊ីម៉ងត៍នៅក្នុងមូល ដ្ឋា​ននេះ។

លោកបន្តថា “ខ្ញុំបានស៊ីញ៉េលើឯកសារ ទាក់ទងនឹងទំហំដី៨០ហិក​តា ដែលក្រុមហ៊ុននេះបានទិញ ដើម្បីស្នើសុំប័ណ្ណកម្មសិទ្ឋដីធ្លីរួចហើយ ខណៈក្រុមហ៊ុននេះ កំពុងសុំអាជ្ញាប័ណ្ណពី CDC ដើម្បីចាប់ផ្តើមសាងសង់រោងចក្រនាពេលខាងមុខ”។

លោកគុយ វណ្ណូ បានបន្តឲ្យដឹងទៀតថា ដោយសារការបង្កើតរោងចក្រ មួយចំនួន និងមានគំរោងរោងចក្រថ្មីៗនាពេលខាងមុខ បានធ្វើឲ្យតម្លៃដីធ្លីនៅមូលដ្ឋាននេះ ឡើងថ្លៃបណ្តើរៗផងដែរ ប៉ុន្តែវាជាតម្លៃសមរម្យនៅឡើយ ដោយមិនទាន់ឡើងថ្លៃខ្ពស់នៅឡើយទេ បើធៀបនឹងតម្លៃដីនៅក្រុងបាត់ដំបង។

ខេត្តបាត់ដំបង នឹងក្លាយជាទីក្រុងទេសចរណ៍ ដ៏មានប្រជាប្រិយភាពខ្លាំងថែមទៀតនាពេលអនាគត នៅពេលរដ្ឋាភិបាលសាងសង់ផ្លូវជាតិថ្មីមួយខ្សែតភ្ជាប់ពីក្រុងសៀមរាប មកកាន់ក្រុងបាត់ដំបងនាពេលខាងមុខ។

អនុរដ្ឋលេខាធិការ និងជាអ្នកនាំពាក្យក្រសួងសាធារណៈការ និងដឹកជញ្ជូនលោកវ៉ាស៊ីម សូរិយាបានមានប្រសាសន៍ឲ្យដឹងនាពេលកន្លងមកថា គំរោងសាងសង់ផ្លូវជាតិតភ្ជាប់ពីសៀមរាប មកកាន់ក្រុងបាត់ដំបង ស្ថិតនៅក្នុងផែនការអាទិភាពមួយ ដោយការសាងសង់ផ្លួវនេះ មានគោលដៅសំខាន់ៗចំនួន៣ ទី១ គឺសម្រួលដល់ការធ្វើចរាចរណ៍ និងកាត់បន្ថយពេលវេលាធ្វើដំណើរ។

ទី២ ជាការទាក់ទាញភ្ញៀវទេសចរណ៍ ឲ្យស្នាក់នៅកម្ពុជារយៈពេលវែង ដោយធ្វើយ៉ាងណាឲ្យភ្ញៀវចេញពីខេត្តសៀមរាប ឆ្ពោះមកដើរលំហែរ និងស្នាក់នៅក្រុងបាត់ដំបង និងទី៣ នឹងមានការសាងសង់ប៉មខ្ពស់មួយនៅកណ្តាលបឹងទន្លេសាប ដើម្បីឲ្យភ្ញៀវទេសចរណ៍អាចគយគន់ទេសភាព សត្វស្លាប ដែលមានភាពទាក់ទាញខ្លាំងសំរាប់ភ្ញៀវទេសចរណ៍។

រដ្ឋាភិបាលបាននិងកំពុងសិក្សា និងស្តារឡើងវិញនូវព្រលានយន្តហោះខេត្តបាត់ដំបងផងដែរ ប៉ុន្តែគំរោងនេះ បានផ្អាកមួយរយៈពេលខ្លីដោយ​សារបញ្ហាវិបត្តិជំងឺកូវីដ១៩កន្លងមក៕

ខេត្តព្រះសីហនុមានតំបន់អេកូទេសចរណ៍ថ្មីមួយដែលនឹងទាក់ទាញភ្ញៀវទេសចរណ៍

ដោយៈគង់ សូរិយា

ភ្នំពេញៈ តំបន់ព្រែកទឹកសាប ដែលមានសក្តានុពលទេសចរណ៍ព្រៃកោងកាង នៅតំបន់ព្រែកទឹកសាប ស្ថិតនៅភូមិសាស្រ្ត ឃុំរាម ស្រុកព្រៃនប់ ខេត្តព្រះសីហនុ នឹងក្លាយជាផលិតផលទេសចរណ៍ថ្មីមួយ នៅខេត្តជាប់តំបន់ឆ្នេរនេះ។

ក្នុងឱកាសចុះពិនិត្យស្ថានភាពព្រែកទឹកសាប កាលពីចុងសប្តាហ៍មុន លោកគួច ចំរើន អភិបាលនៃគណៈអភិបាល ខេត្តព្រះសីហនុបានណែនាំដល់មន្រ្តីជំនាញ និងអាជ្ញាមូលដ្ឋានត្រូវបំផុសប្រជាពលរដ្ឋ ឱ្យចេះស្រឡាញ់ និងការពារបរិស្ថាន នៅតាមដងព្រែកទឹកសាប និងត្រូវដាំដើមកោងកាងបន្ថែមនៅតាមតំបន់ព្រៃរិចរិល ព្រោះព្រៃកោងកាងជាជម្រកបក្សាបក្សី និងជាមន្ទីរសម្ភពរបស់មច្ឆាជាតិ ហើយប្រជាសហគមន៍ អាចចេញទៅនេសាទយកមកផ្គត់ផ្គង់ជីវភាពគ្រួសារ និងបម្រើដល់វិស័យទេសចរណ៍ក្នុងសហគមន៍ផងដែរ។

លោកបន្តថា តំបន់ព្រែកទឹកសាបនេះ នឹងក្លាយជាតំបន់អេកូទេស​ចរណ៍មួយ ដ៏ទាក់ទាញភ្ញៀវទេសចរក្នុងស្រុក និងភ្ញៀវបរទេសនាពេលខាងមុខ។

នៅតាមបណ្តោយព្រែកទឹកសាបនេះ មានរុក្ខជាតិដុះចម្រុះជាច្រើនមានដូចជា ដើមកោងកាង ដើមក្រញឹប ដើមស្មាច់ ដើមចាក និងរុក្ខជាតិព្រៃលិចទឹកចម្រុះ ជាច្រើនប្រភេទផ្សេងទៀត ទន្ទឹមនោះក៏មានមច្ឆាជាតិ និងសត្វស្លាបជាច្រើនប្រភេទ ជាពិសេសត្រីផ្សោតសមុទ្រ ដែលជាសក្តានុពលដ៏សម្បូរបែប អាចទាក់ទាញភ្ញៀវទេសចរណ៍ ជិះទូកលេងកម្សាន្តទស្សនាព្រៃកោងកាង មច្ឆាជាតិ និងសត្វស្លាបគ្រប់ប្រភេទនៅតាមព្រែកនេះផងដែរ៕

សម្តេចតេជោអញ្ជើញបើកការដ្ឋានសាងសង់ស្ពានអាកាសថ្មីមួយនៅព្រឹកថ្ងៃនេះ

ដោយៈគង់ សូរិយា

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នឹងអញ្ជើញបើកការដ្ឋានសាងសង់ស្ពានអាកាសថ្មីមួយទៀត ក្នុងរាជធានីភ្នំពេញ ដើម្បីសម្រួល និងរំដោះការកកស្ទះចរាចរណ៍ ដែលកំពុងមានកំណើនយ៉ាងឆាប់រហ័ស។

គំរោងស្ពានអាកាសដែលសម្តេចតេជោអញ្ជើញជាអធិបតី បើកសម្ភោធការដ្ឋានសាងសង់នាព្រឹកថ្ងៃទី៣១ មករានេះ ស្ថិតនៅលើបណ្តោយផ្លូវជាតិលេខ៥ ចំណុចប្រសប់នៃផ្លូវតភ្ជាប់ ពីស្ពានខ្សែកាបឫស្សីកែវ ឆ្លងកាត់ទន្លេសាប ដែលតភ្ជាប់រវាងផ្លូវជាតិលេខ៥ និងទីក្រុងរណបជ្រោយចង្វា។ ស្ពានអាកាសនេះ មានបណ្តោយសរុបប្រវែង៤៨៣ម៉ែត្រ (បណ្តោយស្ពានអាកាស១៤៥ម៉ែត្រ និងផ្លូវគល់ស្ពានសងខាង៣៣៨ម៉ែត្រ) មានទទឹង ១៥.៨ម៉ែត្រ ដោយគ្រោងចំណាយថវិកា សាងសង់ជិត១០លានដុល្លារអាមេរិក។

គម្រោងស្ពានអាកាសនេះ សាងសង់ដោយក្រុមហ៊ុនវិនិយោគទុនអនិកជនកម្ពុជា (OCIC) ដោយប្រើរយៈពេលប្រមាណ១៥ខែ។

រាជធានីភ្នំពេញ ដែលត្រូវបានប្រសិទ្ធនាមជាទីក្រុងខ្មោច ក្នុងរបបកម្ពុជាប្រជាធិបតេយ្យរបស់ ប៉ុល ពត និងជាទីក្រុងដ៏ស្ងប់ស្ងាត់បំផុតក្រោយថ្ងៃរំដោះ៧ មករា ឆ្នាំ១៩៧៩នោះ បានប្រែក្លាយជាទីក្រុងដ៏រស់រវើក និងមមាញឹកបំផុតនាពេលបច្ចុប្បន្ន។

ក្នុងរយៈពេលជាង ៤០ឆ្នាំមកនេះ រាជធានីភ្នំពេញ ត្រូវបានពង្រីកផ្ទៃដីជាបន្តបន្ទាប់់ ខណៈប្រព័ន្ធហេដ្ឋារចនាសម្ព័ន្ធត្រូវបានកែលំអ និងលើកកម្ពស់កាន់តែល្អប្រសើរ ជាមួយសំណង់អគារពាណិជ្ជកម្ម លំនៅឋានផុសឡើងយ៉ាងព្រោតព្រាតសមជាទីក្រុងដ៏ស៊ីវិល័យ។

ជំរឿនស្ថិតិប្រជាពលរដ្ឋកាលពីឆ្នាំ២០១៩ បានបង្ហាញថា រាជធានីភ្នំពេញ មានប្រជាពលរដ្ឋរស់នៅ ធ្វើការ និងបំពេញការសិក្សារៀនសូត្រសរុបជាង២លាននាក់។ របាយការណ៍ក៏បានបង្ហាញដែរថា កំណើនយានយន្តក្នុងរាជធានីភ្នំពេញ បានកើនឡើងយ៉ាងឆាប់រហ័សផងដែរ។ បច្ចុប្បន្នចំនួនយានយន្តចរាចរណ៍ ក្នុងរាជធានីភ្នំពេញមានជាង២លានគ្រឿង។ ក្នុងនោះរថយន្តមានជាង៥០ម៉ឺនគ្រឿង និងទោចក្រយានយន្តមានប្រមាណ២លានគ្រឿង៕

ក្រុមហ៊ុន GC Empire សម្រេចការលក់ចេញអចលនទ្រព្យរហូតដល់ 150 លានដុល្លានៅក្នុងឆ្នាំ 2021

ភ្នំពេញ ថ្ងៃទី 28 ខែមករា ឆ្នាំ 2022 GC Empire បានប្រកាសអំពីការលក់ចេញអចលនទ្រព្យក្នុងទំហំទឹកប្រាក់ជាង 150 លានដុល្លានៅក្នុងឆ្នាំ 2021 នៅក្នុងកម្មវិធីជប់លៀងប្រចាំឆ្នាំរបស់ខ្លួន ដែលបានប្រារព្ធធ្វើនៅក្នុង SOHO Mall by GCC នៅថ្ងៃច័ន្ទ ទី17 ខែមករានេះ ក៏ជាខួប 2 ឆ្នាំនៃការដំណើរការនៅក្នុងព្រះរាជាណាចក្រកម្ពុជាផងដែរ។

GC Empire គឺជាក្រុមហ៊ុនដែលបានបង្កើតឡើងនៅក្នុងព្រះរាជាណាចក្រកម្ពុជា និងមានមូលដ្ឋានគ្រឹះជាក្រុមហ៊ុនដ៏ជំនាញអភិវឌ្ឍយុត្តិសាស្ត្រអាជីវកម្មសម្រាប់វិស័យអចលនទ្រព្យដូចជាអាគារខុនដូ លំនៅឋាន អាគារពាណិជ្ជកម្ម និងបុរីជាដើមដោយមានដៃគូលក់ដ៏ជិតស្និទ្ធជាង 1000 នាក់ព្រមជាមួយនឹងអតិថិជនសក្ដានុពលក្នុងដៃជាង 60,000 នាក់ផងដែរ។ GC Empire ក៏ជាដៃគូយុត្តិសាស្ត្រសម្រាប់អ្នកអភិវឌ្ឍអចលនទ្រព្យក៏ដូចជា ម្ចាស់ដី អ្នកវិនិយោគផ្ទាល់ ក៏ដូចជាក្រុមហ៊ុនវិនិយោគផងដែរ ចាប់ផ្ដើមពីការជ្រើសរើសទីតាំង រហូតដល់ការបង្កើតនូវគំនិតសម្រាប់ប្រភេទនៃការអភិវឌ្ឍ ការសិក្សាអំពីលទ្ធភាព ការធ្វើទីផ្សារ ការគ្រប់គ្រងលើដំណើរការ ក៏ដូចជាការប្រមូលធនធានអភិវឌ្ឍផងដែរ។ គម្រោងអភិវឌ្ឍដ៏ល្បីល្បាញចំនួន 2 ដែលបានអភិវឌ្ឍដោយ GC Empire រួមមានគម្រោងលំនៅឋានបែបសហគមន៍ដ៍ស្រស់បំព្រង គឺគម្រោងបុរី ណាឌី ដែលជាគម្រោងអភិវឌ្ឍដ៏ប្រណីតមួយលាតសន្ធឹងនៅលើផ្ទៃដីដ៏មានសក្ដានុពលបំផុតនៅក្នុងខណ្ឌជ្រោយចង្វារ និងគម្រោងផ្សារជីស៊ី អូរឫស្សីដែលមានស្ថាបត្យកម្មបែបខ្មែរបុរាណ និង មានការច្នៃប្រឌិតខ្ពស់ដោយប្រើប្រាស់លំហូរខ្យល់បែបធម្មជាតិ និងម្លប់នៅក្នុងអាគារ គម្រោងនេះបានបង្កើតឡើងព្រមជាមួយនឹងស្មារតីជម្រុញការផ្ទេរនូវរាល់ចំណេះដឹងអាជីវកម្មរបស់ប្រជាជនកម្ពុជា ទៅកាន់មនុស្សជំនាន់ក្រោយ។

លោក អេរិច ឆុងដែលជាស្ថាបនិក និងជាអគ្គនាយកនៃក្រុមហ៊ុន GC Empire បានជម្រាបជូនអ្នកសារព័ត៌មាននៅក្នុងអំឡុងកម្មវិធីជប់លៀងទទួលទានអាហារពេលល្ងាចយ៉ាងដូច្នេះថា “នៅ GC Empire យើងមិនត្រឹមតែធ្វើការអភិវឌ្ឍលំនៅឋានរបស់ខ្លួនប៉ុណ្ណោះទេ យើងក៏បានដើរតួជាដៃគូ ក៏ដូចជាទីប្រឹក្សាសម្រាប់អ្នកអភិវឌ្ឍអចលនទ្រព្យជាច្រើននៅក្នុងតំបន់ផងដែរ។ អ្នកជំនាញរបស់យើងបានរួមបញ្ចូលគ្នានូវរាល់បទពិសោធន៍ទៅតាមមុខងារ និងវិស័យរបស់ខ្លួនក្នុងគោលដៅបង្កើត និងបន្ថែមនូវគុណតម្លៃឲ្យទៅផលិតផលតាមទស្សនៈប្លែកៗពីគ្នារបស់យើង។ ហេតុដូច្នេះហើយទើបយើងតែងតែបង្កើត និងនាំមកជូននូវប្រភេទនៃការអភិវឌ្ឍថ្មីៗ សម្រាប់ដៃគូ ក៏ដូចជាបុត្រសម្ព័ន្ធរបស់ពួកយើង។ យើងក៏បានផ្ដល់នូវអត្ថប្រយោជន៍ដ៏ស៊ីវីល័យមួយទៀតសម្រាប់ដៃគូ អាជីវកម្មជាមួយនឹងក្រុមហ៊ុនភ្នាក់ងារលក់ផ្ទាល់ខ្លួនរបស់យើង នៅក្នុងប្រទេសកម្ពុជា គឺ GC Realty ដែលមានភ្នាក់ងារជាសមាជិកដ៏ជំនាញជាង 500 ក្រុមដែលបានចុះឈ្មោះចូលរួម សុទ្ធសឹងតែជាអ្នកជំនាញផ្នែកលក់ដែលធានាផ្ដល់ជូននូវការធ្វើទីផ្សារ និងការណែនាំនូវគម្រោងអចលនទ្រព្យដ៏សាកសមសម្រាប់អតិថិជនគោលដៅ។ GC Realty ទើបតែបង្កើតឡើងនៅដើមឆ្នាំ 2021 តែប៉ុណ្ណោះ ប៉ុន្តែបានរួមចំណែកក្នុងការលក់ចេញនូវគម្រោងអចលនទ្រព្យដោយ GC Empire រហូតដល់ជាង 60% នៃបរិមាណលក់សរុប និងបានបន្តផ្ដល់ជូននូវដំណោះស្រាយផ្នែកលក់ដល់ជាង 10 គម្រោងអចលនទ្រព្យផ្សេងទៀតនៅក្នុងប្រទេសកម្ពុជា។ ជាមួយនឹងការវិវត្តខ្លួនដ៏ឆាប់រហ័សជាមួយនឹង GC Empire GC Realty បានក្លាយជាកត្តាកំណត់នូវស្តង់ដារនៃភ្នាក់ងារអចលនទ្រព្យនៅក្នុងប្រទេសកម្ពុជាចាប់ផ្ដើមពីការជ្រើសរើស គម្រោងប្រកបដោយគុណភាព ការបណ្ដុះបណ្ដាល និងការវាយតម្លៃប្រកបដោយវិជ្ជាជីវៈ ការផ្ដល់សេវាកម្មយ៉ាងយកចិត្តទុកដាក់ទៅកាន់អតិថិជនទាំងមុន និងក្រោយពេលទិញជាដើម។”

លោកអាឡិច លូ ដែលជាសហស្ថាបនិក និងជានាយកប្រតិបត្តិនៃក្រុមហ៊ុន GC Empire បានបន្ថែមថា “ GC Empire បានវិវត្តខ្លួនយ៉ាងឆាប់រហ័សនៅក្នុងរយៈពេលប៉ុន្មានឆ្នាំនេះ សបញ្ជាក់ឲ្យឃើញអំពីភាពខ្លាំងជាច្រើនរបស់ពួកយើង។ យើងបានធ្វើទីផ្សារសម្រាប់គម្រោងធំៗជាច្រើននៅក្នុងទីក្រុងភ្នំពេញនៃប្រទេសកម្ពុជា។ GC Empire ក៏មាននូវក្រុមហ៊ុនប្រឹក្សាយោបល់អាជីវកម្ម និងវិនិយោគផ្នែកអចលនទ្រព្យ គឺ GC Empire Japan ដែលមានទីស្នាក់ការនៅក្នុងការិយាល័យជាង 200 ម៉ែត្រការ៉េនៅក្នុងរាជធានីតូក្យូ ប្រទេសជប៉ុន។ GC Empire Japan នាពេលបច្ចុប្បន្ននេះបានធ្វើការដោយផ្ដោតសំខាន់លើការប្រឹក្សាយោបល់អាជីវកម្ម និងវិនិយោគផ្នែកអចលនទ្រព្យចាប់ផ្ដើមពីការប្រតិបត្តិការទូទៅ រហូតដល់ផ្នែកច្បាប់ ព្រមទាំងការណែនាំលើការគ្រប់គ្រងលើស្ថាប័ន និងអចលនទ្រព្យ។ GC Empire Japan បានក្លាយខ្លួនជាក្រុមហ៊ុនប្រឹក្សាយោបល់លើអចលនទ្រព្យ ពាណិជ្ជកម្ម និងវិនិយោគនៅក្នុងប្រទេសកម្ពុជា ដ៏ធំបំផុតមួយនៅទីនោះ។”
លោកអាឡិច ជឿថាការរៀបចំ GC Empire ឡើងបានបង្កើតនូវសករាជ្យថ្មីមួយសម្រាប់វិស័យអភិវឌ្ឍអចលនទ្រព្យ ជាមួយនឹងវិធីខុសៗគ្នាក្នុងការធ្វើការជាមួយដៃគូសហប្រតិបត្តិការ និងបុត្រសម្ព័ន្ធចម្រុះសម្រាប់ផ្នែកលក់ អភិវឌ្ឍអចលនទ្រព្យ ការកំណត់ពាណិជ្ជសញ្ញា និងការធ្វើទីផ្សារជាដើម។

នៅលើវេទិកា លោកអេរិច ឆុង ក៏ដូចជាលោកអេឡិច លូបានបង្ហាញនូវការគោរពដឹងគុណដ៏ជ្រាលជ្រៅចំពោះអ្នកដែលបានរួមចំណែកនៅក្នុងការធ្វើឲ្យក្រុមហ៊ុនទទួលបានជោគជ័យដ៏ត្រចះត្រចង់នៅក្នុងព្រះរាជាណាចក្រកម្ពុជានេះ។ បន្តមកទៀត លោកអេរិច មានជំនឿថា GC Empire នឹងនៅតែបន្តនូវគុណតម្លៃជាវិជ្ជមាននៅក្នុងវិស័យអចលនទ្រព្យប្រទេសកម្ពុជាដោយការបង្កើតនូវគម្រោងប្រកបដោយចីរភាព សុខភាព សម្រាប់ទាំងអ្នកអភិវឌ្ឍ អ្នកវិនិយោគ អង្គការផ្សេងៗ អជ្ញាធរមូលដ្ឋាន ក៏ដូចជាអ្នកពាក់ព័ន្ធផ្សេងទៀត។

កម្មវិធីជប់លៀងប្រចាំឆ្នាំដោយ GC Empire ត្រូវបានចូលរួមដោយភ្ញៀវកិត្តិយសជាង 800 នាក់ដែលរួមមាន ក្រុមការងាររបស់ GC Empire ផ្ទាល់ សមាជិករបស់ GC Realty ក្រុមហ៊ុនអភិវឌ្ឍជាដៃគូ ក្រុមហ៊ុនបុត្រសម្ព័ន្ធផ្សេងៗ ភ្នាក់ងារ ក៏ដូចជាអ្នកតំណាងនៅក្នុងជួររដ្ឋាភិបាល នៃក្រសួងពាក់ព័ន្ធផងដែរ។ GC Empire បានបញ្ចប់នូវកម្មវិធីជាមួយនឹងភាពរីករាយ និងស្នាមញញឹមពីអ្នកចូលរួមទាំងអស់ជាមួយនឹងការតាំងចិត្តប្រឈមនឹងឧបសគ្គ និងការតស៊ូជម្រុញដល់វិស័យអចលទ្រព្យនៅក្នុងប្រទេសកម្ពុជា ព្រមទាំងគោលដៅដើម្បីសម្រេចបាននូវភាពជោគជ័យឲ្យកាន់តែប្រសើរជាងឆ្នាំមុនៗ។

បុរីបុស្បាតម្លៃ៧៧លានដុល្លារបានបើកសម្ភោធសាងសង់​និងប្រកាសលក់ជាផ្លូវការហើយ

ដោយៈជេស៊ីកា

ភ្នំពេញៈ ក្នុងគោលដៅផ្តល់លំនៅដ្ឋានប្រកបដោយគុណភាព និងភាពស៊ីវិល័យដល់ប្រជាពលរដ្ឋ អ្នកវិនិយោគក្នុងស្រុកបានចាប់ផ្តើមបោះទុន៧៧លានដុល្លារសាងសង់បុរីបុស្បា ដែលមានទីតាំងនៅក្នុងខ័ណ្ឌដង្កោ​ររាជធានីភ្នំពេញ។

បុរីបុស្បាសាងសង់ឡើងលើផ្ទៃដីជាង២០ហិកតា ប៉ុន្តែដំណាក់កាលទី១ បុរីបុស្បា អប្សរមេរាបានផ្តោតលើទំហំដី១០ហិកតាជាមុនសិន មុនពង្រីកគំរោងបន្ថែមទៀត។

ការប្រារពពិធីបើកការដ្ឋាន និងជប់លៀងសម្ភោធការលក់បុរីបុស្បាធ្វើឡើងក្រោមអធិបតីភាពលោកជំទាវឃួន សុដារីអនុប្រធានទី២នៃរដ្ឋសភា និងថ្នាក់ដឹកនាំក្រុមហ៊ុនបុរីបុស្បា ព្រមទាំងអ្នកជំនួញរាប់រយនាក់ទៀតបានចូលរួម។

លោកជំទាវស្រីអូន ម្ចាស់ក្រុមហ៊ុនសម្រស់ធម្មជាតិ និងជាភាគហ៊ុននិកនៃបុរីបុស្បាបានមានប្រសាសន៍ឲ្យដឹង នាព្រឹកថ្ងៃទី២៨ មករានេះថា បុរីបុស្បាបានសម្រេចបុកគ្រឹះ សាងសង់នៅរសៀលថ្ងៃទី២៨ មកតាកន្លងមកនេះ ដែលមានទីតាំងនៅភូមិព្រៃវែង ក្នុងសង្កាត់ព្រៃវែង ខ័ណ្ឌដង្កោរាជធានីភ្នំពេញ ជាតំបន់ដែលមានប្រជាពលរដ្ឋរស់នៅច្រើន និងកំពុងក្លាយជាតំបន់ស៊ីវិល័យមួយ។

លោកជំទាវបានបន្តថា “ជាមួយនឹងចក្ខុវិស័យដ៏វែងឆ្ងាយ យើងបាននិងកំពុងវិនិយោគបុរីថ្មីមួយ ដើម្បីផ្តល់លំនៅដ្ឋានប្រកបដោយគុណភាព ប្រណីតភាព ភាពស៊ីវិល័យ និងផ្សារភ្ជាប់ជាមួយធម្មជាតិដល់អតិថិជន”។​លោកជំទាវបន្តថា “មូលហេតុដែលយើងរើសទីតាំងនេះ ដោយសារតំបន់នេះមានមនុស្សរស់នៅច្រើន ជាអ្នកមានជីវភាពថ្នាក់កណ្តាល និងថ្នាក់ខ្ពស់ ហើយវាជាតំបន់មួយ ដែលមានភាពស៊ីវិល័យនាពេលអនាគត”។

បុរីបុស្បា មានផ្ទះជាច្រើនប្រភេទ ដូចជា ផ្ទះShop House, Supper shop house, Twin Villa, Supper, Twin Villa, Angel Villa, Hero Villa។

លោកជំទាវបន្តថា ជាមួយនឹងការលើកទឹកចិត្តអតិថិជន ជាពិសេស បុរីបុស្បាបានលក់ ក្នុងតម្លៃទាបជាងទីផ្សារ៣០ភាគរយ ប៉ុន្តែយើងនីតែរក្សាបាននូវគុណភាព ប្រណីតភាព និងភាពស៊ីវិល័យ ព្រោះការវិនិយោគរបស់យើងមិនបញ្ចប់ត្រឹមគំរោងនេះទេ ប៉ុន្តែយើងនឹងវិនិយោគបុរីកាន់តែធំជាងនេះនាពេលអនាគត។

បុរីបុស្បាមានទីតាំង ពោរពេញដោយភាពអំណោយផល ដោយសារតំបន់នេះងាយស្រួល ក្នុងការតភ្ជាប់ទៅកាន់ផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ និងផ្លូវ៦០ម៉ែត្រ ដែលសម្បូរដោយផ្សារទំនើប ពិសេសផ្សារទំនើបAEON Mall3បាននិងកំពុងសាងសង់យ៉ាងសកម្ម។

លោកឧកញ៉ាឈាង រ័ត្ន និងលោកជំទាវស្រីអូន ម្ចាស់ក្រុមហ៊ុនសម្រស់ធម្មជាតិ និងដៃគូមួយចំនួនទៀតបានវិនិយោគបុរីបុស្បាឡើង ដើម្បីផ្តល់ឲ្យប្រជាពលរដ្ឋនូវលំនៅដ្ឋាន ដែលគោរពបាននូវស្តង់ដា និងគុណតម្លៃមួយ ដែលធ្វើឲ្យអ្នករស់នៅមានផាសុខភាព និងមនោរម្យ ដោយសារបុរីនេះបានរៀបចំសួនច្បារ ទីធ្លាសាធារណៈនិងហេដ្ឋារចនាសម្ព័ន្ឋ យ៉ាងធំទូលាយងាយស្រួលការដើរហាត់ប្រាណ ប្រារពពិធីនានា និងការធ្វើដំណើរចេញចូលបុរី ដែលផ្តល់សន្តិសុខ២៤ម៉ោងផងដែរ។

លោកអោម សេងបូរ៉ាស្ថាបនិកCEO Master Clubបានមានប្រសាសន៍សម្តែងការអបអរសាទរ ចំពោះម្ចាស់បុរីបុស្បា ពិសេសលោកឧកញ៉ាឈាង រ័ត្ន និងលោកជំទាវស្រីអូន និងសហភាគហ៊ុនិកដទៃទៀត ដែលបានសហការវិនិយោគបបុរីដ៏ប្រណីតនេះឡើង។

លោកបន្តថា “រហូតមកទល់ពេលនេះ សមាជិកCEO Master Clubកាន់តែច្រើនបានក្លាយជាអ្នកអអភិវឌ្ឍន៍បុរី ដែលជាការវិនិយោគដ៏សំខាន់ ដើម្បីឆ្លើយតបនឹងតម្រូវការរស់នៅរបស់ប្រជាពលរដ្ឋ”៕