អ្នកជំនួញអចលនទ្រព្យធំៗពីររូបបង្ហាញវិធីសាស្រ្តបង្កើនទ្រព្យ តាមរយៈការវិនិយោគលើវិស័យអចលនទ្រព្យ

ដោយៈគង់ សូរិយា

ភ្នំពេញៈ ឧកញ៉ាល្បីឈ្មោះ និងមានឥទ្ឋិពលលើវិស័យសេដ្ឋកិច្ចនិងអចលនទ្រព្យនៅកម្ពុជា បានបង្ហើបពីវិធីសាស្រ្តវិនិយោគ លើអចលនទ្រព្យ ដើម្បីទទួលបានផលចំណេញ។

លោកជំទាវលឹម ឈីវហូរប្រធានក្រុមហ៊ុនអ៊ែតវូដគ្រុប និងមានក្រុមហ៊ុនក្នុងដៃជាច្រើនទៀត បានមានប្រសា​សន៍ឲ្យដឹងនាពេលកន្លងមកថា វិស័យអចលននទ្រព្យនៅកម្ពុជា នឹងបន្តរីកចម្រើនរយៈពេលវែងបន្តទៀត ដោយសារសេដ្ឋកិច្ចកម្ពុជាមានភាពររីកចម្រើន និងគោលនយោបាយត្រឹមត្រូវរបស់ប្រមុខរាជរដ្ឋាភិបាលដែលបានដាក់ចេញ។

លោកជំទាវបន្តថា ហេតុនេះយុវជនគួរសន្សំលុយ ទិញលំនៅដ្ឋាន ព្រោះអ្នកអភិវឌ្ឍន៍លំនៅដ្ឋានបច្ចុប្បន្ន ផ្តល់ការបង់រំលស់១០០ភាគរយ ។​ហេតុនេះបើយើងចេះសន្សំលុយទិញផ្ទះបាន ក្នុងរយៈពេល១០ឆ្នាំក្រោយ យើងអាចលក់ផ្ទះចេញពេលនោះ យើងអាចបានលុយមួយចំនួន ដើម្បីអាចបន្តវិនិយោគគដទៃទៀត”។

លោកជំទាវបន្តថា “ហេតុនេះយុវជនគួររៀនសន្សំ ព្រោះទ្រព្យសម្បត្តិកើតពីការសន្សំ បើយើងចេះសន្សំយើងនឹងមានទ្រព្យ អ្នកមានប្រាក់ណាក៏ពូកែសន្សំដែរ”។

ចំណែកអ្នកឧកញ៉ាលី ហួរអគ្គនាយកក្រុមហ៊ុនលី ហួរគ្រុបបានមានប្រសាសន៍៍ឲ្យដឹងផងដែរថា ការវិនិយោគលើវិស័យអចលនទ្រព្យ គួរសិក្សាពីលទ្ឋភាពខ្លួនឯងជាមុន ពិសេសលំហូរសាច់ប្រាក់ ជាជាងខ្ចីលុយពីធនា​គារដែលគ្មានគោលដៅច្បាស់លាស់ នាំាំឲ្យមានគ្រោះថ្នាក់នៅពេលក្រោយ។

លោកបន្តថា “អ្នកវិនិយោគលើអចលនទ្រព្យ គួរពិនិត្យទីតាំាំង ដែលមានឱកាសរីកចម្រើនលឿននាពេលអនាគត និងងសិក្សាពីមូលដ្ឋានច្បាប់ ឲ្យ​បានច្បាស់លាស់ មុនសម្រេចចិត្តវិនិយោគលើគំរោងណាមួយ””៕

វិស័យសំណង់កើនឡើងតិចតួចកាលពីឆ្នាំមុន និងរំពឹងកើនឡើងខ្ពស់នៅឆ្នាំនេះ

ដោយៈវឌ្ឍនៈ

ភ្នំពេញៈ ទោះបីជាឆ្នាំ២០២១កន្លងទៅនេះ ជាឆ្នាំដែលពិភពលោក​រួមទាំងកម្ពុជា បានរងឥទ្ធិពលកាន់តែខ្លាំងពីជំងឺកូវីដ១៩ក្ដី តែសម្រាប់វិស័យសំណង់របស់កម្ពុជា ត្រូវបានប៉ាន់ស្មានថា នៅតែមានកំណើនប្រមាណ១,៤ភាគរយ ។ នេះបើតាមរបាយការណ៍របស់ធនាគារជាតិនៃកម្ពុជាចេញផ្សាយកាលពីពេលថ្មីៗនេះ។

ការកើនឡើងនៃវិស័យសំណង់ ក៏ដោយមានការគាំទ្រគម្រោងសំណង់កំពុងដំណើរជាច្រើន ប៉ុន្តែចំនួនតម្លៃ និងផ្ទៃក្រឡាគម្រោងសំណង់ស្នើសុំថ្មីនៅបន្តធ្លាក់ចុះ ក្នុងតម្លៃសំណង់ធ្លាក់ចុះ៧ភាគរយ ផ្ទៃក្រឡាសំណង់ធ្លាក់ចុះ ២៥,៩ភាគរយ និងគម្រោងសំណង់ស្នើសុំថ្មី ក៏បានធ្លាក់ចុះ១៧,៦ភាគរយ ។

ក្នុងរបាយការណ៍បញ្ជាក់ថា “វិស័យអចលនទ្រព្យ ជាពិសេសខុនដូ ដែលកន្លងមក បម្រើឱ្យតម្រូវការអនិវាសជន នៅតែបន្តទទួលរងសម្ពាធ ប៉ុន្តែក្នុងកម្រិតទាប”។ លោកបន្តថា “តម្លៃលក់ខុនដូប្រភេទប្រណិត មធ្យម និងសមរម្យ ត្រូវបានប៉ាន់ស្មានថាថយចុះ១,៦ភាគរយ ស្របពេលដែលតម្លៃជួលក៏បានថយចុះផងដេរ”។

ចំពោះតម្លៃជួលការិយាល័យទាំងក្នុង និងក្រៅតំបន់ពាណិជ្ជកម្មពុំសូវមានការប្រែប្រួលខ្លាំងនោះទេ ។

ក្នុងរបាយការណ៍ប្រចាំឆ្នាំរបស់ធនាគារជាតិនៃកម្ពុជា ក៏បានបញ្ជាក់ថា វិស័យសំណង និងអចលនទ្រព្យ អាចងើបឡើងវិញឆាប់រហ័សដោយ​សារការកើនឡើងមកវិញនៃការវិនិយោគ នាពេលខាងមុខ។

អ្នកជំនាញនៃវិស័យអចលនទ្រព្យលោកឡុង គឹមសួគ៌អគ្គនាយកក្រុមហ៊ុនCentury21 Advance Propertyបានមានប្រសាសន៍ឱ្យដឹងថា ការងារសំណង់ ក្នុងឆ្នាំ២០២១កន្លងទៅ ទោះបីជាមានការរំខានពីកូវីដ១៩ក៏ដំណើរការនៃការសាងសង់គម្រោងមួយចំនួន នៅតែបន្តអភិវឌ្ឍន៍ដដែល ជាក់ស្ដែងក្នុងឆ្នាំ២០២១កន្លងទៅ យើងឃើញថាសំណង់បុរីលំនៅឋាន បានចេញគម្រោងថ្មីៗជាបន្តបន្ទាប់ ហើយគម្រោងខ្លះដែលមានការខ្វះខាតហិរញ្ញវត្ថុក៏បានផ្អាកបន្តិចតែមិនមានច្រើននោះទេ។

ចំណែកលោក ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញិងហិរកិច្ចុនទ្រព្យលោកឡុង គឹមសួរវត្ថុបានមានប្រសាសន៍កន្លងមកថា វិស័យសំណង់ និងអចលនទ្រព្យក្នុងប្រទេសកម្ពុជាបាន និងកំពុងរួមចំណែកសំខាន់មួយ ក្នុងវិស័យសេដ្ឋកិច្ច ហើយឆ្នាំ២០២២នេះ វិស័យនេះក៏រំពឹងថា នឹងបន្តរួមចំណែកសំខាន់ដដែលក្នុងការអភិវឌ្ឍសេដ្ឋកិច្ចជាតិ។

របាយការណ៍របស់ក្រសួងរៀបចំដែនដី នគរូបនីយកម្ម និងសំណង់ក៏បានបង្ហាញថា ក្នុងឆ្នាំ២០២១កន្លងទៅ កម្ពុជាទទួលបានគម្រោងសាងសង់សំណង់៤.៣០៣គម្រោង មានផ្ទៃក្រឡាសំណង់ប្រមាណជិត១៣លា​នម៉ែត្រការ៉េ និងមានទឹកប្រាក់សរុបជាង៥,៣៣ពាន់លានដុល្លារអាមេរិក៕

 

ស្រីលង្ការសាងសង់ទីក្រុងកំពង់ផែថ្មីផុសចេញពីផ្ទៃទឹកស្រស់ស្អាតមិនចាញ់ក្រុងឌូបៃ

ដោយៈសុខុម

កូឡុំបូ: ប្រទេសស្រីលង្កា កំពុងតែដំណើរការសាងសង់ទីក្រុងកំពង់ផែកូឡុំបូ (Colombo Port City) ដែលផុសចេញពីផ្ទៃទឹកមាត់ឆ្នេរនៃរដ្ឋធានីកូឡុំបូ  យ៉ាងស្រស់ស្អាតអស្ចារ្យ។ នេះបើយោងតាមសារព័ត៌មាន BBC ចុះផ្សាយនៅថ្ងៃអង្គារ ទី១៨ មករា នេះ។

ផ្ទៃឆ្នេរសមុទ្រ នៅជាប់សង្កាត់ពាណិជ្ជកម្ម នៃរដ្ឋធានីកូឡុំបូ កំពុងត្រូវបានបូមខ្សាច់ចាក់បំពេញ ដើម្បីប្រែក្លាយទៅជាក្រុងបច្ចេកវិទ្យាជាន់ខ្ពស់ដែលនឹងរួមមានមជ្ឈមណ្ឌលហិរញ្ញវត្ថុអន្តរជាតិ តំបន់លំនៅដ្ឋាន និងកំពង់ផែដែលស្រស់ស្អាតខ្លាំង មិនចាញ់ក្រុងឌូបៃ ម៉ូណាកូ ឬហុងកុង នោះឡើយ។

លោក Saliya Wickramasuriya មន្ត្រីមកពីគណៈកម្មាធិការសេដ្ឋកិច្ចទីក្រុងកំពង់ផែកូឡុំបូ (Colombo Port City Economic Commission) បានប្រាប់សារព័ត៌មាន BBC ថា ការបូបខ្សាច់លុបឆ្នេរសមុទ្រនេះ គឺដើម្បយកដីសាងសង់ទីក្រុងលំដាប់អន្តរជាតិ ដែលអាចប្រៀបផ្ទឹមបានជាមួយក្រុងឌូបៃ ឬ សូម្បីប្រទេសសិង្ហបុរី។

ប៉ុន្តែក្រុមអ្នករិះគន់ចោទសួរទៅរដ្ឋាភិបាលថា តើគម្រោងទីក្រុងកំពង់ផែកូឡុំបូ នេះនឹងអាចជួយស្ដារសេដ្ឋកិច្ចរបស់ប្រទេសស្រីលង្កា បានកម្រិតណា។

សម្រាប់ជំហានចាប់ផ្តើមដំបូង ដើម្បីបូមខ្សាច់លុបឆ្នេរសមុទ្រឱ្យបានដីថ្មីទំហំ២,៦គីឡូម៉ែត្រការ៉េ ប្រទេសដែនកោះមួយនេះ ត្រូវការឱ្យក្រុមហ៊ុនចិន China Harbour Engineering Company (CHEC) បោះទុនវិនិយោគ១,៤ពាន់លានដុល្លារអាមេរិក។ ហើយជាថ្នូរត្រលប់មកវិញ ក្រុមហ៊ុនចិន មួយនេះនឹងទទួលបានចំណែក៤៣% នៃកិច្ចសន្យាជួលរយៈពេល៩៩ឆ្នាំនេះ។

ក្រុមមន្ត្រីបានប៉ាន់ប្រមាណថា គម្រោងនេះ នឹងត្រូវការពេលរហូតដល់ទៅប្រមាណ២៥ឆ្នាំ ទម្រាំបញ្ចប់ជាស្ថាពរ ហើយថាគម្រោងបែបនេះគឺគម្រោងដំបូងគេបង្អស់នៅអាស៊ីបូព៌ា។

ប្រទេសស្រីលង្កាបញ្ជាក់ថា ដីដែលស្ថិតក្រោមការគ្រប់គ្រងរបស់ខ្លួន និងតំបន់ដែលផ្ដល់ឱ្យទៅចិន នឹងត្រូវជួលឱ្យបណ្ដាក្រុមហ៊ុនអន្តរជាតិ ធនា​គារ និងក្រុមហ៊ុនផ្សេងៗទៀត។ ហើយរដ្ឋាភិបាលស្រីលង្កា ក៏ប្រហែលជាគិតពន្ធលើប្រាក់ចំណូលរបស់ក្រុមហ៊ុនទាំងនោះផងដែរ។

តាមការរំពឹងទុក នឹងមានមនុស្សដល់ទៅប្រមាណ៨០.០០០នាក់រស់នៅក្នុងទីក្រុងថ្មីនេះ ដែលនឹងផ្ដល់ការអនុគ្រោះពន្ធ ដល់ក្រុមហ៊ុនដែលវិនិយោគ និងធ្វើអាជីវកម្មនៅទីនោះ។ រាល់ប្រតិបត្តិការនៅក្នុងតំបន់សេដ្ឋកិច្ចពិសេសនេះ រួមទាំងប្រាក់បៀវត្សរ៍ផង នឹងគិតជាដុល្លារអាមេរិក។

គម្រោងទីក្រុងកំពង់ផែនេះ ត្រូវបានប្រកាសជាផ្លូវការអំឡុងដំណើរទស្សនកិច្ចរបស់ប្រធានាធិបតីចិន លោក ស៊ី ជីនភីង ទៅកាន់រដ្ឋធានីកូឡុំបូ ឆ្នាំ២០១៤ ពោលគឺមួយឆ្នាំបន្ទាប់ពីលោក បានប្រកាសចាប់ផ្ដើមនូវ “គំនិតផ្តួចផ្តើមខ្សែក្រវាត់ និងផ្លូវ” ជាផែនការដ៏មហិច្ឆិតាក្នុងការកសាងផ្លូវថ្នល់ ផ្លូវដែក និងហេដ្ឋារចនាសម្ព័ន្ធផ្លូវសមុទ្រ ឆ្លងកាត់តំបន់អាស៊ី និងអឺរ៉ុប ដើម្បីជំរុញពាណិជ្ជកម្ម។

ប្រទេសស្រីលង្កា បានងាកទៅពឹងពាក់មហាមិត្តចិន សម្រាប់ជំនួយហិរញ្ញវត្ថុ ដើម្បីកសាងប្រទេសឡើងវិញ បន្ទាប់ពីសង្រ្គាមរ៉ាំរ៉ៃជាមួយក្រុមបំបែកខ្លួនតាម៊ឹលបានបញ្ចប់ក្នុងឆ្នាំ២០០៩៕BBC៕

ខេត្តកែបនឹងស្វាគមន៍ឆ្នេរថ្មីប្រវែង២៧០០ម៉ែត្របន្ថែមទៀត នៅក្នុងខែមេសាខាងមុខនេះ

ដោយ៖ សុធារី

កែប៖ គម្រោងអភិវឌ្ឍឆ្នេរថ្មីប្រវែង ២៧០០ម៉ែត្រ ដោយប្ដូរមុខមាត់ពីឆ្នេរភក់ ចាប់ពីផ្សារក្តាម ទៅដល់ព្រៃកោងកាង ទៅជារមណីយដ្ឋានឆ្នេរខ្សាច់កម្សាន្តកម្រិតខ្ពស់សម្រេចបាន៩០ភាគរយហើយ ដោយគ្រោងនឹងបើកជាសាធារណៈនៅខែមេសានេះ។

បើតាមការបញ្ជាក់របស់លោក សោម ពិសិដ្ឋ អភិបាលខេត្តកែប បច្ចុប្បន្ន រដ្ឋបាលខេត្តកែបកំពុងចាក់ដីចូលឆ្នេរ ដើម្បីធ្វើសួនច្បារ និងទុកដីសម្រាប់អនុវត្តគម្រោងនានាផ្សេងទៀត ដោយការងារចាក់ដីបានសម្រេចជិតរួចរាល់ ប្រមាណ៩០ភាគរយ ខណៈការងារដាំដើមឈើ បង្កើតសួនច្បារ គ្រោងនឹងធ្វើឱ្យចប់នៅមុនខែមេសាខាងមុខ។

លោកថា “តាមការគ្រោងទុកការងារអភិវឌ្ឍន៍ឆ្នេរថ្មីនេះ មានរយៈពេលជាង៦ខែ ប៉ុន្តែផ្អែកតាមការងារ គណៈកម្មធិការជាតិគ្រប់គ្រង និងអភិវឌ្ឍតំបន់សមុទ្រកម្ពុជា ជំរុញឱ្យការងារអភិវឌ្ឍន៍ឆ្នេរថ្មីនេះ ចប់រួចរាល់ មុនចូលឆ្នាំខ្មែរខាងមុខ”។

គម្រោងនេះ ត្រូវបានបើកការដ្ឋាន កាលពីថ្ងៃទី២២ ខែវិច្ឆិកា ឆ្នាំ២០២១ កន្លងទៅ រួមមានការរៀបចំកែលម្អឆ្នេរដែលមានទទឹងប្រវែងយ៉ាងតិច៣០ម៉ែត្រ បណ្ដោយប្រវែង២៧០០ម៉ែត្រ និងការរៀបចំសួនច្បារសាធារណៈ និងដាំដើមឈើនៅលើដីចំណីឆ្នេរសមុទ្រជាដើម៕

Chinese property developers face big debt maturities in 2022

Chinese real estate developers are staring at enormous amounts of debt maturing this year, at a time when property sales have slowed and traditional borrowing markets remain closed off following Beijing’s campaign to rein in borrowing in the sector.

According to Refinitiv data, Chinese real estate developers have $117 billion worth of debt maturing in 2022, with $36 billions of those denominated in dollars.
The slowdown in the sector further pressured developers, with property investments in December falling at the fastest pace since early-2020, clouding the country’s outlook despite a robust headline economic growth figure.

China Evergrande Group has been struggling to repay more than $300 billion in liabilities, including nearly $20 billions of offshore bonds deemed in cross-default by ratings agencies last month after it missed payments.

Their worsening credit conditions have hit equity and bond prices of even the largest developers in recent months.
A 3.125per cent October 2025 bond issued by China’s biggest developer by sales, Country Garden, has fallen about 17per cent this year to 73 cents as of Tuesday.

According to Refinitiv data, the developers face debts worth $27 billion coming due in the first quarter of this year, and $31 billion in the second quarter.

Source: Reuters

អាកាសយានដ្ឋានសុវណ្ណភូមិដ៏ធំជាងគេរបស់ប្រទេសថៃនឹងពង្រីកបន្ថែមទៀត

ដោយៈសុខុម

បាងកក: គម្រោងពង្រីកអាកាសយានដ្ឋានសុវណ្ណភូមិ ក្រោមទំហំទុនវិនិយោគជាង២៣៦លានដុល្លារអាមេរិក ត្រូវបានរំពឹងថានឹងចាប់ផ្ដើមនៅខែកក្កដា ឆ្នាំ២០២២ ដោយពេលនេះរដ្ឋាភិបាលកំពុងធ្វើការដេញថ្លៃ ដើម្បីជ្រើសរើសក្រុមហ៊ុនម៉ៅការ។

រដ្ឋមន្ត្រីក្រសួងដឹកជញ្ជូនលោក Saksayam Chidchob ទម្លាយឱ្យដឹងកាលពីថ្ងៃអង្គារ ទី១៨ មករាកន្លងមកថា គម្រោងដែលមានឈ្មោះថា East Expansion Project នេះត្រូវបានគណៈរដ្ឋមន្ត្រី ក្រុមប្រឹក្សាអាកាសយានដ្ឋានថៃ (AoT) និងគណៈកម្មាធិការរបស់រដ្ឋាភិបាល ទទួលបន្ទុកការពង្រឹងសមត្ថភាព អាកាសយានដ្ឋានសុវណ្ណភូមិ អនុម័តរួចហើយ ហើយនឹងត្រូវប្រើពេល២ឆ្នាំដើម្បីបញ្ចប់ជាស្ថាពរ។

លោកបានគូសបញ្ជាក់ថា “នៅពេលគម្រោងពង្រីកនេះចប់ និងបើកដាក់ឱ្យដំណើរការនៅខែមីនា ឆ្នាំ២០២៥ អាកាសយានដ្ឋាននេះនឹងមានសមត្ថភាព ទទួលអ្នកដំណើររហូត ដល់ទៅ៦៥លាននាក់ក្នុងមួយៗឆ្នាំ បើធៀបនឹងចំនួនអ្នកដំណើរ៤៥លាននាក់ ក្នុងមួយឆ្នាំនាពេលបច្ចុប្បន្ន”។

លោកបន្ថែមទៀតថា ការបង្កើនសមត្ថភាព៤៤ភាគរយនេះ គឺស្របតាមការព្យាករអំពីកំណើនអ្នកដំណើរ ដែលប្រើប្រាស់អាកាសយានដ្ឋានសុវណ្ណភូមិ នៅត្រឹមឆ្នាំនោះ។

លោក Kerati Kijmanawat អនុប្រធាន ក្រុមប្រឹក្សាអាកាសយាន ដ្ឋានថៃ (AoT) បានថ្លែងថា គម្រោងពង្រីកថ្មីនេះ នឹងគ្របដណ្ដប់លើផ្ទៃដីទំហំ៦៦.០០០ម៉ែត្រការ៉េ ហើយនឹងមានបញ្ជរCheck-in ចំនួន១០៨ កន្លែងបញ្ជូនវ៉ាលីសចំនួន៦ និងប៉ុស្តិ៍ត្រួតពិនិត្យសុវត្ថិភាពចំនួន៩។

រដ្ឋមន្ត្រីក្រសួងដឹកជញ្ជូនលោក Saksayam Chidchob បានគូសបញ្ជាក់ថា ក្រុមប្រឹក្សាអាកាសយានដ្ឋានថៃ (AoT) ក៏ត្រូវបានចាត់តាំងឱ្យជួលអង្គការ អាកាសចរណ៍ស៊ីវិលអន្តរជាតិ (International Civil Aviation Organization (ICAO)) ដែលជាទីភ្នាក់ងារមួយរបស់អង្គការសហប្រជាជាតិ ដើម្បីឱ្យជួយធ្វើការសិក្សា និងផ្ដល់អនុសាសន៍លើផែនការពង្រីកអាកាសយានដ្ឋានសុវណ្ណភូមិផងដែរ៕ Bangkok Post៕

ក្រុមហ៊ុនយក្ស Microsoft គ្រោងជះលុយជិត៧០ពាន់លានដុល្លារទិញយកអាជីវកម្មហ្គេម

ដោយៈសុខុម

ញូវយ៉ក: ក្រុមហ៊ុនបច្ចេកវិទ្យាយក្ស Microsoft របស់សហរដ្ឋអាមេរិកបានទម្លាយឱ្យដឹងថា ខ្លួនមានគម្រោងទិញយកក្រុមហ៊ុនហ្គេម ដ៏ល្បីឈ្មោះ Activision Blizzard ក្នុងតម្លៃរហូតដល់ទៅ៦៨,៧ពាន់លានដុល្លារអាមេរិក។

យោងតាមសារព័ត៌មាន BBC ដែលបានចុះផ្សាយកាលពីថ្ងៃអង្គារ ទី១៨មករាឱ្យដឹងថា វានឹងក្លាយជាការទិញយកអាជីវកម្ម ដ៏ធំបំផុតក្នុងប្រវត្តិ​សាស្រ្តរបស់ក្រុមហ៊ុន Microsoft ហើយតាមការរំពឹងទុក ដំណើរការទិញយកនេះ នឹងបញ្ចប់សព្វគ្រប់នៅឆ្នាំ២០២៣។

ការទិញយកនេះ នឹងធ្វើឱ្យក្រុមហ៊ុន Microsoft ក្លាយជាម្ចាស់កម្មសិទ្ធិលើហ្វ្រែនឆាយហ្គេមល្បីៗ ដូចជា Call of Duty និង Warcraft ព្រមទាំង Overwatch ជាដើម។

ក្រុមហ៊ុន Microsoft អះអាងថា ខ្លួននឹងជួយដល់ក្រុមហ៊ុនទាំងនោះពង្រីកអាជីវកម្មហ្គេម របស់ពួកគេក្នុងទូរស័ព្ទ កុំព្យូទ័រ និងម៉ាស៊ីនហ្គេម។

កិច្ចព្រមព្រៀងនេះ ក៏ជាកិច្ចព្រមព្រៀងដ៏ធំបំផុត ក្នុងប្រវត្តិសាស្ត្រហ្គេមផងដែរ ហើយកើតមានឡើងមួយឆ្នាំបន្ទាប់ ពីក្រុមហ៊ុន Microsoft បានទិញក្រុមហ៊ុនហ្គេម ដ៏មានឥទ្ធិពលមួយទៀតឈ្មោះ Bethesda ក្នុងតម្លៃ៧,៥ពាន់លានដុល្លារ។

លោក Satya Nadella ប្រធាន និងជានាយកប្រតិបត្តិក្រុមហ៊ុន Microsoft បានលើកឡើងថា ក្រុមហ៊ុនរបស់លោក កំពុងវិនិយោគប្រាក់យ៉ាងច្រើន សន្ធឹកសន្ធាប់លើមាតិការ (Content) លំដាប់ថ្នាក់ពិភពលោកនៅក្នុងយុគសម័យថ្មី នៃការលេងហ្គេម ដែលផ្ដល់អាទិភាពជាសំខាន់ដល់អ្នកលេង និងអ្នកបង្កើតហ្គេម និងធ្វើឱ្យការលេងហ្គេមមានសុវត្ថិភាព និងដែលគ្រប់គ្នាអាចចូលលេងបាន៕ BBC៕

តើរយៈពេល៥ឆ្នាំទៀតស្ថានភាពអចលនទ្រព្យកម្ពុជានឹងវិវត្តន៍ដូចម្តេច?

ដោយៈជេស៊ីកា

ភ្នំពេញៈ គិតពីបច្ចុប្បន្ន ទៅកាន់រយៈពេល៥ឆ្នាំខាងមុខ ដែលមានរយៈពេល១៨២៥ថ្ងៃ តើស្ថានភាពវិស័យអចលនទ្រព្យកម្ពុជា នឹងមានការវិវត្តដូចម្តេច?។

តើផ្នែកអ្វីខ្លះនឹងលេចធ្លោ និងផ្នែកអ្វីខ្លះត្រូវជួបបញ្ហាប្រឈមនាពេលអនាគត?។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម បានមានប្រសាសន៍ឲ្យដឹត តាមបណ្តាញសង្គមនាល្ងាចថ្ងៃទី១៩ មករាកន្លងមកថា សម្រាប់វិស័យអចលនទ្រព្យកម្ពុជា គិតពីបច្ចុប្បន្នរហូតដល់រយៈពេល៥ឆ្នាំខាងមុខ លោកគិតថា ផ្នែកដីធ្លី ពិសេសតំបន់ជាយក្រុងនឹងមានភាពលេចធ្លោ និងកើនឡើងនូវល្បឿននៃការអភិវឌ្ឍន៍។

លោកបន្តមើលឃើញថា សំរាប់ទីផ្សារលំនៅដ្ឋាន ចាប់ពីតម្លៃមធ្យមឡើងទៅ នឹងថមថយបន្តិចនៅពេលណា ដែលការផ្គត់ផ្គង់កំពុងកើនឡើងច្រើននាពេលបច្ចុប្បន្ន ប៉ុន្តែសម្រាប់លំនៅដ្ឋានតម្លៃក្រោមមធ្យម មិនជះឥទ្ឋិពលអវិជ្ជមាននោះទេ។

លោកច្រឹក សុខនីម បានបន្តថា ជាមួយគ្នានេះតម្រូវការខុនដូ តម្លៃ នឹងមានកំណើនខ្ពស់នៅពេលខាងមុខ បើធៀបនឹងពេលបច្ចុប្បន្ននេះ ពិសេសតំបន់កណ្តាលរាជធានី នឹងរីកចម្រើនដោយមជ្ឈមណ្ឌលពាណិជ្ជកម្ម និងខុនដូ។ ចំណែកការទិញអចលនទ្រព្យ ឧទាហរណ៍ ដូចជា ការទិញបែបវិនិយោគដូចផ្សារហ៊ុន នឹងមានកំនើនខ្ពស់នាពេលអនាគតផងដែរ។

លោកបន្តថា អតិជននាពេលបច្ចុប្បន្ន បានទិញលក់អចលនទ្រព្យជាធម្មតា ប៉ុន្តែពួកគេមិនស្ថិតនៅក្នុងបំណែក ដែលបានរួមចំណែកធំដល់ទីផ្សារអចលនវត្ថុសកម្មនោះទេ៕

តើការវិនិយោគដីធ្លីនៅតែមានឱកាសចំណេញខ្ពស់? ហេតុអ្វី?

ដោយៈគង់ សិរីជេស៊ីកា

ភ្នំពេញៈ ការវិនិយោគដីធ្លីនៅតែបន្តផ្តល់ផលចំណេញ បើផៀបនឹងការយកប្រាក់ទៅដាក់នៅធនាគារ។ នេះជាការលើកឡើងរបស់លោកឧកញ៉ាបណ្ឌិតគីម ហ៊ាង ប្រធាន KW CAMBODIA។

លោកបណ្ឌិតបានមានប្រសាសន៍ឲ្យដឹង តាមទទូរស័ព្ទកាលពីល្ងាចថ្ងៃទី១៩ មករាកន្លងមកថា ការវិនិយោគដីធ្លីកាលពី៥ទៅ១០ឆ្នាំមុន ប្រៀបដូចជា ស្ថានភាពមនុស្សស្រីវ័យ១៥ឆ្នាំ ឬវ័យជំទង់ ដែលចាប់ផ្តើមមានភាពស្រស់ស្អាត ដែលពេលនោះការវិនិយោគដីធ្លី អាចចំណាយពេលបីខែ ទទួ​ល​បានផលចំណេញ២០ទៅ៤០ភាគរយ ឬចំណេញមួយគុណនឹងពីរ។

លោកបន្តថា ខ្ញុំគិតថាការវិនិយោគដីធ្លី នៅតែមានផលចំណេញ គ្រាន់តែចំណាយពេលយូរជាងមុន ព្រោះស្ថានភាពប្រៀបដូចស្រីវ័យ២៥ទៅ២៧ឆ្នាំហើយ”។ លោកបន្តថា “ពីមុនអាចចំណេញក្នុងរយៈពេលបីខែ តែឥលូវអាចចំណេញនៅរយៈពេលក្រោយបីឆ្នាំ ប៉ុន្តែនៅតែចំណេ​ញនិងអាចចំណេ​ញមួយគុណនឹងពីរ បើទុកបានរយៈពេល៣ឆ្នាំ”។

លោកឧកញ៉ាបានបន្តថា ស្ថានភាពបែបនេះ វាជាការវិវត្តរបស់ទីផ្សារ និងស្ថានភាពសេដ្ឋកិច្ច ខណៈដែល៥ឆ្នាំមុនទីផ្សារ មានសភាពពុះកញ្រ្ជោល ប៉ុន្តែបច្ចុប្បន្នទីផ្សារមានភាពចាស់ទុំជាងមុន អ្នកវិនិយោគមានចំនួនច្រើនជាងមុន។

តើគួរទិញដីនៅទីណា ដើម្បីទទួលបានផលចំណេញលឿន លោកឧកញ៉ាគីម ហ៊ាងបានផ្តល់អនុសាសន៍ថា គួរទិញកន្លែងមានផ្សារ និងមានមនុស្សរស់នៅច្រើន ព្រោះកន្លែងណាមានមនុស្សរស់នៅច្រើន តម្រូវការដីធ្លីនឹងកើនឡើង ហើយតម្លៃក៏កើនឡើងព្រមគ្នាផងដែរ៕

លោកឧកញ៉ាលឹម ហេងៈ សភាពាណិជ្ជកម្មនឹងពង្រីកការិយាល័័យទៅកាន់បណ្តាខេត្តចំនួន៧បន្ថែមទៀត

ដោយៈគង់ សូរិយា

ភ្នំពេញៈ រហូតមកទល់ពេលនេះ កម្ពុជាមិនទាន់មានតំណាងការិយា​ល័យសភាពាណិជ្ជកម្មគ្រប់បណ្តារាជធានី ខេត្តនៅឡើយទេ ដែលទាមទារឲ្យមានការពង្រីកបន្ថែមនាពេលអនាគត។

អនុប្រធានសភាពាណិជ្ជកម្មកម្ពុជា លោកឧកញ៉ាលឹម ហេងបានមានប្រសាសន៍៍ឲ្យដឹងតាមបណ្តាញតេលេក្រាម កាលពីល្ងាចថ្ងៃទី១៩ មករាកន្ល​ងមកថា បច្ចុប្បន្ននេះស្ថាប័ននេះ មានមណ្ឌលសភាពាណិជ្ជកម្មរួមបញ្ចូលគ្នា ដោយខេត្តពីរមានសភាពាណិជ្ជកម្មមួយរួមគ្នា ប៉ុន្តែនាពេលអនា​គតយើងនឹងបង្កើតតំណាងការិយាល័យ សភាពាណិជ្ជកម្មលើគ្រប់២៥រាជធានីខេត្ត។

លោកបន្តថា “យើងនឹងបង្កើតការរិយាល័យ តំណាងសភាពាណិជ្ជកម្មលើខេត្តចំនួន៧ ដែលមិនទាន់មានតំណាង ការិយាល័យនៅឡើយ”។​លោកបន្តថា “ដោយសេដ្ឋកិច្ចរបស់យើងរីកចម្រើន នៅគ្រប់បណ្តាខេត្តនិមួយ​ៗ គោលដៅរបស់សភាពាណិជ្ជកម្ម និងក្រសួងពាណិជ្ជកម្ម ក៏ដូចជាការចង់បាន របស់គណៈអភិបាលខេត្តនិមួយៗ ចង់បានឲ្យមានសភាពាណិ​ជ្ជកម្មដាច់តែឯង ទើបសភាពាណិជ្ជកម្ម នឹងពង្រីកឲ្យបានគ្រប់បណ្តារាជ​ធានី ខេត្តនាពេលខាងមុខ”។

លោកឧកញ៉ាលឹម ហេងបានបន្តថា ជាមួយគ្នានេះ យើងនឹងធ្វើការ​សាងសង់អាគារសភាពាណិជ្ជកម្ម ឲ្យបានគ្រប់បណ្តាខេត្តផងដែរ ដែលបច្ចុ​ប្បន្ន យើងទើបមានអគារសភាពាណិជ្ជកម្ម តែបីប៉ុណ្ណោះនៅទូទាំងប្រទេសគឺអគារសភាពាណិជ្ជកម្មរាជធានីភ្នំពេញ អាគារពាណិជ្ជកម្មខេត្តត្បូងឃ្មុំ និងអាគារមណ្ឌលសភាពាណិជ្ជកម្មខេត្តកំពង់ចាម និងមណ្ឌលគិរី។

លោកបន្តថា យើងកំពុងស្វែងរកថវិកាសាងសង់ មណ្ឌលសភាពាណិ​ជ្ជកម្មនៅតាមបណ្តាខេត្តដែលនៅសល់ ដោយតំណាងសភាពាណិជ្ជកម្មនៅតាមបណ្តាខេត្តនិមួយៗ នឹងសហការជាមួយអភិបាលខេត្តនានា ដើម្បីស្វែងរកទីតាំងសមស្របសាងសង់ អគារសភាពាណិជ្ជកម្ម នៅតាមមូលដ្ឋានរបស់ខ្លួន៕