គម្រោងវិនិយោគរោងចក្រថ្មីៗនៅកម្ពុជាផ្ដល់ទាំងឱកាសការងារនិងជំរុញហាងឆេងដីធ្លី

ដោយៈវឌ្ឍនៈ

ភ្នំពេញៈ ក្រុមប្រឹក្សាអភិវឌ្ឍន៍កម្ពុជា បានចេញវិញ្ញាបនបត្រជូនក្រុមហ៊ុនវិនិយោគ លើគម្រោងរោងចក្រជាបន្តបន្ទាប់នៅកម្ពុជា ដែលការវិនិយោគលើគម្រោងរោងចក្រនេះដែរ នឹងផ្ដល់ឱកាសការងារ និងតម្រូវការដីធ្លីសម្រាប់សាងសង់រោងចក្រកាន់តែច្រើនឡើងផងដែរ។

លោកប៉ាវ ស៊ីណា ប្រធានសម្ព័ន្ធសហជីពចលនាកម្មករកម្ពុជាបានឱ្យដឹងថា ការវិនិយោគរោងចក្រឧស្សាហកម្ម នៅក្នុងប្រទេសកម្ពុជា ពិតណាស់នឹងផ្ដល់អត្ថប្រយោជន៍ជាច្រើនដល់កម្ពុជា ក្នុងនោះវានឹងផ្ដល់នូវឱកាសការងារដោយផ្ទាល់ និងដោយប្រយោលជាច្រើនទៀតផងដែរ ជាពិសេសដល់ប្រជាពលរដ្ឋកម្ពុជា ដែលរងផលប៉ះពាល់ដោយសារតែវិបត្តិ កូវីដ១៩កន្លងទៅ។

លោកបន្តថា “ការចេញវិញ្ញាបនបត្រជូនក្រមហ៊ុនវិនិយោគ  លើរោងចក្រនៅពេលនេះ ថ្វីត្បិតតែមិនបានផ្ដល់អត្ថប្រយោជន៍ភ្លាម តែគម្រោងនឹងធ្វើឡើងនៅពេលអនាគត”។ លោកបន្តថា “ប្រជាពលរដ្ឋនឹងទទួលបានឱកាសការងារ និងពលរដ្ឋដែលបម្រសេវាកម្ម នៅជិតតំបន់រោងចក្រនោះផងដែរ ដែលអាចចូលរួមចំណែកដល់ការអភិវឌ្ឍសេដ្ឋកិច្ចកម្ពុជាទៀតផង”។

លោកឌឹត ចណ្ណាអគ្គនាយកក្រុមហ៊ុនអលនទ្រព្យឡាក់គី ក៏បានឱ្យដឹងផងដែរថា គម្រោងវិនិយោគលើរោងចក្រ នឹងធ្វើឱ្យតម្រូវការដីធ្លីសម្រាប់សា​ងសង់រោងចក្រក៏កាន់តែច្រើនផងដែរ ជាពិសេសនៅតំបន់ដែលនៅឆ្ងាយពីរាជធានីភ្នំពេញ ខណៈនៅជិតរាជធានីភ្នំពេញ នឹងវិវត្តន៍ទៅរកការអភិវឌ្ឍវិស័យផ្សេង ដូចជា លំនៅឋាននិងពាណិជ្ជកម្មជាដើម។

លោកបន្តថា នៅក្នុងវិបត្តិដែលកើតឡើងចំពោះកម្ពុជា២ឆ្នាំ កន្លងមកឃើញថា អ្នកដែលស្វែងរកដីធ្លីសម្រាប់សាងសង់ ឃ្លាំងជួលជារោងចក្រ និងស្តុកទំនិញនៅតែមានជាបន្តបន្ទាប់ ដូច្នេះធ្វើឱ្យហាងឆេងដីធ្លីសម្រាប់បម្រើឱ្យវិស័យឧស្សាហកម្មនៅតែមានខ្ពស់ដដែល។

លោកសន សៀប នាយកប្រតិបត្តិក្រុមហ៊ុនអចលនទ្រព្យឃីរៀលអ៊ីស្ទេតក៏បានលើកឡើងផងដែរ ការវិនិយោគលើរោងចក្រឧស្សាហកម្មឃើញថា បានងាកទៅរកទិសខាងលិចរាជធានីច្រើន ជាពិសេសនៅក្នុងខេត្តកំពង់ស្ពឺ ដែលធ្វើឱ្យសក្ដានុពលដីធ្លី នៅតំបន់នៅតែមានស្ថានភាពល្អប្រសើរ និងមានការទិញលក់ច្រើន។

យោងតាមរបាយការណ៍របស់ ក្រុមប្រឹក្សាអភិវឌ្ឍន៍កម្ពុជាឃើញថាដើមឆ្នាំ២០២២នេះ ក្រុមប្រឹក្សាអភិវឌ្ឍន៍កម្ពុជាអនុម័ត គម្រោងវិនិយោគរោងចក្រនៅកម្ពុជា មានចំនួនជិត២០គម្រោង ដែលមានទឹកប្រាក់សរុបជិត១០០លានដុល្លារអាមេរិក និងបង្កើតការងាររាប់ម៉ឺននាក់ផងដែរ៕

ក្រុមហ៊ុនប៉េង ហួតគ្រុប ចែករំលែកគ្រឿងឧបភោគបរិភោគ និងសម្ភារៈសិក្សាដល់កុមារកំព្រានិងកុមារក្រីក្រ

ដោយៈសហការី

ភ្នំពេញៈ ក្រុមហ៊ុនប៉េង ហួត គ្រុប បាននាំយកនូវគ្រឿងឧបភោគបរិភោគ ដែលមានអង្ករ មី​ ត្រីខកំប៉ុង ទឹកស៊ីអ៊ីវ ព្រមទាំងសម្ភារៈប្រើប្រាស់ដូចជា ម៉ាស អាល់កុល និងសម្ភារៈសិក្សាមាន កាតាបសៀវភៅសរសេរ ខ្មៅដៃ ឧបត្ថម្ភដល់អង្គការជួយសង្រ្គោះគ្រួសារក្រីក្រ និងសហគមន៍ក្រីក្រ (SPFCO) ដែលមានទីតាំងស្ថិតនៅក្នុង ស្រុកព្រៃឈរ ខេត្តកំពង់ចាម ដើម្បីជួយសម្រួលដល់ជីវភាពរបស់កុមារកំព្រា និងកុមារក្រីក្រជាច្រើននាក់និងគ្រួសារក្រីក្ររបស់ពួកគេ។

ជំនួយនេះ ក៏ជាការចូលរួមជួយសម្រួលបន្ទុក ដល់អង្គការមួយចំនួនធំផងដែរ ខណៈដែលកុមារទាំងនោះមួយចំនួនធំបាន និងកំពុងតែទទួលការទំនុកបម្រុងសម្រាប់ការរស់នៅ និងកាសិក្សាពីអង្គការ។

ពិតណាស់ថាការអប់រំ គឺជាគ្រឹះអភិវឌ្ឍធនធានមនុស្ស សង្គមជាតិ និងពិភពលោក ដែលការអប់នេះក៏ជាផ្នែកមួយដ៏សំខាន់ផងដែរ នៃការងារទំនួលខុសត្រូវសង្គមរបស់ក្រុមហ៊ុន ប៉េង ហួត គ្រុប ដែលតែងតែយកចិត្តទុកដាក់ និងឧបត្ថម្ភជាជំនួយ ដើម្បីឆ្លើយតបទៅនិងតម្រូវការលំបាកដែលសង្គមកំពុងប្រឈមជាក់ស្ដែង។ ជាក់ស្ដែងដោយមើលឃើញពីភាពលំបាក សម្រាប់ការរស់នៅ សុខុមាលភាព ស្បៀងសម្រាប់បរិភោគប្រចាំថ្ងៃនិងកង្វះខាតសម្ភារៈ សិក្សារៀនសូត្ររបស់កុមារកំព្រា និងកុមារក្រីក្រទាំងអស់នេះក្នុងស្ថានភាពលំបាកនេះ ទើបក្រុមហ៊ុនបាននាំយកនូវស្បៀងអារហារ និងសម្ភា​រៈសិក្សាមួយចំនួន ឧបត្ថម្ភដល់អង្គការជួយសង្រ្គោះគ្រួសារក្រីក្រ និងសហគមន៍ក្រីក្រ ដើម្បីដោះស្រាយស្ថានភាពលំបាកនាពេលនេះ។

ទាក់ទងនិងកម្មវិធីនំាយក និងការឧបត្ថម្ភនូវគ្រឿងឧបភោគបរិភោគ សម្ភារៈប្រើប្រាស់ សម្ភារៈសិក្សានេះ កាលពីថ្មីៗកន្លងទៅនេះក្រុមហ៊ុនបានចូលរួមទៅលើកម្មវិធីជាច្រើដែរួមមាន “កម្មវិធីអង្ករប្តូរយកឱកាសសិក្សារបស់ក្មេងៗរើសសំរាម នៅសហគមន៍ក្រីក្រស្ទឹងមានជ័យ ភ្នំពេញ អង្ករប្ដូរយកសំរាម នៅខេត្តសៀមរាប ហើយថ្មីៗនេះ គឺកម្មវិធីអង្ករបានបន្តការសិក្សានៅរបស់កុមារកំព្រា និងកុមារក្រីក្រនៅ ខេត្តកំពង់ចាម។ល។”​ ។

ក្នុងបរិយាកាសដ៏រំភើបរីករាយក្នុងការប្រគល់ និងទទួលអំណោយនេះ លោក ឃិន ប៊ុនថន ប្រធានអង្គការជួយសង្រ្គោះគ្រួសារក្រីក្រ និង សហគមន៍ក្រីក្រ បានថ្លែងអំណរគុណដល់ក្រុមហ៊ុន ប៉េង ហួត គ្រុប ដែលបានជួយសម្រួលដល់ការលំបាករបស់អង្គការ ពិសេសដល់កុមារកំព្រា និងក្រីក្រឲ្យទទួលបានម្អូបអាហារ និងឱកាសសិក្សា។

លោកបន្តថា “កុមារកំព្រា និងកុមារក្រីក្រទាំងអស់នេះ គឺត្រូវការជំនួយឧបត្ថម្ភបន្តទៀតពីសម្បុរសជន ទោះបីតិចក្ដី ច្រើនក្ដី ដើម្បីអាចឱ្យពួកគេឱ្យបន្តលូតលាស់ ជាពិសេសអាចបន្តការរៀនសូត្រ ទៅមុខទៀតឱ្យបានចប់ចុងចប់ដើម ដើម្បីឈានទៅសម្រចគោលបំណងរបស់ពួកគេ នៅថ្ងៃអនាគត”។​

កុមារីម្នាក់ក្នុងចំណោមកុមារាកុមារីកំព្រា និងក្រីក្រជាច្រើននាក់ទៀត ក៏បានសំដែងនូវអំណរគុណ ប្រកបដោយអារម្មណ៍សប្បាយចិត្ត និងរំភើបថា សូមអរគុណខ្លាំងណាស់ដល់ក្រុមហ៊ុន ដែលបានចែកអំណោយស្បៀងអាហារ និងសម្ភារៈសិក្សាទាំងនេះមកពួកខ្ញុំ។ ពួកខ្ញុំត្រូវការជំនួយឧបត្ថម្ភផ្សេងៗទៀត ហើយខ្ញុំត្រូវការភាពកក់ក្ដៅ សេចក្ដីស្រឡាញ់ និងការយកចិត្តទុកដាក់ពីបងប្អូនទាំងអស់គ្នា ព្រោះខ្ញុំមិនមានឪពុក ម្ដាយនៅជាមួយខ្ញុំទេ ហើយរាល់ថ្ងៃខ្ញុំនៅតែជាមួយយាយទេ”។។​  

លោកចាន់ រដ្ឋា ប្រធានកិច្ចការសាធារណៈជាន់ខ្ពស់ និងជាតំណាងក្រុមហ៊ុនប៉េង ហួត គ្រុបបានមានប្រសាសន៍ថា ថ្លែងអំណរគុណយ៉ាងជ្រាលជ្រៅដល់ អង្គការជួយសង្រ្គោះគ្រួសារក្រីក្រ និងសហគមន៍ក្រីក្រ ព្រមទាំងក្រុមការងារ ដែលបានខិតខំប្រឹងប្រែង មិនគិតពីការនឿយហត់ក្នុងការចូលរួមអភិវឌ្ឍធនធានមនុស្ស និងសង្គមជាតិ។

លោកបន្តថា យើងខ្ញុំសង្ឃឹមថាការឧបត្ថម្ភទាំងនេះ នឹងជួយសម្រួលដល់ជីវភាពរបស់កុមារកំព្រា និងកុមារក្រីក្រទាំងអស់នេះ ព្រមទាំងគ្រួសារក្រីក្ររបស់ពួកគេបានមួយរយៈពេលវែង ទោះបីជាអំណោយមិនច្រើនក្ដី ដែលអាចឱ្យពួកគេផ្តោត លើការសិក្សាបន្តទៀតបាន ហើយយើងក៏សង្ឃឹមទៀតថាពួកគេ នឹងក្លាយទៅជាធនធានមនុស្សដ៏ល្អ និងជាទំពាំងស្នងឬស្សីនាពេលអនាគត។

អង្គការជួយសង្រ្គោះគ្រួសារក្រីក្រ និង សហគមន៍ក្រីក្រ (SPFCO)​​ គឺមានទីតាំងស្ថិតនៅក្នុងភូមិព្រៃឈរ ឃុំព្រៃឈរ ស្រុកព្រៃឈរខេត្តកំពង់ចាម ដែលបច្ចុប្បន្នមានគ្រូស្ម័គ្រចិត្តចំនួន​៤នាក់  ព្រមទាំងកុមារកំព្រា និងកុមារក្រីក្រ ទាំងអស់៧៥នាក់ ដែលបាននិងកំពុងតែទទួលបានការ ទំនុកបម្រុងលើការបរិភោគអាហារប្រចាំថ្ងៃ និងការសិក្សារៀនសូត្រពីអង្កការផ្ទាល់។

ទទ្ទឹមហ្នឹងនេះផងដែរ សព្វថ្ងៃកុមារទាំងអស់នៅទីនោះ គឺកំពុងត្រូវជំនួយឧបត្ថម្ភជាអាហារបរិភោគប្រចាំថ្ងៃ និងសម្ភារៈសិក្សាមួយចំនួនទៀតផងដែរពីសម្បុរសជននានា។

ពាក់ព័ន្ធការងារអប់រំនេះ កន្លងមកក្រុមហ៊ុន ប៉េង ហួត គ្រុប បានចូលរួមឧបត្ថម្ភសាងសង់សាលារៀនៅតាមបណ្តាខេត្តនានា ការផ្តល់អាហារូបករណ៍ដល់និសិ្សតក្រីក្រ ការផ្តល់ឱកាសហាត់ការងារ និងឱកាសការងារដល់សិស្សនិស្សិត ក៏ដូចជាការចែកសម្ភារៈសិក្សា ដល់សិស្សនិស្សិតក្រីក្រនៅបណ្ដាខេត្តនានាផងដែរ។ល៕

 

 

Kep- Koh Tonsay International Tourism Port Inaugurated today

by: Sotheary

Phnom Penh: The US$1.2 million Kep-Koh Tonsay international tourism port in Kep province was inaugurated on Wednesday 19 January after 2 years of construction.

The inauguration ceremony was held under the presence of HE Sun Chanthol, Senior Minister and Minister of Public Works and Transport.

The port will connect Kep maintain to Koh Tonsay Island and to the tourism ports of neighbouring countries such as Vietnam.

The port will be able to accommodate two types of cruise ships. The first type of ship can travel 56km offshore and can carry 30 to 100 people. The second type can go up to 193km offshore and can carry from 100 to 300 passengers.

The port was built on the site of the old port in Kep city in 2019 on a total area of nearly 5,000 sqm, using the national budget of US$1.2 million.

Chinese property developers face big debt maturities in 2022

 

Chinese real estate developers are staring at enormous amounts of debt maturing this year, at a time when property sales have slowed and traditional borrowing markets remain closed off following Beijing’s campaign to rein in borrowing in the sector.

According to Refinitiv data, Chinese real estate developers have $117 billion worth of debt maturing in 2022, with $36 billions of those denominated in dollars.
The slowdown in the sector further pressured developers, with property investments in December falling at the fastest pace since early-2020, clouding the country’s outlook despite a robust headline economic growth figure.

China Evergrande Group has been struggling to repay more than $300 billion in liabilities, including nearly $20 billions of offshore bonds deemed in cross-default by ratings agencies last month after it missed payments.

Their worsening credit conditions have hit equity and bond prices of even the largest developers in recent months.
A 3.125per cent October 2025 bond issued by China’s biggest developer by sales, Country Garden, has fallen about 17per cent this year to 73 cents as of Tuesday.

According to Refinitiv data, the developers face debts worth $27 billion coming due in the first quarter of this year, and $31 billion in the second quarter.

Source: Reuters

បណ្ដាក្រុមហ៊ុនអភិវឌ្ឍន៍អចលនទ្រព្យចិនប្រឈមការសងបំណុលរាប់រយពាន់លានដុល្លារក្នុងឆ្នាំ២០២២

ដោយៈសុខុម

ប្រទេសចិន: បណ្ដាក្រុមហ៊ុនអភិវឌ្ឍន៍ អចលនទ្រព្យរបស់ប្រទេសចិន នៅពេលនេះ កំពុងតែប្រឈមនឹងការសងបំណុល យ៉ាងច្រើនសន្ធឹកសន្ធាប់ដែលដល់ពេលកំណត់ត្រូវសងក្នុងឆ្នាំ២០២២។

យោងតាមសារព័ត៌មាន CNA ចុះផ្សាយនៅថ្ងៃពុធ ទី១៩ មករា នេះឱ្យដឹងថា ការប្រឈមមុខនឹងការសងបំណុលយ៉ាងច្រើន សន្ធឹកសន្ធាប់នេះកើតមានឡើង នៅពេលសន្ទុះនៃការលក់អចលនទ្រព្យ បានធ្លាក់ចុះខ្លាំង ហើយទីផ្សារផ្ដល់ឥណទាននៅតែបិទ ក្រោយពីរដ្ឋាភិបាលក្រុងប៉េកាំង ចាត់វិធានការរឹតបន្តឹងការផ្ដល់ឥណទានក្នុងវិស័យនេះ។

ផ្អែកតាមទិន្នន័យរបស់ Refinitiv ដែលជាក្រុមហ៊ុនផ្ដល់ទិន្នន័យទីផ្សារហិរញ្ញវត្ថុ និងហេដ្ឋារចនាសម្ព័ន្ធពិភពលោកបង្ហាញថា បណ្ដាក្រុមហ៊ុនអភិវឌ្ឍន៍អចលនទ្រព្យរបស់ប្រទេសចិន មានបំណុលដែលដល់ពេលត្រូវសងក្នុងឆ្នាំ២០២២ នេះច្រើនរហូតដល់ទៅ១១៧ពាន់លានដុល្លារអាមេរិក ដោយក្នុងនោះបំណុល ដែលត្រូវសងជារូបិយប័ណ្ណដុល្លារ មានចំនួន៣៦ពាន់លានដុល្លារ។

បណ្ដាក្រុមហ៊ុនអភិវឌ្ឍន៍ក្នុងប្រទេសនេះ កំពុងប្រឈមនឹងវិបត្តិសាច់ប្រាក់ធ្ងន់ធ្ងរមិនធ្លាប់មាន នៅពេលចំណាត់ការរឹតបន្តឹង ការផ្ដល់ឥណទានក្នុងវិស័យអចលនទ្រព្យប៉ុន្មានឆ្នាំចុងក្រោយនេះ ពីសំណាក់ក្រុមនិយ័តករ បានបណ្ដាល ឱ្យក្រុមហ៊ុនអចលនទ្រព្យនានា ខកខានសងបំណុលនៅបរទេស ហើយកម្រិតគុណភាពឥណទាន របស់ក្រុមហ៊ុនទាំងនេះក៏បានធ្លាក់ចុះខ្លាំង។

សន្ទុះធ្លាក់ចុះនៅក្នុងវិស័យនេះ បានដាក់សម្ពាធលើបណ្ដាក្រុមហ៊ុនអភិវឌ្ឍន៍អចលនទ្រព្យកាន់តែខ្លាំងបន្ថែមទៀត ដោយការវិនិយោគលើអច​លនទ្រព្យនៅក្នុងខែធ្នូ ចុងឆ្នាំ២០២១ បានធ្លាក់ចុះក្នុងល្បឿនលឿនបំផុតចាប់តាំងពីដើមឆ្នាំ២០២០ មក។

តួយ៉ាង ក្រុមហ៊ុនចិន China Evergrande Group បាននិងកំពុងដុនដាបយ៉ាងខ្លាំង នៅក្នុងការសងបំណុលគរដូចភ្នំ រហូតដល់ទៅជាង៣០០ពាន់លានដុល្លារអាមេរិករបស់ខ្លួន រួមទាំងមូលបត្របំណុលបរទេសជិត២០ពាន់លានដុល្លារអាមេរិកផងដែរ បន្ទាប់ពីក្រុមហ៊ុននេះខកខានសងបំណុលតាមពេលកំណត់ជាបន្តបន្ទាប់៕  Reuters៕

អ្នកឧកញ៉ាលី ហួរៈចង់វិនិយោគលើអចលនទ្រព្យគួរសិក្សាលើកត្តាសំខាន់ៗចំនួន៤

ដោយៈជេស៊ីកា

       ភ្នំពេញៈ ជាអ្នកទទួលបានជោគជ័យលើវិស័យអចលនទ្រព្យ និងមុខជំនួញជាច្រើនទៀត អ្នកឧកញ៉ាលី ហួរអគ្គនាយកក្រុមហ៊ុនលី ហួរគ្រុបបានចែកររំលែក នូវគន្លឹះសំខាន់ៗមុនវិនិយោគ លើវិស័យអចលនទ្រព្យនៅកម្ពុជា។

អ្នកឧកញ៉ាបានមានប្រសាសន៍ឲ្យដឹងតាមទូរស័ព្ទ នារសៀលថ្ងៃទី១៩ មករានេះថា ការវិនិយោគលើវិស័យនេះ គួរសិក្សាពីលទ្ឋភាពរបស់ខ្លួនជាមុនសិន ដោយមិនគួរប្រើប្រាស់សាច់ប្រាក់ពីធនាគារ នៅពេលដែលខ្លួនគ្មានគោលដៅច្បាស់លាស់ននោះទេ។

អ្នកឧកញ៉ាបានបន្តថា ប្រសិនជាវិនិយោគលើផ្ទះឬដីធ្លី គួរសិក្សាទៅលើចំណូចសំខាន់ៗមួយចំនួន ដូចជា ទី១ សិក្សាពីប្រភពចំណូល និងការចំណាយរបស់ខ្លួនឲ្យបានច្បាស់លាស់ជាមុន ទី២ សិក្សាពីទីតាំងថាតើវានឹងមានការរីកចម្រើននាពេលអនាគតតរបៀបណា ទី៣ សិក្សាពីទិដ្ឋភាពច្បាប់ឲ្យបានច្បាស់លាស់ ដើម្បីកុំឲ្យមានបញ្ហានៅពេលខាងមុខ ពិសេសបង្ការខ្លាចទិញដីឬផ្ទះមិនបាន បែរជាមានរឿង អស់ទាំងលុយកាត់ មានទាំងរងជាប់ខ្លូន និងទី៤ មិនត្រូវប្រថុយប្រថាន គឺសិក្សាដោយម៉ត់ចត់ទាំាំងប្រភព  ចំណូល ទាំងទីតាំង និងទិដ្ឋភាពច្បាស់ និងគគោលនយោបាយនានារបស់ ​រដ្ឋាភិបាល។

អ្នកឧកញ៉ាលី ហួរបានបន្តថា ការវិនិយោគលើវិស័យអចលនទ្រព្យ ត្រូវការសិក្សាម៉ត់ចត់ណាស់ ទោះបីជាវិស័យនេះមានផលចំណេញក្តី ប៉ុន្តែអ្វីដែលអ្នកវិនិយោគត្រូវគិតគូរជាចំបង គឺគិតសិនមុនគូរ ព្រោះបើយើងមិនបានគិតច្បាស់លាស់ យើងនឹងប្រឈមបញ្ហា និងមិនអាចចាប់បានឱកាស​នោះទេ ទោះបីជាឱកាសមកដល់ក៏ដោយ៕

Seeing the forest for the trees: Cambodia commits to achieving carbon neutrality by 2050

 

PHNOM PENH, Cambodia, Jan. 18, 2022 /PRNewswire/ – Cambodia begins the new year as the first nation in Southeast Asia to publish a plan to achieve carbon neutrality by 2050. The roadmap, known officially as a “Long-term strategy for Carbon Neutrality (LTS4CN)”, was submitted to the United Nations Convention on Climate Change (UNFCCC) on the 30th of December 2021. This fulfilled a promise by Prime Minister Hun Sen to present such a plan by the end of 2021 and it followed on the heels of his government’s pledge, at COP26 Glasgow last November, to reduce Cambodia’s greenhouse gas emissions by more than 40 percent of median levels by 2030.

“Implementation of the carbon neutrality strategy in Cambodia is expected to increase our nation’s GDP by nearly 3 percent and to create some 449,000 jobs by 2050” says Say Samal, Minister of the Environment for Cambodia. “Forestry sector reforms, decarbonization of transport systems and the promotion of low-carbon agricultural and goods production processes will lead the way to a greener economy and more sustainable prosperity for all”.

Minister Samal lauds the efforts of his government, the Ministry of the Environment, and those of Cambodia’s National Council for Sustainable Development for committing to go beyond putting pen to paper. “In good times and bad, Prime Minister Hun Sen has proven that he is a man of his word, and I take pride in following his example” says Say Samal. “Cambodia has a solemn obligation to do its part, in concert with more developed nations, to achieve net-zero carbon dioxide emissions by 2050.”

Cambodia’s “Long-term strategy for Carbon Neutrality (LTS4CN)” is designed to be a synergistic approach that seeks to balance economic growth and social justice with greenhouse gas reductions and climate resilience. The Cambodia Climate Change Alliance program (funded by the European Union, Sweden, and the United Nations Development Program), the United Kingdom, the World Bank, the Food and Agriculture Organization of the United Nations, the Global Green Growth Institute and the Agence Française de Développement have contributed their extensive expertise to the preparation of this strategy. We are most grateful for their input, and we welcome their assistance in the coming years.

Cambodia has a 400 megawatt foothold in solar energy development. The country is steering away from coal-fired power generation and hydro power development on the Mekong River has been ruled out. “We are seeing “REDD” when it comes to our forestry resources” says Say Samal. “REDD, as in “Reducing Emissions from Deforestation and forest degradation in Developing countries” – a program sponsored by the United Nations. Cambodia is committed to reducing deforestation by half by the year 2030 and to reaching zero emissions in its forestry sector by 2040.”

We have seen the global community come together to face down a biological threat that most of us could not have imagined barely two years ago. Yet, we had been warned. Let us heed the warnings about global warming. Let us apply ourselves with the same resolve, by increasing international funding for climate change mitigation initiatives. Cambodia stands ready.

គម្រោងអេកូទេសចរណ៍ថ្មីមួយទៀតនឹងលេចរូបរាងឡើងនៅក្រុងបូគោ

ដោយ: ម៉ាលីស

កំពតៈ ខេត្តកំពតជាខេត្តគោលដៅទេសចរណ៍ ដ៏ទាក់ទាញមួយនៅតំបន់ឆ្នេរសមុទ្រនៃប្រទេសម្ពុជា ហើយវិនិយោគិនជាច្រើនក៏បាននិងកំពុងសម្លឹងទៅរកការវិនិយោគលើវិស័យទេសចរណ៍ ក្នុងនោះក៏មានការវិនិយោគលើអចលនទ្រព្យ សម្រាប់គាំទ្រដល់វិស័យទេសចរណ៍ផងដែរ។

ក្រៅពីនេះខេត្តនេះក៏បាន និងកំពុងអភិវឌ្ឍន៍ទៅលើអេកូទេសចរណ៍ខ្នាតតូចៗជាច្រើន ដើម្បីទាក់ទាញភ្ញៀវទេសចរពីតំបន់ផ្សេង មកលេងកម្សា​ន្តនៅក្នុងខេត្តកំពត ។

មន្ត្រីជាន់ខ្ពស់នៃក្រសួងបរិស្ថាន ដឹកនាំដោយលោកនេត្រ ភ័ត្រាអ្នកនាំពាក្យ និងជារដ្ឋលេខាធិការនៃក្រសួងបរិស្ថាន បានចុះពិនិត្យទីតាំងស្នើសុំគម្រោងវិនិយោគអេកូទេសចរណ៍ ខ្នាតតូចទំហំមិនលើស១០ហិកតា ចំនួន១គម្រោង និងចុះកំណត់បោះព្រំប្រទល់ដីវិនិយោគ គម្រោងអភិវឌ្ឍន៍ទេស​ចរណ៍ធម្មជាតិផ្ទៃដី មិនលើសដប់ហិកតាចំនួន៦គម្រោង ដើម្បីបើកភ្លើងខៀវដល់ការវិនិយោគ លើគម្រោងអេកូទេសចរណ៍ ក្នុងខេត្តតំបន់សមុទ្រមួយនេះ។

ក្រុមមន្រ្តីជាន់ខ្ពស់នៃក្រសួងបរិស្ថាន បានដឹកនាំក្រុមការងារក្រសួងបរិស្ថាន និងមានការចូលរួមពីតំណាងរដ្ឋបាលខេត្តកំពត និងក្រុមហ៊ុន សរុបប្រមាណ១៩រូប កាលពីពេលថ្មីៗនេះ ចុះពិនិត្យទីតាំងជាក់ស្តែង និងប្រជុំពិភាក្សា លើគម្រោងអភិវឌ្ឍន៍ទេសចរណ៍ធម្មជាតិ ដែលមានផ្ទៃដីទំហំមិនលើស១០ហិកតា ចំនួន១គម្រោង និងចុះកំណត់ព្រំប្រទល់ដីវិនិយោគគម្រោងអភិវឌ្ឍន៍ទេសចរណ៍ធម្មជាតិ ផ្ទៃដីមិនលើសដប់ហិកតាចំនួន៦គម្រោងទៀត ស្ថិតក្នុងឧទ្យានជាតិព្រះមុនីវង្ស បូកគោ ក្នុងភូមិសាស្ត្រភូមិព្រែកអំពិល សង្កាត់កោះតូច ក្រុងបូកគោ ក្នុងគោលបំណងដើម្បីសិក្សាជាក់ស្តែងលើទីតាំងស្នើសុំវិនិយោគ និងដើម្បីចុះកំណត់ការបោះបង្គោលព្រំប្រទល់ដីលើទីតាំងគម្រោងទាំង៧ខាងលើ៕

អាជ្ញាធរខេត្តសៀមរាប គ្រោងចាប់យកការរៀបចំព្រឹត្តិការណ៍សង្ក្រាន្ត បង្ហាញមោទនភាពលើសមិទ្ធផលថ្មី

ដោយ: ម៉ាលីស

សៀមរាប: រដ្ឋបាលខេត្តសៀមរាប គ្រោងនឹងរៀបចំព្រឹត្តិការណ៍សង្ក្រា ន្តសៀមរាប ដើម្បីបង្ហាញមោទកភាពលើសមិទ្ធផលថ្មី ដែលជាអំណោយដ៏ថ្លៃថ្លារបស់សម្តេចតេជោ នាយករដ្ឋមន្ត្រីជូនប្រជាពលរដ្ឋខេត្តសៀមរាប។

កាលពីពេលថ្មីៗនេះនៅសាលប្រជុំសាលាខេត្ត អាជ្ញាធរខេត្តសៀម រាប គ្រោងចាប់យកការរៀបចំព្រឹត្តិការណ៍សង្ក្រាន្តសៀមរាប បង្ហាញមោទនភាពលើសមិទ្ធផលថ្មី( ហេដ្ឋារចនាសម្ព័ន្ធផ្លូវ៣៨ខ្សែ ) ដើម្បីទាក់ទាញភ្ញៀវទេសចរផ្ទៃក្នុងជាតិ និងអន្តរជាតិ ទន្ទឹមនឹងមានការត្រៀមខ្លួនរួចជាស្រេច ឆ្លងកាត់វិញ្ញាសារសាកល្បង ដកខ្លួនចេញពីវិបត្តិកូវីដ-១៩ នាថ្ងៃបុណ្យចូលឆ្នាំចិន-វៀតណាម ខាងមុខនេះ ។

ក្នុងកិច្ចប្រជុំនោះ លោក ទៀ សីហាអភិបាលខេត្តសៀមរាបបានបង្ហើបឲ្យដឹងនៅផងដែរថា  ជាមួយនឹងការបើកទំព័រថ្មី នៃសេដ្ឋកិច្ចសង្គមលើគ្រប់វិស័យ វិញ្ញាសារសាកល្បងធំៗ ដើម្បីពិសោធន៍លើកម្លាំងរើបម្រះចេញពីវិបត្តិកូវីដ-១៩នោះ គឺពិធីឆ្លងឆ្នាំសកលបានកន្លងផុត និងកំពុងត្រៀមការសាកល្បងបុណ្យចូលឆ្នាំចិន-វៀតណាមនាពេលខាងមុខនេះ ។

លោកសង្ឃឹមថា យ៉ាងណាក៏ដោយនៅក្នុងអំឡុងខែកុម្ភៈ ឬខែមីនា ឆ្នាំ២០២២ខាងមុខនេះ  ខេត្តសៀមរាប នឹងអាចឆ្លងកាត់ពីធីកាត់ខ្សែបូរ សម្ពោ​ធដាក់ឲ្យប្រើប្រាស់ជាផ្លូវការ ហេដ្ឋារចនានាសម្ព័ន្ធផ្លូវ៣៨ខ្សែ ក្រោមវត្ត​មានដ៏ខ្ពង់ខ្ពស់នៃសម្តេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា ដូច្នោះហើយគោលដៅខាងមុខ បុណ្យចូលឆ្នាំថ្មីប្រពៃណីជាតិ ឆ្នាំខាល ចត្វាស័ក ព.ស.២៥៦៦ នឹងត្រូវបានរៀបចំ ឲ្យមានជាព្រឹត្តិការណ៍សង្ក្រាន្តសៀម​រាប ដើម្បីទាក់ទាញភ្ញៀវទេសចរជាតិ និង ទេសចរអន្តរជាតិផងដែរ។

ជុំវិញបញ្ហាផ្លូវ៣៨ខ្សែនេះ គឺជាការងារអាទិភាពមួយដ៏ខាន់ ដែលត្រូវចាប់ផ្តើមចេញពីការជួបជុំ នៃអ្នកជំនាញពាក់ព័ន្ធទាំងអស់ រួមទាំងអាជ្ញាធរក្រុងផងដែរ លើការរៀបចំសណ្តាប់ធ្នាប់ ចរាចរណ៍ ការប្រើប្រាស់ចំណីផ្លូវ ការរៀបចំកន្លែង លក់ដូររបស់ប្រជាពលរដ្ឋជាដើម។ បរិស្ថាន អនាម័យស្អាត និងសេចក្តីថ្លៃថ្នូរ គឺត្រូវទាមទារឲ្យមានការចូលរួមពីសំណាក់ អ្នកពាក់ព័ន្ធទាំងអស់  ក្នុងនោះជនគំរូបំផុត គឺបងប្អូនប្រជាពលរដ្ឋ ទាំងការចូលរួមផ្សព្វ​ផ្សាយ និងទាំងការចូលរួមអនុវត្ត៕

កម្ពុជាក្លាយជាប្រទេសទី១ក្នុងតំបន់អាស៊ាន ដែលប្ដេជ្ញាសម្រេចឱ្យបាននូវអព្យាក្រឹតភាពកាបូនត្រឹមឆ្នាំ២០៥០

ដោយៈសុខុម

ភ្នំពេញ- ប្រទេសកម្ពុជា បើកទំព័រឆ្នាំថ្មីដោយក្លាយជាប្រទេសទី១ ក្នុងតំបន់អាស៊ាន ដែលបានបោះពុម្ពផ្សាយផែនការ ដើម្បីសម្រេចឱ្យបាននូវ “អព្យាក្រឹតភាពកាបូន” (Carbon Neutrality) នៅត្រឹមឆ្នាំ២០៥០។ នេះបើយោងតាមសារព័ត៌មាន PR Newswire ចុះផ្សាយកាលពីថ្ងៃអង្គារ ទី១៨ មករា។

ផែនទីបង្ហាញផ្លូវដែលគេស្គាល់ជាផ្លូវការថា “យុទ្ធសាស្ត្ររយៈពេលវែងសម្រាប់អព្យាក្រឹតភាពកាបូន” (Long-term strategy for Carbon Neutrality (LTS4CN)) នេះត្រូវបានដាក់ជូនសន្និបាតអង្គការសហប្រជាជាតិស្តីពីការបម្រែបម្រួលអាកាសធាតុ (United Nations Convention on Climate Change (UNFCCC)) កាលពីថ្ងៃទី៣០ ខែធ្នូ ឆ្នាំ២០២១។

នេះគឺជាការបំពេញតាមការសន្យា របស់សម្ដេចតេជោហ៊ុន សែន នាយករដ្ឋមន្ត្រីនៃកម្ពុជា ដែលថាលោកនឹងធ្វើបទបង្ហាញផែនការបែបនេះនៅចុងឆ្នាំ២០២១ ហើយវាក៏ជាការបំពេញតាមការសន្យា របស់រាជរដ្ឋាភិបាលកម្ពុជាផងដែរ ក្នុងសន្និបាទអង្គការសហប្រជាជាតិស្តីពី បម្រែប្រួលអាកា​សធាតុCOP26 Glasgow កាលពីខែវិច្ឆិកា ឆ្នាំ២០២១ដែលថា កម្ពុជា នឹងកាត់បន្ថយការបំភាយឧស្ម័នផ្ទះកញ្ចក់ ឱ្យបានលើសពី៤០% នៅត្រឹមឆ្នាំ២០៣០។

លោកសាយ សំអាល់ រដ្ឋមន្ត្រីក្រសួងបរិស្ថានមានប្រសាសន៍ថា “ការអនុវត្តយុទ្ធសាស្ត្រអព្យាក្រឹតភាពកាបូននៅកម្ពុជា ត្រូវបានរំពឹងថានឹងបង្កើនផលិតផលក្នុងស្រុកសរុប (GDP) របស់ប្រទេសយើងជិត៣% ហើយអាចបង្កើតការងារបានចំនួន៤៤៩,០០០កន្លែង នៅត្រឹមឆ្នាំ២០៥០”។ លោក​បន្តថា “កំណែទម្រង់វិស័យព្រៃឈើ ការកាត់បន្ថយកាបូនក្នុងប្រព័ន្ធដឹកជញ្ជូន និងការលើកកម្ពស់ដំណើរការផលិតកម្មកសិកម្ម និងទំនិញដែលមានកាបូនទាប នឹងនាំកម្ពុជាឆ្ពោះទៅរកសេដ្ឋកិច្ចបៃតង និងវិបុលភាពប្រក​ប​ដោយនិរន្តរភាពសម្រាប់ទាំងអស់គ្នា”។

“យុទ្ធសាស្ត្ររយៈពេលវែង សម្រាប់អព្យាក្រឹតភាពកាបូន (LTS4CN)​” របស់កម្ពុជា ត្រូវបានរៀបចំឡើងទុកជាវិធីសាស្រ្តរួមមួយ ដែលស្វែងរកតុល្យភាពកំណើនសេដ្ឋកិច្ច និងយុត្តិធម៌សង្គម ជាមួយការកាត់បន្ថយឧស្ម័នផ្ទះកញ្ចក់ និងភាពធន់ទ្រាំនឹងអាកាសធាតុ។

យុទ្ធសាស្ត្រនេះ មានការចូលរួមផ្ដល់ធាតុចូលពីស្ថាប័នជាតិ និងអន្តរជាតិជាច្រើនរួមមាន Cambodia Climate Change Alliance ធនាគារពិភពលោក (World Bank) អង្គការស្បៀង និងកសិកម្ម (FAO) នៃអង្គការសហប្រជាជាតិ វិទ្យាស្ថាន Global Green Growth Institute  និង Agence Française de Développement ព្រមទាំងប្រទេសអង់គ្លេស ផងដែរ។

*តើអព្យាក្រឹតភាពកាបូនមានន័យដូចម្តេច?

 

អព្យាក្រឹតភាពកាបូនគឺជាពាក្យ ដែលប្រើដើម្បីពិពណ៌នាអំពីឥន្ធនៈមានជាតិកាបូន ដែលនៅពេលដុតនឹងមិនបង្កើនកាបូនឌីអុកស៊ីត (CO2) នៅក្នុងបរិយាកាសនោះទេ។ ឥន្ធនៈទាំងនេះ មិនរួមចំណែក ហើយក៏មិនបន្ថយបរិមាណកាបូន (បានវាស់វែងនៅក្នុងការចេញឧស្ម័ន CO2) ចូលទៅក្នុងបរិយាកាសនោះដែរ។

កាបូនឌីអុកស៊ីតនៅក្នុងបរិយាកាស គឺជាអាហាររុក្ខជាតិដែលជារឿងល្អ ហើយវាក៏ជួយរក្សាភពរបស់យើងឱ្យក្តៅផងដែរ។ ប៉ុន្តែ CO2 ច្រើនពេកអាចនាំទៅរកបញ្ហាអាក្រក់ នោះគឺអ្វីដែលយើងហៅថា កម្ដៅផែនដី៕  PR Newswire៕