រាជរដ្ឋាភិបាលគ្រោងនឹងសាងសង់កែលម្អផ្លូវជាតិចំនួន៣តភ្ជាប់ខេត្តកែបជាមួយផ្លូវជាតិលេខ៣

ដោយៈ សុផារី

កែបៈ រាជរដ្ឋាភិបាលគ្រោងនឹងសាងសង់ កែលម្អផ្លូវជាតិចំនួន៣ គឺផ្លូវជាតិលេខ៣១ ផ្លូវជាតិលេខ៣៣ ផ្លូវជាតិលេខ៤១ តភ្ជាប់ខេត្តកែបជាមួយផ្លូវជាតិលេខ៣ ដើម្បីសម្រួលដល់ការធ្វើដំណើរ និងការដឹកជញ្ជូន។

នេះបើតាមការលើកឡើងរបស់លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីសម្ពោធបើកឱ្យប្រើប្រាស់ជាផ្លូវការ កំពង់ផែទេសចរណ៍ កែប-កោះទន្សាយ ក្រុងកែប ខេត្តកែប នៅក្នុងថ្ងៃនេះ។

លោកបានមានប្រសាសន៍ថា នៅពេលខាងមុខ រាជរដ្ឋាភិបាលតាម    រយៈក្រសួងសាធារណការ និងដឹកជញ្ជូន គ្រោងនឹងសាងសង់កែលម្អផ្លូវជាតិលេខ៣១ ផ្លូវជាតិលេខ៣៣ ផ្លូវជាតិលេខ៤១ ដើម្បីធ្វើឱ្យហេដ្ឋារចនាសម្ព័ន្ធប្រទាក់ក្រឡាគ្នា និងតភ្ជាប់ខេត្តកែបជាមួយផ្លូវជាតិលេខ៣ ដែលទើបបានសាងសង់ចប់ជាស្ថាពរនាពេលថ្មីៗ។

នេះដើម្បីងាយស្រួលក្នុងការធ្វើដំណើរ និងការដឹកជញ្ជូន កសិផល ឧស្សា​ហផល ជាពិសេស ទាក់ទាញភ្ញៀវទេសចរណ៍ជាតិ និងអន្តរជាតិឱ្យ​មកទស្សនាខេត្តកែប កាន់តែច្រើនថែមទៀត ដែលនឹងធ្វើឱ្យកំពង់ផែទេស​ចរណ៍កែប-កោះទន្សាយនេះ មានសកម្មភាពកាន់តែមានភាពមមាញឹក។

កំពង់ផែទេសចរណ៍កែប-កោះទន្សាយ ក្រុងកែប ខេត្តកែប អាចទទួលនាវាទេសចរណ៍ធំៗចំនួន៣គ្រឿង ដែលក្នុង១គ្រឿងអាចផ្ទុកអ្នកដំណើរចំនួន១៥០នាក់ និងទូកទេសចរណ៍តូចៗមួយចំនួន សាងសង់លើទីតាំងកំពង់ផែចាស់ មានផ្ទៃក្រឡាសរុប៣៤៧០ម៉ែត្រការ៉េ ចំណាយថវិកាជាតិសរុបប្រមាណ១,២០០,០០០ដុល្លារអាមេរិក៕

កំពង់ផែទេសចរណ៍កោះទន្សាយតម្លៃ១,២លានដុល្លារសម្ពោធដាក់ឱ្យប្រើប្រាស់ហើយ

ដោយ៖ សុផារី

កែប៖ កំពង់ផែទេសចរណ៍ខេត្តកែប-កោះទន្សាយ ដែលចំណាយថវិការក្នុងការសាងសង់ប្រមាណ១,២លានដុល្លារ ត្រូវបានសម្ពោធបើកឱ្យប្រើប្រាស់ជាផ្លូវការ នៅថ្ងៃទី១៩ ខែមករា ឆ្នាំ ២០២២នេះ ក្រោមវត្តមានលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។

ទីតាំងផែដែលទើបសាងសង់រួចនេះ ស្ថិតនៅកំពង់ផែចាស់ នៃកោះទន្សាយ ក្រុងកែប ខេត្តកែប ដែលបានប្រើរយៈពេលសាងសង់២៤ខែ គិតចាប់ពីថ្ងៃបើកការដ្ឋានថ្ងៃទី១២ ខែធ្នូ ឆ្នាំ២០១៩ រហូតដល់ ថ្ងៃទី២៧ ខែធ្នូ ឆ្នាំ២០២១។

លោក សោម ពិសិដ្ឋ អភិបាលខេត្តកែប មានប្រសាសន៍កាលពីពេលកន្លងទៅថា គម្រោងសាងសង់កំពង់ផែទេសចរណ៍កោះទន្សាយនេះ សម្រាប់ត្រៀមបម្រើដល់វិស័យទេសចរណ៍ ដែលមានលទ្ធភាពអាចទទួលចតនាវាផ្ទុកអ្នកដំណើរបានក្រោម៣០០នាក់ ចំពោះទំនិញផ្សេងៗ អាចដឹកបាន មិនលើសពី១៥តោននោះទេ។

កំពង់ផែទេសចរណ៍កោះទន្សាយនេះ ចំណាយថវិការក្នុងការសាងសង់ប្រមាណជិត៥ពាន់លានរៀល ស្ថិតក្នុងភូមិកែប សង្កាត់កែប ក្រុងកែប ខេត្តកែប ដែលមានសណ្ឋានជារូបក្តាម ចម្ងាយពីដីគោកចូលទៅក្នុងសមុទ្រប្រមាណ៣០៦ម៉ែត្រ ទទឹង៦៨ម៉ែត្រ មានផ្ទៃក្រឡាសរុបប្រមាណជាង ៤ពាន់ម៉ែត្រការ៉េ (៤៦៦១,៥០ម៉ែត្រការ៉េ)។

កំពង់ផែនេះត្រូវបានសាងសង់ក្នុងគោលបំណងពង្រីកសក្ដានុពលទេសចរណ៍របស់ខេត្ត និងបម្រើដល់វិស័យទេសចរណ៍ ហើយក្រៅពីបម្រើដល់វិស័យទេសចរណ៍ក្នុងស្រុក កំពង់ផែទេសចរណ៍កោះទន្សាយ គឺជាផលិតផលទេសចរណ៍ដ៏មានសក្តានុពល ដែលនឹងទាក់ទាញភ្ញៀវទេសចរបរទេស តាមរយៈការដឹកជញ្ជូនពីប្រទេសជិតខាង៕

 

Thailand expects high-speed rail with China to begin service in 2026

BANGKOK: Thailand expects the first leg of an 873 km high-speed railway connecting it to China to begin operations in 2026, a senior official said on Tuesday (Jan 18), three years later than planned,

Phase one links the capital Bangkok to the city of Nakhon Ratchasima, about 200 km away. Phase two connects Nakhon Ratchasima with Nong Khai, bordering Laos, about 330 km further north.

The second phase is currently under environmental assessment and is expected to begin service in 2028, said government deputy spokeswoman Traisulee Traisaranakul.

The project comes under China’s ambitious Belt and Road initiative, which aims to link the world’s second-largest economy by land corridors and sea links to Southeast, Central and South Asia and Central Asia, and with maritime routes opening up trade with the Middle East and Europe.

In early December, a rail link between Laos and China began operations. Trade at the Thai-Laos border that month reached 6.9 billion baht (US$208.84 million), compared to 4.64 billion baht in December 2020, Traisulee said.

Thai and Chinese state firms signed agreements worth 5.2 billion baht for the project in 2017 but saw delays over disagreements on design, financing and technical assistance.

Source: Reuters

ឆ្នាំ២០២៧ កម្ពុជានឹងមានអ៊ិនធើណែតប្រើប្រាស់នៅទូទាំងប្រទេស

ដោយៈ សុធារី

ភ្នំពេញៈ ក្រសួងប្រៃសណីយ៍ និង ទូរគមនាគមន៍បានឱ្យដឹងថា នៅឆ្នាំ២០២៧ កម្ពុជានឹងមានអ៊ិនធឺណិតគ្រប់គ្រាន់នៅតាមភូមិ ឃុំ និងស្រុកដាច់ស្រយាលនៅទូទាំងប្រទេស។

កម្ពុជាបច្ចុប្បន្នជាប់ចំណាត់ថ្នាក់ទី១២៨ ក្នុងចំណោមប្រទេស២០០ ជុំវិញពិភពលោក សម្រាប់ការទទួលបានបច្ចេកវិទ្យាអ៊ីនធឺណិតប្រើប្រាស់។

ថ្លែងក្នុងពិធីសម្ពោធមជ្ឈមណ្ឌលបច្ចេកវិទ្យាភ្នំពេញ នៃសកលវិទ្យាល័យអាមេរិកភ្នំពេញកាលពីថ្ងៃទី១៦ ខែមករា ឆ្នាំ២០២២នេះ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានមានប្រសាសន៍ថា ក្នុងរយៈពេលប៉ុន្មានឆ្នាំចុងក្រោយនេះ ក្រសួងបាននឹងកំពុងធ្វើការអភិវឌ្ឍន៍ហេដ្ឋារចនាសម្ព័ន្ធ ជាពិសេសការដំឡើងខ្សែកាបអុបទិក ជាមួយនឹងប្រព័ន្ធបច្ចេកវិទ្យាដោយការតភ្ជាប់ ខ្សែកាបអុបទិកក្រោមបាតសមុទ្រ ពីហុងកុងមកកម្ពុជា ដើម្បីបង្កើនសមត្ថភាព និងធ្វើឱ្យអ៊ីនធឺណិតក្នុងព្រះរាជាណាចក្រកាន់តែលឿន។

លោកមានប្រសាសន៍ថា “យើងនឹងត្រួតពិនិត្យប្រតិបត្តិករទទួលបន្ទុកលើការអភិវឌ្ឍន៍ហេដ្ឋារចនាសម្ព័ន្ធ ដើម្បីធានាបាននូវការប្រើប្រាស់អ៊ីនធឺណេតឱ្យបានត្រឹមត្រូវនៅក្នុងប្រទេសកម្ពុជា”។ លោកបន្តថា “ក្រសួងនឹងមានការតភ្ជាប់ទាំងខ្សែក្រោមដី និងពីលើអាកាស ពីស្រុកទៅឃុំ និងភូមិនៅឆ្នាំ២០២៧ខាងមុខ”។

លោកបានកំណត់សម្រាប់ការកែលម្អ ប្រព័ន្ធបច្ចេកវិទ្យារបស់ប្រទេសកម្ពុជាថា ជាបញ្ហារចនាសម្ព័ន្ធដូចជាខ្សែកាប ការតភ្ជាប់អ៊ីនធឺណិត និងថាការយល់ដឹងរបស់ប្រជាជន អំពីបច្ចេកវិទ្យានៅមានកម្រិតនៅឡើយ។ ក្រសួងតាមរយៈបណ្ឌិត្យសភា បច្ចេកវិទ្យាឌីជីថលកម្ពុជា កំពុងធ្វើការកែលម្អធនធានមនុស្សលើជំនាញបច្ចេកវិទ្យា៕

ឥណ្ឌូនេស៊ីកំពុងសាងសង់រដ្ឋធានីថ្មី Nusantara ជាមួយទុនវិនិយោគ ៣៤ពាន់លានដុល្លារអាមេរិក

ដោយៈសុខុម

ហ្សាការតា: គម្រោងកសាងរដ្ឋធានីថ្មី នៃប្រទេសឥណ្ឌូនេស៊ី ជាមួយទំហំទុនវិនិយោគរហូត ដល់ទៅ៣៤ពាន់លានដុល្លារអាមេរិក កំពុងតែបោះជំហានឆ្ពោះទៅមុខ ដោយកាលពីថ្ងៃអង្គារ ទី១៨ មករា សមាជិកសភាបានអនុម័តគម្រោងទីក្រុងថ្មីនេះដែលនឹងត្រូវប្រសិទ្ធនាមថា Nusantara។

យោងតាមការចុះផ្សាយរបស់សារព័ត៌មាន South China Morning Post ឱ្យដឹងថា ឈ្មោះ Nusantara ដែលមានន័យត្រង់ថា Archipelago ឬ “ប្រជុំកោះ” ខាងលើនេះត្រូវបានប្រធានាធិបតី ចូកូ វីដូដូ ជ្រើសរើសដើម្បីឆ្លុះបញ្ចាំងពីបាវចនាជាតិ នៃប្រទេសឥណ្ឌូនេស៊ី។

រដ្ឋមន្ត្រីផែនការអភិវឌ្ឍន៍ជាតិលោក Suharso Monoarfa បានថ្លែងនៅចំពោះមុខសភាកាលពីថ្ងៃច័ន្ទ ទី១៧ មករា ថា លោកប្រធានាធិបតី ចូកូ វីដូដូ ចង់ឱ្យរដ្ឋធានីថ្មីនេះបង្អួតពីភាពចម្រុះ នៃប្រទេសឥណ្ឌូនេស៊ី ដែលសម្បូរទៅដោយប្រជុំកោះច្រើនបំផុតក្នុងពិភពលោក។

លោក Suharso Monoarfa បានបញ្ជាក់ថា ក្រុមអ្នកជំនាញខាងប្រវត្តិសាស្ត្រ និងភាសាវិទ្យា បានស្នើឈ្មោះរហូតដល់ទៅ “ប្រមាណ៨០” សម្រាប់ដាក់ឱ្យរដ្ឋធានីថ្មីនេះ ប៉ុន្តែចុងក្រោយលោកប្រធានាធិបតី ចូកូ វីដូដូ បានសម្រេចជ្រើសយកឈ្មោះ Nusantara ព្រោះគ្មានឈ្មោះណាស្រដៀង និងស័ក្ដិសមដូចឈ្មោះនេះឡើយ។

រដ្ឋធានីថ្មី Nusantara ដែលនឹងត្រូវកសាងឡើងនៅលើផ្ទៃដីរហូតដល់ទៅ៥៦.១៨០ហិកតា នឹងក្លាយជាដែនរដ្ឋបាលពិសេស ដែលនឹងអនុ​ញ្ញាតឱ្យប្រធានាធិបតីជ្រើសតាំងចៅហ្វាយក្រុង ហើយសុំការអនុម័តពីសភា។

ភាគច្រើននៃហិរញ្ញប្បទាន សម្រាប់ការកសាងរដ្ឋធានីថ្មីនេះ ដែលស្មើនឹង៥៣% នឹងបានពីថវិកាជាតិ។ រដ្ឋាភិបាលក៏នឹងស្វះស្វែងរកហិរញ្ញប្បទានពីអាជីវកម្មនានា វិស័យឯកជន និងបណ្ដាសហគ្រាសដែលគ្រប់គ្រងដោយរដ្ឋផងដែរ៕ South China Morning Post៕

As Indonesia names its new US$34 billion capital ‘Nusantara’, historically minded critics say it’s ‘hard to see the idea’

Jakarta- The construction of Indonesia’s US$34 billion new capital is moving ahead, with lawmakers on Tuesday passing into law the bill governing the administrative centre, which will be named Nusantara.

The name Nusantara (literally, “archipelago”) was chosen by President Joko Widodo to underline the country’s motto of “unity in diversity”.

Minister of National Development Planning Suharso Monoarfa told parliament on Monday that the president wanted the new capital to showcase the diversity Indonesia – the world’s largest archipelago – had to offer.

“So Nusantara is a unity concept that accommodates all of our diversity, whether in race, language, or ethnicity, and the new Indonesian capital, under that name, will reveal that reality,” he said.

Suharso said Widodo had to choose from “around 80” names proposed by historians and language experts. These ranged from newly created names – such as Negara Jaya, Nusantara Jaya, Pertiwipura and Cakrawalapura – to historical ones, such as Kertanegara, the name of the most powerful ruler of the Singhasari Kingdom of Java.

But none of those names offer the familiarity that “Nusantara” does.

Most Indonesians learn this word in school during history lessons and it is used widely to refer to modern day Indonesia.

Source: China Morning Post

តើសម្តេចតេជោផ្តល់អនុសាសន៍អ្វីខ្លះដល់មេដឹកនាំទេស​ចរណ៍អាស៊ាន?

ដោយៈគង់ សូរិយា

ភ្នំពេញៈ សម្តេតេជោហ៊ុន សែននាយករដ្ឋមន្ត្រីនៃកម្ពុជា បានចែករំលែ​កនូវអនុសាសន៍សំខាន់ៗចំនួន៥ ដើម្បីបន្តពង្រឹងទំនាក់ទំនងអាស៊ានឱ្យកាន់តែប្រសើរឡើង។

សម្តេចតេជោក៏ចូលរួមគាំទ្រ និងលើកទឹកចិត្តដល់កិច្ចខិតខំប្រឹងប្រែងអភិវឌ្ឍន៍ទេសចរណ៍ តំបន់ឆ្ពោះទៅអនាគត និងវិបុលភាពរួមស្របតាមប្រធានបទ អាស៊ាន “សហគមន៍សន្តិភាព និងវាសនាតែមួយ”និងឈរលើទស្សនៈវិស័យ​ការគិតពីប្រជាជន គិតពីសេដ្ឋកិច្ច គិតពីអនាគត”។

ការចែករំលែកអនុសាសន៍ របស់សម្តេចតេជោនាយករដ្ឋមន្ត្រី ធ្វើឡើងក្នុងឱកាសអញ្ជើញ បើកវេទិកាទេសចរណ៍អាស៊ាន នៅខេត្តព្រះសីហនុ នាល្ងាចថ្ងៃទី១៨ ខែមករា ឆ្នាំ២០២២ នាទីក្រុងព្រះសីហនុ។

អនុសាសន៍សំខាន់ៗទាំង៥ របស់សម្តេចតេជោ ក្នុងបើកវេទិកាទេស​ចរណ៍អាស៊ាន នៅខេត្តព្រះសីហនុ រួមមានទី១ ការបើកដំណើរការសក​ម្មភាពសង្គម-សេដ្ឋកិច្ច ពេញលេញជាបណ្តើរៗឡើងវិញ ត្រូវបានវាយតម្លៃថា ស្ថិតក្នុងស្ថានភាពបន្ទាន់ និងត្រូវស្របតាមគន្លងប្រក្រតីភាពថ្មី សម្រាប់ប្រទេសទាំងអស់ក្នុងអាស៊ាន ដោយហេតុថា ស្ថានភាពទីផ្សារទេសចរណ៍នឹងមានភាពតូចចង្អៀត ជាមួយនឹងការប្រកួតប្រជែងកាន់តែខ្ពស់ ទាំងលើទិដ្ឋភាពនៃគុណភាពផលិតផល និងសេវាកម្ម តម្លៃសមរម្យ ទំនុកចិត្តលើសុវត្ថិភាពនៃគោលដៅទេសចរណ៍។

វិធានការក្នុងការគ្រប់គ្រងស្ថានភាព នៃការឆ្លងរាលដាលនៃជំងឺកូវីដ-១៩ និងការសម្រួលដល់ការធ្វើដំណើរ ។ ចំណុចទាំងនេះ គឺជាកត្តាគន្លឹះសម្រាប់ ការសម្រេចចិត្តរបស់ភ្ញៀវទេសចរ ក្នុងការជ្រើសរើសគោលដៅទេសចរណ៍ក្នុងបរិបទថ្មី ។ ក្នុងន័យនេះ ផែនការ ស្តារវិស័យទេសចរណ៍អាស៊ាន ក្រោយវិបត្តិនៃជំងឺកូវីដ-១៩ នឹងក្លាយជាគន្លឹះយុទ្ធសាស្ត្រ ដ៏សំខាន់ សម្រាប់ការបើកឱ្យដំណើរការឡើងវិញជាបណ្តើរៗ នៃការទទួលភ្ញៀវទេស​ចរអន្តរជាតិ ដោយឈរលើគោលការណ៍រក្សា បាននូវតុល្យភាពរវាងសកម្ម​ភាពសង្គម-សេដ្ឋកិច្ច និងការធានាសុវត្ថិភាព និងសុខភាពសាធារណៈ ជាមួ​យកិច្ចខិតខំក្នុងការវិលត្រឡប់ ឱ្យបានឆាប់ទៅរកប្រក្រតីភាពថ្មី នៃជីវភា​ពរស់នៅប្រចាំថ្ងៃ របស់ប្រជាជនអាស៊ាន។

ទី២ សម្តេចសូមគាំទ្រគំនិតផ្តួចផ្តើម សម្រាប់បណ្តាប្រទេសអាស៊ាន ក្នុងការរៀបចំការអនុវត្តវិធានសុខាភិបាល ក្នុងឧស្សាហកម្មទេសចរណ៍ ដែ​លជាយន្តការចូលរួមដ៏មានសារៈសំខាន់ ក្នុងការធានាបាននូវដំណើរការអាជី​វកម្មទេសចរណ៍ឡើងវិញផង និងចូលរួមប្រយុទ្ធប្រឆាំងជំងឺកូវីដ-១៩ តាមរយៈការអនុវត្តគោលការណ៍រួម ជាអតិបរមា។
កម្ពុជាបច្ចុប្បន្ន បាននិងកំពុងអនុវត្តប្រកបដោយប្រសិទ្ធភាព នូវ “វិធានសុវត្ថិភាពទេសចរណ៍” និង “នីតិវិធីប្រតិបត្តិស្តង់ដា” សម្រាប់ប្រតិ​បត្តិលើការបើកដំណើរការ អាជីវកម្មទេសចរណ៍តាមគន្លងប្រក្រតីភាពថ្មី។

ទី៣ ក្នុងរយៈពេលខ្លី អាស៊ានក៏ត្រូវគិតគូរជំរុញ ចលនាទេសចរណ៍ផ្ទៃក្នុងអាស៊ានបន្ថែមទៀត ស្របតាមទស្សនៈ “អាស៊ានដើម្បីអាស៊ាន (ASEAN For ASEAN) ហើយសម្តេចសូមគាំទ្រទាំងស្រុង នូវគំនិតផ្តួចផ្តើមបើកទេសចរណ៍ផ្ទៃក្នុងអាស៊ាន ក៏ដូចជាបើកតំបន់ទាំងមូល ដើម្បីទទួលស្វាគមន៍ទេសចរអន្តរជាតិឡើងវិញ ។ ក្នុងនាមកម្ពុជាជាប្រធានអាស៊ាន សម្តេចសូមគាំទ្រឱ្យរដ្ឋមន្ត្រីទេសចរណ៍អាស៊ាន ពិភាក្សា និងឯកភាពគ្នា ប្រកាសបើកទេសចរណ៍អាស៊ានឡើងវិញ នៅថ្ងៃស្អែកចេញពីក្រុងព្រះសីហនុ។ ទន្ទឹមនេះ ដើម្បីធានានូវជោគជ័យ នៃការបើកទទួលទេសចរណ៍អន្តរជាតិឡើងវិញ គឺចាំបាច់ត្រូវធានាឲ្យបាននូវភាពជឿជាក់ និងទុកចិត្តថាជា “គោលដៅទេសចរណ៍ អាស៊ានមានសុវត្ថិភាព” ដោយឈរលើអត្រានៃការចាក់វ៉ាក់សាំងជាសូចនាករគោល។

ក្នុងន័យនេះ សម្តេចសូមគាំទ្រនូវកម្មវិធី “ទេសចរណ៍វ៉ាក់សាំ​ង​” ដែលបានដាក់ចេញ នៅតាមបណ្តាប្រទេសអាស៊ាន និងសូមគាំទ្រលើការដាក់ចេញយុទ្ធនាការ ៣អាស៊ានជាគោលដៅទេសចរណ៍ ប្រកបដោយភាពកក់ក្តៅនិងសុវត្ថិភាប៣។ សម្តេចតេជោ អំពាវនាវឱ្យរដ្ឋមន្ត្រីទេសចរណ៍អាស៊ាន និងស្ថាប័នសុខាភិបាលអាស៊ាន ត្រូវធ្វើការសិក្សា និងរៀបចំនូវប្រព័ន្ធរួមមួយ សម្រាប់ការបញ្ជាក់ទទួលស្គាល់ ពីការចាក់វ៉ាក់សាំងបង្ការជំងឺកូវីដ-១៩ គ្រប់ដូស (Vaccination Passport ឬ Digital Health Pass) នៅក្នុងតំបន់អាស៊ាន និងស្នើឱ្យអាស៊ាន គិតគូរពិចារណាក្នុងការសម្រួលលក្ខខណ្ឌ នៃការធ្វើដំណើរទេសចរណ៍ជាបណ្តើរៗឡើងវិញ ដោយឈរលើគោលការណ៍ នៃការប្រុងប្រយ័ត្នខ្ពស់។

ទី៤ រដ្ឋមន្ត្រីទេសចរណ៍អាស៊ាន ប្រទេសដៃគូអាស៊ាន និងថ្នាក់ដឹកនាំអង្គការទេសចរណ៍ពិភពលោក ព្រមទាំងសមាគមទេសចរណ៍ ដៃគូអាស៊ាន គួរបន្តពង្រឹងការអភិវឌ្ឍមូលធនមនុស្ស ខិតខំអនុវត្តក្របខណ្ឌកិច្ចសហប្រតិបត្តិការ ដែលមានស្រាប់ ព្រមទាំងបង្កើនការផ្លាស់ប្តូរ ចែករំលែកបទពិសោធន៍ល្អៗ ជុំវិញការទាក់ទាញ និងអភិវឌ្ឍទេពកោសល្យដោយគិតគូរផងដែរ នូវការជំរុញកម្មវិធីអក្ខរកម្មឌីជីថល ការជំរុញសហគ្រិនវ័យក្មេង និងការជួយគាំទ្រសិប្បកម្ម និងសហគ្រាសធុនតូច និងមធ្យម ក្នុងវិស័យទេស​ចរណ៍ដល់កម្រិតមូលដ្ឋាន និងត្រូវទាញអត្ថប្រយោជន៍ពីនវានុវត្តន៍ ការតភ្ជាប់ឌីជីថល និងបដិវត្តន៍ឧស្សាហកម្ម ៤.០ ដើម្បីការអភិវឌ្ឍទេសចរណ៍អាស៊ាន ប្រកបដោយវៃឆ្លាតចីរភាព និងបរិយាប័ន្ន។

ទី៥ អាស៊ានត្រូវរួមគ្នាជំរុញការងើបឡើងវិញ នៃវិស័យទេសចរណ៍ ប្រកបដោយភាពធន់ និងឆ្ពោះទៅអនាគត កាន់តែប្រសើរជាងមុន ប្រកប​ដោយគុណភាព ចីរភាព និងបរិយាប័ន្ន ។ ក្នុងន័យនេះ សម្តេចតេជោ ហ៊ុន សែន អំពាវនាវឱ្យអាស៊ានបន្តពង្រឹង និងពង្រីកកិច្ចសហប្រតិបត្តិការជាមួ​យដៃគូសន្ទនា និងដៃគូអភិវឌ្ឍន៍នានា និងកសាងភាពជាដៃគូរដ្ឋ-ឯកជន (PPP)ទាំងក្នុងប្រទេសតំបន់ និងសកលលោក សំដៅឆ្ពោះទៅរកការរីកចម្រើននៃវិស័យទេសចរណ៍ ប្រកបដោយភាពធន់ តាមគន្លងប្រក្រតីភាពថ្មី និងនាំមកនូវវិបុលភាពរបស់អាស៊ានទាំងមូល៕

តើសរសរស្ថម្ភអ្វីខ្លះនឹងជាចលករជម្រុញកំណើនសេដ្ឋកិច្ចកម្ពុជានៅឆ្នាំនេះ?

ដោយៈគង់ សូរិយា

ភ្នំពេញៈ សេដ្ឋកិច្ចកម្ពុជានៅឆ្នាំនេះ ត្រូវបានព្យាករណ៍ថានឹងសម្រេចបានកំនើនក្នុងរង្វង់៤,៨ភាគរយ ជាសុទិដ្ឋិនិយមមួយ សម្រាប់អ្នកប្រមើលមើលពីនិ​ន្នាការឬចរន្តវិញចុះឡើង នៃសកម្មភាពពាណិជ្ជកម្មការវិនិយោគ។

ការព្យាករណ៍ជាបណ្ដោះអាសន្នរបស់ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា នៅក្នុងឆ្នាំ ២០២២នេះ កម្ពុជា អាចមានកំណើនសេដ្ឋកិច្ចក្នុងរង្វង់៤.៨ភាគរយ ។ ការព្យាករណ៍នេះប្រាកដថា នឹងអាចមានការកែតម្រូវនៅ​ពេលដែលអនុវត្តបាន៦ខែដើមឆ្នាំ ឬក៏៩ខែ តាមជាក់ស្តែង។ នេះជាការលើកឡើងរបស់លោក មាស សុខសេនសាន អ្នកនាំពាក្យក្រសួងសេដ្ឋកិច្ច នៅថ្ងៃទី ១៨ ខែ មករានេះ។

លោក មាស សុខសេនសាន បានមានប្រសាសន៍ឲ្យដឹងថា មានវិស័យចំនួនបី ដែលអាចជួយជំរុញសេដ្ឋកិច្ចជាតិ ឲ្យមានសន្ទុះកើនឡើង។ វិស័យទាំងនោះរួមមាន វិស័យឧស្សាហកម្ម សេវាកម្ម និងទេសចរណ៍។

ក្រៅពីវិស័យទាំងបីនេះ វិស័យអទិភាពមួយទៀត ដែលប្រមុខដឹកនាំរាជរដ្ឋាភិបាល សម្តេចតេជោ ហ៊ុន សែន ចាត់ទុកថា ជាផ្នែកមួយជួយដល់កំណើនសេដ្ឋកិច្ចជាតិដែរនោះគឺវិស័យកសិកម្ម។

សម្តេចតេជោ ហ៊ុន សែននាយករដ្ឋមន្រ្តីនៃកម្ពុជា បានថ្លែងកាលពីខែ វិច្ឆិកា ឆ្នាំ ២០២១ថា ការនាំចេញក្នុងវិស័យកសិកម្ម លើសផែនការ បើធៀបនឹងឆ្នាំមុន ទោះជាកម្ពុជាប្រឈមនឹងវិបត្តិជំងឺកូវីដ-១៩ក៏ដោយ ខណៈដែលកម្ពុជា នឹងចរចានាំចេញដោយត្រង់នូវកសិផលជាកញ្ចប់ ជាមួយប្រទេសចិននាពេលខាងមុននេះ។

សម្តេចតេជោបានបង្ហាញសុទិដ្ឋិនិយមថា ការនាំចេញរបស់វិស័យក​សិកម្ម និងវិស័យឧស្សាហកម្ម កាន់តែមានភាពល្អប្រសើរ ព្រមជាមួយនឹងការមកដល់ នៃកិច្ចព្រមព្រៀងពាណិជ្ជកម្មសេរី រវាងកម្ពុជា-ចិន និងកិច្ចព្រមព្រៀង RCEP ដែលបានចូលជាធរមាន នៅថ្ងៃទី១ ខែមករា ឆ្នាំ២០២២ ធ្វើឲ្យកម្ពុជាមានលទ្ធភាព ក្នុងការពង្រឹងនូវវិស័យកសិកម្ម និងការនាំចេញផលិតផលកសិកម្ម ទៅក្រៅប្រទេស ជាពិសេសចិន។

មន្រ្តីជាន់ខ្ពស់ក្រសួងសេដ្ឋកិច្ច បានលើកឡើងថា កំនើនន​សេដ្ឋកិច្ច​កម្ពុជា​នៅឆ្នាំ​២០២១​ ​មានលក្ខណៈ​ល្អប្រសើរ​ជាង​ការរំពឹង​ទុក​ ហើយ​កំណើ​ន​សេដ្ឋកិច្ច​កម្ពុជា​នឹងវិល​ទៅរក​៧% ត្រឹមឆ្នាំ ២០២៤។​

ការរំពឹងបែបនេះ សំអាងទៅលើកត្តាមួយចំនួន ដូចជា កត្តាទីផ្សារក្រៅប្រទេស ការនាំចេញទៅកាន់ទីផ្សារអាមេរិក និងអឺរ៉ុប ដែលជាទីផ្សារធំរបស់កម្ពុជា មិនមានភាពថមថយ។ ក្រៅពីនេះ ក៏មានកត្តាសំខាន់ៗផ្សេងៗទៀតដែរ ដូចជាកត្តាកំណែទម្រង់ហិរញ្ញវត្ថុសាធារណៈ រួមផ្សំជាមួយវិធានការនានា ដែលរដ្ឋាភិបាលដាក់ចេញកន្លងមក។

ជាក់ស្តែងតាមរបាយការណ៍ ក្រសួងសេដ្ឋកិច្ចរយៈពេល១១ខែឆ្នាំ២០២១ បង្ហាញថា វិស័យកាត់ដេរ ស្បែកជើង និងផលិតផលធ្វើដំណើរមានកំណើន១៣,៦% ធៀបនឹងរយៈពេលដូចគ្នាកាលពីឆ្នាំទៅ ដែលមានត្រឹម១០%ប៉ុណ្ណោះ។ រីឯការនាំចេញទំនិញមិនមែនកាត់ដេរ រយៈពេល១១ខែ គឺមានការកើនឡើងប្រមាណ៥៣%។

ជាមួយគ្នានេះ ធនាគារពិភពលោកបានវាយតម្លៃថា វត្តមានរបស់វីរុសបំប្លែង Omicron អាចរំខានដល់ការងើបឡើងវិញ នៃឧស្សាហកម្ម ទេស​ចរណ៍ និងមានការកើនឡើងហានិភ័យផ្នែកហិរញ្ញវត្ថុ ជាមួយនឹងការកើនឡើងនៃបំណុល និងភាពងាយរងគ្រោះ ចំពោះគ្រោះមហន្តរាយធម្មជាតិ និងហេតុការដែលពាក់ព័ន្ធអាកាសធាតុ។

លោកឧកញ៉ាលឹម ហេងអនុប្រធានសភាពាណិជ្ជកម្មកម្ពុជាធ្លាប់បានមានប្រសាសន៍ថា ទំហំពាណិជ្ជកម្មកម្ពុជានឹងមានភាពល្អប្រសើរ​ ដោយការនាំចេញនឹងកើនឡើង ព្រោះនៅដើមឆ្នាំនេះកិច្ចព្រៀងព្រៀង ពាណិជ្ជកម្មសេរី រវាងកម្ពុជា ចិន និងកិច្ចព្រមព្រៀងនៃភាពជាដៃគូ គ្រប់ជ្រុងជ្រោយតំបន់ (RCEP) ក៏នឹងចូលជាធរមានផងដែរ។

លោកបន្តថា “តាមរយៈកិច្ចព្រមព្រៀងធំៗទាំងពីរនេះ នឹងផ្តល់កាលានុវត្តន៍ភាពដ៏ធំ សម្រាប់ការនាំចេញពីកម្ពុជាផង និងជាការទាក់ទាញក្រុមហ៊ុនអន្តរជាតិធំៗមកផលិតនៅកម្ពុជា ដើម្បីនាំចេញដោយរួចពន្ឋទៅកាន់ប្រទេសចិន និងបណ្តាប្រទេសសមាជិកRCEPផងដែរ”៕

គំរោងអាគារខ្ពស់ជាងគេនៅទីក្រុងកោះនរាកំពុងរៀបចំឌីសាញប្លង់ស្ថាបត្យកម្មឡើងវិញ

ដោយៈជេស៊ីកា

ភ្នំពេញៈ គំរោងអាគារខ្ពស់កប់ពពក ដែលនឹងជា Land Mark ខ្ពស់់ជាងគេនៅទីក្រុងកោះនរា បាននិងកំពុងរៀបចំរចនាប្លង់ ស្ថាបត្យកម្មឡើងវិញ។

អគ្គនាយករងក្រុមហ៊ុន OCIC លោកទូច សំណាង បានមានប្រសាសន៍ឲ្យដឹងតាមបណ្តាញសង្គម កាលពីរសៀលថ្ងៃទី១៨ មករាកន្លងមកថា ប្លង់ស្ថាបត្យកម្មអាគារខ្ពស់ជាងគេ ដែលគ្រោងសាងសង់នាពេលខាងមុខ បាននិងកំពុងសិក្សារចនាប្លង់ពីរឬបីទៀត ដើម្បីមានជ្រើសរើសយកមួយមកសា​ងសង់ ដែលមានភាពអស្ចារ្យ និងស្ញប់ស្ញែង។

លោកបន្តថា “ប្លង់ស្ថាបត្យកម្មដែលបានគូរ និងដាក់បង្ហាញកន្លងមក ត្រុវបានគេផ្តល់យោបល់មួយចំនួនថា អគារនេះមិនសូវមានភាពទាក់ទាញ និងមិនសូវស្អាតជាដើម”។លោកបន្តថា “តាមផែនការការសាងសង់អគារកប់ពពកនេះ អាចនឹងមិនចាប់ផ្តើមនៅឆ្នាំនេះនៅឡើយទេ”។

ទោះជាយ៉ាងណា លោកទូច សំណាងមិនបានបញ្ជាក់ឲ្យដឹងពីអគារពាណិជ្ជកម្មនេះ មានកំពស់ប៉ុន្មានជាន់ ស្មើនឹងរយៈកំពស់ប៉ុន្មានរយម៉ែត្រនៅឡើយទេ។

ទីក្រុងកោះនរា កំពុងវិនិយោគដោយក្រុមហ៊ុន OCIC មានទំហំផ្ទៃដីសរុប១២៥ហិកតា ដែលបច្ចុប្បន្ននេះការរៀបចំសាងសង់ ហេដ្ឋារចនាសម្ព័ន្ឋទាំងមូលនៃគំរោងនេះ សម្រេចបានប្រមាណ៥០ភាគរយហើយ៕

បុរីធំមួយសាងសង់លើទំហំដី១៣០ហិកតា លើកកំពស់សក្តានុពលផ្លូវជាតិលេខ៥១

ដោយៈជេស៊ីកា

ភ្នំពេញៈ បុរីធំមួយសាងសង់លើផ្ទៃដីទំហំ១៣០ហិកតា បាននិងកំពុងរំលេចខ្លួនលើផ្លូវជាតិលេខ៥១ ជាតំបន់ដែលមានការរីកចម្រើនលឿន ស្របពេលរោងចក្រ ឧស្សាហកម្មនានាបាន និងកំពុងបោះទីតាំងនៅតំបន់នេះ។

លោកប៊ុន ហួត អគ្គនាយកក្រុមហ៊ុនភីស៊ីវ ប្រភើធី បានមានប្រសាសន៍ឲ្យដឹងតាមបណ្តាញសង្គមនៅរសៀលថ្ងៃទី១៨ មករានេះថា បុរី TLL បាននិងកំពុងសាងសង់យ៉ាងសកម្ម និងកំពុងទទួលបានការចាប់អារម្មណ៍ច្រើនពីអតិថិជន ដោយសារបុរីនេះ បានផ្តល់ការបង់រំលស់១០០ភាគរយ ជាមួយការប្រាក់ទាប ដើម្បីចូលររួមចំណែកជាមួយរដ្ឋាភិបាល ក្នុងការផ្តល់លំនៅ ដ្ឋានជូនដល់ប្រជាពលរដ្ឋ។

លោកបន្តថា “បុរីនេះមានផ្ទះបីប្រភេទ និងមានដីឡូត៍ ដែលបង់រំលស់ត្រឹម១០០ដុល្លារសម្រាប់ដីឡូត៍ ផ្ទះ E0 ដែលផ្តល់ការបង់រំលស់ ២៦៣ដុល្លារក្នុងមួយខែ”។ លោកប៊ុន ហួតបានបន្តឲ្យដឹងទៀតថា “សំរាប់ដីឡូត៍ ផ្តល់ការបង់រំលស់ ដោយឥតការប្រាក់រយៈពេល៥ឆ្នាំ ហើយបើអតិថិជនបង់មុនត្រឹម៣០ភាគរយ អតិថិជនបង់ត្រឹម១០០ដុល្លារប៉ុណ្ណោះ”។

លោកប៊ុន ហួតបានបន្តឲ្យដឹងទៀតថា សំរាប់ដីឡូត៍ និងផ្ទះ E0 ផ្តល់ការបង់រំលស់ ដោយឥតការប្រាក់រយៈពេល៥ឆ្នាំ ហើយបើអតិថិជនបង់មុនត្រឹម៣០ភាគរយ អតិថិជនបង់ត្រឹមជាង១០០ដុល្លារប៉ុណ្ណោះ សំរាប់ផ្ទះប្រភេទ E0។ លោកបន្តថា កំនើនប្រជាពលរដ្ឋនៅតំបន់នេះ បានកើនឡើងជាប្រចាំ ហេតុនេះការវិនិយោគលំនៅដ្ឋាន និងដីឡូត៍នៅក្នុងគំរោងនេះនឹងទទួលបានផលចំណេញខ្ពស់ពីការវិនិយោគ ពិសេសអាចប្រកបអាជីវកម្មនានាបាន។

រដ្ឋាភិបាល តាមរយៈរដ្ឋបាលរាជធានីភ្នំពេញ បាននិងកំពុងជម្រុញលើកទឹកចិត្តម្ចាស់រោងចក្រ សហគ្រាសនានាចាកចេញពីទីក្រុង និងត្រូវពង្រីកមូលដ្ឋាននៅតំបន់ជាយរាជធានីភ្នំពេញ ដើម្បីសម្រួលការកកស្ទះចរា​ច​រណ៍ និងងាយស្រួលដឹកជញ្ជូនទៅកាន់កំពង់ផែនានាផងដែរ។

លោកប៊ុន ហួតបានបន្តថា ការរីកចម្រើននគរូបននីយកម្ម ពិសេសគំរោងពង្រីកផ្លូវក្រវ៉ាត់ក្រុងទី៤ ដែលគ្រោងចាកចេញពីតំបន់ ផ្លូវជាតិលេខ៥១ តភ្ជាប់ទៅកាន់ផ្លូវជាតិលេខ៤១ នឹងធ្វើឲ្យតំបន់ផ្លូវនេះមានសភាពដូចផ្លូវវេងស្រេងកាលពី១០ទៅ១៥ឆ្នាំមុន ដែលរោងចក្រ សហគ្រាស អាជីវកម្មនានា នឹងមានភាពរីកចម្រើនដូចផ្សិតនៅតំបន់នេះនាពេលអនាគត។

អតិថិជនចាប់អារម្មណ៍ទិញលំនៅដ្ឋានតម្លៃទាប ដីឡូត៍អាចប្រកបអាជីវកម្មនានាបានសូមទំនាក់ទំនងលេខទូរស័ព្ទ 📲 Smart: 015 663 995 📲 Cellcard: 089 663 995 📲 Metfone: 066 553 168៕