ស្ពានមិត្តភាពកម្ពុជា កូរ៉េ ស្វាយជ្រុំគ្រោងនឹងចា់បផ្ដើមសាងសង់នៅឆ្នាំក្រោយ

ដោយៈវឌ្ឍនៈ

ភ្នំពេញៈ គម្រោងសាងសង់ស្ពានមិត្តភាពកម្ពុជា កូរ៉េនៅចំនុចស្វាយ ជ្រុំ បានសិក្សាជិតចប់រួចរាល់ហើយ នឹងគ្រោងសាងសង់នៅឆ្នាំ២០២៣ខាង​មុខនេះ។

ដើម្បីសម្រួលដល់ការធ្វើដំណើរ របស់ប្រជាពលរដ្ឋមកាន់រាជធានី និងពីរាជធានីទៅកាន់អរិយក្សត្រ និងតំបន់ត្រើយខាងកើតទន្លេ ។ នេះបើតាមលោកស៊ុន ចាន់ថុលរដ្ឋមន្ត្រី ក្រសួងសាធារណការនិងដឹកជញ្ជូនថ្លែងប្រាប់អ្នកសារព័ត៌មានកាលពីពេលថ្មីៗនេះ។

លោកបន្តថា បច្ចុប្បន្ននេះ ក្រសួងបាននិងកំពុងសិក្សាពីផលប៉ះពាល់និងការចំណាយ ដោយក្នុងនោះការសិក្សាមានជម្រើសពីរ ទី១ ភ្ជាប់ពីទីតាំងរដ្ឋាករទឹក ខណ្ឌជ្រោយចង្វារទៅកាន់ស្វាយជ្រុំតែម្ដង និងជម្រើសទី២ ត្រូវភ្ជាប់ពីម្ដុំផ្សារចាស់ ទៅសណ្ឋាគារសុខាភ្នំពេញ ត្រើយខាងកើត រួចហើយភ្ជាប់បន្តទៅកាន់អរិយក្សត្រ ហើយជម្រើសទី២នេះ ត្រូវសង់ស្ពានចំនួន២ទើបទៅដល់ស្វាយជ្រុំ។

លោកបន្តថា “សម្រាប់ការជ្រើសរើសយកជម្រើសណាមួយនោះ គឺត្រូវសិក្សាលើផលប៉ះពាល់តិចតួច និងចំណាយថវិកាតិចជាជម្រើសអាទិភាព”។

លោកស៊ុន ចាន់ថុលបានលើកឡើងថា ទោះបីជាកម្ពុជាទទួលរងផលប៉ះពាល់ពីវិបត្តិ និងធ្វើឱ្យការចំណាយរបស់រដ្ឋាភិបាលកើនឡើងខ្ពស់ក្ដី ក៏កម្ពុជានៅតែសន្សំថវិកា ដើម្បីសាងសង់ស្ពាន និងហេដ្ឋារចនាសម្ព័ន្ធជាច្រើនទៀត សម្រួលដល់ការធ្វើដំណើររបស់ប្រជាពលរដ្ឋ ។

សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានថ្លែងថា បើសិនជាគ្មានកូវីដ១៩ទេ កម្ពុជាអាចសល់ថវិកាសង់ស្ពានបានរហូតដល់ជិត២០ស្ពានឯណោះ ហើយដោយសារតែកូវីដ១៩នេះ ទើបគម្រោងសាងសង់ស្ពាន និងហេដ្ឋារចនាសម្ព័ន្ធដទៃទៀត ត្រូវពន្យារនិងអាក់ខាន ដើម្បីយកថវិកាមកដោះស្រាយបញ្ហាចំពោះមុខវិញ។

សម្រាប់គម្រោងសាងសង់ស្ពាន ទៅកាន់តំបន់ស្វាយជ្រុំនេះដែរ ក៏នឹងជំរុញឱ្យសក្ដានុពល នៃការវិនិយោគអចលនទ្រព្យដីធ្លី នៅតំបន់នោះនឹងមានសន្ទុះ និងកំណើនមួយកម្រិតទៀតដែរ និងជឿជាក់ថាតំបន់នោះ នឹងមានការអភិវឌ្ឍលឿនរហ័ស ស្របពេលតំបន់អរិយក្សត្រស្វាយជ្រុំ ក៏ស្ថិតនៅមិនឆ្ងាយពីភ្នំពេញ គ្រាន់តែបច្ចុប្បន្ននេះ រាល់ការធ្វើដំណើរត្រូវឆ្លងសាឡាង និងមានភាពយឺតយ៉ាវ៕

អគារពាណិជ្ជកម្មចម្រុះ៤៥ជាន់ ជីប ម៉ុង ថៅវើ កំពុងត្រៀមបង្ហាញខ្លួនកណ្តាលក្រុងភ្នំពេញ

ដោយ៖ សុផារី

ភ្នំពេញ៖ ក្រុមហ៊ុន ជីប ម៉ុង ដែលជាក្រុមហ៊ុនក្នុងស្រុកឈរជើងក្នុងទីផ្សារកម្ពុជាអស់រយៈកាល៤ទសវត្សរ៍មកហើយ កំពុងបន្តពង្រីកវិសាលភាពរបស់ខ្លួនតាមរយៈការវិនិយោគលើអគារពាណិជ្ជកម្មចម្រុះអន្តរជាតិកម្ពស់៤៥ជាន់ “ជីប ម៉ុង ថៅវើ” ដែលមានទីតាំងស្ថិតនៅតាមបណ្តោយផ្លូវមហាវិថីសហព័ន្ធរុស្សី ជិតស្ពានអាកាស៥ មករា ដែលជាតំបន់សេដ្ឋកិច្ច និងពាណិជ្ជកម្មសំខាន់។

បើតាមក្រុមហ៊ុន អគារជីប ម៉ុង ថៅវើ នេះសាងសង់ដោយទុនវិនិយោគប្រមាណ២៣០លានដុល្លារសហរដ្ឋអាមេរិក បានបញ្ចុះបឋមសិលាបើកការដ្ឋានកាលពីដើមឆ្នាំ២០១៩ ដែលមានផ្ទៃក្រឡាសរុប ១៤ ០៤២ ម៉ែត្រការ៉េ។ គិតត្រឹមដើមឆ្នាំ២០២២នេះ អគារបានសម្រេចការសាងសង់ជាង៦០% និងកំពុងត្រៀមខ្លួនឈានទៅដល់ការបង្អួតខ្លួនជាផ្លូវការនាចុងឆ្នាំ២០២២នេះ។

អគារកម្ពស់ ១៨៥ ម៉ែត្រនេះ នឹងប្រមូលផ្ដុំទៅដោយពាណិជ្ជកម្មចម្រុះដោយក្នុងនោះនឹងមានវត្តមានសំខាន់ៗដូចជាសណ្ឋាគារលំដាប់ពិភពលោក ហ្វ៊ែរហ្វៀល បាយ ម៉ារៀត ភ្នំពេញ បូករួមនឹងពាណិជ្ជកម្មធំពីររបស់ជីប ម៉ុង គឺ ជីប ម៉ុង រីថែល និងធនាគារ ជីប ម៉ុង។

នៅក្នុងមជ្ឈមណ្ឌលសេដ្ឋកិច្ចនេះ ក៏នឹងមានលក្ខណៈដ៏សម្បូរបែបដូចជា ការិយាល័យទំនើប រោងភាពយន្តខ្នាតធំ និងពាណិជ្ជកម្មផ្សេងៗទៀតដែលនឹងចូលរួមពង្រីកសក្ដានុពលសេដ្ឋកិច្ចកម្ពុជា សំដៅលើកកម្ពស់សកម្មភាពធុរកិច្ច-វិនិយោគជាតិនិងអន្តរជាតិ ក៏ដូចជាដើម្បីឆ្លើយតបនឹងបរិបទនៃការរស់នៅបែបថ្មីទំនើបទាន់សម័យ តាមរយៈការផ្សារភ្ជាប់ផ្នែកបដិសណ្ឋារកិច្ច ការបំពេញការងារ ការកម្សាន្ត និងបណ្ដុំពាណិជ្ជកម្មនានា ក្រោមដំបូលអគារតែមួយ៕

Myanmar teak exports to US still funding military rule: Watchdog

US companies continue to import teak, a valuable hardwood, from Myanmar despite sanctions imposed by Washington following the military takeover of the country last year, according to a watchdog group.

Justice for Myanmar, a human rights group, found that US companies were importing the wood from Myanmar as recently as December, despite sanctions being put in place in April. The group said in a report released on Tuesday the companies appeared to skirt sanctions by buying through intermediaries.

In total, almost 1,600 tonnes of timber reached US companies between February and November last year, the group said, citing figures from global trade database Panjiva.

“The timber arrived in 82 different shipments … largely consisting of teak board and scantling that are used for shipbuilding, outdoor decking and furniture,” said the group, which urged the US and other governments to crack down on the teak trade to better stem the flow of funds to Myanmar’s military leadership.

“It is likely that even more teak is being exported to the US via third countries such as China,” the report said.

The US Treasury sanctions, which were announced on April 21, 2021, ban dealings with Myanmar Timber Enterprise, a state-owned company under the country’s Ministry of Natural Resources and Environmental Conservation. The company oversees all exports of timber from Myanmar and sells to private companies through auctions.

The European Union imposed similar sanctions in June.

Timber is one of resource-rich Myanmar’s most valuable industries, bringing in millions of dollars a year in taxes and export revenues.
According to the Extractive Industries Transparency Initiative, a global monitoring group, Myanmar received almost $100m in revenues from taxes and royalties on the timber trade in the 2017-18 financial year, while revenues for the entire forestry industry totalled $322m.

Myanmar’s military, led by Senior General Min Aung Hlaing, alleging election fraud, overthrew the elected government of Aung San Suu Kyi’s National League for Democracy in February of 2021.

Rights observers say nearly 1,500 people have been killed and about 11,500 have been arrested in subsequent military crackdowns.

On Monday, the 76-year-old Aung San Suu Kyi, a Nobel Peace Prize laureate, was sentenced to four years in prison on top of a prior two-year sentence she was ordered to serve on charges critics say are politically motivated.

Rights group Amnesty International called the new convictions “the latest act in the farcical trial against the civilian leader”.

SOURCE: NEWS AGENCIES

កម្ពុជាផ្សព្វផ្សាយពីច្បាប់វិនិយោគថ្មីរបស់ខ្លួនដល់វិនិយោគិនអឺរ៉ុប

ដោយៈ លក្ខិណា

ភ្នំពេញៈ ដើម្បីសម្របសម្រួល ដល់ការវិនិយោគរបស់អឺរ៉ុប ក៏ដូចជា វិនិយោគិនដទៃទៀត នៅក្នុងប្រទេសកម្ពុជា ដោយក្រុមប្រឹក្សាអភិវឌ្ឍន៍កម្ពុជាបានរៀបចំនូវសិក្ខាសាលាមួ យដើម្បីផ្សព្វផ្សាយពីច្បាប់វិនិយោគថ្មីរបស់ខ្លួនដល់វិនិយោគិនទាំងនោះ។

នៅក្នុងសិក្ខាសាលានៅព្រឹកថ្ងៃទី១១ ខែមករា ឆ្នាំ២០២២ លោកសុខ ចិន្ដាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា បានបញ្ជាក់ពីភាពចាំបាច់របស់កម្ពុជា ក្នុងការកែលម្អបរិស្ថានវិនិយោគ សំដៅជំរុញទាក់ទាញការវិនិយោគនៅក្នុងគន្លងប្រក្រតីភាព នៃវិបត្តិកូវីដ១៩ ដែលទាមទារឱ្យកម្ពុជាប្រកាន់យក នូវអភិក្រមបុរេសកម្មជាងមុន ប្រកបដោយគុណភាពនិងចីរភាព។

លោកបន្តថា ក្នុងន័យនេះ កម្ពុជាបានបង្ហាញពីការប្ដេជ្ញាចិត្តយ៉ាងមុតមាំ ក្នុងការលើកកម្ពស់ចីរភាព និងឧត្តមភាពនៃបដិវត្តឧស្សាហកម្ម ៤.០ និងឌីជីថលូបនីយកម្ម នៅក្នុងច្បាប់វិនិយោគថ្មី ដោយបានដាក់បញ្ចូលក្រ​បខ័ណ្ឌនៃការលើកទឹកចិត្តឆ្លាតវៃ ដើម្បីទាក់ទាញការវិនិយោគមកកាន់កម្ពុជាបន្ថែមទៀត។

លោកសុខ ចិន្តាសោភាបានបន្តថា ដើម្បីជួយសម្រួលដល់ការតភ្ជាប់ប្រតិបត្តិការរវាងវិនិយោគិនបរទេស ជាមួយអ្នកផ្គត់ផ្គង់ក្នុងស្រុក និងលើកកម្ពស់ ការវិនិយោគប្រកបដោយចីរភាព នៅក្នុងឆ្នាំ២០២១កន្លងទៅ ក្រុមប្រឹក្សាអភិវឌ្ឍន៍កម្ពុជា ក្រោមកិច្ចសហប្រតិបត្តិការ ជាមួយវេទិកាសេដ្ឋកិច្ចពិភពលោក បានដាក់ឱ្យដំណើរការ នូវប្រព័ន្ធទិន្នន័យសន្ធានកម្ម ខ្សែច្រវាក់ផ្គត់ផ្គង់ សម្រាប់អភិវឌ្ឍន៍ដោយចីរភាពតាមថ្នាលបច្ចេកវិទ្យាព័ត៌មាន។

លោកបានសំណូមពរឱ្យវិនិយោគិនអឺរ៉ុប ដែលស្វែងរកឱកាសវិនិយោ​គនៅក្នុងតំបន់ គួរជ្រើសរើសយកប្រទេសកម្ពុជា ជាមូលដ្ឋានក្នុងការវិនិយោគ ហើយកម្ពុជាក៏មានសក្ដានុពលទីផ្សារខ្ពស់ នៅក្នុងពិភពលោក ខណៈកិច្ចព្រមព្រៀងពាណិជ្ជកម្មសេរីពីរ បានចូលជាធរមានកាលពីដើមខែមករា ឆ្នាំ២០២២នេះ៕

ស្មេរឯករាជ្យៈ តើការសាងសង់ស្ពានអាកាសរកេតរកូតរបស់រដ្ឋបាលរាជធានីភ្នំពេញ ជាការដើរតាមផែនការមេអភិវឌ្ឍន៍ទីក្រុង?

ដោយៈ ជេស៊ីកា

ភ្នំពេញៈ តើស្ពានអាកាសខ្លីៗ រកេតរកូតប៉ុន្មានទៀត នឹងត្រូវសាងសង់លើមហាវិថីសហព័ន្ឋរុស្ស៊ី? ខណៈផ្លូវដ៏មមាញឹកនេះ មានស្ពានអាកាសចំនួនបីរួចហើយ បានបញ្ចប់ការសាងសង់ និងស្ពានថ្មីមួយទៀតត្រៀមសាងសង់នាពេលខាងមុខ។

ជាប្រចាំមហាវិថី ដែលតភ្ជាប់ព្រលានយន្តហោះអន្តរជាតិភ្នំពេញ ទៅកាន់ផ្លូវជាតិលេខ៣ លេខ៤ និងតភ្ជាប់មកកាន់កណ្តាល រាជធានីភ្នំពេញនេះ មានចរាចរណ៍យ៉ាងមមាញឹក ដែលទិដ្ឋភាពជាក់ស្តែង ពេលអ្នកធ្វើដំណើរចុះពីស្ពានអាកាសតិចណូ ពួកគេបានស្ថិតនៅក្នុងជំនន់ចរាចរណ៍ដ៏មមា​ញឹក ហើយស្ពានអាកាស៧មករា (ស្ពានពេទ្យ លោកសង្ឃ) និងស្ពានអាកាសទី៣ គឺស្ពានអាកាសផ្សារដីហុយ នៅតែមិនអាចដោះស្រាយបញ្ហាលំហូរចរាចរណ៍បានដដែល។

សំណួរនៅទីនេះ តើរដ្ឋបាលរាជធានីភ្នំពេញ សាងសង់ស្ពានតាមការនឹកឃើញ ឬបានពិចារណា ទៅលើផែនការមេអភិវឌ្ឍន៍ ទីក្រុងច្បាស់លាស់ ឬនៅបន្តអង្គុយបក់ផ្សែង ដែលមានន័យថា មានការកកស្ទះនៅទីណាសាងសង់ស្ពាននៅទីនោះ ជាជាងគិតពីចក្ខុវិស័យចំពោះមុខថា គួរតែរៀបចំផែនការជាមុន ជាជាងរង់ចាំដោះស្រាយបញ្ហានៅពេលក្រោយ។

ដើមឡើយរាជរដ្ឋាភិបាល គ្រោងសាងសង់ស្ពានអាកាស លើផ្លូវរថភ្លើងចាស់ ចាប់ពីរាជាយក្សស្ម័យយាន ទៅកាន់ព្រលានយន្តហោះអន្តរជាតិភ្នំពេញ ដើម្បីសម្រួលលំហូរចរាចរណ៍ និងកាត់បន្ថយការកកស្ទះចរាចរណ៍ លើមហាវិថីសហព័ន្ឋរុស្ស៊ី ប៉ុន្តែគំរោងនេះត្រូវបានប្រកាស បោះបង់ចោល ដោយសម្តេចតេជោហ៊ុន សែននាយករដ្ឋមន្រ្តីនៃកម្ពុជា ដ៏គួរឲ្យសោកស្តាយ ខណៈអ្នកជំនាញផ្នែកនគរូបនីយកម្មទីក្រុង ធ្លាប់បានកោតសរសើរ និងលើកទឹកចិត្តពីផែនការអភិវឌ្ឍនេះ។

ខណៈបច្ចុប្បន្នរាជធានីភ្នំពេញ មានប្រជាជនរស់នៅប្រមាណ៣លាននាក់ និងប្រជាជនប្រមាណ៣០០,០០០នាក់ បានហូរចូលមករស់នៅទីក្រុងនេះជារៀងរាល់ឆ្នាំ ការសិក្សារបស់ក្រុមហ៊ុន Urban Living Solution បានរកឃើញថា នៅឆ្នាំ២០៣០ ប្រជាជនរស់នៅរាជធានីភ្នំពេញ នឹងកើនដល់៤,៥ ទៅ៥លាននាក់ បញ្ហាចរាចរណ៍ នឹងក្លាយជាឧបសគ្គមួយរារាំងការអភិវឌ្ឍ និងបញ្ហាបំពុលបរិស្ថាន នឹងកើនឡើងកាន់តែអាក្រក់។

ហេតុនេះ តើរដ្ឋបាលរាជធានីភ្នំពេញ គួរមានចក្ខុវិស័យវែងឆ្ងាយជាងនេះ ដោយសាងសង់ស្ពានអាកាសវែងៗ ដើម្បីសម្រួលចរាចរណ៍ឬទេ? ឬបន្តសាងសង់ស្ពានអាកាស “កញ្ចឹប កញ្ចុបបែបនេះ” ដែលការវិនិយោគលើហេដ្ឋារចនាសម្ព័ន្ឋបែបនេះ មិនអាចដោះស្រាយបញ្ហាបានរយៈពេលវែង និងអាចប្រឈមមុខ នឹងការវាយកំទេចចោលនាពេលអនាគត?។

នៅឆ្នាំ២០៣០ លំហូរចរាចរណ៍ពីផ្លូវជាតិសំខាន់ៗ ចូលមកកាន់រាជធានីភ្នំពេញ នឹងមានសភាពកាន់តែអាក្រក់ ជាក់ស្តែងបច្ចុប្បន្នផ្លូវជាតិលេខ៣ ផ្លូវជាតិលេខ៤ និងផ្លូវជាតិលេខ១ បានរងភាពកកស្ទះបណ្តើរៗរួចទៅហើយនាពេលបច្ចុប្ប​ន្ននេះ។

ការសិក្សាលំហូរចរាចរណ៍ សោភ័ណភាពរាជធានីភ្នំពេញ និងផែនការអភិវឌ្ឍន៍រយៈពេលវែង គួរស្ថិតក្នុងការពិចារណា ជាជាងដោះស្រាយបញ្ហាបានត្រឹមរយៈពេលមួយអម្សមខ្លោច គួរតែជាអាទិភាព ខណៈការធ្វើដំណើរ​របស់ពលរដ្ឋ ការចតយានយន្តគ្មានសណ្តាប់ធ្នាប់ និងការមិនយល់ដឹងពីវិធី​សាស្រ្តប្រើប្រាស់ផ្លូវថ្នល់ នៅតែជាបញ្ហាប្រឈមធំមួយរបស់អជ្ញាធររាជធានីភ្នំពេញដែលត្រូវដោះស្រាយ។

ការសិក្សាពីកំនើនប្រជាសាស្រ្តក្នុងទីក្រុង ការសិក្សាពីផែនការហេដ្ឋារចនាសម្ព័ន្ឋច្បាស់​លាស់ ការសិក្សាពីផែនការអភិវឌ្ឍន៍បៃតង និងជាការអភិវឌ្ឍន៍ប្រកបដោយចីរភាព គួរស្ថិតក្នុងផែនការអាទិភាព ជាជាងបន្តអង្គុយបក់ផ្សែង គួរតែផែនការអាទិភាព និងពិចារណាឲ្យបានច្បាស់លាស់ និងគ្រប់ជ្រុងជ្រោយ៕

អ្នកជំនាញទេសចរណ៍ៈអូមីក្រុងកំពុងបង្អាក់លំហូរទេសចរណ៍មកកាន់កម្ពុជា

ដោយៈគង់ សូរិយា

ភ្នំពេញៈ ការរីករាលដាលជំងឺកូវីដ អូមីក្រុងនៅតំបន់អឺរ៉ុប អាមេរិក និងបណ្តាប្រទេសក្នុងតំបន់ កំពុងកាត់បន្ថយក្តីសង្ឃឹមរបស់អ្នក ប្រកបរបរលើវិស័យបដិសណ្ឋារកិច្ច។

ទីប្រឹក្សាសភាពាណិជ្ជកម្មកម្ពុជា និងជានាយកក្រុមហ៊ុន World Express Tour & Travel លោកហូ វណ្ឌីបានមានប្រសាសន៍ឲ្យដឹងកាលពីដើមសប្តាហ៍នេះថា បញ្ហានៃការរីករាលដាលជំងឺកូវីដ១៩ បាននិងកំពុងធ្វើឲ្យមានបញ្ហា ដល់ការរៀបចំកញ្ចប់ទេសចរណ៍នានា របស់ភ្ញៀវមកពីតំបន់​អឺរ៉ុប អាមេរិក និងបណ្តាប្រទេសក្នុងតំបន់មួយចំនួន។

លោកបន្តថា “នៅក្នុងតំបន់អាស៊ានកម្ពុជា ជាជើងឯក ដែលបានបើកចំហរប្រទេស ដោយមិនចាំបាច់ធ្វើចត្តាឡីស័ក្ត ខណៈប្រទេសក្នុងតំបន់នេះ​នៅបន្តធ្វើ”។ លោកបន្តថា “ជារឿងអបអរសាទរមួយសម្រាប់កម្ពុជា ប៉ុន្តែការធ្វើចត្តាឡីស័ករបស់ប្រទេសថៃ វៀតណាម សឹង្ហបុរីជាដើមបាននិងកំពុងធ្វើឲ្យរារាំងដល់ខ្សែសង្វាក់ លំហូរភ្ញៀវទេសចរណ៍ ក្នុងតំបន់រួមទាំងកម្ពុជាផងដែរ”។

លោកហូ វណ្ឌីបានបន្តថា ជាមួយនឹងការរីករាលដាលមេរោគអូមីក្រុងប្រភេទថ្មីនេះ ក៏បានធ្វើឲ្យក្រុមហ៊ុនអាកាសចរណ៍ ក្នុងតំបន់មួយចំនួនដូចជា Bangkok Airway, Thai Smile កាត់បន្ថយ ជើងហោះហើរ មកកាន់កម្ពុជាផងដែរ ខណៈជើងហោះហើររបស់ក្រុមហ៊ុន អាកាសចរណ៍មួយចំនួនទៀតបានកាត់បន្ថយផងដែរ ពិសេសក្រុមហ៊ុនអាកាសចរណ៍ក្នុងស្រុក ដែ​លតភ្ជាប់ជើងហោះហើរពីរាជធានីភ្នំពេញ ទៅកាន់ខេត្តសៀមរាប។

ចំណែក លោកធួន ស៊ីណាន ប្រធានសមាគទីភ្នាក់ងារទេស​ចរណ៍អាស៊ីប៉ាស៊ីហ្វិកកម្ពុជា ក៏បានឱ្យដឹងផងដែរថា មេរោគអូមីក្រុងនេះ បាននិងកំពុងវាយលុកលុយ នៅតំបន់អឺរ៉ុប និងអាមេរិក ហើយក៏ធ្វើឱ្យអ្នកដំណើរពីអាមេរិក​ និងអឺរ៉ុប ដែលគ្រោងនឹងចូលមកកម្ពុជានៅអំឡុងខែមីនា និងមេសាបានលុបចោលសំបុត្រយន្តហោះ និងសំបុត្រធ្វើដំណើរកម្សាន្តមួយចំនួ​នផងដែរ លើកលែងតែអ្នកអ្នក ដែលមានការចាំបាច់ត្រូវតែចោលមកកម្ពុជា គេមិនបានលុបចោលសំបុត្រ និងការធ្វើដំណើរនោះឡើយ។

លោកបន្តថា “វិស័យទេសចរណ៍កម្ពុជា នៅតែបន្តរងផលប៉ះពាល់ដដែ​ល ដរាបណាមេរោគកូវីដ១៩នេះ មិនទាន់បាត់បង់ពីពិភពលោកទោះ​បីជាកម្ពុជា មិនមានករណីឆ្លងថ្មីៗក៏ដោយ ពីព្រោះថាវិស័យទេស​ចរណ៍វាមានការជាប់ពាក់ព័ន្ធគ្នា ពីប្រទេសមួយទៅប្រទេសមួយទៀត”៕

អាមេរិកដាក់ទណ្ឌកម្មលើមីយ៉ាន់ម៉ា ប៉ុន្តែនៅតែបន្តនាំចូលឈើប្រណីតពីប្រទេសនេះ

ដោយៈសុខុម

អន្តរជាតិ: អង្គការឃ្លាំមើលសិទ្ធិមនុស្សមួយ បានទម្លាយឱ្យដឹងថា បណ្ដាក្រុមហ៊ុនអាមេរិក នៅតែបន្តនាំចូលឈើម៉ៃសាក់ ដែលជាប្រភេទឈើប្រណីត មានតម្លៃពីប្រទេសមីយ៉ាន់ម៉ា បើទោះបីជាប្រទេសនេះទទួលរងការដាក់ទណ្ឌកម្ម ពីរដ្ឋាភិបាលក្រុងវ៉ាស៊ីនតោន ក្រោយយោធាមីយ៉ាន់ម៉ា ធ្វើរដ្ឋប្រហារដណ្ដើមអំណាចកាលពីដើមឆ្នាំ២០២១ យ៉ាងណាក្ដី។

អង្គការដែលមានឈ្មោះថា “យុត្តិធម៌សម្រាប់មីយ៉ាន់ម៉ា” ឬ Justice for Myanmar ខាងលើនេះបានស្រាវជ្រាវរកឃើញថា បណ្ដាក្រុមហ៊ុនអាមេរិក បាននាំចូលឈើប្រណីតពីប្រទេសមីយ៉ាន់ម៉ា លើកចុងក្រោយអំឡុងខែធ្នូ ចុងឆ្នាំ២០២១ ទោះបីជាប្រទេសនេះ បានទទួលរងការដាក់ទណ្ឌកម្មពីសហរដ្ឋអាមេរិក កាលពីខែមេសា ក្ដី។
តាមរយៈរបាយការណ៍មួយ ដែលចេញផ្សាយកាលពីថ្ងៃអង្គារ ទី១១ មករា អង្គការនេះបានលើកឡើងថា ក្រុមហ៊ុនទាំងនោះទំនងជាគេចពីទណ្ឌកម្មដោយការទិញតាមរយៈឈ្មួញកណ្ដាល។

អង្គការនេះនិយាយថា ផ្អែកតាមតួលេខពីប្រព័ន្ធទិន្នន័យពាណិជ្ជកម្មពិភពលោក Panjiva បង្ហាញថា ឈើសរុបជិត១.៦០០តោនបានធ្លាក់ដល់ដៃបណ្ដាក្រុមហ៊ុនអាមេរិក នៅចន្លោះខែកុម្ភៈ ដល់ខែវិច្ឆិកា ឆ្នាំ២០២១។

អង្គការនេះ បានជំរុញឱ្យសហរដ្ឋអាមេរិក និងបណ្ដារដ្ឋាភិបាលដទៃទៀត ជួយបង្ក្រាបការជួញដូរឈើម៉ៃសាក់ទាំងនេះ ដើម្បីទប់ស្កាត់កុំឱ្យមេដឹកនាំយោធារបស់មីយ៉ាន់ម៉ា ទទួលបានប្រភពហិរញ្ញវត្ថុ ដែលពង្រឹងការកាន់អំណាចរបស់ខ្លួន។

របាយការណ៍ដដែលគូសបញ្ជាក់ថា “ឈើទាំងនោះទំនងជាត្រូវបាននាំចេញទៅកាន់សហរដ្ឋអាមេរិក តាមរយៈប្រទេសទី៣ ដូចជាប្រទេសចិន ថែមទៀតផង”។

ក្រសួងរតនាគារសហរដ្ឋអាមេរិក បានប្រកាសដាក់ទណ្ឌកម្មមីយ៉ាន់ម៉ា កាលពីថ្ងៃទី២១ ខែមេសា ឆ្នាំ២០២១ ដោយដាក់បម្រាមមិនឱ្យមានការទាក់ទងជាមួយក្រុមហ៊ុន Myanmar Timber Enterprise ដែលគ្រប់គ្រងដោយរដ្ឋ ស្ថិតក្រោមចំណុះក្រសួងធនធានធម្មជាតិ និងអភិរក្សបរិស្ថានរបស់ប្រទេសនេះ។ ក្រុមហ៊ុននេះ គ្រប់គ្រងការនាំចេញឈើទាំងអស់ពីប្រទេសមីយ៉ាន់ម៉ា ហើយលក់ទៅឱ្យក្រុមហ៊ុនឯកជនតាមរយៈការដេញថ្លៃ។

សហភាពអឺរ៉ុប ក៏បានដាក់ទណ្ឌកម្មស្រដៀងគ្នា លើប្រទេសមីយ៉ាន់ម៉ា កាលពីខែមិថុនា ឆ្នាំ២០២១៕ Aljazeera៕

ខណៈផ្លូវល្បឿនលឿនសិក្សាចប់ ក្រុមហ៊ុនចិនជាច្រើនត្រៀមបង្ហាញវត្តមាននៅក្រុងបាវិត

ដោយៈគង់ សូរិយា

ភ្នំពេញៈ ថ្នាក់ដឹកនាំជាន់ខ្ពស់ក្រុមហ៊ុនចិនធំមួយ បានបង្ហើបឲ្យដឹងថា ក្រុមហ៊ុនចិនជាច្រើនបាន និងកំពុងត្រៀមខ្លួនចូល ទៅវិនិយោគលើតំបន់ឧស្សាហកម្មនៅក្រុងបាវិត ក្នុងខេត្តស្វាយរៀង។

ថ្នាក់ដឹកនាំដដែលបានបង្ហើបថា រដ្ឋាភិបាលកម្ពុជាកំពុងលើកទឹកចិត្ត និងពង្រីកសក្តានុពល តំបន់ឧស្សាហកម្មនៅក្រុងបាវិត កាន់តែធំដោយសារទីក្រុងនេះ ស្ថិតនៅព្រំប្រទល់ប្រទេសវៀតណាម ងាយស្រួលដឹកជញ្ជូនទៅកាន់កំពង់ផែទឹកជ្រៅ និងតភ្ជាប់ជាមួយបណ្តាញផ្លូវអាស៊ានហាយវេ ដែលស្ថិតនៅច្រករបៀងភាគខាងត្បូងអាស៊ាន។
រដ្ឋាភិបាលបានដាក់ក្រុងចំនូនបី ដើម្បីអភិវឌ្ឍន៍វិស័យឧស្សាហកម្មឆ្នាំ​២០១៥ ២០២៥ រួមមានទីក្រុងបាវិត ទីក្រុងប៉ោយប៉ែត និងទីក្រុងព្រះសីហនុ ខេត្តព្រះសីហនុ។

ធនាគារអភិវឌ្ឍន៍អាស៊ីកាលពីពេលថ្មីៗនេះ បានផ្តល់ជំនួយចំនួន១៨០លានដុល្លារអាមេរិក ដើម្បីលើកស្ទួយសុខមាលភាពសង្គម និងបរិស្ថានក្នុងក្រុងបាវិត ក្រុងប៉ោយប៉ែត និងក្រុងបាត់ដំបង ដើម្បីសម្រួលដល់ភស្តុភារកម្ម ប្រព័ន្ឋចម្រោះទឹកស្អាត និងហេដ្ឋារចនាសម្ព័ន្ឋជាច្រើនទៀត។

ថ្នាក់ដឹកនាំាំក្រុមហ៊ុនចិនដដែលបានឲ្យដឹងទៀតថា ផ្លូវល្បឿនលឿនភ្នំពេញ បាវិតបានសិក្សាបញ្ចប់ហើយ ដោយគ្រោយចំណាយទុនវិនិយោគ២០០០លានដុល្លារអាមេរិក។ បច្ចុប្បន្នគំរោងនេះ បានដាក់ទៅកាន់រដ្ឋាភិបាលចិន ដើម្បីពិភាក្សានិងផែនការរៀបចំឥណទាន ហិរញប្បទាននាពេលខាងមុខ។

ក្រុងបាវិតខេត្តស្វាយរៀង ស្ថិតនៅចំណចកណ្តាលរវាងទីក្រុងធំចំនួនពីរ គឺទីក្រុងភ្នំពេញ និងក្រុងហូ ជីម៉ិញ ប្រទេសវៀតណាម ដែលជាខ្សែប ណ្តាញនៃលំហូរពាណិជ្ជកម្ម ការរដឹកជញ្ជូន និងទេសចរណ៍ផងដែរ។

ទីប្រឹក្សាសមាគមអ្នកអភិវឌ្ឍន៍ដីឡូត៍កម្ពុជា លោកយិន លាងគង់បានមានប្រសាសន៍ថា ការរីករាលដាលមេរោគកូវីដ១៩ រយៈពេល២ឆ្នាំមកនេះ បានធ្វើឲ្យទីក្រុងបាវិត ក៏ដូចជាទីក្រុងប៉ោយប៉ែត បានរងភាពស្លោកស្រ​ពោនលើសកម្មភាពសេដ្ឋកិច្ច និងអចលនទ្រព្យ ប៉ុន្តែសម្រាប់ក្រុងបាវិតនឹងមានសន្ទុះ នៃការទិញ លក់អចលនទ្រព្យ នឹងមានសកម្មភាពបណ្តើរៗឡើងវិញនាពេលឆាប់ៗខាងមុខនេះ។

លោកបន្តថា “សកម្មភាពទិញលក់អចលនទ្រព្យ ក្នុងទីក្រុងនេះនឹងអាចចាប់ផ្តើមកំរើកសកម្មឡើងវិញ នៅអំឡុងត្រីមាសទី២ឆ្នាំនេះ ស្របពេលការប្រកាសពីគំរោងផ្លូវល្បឿនលឿន ជាផ្លូវការរបស់រដ្ឋាភិបាល អាចនឹងធ្វើឡើងនៅពេលផ្លូវល្បឿនលឿនភ្នំពេញ ព្រះសីហនុដាក់ឲ្យប្រើប្រាស់ដោយ​សម្តេចតេជោឆ្នាំនេះ”។

លោកបន្តថា “ជាទីក្រុងមួយស្ថិតក្នុងផែនការផ្លួវសូត្ររបស់ចិន ទីក្រុងបាវិតនឹងក្លាយជាមជ្ឈមណ្ឌលភស្តុភាកម្ម មជ្ឈមណ្ឌ​លពាណិជ្ជកម្ម និងល្បែងកំសាន្តដ៏មានសក្តានុពលនាពេលអនាគត”៕

អ្នកវិនិយោគចិនចាប់ផ្តើមហូរចូលមកកាន់ក្រុងព្រះសីហនុឡើងវិញហើយ

ដោយៈជេស៊ីកា

ភ្នំពេញៈ មន្រ្តីអ្នកនាំពាក្យរដ្ឋបាលខេត្តព្រះសីហនុបានអះអាងថា ក្រុមអ្នកវិនិយោគចិន បានចាប់ផ្តើមហូរចូលមកកាន់ក្រុងព្រះសីហនុ ឡើងវិញបណ្តើរហើយ។

លោកឃាង ភារម្យអ្នកនាំពាក្យរដ្ឋបាលខេត្ត ជាប់តំបន់ឆ្នេរនេះបានមានប្រសាសន៍ឲ្យដឹងតាមតេឡេក្រាម កាលពីចុងសប្តាហ៍មុនថា សកម្ម​ភាពសេដ្ឋកិច្ច ការសាងសង់សំណង់នានា នៅខេត្តព្រះសីហនុចាប់ផ្តើមមានសកម្មភាពឡើងវិញបណ្តើរៗហើយ ដោយសារលទ្ឋផលនៃការប្រយុទ្ឋ​ប្រឆាំងនឹងជំងឺកូវីដ១៩ របស់រដ្ឋាភិបាលមានភាពល្អប្រសើរ។

លោកបន្តថា “រហូតមកទល់ពេលនេះ យើងឃើញមានសកម្មភាពរបស់អ្នកវិនិយោគចិនបានចាប់ផ្តើម ស្របពេលពួកគេបានវិលត្រលប់មកវិញបណ្តើរហើយ”។លោកបន្តថា “ការរីកចម្រើននៃវិស័យទេសចរណ៍ក្នុងស្រុក ការកើនឡើងនូវការវិនិយោគ ក្នុងតំបន់ឧស្សាហកម្ម ក្នុងខេត្តនេះនឹងរួមចំណែកធ្វើឲ្យខេត្តកាន់តែមានពន្លឺឡើងវិញ”។
ជាមួយគ្នានេះ សកម្មភាពហោះហើររបស់ក្រុមហ៊ុន អាកាសចរណ៍មួយ​ចំនួនក៏បានចាប់ផ្តើមឡើងវិញ និងមានសកម្មភាពហោះហើរច្រើនជាងមុនផងដែរ។

ខេត្តព្រះសីហនុ បានទាក់ទាញទុនវិនិយោគលើវិស័យសំណង់ និងអចលនទ្រព្យក្នុងទំហំទឹកប្រាក់ ប្រមាណ៨០០០លានដុល្លារអាមេរិក ក្នុងរយៈពេល​៥ឆ្នាំចុងក្រោយនេះ ដោយវត្តមានអាគារខ្ពស់ៗ ដែលមានកំពស់ចាប់ពី៥ជាន់ឡើងដល់៥០ជាន់ មានចំនួន៦០៤អាគារ និងសកម្មភាពសាងសង់អគារខ្ពស់ៗ ដែលមិនទាន់បានបញ្ចប់ បាននិងកំពុងចាប់ផ្តើមឡើងវិញប ណ្តើរៗ។

រាជរដ្ឋាភិបាលកំពុងរៀបចំក្រុងព្រះសីហនុ ជាទីក្រុងពហុបំណង ដែ​លបច្ចុប្បន្នក្រុមអ្នកជំនាញចិន បាននិងកំពុងធ្វើការងារនេះ ជាមួយគណៈកម្មការជាតិមួយ ដែលបានបង្កើតឡើងដោយសម្តេចតេជោហ៊ុន សែននាយ​ករដ្ឋមន្រ្តីនៃកម្ពុជា៕

រដ្ឋបាលរាជធានីភ្នំពេញបើកកិច្ចប្រជុំលើការសាងសង់ស្ពានអាកាស និងផ្លូវក្រោមដីផ្លូវ២០០៤

ដោយ: ម៉ាលីស

ភ្នំពេញ: រដ្ឋបាលរាជធានីភ្នំពេញ បាន បើក កិច្ច ប្រជុំពិភាក្សាលើការសាងសង់ស្ពានអាកាស ស្ថិតនៅ ស្របតាម មហាវិថី សហព័ន្ធ រុស្ស៊ី និងវិថី សម្ដេច ចៅហ្វាវាំង គង់ សំអុល ( ផ្លូវ ២០០៤) ស្ថិតនៅ ខណ្ឌ ពោធិ៍ សែន ជ័យ រាជធានី ភ្នំពេញ ក្រោម អធិបតីភាព លោក ឃួង ស្រេង អភិបាល នៃ គណៈអភិបាល រាជធានី ភ្នំពេញ។

ដើម្បី បញ្ចៀស និងកាត់បន្ថយការកកស្ទះចរាចរណ៍ ត្រង់ចំនុចមហាវិថី សហព័ន្ធ រុស្ស៊ី និង វិថី សម្ដេច ចៅហ្វាវាំង គង់ សំអុល ( ផ្លូវ ២០០៤ ) រដ្ឋបាល រាជធានី ភ្នំពេញ កំពុង សិក្សា គម្រោង សាងសង់ ស្ពាន អាកាស មួយ ខ្សែ និង គ្រោងសិក្សាបន្ថែម ផ្លូវ ក្រោមដីមួយខ្សែទៀត ដើម្បីធ្វើឱ្យលំហូរ ចរាចរណ៍ មានភាព ងាយស្រួល ក្នុង ការ ធ្វើដំណើរ។

ស្ពានអាកាសថ្មីមួយ នេះគ្រោងនឹងបើកការដ្ឋានស្ថាបនា ក្រោយពីបើកសម្ពោធដាក់ឲ្យ ប្រើប្រាស់ ជាផ្លូវការនូវស្ពានអាកាស និងផ្លូវក្រោមដីនៃរង្វង់មូលចោមចៅ ។ នៅពេលការដោះស្រាយចរាចរណ៍នៅរង្វង់ មូលចោមចៅ បានល្អប្រសើរហើយវាបែរមកកកស្ទះ ចរាចរណ៍នៅចំណុចស្តុបផ្សារស៊ិនជូរីផ្លាហ្សា ( ផ្លូវ ២០០៤ កែងផ្លូវសហពន្ធរុស្ស៊ី) នេះតែម្ដង ដែលតម្រូវឲ្យរដ្ឋបាល រាជធានីភ្នំពេញត្រូវតែធ្វើការ សិក្សាដើម្បីសាងសង់ស្ពាន អាកា​សថ្មីមួយទៀតនៅតំបន់នេះ៕