ដោយ ៖ វឌ្ឍនៈ

ភ្នំពេញ៖ រដ្ឋបាលរាជធានីភ្នំពេញបានសម្រេចបើកឱ្យប្រើប្រាស់ជាបណ្ដោះអាសន្ននូវផ្លូវក្រោមដីពីមហាវិថីវេងស្រេងទៅផ្លូវជាតិលេខ៤ នៃចំនុចការដ្ឋានសាងសង់ស្ពានអាកាសនិងផ្លូវក្រោមដីចោមចៅ ។ ការបើកដំណើរការផ្លូវក្រោមដីនេះគឺដើម្បីបញ្ជៀសបញ្ហាកកស្ទះចរាចរណ៍រាល់ថ្ងៃ ដើម្បីសម្រួលដល់ពលរដ្ឋធ្វើដំណើរឆ្លងកាត់ចំណុចនេះ ។

ផ្លូវក្រោមដីថ្មី នៅត្រង់ចំណុចការដ្ឋានសាងសង់ស្ពានអាកាស និងផ្លូវក្រោមដីចោមចៅ រដ្ឋបាលរាជធានីភ្នំពេញបានសម្រេចបើកឱ្យប្រើប្រាស់ជាបណ្តោះអាសន្ន ពីមហាវិថីចោមចៅ(ផ្លូវវេងស្រេង) ទៅផ្លូវជាតិលេខ៤ ខណៈដែលក្រុមការ ងារដំណើរការអ៊ុតកៅស៊ូផ្លូវតភ្ជាប់ពីមហាវិថីសហព័ន្ឋរុស្ស៊ីទៅផ្លូវជាតិលេខ៤ និងផ្លូវតភ្ជាប់ពីមហាវិថីចោមចៅ ទៅមហាវិថីសហព័ន្ឋរុស្ស៊ី ក្នុង រយៈពេល ១៤ថ្ងៃ ។

មន្ត្រីរដ្ឋបាលរាជធានីភ្នំពេញបានឱ្យដឹងថា ការបើកផ្លូវនេះដើម្បីសម្រួល ការកកស្ទះចរាចរក្នុងពេលដំណើរការអ៊ុតកៅស៊ូផ្លូវតភ្ជាប់ពីមហាវិថីសហព័ន្ឋរុស្ស៊ីទៅផ្លូវជាតិលេខ ៤ និងផ្លូវតភ្ជាប់ពីមហាវិថីចោមចៅ ទៅមហា វិថីសហព័ន្ឋរុស្ស៊ី ការដ្ឋានសាងសង់ស្ពានអាកាស និងផ្លូវក្រោមដីចោមចៅ បានធ្វើការពង្វាងចរាចររយៈពេល ១៤ថ្ងៃ ដោយបើកឱ្យប្រើ ប្រាស់ផ្លូវក្រោមដីថ្មីជាបណ្តោះ អាសន្ន ពីមហាវិថីចោមចៅទៅផ្លូវជាតិលេខ៤ ។

ស្ពានអាកាស និងផ្លូវក្រោមដីចោមចៅ ជាគម្រោងរបស់រាជ រដ្ឋាភិបាលកម្ពុជាតាមរយៈ រដ្ឋ បាលរាជធានីភ្នំពេញដោយទទួលម៉ៅការសាងសង់ដោយ ក្រុមហ៊ុនវិនិយោគទុនអាណិក ជនកម្ពុជា(OCIC) ដោយប្រើប្រាស់ការសាងសង់ក្នុងរយៈពេល៣០ខែនិងចំណាយថវិកាសាងសង់ប្រមាណ២២ លានដុល្លាអាមេរិក។

ផ្អែកតាមលក្ខណៈបច្ចេក ទេសរបស់មន្ទីរសាធារណការ និងដឹកជញ្ជូនរាជធានីភ្នំពេញ ការដ្ឋាននេះត្រូវសាងសង់ដោយបែងចែកជា៣ផ្នែកគឺ ស្ពានទី១ ជាស្ពានអាកាសមេតភ្ជាប់ចរាចរ ពីមហាវិថីសហព័ន្ធរុស្ស៊ី មកផ្លូវជាតិលេខ៣ មានប្រវែងសរុប៤០៨ ម៉ែត្រ ទទឹង១៥,៨ ម៉ែត្រ ដែលមានចរាចរពីរគន្លងទៅនិងពីរគន្លងមកជម្រាលស្ពាន៤,៥ម៉ែត្រ និងមានកម្ពស់អតិបរមាដែលអាចចរាចរក្រោមស្ពានមាន៥,៥ ម៉ែត្រ។

ស្ពានទី២ បំបែកចេញពីស្ពានអាកាសមេ បត់ឆ្វេងតភ្ជាប់ចរាចរពីមហាវិថីសហ ព័ន្ធរុស្ស៊ីឆ្ពោះទៅផ្លូវវេងស្រេង សម្រាប់ចរាចរមួយទិស ដែលមានមួយគន្លងរថយន្ត និងមួយគន្លងទោចក្រយានយន្ត មានប្រវែងសរុប២០២ម៉ែត្រ (ស្ពានអាកាស ប្រវែង៤០ ម៉ែត្រ ផ្លូវក្រោមដី ប្រវែង១១៨ ម៉ែត្រនិងផ្លូវលើដីប្រវែង ៤៤ ម៉ែត្រ) ទទឹង៥,២៥ម៉ែត្រ។

ស្ពានទី៣ ជាស្ពានកោងបត់ ឆ្វេងតភ្ជាប់ចរាចរពីផ្លូវវេងស្រេង មកផ្លូវជាតិលេខ៣ មានប្រវែងសរុប ២០៦ម៉ែត្រ (ស្ពានអាកាសប្រវែង៦០ម៉ែត្រ ផ្លូវក្រោមដីប្រវែង១១៨ម៉ែត្រ និងផ្លូវលើដីប្រវែង២៨ម៉ែត្រ) ទទឹង៥,២៥ម៉ែត្រ សម្រាប់ចរាចរមួយទិស ដែលមានមួយគន្លងរថយន្ត និងមួយគន្លងទោចក្រយានយន្ត។

ផ្លូវនិងផ្លូវក្រោមដីជាផ្លូវកោងតភ្ជាប់ចរាចរពីផ្លូវវេងស្រេង មកផ្លូវជាតិលេខ៤ មានប្រវែងសរុប១៣០ម៉ែត្រ (ផ្លូវក្រោមដី ប្រវែង១៣ម៉ែត្រ និងផ្លូវលើដីប្រវែង១១៧ ម៉ែត្រ) ទទឹង៨,៥ម៉ែត្រ សម្រាប់ចរាចរមួយទិស ដែលមានពីរគន្លងរថយន្តនិងមួយគន្លងទោចក្រយានយន្ត។ ផ្លូវលើផ្ទៃដីជាផ្លូវមេតភ្ជាប់ចរាចរពីផ្លូវជាតិលេខ៤ មកផ្លូវវេងស្រេង មានប្រវែងសរុប២៣៥ម៉ែត្រ ទទឹង៨,៥ម៉ែត្រ សម្រាប់ចរាចរមួយទិស ដែលមានពីរគន្លងរថយន្តនិងមួយគន្លងទោចក្រយានយន្ត។ ផ្លូវក្រោមដីជាផ្លូវតភ្ជាប់ចរាចរពីផ្លូវជាតិលេខ៤ មកមហាវិថីសហព័ន្ធរុស្ស៊ី ដែលមានប្រវែងសរុប៤៧០ម៉ែត្រ ទទឹង៨,៥ម៉ែត្រ សម្រាប់ចរាចរមួយទិស ដែលមានពីរគន្លងរថយន្ត និងមួយគន្លងទោចក្រយានយន្ត។ ល្បឿនសុវត្ថិភាព៤០គីឡូម៉ែត្រ ក្នុងមួយម៉ោង សម្រាប់ផ្លូវទទឹងទំហំ ទទឹង៨,៥ម៉ែត្រ ។ ល្បឿនសុវត្ថិភាព២៥គីឡូម៉ែត្រ ក្នុងមួយម៉ោង សម្រាប់ផ្លូវទទឹងទំហំ៥,២៥ម៉ែត្រ និងទំហំ៥,៥ម៉ែត្រ ។

ការសាងសង់ស្ពានអាកាសនិងផ្លូវក្រោមដីចោមចៅ ត្រូវបានគេមើលឃើញថាជំរុញសក្ដានុពលវិនិយោគទៅលើតំបន់ជាយក្រុងមួយកម្រិតទៀត ដូចជាតំបន់ប៉ែកខាងលិចផ្លូវជាតិលេខនិងតំបន់ផ្លូវជាតិលេខ៣ ដោយសារតែការធ្វើដំណើរកាន់តែច្រើន ការផ្សាភ្ជាប់តំបន់ជាយក្រុងនិងភ្នំពេញកាន់តែជិតគ្នា ។ ជាការកត់សម្គាល់គេឃើញថាតំបន់ទាំងពីរក៏កំពុងទទួលបានគម្រោងអភិវឌ្ឍន៍លំនៅឋានជាច្រើនផងដែរ ៕

ដោយ៖ វឌ្ឍនៈ

ភ្នំពេញ ៖ ថ្លែងនៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារទីស្ដីការថ្មីរបស់ក្រសួងរៀបចំដែនដីនគរូបនីយកម្មនិងសំណង់ កាលពីព្រឹកថ្ងៃទី៨វិច្ឆិកា២០២១ឱ្យដឹងថាសម័យកាលពីរដែលធ្វើឱ្យតម្លៃដីធ្លីឡើងខ្ពស់គឺសម័យកាលសង្គមរាស្ត្រនិយមក្រោមការដឹកនាំដោយអតីតព្រះមហាក្សត្រកម្ពុជា ព្រះនរោត្តមសីហនុ និងសម័យកាលបច្ចុច្បន្ននេះ ។

សម្ដេចមានប្រសាសន៍បន្តថា សម័យកាលទាំងពីរនេះជាសម័យដែលមានការរីកចម្រើននិងមានអភិវឌ្ឍន៍ខ្លាំង ដូច្នេះហើយទើបតម្លៃដីធ្លីនៅកម្ពុជាមានសន្ទុះងើបឡើងខ្លាំង ។ ទន្ទឹមនឹងនោះដែរក៏មានសម័យកាលមួយដែលធ្វើឱ្យដីបាត់បង់តម្លៃផងដែរ ។សម្ដេចថ្លែងថា “ដីឡើងថ្លៃដំណាក់កាលទីមួយ គឺដំណាក់កាលសម័យសង្គមរាស្ត្រនិយម ដោយសារតែពេលនោះមានការអភិវឌ្ឍ ដូច្នេះហើយអ្នកនៅតាមដងទន្លេ មន្ត្រីរាជការនៅភ្នំពេញ បានស្នើសុំដីពីថ្នាក់ដឹកនាំប្រទេស ប៉ុណ្ណេះ ប៉ុណ្ណេះ”។

សម្ដេចមានប្រសាសន៍បន្ថែម នៅពេលដីឡើងថ្លៃ សម័យនោះមានមន្ត្រីខិលខូចមួយចំនួនចាប់យកដីរដ្ឋធ្វើជារបស់ខ្លួនដោយសម័យនោះពេញនិយមខ្លាំងលើចំការកៅស៊ូ ដោយមើលឃើញថាដីចំការកៅស៊ូមួយចំនួនគឺជារបស់មន្ត្រីធំៗជំនិតៗរបស់ថ្នាក់ដឹកនាំ។

សម្ដេចបន្ថែមទៀតថា ការអភិវឌ្ឍតែងតែមានផលប៉ះពាល់ដល់បរិស្ថានហើយ ជាក់ស្ដែងប្រវត្តិខេត្តព្រៃវែង ពីមុនដោយសារតែវាមានព្រែវែងមែន ប៉ុន្តែពេលនេះអស់ព្រៃទៅជាវាលវែង ។ កត្តានេះគឺបណ្ដាលមកមនុស្សចេះតែកើនឡើងនិងមានតម្រូវការដីធ្លី និងធ្វើឱ្យតម្លៃដីកាន់តែកើនឡើងផងដែរ ។ប៉ុន្តែដីត្រូវបាត់បង់តម្លៃ របស់វានៅពេលដែលមានសង្គ្រាមកើតឡើង ដោយមនុស្សត្រូវរត់ចោលដីធ្លី ពីព្រោះតែគ្រាប់បែក ។
សម្ដេចបានប្រសាសន៍ថា “នៅជំនាន់ប៉ុលពតតម្លៃដីកាន់តែបាត់បង់ទៅទៀត ហើយរហូតដល់ក្រោយជំនាន់ប៉ុលពតក៏នៅតែបន្តអត់មានតម្លៃដដែល ជាក់ស្ដែងជំនាន់នោះរដ្ឋភិបាលជួលប្រជាជនឱ្យទៅធ្វើការងារកសិកម្មលើដីនោះទៅទៀត ខុសពីជំនាន់ដីមានតម្លៃដែលធ្វើឱ្យមនុស្សឈ្លោះដណ្ដើមគ្នាយកដី”។

បើទោះបីជាក្នុងវិបត្តិនៃជំងឺកូវីដ១៩យើងសង្កេតឃើញថាតម្លៃដីធ្លីនៅតែបន្តរក្សានូវតម្លៃខ្ពស់ដដែល មិនមានការធ្លាក់ចុះនោះទេ ហើយសកម្មភាពនៃការទិញលក់ដីធ្លី នៅក្នុងវិបត្តិនេះក៏នៅតែបន្តមានដដែល ដូច្នេះបើសិនជាមានសង្គ្រាមដូចជំនាន់ប៉ុលពតជឿជាក់ថាគ្មានអ្នកណាចង់បានដីទេ ។

លោកបណ្ឌិតគីម ហ៊ាង ប្រធានក្រុមហ៊ុនអចលនទ្រព្យខ្មែររៀលអ៊ីស្ទេត បានឱ្យដឹងថា តម្លៃដីធ្លីនៅកម្ពុជានឹងនៅតែបន្តឡើងថ្លៃថែមទៀត ហើយបើធៀបនឹងប្រទេសជិតខាងរបស់កម្ពុជាឃើញថាតម្លៃដីនៅកម្ពុជានៅមានកម្រិតនៅឡើយ ដែលធ្វើឱ្យវិនិយោគិនបរទេសចង់ចូលមកវិនិយោគនៅក្នុងប្រទេស ។

លោកបន្តថាកាលពីមុនដីនៅកណ្ដាលក្រុងបច្ចុប្បន្ននេះគឺជាតំបន់ជាយក្រុង ហើយតម្លៃដីតំបន់នោះបាន ហក់កើនឡើងខ្ពស់ណាសមកដល់ពេលបច្ចុប្បន្ននេះ។ តំបន់ជាយក្រុងនៅពេលបច្ចុប្បន្ននឹងក្លាយជាតំបន់កណ្ដាលក្រុងនៅពេលអនាគត ហើយទីក្រុងក៏កាន់តែរីកចម្រើនជាបន្តបន្ទាប់នៅពេលមានការអភិវឌ្ឍ៕

Sydney Airport has agreed to accept a A$23.6bn (£13bn; $17.5bn) takeover bid from a group of investors.

If completed, the deal will one of Australia’s biggest ever buyouts.

The agreement came after Sydney Aviation Alliance (SAA) raised its bid in response to the airport’s owner rebuffing its earlier offer.

However, the proposed sale faces a number of potential obstacles, which means the process could still take months to complete.

“The Sydney Airport Boards believe the outcome reflects appropriate long-term value for the airport, and unanimously recommend the proposal to securityholders, subject to customary conditions such as independent expert approval and no superior proposal,” Sydney Airport’s chairman David Gonski said in a statement to the stock exchange.

The announcement of the deal for Australia’s biggest airport operator came shortly after the country reopened its borders to international travel.

From the start of November, fully vaccinated overseas visitors have been allowed to enter Australia’s two biggest states without the need for quarantine for the first time in more than a year and a half. Millions of Australians are also now able travel abroad freely.

SAA is made up of Australian firms IFM Investors, QSuper and AustralianSuper and US-based Global Infrastructure Partners.
The agreement still needs to clear several more hurdles until it can be completed, including an independent report on the takeover.

It also requires approval from three quarters of the airport’s shareholders, as well as the greenlight from Australian regulators.

Sydney Airport’s board said that it plans to hold meetings about the deal in the first quarter of 2022.

Shares in the the company rose by 2.8% in Sydney Stock Exchange trading on Monday.

Source: BBC News

សុខុម

ស៊ីដនី: អាកាសយានដ្ឋានអូស្ត្រាលី Sydney Airport បានព្រមព្រៀងទទួលយកការដេញថ្លៃទិញយក២៣,៦ពាន់លានដុល្លារអូស្ត្រាលី (១៧,៥ពាន់លានដុល្លារអាមេរិក) ពីវិនិយោគិនមួយក្រុម ហើយនេះគឺជាការទិញយកដ៏ធំបំផុតមិនធ្លាប់មាននៅក្នុងប្រទេសអូស្ត្រាលី។

យោងតាមការចុះផ្សាយរបស់សាព័ត៌មាន BBC នៅថ្ងៃច័ន្ទ ទី៨ វិច្ឆិកា នេះឱ្យដឹងថា កិច្ចព្រមព្រៀងនេះកើតមានឡើង បន្ទាប់ពីក្រុមហ៊ុនសម្ព័ន្ធអាកាសចរណ៍ក្រុងស៊ីដនី Sydney Aviation Alliance (SAA) បានដំឡើងការដេញថ្លៃរបស់ខ្លួនជាការឆ្លើយតបទៅនឹងម្ចាស់អាកាសយានដ្ឋាននេះ ដែលបដិសេធការឱ្យថ្លៃលើកមុនរបស់ខ្លួន។

ទោះជាយ៉ាងណា ការលក់នេះប្រឈមនឹងឧបសគ្គដែលអាចកើតមានមួយចំនួនដែលធ្វើឱ្យដំណើរការទិញលក់នេះត្រូវចំណាយពេលច្រើនខែទម្រាំនឹងបញ្ចប់ជាស្ថាពរ។

លោក David Gonski ប្រធានអាកាសយានដ្ឋាន Sydney Airport បានចេញសេចក្តីថ្លែងការណ៍ទៅកាន់ទីផ្សារភាគហ៊ុនថា “ក្រុមប្រឹក្សាភិបាលនៃអាកាសយានដ្ឋាន Sydney Airport Boards ជឿជាក់ថា លទ្ធផលនេះឆ្លុះបញ្ចាំងពីតម្លៃរយៈពេលវែងសមរម្យសម្រាប់អាកាសយានដ្ឋាននេះ”។

ការប្រកាសកិច្ចព្រមព្រៀងទិញយកក្រុមហ៊ុនប្រតិបត្តិករអាកាសយានដ្ឋាន ដែលធំបំផុតរបស់អូស្ត្រាលី នេះបានកើតឡើងភ្លាមៗ បន្ទាប់ពីប្រទេសនេះបានបើកព្រំដែនរបស់ខ្លួនឡើងវិញស្វាគមន៍ការធ្វើដំណើរជាអន្តរជាតិ។

ចាប់ពីដើមខែវិច្ឆិកា តទៅ ភ្ញៀវទេសចរបរទេសដែលបានចាក់វ៉ាក់សាំងពេញលេញត្រូវបានអនុញ្ញាតឱ្យចូលទៅកាន់រដ្ឋធំបំផុត២របស់ប្រទេសអូស្ត្រាលី ដោយមិនចាំបាច់ធ្វើចត្តាឡីស័កជាលើកដំបូងក្នុងរយៈពេលជាងមួយឆ្នាំកន្លះមកនេះ។ ប្រជាជនអូស្ត្រាលី រាប់លាននាក់ពេលនេះក៏អាចធ្វើដំណើរទៅក្រៅប្រទេសដោយសេរីបានផងដែរ។

ក្រុមហ៊ុនសម្ព័ន្ធអាកាសចរណ៍ក្រុងស៊ីដនី Sydney Aviation Alliance (SAA) ជាការរួមបញ្ចូលគ្នានូវក្រុមហ៊ុនជាច្រើនរួមមានក្រុមហ៊ុនអូស្ត្រាលី ដូចជា IFM Investors, QSuper និង AustralianSuper ព្រមទាំងក្រុមហ៊ុន Global Infrastructure Partners ដែលមានមូលដ្ឋាននៅសហរដ្ឋអាមេរិក ផងដែរ។

ភាគហ៊ុននៅក្នុងក្រុមហ៊ុននេះបានហក់ឡើងប្រហែល២,៨%នៅក្នុងការជួញដូរលើទីផ្សារហ៊ុនស៊ីដនី Sydney Stock Exchange នៅថ្ងៃច័ន្ទ ទី៨ វិច្ឆិកា នេះ៕ BBC៕

ដោយ៖ សុផារី

ភ្នំពេញ៖ ក្នុងរយៈពេលតែប៉ុន្មានខែយើងជីកមាសបានរហូត ៨០០ គីឡូក្រាម ដែលជាការវិនិយោគរបស់ក្រុមហ៊ុនអូស្រ្តាលី ដែលការ ជីកមាសនេះបានចាប់ផ្តើមពីខែមិថុនា ឆ្នាំ២០២១។ នេះបើតាមប្រសាសន៍របស់សម្តេចតេជោក្នុងពិធីសម្ពោធដាក់ឱ្យប្រើប្រាស់ជាផ្លូវការ អគារទីស្ដីការថ្មីក្រសួងរៀបចំដែនដីនគរូបនីយកម្ម និងសំណង់ ស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ នាព្រឹកថ្ងៃទី០៨ ខែវិច្ឆិកា ឆ្នាំ២០២១។

សម្តេចបានបញ្ជាក់បន្ថែមថា ក្រៅពីការវិនិយោគលើការជិកមាសនេះ ពាណិជ្ជកម្មរវាងប្រទេសទាំងពីរក៏មានការកើនឡើង ហើយជាមួយនោះ នៅពេលដែល អាសិប បានចូលជាធរមាននៅខែមករា ឆ្នាំ ២០២២ ខាងមុខ កម្ពុជានឹងធ្វើពាណិជ្ជកម្មជាមួយអូស្រ្តាលីកាន់តែច្រើន និង មានក្របខ័ណ្ឌអូស្រ្តាលី-មេគង្គ នៅមានក្រប ខ័ណ្ឌអូស្ត្រាលីអាស៊ាននិងមានអាស៊ីបូព៌ាទៀត ។

ក្នុងថ្ងៃដដែលនេះ សម្ដេចតេជោក៏ជួបពិភាក្សាជាមួយ រដ្ឋមន្ត្រីការបរទេសអូស្ត្រាលី ដែលនឹងពិភាក្សាគ្នាយ៉ាងច្រើន ទៅលើកិច្ចសហប្រតិបត្តិទ្វេភាគី ក្នុងក្របខ័ណ្ឌរវាងកម្ពុជា និងអូស្ត្រាលី និងជាក្របខ័ណ្ឌហួសពីនេះទៀត គឺទាក់ទងនឹងឥណ្ឌូអាស៊ីប៉ាស៊ីហ្វិក និងប្រទេសអាស៊ានមួយចំនួនទៅលើពាក់ព័ន្ធ នឹងតំបន់គ្មានអាវុធនុយក្លេអ៊ែរ។

ដោយសម្តេចបានបន្យល់ថា ទស្សនកិច្ចរបស់រដ្ឋមន្ត្រីការបរទេសអូស្ត្រាលីគឺមិន មែនមកដើម្បីកៀបសង្កត់កម្ពុជានោះទេ ប៉ុន្តែប្រហែលជាគាត់មកដើម្បីពន្យល់នូវអ្វីដែលជាសម្ព័ន្ធភាពរវាង អាម៉េរិក អូស្ត្រាលី និង អង់គ្លេស (AUKUS) ជាបញ្ហាសំខាន់។
សម្ដេចតេជោបន្តថា រដ្ឋមន្ត្រីការបរទេសអូស្ត្រាលី មិនមែនមកដើម្បីគាបសង្កត់នោះទេ ប៉ុន្តែប្រហែលជាគាត់មកដើម្បីពន្យល់នូវអ្វីដែលជាសម្ព័ន្ធភាពរវាងអាម៉េរិក អូស្ត្រាលី និងអង់គ្លេសជាបញ្ហាសំខាន់។

សម្តេចតេជោ បានលើកឡើងដោយសង្កត់ធ្ងន់ថា “សម្រាប់ ហ៊ុន សែន អ្នកដែលចង់មកកៀបសង្កត់ ហ៊ុន សែន សូមមិនបាច់មកទេព្រោះអ្នកផ្តល់ទិដ្ឋាការ ឱ្យឬមិនឱ្យគឺជាសិទ្ធិរបស់កម្ពុជា”៕

សុខុម

សេអ៊ូល: ក្រុមហ៊ុន Asiana Airlines Inc. ដែលជាក្រុមហ៊ុនអាកាសចរណ៍ធំបំផុតទី២ របស់កូរ៉េខាងត្បូង បាននិយាយនៅថ្ងៃច័ន្ទ ទី៨ វិច្ឆិកា នេះថា ខ្លួននឹងបង្កើនចំនួនជើងហោះហើរទៅកាន់ប្រទេសសិង្ហបុរី ចាប់ពីខែនេះ ខណៈប្រទេសទាំង២កាលពីពេលថ្មីៗនេះបានចុះកិច្ចព្រមព្រៀងរបៀងទេសចរណ៍ដែលមានសុវត្ថិភាព។

របៀងទេសចរណ៍មានសុវត្ថិភាព សំដៅដល់ការចាប់ដៃគូសហការធ្វើដំណើរដោយមិនចាំបាច់ធ្វើចត្តាឡីស័ករវាងទីក្រុង២ ឬប្រទេស២ដែលមានកម្រិតករណីវីរុសកូវីដ-១៩ ស្រដៀងគ្នា។

ក្រុមហ៊ុន Asiana បាននិងកំពុងដំណើរការជើងហោះហើរចំនួន៣ក្នុងមួយសប្តាហ៍នៅរៀងរាល់ថ្ងៃអង្គារ ថ្ងៃពុធ និងថ្ងៃសុក្រ លើផ្លូវហោះហើរឆ្ពោះទៅកាន់ប្រទេសសិង្ហបុរី ហើយអ្នកដំណើរត្រូវបានតម្រូវឱ្យឆ្លងកាត់ការធ្វើចត្តាឡីស័ក២សប្ដាហ៍ជាកំហិតនៅក្នុងប្រទេសទាំង២។

ក្រុមហ៊ុននេះបានចេញសេចក្តីថ្លែងការណ៍ថា ក្រោមកិច្ចព្រមព្រៀងនេះ ក្រុមហ៊ុន Asiana នឹងបន្ថែមជើងហោះហើរមួយទៀតនៅរៀងរាល់ថ្ងៃសៅរ៍ ដែលចាប់ផ្តើមពីថ្ងៃទី១៥ វិច្ឆិកា និងមួយទៀតនៅរៀងរាល់ថ្ងៃអាទិត្យ ចាប់ពីថ្ងៃទី០១ ខែធ្នូ ដើម្បីបំពេញតម្រូវការហោះហើរចេញក្រៅដែលកំពុងកើនឡើងស្របពេលមានយុទ្ធនាការចាក់វ៉ាក់សាំងទូទាំងប្រទេស។

ក្រុមហ៊ុននិយាយថា ចាប់ពីថ្ងៃទី១៥ វិច្ឆិកា អ្នកដែលចាក់វ៉ាក់សាំងដូសទី២បាន២សប្ដាហ៍ ហើយមានលទ្ធផលតេស្តអវិជ្ជមានកូវីដ-១៩ នឹងមិនតម្រូវឱ្យធ្វើចត្តាឡីស័កឡើយ។

ក្រុមហ៊ុននិយាយទៀតថា ផ្លូវធ្វើដំណើរសម្រាប់អ្នកចាក់វ៉ាក់សាំង (VTL) ដែលមិនតម្រូវឱ្យធ្វើចត្តាឡីស័ក នឹងមានសម្រាប់ជើងហោះហើរនៅថ្ងៃអង្គារ ថ្ងៃពុធ សុក្រ និងថ្ងៃអាទិត្យ ប៉ុន្តែផ្លូវធ្វើដំណើរសម្រាប់អ្នកចាក់វ៉ាក់សាំង VTL គ្មានសម្រាប់ថ្ងៃសៅរ៍ នោះទេ។

អ្នកនាំពាក្យក្រុមហ៊ុននិយាយថា “មានតែអ្នកចាក់វ៉ាក់សាំងពេញលេញដែលបានធ្វើតេស្តអវិជ្ជមានកូវីដ-១៩ ប៉ុណ្ណោះនឹងត្រូវបានអនុញ្ញាតឱ្យប្រើប្រាស់ផ្លូវ VTL”៕ Yonhap៕

ដោយ៖ សុផារី

ភ្នំពេញ៖ ក្នុងពិធីសម្ភោធអគារទីស្តីការក្រសួងរៀបចំដែនដី នគរូបនីយកម្ម និងសំណង់នៅថ្ងៃទី០៨ ខែវិច្ឆិកា ឆ្នាំ២០២១នេះ សម្តេចតេជោ ហ៊ុន សែន បានផ្តាំផ្ញើការងារចំនួន៣ ជូនទៅក្រសួងរៀបចំដែនដី នគរូបនីយកម្ម និងសំណង់ ឱ្យខិតខំបំពេញបន្ថែម។

ការងារទាំង៣នោះរួមមាន៖
ការងារទី១ បន្តខិតខំដោះស្រាយការចេញបណ្ណកម្មសិទ្ធជូនប្រជាពលរដ្ឋ ខិតខំដោះស្រាយជម្លោះដីធ្លីដែលនៅសេសសល់ ឬទើបកើត ដោយប្រើយន្តការសម្របសម្រួល ក្រៅប្រព័ន្ធតុលាការ។

ការងារទី២ ខិតខំដោះស្រាយការចេញបណ្ណកម្មសិទ្ធប្រកបដោយសុចរិតភាពលើការដោះស្រាយ។ ប្រសិនបើមានការដោះស្រាយ ប្រកបដោយសុចរិតភាព បញ្ហាប្រកដជាដោះស្រាយបាន។

ការងារទី៣ ខិតខំដោះស្រាយបញ្ហាដីសង្គមកិច្ច។

សម្តេចបានថ្លែងថា “ការខិតខំដោះស្រាយបញ្ហាដីសង្គមកិច្ច ជាកិច្ចការអាទិភាពមួយក្នុងចំណោមកិច្ចការអាទិភាពផ្សេងទៀត របស់រាជរដ្ឋាភិបាលដែលត្រូវធ្វើ។ កន្លងមក យើងបានធ្វើផ្ទះជូនពូកគាត់ ដូច្នេះដីធ្លីក៏ត្រូវរៀបចំជូនសម្រាប់អ្នកខ្វះដីផងដែរ”៕