ដោយៈ ប៊ី

ភ្នំពេញៈ ការងើបឡើងវិញនៃស្ថានភាពសេដ្ឋកិច្ចសកល និងសេដ្ឋកិច្ចដៃគូពាណិជ្ជកម្មរបស់កម្ពុជានឹងធ្វើឱ្យសេដ្ឋកិច្ចកម្ពុជា មានកំណើនវិជ្ជមាន ដោយសារការជំរុញពីកំណើនតម្រូវការផលិតផលកសិកម្ម និងលទ្ធភាពនៃការបង្វែរទិសដៅបញ្ជារទិញ។

អគ្គនាយកដ្ឋានគោលនយោបាយ នៃក្រសួងសេដ្ឋកិច្ច និងហិរញ្ញវត្ថុ បានបង្ហាញពីនិន្នាការសេដ្ឋកិច្ចសង្គមថា គិតត្រឹមខែឧសភា ឆ្នាំ២០២១ ការនាំចេញសម្លៀកបំពាក់ និងផលិតផលកាត់ដេរ ចំនួនភ្ញៀវទេសចរជាតិនិងអន្តរជាតិ, សកម្មភាពនៅក្នុងវិស័យសំណង់ និងទុនវិនិយោគពីបរទេស បាននឹងកំពុងបន្តធ្លាក់ចុះ។

ទោះបីជាយ៉ាងនេះក្តី ការនាំចេញក្រៅពីសម្លៀកបំពាក់និងផលិតផលកាត់ដេរដូចជា កង់ គ្រឿងបង្គុអេឡិចត្រូនិក ផលិតផលពីឈើ និងផលិតផលកសិកម្មផ្សេងទៀតជាដើម បានបន្តរក្សាកំណើនល្អ។

ជារួម សេដ្ឋកិច្ចកម្ពុជា រំពឹងថា នឹងមានកំណើនវិជ្ជមានក្នុងឆ្នាំ ២០២១ ដោយសារការងើបឡើងវិញនៃស្ថានភាពសេដ្ឋកិច្ចសកល និងសេដ្ឋកិច្ចដៃគូពាណិជ្ជកម្មរបស់កម្ពុជា កំណើនតម្រូវការផលិតផលកសិកម្ម លទ្ធភាពនៃការបង្វែរទិសដៅបញ្ជារទិញ និងការទទួលបានរោងចក្រកាត់ដេរពីប្រទេសមីយ៉ាន់ម៉ា មកវិនិយោគនៅកម្ពុជាជាដើម។

លោកបណ្ឌិតគី សេរីវឌ្ឍន៍អ្នកជំនាញសេដ្ឋកិច្ច នៃរាជបណ្ឌិត្យសភាកម្ពុជា លើកឡើងជុំវិញនៃការងើបឡើងកំណើនសេដ្ឋកិច្ចនេះថា បើយើងក្រឡេកមើលអំពីស្ថានភាពសេដ្ឋកិច្ចសកល បច្ចុប្បន្នប្រទេសជាច្រើនមានបទពិសោធន៍នឹងជម្ងឺកូវីដ-១៩ រួចរាល់ ក្នុងនោះសម្រាប់បញ្ហាសេដ្ឋកិច្ចវិញ គឺបានដំណើរការមានស្ថិរភាពជាងមុន។

លោកបាថ្លែងបន្តថា ហើយក្នុងចំណោមប្រទេសទាំងនោះ ក៏មានប្រទេសដែលជាដៃគូរពាណិជ្ជកម្មរបស់កម្ពុជាផងដែរ ដែលកម្ពុជាអាចរំពឹងក្នុងការបញ្ជាល្អប្រសើរឡើងវិញជាមុន, ក្រៅពីនេះកម្ពុជាក៏អាចនឹងទទួលបានការបញ្ជាទិញពីអឺរ៉ុបមួយចំនួនបន្ថែមទៀត ខណៈប្រទេសភូមាកំពុងមានវិបត្តិដោយសារសង្គ្រាមស៊ីវិល ។

ដោយឡែក លោកឧកញ៉ាណាង សុធីអនុប្រធានសហព័ន្ធនិយោជក និងសមាគមពាណិជ្ជកម្មកម្ពុជា បានថ្លែងថា ជុំវិញនឹងវិបត្តិនៃការរីករាលជម្ងឺកូវីដ-១៩ នេះ ប្រទេសដែលអភិវឌ្ឍន៍ក្នុងឧស្សាហកម្មកាត់ដេរមួយចំនួន បានកំពុងទទួលវិបត្តិនៃជម្ងឺនេះយ៉ាងធ្ងន់ធ្ងរ ដែលបញ្ហាទាំងនេះ គឺជាឱកាសរបស់កម្ពុជា។

លោកបានថ្លែងបន្តថា ជាក់ស្តែងសម្រាប់ការបញ្ជាទិញនៅកម្ពុជា គឺមិនមានអ្វីចោទជាបញ្ហានោះឡើយ បច្ចុប្បន្នកម្ពុជាក៏កំពុងទទួលអ្នកបញ្ជាទិញមានចំនួនកើនឡើងផងដែរ ស្របពេលដែលរាជរដ្ឋាភិបាល ក៏ដូចធនាគារពិភពលោក និងធនាគារ ADB រំពឹងថា កំណើនសេដ្ឋកិច្ចកម្ពុជា នឹងត្រូវងើបក្នុងអត្រាវិជ្ជមានមកវិញ នៅក្នុងឆ្នាំ ២០២១ នេះ។

ជុំវិញបញ្ហាកំណើនសេដ្ឋកិច្ចនេះ នៅដើមឆ្នាំ២០២១ រាជរដ្ឋាភិបាល បានព្យាករណ៍ថា សេដ្ឋកិច្ចកម្ពុជានឹងងើបឡើងវិញក្នុងកំណើនវិជ្ជមាន គឺនៅក្នុងរង្វង់៣,៥ភាគរយ ទៅ៤ភាគរយ ក្នុងនោះធនាគារពិភពលោក ក៏បានព្យាករណ៍ផងដែរថា សេដ្ឋកិច្ចកម្ពុជានឹងទទួលបានកំណើនជិត៤ភាគរយ ក្នុងឆ្នាំ២០២១ ដោយសារការរំពឹងទុកនៃការងើបឡើងវិញបន្តិចម្តងៗនៃសេដ្ឋកិច្ចរួមមាន៖ ផ្នែកឧស្សាហកម្មផលិត, អាចងើបឡើងវិញជាបណ្តើរៗ ខណៈដែលអាជីវកម្មបោះដុំនិងលក់រាយ បានកំពុងប្រឹងងើបឡើងវិញក្នុងល្បឿនយឺត តែទោះយ៉ាងណា ការងើបឡើងវិញនេះ ស្ថិតនៅក្នុងសភាពផុយស្រួយ ខណៈវិធានការបិទខ្ទប់នៅតែបន្តអនុវត្ត ដើម្បីទប់ស្កាត់ការរាលដាលនៃការឆ្លងវីរុសកូវីដ-១៩៕

ដោយៈ ប៊ី

ភ្នំពេញៈ សេដ្ឋកិច្ចកម្ពុជា នៅតែទទួលរងផលប៉ះពាល់ ពីវិបត្តិជំងឺកូវីដ១៩ ជាពិសេ​ស ព្រឹត្តិការណ៍សហគមន៍២០ កុម្ភៈ ដែលបាន អូសបន្លាយរហូតមកដល់បច្ចុប្បន្ន និងបានដាក់សម្ពាធមកលើសូចនាករសំខាន់ៗ នៃវិស័យជំរុញកំណើនសេដ្ឋកិច្ច។

គិតត្រឹមខែ ឧសភា ឆ្នាំ២០២១ ការនាំចេញ្ចសម្លៀកបំពាក់ និងផលិតផលកាត់ដេរ ចំនួនភ្ញៀវទេសចរជាតិនិងអន្តរជាតិ សកម្មភាពនៅក្នុង វិស័យសំណង់ និងទុនវិនិយោគពីបរទេស បាននងកំពុងបន្តធ្លាក់ចុះ។

នេះបើយោងតាមរបាយការណ៍និន្នាការសេដ្ឋកិច្ចសង្គមនៃក្រសួងសេដ្ឋកិច្ច និងហិរញ្ញវត្ថុ ចេញផ្សាយនៅដើមខែកក្កដា ២០២១នេះ។

ទោះបីជាយ៉ាងនេះក្តី ក្រសួងសេដ្ឋកិច្ចបានឱ្យដឹងថា ការនាំចេញក្រៅពីសម្លៀកបំពាក់និងផលិតផលកាត់ដេរ ដូចជាកង គ្រឿងបង្គុំអេឡិចត្រូនិក ផលិតផលពីឈើ និងផលិតផលកសិកម្មផ្សេងទៀតជាដើម បានបន្តរក្សាកំណើនល្អ។

ក្រសួងបានបន្តថា ជារួមសេដ្ឋកិច្ចកម្ពុជា រំពឹងថានឹងមានកំណើនវិជ្ជមានក្នុងឆ្នាំ២០២១ ដោយសារការងើបឡើងវិញ នៃស្ថានភាពសេដ្ឋកិច្ចសកល និងសេដ្ឋកិច្ចដៃច្ចពាណិជ្ជកម្មរបស់កម្ពុជា កំណើនតម្រូវការផលិតផលកសិកម្ម និងលទ្ធភាពនៃការបង្វែរការបញ្ជារទិញ និងរោងចក្រកាត់ដេរពីប្រទេសមីយ៉ាន់ម៉ាមកកាន់ប្រទេសកម្ពុជា ។

ជាក់ស្តែងក្នុងរយៈពេល៥ខែ ឆ្នាំ២០២១ ការនាំចេញទំនិញ សម្រេចបានក្នុងទំហំទឹកប្រាក់ចំនួន៥.៩៨២លានដុល្លារ(ស្មើនឹង ២៤ % នៃផសស) បានកើនឡើង ១, ៦% ធៀបនឹងរយៈពេលដូចគ្នាឆ្នាំមុន ដោយសារកំណើននៃការនាំចេញកង់ និង ទំនិញផ្សេងៗ ។

ទន្ទឹមនេះ ការនាំចូលទំនិញ(ដកមាសចេញ សម្រេចបានក្នុងទំហំទឹកប្រាក់ចំនួន៨.៦៦៤លានដុល្លារ (ស្មើនឹង ៣៤, ២% នៃផសស) បានកើនឡើង ១៧% ធៀបនឹងរយៈពេលដូចគ្នាឆ្នាំមុន ដោយសារកំណើននៃការនាំចូលក្រណាត់ គ្រឿងសំណង់ ប្រេងឥន្ទនៈ និងទំនិញផ្សេងៗ។

រយៈពេល៥ខែ ឆ្នាំ២០២១ ចំនួនគម្រោងដែលទទួលបានការអនុញ្ញាតសាងសង់សរុបមាន១.៨២៩គម្រោង បានធ្លាក់ចុះ២៧៨តម្រោង ក្នុងនោះ ប្រភេទសំណង់លំនៅ ដ្ឋានមាន១.៦០៧គម្រោង (ស្មើនឹង៨៧, ៩%នៃសំណើសុំសាងសង់សរុប បានធ្លាក់ចុះ១៣៩គម្រោង និងតម្លៃតម្រោងសរុបមាន២៣៤៩លានដុល្លារ ធ្លាក់ចុះ៣២,២% ធៀបនឹងរយៈពេលដូចគ្នាឆ្នាំមុន។

ក្នុងរយៈពេល៥ខែ ឆ្នាំ២០២១ ស្ថានភាពវិនិយោគ មិនទាន់មានភាពល្អប្រសើរនៅឡើយទេ ជាក់ស្ដែងគម្រោងវិនិយោតឯកជន សរុបមានចំនួន៤៥គម្រោងម្រោង បានធ្លាក់ចុះ៤៧គម្រោង អាចមានលទ្ធភាពបង្កើតកម្លាំងពលកម្មថ្មីប្រមាណ៣០ពាន់នាក់ គឺបានធ្លាក់ចុះ៥៦,២% និងទុនវិនិយោគសរុប៨២៥លានដុល្លារ បានធ្លាក់ចុះ៥៩,៣%ធៀបនឹងរយៈពេលដូចគ្នាឆ្នាំមុន៕

ដោយៈវឌ្ឈនៈ

ភ្នំពេញៈ ច្បាប់ស្ដីពីវិនិយោគថ្មី ដែលនឹងអនុម័តនៅពេលខាងមុខ នឹងអនុញ្ញាត្តឲ្យគណកម្មការវិនិយោគថ្នាក់ក្រោមជាតិ អាចអនុម័តគម្រោងវិនិយោគ ដែលមានតម្លៃក្រោម១០លានដុល្លារអាមេរិក។

ច្បាប់វិនិយោគចាស់ ដែលមានស្រាប់ អនុញ្ញាតឱ្យគណៈកម្មាធិការវិនិយោគខេត្តអនុម័តត្រឹម២លានដុល្លារប៉ុណ្ណោះ។ ច្បាប់នេះ នឹងត្រូវគណៈរដ្ឋមន្ត្រីបើកកិច្ចប្រជុំពេញអង្គពិនិត្យនិងពិភាក្សា នៅក្នុងកិច្ចប្រជុំគណរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់របស់សម្តេ​តេជោហ៊ុន សែន នៅថ្ងៃទី៩កក្កដា ២០២១ខាងមុខនេះ ដើម្បីត្រៀមបញ្ជូនទៅរដ្ឋសភានិងព្រឹទ្ធសភាអនុម័ត។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមានប្រសាសន៍ ថា តាមរយៈកិច្ចប្រជុំកន្លងមកក្រុមប្រឹក្សាអភិវឌ្ឍន៍កម្ពុជា បានទទួលយកធាតុចូលសម្រា​ប់បញ្ជូល ក្នុងសេចក្តីព្រាងច្បាប់ថ្មីនេះ ទៅតាមសំណើររបស់សភាពាណិជ្ជកម្មកម្ពុជា ដែលស្នើសុំឲ្យអនុគណៈកម្មាធិការវិនិយោគខេត្ត របស់ក្រុមប្រឹក្សាអភិវឌ្ឍន៍កម្ពុជា អាចមានសិទ្ធិអនុម័ត លើគម្រោងវិនិយោគមានតម្លៃក្រោម១០លាដុល្លារ និងរៀបចំច្រកចេញចូលតែមួយ ដោយមិនចាំបាច់រត់ឯកសារមកកាន់ភ្នំពេញ ដូចពីមុនទៀតនោះទេ ដែលច្បាប់ចាស់អាចអនុម័តត្រឹមតែ២លានដុល្លារតែប៉ុណ្ណោះ។

លោកឧកញ៉ាបន្តថា “ការពង្រីកទំហំទឹកប្រាក់ឱ្យកាន់តែច្រើននេះ គឺប្រៀបបានទៅនឹងការធ្វើវិមជ្ឈិការអំណាច ដើម្បីបង្ខិតរោងចក្រសហគ្រាសទៅដល់បណ្តាខេត្ត ឬតំបន់ជនបទ ដែលយើងឃើញកន្លងមក រោងចក្រ សហគ្រាសភាគច្រើន ប្រមូលផ្តុំនៅរាជធានីភ្នំពេញ ដោយសារនីតិវិធីបែបបទរដ្ឋបាលចាំបាច់នានា ត្រូវធ្វើនៅភ្នំពេញទាំងអស់”។ ពេលរោងចក្រនៅក្បែរផ្ទះគាត់ គឺគាត់មានឳកាសក្នុងពេលចេញពីរោងចក្រមក គាត់អាចទៅផ្ទះមើលថែកូន មើលឪពុកម្តាយចាស់ ឬក៏អាចដាំដំណាំរួមផ្សំ ឬចិញ្ចឹមសត្វផ្សំផ្គុំ ហើយគាត់មិនចាំបាច់ចំណាយប្រាក់ជួលផ្ទះ ឬការធ្វើដំណើរឆ្ងាយពីផ្ទះ។ ដូច្នេះវាជារឿងល្អបំផុត ក្នុងការបង្ខិតរោងចក្រ សហគ្រាសទាំងអស់ទៅតាមបណ្តាខេត្តឲ្យនៅជិតផ្ទះរបស់ប្រជាពរលដ្ឋ»។

លោកឧកញ៉ាលឹម ហេងបានបន្ថែមថា ប្រសិនបើការងារបែបបទរដ្ឋបាលជួយសម្រួល ដល់ថ្នាក់ខេត្តនឹងធ្វើឲ្យរោងចក្រ សហគ្រាស នឹងទៅដល់ខេត្ត ហើយវានឹងកាត់បន្ថយដល់ការចំណាកស្រុក របស់ប្រជាពលរដ្ឋមកធ្វើការនៅភ្នំពេញ និងខ្លះចេញទៅស្រុកគេថែមទៀតផង។

លោកបន្តថា “ការបង្ខិតរោងចក្រ សហគ្រាស ទៅតាមបណ្តាខេត្ត ក៏ជាផ្នែកមួយផ្តល់ភាពងាយស្រួល ដល់ការដឹកជញ្ជូនវត្ថុធាតុដើម និងសម្ភារផ្សេងៗសម្រាប់បម្រើឱ្យស ង្វាក់ផ្គត់ផ្គង់ បានលឿនរហ័ស ព្រមទាំងជួយកាត់បន្ថយការចំណាយ របស់ក្រុមហ៊ុនបានមួយកម្រិតផងដែរ”៕

ដោយៈស៊ីវ ម៉េង

ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជា បានថ្លែងចំពោះមុខ លោក ស៊ី ជីនពីង ប្រធានាធិបតីចិនថា ជំនួយរបស់ចិននេះ មិនត្រឹមតែជួយដល់ការអភិវឌ្ឍ និងធ្វើឱ្យកម្ពុជា ងើបចេញពីភាពក្រីក្រប៉ុណ្ណោះទេ តែក៏បានជួយពង្រឹងដល់ឯករាជ្យភាពរបស់កម្ពុជាផងដែរ។

ជាមួយគ្នានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញនូវការអរគុណយ៉ាងជ្រាលជ្រៅចំពោះរដ្ឋាភិបាល និងប្រជាជនចិន ដែលតែងតែផ្តល់ជំនួយសម្រាប់ការអភិវឌ្ឍនៅកម្ពុជា រួមទាំងវ៉ាក់សាំងប្រយុទ្ធប្រឆាំងជំងឺកូវីដ១៩ផងដែរ។

សម្តេចតេជោហ៊ុន សែនបានថ្លែងដោយលើកបង្ហាញ នូវគុណតម្លៃដ៏ធំធេងនៃជំនួយរបស់ចិន ក្នុងការជួយពង្រឹងការអភិវឌ្ឍ និងឯករាជ្យភាព ពីសំណាក់សម្តេចតេជោ ហ៊ុន សែន បានធ្វើក្នុងកិច្ចប្រជុំកំពូល នៃថ្នាក់ដឹកនាំគណបក្សកុម្មុយនិស្តចិន និងគណបក្សនយោបាយនៅលើពិភពលោក នៅយប់ថ្ងៃទី០៦ ខែកក្កដា ឆ្នាំ២០២១នេះ។

កិច្ចប្រជុំនេះ ត្រូវបានធ្វើឡើងដោយមានការចូលរួមពីលោក ស៊ី ជីនពីង និងថ្នាក់ដឹកនាំនយោបាយជាច្រើនលើពិភពលោក ដោយជជែកពីតួនាទីរបស់បក្សនយោបាយក្នុងការកសាងសុខុមាលភាពជូនប្រជាពលរដ្ឋ។

ក្នុងសុន្ទរកថាគន្លឹះថ្លែង ទៅកាន់កិច្ចប្រជុំធ្វើឡើងតាមអនឡាញនេះ សម្តេចតេជោ ហ៊ុន សែន ជំរុញឱ្យគណបក្សនយោបាយទាំងអស់រួមគ្នាប្តេជ្ញា រក្សាស្ថិរភាពនយោបាយ និងរារាំងឱ្យបានដាច់ខាត នូវការជ្រៀតជ្រែកនយោបាយពីប្រទេសដទៃ។

ក្នុងនាមប្រធានគណបក្សប្រជាជនកម្ពុជា សម្តេចបានសង្កត់ធ្ងន់ថា “គណបក្សនយោបាយទាំងអស់ ទោះជាមាននិន្នាការណាក៏ដោយ ត្រូវគិតពីប្រយោជន៍ជាតិ និងប្រជាជនជាធំ ដោយមិនត្រូវឱនក្បាលធ្វើជាឈ្នាន់នយោបាយ និងវិទ្ធង្សនារបស់បរទេស បើទោះបីជាស្ថិតក្រោមរូបភាពណាក៏ដោយ”។

ក្នុងកិច្ចប្រជុំនោះ សម្តេចតេជោក៏បានបង្ហាញនូវក្តីសង្ឃឹមផងដែរថា គណបក្សនយោបាយទាំងអស់ អាចបញ្ឈប់បាននូវវប្បធម៌ និងឥរិយាបទច្រណែនឈ្នានីស ចាំតែមើលបំណាំ ចោទប្រកាន់ និងរិះគន់គ្មានមូលដ្ឋាន ដោយជំនួសមកវិញនូវឥរិយាបថបែបតថភាពនិយម ប្រាកដនិយម និងប្រកាន់ខ្ជាប់នូវស្មារតីនៃការសហការគ្នា ក្នុងការដោះស្រាយរាល់បញ្ហារបស់មនុស្សជាតិ ទាំងក្នុងក្របខណ្ឌពិភពលោក និងក្នុងប្រទេសនីមួយ​ៗ។

ទន្ទឹមនឹងការថ្លែង ជំរុញឱ្យបណ្តាគណបក្សនយោបាយលើពិភពលោក រួមគ្នាទប់ស្កាត់ការេះជ្រៀតជ្រែក នយោបាយពីមជ្ឈដ្ឋានខាងក្រៅហើយនោះ សម្តេចតេជោ ហ៊ុន សែន ក៏បានរំលឹកពីការរួមចំណែករបស់ចិនជួយ ដល់ការពង្រឹងនូវឯករាជ្យភាពរបស់កម្ពុជា តាមរយៈការផ្តល់ជំនួយផ្សេងៗផងដែរ។

សម្តេចតេជោថ្លែងថា “ខ្ញុំគួរតែបញ្ជាក់ឱ្យបានច្បាស់ថា ជំនួយរបស់ចិនមកដល់កម្ពុជា មិនគ្រាន់តែជួយទៅដល់ការអភិវឌ្ឍសេដ្ឋកិច្ចសង្គម និងការកាត់បន្ថយភាពក្រីក្រប៉ុណ្ណោះទេ។ ក៏ប៉ុន្តែវាបានជួយកម្ពុជា ក្នុងការពង្រឹងនូវឯករាជ្យភាពខាងនយោបាយទៀតផង”។

សម្តេចតេជោបន្ថែមថា វាច្បាស់ណាស់ថា ប្រទេសតូចតាច និងប្រទេសក្រីក្រ ត្រូវការចាំបាច់នូវឯករាជ្យ និងអធិបតេយ្យភាពជៀសវាងនូវការបង្គាប់បញ្ជា និងការជ្រៀតជ្រែកពីខាងក្រៅ។ ក្នុងន័យនេះជំនួយរបស់មិត្តចិន គឺពិតជាជួយទៅដល់ការពង្រឹងនូវឯករាជ្យខាងនយោបាយ ដើរទន្ទឹមជាមួយនឹងការអភិវឌ្ឍសេដ្ឋកិច្ច សង្គម និងការកាត់បន្ថយភាពក្រីក្រ”។

ប្រទេសចិន បានក្លាយទៅជាប្រទេសជាមិត្តដ៏ធំមួយរបស់កម្ពុជា ដែលបានផ្តល់ជំនួយ និងកម្ចីយ៉ាងច្រើនសម្រាប់ការអភិវឌ្ឍនៅកម្ពុជា។ តាមរយៈជំនួយនិងកម្ចីនេះ បានរួមចំណែកឱ្យកម្ពុជា ពង្រឹងដល់ការអភិវឌ្ឍជាតិលើគ្រប់វិស័យ ជាពិសេសលើប្រព័ន្ធហេ ដ្ឋារចនាសម្ព័ន្ធថ្នល់ និងស្ពាន ដែលជាសរសៃឈាមដ៏សំខាន់សម្រាប់សេដ្ឋកិច្ចជាតិ៕