ក្រុមហ៊ុនអចលនទ្រព្យលំដាប់យក្សកំពូលទាំង១៥នៅលើពិភពលោក មាន២កំពុងមានវត្តមាននៅកម្ពុជា

ដោយៈវឌ្ឍនៈ

ភ្នំពេញៈ វិស័យអចលនទ្រព្យជាវិស័យមួយ ដែលមានពេញនិយមមិនថា តែនៅក្នុងប្រទេសកម្ពុជានោះឡើយ ហើយមហាសេដ្ឋីធំៗនៅលើពិភពលោក ក៏ផ្ដើមចេញពីមុខជំនួញវិស័យអចលនទ្រព្យនេះដែរ។

នៅថ្ងៃនេះ យើងនឹងបង្ហាញនូវក្រុមហ៊ុនអចលនទ្រព្យ កំពូលទាំង១៥ ហើយក្នុងនោះដែរក៏មានក្រុមហ៊ុន២ កំពុងមានវត្តមាននៅក្នុងប្រទេសកម្ពុជា។

ក្រុមហ៊ុនទាំង១៥នោះរួមមាន៖
១.ក្រុមហ៊ុន. Keller Williams Realty របស់ប្រទេសសហរដ្ឋអាមេរិក បង្កើតឡើងនៅឆ្នាំ១៩៨៣ (កំពុង មានវត្តមាននៅកម្ពុជា)។
២.ក្រុមហ៊ុន Brookfield Asset Management របស់ប្រទេសកាណាដា បង្កើតឡើងនៅឆ្នាំ១៨៩៩។
៣. CBRE របស់ប្រទេសសហរដ្ឋអាមេរិក បង្កើតឡើងនៅឆ្នាំ១៩០៦ (កំពុងមានវត្តមាននៅកម្ពុជា)។
៤. Cushman & Wakefield, Inc.របស់សហរដ្ឋអាមេរិក បង្កើតឡើងនៅឆ្នាំ១៩១៧។
៥. American Tower Corporation របស់រដ្ឋអាមេរិកបង្កើតឡើងនៅឆ្នាំ១៩៩៥ ។
៦. Simon Property Group, Inc.របស់សហរដ្ឋអាមេរិកបង្កើតឡើងនៅឆ្នាំ១៩៩៣។
៧. Realogy Holdings របស់សហរដ្ឋអាមេរិកបង្កើតឡើងនៅឆ្នាំ២០០៦។
៨. Welltower របស់សហរដ្ឋអាមេរិកបង្កើតឡើងនៅឆ្នាំ១៩៧០។
៩. Prologis របស់សហរដ្ឋអាមេរិកបង្កើតឡើងនៅឆ្នាំ១៩៨៣។
១០. Boston Properties របស់សហរដ្ឋអាមេរិកបង្កើតឡើងនៅឆ្នាំ១៩៧០។
១១. Equity Residential របស់សហរដ្ឋអាមេរិកបង្កើតឡើងនៅឆ្នាំ១៩៦៩។
១២. AvalonBay Communities របស់សហរដ្ឋអាមេរិកនៅឆ្នាំ១៩៧៨។
១៣. Vornado Realty Trust របស់សហរដ្ឋអាមេរិក មិនមានព័ត៌មានកាលបរិច្ឆេទនៃការបង្កើត។
១៤. Annaly Capital Management របស់សហរដ្ឋអាមេរិក បង្កើតឡើងនៅឆ្នាំ១៩៩៧
១៥. Re/Max របស់សហរដ្ឋអាមេរិកបង្កើតឡើងនៅឆ្នាំ១៩៧៣។

ជាការកត់សម្គាល់ក្រុមហ៊ុនអចលនទ្រព្យធំៗ នៅលើពិភពលោកភាគច្រើន ត្រូវបានបង្កើតឡើងនៅសហរដ្ឋអាមេរិក និងមានអាយុកាលរាប់សិបឆ្នាំមកហើយ ក្រុមហ៊ុនខ្លះមានអាយុកាលជាង១០០ឆ្នាំទៅហើយ។

ដូច្នេះក្រុមហ៊ុនអចលនទ្រព្យមួយចំនួននៅកម្ពុជាអាចសិក្សាពីប្រវត្តិរបស់ក្រុមហ៊ុននីមួយៗ ដើម្បីអភិវឌ្ឍអាជីវកម្មរបស់ខ្លួន៕

ផែនការមេលើកស្ទួយទេសចរណ៍៍ខេត្តសៀមរាបនឹងពង្រីកវិលាសភាពលើសពីតំបន់អង្គរ

ដោយគង់ ម៉ាលីនណា

សៀមរាបៈ លោកថោង ខុនរដ្ឋមន្រ្តីក្រសួងទេសចរណ៍បានថ្លែងថា “ផែនការមេអភិវឌ្ឍន៍វិស័យទេសចរណ៍ខេត្តសៀមរាប” ដែលជំរុញឲ្យមានផលិតទេសចរណ៍ថ្មីៗជាច្រើន។

ផែនការមេនេះ មិនត្រឹមតែនៅតំបន់អង្គរទេ គឺបូករួមទាំងតំបន់ជុំវិញតំបន់អង្គរ និងតំបន់ដែលមានសក្ដានុពលផ្សេងទៀត ដូចជា តំបន់ភ្នំគូលែន តំបន់បន្ទាយស្រី និងតំបន់បឹងទន្លេសាបជាដើម។

មិនតែប៉ុណ្ណោះ រដ្ឋមន្ត្រីក្រសួងទេសចរណ៍ក៏បានបញ្ជាក់ដែរថា រាជរដ្ឋាភិបាលកម្ពុជាបាននិងកំពុងត្រៀមលក្ខណៈ ក្នុងការបើកទទួលភ្ញៀវទេសចរអន្តរជាតិ (ទេសចរដែលចាក់វ៉ាក់សាំងរួច)ឡើងវិញ នាពេលឆាប់ៗខាងមុខ ប៉ុន្តែស្របតាមយន្តការទេសចរណ៍សុវត្ថិភាព។

លោកថោង ខុនបានប្រាប់ក្រុមហ៊ុនអាកាសចរណ៍ក្នុងស្រុកមួយ គឺក្រុមហ៊ុន Sky Angkor Airline ឱ្យត្រៀមលក្ខណៈបើកការហោះហើរ ដឹកជញ្ជូនភ្ញៀវទេសចរ-អ្នកដំណើរឡើងវិញ ខណៈរាជរដ្ឋាភិបាលកម្ពុជា ក៏ត្រៀមប្រកាសបើកទេសចរណ៍អន្តរជាតិឡើងវិញនាពេលឆាប់ៗខាងមុខដែរ ប៉ុន្តែស្របតាមយន្តការ “ទេសចរណ៍សុវត្ថិភាព”៕

សិក្សាលើនិតិវិធីទាំង៥ ពីការចុះបញ្ជីរដាច់ដោយដុំ និងត្រូវធ្វើដូចម្តេច?

ដោយៈគង់ សិរីជេស៊ីកា

ភ្នំពេញៈ ការចុះបញ្ជីរដីធ្លី ត្រូវធ្វើឡើងតាមទម្រង់ផ្សេងៗគ្នា ប៉ុន្តែថ្ងៃនេះយើងសូមលើកយកចំណេះដឹងពីនិតិវិធីចុះបញ្ជីរដីធ្លីដាច់ដោយដុំ ដែលត្រូវសិក្សាលើជំហ៊ានទាំង៥នេះ។

ការចុះបញ្ជីដីមានលក្ខណៈដាច់ដោយដុំ ជាការចេញប្លង់កម្មសិទ្ធិ (ប្លង់រឹង) ដែលត្រូវធ្វើឡើងតាមរយៈ​ការ​ស្នើ​សុំ​របស់​ម្ចាស់ដីផ្ទាល់។ ខាងក្រោមនេះគឺជានិតិវិធី៥ដំណាក់កាលនៃការស្នើសុំចុះបញ្ជីដីមានលក្ខណៈដាច់ដោយដុំ៖

១. ការដាក់ពាក្យស្នើសុំ
ដូចបានលើកឡើងខាងលើស្រាប់ម្ចាស់ដី ជាអ្នកស្នើសុំធ្វើប្លង់កម្មសិទ្ធិនេះដោយផ្ទាល់។ ក្នុងការដាក់ពាក្យម្ចាស់ដី​ ត្រូវ​ដាក់​ពាក្យសុំ​ទៅ​ការិយាល័យសុរិយោដីស្រុក/ ខណ្ឌដែល​ដី​នេះ​តាំងនៅ។​  ប៉ុន្តែមុននឹងសុំដល់ថ្នាក់ស្រុក/ខណ្ឌ ម្ចាស់ដីត្រូវធ្វើលិខិតបញ្ជាក់ចេញពីមេឃុំ/ចៅសង្កាត់ ដើម្បីបញ្ជាក់អំពីអត្ដសញ្ញាណនៃការប្រើប្រាស់ដី​ និងការទទួលស្គាល់ពីថ្នាក់មូលដ្ឋានជាមុនសិន។

២. ការវាស់វែងដី
បន្ទាប់ពីទទួលបានពាក្យស្នើសុំ និងពិនិត្យឃើញថាមានភាពត្រឹមត្រូវហើយ ​​​​​មន្រ្តីជំនាញ​សុរិយោដី​នឹងធ្វើការ​ចុះ​​វាស់វែង ​និងកំណត់​​ព្រំដីដោយមានការចូលរួម ពីម្ចាស់ដីដោយផ្ទាល់។ ទោះយ៉ាងណា ការវាស់វែងអាចធ្វើទៅបាន ប្រសិនបើមិនមានការជំទាស់តវ៉ាពីម្ចាស់ដីដែលមានព្រំប្រទល់ជាប់គ្នា។

ក្នុងករណីមានវិវាទកើតឡើង ភាគទាំងសងខាងអាចដោះស្រាយគ្នាបាននៅត្រឹមថ្នាក់មូលដ្ឋានដោយមានគណៈកម្មឃុំ/សង្កាត់ ជាអ្នកសម្របសម្រួល។

៣. ការផ្សព្វផ្សាយជាសាធារណៈ
បន្ទាប់ពីបានកំណត់ និងកសាងប្លង់រួចរាល់ អាជ្ញាធរ​នឹងធ្វើការបិទផ្សាយ​ជា​សាធារណៈអំពីព័ត៌មាននៃដី (ដូចជា​ឈ្មោះ​ម្ចាស់ដី ទំហំ ទីតាំង និងព្រំដីជាដើម) ក្នុង​រយៈពេល៣០​ថ្ងៃ ដើម្បី​ឲ្យ​ម្ចាស់ដី ឬអ្នកពាក់ព័ន្ធអាច​ធ្វើ​ការ​ត្រួតពិនិត្យ​ និង​តវ៉ា​​សុំ​ធ្វើ​ការ​កែប្រែក្នុងករណី​​មាន​ភាពមិន​​ត្រឹមត្រូវ។

៤. ការវិនិច្ឆ័យ និងសម្រេច
ប្រសិនមិនមានការជំទាស់ណាមួយទេ មន្ត្រីជំនាញនឹងចុះឈ្មោះម្ខាស់ដី ទៅក្នុងសៀវភៅគោលបញ្ជីដីធ្លី និង​​រៀបចំធ្វើរបាយការណ៍ សម្រាប់​សុរិយោដី​ថ្នាក់ខេត្ត/ក្រុង។ បន្ទាប់ពីពិនិត្យឃើញថាមានភាពត្រឹមត្រូវ ​​ប្រធាន​មន្ទីរ​សុរិយោដី​ខេត្ត/ក្រុង នឹង​ចុះហត្ថលេខា​លើ​ប័ណ្ណកម្មសិទ្ធិជាស្ថាពរ។

៥. ការប្រគល់ប័ណ្ណ
នេះជាដំណាក់កាលចុងក្រោយ នៃការចុះបញ្ជីដីមានលក្ខណៈដាច់ដោយដុំ​។ អជ្ញាធរនឹងធ្វើការប្រគល់ប័ណ្ណកម្មសិទ្ធិជូលដល់ពលរដ្ឋ ដែលជាម្ចាស់ដីដោយផ្ទាល់ទៅតាមការបរិច្ឆេទណាមួយដែលបានកំណត់៕

កម្ពុជាប្រៀបដូច “អេប៉ុង” ដែលមិនទាន់ជ្រាបទឹកពេញ និងអាចស្រូបទាញក្រុមហ៊ុនផ្សារទំនើបអន្តរជាតិជាច្រើនទៀត

ដោយៈគង់ សូរិយា

ភ្នំពេញៈ អ្នកជំនាញអន្តរជាតិបានប្រៀបប្រដូចកម្ពុជា នឹង “អេប៉ុង”ដែលមិនទាន់ជ្រាបទឹកពេញ និងមានលទ្ឋភាពទាក់ទាញ ក្រុមហ៊ុនផ្សារទំនើបលំដាប់អន្តរជាតិ ក៏ដួចជាក្រុមហ៊ុនអន្តរជាតិជាច្រើនទៀតមកវិនិយោគនៅកម្ពុជា។

លោក Sunny Soo អគ្គនាយកក្រុមហ៊ុន MRICS MISM បានមានប្រសាសន៍ឲ្យដឹងកាលពីចុងសប្តាហ៍មុនថា ការវិនិយោគពីក្រុមហ៊ុនអន្តរជាតិធំៗ មិនទាន់លើសតម្រូវការនៅឡើយ ព្រោះផ្សារទំនើបនិមួយៗ ផ្តោតលើការចាប់យកចំណែកអតិថិជនរៀងៗខ្លួន ក្នុងរង្វង់៥គីឡូម៉ែត្រ ឬអាចលើសពីនេះ ប៉ុន្តែផ្សារទំនើបលំដាប់ក្រុមហ៊ុនអន្តរជាតិអាចទាក់ទាញអតិថិជនពីចម្ងាយបាន អាស្រ័យលើអ្វីដែលជាភាពយូនីករបស់ពួកគេ។

លោកបន្តថា “កម្ពុជានៅមានលទ្ឋភាពទាក់ទាញ ក្រុមហ៊ុនអន្តរជាតិជាច្រើនទៀត ខណៈវត្តមានក្រុមហ៊ុនលំដាប់អន្តរជាតិបានន និងកំពុងចូលមកកម្ពុជាជាបន្តបន្ទាប់និងចូលមកកាន់តែច្រើនទៀតនាពេលអនាគត”។

លោក Sunny Soo បានបន្តថា ការសម្រេចបានជោគជ័យរបស់ផ្សារទំនើបមួយ អាស្រ័យលើទស្សនទាននៃការអភិវឌ្ឍន៍ ការឌីសាញអគារ ការបំពេញនូវតម្រូវការតាមការចង់បានរបស់អតិថិជន និងការបង្កើតភាពទាក់ទាញប្លែកគេ របស់គំរោងណាមួយ ពិសេ​សទំនាក់ទំនងល្អជាមួយក្រុមហ៊ុនលំដាប់អន្តរជាតិផងដែរ។

បច្ចុប្បន្នក្រុមហ៊ុន Big C, 7-Eleven ក្រុមហ៊ុនផ្សារទំនើបលំដាប់អន្តរជាតិ IKEA និងក្រុមហ៊ុនមានមូលដ្ឋាន នៅប្រទេសថៃមួយចំនួនទៀតបានចូល និងត្រៀមចូលមកកាន់ទីផ្សារកម្ពុជានាពេលខាងមុខ។

ទីប្រឹក្សាសមាគមអចលនទ្រព្យសកល លោកយិន លាងគង់បានមានប្រសាសន៍ថា ការចូលមកកាន់កម្ពុជា ពីសំណាក់ក្រុមហ៊ុនអន្តរជាតិនានា ពិសេសក្រុមហ៊ុនលក់រាយនៅទីក្រុងភ្នំពេញ មិនមែនជារឿងចៃដន្យនោះទេ ប៉ុន្តែជារឿងដែលដើរស្របគ្នានឹងការរីកចម្រើននៃសេដ្ឋកិច្ច សង្គមកម្ពុជា។

លោកបន្តថា “ប្រជាជនកម្ពុជាកាន់តែមានភាពស៊ីវិល័យ កាន់តែស្គាល់នូវបែបផែនជីវិតថ្មី ស្របពេលចំណួលរបស់ពួកគេបានកើនឡើង ដែលធ្វើឲ្យពួកគេចំណាយប្រាក់កាន់តែច្រើនលើជីវភាព និងស្តង់ដាជីវិតប្រចាំថ្ងៃ”។ លោកបន្ថែមថា “កត្តាសុខសន្តិភាព និងស្ថេរភាពសង្គមរយៈពេលវែង និងចក្ខុវិស័យដ៏ច្បាស់លាស់ របស់ប្រមុខរដ្ឋាភិបាល ដែលបានរៀបចំច្បាប់ បទដ្ឋានគតិយុត្តិនានា ដើម្បីលើកទឹកចិត្តការវិនិយោគ បានធ្វើឲ្យកម្ពុជាកាន់តែលេចត្រដែតលើឆាកអន្តរជាតិ”។

លោកបន្តថា ជាមួយគ្នានេះ ការរីកចម្រើននៃទីផ្សារលក់រាយនៅទីក្រុងភ្នំពេញ នឹងទាក់ទាញក្រុមហ៊ុនថ្មីៗ ជាច្រើនទៀតមកកាន់ទីផ្សារកម្ពុជា និងម៉ាកយីហោល្បីៗជាច្រើនបាននិងកំពុងត្រៀមខ្លួនមកកាន់ប្រទេសនេះនាពេលខាងមុខ៕

ដំណឹងល្អៈ ក្រុមហ៊ុនចិនស្នើសុំវិនិយោគលើសេវាដឹកជញ្ជូនតាមរថយន្តក្រុងសាធារណៈជាលើកដំបូងនៅក្រុងព្រះសីហនុ

ដោយៈគង់ សូរិយា

ភ្នំពេញៈ អ្នកវិនិយោគចិនបានស្នើសុំចង់វិនិយោគ បង្កើតសេវាដឹកជញ្ជូនសាធារណៈតាមរថយន្តក្រុងនៅក្រុងព្រះសីហនុ ខណៈរដ្ឋបាលខេត្តគាំទ្រពេញទំហឹង ដោយស្នើឱ្យក្រុមហ៊ុនសិក្សាឱ្យល្អិតល្អន់បន្ថែម មុននឹងឈានដល់ការចុះកិច្ចព្រមព្រៀង។

សំណើនេះ ត្រូវបានធ្វើឡើងក្នុងជំនួប រវាងលោកគួច ចំរើន អភិបាលខេត្តព្រះសីហនុ ជាមួយអ្នកវិនិយោគចិន នាថ្ងៃទី២២ ខែកញ្ញា កន្លងទៅ។

តំណាងអ្នកវិនិយោគចិនបានលើកឡើងថា ដោយមើលឃើញពីសន្ទុះនៃការអភិ​វ ឌ្ឍរបស់ខេត្តព្រះសីហនុ ទើបក្រុមអ្នកវិនិយោគចិន ចង់វិនិយោគបង្កើតសេវាដឹកជញ្ជូនតាមរថយន្តក្រុងនេះឡើង។

សម្រាប់ដំណាក់កាលដំបូង អាចនឹងរថយន្តក្រុងចំនួន៣០គ្រឿង ដោយគ្រោងដាក់ឱ្យដំណើរការរត់លើខ្សែផ្លូវសំខាន់ៗ មួយចំនួនក្នុងក្រុងព្រះសីហនុ។

អភិបាលខេត្តព្រះសីហនុ បានបង្ហាញការគាំទ្រ ប៉ុន្តែក៏បានស្នើទៅក្រុមអ្នកវិនិយោគចិន ឱ្យសិក្សាតម្លៃសេដ្ឋកិច្ចឱ្យបានល្អិតល្អន់ជាមុនសិន មុននឹងសម្រេចចុះកិច្ចព្រមព្រៀងវិនិយោគ។

លោកបន្តថា “យើងចង់បានសេវាដឹកជញ្ជូនសាធារណៈ ដើម្បីចូលរួមជួយសម្រួលការធ្វើដំណើរ កាត់បន្ថយពេលវេលា និងចំណេញថវិកា”។ លោកបនុ្តថា “ហេតុនេះអ្នកវិនិយោគ ត្រូវសិក្សាពីប្រភពសេដ្ឋកិច្ច ខ្សែរត់ ការធ្វើចំណតរថយន្ត និងហេដ្ឋារចនាសម្ព័ន្ធគាំទ្រដល់ដំណើរការវិនិយោគ លើសេវាកម្មដឹកជញ្ជូនឱ្យបានទូលំទូលាយ”។

លោកគួច ចំរើនបានបន្តថា ម្យ៉ាងទៀត ក្រុមហ៊ុនត្រូវរកអ្នកជំនាញសិក្សាគម្រោង និងធ្វើបទបង្ហាញ ដើម្បីធានាការបោះទុនវិនិយោគ លើសេវាដឹកជញ្ជូននៅក្នុងក្រុងព្រះសីហនុ ដើម្បីសម្រេចជោគជ័យ”៕

ផ្លូវលេខ២០០៤ក្លាយជាគំរោងអភិវឌ្ឍន៍អចលនទ្រព្យនិងមជ្ឈមណ្ឌលពាណិជ្ជកម្ម គ្រប់ជ្រុងជ្រោយ

ដោយៈ សុជាតា

ភ្នំពេញៈ ផ្លូវលេខ ២០០៤ បានក្លាយជាតំបន់អភិវឌ្ឍន៍ចំរុះ និងជាតំបន់អភិវឌ្ឍន៍លំនៅដ្ឋានថ្នាក់កណ្តាល ដោយសាលារាជធានីភ្នំពេញបាន និងកំពុងពន្លឿនការស្តារហេដ្ឋារចនាសម្ពន្ធ ដើម្បីបង្កើតការដឹកជញ្ជូនងាយស្រួលសម្រាប់ប្រជាជន។

ជាមួយនឹងការអភិវឌ្ឍគម្រោងបុរី សាលារៀនអន្តរជាតិ លំនៅដ្ឋានចម្រុះនៅរយៈពេល៤ឆ្នាំ ទៅ៥ឆ្នាំចុងក្រោយនេះ អ្នកជំនាញអចលនទ្រព្យបានលើកឡើងថា ផ្លូវក្នុងឆ្នាំ២០០៤ ដែលជាធម្មតាហៅថាផ្លូវម៉ា ដាយបានដាច់ចេញពីផ្លូវហាយវ៉េ២៧១ ដល់ព្រលានយន្តហោះ ដោយចាប់ផ្តើមការអភិវឌ្ឍលំនៅដ្ឋាន និងអចលនទ្រព្យនឹងក្លាយជាតំបន់អភិវឌ្ឍន៍ប្រើប្រាស់ចម្រុះ។

លោកប៉ូអ៊ាវគង់ នាយកប្រតិបត្តិក្រុមហ៊ុន 𝐀𝐝𝐯𝐚𝐧𝐜𝐞 𝐑𝐞𝐚𝐥 𝐄𝐬𝐭𝐚𝐭𝐞 បានឱ្យដឹងថានារសៀលថ្ងៃទី២២ កញ្ញានេះថា ផ្លូវក្នុងឆ្នាំ 𝟐𝟎𝟎𝟒  គឺជាតំបន់អភិវឌ្ឍចំរុះ ដោយបែងចែកជាពីរ ប្រភេទ គឺផ្នែកពាណិជ្ជកម្ម និងស្នាក់នៅ។ សម្រាប់ពេល៤ ឆ្នាំ ទៅ ៥ ឆ្នាំចុងក្រោយ តំបន់នេះប្រមូលផ្តុំដោយអភិវឌ្ឍមួយចំនួន ដូចជា ខុនដូរ វិឡា អាគារពាណិជ្ជកម្ម។

លោកបន្តថា “ការអភិវឌ្ឍគឹមានគ្រប់តាមដងផ្លូវ ដូចជា ការបង្កើតអាជីវកម្ម សាលារៀន ផ្សារ Midtown លំដាប់មធ្យម និងបុរីOrkide ក៏មាន Shopping Mall  ដែលធ្វើអោយតំបន់នេះ ក្លាយទៅជាតំបន់ទំនើបស៊ីវិល័យ”។

យោងតាមលោកប៉ូ អ៊ាវគង់បានបញ្ជាក់បន្ថែមទៀតថា បើគិតតម្លៃចាប់ពីទំហំ ១ ពាន់ម៉ែត្រការ៉េឡើងទៅ យើងបានបែងចែកតម្លៃដីធ្លីជាពីរផ្នែកធំៗ គឺចាប់ផ្តើមផ្លូវ ២៧១ រហូតដល់ ស្តុបសាលារៀន Northbrigh   គឺ មានតម្លៃចន្លោះពី ១៥០០ទៅ២០០០ដុល្លារក្នុងមួយម៉ែត្រការ៉េ។ ចំណែកដំណាក់ទីពីរ ចាប់ពីស្តុបណូតប្រ៊ីច រហូតដល់ព្រះលានយន្តហោះ គឹតម្លៃដីចាប់ពី១ពាន់ដុល្លារ ទៅដល់១៥០០ ដុល្លារក្នុងមួយម៉ែត្រការ៉ែ។

ជាមួយគ្នានេះ អ្នកនាង គឹម គិនកេសា អ្នកគ្រប់គ្រងជាន់ខ្ពស់ CBRE Cambodia បានបញ្ជាក់ប្រាប់Property Area Asia នៅថ្ងៃដដែលថា នៅពេលបច្ចុប្បន្ននេះ យើងឃើ​ញមានគម្រោងអភិវឌ្ឍមួយចំនួនដូចជា មានផ្សារទំនើបលំដាប់មធ្យម ដូចជា  Midtown គម្រោងអភិវឌ្ឍបុរីOrkide ដែលធ្វើអោយតម្លៃដីធ្លីនៅតំបន់ បានកើនឡើងគួរអោយកត់សំគាល់។

ការរីកចម្រើនផ្នែកសេដ្ឋកិច្ច បានធ្វើឲ្យរាជធានីភ្នំពេញមានការអភិវឌ្ឍយ៉ាងលឿនលើវិស័យអចលនទ្រព្យ មជ្ឈមណ្ឌលពាណិជ្ជកម្មលំដាប់មធ្យម និងលំដាប់ខ្ពស់ ដោយសា​រជីវភាពរបស់ប្រចាពលរដ្ឋបានកើនឡើង ដែលធ្វើឲ្យបែបផែនជីវិតរបស់ប្រជាជនក្នុងរាជធានីនេះផ្លាស់ប្តូរស្ទើរទាំងស្រុង៕

កញ្ចប់ថវិកាសម្រាប់សាងសង់ហេដ្ឋារចនាសម្ព័ន្ឋនាឆ្នាំ២០២២ត្រូវបានពិភាក្សា ខណៈផ្លូវមួយចំនួនស្ថិតក្នុងផែនការអាទិភាព

ដោយៈ សិរី ជេស៊ីកា

        ភ្នំពេញៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូន និងមន្រ្តីក្រសួងសេដ្ឋកិច្ចហិរញ្ញវត្ថុបានពិភាក្សារួមគ្នា លើផែនការកញ្ចប់ថវិកាសម្រាប់កសាងហេដ្ឋារចនាសម្ព័ន្ឋនៅឆ្នាំ២០២២ខាងមុខនេះ។

 

កិច្ចប្រជុំនេះដឹកនាំ ដោយរដ្ឋលេខាធិការលោកសួង ហេង ដឹកនាំក្រុមការងារបច្ចេ​កទេសក្រសួងជួបពិភាក្សាការងារ ជាមួយតំណាងក្រសួងសេដ្ឋកិច្ច និងហិរញ្ញវត្ថុ ដើម្បីពិនិត្យលើការត្រៀមកញ្ចប់ថវិកាសម្រាប់គម្រោងផែនកា រសាងសង់ហេដ្ឋារចនាសម្ព័ន្ធផ្លូវថ្នល់ឆ្នាំ២០២២។

កិច្ចប្រជុំនេះ ធ្វើឡើងតាមប្រព័ន្ធវីដេអូពីចម្ងាយ ដោយមានការអញ្ជើញចូលរួមពីឯកឧត្តមអគ្គនាយកនៃអគ្គនាយកដ្ឋានសាធារណការ លោកអគ្គនាយកនៃអគ្គនាយកដ្ឋានបច្ចេកទេស លោកអគ្គនាយកនៃអគ្គនាយកដ្ឋាន ប្រព័ន្ធចម្រោះទឹកកខ្វក់ និងមន្ត្រីជំនាញបច្ចេកទេសពាក់ព័ន្ធផងដែរ។

បើតាមលោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានមានប្រសាសន៍ឲ្យដឹងកាលពីពេលថ្មីៗនេះថា នៅឆ្នាំ២០២២នេះ ក្រសួងបានដាក់ចេញគំរោងអាទិភាពលើការស្ថាបនា និងកែលំះរផ្លូវជាតិសំខាន់ៗមួយចំនូនរួមមាន ការពង្រីកផ្លូវជាតិលេខ៦ ពីស្គន់ទៅក្រុងកំពង់ចាម ពីពីរគន្លងទៅ៤គន្លង ដោយមានសួនច្បារនៅចំកណ្តាល គំរោងកែលំអរ និងពង្រីកផ្លូវជាតិលេខ៤១ ផ្លូវជាតិលេខ៣១ និងផ្លូវជាតិលេខ៣៣ជាដើម។

ជាមួយគ្នានេះ ក្រសួងគ្រោងនឹងចាប់ផ្តើមស្ថាបនា ស្ពានឆ្លងកាត់ទន្លេមេគង្គក្នុងខេត្តក្រចេះ ដើម្បីតភ្ជាប់ជាមួយផ្លូវជាតិ ដែលតភ្ជាប់ទៅកាន់ខេត្តកំពង់ធំផងដែរ។

សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានមានប្រសាសន៍ឲ្យដឹងកាលពីពេលថ្មីៗនេះថា កម្ពុជាទទួលបានជំនួយជាស្ពានពីមិត្តចិនចំនួន៧ហើយ និងកំពុងស្នើសុំហិរញ្ញប្បទានសម្រាប់ស្ពានទី៨ ដែលនឹងសាងសង់នាពេលខាងមុខ៕

ក្រុមហ៊ុនអចលនទ្រព្យលំដាប់យក្សរបស់ចិន Evergrande បានចុះកិច្ចព្រមព្រៀងរកដំណោះស្រាយជាមួយអ្នកកាន់កាប់សញ្ញាបណ្ណក្នុងស្រុក

ដោយៈសុជាតា

ភ្នំពេញៈ ក្រុមហ៊ុនអចលនទ្រព្យលំដាប់យក្សរបស់ប្រទេសចិន បានបញ្ជាក់កាលពីថ្ងៃពុធលើកិច្ចព្រមពៀង ជាមួយនឹងអ្នកកាន់សញ្ញាបណ្ណក្នុងស្រុក ដែលអនុញ្ញាតអោយសាជីវកម្មនេះ ជៀងផុតទៅលើភាពក្ស័យធន ចំពោះការចំណាយទៅលើអត្រាការប្រាក់។

អ្នកជំនាញខាងទីផ្សារហិរញ្ញវត្ថុ បានសំដែងការព្រួយបារម្ភ ចំពោះលទ្ធភាពនៃការដួលរំលំនៃក្រុមហ៊ុនអចលនទ្រព្យចិនដ៏ធំនេះ។

នៅក្នុងសេចក្តីថែ្លងការណ៍ផ្ញើរ ទៅកាន់ទីផ្សារភាគហ៊ុនទីក្រុងស៊ីនជិន ក្រុមហ៊ុន Evergrands បានបង្ហាញនូវផែនការចរចា ក្នុងការចំណាយទៅលើអត្រាការប្រាក់នៅដល់ការិយបរិច្ឆេទ២០២៥ ដែលភ្នាក់ងារព័ត៌មានBloomberg  បានគណនាមានតម្លៃប្រមា​ណជិត៣៦លានដុល្លារ។

នៅក្នុងសេចក្តីថ្លែងការណ៍ ក្រុមហ៊ុនអចលនទ្រព្យនេះបាននិយាយថា អ្នកវិនិយោ​គអាចទិញ និងកាន់កាប់សញ្ញាបណ្ណនៅមុនឆ្នាំ ខែកញ្ញា ឆ្នាំ ២០២១ ដែលអត្រាការប្រាក់ត្រូវបានចំណាយនៅពេលនេះ។

អ្នកវិភាគយល់ឃើញថា “ការចំណាយនឹងជូយសំរាលទីផ្សារ ដែលពុះកញ្ជ្រោលនៅរយៈពេលខ្លីនេះ”។

លោក Gary Gugan អគ្គនាយកប្រតិបត្តិនៃការិយាល័យ global CIO បានលើកឡើងថា សម្រាប់ជំនឿទុកចិត្តចំពោះផលចំណេញ យើងត្រូវការទីផ្សារដែលមានផែនការកែសំរួលរចនាសម្ព័ន្ធ ទូលំទួលាយសម្រាប់ក្រុមហ៊ុន Evergrande ។

វិបត្តិក្រុមហ៊ុន Evergarnde  ធ្វើអោយមានតវ៉ាដ៏កម្រ នៅខាងក្រៅការិយាល័យក្រុមហ៊ុននៅក្នុងប្រទេសចិន ដោយអ្នកវិនិយោគ និងការផ្គត់ផ្គង់មានតំរូវការសាច់ប្រាក់ ដោយអ្នកតវ៉ាបាននិយាយថា ក្រុមហ៊ុនជំពាក់លុយប្រមាណ១លានដុល្លារ សម្រាប់មនុ​  ស្សម្នាក់ ។

សំពាធដ៏ធំធេង

អ្នកអភិវឌ្ឍអអចលនទ្រព្យដ៏ធំមួយ នៅក្នុងប្រទេសចិន បានផ្តល់ការងារ២សែននាក់ និងមានវត្តមាននៅបណ្តាទីក្រុង២៨០ ហើយបានផ្តល់ការងារដោយប្រយោលប្រមាណ៣,៨លាននាក់។

ប៉ុន្តែក្រុមហ៊ុននេះ ត្រូវប្រឈមមុខនឹងសំពាធដ៏ធំធេង ដើម្បីដោះបំណុលច្រើនជាង ៣០០ពាន់លានដុល្លារ ដែលបានព្រមានពីលទ្ធភាពក្ស័យធន។

លោក Xu  Jiayin ស្ថាបនិកក្រុមហ៊ុនបានប្រាប់បុគ្គលិកថា ក្រុមហ៊ុនមានជំនឿទុកចិត្ត នឹងដោះស្រាយចេញផុតពីភាពខ្មៅងងឹងនៅពេលឆាប់ៗខាងមុខ។

ក្រុមហ៊ុនបានជួលអ្នកជំនាញ រួមទាំងសេវាហិរញ្ញវត្ថុ Houliha lokey ដែលបានផ្តល់សេវាកម្ម លើការរៀបចំរចនាសម្ពន្ធឡើងវិញ ចំពោះក្រុមហ៊ុនប្រឈមវិបត្តិក្ស័យធនដូចជា Lehman Brothers  ជាដើម។

លោក Abdul  abiad  អគ្គនាយកផ្នែកស្រាវជ្រាវម៉ាក្រូសេដ្ឋកិច្ចនៅធនាគារអភិវឌ្ឍអាស៊ី បានប្រាប់អ្នកយកព័តមានថា យើងត្រូវមានប្រុងប្រយ័ត្នចំពោះបញ្ហានេះ ពីព្រោះថា វិស័យអចលនទ្រព្យ គឺជាផ្នែកមួយដ៏សំខាន់នៃសេដ្ឋកិច្ចប្រទេសចិន ពីព្រោះថា វិស័យគេហដ្ឋាន ជាផ្នែកមួយនៃការបង្កើតទ្រព្យសម្បត្តិមេគ្រួសារ ហើយប្រសិនបើវិស័យអចលនទ្រព្យមានបញ្ហាហើយ វាមានផលប៉ះពាល់ដល់កិច្ចប្រឹងប្រែង សម្រាប់កំណើនសេដ្ឋកិច្ចប្រទេសចិន។

នៅក្នុងរបាយការណ៍ដដែលនេះ បានរាយការណ៍ថា ភ្នាក់ងារអត្រាឥណទាន S& P មានជំនឿងទុកចិត្តថា អជ្ញាធរនៅទីក្រុងប៉េកាំងនឹងអន្តរាគមន៍ ប្រសិនបើមានការកើតឡើងវិបត្តិក្នុងទ្រង់ទ្រាយធំ៕

ខណ្ឌ 7មករា នៅតែមានតម្លៃដីថ្លៃលំដាប់លេខពីរបន្ទាប់ពីខណ្ឌដូនពេញ

ដោយៈសុជាតា

ភ្នំពេញៈ ខណ្ឌ៧មករា ដែលត្រូវបានអ្នកជំនាញអចលនទ្រព្យវាយតម្លៃថា តម្លៃដីថ្លៃជាងគេបំផុតក្នុងទីក្រុងភ្នំពេញ ដោយសារខណ្ឌនេះ មានទីតាំងពាណិជ្ជកម្មច្រើនជាងគេ នឹងបានប្រមូលផ្តុំដោយអាគារខ្ពស់ជាច្រើន នៅរយៈពេល៣ឆ្នាំចុងក្រោយនេះ។

ខណ្ឌនេះត្រូវបានបែងចែកទៅជា៨សង្កាត់ និង៣៣ភូមិ និងមានផ្ទៃក្រឡាសរុប ២.២២ គីឡូម៉ែត្រការ៉េ។

លោក ឌីត ចាន់ណា អគ្គនាយកក្រុមហ៊ុន lucky Real estate បានប្រាប់Property Area  asia នៅថ្ងៃទី២២ ខែកញ្ញ៉ា ឆ្នាំ ២០២១ បានបញ្ជាក់អោយដឹងថា តម្លៃដីធ្លីនៅតំបន់ ៧ មករា គឺមានតម្លៃខ្ពស់ដោយប្រហាក់ប្រហែល ខណ្ឌចំការមន ប៉ុន្តែទាបជាងខណ្ឌដូនពេញ។  តំបន់នេះបានប្រមូលផ្តុំអោយអាគារពាណិជ្ជកម្ម ប្រភេទខុនដូ និងអាគារ Skyline មួយចំនួនទៀត ដែលតម្លៃដីអតិបរមាចន្លោះពី៦០០០ដុល្លារ ទៅ៧០០០ដុល្លារមួយម៉ែត្រការ៉េ សំរាប់តំបន់ពាណិជ្ជកម្ម និងតំបន់ខ្លះៗទៀត គឺមានចន្លោះពី៥០០០ដុល្លារទៅ ៦០០០ដុល្លារក្នុងមួយម៉ែត្រការ៉េផងដែរ។

ចំពោះតម្លៃខុនដូរ វិញគឺចន្លោះពី១៥ម៉ឺនដុល្លារ ទៅ២០ម៉ឺនដុល្លារក្នុងមួយឯកតាផងដែរ។

យោងតាមរបាយការណ៍ស្រាវជ្រាវរបស់ក្រុមហ៊ុន Key Real Estate បង្ហាញថា បន្ទាប់ពីខណ្ឌដូនពេញ គឺខណ្ឌ7មករា ជាមជ្ឈមណ្ឌលពាណិជ្ជកម្មមួយទៀត ដែលមានដីថ្លៃបំផុតទី2នៅរាជធានីភ្នំពេញ ដោយដីសំរាប់លំសង់នៅដ្ឋាន ក្នុងតំបន់នេះត្រូវបានលក់ក្នុងតម្លៃ3,300 ដុល្លារក្នុងមួយម៉ែត្រការ៉េ ខណៈពេលដែលដីពាណិជ្ជកម្មមានតំលៃ 5,400ដុល្លារក្នុងម៉ែត្រការ៉េ។

លោកសន សៀប ស្ថានិកនិងជានាយកក្រុមហ៊ុន Key Real Estate បានឱ្យដឹងថា ដីដែលថ្លៃជាងគេ មានដូចជាសង្កាត់អូរឫស្សី 1, សង្កាត់អូរឬស្សី2 អូឬស្សី3 និង អូឬស្សី4 ដែលមានដីពាណិជ្ជកម្មថ្លៃបំផុត 6,000 ដុល្លារក្នុង 1ម៉ែត្រការ៉េ ហើយសង្កាត់បឹងព្រលិតដីថ្លៃបំផុតថ្លៃ 4,000 ដុល្លារក្នុងមួយម៉ែត្រការ៉េ។

យោងតាមរបាយការណ៍ស្រាវជ្រាវរបស់ក្រុមហ៊ុន Key Real Estate បង្ហាញថា បន្ទាប់ពីខណ្ឌដូនពេញ គឺខណ្ឌ7មករា ជាមជ្ឈមណ្ឌលពាណិជ្ជកម្មមួយទៀត ដែលមានដីថ្លៃបំផុតទី2នៅរាជធានីភ្នំពេញ ដោយដីសំរាប់លំសង់នៅដ្ឋាន ក្នុងតំបន់នេះត្រូវបានលក់ក្នុងតម្លៃ3,300 ដុល្លារក្នុងមួយម៉ែត្រការ៉េ ខណៈពេលដែលដីពាណិជ្ជកម្មមានតំលៃ 5,400ដុល្លារក្នុងម៉ែត្រការ៉េ៕

កោះតៃវ៉ាន់ទទួលបានកំណើនបញ្ជាទិញ១៨ខែជាប់ៗគ្នាជាមួយកំនើន សេដ្ឋកិច្ចល្អប្រសើរ

ដោយៈសុខុម

តៃប៉ិ:  កោះតៃវ៉ាន់ទទួលបានកំណើនបញ្ជាទិញ ក្នុងរយៈពេល១៨ខែជាប់ៗគ្នាកាលពីខែសីហា កន្លងទៅដោយសារការកើនឡើង តម្រូវការផលិតផលបច្ចេកវិទ្យាអំឡុងពេលកូវីដ-១៩ និងរដូវកាលទិញអីវ៉ាន់មុនដាច់ឆ្នាំ។ នេះបើយោងតាមការស្ទង់មតិមួយរបស់ទីភ្នាក់ងារព័ត៌មាន Reuters បង្ហាញនៅថ្ងៃពុធ ទី២២ កញ្ញា នេះ។

យោងតាមការចុះផ្សាយរបស់សារព័ត៌មានCNAឱ្យដឹងថា អ្នកជំនាញសេដ្ឋកិច្ចចំនួន១៨នាក់ ដែលបានឆ្លើយនៅក្នុងការស្ទង់មតិនេះ បានបង្ហាញសុទិដ្ឋិនិយម និងរំពឹងថា កោះតៃវ៉ាន់ នឹងទទួលបានកំណើនបញ្ជាទិញ២០,៧% បើធៀបនឹងឆ្នាំ២០២០។

ចំនួនបញ្ជាទិញដែលកោះតៃវ៉ាន់ ទទួលបានគឺឈានមុខគេ សម្រាប់ការនាំចេញប្រ​ចាំតំបន់អាស៊ី ហើយនាំមុខការនាំចេញជាក់ស្ដែង២ទៅ៣ខែ។ ការបញ្ជាទិញដែលកោះតៃវ៉ាន់ ទទួលបាន ជាពិសេសផលិតផលបច្ចេកវិទ្យា បានកើនឡើង២១,៤%កាលពីខែកក្កដា រហូតដល់៥៥,៣ពាន់លានដុល្លារ។

ក្រុមហ៊ុនសហគ្រាសផលិតនានារបស់តៃវ៉ាន់ធំជាច្រើន ដូចជា ក្រុមហ៊ុន Taiwan Semiconductor Manufacturing Company, Limited (TSMC) ដែលជាក្រុមហ៊ុនផលិតបន្ទះឈីបធំបំផុតរបស់ពិភពលោកជាដើម គឺជាផ្នែកដ៏សំខាន់មួយនៃខ្សែសង្វាក់ផ្គត់ផ្គង់ទូទាំងពិភពលោក សម្រាប់បណ្ដាក្រុមហ៊ុនបច្ចេកវិទ្យាខ្នាតយក្ស រួមទាំងក្រុមហ៊ុនអាមេរិក Apple Inc ផងដែរ។

ទិន្នន័យសម្រាប់ខែសីហា នឹងត្រូវចេញផ្សាយនៅថ្ងៃសុក្រ ទី២៤ ខែកញ្ញា នេះ៕  Reuters។

សេដ្ឋកិច្ចរបស់កោះតៃវ៉ាន់ ទទួលបានកំណើន២,៩៨%ក្នុងឆ្នាំ២០២០ បើធៀបនឹងឆ្នាំ២០១៩ ដែលធ្វើឱ្យកោះតៃវ៉ាន់ ក្លាយជាសេដ្ឋកិច្ចតែមួយគត់នៅអាស៊ី ដែលទទួលបានកំណើនសេដ្ឋកិច្ចល្អជាងគេ ហើយវ៉ាឈ្នះប្រទេសចិន ជាលើកដំបូងក្នុងរយៈពេល៣០ឆ្នាំមកនេះ ខណៈចិន ទទួលបានកំណើនសេដ្ឋកិច្ចត្រឹមតែ២,៣%។

តាមការព្យាករថា សេដ្ឋកិច្ចរបស់កោះតៃវ៉ាន់ នឹងទទួលបានកំណើន៥,៨៨%នៅក្នុងឆ្នាំ២០២១ នេះ៕