ដោយៈ សាវុធ

ភ្នំពេញៈ បច្ចុប្បន្ននេះយើងសង្កេតឃើញ ពីកំណើននៃសំណង់បុរី ដែលជាហេតុមានអតិថិជនជាច្រើន ភ្លូកទឹកភ្លូកដីទៅទិញបុរីសម្រាប់ស្នាក់នៅ ឬធ្វើជាអចលនទ្រព្យសម្រាប់ទុកលក់ដូរតាមក្រោយ។

យ៉ាងណាមិញគុណភាព និងទំនុកចិត្តដែលម្ចាស់បុរីនីមួយៗ ផ្ដល់ឲ្យមកកាន់អតិថិជន។ អ្នកខ្លះទិញហើយជួបការលំបាក ជាមួយនឹងគុណភាពសំណង់ ខ្លះទៀតជួបបញ្ហាទាក់ទងនឹងកម្មសិទ្ធបញ្ញាជាដើម។

ហេតុនេះ ប្រជាពលរដ្ឋមានលទ្ឋភាពគួរពិនិត្យពីប្រភេទប្លង់នៃផ្ទះ៖ តើម្ចាស់គម្រោង មានប្លង់រឹង សម្រាប់ផ្តល់ជូនអ្នកដែរឬទេ?។

ដោយសារដែលនៅប្រទេសកម្ពុជាយើងមាន ប្លង់ច្រើនប្រភេទ ដូចនេះដើម្បីសុវត្ថិភាព អ្នកគួរធ្វើការសាកសួរពីប្រភេទប្លង់ ដែលអ្នកម្ចាស់គម្រោងនឹងផ្ដល់ជូនអ្នក។ ជាធម្មតា ប្រសិនបើគម្រោងអភិវឌ្ឍន៍បុរីដែលអ្នកមានបំណងទិញ ជាគម្រោងស្របច្បាប់ ម្ចាស់គម្រោងត្រូវតែមានប្លង់រឹងមេមួយ ដែលជាប័ណ្ណកម្មសិទ្ធិស្របច្បាប់ដ៏សំខាន់ ដែលគ្របដណ្តប់លើផ្ទៃដីនៃគម្រោងទាំងមូល។

ប្លង់មេនេះដែរ នឹងត្រូវធ្វើការបែងចែកជាចំនែកផ្សេងៗគ្នា ដើម្បីចេញជាប្លង់រឹងមួយៗផ្សេងៗគ្នា សម្រាប់លំនៅដ្ខាននីមួយៗនៅក្នុងគម្រោង។

ហេតុតអ្វីបានជាត្រូវសួររកប្លង់មេដែរ?
ហេតុផលសំខាន់ៗ ដែលលោកអ្នកគួរសាកសួរឬសិក្សាពីបញ្ហានេះ ដោយសារ ទី១) ការពិនិត្យប្លង់មេ អាចជួយអ្នកអោយប្រាកដថា ម្ចាស់គម្រោងជាម្ចាស់កម្មសិទ្ធិស្របច្បាប់ របស់ដីនៃគម្រោងអភិវឌ្ឍន៍ទាំងមូល ដើម្បីធានាថា គេមានប្លង់ កាត់ជូនអ្នកនៅពេលអ្នកទិញរួចរាល់។

ទី២) អ្នកគួរពិនិត្យមើលប្លង់មេ ដើម្បីធានាថា ដីដែលកំពុងអភិវឌ្ឍន៍នេះ មិនបានជាប់ប្លង់នៅធនាគារ។ ការពារកុំអោយមានបញ្ហានៅពេលក្រោយ។ ទី៣) ប័ណ្ណចុះបញ្ជីក្រុមហ៊ុន៖ តើគម្រោងបុរីដែលអ្នកប្រុងនឹងទិញ មានលិខិតចុះបញ្ជីត្រឹមត្រូវដែលទទួលស្គាល់ពីក្រសូងពាក់ព័ន្ធដែរឬទេ?។

ដូចដែលអ្នកបានដឹងរូចមកហើយថា បច្ចុប្បន្ននេះមានគម្រោងអភិវឌ្ឍន៍បុរីជាច្រើនដែលកំពុងរីកដុះដាល តែមិនមែនគម្រោងទាំងអស់ សុទ្ធតែជាគម្រោងស្របច្បាប់នោះទេ។ តាមច្បាប់ ក្រុមហ៊ុនអភិវឌ្ឍន៍ត្រូវចុះបញ្ជី និងត្រូវទទួលបានការយល់ព្រមពីក្រសួងពាក់ព័ន្ធជាមុនសិន ទើបមានសិទ្ធិអាចចាប់ផ្តើមដំណើរការអាជីវកម្ម និងដំណើរការសាងសង់បាន។

ទី៤) ការអនុម័តផែនការមេ៖ តើផែនការមេរបស់គម្រោងបានទទួលការអនុម័តពីក្រសួងរៀបចំដែនដីនគរូបនីយកម្ម និងសំណង់ហើយ ឬនៅ?។ នេះគឺជាឯកសារមួយដ៏សំខាន់ ដែលអ្នកត្រូវតែដឹងផងដែរ។ ផែនការមេ គឺជាប្លង់មេដ៏សំខាន់របស់គម្រោងទាំងមូល។

ជាទូទៅ ផែនការមេត្រូវបានអនុម័ត ដោយក្រសួងរៀបចំដែនដីនគរូបនីយកម្ម និងសំណង់ មុនពេលការសាងសង់ចាប់ផ្តើម។ វាគូសបង្ហាញអ្នកយ៉ាងច្បាស់ថា តើគម្រោងដែលរៀបនឹងសាងសង់ មានហេដ្ឋារចនាសម្ព័ន្ធដូចម្តេច មានប្លង់លំនៅដ្ឋានដូចម្ត៉េច។

ទី៥) អាជ្ញាប័ណ្ណសាងសង់ៈ តើគម្រោងបុរីដែលអ្នកចង់ទិញ មានអាជ្ញាប័ណ្ណសាងសង់ដែលចេញដោយក្រសួងរៀបចំដែនដី នគរូបនីយកម្ម និងសំណង់ឬទេ?។

ក្រៅពីផែនការមេនៃគម្រោងបុរីហើយ បុរី ត្រូវតែមានផងដែរនូវ អាជ្ញាប័ណ្ណសាងសង់ ត្រឹមត្រូវ ដែលចេញដោយ ក្រសួងរៀបចំដែនដីនគរូ បនីយកម្ម និងសំណង់។

មុននឹងទទួលបានអាជ្ញាប័ណ្ណនេះ គម្រោងត្រូវឆ្លងកាត់ការត្រួតពិនិត្យយ៉ាងហ្មត់ចត់ពីក្រសួងគ្រប់គ្រងដីធ្លី។ មុនដំបូងម្ចាស់បុរី ត្រូវដាក់ពាក្យស្នើសុំអាជ្ញាប័ណ្ណសាងសង់មួយ ដើម្បីអាចដំណើរការសាងសង់លំនៅដ្ឋាន និងហេដ្ឋារចនាសម្ព័ន្ធបាន ប្រកបដោយស្តង់ដារ និងបញ្ចប់ការសាងសង់តាមការកំណត់ត្រឹមត្រូវ តាមការគ្រោងទុក។
ទី៦) អាជ្ញាប័ណ្ណបុរី៖ តើបុរីដែលអ្នកប្រុងនឹងរស់នៅនេះ មានអាជ្ញាប័ណ្ណត្រឺមត្រូវតាមច្បាប់ដែរឬទេ?។

ឯកសារចុងក្រោយ ដែលអ្នកត្រូវតែពិនិត្យមើលផងដែរនោះ គឺជាអាជ្ញាប័ណ្ណបុរី។ នៅពេល ដែលបុរីមានឯកសារនេះហើយ មានន័យថា វាត្រូវបានទទួលស្គាល់ដោយក្រសួងសេដ្ឋកិច្ច និងហិរញ្ញវត្ថុ បានន័យថា គ្រប់យ៉ាងត្រូវបានធ្វើឡើងដោយត្រឹមត្រូវ និងស្របតាមច្បាប់ និងបទប្បញ្ញត្តិទាំងអស់ដែលបានចែង មិនថាជាការរចនា ការសាងសង់ និង សិទ្ធិជាម្ចាស់កម្មសិទ្ធិជាដើម៕ Spean៕

ដោយៈ សុខុម

អន្តរជាតិៈ សណ្ឋាគារ J Hotel ក្នុងក្រុងសៀងហៃ ប្រទេសចិន ដែលទើបតែសម្ពោធកាលពីពេលថ្មីៗនេះ បានជាប់ឈ្មោះជាសណ្ឋាគារប្រណីតលំដាប់ខ្ពស់បំផុតក្នុងពិភលោក។ វាមានទីតាំងស្ថិតនៅជាន់ចាប់ពីជាន់ទី១២០ ដល់ជាន់កំពូលទី១២៨ នៃអគារកប់ពពកShanghai Tower ដែលមានកម្ពស់៦៣២ម៉ែត្រ ជាអគារខ្ពស់បំផុតទី២ ក្នុងពិភពលោក។

ចុះសណ្ឋាគារដែលធំជាងគេបំផុតក្នុងពិភពលោក? តើវាស្ថិតនៅប្រទេសណា បើក​ដំណើរការនៅឆ្នាំណា និងមានលក្ខណៈពិសេសអស្ចារ្យប៉ុណ្ណា? តោះ! មកស្គាល់ទាំងអស់គ្នា!។

ដោយមានទីតាំងស្ថិតនៅលើកំពូលភ្នំយ៉ាងស្រស់ស្អាត ប្រៀបបានឋានសួគ៌ សណ្ឋាគារលំដាប់ផ្កាយ៥ First World Hotel & Plaza ដែលមានអគារពណ៌ស្រស់ឆើតឆាយចំនួន២ និងបន្ទប់ចំនួន៧.៣៥១បន្ទប់ គឺជាសណ្ឋាគារធំជាងគេបំផុតក្នុងពិភពលោក។

សណ្ឋាគារនេះ មានទីតាំងស្ថិតនៅក្នុងរមណីដ្ឋាន Resorts World Genting លើកំពូលជួរភ្នំ Titiwangsa Mountains ក្នុងរដ្ឋប៉ាហាង (Pahang) ប្រទេសម៉ាឡេស៊ី។

សណ្ឋាគារដែលបើកដំណើរការក្នុងឆ្នាំ២០០១ នេះបានជាប់កំណត់ត្រាឯតទគ្គកម្មពិភពលោកហ្គីណេស Guinness World Records ជាសណ្ឋាគារធំបំផុតក្នុងពិភពលោកបើគិតពីចំនួនបន្ទប់ចាប់តាំងពីឆ្នាំ២០១៥ មក។

រមណីដ្ឋាន Resorts World Genting ត្រូវបានគេប្រសិទ្ធនាមថា Las Vegas of Asia (ក្រុងឡាសវេហ្គាស ប្រចាំតំបន់អាស៊ី) ព្រោះនៅអមច្រកចូលទៅកាន់រមណីដ្ឋានឋានសួគ៌នេះមានផ្សារធម្មតាដ៏ធំមួយ ដែលមានផ្ទៃក្រឡា៤.៦៤៥ម៉ែត្រការ៉េ ផ្សារទំនើបធំៗ កាស៊ីណូ ហាងកាហ្វេ បារ និងកន្លែងទទួលភ្ញៀវមួយ ដែលរៀបចំជាទេសភាពបែបក្នុងព្រៃ។

ក្រៅពីនេះ ក៏មានអាងហែលទឹក ទោងរំអិលជាច្រើន សួនកម្សាន្ត ទីលានវាយកូនហ្គោល ទីលានវាយតិន្នីស រោងភាពយន្ត និងក្លឹបហាត់ប្រាណផងដែរ។ ហើយក៏មានការសម្ដែងសៀករហស្សកម្ម និងការប្រគំតន្ត្រីប្រចាំសប្ដាហ៍ នៅសាលមហោស្រពផងដែរ។ និយាយរួម គឺនៅទីនេះសម្បូរកន្លែងលេងសប្បាយម៉ាអស់ដៃ ពេលសម្រាកលម្ហែខួរក្បាលពីការងារ៕

ដោយៈគង់ សូរិយា

ភ្នំពេញៈ ក្រុមហ៊ុនអចលនទ្រព្យ និងភ្នាក់ងារអចលនទ្រព្យមានវិជ្ជាជីវៈ មានសារៈសំខាន់ណាស់ ដែលអ្នកចង់ពិគ្រោះប្រឹក្សាអាចប្រើប្រាស់ និងអាចទុកចិត្តបាន។

គេហទំព័រ Propertyarea.asia សូមលើកយកចំណុចសំខាន់ៗមូយចំនួន ដើម្បីបង្ហាញលោក អ្នកថាតើក្រុមហ៊ុនមានវិជ្ជាជីវៈ ត្រូវមានមូលដ្ឋាន និងគុណសម្បត្តិដូចម្តេ​ច?។

យោងតាមឯកសារបរទេសបានឲ្យដឹងថា ក្រុមហ៊ុនដែលមានក្រមសីលធ៌មវិជ្ជាជីវៈ ត្រួវឈរលើគុណសម្បត្តិកដួចជា៖

មានទុនវិនិយោគអាចទុកចិត្តបាន
ដើមទុន និងសម្ភារៈប្រើប្រាស់ក្នុងប្រតិបត្តិការក្រុមហ៊ុន ជាសញ្ញាដ៏ល្អមួយ ដែលបង្ហា​ញថា ភ្នាក់ងារនេះមានភាពជាក់លាក់លើអាជីវកម្ម និងការការពារផលប្រយោជន៍របស់អតិថិជនរបស់ខ្លួន។

ធ្វើការពីការិយាល័យ
ភ្នាក់ងារអចលនទ្រព្យ ដែលមានអគារការិយាល័យរួម ជាមួយបុគ្គលិកជាច្រើន នាក់ ជាទូទៅគឺមានអាជីវកម្មស្របច្បាប់និង​ ជាអាជីវកម្មដែលមានដំណើរការល្អ។

មានគេហទំព័រ/ធ្វើទីផ្សារ
ភ្នាក់ងារដែលមានគេហទំព័រ ធ្វើការផ្សាយពាណិជ្ជកម្មតាមកាសែត និងជាទូទៅមានការធ្វើទីផ្សារត្រឹមត្រូវ គឺជាអាជីវកម្មដែលមានភាពច្បាសលាស់ ជាមួយនឹងការប្តេជ្ញាចិត្តខ្ពស់ចំពោះមុខរបររបស់ពួកគេ។

ការជ្រើសរើសភ្នាក់ងារអចលនទ្រព្យ និងក្រុមហ៊ុនអចលនទ្រព្យ គឺជាការសម្រេចចិត្តដ៏សំខាន់មួយសម្រាប់អ្នកទិញ ឬអ្នកលក់លំនៅដ្ឋាន។ ការជ្រើសរើសភ្នាក់ងារគឺមានឥទ្ធិពល ដែលនឹងប៉ះពាល់ដល់កត្តាតម្លៃដែលអ្នកត្រូវបង់ ឬត្រូវលក់សម្រាប់ផ្ទះរបស់អ្នក ហើយវាក៏កំណត់ពីភាពងាយស្រួល និងភាពឆាប់រហ័សនៃដំណើរការទិញ ឬលក់លើអចលនទ្រព្យរបស់អ្នកផងដែរ។ ក្រោមហេតុផលនេះវាជាការសំខាន់ណាស់ ដែលត្រូវមានទំនុកចិត្តច្បាស់លាស់ជាមួយភ្នាក់ងាររបស់អ្នក។

បច្ចុប្បន្នមានភ្នាក់ងារអចលនទ្រព្យ បានចុះបញ្ជីស្របច្បាប់ជា ១០០ ក្រុមហ៊ុននៅ ទូទាំងប្រទេសកម្ពុជា ប៉ុន្តែក៏មានភ្នាក់ងារមិនបានចុះបញ្ជីជាច្រើនទៀត រួមជាមួយនឹងបុគ្គល រាប់ពាន់នាក់ដែលជាហៅខ្លួនឯងថាជា “ភា្នក់ងារអចលនទ្រព្យ”៕