សុខុម

សិង្ហបុរី: មហាសេដ្ឋី Kwek Leng Beng និងមហាសេដ្ឋី Wee Cho Yaw ស្ថិតក្នុងចំណោមមហាសេដ្ឋីអចលនទ្រព្យមានជាងគេបំផុតនៅប្រទេសសិង្ហបុរី ដែលកំពុងសម្រុកដេញថ្លៃជួលដីរដ្ឋដើម្បីក្ដោបក្ដាប់ទីផ្សារអចលនទ្រព្យ ខណៈតម្រូវការលំនៅដ្ឋានក្នុងរដ្ឋបុរី (ប្រទេសមានតែក្រុង) នេះកំពុងមានសន្ទុះកើនឡើង។ នេះបើយោងតាមទស្សនាវដ្ឋី Forbes ចុះផ្សាយកាលពីថ្ងៃទី២៦ ឧសភា។

ក្រុមហ៊ុន Wee’s UOL Group របស់លោក Wee Cho Yaw បានដាក់សំណើដេញថ្លៃខ្ពស់បំផុតរហូតដល់២៨៨,២លានដុល្លារអាមេរិក សម្រាប់ទីតាំងដីជួល៩៩ឆ្នាំសម្រាប់សង់លំនៅដ្ឋាននៅតំបន់ Ang Mo Kio ប្រទេសសិង្ហបុរី ភាគខាងជើង។ ការដេញថ្លៃរបស់ក្រុមហ៊ុន UOL Group នេះធ្វើឡើងដោយចាប់ដៃគូសហការជាមួយក្រុមហ៊ុន City Developments របស់លោក Kwek Leng Beng ក្រុមហ៊ុន MCL Land ព្រមទាំងការវិនិយោគរួមគ្នារវាងក្រុមហ៊ុនឯកជន Far East Organization ដែលគ្រប់គ្រងដោយមហាសេដ្ឋីពីរនាក់បងប្អូន Robert និង Phillip Ng និងក្រុមហ៊ុនជប៉ុន Sekisui House ផងដែរ។

យោងតាមអាជ្ញាធរអភិវឌ្ឍន៍ទីក្រុងដែលគ្រប់គ្រងការដេញថ្លៃនេះឱ្យដឹងថា ទីតាំងដីខាងលើទាញបានការដេញថ្លៃសរុបចំនួន១៥។ ជាមួយនឹងផ្ទៃសរុប១២.៦៧៩ម៉ែត្រការ៉េ ទីតាំងនេះអាចអភិវឌ្ឍទៅជាអគារដែលមានផ្ទៃបាតសរុប៣១.៦៩៩ម៉ែត្រការ៉េ។

*ការដេញថ្លៃមួយទៀត

ទីតាំងលំនៅដ្ឋានរបស់រដ្ឋមួយកន្លែងផ្សេងទៀតនៅ Tengah Garden Walk ក្នុងតំបន់ Clementi បានទាក់ទាញចំណាប់អារម្មណ៍ខ្លាំងពីអ្នកដេញថ្លៃចំនួន៧នាក់។ នេះបើយោងតាមក្រុមប្រឹក្សាអភិវឌ្ឍន៍លំនៅដ្ឋានដែលគ្រប់គ្រងការដេញថ្លៃនោះ។ ក្រុមហ៊ុន Taurus Properties ដែលជាក្រុមហ៊ុនបណ្តាក់ទុនរួមគ្នារវាងក្រុមហ៊ុន City Developments និង MCL បានដាក់សំណើដេញថ្លៃខ្ពស់បំផុតចំនួន៣០២លានដុល្លារអាមេរិក។

ក្រុមហ៊ុន Taurus Properties បានចេញសេចក្តីថ្លែងការណ៍ថា ជាមួយនឹងផ្ទៃដីសរុប២២.០២០ម៉ែត្រការ៉េ ខ្លួនគ្រោងសាងសង់លំនៅដ្ឋានប្រមាណ៦២០យូនីតនៅលើទីតាំងដីជួល៩៩ឆ្នាំនៅតំបន់ Tengah Garden នេះ។

លោក Song Seng Wun អ្នកជំនាញសេដ្ឋកិច្ចនៅធនាគារឯកជន CIMB បានថ្លែងថា ចំណាប់អារម្មណ៍ខ្លាំងនៅក្នុងការដេញថ្លៃទីតាំងដីលំនៅដ្ឋានទាំងនេះ ឆ្លុះបញ្ចាំងពីទំនុកចិត្តលើសេដ្ឋកិច្ចរបស់ប្រទេសសិង្ហបុរី ដោយសារវិធានការស្ដារសេដ្ឋកិច្ចរបស់រដ្ឋាភិបាល។ រដ្ឋាភិបាលរំពឹងថា សេដ្ឋកិច្ចនឹងទទួលបានកំណើនចន្លោះពី៤%ទៅ៦%ក្នុងឆ្នាំ២០២១នេះ។

ទំនុកចិត្តបែបនេះ បានជំរុញឱ្យមានការសម្រុកដេញថ្លៃជួលទីតាំងដីលំនៅដ្ឋានក្នុងប្រទេសនេះ។ កាលពីដើមខែនេះ ក្រុមហ៊ុន City Developments ដេញថ្លៃឈ្នះក្រុមហ៊ុនអភិវឌ្ឍន៍ចំនួន៩ផ្សេងទៀតសម្រាប់ទីតាំងដីលំនៅដ្ឋាន និងពាណិជ្ជកម្មចម្រុះគ្នានៅតាមបណ្ដោយផ្លូវ Northumberland Road ក្នុងប្រទេសនេះ៕

ដោយៈសាវុធ

ភ្នំពេញៈ អ្នកជំនាញក្នុងវិស័យអចលនទ្រព្យបានលើកឡើងថា វិស័យអចលនទ្រព្យនៅកម្ពុជា នៅតែមានភាពល្អប្រសើរជាងគេ ធៀបជាមួយបណ្តាប្រទេស នៅក្នុងតំបន់អាស៊ាន ទាក់ទងនឹងឱកាសវិនិយោគ និងការទាញយកផលចំណេញពីការវិនិយោគ ខណៈចិនឈរ នៅលំដាប់កំពូលមួយក្នុងការវិនិយោគតំបន់អាស៊ាន។

ប្រធានក្រុមប្រឹក្សាភិបាលប្រតិបត្តិសមាគមអ្នកវាយតម្លៃ និងភ្នាក់ងាអចលនវត្ថុកម្ពុជា (CVEA) លោកលឹម សុជាតិបានលើកឡើងកាលពីថ្មីៗនេះថា បច្ចុប្បន្នមានអ្នកវិនិយោគិនច្រើន មកវិនិយោគនៅកម្ពុជាក៏ពិតមែន ប៉ុន្ដែកម្ពុជាមិនស្ថិតក្នុងលំដាប់ថ្នាក់ (Top4) នៃការវិនិយោគរបស់ចិនឡើយ ក្នុងចំណោមលំដាប់ថ្នាក់ទាំង៤នេះ មានតែក្នុងប្រទេសថៃ សឹង្ហបុរី វៀតណាម និងម៉ាឡេស៊ីប៉ុណ្ណោះ។

ទោះបីជាយ៉ាងនេះក្តី លោកបានថ្លែងថា “និយាយចំពោះអចលនទ្រព្យនៅកម្ពុជា មានភាពល្អជាងបណ្ដាប្រទេសផ្សេងៗ ដោយសារតែតម្លៃធូរ ហើយមានការលក្ខខណ្ឌអនុ គ្រោះច្រើន”។

លោកបន្ថែមថា និយាយជារួមចំពោះតំបន់អាស៊ាន ពិសេសប្រទេសកម្ពុជា វិនិយោគិនចិន ជាកម្លាំងទិញដ៏ធំមួយ មូលហេតុដែលចិនជាកម្លាំងទិញដ៏ធំ ដោយសារតែ ៧៨ភាគរយនៃប្រជាជនចិន ដែលមានអាយុចន្លោះ៣០-៤៩ ជាវ័យធ្វើការវិនិយោគរកប្រាក់ចំនេញ ហើយមួយវិញទៀត៦៧ភាគរយ នៃប្រជាជនចិនជាប្រជាជនដែលមានជីវភាពធូរធាខ្លាំងដែរ។

លោកលឹម សុជាតិបានបញ្ជាក់ថា “ផ្អែកលើកត្តាខាងលើនេះកម្ពុជា ខ្ញុំនៅតែមានសុទ្ធនិយមថា នៅពេលស្ថានភាពល្អប្រសើរឡើងវិញ ទោះល្អតែបន្ដិចក្ដីក៏កម្ពុជា នៅតែអាចទាក់ទាញវិនិយោគិន ពីក្រៅប្រទេសមកវិនិយោគនៅកម្ពុជា ពិសេសការវិនិយោគពីប្រទេសចិននេះតែម្ដង”។

ជាមួយគ្នានេះ លោកសន សៀបអនុប្រធានប្រតិបត្តិ CVEA បានលើកឡើងថា បន្ទាប់ពីជំងឺកូវីដ១៩ បានធូរស្បើយ ចិននឹងក្លាយជាប្រទេសទី១ ក្នុងការចូលមកវិនិយោគនៅកម្ពុជា។

លោកបានថ្លែងថា “ខ្ញុំជឿជាក់ថា បន្ទាប់ពីជំងឺកូវីដបានថមថយនៅកម្ពុជា ចិននឹងឈរលំដាប់ថ្នាក់ទី១ ក្នុងការវិនិយោគនៅកម្ពុជា។ និយាយជារួមក្រៅអំពីចិន ក៏មានប្រទេ សផ្សេងៗដូចជា កូរ៉េ តៃវ៉ាន់ ជប៉ុន ម៉ាឡេស៊ី សឹង្ហបុរី និងថៃជាដើមផងដែរ”។

លោកបន្ដថា វិស័យអចលនទ្រព្យ ជាវិស័យមួយដែលកម្ពុជា ទទួលបានផលដោយផ្ទាល់ ពីការវិនិយោគរបស់ចិន ជាក់ស្ដែងក្នុងក្រុងព្រះសីហនុ និងរាជធានីភ្នំពេញ។ កាលពីឆ្នាំ២០២០ ការវិនិយោគផ្ទាល់របស់ចិន មកតំបន់អាស៊ានកើន៥១ភាគរយ ហើយចំពោះកម្ពុជាការវិនិយោគរបស់ចិនកើនដល់៧០ភាគរយ៕

ដោយៈ រតនៈ

ភ្នំពេញៈ ក្នុងអំឡុងសម័យកាល កូវីត១៩ ដែលបានអូសបន្លាយជាង២ឆ្នាំមកហើយនោះ អ្វីថ្មីបានកើតឡើង ហើយឱកាសថ្មីៗក៏បានកើតឡើងផងដែរដូចជាការធ្វើការតាមប្រព័ន្ធអនឡាញ ឬ ការលក់ដូរផ្សេងៗ ខណៈអ្នកជំនាញផ្នែកអចលនទ្រព្យក៏មើលឃើញថាឱកាសទិញអចលនទ្រព្យបានក្នុងតម្លៃល្អក៏មានច្រើនផងដែរសម្រាប់វិស័យមួយនេះ។

លោកសំ សុខនឿនប្រធានសមាគមអចលនទ្រព្យសកល (GRA) មានប្រសាសន៍ក្នុងកិច្ចសំភាសន៍ជាមួយPropertyarea នៅថ្ងៃទី ២៧ ខែឧសភានេះថា ក្នុងបញ្ហាគឺតែងតែមានឱកាស ក្នុងនោះសម្រាប់ការទិញ ដូរអចលនទ្រព្យក៏ដូចគ្នាអ្នកទិញអចលនទ្រព្យមានឱកាសច្រើនក្នុងការទិញក្នុងតម្លៃមួយសមរម្យ មិនថាតែអ្នកទិញសម្រាប់ធ្វើអាជីវកម្មទិញលក់ ឬទិញសម្រាប់ ស្នាក់នៅនោះទេ។

លោកបន្តថា អ្នកទិញអចលនទ្រព្យដែលមានឱកាសបំផុតគឺអ្នកដែលមានលុយហើយទិញដីឬផ្ទះទុកសម្រាប់ចំណេញ។

លោកសំ សុខនឿនបានបន្ថែមថា ក្នុងអំឡុងពេលមានជំងឺកូវីតនេះ គឺចំនួនអ្នកទិញអចលនទ្រព្យគឺថយចុះ ហើយការលក់វិញគឺមានមួយចំនួនតូចបញ្ចុះតម្លៃដោយសារតែអ្នកលក់ទាំងនោះមានបញ្ហាហិរញ្ញវត្ថុ និងខ្លះលក់នៅថេរ ដែលនេះជាឱកាសសម្រាប់អ្នកទិញ។

ជាមួយគ្នានេះ លោកមើលឃើញថាក្នុងអំឡុងកូវីតនេះប្រសិនបើអតិថិជនមិនអាចទិញអចលនទ្រព្យដោយប្រាក់សុទ្ធទេនោះគឺអាចបង់រំលស់ដោយប្រើរយៈពេលយូរ បើនិយាយជារួមគឺអ្នកទិញមានអំណាចក្នុងចរចារជាមួយអ្នកលក់ជាងពេលធម្មតា។

លោកក៏មើលឃើញផងដែរថា ប្រជាពលរដ្ឋហាក់យល់ច្រឡំ ដោយអ្នកខ្លះគាត់មានប្រាក់តែមិនចង់បញ្ចេញដោយគិតថាមិនគួរបញ្ចេញប្រាក់ក្នុងសម័យកូវីត ប៉ុន្តែអ្វីដែលលោក សំ សុខនឿនមើលឃើញគឺជាឱកាសល្អដែលគួរតែទិញព្រោះបើគាត់ចាំបាត់កូវីតគឺមិនមានតម្លៃល្អៗនោះទេ៕

ដោយៈឧត្តម
៉
អន្តរជាតិៈ លោកអ្នកប្រហែលជាបានស្គាល់រួចមកហើយនូវធនាគារធំៗ និងល្បីឈ្មោះទូទាំងពិភពលោក។ ប៉ុន្តែតើអ្នកដឹងទេថា ធនាគារណាធំជាងគេ និងមានលុយច្រើនជាងគេក្នុងពិភពលោក ហើយវាស្ថិតនៅក្នុងប្រទេសណា? អញ្ចឹងតោះ! មកស្វែងយល់ត្រួសៗទាំងអស់គ្នា។

យោងតាមគេហទំព័រ fxssi.com ដែលបានចុះផ្សាយកាលពីថ្ងៃទី៦ កុម្ភៈ ឆ្នាំ២០២១កន្លងមកនេះឱ្យដឹងថា ធនាគារឧស្សាហកម្ម និងពាណិជ្ជចិន(Industrial and Commercial Bank of China (ICBC) បានជាប់ឈ្មោះជាធនាគារដែលធំជាងគេ និងមានលុយច្រើនជាងគេក្នុងពិភពលោក។

យោងតាមគេហទំព័រដដែលនេះឱ្យដឹងថា ការដាក់ចំណាត់ថ្នាក់ធនាគារធំៗ បំផុតក្នុងពិភពលោក គឺធ្វើឡើងដោយយោង ទៅលើទ្រព្យសកម្មសរុបរបស់ធនាគារទាំងនោះ។

ទិន្នន័យចុងក្រោយបានបង្ហាញថា ធនាគារ ICBC មានទ្រព្យសកម្មសរុបរហូតដល់ទៅ៤.៩១៣ពាន់លានដុល្លារ ហើយមូលធនទីផ្សារ(market capitalization) របស់ធនាគារនេះ មានសរុបដល់ទៅ២៣១ពាន់លានដុល្លារ។

ធនាគារនេះត្រូវបានបង្កើតឡើងនៅថ្ងៃទី០១ មករា ឆ្នាំ១៩៨៤ ហើយបច្ចុប្បន្នមានបុគ្គលិកជាង៤៥០.០០០នាក់។

ដោយមានទីស្នាក់ការកណ្ដាល នៅក្នុងរដ្ឋធានីប៉េកាំង ប្រទេសចិន ធនាគារយក្សដែលគ្រប់គ្រងដោយរដ្ឋមួយនេះ ទទួលបានទុនពីក្រសួងហិរញ្ញវត្ថុចិន។

ធនាគារផ្សេងៗគ្នារបស់មហាយក្សចិន បានជាប់ចំណាត់ថ្នាក់កំពូលនេះ រយៈប៉ុន្មានឆ្នាំជាប់ៗគ្នា ក្លាយជាធនាគារដែលធំជាងគេ និងមានលុយច្រើនជាងគេក្នុងពិភពលោក។ នោះសរបង្ហាញឱ្យឃើញយ៉ាងច្បាស់ថា សេដ្ឋកិច្ចរបស់មហាយក្សនៅអាស៊ី មួយនេះរីកចម្រើនខ្លាំងមិនធម្មតាឡើយក្នុងមួយឆ្នាំៗ៕

ដោយៈ ប៊ី

ភ្នំពេញៈ រដ្ឋាភិបាលកំពុងលើកទឹកចិត្តដល់វិស័ដោយយឯកជន ដើម្បីសាងសង់លំនៅដ្ឋានតម្លៃសមរម្យរហូតដល់ទៅ១លានយូនីត (ឯកតា) បន្ថែមទៀតនៅក្នុងប្រទេសកម្ពុជា។ នេះបើយោងតាមការលើកឡើងរបស់មន្ត្រីជាន់ខ្ពស់នៃក្រសួងរៀបចំដែនដី នគរូបនីយកម្ម និងសំណង់។

គោលនយោបាយនេះត្រូវបានពិភាក្សា ក្នុងសិក្ខាសាលា Rainmaking Cambodia តាមប្រព័ន្ធវីដេអូនៅប្រទេសកម្ពុជា ដោយលោកបេងហុង សុជាតិខេមរ៉ូអគ្គនាយកនៃអគ្គនាយកដ្ឋានលំនៅដ្ឋាននៃក្រសួងរៀបចំដែនដី នគរូបនីយកម្ម និងសំណង់កាលពីថ្មីៗនេះ។

លោកបានសង្កត់ធ្ងន់ថា រដ្ឋាភិបាលកម្ពុជាបានប្តេជ្ញាចិត្តក្នុងកាជំរុញគម្រោងអភិវឌ្ឍន៍គេហដ្ឋានតម្លៃសមរម្យ ជាពិសេសនៅភ្នំពេញ សៀមរាប ព្រះសីហនុ និងបាត់ដំបង។

លោកបានបន្ថែមថា ដ្ឋាភិបាលកំពុងពិនិត្យលើការលើកលែងពន្ធ និងការលើកទឹកចិត្តផ្សេងៗ ដូចជាការកាត់បន្ថយពន្ធកាត់ទុក ប្រាក់ចំណូល និងអាករលើតម្លៃបន្ថែម សម្រាប់ក្រុមហ៊ុន ដែលបានរៀបចំវិនិយោគក្នុងគម្រោងលំនៅដ្ឋានតម្លៃសមរម្យ។

គំនិតផ្តួចផ្តើមរបស់រដ្ឋាភិបាលក្នុងការបង្កើតហេដ្ឋារចនាសម្ព័ន្ធគ្រប់គ្រាន់ ដូចជាការតភ្ជាប់ផ្លូវថ្នល់ ការផ្គត់ផ្គង់ទឹក ប្រព័ន្ធបង្ហូរទឹក និងប្រព័ន្ធលូ ក៏ដូចជាការកែលម្អបណ្តាញអគ្គិសនីជាតិ ក៏ផ្តល់នូវមូលដ្ឋានចាំបាច់ សម្រាប់ការកសាងលំនៅដ្ឋានតម្លៃសមរម្យ។

ដើម្បីទទួលស្គាល់ថាជាគម្រោងតម្លៃមានតំលៃសមរម្យ លំនៅដ្ឋានតម្លៃសមរម្យនឹងត្រូវមានតម្លៃរង្វង់៣ម៉ឺនដុល្លារអាមេរិក តាមនិយមន័យជាសកលនៃគេហដ្ឋានតម្លៃសមរម្យដោយផ្អែកលើប្រាក់ចំណូលជាមធ្យមរបស់ប្រជាជនកម្ពុជាបច្ចុប្បន្ន៕