IMFព្យាករណ៍ថាសន្ទស្សន៍តម្លៃទំនិញនៅកម្ពុជានឹងកើនឡើងក្នុងរង្វង់៣ភាគរយនៅឆ្នាំ២០២១នេះ

ដោយៈ ប៊ី

ភ្នំពេញៈ មូលនិធិរូបិយវត្ថុអន្តរជាតិ (IMF) បានព្យាករថា សន្ទស្សន៍តម្លៃទំនិញប្រើប្រាស់នៅកកម្ពុជា នឹងកើនឡើង៣,១ភាគរយក្នុងឆ្នាំនេះ ខណៈសេដ្ឋកិច្ចកម្ពុជានឹងមានសន្ទុះងើបឡើងវិញ ពីការធ្លាក់ចុះកាលពីឆ្នាំមុន។

IMF ក៏បានព្យាករនៅក្នុងចក្ខុវិស័យសេដ្ឋកិច្ចពិភពលោករបស់ខ្លួន ដែលបានចេញផ្សាយនៅទីក្រុងវ៉ាស៊ីនតោនកាលពីថ្ងៃអង្គារ (ត្រូវនឹងថ្ងៃពុធ ទី៧ ខែមេសា ឆ្នាំ២០២១) ថា សន្ទស្សន៍តម្លៃទំនិញនឹងកើនឡើងត្រឹមតែ២,៨ភាគរយនៅឆ្នាំក្រោយ។
ការព្យាករណ៍សម្រាប់សន្ទស្សន៍តម្លៃទំនិញនៅកម្ពុជា គឺទាបជាងការកើនឡើងតម្លៃទំនិញប្រើប្រាស់ជាមធ្យម៤,៩ភាគរយ ដែលIMF ព្យាករណ៍សម្រាប់ទីផ្សារកំពុងរីកចម្រើន និងប្រទេសកំពុងអភិវឌ្ឍន៍នៅឆ្នាំ២០២១។

យោងតាមទស្សន៍វិស័យពិភពលោក តម្លៃទំនិញជា ពិសេសប្រេងត្រូវបានរំពឹងថានឹងមានការកើនឡើងបន្ថែមទៀតនៅប៉ុន្មានខែខាងមុខនេះ។របាយការណ៍នេះបានឱ្យដឹងថា“ ដោយសាតម្លៃប្រេង ដែលនឹងមានកើនឡើងនាពេលខាងមុខ នឹងធ្វើឱ្យសន្ទស្សន៍តម្លៃទំនិញប្រើប្រាស់កើនឡើង ហើយអត្រាអតិផរណាក៏នឹងអាចប្រែប្រួលផងដែរ នៅក្នុងរយៈប៉ុន្មានខែខាងមុខនេះ”៕

ទីក្រុងប៉េកាំង វ៉ាឈ្នះក្រុងញូវយ៉កក្លាយជាទីក្រុងដែលមានមហាសេដ្ឋីប្រាក់ពាន់លានដុល្លាររស់នៅច្រើនជាងគេក្នុងពិភពលោក

ដោយៈឧត្តម

អាមេរិក: នៅទីបំផុតក្រុងប៉េកាំង បានវ៉ាដាច់ទីក្រុងញូយ៉ក របស់សហរដ្ឋអាមេរិក ដើម្បីកាន់កាប់ដំណែង ជាទីក្រុងទី១លើពិភពលោក ដែលមានមហាសេដ្ឋីរស់នៅច្រើនជាងគេ។

សារព័ត៌មាន BBC បានចុះផ្សាយនៅថ្ងៃទី៨ មេសានេះថា យោងតាមបញ្ជីឈ្មោះមហាសេដ្ឋីប្រចាំឆ្នាំរបស់ទស្សនាវដ្តី Forbes បង្ហាញថា ពេលនេះក្រុងប៉េកាំង ដែលជារដ្ឋធានីរបស់មហាយក្សចិន បានវ៉ាឈ្នះក្រុងញូវយ៉ក ក្លាយជាទីក្រុងដែលមានមហាសេដ្ឋីប្រាក់ពាន់លានដុល្លារច្រើនជាងគេបំផុតទូទាំងពិភពលោក។

ទស្សនាវដ្ដីនេះបានបញ្ជាក់ថា មហាសេដ្ឋីប្រាក់ពាន់លានដុល្លារ នៅក្នុងទីក្រុងនេះបានកើនឡើង៣៣នាក់បន្ថែមទៀត ហើយពេលនេះមហាសេដ្ឋីប្រាក់ពាន់លានដុល្លារបានកើនឡើងចំនួនសរុប១០០នាក់ហើយ។ រដ្ឋធានីចិន មួយនេះបានវ៉ាឈ្នះក្រុងញូវយ៉ក របស់សហរដ្ឋអាមេរិក ដែលមានមហាសេដ្ឋីប្រាក់ពាន់ លានដុល្លារចំនួន៩៩នាក់ ហើយបានរក្សាតំណែងកំពូលរយៈពេល៧ឆ្នាំជាប់ៗគ្នា។

ការគ្រប់គ្រងបានយ៉ាងរហ័ស របស់មហាយក្សចិន លើវីរុសកូវីដ-១៩ ការស្ទុះងើបឡើងនៃបណ្ដាក្រុមហ៊ុនបច្ចេកវិទ្យា និងទីផ្សារភាគហ៊ុនរបស់ខ្លួនបានជួយឱ្យក្រុងប៉េកាំង ដណ្ដើមបានចំណាត់ថ្នាក់កំពូល។

ទោះជាយ៉ាងណា ថ្វីបើពេលនេះក្រុងប៉េកាំង មានមហាសេដ្ឋីច្រើនជាងក្រុងញូវយ៉ក យ៉ាងណាក្ដី ក៏ទ្រព្យសម្បត្តិរួមបញ្ចូលគ្នារបស់មហាសេដ្ឋី នៅទីក្រុងញូវយ៉ក នៅតែមានចំនួនច្រើនជាងក្រុមមហាសេដ្ឋី ដែលរស់នៅក្រុងប៉េកាំងដល់ទៅ៨០ពាន់លានដុល្លារឯណោះ។

អ្នកមានបំផុតនៅក្រុងប៉េកាំង គឺលោកZhang Yiming ដែលជាស្ថាបនិក App ចែករំលែកវីដេអូTikTok ដ៏ល្បីល្បាញ និងជានាយកប្រតិបត្តិនៃក្រុមហ៊ុនមេ ByteDance។ ទ្រព្យសម្បត្តិរបស់គាត់ បានកើនឡើងទ្វេដងដល់៣៥,៦ពាន់លានដុល្លារ។

ចំណែកឯអ្នកមានបំផុតនៅក្រុងញូវយ៉ក គឺអតីតអភិបាលក្រុងលោកMichael Bloomberg ដែលមានទ្រព្យសម្បត្ដិ៥៩ពាន់លានដុល្លារ៕

សម្តេចតេជោលើកឡើងពីហេដ្ឋារចនាសម្ព័ន្ឋធំៗដែលរាជរដ្ឋាភិបាលសម្រេចបានដើម្បីលើកស្ទួយជីវភាពពលរដ្ឋ

ដោយៈ ប៊ី

ភ្នំពេញៈ រាជរដ្ឋាភិបាលសម្រេចបានការងារធំៗជាច្រើនវិស័យ ក្នុងនោះការកសាងហេដ្ឋារចនាសម្ព័ន្ធផ្លូវថ្នល់ ស្ពានត្រូវបានបន្តអនុវត្តជាប់ជាប្រចាំ ស្របតាមការអនុវត្តយុទ្ធសាស្ត្រចតុកោណដំណាក់ទី៤ ដើម្បីបម្រើដល់វិស័យដឹកជញ្ជូន និងការធ្វើដំណើររបស់ប្រជាជន។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងក្នុងសារលិខិតជូនដល់ប្រជាពលរដ្ឋកម្ពុជា ក្នុងការស្វាគមន៍ពិធីបុណ្យចូលឆ្នាំថ្មីនេះនៅថ្ងៃនេះថា រហូតមកដល់បច្ចុប្បន្នសមិទ្ធផលជាច្រើនក្នុង វិស័យហេដ្ឋារចនាសម្ព័ន្ធ ត្រូវបានរាជរដ្ឋាភិបាលសម្រេចបានក្នុងនោះមានផ្លូវជាតិ ផ្លូវខេត្ត ផ្លូវលំ ជនបទ ស្ពានឆ្លងកាត់ទន្លេ ស្ពានអាកាសក្នុងរាជធានីភ្នំពេញ ។ល។

ជាក់ស្តែងក្នុងឆ្នាំ២០២០កន្លងទៅ រាជរដ្ឋាភិបាលបានដាក់ឱ្យដំណើរការមានជាអាទិ៍ផ្លូវជាតិលេខ១១ មានប្រវែង៩៦,៤៨គ.ម។ ការលើកកម្រិតនិងថែរទាំផ្លូវជាតិលេខ១ មានប្រវែង៩៥,៧០គ.ម ។ ការលើកកម្រិតនិងថែទាំផ្លូវជាតិលេខ៦ មានប្រវែង៤៩,៨៨គ.ម។ផ្លូវ៣៤ខ្សែមានប្រវែង៨២,១៤៥គ.ម.នៅក្រុងព្រះសីហនុ ខេត្តព្រះសីហនុ។

ថ្មីៗនេះបានដាក់ឱ្យដំណើរការស្ពានមិត្ត ភាពកម្ពុជា-ចិន(ស្ទឹងត្រង់-ក្រូចឆ្មារ)មានប្រវែង១,១៣១ម៉ែត្រ និងការបើកការដ្ឋានសាងសង់ និងកែលម្អផ្លូវ៣៨ខ្សែមានប្រវែង១០៨,៧៤ គ.ម នៅក្រុងសៀមរាបខេត្ តសៀមរាប ។

រីឯផ្លូវជនបទក្រាលកៅស៊ូ នៅតាមបណ្តាខេត្តមួយចំនួន បានស្ថាបនារួចរាល់១០០ភាគរយមានជាអាទិ៍(១) ផ្លូវ៩ខ្សែប្រវែង១៩៣,៩០ គ.ម. នៅខេត្តត្បូងឃ្មុំ (២) ផ្លូវ១០ខ្សែ ប្រវែង១២៥,៥០គ.ម. នៅខេត្តពោធិ៍សាត់ (៣) ផ្លូវ៨ខ្សែ ប្រវែង ១០១,២០គ.ម, នៅខេត្តបាត់ដំបង (៤) ផ្លូវ៥ខ្សែ ប្រវែង៩០,៧០គ.ម.នៅខេត្តបន្ទាយមានជ័យ និង(៥) ផ្លូវ៦ខ្សែប្រវែង៥០គ.ម. នៅខេត្តកំពង់ចាម៕

ថ្ម១ដុំ លំនៅឋាននៃភាពសុខដុម

ឆ្លើយតបជាមួយផែនការមេសម្រាប់ការអភិវឌ្ឍវិស័យ ទេសចរណ៍ខេត្តកែប រួមជាមួយនិងយុទ្ធសាស្រ្តទាំង៩ ដែលដាក់ចេញដោយរាជរដ្ឋាភិបាលកម្ពុជា គម្រោងអភិវឌ្ឍន៍ធំៗកំពុងបន្តដំណើរការយ៉ាងសកម្មនៅខេត្តកែបរួមមានគម្រោងផ្សាររាត្រី(ខាងត្បូងផ្សារក្តាម) កំពុងផែរទេសចរណ៍កោះទន្សាយ កំណាត់ផ្លូវអ៊ុតកៅស៊ូ AC ,ផ្លូវDBST និងផ្លូវបេតុងជាច្រើនខ្សែនៅទូទាំងខេត្ត និងនៅតែកំពុងបន្ត គម្រោងហេដ្ឋារចនាសម្ព័ន្ធទេសចរណ៍ជំហានទី២។ ក្នុងនោះ គម្រោងលំនៅដ្ឋានពហុមុខងារដ៏ធំដំបូងបំផុតនៅទីក្រុងកែប គឺគម្រោងថ្ម១ដុំ ស្ថាបត្យកម្មនៃការរស់នៅ ក៏កំពុងតែសស្រាក់សស្រាំ ក្នុងការសាងសង់ ហើយនឹងកំពុងត្រដែតខ្លួនឡើងបន្តិចម្តងៗ នៅលើចង្កេះភ្នំនៃឧទ្យានជាតិកែប។

លោក ឃុយ ពី ស្ថាបនិក និងជាស្ថាបត្យករនៃគម្រោងថ្ម១ដុំ ហើយក៏ជាស្ថាបត្យករដែលមានបទពិសោធន៍ជាង ២ទសវត្សរ៍មកនេះបានបញ្ជាក់ថា “ គម្រោងថ្ម១ដុំខេត្តកែបនេះ មិនមែនជាជាគម្រោងដំបូងរបស់លោកទេ តែវាជាកូនបង្កើត ដែលលោកបានដាក់ក្តីស្រម៉ៃ ដ៏មុតមាំ និងជាបំណងប្រាថ្នាតែមួយគត់ ក្នុងការរចនាប្លង់ដើម្បីស្ថាបនាសាងសង់លំនៅឋានមួយនេះ ដើម្បីផ្តល់ជូនភាពសុខដុមរមនា និង ផាសុកភាពពីធម្មជាតិដល់ការរស់នៅរបស់អតិថិជន។ ជាមួយទីតាំងដ៏ពិសិដ្ឋ ដែលស្ថិតនៅលើចង្កេះភ្នំ លោកបានរចនាប្លង់ឱ្យគ្រប់បន្ទប់អាចមើលឃើញទេសភាពសមុទ្ទ ស្រូបខ្យល់បរិយាកាសដ៏បរិសុទ្ធនៃព្រៃព្រឹក្សានៃឧទ្យានជាតិកែប ផ្សារភ្ជាប់ការរស់នៅជាមួយធម្មជាតិពិតៗ។ ជាមួយសក្តានុពលនៃទីតាំងនេះ បូករួមជាមួយបទពិសោធន៍របស់លោកផ្ទាល់ លោកឃុយ ពី ជឿជាក់ថា ខន់ដូថ្ម១ដុំកែប នឹងក្លាយជាដែនលំហរ នៃភាពសុខដុម ដែលចូលរួមបម្រើដល់វិស័យទេសចរណ៍ និងជាមោទនភាពនៃសក្តានុពលវិស័យអចលនទ្រព្យប្រចាំក្រុងកែបនាពេលអនាគតដ៏ឆាប់ខាងមុខ។

គួបញ្ជាក់ផងដែរថាស្ថាបត្យកម្មនៃការរស់នៅ គម្រោងខន់ដូថ្ម១ដុំ ដែលមានកំពស់១២ជាប់ ដែលមានបន្ទប់ស្នាក់នៅត្រឹមតែ ៧៥+១បន្ទប់ បានចំណាយពេលជាង៤ខែសម្រាប់ការបុកគ្រឹះ ពោលគឺរាប់ចាប់តាំងពីខែមិនា ២០១៩ ដល់ខែកក្កដា ឆ្នាំ២០១៩ ហើយរហូតមកដល់ពេលនេះគម្រោងទាំងមូូលបានបញ្ចប់ជាន់ទី ៦ហើយ គឺមានន័យថា ៤០%នៃគម្រោងត្រូវបានបញ្ចប់។ នេះជាគម្រោងខន់ដូ តំបូងគេនៅទីក្រុងកែបដែលជាគម្រោង ផ្តល់ជូនអតិថិជនអ្វីៗ គ្រប់យ៉ាង FULLY COMMPLETED ដែលអតិថិជនទាំងអស់ទទួលបានគ្រប់សំភារៈ និងបរិក្ខាតុបតែងគ្រប់យ៉ាងទាំងអស់ បន្ទាប់ពីគម្រោងបានបញ្ចាប់ការសាងសង់ជាស្ថាពរ។
សម្រាប់ព៌តមានលំអិត៖ 061 800 999/095 999 045/ 070 228 686។ www.Tmormadom.com

រដ្ឋមន្រ្តីក្រសួងសាធារណៈការបង្ហើបពីគម្រោងផ្លូវក្រវ៉ាត់ក្រុងទី៤និងផ្លូវសំខាន់ៗចំនួនពីរទៀត

ដោយៈគង់ សូរិយា

ភ្នំពេញៈ ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូនលោកស៊ុន ចាន់ថុល បានបង្ហើបពីគម្រោងសាងសង់ផ្លូវក្រវ៉ាត់ក្រុងទី៤ និងហេដ្ឋារចនាសម្ព័ន្ឋធំៗចំនួនពីរទៀតនាពេលខាងមុខ។

មានប្រសាសន៍តាមរយៈប្រព័ន្ឋវីដេអូConference ជាមួយក្រុមហ៊ុនជាតិ អន្តរជាតិចំនួន៥០ ដែលស្វែងយល់ពីឳកាសវិនិយោគលើហេដ្ឋារចនាសម្ព័ន្ឋនៅកម្ពុជា នាព្រឹកថ្ងៃទី៨ មេសានេះលោកស៊ុន ចាន់ថុលបានឲ្យដឹងថា រដ្ឋាភិបាលនឹងរៀបចំលើការវិនិយោគសាងសង់ គម្រោងសាងសង់ផ្លូវក្រវាត់ក្រុងទីបួន គម្រោងសាងសង់ផ្លូវកាត់ពីខេត្តបាត់ដំបង ទៅខេត្តសៀមរាប និងគម្រោងសាងសង់ផ្លូវពី ខេត្តកំពង់ឆ្នាំងទៅខេត្តកំពង់ធំជាដើម។

កាលពីឆ្នាំមុន លោករដ្ឋលេខាធិការក្រសួងសាធារណៈការ និងដឹកជញ្ជូន លោកលឹម ស៊ីដេនីនបានអះអាងថា ផ្លូវខ្សែក្រវាត់ក្រុងទី៤ ដែលក្រសួងបានឱ្យក្រុមហ៊ុនសាជីវកម្មស្ពាន ថ្នល់ចិន សិក្សាតាំងពីឆ្នាំ២០១៨ បានសិក្សាចប់សព្វគ្រប់នៅឆ្នាំ២០២០ ដោយផ្លូវនេះមានប្រវែង១៩៥ គីឡូម៉ែត្រ ឆ្លងកាត់ខេត្តចំនួន៤ គឺខេត្តកំពង់ស្ពី តាកែវ កណ្តាល និងខេត្តព្រៃវែង។

លោកបានមានប្រសាសន៍ក្នុងសិក្ខាសាលាពិគ្រោះយោបល់ស្តីពី ការជ្រើសរើសផ្លូវក្រវាត់ក្រុងទី៤ ការគ្រប់គ្រងនិងការទប់ស្កាត់ការទន្ទ្រានដីចំណីផ្លូវ តម្រូវការហេដ្ឋានរចនាសម្ព័ន្ធនៃប្រព័ន្ធចម្រោះទឹកកខ្វក់ថា ផ្លូវក្រវ៉ាត់ក្រុងទី៤នេះ ក្នុងចំណោមខេត្តទាំង៤នេះ ដោយឆ្លតកាត់ខេត្តកំពង់ស្ពីចំនួន៣ ស្រុកខេត្តតាកែវចំនួន១ស្រុក ខេត្តកណ្តាល៨ស្រុកនិងខេត្តព្រៃវែង២ស្រុក។

លោកបន្តទៀតថា “ផ្លូវក្រវាត់ក្រុងទី៤ ជាផ្លូវមួយមានសារៈសំខាន់ ដែលនឹងចូលរួមចំណែកកាត់បន្ថយការកក់ស្ទះចរាចរណ៍ និងជួយសម្រួលដល់ការដឹកជញ្ជូនទំនិញរបស់បងប្អូនប្រជាពលរដ្ឋ ទៅកាន់ផ្លូវជាតិផ្សេងៗ និងទៅកាន់ព្រំដែនប្រទេសវៀតណាម និងប្រទេសថៃ បានកាន់តែលឿន ចំណេញពេលវេលា កាត់បន្ថយការចំណាយបានមួយកំរិតទៀត”។

ជាមួយគ្នានេះ លោកទេសរដ្ឋមន្ត្រីស៊ុន ចាន់ថុលបានគូសបញ្ជាក់អំពីការតភ្ជាប់បណ្តាញផ្លូវ ថ្នល់នៅទូទាំងប្រទេស ជាពិសេសគម្រោងផ្លូវថ្នល់ដែលបាន និងកំពុងធ្វើឱ្យប្រសើរឡើង ពីផ្លូវពីរគន្លងទៅ បួនគន្លង ការធ្វើឱ្យប្រសើរឡើងហេដ្ឋារចនាសម្ព័ន្ធផ្លូវថ្នល់ពីកៅស៊ូពីរស្រទាប់ស្តើង(DBST) ទៅជាផ្លូវ បេតុងកៅស៊ូ(AC) និងការតភ្ជាប់នៅគ្រប់ច្រកល្ហក ដើម្បីពង្រីកទំនាក់ទំនង និងវិសាលភាពសេដ្ឋកិច្ចរបស់ ប្រជាពលរដ្ឋនៅក្នុងក្របខណ្ឌទូទាំងប្រទេស ឱ្យមានជីវភាពសំបូររុងរឿង និងមានការងារធ្វើគ្រប់ៗគ្នា។

លោកបន្តថា រាជរដ្ឋាភិបាលបានបន្តខិតខំប្រឹង ប្រែងកសាងផ្លូវ និងបណ្តាញតភ្ជាប់បន្ថែមទៀត ដែលក្នុងនោះរួមមានគម្រោងជាច្រើនទៀតដូចជា គម្រោងសាងសង់ហេដ្ឋារចនាសម្ព័ន្ធផ្លូវ៣៤ខ្សែ នៅខេត្តព្រះសីហនុ គម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែនៅក្រុងសៀមរាប ខេត្តសៀមរាប គម្រោងសាងសង់ផ្លូវពីបាត់ដំបងទៅខេត្តកោះកុង ដើម្បីកាត់បន្ថយពេលវេលា នៃការដឹកជញ្ជូនពីខេត្តបៃលិន សំឡូតទៅកាន់កំពង់ផែទឹកជ្រៅខេត្តកោះកុង៕

ក្រុមហ៊ុនជាតិ អន្តរជាតិចំនួន៥០ស្វែងយល់ពីឳកាសវិនិយោគលើហេដ្ឋារចនាសម្ព័ន្ឋនៅកម្ពុជា

ដោយៈម៉ាណេត

ភ្នំពេញៈ ក្រុមហ៊ុនជាតិ អន្តរជាតិប្រមាណ៥០ក្រុមហ៊ុន បាននិងកំពុងស្វែងយល់ពីឳកាសវិនិយោគ លើហេដ្ឋារចនាសម្ព័ន្ឋនៅកម្ពុជា ដោយមានការធ្វើបទបង្ហាញដោយលោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនតាមរយៈវីដេអូខនហ្វើរិន។កម្មវិធីធ្វើបទបង្ហាញនេះ រៀបចំឡើងដើម្បីចែករំលែកព័ត៌មាន បច្ចុប្បន្នភាពទាក់ទងនឹងការអភិវឌ្ឍហេដ្ឋា រចនាសម្ព័ន្ធរបស់កម្ពុជា ក៏ដូចជា ដើម្បីជួយឱ្យវិនិយោគិនបានស្វែងយល់អំពីកាលានុវត្តភាពនៃការអភិវឌ្ឍ ហេដ្ឋារចនាសម្ព័ន្ធប្រកបដោយគុណភាពខ្ពស់នៅកម្ពុជា ដើម្បីចូលរួមចំណែកដល់ការអភិវឌ្ឍសេដ្ឋកិច្ចកម្ពុជា ឱ្យកាន់តែមានការរីកចម្រើនថែមទៀត។

ថ្លែងទៅកាន់ធុរកិច្ចជននាឱកាសនោះ លោកទេសរដ្ឋមន្ត្រីស៊ុន ចាន់ថុលបានគូសបញ្ជាក់អំពីការតភ្ជាប់បណ្តាញផ្លូវ ថ្នល់នៅទូទាំងប្រទេស ជាពិសេសគម្រោងផ្លូវថ្នល់ដែលបាន និងកំពុងធ្វើឱ្យប្រសើរឡើង ពីផ្លូវពីរគន្លងទៅ បួនគន្លង ការធ្វើឱ្យប្រសើរឡើងហេដ្ឋារចនាសម្ព័ន្ធផ្លូវថ្នល់ពីកៅស៊ូពីរស្រទាប់ស្តើង(DBST) ទៅជាផ្លូវ បេតុងកៅស៊ូ(AC) និងការតភ្ជាប់នៅគ្រប់ច្រកល្ហក ដើម្បីពង្រីកទំនាក់ទំនង និងវិសាលភាពសេដ្ឋកិច្ចរបស់ ប្រជាពលរដ្ឋនៅក្នុងក្របខណ្ឌទូទាំងប្រទេស ឱ្យមានជីវភាពសំបូររុងរឿង និងមានការងារធ្វើគ្រប់ៗគ្នា។

លោកបន្តថា “រាជរដ្ឋាភិបាលបានបន្តខិតខំប្រឹង ប្រែងកសាងផ្លូវ និងបណ្តាញតភ្ជាប់បន្ថែមទៀត ដែលក្នុងនោះរួមមានគម្រោងជាច្រើនទៀតដូចជា គម្រោងសាងសង់ហេដ្ឋារចនាសម្ព័ន្ធផ្លូវ៣៤ខ្សែ នៅខេត្តព្រះសីហនុ គម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែនៅក្រុងសៀមរាប ខេត្តសៀមរាប គម្រោងសាងសង់ផ្លូវពីបាត់ដំបងទៅខេត្តកោះកុង ដើម្បីកាត់ បន្ថយពេលវេលានៃការដឹកជញ្ជូនពីខេត្តបៃលិន សំឡូតទៅកាន់កំពង់ផែទឹកជ្រៅ គម្រោងសាងសង់ផ្លូវក្រវាត់ក្រុងទីបួន គម្រោងសាងសង់ផ្លូវកាត់ពីខេត្តបាត់ដំបងទៅខេត្តសៀមរាប និងគម្រោងសាងសង់ផ្លូវពី ខេត្តកំពង់ឆ្នាំងទៅខេត្តកំពង់ធំជាដើម។លោកស៊ុន ចាន់ថុល ក៏បានជម្រាបជូនថ្នាក់ដឹកនាំក្រុមហ៊ុននានា អំពីគម្រោងអភិវឌ្ឍន៍មជ្ឈមណ្ឌលភស្តុភាកម្មភ្នំពេញ (PPLC) ដែលគ្រោងនឹងចុះហត្ថលេខាលើកិច្ចព្រមព្រៀងសម្បទាន រវាងក្រុមហ៊ុនYCHរបស់ប្រទេសសឹង្ហបុរី និងក្រសួងសាធារណការ និងដឹកជញ្ជូន ដោយអនុលោមតាមផែនការមេភស្តុភារកម្មជាតិ អត្រាគ្រោះថ្នាក់ចរាចរណ៍ដែលបានធ្វើឱ្យប៉ះពាល់ ដល់ជីវភាពរស់នៅរបស់ប្រជាពលរដ្ឋ និងការប្រើប្រាស់ប្រព័ន្ធ ព័ត៌មានវិទ្យា ដើម្បីគ្រប់គ្រងការផ្តល់សេវាសាធារណៈ ប្រកបដោយប្រសិទ្ធភាព កាត់បន្ថយចំណាយក្រៅផ្លូវការ ចំណេញពេលវេលា និងកម្មវិធី(App)មួយថ្មីទៀតដែលអាចចាប់យករូបភាពយានយន្តបើកបរ ល្មើសច្បាប់ ហើយស្កេនលើបណ្ណបើកបរដើម្បីកាត់បន្ថយពិន្ទុទៅតាមស្ថាននៃបទល្មើស។

ជាមួយគ្នានេះ លោកទេសរដ្ឋមន្រ្តី ក៏បានសំណូមពរឱ្យក្រុមហ៊ុន រោងចក្រ សហគ្រាស ក្នុងវិស័យធុរកិច្ចឯកជនរៀបចំកម្មវិធីអប់រំកម្មករ និយោជិករបស់ខ្លួនឱ្យយល់ដឹងអំពីសុវត្ថិភាពចរាចរណ៍ ផ្លូវគោក ដើម្បីចូលរួមចំណែកជាមួយរាជរដ្ឋាភិបាល ក្នុងការកាត់បន្ថយគ្រោះថ្នាក់ចរាចរណ៍ ដែលកំពុងបង្កផលប៉ះពាល់យ៉ាងធ្ងន់ធ្ងរ ដល់សេដ្ឋកិច្ចជាតិជារៀងរាល់ឆ្នាំ៕

រោងចក្រកាត់មួយសម្រេចឲ្យផ្អាកបណ្តោះអាសន្នរយៈពេលពីរសប្តាហ៍ដើម្បីធ្វើតេស្តរកកូវីដ១៩

ដោយ: គង់ ម៉ាលីនណា

ភ្នំពេញ: រោងចក្រកាត់ដេរមួយក្នុងខ័ណ្ឌមានជ័យ បានសម្រេចផ្អាកជាបណ្តោះអាសន្នរយៈពេលពីរសប្តាហ៍ ក្រោយរកឃើញកម្មករ និយោជិតក្នុងរោងចក្រនេះមានឆ្លងជំងឺកូវីដ១៩ជិត៥០នាក់។

អភិបាលរងខណ្ឌមានជ័យ លោក ឌី រ័ត្នខេមរុនបានមានប្រសាសន៍ឲ្យដឹងនៅ ព្រឹកថ្ងៃទី៨ ខែមេសា ឆ្នាំ២០២១នេះ ថា រោងចក្រកាត់ដេរឌីន ហាន ដែលមានទីតាំងស្ថិតនៅផ្លូវឌួងងៀប២ ភូមិថ្មី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ គិតមកទល់ពេលនេះ ក្រុមគ្រូពេទ្យកំពុងបន្តយកសំណាកបងប្អូនកម្មករ រួមទាំងបុគ្គលិក។លោកបន្តថា “ការផ្អាកបណ្តោះអាសន្ន១៤ថ្ងៃនេះ ដើម្បីឲ្យបងប្អូនកម្មករដែលយកសំណាកនេះ គឺគ្រប់ចំនួនហើយឲ្យគាត់ធ្វើចត្តាឡីស័ក នៅឯបន្ទប់ផ្ទះជួល ឬផ្ទះរបស់គាត់នៅតាមអាស័យដ្ឋានបច្ចុប្បន្ន”។ លោកបន្តថា “កម្មករ និយោជិតទាំងអស់ តម្រូវឲ្យធ្វើចត្តាឡីស័ករយៈពេល១៤ថ្ងៃ រង់ចាំលទ្ធផលដែលក្រុមគ្រូពេទ្យបានបង្ហាញថា តើកម្មកររូបណាដែលមានវិជ្ជមាន នោះគ្រូពេទ្យនឹងយកទៅព្យាបាល”។

ពាក់ព័ន្ធបញ្ហានេះ កាលពីយប់ថ្ងៃម្សិលមិញ លោកឃួង ស្រេង អភិបាលរាជធានីភ្នំពេញ បានអំពាវនាវដល់កម្មករ និយោជិត ទាំងអស់ដែលបម្រើការនៅរោងចក្រ ឌីន ហាន ត្រូវមកយកសំណាកដើម្បីពិនិត្យជាបន្ទាន់។ បើមិនដូច្នេះទេ មិនអនុញ្ញាតឲ្យចូលធ្វើការឡើយ។

ជាមួយគ្នានេះ លោកក៏បានអំពាវនាវដល់បងប្អូនសាច់ញាតិ ឬមិត្តភ័ក្ររបស់កម្មករនិយោជិតទាំងនោះ ត្រូវជួយណែនាំឲ្យធ្វើចត្តាឡីស័ក (នៅដាច់ដោយឡែក) រយៈពេល ១៤ថ្ងៃ តាមចំនួនកំណត់ ហើយបើធ្វើមិនបានត្រឹមត្រូវទេ នឹងទទួលទោសពិន័យតាមច្បាប់ជាក់ជាមិនខាន៕

គម្រោងអភិវឌ្ឍន៍ដីសម្រាប់សាងសង់ផ្ទះលំហែរកាយកំពុងទទួលបានការចាប់អារម្មណ៍របស់អ្នករកស៊ីដីធ្លី

អត្ថបទៈរតនៈ

ភ្នំពេញៈ ខណៈដែលគម្រោងអភិវឌ្ឍន៍បុរី ផ្ទះល្វែង និងដីឡូត៍ក្នុងតំបន់ទីក្រុងកំពុងមានសន្ទុះនោះ គម្រោងដីលំហែជាប់ជើងភ្នំ ទន្លេរតាមខេត្តនានាក៏ជាចំណាប់អារម្មណ៍របស់អ្នករកស៊ីផ្នែកអចលនទ្រព្យនេះផងដែរ។

លោកសាក់ ស៊ុត សាខន ប្រធានផ្នែកលក់នៃក្រុមហ៊ុន GDAC Real estate ដែលមានមូលដ្ឋាននៅក្នុងខេត្តពោធិ៍សាត់ បានប្រាប់Propertyareaនាព្រឹកថ្ងៃទី៨ មេសានេះថា ក្រុមកាងាររបស់លោក សុទ្ធតែអ្នកស្រលាញ់ទេសភាពបែបធម្មជាតិ ទើបសម្រេចទិញដីនៅតាមតំំបន់ភ្នំដើម្បីបង្កើតជាគម្រោងផ្ទះលំហែឬ ដីបែបចំការលក់ជូនដល់អតិថិជន។ លោកបន្តថា ចាប់ពីផ្ដើមដំណើរក្រុមហ៊ុនមកលោក បើកគម្រោងបាន៨គម្រោងហើយដែលសុទ្ធតែជាគម្រោងដីជាប់ជើងភ្នំនិង មានទេសភាពស្អាត។លោកបញ្ជាក់ថា “រាល់ដីដែលលោកទិញមករៀបចំ ជាគម្រោងទាំងអស់គឹត្រូវតែមានបណ្ណកម្មសិទ្ធិត្រឹមត្រូវ ដើម្បីសម្រូលដល់អតិថិជន ព្រោះថាក្រុមហ៊ុនលោកគិតដល់ផលវិបាករបស់អតិថិជន នៅពេលដែលមិនមានបណ្ណកម្មសិទ្ធិដីធ្លី”។លោកឲ្យដឹងថា “ការវិនិយោគលើដីបែបជាប់ជើងភ្នំនេះ គឺភាគច្រើនអតិថិជនអាយុចាប់ពី៤០ដល់ ៦០ឆ្នាំ ហើយតម្លៃវិញគឹសមរម្យសម្រាប់កម្មករ មន្ត្រីរាជការដែលមានចំណូលចាប់ពី ២០០ទៅ៥០០ដុល្លាសហរដ្ឋអាមេរិក”។យ៉ាងនេះក្តីលោកឃាង ពុទ្ធី ប្រធានក្រុមប្រឹក្សាភិបាល សមាគមអ្នកជំនាញអចលនទ្រព្យកម្ពុជាលើកឡើង ថា គម្រោងដីជាប់ជើងភ្នំ ជាប់សមុទ្រ ឬជាគម្រោងបែបផ្ទះលំហែរក្តីគីម្ចាស់គម្រោង ត្រូវគិតដល់ប្រព័ន្ធហេដ្ឋារចនាស័ម្ពន្ធ ប្រព័ន្ធលូបង្ហូទឹកស្អុយ ប្រព័ន្ធប ន្សុតជាដើម ព្រោះប្រសិនបើមិនមានប្រព័ន្ធទាំងនេះច្បាស់លាស់ទេ គឺអតិថិជននឹងពិបាកនៅថ្ងៃក្រោយហើយពិបាកមួយទៀត គឹរាជរដ្ឋាភិបាលដែលត្រូវដោះស្រាយជូនប្រជាពលរដ្ឋបន្តពីម្ចាស់គម្រោង”។

ខណៈដែលតាមប្រព័ន្ធផ្សព្វផ្សាយជាច្រើន បានផ្សព្វផ្សាយពីការអភិវឌ្ឍបែបទីក្រុង ការផ្សព្វផ្សាយការលក់ដីបែបចំការ បែបផ្ទះលំហែរក៏ត្រូវបានផ្សព្វផ្សាយជាបន្តបន្ទាប់ផងដែរដើម្បីទាក់ទាញអតិថិជនដែលមានតម្រូវការ៕

ក្រុមហ៊ុនម៉ាឡេស៊ីគ្រោងបោះទុនជាង២៤១លានដុល្លារអភិវឌ្ឍន៍គម្រោងអចលនទ្រព្យចំនួន៣

ដោយៈ ប៊ី

ម៉ាឡេស៊ីៈ ក្រុមហ៊ុនអភិវឌ្ឍន៍អចលនទ្រព្យ Trinity Group Sdn Bhd ត្រៀមវិនិយោគលើគម្រោងអចលនទ្រព្យចំនួន៣ ដែលមានតម្លៃ១ពាន់លានរីងហ្គីត (ស្មើនឹងនឹងជាង២៤១លានដុល្លារ) នៅតំបន់ Klang Valley នៅក្នុង ឆ្នាំនេះ។ នេះបើយោងតាមការចេញផ្សាយរបស់សារព័ត៌មាន The Star នៅថ្ងៃទី៨ ខែមេសា ឆ្នាំ២០២១។ក្រុមហ៊ុនបានឱ្យដឹងថា គម្រោងទាំងនេះរួមមាន គម្រោង Trinity Wellness នៅតំបន់ Ampang North ដែលគ្រោងនឹងដាក់ឱ្យដំណើរសាងសង់ការនៅខែកក្កដា ឆ្នាំ២០២១ គម្រោងTrinity Enlivea ដែលមានទីតាំងនេះដូចគ្នា និងគម្រោងអភិវឌ្ឍន៍ចម្រុះនៅតំបន់ Bandar Kinrara ដែលគ្រោងនឹងចាប់ផ្តើមសាងសង់នៅឆ្នាំក្រោយ។ក្រុមហ៊ុនបានឱ្យដឹងនៅក្នុងសេចក្តីថ្លែង ការណ៍មួយនៅថ្ងៃនេះថា “រួមបញ្ចូលគ្នា គម្រោងទាំងបីនេះ ត្រូវបើប្រាស់ទុនវិនិយោគប្រមាណ១ពាន់លានរីងហ្គីដ”។

ក្រុមហ៊ុនបានឱ្យដឹងថា ក្រុមហ៊ុនក៏កំពុងសម្លឹងមើលការពង្រីក ការវិនិយោគរបស់ខ្លួននៅតំបន់ Klang Valley ដើម្បីធ្វើឱ្យមូលដ្ឋានវិនិយោគរបស់កាន់តែរឹងមាំ។

ស្ថាបនិក និងជានាយកគ្រប់គ្រងលោក Neoh Soo Keat បាននិយាយថា ក្រុមហ៊ុន Trinity មានសុទិដ្ឋិនិយមខណៈទិន្នន័យឧស្សាហកម្ម បានបង្ហាញពីអត្ថប្រយោជន៍ប្រកបដោយចីរភាពនៅទីផ្សារជា ពិសេសពីអ្នកទិញអចលនទ្រព្យវ័យក្មេង និងលើកដំបូងនៅម៉ាឡេស៊ី។លោកថ្លែងថា “យើងមើលឃើញថា នេះគឺជាឱកាសដ៏ល្អមួយ ដើម្បីបំពេញគម្លាត និងតម្រូវការ សម្រាប់លំនៅដ្ឋាន ដែលមានរបៀបរស់នៅសមរម្យ ដោយការឆ្ពោះទៅមុខជាមួយនឹងគម្រោងមួយចំនួន នៅក្នុងទីតាំងយុទ្ធសាស្ត្រ ដើម្បីឆ្លើយតបទៅនឹងតម្រូវការទីផ្សារ”។

លោកបានមានប្រសាសន៍ថា “ការគណនាបង្ហាញថា មាន៨០ភាគរយនៃគម្រោងរបស់យើងក្នុងរយៈពេលមួយឆ្នាំក្រោយ មានតម្លៃក្រោម៦៥០,០០០រីងហ្គីដក្នុងមួយយូនីត ហើយយើងផ្តោតសំខាន់ ក្នុងការផ្តល់នូវលក្ខណៈសម្បត្តិសមរម្យ ជំរុញតម្លៃលំនៅ ដ្ឋាន”។

លោកបាននិយាយថា អ្នកទិញគោលដៅជាអ្នកមានអាយុក្រោម៣៥ឆ្នាំ និងជាម្ចាស់ផ្ទះលើកដំបូង៕

ក្រុមហ៊ុនធំមួយរបស់អាមេរិកនឹងពង្រីកការវិនិយោគបន្ថែមនៅកម្ពុជា

ដោយៈ ប៊ី

ភ្នំពេញៈ ក្រុមហ៊ុន Papa John’s International, Inc បន្តពង្រីកវត្តមានជាសាកលរបស់ខ្លួន ដោយគ្រោងនឹងពង្រីកសាខាភោជនីយដ្ឋានថ្មីចំនួន១៥ នៅក្នុងប្រទេសកម្ពុជាក្នុងរយៈពេលបីឆ្នាំខាងមុខ បន្ទាប់ពីបានបើកហាងធំមួយនៅភ្នំពេញកាលចុងខែមីនា។ នេះបើយោងតាមការសេចក្តីប្រកាសព័ត៌មាន របស់ក្រុមហ៊ុន នៅថ្ងៃទី៧ ខែមេសា ឆ្នាំ២០២១។លោក Peter Xu អ្នកទទួលបាន Franchise ពី Papa John បាននិយាយថា យើងពិតជារំភើបណាស់ក្នុងការនាំយកប្រ៊ែនលំដាប់ពិភពលោក Papa John មកកាន់ប្រទេសកម្ពុជា។ យើងនឹងផ្តល់ជូនអ្នកចូលចិត្តភីហ្សាក្នុងស្រុក ជាមួយនឹងផលិតផលដែលមានគុណភាព និងសេវាកម្មដ៏ល្អ។

លោក Peter Xu ជាអ្នកជំនួញទទួលបាន Franchise ជោគជ័យរពីក្រុមហ៊ុន Papa John ជាមួយភោជនីយដ្ឋាននៅទីក្រុងញូវយ៉កមុនពេលក្លាយជាអ្នកជំនួញអន្តរជាតិ។ លោកមានបណ្តាក់ទុនរកស៊ីផ្សេងទៀតនៅក្នុងប្រទេសកម្ពុជា ហើយចង់នាំយកបទពិសោធន៍ដ៏អស្ចារ្យរបស់លោកមកប្រទេសកម្ពុជា។លោក Jack Swaysland ប្រធាននាយកប្រតិបត្តិក្រុមហ៊ុន Papa John បានថ្លែងថា “នេះគឺជាពេលវេលាដ៏រំភើបមួយសំរាប់ Papa John។ យើងរំភើបណាស់ក្នុងការផ្តល់ភីហ្សា និងម្ហូបឆ្ងាញ់ដល់អតិថិជនថ្មីនៅក្នុងប្រទេសកម្ពុជា”។

លោកបានបន្តថា “បន្ទាប់ពីឆ្នាំនៃការលក់និងកំណើនគួរឱ្យកត់សំគាល់ Papa John មានជំហរល្អប្រសើរជាងពេលណាទាំងអស់ ដើម្បីពន្លឿនការអភិវឌ្ឍន៍អន្តរជាតិ ដែលជាសសរស្តម្ភដ៏សំខាន់សម្រាប់កំណើនរយៈពេលវែងរបស់យីហោ។ នេះគឺជាភាពជាដៃគូថ្មីដ៏សំខាន់មួយនៅអាស៊ី ហើយយើងទន្ទឹងរងចាំ ដើម្បីបន្តបង្កើនគ្រួសាររបស់ Papa John នៅទូទាំងពិភពលោក។បច្ចុប្បន្ន Papa John មានវត្តមាននៅប្រទេសចំនួន៤៨ ជុំវិញពិភពលោក។ ក្នុងរយៈពេលប៉ុន្មានឆ្នាំចុងក្រោយនេះក្រុមហ៊ុនបានឈានជើងចូលប្រទេសថ្មីចំនួន១២ រួមមានបារាំង អេស្បាញ ទុយនីស៊ី អ៊ីរ៉ាក់ ហូល្លង់ ម៉ារ៉ុកកាហ្សាក់ស្ថាន កៀហ្ស៊ីស៊ីស្ថាន ប៉ូឡូញ បាហាម៉ាស ប៉ាគីស្ថាន និងព័រទុយហ្កាល់៕

1...2,0342,0352,036...3,312 Page 2,035 of 3,312