ខណ្ឌមានជ័យបាននិងកំពុងចាប់ផ្តើមលេចធ្លោលើវិស័យអចលនទ្រព្យ

ដោយ រ៉ាណេត

ភ្នំពេញ៖ ខណ្ឌមានជ័យដែលស្ថិតនៅភាគខាងត្បូង នៃទីក្រុងភ្នំពេញនាពេលបច្ចុ ប្បននេះ បាននឹងកំពុងសក្តានុពល និងរីកចំរើនខ្លាំង លើវិស័យសំណង់ និងអចលនទ្រព្យដូចជាវិស័យដីធ្លី គម្រោងខុនដូ គម្រោងផ្សារទំនើប និងលំនៅឋានជាដើម។

លោកស្រី ចេវ សុឃុន នាយិកាក្រុមហ៊ុន CAT Appraisal បានឱ្យដឹតាមទូរស័ព្ទនារសៀលថ្ងៃទី១៧ កុម្ភៈកន្លងមកងថា ខណ្ឌមណ្ឌជ័យ គឺជាខណ្ឌមួយដែលកំពុងមានសក្តានុពលលើវិស័យអចលនទ្រព្យខ្លាំង ដោយសារមានគម្រោងវិនិយោគធំៗជាច្រើនបាននិងកំពុងមានវត្តមាននៅទីនោះ ហើយធ្វើឱ្យតំបន់នោះ កាន់តែទាក់ទាញគម្រោងវិយោគផ្សេងៗទៀត ។

លោកស្រីថ្លែងថា “តំបន់ដែលមានសក្តានុពលខ្លាំងនាពេលបច្ចុប្បន្ននេះ យើងឃើញនៅតំបន់ភាគខាងត្បូងមានសន្ទុះខ្លាំង ជាពិសេសនៅងខណ្ឌមានជ័យស្ថិតនៅតំបន់គម្រោងផ្សារទំនើបអេអន៣ (តំបន់ ៦០ ម៉ែត្រ)គម្រោងប៉េងហួត និងគម្រោងរបស់ជីបម៉ុងជាដើម ដែលអ្នកអភិវឌ្ឍន៍មួយចំនួនកំពុងអនុវត្តគម្រោងធំៗរបស់ខ្លួន” ។

លោកស្រីចេវ សុឃុន បានបន្ថែមថា នៅតំបន់នេះ មានគម្រោងអភិវឌ្ឍន៍ធំៗជាច្រើន ដែលបានឹងកំពុងដុះឡើង និងកំពុងអភិវឌ្ឍន៍ដែលនឹងជួយ ឱ្យវិស័យអចលនទ្រព្យកាន់តែមានសន្ទុះរីកចំរើនកាន់តែខ្លាំង តែយ៉ាងណានៅតំបន់ផ្សេងៗ ទៀតក៏មានការរីកចំរើនផងដែរ។

ជាមួយគ្នានេះ លោកស្រីតាំង ហ៊ួរ នាយិការក្រុមហ៊ុនអចលនទ្រព្យ Amatak Property Service ឱ្យដឹងដែរថា តំបន់ភាគខាងត្បូងនៃរាជធានីភ្នំពេញបាន និងកំពុងរីកចំរើនខ្លាំងលើវិស័យអចលនទ្រព្យច្រើន ជាងបណ្តាជាយក្រុងនានា ជាពិសេសតំបន់ផ្លូវ៦០ម៉ែត្រ ឬមហាវិថីសម្តេចតេជោហ៊ុនសែន ដោយសារមានគម្រោងធំៗជាច្រើនទៅកាន់ទីនោះ។

លោកស្រីបន្តថា “តំបន់ផ្លូវ៦០ម៉ែត្រ ហាក់មានសកម្មភាពរស់រវើកខ្លាំងជាង ដោយសារតែតំបន់នេះ មានគម្រោងធំៗជាច្រើន កំពុងរីកដុះដាល់នៅតំបន់នេះ ជាពិសេសមានគម្រោងផ្សារទំនើប AEON Mall 3 ដោយពេលខ្លះ អ្នកវិយោគស្វែងរកទិញនៅតំបន់នេះមិនបាន ព្រោះវាមានតម្លៃខ្ពស់” ។

រីឯលោក គាម សៀកឡុង អគ្គនាយកក្រុមហ៊ុន Century 21 Dream Property បានឱ្យដឹងដែរថា ស្ទើតែគ្រប់តំបន់នៃរាជធានីភ្នំពេញ គឺមានការរីកចំរើនវិស័យអចលនទ្រព្យទាំងអស់ ប៉ុន្តែ សម្រាប់ខណ្ឌមានជ័យ ស្ថិតនៅភាគខាងត្បូងនៃទីក្រុងភ្នំពេញ គឺមានការរីកចំរើនខ្លាំង។

លោកបន្តថា “ការរីកចំរើនលើវិស័យអចលនទ្រព្យនេះ ដោយសាររដ្ឋាភិបាលគាត់ដាក់ចេញនូវគោលនយោបាយ ពង្រីកក្រុង និង ផែនការអភិវឌ្ឍន៍ទីក្រុងភ្នំពេញ ដូចប្រសាសាន៍របស់សម្តេចតេជោ ហ៊ុន សែន ធ្លាប់បានលើកឡើង គឺថា តំបន់ភាគខាងត្បូង ភាគខាងលិខ និងខាង នឹងត្រូវពង្រីកបន្ថែម ប៉ុន្តែ ភាគខាងកើតរងចាំសិន” ៕

ទំហំទីផ្សារលក់រាយនៅឆ្នាំនេះកើនឡើងដល់ ១៨៦ពាន់ម៉ែត្រការ៉េ ដែលធ្វើឲ្យការផ្គត់ផ្គង់ជួបវិបត្តិ

ដោយស៊ីវ ម៉េង

ភ្នំពេញៈ ការសិក្សាថ្មីមួយបានរកឃើញថា ទំហំផ្សារទំនើបឬទីតាំងលក់រាយនៅតាមបណ្តាផ្សារទាំងនោះ កំពុងមានកំនើនខ្លាំង ធៀបនឹងឆ្នាំ២០២០កន្លងមក ដោយទំហំផ្សារនឹងកើនឡើងដល់ ១៨៦ពាន់ម៉ែត្រការ៉េ គិតត្រឹមដំណាច់ឆ្នាំនេះ។

នាយិកាប្រចាំប្រទេសនៃក្រុមហ៊ុន CBRE Cambodia អ្នកស្រី អាន សុធីតា បានមានប្រសាសន៍ឲ្យដឹងកាលពីថ្ងៃម្សិលម៉ិនេះថា ការកើនឡើងនូវទីផ្សារលក់រាយ ឬទីផ្សារជួលនៅតាមផ្សារទំនើបនានានឹងមានកំនើនខ្ពស់ ដែលធ្វើឲ្យផ្សារមួយចំនួនអាចនឹងពន្យាពេលបើកដំណើរការនៅឆ្នាំ២០២១ខាងមុខនេះ ដោយអាចនឹងពន្យាពេលបើកដំណើរការរហូតដល់ឆ្នាំ២០២២ ឬ២០២៣ខាងមុខនេះ។

អ្នកស្រីបន្តថា “ការកើនឡើងនូវទំហំទីផ្សារលក់រាយ ជាកំនើនមួយដែលឆ្លុះបញ្ចាំងពីការផ្គត់ផ្គង់លើសតម្រូវការ ដោយសារអំណាចនៃការទិញរបស់ប្រជាពលរដ្ឋ មិនទាន់សមស្របនៅឡើយ” ។ អ្នកស្រីបន្តថា “ផ្សារទំនើបខ្លះបានសាងសង់នៅទីតាំងមួយ ដែលមិនមានភាពអំណោយផល លើហេដ្ឋារចនាសម្ព័ន្ឋមូលដ្ឋាន និងលក្ខខ័ណ្ឌជីវភាពរបស់ប្រជាពលរដ្ឋ ដែលនេះជាបញ្ហាប្រឈមធំមួយ” ។

អ្នកស្រី អាន សុធីតា បានបន្តថា ទីតាំងខ្លះមានផ្សារបីជាប់គ្នា ប៉ុន្តែហេដ្ឋារចនាសម្ព័ន្ឋមិនអំណោយផល ជាហេតុធ្វើឲ្យផ្សារមិនអាចទាក់ទាញអតិថិជនបាន ជាមួយនឹងលទ្ឋភាពប្រជាពលរដ្ឋខ្មែរនៅមានកម្រិត ប៉ុន្តែអ្នកវិនិយោគ ដោយសារមើលឃើញផលចំណេញខ្ពស់ពីផ្នែកនេះ ពួកគេបានវិនិយោគទាំងខ្លួនឯង មិនមានជំនាញលើផ្នែកនេះឲ្យបានត្រឹមត្រីវនិងច្បាស់លាស់។

អ្នកស្រីបន្ថែមថា “ហេតុនេះ ខ្ញុំគិតថាផ្សារមួយចំនួននឹងមានអត្រាជួលទាប នៅពេលខាងមុខ ដោយសារទំហំនៃការផ្គត់ផ្គង់ចាប់ផ្តើមលើសតម្រូវការ និងកំលាំងនៃការទិញរបស់ប្រជាពលរដ្ឋនៅមានកម្រិត” ។ អ្នកស្រីបន្ថែមថា “ខ្ញុំគិតថាផ្សារមួយចំនូន នឹងពន្យាពេលបើកដំណើរការនៅឆ្នាំនេះ ដោយសារសម្ពាធនៃការប្រកួតប្រជែងកើនឡើងខ្ពស់” ៕

រដ្ឋមន្ត្រីសេដ្ឋកិច្ចអះអាងថា វ៉ាក់សាំងកូវីដ១៩ នឹងបង្កើនលទ្ធភាពក្នុងការអភិវឌ្ឍសេដ្ឋកិច្ចកម្ពុជាឡើងវិញ

ដោយៈ លក្ខិណា

ភ្នំពេញៈ សេដ្ឋកិច្ចកម្ពុជាក្នុងឆ្នាំ២០២០បានធ្លាក់ចុះជាអវិជ្ជមាន មិនធ្លាប់ក្នុងប្រវតិ្តសាស្ត្រជា២ទសវត្សរ៍កន្លងមក ហើយវិស័យជាច្រើន ដែលគាំទ្រដល់កំណើនសេដ្ឋកិច្ច ក៏បានរងគ្រោះផងដែរ ដោយសារតែវិបត្តិកូវីដ១៩ ។

ប៉ុន្តែចូលដើមឆ្នាំ ២០២១ ជាពិសេសនៅដើមខែកុម្ភៈ២០២១ កម្ពុជាទទួលបានវ៉ាក់សាំងដំបូង ពីប្រទេសចិនបាននិងកំពុងចាក់ជូន ដល់ពលរដ្ឋកម្ពុជាបន្តបន្ទាប់ផងដែរ។

ថ្លែងនៅក្នុងពិធីបិទសន្និបាតបូកសរុប ការងារក្រសួងសាធារណការ និងដឹកជញ្ជូននៅរសៀលថ្ងៃទី១៧ កុម្ភៈ២០២០នេះ លោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុបានឱ្យដឹងថា រយៈប៉ុន្មានឆ្នាំកន្លងទៅនេះ កំណើនសេដ្ឋកិច្ចជាតិកម្ពុជា សម្រេចបានជាមធ្យមប្រមាណ៧ភាគរយក្នុងមួយឆ្នាំ ប៉ុន្តែដោយសារតែផលប៉ះពាល់នៃកូវីដ១៩ នៅឆ្នាំ២០២០ ប្រទេសកម្ពុជាត្រូវបានព្យាករណ៍ថា នឹងធ្វើឱ្យធ្លាក់ចុះសេដ្ឋកិច្ចរហូតដល់ ៤ភាគរយ។

លោកបានថ្លែងបន្តទៀតថា សម្រាប់ឆ្នាំ២០២១នេះ សេដ្ឋកិច្ចកម្ពុជាត្រូវបានព្យាករណ៍ថានឹងងើបឡើងវិញ ក្នុងរង្វង់៤ភាគរយ ស្របគ្នាជាមួយនឹងក្ដីរំពឹងនៃការមកដល់ដំបូង នៃវ៉ាក់កូវីដ១៩ នៅខែកុម្ភៈនេះ និងដំណាក់កាលបន្តបន្ទាប់ និងកាន់តែបង្កើនលទ្ធភាព ក្នុងការអភិវឌ្ឍសេដ្ឋកិច្ច សង្គម រក្សាលំនឹងជីវភាពរស់នៅ របស់បងប្អូនប្រជាជន និងកាត់បន្ថយហានិភ័យទាំងឡាយ ដែលបណ្ដាលមកពីជំងឺដ៏កាចសាហាវនេះ។

លោកបន្តថា “នៅក្នុងបរិបទនៃសម័យកូវីដ១៩នេះ គម្រោងសាងសង់ហេដ្ឋារចនាសម្ព័ន្ធទាំងអស់ របស់កម្ពុជា មិនមានការផ្អាក ឬពន្យារពេលឡើង ប៉ុន្តែថែមពីលើនេះ រាជរដ្ឋាភិបាលកម្ពុជា បានសម្រេចអនុញ្ញាតឱ្យប្រើប្រាស់ កញ្ចប់ថវិកាសន្សំរបស់ជាតិ កសាងហេដ្ឋារចនាសម្ព័ន្ធរូបវន្តសំខាន់ រួមមាន ដូចជាគម្រោងផ្លូវ ៣៤ខ្សែ ក្នុងខេត្តព្រះសីហនុ និងផ្លូវ៣៨ខ្សែក្នុងក្រុងសៀមរាប” ។

លោក អូន ព័ន្ឋមុនីរ័ត្ន បានថ្លែងទៀតថា រដ្ឋាភិបាលបានដាក់ចេញនូវគម្រោងកសាងហេដ្ឋារចនាសម្ព័ន្ធរូបវន្ត ជាច្រើនទៀត ដូចជាស្ពាន ផ្លូវល្បឿនលឿន ផ្លូវដែក ផ្លូវអាកាស ផ្លូវទឹក កំពង់ផែ និងប្រព័ន្ធគ្រប់គ្រងមធ្យបាយដឹកជញ្ជូន និងភស្តុភារកម្មដែលជាវិស័យដ៏សំខាន់ និងជាសរសៃឈាមជំរុញលំហូរពាណិជ្ជកម្ម និងជំរុញ កំណើនសេដ្ឋកិច្ច កាត់បន្ថយភាពក្រីក្រ និងការលើកកម្ពស់ជីវភាពរបស់ពលរដ្ឋកម្ពុជាផងដែរ។

លោកបន្ថែមថា ការអភិវឌ្ឍរីកចម្រើនឧស្សាហកម្ម៤.០ ការប្រើប្រាស់ឌីជីថលក្នុងសេដ្ឋកិច្ច និងការធ្វើសមាហរណកម្មសេដ្ឋកិច្ចកម្ពុជា ចូលក្នុងសេដ្ឋកិច្ចអាស៊ាន។ កម្ពុជាត្រូវគិតគូរឱ្យបានច្បាស់ ដើម្បីប្រែក្លាយវិបត្តិកូវីដ១៩ ឱ្យទៅជាឱកាស ឬកាលានុវត្តភាពទៅតាមតម្រូវការ ក្នុងការអភិវឌ្ឍហេដ្ឋារចនាសម្ព័ន្ធដឹកជញ្ជូន ការតភ្ជាប់ប្រព័ន្ធដឹកជញ្ជូនអន្តរមធ្យោបាយនិងភស្តុភារកម្ម ទាំងក្នុងទិដ្ឋភាព គុណភាព ទំហំ និងតំបន់ ដែលគ្របបណ្ដប់ ដើម្បីធានាឱ្យបានប្រព័ន្ធដឹកជញ្ជូនភស្ដុភារកម្មមួយ ដែលមានប្រសិទ្ធខ្ពស់។

គិតមកដល់ថ្ងៃទី១៦ ខែកុម្ភៈ ២០២១ ពលរដ្ឋកម្ពុជាដែលបានចាក់វ៉ាក់សាំងកូវីដ១៩ លើកទី១មានចំនួន២៦១១នាក់ និងមានការចាក់ជាបន្តបន្ទាប់ទៀត ខណៈវ៉ាក់សាំងជំនួយពីប្រទេសចិនមកដល់កម្ពុជាចំនួន៦០ម៉ឺនដូស៕

ការសិក្សា៖ ចំនួនជនជាតិខ្មែរទិញខុនដូមានកំណើនគួរឱ្យកត់សម្គាល់កំឡុងវិបត្តិ

ដោយៈ លក្ខិណា

ភ្នំពេញៈ យោងតាមរបាយការណ៍របស់ក្រុមហ៊ុនអចលនទ្រព្យ CBRE Cambodia បានបង្ហាញ នៅក្នុងឆ្នាំ២០២០កន្លងទៅ និន្នាការជនបរទេសទិញខុនដូ នៅកម្ពុជាមានការធ្លាក់ចុះគួរឱ្យកត់សម្គាល់ តែជំនួសមកវិញដោយជនជាតិខ្មែរ និងមានកំណើនមិនគួរ ឱ្យជឿ។

កញ្ញាគឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឱ្យដឹងនៅព្រឹកថ្ងៃទី១៧ កុម្ភៈកន្លងមកថា បើនិយាយវិស័យអចលនទ្រព្យ ជាពិសេសទៅលើផ្នែកលំនៅដ្ឋាន ឃើញថាក្នុងឆ្នាំ២០២០កន្លងទៅ ជនបរទេស ដែលទិញខុនដូនៅក្នុងប្រទេសកម្ពុជាមានថយចុះ តែយើងមិនបានសរុបតួលេខថា ជនបរទេសប៉ុន្មានជាអ្នកទិញខុនដូ ហើយប៉ុន្មានភាគរយទៀតជាជនជាតិខ្មែរនោះទេ។

កញ្ញាបានថ្លែងទៀតថា “កាលពីមុនក្នុងគម្រោងអភិវឌ្ឍន៍ខុនដូមួយៗ មានជនបរទេស ទិញគម្រោងរហូតដល់ ៧០ភាគរយឯណោះ តែចូលមកដល់ឆ្នាំ២០២០ បរិបទនេះត្រូវបានផ្លាស់ប្តូរ ដោយជនជាតិខ្មែរជាច្រើនបានទិញខុនដូ នៅក្នុងប្រទេសកម្ពុជាទៅវិញ” ។កញ្ញាបានបន្តថា “ទន្ទឹមនឹងការធ្លាក់ចុះនៃជនបរទេសទិញខុនដូ នៅក្នុងប្រទេសកម្ពុជានេះដែរ សម្រាប់សេវាកម្មជួលខុនដូ និងអាផាតមិន ក៏មានការធ្លាក់ចុះដែរ ព្រោះថាអ្វីៗគឺពឹងលើបរទេស” ។

ផ្នែកទាំងនេះ ភាគច្រើនផ្គត់ផ្គង់សម្រាប់ជនបរទេស ហើយបើសិនជាជនបរទេសចូលមកកម្ពុជា មានការធ្លាក់ចុះហើយនោះ ផ្នែកទាំងនោះ ក៏មានការធ្លាក់ចុះដែរ។

កញ្ញាគឹម កិនកេសា បានបន្ថែមថា សម្រាប់ឆ្នាំ ២០២១នេះវិស័យខុនដូនៅកម្ពុជា គឺនៅតែពឹងលើជនបរទេស។ បើសិនជាឆ្នាំ ២០២១នេះ ជនបរទេសចាប់ផ្ដើមចូលមកក្នុងប្រទេសកម្ពុជាឡើងវិញ នោះវិស័យអចលនទ្រព្យ ជាពិសេសផ្នែកខុនដូ និងអាផាត់មិនគឺនឹងមានកំណើនងើបឡើងវិញ តែវាក៏អាស្រ័យលើវិបត្តិកូវីដ១៩ ត្រូវបានបញ្ចប់ឬយ៉ាងណា។

កញ្ញាបានថ្លែងថា “សម្រាប់វិស័យនេះ អ្នកអភិវឌ្ឍន៍គួរតែផ្ដោតលើអ្នកទិញជាជនជាតិខ្មែរ ព្រោះដូចយើងបានឃើញស្រាប់ ក្នុងឆ្នាំ២០២០កន្លងទ ជនជាតិខ្មែរកាន់តែច្រើនបានទិញខុនដូ សម្រាប់វិនិយោគ និងស្នាក់នៅ” ។

ជាមួយគ្នានេះ លោកសំ សុខនឿន ប្រធានសមាគមអចលនទ្រព្យសកល ក៏បានឱ្យដឹងផងដែរថា ដោយសារតែកំណើននៃការទិញ ខុនដូពីជនជាតិខ្មែរនេះ អ្នកអភិវឌ្ឍន៍ខុនដូ គួរតែអភិវឌ្ឍន៍ដោយផ្តោតលើជនជាតិខ្មែរ និងរចនាសម្រាប់ទីផ្សារស្រុកខ្មែរ។ អ្វីដែលសំខាន់ តម្លៃក៏ជាកត្តាក្នុងការលក់ដល់ជនជាតិខ្មែរផងដែរ ព្រោះប្រជាពលរដ្ឋខ្មែរ មិនច្រើននោះទេមានលទ្ធភាពទិញខុនដូតម្លៃខ្ពស់។

យោងតាមរបាយការណ៍របស់ក្រុមហ៊ុន CBRE ឱ្យដឹងថា បន្ទប់ខុនដូចំនួន៩៣៧យូនីតត្រូវបានបញ្ចប់ការសាងសង់ និងដាក់ចូលទីផ្សារក្នុងត្រីមាសទី៤ ឆ្នាំ២០២០ ដែលធ្វើឱ្យចំនួនបន្ទប់ខុនដូ ក្នុងរាជធានីភ្នំពេញគិតត្រឹមដំណាច់ឆ្នាំ២០២០ កើនឡើងដល់២៥ ៩១៤យូនីត ។

ការស្រាវជ្រាវរបស់ក្រុមហ៊ុននេះ ក៏បានរកឃើញផងដែរថា តម្លៃលក់បន្ទប់ខុនដូបានបន្តធ្លាក់ចុះបន្ថែមទៀត នៅក្នុងត្រីមាសទី៤ ធៀបនឹងត្រីមាសទី៣ ដោយប្រភេទខុនដូប្រណីត High-End) មានតម្លៃមមធ្យម៣០០០ដុល្លារក្នុង១ម៉ែត្រការ៉េ ធ្លាក់ចុះ១,១៩ភាគរយ ប្រភេទតម្លៃមធ្យម(Mid-Range) មានតម្លៃមធ្យម២២៥០ដុល្លារ ធ្លាក់ចុះ ៥,៨៩ភាគរយ និងប្រភេទតម្លៃសមរម្យ (Affordable) មានតម្លៃមធ្យម១៤០០ដុល្លារ ធ្លាក់ ១,៥៦ភាគរយ៕

ក្រសួងសាធារណការប្រមូលបានជាង១៦លានដុល្លារពីការលក់ផ្លាកលេខពិសេស

ដោយ ៖ គង់ ម៉ាលីន

ភ្នំពេញ៖ លោកទេសរដ្ឋមន្ត្រីស៊ុន ចាន់ថុលរដ្ឋមន្ដ្រីក្រសួងសាធារណការ និងដឹកជញ្ជូនបានលើកឡើងថា កាលពីឆ្នាំ២០២០ក្រសួងប្រមូលបានចំណូល ជាង១៦លានដុល្លារពីការលក់ផ្លាកលេខចុះបញ្ជីពិសេសផ្ទាល់ខ្លួន។

លោកទេសរដ្ឋមន្ត្រីបានមានប្រសាសន៍នៅក្នុងពិធីបិទសន្និបាតបូកសរុបលទ្ធផលការងារសាធារណការ និងដឹកជញ្ជូនឆ្នាំ២០២០ និងលើកទិសដៅការងារឆ្នាំ២០២១ថា ក្នុងឆ្នាំ២០២០កន្លងទៅនេះ គណៈកម្មការអន្តរក្រសួងបានចុះបញ្ជីលេខពិសេសសម្រាប់រថយន្តគ្រួសារ និងរថយន្តធុនស្រាលសរុបចំនួន ៤២ ៧២៧ ផ្លាក បានទទួលចំណូលប្រមាណជាង ៣៤ ពាន់លានរៀល ស្មើនឹង ៨,៥៨ លានដុល្លារអាមេរិក (កើនឡើង ៤៥ភាគរយធៀបនឹងឆ្នាំ២០១៩)។

លោកបានមានប្រសាសន៍បញ្ជាក់ថា “បន្ទាប់ពីបានដាក់ឱ្យដំណើរការប្រព័ន្ធស្វ័យប្រវត្តិកម្មលក់លេខពិសេសផ្ទាល់ខ្លួន គិតចាប់ពីថ្ងៃទី៧ ខែមករា រហូតដល់ខែធ្នូ ឆ្នាំ២០២០ បានលក់ផ្លាកលេខពិសេសផ្ទាល់ខ្លួនចំនួន ៣ ៧១៩ ផ្លាក និងប្រមូលចំណូលបានចំនួន ៨ លានដុល្លារអាមេរិក។ និយាយរួម សរុបចំណូលពីការលក់លេខពិសេសសម្រាប់រថយន្តគ្រួសារ និងរថយន្តធុនស្រាល និងផ្លាកលេខពិសេសផ្ទាល់ខ្លួនបានសរុបប្រមាណ ១៦ លានដុល្លារអាមេរិក”៕

រោងចក្រសហគ្រាសនៅរាជធានីភ្នំពេញជិត១០០ទីតាំងផ្អាកដំណើរការក្នុងដំណាក់កាលកូវីដ១៩

ដោយ ៖ រ៉ាណេត
ភ្នំពេញ ៖ ក្នុងគ្រាលំបាកដែលបណ្តាលមកពីបញ្ហានៃជំងឺកូវីដ១៩ គិតរហូតមកដល់ដើមឆ្នាំ២០២១នេះ មានរោងចក្រ សហគ្រាសជិត១០០ទីតាំងបានផ្អាកសកម្មភាពប្រតិបត្តិការរបស់ខ្លួន ដោយក្នុងនោះមានចំនួន៧៦ទីតាំងបានបង្ខំចិត្តបិទទ្វារ ហើយចំនួន២៣ទីតាំងទៀតបានបង្ខំចិត្តព្យួរការងារ។

លោកឃួង ស្រេងអភិបាលរាជធានីភ្នំពេញ បានបញ្ជាក់នៅថ្ងៃទី១៧ ខែកុម្ភៈ ឆ្នាំ២០២១នេះថា ក្នុងដំណាក់កាលកូវីដ១៩ នៅក្នុងឆ្នាំ២០២០នេះ បានធ្វើឱ្យរោងចក្រសហគ្រាសចំនួន៧៦ នៅក្នុងរាជធានីភ្នំពេញបានបង្ខំចិត្តបិទទ្វារ និងបានធ្វើឱ្យបងប្អូនកម្មករកម្មការិនីប្រមាណជាង ៣៥ ០០០នាក់ អត់ការងារធ្វើ។ បន្ថែមពីលើនេះទៀត រោងចក្រចំនួន២៣ ក៏បានបង្ខំចិត្តព្យួរការងាររបស់ខ្លួនផងដែរ ដែលបានធ្វើឱ្យកម្មករប្រមាណជាជិត៤ម៉ឺននាក់ទៀតត្រូវព្យួរការងារ។
លោកឃួង ស្រេង បានមានប្រសាសន៍ថា ចំពោះគណៈ ប្រតិភូគណៈកម្មការទី៨ នៃរដ្ឋសភាដែលចុះមកជួបពិភាក្សាការងារនេះគឺដើម្បី ពិនិត្យទៅលើ ការងារមួយចំនួនរបស់រដ្ឋបាលរាជធានីភ្នំពេញ ពិសេសការងារដែលរាជរដ្ឋាភិបាលប្រតិ ភូកម្មពីថ្នាក់ជាតិមកឱ្យថ្នាក់ក្រោមជាតិអនុវត្តន៍។ ចង់ដឹងពីវឌ្ឍនភាពការងារ ចង់ដឹងពីបញ្ហា ប្រឈម និងតម្រូវការមួយចំនួនរបស់ថ្នាក់ក្រោមជាតិសំដៅធ្វើយ៉ាងណា ដើម្បីឱ្យប្រជាពលរដ្ឋ អាចទទួលយកបាននូវសេវាដែលអាជ្ញាធរថ្នាក់ក្រោមជាតិប្រគល់ទៅឱ្យ ប្រជាពលរដ្ឋ

លោកជួន វុឌ្ឍី ប្រធានមន្ទីរការងារ និងបណ្តុះបណ្តាលវិជ្ជាជីវៈរាជធានីភ្នំពេញបានមានប្រសាសន៍ថា រោងចក្រសហគ្រាសនៅក្នុងរាជធានី ភ្នំពេញ នៅក្នុងឆ្នាំ២០២០ មានរោងចក្រចំនួន ៦៧៥រោងចក្រ មានកម្មករចំនួន ៣៦១៤៥២នាក់ ក្នុងនោះស្រីចំនួន២៩៤៤០១នាក់។ ដោយសារបញ្ហាជំងឺកូវីដ-១៩ បានធ្វើឱ្យរោងចក្រ ចំនួន១២៣ បានបង្ខំចិត្តព្យួរការងារ និងបានធ្វើឱ្យកម្មករចំនួន៣៨១៧៧នាក់ព្យួរការងារ។
លោកថា ដោយសារជំងឺកូវីដ១៩ នេះដែរ ក៏បានធ្វើឱ្យរោងចក្រចំនួន៧៦ បានបិទទ្វារនឹងបានធ្វើឱ្យកម្មករចំនួន៣៥៤៧១នាក់ អត់ការងារធ្វើផងដែរ។ ប៉ុន្តែទោះបីជា យ៉ាងណាក្តី ក្នុងដំណាក់កាលកូវីដ-១៩នេះ នៅក្នុងរាជធានីភ្នំពេញក៏បានបង្កើត រោងចក្រថ្មី ចំនួន៤៦រោងចក្រ ដែលបានឱ្យកម្មករចំនួន៨៥៤២នាក់ មានការងារធ្វើផងដែរ។ ពាក់ព័ន្ធនឹង កម្មករដែលអត់ការងារធ្វើ គណៈប្រតិភូគណៈកម្មការទី៨ នៃរដ្ឋសភាបានឱ្យដឹងថា កម្មករ ដែលអត់ការងារធ្វើដោយសារតែការបិទរោងចក្រ បណ្ដាលមកពីការរីករាលដាលនៃជំងឺកូវីដ-១៩នោះ គឺកម្មករទាំងនោះទទួលបានផលប្រយោជន៍ចំនួន៣ពីខាងរោងចក្រ ក្នុងនោះទទួល បាននូវប្រាក់បំណាច់អតីតភាពការងារ ទទួលបានប្រាក់បៀវត្សរ៍ចុងក្រោយ និងទទួលបាន ប្រាក់ថ្លៃឈប់សម្រាកដែលនៅសេសសល់។

គម្រោងបុរីលំនៅដ្ឋានបែបប្រណីតកម្រិតខ្ពស់ H&Y Land Mark កំពុងបង្កើនភាពទាក់ទាញក្នុងតំបន់ខណ្ឌសែនសុខ

ដោយ ៖ រ៉ាណេត
ភ្នំពេញ ៖ ស្ថិតនៅក្នុងតំបន់ដែលមានសក្ដានុពលខ្លាំង និងមានគម្រោងអភិវឌ្ឍន៍ធំៗជាច្រើនក្នុងនាមជាមជ្ឈមណ្ឌលពាណិជ្ជកម្មថ្មីនៃខណ្ឌសែនសុខ រាជធានីភ្នំពេញ គម្រោងអភិវឌ្ឍន៍បុរីលំនៅដ្ឋានបែបប្រណីតកម្រិតខ្ពស់ថ្មីមួយទៀត H&Y Land Mark បានចាប់ផ្តើមបុកគ្រឹះដំណើរការសាងសង់ជាផ្លូវការហើយ ដើម្បីផ្គត់ផ្គង់ តម្រូវការទីផ្សារដែលកំពុងមានកំណើននាពេលបច្ចុប្បន្ន។

ប្រធានសមាគមអចលនទ្រព្យសកល (GRA) លោកសំ សុខនឿន ដែលជាអគ្គនាយកក្រុមហ៊ុនភ្នាក់ងារអចលនទ្រព្យ Kw SAM SN បានមានប្រសាសន៍ប្រាប់ឱ្យដឹងនៅថ្ងៃទី១៧ ខែកុម្ភៈ ឆ្នាំ២០២១នេះថា ខណ្ឌសែនសុខពេលនេះបានអភិវឌ្ឍន៍ខ្លួនក្លាយជាតំបន់ពាណិជ្ជកម្មកម្រិតខ្ពស់រួចហើយ ដោយបំពេញទៅដោយបុរីលំនៅដ្ឋានធំៗ ក៏ដូចជាបណ្តុំលំនៅដ្ឋានកម្រិតខ្ពស់រួមជាមួយវត្តមាននៃអគារខ្ពស់ៗដែលបម្រើឱ្យវិស័យពាណិជ្ជកម្ម។

លោកបានបន្តទៀតថា “ពីមុនតំបន់ខណ្ឌសែនសុខស័ក្ដិសមទៅនឹងការវិនិយោគ និងអភិវឌ្ឍន៍ទៅលើគម្រោងលំនៅដ្ឋានមធ្យម ប៉ុន្តែសព្វថ្ងៃនេះខុសពីកាលពីប៉ុន្មានឆ្នាំមុន។ ការវិនិយោគលើគម្រោងលំនៅដ្ឋានកម្រិតមធ្យមនៅទីនេះលែងមានទៀតហើយ ប៉ុន្តែត្រូវបានជំនួសដោយគម្រោងអភិវឌ្ឍន៍លំនៅដ្ឋានកម្រិតខ្ពស់ ឬជាមជ្ឈមណ្ឌលពាណិជ្ជកម្មដែលនៅមានឱកាស ក៏ព្រោះដោយសារតែតម្លៃដីនៅតំបន់ខណ្ឌសែនសុខបានឡើងខ្ពស់រួចទៅហើយ”។

លោកបានបញ្ជាក់ថា “កាលពីឆ្នាំ២០១៨-២០១៩ ខណ្ឌសែនសុខ គឺជាតំបន់ដែលមានប្រជាប្រិយភាពខ្ពស់ក្នុងការអភិវឌ្ឍលើវិស័យលំនៅដ្ឋានតម្លៃមធ្យម ដោយសារតែតម្លៃដីនៅមានកម្រិត ប៉ុន្តែសម្រាប់ឆ្នាំ២០២១នេះ ខណ្ឌមួយនេះមិនស័ក្ដិសមនឹងការអភិវឌ្ឍវិស័យលំនៅដ្ឋានទៀតនោះទេ ដោយសារតែតម្លៃដីឡើងខ្ពស់មិនក្រោម១០០០ដុល្លារក្នុងមួយម៉ែត្រការ៉េនោះទេ ប៉ុន្តែតម្លៃនេះបានអនុគ្រោះដល់ការវិនិយោគលើវិស័យលំនៅដ្ឋានកម្រិតខ្ពស់ ឬវិស័យខុនដូរកម្រិតមធ្យម”។

ដោយឡែកគម្រោងអភិវឌ្ឍន៍បុរីលំនៅដ្ឋានបែបប្រណីតកម្រិតខ្ពស់ H&Y Land Mark ដែលទើបតែបុកគ្រឹះចាប់ដំណើរការសាងសង់នៅព្រឹកថ្ងៃទី១៧ ខែកុម្ភៈ ឆ្នាំ២០២១នេះ បានចាប់ផ្តើមក្នុងដំណាក់ដំបូងចំនួន១០០ខ្នង ជាប្រភេទផ្ទះអាជីវកម្មតម្លៃចាប់ពី២៤ម៉ឺនឡើងទៅ និងប្រភេទវីឡាកូនកាត់មានតម្លៃចាប់ពី១៨ម៉ឺនឡើងទៅស្ថិតនៅក្នុងតំបន់ទីប្រជុំកំពុងមានការអភិវឌ្ឍន៍ខ្ពស់ហ៊ុមព័ទ្ធទៅដោយសំណង់ពាណិជ្ជកម្ម ជិតផ្សារបឹងបៃតង មានសាលារៀនរដ្ឋ និងឯកជន ជាពិសេសស្ថិតនៅជិតផ្សារទំនើប AEON2 ផ្សារMakro ផ្សារទំនើបជីពម៉ុង ផ្សារទំនើបGlobal House មជ្ឈមណ្ឌលពាណិជ្ជកម្មB2B និងក្បែរធនាគារជាតិនៃកម្ពុជា។

លោកសំ សុខនឿន បានមានប្រសាសន៍ថា សម្រាប់ប្រភេទផ្ទះអាជីវកម្មរបស់បុរី H&Y Land Mark ស្ថិតភូមិច្រេះ សង្កាត់គោកឃ្លាំង ខណ្ឌសែនសុខ រាជធានីភ្នំពេញ គឺជាលំនៅដ្ឋានមានលក្ខណៈស្តងដារ ផ្តល់ផាសុកភាពខ្ពស់ក្នុងការរស់នៅជាមួយនឹងទំហំ ៥ x ១២ មានកម្ពស់៣ជាន់កន្លះ មានខ្យល់ និងពន្លឺចេញចូលគ្រប់គ្រាន់ ដោយមានការទុកទីធ្លាមុខផ្ទះទំហំ៥ម៉ែត្រ និងផ្នែកខាងក្រោយ១ម៉ែត្រកន្លះ ដើម្បីផ្តល់ភាពងាយស្រួលក្នុងការរស់នៅក៏ដូចជាប្រកបអាជីវកម្មប្រចាំថ្ងៃផងដែរ។

លោកបញ្ជាក់ថា សម្រាប់អតិថិជនដែលមានបំណងក្លាយជាម្ចាស់លំនៅដ្ឋានប្រណីតទាំងនេះគឺមានភាពងាយស្រួលបំផុត ដោយគ្រាន់តែកក់ត្រឹម១០០០ដុល្លារជាលើកដំបូង ហើយបន្តការបង់រំលោះត្រឹម៣០ភាគរយក្នុងរយៈពេល២ឆ្នាំ ហើយបន្តបង់រំលោះជាមួយធនាគារជាដៃគូខណៈដែលការសាងសង់ត្រឹមរយៈពេលប្រមាណ១៨ខែតែប៉ុណ្ណោះ។ សម្រាប់អតិថិជនដែលទិញលំនៅដ្ឋានក្នុងគម្រោងបុរី H&Y Land Mark នៅពេលនេះ គឺជាឱកាសល្អបំផុតដែលក្រៅពីអាចទិញបានលំនៅដ្ឋានទំនើបទាន់សម័យក្នុងតម្លៃទាប ថែមទាំងមានឱកាសទទួលបានចំណេញច្រើនពីការវិនិយោគបន្តនៅថ្ងៃអនាគត់ ខណៈដែលតម្លៃផ្ទះជាមធ្យមអាចឡើងពីចន្លោះ២០-៣០ភាគរយបន្ទាប់បញ្ចប់ការសាងសង់ទាំងស្រុង៕

ក្រុមហ៊ុន ប្រេស្ទីហ្ស៍ ហូម ខេមបូឌា តាំងបង្ហាញគម្រោងខុនដូដ៏ល្បីនៅផ្សារទំនើប អ៊ីអន ១ ភ្នំពេញ

ដោយ ៖ រ៉ាណេត

ភ្នំពេញ ៖ នៅថ្ងៃទី១៣ និង ទី១៤ ខែកុម្ភៈ ឆ្នាំ២០២១ ក្រុមហ៊ុន ប្រេស្ទីហ្ស៍ ហូម ខេមបូឌា បានដាក់ស្តង់បង្ហាញជាលើកដំបូងនៅផ្សារទំនើប អ៊ីអន ១ ក្នុងគោលបំណងណែនាំពីគម្រោងខុនដូដ៏ប្រណីត និងប្រកបដោយផាសុកភាពសម្រាប់ការរស់នៅ ព្រមទាំងមានសក្ដានុពលខ្ពស់សម្រាប់ការវិនិយោគ ក៏ដូចជាផ្ដល់នូវការប្រឹក្សាពាក់ព័ន្ធនឹងវិស័យអចលនទ្រព្យនៅក្នុងប្រទេសកម្ពុជាផងដែរ។

ក្នុងរយៈពេល២ថ្ងៃនៃការតាំងបង្ហាញនេះ ក្រុមហ៊ុន ប្រេស្ទីហ្ស៍ ហូម ខេមបូឌា បានពិភាក្សា និងបង្ហាញអតិថិជនរាប់រយនាក់នៅក្នុងផ្សារទំនើប អ៊ីអន ១ នូវគម្រោងខុនដូ Urban Village ដ៏ល្បីល្បាញ ដែលទទួលបានពានរង្វាន់គម្រោងអភិវឌ្ឍន៍ខុនដូល្អបំផុតនៅអាស៊ី និងពានរង្វាន់ជាច្រើនទៀត។ គម្រោងខុនដូ Urban Village នេះ ក៏ស្ថិតនៅទីតាំងដ៏មានអំណោយផលនៃទីក្រុងរណបថ្មី តាមបណ្ដោយមហាវិថីសម្ដេច តេជោ ហ៊ុន សែន ដោយមានចម្ងាយប្រមាណ ១០ នាទីប៉ុណ្ណោះ ពីកណ្ដាលទីក្រុងភ្នំពេញ។

អ្វីដែលកាន់តែពិសេសនៅក្នុងរយៈពេល២ថ្ងៃនៃការតាំងបង្ហាញនេះគឺ ក្រុមហ៊ុន ប្រេស្ទីហ្ស៍ ហូម ខេមបូឌា បានផ្តល់ជូននូវការបញ្ចុះតម្លៃរហូតដល់ទៅ ២៦ ភាគរយ ព្រមទាំងកាដូពិសេសទូរស័ព្ទទំនើប iPhone 12 ដល់អតិថិជនទាំងអស់ដែលបានទិញខុនដូ។

សម្រាប់អតិថិជនដែលខកខានមិនបានទៅទស្សនានិងមិនទាន់ទទួលបាននូវការប្រឹក្សា ឬមិនទាន់បានទិញខុនដូកាលពីថ្ងៃទី១៣ និង ទី១៤ ក្រុមហ៊ុន ប្រេស្ទីហ្ស៍ ហូម ខេមបូឌា នឹងរៀបចំព្រឹត្តិការណ៍ស្ដង់បង្ហាញនៅផ្សារទំនើប អ៊ីអន ១ ជាថ្មីម្ដងទៀត នៅថ្ងៃទី០៧ និងទី០៨ ខែមីនា ខាងមុខនេះ។

សម្រាប់ព័ត៌មានបន្ថែម ក៏ដូចជាការប្រឹក្សាយោបល់ពាក់ព័ន្ធនឹងផ្ទះក្នុងក្តីស្រមៃ ឬការវិនិយោគលើវិស័យអចលនទ្រព្យ សូមទាក់ទងមកក្រុមហ៊ុន ប្រេស្ទីហ្ស៍ ហូម ខេមបូឌា តាមរយៈលេខ ០៧៦ ៣៣៣៣ ៨២២ ដើម្បីទទួលបានសេវាកម្មល្អបំផុត៕

ការសិក្សាៈ វិស័យអចលនទ្រព្យនៅកម្ពុជាមានសញ្ញាវិជ្ជមានខ្ពស់នៅឆ្នាំនេះ

ដោយ៖ ម៉ាណេត

ភ្នំពេញ៖ ទីផ្សារអចលនទ្រព្យនៅកម្ពុជារំពឹងទុកថានឹងមានសញ្ញាវិជ្ជមានខ្ពស់នៅឆ្នាំ២០២១ ខណៈបច្ចុប្បន្នការផ្គត់ផ្គង់លើសតម្រូវការនៅក្នុងផ្នែកជាច្រើននៃវិស័យអចលនទ្រព្យ គួបផ្សំនឹងការកាត់បន្ថយការធ្វើដំណើរក្នុងតំបន់ និងការធ្លាក់ចុះនៃកំណើនសេដ្ឋកិច្ចជាទូទៅ នឹងបន្តអូសទាញតម្រូវការឱ្យធ្លាក់ចុះ និងដាក់សម្ពាធលើអត្រាជួល និងតម្លៃលក់កាលពីឆ្នាំ២០២០។

លោក James Hodge នាយកក្រុមហ៊ុន CBRE Cambodia បានថ្លែងនៅថ្ងៃទី១៧ ខែកុម្ភៈ ឆ្នាំ២០២១ថា នៅពេលសម្លឹងទៅឆ្នាំ២០២១នេះ និងនាពេលខាងមុខ ការព្យាករណ៍របស់ CBRE Cambodia បង្ហាញនូវសញ្ញាវិជ្ជមាន លាយលំជាមួយនឹងហានិភ័យ បណ្តាលឱ្យមានភាពស្មុគស្មាញដល់វិស័យអចលនទ្រព្យនៅឆ្នាំនេះ។

លោកបានថ្លែងថា ផ្នែកជាច្រើនក្នុងវិស័យអចលនទ្រព្យកំពុងប្រឈមនឹងតម្រូវការមានកម្រិត និងការផ្គត់ផ្គង់កើនឡើង ដែលនឹងបន្តដាក់សម្ពាធថ្លៃជួល និងតម្លៃអចលនទ្រព្យក្នុងរយៈពេលមធ្យម ដោយសារការរឹតបន្តឹងការធ្វើដំណើរ បណ្តាលមកពីវិបត្តិកូវីដ១៩ ដែលនឹងបន្តដាក់កម្រិតលើសកម្មភាពអាជីវកម្ម និងធ្វើឱ្យការមកដល់របស់ភ្ញៀវទេសចរ មានកម្រិតទាប។

លោកបានបន្តទៀតថា ហេដ្ឋារចនាសម្ព័ន្ធផលិតកម្ម គម្រោងបុរី និងអនុផ្នែកមួយចំនួននៃវិស័យសំខាន់ៗ រួមទាំងដីជាយក្រុង អគារការិយាល័យកម្រិត B នៅកណ្តាលក្រុង និងទីតាំងលក់រាយ ដែលប្រើគំនិតឌីសាញ និងការកែលម្អថ្មី នឹងទទួលបានភាពវិជ្ជមាននៅឆ្នាំនេះ។

លោក Ben Nesbitt នាយករងក្រុមហ៊ុន CBRE កម្ពុជាមានប្រសាសន៍ថា វិនិយោគិនអន្តរជាតិបន្តបង្ហាញចំណាប់អារម្មណ៍នៅក្នុងទីផ្សារកម្ពុជា ដែលត្រូវបានជំរុញដោយការរំពឹងទុកថានឹងមានភាពវិជ្ជមានរយៈពេលវែង សម្រាប់សេដ្ឋកិច្ច និងតម្រូវការនៅក្នុងវិស័យអចលនទ្រព្យ។

លោកបានថ្លែងបន្តថា “ទោះបីជាយ៉ាងនេះក្តី ការបន្តការរំខាននៅតាមទីផ្សារដោយសារវិបត្តិនឹងធ្វើឱ្យវិនិយោគិនមួយចំនួនស្ថិតនៅក្នុង “ការរង់ចាំនិងមើល” ខណៈអ្នកអ្នកអភិវឌ្ឍន៍ជាច្រើន នឹងឃើញពីចណ្លោះប្រហោងក្នុងទីផ្សារនាពេលអនាគត ហើយប្រើរយៈពេលនេះដើម្បីចាប់ផ្តើមគម្រោងដោយសង្ឃឹមថានឹងចាប់ផ្តើមនឹងមានសញ្ញាវិជ្ជមាននៃទីផ្សារឆ្ពោះទៅមុខ”៕

ដឹងតែចំណេញ! បុរី ប៉េង ហួត ត្រៀមរៀបចំកម្មវិធីបើកលក់៣គម្រោងក្នុងពេលតែមួយ ជាមួយដំណើរកម្សាន្ត VVIP និងបញ្ចុះតម្លៃមិនធ្លាប់មាន

ដោយ ៖ គង់ ម៉ាលីន

បន្ទាប់ពីប្រារព្ធពិធីបញ្ចុះបឋមសិលាបើកការដ្ឋានសាងសាង់គម្រោងបែបធម្មជាតិចំនួន៣កាលពីថ្ងៃទី១ ខែកុម្ភៈ ឆ្នាំ២០២១កន្លងទៅ ពេលនេះ បុរី ប៉េង ហួត កំពុងត្រៀមរៀបចំកម្មវិធីបើកលក់ និងសម្ពោធជាផ្លូវការនូវគម្រោងទាំង៣នេះក្នុងពេលតែមួយ ជាមួយការផ្ដល់ជូនដ៏សម្បើមមិនធ្លាប់មានពីមុនមក។ កម្មវិធី “សុភមង្គលថ្មីបែបធម្មជាតិ” នឹងប្រារព្ធឡើងរយៈពេល៣ថ្ងៃ ចាប់ពីថ្ងៃទី១៩ ដល់ថ្ងៃទី២១ ខែកុម្ភៈ ឆ្នាំ២០២១ នៅក្នុងបុរី ប៉េង ហួត (បឹងស្នោ) នៅលើមហាវិថីក្លាស្ទ័រ ជិតផ្ទះគំរូវីឡា King A វេលាម៉ោង ០៨:០០ ព្រឹក ដល់ម៉ោង ០៨:០០ យប់។

អតិថិជនដែលកក់ប្រាក់ចំពោះការទិញផ្ទះក្នុងគម្រោង ដឹស្តា ផ្លាទីនីម អេកូរ៉ូមែនស៍ គម្រោង ដឹស្តា ផ្លាទីនីម អេកូវេរ៉ាន់ដា ឬគម្រោង ដឹស្តា ផ្លាទីនីម អេកូសាន់រ៉ាយ ក្នុងថ្ងៃកម្មវិធីនេះនឹងទទួលបានការផ្ដល់ជូនដ៏អស្ចារ្យផ្ទួនៗក្នុងពេលតែមួយដែលរួមមាន៖

ការបញ្ចុះតម្លៃភ្លាមៗរហូតដល់ ១១%
ការផ្ដល់ជូនកង់ស្ព័រម៉ាក Giant មួយគ្រឿងភ្លាមៗចំពោះការទិញគ្រប់ប្រភេទផ្ទះ
ការបញ្ចុះតម្លៃបន្ថែមជាទឹកប្រាក់រហូតដល់ ២០ ០០០ ដុល្លារ

អ្វីដែលកាន់តែអស្ចារ្យមិនធ្លាប់មាននោះ គឺឱកាសឈ្នះដំណើរកម្សាន្ត VVIP ទៅកោះសង្សារជាមួយមនុស្សជាទីស្រលាញ់យ៉ាងរ៉ូមែនទិកជាច្រើនរង្វាន់។

ក្រៅពីការផ្ដល់ជូនដែលមិនធ្លាប់មាននេះ អតិថិជនអាចមានជម្រើសទូទាត់តាមរយៈធនាគារដៃគូរបស់បុរី ប៉េង ហួត ដោយអត្រាការប្រាក់ចាប់ពី ៤,៩៩% ឡើងទៅ ហើយទំហំកម្ចីរហូតដល់៨០%។

គួរបញ្ជាក់ថា កម្មវិធីនេះបើកជូនសាធារណជនចូលរួមដោយសេរី ហើយរឹតតែពិសេសជាងនេះទៅទៀតគឺអ្នកចូលរួម និងអតិថិជនទាំងអស់អាចមានឱកាសឈ្នះរង្វាន់ទូរសព្ទ iPhone 12 Pro Max និងរង្វាន់ជាច្រើនសន្ធឹកសន្ធាប់ទៀតក្នុងថ្ងៃនីមួយៗតែម្ដង។

ពិសេសណាស់មែនទេ? កុំភ្លេចជួបគ្នាណា៎! សូមអញ្ជើញមកទស្សនាផ្ទះគំរូផ្ទាល់ និងទទួលយកការផ្ដល់ជូនទាំងនេះ ក៏ដូចជាការប្រឹក្សាយោបល់ពីសហការីជំនាញយើងខ្ញុំដែលនឹងរង់ចាំបម្រើសេវាកម្មជូនលោកអ្នកដោយក្ដីរីករាយ និងប្រកបដោយវិជ្ជាជីវៈ។

ព័ត៌មានលម្អិតអំពីកម្មវិធី និងលក្ខខណ្ឌផ្សេងៗ សូមទាក់ទងមកលេខ 098/ 016 / 017 596 789 ឬតាមដាននៅលើទំព័រហ្វេសប៊ុកផ្លូវការ Borey Peng Huoth ឬចូលរួមក្នុង Channel Telegram: https://t.me/boreypenghuoth៕

1...2,0542,0552,056...3,260 Page 2,055 of 3,260