ដោយៈ ប៊ី

ភ្នំពេញៈ ប្រធានគោលនយោបាយពាណិជ្ជកម្ម របស់សហភាពអឺរ៉ុបបានព្រមានថា ការសម្រេចចិត្តរបស់ប្រទេសចិន ក្នុងការដាក់ទណ្ឌកម្ម នឹងមានហានិភ័យដល់កិច្ចព្រមព្រៀងពាណិជ្ជកម្ម ដែលមូលដ្ឋានគ្រឹះនៃទំនាក់ទំន ងនាពេលអនាគតរវាងអឺរ៉ុប និងទីក្រុងប៉េកាំង។ នេះបើយោងតាមការចេញផ្សារយរបស់សារព័ត៌មាន Financial Times នៅថ្ងៃទី២៤ ខែមីនា ឆ្នាំ២០២១។

លោកValdis Dombrovskis ប្រធានគណៈកម្មការពាណិជ្ជកម្មរបស់សហភាពអឺរ៉ុបបានមានប្រសាសន៍ថា #ជោគវាសនា នៃកិច្ចព្រមព្រៀងដ៏ទូលំទូលាយស្តីពី ការវិនិយោគរបស់សហភាពអឺរ៉ុប-ចិន (CAI) ស្ថិតលើជម្លោះការទូត ដែលបានផ្ទុះឡើងនៅសប្តាហ៍នេះ”។

លោកបន្តថា “ទណ្ឌកម្មសងសឹករបស់ចិន គឺរឿងគួរឱ្យសោកស្តាយ និងមិនអាចទទួលយកបានទេ។ លោកពន្យល់ថា “ទស្សនវិស័យសម្រាប់ការផ្តល់សច្ចាប័នលើកិច្ចព្រមព្រៀងCAI នឹងអាស្រ័យលើស្ថានភាពវិវឌ្ឍន៍។ ដំណើរការផ្តល់សច្ចាប័នគឺពឹងផ្អែកលើការវិវត្តនៃទំនាក់ទំនងអឺរ៉ុប-ចិនកាន់តែទូលំទូលាយនោះទេ”។

គណៈកម្មការអឺរ៉ុប បានដាក់ចេញនូវគោលនយោបាយមួយចំនួន លើកិច្ចព្រមព្រៀ​ងវិនិយោគ ជាមួយទីក្រុងប៉េកាំង ហើយការដាក់ចេញនូវគោលនយោបាយនេះ ត្រូវវាយប្រហារដោយក្រុមសិទ្ធិមនុស្ស ដែលលើកថា កិច្ចព្រមព្រៀងនេះ ផ្តោតសំខាន់តែលើផលប្រយោជន៍ច្រើនជាងតម្លៃជាមូលដ្ឋាន។

ប៉ុន្តែជោគវាសនានៃកិច្ចព្រមព្រៀងនេះ កាន់តែមិនប្រាកដប្រជា បន្ទាប់ពីការសម្រេចរបស់ចិន កាលពីថ្ងៃចន្ទក្នុងការដាក់ទណ្ឌកម្ម លើសមាជិកសភាអឺរ៉ុប ដែលត្រូវសម្រេចចិត្តថា តើកិច្ចព្រមព្រៀងនេះគួរចូលជាធរមាន ឬយ៉ាងណា។

លោក Dombrovskis បានមានប្រសាសន៍ថា “សហភាពអឺរ៉ុបបានប្រឹងប្រែងអស់ពីកម្លាំងកាយចិត្ត ដើម្បីពង្រឹងទំនាក់ទំនងសេដ្ឋកិច្ចផ្អែកលើច្បាប់ ដែលមានតុល្យភាពជា​មួយប្រទេសចិន ហើយកិច្ចព្រមព្រៀងCAI គឺជាជំហានដ៏សំខាន់នៅក្នុងទិសដៅនោះ”។

លោកបានបន្តថា ប៉ុន្តែរបៀបវារៈពាណិជ្ជកម្ម និងសេដ្ឋកិច្ចរបស់យើងមានតម្លៃជាមូលដ្ឋានរបស់អឺរ៉ុប នៃការស្វែងរកផលប្រយោជន៍សេដ្ឋកិច្ចរបស់យើង ដើរទន្ទឹមគ្នានឹងការងើបឡើង ចំពោះគុណតម្លៃរបស់យើង រួមទាំងកន្លែងចាំបាច់តាមរយៈការដាក់ទណ្ឌ​កម្ម។

កាលពីថ្ងៃចន្ទ ចិនបានប្រកាសពីការដាក់ទណ្ឌកម្ម ជាការសងសឹកប្រឆាំងនឹងការហាមឃាត់ការធ្វើដំណើរ និងការបង្កកទ្រព្យសម្បត្តិ ដែលបានដាក់ទៅលើមន្រ្តីចិនចំនួន៤នាក់ និងអង្គភាពសន្តិសុខមួយ ដោយសារតែការធ្វើទុក្ខបុកម្នេញ លើជនជាតិភាគតិច Uyghurs នៅតំបន់ស៊ីនជាំង។

ការដាក់ទណ្ឌកម្មនេះ មានការគាំទ្រពីសហភាពអឺរ៉ុប សហរដ្ឋអាមេរិក កាណាដា និងអង់គ្លេស៕

ដោយៈគង់ សូរិយា

        ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពជាបានស្នើឲ្យអគ្គនាយកស៊ីម៉ាក់ និងក្រសួងសុខាភិបាល ពិភាក្សាគ្នាស្រាវជ្រាវ និងអភិវឌ្ឍន៍បច្ចេកទេសសុនខហិត រកអ្នកផ្ទុកវីរុសកូរ៉ូណា (កូវីដ១៩)។

បន្ទាប់ពីទទួលបានអនុសាសន៍ណែនាំ ពីសម្តេចតេជោ ហ៊ុន សែន នៅថ្ងៃទី២៤ ខែមីនា ឆ្នាំ២០២១នេះ លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក មជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) បានចុះមកពិនិត្យការងារសុនខ នៅវិទ្យាស្ថានបច្ចេកទេស សកម្មភាពមីនស៊ីម៉ាក់ ខេត្តកំពង់ឆ្នាំង។

ការចុះពិនិត្យការងារសុនខរបស់លោក ហេង រតនា ដើម្បីរៀបចំត្រៀមលក្ខណៈ ធ្វើការស្រាវជ្រាវ និងអភិវឌ្ឍន៍បច្ចេកទេសសុនខ ហិតរកអ្នកផ្ទុកវីរុសកូរ៉ូណា (កូវីដ១៩)។

លោកហេង រតនា បានបញ្ជាក់ប្រាប់បណ្តាញព័ត៌មានFresh News ថា ផ្អែកតាមបទពិសោធន៍ជាង២២ឆ្នាំ យើងមានទំនុកចិត្តអាចហ្វឺកហ្វឹនសុនខនៅកម្ពុជា ក្នុងការហិតរកអ្នកផ្ទុកវីរុសកូវីដ១៩បាន។

អង្គភាពស៊ីម៉ាក់ ត្រៀមសុនខ ត្រៀមឯកសារហ្វឹកហ្វឺន រៀបចំទីតាំងហ្វឹកហ្វឺន និងអ្នកឯកទេសសំរាប់ បំរើការងារសិក្សាស្រាវជ្រាវនេះ ដោយត្រៀមធ្វើការសហការ ជាមួយអ្នកវិទ្យាសាស្ត្រវេជ្ជសាស្ត្រ នៃក្រសួងសុខាភិបាល។

មានប្រទេសមួយចំនួនដូចជា៖ អាល្លឺម៉ង់ ហ្វាឡង់ អូស្ត្រាលី រុស្ស៊ី ជាដើម បាននិងកំពុងប្រើប្រាស់សុនខ ជាជំនួយហិតរកអ្នកផ្ទុកវីរុសកូរ៉ូណាផងដែរ។

ពីមុនមកប្រទេសកម្ពុជា ធ្លាប់តែទិញសត្វសុនខពីប្រទេសគេ ក្នុងមួយក្បាលតម្លៃរាប់ម៉ឺនដុល្លារ ប៉ុន្ដែដល់ពេលឥលូវនេះ កម្ពុជាអាចបង្កាត់សត្វសុនខ ឲ្យខ្លួនឯងបាន និងអាចនាំចេញទៅក្រៅបានថែមទៀត។

បច្ចុប្បន្ននេះអង្គភាពស៊ីម៉ាក់ មាន “សុនខ”” ដែលមានសមត្ថភាពក្នុងការគាំទ្រដល់សកម្មភាពប្រឆាំងភេរវកម្ម ការងារបោសសំអាតគ្រាប់មីន និងយុទ្ធភ័ណ្ឌមិនទាន់ផ្ទុះ និងការងារបរិស្ថានផងដែរ៕

ដោយៈ រ៉ាណេត

ភ្នំពេញៈ បន្ថែមពីលើការរៀបចំ និងស្ថាបនាផ្លូវថ្នល់ ស្ពានចាស់ដែលមានស្រាប់ និងកំពុងចរាចរណ៍ឱ្យកាន់តែទូលាយល្អប្រសើរជាងមុន រដ្ឋបាលរាជធានីភ្នំពេញកំពុងសិក្សាពីគម្រោងសាងសង់ផ្លូវថ្មីមួយខ្សែទៀត ប្របតាមច្រាំងទន្លេចាប់ពីចំណុចស្ពានព្រះមុនីវង្សរហូតដល់តំបន់អភិវឌ្ឍន៍កោះន។

តាមរយៈមន្ត្រីសាលាខណ្ឌច្បារអំពៅ បានបង្ហើបប្រាប់នៅល្ងាចថ្ងៃទី២៤ ខែមីនា ឆ្នាំ២០២១នេះ ក្នុងគោលបំណងជួយសម្រួល ដល់ការធ្វើដំណើរដល់ប្រជាពលរដ្ឋ និងកាត់បន្ថយនូវជំនន់កកស្ទះចរាចរណ៍ ដែលទេកើតមានជារៀងរាល់ថ្ងៃ នៅកំណាត់ផ្លូវជាតិលេខ១ ក្នុងសង្កាត់ច្បារអំពៅ ខណ្ឌច្បារអំពៅ ជាពិសេសនៅចំណុចគល់ស្ពានព្រះមុនីវង្ស រដ្ឋបាលរាជធានីភ្នំពេញ កំពុងសិក្សាពីគម្រោងសាងសង់ផ្លូវបន្ថែមថ្មីមួយខ្សែទៀត។

មន្ត្រីដដែលនេះបានបញ្ជាក់ថា “គម្រោងសាងសង់ផ្លូវថ្មីមួយខ្សែនេះ អាចត្រូវបានចា​ប់ផ្តើមពីចំណុចគល់ស្ពានព្រះមុនីវង្សចាស់ ប្របតាមច្រាំងទន្លេបន្តឆ្ពោះទៅតំបន់អភិ​វ  ឌ្ឍន៍កោះនរា ក្បែរគម្រោងកំពង់ចម្លងថ្មី ដែលគ្រោងនឹងដំណើរនៅពេលឆាប់ៗខាងមុខនេះ”។

មន្រ្តីដដែលបានបន្តថា នៅត្រឹមល្ងាចថ្ងៃទី២៤ ខែមីនា ឆ្នាំ២០២១នេះ ការវាស់វែង និងកំណត់ព្រំធ្វើទីតាំងច្រាំងទន្លេ និងស្ថាបនាផ្លូវថ្មីមួយខ្សែនេះ ត្រូវបានមន្ត្រីជំនាញចុះវាស់វែង និងបោះបង្គោលរួចរាល់ហើយ ក្រោមកិច្ចចូលរួមសហការពីសំណាក់ប្រជាពល​រដ្ឋដែលពាក់ព័ន្ធ ដែលធ្វើឱ្យការកំណត់ព្រំ ទីតាំង និងការបោះបង្គោលប្រព្រឹត្តយ៉ាងរលូន។

ទោះជាយ៉ាងណាមន្ត្រីរូបនេះ មិនបានបញ្ជាក់លម្អិតពីទម្រង់ផ្លូវថ្នល់ ដែលនឹងត្រូវសាងសង់មានទំហំ និងប្រវែងប៉ុន្មានម៉ែត្រនៅឡើយ ដោយពេលនេះកំពុងស្ថិតនៅក្នុងដំណាក់កាលសិក្សាពីលទ្ធភាព និងផលប៉ះពាល់នៅឡើយ៕

ដោយៈ ប៊ី

ភ្នំពេញៈ ស្ថាបនិកកម្មវិធី Telegram លោកPavel Durov បាននិយាយកាលពីថ្ងៃអង្គារនេះថា Telegram បានប្រមូលប្រាក់បានជាង១ពាន់លានដុល្លារ តាមរយៈការលក់សញ្ញាបណ្ណ ឬបណ្ណបំណុលទៅឱ្យវិនិយោគិនជាច្រើន។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៤ ខែមីនា ឆ្នាំ២០២១។

ការប្រមូលមូលនិធិវិនិយោគនេះ រួមបញ្ចូលទាំងការវិនិយោគសរុបចំនួន១៥០លា នដុល្លារអាមេរិក ពីក្រុមហ៊ុនMubadala Investment និងAbu Abu Dhabi Catalyst Partners ដែលគ្រប់គ្រងមួយផ្នែក ដោយមូលនិធិរដ្ឋAbu Dhabi។

ទោះបីជាក្រុមហ៊ុនមិនបានផ្តល់ព័ត៌មានលម្អិត អំពីវិនិយោគិនផ្សេងទៀតរបស់ខ្លួនក៏ដោយ ក៏លោក Durov បាននិយាយថា អ្នកវិនិយោគទាំងនេះ រួមមាន “អ្នកវិនិយោគធំៗ មកពីទូទាំងពិភពលោក”។

លោកDurov បាននិយាយថា មូលនិធិទាំងនេះ នឹងត្រូវប្រើដើម្បីជួយដល់ផែនការពង្រីក ក៏ដូចជាជំរុញយុទ្ធសាស្ត្ររកប្រាក់ ដែលរួមបញ្ចូលទាំងផែនការបុព្វលាភ សម្រាប់អ្នកប្រើប្រាស់អាជីវកម្ម។

នាយកប្រតិបត្តិរបស់ក្រុមហ៊ុន Mubadala លោក Faris Sohail Faris al-Mazrui បាននិយាយនៅក្នុងសេចក្តីថ្លែងការណ៍មួយថា “ចំនួនអ្នកប្រើប្រាស់របស់Telegram បាន ឈានដល់កម្រិតមួយដ៏ធំ ដែលវាឈរជើងបាន ក្នុងចំណោមក្រុមហ៊ុនបច្ចេកវិទ្យាធំៗនៅលើពិភពលោក”។

ចំនួនអ្នកប្រើប្រាស់ Telegram រួមជាមួយកម្មវិធីផ្ញើសារ(Signal) ត្រូវបានមើលឃើញថា មានការកើនឡើងនៅឆ្នាំនេះ ចំពេលមានការព្រួយបារម្ភ អំពីភាពឯកជនរបស់គូប្រជែងធំជាងគេ ក្រុមហ៊ុនWhatsApp។ បច្ចុប្បន្ននេះ មានអ្នកប្រើប្រាស់សកម្មចំនួន៥០០លាននាក់ប្រចាំខែ។

លោក Mubadala បាននិយាយថា Telegram ដែលមានទីស្នាក់ការធំនៅប្រទេសអារ៉ាប់រួម នឹងបើកការិយាល័យថ្មីនៅAbu Dhabi បន្ទាប់ពីការវិនិយោគថ្មី៕

ដោយៈ រ៉ាណេត

ភ្នំពេញៈ ទោះជាស្ថិតនៅក្នុងបរិបទ នៃការគំរាមកំហែងពីវិបត្តិនៃជំងឺកូវីដ១៩ ដែលប៉ះពាល់ដល់វិស័យនានាជាច្រើននោះ នៅត្រឹមរយៈពេល២ខែដើមឆ្នាំ២០២១ វិស័យធ​នាគារ និងហិរញ្ញវត្ថុនៅកម្ពុជា បានផ្តល់ឥណទានដល់អតិថិជនប្រមាណ២២៧លានដុល្លារ ខណៈដែលការដាក់ប្រាក់បញ្ញើ ក្នុងរយៈពេលដូចគ្នានេះមានទំហំជិត៤០០លានដុល្លារ។

ប្រធានសមាគមធនាគារនៅកម្ពុជា លោកបណ្ឌិត អ៊ិន ចាន់នី បានមានប្រសាសន៍ប្រាប់អ្នកសារព័ត៌មាននៅថ្ងៃទី២៣ ខែមីនា ឆ្នាំ២០២១កន្លងមកថា វិបត្តិកូវីដបានជះឥទ្ធិពលអាក្រក់ដល់វិស័យជាច្រើន និងធ្វើឱ្យសេដ្ឋកិច្ចសាកលមានការធ្លាក់ចុះ ហើយក្នុងនោះកម្ពុជាក៏មានចំណែកផងដែរ។

លោកបានបន្ត “ឥណទានរបស់គ្រឹះស្ថានធនាគារ ទោះបីស្ថិតនៅក្នុងដំណាក់កាលនៃការរីករាលដាលជំងឺកូវីដ-១៩ នេះ យើងសង្កេតឃើញថា ចាប់តាំងពីដើមឆ្នាំ២០២១រហូតមកដល់ពេលនេះ គ្រឹះស្ថានធនាគារបានបញ្ចេញឥណទានថ្មី ជូនអតិថិជនប្រមាណ២២៧លានដុល្លារ”។

លោកបណ្ឌិតបានបន្តឲ្យដឹងទៀតថា ស្របពេលការផ្តល់ឥណទានដល់អតិថិជននូវចំនួនដូចបានបង្ហាញខាងលនេះ ប្រាក់បញ្ញើ ប្រាក់សន្សំនៅគ្រឹះស្ថានធនាគារ ហិរញ្ញវត្ថុ ក្នុងរយៈពេលដូចគ្នានេះ បានហក់ឡើងក្នុងរង្វង់៣៧៧លានដុល្លារអាមេរិក ក្នុងនោះបើគិតក្នុងរយៈពេលមួយខែៗ មានអតិថិជនមកដាក់ប្រាក់បញ្ញើ មានទំហំប្រមាណ១២៥លានដុល្លារអាមេរិក។

លោកបណ្ឌិត អ៊ិន ចាន់នី បានមានប្រាសន៍បញ្ជាក់ថា ពីមុនម្ចាស់សហគ្រាសភាគច្រើនតែងទុកថវិកាដើម្បីវិនិយោគ ឬទុកជាប់ខ្លួនជាដើម ប៉ុន្តែស្របពេលដែលប្រព័ន្ធប      ច្ចេកវិទ្យាឌីជីថលមានការរីកច្រើន បានជំរុញនិងការកាត់បន្ថយពេលវេលា និងសុវត្ថិភាពពួកគាត់នោះ បច្ចុប្បន្នអ្នកកំពុងប្រតិបត្តិក្នុងអាជីវកម្ម ភាគច្រើនគឺទូទាត់ចូលគណនីធនា​គាររបស់ខ្លួន។

លោកបន្តថា មូលហេតុមួយទៀត វិនិយោគិនខ្លះ ដែលធ្វើអាជីវកម្មមិនដំណើរល្អ ឬលក់មិនសូវដាច់ ពួកគាត់ច្រើនទូទាត់ចូលគណនីសន្សំ ដើម្បីរក្សាប្រាក់ទុកជាបណ្តោះអាសន្នជាដើម។ ជាងនេះទៅទៀតអតិថិជនដែលកក់ ឬទិញផលិតផលពីរោងចក្រ សហគ្រាស ពួកគេច្រើនទូទាត់តាមកុងធនាគារ ដែលបញ្ហាទាំងនេះ ធ្វើឱ្យប្រាក់បញ្ញើបានហក់ឡើង៕