IMF: វិស័យធនាគារនៅកម្ពុជានឹងដើរតួនាទីយ៉ាងសំខាន់រួមចំណែកដល់កំណើសេដ្ឋកិច្ចក្រោយវិបត្តិ

ដោយៈ ម៉ាណេត

ភ្នំពេញៈ ក្រុមបេសកកម្មStaff Visit របស់មូលនិធិរូបិយវត្ថុអន្តរជាតិ (IMF) បានលើកឡើងថា វិស័យធនាគារនៅកម្ពុជា នឹងបន្តដើរតួនាទីយ៉ាងសំខាន់ ក្នុងការរក្សាស្ថិរភាពហិរញ្ញវត្ថុ និងរួមចំណែករក្សាស្ថិរភាពម៉ាក្រូសេដ្ឋកិច្ច និងគាំទ្រកំណើនក្នុងដំណាក់កាលស្តារសេដ្ឋកិច្ចក្រោយវិបត្តិ។

 

ការលើកឡើងរបស់IMFបែបនេះ ត្រូវបានធ្វើឡើងនៅថ្ងៃទី២២ខែកុម្ភៈ ឆ្នាំ២០២១ ក្នុងកិច្ចប្រជុំមួយ តាមរយៈប្រព័ន្ធអនឡាញ រវាងលោកជា ចាន់តូ ទេសាភិបាល ធនាគារជាតិនៃកម្ពុជា និងក្រុមបេសកកម្មStaff Visit របស់មូលនិធិរូបិយវត្ថុអន្តរជាតិ (IMF) ដែលដឹកនាំដោយ លោក Alasdair Scott ប្រធានក្រុមបេសកកម្ម IMF សម្រាប់កម្ពុជា។

NBCបានឱ្យដឹងថា ក្រុមបេសកកម្ម IMF បានវាយតម្លៃខ្ពស់ពីវិធានការ ដែលរដ្ឋាភិបាលកម្ពុជា និងធនាគារជាតិនៃកម្ពុជាបានដាក់ចេញ ដោយបានឆ្លើយតបយ៉ាងឆាប់រហ័ស ទាន់ពេលវេលានិងសមស្រប ក្នុងការទប់ស្កាត់ការរីករាលដាលនៃជំងឺកូវីដ-១៩ នៅកម្ពុជា និងជួយគាំទ្រសកម្មភាពអាជីវកម្ម កាត់បន្ថយផលប៉ះពាល់ផ្នែកសេដ្ឋកិច្ច-សង្គ​ម ជាពិសេសមកលើប្រជាជនក្រីក្រ។

NBCបានឱ្យដឹងទៀតថា “រាជរដ្ឋាភិបាលបានបង្វែរទិសដៅ គោលនយោបាយសា​រពើពន្ធ ទៅរកផ្នែកអាទិភាពបានយ៉ាងល្អប្រសើរ ហើយធនាគារជាតិនៃកម្ពុជាបានកាត់បន្ថយប្រាក់បម្រុងកាតព្វកិច្ចយ៉ាងឆាប់រហ័ស និងបានចេញសេចក្តីណែនាំ ដើម្បីជួយស ម្រួ​លដល់ការរៀបចំឥណទានឡើងវិញ”។

ក្រុមបេសកកម្ម IMF បានយល់ឃើញស្របតាមការវាយតម្លៃ ពីស្ថានភាពប្រឈម ហានិភ័យ និងទស្សនវិស័យម៉ាក្រូសេដ្ឋកិច្ច របស់ក្រសួងសេដ្ឋកិច្ចនិងហិរញ្ញវត្ថុ និងធនា​គារជាតិនៃកម្ពុជា។

ចំពោះកម្ពុជា តម្រូវការខាងក្រៅមានភាពមិនច្បាស់លាស់ខ្លាំង ក៏ប៉ុន្តែក្រុមបេស​កកម្ម មានសុទិដ្ឋិនិយមចំពោះកំណើន ក្នុងវិស័យចម្បងៗរបស់សេដ្ឋកិច្ចកម្ពុជា ជាពិសេ​ស វិស័យកម្មន្តសាល ខណៈដែលវិស័យទេសចរណ៍នឹងងើបឡើងយឺត។

ក្រុមបេសកកម្ម លើកឡើងថា “វិស័យធនាគារនៅកម្ពុជាមានភាពរឹងមាំ ទោះជា​មានសម្ពាធ ដោយសារការធ្លាក់ចុះនៃសេដ្ឋកិច្ច នៅឆ្នាំ២០២០ក៏ដោយ ហើយរំពឹងថានឹងបន្តដើរតួនាទីយ៉ាងសំខាន់ ក្នុងការរក្សាស្ថិរភាពហិរញ្ញវត្ថុ និងរួមចំណែករក្សាស្ថិរភាពម៉ាក្រូសេដ្ឋកិច្ចនិងគាំទ្រកំណើន ក្នុងដំណាក់កាលស្តារសេដ្ឋកិច្ចក្រោយវិបត្តិ”។

ជាមួយគ្នានេះដែរ IMF បានផ្តល់អនុសាសន៍ដល់បណ្តាប្រទេសជាច្រើន ដោយបណ្តាប្រទេស ដែលទទួលរងផលប៉ះពាល់គួរ៖ ទី១) ផ្តល់អាទិភាពទៅលើបញ្ហាសុខភាពសាធារណៈ និងវិធានការការពារការរីករាលដាលនៃជំងឺកូវីដ-១៩ ទី២) ផ្តល់នូវគោលនយោបាយគាំទ្រគ្រប់គ្រាន់ ទាំងផ្នែកសារពើពន្ធនិងរូបិយវត្ថុ និងជៀសវាងការដកចេញនូវគោលនយោបាយគាំទ្រទាំងនេះលឿនពេក ទី៣) បន្តរក្សាស្ថិរភាពហិរញ្ញវត្ថុនិងតាមដានហានិភ័យនៃប្រព័ន្ធហិរញ្ញវត្ថុ និងទី៤) កែទម្រង់បញ្ហារចនាសម្ព័ន្ធដោយផ្តោតលើការកាត់បន្ថយផលប៉ះពាល់ និងជំរុញសក្តានុពលសម្រាប់កំណើនសេដ្ឋកិច្ច៕

ក្រុមហ៊ុនក្នុងស្រុកមួយបោះទុនជាង១០០លានដុល្លារអាមេរិកកសាងទីក្រុងមួយនៅខេត្តព្រះសីហនុ

ដោយ:គង់ សូរិយា

ព្រះសីហនុៈ ក្រុមហ៊ុនក្នុងស្រុកមួយ បានសម្រេចបោះទុនជាង១០០លានដុល្លារ ដើម្បីកសាងទីក្រុងរណបមួយនៅក្រុងព្រះសីហនុ ខណៈក្រុងព្រះសីហនុកំពុងមានភាពលេចធ្លោកាន់តែខ្លាំង ក្រោយពេលហេដ្ឋារចនាសម្ព័ន្ឋទូទាំងខេត្តជិតបញ្ចប់។

គំរោងទីក្រុងនេះមានទីតាំងស្ថិតក្នុងឃុំបិតត្រាង ស្រុកព្រៃនប់ ខេត្តព្រះសីហនុ ដែល​វិនិយោគដោយឈ្មោះ លន ស៊ី ធី ឡូតធឺសស៊ីថោន។

កម្មវិធីសម្ភោធបើកដំណើរការអភិវឌ្ឍន៍នេះ ធ្វើឡើងក្រោមអធិបតីភាពលោកគួច ចំរើន អភិបាល នៃគណៈអភិបាលខេត្តព្រះសីហនុ ដោយមានការអញ្ជើញចូលរួមជាកិត្តិយស ពីសំណាក់អ្នកឧកញ៉ា លី យ៉ុងផាត់ សមាជិកព្រឹទ្ធសភានិងអ្នកពាក់ព័ន្ឋមួយចំនួនទៀត។

លោកតុល លន ស្ថាបនិកក្រុមហ៊ុន លន ស៊ីធី ឡូតធឺសស៊ីថោន ក្រុងព្រះសីហនុ មានប្រសាសន៍ថា គម្រោងនេះនឹងអភិវឌ្ឍន៍លើផ្ទៃដីប្រមាណ៦៦ហិកតា ដែលមានការសាងសង់ជាលំនៅដ្ឋាន ផ្ទះល្វែង បុរី វីឡា សម្រាប់លក់ជូនអតិថិជន និងសាងសង់បន្ថែម នូវហេដ្ឋារចនាសម្ព័ន្ធផ្សេងៗទៀតរួមមាន សាលារៀន សួនច្បារ ស្ថានីយ៍ប្រេងឥន្ទនៈ អាហារដ្ឋាន និងកន្លែងហាត់ប្រាណជាដើម ដែលមានទុន​វិនិយោគ​​ជាង​១០០លាន​ដុល្លាអាមេរិក​។

ក្រុមហ៊ុនក៏បានគោរពថ្លែងអំណរគុណដល់ប្រមុខរាជរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន ដែលបានដឹកនាំប្រទេសជាតិ នាំមកនូវសុខសន្តិភាព បង្កឱកាសដល់ការវិនិយោគ និងការអភិវឌ្ឍន៍ប្រទេសជាតិ។

ចំណែកលោក រុណ រដ្ឋា នាយកប្រតិបត្តិគម្រោង លន ស៊ីធី ឡូតធឺសស៊ីថោនបានមានប្រសាសន៍ឲ្យដឹងថា ក្រុមហ៊ុននឹងសាងសង់នូវសំណង់លំនៅដ្ឋាន ផ្ទះវីឡា ព្រមទាំងហេដ្ឋារចនាសម្ពន្ធ័ផ្សេងៗ ដែលធានាគុណភាពស្តង់ដា តាមបទដ្ឋានវិស្វកម្ម និងស្ថាបត្យកម្ម ប្រកបសោភ័ណ្ឌភាព និងភាពស៊ីវិល័យសម័យថ្មី ដើម្បីផ្តល់ជូនអតិថិជន។

ជាមួយគ្នានេះ លោកគួច ចំរើនបានលើកឡើងថា ទោះបីជាប្រទេសកម្ពុជា និងពិភពលោកព្រួយបារម្ភចំពោះជម្ងឺកូវីដ-១៩ក្តី ប៉ុន្តែចំពោះការវិនិយោគលើវិស័យអចលនទ្រព្យ និងការសាងសង់សំណង់ផ្ទះល្វែង វីឡា បុរី លំនៅដ្ឋានក្នុងប្រទេសកម្ពុជា ក៏ដូចជាក្នុងខេត្តព្រះសីហនុ នៅតែមានសកម្មភាពជាបន្តបន្ទាប់ ស្របពេលដែលខេត្តព្រះសីហនុ គឺជាខេត្តតំបន់ឆ្នេរមួយមានការអភិវឌ្ឍន៍លើគ្រប់វិស័យ ទាំងហេដ្ឋារចនាសម្ព័ន្ធផ្លូវថ្នល់ ភ្លើងបំភ្លឺផ្លូវ និងសំណង់អាគារតូច ធំ ក្នុងក្រុងព្រះសីហនុ ក៏ដូចជាតាមតំបន់ទេសចរណ៍នានា ហើយមួយវិញទៀតខេត្តព្រះសីហនុ សំបូរទៅដោយរមណីយ៍ដ្ឋានទេសចរណ៍ ដើម្បីឱ្យភ្ញៀវមកទស្សនា និងលេងកំសាន្ត។

ជាមួយនឹងការគាំទ្រ លើកទឹកចិត្តចំពោះដំណើរការអភិវឌ្ឍន៍របស់ក្រុមហ៊ុន លន ស៊ីធី ក្នុងខេត្តព្រះសីហនុ លោកអភិបាលខេត្តព្រះសីហនុ ក៏បានណែនាំដល់ក្រុមហ៊ុនឲ្យយកចិត្តទុកដាក់ អនុវត្តន៍វិធានការ បង្ការទប់ស្កាត់ជំងឺកូវីដ-១៩ តាមគោលការណ៍របស់ក្រសួងសុខាភិបាលជាចាំបាច់ នៅក្នុងការដ្ឋានផ្ទាល់ ស្របពេលដែលវិធានការ បង្ការ ទប់ស្កាត់ជំងឺកូវីដ-១៩ កំពុងធ្វើឡើងគ្រប់ទីកន្លែង៕

 

សម្រស់ក្រុងព្រះសីហនុកំពុងទាក់ទាញចំណាប់អារម្មណ៍ទេសចរ និងវិនិយោគិនសាជាថ្មី

ដោយ ៖ រ៉ាណេត

ព្រះសីហនុ ៖ តាមរយៈហេដ្ឋារចនាសម្ព័ន្ធថ្មីដែលត្រូវបានបណ្តាក់ទុនវិនិយោគរាប់រយលានដុល្លារ ជាពិសេសការស្ដារ និងស្ថាបនាផ្លូវថ្នល់ដ៏ល្អស្អាតលើកដំបូងនៅកម្ពុជា បច្ចុប្បន្នក្រុងព្រះសីហនុបានឆក់យកចំណាប់អារម្មណ៍ទេសចរណ៍ជាតិ និងអន្តរជាតិ ក៏ដូចជាវិនិយោគិននានាឱ្យងាកទៅកាន់ខេត្តជាប់មាត់សមុទ្រមួយនេះសាជាថ្មី។

លោកជិន ស៊ីផុន ជាអាជីវករបើកផ្ទះសំណាក់ស្ថិតនៅសង្កាត់៤ ក្រុងព្រះសីហនុបានមានប្រសាសន៍ប្រាប់ឱ្យដឹងនៅរសៀលថ្ងៃទី២២ ខែកុម្ភៈ ឆ្នាំ២០២១នេះថា ក្រុងព្រះសីហនុបច្ចុប្បន្ននេះមិនដូចព្រះសីហនុកាលពី២-៣ឆ្នាំមុននោះទេ ពោលគឺសូម្បីតែប្រជាជនក្នុងខេត្តក៏មានមោទនភាពជាមួយនឹងការអភិវឌ្ឍលើវិស័យហេដ្ឋារចនាសម្ព័ន្ធនានា ជាពិសេសវត្តមានសំណង់អគារខ្ពស់ជាច្រើនទាំងនៅកណ្តាកក្រុង និងនៅក្បែរឆ្នេរសមុទ្រ បៀបដូចជានៅប្រទេសចិន ឬនៅក្រុងហុងកុងយ៉ាងដូច្នោះ។

លោកបញ្ជាក់ថា កាលពីមួយឆ្នាំមុនអ្នកក៏បង្ហាញពីភាពធុញទ្រាន់ នៅក្នុងក្រុងព្រះសីហដែរនុ ក្រៅពីស្ងប់ស្ងាត់មិនសូវមានមនុស្សដើរច្រើនដោយសារតែបាត់វត្តមានជនបរទេសក្រោយកើតមានកូវីដ ថែមទាំងធុញទ្រាន់នឹងអាកាសធាតុក្ដៅ ហុយដី ហើយសំណង់អគារភាគច្រើនមានតែការហ៊ុមព័ទ្ធដោយសំណាញ់ខៀវ ឬនៅជាកំបោរ មើលទៅគ្មានសោភ័ណភាពនោះទេ។ ប៉ុន្តែពេលនេះ មិនដូចមុនឡើយ ក្រៅពីមានផ្លូវថ្នល់ធំទូលាយ ស្អាត មានសោភ័ណភាពគួរជាទីទាក់ទាញ ថែមទាំងធ្វើឱ្យការរស់នៅរបស់ប្រជាជនក្នុងក្រុងមានភាពងាយស្រួល ទាំងការធ្វើដំណើរ ទាំងសុវត្ថិភាព ជាពិសេសពេលនេះទោះជាវត្តមានជនបរទេសមិនទាន់មានច្រើនដូចមុន ប៉ុន្តែមួយចំណែកធំត្រូវបានជំនួសដោយទេសចរក្នុងស្រុក ជាក់ស្ដែងដូចជាផ្ទះសំណាក់របស់ខ្ញុំកម្រនៅសល់បន្ទប់ទំនេរច្រើននោះទេ ហើយអាចទទួលបានកម្រៃគួរសម ព្រោះមួយបន្ទប់ជួលបាន៣០ដុល្លារសម្រាប់ការស្នាក់នៅមួយយប់។

លោកនង ឌីណារ៉ា ប្រធានការិយាល័យទំនាក់ទំនងសាធារណៈ និងពិធីការនៃរដ្ឋបាលខេត្តព្រះសីហនុ បានឱ្យដឹងនៅថ្ងៃចុងសប្ដាហ៍កន្លងទៅថ្មីៗនេះថា ចាប់តាំងពីដើមឆ្នាំ២០២១ បន្ទាប់ពីស្ថានភាពនៃជំងឺ Covid-19 មានភាពស្ងប់ស្ងាត់កំណើនទេសចរក្នុងស្រុកចាប់ផ្តើម មានកំណើនជាបន្តបន្ទាប់។

លោកបន្តថា “ក្រៅពីកំណើនទេសចរក្នុងស្រុក បច្ចុប្បន្ននេះក៏មានវត្តមានរបស់ទេសចរ និងវិនិយោគិនចិន វិលត្រឡប់មកកាន់ក្រុងព្រះសីហនុវិញដែរ ដែលក្នុងនោះភាគច្រើនជាវិនិយោគិនចាស់ បានមកបញ្ចប់គម្រោងរបស់ពួកគេ ដែលបានបន្សល់ទុកមុនពេលកើតមានវិបត្តិជំងឺរាតត្បាត”។

លោកបន្ថែមថា “ទាំងការវិលត្រឡប់របស់វិនិយោគិន និងទេសចរចិន បានជួយជំរុញឱ្យទីផ្សារជួលអាគារសម្រាប់ស្នាក់នៅ ក៏ដូចជាអាគារអាជីវកម្មដែលធ្លាប់ស្ងាប់ស្ងាត់នោះ ចាប់ផ្តើមមានតម្រូវការវិញបន្តិច។ វាក៏ជាសញ្ញាល្អមួយផ្នែកនៅក្នុងចំណោមផ្នែកដទៃទៀត នៃវិស័យអចលនទ្រព្យនៅក្នុងខេត្តព្រះសីហនុ ដែលនឹងងើបឡើងវិញផងដែរ”។

ជាមួយនឹងភាពល្អប្រសើរ និងការអភិវឌ្ឍហេដ្ឋារចនាសម្ព័ន្ធថ្មីៗជាប្រវត្តិសាស្ត្រនៅក្នុងក្រុងព្រះសីហនុនាពេលនេះ បើមិនមានការប្រែប្រួលនោះទេ ការប្រារព្វពិធីសម្ពោធដាក់ឱ្យដំណើរការជាផ្លូវការនូវហេដ្ឋារចនាសម្ព័ន្ធនៅទូទាំងក្រុងនឹងត្រូវធ្វើឡើងនៅថ្ងៃទី៩ ខែមេសា ឆ្នាំ២០២១ ពោលគឺត្រូវដាក់ឱ្យដំណើរការមុនបុណ្យចូលឆ្នាំខ្មែរខាងមុខនេះ ខណៈដែលនៅតាមតំបន់កម្សាន្តមាត់ឆ្នេរនានាត្រូវបានស្ថាបនាផ្លូវរួចរាល់ រួមជាមួយនឹងការរៀបចំសណ្ដាប់ធ្នាប់កន្លែងលក់អាហារដែលមានសុវត្ថិភាពថែមទៀតផង៕

គាំទ្រផលិតផលជាតិៈ SUN DOORពង្រីកផលិតផកម្ម និងឆ្លើយតបនឹងកំនើនតម្រូវការរបស់អ្នកអភិវឌ្ឍន៍

ដោយ:គង់ សូរិយា

កំពង់ស្ពឺៈ ក្រុមហ៊ុន SUN DOOR ផលិត និងផ្គត់ផ្គង់ពិដាន និងទ្វារ PVC នៅពេលបច្ចុប្បន្ន បាននិងកំពុងពង្រីកទីផ្សារកាន់តែទូលាយ លើផលិតផលខាងលើនេះ ពិសេស​ក្រុមហ៊ុនបានផ្តល់សេវាកម្មដំឡើងទ្វារ ពិដានដល់ម្ចាស់គំរោងលំនៅដ្ឋាននិងបុរីនានាប្រកបដោយភាពឆាប់រហ័ស និងមានសោភ័ណភាពខ្ពស់។

ជាផលិតផលផលិតក្នុងស្រុក ប៉ុន្តែប្រើប្រាស់បច្ចេកវិទ្យាមកពីបរទេស ក្រុមហ៊ុនផលិតទ្វារនិងពិដានSun Door PVC ម៉ាក SUNDOOR បាននិងកំពុងទទួលបានការគាំទ្រពីអ្នកវិនិយោគសំណង់លំនៅដ្ឋាន បុរី ខុនដូ និងអាផាតម៉ិននានាយ៉ាងច្រើន។

កម្ពុជានាពេលបច្ចុប្បន្ន ក្រុមហ៊ុនអភិវឌ្ឍន៍ជាច្រើនទទួលស្គាល់ និងជឿជាក់ទៅលើគុណភាព សោភ័ណភាព និងភាពទាក់ទាញយ៉ាងខ្លាំង សម្រាប់ការបំពាក់ដាក់បន្ទប់គេង ខុនដូ មន្ទីរពេទ្យ សាលារៀន វីឡា ផ្ទះល្វែង ដែលមានគុណភាពល្អ មិនរីករួម ស្រក អាចកម្មង់ទំហំទៅតាមតម្រូវការបែបទំនើបទាន់សម័យ។

អ្នកតំណាងក្រុមហ៊ុនSUNDOOR បានបញ្ជាក់ថា នៅក្នុងរយៈពេលដ៏ខ្លីនៃកិច្ចដំណើ​រការផ្គត់ផ្គង់ផលិតផល ក្នុងវិស័យសំណង់នៅកម្ពុជាកន្លងទៅនេះ ខ្សែសង្វាក់ផលិត​កម្មរបស់ក្រុមហ៊ុនបានប្រព្រឹត្តទៅយ៉ាងរលូន ខណៈដែលក្រុមហ៊ុនមានការតាំងចិត្តខ្ពស់ជាមួយនឹងការខិតខំប្រឹងប្រែង ក្នុងការជំនះនូវរាល់ឧបសគ្គដែលប្រឈម ហើយធ្វើការដោះស្រាយដោយសន្ដិវិធី ដើម្បីឈានទៅដល់ការគោលដៅ នៃភាពជោគជ័យយ៉ាងត្រចះត្រចង់។

គោលបំណងចម្បងរបស់ក្រុមហ៊ុនក្នុងរយៈពេលនេះ គឺចាំបាច់បំផុត ធ្វើគ្រប់មធ្យោ​បាយ ដើម្បីបំពេញនូវតម្រូវការរបស់អតិថិជន ធ្វើយ៉ាងណាពង្រីកវិសាលភាព និងចែកចាយនៅលើទីផ្សារគ្រប់បណ្តាខេត្តក្រុងនានា នៅទូទាំងប្រទេសកម្ពុជា ដោយការផ្តល់ជូននូវផលិតផលថ្មីៗ ប្រកបដោយគុណភាពខ្ពស់ទៅកាន់ទីផ្សារកម្ពុជា ដែលកំពុងមានកំនើនសេដ្ឋកិច្ច និងកាលានុវត្តភាពនៃវិស័យពាណិជ្ជកម្មនៅពេលបច្ចុប្បន្ន និងបន្តទៅថ្ងៃអនាគត។

ជាមួយគ្នានេះ ក្រុមហ៊ុនក៏មានបេសកកម្មពិសេស ដើម្បីធ្វើការផ្តល់ជូននូវសេវាកម្ម រួមជាមួយនឹងផលិតផលមានគុណភាព ប្រកបដោយក្រមសីលធម៌របស់បុគ្គលិកជំនាញ មានសមត្ថភាព និងចំណេះដឹងយ៉ាងពិតប្រាកដ ដើម្បីបំពេញសេចក្ដីត្រូវការរបស់អតិថិជនគោលដៅរបស់ខ្លួន ដែលក្នុងនោះរួមមានជាអាទិ៍ ៖ អតិថិជនដែលជាអ្នកប្រើប្រាស់ផ្ទាល់ អ្នកចែកចាយបន្ត ក៏ដូចជាចែកចាយទៅតាមបណ្តាទីផ្សារនៅទូទាំងប្រទេសទៅតាមតម្រូវការ។

សម្រាប់ព័ត៌មានលម្អិតសូមទាក់ទងតាមរយៈទូរស័ព្ទលេខ ៖ 077 555 554 / 077 783 168 / 087 783 168៕

វឌ្ឍនភាពៈលោកស៊ុន ចាន់ថុលចុះពិនិត្យផ្លូវ៣៨ខ្សែក្នុងខេត្តសៀមរាបខណៈការ​សាងសង់សម្រេបាន១៨ភាគរយ

ដោយ:គង់ សូរិយា

សៀមរាបៈ លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានចុះពិនិត្យស្ថានភាព នៃការស្ថាបនាផ្លូវ ប្រព័ន្ឋលូ ទាំង៣៨ខ្សែនៅក្រុងសៀមរាប ដែលរហូតមកទល់ពេលនេះ ការសាងសង់សម្រេចបាន១៨ភាគរយហើយ។

ការចុះពិនិត្យនេះធ្វើឡើងក្នុងគោលបំណងតាមដាន និងវាយតម្លៃបញ្ហាបច្ចេក​ទេ​សសាងសង់ ដើម្បីក្រើន រំលឹកឱ្យអង្គភាពសាងសង់ទាំងអស់អនុវត្តន៍ ឱ្យបានខ្ជាប់ខ្ជួនតាមបទដ្ឋានបច្ចេកទេស ប្រកបដោយការទទួលខុសត្រូវខ្ពស់ ក៏ដូចជា ដើម្បីពិនិត្យគុណភាពនៃការសាងសង់ប្រព័ន្ធលូបង្ហូរទឹកភ្លៀង និងប្រព័ន្ធលូទឹកកខ្វក់ ដែលអាចធានាបានគុណភាពល្អ អាចប្រើប្រាស់បានយូរអង្វែង កាត់បន្ថយការខ្ជះខ្ជាយថវិកាជាតិ និងខាតបង់ពេលវេលាផងដែរ។​ សុវត្ថិភាពចរាចរណ៍ និងសណ្តាប់ធ្នាប់ការដ្ឋាន​ ក៏ជាបញ្ហាដែលត្រូវបានយកចិត្តទុកដាក់ផងដែរ។

គម្រោងកែលម្អហេដ្ឋារចនាសម្ព័ន្ធផ្លូវក្នុងទីក្រុងសៀមរាប ខេត្តសៀមរាបចំនួន៣៨ ខ្សែនេះ មានប្រវែងសរុប១០៨,៧៤ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤០ លានដុល្លារអាមេរិក និងថវិកាប្រមាណជាង ៩លានដុល្លារអាមេរិកទៀត សម្រាប់ការងារចាំបាច់ក្នុងការរៀបចំស្ថាបនា ប្រព័ន្ធបង្ហូរទឹក ភ្លៀង និងទឹកកខ្វក់ដែលនៅក្រៅគម្រោងសាងសង់ខ្សែផ្លូវទាំង៣៨នេះ ដោយចំណាយពេលសាងសង់ចំនួន១៣ខែ គ្រោងនឹងបញ្ចប់នៅចុងឆ្នាំ២០២១។

គំរោងនេះ ត្រូវបានសម្ពោធបើកការដ្ឋានសាងសង់ កាលពីថ្ងៃទី៣០ ខែវិច្ឆិកា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាកាលពីពេលថ្មីៗកន្លងទៅនេះ។

គម្រោងនេះអនុវត្តដោយអង្គភាពសាងសង់ចំនួន០៨ រួមមាន៖ ១) កងវិស្វកម្មលេខ១៧៨ស្ពាន-ថ្នល់ នៃនាយកដ្ឋានវិស្វកម្ម ២) កងវិស្វកម្មសម្តេចតេជោ ខេត្តសៀមរាប ៣) កងវិស្វកម្មតេជោ ហ៊ុន សែន សៀមរាប ៤) អគ្គនាយកដ្ឋាន សាធារណការ ៥) អគ្គនាយកដ្ឋានប្រព័ន្ធចម្រោះទឹកកខ្វក់ ៦) នាយកដ្ឋាន គ្រឿងចក្រនិងស្ថាបនាផ្លូវ ៧) នាយកដ្ឋាន ជួសជុល និងថែទាំផ្លូវថ្នល់ និង ៨) មន្ទីរសាធារណការ និងដឹក ជញ្ជូន ខេត្តសៀមរាប ដើម្បី ពិនិត្យលើ លក្ខណៈបច្ចេកទេសសាងសង់ និងការអនុវត្តតាមលក្ខខណ្ឌតម្រូវ នៃស្តង់ដាបច្ចេកទេស ធានា បាននូវ គុណភាពជាប់រឹងមាំ ប្រើប្រាស់បានយូរអង្វែងតាមអាយុកាលមាន ប្រសិទ្ធភាពខ្ពស់ និងសម្រេចការងារឱ្យបានទាន់ពេលវេលា។

យោងតាមរបាយការណ៍របស់អគ្គនាយកដ្ឋានសាធារណការ និងដឹកជញ្ជូន វឌ្ឍន ភាពគម្រោងសាងសង់ហេដ្ឋារចនាសម្ព័ន្ធផ្លូវ ចំនួន៣៨ខ្សែនៅក្រុងសៀមរាប ខេត្តសៀម​រាប គិតត្រឹមថ្ងៃទី២០ ខែកុម្ភៈ ឆ្នាំ២០២១ សម្រេចលទ្ធផលការងារបាន១៨%ហើយ។

ក្រសួងសាធារណការ និងដឹកជញ្ជូន បានបង្កើតអគ្គនាយកដ្ឋានប្រព័ន្ធចម្រោះទឹក កខ្វក់ដែលដើរតួនាទីយ៉ាងសំខាន់ក្នុងការធ្វើឱ្យប្រសើរឡើងដល់ការគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្ម ទឹកកខ្វក់ ប្រកបដោយប្រសិទ្ធភាព តម្លាភាព និងគណនេយ្យភាព សំដៅធានាបាននូវសុវត្ថិភាព សុខ ភាពសាធារណៈ និងការអភិរក្សជីវចម្រុះ៕

រដ្ឋាភិបាលកម្ពុជាប្រកាសឱ្យបន្តផ្អាកអាជីវកម្ម KTV ក្លឹបកម្សាន្តជាថ្មី

ដោយៈគង់ សូរិយា

ភ្នំពេញៈ រដ្ឋាភិបាល ដែលមានក្រសួងទេសចរណ៍ជាសេនាធិការបានសម្រេចប្រកាសបន្តផ្អាកអាជីវកម្មKTV និងក្លឹបកំសាន្តនានាចំពេលកម្ពុជា កំពុងជួបការរីករាលដាលោះជំងឺកូវីដ១៩ចូលក្នុងសហគមន៍ជាលើកទី៣។

ក្រសួងទេសចរណ៍បានបង្ហាញព៌តមាននេះ លើបណ្តាញទំនាក់ទំនងសង្គមរបស់ខ្លួន ដោយបាននិងស្នើដល់រដ្ឋបាលរាជធានី- ខេត្តត្រួតពិនិត្យការងារនេះឱ្យបានជាប់ជាប្រចាំផងដែរ។

 

ការប្រកាសរបស់ក្រសួងទេសចរណ៍បានឲ្យដឹងផងដែរថា ដើម្បីបន្តយ៉ាងសកម្មក្នុងការចូលរួមបង្ការ និងទប់ស្កាត់ការឆ្លងរីករាលដាលនៃជំងឺកូវីដ១៩ ពិសេសព្រឹត្តិការណ៍សហគមន៍ ២០កុម្ភៈ នាថ្ងៃទី២១ ខែកុម្ភៈ ឆ្នាំ២០២១នេះ ក្រសួងទេសចរណ៍បានប្រកាសប្រាប់មូលដ្ឋានអាជីវកម្ម KTV ក្លឹបកម្សាន្ត (ខារ៉ាអូខេ រង្គសាល ឌីស្តូតែក និងបៀរហ្គាឌិន) ត្រូវបន្តការផ្អាកសកម្មភាពអាជីវកម្ម ឱ្យបានខ្ជាប់ខ្លួនរហូតដល់មានការសម្រេច និងសេច​ក្ដីជូនដំណឹងថ្មី។

ក្រសួងទេសចរណ៍ ក៏បានជម្រាបជូនគណៈអភិបាលរាជធានី- ខេត្តត្រូវបន្តជំរុញការបិទ និងត្រួតពិនិត្យមូលដ្ឋានអាជីវកម្ម KTV ក្លឹបកម្សាន្ត (ខារ៉ាអូខេ រង្គសាល ឌីស្កូតែក និងបៀរហ្គាឌិន) ទាំងនេះឱ្យបានម៉ឺងមាត់ជាប់ជាប្រចាំ ដោយអនុវត្តតាមការណែនាំរបស់រាជរដ្ឋាភិបាលឱ្យមានប្រសិទ្ធភាព៕

តើធនាគារ AIIB មានឥទ្ធិពលយ៉ាងដូចម្ដេចទៅលើសេដ្ឋកិច្ចនៅលើពិភពលោកនាពេលបច្ចុប្បន្ន?

ដោយៈសុខុម

ភ្នំពេញៈ ទាំងអស់គ្នាប្រាកដជាស្គាល់ច្បាស់នូវធនាគារដ៏ចំណាស់ និងដ៏មានឥទ្ធិពលបំផុត២ នៅក្នុងពិភពលោកនោះគឺធនាគារអភិវឌ្ឍន៍អាស៊ី (Asian Development Bank) ហៅកាត់ ADB និងធនាគារពិភពលោក (World Bank ឬ World Bank Group) ដ៏ល្បីល្បាញ ដែលតែងតែជួយផ្ដល់កម្ចីការប្រាក់ទាបដល់រដ្ឋាភិបាលប្រទេសនានាសម្រា​ប់យកទៅអភិវឌ្ឍប្រទេស។

ប៉ុន្តែប្រហែលជាមិនមានមនុស្សជាច្រើននៅឡើយទេ ដែលស្គាល់ធនាគារក្មេងខ្ចី AIIBដ៏មានឥទ្ធិពលរបស់ចិន។ AIIB មកពីពាក្យពេញថា Asian Infrastructure Investment Bank (ធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី)។ AIIB ជាធនាគារអភិវឌ្ឍន៍មួយ ដែលត្រូវបានបង្កើតឡើងក្នុងគោលបំណង ជួយជំរុញការអភិវឌ្ឍសេដ្ឋកិច្ច និងសង្គមនៅអាស៊ី។

ធនាគារដែលចិន បានស្នើបង្កើតឡើងក្នុងឆ្នាំ២០១៣មួយនេះ ពិតជាមានឥទ្ធិពលខ្លាំងណាស់ មកលើសេដ្ឋកិច្ចពិភពលោក ព្រោះបច្ចុប្បន្នធនាគារនេះ មានរហូតដល់ទៅ ១០៣ប្រទេសជាសមាជិក ព្រមទាំងប្រទេសចំនួន២១ទៀត ដែលអាចនឹងចូលសមាជិកអាចនឹងចូលថ្មីនៅពេលអនាគត។

ធនាគារនេះ បានចាប់ផ្ដើមបើកដំណើរការជាផ្លូវការនៅថ្ងៃទី១៦ មករា ឆ្នាំ២០១៦ ក្រោយកិច្ចព្រមព្រៀង បានចូលជាធរមាននៅថ្ងៃទី២៥ ធ្នូ ឆ្នាំ២០១៥ បន្ទាប់ពីទទួលបានការផ្ដល់សច្ចានុមតិ (អនុម័ត) ពីសមាជិកស្ថាបនិក១០ប្រទេស។

ក្រៅពីមានសមាជិករាប់រយប្រទេសគួរឱ្យភ្ញាក់ផ្អើល ធនាគារAIIB ក៏មានដើមទុនដំបូងរហូតដល់ទៅ១០០ ពាន់លានដុល្លារអាមេរិក ដែលស្មើនឹង២ ភាគ៣នៃដើមទុនសរុបរបស់ធនាគារADB ហើយស្មើប្រមាណពាក់កណ្ដាល នៃដើមទុនរស់ធនាគារពិភពលោកផងដែរ។

ធនាគារADB ដែលបង្កើតឡើងនៅថ្ងៃទី១៩ ខែធ្នូ ឆ្នាំ១៩៦៦ (៥៥ឆ្នាំមុន) មាន ៦៨ ប្រទេសជាសមាជិកគិតមកទល់បច្ចុប្បន្ន និងមានទីស្នាក់ការកណ្ដាលនៅប្រទេសហ្វីលីពីន។ ចំណែកឯធនាគារពិភពលោក ឬWorld Bank Group ដែលបង្កើតឡើងនៅខែកក្កដា ឆ្នាំ១៩៤៤ (៧៧ ឆ្នាំមុន) មានបុត្រសម្ព័ន្ធ២ ដាច់ដោយឡែកពីគ្នាគឺធនាគារ Bank for Reconstruction and Development (IBRD) ដែលមាន១៨៩ ប្រទេសជាសមាជិក និងស្ថាប័នហិរញ្ញវត្ថុ International Development Association (IDA) ដែលមាន ១៧៣ ប្រទេសជាសមាជិក។

មិនតែប៉ុណ្ណោះ ធនាគារAIIB ថែមទាំងទទួលបានចំណាត់ថ្នាក់ឥណទានខ្ពស់បំផុត ពីទីភ្នាក់ងារដាក់ចំណាត់ថ្នាក់ឥណទាន ធំបំផុតទាំង៣ក្នុងពិភពលោកទៀតផង។

តើកត្តាចម្បងអ្វី ដែលជួយជំរុញឱ្យធនាគារដ៏ក្មេងខ្ចីរបស់ចិនAIIB មានឥទ្ធិពលលឿនខ្លាំងបែបនេះ? ខណៈធនាគារADB និងធនាគារពិភពលោក ទាមទារលក្ខខណ្ឌតម្រូវចាំបាច់មួយចំនួនមុននឹងឱ្យខ្ចី ដូចជា ការរក្សាបានស្ថិរភាពនយោបាយ ការគោរពសិទ្ធិមនុស្ស និងការគោរពលទ្ធិប្រជាធិបតេយ្យជាដើមនោះ តែផ្ទុយទៅវិញធនាគារ AIIB មិនទាមទារលក្ខខណ្ឌអ្វីបែបនេះ។ និយាយរួមគឺធនាគារនេះ ផ្ដោតតែលើកិច្ចសហប្រតិបត្តិការល្អ និងការប្រាក់ប៉ុណ្ណោះ។

សន្ទុះនៃការគាំទ្រខ្លាំង បានជួយជំរុញឱ្យធនាធនាគារ ADB មានឥទ្ធិពលខ្លាំងមិនធម្មតានៅក្នុងពិភពលោក រហូតក្រុមអ្នកជំនាញមើលឃើញថា វាអាចជាគូប្រជែងនឹងធនា​គារពិភពលោក និងមូលនិធិរូបិយវត្ថុអន្តរជាតិIMF ដែលសុទ្ធតែមានមូលដ្ឋាននៅវ៉ាស៊ីនតោន ឌីស៊ី សហរដ្ឋអាមេរិកថែមទៀតផង៕

លោកបណ្ឌិតសុក ស៊ីផាន់ណាៈអ្នកជំនួញកម្ពុជាត្រូវតែមានមហិច្ឆតាធំដូចបណ្តាប្រទេសមហាអំណាច

ដោយៈ រ៉ាណេត

ភ្នំពេញៈ ថ្វីត្បិតកម្ពុជាគឺជាប្រទេសដែលតូច មានចំនួនប្រជាជនតិច និងជាប្រទេស ទើបតែចាកចេញពីភាពក្រីក្រយ៉ាងលឿនក្នុងរយៈពេលខ្លី ប៉ុន្តែប្រទេសនេះត្រូវតែមានមហិច្ឆតាបន្ថែមទៀត ដើម្បីអាចប្រែក្លាយទៅជាប្រទេស ដែលអភិវឌ្ឍដូចបណ្តាប្រទេសជិតខាង។ នេះបើតាមប្រសាសន៍លើកឡើងរបស់លោកបណ្ឌិតសុក ស៊ីផាន់ណាទីប្រឹក្សារាជរដ្ឋាភិបាលកម្ពុជា។

មានប្រសាសន៍នៅក្នុងពិធីប្រារព្វខួប១០ឆ្នាំរបស់CEO Master Club កាលពីឆ្នាំមុនលោកបណ្ឌិតសុក ស៊ីផាន់ណាបានមានប្រសាន៍ថា ដើម្បីជំរុញឱ្យកំណើនសេដ្ឋកិច្ចកម្ពុជាមានភាពរឹងមាំ និងអាចរក្សាបាននូវអត្រាកំណើនជាប់ជាប្រចាំ គឺចាំបាច់ណាស់ត្រូវមានការចូលរួមពីវិស័យឯកជន ព្រមទាំងបង្កើតមហិច្ឆតាឱ្យធំដូចបណ្តាប្រទេសជឿនលឿន និងមហាអំណាចសេដ្ឋកិច្ចដទៃទៀត។

លោកបណ្ឌិតបានបន្តទៀតថា “ប្រទេសមួយដែលរីកចម្រើនទៅបាន គឺទាល់តែមានចក្ខុវិស័យមួយច្បាស់លាស់ ហើយព្យាយាមបន្តអនុវត្តន៍ឱ្យមានប្រសិទ្ធភាព”។ លោកបានបន្តទៀតថា “កាលពី១០ឆ្នាំមុន កាលពីខ្ញុំទើបត្រឡប់មកពីប្រទេសស្វីស ខ្ញុំយល់ថាប្រទេសកម្ពុជា  ប្រៀបដូចជាកូនក្មេងតូចមួយ ដែលទើបតែចេះវារតែប៉ុណ្ណោះ បើប្រៀបទៅនឹងសេដ្ឋកិច្ចរបស់ប្រទេសជិតខាង ប៉ុន្តែពេលនេះវាដល់ពេលដែលយើងត្រូវតែមានមហិច្ឆតា ដែលអាចរត់ចេញទៅប្រណាំងជាមួយប្រទេសដទៃទៀត”។

លោកបានបន្តថា “ប្រទេសកម្ពុជា មានប្រជាជនត្រឹមប្រមាណ១៦លាននាក់ ប៉ុន្តែយើងមានវាសនាមួយត្រង់ថា ស្ថិតនៅក្នុងតំបន់សេដ្ឋកិច្ចសហគមន៍អាស៊ាន ដែលមានប្រជាជនសរុបជាង៦៥០លាននាក់ ដែលជាទីផ្សារមួយដ៏ធំ និងអាចផ្តល់ឱកាសដល់កម្ពុជាក្នុងទាញយកផលប្រយោជន៍បានយ៉ាងប្រសើរ”។លោកបន្តថា “ចង់ឬមិនចង់ គឺយើងត្រូវតែចាប់ផ្ដើមធ្វើ ដោយចាប់ផ្តើមចេញពីការប្រកួតប្រជែងនៅក្នុងស្រុកជាមុនសិន”។

លោកបណ្ឌិតបានបន្ថែមថា “ក្រោយពេលជោគជ័យនៅក្នុងស្រុក ត្រូវបន្តមហិច្ឆតាចេញទៅក្រៅស្រុក ដោយផ្តើមពីការប្រកួតប្រជែងជាមួយបណ្តាប្រទេសជិតខាង និងបន្តចេញទៅប្រទេសដែលស្ថិតនៅក្នុងតំបន់នានាក្នុងសាកលលោក”។

ទីប្រឹក្សារាជរដ្ឋាភិបាលកម្ពុជារូបនេះបានបន្តថា បន្ទាប់ពី១០ឆ្នាំកន្លងផុតទៅនោះ កម្ពុជាមិនមែនជាកូនក្មេងតូច ដែលទើបតែចេះដើរទៀតនោះទេ ប៉ុន្តែជាពេលវេលាដែលកម្ពុជាចាប់ផ្តើមពង្រឹងសមត្ថភាព និងធ្វើការប្រកួតប្រជែងនៅលើទីផ្សារអាស៊ានយ៉ាងពេញទំហឹង ជាមួយនឹងក្បួនខ្នាតត្រឹមត្រូវ រាល់ផលិតផលត្រូវមានស្តង់ដារកម្រិតអន្តរជាតិ ដូចជាភូគាមអនាម័យ ស្ដង់ការវិចខ្ជប់ និងស្ដង់ដារនៃការផលិត ដែលចាំបាច់ត្រូវតែមានអ្នកជំនាញ។

លោកបន្តថា “ការធ្វើជំនួញជាមួយអន្តរជាតិមិនត្រូវបានគិត និងយកចិត្តទុកដាក់ទៅលើមនោសញ្ចេតនានោះទេ ប៉ុន្តែត្រូវប្រាកដថារាល់ផលិតផល ដែលត្រូវបាននាំយកទៅកាន់ទីផ្សារមានគុណភាព តាមការកំណត់ត្រឹមត្រូវ ទើបអាចទទួលបានចំណែកទីផ្សារ ដែលស្របទៅនឹងមហិច្ឆតាដូចការគ្រោងទុក”៕

សម្ដេចតេជោ ៖ ទទូចអង្វរកសុំឱ្យប្រជាពលរដ្ឋបង្កើនការប្រុងប្រយ័ត្ន បើមិនចាំបាច់កុំចេញពីផ្ទះ

ដោយ ៖ រ៉ាណេត

ភ្នំពេញ ៖ ជាថ្មីម្ដងទៀត សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានចេញសារជាសំឡេងណែនាំដល់ប្រជាពលរដ្ឋនៅទូទាំងប្រទេស ជាពិសេស អ្នករស់នៅក្នុងរាជធានីភ្នំពេញត្រូវបង្កើនការប្រុងប្រយ័ត្នឱ្យបានខ្ពស់ពីជំងឺកូវី១៩ ពាក់ព័ន្ធទៅនឹងព្រឹត្តិការណ៍២០កុម្ភៈដែលទើបកើតមានក្នុងសហគមន៍នៅពេលបច្ចុប្បន្ន។

តាមរយៈសារជាសម្លេងរបស់សម្ដេចតេជោ ហ៊ុន សែន នៅថ្ងៃទី២២ ខែកុម្ភៈ ឆ្នាំ២០២១នេះបានបញ្ជាក់ថា សូមឱ្យប្រជាជននៅទីក្រុងភ្នំពេញមានការប្រុងប្រយ័ត្ន ហើយបើគ្មានការចាំបាច់សូមកុំទាន់ចេញពីផ្ទះ ព្រោះសភាពការណ៍ឥឡូវនេះកំពុងមានភាពស្មុគស្មាញ និងកំពុងរាវរក និងបន្តតាមដាន។

សម្ដេចតេជោបានមានប្រសាសន៍បញ្ជាក់ថា “ពិតមែនតែយើងពីចំណុចក្លិប N8 និងកន្លែងរស់នៅមួយចំនួន តំបន់មួយចំនួនត្រូវបានបិទ ក៏ប៉ុន្តែចរាចរណ៍មនុស្សដែលចេញពីតំបន់ទាំងនេះ តើចេញទៅទីកន្លែងណាខ្លះ យើងកំពុងរុករក ចឹងប្រសិនបើសម្រាកនៅនឹងផ្ទះបានក៏ជាការល្អ ខ្ញុំអង្វរ-ក- ខ្ញុំសុំឱ្យបន្តអនុវត្តនូវវិធានការ ៣ការពារ និង៣កុំនេះឱ្យបានល្អ”។

គិតត្រឹមព្រឹកថ្ងៃទី២២ ខែកុម្ភៈ ឆ្នាំ២០២១ កំណើននៃអ្នកឆ្លងជំងឺកូវីដ១៩ និងកំពុងសម្រាកព្យាបាលមានចំនួន៩៣នាក់នៅទូទាំងប្រទេស ដែលក្នុងនោះមាន៣១នាក់ថ្មីបន្ថែមទៀតជាករណីឆ្លងចូលសហគមន៍ក្នុងព្រឹត្តិការណ៍២០កុម្ភៈ និងមានការបិទទីតាំពាក់ព័ន្ធចំនួន២៣កន្លែង។

ក្រសួងសុខាភិបាល សូមធ្វើការអំពាវនាវដល់បងប្អូនប្រជា ពលរដ្ឋទាំងអស់សហការសាមគ្គីភាពគ្នា ជួយគ្នាទៅវិញទៅមក ចូលរួមអនុវត្តន៍ដោយម៉ឺងម៉ាត់នូវការដាក់ចេញនូវវិធានការសុខាភិបាល។ រហូតមកដល់ថ្ងៃទី២២ ខែកុម្ភៈនេះ ទីតាំងចំនួន២៣កន្លែង ត្រូវបានបិទបន្ទាប់ពីរកឃើញអ្នកឆ្លងកូវីដ១៩ ចេញចូលទីនោះ។

ទីតាំងទាំងនោះរួមមាន៖ ក្លិប N8 សង្កាត់ទួលស្វាយព្រៃ, Casa By Meridian កោះពេជ្រ, Le Gong Guan Hotel សង្កាត់ផ្សារថ្មីទី៣, City Confort សង្កាត់បឹងព្រលឹត, The Bridge សង្កាត់ទន្លេបាសាក់, The Point Service Apartemt សង្កាត់ផ្សារដើមគរ, Mekong Street សង្កាត់ជ្រោយចង្វារ, Pent House Apartment សង្កាត់ទន្លេបាសាក់, Skyline Dumex សង្កាត់មិត្តភាព, Somet Condoninium សង្កាត់វាលវង់, Residence L Olymic សង្កាត់អូឡាំពិច, Prince Plazza Centre សង្កាត់ទន្លេបាសាក់, Celests Skybar សង្កាត់ទន្លេបាសាក់, Diamond Twin កោះពេជ្រ, Junzun ខារ៉ាអូខេមុខព្រលានយន្តហោះ, ក្លិបCoco សណ្ឋាគារកណ្តាលសួនច្បារ សង្កាត់ចតុមុខ, Juhoa មុខហាងឆ្នេរមាស សង្កាត់ទន្លេបាសាក់, ហាង The World សង្កាត់បឹងត្របែក, ហាងវ័នមែនសិន សង្កាត់បឹងត្របែក, ក្លិប ១៦៨ អតីតនគរសំរិទ្ធ កែងវត្តមហាមន្ត្រី សង្កាត់អូឡាំពិច, Love ក្រោយអ៉ិធូ សង្កាត់បឹងរាំង, វិទ្យាល័យហ៊ុនសែន ភ្នំពេញថ្មី សង្កាត់ភ្នំពេញថ្មី និងសាលា SIS សង្កាត់ផ្សារដើមគរ។

ក្រសួងបន្តអំពាវនាវឱ្យបុគ្គលដែលធ្លាប់បានចេញចូលទីតាំងខាងលើ ពីថ្ងៃទី៦ ដល់ថ្ងៃទី២០ ខែកុម្ភៈ ឆ្នាំ២០២១ ឬបុគ្គលពាក់ព័ន្ធ ទៅនឹងព្រឹត្តិការណ៍ ឬដឹងថាខ្លួនជាអ្នកប៉ះពាល់ជាមួយអ្នកមានវីរុសកូវីដ-១៩ ត្រូវមានភាពស្មោះត្រង់ មិនលាក់លៀម និងស្ម័គ្រចិត្តមកធ្វើតេស្តរកមេរោគកូវីដ-១៩ នៅរៀងរាល់ម៉ោងធ្វើការ សូមអញ្ជើញមកធ្វើតេស្តយកវត្ថុ សំណាកដើម្បីវិភាគរកវីរុសកូវីដ-១៩ នៅមណ្ឌលសុខភាពចាក់អង្រែនៃរាជធានីភ្នំពេញ ហើយដាក់ខ្លួននៅដាច់ដោយឡែកពីក្រុមគ្រួសារធ្វើចត្តាឡីស័កចំនួន ១៤ថ្ងៃនៅតាមផ្ទះរៀងៗខ្លួន ព្រមទាំងធ្វើការតាមដានសុខភាពជារៀងរាល់ថ្ងៃ៕

លំនៅឋានប្រណីតក្នុងបុរី គីម ស័ង តម្លៃជាង ១០ម៉ឺនដុល្លារកំពុងទទួលបានការគាំទ្រយ៉ាងលើសលប់

ដោយ ៖ រ៉ាណេត

ភ្នំពេញ ៖ លំនៅឋានបែបទំនើបទាន់សម័យ និងប្រណីតភាពក្នុងបុរី គីម ស័ង ជិតស្ថានីយ៍ទូរទស្សន៍ហង្សមាស ដែលមានតម្លៃត្រឹមជាង១០ម៉ឺនដុល្លារ កំពុងទទួលបានការចាប់អារម្មណ៍គាំទ្រយ៉ាងច្រើនពីសំណាក់អតិថិជន ខណៈដែលលក្ខខណ្ឌនៃការបង់ប្រាក់ក៏កាន់តែងាយស្រួល និងគ្មានការប្រាក់។

ជាមួយនឹងការទទួលបានការគាំទ្រយ៉ាងលើសលប់ពីសំណាក់អតិថិជននៅពេលនេះ បុរី គីមស័ង ស្ថិតនៅផ្លូវលេខ១១៤ (ផ្លូវស្រាបៀរថៃហ្គ័រ) ខណ្ឌច្បារអំពៅ រាជធានីភ្នំពេញ ដែលកំពុងសាងសង់យ៉ាងមមាញឹក ដើម្បីផ្គត់ផ្គង់នៅលើទីផ្សារបានផ្តល់ជូននូវកម្មវធីពិសេសមិនធ្លាប់មាន ដូចជាទិញដោយបង់រំលោះសុទ្ធ១០០ភាគរយ ដោយគ្មានការប្រាក់ និងគ្មានប្រាក់កក់រហូតដល់ផ្ទះសង់រួច ។

បន្ថែមពីលើនេះ នៅមានការផ្តល់ជូននូវសម្ភារៈប្រើប្រាស់ក្នុងផ្ទះយ៉ាងច្រើនសន្ធឹកសន្ធាប់រហូតដល់៧ប្រភេទដែលត្រូវបានរៀបចំ និងបំពាក់នៅក្នុងលំឋានរួចជាស្រេច ដូចជា ទូតាំងសម្ភារៈក្នុងផ្ទះ, ទូតាំងទូរទស្សន៍, ទូចង្ក្រានលើ-ក្រោម, ម៉ាស៊ីនបឺតផ្សែង រួមជាមួយនឹងទូកញ្ចក់ងូតទឹកក្នុងបន្ទប់ទឹកផងដែរ ។

បច្ចុប្បន្ន ចាប់ពីចំណុចស្តុបបំបែកចេញពីផ្លូវជាតិលេខ១ ដែលស្ថិតនៅសងខាងផ្លូវ១១៤ (ផ្លូវស្រាបៀរថៃហ្គ័រ) នេះ ភាគច្រើនមានសំណង់ផ្ទះវីឡាធំៗ និងគម្រោងសាងសង់បណ្តុំលំនៅឋានជាច្រើន ហើយក្នុងនោះក៏មានសំណង់បុរីដែលកំពុងអភិវឌ្ឍន៍លំនៅឋានជាច្រើនដោយពីមួយឆ្នាំទៅមួយឆ្នាំតម្លៃអចលនទ្រព្យនៅតំបន់នេះមានការកើនឡើងជាបន្តបន្ទាប់។

នៅតំបន់នេះមានលក្ខខណ្ឌល្អជាច្រើនដែលអំណោយផលដល់ការរស់នៅ ព្រោះផ្លូវ១១៤ បានប្រែក្លាយជាផ្លូវសេដ្ឋកិច្ចយ៉ាងប្រសើរ។ ជាមួយគ្នានេះ បុរី គីមស័ង ដែលស្ថិតនៅផ្លូវ១១៤ គឺមានភាពងាយស្រួលធ្វើដំណើរ ដោយគ្រាន់តែចំណាយពេលជាង១០នាទីទៅកាន់ផ្សារច្បារអំពៅ ឬធ្វើដំណើរតាមក្រុងតាខ្មៅចំណាយពេលជាង១០នាទីដូចគ្នាឆ្លងតាមស្ពានព្រែកសំរោងដល់ក្រុងតាខ្មៅ ឬអាចបន្តឆ្ពោះទៅផ្លូវ៦០ម៉ែត្រ ទៅដល់ផ្សារទំនើបអ៊ីអនម៉ល៣ និងផ្សារទំនើបធំៗផ្សេងៗទៀតហើយក៏ងាយស្រួលចេញទៅតាមបណ្តាខេត្តផ្សេងៗផងដែរ។

សូមអញ្ជើញចូលទស្សនាផ្ទះគំរូពិត និងទទួលយកព័ត៌មានលម្អិតបន្ថែម។ សូមទំនាក់ទំនងមកកាន់លេខ ៖ 078 915 999 / 086 915 999