ដោយ ហ្សូលី

ភ្នំពេញ៖ មូលនិធិរូបិយវត្ថុអន្តរជាតិ (IMF) បានបង្ហាញជំហររបស់ខ្លួនក្នុងការត្រៀមជួយដល់កម្ពុជាសម្រាប់ការស្តារសេដ្ឋកិច្ចឡើងវិញ នៅពេលវិបត្តិជំងឺ Covid-19 បញ្ចប់ការរីករាលដាល។ នេះបើតាមឱ្យដឹងពីលោក Yasuhisa Ojima តំណាងមូលនិធិរូបិយវត្ថុអន្តរជាតិ IMF ប្រចាំប្រទេសកម្ពុជា។

មូលនិធិរូបិយវត្ថុកម្ពុជា IMF ត្រៀមខ្លួនរួចជាស្រេចចំពោះការចូលរួមចំណែកស្តារសេដ្ឋកិច្ចកម្ពុជា ស្របពេលពិភពលោករួមទាំងកម្ពុជាកំពុងប្រឈមនឹងវិបត្តិនៃការធ្លាក់ចុះសេដ្ឋកិច្ច។ នេះបើតាមអនុសាសន៍របស់លោក Yasuhisa ក្នុងឱកាសជំនួបពិភាក្សាការងារ និងសម្តែងការគួរសមជាមួយលោក ជា ចាន់តូ ទេសាភិបាលធនាគារជាតិ កាលពីថ្ងៃទី ២៣ ខែកញ្ញា ឆ្នាំ ២០២០ កន្លងទៅនេះ។

IMF នឹងដើរតួនាទីសហការនិងផ្តល់អនុសាសន៍ សម្រាប់ដំណើរការស្តារសេដ្ឋកិច្ចរបស់កម្ពុជាដែលកំពុងងើបឡើងវិញជាបណ្តើរៗ។

លោក Yasuhida កោតសរសើរចំពោះប្រសិទ្ធភាព នៃការបង្ការការឆ្លងជំងឺកូវីដ១៩ ទូទាំងប្រទេសកម្ពុជារបស់រាជរដ្ឋាភិបាល និងបង្ហាញការគាំទ្រគោលនយោបាយរបស់រាជរដ្ឋាភិបាល និងធនាគារជាតិនៃកម្ពុជា ក្នុងការគាំទ្រសកម្មភាពសេដ្ឋកិច្ចក្នុងដំណាក់កាលនេះ ស្របពេលដែលប្រទេសនានាលើពិភពលោក កំពុងប្រឈមនឹងការធ្លាក់ចុះសេដ្ឋកិច្ចនិងការរីករាលដាលនៃជំងឺកូវីដ១៩។

លោក ជា ចាន់តូ បានប្រាប់តំណាង IMF ពីស្ថានភាពម៉ាក្រូសេដ្ឋកិច្ច និងវិស័យធនាគារកម្ពុជាក្នុងរយៈពេល ៨ខែ ដើមឆ្នាំ២០២០នេះថា អតិផរណាបន្តរក្សាបានក្នុងកម្រិតទាបប្រមាណ៣% ជាមួយនឹងស្ថិរភាពល្អនៃអត្រាប្តូរប្រាក់។ ទុនបម្រុងអន្តរជាតិបន្តកើនឡើង និងមានកម្រិតស្មើនឹង១០ខែនៃការនាំចូលទំនិញនិងសេវា។

លោកបន្តថា ចំពោះប្រព័ន្ធធនាគារវិញ គឺមានភាពរឹងមាំ និងបានរួមចំណែកយ៉ាងសកម្មក្នុងការគាំទ្រសកម្មភាពសេដ្ឋកិច្ចនិងជួយបន្ធូរបន្ថយការលំបាករបស់វិស័យនានា និងប្រជាជនដែលទទួលរងផលប៉ះពាល់ពីឥទ្ធិពលនៃការរីករាលដាលពីជំងឺកូវីដ១៩ ស្របតាមគោលនយោបាយរបស់រាជរដ្ឋាភិបាលកម្ពុជា៕

ដោយ៖ ប៊ី
អន្តរជាតិ៖ ការងើបឡើងវិញនៃសេដ្ឋកិច្ចសហរដ្ឋអាមេរិកនឹងថយចុះជាងការភ័យខ្លាចក្នុងអំឡុងបីខែចុងក្រោយនៃឆ្នាំនេះ ដោយសារនឹងមិនផ្តល់ជំនួយបន្ថែមទៀតទេ។ នេះបើយោងតាមការលើកឡើងរបស់ធនាគារអាមេរិក Goldman Sachs។

ធនាគារ Wall Street បានទម្លាក់ការព្យាករណ៍កំណើនផលិតសរុបក្នុងស្រុកនៅត្រីមាសទី ៤ របស់ខ្លួននៅពាក់ មកនៅត្រឹម ៣ ភាគរយនៅលើមូលដ្ឋានប្រចាំឆ្នាំ ដោយសារបញ្ហាជាប់គាំងនៅវ៉ាស៊ីនតោន។
ការណ៍នេះនឹងសម្គាល់ការធ្លាក់ចុះយ៉ាងខ្លាំងពីកំណើនឡើងនៃសេដ្ឋកិច្ច ដែលសេដ្ឋវិទូកំពុងព្យាករណ៍សម្រាប់ត្រីមាសទី ៣ នៅពេលដែលធនាគារ Goldman រំពឹងថាផលិតផលក្នុងស្រុកសរុបរបស់អាមេរិកនឹងកើនឡើងក្នុងអត្រាប្រចាំឆ្នាំ ៣៥ ភាគរយ។

សេដ្ឋវិទូរបស់ធនាគារ Goldman Sachs បានសរសេរនៅក្នុងកំណត់សម្គាល់មួយទៅកាន់អតិថិជនថា “នៅត្រង់ចំណុចនេះ យើងគិតថា វាច្បាស់ណាស់ថា សភានឹងមិនអនុម័ត កញ្ចប់ថវិកាជំរុញសេដ្ឋកិច្ចបន្ថែមនៅក្នុងខែនេះទេ។ ឥឡូវនេះយើងគិតថា បញ្ចប់ថវិកាជំរុញសេដ្ឋកិច្ចបន្ថែមទៀតនឹងរង់ចាំរហូតដល់ដើមឆ្នាំ ២០២១”។

នោះជាបញ្ហាធំ ព្រោះសេដ្ឋកិច្ចបានស្រែករកជំនួយបន្ថែម។ ឧទាហរណ៍ ជនជាតិអាមេរិកចំនួន ៨៧០,០០០ នាក់ផ្សេងទៀតបានដាក់ពាក្យសុំអត្ថប្រយោជន៍គ្មានការងារធ្វើជាលើកដំបូងកាលពីសប្តាហ៍មុន ដែលជាកម្រិតមួយខ្ពស់ជាងមុន ៤ ដង មុនពេលមានជំងឺរាតត្បាតនេះ។

លោក Austan Goolsbee អតីតទីប្រឹក្សាសេដ្ឋកិច្ចរបស់ប្រធានាធិបតីអូបាម៉ាបាននិយាយថា “វាជារឿងឆ្កួត ដែល យើង បន្ថែមមនុស្សថ្មីជាង ៨០០,០០០ នាក់ទៅក្នុងចំនួនអ្នកអត់ការងារធ្វើ ហើយយើងមិនបាននិយាយអំពីការស្វែងរកជំនួយ ឬការជួយសង្គ្រោះដល់ប្រជាជនទាំងនេះទេ”។

ដូចគ្នានឹង Wall Street ដែរ ក្រុមហ៊ុន Goldman Sachs បានសន្មត់ថា នឹងមានទឹកប្រាក់ ១ ទី្រលានដុល្លារនៃកញ្ចប់ថវិកាជំរុញសេដ្ឋកិច្ច ដើម្បីជំរុញការងើបឡើងវិញ។ ទោះយ៉ាងណាក៏ដោយ អ្នកតាក់តែងច្បាប់មិនអាចឈានដល់កិច្ចព្រមព្រៀងលើទំហំ និងសមាសភាពនៃកញ្ចប់ស្តារឡើងវិញទេ។

ក្រុមហ៊ុន Goldman Sachs បាននិយាយថា ការខកខានមិនទទួលបានកិច្ចព្រមព្រៀងកញ្ចប់ជំរុញសេដ្ឋកិច្ចនឹងបង្កឱ្យមានផលប៉ះពាល់ដល់ប្រាក់ចំណូល នៅត្រីមាសទីបួន ដែលបណ្តាលឱ្យវាធ្លាក់ចុះដល់កម្រិត មុនពេលជំងឺរាតត្បាត៕ CNN

ដោយវុត្ថា

ភ្នំពេញ៖ ក្រុមហ៊ុនធំៗចំនួន៦របស់សហរដ្ឋអាមេរិករួមមានក្រុមហ៊ុនConoco Phillips ក្រុមហ៊ុនAmazon ក្រុមហ៊ុនFord ក្រុមហ៊ុនBell Textron ក្រុមហ៊ុនVisa និងក្រុមហ៊ុនPernod Ricard បានបង្ហាញពីបំណងក្នុងការពង្រីកវិសាលភាព នៃការវិនិយោគរបស់ខ្លួននៅកម្ពុជាឱ្យបានខ្លាំងក្លាថែមទៀតទាំងលើវិស័យឧស្សាហកម្ម បច្ចេកវិទ្យា គ្រឿង យន្ត និងសេវាកម្មហិរញ្ញវត្ថុ និងក្រុមហ៊ុនផលិតនូវផលិតផល ប្រើប្រាស់ប្រចាំថ្ងៃ។

នេះ បើយោងតាមកិច្ចពិភាក្សាការងារជាមួយគណៈប្រតិភូក្រុមប្រឹក្សាធុរកិច្ចសហរដ្ឋអាមេរិក អាស៊ាន តាមប្រព័ន្ធសន្និសីទវីដេអូ ពីទីស្ដីការក្រសួងមហាផ្ទៃនៅព្រឹកថ្ងៃទី២៥ ខែកញ្ញា ឆ្នាំ២០២០នេះរវាង សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ។

សម្ដេចក្រឡាហោម ស ខេង បានសម្ដែងការគាំទ្រចំពោះវត្តមាន និងការចង់ពង្រីកវិសាលភាពរបស់ក្រុមហ៊ុន ដោយសម្ដេច បានបន្ថែមថារាជរដ្ឋាភិបាលកម្ពុជា និងក្រសួងមហាផ្ទៃ បាន និងកំពុងខិតខំប្រឹងប្រែងរៀបចំទាំងលើទិដ្ឋភាពគោលនយោ បាយច្បាប់ បទដ្ឋានគតិយុត្តិ ក៏ដូចជាការដាក់ចេញយន្តការអនុវត្តជាក់ស្ដែង ជាពិសេសយន្តការពង្រឹងការអនុវត្តច្បាប់ដើម្បីធ្វើយ៉ាងណាធានាឱ្យបាននូវកត្តាសន្តិសុខដែលជាកត្តាគន្លឹះក្នុងការបង្កលក្ខណ្ឌអំណោយផលសម្រាប់ការទាក់ទាញការវិនិយោគមកពីក្រៅប្រទេស រួមទាំងសហរដ្ឋអាមេរិកឱ្យកាន់តែខ្លាំងក្លា រួមចំណែករក្សាលំនឹងសេដ្ឋកិច្ចនៅក្នុងស្ថានភាពនៃការរីករាលដាលជំងឺកូវីដ១៩។

សម្ដេចក្រឡាហោម ស ខេង ឧបនាយករដ្ឋមន្រ្តី ក៏បានថ្លែងអំណរគុណដល់ក្រុមហ៊ុនធំៗរបស់សហរដ្ឋអាមេរិកដែលមានកិច្ចសហប្រតិបត្តិការល្អជាមួយអង្គភាពចំណុះក្រសួងមហាផ្ទៃកម្ពុជា ក្នុងការពង្រឹងការងារមួយចំនួន រួមមានការអនុវត្តច្បាប់ចរាចរណ៍ផ្លូវគោក ការងារប្រយុទ្ធប្រឆាំងផលិតផលក្លែងក្លាយ ដោយសម្ដេចបានលើកទឹកចិត្តឱ្យបន្តកិច្ចសហប្រតិបត្តិការដ៏ល្អប្រសើរនេះបន្ថែមទៀត ជាប្រយោជន៍សម្រាប់ជាតិ និងប្រជាជននៃប្រទេសទាំងពីរ។

សម្តេចបានបញ្ជាក់ថា ទោះបីជាស្ថិតក្នុងស្ថានភាពជំងឺកូវីដ១៩ក្ដី ប៉ុន្តែវាពិតជាមាន ភាពចាំបាច់ណាស់ដែលកម្ពុជា អាមេរិក និងកម្ពុជា អាស៊ាន ត្រូវតែបន្តកិច្ចសហប្រតិបត្តិការជិតស្និតជាមួយគ្នា លើវិស័យសំខាន់ៗ ដូចជាសន្តិសុខ ពាណិជ្ជកម្ម សុខាភិបាល ហិរញ្ញវត្ថុ និងបច្ចេកវិទ្យាជាដើម៕

ដោយ ៖ វុត្ថា

សៀមរាប ៖ រដ្ឋបាលខេត្តសៀមរាប បានសម្រេចទុករយៈពេល ១០ ថ្ងៃឱ្យពលរដ្ឋរុះរើសំណង់រំលោភលើដីផ្លូវ ដីចំណីផ្លូវ អូរ ប្រឡាយ និងដីចំណីស្ទឹងសៀមរាបសម្រាប់ការអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ នៅក្នុងក្រុងសៀមរាប ខេត្តសៀមរាប។

យោងតាមសេចក្តីជូនដំណឹងរបស់រដ្ឋបាលខេត្តសៀមរាបដែលបានផ្សព្វផ្សាយនៅថ្ងៃទី២៥ ខែកញ្ញា ឆ្នាំ២០២០នេះ ឱ្យដឹងថា ក្នុងគោលបំណងឱ្យការស្ថាបនាហេដ្ឋារចនាសម្ព័ន្ធផ្លូវទាំង ៣៨ខ្សែ អាចប្រព្រឹត្តទៅបានដោយរលូន និងសម្រេចតាមផែនការ រដ្ឋបាលខេត្ត សូមជូនដំណឹងដល់បងប្អូនប្រជាពលរដ្ឋសហការរុះរើសំណង់របស់ខ្លួនដោយខ្លួនឯង ក្នុងរយៈពេល ១០ ថ្ងៃ គិតចាប់ពីថ្ងៃទី២៣ ខែកញ្ញា ឆ្នាំ២០២០ ដល់ថ្ងៃទី០២ ខែតុលា ឆ្នាំ២០២០ ជាកំហិត ហើយមន្ត្រីជំនាញនឹងចុះសហការវាស់វែងជូនបងប្អូនប្រជាពលរដ្ឋចាប់ពីពេលចេញសេចក្តីជូនដំណឹងនេះ។

សេចក្តីជូនដំណឹងដដែលបញ្ជាក់ថា ក្នុងករណីពុំបានរុះរើតាមការកំណត់ រដ្ឋបាលខេត្តនឹងចាត់វិធានការរុះរើតាមនីតិវិធី និងច្បាប់ជាធរមានដោយមិនទទួលខុសត្រូវរាល់ការខូចខាត និងបាត់បង់ទ្រព្យសម្បត្តិរបស់បងប្អូនប្រជាពលរដ្ឋឡើយ ។

ជាមួយគ្នានេះ រដ្ឋបាលខេត្ត ក៏ដូចជាគណៈកម្មការអន្តរក្រសួងសូមថ្លែងអំណរគុណចំពោះរាល់ស្មារតីចូលរួម ដើម្បីអនុវត្តការស្ថាបនាហេដ្ឋារចនាសម្ព័ន្ធផ្លូវទាំង ៣៨ខ្សែ ឱ្យប្រព្រឹត្តទៅបានរលូនស្របតាមផែនការ និងទាន់ពេលវេលា។

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការអន្តរក្រសួង ដើម្បីពិភាក្សា និងអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវនៅខេត្តសៀមរាប បានចេញផែនការពន្លឿនការងាររៀបចំស្ថាបនាផ្លូវ៣៨ខ្សែដែល សម្តេច ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានប្រកាសបញ្ចេញកញ្ចប់ថវិកាជាតិចំនួន១៥០លានដុល្លារសម្រាប់ស្ថាបនានេះឲ្យបានលឿនជាទីបំផុត

សម្តេចថ្លែងថា “ផ្លូវដែលបានកំណត់ហើយនោះ គឺមានបញ្ហាមួយចំនួនដែលត្រូវចាត់វិធានការដោះស្រាយឲ្យបានលឿន ហើយប្រជាពលរដ្ឋទៅសង់សំណង់លើដីផ្លូវ ដែលត្រូវអាជ្ញាធរធ្វើការជូនដំណឹងទៅដល់ពួកគាត់ឲ្យធ្វើការរុះរើចេញ ឲ្យបានឆាប់ផងដែរ ។

សម្តេចបន្ថែមថា “រាល់ផលប៉ះពាល់ដីរបស់បងប្អូនក្នុងការស្ថាបនាផ្លូវនេះ គឺបងប្អូនបានធ្វើកិច្ចសន្យាជាមួយអាជ្ញាធរហើយ ដែលមានភ្ជាប់ខ្លឹមសារនៅប័ណ្ណកម្មសិទ្ធិដីធ្លីដែលបងប្អូនបានកាន់កាប់នោះ ដែលជា ឯកសារមួយដ៏ត្រឹមត្រូវដែលរដ្ឋបានផ្តល់ជូន” ។

សម្តេចក៏បានស្នើឲ្យប្រជាពលរដ្ឋដែលបានសាងសង់សំណង់នៅលើដីផ្លូវរបស់រដ្ឋ គឺត្រូវប្រញាប់រុះរើឲ្យបានលឿនយ៉ាងយូររយៈពេល១៥ថ្ងៃ ទៅតាមការព្រមព្រៀងក្នុងដំណាក់កាលនីតិវិធីចុះបញ្ជីដីធ្លីលក្ខណៈជាប្រព័ន្ធថា នៅពេលរដ្ឋត្រូវការធ្វើផ្លូវពួកគាត់ និងរុះរើចេញដោយខ្លួនឯង។

ទន្ទឹមនឹងនេះ សម្តេចក៏បានបញ្ជាក់ទៀតថា បើសិនជាគ្មានការប្រែប្រួលទេនោះ ផ្លូវទាំង៣៨ខ្សែនេះ និង ត្រូវបើកការដ្ឋានស្ថាបនាជាផ្លូវការដោយ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី១៦ខែវិច្ឆិកាឆ្នាំ២០២០ខាងមុខនេះ៕

វាអាចត្រូវបានគេមើលឃើញថាការកកើតឡើងនៃបច្ចេកវិទ្យា blockchain ជាការសម្គាល់នូវការផ្លាស់ប្តូរ និងការកែប្រែពិភពលោក។ នេះត្រូវបានគេចាត់ទុកថាជាផ្នែកមួយនៃបច្ចេកវិទ្យានៃសង្គមនាពេលអនាគត ជាពិសេសនៅពេលអ៊ិនធឺណេតនិងបច្ចេកវិទ្យា 4.0 កាន់តែរីកចម្រើន។ ដោយគ្របដណ្តប់គ្រប់វិស័យពីហិរញ្ញវត្ថុ សុខភាព ប្រព័ន្ធផ្សព្វផ្សាយ ការគ្រប់គ្រង និងវិស័យផ្សេងៗជាច្រើនទៀត។ ហើយការអនុវត្តរបស់វាមានការប្រសើរឡើងជារៀងរាល់ថ្ងៃ។

ហើយផ្សារហ៊ុនឌីជីថលដោយប្រើបច្ចេកវិទ្យា Blockchain គឺជាសមិទ្ធិផលឆ្នើមក្នុងការជួយផ្លាស់ប្តូរពិភពលោក។

Blockchain កើតឡើងយ៉ាងដូចម្ដេច?

Blockchain ដំបូងត្រូវបានបង្កើតនិងរចនាដោយ Satoshi Nakamoto ក្នុងឆ្នាំ ២០០៨ ហើយបានក្លាយជាផលិតផលនៅឆ្នាំបន្ទាប់ដូចជាផ្នែកសំខាន់នៃ Bitcoin ព្រោះបច្ចេកវិទ្យា Blockchain ដើរតួជាសៀវភៅដឹកនាំសម្រាប់ការធ្វើប្រតិបត្តិការទាំងអស់។តាមរយៈការប្រើប្រាស់បណ្តាញកម្រិតដូចគ្នា និងប្រព័ន្ធទិន្នន័យបែងចែកកម្រិតថ្នាក់ Bitcoin Blockchain ត្រូវបានគ្រប់គ្រងដោយស្វ័យប្រវត្តិ។

ការបង្កើត Blockchain សម្រាប់ Bitcoin ធ្វើឱ្យវាក្លាយជារូបិយប័ណ្ណឌីជីថលដំបូងគេដែលដោះស្រាយបញ្ហានៃការចំណាយទ្វេដង(ក្លែងបន្លំការចំណាយ ដោយចំនួនប្រាក់ប្រើប្រាស់២ដង)។ បច្ចេកវិទ្យារបស់ Bitcoinនេះ បានក្លាយជាប្រភពបំផុសឱ្យមានការបង្កើតកម្មវិធីផ្សេងៗ។ ផ្សារហ៊ុនឌីជីថលគឺជាឧទាហរណ៍ជាក់ស្ដែង ក្នុងនោះមាន Wefinex គឺជាការបង្ហាញយ៉ាងច្បាស់។

តើផ្សារហ៊ុនBlockchain មានអត្ថប្រយោជន៍អ្វីខ្លះ?

បច្ចេកវិទ្យា blockchain ជាមួយនឹងការកើនឡើងនៃ Bitcoin បានដាក់នូវការរំពឹងទុកជាច្រើនសម្រាប់ការទូទាត់និងប្រតិបត្តិការជាមួយនឹងរូបិយប័ណ្ណអេឡិចត្រូនិក។ វិធីសាស្ត្រប្រតិបត្តិការនេះនឹងសន្សំបានទាំងពេលវេលានិងថវិកា។ លើសពីនេះទៅទៀតការទូទាត់តាមអេឡិចត្រូនិកដោយបច្ចេកវិទ្យា blockchain បានបង្កើតធនាគារអេឡិចត្រូនិក ដែលក្នុងនោះភាគីទាំងពីរត្រូវបានផ្លាស់ប្តូរដោយផ្ទាល់ដោយមិនចាំបាច់ឆ្លងកាត់ភាគីទីបីណាមួយឡើយ។

សន្សំបានទាំងពេលវេលានិងការចំណាយ

ខុសប្លែកជាមួយនឹងផ្សារមូលប័ត្រ មាស ឬforex ដោយអ្នកប្រើប្រាស់ត្រូវដំណើរការព័ត៌មាននិងឯកសារពាក់ព័ន្ធជាច្រើនរាល់ពេលដែលពួកគេសម្រេចចិត្តធ្វើប្រតិបត្តិការ។ ជាមួយនឹងផ្សារហ៊ុនឌីជីថល បច្ចេកវិទ្យា Blockchain បង្ហា្ថញថា Wefinex​ នឹងដោះស្រាយរាល់នីតិវិធីទាំងអស់ដោយស្វ័យប្រវត្តិ ពន្លឿនប្រតិបត្តិការរបស់អ្នកប្រើប្រាស់។ នៅលើ Wefinex អ្នកប្រើប្រាស់មិនត្រឹមតែអាចធ្វើប្រតិបត្តិការជាច្រើនក្នុងរយៈពេលខ្លីប៉ុណ្ណោះទេ ប៉ុន្តែថែមទាំងអាចរកលុយបានយ៉ាងឆាប់រហ័សផងដែរ។

ផ្សារហ៊ុនគួរឱ្យទុកចិត្តនិងគុណភាព

ផ្សារហ៊ុនឌីជីថលដោយអនុវត្តបច្ចេកវិទ្យា blockchain មិនត្រឹមតែជួយសន្សំពេលវេលាអ្នកប្រើប្រាស់ក្នុងការធ្វើប្រតិបត្តិការប៉ុណ្ណោះទេ ប៉ុន្តែថែមទាំងអនុញ្ញាតឱ្យអ្នកប្រើប្រាស់ថ្មីរៀនពីប្រវត្តិប្រតិបត្តិការរបស់អ្នកប្រើប្រាស់ផ្សេងទៀតផងដែរ ដោយសារការចែករំលែកទិន្នន័យ។ Wefinex គឺជាផ្សារហ៊ុនបច្ចេកវិទ្យា blockchain ដំបូងបង្អស់ដែលចាប់ផ្តើមដំណើរការមុខងារនេះដើម្បីចម្លងប្រវត្តិប្រតិបត្តិការ។

លក្ខណៈពិសេសថ្មីរបស់ Wefinex ជួយអ្នកប្រើប្រាស់ថ្មីឱ្យរៀនពីរបៀបធ្វើប្រតិបត្តិការរបស់វិនិយោគិននៅលើផ្សារហ៊ុន តាមរយៈនេះពួកគេឆាប់យល់ដឹងពីបំរែបំរួលនៃទីផ្សារនិងអនុវត្តវិធីសាស្ត្រធ្វើប្រតិបត្តិការផ្ទាល់ខ្លួនដើម្បីបង្កើនភាគរយជោគជ័យដល់ខ្លួន។

មិនត្រឹមតែប៉ុណ្ណោះ Wefinex ក៏បានបង្កើតកិច្ចសន្យាឆ្លាតវៃលើ Blockchain ដោយជួយឱ្យអ្នកប្រើប្រាស់អាចគ្រប់គ្រងទ្រព្យសម្បត្តិរបស់ពួកគេប្រកបដោយតម្លាភាព បង្កើតទំនុកចិត្តដាច់ខាតសម្រាប់អ្នកប្រើប្រាស់នៅពេលប្រតិបត្តិការនៅលើ Wefinex ។

ផ្សារហ៊ុនអនុញ្ញាតឱ្យអ្នកប្រើប្រាស់សាកល្បងមុនការធ្វើប្រតិបត្តិការជាផ្លូវការដែលនេះមិនត្រឹមតែជួយឱ្យពួកគេស្គាល់ពីដំណើរការរបស់ផ្សារហ៊ុនប៉ុណ្ណោះទេប៉ុន្តែថែមទាំងជួយពួកគេឱ្យបង្កើនឱកាសឈ្នះនៅក្នុងការធ្វើប្រតិបត្តិការផ្លូវការរបស់ពួកគេផងដែរ។

នេះចាត់ទុកថាជាមធ្យោបាយបង្កើតទំនុកចិត្តរបស់ផ្សារហ៊ុនជាមួយអ្នកប្រើប្រាស់។ អនុវត្តវិធីនេះ Wefinex អនុញ្ញាតិឱ្យអ្នកប្រើប្រាស់ ធ្វើប្រតិបត្តិការសាកល្បងគ្មានដែនកំណត់។

ជាមួយនឹងគោលការណ៍នេះអ្នកប្រើអាចសាកល្បងឧបករណ៍ប្រតិបត្តិការជំនាញទាំងអស់នៅលើផ្សារហ៊ុនបច្ចេកវិទ្យា blockchain Wefinex ។ នៅពេលធ្វើប្រតិបត្តិការសាកល្បង អ្នកប្រើប្រាស់មិនត្រឹមតែបានអនុវត្តសមត្ថភាពវិភាគពីការបំរែបំរួលរបស់ទីផ្សារប៉ុននោះទេ ថែមទាំងបានរៀនពីវិធីសម្រេចចិត្តបានឆាប់រហ័ស ប៉ុន្តែត្រឹមត្រូវបំផុត។

ដើម្បីយល់កាន់តែច្បាស់ពីគោលការណ៍ និងចាប់ផ្ដើមអនុវត្តការធ្វើប្រតិបត្តិការលើ Wefinex អ្នកអាចចូលទៅកាន់គេហទំព័រ៖ https://wefinex.net/ Tel: 0712344457/ 016754133 ឬ Page Facebook WefinexCambodia

ដោយវុត្ថា

ភ្នំពេញ៖ ក្រុមហ៊ុន vCargo Cloud Pte Ltd (VCC) របស់ប្រទេសសិង្ហបុរីកំពុងពិភាក្សាជាមួយដៃគូរបស់ខ្លួននៅក្នុងប្រទេសម៉ាឡេស៊ីដោយបង្កើតកម្មវិធី GUUD technology ក្នុងការពង្រីកអាជីវកម្មបច្ចេកវិទ្យាឌីជីថលមកកាន់កម្ពុជាបន្ថែម ដើម្បីជំរុញអាជីវកម្មខ្នាតតូចនឹងធម្យមកាន់តែប្រសើរឡើង។

តាមការចុះផ្សាយរបស់សាព័ត៌មានម៉ាឡេស៊ីកាលពីពេលថ្មីៗ ឱ្យដឹងថា កម្មវិធី GUUD បង្កើតឡើងនៅក្នុងគោលបំណង ដើម្បីសម្រួលដំណើរការពាណិជ្ជកម្មដែលមានភាពស្មុគស្មាញនៅទូទាំងពិភពលោក និងដើម្បីជំរុញឱ្យមានប្រសិទ្ធិភាពនិងការរួមបញ្ចូលកាន់តែប្រសើរឡើងនៅក្នុងពិភពឌីជីថលជាពិសេសសម្រាប់សហគ្រាសខ្នាតតូចនិងមធ្យម (MSMEs) ។

លោក Desmond Tay នាយកប្រតិបត្តិផ្នែករដ្ឋបាលនៃក្រុមហ៊ុន GUUD បានឱ្យដឹងថា ការពិភាក្សានេះផ្តោតលើការពង្រីកអាជីវកម្មបន្ថែមទៅកាន់ប្រទេសដែលមានសក្តានុពលពាណិជ្ជកម្មឌីជីថលដូចជាប្រទេសសិង្ហបុរី ម៉ាឡេស៊ី ថៃ និងកម្ពុជា។

លោកថ្លែងថា “យើងបានពិភាក្សាជាមួយក្រុមហ៊ុនដៃគូវិនិយោគរបស់យើង ដើម្បីពិនិត្យមើលលើការពង្រីកពាណិជ្ជកម្មទាំងមូល។ ឱកាសជាច្រើនដែលយើងងអាចធ្វើសកម្មភាពពាណិជ្ជកម្មបាន នៅក្នុងប្រទេសតំបន់អាស៊ីអាគ្នេយ៍ព្រោះតំបន់នេះកំពង់សកម្មភាពរស់រវើក។

លោកបន្ថែមថាក្រុមហ៊ុនបច្ចុប្បន្នមានវត្តមាននៅក្នុងប្រទេសចំនួន ១៦ រួមមានប្រទេសសិង្ហបុរី ឥណ្ឌូណេស៊ី កម្ពុជា ចិន និងកេនយ៉ា។ ក្រុមហ៊ុនគ្រោងនឹងពង្រីកទីតាំងរបស់ខ្លួនបន្ថែមទៀតនៅក្នុងបណ្តាប្រទេសអាស៊ីអាគ្នេយ៍ផ្សេងទៀតរួមមានប្រទេសម៉ាឡេស៊ី មីយ៉ាន់ម៉ា ថៃ និងវៀតណាមក៏ដូចជា ៧ ទៅ ៨ ប្រទេសនៅទ្វីបអាហ្វ្រិកផងដែរ៕